حبيبي محامي - ❴🔢❵☟الــبــــــ❴ 2️⃣ ❵ـــــــارت☟ - مكتملة | روايتك

*ࢪوايــة حبيبي محامي📓🥂🎶 !" ))* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ✔️✔️✔️✔️✔️✔️✔️✔️ *تـــــــــــم مشاركه الروايه من قناه مقهى الروايات من الواتساب* ‏تابع قناة مـقـهـي الـࢪواﯾـات👑🦄🎀 في واتساب: https://whatsapp.com/channel/0029VagXtIfDTkK4hvsE821q ✔️✔️✔️✔️✔️✔️✔️✔️✔️ (6/7/8/9/10) الجزء 6: الفصل السادس : حبيبتي مليونيرة ،كم من مفاجأت تخبئين اكثر يا امرأة كنت اظن انك السهل الممتنع، لكني وجدت أن طريقي اليك صعب جدا .وانا في خطر ،لكنكي لي ثقي بذلك إن كنت تقفين على ابواب حارة أو على ابواب قصر فانتي لي يا من تحمل البحر في عينها انت لي ايام بعد بدات نوجة التدرب في الشركة وقف بها مهاب في وسط المكاتب وقال بصوت عال مهاب : اعرفكم يا جماعة دي الانسة نجوان احمد الزيات متدربة جديدة معانا في الشركة عاوزكم تعتبروها وحدة منكم وما تبخلوش عليها باي حاجة هي حتمر على كل التخصصات بالتدريج وليها صلاحية الاطلاع على أي قضية وانا واثق انكم مش حتخدلوني وشكرا دهش الجميع مما فعل فلأول مرة يوصي بمتدرب أو يهتم لأمر اصلا اثار هذا حنق بعض الموظفين أو بالأحرى الموظفات التفت بعدها الى نوجة وقال حسيبك تتعرفي على االمكان والزملاء ولما تخلصي تعاليلي عالمكتب علشان في شوية اوراق لازم تمضيها ثم مضى الى مكتبه كفعل طبيعي اتتجهت نوجة نحو الفتيات لتحاول التعرف عليهن. وكانتا فتاتان شابتان متبرجتان غير محجبات مرفت : مين دي ومهاب مالو مديها الأهمية دي كلها سالي : مش عارفه طلعتلنا منين دي كمان مرفت : بس باين عليها مش مستوى خالص سالي : انا الي غايضني نظرات مهاب ليها دا كان حيكلها يعنيه مرفت : تفتكري في بينهم حاجة علشان كدا جايبها الشركة سالي لا ماتقلقنيش ،مش بقالي كذا سنة بحاول الفت نظره ليا تجي وحدة زي دي تلهفو مني كدا بالساهل مرفت : بسس خلاص خلاص دي جايا علينا سالي : اوعي تعبريها مرفت : ولا يهمك دي حتشوف أيام سودة وصلت نوجة إليهما لكن كلاهما نظرت لها بنظرة متعالية وتركتاها واقفة و غادرتا نوجة بصوت منخفض لكنه مسموع نوجة : اهو دا الي كنت عامله حسابو أن الاقي اشكال ناس الليمون الكاشش دي هنا جبتها منين دي الليمون الكاشش ههههههههه جاءها صوت ضاحك من الخلف التفتت لتجد شابا وسيما يضحك بشدة الشاب : والله باين أن دمك عسل .اهو نغير شويا عن الليمون الكاشش الي عندنا ههههههههه نوجة : لنفسها هي علقت معاك ماتخف ياحلو أنهى. الشاب وصلة الضحك ومد يده لها قائلا : رامز محمود زميل هنا وصديق مقرب لمهاب نظرت نوجة ليده واومأت مبتسمة : اهلا يا استاذ رامز تشرفنا رامز : بلاش الألقاب دي احنا زملاء تقدري تستغني عنها نوجة : بس انا بعزها رامز : هي مين دي نوجة :الألقاب يا استاد وماقدرش استغنى عنها رامز : بتعز الألقاب ههههههههه والله يا انا قولت أن دمك عسل لا و زي القمر كمان نوجة مكورة يدها وتردد بذاخلها : اهدي يا نوجة انت في الشركة اهدي يانوجة انت في الشركة لتأتيها النجدة من مهاب قبل أن تفلت اعصابها وتبدأ وصلة الردح الخاصة بها مهاب يضرب رامز على كتفه : مش على مكتبك ليه يا استاذ رامز : اصلي كنت بتعرف على الانسة نجوان مهاب : واتعرفت يا خفيف مكتبك يلا وحسابك معايا بعدين تعالي ورايا على المكتب يانوجة في المكتب مهاب : هو رامز اترازل عليكي نوجة : لا كان بستظرف بس ،بس لو كنا في الحارة كانت جزمتي علمت على قفاه شهر بس حظو اننا في شركة محترمة مهاب:هههه تعلم على قفاه ،والله انت مصيبة طب يلا امضي الأوراق ورحي شوفي المكتب الي تخصص ليكي نوجة : اقرى الاول مهاب : امضي يانوجة ورايا شغل وبعدين خديهم اقريهم على أقل من مهلك دول عقد تربص ليكي و اوراق تأمين . نوجة : اهو مضينا اخد مهاب الاوراق وجلس على المكتب وقال : بصي بقا حتبتدي تتدربي فترات معينة في كل تخصص حيكون ليك الحق تطلعي على كل القضايا الجديدة والقديمة واي حاجة تصعب عليكي تسالي عليها الزملاء اوتساليني انا ،اما إجراءات القضايا فانت اكيد عرفاها من شغلك مع بابا في المكتب .بس بردو تقدري تسالي عن أي حاجة كمان حيكون ليكي راتب تربص بتخصصو الشركة لكل المتدربين ،هو مش مبلغ كبير الاسف . نوجة : مش مشكلة يا استاذ انا كل الي يهمني التدريب اخر همي الفلوس . مهاب في نفسه : وانت حتقوليلي . ثم قدم لها الاوراق واردف الأوراق اهي علشان تقريها برحتك اتفضلي على مكتبك وقفت لتغادر فوجدت امل تذخل عليهما امل : اهلا اهلا يا نوجة وانا بقول الشركة منورة ليه نوجة : بنورك يا حبيبتي .مكنتش اعرف انك بتشتغلي هنا كمان امل : ايوى أن مسكه قسم المحاسبه .والله انت حتنقدين من مجتمع المحامين الرخم دا مهاب : على أساس أنها يجا تشتغل دكتورة هنا امل : لا بس نوجة مش زيكم نوجة دي عسل ثم دخل رامز وقال : واله قلت كدا بردو نظرة له امل نظرة حب التقطتها نوجة رامز : خلاص مضيتي العقد نوجة : أيوة رامز : وقررتي اي قسم حتبتدي فيه نوجة : والله لس رامز : يا ريت تبتدي بالأسرة مهاب : لا ارتاح انت يابتاع الأسرة اهو القسم دا بذات مش محتاجة فيه تدريب ولا ايه يا نوجة نوجة : هوانا اعرف غيرو انا اتهريت قضايا طلاق وحضانة رامز : ليه كدا ،ملناش في طيب نصيب اشتعل مهاب غضبا من تصرفات رامز . فانسحبت الفتاتان خارجا ليتقدم مهاب بسرعة إلى رامز ويمسكه من قميصه مهاب : كلمة ومش حكررها يا رامز مالكش دعوة بنوجة، نوجه خط احمر رامز يحاول التملص : طب أهدى بس والله ما كنت اعرف انها تخصك مهاب : مش تخصني بس نوجة حتبقى مدام مهاب سراج الدين رامز فاتحا فمه : قول والله وامتى حصل داكلو وانا نايم على وذاني انا كنت عارف ان نزولك مكتب باباك القديم كل يوم وراه حاجة .