💥البارت الثالث💥
السلام عليكم عاملين ايه يارب تكونوا بخير وحشتوني اوي من الفصل أو الحلقه اللي فاتت الحلقه النهاردة اجيبلكم حلقه حلوه اوي طيب ماتجي نشوف
هشام وصل الشركه ودخل بكل تكبر وغرور تحت عيون البنات اللي هتطلع عليه والموظفين اللي بيحسدوة على اللي هو فيه
دخل مكتب ابوه من غير ما يخبط
خالد :انت متعلمتش حاجه اسمها استاذان
هشام:اظن انك مش حتعلمني الاحترام دلوقت ، ممكن تفهمني ايه اللي انت بتعمله ده
خالد : شغلي
هشام : بطل تتعامل وكأنه محصلش حاجه
خالد:اظن اني عملت اللي كان لازم يتعمل
هشام:اوكي تمام انا موافق بس بشرط
خالد : شرط! شرط ايه ده بقى ان شاء الله
هشام:تلاقي البنت في أسبوع و لو عدي الاسبوع وملقتهاش مش حنفتح الموضوع ده تاني
خالد بارتباك لانه عارف صعوبة الموضوع: وان لاقيتها
هشام: ان لاقيتها في خلال الأسبوع أنا مستعد اني ارجع للتدريب تاني و ادربها بنفسي كمان
خالد : تمام وأنا موافق على شرطك
خرج هشام ودخل مكتبه وقعد
هشام : يا ليلى
ليلى بدلع :نعم يا هشام بيه تامر بحاجه
هشام:ايوة ياريت قهوه وياريت كمان تبطلي الحركات دي احنا في شركه مش في كباريه
ليلى بغضب: حاضر يا هشام بيه حاجه تانيه
هشام وهو بيبص في الورق اللي قدامو بعدم اهتمام : لاة
ليلى بعد ما خرجت: اصبر عليا بس انا حوريك ازاي ترفضني ويخليك تجري ورايا ، فاقت على صوت موبايلها
ليلى يووه هو ده وقتك: ايوة يا ملك انتي عارفة ان ده وقت شغلي
ملك: مفيش يا لولي وحشتينا بس ونفسنا نشوفك ماتيجي الملجأ النهاردة شويه
ليلى : معلش يا ملك مشغوله أوي ومش حعرف اجي
ملك : ونبي يا لولي عشان خاطر عشق اختك على الاقل
ليلى بضيق : تمام يا ملك لو فضيت حاجي النهاردة شويه
ملك : احلى لولي دي ولا إيه بحبببببببك
وقفلت في وشها
ليلى: مجنونه دي ولا ايه
وبعد وقت راحت ليلى الملجأ واول مادخلت
عشق: ليلى وحشتيني عامله ايه وراحت عشان تحضنها
ليلى : لأ لأ بلاش أنتي ايدك ده تراب والطقم لسه جديد
ملك بعد مالحظت زعل عشق من كلام ليلى : وايه يعني يا ليلى هيكون بكام الطقم يعني
ليلى بغرور: ده ب ٢٠٠٠ جنيه
نور بصدمه : يا مصبتشي ده اغلى طقم جبتو كان ب ٢٠٠ جنيه
اسماء : اهدو بقى يا جماعه خلونا في المهم بصي يا ليلى احنا عرفنا ان المسابقه اللي في شركتكم رجعت فتحت بعد ما كانت قفله بقالها سنتين
ليلى : وبعدين اعمل ايه يعني
نور : ماهو انتي الوحيده اللي تقدري تساعدي عشق في التقديم
ليلى: لأ طبعا انتوا اتجننتو انا استحاله اعمل كده انتو عارفين ان محدش في الشركه يعرف اني كنت في الملجأ أقولهم ايه على عشق بقى
ملك :ماهو احنا قررنا نعمل حاجة كده احنا مش حنجيب سيرة ان عشق من الملجأ
عشق: يعني ايه
اسماء : يعني انتي كده كده عديتي السن خلاص وتقدري تخرجي في اي وقت انتي حتقوليلهم انك عايشه مع اختك ليلى وبس وتيجي الملجأ تنامي ولا من شاف ولا من دري
ليلى : اصلا عشق صوتها مش حلو انتو حتقدمو على ايه
ملك : ساعديها بس انتي وملكيش دعوة
ليلى: انا حقوم امشي ونشوف الوضوع ده واعرفكم
عشق بحزن: ليلى ماتفضلي النهاردة معانا
ليلى: مقدرش انام على السراير دي وبعدين افرضي حد شافني دي تبقى مصيبة
عشق: ياريت يا ليلى متعمليش حاجه
نور : ايه بتقولي ايه
عشق: انا مش حكدب يا جماعه ماينفعش ابني الموضوع على كدب
اسماء : ده مش كدب انتي بس بتخلعي نفسك بطلي عند بقى
وبكده تكون خلصت حلقتنا النهاردة واحب اعرفكم ان الحلقه الجايه حلقه مهمه اوي وهي حلقه تلاقي العشاق
ومتنسوش تعرفوني رايكم في التعليقات
سلام 🖐🖐🖐