❴🔢❵☟الــبــــــ❴ 6️⃣ ❵ـــــــارت☟
*ـ ࢪواية العشق والهوي* ↻≯💝🎀»))
تابع قناة 💞✨عشاق الروايات ✨💞 في واتساب: https://whatsapp.com/channel/0029VagXtIfDTkK4hvsE821q
*ـ رواية عن العشق و الهوى 💗✨🦋!''))*
الفصل 12
الفصل 13
💗✨💗✨💗✨💗✨💗✨💗✨💗💗✨💗✨💗✨💗✨💗✨💗✨💗
~ البارت الثاني عشر ~
بِسْمِ اللهِ الرَّحْمنِ الرَّحِيمِ
قراءة ممتعة للجميع
- ذهبت مريم برفقة ادهم الى غرفته وكان قلبها ينبض بسرعة فائقة من شدة التوتر ، وعندما دخلا الى الغرفة اغلق هو الباب ثم التفت اليها حيث كانت تعطيه ظهرها وتفرك يديها بتوتر شديد فابتسم ولم يقل شيئاً بل خلع سترته ومر من جانبها قائلاً : من هنا ورايح احنا هنقعد في الاوضة دي مع بعض ، يعني دي بقت أوضتك انتي كمان وتقدري تعملي فيها كل اللي انتي عايزه .
قال ذلك بينما كان جالساً على الاريكة الفاخرة يفك رباطات حذائه فنظرت اليه وقالت بتلعثم : م.. ممكن اعرف انت ليه خبيت الحقيقة على عيلتك ؛ كنت تقدر تقولهم السبب الحقيقي اللي اتجوزنا علشانه ومكنش في داعي انك تكدب عليهم وتخترع حكاية ملهاش اساس .
فنهض ادهم ثم نظر اليها بجدية وقال : اولاً انا مخترعتش اي حكاية يعني انا قولت ايه اللي حصل بس بطريقة غير مباشرة وبعدين انا عارف بعمل ايه علشان كدا متفتحيش السيرة دي قدام اي حد انتي سامعه ؟
قال ذلك ثم فك اول زرين من قميصه فظهرت في عنقه سلسلة فضية ولكن مريم لم تتمكن من رؤيتها لانها اشاحت بنظرها عنه بسرعة بينما تابع هو قائلاً : ودلوقتي هخش اعمل شاور وبعدها ... هنكمل كلامنا.
قال جملته الاخيرة بصوت هامس وكأنه يحاول ان يوصل لها رسالة بكلامه المعقد فارتبكت ورمشت عدة مرات ثم اخذت تحرك نظرها في ارجاء الغرفة بينما ابتسم هو وخلع قميصه ثم دلف الى الحمام ، وما ان اغلق الباب حتى تنفست بعمق ووضعت يدها على صدرها قائلة في سرها : يا دي المصيبة... هعمل ايه دلوقتي ؛ ازاي هقدر اقعد معاه تحت سقف واحد ؟!
- وبينما كانت تتحدث مع نفسها سمعت صوت انسياب الماء صادر من الحمام المرفق بالغرفة ، فاستغلت الفرصة ثم تابعت استكشاف غرفة نومه التي تغيرت تغيراً جذرياً بأمر من السيدة كوثر لتصبح عش زوجية بعد أن كانت غرفة كئيبة وقد كانت واسعة جداً تتميز بديكور أنيق وهاديء تغلب عليه لمسة كلاسيكية واثاث ومنسوجات تأخذ الطابع الإمبراطوري العثماني العريق حيث كان السرير كبير ومصنوع من اغلى انواع الخشب " خشب المهوجاني " وظهره من الجلد الاصلي باللون البني الغامق الفاخر وعليه مفروشات حريرية مطرزة باللون الكريمي الممزوج بالذهبي وكانت في غاية الجمال والروعة ، اما الخزانة فكانت عملاقة تغطي معضم الحائط مصنوعة من نفس نوعية الخشب وفي الجهة الأخرى كانت مرآة طويلة مزخرفة ملتصق بها طاولة تزين باربعة ادراج كان عليها عدة زجاجات من العطور بانواع واشكل مختلفة وبعض الكريمات الخاصة بالرجل ، كما ان الستائر كانت طويلة وتتمتع بأناقة وفخامة وترف ألوان الاحمر البرغندي الغني کلون النبيذ المعتق لتعطي الغرفة اجواء رومانسية مع ثرية كريستالية ضخمة معلقة في السقف ينبعث منها شعاع ذهبي ساحر ينعكس على تلك السجادة الخمرية العملاقة التي اتخذت من ارضية الغرفة الرخامية موقعاً لها وحولها ثلاث أرائك مصنوعة من نفس نوعية خشب السرير بمفروشات مخملية فاخرة باللون الكريمي الممزوج بالذهبي وطاولة خشبية مربعة الشكل عليها اناء زهور فاح عبيرها في ارجاء المكان ، كما كانت الجدران ملبسة باجود وافخر انواع ورق الحائط الذي تغلب عليه عذوبة اللون الفضي الفاخر الذي يتعانق مع اللون الابيض معلقاً على احداها تلفاز كبير شاشتة رقيقة جداً ، بالاضافة إلى الشرفة الواسعة والتي عليها ارجوحة ومقاعد مريحة مصنوعة من القش وطاولة زجاجية .
فاخذت تجوبها بنظراتها التي غلبت عليها الدهشة لفخامة الديكور وقالت : بسم اللّه ما شاء الله... ايه العز دا كله ؛ دي أوضة نوم ولا متحف ؟!
- وبينما كانت تستكشف الغرفة التي ستعيش فيها منذ الان فصاعداً وقع نظرها على طاولة التزين فاقتربت منها ثم امسكت احدى زجاجات العطر الخاصة بزوجها ادهم ؛ رفعت الغطاء عنها ثم قربته من انفها فأغمضت عينيها وابتسمت ابتسامة واسعة وكأنها مدمن مخدرات اخذ حقنة وسببت له النشوة ، فابعدت غطاء الزجاجة عن انفها ثم اعادتها مكانها وبعدها اقتربت من الخزانة ... فتحتها واخذت تحدق بملابس حبيبها الفاخرة والتي كان معظمها باللونين الأبيض والأسود فمررت اصابعها على القمصان المرتبة حسب درجات الالوان ابتداءً من الابيض مروراً بالازرق الفاتح يليه الكحلي ثم الاسود ... وبعدها فتحت الشقة الاخرى حيث كانت البدلات الرسميّة المصنوعة من افخم انواع الاقمشة ومن تصمصم اشهر المصممين المحترفين وتساءلت بصوت خافت : هو ما بيلبسش غير الالوان الغامقة ولا ايه ؟
في تلك اللحظة سمعت مقبض باب الحمام يدور لذا انتابها التوتر فوراً فاغلقت الخزانة بسرعة ولم تعرف الى اين تذهب وسرعان ما خطرت على بالها فكرة غبية حيث انها استلقت على السرير وادعت النوم ؛ اما ادهم فخرج من الحمام وهو يرتدي روب الاستحمام الذي كان باللون الكحلي بينما كان ينشف شعره بمنشفة اخرى فابتسم تلقائياً عندما رآها مستلقية على سريره وتعطيه ظهرها ، ادرك على الفور انها تكذب فلم يعلق بل فتح خزانته واخذ يرتدي ملابسه بينما كانت هي تغمض عينيها بشدة وقد شعرت بقلبها يهوي خصوصاً لانه رمى المنشفة بجانبها على السرير فبدأت دقات قلبها تخفق بسرعة فائقة .
سرعان ما ارتدى ادهم ملابس عادية ومريحة مكونة من بنطال اسود وتيشرت رمادية ضيقة تبرز عضلات بطنه وكانت بأكمام طويله ثم امسك زجاجة العطر التي امسكتها مريم سابقاً ورش منها رشتين ثم اعادها الى مكانها والتفت الى تلك الكاذبة التي كانت تستلقي على سريره وتتنفس بسرعة فابتسم ثم قال بصوت رزين : انا هطلع دلوقتي علشان تعملي شاور براحتك والعشا هيبقى الساعة تمانيه ؛ متتأخريش .
قال ذلك ثم تحرك نحو باب الغرفة بخطوات رزينه وما ان خرج حتى فتحت مريم عينيها ثم اعتدلت بجلوسها على السرير وتنفست الصعداء قائلة : يا دي الكسفة... دا كان عارف اني مكنتش نايمة بس كدا احسن بكتير دلوقتي هقدر اتصرف على طبيعتي وهخش اعمل شاور بقى .
قالت ذلك ثم توجهت نحو حقيبة سفرها التي كانت في الزاوية بالقرب من الباب ثم حملتها ووضعتها على السرير وبعدها فتحتها واخذت تحدق بملابسها محتارة ما الذي يجب ان ترتديه على العشاء برفقة عائلته زوجها فهي ارادت ان تظهر امامهم بمظهر لائق ومحترم ، لذا اخرجت فستان اسود بسيط يصل الى حد الركبة باكمام طويلة مخرمة بالاضافة الى ملابسها الداخلية والشامبو الخاص بها ثم دلفت إلى الحمام الفاخر ؛ وضعت ملابسها جانباً واخذت تحدق بأرجاء المكان كما لو انها لم ترى حماماً من قبل فقالت بدهشة : هو دا حمام ولا ايه بالزبط ؟
وفي الاسفل حيث كان افراد عائلة السيوفي مجتمعين في غرفة المعيشة اقترب ادهم منهم وجلس مقابلاً لامه قائلاً : مريم هتنزل بعد ما تعمل شاور.
فابتسمت السيدة كوثر وقالت : مراتك باين عليها بنت حلال.. برافو عليك يا ابني عرفت تنقي .
اما رغد فقالت : قولي يا ادهم ...ايه شعورك بعد ما اتجوزت اخيراً وبقى عندك ابن ؟
فتغيرت تعابير وجه ادهم واصبحت جدية حيث قال : عارفه الشعور الحلو اللي يبقى معاه شعور الخوف والقلق.. هو دا شعوري دلوقتي ، انتي اكيد تعرفيه لأنك هتبقي ام بعد خمس شهور.