اتريك طبيت يا برنس مهاب : اهو الي حصل بقا رامز : لا الصراحة البنت تستاهل مهاب : انا عارف انك مش بتفهم غير بالضرب رامز : لا ابوس ايدك يا عريس الطيب احسن مهاب : طب يلا على شغلك رامز : لا شغل ايه والله ماانا ماشي من هنا الا لما اعرف الحكاية من الاول دا مهاب سراج الدين وحش المحاكم وقع يا ناس . في الصعيد كانت تطوي الغرفة ذهابا وايابا وتفرك يديها في قلق ذخلت عليها فتاة شابة الفتاة : خير يا اماي جرالك ايه عاد مالك جلجانه اكد ليه نوارة : جدك يا رحمة رحمة : مالو جدي نوارة : رجع يتحدث عن بت فدوة وعاوز يرجعها حدانا اهني رحمة : بت عمي احمد .وايش الي يجلج في حديتو عنيها يا اماي دا حتى لو فرضنا انها رجعت مش حتاخد غير نصيبها من ورث بيها وهي ابنة يعني مش كاثير نوارة : لع الحكاية مخلصناش عل كد . جدك رايد يجوزها ابن عمك عماد بجول عشان تبجى جارو ومايخدهاشي الغريب . رحمة : وانت ايش جولك يا اماي حنخلي بت الفرطوس دي تاخد مني عماد وتحرق جلبي عليه زي ما امها حرقت جلبك زومان وخدت منيكي عم احمد وبعدها زوجوكي ابوي . نوارة : طمني ياجلب امك بت فدوة مش حتاجي اهن واصل رحمة : ايش حتعملي يااماي نوارة : حعمل الي عملتو مع امها زومان ومصابش حخلص عليها جبل ماترد اهن. يوم اخرفي الشركة ذهبت نوجة الى مكتب سالي نوجة : آنسة سالي عاوزة نسخةعن ملف القضية الأخيرة الي عندك سالي : ملف قضية ايه الي عاوز تشوفيه انت فاكرة نفسك محامية بجد نوجة : بس الاستاذ مهاب كان قايلي انو مسموحلي بكدا سالي : لا مش ماسموحلك بحاجة انت هنا يتطبعي ورق توصلي ملف من مكتب لمكتب ،ممكن حتى اسمحلك تعمليلي فنجان قهوه غير كدا انسي نوجة : بس انا جيا اتدرب محامية مش فراش سالي : كويس انك عارفه مقامك نوجة : لا انا عارفه مقامي كويس فاضل اعرفهولك ثم تذهب الى مكتب مهاب فتجده جالسا مع رامز مهاب : خير يا نوجة مالك نوجة : حضرتك قولت انو مسموحلي اطلع على اي وقضية قديمة أو جديدة حصل ولا لأ مهاب : اكيد حصل نوجة : بس في حد من زملاء معارض قرار دا مهاب : مين نوجة : الانسة سحالي اقصد الانسة سالي رامز يكتم ضحكته مهاب : طب روحي انت على شغلك وان حتصرف خرجت نوجة فانفجر رامز ضاحكا رامز : سحااااالي يخرب بيتها البت دي عسل مهاب : اتلم ياض مهاب في نفسه : برافو عليكي يا نوجة اتحكمت فاعصابك وجيتي حكيتيلي المشكلة مع اني عارف انو اكيد كان نفسك تجيبها من شعرها . بعد مدة استدعى مهاب الجميع لاجتماع جلس الجميع على صالون من الارائك الجلدية وجلست سالي مقابلة لمهاب ووضعت رجلا فوق أخرى لترتفع تلقائيا تنورتها القصيرة اصلا لاحظت نوجة ذلك ولاحظت أيضا أن مهاب اخفض رأسه غاضا بصره نوجة : وهي تضرب الأوراق التي بين يديها قائلة : انا مش عارفه احط الأوراق فين احنا ايه مقعدنا هنا مش فيه طربيزة للاجتماعات مش دا اجتماع بردو مهاب : وقد فهم انا ما تفعله انقاد الموقف اه طبعا وانا من رايك كمان اتفضلو يا جماعة نقعد هناك احسن . ودعى في سره ان يكون هذا التصرف بوادر غيرة . جلس الجميع على طاولة الاجتماعات وناقشو بعض القضايا وفي آخر الجلسة قال مهاب : يا أساتذة انا عاوز الفت نظر الجميع أن أقبل كدا قلت اني اديت للانسة نجوان صلاحية الاطلاع على أي قضية . بس في بعض الزملاء مش عجبهم قراري سالي : مقاطعة بس دي قواضي ناس مهمة ومش ممكن نستامن عليها حد كدا بالساهل مهاب : الانسة نجوان محل ثقة عندي .ومش حسمح باي تشكيك في أمانتها يا أستاذة سالي ملف القضية الي طلبتو منك توصليه بنفسك لغاية مكتبها . سالي فارغة فمها : بس يا مهاب مهاب: انا هنا الاستاذ مهاب مدير الشركة واي قرار اخد يتنفد ,والي مش عاجبو الشغل معايا يتفضل ودلوقتي اتقضلو على مكاتبكم كان قرارها صائبا باللجوء إليه لقد نصفها بل لقد رفع قدرها أمام الجميع .لا تعرف لما لم تشك ابدا أنه لن يفعل ذلك فقد أصبح احساسها اتجاهه دائما احساس امان .فغدى مهاب بطل نوجة الحامي .الجزء 7: الفصل السابع : سارت الايام وواضبت خلالها نوجة على تدريبها في الشركة يومان في الاسبوع كما كانت تزاول عملها في المكتب باقي الايام لكن يومان لم يكونا كافيان لمهاب فهو يريد أن يراها كل دقيقة. لدا داوم هو الآخر على العمل يومان آخران في مكتب والده ولم يمانع مجدي في ذلك لأنه أصبح يعي ما يختلج في صدر ابنه من مشاعر اتجاه نوجة بل و أصبح يشجعه على الفوز بقلبها وحتى سلاف غيرت موقفها اصبحت تتقبل فكرة أن نوجة ستصبح كنتها قريبا .وكانت سعيدة بصداقة امل لها ،فحين ظلت اسيل على موقفها النافر سلاف : بقولك ايه يا امل امل : أيوة ياماما سلاف : انت عرفه أن عيد ميلاد اسيل بعد بكرة وحنعمل حفلة صغيرة هنا في البيت امل : اكيد يا ماما هي اسيل ليها سيرة غير الحفلة دي عازمة كل أصحابها الي فالنادي سلاف : طب انا عوزاكي تعزمي نجوان امل : طبعا يا ماما أنا كنت حعمل كدا اصلا .ما تتصوريش انا وهي بقينا صحاب ازاي وكمان انا حساسه أن مهاب معجب بيها دا اذا كان بمش بيحبها اصلا سلاف : علشان كدا انا عاوزة أقربها من عليتنا علشان تتاقلم في حياتنا بسهولة بعدكذا امل : يعني مهاب حيتجوز نوجة ،دا احسن خبر سمعته اسيل : انت قلتي مهاب حيتجوز مين امل : نوجة اسيل: انتو اكيد مجانين ،عاوزين البنت البيئة دي تذخل علتنا امل : مالها نوجة بنت جميله جدا متعلمة متقفة محترمة جدا جدا والي شفتو منها في الشغل يبين أن دماغها توزن بلد اسيل : بس جايا من حارة فقيرة معفنة الاستاذ مهاب سراج الدين المحامي الي نص بنات البلد بتموت فيه يصوم يصوم ويفطر على دي امل : والله انت الي افكارك معفنة ايه الطبقية والعنصرية الى انت فيها دي سلاف : بس بس انتو حتتخنقو قدامي وانت يااسيل ما تذخليش نفسك في الموضوع دا قرار اخوكي وهو الي يختار يرتبط بمين وما يرتبطش بمين فاهمة .