غنوة عشق - 💥البارت السادس 💥 - بقلم منه فرحات (موني) - مكتملة | روايتك

ازيكم حبايب قلبي عاملين ايه هل من الممكن للقلب الواحد ان يعشق مرتين ام ان العشق مرة واحده فقط ولا يتكرر ام اننا نظن في بعض الأحيان اننا نعشق ونحن فقط نحب هذا هو السؤال ما الفرق بين الحب والعشق هل هما وجهان لعمله واحده ام ان الفرق بينهما كالفرق بين السماء و الأرض عشق طالعه وباين على وشها ملامح الزعل ملك : لأ متقوليش مقابلوكيش جوه عشق بصوات : قابلوووووووني ملك ونور : هه لا هه انتي بتتكلمي جد صح عشق : اه واللهي عشق : انتو بتعيطو ليه دلوقت نور : تعالي في حضني يا جزمه عشق : انا مش مصدقه بجد ده حلم واصحى منو اكيد ملك : لأ دي الحقيقه يا قلبي عشق : امال دادة صباح فين نور : تعبت من الوقفه وقعدناها في الكافيه اللي هناك يلا نروحلها نفرحها وفي حته تانيه إيهاب: ايه حتفضل مبلم كده متتكلم يابني هشام : لأ لأ اكيد لأ إيهاب: هو ايه اللي لأ ماتفهمني انت سمعت البنت ولا لأ هشام : ياريتني ما سمعتها ازاي انت السبب انت اساس الخراب كله انت اللي قولتلي وافق واعمل الابن المطيع اديني عملت يا خويا وادبست إيهاب: بردو مش فاهم هشام : انت غبي اصلا حتفهم ازاي انا مش عارف مصاحبك ليه إيهاب: مش عجبك طلقني هشام وهو بيحدفو بالملفات اطلع برة يلا بدل ما........ إيهاب وهو بيدخل دماغو من ورا الباب : بس بصراحه البت مسخرتك وخرج بسرعه قبل ميلاقي فنجان القهوه في وشه هشام : هي فعلا هزءتني وانا سكت ؟ لأ لأ انا رديت عليها وعدت الايام على أبطالنا وطلع نهار اول يوم تدريب خرجت عشق وراحت الشركه ومعرفش ايه حيكون منتظرها بعد كده عشق : صباح الخير يا خالد بيه خالد : صباح الشربات على الجميل جاهزه ؟ عشق : مش عارفه خالد : بس انا عارف يلا بقينا بقى عشان اتاخرنا حنروح البيت عشق : نعم! خالد : لأ ونبي تهدي مش زي المرة اللي الفاتت مكنتش عارف اسكتك بصي يا ستي انتي حتتضربي في البيت وتعيشي هناك لحد المسابقه عشق : بسس........ خالد : مبسش انتي لاوم تكوني تحت عيني متنسيش ان الموضوع مش سهل ومش حتتضربي في يوم وليله غير كده في خدم كتير في البيت وبنتي كيان كمان ها تمام عشق بتردد : تمام خالد : يلا بينا نلحق اليوم من قول كيان: بابي انت جيت خالد : ايوة يا قلب بابي تعالي سلمي على عشق كيان : ايه ده احنا عندنا ضيوف خالد : لأ يا كيان عشق مش ضيفه من هنا ورايح حنعيش معانا هشام وهو نازل على السلم بعد ماسمع الكلام حنعيش فين البتنجانه دي عشق : بتناجانه هي مين دي اللي بتنجانه يا بتاع انت هشام: شايف انه مفيش غيرك يا حب عشق: انا استحاله اعيش مع الكائن ده في مكان واحد خالد: طلعيها يا كيان اوضتها اول واحده على اليمين وانت تعالى ورايا هشام : انا مش فاهم انت بتعمل ايه بجد خالد :اظن انت عارف