💥البارت الرابع💥
السلام عليكم يا حبايب قلب موني النهاردة بقى حلقه دمااار لأننا حنحط الزيت جنب النار طيب ماتيجي نشوف
عشق لصحابها:تمام خلاص بس تبقو جنبي
ملك: احنا دايما جنبك يا قلبي
وفات الوقت وناموا أبطالنا ومايعرفوش ايه اللي القدر مخبيهولهم وبدأت المسابقه ودة اول يوم في الأسبوع المحدد لخالد مهران
خالد : صباح الخير على بنوتي الجميله
كيان:صباح الخير يا بابي عامل ايه النهاردة
خالد : بخير يا روحي
كيان: بابي ممكن تفهمني ليه بتعمل كده مع هشام وانت عارف قد ايه الموضوع ده صعب بالنسباله
خالد :اللي بعمله هو الصح اخوكي لازم يطلع من اللي هو فيه وبعدين الواد بيعجزني بيقولي لازم الاقي البنت في أسبوع
كيان: هههههه هو قالك كده وحتعمل ايه ؟
خالد :مس عارف حستنى واشوف ربنا عاوز ايه
وفي حته تانيه قدام شركه مهران الغنائية واقف ٤ بنات وست كبيرة في السن
عشق بتوتر: بنات انا خايفه روحوني
ملك:اكتمي يا بت لما نشوف العظمه اللي قدامنا دي كل دي شركه
صباح : يلا يلا يا روحي متخافيش رني على ليلى شوفيها فين
عشق:الو ايوة يا ليلى انتي فين
ليلى : انا في الشركه اهو انتو فين
عشق: احنا برة ومش عارفين ندخل ازاي
ليلى : انا جايه اهو استنو
ليلى : ايه القرف اللي انتو لبسينو ده
اسماء : ماله يا ليلى ماهو حلو اهو
ليلى : لأ طبعا وبعدين انتو رايحين فين هي بس اللي حتدخل
صباح : خلاص يا حبيبتي خديها وخلي بالك منها ومتخافيش يا عيوني واثقي في نفسك وحتى لو متقوليش ارضي بقضاء ربنا
عشق: حاضر يا دادة مع السلامه
ليلى : يلا بقى بلاش وصلت الحزن دي هي مش مسافره
دخلو هما الاتنين وقلب عشق حيخرج من مكانه
ندى سكرتيرة خالد مهران : خالد بيه فاضل بنت برة اخت ليلى سكرتيرة هشام بيه
خالد بزهق من القرف اللي شايفه طول اليوم : خليها تدخل ماهي ناقصه الموظفين كمان يجيبوا قريبهم مانا بقيت فاضي
دخلت عشق وكان قلبها بينبض بقوة وادت ورق موسيقى الأغنيه للموسيقار وكان خالد حاطت دماغو على المكتب فاقد الأمل فإنه يسمع حاجه تانيه غير القرف اللي سمعه قبل كده
عشق وهي بتسمي الله بدأت تغني وكل ماتتوتر تاخد نفسها وتكمل
خالد بصدمه وهو بيرفع دماغو : ايه دة لا مش معقول اللي بسمعه ده وفضل يسمع وهو مش مصدق نفسه
عشق بعد لما خلصت: اسفه انا اتلغبط شويه بس انا متوترة بعتذر لحضرتك
خالد : بتعتذري ايه انا اللي بعتذر اني قاعد وانتي واقفه
عشق مش فاهمه ايه اللي بيحصل : حضرتك ايه رايك في صوتي
خالد : هايل انتي مش عارفه انتي عملتي ايه انتي انقذتني واخيرا لقيتها
عشق : طيب ممكن اروح الحمام
خالد: اتفضلي
خالد: الو ايوه يا هشام تعالالي فورا عشان اوريك ان خالد مهران مش حته عيل زيك يتحداه
هشام بضحك : تمام حاجي مع اني عارف انو على الفاضي وقفل في وشه الموبايل
خرج هشام من مكتبه متجه لمكتب خالد في نفس لحظه خروج عشق عشان تروح الحمام
اتخبطو العشاق في بعض ووقعت عش في حضن هشام وتلاقي عيونهم بنظرة طويله اوي وكان عيونهم بتسجل كل ملامحهم
معلش بقى الحلقه خلصت بس القصه لسه مخلصتش عرفوني ايه رايكم في الحلقه وقالولي مين أطيب شخصيه في القصه ومين اكتر شخصيه مستفزة وحبيتو شخصيه مين اكتر
سلام🖐🖐🖐