واظن أن انت لما قررتي ترتبطي بخطيبك ايمن ماحدش اعترض ورغم أن باباكي ومهاب ما كنش عاجبهم سلوكو وطريقة حياتو بس لما اصريتي على رايك احترموه ،فلازم انت كمان تعملي زيهم بعد يوم في الشركة مرفت : مالك ياسالي متنرفزة ليه سالي : يعني انت مش شايفه البنت الى اسمها نوجة دي واكله الجو كلو في الشركة والكل منبهر. بيها وكأنها نجمة نازلة من السما مرفت : كلو من مهاب معاملتو ليها خلت الكل يعملها حساب سالي : بس انا مش حسكت ومش حخلي وحدة زي دي تاخدو مني مرفت : حتعملي ايه سالي: حخليها تطلع من الشركة بفضيحة ومهاب نفسو الي حيطردها برى مرفت : أيوة بقا خلي الافكار الحلوه تطلع سالي : بس دلوقتي لازم اوصلها فكرة اني فيه علاقة بين وبين مهاب علشان تعرف أن مهاب دا بتاعي انا مرفت : حتعملها ازاي دي سالي: بمياعة وهي تعدل من ثوب الضيق المكشوف تعالي ورايا وانت تشوفي في كافيتريا الشركة كان نوجة تجلس رفقة امل تتناولان معا طعام الغداء حين اقبلت سالي عليهم سالي : هاي يا بنات مشفتوش مهاب اصل اتفقنا نتغدى سوى بس انا اتاخرت عليه شويا امل : مهاب يتغدى معاكي انت دا عمرو ماعملها سالي : لا انت بس ماكنتيش بتاخدي بالك احنا ديما مع بعض نوجة : طب لما هو كدا سيبك ليه وقاعد بيتغدى مع الاستاذ رامز، هناك اهو نظرت سالي حيت إشارة نوجة فوجدت مهاب جالسا رفقة رامز على أحد الطاولات يتناولان الطعام سالي : اكيد مستنيني ثم سارت تتمايل متجهة لطاولة مهاب وحين، وصلت مالت بجدعها بكل وقاحة واستندت يكفيها على الطاولة وقالت بمياعة : هاي ممكن اقعد معاكم اصلي مابحبش اكل لوحدي مسح مهاب فمه بالمنديل وألقاه على الطاولة وقال وهو يقف مغادرا مهاب : بس إحنا خلصنا لحق به رامز وتركها واقفة تشيط غيضا أنهت نوجة وجبة غداءها وثم مضت هي وامل عائدتين لمكاتبهما وقفتا تنتظران المصعد حينما لحقت بهما كل من سالي ومرفت قالت الاخيرة وهي ترمي الكلام على نوجة مرفت : اسمحيلي يا سالي بس عاوزة اقلك أن لبسك الايام دي مس عاجبني خالص مش معقوله طول عمر اشيك واحدة في الشركة اوعي يكون لبس ناس الحواري أثر فيكي احنا هنا في شركة كلاس مش في السيدة زينب سمع مهاب ورامز كلام مرفت فقد وصلا هما الآخرين الى المصعد رامز : اوبا ،الحق السحالي بلقحو كلام على المدام مهاب : ماتخفش نوجة ما بتسبش حقها دلوقتي تشوف التفتت نوجة اليهما وقالت : اه والله يا سالي انا كمان من راي مرفت بس كنت محرجه اقلك, لبسك مش مناسب للمكان دا خالص ، انت هنا في شركة محاماة محترمة مش في كابريه العملاء بتوعك يقولو عليكي ايه محامية ولا رقاصة اللبس الشيك مش لازم يكون عريان ومبتزل خالي بالك يا حبيبتي فتح المصعد ذخلت هي وامل لحق بهما مهاب ورامز فضغطت نوجة الزر ليغلق المصعد قبل أن تذخل سالي ومرفت رامز هامسا لمهاب : والنعمة جبارة مهاب : قلتلك ما بتسبش حقها التقطت اذن نوجة جملة مهاب فابتسمت في منزل نوجة فتحت ام ابراهيم الباب فوجدت أمامها امرأة في مثل سنها تقريبا تلتحف السواد ام ابراهيم : نعم عاوزة مين حضرتك المرأة : دا بيت الست فدوة ام ابراهيم : ايوى اقلها مين جاء صوت فدوة من الغرفة فدوة : مين يا ام ابراهيم سارت المرأة باتجاه الصوت تاركة ام ابراهيم تنادي عليها ام ابراهيم : انت يا ست انت رايحه فين اعدت فدوة السؤال : مين يا ام ابراهيم المرأة: أني يا فدوة فدوة : مصدومة: نوارة نوارة : زين انك لس متدكراني فدوة : جاية هنا ليه وعاوزة مني ايه يا نوارة نوارة : معوزاشي انت وبتك الى عاوزين فدوة : انا وبنتي بعاد عنكم ابعدو انتو عنا نوارة : بتك عتعيد الي عملاتيه انت زومان .عاوزين تاخدو فرحتةبتي وتحرجو جلبها زي ما حرجتوجلبي سابج بس انا عوجفلكم وانت خابرة زين انا أجدر اعمل ايه فدوة: انا مش فاهمه حاجه من الي انت بتقوليها انا سبتلك كل حاجه عاوزة مني ثاني ايه نوارة : سبتي كل حاجة وخدتي الغالي حتي بعد ما بركتي موطرحك وماعدتيش جادرة تجفي على رجليك فضل وياكي سيب أبوه و رزجو وعيلتو كلياتها مشان خاطرك انت فدوة :لس مانستيش يا نوارة نوارة : وانسى كيف وبتك عتعيد الجديم بس خليكي خابرة بتك لو جربت عتتحرج بالنار الي شغلتيها بيدك زومان فدوة : لو قريتي من بنتي يا نوارة حقتلك باديا لو كنت زمان خفت وسكت عل الي عملاتيه فيا فكان علشانها علشان احميها منكو .وديني بقولك اهو بنتي تبعدي عنها وإلا حتندمي يا نوارة صدقيني خرجت نوارة بدون اتضيف اي كلمة احست بعدها فدوة بالم في صدرها ام ابراهيم : مالك ياام نوجة فيكي ايه ياختي هي الست الي كانت هنا عملتلك ايه فدوة : اوعي تقولي لنوجة حاجة عن زيارة الست دي يا ام ابراهيم ارجوكي مش عاوزة اشغل بالها ام ابراهيم : حاضر حاضر بس انت تعبانة اجبلك دكتور فدوة : لا انا كوسة حاخد الدواء بس ام ابراهيم : طب ارتاحي وانا حعملك كباية لمون تروق دمك وخرجت فدوة : يارب احمي بنتي يارب ماتخليهمش يأدوها يارب . في شركة كانت حالة الفوضى تعم المكان الكل يبحث عن ملف مهم مفقود ادعت سالي أن نوجة اخر من اخده سالي : ماتطلعي الملف يانوجة وترحمينا عمالين ندور من الصبح نوجة : قصد ايه انا حاخد الملف واخبيه ليه سالي : الملف فيه اوراق قضية مهمة جدا اكيد المحامي الخصم حيدفع كثير في الورق دا مهاب : تقصدي ايه يا آنسة مين الي حيبع ورق القضية سالي : اخر وحدة كان معاها الملف نوجة ،انا قاتلك بلاش تخليها توصل القضايا المهمة دي وانت ماسمعتش كلامي نوجة : انا رجعتلك الملف الصبح لما طلبتيه مني سالي: كذابة اطلعي بالملف يا حرامية انا عارفة أن الاشكال الي زيك تبيع نفسها علشان الفلوس مهاب : بس انا تأكدت مين خد الملف نظرت سالي الى نوجة نظرة نصر وشر ونظرت نوجة إلى مهاب تساؤل هل سيصدقها هل سيبقى أمانها وينصرها مهاب : رامز اذخل فتش مكتب الانسة سالي صدمت سالي فخدعتها انقلبت عليها بعد قليل عاد رامز يحمل الملف مهاب : ايه دا يا استاذه يعني انت عملتي اللعبة دي علشان توقعي زميلتك انت محامية انت الي زيك عار على المهنة وانا مايشرفنيش اشغل وحده زيك معايا بس احب اقولك انا حتي لو لقيت الملف في مكتب نوجة ماكنتش حصدق عنها حاجة لأن ثقتي فيها اكبر من كدا ،بس ربنا نصرها وخلاكي بغبائك تخبئ الملف في مكتبك ودلوقتي اطلع برى مش عاوز اشوف وشك في الشركة ثاني . نظرت نوجة لمهاب نظرة جديدة ،فيها امتنان على ثقته بها ،فيها اعجاب بذكائه وحسن تصرفه ،فيها الامان الذي اعتادته منه ،فيها نبضة قلب سعيدة كانت نظرة نوجة لمهاب الجديدة نظرة حبالجزء 8: الفصل الثامن امل : بليز وافقي يانوجة بليز، والله ماما بنفسها الي أصرت اني اعزمك تعالي مش حتخسر حاجة نوجة : مش عارفه يا امل انا ماليش في الجو دا ،ثم مبحبش اتخر على امي واسيبها لوحدها امل : يا نوجة يا حبيبتي دي حفلة صغيرة بس لا جو ولا بتاع ،ولو على ماماكي اكيد حتلاقي حد يفضل معها الساعتين دو . نوجة : __'''"'""" امل : ها سكتي ليه ،بقلك ماما الي عزماكي ؛ ولا تحبي اخلي مهاب بنفسو يعزمك نوجة : لا لا مالوش لزوم .انا حكلم امي الأول بعدها ارد عليك امل : يادي النيلة هو احنا جايين نخطبك احنا عازمينك على حفلة ،انت مكبرة الموضوع خجلت نوجة من كلام امل واحمرت وجنتها امل : مالك قلبتي طماطم .ههههههههه علشان قلت نخطبك .طب ما احنا فيها انا ممكن اخلي مهاب يطلب ايدك دلوقتي ،علشان تبقي تحضري الحفلة بشكل رسمي وانت من العيلة يعني نوجة : ايه العك دا استاذ مهاب يخطبني انا امل : جوازك من اخويا عك، ليه مايشبهش ولا مايشبهش نوجة : انا لي الي ماشبهش يا امل امل : ياسلام من أمتي ثقتك في نفسك قليلة كدا نوجة : الثقة اني اعرف مكاني كويس , رحم الله امرئ عرف قدر نفسه امل : بس انت قدرك كبير اوي عندنا كلنا ,انا وماما وبابا وحتى مهاب انت شفتي دافع عنك قصاد سالي ازاي . نوجة : دافع عن الحق يا امل ،ثم الاحترام المهني حاجة والحب والجوائز حاجة ثانيه ويلا بقا صدعتيني كل دا علشان حفلة , يا ست ححاول اجي امل : طب سؤال اخير نوجة : اللهم ما طولك يا روح اسألي خلصيني امل : لو اخويا مهاب جا وطلب ايدك توافقي ولا لا نوجة : مش بفكر في حاجات مستحيلة امل : دا مش جواب على فكرة. نوجة : اهو دا الي عندي ويلا كملي اكلك خلينا نرجع الشغل اكملو طعامهم ،لمحت امل رامز يقف أمام طاولة بعيدة يحدث مع بعض الموظفات ويمزح ويضحك فبقيت تنظر له و هي تشعر بالغضب نوجة : مالك قلبتي ليه امل : تخفض رأسها لا ابدا ما فيش نوجة تنظر الى تلك الجهة وترى رامز نوجة : بتحبيه امل : هو مين دا نوجة : الاستاذ رامز ,انا لاحظت نظراتك ليه قبل كدا امل : هو انا مفضوحة قوى كدا نوجة : ماقلتليش بتحبيه امل وقد ادمعت عيناها : من اول ما عرفت ايه يعنى حب . من اول ما بدأت صداقتو بمهاب .بس هو مش شايلني من ارضي نوجة : مين قال كدا امل : ماانت شيفاه اهو واقف بيضحك مع البنات وعايش حياتو نوجة : دا الي شفتيه انت .لكن انا شفت حاجة ثانية خالص امل : شفت ايه شفت : انو من اول ما ذخلنا الكافتيريا كان هومخلص غدا وحيمشي بس اول ما لمحنا رجع قعد مكانو وشفت انو وقف كذا مرة وكان جي علينا بس اتردد وفضل مكانو.وعلشان انت كنت مدياه بظهرك راح ووقف مع البنات دول علشان يبقى شايفك .ولو رفعت راسك دلوقتي حتلاقيه حيكلك بعنيه نفسو يعرف بتعيطي ليه . رفعت امل رأسها والتقت عينها الدامعة بعيني رامز الحائرة . اخفضت رأسها سريعا وقالت : دا بيبصلي فعلا، طب اعمل ايه طيب. نوجة : كملي بكى امل : نعم نوجة : زي ما بقولك عيطي.حطي ايدك على وشك اعملي نفسك بتعيطي. فعلت امل ماقالته نوجة واخد نوجة تسطنع الطبطبة عليها .ثم قالت قومي روحي للحمام .وحاولي تتاخري شويا . نهضت امل وذهبت الى الحمام كما طلبت منها نوجة وما هي الى دقائق حتى تقدم رامز من طاولة نوجة رامز : سلام عليكم نوجة : وعليكم السلام اهلا يا استاذ رامز .خير عاوز حاجة رامز : احم انا انا احم انا لاحظت أن الانسة امل بتعيط خير حصلها حاجة نوجة : لا ابدا خير انشاء الله .اصل في عريس متقدملها واهلها موافقين عليه بس هي محتارة مش عارفه تاخد قرار .وعلشان امل إنسانة حساسة اوي ماقدرتش تمسك نفسها وعيطت وقف رامز مصدوما مما سمعه ،هل يعقل انها ستتزوج غيره . نوجة : مالك يا استاذ رامز رامز : هي ممكن توافق نوجة : هي محتارة ,بس انا من راي ان العريس كويس ومايتسبش عادت امل الي مكانها وجلست ورامز مازال يقف مصدوما إشارت امل لنوجة متسائلة .فأشارت لها نوجة : أن اصبري افاق رامز من حالته على يد مهاب تضرب على كتفه مهاب : انت بتعمل ايه هنا كل دا بتتغدى رامز : بدون مقدمات .مهاب اناعاوز اطلب ايد الانسة امل اختك.اتسعت عينا كل من مهاب وامل من الصدمة فيما ابتسمت نوجة في انتصار شد مهاب يد رامز وقال : تعال معايا حنتكلم في حته ثانية .وسار به إلى إحدى الطاولات البعيدة نوجة : مبروك يا عروسة امل : انا مش مصدقه الي حصل نوجة : لا صدقي انتو لاثنين كنتو بتستعبطو وانا خلتكو تبطلو عبط امل : عملتي ايه قوليلي نوجة: ضاحكة لا دا سر المهنة امل : يعني رامز كمان بيحبني ،طب ليه ماكلمنيش قبل كدا ولاحتى لمحلي نوجة : اظهار انو كان خايف من ان ردت فعلك تخسرو صاحبو امل : وايه خلاه يغير رأيو نوجة , خاف يخسرك انت يا قلبي ،يلا بينا اتخرنا على الشغل في الجهة الأخرى مهاب : ها قول ايه الحكايه رامز : الحكاية ولا رواية زي ما قلت انا عاوز اتجوز امل اختك مهاب : فجأة كدا .طب ايه خلاك تنطق دلوقتي ماانت بقالك كثير بتبص عليها من بعيد لبعبد رامز : انت كنت عارف بمشاعري نحيتها مهاب : عارف ومستنيك تنطق وماهومش معقول اجي اقولك تعالى اتجوز اختي رامز : فرحا ياحبيبي يا مهاب .