اكتب الشعر لعيونك باعذب الحانه * مميزه * - ❴🔢❵☟الــبـــــ❴9️⃣9️⃣❵ـــــــارت☟ - مكتملة

❴🔢❵☟الــبـــــ❴9️⃣9️⃣❵ـــــــارت☟

ضحك بخفوت وهو يعدل جلسته ويأشر على خشمه ؛ ما طلبت شيء يا بن راجح ! ومن أنتهى صد عبد العزيز بضيق ، صوته مليان حزن وغبنة وضيق ، وبعد كل حرف يقول تباان الدمعة من عيونه ، قسى الزمن كثير عليهم ، ولا يدرون ليه الزمن يقسى على الاجوديّن ؟ قال سند وهو يناظر عبد العزيز : ياويل حالي على حالنا ياعز ! ما اقول غير ‏"جعل يسقى يوم قلوبنا على الدنيا طروب ما تغشاها الحسايّف ولا أحدٍ بها درى ، الحين العبرة بعيوننا تبان على بعد امتار وانا اخوك ضحك بضيقة وهو ياخذ فنجال الشاهي ويشربه بهدوء : بتنتهي هالعبّرات ، وبتتبدل هالمشاعر مصير هالشيء يتغير سكت للحظات وقال وهو يلعب بطرف الفنجال : تمنيتها حلالٍ لي ونسلى في خلا السالين وطفل أحلامنا معنا يسلينا ويسعدنا ياعز تنهد بضيق ومسح على وجهه ، وسند أبتسم بآسى : خلني آرثيها وآرثي قلبي لآخر مرة ! تراها ‏كانت معي مثل النصيب يحدِّني من كل صوب كانت دروبي من متاهات الظِلل.. لظلالها ، " كانت هروبي لا حسيت إني بحاجة للهروب كانت سماي إللي ليا ضاقت علي ألجأ لها غمض عيونه بتعب وفتحها وهو يناظر لشبّة النار وسند أردف وقال : وأنت علمني عتابك لها ، من دريت إنها راحت وما أنتظرت وأنا المح الحزن بعيونك ، ماعادها بنظرات خذلان بس ! أخذ نفس وزفره بضيق : تجمعت الدنيا عليّ ، وكسرتني من بين ضلوعي يا سند ! لا اخ ولا حبيب والله ما بقى لي بالدنيا غيرك انت ! ضحك وغمز له وكأنه يبي يغير الجو : وسعد ؟ حك لحيته وتنهد : مجهول للحين ، ماعد صرت أثق بأحد دونك أبتسم وهو يهز رأسه وعبد العزيز تنهد وقال وهو يشبك يدينه ببعض ، ويلعب بطرف خاتمه : ولا عندي الا عتب واحد ، عليها هي ، مهب بس لانها راحت وتركت وراها وعود .. لأن خطر ببالها فكرة الرحيل دون وداع دون ما تلتفت لشخص كان يظن إنه وطنها يا سند تنهد وهو يبتسم بضِيق ؛ قل لي ! أمانه كيف تنساني ؟ وانا من ليلة التوديع الين الحين احس إيدها بإيديني !!! نزل عيونه وهو يشرب الشاهي ويناظر للقمرا : أحلامنا ما كانت كبيره ياعز ، لكن يشهد الله إنها راحت مراح الكبيرة ! سكت ثم التفت لعبد العزيز اللي تغيرت نظرته من إنكسار لشموخ وهيبة مثل اللي ماصابه الهم أبد .. نظرة صقر شامخة متعاليّة .. ولا كأن بصدره مليون طعنة .. مثل ما تعود عليه مُهيب وشامخ ولا هو بأي شيء يقدر يهزه وإن ظن إن الخذلان تمكن منه ؟ فهو مخطي ماهو بعز اللي يطيح بسبب شعور صابه وإن فرض وطااح يقوم وكأنه مثل الجبل الراسي وكأنه ما أنهار أبد ! قال وهو يطقطق أصابعه ببعض ، ويبتسم ويناظره بنظرة الشموخ : اسمعني يا بن فياض احيطك علم بأن العِشره اللي صابها قل تقدير نكسي لها ثوب الفراق يحشمها وما مِن خلاف ! لنا كفوف تودع ، ما لنا كفوف تنادي ! رمش بهدوء ثم رفع حاجب وقال وهو يركز عيونه على شبّة النار ؛ وانتبه تطيح وتركع للفِراق ترى حنا نصلي على الموتى بليّا ركوع يا سند بليّا ركوع سكت سند ثم أبتسم لرجوعه لعز اللي يعرفه ثم قال : الله الله ، وعلى إثر ذلك بغيت أقولك عن موضوع ! يهمك قد ماهو يهمني عقد حواجبه وقال : اسلم ! نزل فنجال الشاهي : بعد إسبوع ، متوكل على الله لبرى الديرة ! زادت حيرته وقال بتشديد : وليه !! تترك الخسوف لأجل .. هز رأسه بلا وهو يقاطعه : بن فياض يبي يخلي فياض يعتز به ياعز ، وهمي كبير ، كبير يشهد الله وثقيل على الخسوف حمله ، ماهو بقادر على حمله الا الموج ! سكت عبد العزيز وسند أبتسم وقال وهو يربت على كف عبد العزيز بهدوء ؛ راجع على دفة السفينة يا عز ، راجع وعلى رأسي قبعة القبطان ! راجع وهمومي صفر ورأسي مرتاح وبالي رايق ! وهذا صار حلمي من هاللحظة ابتسم عبد العزيز لكلامه ، ولتخطيطه لحياته دون ما يكون فيها آسى على حاله وقال : كفو ، أشهد إنك بتبقى كفو طول عمرك ! وهذا التفكير اللي ابيه ! ودامك قلت اللي بخاطرك أجل اسمعني ، أنت والقمرا تشهدون على حلمي هالليلة سند أبتسم بحماس وعدل جلسته : اسلم ! عبد العزيز وقف وهو يرفع رأسه ناِحية القمر ويدينه بجيبه وهو بجيبه يتذكر ان حلف ليغير الديرة لأجل ما تطير حمامة ثانية منها ولأجل ما تخيب آمال وتموت أحلام بسبب الخسوف ! : نـذر علي لاتصير الخسوف دِيرة يقصدها اهل الشرق والشمال عشان يحققون أحلامهم ، يشهد الله يا سند لأغيرها لأجل تصير دِيرة يتمنى من تدوس رجله على أراضيها إنه يصير واحد من رجالها ، ليصير إسمها ديرة التبِختار والسيّادة والغطرسة أبتسم ثم أردف وقال والله ما أخل ولا أخلف بعهدي ! ووعـد الحر ديـــن ياســـند !