غنوة عشق - 💥البارت الاول💥 - بقلم منه فرحات (موني) - مكتملة | روايتك

عشق بغضب : ابعدوا عني بقى انتي وهي انتو مبتزهقوش من الزن عليا في الموضوع ده ملك:يا بنتي انتي هبله دي فرصه عمرك لازم تروحي تقدمي في المسابقه وتخلي ليلى اختك كمان تساعدك في الدخول نور بضحك:انتي اتجننت يا ملك انتي عاوزة ليلى تساعد عشق انها تقدم في المسابقه دي كانت تتشل انتي عارفه ليلى قد ايه بتخاف على مظهرها وبتستعر مننا بس مش معنى كده يا عشق انك ترفضي الموضوع اصلا عشق:يا جماعه افهموني الموضوع مش بالسهوله دي صحيح صوتي بيعجبكم شويه لكن مش معنى كده اني حتقبل في المسابقه ردت ملك بسرعه :لا يا شيخه بقى بتستقلي بصوتك اللي البنات كلها بتجنن عليه هنا في الملجأ وبيحسدوكي عليه نور:عشان خاطرنا يا عشق تحاولي بس مش حتخسري حاجه ولا ايه يا داده صباح صباح وهي بتزعق:مالكم ومال بنوتي الصغنونه بقى نور:نفس الموضوع بتاع كل يوم يا صبوحه صباح:وبعدين معاكي يا عشق مش كفايه عند لحد كده وتوافقي بقى يا حبيبتي عشق:خايفه اوي يا داده صباح:من ايه يا قلبي مش ده كان حلم طفولتك مش انتي علطول كنتي بتقولي حيجي يوم و حبقى مشهورة اوي زي ياسمين المغربي عشق:يا داده ياسمين المغربي دي حاجه تانيه دي كانت من عيله كبيره اوي ومعروفه وكانت مخطوبه لابن خالد مهران نفسه لكن أنا ايه صباح انتي اجمل بنوته عشق:لا يا داده صباح انا بنت ملجأ أهلها رميوها هي واختها وهي عندها ٤ سنين بدون شفقه او رحمة صباح ودموعها نازله على خدها:لا يا روحي متقوليش كده انتي وكل اللي هنا في الملجأ بناتي انا امك عشان خاطري حققيلي حلمي قبل ما اموت عشق:عشان خاطري متقوليش كده انا مقدرش اعيش من غيرك خلاص انا موافقه صباح:تعالي يا حبيبتي في حضني ملك:خيانة ايه يا ست صباح بتخونيني ومع مين مع اعز اصحابي ضربتها صباح على دمغها:تعالي يا هبله تعالو كلكم يا عيوني وفي حته تانيه بالتحديد في قصر خالد مهران صحي ابنه الأكبر هشام مهران من نومه على صوت رنه موبايله هشام:ايوه يا ايهاب عاوز ايه على الصبح إيهاب:ايه يبني صبح ايه الساعه ٢ونص مساء الخير هشام:عاوز إيه اخلص إيهاب:مفيش يا اتش وحشتني شويه قولت اكلمك هشام : بطل مياعه البنات دي وقول عاوز ايه بدل ما اقفل ايهاب:خلاص خلآص متبقاش قاسي كده اه افتكرت انا رنيت عليك عشان اقولك ان الشركه مقلوبه من الصبح ابوك قرر يفتح المسابقه تاني هشام بزعيق انت بتقول ايه بابا استحاله يعمل كده استحاله إيهاب:تعالى وشوف بنفسك هشام :تمام اقفل انا نص ساعه واكون عندك يؤسفني اقولكم ان الحلقه خلصت بصو بقى انا الروايه دي تعبت في تاليفها اوي ومش عارفه إذا كانت حتعجبكم ولا لأ عشان كده ياريت تكتبولي في التعليقات الروايه الحلقه حلوه ولا ايه عشان اشوف اذا كنت حكمل وياريت تفرحوني بكلامك عنها وانا بقبل الانتقادات عادي طول ماهي في مجال الادب و الزوق نسيت اعرفكم بنفسي انا منه فرحات او ممكن تنادوني موني حلو بردو يلا سلام🖐🖐