دا انا كنت خايف اخسرك لو عرفت مهاب : انت عبيط يلا انت صاحب عمري مش حلاقي احسن منك اجوز اختي رامز : طب وامل مهاب : ما لها امل رامز : خايف ترفض مهاب : لا مش حترفض انشاء الله اطمن رامز : طب والعريس مهاب : عريس مين قص رامز على مهاب مااخبرته به نوجة عن حكاية العريس مهاب : طلعتي انت يا نوجتي الي نطقت ابو الهول رامز : انت بتقول ايه مهاب : بقول خير انشاء الله ياحضرت المحامي متنساش تيجي الحفلة بالليل وحنكلم بابا سوى رامز : مش لما نعرف راي امل الاول مهاب : لا ما انا عرفت خلاص راي امل وهي موافقة رامز : فرحا ،انت متاكد عرفت ازاي مهاب : من العريس. . في وقت لاحق في الشركة كانت نوجة في مكتب مهاب عند السكرتيرة تحضر بعض الأوراق حين حضرت إلى المكتب شابة جميلة جدا ترتدي ملابس أنيقة تدل على ثراء صاحبتها تطلق لشعرها مصبوغ بالاسود مائل للاحمرار العنان كانت تبدو كعارضة ازياء خرجت لتو من مجلة ناهيك ذلك العطر الأنثوي الملفت الذي ملأ المكان بمجرد دخولها ثم كلمت السكريتيرة بترفع الشابة : الاستاد مهاب موجود السكرتيرة : موجود نقولو مين حضرتك الشابة : ريم الخليل السكريتيرة : اهلا اهلا يا آنسة ريم الاستاذ مهاب مستني حضرتك ثواني اديلو خبر بس ذخلت بعدها ريم مكتب مهاب نوجة : مين دي يا ملك ملك السكرتيرة: دي الانسة ريم الخليل بنت الملياردير الشهير اكرم الخليل ،من كبار رجال الأعمال في مصر نوجة : وجيا هنا ليه هي عندها قضية ملك : هي قضية تافهة كدا مش عارفه هي جيا بنفسها هنا ليه نوجة :بصوت منخفض ماهي باينة جيا ليه دا كفاية البرفان الي حطاه . ملك : بتقولي حاجة يا نوجة نوجة : ما بقلش عن اذنك وتاخد الاوراق وتخرج في مكتبها كانت تجوب المكتب ذهابا وايابا نوجة : انا مالي انا مالي باكل في نفسي ليه .ليه حاسة أن عاوزة اروح اجيب البتاعة لي اسمها ريم دي من شعرها وارميها برى الشركة اهدي يا نوجة ماينفعش كدا يااختي الي يشوفك يقول غيرانه عليه ايوى انا غيرانه لا انا حطق من الغيرة . ثم وضعت يديها على رأسها وقالت : واغير ليه انا مالي بيه انا امل : مالك يا نوجة التفتت نوجة وهي مازلت تضع يديها على رأسها إلى امل التي ذخلت عليها فجأة نوجة : ها مافيش يا امل اصل اصل عندي صداع صداع حيفرتك دماغي امل : سالمتك انت كنت كويسة قبل شويا نوجة : مش عارفه .صداع ظهر فجأة .انا حستادن واروح البيت أرتاح شويا . امل :طب خليكي أن حذخل الملف دا لمهاب واستاذن ليا ولكي واجي اوصلك . نوجة : مالوش لزوم يا امل امل : وهي تغادر المكتب مسرعة : لا طبعا مش حسيبك تركبي مواصلات وانت بشكل دا ذهبت امل واستاذن بالذخول الى مكتب مهاب الذي كان مازال رفقة ريم امل : مهاب انا حستادن اروح انا ونوجة مهاب : خير يا امل في حاجة امل : اصل نوجة عندها صداع تعبها اوي , وانا حروح اوصلها البيت خرجت امل وجلس مهاب قلقا في مكانه تم رفع الهاتف واتصل برامز وطلب منه الحضور فورا لمكتبه ،عندما وصل رامز، وقف مهاب يتجهز للمغادرة وقال : انا بعتذر من حضرتك يا آنسة ريم بس في ظروف جدت ولازم استاذن . الاستاذ رامز محمود حيكمل معاكي ريم : مش معقول يا استاذ مهاب انا واخده معاد من حضرتك مخصوص وانت حتسبني وتمشي مهاب بنفد صبر : انا قلت لحضرتك في ظروف جدت خطيبتي تعبانة وعاوز اروح اطمن عليها ،ومش حقدر اكمل مع حضرتك .لو مش عاوزة تكملي مع الاستاذ رامز ،فانا اسف ححد لحضرتك معاد جديد، عن اذنك وغادر مسرعا وكانت ريم مصدومة من كلمة خطيبتي فقد ذهبت آمالها مهب الريح وصلت امل ونوجة الجراج وقبل أن يصعدا سيارة امل وجدا مهاب أمامهما بسيارته مهاب : سيبي عربيتك واطلعو يا امل انا لي حوصلكم ابتسمت امل لتصرف أخيها العاشق وسحبت نوجة من يدها واذخلتها معها إلى السيارة نوجة : في نفسها هو ساب المزة وجا يوصلني ليه يكنش بي....... لا لا مستحيل .مستحيل ليه امال الي عملو معناه ايه .بيحبني يالاهوي بيحبني مهاب : حنروح المستشفى الاول نوجة : فزعة لا لا انا كويسة ما فيش داعي ، شوية صداع بس امل الي كبرت الموضوع حبة اسبرين وحبقى زي الفل امل : طب حتقدري تجي الحفلة بليل مهاب : انت كنت جايا للحفلة نوجة : مش عارفه حقول لامي الاول مهاب : طب لو قررتي تجي اتصلي بامل وانحنا نجي ناخدك ماتجيش لوحدك . امل : أيوة يا نوجة مهاب عندو حق مش تركبي تاكس لوحدك بليل نوجة : حاضر حشوف ظروفي الاول وصلو إلى حارتها مهاب : انزلي يا امل وصليها للبيت نوجة : مافيش داعي انا كويسة ثم امي كدا حتتخض خليكي يا امل .وشكرا تعبتكو معايا امل : ماتقوليش كدا .احنا لينا كم نوجة يعني مهاب : عندك حق يا امل هي نوجة واحدة بس اخفضت نوجة رأسها واحمرت خجلا فنزلت من السيارة وهي تردد : والنعمة بيحبني , بيحبني وصعدت شقتها وقلبها يرقص فرحا فقد دق الحب بابها واي حب، حب المهاب بطلها الحاميالجزء 9: الفصل التاسع دخلت منزلها تطير فرحا فوجدت ام ابراهيم نوجة : ازيك يا ام إبراهيم وحشتيني يا ام ابراهيم انا بحبك يا ام ابراهيم ام براهيم: وانا كمان بحبك يا قلبي .باين عليكي مبسوطة.ربنا يبسطك كمان وكمان يارب ثم ذهبت الى غرفة والدتها واحتضنتها بشدة وقالت: ازيك يا اجمل ام في الدنيا فدوة : بخير ياعمري طول ماانت بخير .