دخان القلوب - ❴🔢❵☟الــبــــ❴ ألأخير ❵ــــــارت☟ - مكتملة | روايتك

اخدت كتابي ودخلت ع غرفة خلود اول ما شافتني تلبكت وخبت الصورة يلي بايدها ومسحت دموعها سماء:مرحبا فيني اقعد خلود...... سماء:السكوت علامة الرضا قعدت شوي بعدها اطلعت فيها وقلت سماء:عم اقرء هالرواية بتحبي اقرألك ماشفت منها اي تعبير ايجابي كانت عم تطلع فيني ببرود وكأنها عم تقلي انقلعي لبرى ما اهتميت بلشت اقرء بصوت عالي وكنت متأكدة انها عم تسمع لحد ما وقفت قراءة عند لحظة حاسمة وقلت سماء:يييي صاار لازم روح عيونها كانت عم تحكي وتترجى اني كمل فتحت الباب وقبل ما اطلع قلت سماء:اي وصحي رح كمل قراءة بعد الغدا يعني مو منشان شي بس منشان اذا حدا حابب يكملها معي يجي ع غرفتي اطلعت وسكرت الباب وانا حاسة بالانتصار نزلت ع غرفة السفرة كانوا حاطين الاكل قعدت جنب لؤي سكبت صحني عبيت الملعقة وحطيتها بتم لؤي لؤي:اح اح مجنونة انت شو عم تعملي سماء:عم طعمي جوزي لؤي:ريحي حالك شهناز كانت عم تزورني بطرف عينها وعيونها العياذ بالله عم يقدحوا شر سماء:مرة عمو ليكون غرتي اذا بدك بطعميكي بايدي ها اتجاهلت كلامي وكملت اكل رجعت حطيت الملعقة بتم لؤي بس هالمرة سكر تمه وعصب لؤي:مابتفهمي انت التهي بحالك وخليني اعرف اكل وبعدي ملعقتك الوسخة عني سماء:يااه ليش تمك وسخ؟ لؤي:ولي انا قلت ملعتقتك الوسخة مو تمي يا بهيمة سماء:اي بس لسا محد اكل فيها غيرك تركت الاكل قبل ماحدا ينفجر علي وقمت بغرور بعد شوي ما شفت ولا حدا عم يدق باب غرفتي سماء:اتفضل دخلت لجوا وهي مترددة سكرت الباب وقعدت جنبي سماء:هههه هي انت شكلك متحمسة كتير يالله لجيب الكتاب ضليت عم اقرء لحتى تعبت اطلعت ع خلود كانت منسجمة كتيير ومبسوطة صار تعملي اشارات بايدها مافهمت اي شي عطيتها ورقة وقلم لتكتبلي خلود:ممكن تعطيني الكتاب سماء:اممم والله ياريت بس هاد الشي الوحيد يلي ضل معي من اهلي جبلي ياه اخي يوم نجحت بالبكلوريا مابعرف شو صرلها فجأة تركتني وطلعت وسكرت الباب بقوة لهالدرجة زعلت لان ماعطيتها الكتاب اي مالها حق وقت اجا الليل لبست فستان للنوم فردت شعراتي حطيت عطر ورحت ع غرفته فتت بدون استئذان مالقيته بالغرفة دفنت حالي بسريره بعد شوي حسيت ع حركته قرب من التخت بسرعة لؤي:انت شوووو عم تعملي هوووون طلعي لبرى سماء:حدا بيسأل مرته شو عم تعمل بغرفته؟! لؤي:ولك انت مابتفهمي انا بقرف من شكلك من كلشي فيك طلعي لبرى سماء:اذا بدك اطلع احكيلي ليش اتزوجتني سكت ومعد رد سماء:تعال نام حدي مارح آكلك تعال بعد شوي حسيت عليه صار جنبي بالسرير كنا باتجاهين مختلفين كانت كتير افكار براسي عم فكر فيها كتير شغلات مسيطرة ع مخي فتلت عالجهة التانية لقيت