❴🔢❵☟الــبــــــ❴ 3️⃣ ❵ـــــــارت☟
*روايـه/عـشـق ادمي قلبـها💗🫀*
الحلقه4/5
https://whatsapp.com/channel/0029VasyRxhBPzjPQqZKqw1B/100
الجزء الرابع 🦋 بقلم شروق حسام 🦋
_" اقدملكم حسناء مراتي "
تميم بعدم تصديق " مراتك مراتك ازاي يا تيم قول انك بتهزر أنت مستحيل تعمل فيا كده "
تيم ببرود " عملت ايه أنا معملتش حاجة غير انِ اتجوزت علي سنة الله ورسوله أنا أعجبت بحسناء فروحت اتقدمت لها وقبلت فاتجوزنا "
تميم بجنون " بابا شوف ابنك شكله اتجنن ومش في وعيه "
سيف الدين سكت ومعرفش يرد عليه يقول ايه يقف في صفه ضد أخوه ولا يعمل العكس وهو مستحيل يعمل حاجة من الاتنين
علا بقرف " ياربي قد ايه أنتي حرباية وخطافة رجالة وكمان عايزة توقعي بين الاخوات أنتي ايه شيطان في هيئة بني آدم "
_" هي دي يا تميم اللي كنت بتعيط بدل الدموع دم عشانها أهو اديها باعتك وباعت حبك ليها واتجوزت أخوك "
تيم اتجاهل كل الكلام اللي بيتقال ومسك ايد حسناء وطلع علي أوضتهم اللي هي كانت أوضته الخاصة قبل ما يتجوزو
بعد ما دخلوا كانوا قادرين يسمعوا صوت زعيق تميم وتكسيره للبيت
_" ارتاحتي كده يا حسناء "
_" لا مش مرتاحة وأنا شايفاه كده قلبي بيتقطع وكأن فيه حد جاب سكينة وغرزها فيا بس برجع أفكر نفسي انه بعد كام شهر هيجي له عيل من واحدة غيري "
_" هو اللي وصلنا لكده واحد خاين سلمت له مفاتيح قلبي بس هو محفظش عليها "
_" كل حلم حلمت أعمله أنا وهو هو راح عمل كل الأحلام دي مع واحدة تانية "
تميم اتنهد بحزن وهو بيفكر في حالة أخوه اللي وصلها بسببه بس زي ما هو أخوه دي حسناء اللي مش بيستحمل حاجة عليها
_" تيم تيم تييييم روحت فيين بس سرحان في إيه "
تيم بتوتر " مش في حاجة يا حسناء ادخلي خدي شاور ونامي شوية "
ابتسمت بخفة ودخلت خدت شاور وغيرت هدومها وطلعت عشان تسرح شعرها وهو لسه قاعد مكانه
تيم بتوتر " انتي قاعدة بشعرك ليه "
_" عادي مش جوزي "
تيم سكت من الكلمة اللي قالتها ومعرفش ينطق بحرف واحد كلمتها خلته يسبح في بحر من المشاعر اللي كان دفنها من زمان
....................
عدت أيام كتير
وبطن علا كبرت وحسناء بقت تغيظ تميم وبتدلع علي تيم وده بيخليه مش قادر يتنفس لدرجة ان الضغط والسكر عنده بيرفع لفوق
وفي يوم تميم لمح حسناء لوحدها فشدها من ايديها وخدها علي جنب عشان يكلمها
_" ليه يا حسناء ليه عملتي فيا كده "
_" عملت ايه أنا معملتش حاجة "
تميم متجاهل كلامها " ليه خدعتيني "
حسناء ببرود " أنا مخدعتش حد دي حياتي وأنا حرة فيها وتيم عجبني فاتجوزته إنسان شهم وخلوق ولطيف وأهم حاجة انه وفي ومش خاين "
تميم بسخرية وآلم شديد " وفي وخلوق وكمان شهم بجد انتي مش حسناء اللي أعرفها "
_" ولا أنت تميم اللي كنت فاكرة انِ أعرفه "
_" أنتي واحدة خاااينة "
_" تلميذتك يا تميم باشا من بعد ما عندكم يا تيمو "
كملت بحدة " ابعد عني وعن حياتي أنا وتيم أنت خلاص صفحة سودا واتحرقت ونسيتها كمان خليك في حياتك مع مراتك وابنك اللي جاي "
تميم بصدمة وقلبه بقي يدق بسرعة " أنتي عرفتي منين مين اللي قالك تيم مش كده هو اللي قالك "
حسناء بسخرية " هو مش بالحقارة دي عشان يعمل كده روح أسأل الهانم "
_" و اه بارك لي أنا حامل "
تميم مقدرش يستحمل الصدمة وكان وقع علي الأرض مغمي عليه
حسناء اتصدمت فنادت علي تيم عشان يجي بسرعة يلحق أخوه
....................
بعد فترة
في المستشفي
كان تيم واقف قدام أوضة الطوارئ وهو عمال يلف حوالين نفسه زي المجنون وقف فاجأة وقرب من بهدوء
_" أنتي قولتي له ايه انطقي "
حسناء بخوف فهي أول مرة تشوفه بيكلمها بالأسلوب ده " قولت قولت له انِ حامل يعني "
تيم رفع ايده وخبطها في الحيطة اللي وراها بقوة وبغضب لدرجة خلتها تتخض من ردة فعله
قبل ما حد فيهم يتكلم كان خرج الدكتور وملامحه مش بتبشر بالخير
_" .......
