اكتب الشعر لعيونك باعذب الحانه * مميزه * - ❴🔢❵☟الــبـــــ❴5️⃣4️⃣❵ـــــــارت☟ - مكتملة

❴🔢❵☟الــبـــــ❴5️⃣4️⃣❵ـــــــارت☟

قالت بتلعثم : سحابة سند قال انتظريني ، قال راجع عشان آخذك سحابة حب ال ١٥ سنة العفيف الطاهر راح يُتوج بالزواج ، سحابة ما اقدر أخذل سند مقدر أسبب له كل هالألم ، سحابة أنا إللي أدري وش هي شروق عند سند سحابة وقفت وناظرتها بضيق : خلي منك سند الحين فكري بنفسك بمصيرك ، فكري وش راح تسوين بالحياة اللي جنيتي فيها على نفسك سكتت شوي ثم تنهدت : فكري بمصير سند لو عرف أبوك إنه حبيبك لو تقدم لك بعد رجوعه راح يقطع الشك باليقين ويعرف إنه هو راعي المكتوب عقدت حواجبها بصدمة من الفكرة اللي غابت عن بالها وحطت يدينها على رأسها وهي تبكي بضيق : لا يارب ، لا تراكم علي كل هالهموم انا دخيلك والله إني ما أقوى لا على البعد عنه ولا على اصابته بضيم ووجع تكملت سحابة بجدية : لازم تحددين مصيرك الحين يا شروق يا ترفضين وينتهي هالجدال بإصابة سند يا توافقين على ولد عمك وتنسين سند ناظرتها وهي تطلب الخيار الثالث اللي بيغنيها عن هالخيارين اللي كلاهم موتها ولكن قطع عليهم ضربات الباب العنيفة ووصول صوت أبو ساجي لمسامعهم : ولد عمش والمملك بالمجلس ربع ساعه وتطلعين أسمع موافقتش والا والله يا شروق لاحفر قبرين واحد لش وواحد للخسيس مشى عنها وهي أحتد بكاها وسحابة ما تحملت وبكت معها هالمرة ، كيف لا ! وهي الشاهدة على هالحب من نعومه أظافره !أنجبرت بعد هالنحيب والبكاء تتخلى عن حبها وحياتها وآمالها والسبب اللي يخليها مشرقة ومأخذه من إسمها الكثير أنجبرت تتخلى عن حبيبها وصديقها وقطعه من قلبها كبرت معها خلال كل مراحل حياتها بسبب أبوها بسبب غلطه وغفلة منها في سبيل إنقاذ سند وإبعاده عن مخالب أبوها أقتنعت بأنه لو تقدم لها خلال هالفترة راح يدب الشك بقلب ابوها ويكشف علاقتهم ويقتله زي ما هي متوقعه لذلك عشانه عشان يكون بخير هي مستعدة تضحي بحاضرها ومستقبلها عشانه مستعده تبني على حطام حياتها ودمارها عافيته وسلامته بعد ما أنتهت من المكتوب وسلمته ليد سحابة أخذت نفس ومسحت دموعها وهي تلف شيلتها على رأسها وفتحت الباب متجهه للمجلس خطواتها وكأنها على قلبها تخطيها ، وكأنها تمشي بنفسها للجحيم - { عبد العزيز وسند } بعد ما ألتهو بالسواليف ألتفت عبدالعزيز نص ألتفاته بعد ما سِمع الدق على الباب ولاحظ الصحن ودلة القهوة فيه أبتسم على طول ووقف وسند ما خفت عليه سحب المركى وهو يحطه بحضنه ويدينه تحت ذِقنه ويناظر لخطوات عبدالعزيز المتجهه نحو الباب وقف قدام الباب وأنحنى وهو يأخذ الصحن بيدينه وقبل ما يعتدل بوقوفه لِقاها مستندة على الباب ومكتفه يدينها وتناظر للي بيده بضيق أنتبه لنظراتها ووقف وهو يناظرها بحِيرة كان بيتكلم بس أنسحبت بضيق وهي تدخل غرفتها تنهد وألتفت وهو يمشي تِجاه سند اللي باقي على جلسته حط الصحن على الأرض ورفع حاجبه وهو يناظر لسند : وش هالنظرات ضحك سند ونزل المركى وهو يتكي عليه ويناظره وهو يلعب بحواجبه : أظن إللي ما قدرو عليه قبايل وشيوخ قدرت عليه بنت الراعِي ياعز والا ؟ ناظره بطرف عينه ولا تِكلم وهو يمد له فنجان القهوة وقف على عجل وهو يسحب الصحن من يده : أفا شيخ القبيلة اللي يصب لي قهوة ! تأفف وهو يأشر بيدينه : سند رجع الدلة وأقضب أرضك قبل أقوم أدفنك هنا ناظره للحظات ولمح الضيق بوجهه فما طول الموضوع رجع الدلة وأخذ الفنجان من يده وهو يقول : وش هالضِيق اللي ألمحه بعيونك وأنت راجع لحضن أمك؟ سكت وبعدما تِنهد رفع عيونه وقال : ما أدري هبّت علي عاصفة ضِيق من لحظة ودمرت بقلبي وأعصفت دون إدراك مني سند تسائل عن السبب وكان بينطق ولكن بُترت جملته بسبب وصول عايض وتقدم خطواته نحوهم سلم على سند وجلس وهو يقول : حيا الله خوي عز إرحب تراحيب المطر أبتسم : الله يحييك ويبقيك عايض : لا تقول إن جيتك وراها أخذ الوليف ؟ ناظره عبد العزيز وسند أبتسم : اي والله ، جاي أرجع عِماد الديرة لها تنهد عايض وهو يناظر لعبدالعزيز بضِيق : أنا والله ما ودي يبعد شبر عننا ، أنا اللي صِرت أعتبره ولدي ومن صلبي وأمنه على عرضي وحلالي ومالي دون مايرف لي جِفن عبدالعزيز قال : من طيب أصلك هالمقدرة أبتسم له عايض بخفوت ثم أشاح بنظره لِسند : ودامك نويت تأخذه كشفت عن اللي كان ناوي يقتله والا فلح ! سند سكت للحظات ثم قال وهو يلمح لعبدالعزيز لعله ينتبه : اللي عرفت إنه قريب مننا ، ولا وجوده بنفس المكان في ذيك الليلة ماهو بصدفة تنهد عايض : ايه يقولون احذر صديقك قبل تحذر عدوك ..