فسأله معاذ بقلق : ليه بتقول كدا يا ادهم ؟
اجابه ادهم : لان ابني خلق قبل آوانه يا معاذ يعني النمو عنده بطيء علشان كدا حجمه صغير اوي ، وكمان هو عمل عملية من كام يوم بس وكان من الممكن يجراله حاجه علشان كدا انا خايف عليه جداً اما مريم... فهي عاشت برا مصر لفترة طويلة وانا خايف انها مش هتقدر تتأقلم هنا وخصوصاً لانها لسه صغيرة .
فابتسمت سلوى قائلة : خوفك دا شيء طبيعي يا ادهم علشان انت اكتشفت ان عندك ابن من فتره قصيرة بس وكمان بقيت راجل متجوز دلوقتي و مسؤوليتك كبرت يعني طبيعي انك تقلق ...بس انا متأكدة ان الجاي هيبقى احلى لان مريم باين عليها بنت طيبة اوي ، دي حتى سمت ابنكوا على اسمك ودا لوحده دليل على انها بتحبك جداً .
في تلك اللحظة شرد ادهم بفكره واخذ يفكر بكلام سلوى فقال في سره : اه صحيح... هي مريم ليه سمت ابننا على اسمي ؛ كانت تقدر تسميه اسم تاني يبقى ليه اختارت تسميه بنفس الاسم ؟
وبعد تفكير تساءل : معقول تكون بتحبي زي ما قالت سلوى ؟!
وبينما كان يفكر قطع حبل افكره صوت امه التي قالت : متقلقش يا ابني...وزي ما قالت سلوى ان قلقلك دا شيء طبيعي واهم حاجة دلوقتي ان اخيراً بقى عندي حفيد هينور حياتنا .
في تلك اللحظة شعرت سلوى بالحزن حيث انها لم تنجب اي طفل خلال سنوات زواجها الستة فظهر ذلك على وجهها بينما كان حال زوجها معاذ كحالها وقد انتبه عليها فامسك بيدها قائلاً بهمس : متزعليش يا روحي.. دا امر ربنا وانتي مالكيش ذنب .
فقالت بصوت خافت : ونعم بالله.
بينما سأل ادهم اخته : امال فين جوزك انا مشفتوش من ساعة ما جينا.
فقالت رغد : هو قال ان عنده شغل وجايز يتأخر عشان كدا قال لي افضل عندكوا الليلة دي وهو هيجي يروحني بكرا الصبح.
وفي تلك الاثناء نزلت مريم من الغرفة وكانت جميلة كالعادة بذلك الفستان الأسود البسيط وتسريحة شعرها الناعمة كما انها لم تضع اي مستحضرات تجميل بل تركت جمالها الطبيعي يُظهر أنوثتها وبرائتها ؛ توجهت نحوهم بخطوات بطيئة وقالت بصوت مرتبك : مساء الخير يا جماعة.
فنظر الجميع اليها وابتسموا بينما ردت عليها السيدة كوثر قائلاً : مساء النور يا حبيبتي... تعالي اقعدي جنبي علشان ابصلك كويس .
شبكت مريم يديها ببعضهما ثم نظرت تلقائياً إلى ادهم الذي كان يحدق بها بهدوء وبنظرات تحمل الكثير من التساؤلات مما جعلها ترتبك اكثر لذا اشاحت بصرها عنه بسرعة ونظرت الى السيدة كوثر وابتسمت بلطف قائلة : حاضر يا طنت.
قالت ذلك ثم جلست بجانبها باحترام فاخذت السيدة كوثر تثني على جمالها وامسكت ذقنها بلطف قائلة : بسم اللہ ما شاء الله...ايه الحلاوة دي كلها يا حبيبتي انتي تاكلي ايه علشان تبقي حلوه بالشكل دا ؟
شعرت مريم بالخجل يعتلي وجنتيها فابتسمت وغمغمت : ربنا يكرمك.. دي عينيكي الحلوه علشان كدا بتشوف كل حاجة حلوه .
ابتسمت رغد وقالت ممازحة : ايه دا ايه دا...الظاهر ان ست الكل نسيتني انا وسلوى بعد ما قابلتك يا مريم .
فضحكت السيدة كوثر وسألت : هي الغيرة اشتغلت ولا ايه ؟
اما سلوى فابتسمت بلطف واردفت : ماما كوثر عندها حق ؛ انتي حلوه اوي يا مريم واكيد بناتك هيبقوا حلوين زيك .
فنظرت مريم الى ادهم وارتبكت بعد قول سلوى وسرعان ما التفتت اليها قائلة : ميرسي يا سلوى دا انتي اللي حلوه بس بصراحة انا مبفكرش اني اخلف تاني.
في تلك اللحظة سمعت صوته الرجولي يقول : بس انا عايز كمان ولاد .
التفت الجميع اليه حيث كان جالساً على نفس الوضعية واضعاً قدمه اليمنى فوق اليسرى ويكتف ذراعيه ولم يتحرك شبراً واحداً ، ونظرت مريم اليه بصدمة شديدة بينما اضاف قائلاً : يعني ابني لازم يبقى عنده اخ او اتنين علشان يلعب معاهم وميحسش بالوحده مش كدا يا ماما ؟
ابتسمت السيدة كوثر وصفقت بيدها مرة واحده قائلة بحماس : طبعاً يا حبيبي ...دا هيبقى على قلبنا احلى من العسل.
قالت ذلك ثم امسكت بيد مريم واضافت : علشان كدا عايزاكي تخلفيلنا بنوته حلوه زيك يا حبيبتي ماشي.
احنت مريم رأسها لان الخجل وصل بها الى ذروته فاحمرت وجنتيها وضاق تنفسها فابتلعت ريقها ولم تعلق بينما قالت رغد : مخلاص بقى يا جماعة... انتوا مش شايفين ان مريم مكسوفه ؟
فابتسم معاذ قائلاً : وتتكسف ليه دا شيء طبيعي بما انها متجوزه .
في تلك اللحظة اتت وفاء ابنة العم محمود وقالت : العشا جاهز يا طنت كوثر .
فنظرت السيدة كوثر اليها وقالت : ماشي يا وفاء.. يلا بينا يا جماعة .
- فنهض افراد العائلة بمن فيهم مريم التي كانت ما تزال مصدومة بسبب ما سمعته من ادهم بشأن انجاب المزيد من الاطفال ثم توجهوا جميعاً الى غرفة المائدة حيث كانت مرتبة بشكلٍ جميل وعليها أشهى المأكولات والمشروبات بانواع مختلفه ؛ جلست السيدة كوثر على رأس الطاولة بينما جلس ادهم مقابلاً لها وبجانبه من جهة اليمين جلست مريم اما على جهة اليسار فجلس معاذ وبجانبه زوجته سلوى ومعهما رغد وكانت مريم تشعر بالتوتر يسيطر عليها ولم تستطيع رفع رأسها ابداً فنظر الجميع اليها وقال معاذ : متتكسفيش يا مريم.. انتي بقيتي وحده من عيلتنا دلوقتي يعني اتصرفي على طبيعتك.
فنظرت اليه وقالت : متشكره.
اما رغد فقالت : يلا يا جماعة اتفضلوا.
وبدأوا يتناولون طعامهم بينما كانوا يتحدثون بأمور مختلفه ويضحكون الا مريم وادهم حيث كانا يتناولا طعامهما بصمت... فهو كان يفكر بما قالته سلوى وان كانت مريم تحبه حقاً ام لا اما هي فكانت تشعر بالرعب بسبب ما قاله بشأن انجاب أطفال اخرين حيث ان الفكره ارعبتها جداً خصوصاً لان علاقتهما كانت معقدة للغاية.
وبعد العشاء جلسوا في غرفة المعيشة فقالت رغد : قوليلي بقى يا مريم... انتي خريجة ايه ؟
مريم : انا خريجة برمجة تطبيقات وهندسة إلكترونيّة بس محصلتش على فرصة علشان اشتغل في البرمجة لغاية دلوقتي .
معاذ : ازاي يعني ؟
فقال ادهم : هي كانت متدربه في شركتي بس اقبل ما تبقى مبرمجة عينتها السكرتيرة بتاعتي وبعدها هي سافرت نيويورك وبقت تشتغل في شركة تجارية .
نظرت مريم اليه ثم ابعدت نظرها واضافت قائلة : ايوا...انا اشتغلت مدققة حسابات في شركة صديق ليا وبعد كدا بقيت مديرة قسم المالية في الشركة بس اضطريت اني اقدم استقالتي علشان ارجع مصر.
فسألتها سلوى : ومش ناويه تشتغلي هنا ؟
ارادت مريم ان تتحدث ولكن ادهم سبقها بقوله : هي هترجع تشتغل في شركتي وهتبقى السكرتيرة بتاعتي مرة تانية .
نظرت مريم إليه وقالت بدون وعي : عايزني ارجع وابقى السكرتيرة بتاعتك ؛ احنا متفقناش على كدا.
فرمقها بنظرة حادة لانها نسيت نفسها وقال بصوت يغلبه الجمود : هنتكلم في الموضوع دا بعدين.
في تلك اللحظة انتبهت الى الاخرين الذين كانوا يحدقون بها ورمشت عدة مرات ثم نهضت قائلة : هروح اطمن على ادهم الصُغير ، هي فين الاوضة بتاعته ؟
فقالت السيدة كوثر : جنب الاوضه بتاعتك انتي وادهم.
فنظفت مريم حلقها لان وقالت : متشكره ، عن اذنكوا يا جماعة.
قالت ذلك ثم تحركت بخطوات سريعة نحو السلالم وصعدت الى الطابق العلوي بينما كان في قلبها امواج تسونامي تتخبط في جدران صدرها... اما ادهم فنهض ايضاً وقال : وانا كمان هطلع انام اصلي تعبان اوي... تصبحوا على خير.
رد البقية عليه : تلاقي الخير.
