💥البارت الثامن 💥
حبايبي الغالين عاملين ايه النهاردة سبتكم الحلقه اللي فاتت على اعتراف العشاق اللي مقدروش يخبو اللي في قلوبهم اكتر من كده بس زي ماحنا عارفين لازم يطلع حد متنيل على عينه في اي قصه حب طيب ماتيجي نشوف
في صبح اليوم التاني على الفطار
هشام: صباح النور يا جماعه....امال عشق فين... لسه منزلتش
كيان بابتسامه : بتسأل ليه ... هو وجودها على الفطار يهمك في حاجه وكملت بخبث...ولا بتفتح نفسك على الفطار
قاطع كلامها دخول عشق
عشق بضحكه رقيقه....صباح الخير يا خلود صباح الخير يا كوكي
هشام بابتسامه خبيثه....مفيش صباح الخير يا اتش
كيان بكسوف من نظراته ... صباح النور
بصو كيان وخالد لبعض وهما مش فاهمين حاجه
خالد بيوجه كلامو لهشام....قولي يا هشام ايه التطورات الاخيرة لعشق مفضلش على البارت الاول من المسابقه غير اسبوعين
هشام: عشق بتتعلم بسرعه وده مسهل الموضوع
قاطع كلامهم إيهاب اللي دخل بزعيق مصطنع ........خيانه بتفطرو من غيري....انا مش عارف ايه المعامله دي
هشام....اقعد اطفح وانت ساكت
عشق....خالد بيه ممكن اطلب من حضرتك نتكلم في حاجة على انفراد
خالد...اكيد يابنتي اتفضلي في المكتب
عشق في المكتب....استاذ خالد انا اسفه اوي أنا كدبت وقولت إني عايشه مع اختي ليلى .......وكملت بدموع انا الحقيقه عايشه في ملجأ ومتربيه فيه من وانا صغيره
رفع خالد وشها ليه......وبتعيطي ليه دلوقت...بصي يا حبيبتي انا من اول يوم قابلتك فيه وانا عارف عنك كل حاجه
اللي قدامك ده معملش اسمه وشركته من فراغ انا تعبت وشقيت لحد ما وصلتلو وعارف انك قدها وانك حتعمليها ....وكمل بضحك دة انتي جبارة انتي الوحيده اللي قدرتي تحركي قلب الحجر من جديد
عشق باحراج.....هاااااا
خالد وهو بيضحك اكتر ايه فكراني مش واخد بالي انا عارف ان هشام بيحبك زي مانتي كمان بتموني في
عشق بكسوف.....واللهي انا قولتلو ان احنا نسكت عن الموضوع ده شويه....وكملت بدموع مرة تانيه.....انت عارف حيقولو ايه حيقولو بنت الملجأ وقعت رجل الأعمال والموسيقار هشام مهران
خالد وهو بيمسح دموعها...احنا حنسكت بس مش عشان كده احنا حنسكت عشان نغفل العيون عنك شويه الفترة دي أنتي عارفه ان أعدائك بعد كده حيكونو كتير متنسيش انك صووت مصر الجديد
عشق وهي بتخرج من المكتب لقيت ايد بتسحبها ورا باب اوضه
عشق بخده.....هشام انت بتعمل ايه
هشام ...مفيش حبيبتي وحشتني ومش معبراني من الصبح
عشق.....تقوم تعمل شغل المراهقين ده ..انت صغير على الكلام دة
هشام وهو بيقرب اكتر......لو المراهقين بيشوفوا الجمال ده انا مستعد ابقى مراهق
عشق بكسوف ....ابعد يا هشام احسن حد يشوفنا
هشام...طيب مايشوفونا اهم حتى حيوفرو علينا كلام كتير
عشق...هشام احنا اتفقنا ان احنا حنخبي الموضوع ده شويه صح
هشام .....ماشي يا عشقي مع انه صعب شوية بس ماشي.......وبعدين معاكي بقى انتي بتحلوي كده امتى
ولسه حي.......انتو فاهمين بقى
كيان.......عشق يا عشق انتي فين
فلتت عشق منه بسرعه وجريت
هشام.....يخربيتك يا كيان عيله مقاطعه اللحظات الرومانسيه
وفي الصالون......إيهاب....الا قوليلي يا عشق هي آنسه ملك مابقتش تجيلك ليه