عيونه موجهة اتجاهي لؤي:شوفي براسك سماء: السؤال لازم يكون انت يلي شو في براسك لؤي:ليش هيك عم تتصرفي سماء:انا طبيعية جدا بس انت يلي مو طبيعي فيك تنكر؟! فتل للجهة التانية بدون مايحكي اي كلمة فقت بكير قبل الكل نزلت جهزت صندويشات وعملت ترمس شاي وبعدها طلعت ع غرفة لؤي طالعتله تياب على ذوقي ورحت صحيه سماء :يا طير يا طاير على طراف الدني لو فيك تحكي للحبايب شو بني يا طير و اخد معك لون الشجر ما عاد في الا النطرة و الضجر يوني الڪوريه:تدعوڪم لمتابعتها بمجرة الروايات تم مشاࢪڪه الࢪوايه من قناة مجࢪة الࢪوايات الاصليه https://whatsapp.com/channel/0029VaeeXEQ6buMSde2YXG1D فتح عيونه وركز بصره علي كان عم يطلع فيني بعمق وعم يتسمع بانسجام سماء:هلأ هو معك حق تبقى عم تتأمل شي طبيعي وجه ملاك عم يصحيك وصوت ملائكة بس اذا ضليتك هيك رح تتأخر ع دوامك انتفض بسرعة وهو معصب لؤي:طلعي لبرى بسرعة خليني بدل تيابي سماء:شوف جهزتلك تياب منشان ماتحتار شو تلبس اخترتون ع ذوقي حكيت هيك واطلعت قبل ما شوف ردة فعله جهزت القهوة وقعدت استناه بالصالون بعد شوي طلع ولابس غير تياب عادي يعني شي متوقع اطلع علي نظرة خاطفة واجا ليطلع من البيت سماء:جهزت القهوة اشربها معي وبعدها اطلع لؤي:انت شو مفكرة حالك حاج بئا بعدي عني نكدتيلي يومي من اوله مابكفي استصبحت بوشك المقرف بدك ياني اقعد اشرب القهوة معك اتجاهلت كلشي حكاه وحطيت الصندويش وترمس الشاي بايده وقلت سماء: شكلك مابتحب تشرب قهوة يالله براحتك بس انا مابحب زوجي يطلع بلا فطور وبما انك متأخر خدهن كلهن بالمكتب اجا ليرميهن شديت على ايده وقلت سماء:ماتنسى هدول نعمة الله اخدهن وطلع اطلعت ع غرفتي دخلت عالحمام وحطيت حالي تحت المي وصرت ابكي قد ماحاولت بين اني قوية رح ضلني هشة وضعيفة بيوم وليلة حياتي انحدرت من القمة للقاع بيوم وليلة خسرت كل اهلي وكل الناس يلي بحبوني وجيت عند عالم همهن يزلوني مابعرف ليش انا وليش هيك عم يعاملوني بس يلي بعرفه انه في سر مخبى رح يحرق الكل ياترى اهلي ماقلقوا علي ؟عم يدوروا علي ولا الموضوع مو هاممهن ياترى اخي بيعرف انه هيك حيصير معي اخخخخخخ يااربي ماالي غيرك ساعدني لبست أواعي وطلعت ع غرفتي لقيت خلود قاعدة عم تستنى سماء:اووه خلود خانم زايرتني عن طريق الكتابة خلود:ممكن تكفيلي الرواية سماء امم اي طبعا ممكن استني لجيب الكتاب سندت راسها ع كتفي وكانت عم تتسمع للرواية بحماس وتشوق وكل ما وقف لاخد نفس تنكشني لكمل لحد ما وصلت ع اخر صفحة بالرواية وقعت صورة من الكتاب سماء:يااااه بتجنن دخيل قلبه جهاد شو اشتقتله دايما مفاجآته مابتخلص ياااربي شو اشتقتله طلعي هاد اخي وهي انا هي الصورة تصورناها بعيد ميلادي ال18 ماتوقعت ابدا يكون ساحبها ويكون تاركلي ياها بالكتاب اطلعت عليها كانت عم تتطلع بالصورة وغرقانة بدموعها سماء:خلللوووود قلبي شبك؟ كانت دموعها عم تنزل بدون توقف ضميتها وصرت هديها وبعدها سطحتها ع سريري وبلشت غنيلها صح خلود واضح انها اكبر مني بعمر منيح بس بحس جواتها طفلة مكسورة طفلة بعدها مسجونة اتأملتها بعد ما نامت وبعدها غفيت جنبها فتحت عيوني لقيتها ماسكة الصورة وعم تتأمل بس شافتني جفلت ورمت الصورة من ايدها سماء:شكلها عجبتك الصورة خلود:............ سماء:روقتي ولا لسا خلود:......... سماء:بتعرفي انا مابعرف شو السبب يلي وصلك لهالحالة ومابعرف سبب دموعك وزعلك بس بعرف شي ممكن يخفف من حزنك حاليا خلود:؟؟ سماء:عندكم بفلة للصوت؟ خلود:اي سماء:قومي جيبيلي ياها غابت شوي وبعدها جابتها واجت شغلتها وعليت الصوت وقمت نط وارقص كانت عم تتطلع علي وهي عم تضحك سحبتها وخليتها ترقص وتنط معي شوي شوي بلشت تضحك وترقص اكتر كان صوت ضحكتي طالع سماء:ههههههه ماقلتلك رح يخفف من حزنك خلود:هههه اطلعت باتجاه الباب كان فيه عيون عم تتأمل بدقة بس شفته جفلت طفيت الصوت احمريت وخجلت ومعد حسنت طلع بوجهه وهو سحب اخته وطلع بدون مايحكي اي كلمة بعد شوي سمعت أصوات لؤي شهناز طالعة وصراخ وعياط التزمت بغرفتي ماطلعت منها ابدا لآخر الليل نزلت بهدوء وانا داخلة عالمطبخ شفت لؤي ممدد عالكنبة بالصالون قربت منه كان عم يأن ووجهه احمر حطيت ايدي ع جبينه كانت حرارته متل النار خفت كتيير وتلبكت شو اعمل يااربي سماء:لؤي لؤي سامعني لؤؤيييي لؤي:اي س ا م ع ك سماء:ساعدني خليني اخدك عالحمام بترجاك يالله تسند علي واخدته عالحمام وحطيته تحت المي صاروا ينزلو دموعي مدري ليش خفت كتير سماء:لؤي بشو حاسس وين عم يجعك شو صرلك قلي كيف صارت حالتك هيك اكلت برد ولا اكلت اكل مو منيح ليكون شربت شي لك لؤؤي رد علي عم تسمعني كرمال الله رد كان مثبت نظره علي وعم يتأمل بدقة لؤي:عيونك حلوين كتير سماء:شوو😯 لؤي:وشعرك حلو كتير وشفافك خدودك كلك كلك حلوة اخترقتني قشعريرة كلني صرت ارجف وقلبي صار يدق بقوة دقات قلبي صاارت مسموعة سندته علي واخدته ع غرفة النوم سطحته وجبت الكمادات ضليت حده طول الليل عم حاول خفف من الحرارة لحد ما غفيت فقت الصبح لقيت حالي نايمة ع سريره بس انا ما نمت عليه!! دورت ع لؤي بعيوني مالقيته بكل الغرفة يوني الڪوريه:تدعوڪم لمتابعتها بمجرة الروايات تم مشاࢪڪه الࢪوايه من قناة مجࢪة الࢪوايات الاصليه https://whatsapp.com/channel/0029VaeeXEQ6buMSde2YXG1D شهناز:فيك تفهمني انت شو عم تتصرف؟! لؤي:قلتلك الف مرة ما كنت صاااحي كنت مرييض وماانتبهت انها نامت معي بنفس الغرفة شهناز:بس