- ثم صعد إلى غرفة ابنه حيث كانت مريم جالسه بجانب الصغير على السرير بينما كان هو نائماً بعمق في ذلك الفراش المبهج بالنسبة للاطفال حيث كان عليه رسومات لأبطال خارقين كما ان غرفته كانت مليئة بالألعاب بأشكل وانواع مختلفه وكان يغلب عليها اللون الازرق السماوي والابيض ؛ وقف عند عتبة الباب يحدق بها وهي تربت على صدر ابنها بلطف بينما كانت شاردة الذهن وكأنها سافرت بخيالها الى مكان بعيد ولم تسمعه عندما تحدث سألها : عجبك البيت ؟
بل استمرت بشرودها بينما كان يتحدث معها الى حين اقترب منها ووضع يده القوية على كتفها... وحين شعرت به شهقت شهقة صغيرة وسرعان ما انتفضت من مكانها ونظرت اليه وقالت باندفاع : خضيتني يا ادهم !
سحب ادهم يده وقال : بقالي ساعة بكلمك وانتي مش سمعاني !
قالت بارتباك : انا ...انا... كنت...
فقاطعها حين امسك معصمها فجأة وقال : خلاينا نتكلم في الاوضه بتاعتنا لان ادهم ممكن يصحى لو سمع صوتنا .
قال ذلك وسحبها خارج غرفة ابنهما ثم دخلا الى غرفتهما فاغلق الباب وقال : لو عايزه تسألي عن حاجة فانا هجاوبك دلوقتي.
نظرت اليه بينما كان نفسها على وشك الانقطاع من شدة التوتر ولكنها استجمعت رباطة جأشها وسألته : ممكن اعرف كان لازمته ايه هزارك البايخ اللي قولته قدام اهلك ؟
رفع ادهم حاجبه الايسر وقال : هزار ، بس انا مهزرتش خالص.
مريم : قصدي موضوع الخلفة دا... حضرتك كنت تقصد ايه لما قولت انك عايز ولاد غير ادهم ؟
كتف ادهم ذراعيه واجابها بثقة : انتي كنتي فاكره اني بهزر ، لا يا مريم انا كنت بتكلم جد وجد اوي كمان.
قطبت مريم حاجبيها وقالت بتلعثم : ق.. قصدك... انت عايز ...
فقاطعها بقوله : ايوا..
فقالت باندفاع : بعينك ، انا مش هسمحلك تلمسني مرة تانية ابداً... علشان كدا متقربش مني خالص انت فاهم !
قالت ذلك وهي ترتجف اما هو فشعر بالحزن لانها كانت تخاف منه فسألها بصوت تشوبه الحسرة والندم : لسه بتخافي مني بعد اللي حصل ؟
ذرفت الدموع وقالت : وانت نسيت اللي عملته فيا ؛ انا مش هقدر اسامحك ابداً ولا هسيبك تقرب مني وحط كلامي دا حلقه في ودانك.
ادهم : بس اللي حصل زمان كان اتفاق بينا وانا اتجوزتك علشان تبقى علاقتنا شرعية ولا انتي نسيتي الكلام دا ؟
اجابته بصوت مجروح وينزف ألم : انسى ... انا عمري ما هنسى ازاي عاملتني زي الـ ... المجرمين علشان كدا انا مش هسامحك ابداً ولا هسيبك تقرب مني خالص .
فاقترب ادهم منها بخطوة واحدة وقال : بس دا حقي الشرعي بما انك مراتي .
اما هي فعادت خطوتين للوراء وقالت بنبرة متألمة : حقك الشرعي وانا مش عايزه اديهولك... ايه رأيك بقى واعلى ما في خيلك اركبه يا ادهم بيه .
بعد قولها ذاك شعر ادهم بقلبه يتمزق لان محبوبته بدت خائفة منه للغاية لذا لم يريد ان يضغط عليها اكثر فتنهد وقال : ماشي يا مريم... عاندي ﺑﺮﺍﺣﺘﻚ دلوقتي بس مصيرك ﻫﺘوقعي ﻓﻰ ﺍﻳﺪي ساعتها هتديني كل حقوقي انا بوعدك .
قال ذلك ثم خرج من الغرفة كلها بوجه متألم وملامح حزينة وذهب الى غرفة ابنه ، جلس بجانبه ثم قال بصوت خافت : هتسامحيني يا مريم... وبكرا هتشوفي .
اما هي فجلست على احدى الارائك وبدأت تبكي بصمت فوضعت يدها على صدرها وقالت : انا اسفه يا ادهم.. بس عمري ما هقدر انسى معاملتك القاسية اللي عاملتني بيها... انت جرحتني اوي حتى انك ضربتني ومسبتنيش اكمل كلامي ولا سمعت مني .
في منتصف الليل....
عاد ادهم الى غرفته فاغلق الباب بهدوء ثم التفت فوجد زوجته نائمة على الاريكة بعد ان بدلت فستانها بملابس النوم ، وقف يحدق بها بتمعن ثم تنهد واقترب منها بخطوات هادئة وسرعان ما حملها بلطف ووضعها على السرير ثم استلقى بجانبها واخذ يتأمل وجهها الذي يعشقه بتمعن وبعدها حرك يده اليمنى ليبعد خصلة من شعرها الناعم حيث التصقت على جبينها فتنهدت اثناء نومها وسرعان ما اقترب منها ثم خطف قبلة صغيرة من شفتيها واستمر بالنظر إليها حتى غلبه النعاس وسقط في النوم .
اما في مكان اخر وبعيداً عن قصر عائلة السيوفي.....
كانت الهام مستلقية في سريرها ولكن لم يغمض لها جفن طوال الليل لانها كانت تفكر بحبيبها الذي فارقته فنزلت دمعة مريرة من عينها وقالت في سرها : معقول هقدر انساك يا خالد ؛ ازاي هقدر انسى حب دام اربع سنين ويا ترى انت هتفتكرني لو تقابلنا تاني في يوم من الايام ؟
وفي صبيحة اليوم التالي .....
ً
اشرقت الشمس لتملأ الكون نوراً وضياء معلنة عن بداية صباح يوم جديد تنبعث منه رآئحة الاشتياق يمتلىء بالحنين ، ففتحت مريم عيونها ببطء حتى أستقر نظرها على سقف الغرفة وسرعان ما بدأت تتذكر احداث اليوم السابق ولم تستوعب بعد انه كان نائماً الى جوارها ، ولكنها ادركت اخيراً ان ذراعاً قوية مألوفة كانت تعانق خصرها وتتشبث بها فتجمدت مكانها واتسعت عيناها على وسعهما دون أن تجرؤ على الاستدارة الى الجانب الآخر من السرير ؛ حركت رأسها ببطء لتتوقف عينيها على التيشرت الرمادية التي كانت ملتصقة بصدره العريض وفتحتهما أكثر لترتفع بنظرها الى عنقه ثم ذقنه حتى توقفت اخيراً عند وجه حيث كان نائماً بعمق وهو يحتضنها .
كتمت شهقتها بيدها بينما كاد قلبها يفر هارباً من بين ضلوعها لشدة تسارع نبضاته حيث بدأ صدرها يعلو ويهبط جراء تنفسها الغير منتظم واخذت تحدق به بغير تصديق ؛ ارادت ان تنهض بسرعة ولكن سرعان ما لفتت نظرها السلسلة الفضية التي كانت معلقة حول عنقه ، فرمشت عدة مرات ثم استجمعت شجاعتها وحركت يدها ببطء شديد وامسكت السلسلة بينما كانت عيونها تراقب وجهه بترقب وحذر شديدين .
وما ان اصبحت بيدها واخرجتها من تحت التيشرت حتى تغيرت ملامح وجهها واتسعت عيناها وعقدت حاجبيها وسرعان ما فتحت القلادة الملتسقة بها لتصبح صدمتها اكبر حيث ظهرت امامها صورتها هي وشقيقتها مرام عندما كانتا اصغر سناً ، فتجمدت حركتها تماماً وشل لسانها عن الكلام محاولة ان تستوعب ما الذي تفعله قلادتها حول عنق ادهم عزام السيوفي فهي فقدتها منذ خمس سنوات تقريباً حتى انها نسيت امرها تماماً لذا حركت نظرها نحو ذلك الرجل الذي كان يعانقها وهو نائم بهدوء واخذت تحدق به وعلامات الاستفهام تعلو وجهها ولكن ليس لوقت طويل ؛ فهو تحرك اثناء نومه وابعد يده التي كانت تحتجزها وسرعان ما فتح عيناه ببطء ليجدها جالسة بجانبه على السرير تحدق به بصدمة واضحة الامر الذي جعله يرسم ابتسامة صغيرة على شفتيه وقال : صباح الخير .
ثم ابعد الغطاء عنه وانتصب واقفاً بينما كانت هي تلاحقه بنظراتها بصمت مرعب وهو يتوجه نحو الحمام ، وسرعان ما انتفضت من مكانها كما لو ان افعى سامة قد لدغتها ثم لحقت به ووقفت امام باب الحمام بينما كان هو يغسل وجهه ودون أي مقدمات سألته : ايه اللي جاب السلسة بتاعتي لرقبتك يا ادهم ؟
في تلك اللحظة توقف ادهم عن غسيل وجهه لمدة ثواني ولكن سرعان ما تابع فعل ذلك دون ان يعلق اما هي فقالت مجدداً : انا سألتك سؤال يبقى جاوب عليه بسرعة !
اغلق ادهم صنبور المياه ثم امسك بالمنشفة الصغيرة ونشف وجهه وبعدها التفت اليها وقال بهدوء : دي بقالها معايا تقريباً خمس سنين وعمري ما شلتها عن رقبتي ابداً .
فنظرت اليه بغير تصديق وسألته بتلعثم : لاقيتها فين ؟
نظر اليها مطولاً ثم تحرك نحوها بخطوات ثابتة قائلاً : دي وقعت منك في الفيلا بتاعتي لما....
فقاطعته بقولها وهي تعود بخطواتها للوراء : طيب ليه احتفظت بيها ؛ ليه مارجعتها لي في اليوم اللي طلقتني فيه !
اجابها وهو يتقدم نحوها بخطوات بطيئة قائلاً بصوت ينبعث منه ألم الحنين والأشتياق : لاني كنت عايز حاجة تفكرني فيكي على طول .
فسألته بصوت يكاد يختفي : ليه ؟
أقترب منها اكثر وبحركة واحدة امسك بخاصرتها مما جعل قلبها يهوي ثم شدها اليه حتى اصبحت قريبة منه جداً وهمس لها بصوت عاشق ولهان : عشان بحبك يا مريم.