ايه سبب موت يا سمين وعارف كمان انهم لما يعرفو ان في واحده تانية ظهرت حيعملو ايه هشام : يعني انا مضطر استحمل الطفله دي لحد امتى خالد : واللهي ده شيء بايدك كل ماتتدرب اسرع تمشي اسرع هشام : هي ايه الريحه دي خالد : مش عارف في ريحه حلوة اوي تعالى نشوف فيه ايه في المطبخ عشق :قولتلك يا سعاد انك لما تحطي مكعب زبده مع المسقعه بتطلع احلى بكتير ، ناوليني يلا الرز عشان نلف المحشي ، ايه ده يا كوكي بقالك ساعه ونص بتقطع بططستين امال حتبقى ست بيت ازاي هشام بصدمه: ايه اللي بيحصل هنا ده عشق : على ما اعتقد انك شايف احنا بنعمل ايه عايز تساعد اتفضل مش عاوز خد بابا في ايدك واطلعو برة عشان معطلنا كيان : شوفت يا بابي عشق علمتني ازاي اقطع البطاطس عشق : بس كده انتي بتعذبيها مش بتقطعيها خالد : لأ ده كده كويس اوي انا مش مصدق اصلا ان كيان واقفه في المطبخ، بس الاكل ريحتو حلوة اوي عشق وهي بتطلعهم برة معلش مشغولين دلوقت اتفضلو خالد بضحك : حاضر وبعد مرور ساعتين خالد : انا يا عشق عصافير بطني بتزقزق عشق وهي بتغرفلو: بالهنا والشفا على معدتك اتفضل ولسه حتحط لهشام هشام : انتي بتعملي ايه انا مش حاكل من الاكل ده عشق : براحتك اللي ياكل على درسو ينفع نفسو خالد : امممم الله ايه ده مش معقول الاكل فظيع مدقتش اكل بالطعامه دي قبل كده هشام بجوع وهو بيبص على الاكل : اكيد مش للدرجادي يغني خالد : جرب واحكم هشام : تمام انا حجرب بس عشان اوريكم انو مش قد كده ولسه بياكل اول قطمه وهو مش مصدق كميه الحلاوه اللي بياكلها عشق بضحك : ها ايه رايك هشام : مش بطال بس مش مميز يعني كيان : انا حبيت عشق قوي يا بابي عشق : يا روح قلبي وانا كمان واللهي وزي ما وعدتك حعلمك كل طرق الاكل هشام : اظن انك مش جايه هنا تعلميهم طرق الاكل خالد : هشام بطل بقى كلامك ده ، يلا قوم خود عشق اوضه التدريب انا خليتهم ينضفوها هشام بتريقه : قومي يا عشق هانم عشق : طيب ماتزقش بس هشام:بتعرفي ترقصي عشق : نعم! هشام : اه ترقصي ماهو لازم ترقصي وانتي بتغني غير كده في حفله ظهورك بكره اكيد حد حيطلب يرقص معاكي عشق : لأ مبعرفش هشام : وانا مسؤليتي اني اعلمك تعالي ولف ايدو حوالين وسطها وبالايد التانيه مسك ايديها اللي كانت بتنتفض من قربو واشتغلت الموسيقى الهاديه اللي اصلا بتخرج القلب من مكانه لوحدها بدا هشام يوريها تخطو ازاي هشام وهو سامع صوت نبضتها العالي : مالك في ايه مش كنتي من شويه عامله السبع رجاله في بعض عشق : هو انت يعني اللي فالح اوي مانت قولت الاكل مش حلو ومكنتش عارفين نقومك من عليه هشام: يا بت اهمدي بقى انتي مابتسكتيش ابدا ايه ده اش حال ماكنت مكتفك عشق وشها بقى شبه الطماطم هشام بضحك: هو انتي ليه محسساني اني اول مرة احضنك عشق : انت بتقول ايه؟ هشام : ايوة ياختي مش فاكرة ولا ايه الحضن اللي استمر ربع ساعه في الشركه ده انتي بوظتيلي سمعتي قدام الموظفين يا شيخه عشق : انت قليل الادب ، انت اللي مكنتش راضي تفلتني هشام : بس متنكريش اني كنت عاجبك صح ده انتي مشيلتيش عينك من عليا يا وليه عشق وهي بتبعد: اظن كفايه كده انا اتعلمت خلاص واخدت بعضها وخرجت هشام بابتسامه : مجنونه ايه ده في ايه يا هشام مالك انت شاغل دماغك بيها ليه انت اتهبلت ولا ايه انت محبتش ولا حتحب غيرها إيهاب: ايه يا ساده ياللي في البيت موحشتكمش هشام : انت ايه اللي جابك يلا إيهاب: جعان جاي اكل هشام : ارحمني يارب إيهاب: بصراحه البت كيان كلمتني قالتلي عندكم مسقعه قولت لازم اجي أبدى رأيي فيها هشام : عيل مفجوع إيهاب: ولد عيب انت نسيت اني الكبير ولا ايه هشام وهو بيضربوا على قفاه : لأ ازاي طبعا منستش خالد : ادخل كل ياض ومتوجعش دماغي إيهاب: حتى انت يا خلود ايه المعامله دي هو مهزء ولا ايه عشق : الو ايوة يا بنات عاملين ابيه ملك : مش بخير من غيرك آآآآآآه عشق: بطلي عبط يا هبله نور : سيبك منها يا عشق وقوليلي مبسوطه عندك عشق : يعني بحاول أتعود اهي ماشيه ملك : وعامله ايه مع هشام مهران عشق : ونبي متفكريني كاءن مستفز بمعنى الكلمه مستقصدني وكمان قليل الادب قوي نور : اوعي يكون ....... عشق : لأ طبعا ميقدرش يقربلي ده انا كنت موتو هو بس رقص معابا النهاردة وقاعد يقولي انو عاجبني واني بقعد ابصله كتير ملك : ودي الحقيقه عشق بتوتر : للللا لأ هو مش فبالي اصلا نور : احسن حاجه يا حبيبتي ده واحد اصلا عايش على ذكرى حبيبتو ولا يمكن ينساها فبلاش نشغل دماغنا بيه وفي تاني يوم دخل خالد على عشق ايه يا فراشه اجهزي عشان الحفله انتي النجمه النهاردة عشق : حاضر حجز اهو خالد : ادخلي يا منى دي بقى عشق اللي عاوزها تكون نجمه النهاردة منى الميكب ارتست: حاضر يا خالد بيه وبعد ساعات في قاعه الحفلات الكبيرة اللي بتضم اكبر الموسيقين والملحنين واقف هو ايوة هوة اللي هبته واناقته مغطيه على كل اللي موجودين وفجاه دخلت عشقه عليه اللي مشفش في جمالها قبل كده قربت عشق منه بفستنها الرقيق ومكياجها اللي مفرقش بوجود جمالها عشق : هشام ايه رايك هشام بصدمه : انتي بجد عشق : هو كل شويه انتي بجد انتي بجد في ايه انت شايفني كارتون هشام بعد ملاحظ نفسه وكلامو حب يخرج من اللي هو فيه : طيب ماحنا بنضف اهو عشق : انت مش حتبطل يعني انا حمشي مسكها هشام بسرعه : لا استني استني انا اسف واللهي خلاص اقولك على حاجه تعالي نعمل معاهده سلام او هدنه يعني ونحاول نبقى صحاب عشق : تمام ماشي خلاص بس مفيش تريقه هشام :حاضر ، طالعه زي القمر عشق : شكرا احب اقولك ان للاسف خلصت حلقتنا يترى المجنونه عشق حتقدر تحرك القلب اللي اتحول حجر ولا لأ ده اللي حنعرفه الحلقات اللي جايه سلاااااام🖐🖐🖐