💥البارت التاني 💥
زي ماشفنا الحلقه اللي فاتت على أبطالنا اللي عمرهم ماشافوا بعض بس هل القدر هيكون ليه رأي تاني ويجمع العشاق ده اللي هنعرفه الحلقات اللي جايه طب ماتيجو نشوف
لبس هشام بسرعه وهو نازل على السلم سمع صوت اخته كيان بتنادي عليه
كيان باستغراب:مالك يا هشام مستعجل كده ليه
هشام :ابوكي شكله اتجنن يا كيان
كيان: هو انت عرفت
هشام:لا متقوليش أنتي كمان كنتي عارفه وانا آخر من يعلم انا حمشي يا كيان قبل ماتشل
كيان :طيب استنى تفطر طيب هشام يا هشام
ركب هشام العربيه وهو في شده الغضب وشريط حياتو مع ياسمين بيمر قدام عينيه من ست سنين بنت جميله جدا شعرها اسود وعيونها بلون البحر ساعتها كان هو المسؤول عن تدريبها وبالفعل نجحوا مع بعض وفازوا بالمسابقه ٤ سنين متتالية كل يوم كان بيمر عليهم كان حبهم بيزيد اكتر وبعد ماتخطبو وكان فاضل على فرحهم ٣ اياه ماتت ماتت ياسمين ومن يوميها وبقت حياتو عبارة عن سهر وبس وبقى انسان بلا وجود وقرر انو يقفل باب المسابقه ده نهائي لانو مش حتقدر يشوف حد مكانها
رجع من زكريات على صوت رنه موبايله
هشام :ايوه يا زفت عاوز ايه
إيهاب:اهدى يا هشام انت عارف ان أبوك مش حيتفاهم بالطريقه دي
هشام:عاوني اهدى إزاي وانا شايف مكانها بيروح لحد تاني
إيهاب بضحك:انت مصدق اللي انت بتقولو انت فاكر انه حيلحق يلاقي بنت بالصوت ده لا طبعا اعمل بقى انت الابن المطيع ووافق وخلاص
هشام بتفكير:عندك حق بس برضو مش حعديهالو كده بالسهوله دي لازم يعرف ان الموضوع اكبر بكتير من ما هو متخيل
إيهاب:تمام سلام يا اتش اشوفك في الشركه
هشام :سلام