في تلك اللحظة اتسعت عيناها بشدة واخذت البرودة تسري في جسدِها بالرغم من دفء المكان وشعور مخيف تسلل الى اعماق قلبها عندما سمعت ما قاله فسبب لها دوار شديد وبالكاد حملتها اقدامها مما جعلها تمسك بالتيشرت التي كان يرتديها وعيونها المصدومة لا تفارق عيناه فقالت بصوت كاد ان يختفي : ق.. قولت... ايه !
لم يعلق بل امسك وجهها بكلتا يديه وجذبها نحوه دون ادنى اعتراض منها ووضع شفتيه على شفتيها مقبلاً اياها في عناق طويل ، وكل ما شعرت به بعد ذلك رعشة عنيفة ضربت اوصال جسدها وكأن النار اشتعلت فيها فحاولت ابعاده عنها ولكنه امسك بمؤخرة رأسها وغرس اصابعه بين خصلات شعرها الطويل ثم تابع تقبل شفتيها بتملك اوهنها واضعف ساقيها وكأنه عطشان منذ سنوات وجد ضالته اخيراً ليرتوي من شهد شفتيها دون توقف ؛ في تلك اللحظة اغمضت عيناها بشدة ونزلت دموعها ثم سمحت لمشاعر الحب ان تتحكم بها لذا ضغطت بيدها على التيشرت التي كان يرتديها بقوة ولولا حاجتهما للأوكسجين لما حرر شفتيها ، فابتعد عنها قليلاً ليعطيها مجالاً للتنفس بينما كان صدره يعلو ويهبط بسرعة ، بينما احنت رأسها بصمت واخذت الدموعها تنساب على وجنتيها فامسك بذقنها ثم رفع رأسها لتنظر اليه ومسح دموعها قائلاً بهمس : بحبك يا مريم... مش بس بحبك وانما بموت فيكي والكلام دا مش من دلوقتي ...انا حبيتك من اول مرة شفتك فيها وعارف انك طاهرة و بريئة وانك عملتي كل حاجة علشان تنقذي اختك الله يرحمها وكنت هقولك اني بحبك بس انتي سافرتي من غير ماتقوليش اي حاجة .
فاستمرت دموع مريم بالانهمار غزيرة وهي تنظر إلى عيناه وتستمع الى كلامه فقالت بصوت مبحوح : بتحبي ؛ امال ليه جرحتني يا ادهم ... ليه عاملتني بقسوة وسبت جرح كبير في قلبي ؟
فعانقها بقوة كادت ان تسحق عظامها وقال بنبرة متألمة : غصب عني... مكنتش اعرف الحقيقية وقتها وافتكرت انك... عملتي كل حاجة عشان الفلوس بس قلبي مقبلش يصدق اي حاجة علشان كدا اتجوزتك ومطلقتكيش لاني كنت عايز اعرف السبب اللي خلاكي ترخصي نفسك يا حبيبتي .
بعد قوله ذاك اجهشت مريم بالبكاء الشديد وانهمرت الدموع من عينيها كالسيل الجارف فغسلت وجهها وبللت جسمه وهو يحتضنها بقوة ولم تستطيع التحدث او قول اي شيء فقط تعالت أصوات شهقاتها لتخترق قلبه كما لو انها سهام ملتهبة اشعلت النار في صدره فانسابت دمعة من عينه جعلته يحكم عناقها بقوة اكبر وهمس في اذنها قائلاً : ششش... متعيطيش ، انا اسف .. والله العظيم اسف.
ولكن مريم استمرت بالبكاء في حضنه حتى اخرجت كل الألم والحزن الذان كانا يعتصران قلبها منذ سنوات ، واخذت تعبر عما في نفسها من لوعة وحسرة لذا بكت وبكت وبكت حتى احمرت عيناها وانفها واغرقت التيشرت التي كان يرتديها بالدموع... وبعد ان هدأت قليلاً ابعدها عنه لمسافة قصيرة ثم امسك ذقنها ورفع رأسها لتنظر اليه ثم مسح اثار دموعها عن وجنتيها قائلاً : انا اسف... اسف على كل حاجة....اسف لأنك سبتي مصر بسببي ، واهم حاجة اسف لاني طلقتك وسبتك تتعذبي لوحدك.
تدحرجت دمعة حارة من عينها اليسرى وهي تنظر اليه ثم رفعت يدها وابعدت يده عن وجهها ببطء قائلة بصوت مبحوح : لما انت بتحبني زي ما بتقول وكنت عارف الحكاية من الاول يبقى ليه اتعمدت تجرحني مرة تانية لما طلقتني في نيويورك .. ليه جرحتني بكلامك يا ادهم ؟
في تلك اللحظة احنى ادهم رأسه ولأول مرّة في حياته كلها وقف صامتاً لا يعلم ماذا يقول...عجز لسانه عن الكلام ووقف يحدق بالارض كوقفة سجين ينتظر حكم اعدامه ولم يبقى من عمره الا القليل واصابعه تعد ايامه فلم يقل اي شيء سوى كلمة واحدة مجروحة متوسلة نطق بها لتخترق قلب مريم وتصل إلى اعماق اعماقها " سامحيني "
قال ذلك ثم رفع رأسه ونظر اليها بعيون حمراء اغرقتها الدموع وسرعان ما انسابت على وجهه فذهلت مريم عندما رأت ان ذلك الرجل القوي البارد الجبار قد بكى من اجلها هي ..لقد كانت تظن انه اقوى شخص قابلته في حياتها ومن المستحيل ان يذرف الدموع في يوم من الايام امام اي احد ولكنه بشر ايضاً بالاضافة لكونه رجل قوي... واذا بكى رجل مثله لاجل امرأه فهذا يعني انه يحبها ولا يعيش الا لاجلها ..اذا بكى لاجل الحب فهذا هو الحب الصادق النبيل الذي يسمو فوق الكرامة وفوق كل الكلمات التي نصوغها عندما نقرر الفرار من الحب... نعم يبكي ليس ضعفاً ولا خذلان وانما لانه بشر فليس البكاء كما يقال دوماً هو للنساء فقط ، بل يبكي الرجل لان له قلبا ًوروحاً واحاسيس ، يبكي لان البكاء يريح القلب وقلبه هو ارهقته مآسي الحب ...حبه لها اصبح هوس بل اكثر وقد تعدى الجنون حيث انه احبها اكثر من نفسه واكثر من اي شيء في الوجود والشخص الوحيد الذي من الممكن ان ينافسها على حبه لها هو ثمرة حبهما الصغيرة ابنهم الذي زرع برعم الفرح والسرور في حياتهما الكئيبة.
- فلم تشعر بيدها الناعمة عندما ارتفعت ببطء لتمسح دموعه النادرة التي كانت اغلى من الماس بالنسبة لها وسرعان ما احتوته بين ذراعيها واخذت تربت على ظهره بلطف مما جعله يجهش بالبكاء قائلاً من تحت انفاسه الملتهبة : سامحيني يا مريم.. سامحيني يا حبيبتي.
احكمت مريم عناقه وكأنها نسيت كل شيء حدث او فقدت ذاكرتها وقالت : ششش متعيطش... معقول انت تعيط يا ادهم .. ليه ... مفيش حاجة في الدنيا دي كلها تستاهل انك تعيط علشانها.
فابتعد عنها قليلاً ثم نظر إلى وجهها قائلاً : لأ في... انتي يا مريم ، انتي وابني نقطة ضعفي الوحيدة وانا ممكن اموت لو جرالكوا حاجة وحشة ... انتي ما تتخيليش ازاي كنت عايش وانتي بعيدة عني... كنت شبه الميت لا بعرف انام ولا بعرف اصحى من غير ما افكر فيكي .
فنزلت دمعة اخرى من عيون مريم وقد شعرت بسعادة غامرة حيث ارتسمت علامات الفرح على محياها وانقشع عنها الشعور بالهزيمة وأصبحت تشعر بالنخوة والانتصار وكاد قلبها يقفز من بين ضلعوعها فرحاً وسروراً فملأ كيانها فرح فريد لم تعرفه من قبل وفيض من السعادة لا يوصف لان حبيبها الازلي الذي ظنت انه تزوجها من اجل ابنه قد اعترف بحبه لها واتضح أنه كان مغرماً بها منذ زمن بعيد فابتسمت ابتسامة غمرتها السعادة وتهللت أساريرها وبرقت عيناها وقد فاضتا دموعاً فازدادت جمالاً وقالت متلعثمة بكلماتها : للدرجة دي بتحبني يا ادهم ؟
شعور مفرح استوطن في قلب ادهم عندما رأى ابتسامتها الجميلة التي افقدته عقله فابتسم لها بدوره وگأنه مراهق صغير منفعل سيخرج مع حبيبته في أول موعد غرامي وامسك يدها مقبلاً اياها وكأنها ترياق خلصه من تأثير سم الاشتياق لها واردف قائلاً : حب ايه دا ... انا عديت المرحلة دي من زمان اوي وبقيت بعشق كل تفاصيلك مش بس بحبك... ضحكتك.. شعرك عينيكي الحلوه .. صوتك ، حتى ريحة الپارفان بتاعك لسه فاكرها وبتقوليلي حب !
فاحمرت وجنتاها خجلاً بعد سماع ذلك وتهدجت انفاسها وطاطات بنظرها الي الارض وقالت بينما كانت تبتسم : وانا كمان..
اتسعت ابتسامة ادهم واقترب منها اكثر قائلاً : قولتي ايه ؛ مسمعتش انتي قولتي حاجة ؟
ازدادت مريم خجلاً ولكن ذلك لم يمنعها من تكرر ما قالته فاردفت قائلة بينما تحني رأسها : وانا كمان... بحبك.
في تلك اللحظة صدرت ضحكة رنانه عن ادهم عندما اخذها في حضنه وقال بنبرة تملؤها السعادة : واخيراً...دا اسعد يوم في حياتي كلها.
قال ذلك وهو يعتصرها بين ذراعيه بينما كانت هي سعيدة ايضاً ولكن ليس لوقت طويل فلا بد للقدر من ان يلعب لعبته المعتادة حيث رن هاتف ادهم فتجاهله تماماً لكنها قالت له : موبايلك بيرن يا ادهم.
