من أكون - الفصل 32 - بقلم أسماء صلاح - مكتملة | روايتك

قالت و هي تعقد ساعديها موافقة بس بشرط واحد بس -اي هو -تكون انت اول راجل تلمسني نظر لها جاسر بدهشة و قال: -انتِ بتقولي اي؟ مستحيل يحصل -دا شرطي الوحيد و القرار يرجعلك في الأخر نظر لها جاسر باندهاش و قال بصرامة: -ميرال بلاش تهبلي، لأن انا مستحيل اعمل كدا انا بطلب منك تتجوزي صاحبي -و انا مليش حق اختار انا عايزة اي؟ تنهد جاسر فهو لا يريد أن يضايقها بالحديث و قال: -ميرال لو سمحتي بلاش تفتحي حوارات ملهاش لازمه، انا مش هقبل بكدا -و انا مش هتجوز عادل -على فكرة انا بفكر في مصلحتك و عايز ابعدك عن الحوارات و انتِ عايزة توديني في داهية -ما هو انت كمان غريب، يعني انا اي اللي يخليني اتجوز عادل و بعدين انا خلاص رجلي جات في الحوار و مش فارق معايا. تنهد جاسر و قال: -نامي و اعملي حساب أنك هتروحي المستشفى عشان... قطعته ميرال و قالت: -انا عندي ضعف في عضلة القلب يا جاسر و المجهود عموما غلط عليا بس عادي الموضوع من زمان و انا كنت ماشيه على الدوا و كدا. -و فين الدوا دا؟ -بطلت اخده عشان كنت محبوسة في المستشفى و ساعات كنت بنسى يعني -تمام، هخلي الدكتورة تكتبلك دوا، بس روحي نامي دلوقتي ابتسمت ميرال و قالت بحزن: -اهتمامك زيادة اوي لدرجة اني حاسه انك هطلع عكس ما انا متوقعة في حاجات كتير اوي، كل تصرفاتك غريبة و مش مفهومة. نظر إليها و قال: -عادي يا ميرال بس اكيد انا مش حقير اوي لدرجة اني هغدر بحد كان مستعد يضحي بحياته عشاني -و عشان كدا بتطلب مني اتجوز عادل؟ -لمصلحتك، ميرال انت لحد دلوقتي متعرفيش عني حاجه مش يمكن اطلع زي الزفت في الاخر -قلبي بيقولي انك كويس تنهد جاسر و رتب عليها قائلا: -و انا اتمنى ميجيش اليوم اللي تكرهي في قلبك. خرج جاسر من الغرفة و جلست ميرال على الفراش، تفكر في جملته و هبطت الدموع من عيناها و بعد ذلك ذهبت في النوم، اما عن جاسر فلم ينام طول الليل و ظل مستيقظا، خرجت ميرال من الغرفة فوجدته مرتدي ملابسه -رايح الشغل؟ -ايوه و بلاش تخرجي و لو في حاجه كلميني تنهدت ميرال و اومأت براسها و ذهبت من امامه لتدلف إلى المطبخ ذهب جاسر إلى عمله و قضى يومه في المستشفى و كان يعمل بكل جدية لكي لا يفكر في شئ. فتحت ميرال الباب و قالت: -عادل؟ دلف عادل إلى الداخل و قال: -قولت اجي عشان نتكلم مع بعض شوية -اتفضل جلسوا معا فبدا عادل كلامه قائلا: -ميرال انا عارف ان جاسر كلمك في الموضوع و متأكد انك مش موافقة تنهد ميرال و قالت بحرج: -عادل انا... قطعها عادل و قال: -من حقك يا ميرال ترفضي انا نفسي مكنتش مقتنع بكلام جاسر في الأول و كنت شايف انه بيقول اي كلام -و بعد كدا؟ -و بعد كدا عادي لاني عندي مشاعر من ناحيتك و مش هنخسر حاجه لو جربنا اهو انتي تعرفي ترجعي تعيشي حياتك و انا اخد فرصتي معاكي نظرت له ميرال و قالت: -عادل بس انا مش رافضة عشانك انا مش عايزة ادخل في علاقة اكون ملزمة فيها -اوعدك انك مش هتكوني ملزمة باي حاجه، و خدي وقتك في التفكير تنهدت ميرال و قالت بتردد: -و جاسر؟.. -عارف انك بتحبي بس ممكن تقدري تنسي و بعدين لو هو عايزاك هيقول و بعدين انتي ممكن تيجي تقعدي عندي لحد ما نفكر هنعمل اي و انا هروح اقعد عند فارس ابتسمت ميرال بامتنان و قالت: -لا شكرا يا عادل انا همشي من هنا و هروح اقعد عن صاحبتي -طيب اللي يريحك دخل جاسر إلى المنزل و كانت هي تتحدث مع عادل باندماج و يشاهدان الفيلم باهتمام كانت ميرال تضحك على إحدى المشاهد، تنحنح جاسر و قال: -انت هنا من امتى يا عادل. انتبهوا إلى قدومه و رد عادل مبتسما من بدري نظر جاسر إلى ميرال بضيق و حدة و قال: -طيب، انا هدخل اغير و انام استغرب عادل من طريقته و قال: -طيب انا همشي و انتي يا ميرال شوفي هتعملي اي و قوليلي -حاضر كان جاسر يراقب حديثهم على مضض فمن الواضح أن يوجد بينهم حوار، و غادر عادل. اتجهت لتذهب وراه و طرقت باب غرفته قبل أن تدخل و دلفت عندما أذن لها، عندما دخلت وجدته يعلق ثيابه في الخزانة و يرتدي سروال قطني فقط فقالت بتوتر: -جاسر انا قررت اني همشي من هنا بس قولت اقولك الأول جاسر بغضب: -طب كويس انك افتكرتني قطبت حاجبيها في دهشة و قالت بحزن: -طيب، بعد اذنك أمسك معصمها بعنف و ادارها اليه و قال: -مش هتبطلي مياسة و قلة أدب. عقدت ميرال حاجبيها بتعجب و قالت: -انا عملت اي اصلا؟ و بعدين انت عامل فيها ولي أمري ليه؟ جاسر بنرفزة: -في حاجه اسمها اصول، لكن عندك معدومة قاعدة تضحكي و تهزري و انتي قاعدة مع واحد غريب عنك في شقة واحدة. -و الأصول دي بتقولك تيجي تزعقلي و تحاسبني على حاجه متخصكش و بعدين انا خالص بدأت استلطف عادل و عشان ارجع لحياتي من تاني و اعمل بنصيحتك. نظر إليها بضيق فقالت ببرود: -و بما اني هفكر في عادل فأنا قررت امشي من هنا و عندك حق مينفعش اقعد مع حد غريب لوحدنا ابتلع ريقه و كتم غيظه و قال بضيق: -و أي كمان و بعدين انتي مش هتمشي من هنا و لا مقررة تروحي فين؟ لاحظت ميرال ما يلمح اليه و قالت: -حاجه ملكش فيها بس انا مش رايحه عنده -مش هتمشي من هنا و ادخلي نامي نظرت له ميرال بغضب و قالت بجدية: -جاسر انا ح... سحبها اليه و حاوط خصرها فارتبكت و نظرت اليه بدهشة، رفع يده ليضعها على وجهها و اقترب من شفتيها ليقبلها، ارتفعت نبضات قلبها و ابتعدت عنه و قالت: -جاسر -مش انتي قولتي شرطك و انا موافق.