ايه الانبساط والسعادة دي كلها نوجة: يعني مش حلو لما ابقى مبسوطة فدوة : بالعكس دي احلى حاجة في دنيا كلها،يارب اشوفك مبسوطة ديما . بس قوليلي انت راجعه بدري ليه خير حصل حاجة نوجة : اصل فيه حفلة بليل في بيت الاستاذ مجدي وعزموني. حفلة عيد ميلاد بنتو اسيل فدوة : بس دي بليل حتروحي ازاي لوحدك نوجة : لا امل ومهاب ،قصدي الاستاذ مهاب حيجو ياخدوني فدوة : مهاب قولتيلي ،اذا كان كدا معلش روحي انبسطي ياحبيبتي نوجة : بس يا اما انا مش عاوزة اسيبك لوحدك ام ابراهيم: وانا روحت فين، انا حفضل معاها نسهر ونتونس ببعض هو كدا كدا عمك ابو ابراهيم بينام من المغرب نوجة: مش عارفه من غيرك كنا حنعمل ايه يا ام ابراهيم ربنا ما يحرمنا منك ام ابراهيم : ماتقوليش كدا ،فدوة اختي وانت بنتي فدوة: ربنا يديم المحبه يارب ها قوليلى يا نوجة حتلبسي ايه في الحفلة نوجة : مش عارفه يا اما حشوف حاجة مناسبة والبسها فدوة : حاجة ايه الي تشوفيها ،انت تنزلي للمحل عند البت سماح زي المرة الي فاتت وتشتري فستان سهرة حلو كدا نوجة : بس الميزانية كدا حتخرب فدوة : ما تخرب هو انت بتروحي كام حفلة يعني نوجة : ربنا يخليك ليا يا امي فدوة : يلا روحي علشان متتاخريش خرجت نوجة وذهبت لشراء الفستان ام ابراهيم : ماقولتلهاش على تعبك ليه فدوة : مش شايفها مبسوطة ازاي عوزاني انكد عليها يعني .ثم انا زي الفل اهو .انت بس الي مكبرة الموضوع. في المحل كانت نوجة تتجول بين الفساتين تبحث عن ضالتها لكن الاسعار كانت مرتفعة جدا ثم رن هاتفها برقم غريب لم تجب لكنه عاد إلى الرنين مجددا فأجابت نوجة : الو مهاب : الو انا مهاب يانوجة نوجة : أهلا يا استاذ مهاب مهاب : ازيك عامله اي دلوقتي ،والصداع خف ولا لس نوجة : لاخف الحمد لله مهاب : الحمد لله .،ها قررتي حتيجي الحفلة ولا لأ نوجة : حاجي انشاء الله مهاب: طب اجهزي وأنا حعدي عليكي ،معلش امل مش حتقدر تجي معايا حتبقا مشغولة مع ماما بالضيوف نوجة : ماتتعبش نفسك انا حتصرف مهاب : حتتصرفي ازاي حتركبي تاكس لوحدك بليل نوجة : أيوى بس حشوف واحد جارنا هنا عندو تاكسي مش غريب يعني مهاب : جاركم سواق التاكسي مش غريب وانا الي غريب يعني يا نوجة نوجة : لامش قصدي طبعا مهاب : يعني انا قريب نوجة : هااااا مهاب : ضاحكا ،اجهزي يانوجة حعدي عليكي الساعه تسعه. أغلقت الهاتف وظلت سارحة في كلماته حتى أفاقت على صوت سماح سماح :ها يا نوجة لقيتي حاجة نوجة : الفساتين تحفة بس الاسعار نار يا اختي سمعت كلامهم صاحبه المحل فجاءت إليهم وقالت صاحبة المحل : بصي يانوجة انت حظك حلو انا عندي فستان سهرة حلو اوي ،كانت زبونة معرفة اشترتو من مدة ومالبستوش غير مرة أو اثنتين وبعدين تخنت والفستان بقا ضيق عليها عشان كدا جبتهولي اتصرفلها فيه ومش طالبة فيه سعر كبير. مع أن سعرو الحقيقي خيالي ها قلت ايه تاخديه نوجة : ودي عاوزة كلام حاخدو طبعا المهم يكون محترم صاحبة المحل ،لا متخفيش هو اصلا بتاع محجبات حجيبهولك تقسيه اشترت نوجة الفستان مع لاوزمه ثم مرت على إحدى محلات الصاغة واشترت سلسال ذهب بسيط وأنيق به قلب صغير منقوش عليه حرف الالف لتقدمه هدية لاسيل في المساء تجهزت نوجة للحفلة وارتدت ثوبها باللون البنفسجي الغامق جدا وبدى بالفعل باهض الثمن وارتدت طرحة من نفس اللون لكن افتح بكتير ووضعت بعض اللمسات من المكياج وملمع شفاه زهري فاتح ورشت القليل من العطر وهي تقول : يعني ريم الخليل بس الي بتعرف تحط برفان مااحنا كمان بنحط اهو ثم ذهبت الى غرفة والدتها ام ابراهيم: بسم الله ماشاء الله عليك يا حبيبتي طالعه زي القمر فدوة : وقد ادمعت عيناها : ربنا يحرسك من العين ياعمري عقبال ما اشوفك بفستان فرحك يا حبيبتي يا رب نوجة : ليه بس الدموع دي ياما انت عارفه اني ما مبستحملش اشوفها فدوة : دي دموع الفرح يا بنت قلبي نوجة : ربي مايحرمني منك يا غالية جاءت على هاتف نوجة رساله من مهاب يخبرها أنه ينتظرها في الاسفل ودعت امها ونزلت إليه دهش مهاب من جمالها وسحرها واناقتها كانت بالفعل مثالية ركبا السيارة وانطلقا وكان يحاول عدم النظر إليها لكن عطرها لم يتركه في حاله حتى ظن أنه الآن يتنفس عطرها بدل الهواء ثم تذكر أنهما ذاهبان الى الحفلة وسيرها الجميع بهذا الجمال.وهذه الروعة ،فاشتعلت في قلبه نار الغيرة ليوقف السيارة فجأة ثم أعطاه منديلا ورقيا وقال مهاب :امسحي الروج دا نوجة : نعم مهاب : نعم الله عليكي قلت امسحي الروج الي حطاه دا وجدت نفسها راضخة تاخد المنديل وتميح احمر الشفاه مهاب : اخر مرة تحطيه .واخر مرة تحطي برفيوم كمان نوجة : تهز راسها مندهشة وراضخة مهاب : و اه مش عاوزك تتكلمي مع اي حد في الحفلة نوجة : ليه مش حعرف اتكلم زيهم يعني مهاب : وأنا الي ديما بقول عنك ذكية مالك قلبتي بغباء دا ليه انا بتكلم على الرجالة مش عاوزك تتكلمي مع اي راجل في الحفلة حتي السلام ما تسلميش فاهمة نوجة : تومؤ براسها إيجابا مهاب : ماكنت فضلتي في بيتكم احسن نوجة مفرغة فاها: انت ماكنتش عاوزني اجي الحفلة مهاب : انا ماكنتش عاوزك تطلعي من بيتكم اصلا وانت بجمالك دا. خجلت نوجة من عزله الصريح لها فاحمرت وجنتاها مهاب: ودا كمان ماتعملهوش نوجة : الي هو ايه مهاب : خدودك دي وضعت نوجة كفيها على وجهها وضحكت برقة مهاب : لا الا دي ماتضحكيش ماتضحكيش ابدا وانطلق مجدادا بالسيارة وهو يقول : يا رب صبرني كان قلبها يرقص فرحا فهاهو يصرح بغيرته عليها فماذا بعد ليصرح بحبه ؟! في الحفلة اجتمعت بعض الفتيات حول اسيل وقالت احداهن هو اخوكي المز فين يا اسيل انا جيا الحفلة مخصوص علشانو نطقت أخرى : احنا كلنا جاين هنا علشان الاستاذ مهاب مجدي سراج الدين المحامي ماحدش معبرك يااسيل اصلا اسيل : بس انت وهي ولا عاوزني اطردكم برى الحفلة الفتاة : اهو اخوكي المز وصل اهو بس مين دي الي معاه قال الجميع في صوت واحد مين دي يااسيل. اسيل : دي سكرتيرة بابا في المكتب القديم قالت فتاة كانت تحمل هاتفها وتصور :بس اعترفوا يا بنات البنت صاروخ اسيل مش اوي ياعني .بس انت بتعملي اصلا يانادين نادين : بصور .