اجابها وهو يحكم عناقها : انسيه وخلينا في اللي احنا فيه دلوقتي.
فابتسمت وابتعدت عنه قليلاً ثم اردفت : لازم ترد... جايز مكالمة مهمة.
تأفأف ادهم وقال بتذمر : طيب هرد بس هنرجع نكمل كلامنا تاني ماشي .
قال ذلك وغمزها فاحمرت خجلاً وابتسمت اما هو فتوجه نحو هاتفه وعندما قرأ الاسم اجاب قائلاً : ايوا يا كمال .. عايز ايه من الصبح كدا ؟
فقال كمال بدون مقدمات وبنبرة جادة : احنا في مشكلة يا ادهم...
يتبع.....
~ البارت الثالث عشر ~
بِسْمِ اللهِ الرَّحْمنِ الرَّحِيمِ
قراءة ممتعة للجميع
- اجاب ادهم على هاتفه قائلاً : ايوا يا كمال ، عايز ايه من الصبح كدا ؟
فقال كمال بدون مقدمات وبنبرة جدية : احنا في مشكلة يا ادهم... لازم تيجي الشركة بسرعة.
تغيرت تعابير وجه ادهم وسأله : في ايه ؟
كمال : في هاكر اختراق نظام المعلومات في الشركة ودمر الموقع الإلكترونية اللي كنا هنصدره اخر الشهر دا .
فقال ادهم باندفاع : بتقول ايه !!
مما جعل مريم تدرك ان امراً خطيراً قد حدث لذا أنتابها القلق اما هو اضاف متسائلاً : وقدرتوا تسيطروا على المشكلة ؟
كمال : احنا قدرنا نوقفوا بس مع الاسف بعد ما دمر الموقع.
ادهم : طيب يا كمال.. انا جاي حالاً.
قال ذلك ثم اغلق الهاتف والتفت الى مريم التي سألته بقلق : في ايه يا ادهم ؟؟
اجابها : في هاكر اخترق نظام الشركة وعمل مشكلة...علشان كدا لازم اروح هناك بسرعة.
مريم : هاكر ؛ طيب الخسارة كبيرة ؟
ادهم : السافل دمر الموقع اللي كنا هنصدره اخر الشهر دا يعني سبب لنا خسارة كبيرة.
مريم : طيب انا ممكن اساعد في حاجة ؟
ادهم : متقلقيش نفسك انتي... انا هتصرف.
فتنهدت قائلة : ماشي.
قبلها ادهم على جبينها ثم اردف : هروح اجهز نفسي بقى.
قال ذلك ودخل إلى الحمام اما هي فاعادت خصلة من شعرها ووضعتها خلف اذنها قائلة : وانا هروح اطمن على حبيب قلبي.
ثم خرجت من الغرفة وذهبت إلى غرفة ابنها فلم تجده في سريره مما جعل القلق يتسلل إلى قلبها لذا اخذت تبحث عنه في ارجاء الغرفة مثل المجنونة ولكنها لم تجده الامر الذي زاد قلقها ؛ فنزلت الى الاسفل حافية القدمين وجسدها يرتعش خوفاً بتلك البيجامة الحريرية ، ولكن سرعان ما تلاشى خوفها عندما رأته يصدر ضحكات رنانه بينما كان عمه معاذ يدغدغه والبقية جالسين حوله والفرحة تغمرهم والبسمة تعلو وجوههم وخصوصاً السيدة كوثر.
تنفست الصعداء عندما رأت ابنها يتأقلم مع عائلته الجديدة وبدى لها سعيد للغاية ، فأنتبهت عليها سلوى التي ابتسمت قائلة : صباح الخير يا مريم..
وفي تلك اللحظة نظر البقية إليها مما جعلها تشعر بالحرج لانها نزلت بملابس النوم اما السيدة كوثر فقالت : صباح الخير يا حبيبتي... اكيد جيتي تدوري على ادهم مش كدا ؟
نظفت مريم حلقها وقالت : صباح النور... انا اسفة يا جماعة بس كنت خايفه عليه وافتكرت ان جراله حاجة وحشة علشان كدا مخدتش بالي من هدومي... هروح اغيرهم بسرعة.
قالت ذلك ثم ركضت بسرعة نحو الدرج وصعدت الى غرفة زوجها فضحكت سلوى قائلة : البنت دي عسل والله .
معاذ : عندك حق ، دي حتى مغيرتش هدومها من الخوف !
فقالت السيدة كوثر : طبيعي تخاف يا يا ابني ؛ الامومة بتجبرها انها تفضل دايماً خايفة على ولادها حتى لو بقى عندهم 100 سنة .
لم يعلق معاذ على كلام امه بل اخذ يدغدغ الصغير الذي كان يضحك بسعادة غامرة ، اما مريم فعادت الى الغرفة حيث كان ادهم قد انهى حمامه بالفعل وكان واقفاً أمام المرآة يعقد ربطة عنقه ، فنظر إلى انعكاس صورتها عندما دخلت وابتسم تلقائياً ثم سألها : كُنتي فين يا روح قلبي ؟
ابتسمت بخجل وقالت : كنت بتطمن على ادهم بس ملقتهوش في الاوضه ولما نزلت ادور عليه كان قاعد مع اهلك ؛ الظاهر انه حبهم اوي لانه كان بيضحك جامد.
فالتفت اليها وقال : طب دا كويس...بس انتي نزلتي.... كدا !
قال ذلك واخذ يحدق بملابسها الحريرية التي تصل إلى ركبتها وتكشف عنقها وكتفيها فتحركت نحو الاريكة وجلست غير منتبهة لذلك الكائن الذي تحولت عيناه الى لهب مدمر وقالت : شوفت الكسفة ؛ انا قلقت اوي لما دخلت أوضة ادهم ومالقتهوش ومخدتش بالي اني لسه مغيرتش هدومي بس الحمد لله انهم مدققوش في منظري .
قطب ادهم حاجبيه بشدة وقال بنبرة حادة يغلبها التهديد والغضب : دي اول واخر مرة تعملي غلطة زي دا انتي سامعة ؛ ولو كررتي اللي عملتيه هيبقى ليا معاكي تصرف تاني يا مريم ومش هيعجبك ابداً .
بعد قوله ذاك شعرت مريم بالخوف منه لذا اشاحت بنظرها عنه بسرعة وقالت بصوت اختنق تحت الدموع : انا اسفه .. مكنش قصدي بس خفت على ابننا علشان كدا جريت ادور عليه .
اما هو رفع حاجبه الايسر وارتسمت ابتسامة صغيرة على زاوية شفتيه ثم اقترب منها بخطوات بطيئة بينما كانت هي تحني رأسها وتحاول منع دموعها عن النزول ؛ أمسك ذقنها بلطف ثم رفع رأسها لتنظر اليه وابتسم قائلاً بنبرة هادئة : انتي زعلتي مني ولا ايه يا روحي ؟
حركت مريم رأسها جانباً لتتجنب النظر اليه ولم تقل شيئاً بل دموعها هي التي تحدثت فعاد وامسك بذقنها واضاف : طيب انتي عارفه انا ليه مش عايزك تعملي كدا تاني ؟
هزت رأسها نفياً فتابع : لان البيت دا في رجالة تانين وممنوع حد يشوفك بالمنظر دا غيري انا لاني بغير عليكي جداً ومش هقدر استحمل فكرة ان حد غيري هيبص على الجمال دا كله .
أحمرت وجنتيها خجلاً وابتسامة صغيرة لونت شفتيها عندما ادركت قصده واحنت رأسها قائلة بغنج : حاضر... مش هكرر الغلطة دي ابداً .
اتسعت ابتسامة ادهم الساحرة ثم طبع قبلة لطيفة على خدها الايمن بالقرب من فمها وتعمد ان يجعلها بطيئة حتى شعر بجسدها يرتعش ؛ فابتسم ابتسامة النصر ثم ابتعد عنها قليلاً وقال بصوت اشبه للهمس امام شفتيها : هروح الشغل دلوقتي لاني مضطر بس لما ارجع هيبقالنا كلام تاني لان في دين عليكي ولازم تدفعيه .
وبعد قول تلك الجملة التي جعلتها تذوب خجلاً ابتعد للوراء فقالت بصوت يكاد يختفي : ادهم...
فنظر اليها وقال بحب فائق : ايوا يا روح ادهم.
احنت رأسها بخجل وسألته : مش هتديني السلسلة بتاعتي بقى ؟
ابتسم ادهم بإشراقة على خجلها واردف بخبث : لو عايزاها يبقى تعالي خديها بنفسك .
فنظرت اليه مباشرةً ولكن ليس لوقت طويل حيث ان خجلها قد اذابها تماماً فهي تعلم علم اليقين ما الذي سيحدث لها ان اقتربت منه وحاولت نزع القلادة عن عنقه لذا ابتسمت بخجل شديد ثم نهضت وركضت نحو الحمام وتركته خلفها يضحك على لطافتها الممزوجة بالخجل ؛ فقال بصوت مسموع : هديكي فرصة علشان تاخديها النهاردة بالليل بس ما يتهيأليش انك هتقدري تعملي كدا لان اديكي هتبقى مشغولة بحاجات تانية .
قال ذلك وخرج من الغرفة وتركها تتصارع مع نبضات قلبها الذي كاد ان يخرج من بين ضلوعها بينما اكتست وجنتيها بحمرة الورد لتزيد من جمالها جمالاً ؛ وقد نزل الى حيث كان افراد عائلته وابتسم تلقائياً عندما رأى ابنه جالساً في حضن عمه معاذ الذي كان يعلمه كيف يلعب بأحدى الألعاب الالية ، فقال برقة : صباح الخير.
قال ذلك ثم توجه فوراً نحو ابنه فاجابه الجميع بـ صباح النور ؛ اما ادهم الصغير فاعتلت البسمة وجهه عندما رأى والده الذي حمله قائلاً : عامل ايه يا بطل ؛ مبسوط لان عمو معاذ بيلعب معاك ؟
فضحك الصغير وقال : بابا انا حبيت الالعاب والبيت دا اوي .
ابتسم ادهم وهو يحمله ثم قبله على خده بقوة وقال : علشان كدا عايزك تخف بسرعة وتلعب بكل الالعاب اللي في أوضتك ماشي يا بطل .