#عشق_أدمي_قلبها
#شروق_حسام
الجزء الخامس 🦋 بقلم شروق حسام 🦋
_" للأسف المريض السكر عنده رفع أوي وللأسف تاني بقي مريض سكري وكان هيدخل في غيبوبة سكر بس لحقناه "
حسناء بصدمة " سكر أنت بتقول ايه يا دكتور ازاي يجي له ازاي "
_" قصدك عشان مرضه ده بيبقي عادي مريض الكانسر ممكن يجي له ضغط أو سكر "
تيم بصدمة وعدم تصديق " كانسر مين يا عم بعد الشر اخويا كويس أنت شكلك مش عارف شغلك كويس دكتور فاشل أنا هوديه مستشفي تانية وأحسن من دي 100 مرة انتم مش بتفهموا دي شكلها مش مستشفي خاصة وبتنصبوا علي الناس "
الدكتور بتفهم وعملية " أنا فاهم حضرتك بس أنا بقول الحقيقة ولو روحت مليون مستشفي هتلاقي نفس الإجابة "
تيم بوجع " ازاي محستش بيه ده أخويا وحته مني المفروض كنت حسيت بيه ازاي ماشوفتش انه مش كويس "
حسناء بتنهيدة " كان بيحاول مايبينش حاجة ليكم عشان متزعلوش عليه وكان بيلبس باروكة عشان شعره اللي وقع "
تيم بص لحسناء بغضب وشرار طالع من عينيه قرب منها ومسكها من كتفها وفضل يهز بيها بكل قوة وقسوة
_" يعني أنتي كنتي عارفة مش كده أنتي دمرتي حياتنا أخويا بيروح مني بسببك أنتي شيطان فاهمة يعني شيطان ده حتي الشيطان ميجيش ربع خبثك "
_" أنا عايز أرجع بالزمن ومحبكيش فيه ولا أخلي أخويا يحبك أنتي لعنة وبتدمرينا بالبطئ غلطة بسيطة عملها خليتيه مريض سكر اللي أهلك بيعملوه فيكي تستاهلي أكتر من 100 مرة أنتي متستحقيش غير العذاب فاهمة متستحقيش حبي أو حب تميم ليكي أنتي خلاص بقيتي مجرد نكرة في حياتي واحدة مخادعة وغشاشة "
حسناء بصت له بآلم وهو عمال يهزها بعنف هو عايرها بحاجة مش في ايديها مش عشان أهلها بيعاملوها زي الخدامة وبيبهدلوها تبقي هي لازم تستحمل كده
فضل يهزها بقوة مرة ورا مرة ويقولها كلام قاسي وهي من كتر الوجع من كلامه رجليها مبقتش قادرة تشيلها الدكتور حاول يدخل بس تيم بعده عنهم بقسوة
لحظات وكانت مغمي عليها وهو حتي محاولش يمسك بين ايديه وسابها تقع علي الأرض رغم انه بيحبها بس هو مستحيل يسامحها
..................
عدي أسبوع كمان
وتميم رجع البيت بس المرة دي وهو هادي مش حاسس بحاجة غير الفراغ وتيم بيهتم بيه وبمواعيد أدويته لدرجة انه بعد جدا عن حسناء ومبقاش يشوفها
..................
في أوضة تيم
كان غير هدومه وكان لسه هيخرج بس وقفته حسناء بسؤالها
_" أنت خلاص بقيت تكرهني "
تيم مبصلهاش وفضل باصص قدامه بجمود
_" أنت عارف اتعرفت علي أخوك ازاي مش كده "
_" أنا اتعرفت عليه من علي النت عادي زي أي بنت تستحق اللي أهلها عملوه فيها رحت أشكي تعبي علي صفحة الفيس اللي عملتها ومن هنا بس دخل كلمني كلام شد كلام وعرف كل حاجة عني وأنا كمان وعرفت انه عايش في نفس المحافظة اللي عايشة فيها لا وكمان في نفس المدينة بدأنا نخرج ونروح ونيجي وبعدين عرفني عليك أنت وباقي العيلة وبعد كده راح أتقدم لي بس أهلي رفضوه لأن ازاي واحدة زيي تأخد واحد وسيم ومعاه فلوس زي ده وأكيد هطمع وابعد خالص عنهم حاول مرة واتنين بس مفيش فايدة لدرجة انِ لما اكتشفت تعبه قولت له طب نتجوز من ورا أهلي مرضيش "
_" عارف ربنا بيعاقبني علي انِ كلمت واحد وده حرام بس أنا عقابي كبير أو ومستاهلش اسمع كل الكلام الجارح اللي أنت قولته ده المفروض تكون أنت أكتر واحد فاهمني "
تيم قلبه وجعه من كلامه
تيم بتنهيدة " حسناء عايز أقولك علي حاجة كنت عايز أقولهالك من زمان بس خبيتها عليكي "
حسناء بصت له وابتسمت بتوتر وخوف من اللي هيقوله
_" أنا .....
#عشق_أدمي_قلبها
#شروق_حسام
برأيكم حسناء هتفضل مع مين
تميم
ولا تيم