انا شفتك بعيوني حاملها لؤي:البنت ضلت سهرانة طول الليل عم تحاول تخفف حرارتي وغفيت ع الارض كل يلي عملته شلتها وحطيتها ع التخت اجرمت ؟! شهناز:لؤي اصحك تحيد عن الهدف الاساسي اوعى تضعف قدام بنت عم حزرك لؤي:امييي لك فهمت فهمت شهناز: انا بدي بلش شغلي معها حتى يكون عندك علم لؤي:وانا رح اطلع من البيت بس خلصتي شغلك معها خبريني لاجي شهناز:لؤي وضعك وتصرفاتك مانها عاجبتني لؤي:انت مو بدك ياني نفذ اخر خطوة بس خلصتي شغلك انت اندهيلي وبنفذها انا ماشي سلام __________ فتحت الباب ونزلت كانت شهناز قاعدة وعم تحكي ع الهاتف وخلود قاعدة ومزعوجة صبحت عليهن محدا رد ضليت مكملة بطريقي كنت عم دور ع لؤي فجأة حدا بيمسكني من شعري بقوة سمااء:اخخخ لك تركي شعري شهناز: ولي وين رايحة؟ سماء: لك تركي شعري عم توجعيني كتير رمتني عالارض وقالت شهناز: اسمعي وليك نحن كنا متساهلين معك لانك بعدك جديدة عالجو بس من هون وطالع رح تشوفي وجهنا الحقيقي سماء: ؟؟!😢 شهناز:مطييييعة ياااا مطيعة مطيعة:امرك يا خانم شهناز: جهزتي الغرفة يلي قلتلك عليها؟ مطيعة:اي ياخانم شهناز:نقليلي غراض هالمغضوبة عليهن مطيعة:بس يامدام الغرفة كلها ح شهناز:هسسس مابدي اسمع ولا اعتراض وانت ولي قومي نقبري معي لشوف سماء:........... شهناز:شو مااسمعتي؟؟؟قومي والا بتشوفي شي مابعجبك قمت معها لانه مابأيدي حيلة مشيت معها لحد ماوصلنا عالقبو يلي بالفيلا كان في غرفة بأخر الممر بزاوية صغيرة رمتني لجوى وطلعت وقفلت الباب وراها غرفة مظظلمة صغيرة وريحتها عفن مخيفة كتيير صرت صرخ وعيط وخبط عالباب بس محدا كان عم يرد علي قعدت ع الارض وانا عم ارجف سماء:ولك فتحوووو الباب كرمال الله فتحوووه لك انا شوو عملتلكن شو عملتلكن لك ليش عم تعملو فيني هيك ياااااااا امي قلتلكن مابدي اتزوج رجعووني عند اهلي مابعرف كم مضى علي من الوقت لحتى انفتح الباب دخلت مطيعة بملامحها المكسورة رمتلي صحن برغل واجت لتطلع مسكت برجليها وقلتلها بترجي وانا عم ابكي سماء:بوووس ايدك ياخالة مطيعة طالعيني من هون خليني روح عند اهلي طيب بس عالاقل فهميني ليش هيك عم يعاملوني طلعت لبرى وقفلت الباب بدون ماتحكي اي كلمة مر علي يومين بهالسجن عيوني مابتشوف الضو غرفة مليانة حشرات وريحة عفن فاضية من كلشي مابقلبها غير حمام صغير وسجادة صغيرة عالارض كنت عم اتمنى الموت وماعم لاقيه أشد المعاناة عم دوقها بهالحبس يلي انحطيت فيه بلا ذنب فتحت الباب شهناز شهناز:كيفك ياحلوة😎 سماء:.......... شهناز:شبك لسانك بلعه القط وينها ام لسان طويل مالها بالعادة تسكت😂 بس شوفي بتعرفي شفقت عليك خدي هاد موبايل رقم اخوكي مسجل معك دقيقة وحدة بس هجمت بسرعة عايدها واخدت