أومأ الصغير برأسه اما معاذ فقال مبتسماً : الواد دا عسل يا ادهم... دا شبهك اوي لما كنت صغير.
اما سلوى فقالت ممازحة : شبهك في الشكل بس وانما الطبع ؛ انا بقول هو طالع حنين لمريم .
فضحك الجميع اما ادهم فاعاد وضع ابنه في حضن معاذ قائلاً : فكرك هزعل يعني لو قلتي كدا ؛ لأ اطمني يا حضرة الدكتورة.
وقالت امه بتعجب : ياااه انت تغيرت اوي يا ادهم...والله برافو عليكي يا مريم قدرتي تغيري جبل التلج .
فابتسم ادهم واستطرد : طيب يا جماعة انا لازم اروح الشغل دلوقتي.
وسألته امه : مش عايز تفطر الاول ؟
فتنهد ادهم وقال بجدية : معنديش وقت لان حصلت مشكلة في الشركة ولازم اروح هناك حالاً .
معاذ : خير ان شاء الله ، مشكلة ايه دي اللي حصلت ؟
ادهم : في هاكر اخترق نظام امن الشركة وسبب لنا مشكلة.
معاذ : طيب وهتعملوا ايه ؟
ادهم : مش عارف لغاية دلوقتي... علشان كدا لازم اروح الشركة والاقي حل للمشكلة دي بسرعة .
فقالت السيده كوثر : طيب يا حبيبي... روح شوف شغلك ومتقلقش على مراتك وابنك لاني هحطهم جوا عينيا.
ابتسم ادهم قائلاً : ربنا يخليكي يا ست الكل... سلام دلوقتي.
قال ذلك ثم غادر وما ان صعد في سيارته متوجهاً إلى شركته الضخمة حتى تغيرت تعابير وجهه لتعود باردة من جديد وكأنه لم يبتسم منذ دهور لا بل اصبح وجهه متشنجاً كثيراً حتى برزت عظام فكيه القوية وكانت عيناه مشتعلة يكاد اللهب يخرج منهما وهو يركز على الطريق .
وسرعان ما وصل حتى ركن سيارته في مكانها المعتاد ثم نزل منها كالأسد الهائج ودخل إلى الشركة كأنه اعصار اقسم على ان يدمر كل شيء يقف في طريقه بينما كان الموظّفين يرتعدون خوفاً من بطشه حيث مر في ردهة الشركة كما لو ان هالة شيطانية قد تلبسته وذهب إلى قسم المراقبة الالكترونية حيث كانت المشكلة ؛ ما ان وطأت قدماه ذالك القسم حتى قال بصوت اشبه بهزيم الرعد : ايه اللي سمعتو دا ، ازاي قدر الهاكر الحقير دا انه يخترق نظام شركة ادهم عزام السوفي ويتسبب في مشكلة ؟
- رعب مميت تسلل إلى قلوب الموظفين المساكين وخوف مهلك خيم على وجوههم التي شحب لونها تماماً جعل ألسنتهم تُشل فعم الصمت في ارجاء القسم الا من صوت انفاسه الملتهبة التي عبرت عن مدى غضبه الشديد ؛ فأتاه صوت كمال الذي قال بتوتر : اهدا يا ادهم.... احنا قدرنا نتعامل مع المشكلة دي وقدرنا نحمي باقي المواقع بس مع الاسف مقدرناش نعرف مين السافل اللي عمل كدا او ايه هي الغاية بتاعته .
فصاح ادهم بصوت هادر كصوت ضرب المياه على الصخور قائلاً : ازاي دا يحصل في شركتي انا ؛ كنتوا فين لما الكلب دا اخترق نظام الشركة ؟؟؟
زاد خوف الموظفين ولم يجرؤ أحد على النطق بأي كلمة لان ادهم كان في ذروة غضبه المرعب اما كمال فازداد توتره وقال بارتباك شديد : ارجوك يا ادهم اهدا لان العصبية مش هتحل المشكلة دلوقتي وقولنا هنعمل ايه .
فرفع ادهم يده اليمنى وغرس اصابعه في شعره الاسود الكثيف وشد عليه بشدة حتى كاد ان يقتلعه من جذوره بينما اغمض عيناه وتنهد بقوة وكأنه يحاول السيطرة على غضبه قبل ان يثور ويسبب كارثة داخل الشركة ، وبالفعل استطاع أن يحافظ على هدوئه ونظر إلى كمال قائلاً بنبرة حادة : عايز كل حاجة ترجع زي ما كانت بسرعة يا كمال وكأن محصلش اي اختراق ، يعني الموقع هيتصدر في معاده انت فاهم !
قطب كمال حاجبيه وقال : بس يا ادهم انت عارف ان دا مستحيل... يعني ازاي هنرجع نصمم الموقع بسرعة ؛ دا هيحتاج على الاقل تلات اسابيع ومعاد العرض بتاعه بعد اسبوع واحد !
رمقه ادهم بنظرة ثاقبة واردف بصوت اجش : اللي قلته يتنفذ بالحرف الواحد يا كمال والا اعتبروا ان المسألة دي مش هتعدي على خير ابداً والاحسن انكوا تبتدوا شغل من دلوقتي علشان نرجع الخسارة اللي حصلت بسبب فريق المراقبة الفاشل اللي حضرتك مشغله.
فتنهد كمال بضيق وقال : حاضر يا ادهم ؛ واحنا اسفين على الغلطة دي وبوعدك انها مش هتتكرر.
في تلك اللحظة شعر ادهم بالغضب من نفسه لأنه تحدث بعصبية مع زوج اخته وشريكه وصديقه وبئر اسراره امام الجميع ولكن لا مجال للتهاون في ما يخص العمل بالنسبة له لذا قال بصوت عادي ولكن يغلبه الجمود : اتفضلوا على شغلكوا.
ثم غادر المكان بأنزعاج اما كمال فكان يشعر بداخل اعماقه بالهزيمة والانكسار لان فريق عمله كان مهملاً للغاية وتسبب في مشكلة كبيرة للشركة لذا صاح بهم بصوت هز ارجاء المكان : يكون في علمكوا لو الغلطة دي اتكررت تاني فاعتبروا ان نهايتكوا قربت انتوا سامعين !!!
قال جملته الاخيرة وهو يشدد عليها ثم خرج من القسم وذهب إلى قسم التصميم لكي يخبر الموظفين بأن يبدأوا في تصميم موقع جديد قبل ان يبطش بهم ادهم الذي ذهب إلى مكتبه مع نوبة غضب مرعبة ؛ وهناك انتصبت سكرتيرته سلمى واقفة وقد لاحظت فوراً الهالة الشيطانية التي كانت تحيط به فلم تتجرأ وتتكلم بل صمتت واخذت تلاحقه بنظراتها وهو يدفع باب مكتبه بقوه ثم يعاود اغلاقه بقوة اكبر كادت ان تكسره مما جعل جسدها يرتجف ؛ تنفست الصعداء بعدما دخل وقالت بصوت خافت : يا نهار اسود... اليوم دا باين انه مش هيعدي على خير ابداً .
- دخل ادهم ثم اخذ يفك ربطة عنقه بعنف وكأنها كانت تمنع عنه الهواء وسرعان ما صب جام غضبه على محتويات الغرفة المسكينة فاخذ يحطم كل شيء من حوله وهو يصرخ بزمجرة كزئير التنِّين الغاضب بينما كانت سلمى ترتعد خوفاً في الخارج وهي تسمع صوت التحطيم ...
عودة إلى قصر عائلة السيوفي......
كانت مريم جالسة برفقة السيدة كوثر وأمينة وابنتها وفاء بعد ان غادر معاذ وزوجته الى عملهما فابتسمت امينة وقالت بنبرة اعجاب : بسم اللّه ما شاء الله... انتي قمر منور يا ست هانم .
ابتسمت مريم بخجل وقالت : متشكرة يا طنت امينة.
اما وفاء فقالت وهي تلعب مع ادهم الصغير : اخيراً بقى في حد اتسلى معاه في البيت الكئيب دا.
فضحكت السدة كوثر بينما نهرت امينة أبنتها بقولها : بت انتي... اتأدبي بدل ما اقطع لسانك.
ردت عليها السيدة كوثر من بين ضحكاتها : سيبيها يا امينه... دي لسه صغيرة وبعدين معاها حق يعني... احنا فعلاً كنا عايشين في كآبة لحد ما اكتشفنا ان عندنا حفيد وكنة حلوه زي القمر نوروا البيت من ساعة ما جم.
أبتسمت مريم واردفت : ربنا يخليكي يا طنت... دي انتي اللي زي القمر وحنينه.
فقالت امينه : ياااه جمال وادب واخلاق... فعلاً ادهم بيه اختار جوهرة.
في تلك اللحظة شعرت مريم بالخجل يكسو وجنتيها من فرط المديح والثناء الذي سمعته من امينة والسيدة كوثر منذ الصباح فأرادت ان تفتح موضوعاً اخر لذا استطردت : قوليلي بقى يا وفاء... انتي عندك كام سنه يا حبيبتي ؟
فأبتسمت وفاء قائلة : يناير الجاي هتم 18 سنه.
مريم : يعني بقيتي عروسه.... خلي بالك اكيد العرسان هيتجننوا عليكي.
احنت وفاء رأسها وابتسمت بخجل دون ان تعلق بينما تدخلت امها قائلة : وفاء لسه صغيرة يا مريم هانم يعني لسه قدامها طريق طويلة لغاية ما تفكر في الموضوع دا وبعدين اهم حاجة دلوقتي انها تتخرج من المدرسة علشان تخش الكلية لان دي رغبة بباها.
قالت جملتها الاخيرة وهي تشد على كلماتها وتنظر إلى ابنتها التي كانت بجانبها وكأنها تهددها بأن لا تفكر في موضوع الزواج قبل التخرج من الجامعة حتى ؛ فأدركت مريم ما كانت تقصده هذه المرأة العنيدة لذا ابتسمت بلطف وقالت : عندك حق... اهم هاجة دراستها.