حصورلك الحفلة كاهلها ونزلها على صفحتي اتجاهه مهاب نحو رامز فيما وقفت نوجة لتحيي والدته وامل اللتان رحبتا بها بحفاوة واثنت سلاف كثيرا على جمالها مما جعلها تحمر خجلا لاحظ مهاب من بعيد ذاك الون الوردي يشرق على وجهها فيزيدها جمالا فقال في نفسه : هي حتفضل تحمر وتحلو كدا طول الحفلة .ثم أردف يؤنب نفسه: ماانت الي جبتها بنفسك لغاية هنا كان لازم ترجعها للبيت اول ما شفتها كدا. الصبر يا رب اتجهت نوجة مع امل الى اسيل التي كانت تقف مع خطيبها ايمن، فهنأتها وقدمت لها الهدية ،ردت اسيل ببرود .لكن المزعج في الأمر اكثر هو نظرات ايمن الوقحة لنوجة في جهة أخرى وقف مهاب ووالده ومعهم رامز أخبر رامز مجدي عن رغبته في الزواج من امل ووجده مرحبا بالفكرة جدا مما جعل السعادة تملؤ قلب رامز كانت تقف وحدها بعدان انشغلت عنا امل حين تقدم منها داك الوقح ايمن ايمن : هاي انا ايمن سالم وانت نظرت له نظرة مشمئزة وتركته واقفا وغادرت ايمن : باين عليكي من النوع الثقيل عجبتني ياقطة عادت نوجة لترافق امل امل : انا مش مصدقه أن كل لي كنت بحلم بيه لسنين تتحقق في لحظة نوجة : علشان انت طيبة وتستهلي كل خير ياقلبي امل : والله كلو بسببك انت .انت كنت فين من زمان اتاخرتي ليه ضحكت نوجة على كلام امل ضاربة بتحدير مهاب عرض الحائط فهي كانت تراه أثناء حديثها مع اخته وبعض الفتيات تلتففن حوله محاولات التعرف عليه تملص منهن بأعجوبة واتجه نحو نوجة بعدها تركتها امل لوحدهما مهاب : مش قلنا الضحك ممنوع نوجة : وحضرتك مالك ومالي خليك في المؤتمر الي كنت عاملو مهاب : أحنا بنغير بقا كادت تعترض فاوقفها قائلا : والنبي ماانت قائله كلمة خليها ببركتها ياشيخة ضحكة نوجة برقة مهاب : قلت بلاش ضحك نوجة بخبث : احنا بنغير بقا مهاب : بترديهالي ايوى بغير ويغير جدا كمان واعملي حسابك لوشفتك بتضحكي ثاني حتروحي على طول خجلت نوجة وتحركت من امامه مهاب : رايحة فين نوجة : حروح البلكونه اكلم امي في جهة أخرى رامز : ازيك يا امل امل : الحمدلله وازي حضرتك انت يا استاذ رامز رامز : حضرتك واستاذ ،على فكرة أنا كلمت باباكي وطلبت ايدك منو ووافق والخميس الجي حجيب اهلي ونجي نطلبك رسمي ها موافقة امل : موافقة على ايه رامز : انك تتجوزيني يا امل امل : طب ممكن اعرف الاول انت عاوز تتجوزي ليه رامز : علشان بحبك يا امل من اول يوم ذخلت بيتكم وشفتك فيه بس كنت خايف اصارحك تصديني وساعتها مش حخسرك لوحدك حخسر صاحبي كمان بس لما امل مقاطعة : بس لما عرفت بموضوع العريس خفت تخسرني فتقدمت، مهاب حكالي بس انت عمرك ماكنت حتخسرني يارامز .علشان انا كمان سلمتك قلبي من اول يوم ذخلت بيتنا بردو . رامز : انت قلتي ايه امل بخجل : قلت اني بحبك يا رامز رامز بسعادة : انا مش مصدق نفسي، انا ممنون للعريس الي اتقدمك دا علشان خلانا نقرب لبعض امل : لا أنت ممنون لنوجة لان مافيش عريس اصلا رامز فارغ فاه : انا قلت البنت دي جبارة كانت تحدت امها وتطمئن عليها حين أحست بيد توضع على خصرها التفتت فزعة لتجد ذاك الوقح ايمن، دفعت يده بعيدا عنها بقوة قائلة : شيل ايدك انت اتجننت ايمن: ليه كدا ياقطة دا انا حتي حرضيكي حلو اوي جاوبته بصفعة قوية من يدها نوجة : انت بتقول الكلام دا لمين . فوق لنفسك يلا مش كل الطير الي يتاكل لحمو، دا انا امسح بيك بلاط الفيلا هنا يازبالةانت. ثم رفعت صوتها اكثر فتجمهرحولها الحضور وهي تقول: انت فكرني حخاف واسكت لا وحياة امي لنا عملالك محضر تحرش في القسم ياسافل ياواطي يا عرة الرجالة تذخل مهاب غاضب فهو يعرف سلوك خطيب أخته جيدا مهاب: فيه ايه يا نوجة الكلب دا عملك ايه نوجة: السافل بيمد ايدو النجسة ويلمسني لم يحتج مهاب لاكتر مما سمع لينهال على ايمن باللكمات حتى أطاح به أرضا ولولا أن امسك به رامز بعض الشباب بصعوبة لما توقف حتى يرديه قتيلا أسرعت اسيل الى خطيبها وهي تقول : انت حصدق بنت الحوارى دي ، اكيد كذابة وجد ايمن في كلام اسيل بصيص أمل لتخليص نفسه وقلب الدفة ايمن : ايوى كذابة يا اسيل صدقيني دي هي الي جت تحاول تتكلم معيا وطلبت نمرة تليفوني ولما صدتها عمت الشويتين دول قدمكو مهاب يحاول الهجوم عليه مجداا مهاب: أنت لس ليك عين تتكلم وكمان بتكذب والله ماانا سايبك يا كلب .سيبوني اسيل : ايمن مش كذاب .هي الي كذابة نوجة : انت ايه .ليه مصرة ترخصي نفسك كدا ليه وانت غالية عند اهلك . بتدافع عنو ليه انت شفتي نظراتو ليا بنفسك ،ولو سألتي اي وحدة من صحباتك حتقلك أني مش اول وحدة يعمل معها كدا ، الفرق الوحيد أن انا ماسكتش وفضحتو . انت الرجالة الي فحياتك ،اب عظيم مافيش احن من قلبو واخ سند وظهر واهتمام، ليه تحطي معاهم واحد بمستوى الزبالة دا، فوقي يا اسيل دامش مقامك فوقي يالغالية ودسي على الرخيس. عم الصمت والكل منبهر بكلام تلك القوية .كلامها ضرب في الصميم ابتعدت اسيل عن ايمن وارتمت باكية في حضن امها استدعى مجدي الأمن ليرمو ايمن خارج المنزل اقتربت نوجة من مهاب وقالت : عاوزة اروح بيتي من فضلك سار معها وركبا السيارة وانطلق الى منزلها وكان الصمت سيد الموقف الا ان توقف مهاب بالسيارة فجأة، صمت قليلا ثم قال : نوجة انا بحبك وعاوز اتجوزك الصمت كان ردها مهاب ساكته ليه نوجة : انا مابفكرش في الجواز دلوقتي مهاب : عارف وعارف أن السبب انك مش عاوزة تيسيبي والدتك بس انت مش حتسبيها احنا حنخدها تعيش معانا اظن مافيش سبب ثاني كدا نوجة : لا فيه ،فيه أن انا وانت من عالمين مختلفين والي حصل قبل شويه بثبت كدا مهاب : الي حصل قبل شوية يثبت حاجة وحدة بس اني اخترت صح وانك الإنسانة الوحيدة الي بتمنى تكون مراتي .انت اذكى من فكرة الفرقات دي بلاش تحطيها حجة ثم انت بتجاوبي على مسألة الجواز بس انا قلت اني بحبك ما سمعتيش ولا ايه ،بحبك يعني اتجوزك دي مسألة مفروغ منها نوجة ترفع حاجبيها مستغربة كلامه مهاب : ماتبصليش كدا ،طب وحياة امك يانوجة لو ما وافقتي .