اما السيدة كوثر فضحكت قائلة : الله عليكي يا امينه...عمرك ما هتتغيري ابداً وهتعملي اللي في دماغك دايماً... يعني فيها ايه لو لاقيتي عريس كويس لبنتك وجوزتيها صغيرة ؛ مهو انا كمان اتجوزت لما كنت في سنها واديني عايشة مبسوطة والحمد لله وعيالي حوليا.
ابتسمت امينة واردفت : زمنهم غير زمنا يا ست هانم يعني هي لازم تتعلم ويبقى عندها خبرة في الحياة قبل ما تتجوز .
فقالت وفاء بجرأة : متقلقيش يا ماما... انا هكمل دراستي الاول وبعدها لو حصل نصيب هتجوز يعني اكيد مش هتخلليني جنبك صح.
في تلك اللحظة انفجرت السيدة كوثر ضاحكة بينما ابتسمت مريم بلطف اما امينة فنظرت إلى بنتها وقالت بدهشة : يخرب بيتك... انتي جبتي البجاحة دي منين يا بنت !
ابتسمت وفاء بسذاجة وردت عليها : دي مش بجاحة يا ماما دي اسمها ثقه.. على العموم انا هروح اعمل شوية اكل لادهم بيه الصغير علشان باين عليه جعان اوي .
فقالت مريم : خليكي يا وفاء...انا اللي هقوم اعمله الأكل.
فقالت امينة باندفاع : والله ما هتعبي نفسك... هي اللي هتعمله .
واضافت السيدة كوثر : ايوا يا مريم... متعبيش نفسك يا حبيبتي .
فابتسمت مريم قائلة : معلش يا جماعة بصراحة انا عايزه اتفرج على البيت اصلي لسه معرفش حاجة فيه.
السيدة كوثر : قولي كدا من الاول... يلا يا وفاء يا بنتي قومي فرجي مريم على البيت وانا ومامتك هنخلي بالنا من ادهم الصغير .
فنهضت وفاء قائلة : حاضر يا طنت... يلا يا مريم هانم علشان افسحك في البيت ، دا هيعجبك اوي وخصوصاً الخيل .
فابتسمت مريم كما لو انها مراهقة وسألتها باندفاع : هو في خيل هنا ؟!
ابتسمت وفاء بدورها لمريم التي شعرت وكأنها تعرفها منذ ازل وقالت : طبعاً ...دول بتوع ادهم بيه وهما اربع حصنه... تعالي علشان تشوفيهم.
فتشبثت مريم بيدها وكأنهما صديقتين بنفس السن ثم ابتسمت قائلة : يلا بينا.
اما في منزل اهل الهام فكانت هي جالسة بملل امام التلفاز في غرفة المعيشة بينما كانت امها تقوم بخياطة بعض الملابس وكان الصمت حليفهما ما عدا صوت التلفاز ، ولكن الامر لم يطل حيث قالت امها : مالك يا الهام يا بنتي ، شكلك تعبانه اوي.
فنظرت الهام اليها قائلة : متقلقيش يا ست الكل انا بس زهقانه شويه لاني سبت مريم.
الأم : آن الآوان علشان ترجع لجوزها يا حبيبتي يعني اكيد مش هتفضل قاعدة معاكي طول العمر وانتي كمان لازم تتجوزي وتبقى زيها.
فابتسمت الهام ابتسامة مريرة عندما تذكرت حبها الطويل لخالد وقالت بتعب : ارجوكي يا ماما بلاش تفتحيلي موضوع الزواج دلوقتي لاني مش عايزة اتجوز حد.
قالت ذلك ثم هبت واقفة وتوجهت إلى غرفتها فاغلقت الباب خلفها وسرعان ما خانتها دموعها وانسابت على وجهها رغماً عنها حيث تذكرت السنين الماضية التي اضاعتها عبثاً في اخفاء عشقها لخالد حبيبها الاول والاخير فقالت بنبرة منكسرة : ربنا يسعدك يا خالد.. ربنا يسعدك يا حبيبي.
اما امها فتنهدت بقوة وهي تحدق بباب الغرفة وقالت بصوت متألم : ربنا ينولك اللي في بالك يا بنتي ويجمعك باللي يقدرك ويحبك.
تسارع في الاحداث...........
حل المساء وعاد ادهم الى المنزل بعد يوم طويل متعب حافل بالمشاكل ونوبات الغضب الجنونية التي كان يفرغها على موظفيه المساكين فكانت ملامح وجهه متشنجة جداً وباردة يغلبها الجمود والانزعاج الشديد ، دخل الى المنزل بعد ان فتحت له وفاء الباب قائلة بابتسامة : نورت يا بيه.
في تلك اللحظة انجلا الانزعاج عن وجهه عندما رأى ابتسامة تلك الصغيرة الشقية التي قام بتربيتها بنفسه منذ ان وعت على الدنيا ويعتبرها اخته الصغرى لا بل ابنته فهو من يتكفل بمصاريف دراستها وكل شيء متعلق بها ؛ قرص وجنتها بصمت ثم دلف الى الداخل فشعرت هي بأنه مهموم ولكنها لم تعلق بل اغلقت الباب وعادت إلى المطبخ حيث كانت امها تعد العشاء للعائلة .
اما هو فأخذ يبحث بنظره في ارجاء المنزل عن مريمته التي اصبحت كالمخدّرات بالنسبة له ولا يهدأ ان لم يراها ولكنه وجد امه جالسة برفقة معاذ وسلوى في غرفة المعيشة بينما كانت مريم في غرفة ابنها تعطيه الدواء حتى ينام بعد أن تناول عشائه ، اقترب منهم على مضض وقال بصوت خالي من المشاعر : مساء الخير.
نظر الجميع اليه ومن قسمات وجهه المتجهم عرفوا انه منزعج فلم يشاء احد ان يزعجه في تلك الساعة لذا ردت عليه امه بصوت هادئ : مساء النور يا حبيبي.
اقترب منهم ولكن لم يجلس بل سأل : فين مريم ؟
ردت ت عليه سلوى : فوق مع ادهم الصغير.
فتنهد بقوة ثم قال : طيب انا تعبان وعايز اريح شوية يا ريت محدش يزعجني.
قال ذلك وصعد إلى الطابق العلوي تاركاً خلفه افراد عائلته في حيرة من امرهم حيث قال معاذ : باين ان مشاكل الشغل جامده اوي والا مكنش ادهم قلب من تاني ورجع فيها جبل التلج.
ردت عليه سلوى قائلة : عندك حق... دا حتى مسألش عن ابنه هو بس سأل عن مريم !
فتنهدت السيدة كوثر وقالت : الراجل لما يبقى تعبان يا بنتي ما بيسألش عن حد غير مراته لانها هي الوحيدة اللي بتفهمه ويقدر يرتاح معاها.
في تلك الاثناء كانت مريم قد البست ابنها ملابس نوم نظيفة جداً ثم وضعته في السرير واخذت تقص عليه قصة جزيرة الكنز حتى ينام وبالفعل ما هي الا عشر دقائق حتى غفى الصغير فقبلته على جبهته ثم احكمت تغطيته وقررت ان تنزل لتناول العشاء مع البقية وقلبها ينبض شوقاً لحبيبها الذي غادر منذ الصباح ولم تسمع منه خبراً بعد ذلك ؛ خرجت من غرفة نوم ابنها وتوجهت إلى غرفتها هي وزوجها حيث انها قررت الاتصال به لتسمع صوته العذب فامسكت بالهاتف مترددة هل تضغط رقمه اما لا ولكنها حسمت أمرها بعدم الاتصال لذا اعادت الهاتف الى الشاحن وتوجهت نحو باب الغرفة لتخرج .
صادف انها خرجت من الغرفة في نفس الوقت الذي وطأت أقدام ادهم اخر درجات السلم فنظرت اليه ثم ابتسمت تلقائياً لانها فكرت به وها قد رأته امامها ، اما هو فشعر بشعور غريب ممزوج بالاشتياق والحنين لذا تقدم نحوها بخطوات اشبه بالعدو وبحركة واحدة احاط خاصرتها ودفن رأسه بين خصلات شعرها المتناثرة وهو يدفعها الى داخل الغرفة واغلق الباب بقدمه مما جعلها تندهش من ردة فعله فقالت بقلق : مالك يا ادهم ؛ انت كويس ؟!
لم تسمع منه رداً الا ان ذراعيه القويتان اللتان كانتا تحاوطانها بشدة كانتا كفيلتين بأن تخبرانها مدى حاجته لها في تلك اللحظة حيث شدها اليه اكثر وكأنه يستمد طاقته منها ، فتنهدت بعمق ثم عانقته بدورها واخذت تربت على ظهره برفق قائلة : خلاص يا حبيبي... انسى كل حاجة حصلت في الشغل النهاردة ومتعبش دماغك بالتفكير ماشي .
احكم ادهم عناقها اكثر وهمس في اذنها بصوت متعب قائلاً : متتخيليش انتي وحشتيني قد ايه يا حبيبتي... اوعي تسيبيني تاني يا مريم لاني هضيع من غيرك...انتي سامعة ، انا ممكن اموت لو سبتيني مرة تانية .
قال ذلك وهو يشدها الى صدره وكأنه يحاول ان يسكنها بين ضلوعه ويخفيها عن العالم أجمع ، فتعجبت هي من هذا الضعف المفاجئ الذي اظهره لذا همست له قائلة بصوتها العذب : انا مستحيل اسيبك يا ادهم لو انت ما سبتينيش الاول... خلي كلامي دا حلقة في ودانك لاني مستحيل احل عنك بعد ما قررت اني اصلح كل حاجة انت فاهم ؟
قالت كلمتها الاخيرة بنبرة مرحة وضربته بخفة على كتفه فشعر بالطمأنينة بعد ان سمعها توعده بالتواجد معه دائماً لذا ارتسمت إبتسامة صغيرة على وجهه وقال بهمس اشبه بفحيح الافاعي : خلكي فاكرة كلامك دا كويس وتأكدي اني عمري ما هسيبك يا قلبي .
قال ذلك وهو يستنشق عبير عنقها الذي لطالما عشقه بجنون فشعرت بنبرة خبيثة امتزجت في حروف كلماته التي كانت تلامس عنقها بلطف لذا تسللت إلى عقلها فكرة جعلتها تبتعدت عنه بسرعة وسرعان ما تلونت بـ لون الخجل وقالت بأرتباك دون ان تنظر اليه : احم... انا... انا هنزل دلوقتي وانت ريح شويه وبعدها تعالى علشان العشا بقى جاهز .