لكون رافع عليكي قضية وطالبك في بيت الطاعة نوجة : بيت الطاعة ايه ،انت اتهبلت يا مهاب مش لما نتجوز الاول مهاب غامزا : حنتجوز حنتجوز انشاء الله بس سيبك من دا وسيبك كمان من كلمة اتهبلت الي عمرو ماحد اتجرأ وقالهالي اسمي من غير استاذ طالع من بقك زي العسل نوجة : بضحكة رقيقة طب يلا يا استاذ اتاخرت على امي بدل ما العسل يشر على دماغك مهاب وهو يدير السيارة : يلا يا رخمه اقلها عسل تقولي يشر على دماغك،الصبر من عندك يارب .الجزء 10: فتحت اسيل الباب فوجدت أمامها شيخ عجوز يبدو على مظهره الهيبة يرتدي جلباب وعباءة ومعه شاب وسيم يرتدي ملابس عاديه اسيل : حضرتكم عاوزين مين تحدث الشيخ بعدما وجد أن الشاب اطال الصمت وهو ينظر لاسيل الشيخ : إحنا رايدين نجوان الزيات عيجولو ساكنة اهن اسيل : ايوى دا بيتها اتفضلو ثواني حديها خبر اذخلتهم اسيل المنزل وذهبت تخبر نوجة خرجت نوجة إليهم بعد مدة قصيرة نوجة : نعم انا نجوان الزيات حضراتكم مين الشيخ: ماعجوله يابتي ماخبراش احنا مين نوجة : لو عارفه ما كنتش سالت ،بس باين عليكم من عيلة ابويا الي في الصعيد اصل كل مرة كان يجلنا حد جديد . عمومااهلا بيكم داانتو من ريحة الغالي الشيخ : داانت الي من ريحة الغالي يابتي .اني جدك صالح الزيات ودا عماد واد عمك يونس الله يرحمه .احنا ادلينا اهنا بعد ما وصلنا خبر موت امك الله يرحمها الباجيه فحياتك يا بتي نوجة : وفحياتكم الباقية . منورين اتفضلو صالح : بنورك يابت الغالي بس احنا ماجينش نجعدو ونضايفو،حنا جاين ناخدوكي معنا ونعاود نوجة : تاخدوني معاكو فين صالح : وآه عالصعيد عابيت جدك وابوكي نوجة: بيت حضرتك ايوى لكن بيت ابويا ماضنش لوكان بيتو ماكنتش طردتو هو وعلتو منو عماد: اتحدثي زين مع جدك صالح سيبها يا عماد تجول الي هي ريداه نوجة : انا بتكلم كويس وماقلتش حاجة غلط انا قولت الحقيقة بس قصر الكلام ا: دا بيت ابويا وماليش بيت غيرو ومش حروح في حة غيرو عماد: واه عتجعدي لوحديكي اياك. صالح: أني سبتك انت وامك في حالكم لاني خابر زين أن فدوة ما جدراش تاجي تسكن حدانا بعد الي حصل بس انت غير يابتي انت لحمنا ومافيش حد عيرمي لحمو نوجة: وأنت فاكراني اقدر اعيش في البيت الي انطرد منو ابويا وأمي علشان رفضو يسيبو بعض صالح : اني ماكنتش رايد احمد يسبب فدوة انا كنت رايد اشوف خلف ولدي وطمن عليه. نوجة : وأنت مين علشان تتقرر حاجة في حياتهم تجبرهم عليها. عماد : اني جولت اتحدثي زين عاد نوجة : انا مش حروح في حته عماد: مش بكيفك يابت عمي مافيش بت من بنات الزيات تجعد لوحديها في شجة دا شرف العيلة واحنا ماعنلعبش في الحكاية دي نوجة : وانامالي بعيليتكو. انا مش حروح مع حد عماد : وإني جولت مش بكيفك حتاجي معانا يعني حتاجي معانا . لا ....جاءهم صوت مهاب من الخلف والتفتو إليه جميعا مهاب مراتي مش حتروح مع حد نظر الي الجميع بصدمة واولهم نوجة صالح : مرتك مرتك كيف مهاب : ايوى مراتي ولومش مصدقين العقد اهو ثم أخرج ورقة عقد وقدمها لهم عماد: متجوز عرفي يابت عمي مهاب: مش عرفي العقد موتق ومتسجل مدني وكانا حنكتب الكتاب لولا الظروف صالح : بس بنات الزيات معيتجوزوش أكد واصل من غير اصول من.غير عيلة مهاب : والله. انا الي اعرفو أن نوجة طول عايشة مع امها لوحدهم وانا كلمت الست فدوة الله يرحمها وطلبت نوجة منها وهي وافقت وكمان قرينا الفاتحة على كل احنا فيها حنكتب الكتاب عند الشيخ وحضرتكم تنورونا وكل العيلة على راسنا من فوق صالح : مش هي دي إلاصول يا ولدي ،وانت باين عليك ولد ناس وتفهم في الأصول مهاب : طب. انا حاضر الي تامر بيه الأصول حعملو. بس ماحدش يقرب لمراتي صالح : يبجا تاجو عندينا الصعيد .نكتبو الكتاب اهناك مهاب: انا عن نفسي ماعنديش مانع بس أمر الرجوع لصعيد دا يخص نوجة وحدها وهي الي تقررو التفتو الى نوجة فوجدوها صامتة كأنها في عالم اخر علم مهاب انها تحت تأثير الصدمة فتدارك الأمر وقال بس انا من رايي ماتستعجلوهاش و تدوها فرصة تفكر ترد عليك صالح: طب حنا عنجعدو يومين كدا وعنرجعو نشوفو الحكاية رسيت كيف بس ما جولتليش يا ولدي اسمك ايه وعليلتك مين مهاب.: اسمي مهاب مجدي سراج الدين ووالدي كان صديق الاستاذ احمد الله يرحمه صالح : ايوى ايوى افتكرت دا حتى احمد اشتغل معاه لما نزل مصر خيرة الناس ياولدي .اني جيت اهن وكان في رأسي موال ثاني بس يشهد ربي جلبي ارتحلك وحاسس أن مرتاح أن بت ولدي عتكون تحت جناحك قالها وهو يضرب على كتف مهاب مهاب : انا الي تشرفت بحضرتك ياحج عماد : دير بالك عبت عمي يا استاد مهاب مهاب بنوع من الغيرة لاهتمام الاخير بها مهاب: بنت عمك مراتي ،مش حتوصيني على مراتي يااستاذ.... عماد : عماد عماد يونس الزيات بعد أن غادر جد نوجة وعماد كانت نوجة ماتزال في صدمتها صامة خرجت اسيل من غرفةنوجة اسيل: انا مش مصدقه. الي حصل، انت عملت كدا ازاي يا مهاب انت فعلا اتجوزت نوجة ولا العقد دا مزور وانت بتضحك عليهم علشان ما ياخدوهاش معاهم مهاب : وينظر لنوجة : لا العقد سليم اسيل : طب ازاي نوجة مضت عليه وهي مش عارفه اصلا خرجت نوجة من صمتها وقالت : مع أوراق التربص مهاب: ديما بقول انك ذكية نوجة : لا انا طلعت غبية وحمارة كمان داانت اتجوزتني من غير ما اعرف ياراجل مهاب : انا عملت كدا لما بابا حكالي عن عيلة ابوكي في الصعيد خفت يجي اليوم وياخدوكي مني واهو الي عملت حسابو حصل نوجة : تقوم تعمل كدا من ورايا مهاب : انا اتكلمت مع والدتك الله يرحمها وطلبت منها ماتقولكيش حاجة وكنت مستنيني الوقت المناسب علشان اصرحك بحبي واطلبك للجواز ولولا الي حصل مكنتش حجيب سيرة العقد دا خالص انا سبق وقولتلك اني بحبك وعاوز اتجوزك نوجة : وقولتلي كمان انك حتطلبني فبيت الطاعة ابقى اعملها يا استاذ لاني مشحروح معاك في حتة