ثم حاولت ان تغادر الغرفة باسرع مايمكن ولكنه امسك معصمها قائلاً : مش بالسرعة دي .
فنظرت اليه لتجد ابتسامة صفراء ممزوجة بالخبث قد خيمت على زاوية شفتيه وكأنه اسد جائع ينظر إلى غزالة صغيرة اغرته بأن ينقض عليها ويلتهمها دفعة واحدة ؛ ابتلعت ريقها واشاحت بنظرها عنه بسرعة ولكنه امسك بذقنها وقال بصوت هامس : مش كنتي عايزة السلسة بتاعتك يا مريم ، اهي قدامك بقى يلا تعالي علشان تاخديها..
قال ذلك ثم اخرج القلادة من تحت قميصه واخذ يحركها يميناً ويساراً امام نظر مريم التي زاغت عيناها وقالت بارتباك : لو... لو كانت عجباك يبقى خليها في رقبتك انا مش عايزاها.
قالت ذلك وارادت التملص من قبضته القوية التي كانت تمسك بمعصمها فاتسعت ابتسامة الخبث على وجهه واقترب منها بخطوتين حتى اصبح واقفاً امامها كالجدار البشري بذلك الجسد الرياضي المثالي وطوله الفارع وحلته السوداء التي زادته جاذبية مما جعل الكائن الصغير الذي كان يختبئ خلف ضلوعها يكاد يفر هارباً من صدرها ؛ تجمدت اطرافها وكاد نفسها ان ينقطع حين انحنى بوجهه بالقرب من وجهها الاحمر وهمس لها قائلاً : طيب مش عايزه نكمل كلامنا بتاع الصبح ؟؟
وبعد قول ذلك مباشرةً شعرت مريم بيده تحاوط خاصرتها مجدداً بينما ابتعدت يده الاخرى عن معصمها لتصعد الى ذقنها وامسك به برفق ورفعه لتنظر اليه بنظراتها المرتعبة اكثر من كونها خجلة وسرعان ما طبع قبلة صغيرة على جبينها اجبرتها بأن تغمض عينيها الجميلتين ثم نزل بقبلته الى جفونها المغلقة وقبلها وهي ما تزال ترتجف بين يديه ثم وصل إلى شفتيها المكتنزتين ... ابتسم عندما رأى حمرة الخجل تكسوهما فلم يستطيع منع نفسه من تقبيلها بشغف كبير جعل الرعشة تسري في داخلها بينما أرادت هي ان تبتعد ولكنه تشبث بها واخذ يقبلها بلطف وقلبه يفيض حباً وعشقاً وهوساً بها حيث كانت قبلته تلك ناعمة جداً على عكس قبلة الصباح التي كانت جامحة للغاية وكادت ان تمزق شفتيها.
وبعد حرب المشاعر تلك أبتعد عنها ببطء ثم نظر إلى وجهها وهي تحني رأسها بخجل شديد مما جعله يبتسم ويعانقها برقة هامساً في اذنها : هنكمل كلامنا بعد العشا يا حلوه ، خليكي فاكرة الكلام دا كويس.
قال ذلك ثم قبل جبينها للمرة الثانية وبعدها ابتعد عنها وهو يبتسم ثم دلف الى حمام الغرفة بسعادة انسته كل مشاكل العمل ؛ اما هي فكانت واقفة في مكانها وكأنها تعرضت لصاعقة كهربائية شلت حركتها تماماً حيث انها كانت مرعوبة مما تخبئه لها هذه الليلة ؛ رفعت يدها ببطء ولمست شفتيها المتورمتين بغير تصديق لأن ادهم البارد والذي عاشرها سابقاً بقسوة كبيرة لن تنساها أبداً قد قبلها بلطف وهدوء هذه المرة لا بل كان رومانسياً جداً وهو يهمس في اذنها بكلام اذابها كقطعة سكر .
ارتسمت ابتسامة صغيرة على شفتيها ممزوجة بالخوف والقلق وافكار كثيرة تسللت إلى عقلها جعلتها تذهب برحلة الا وعي الفكري ولكن سرعان ما سمعت طرقعة اصابع اعادتها الى الواقع حيث رأته واقفاً امامها بعد أن خلع سترته السوداء ورفع اكمام قميصه الابيض ؛ نظرت إليه ولم تقل شيئاً بينما امسك هو بيدها اليمنى وطبع عليها قبلة لطيفة وبعدها ابتسم قائلاً : يلا عشان ننزل نتعشا.
رمشت مريم عدة مرات وهي تنظر إليه وسرعان ما نظفت حلقها وقالت بتوتر : اوك.
- نزلا الى حيث كان الجميع جالسين حول مائدة الطعام الفاخرة فجلس كل من ادهم ومريم بجانب بعضهما في جهة اليمين ومن ثم بدأوا يتناولون العشاء وهم يتحدثون بأمور كثيرة اهمها المشكلة التي حدثت في الشركة ....
تسارع في الاحداث / الساعة العاشرة مساءً .....
صعدت برفقته الى الغرفة بينما كانت خائفة جداً او لنقول مرعوبة كما لو انها شاة تم جرها الى المسلخ ليذبحوها ، وما ان اغلق باب الغرفة حتى تحرك نحوها بخطوات رزينة ثم وقف خلفها واحاط خاصرتها بينما استقر رأسه على كتفها وانفه يداعب خصلات شعرها الذي يشكل له هوساً برائحته الخلابة ؛ همس في اذنها : بحبك يا مريم... وعايزك تبقى جنبي على طول.
اما هي فكانت خائفة جداً...نعم تحبه لا بل تعشقه ولكن فكرة ان يتكرر ما حدث سابقاً في تلك الفيلا الكئيبة جعلتها تخافه كثيراً وما زاد الطين بلّة هو جرأته التي سمحت له بأن يقبل عنقها نزولاً إلى كتفها الذي انزل عنه قطعة القماش التي كانت تغطيه مما جعلها تنتفض من قبضته كمن لدغته افعى وقالت بنيرة مرتبكة وهي تعاود تغطية كتفها : انا تعبانه يا ادهم وعايزه انام .
قالت ذلك ثم استلقت على السرير وأعطته ظهرها ولكن تصرفها كان متوقعاً بالنسبة له فلحق بها وجلس بجانبها ثم قبل كتفها قائلاً : مالك يا حبيبتي ، ما احنا كنا كويسين من شوية.
اجابته دون ان تنظر : من فضلك يا ادهم انا عايزه انام دلوقتي.
ابتسم ادهم وهو يمرر يده على ذراعها قائلاً : انتي مكسوفه يا مريم ؛ متتكسفيش يا عبيطة انا جوزك !
اغمضت مريم عيناها بشدة وقالت بصوت مرتجف : مش مكسوفه .
فاتسعت ابتسامته ثم اقترب منها وهمس في اذنها : اساساً مفيش حاجة بتكسف احنا متجوزين ودا شيء عادي.
قال ذلك ثم هبط بوجهه ليقبلها فضغطت على نفسها وهي تغمض عينيها وخرجت الكلمات من فمها على شكل صراخ حيث قالت : ارجوك مش دلوقتي.
ابتعد ادهم عنها بسرعة عندما سمع صوتها المرتجف واستشعر الخوف الذي سرى في جسدها فنظر إلى وجهها ووجد الدموع تغطيه مما سبب له صدمة فسألها بنبرة متألمة : انتي لسه بتخافي مني يا مريم ؟!
ضغطت مريم على الغطاء بينما كانت تغمض عينيها ولم تعلق بل اكتفت بالبكاء الصامت الذي اثار جنون ادهم فاستلقى بجانبها فوراً وعانقها بشدة هامساً في اذنها : ششش متعيطيش يا حبيبتي... لو انتي مش عايزه مش هقرب منك ابداً بس ارجوكي بلاش تعيطي.
ازدادت مريم بالنحيب بين ذراعيه مما جعله يعانقها اكثر قائلاً : اسف... والله العظيم مكنتش عايز اخوفك مني بس اللي حصل كان غصب عني لاني كنت متعصب اوي.
فقالت من بين شهقاتها : ارجوك اديني فرصة لغاية ما انسى اللي حصل...انا بوعدك لما ابقى جاهزه هقولك بس بلاش تضغط عليا.
قبل ادهم جبينها وغمغم بصوت يغلبه الانكسار : بوعدك يا مريم... مش هلمسك طلما انتي مش موافقة ودا وعد شرف مني ليكي بس ارجوكي بلاش تبعديني عنك.
فقالت بعد ان هدأ روعها قليلاً : مش هبعدك يا ادهم بس ايه رأيك اننا نتعرف على بعضنا الاول ؛ احنا مخدناش الفرصة دي في علاقتنا وفي حاجات كتيرة متعرفهاش عني زي ما انا معرفش عنك كتير .
أبعدها ادهم عنه قليلاً ثم نظر إلى وجهها وقال : لو دا هيخليكي تبقى مبسوطة فانا هعمل كل اللي انتي عايزه.
احاطت يديها حول صدره واسندت رأسها عليه قائلة بنبرة حزينة : متزعلش مني يا حبيبي بس انا عايزاك تصبر عليا لغاية ما اعدي المرحلة دي.
ادهم : قولتك مش هلمسك يا مريم غير اما تطلبي انتي ؛ ثقي فيا يا روحي .
مريم : انا واثقة فيك.
- أخذ ادهم يملس شعرها بيده وعلامات الانكسار تعلو وجهه لان مريمته... معشوقته الصغيرة ما تزال خائفة منه بسبب معاملته الخشنة التي عاملها بها سابقاً فكره نفسه في تلك اللحظة حد الموت لأنه جعلها تتألم في ما مضى وتمنى لو انه مات قبل ان يفعل ذلك فاحاطها بيديه اكثر وهمس لها قائلاً : قوليلي بقى انتي عايزه تعرفي عني ايه؟
رفعت رأسها قليلاً ثم نظرت اليه قائلة : لو سألتك عن حاجة مش هتزعل مني ؟
ابتسم ثم امسك انفها واخذ يدا