الموبايل متل يلي بكون عطشان بالصحراء لايام وبلاقي مي مسكته بسرعة ودقيت جهاد :الو سماء بصوت باكي:جهااد هي انا سماء جهاد:سمااااء ولك وينك يابنت شو صار ليش اختفيتو فجأة حرقتي قلوبنا سماء:ااه يااااا اخي لك انا عم موت انت بعتتني عالجحيم بايديك بترجااااك تعال خلصني الله يخليك معد اتحمل جهااااد: سماء حاج تبكي وفهميني وين انت وشو صار اختي سامعتيني لك الله يخليييك ردي لك رايح موت لاعرف خبر عنك ولك سمااااااااء ردي سحبت مني الموبايل بقسوة وقالت شهناز:خلصت الدقيقة سماء:لك ليش هيك عم تعملوا فيني انا شو عاملتلكن والله ما اذيت حدا انا شهناز: لاتستعجلي على شي كلشي بوقته حلو طلعت لبرى وتركتني غرقانة بدموعي كنت عم دوب شوي شوي بعد فترة اجت مطيعة وفتحتلي الباب مطيعة: قومي معي يابنتي شهناز طالبتك سماء:لاااتقوليلي بنتي انت بترضي بنتك يصير فيها هيك بعدين ليش طالبتني قررت تحررني يعني؟ مطيعة:لاتضغطي علي الله يخليك انا هون مجرد عبدة مأمورة طلعنا من القبو اول ما شفت النور عيوني وجعووني كتير وحسيت بالغرابة وكأنه الي مية سنة مو شايفة النور مو اسبوع دخلت ع غرفتها شهناز:له له يا حرام دايبة عالاخر بتعرفي شفقت عليك سماء:رح ترجعيني عند اهلي شهناز:عههههه طبعا لا بس رح خففلك العقوبة سماء:ليش انا شووو عاملة كرمااال الله فهميني عالاقل خليني اتعاقب وانا مذنبة بس خليني افهم شهناز:اذا بسمع صوتك مرة تانية رح نزلك عالقبو عم اخطبله لابني حبيب قلبي ومطيعة مو ملحقة شغل لهيك رح تجهزي الجناح بالطابق التالت للؤي وعروسته او بترجعي عالقبو كلمة القبو لحالها قادرة تخليني انهار كلشي إلا ارجع عالقبو والظلام والحشرات يلي ماكانت تتركني كلشي كلشي ولا ارجع للحظات الخوف والرعب وافقت مرغمة وقلبي عم يتقطع مية قطعة يوني الڪوريه:تدعوڪم لمتابعتها بمجرة الروايات تم مشاࢪڪه الࢪوايه من قناة مجࢪة الࢪوايات الاصليه https://whatsapp.com/channel/0029VaeeXEQ6buMSde2YXG1D بلشت بالتنظيفات بالطابق التالت شغل طوول اليوم اوامر مابتخلص وطلبات بتهد الحيل لحد ما مرة طلعت شهناز ومعها صببة شهناز: غزل تفرجي ع مهلك وشوفي اذا لسا بده تنظيف كمان واطلبني من سماء هي الخدامة المسؤولة عن جناحكن سماء:خدامة؟! شهناز:اه وكمان عم فكر سلمها القبو ولا شو رايك سماء؟😉 فهمت التهديد يلي حبت توصله لهيك التزمت بالصمت غزل كانت انسانة لئيمة ومتعجرفة وحقيرة بكل معنى الكلمة تدعس بكندرتها وتقلي تعي مسحي تبزق عالارض وتقلي تعي نضفي غزل: لك ليش حركتك بطيئة لعما شو انك بطالعي الخلق تعي مسحي هوون بسرعة ركزيلي عالزواية ولك حركي بدك تلحقي تمسحي العفش وترتبي الأواعي سماء:بس كأنه الخطبة لسا ماصارت لشو عم تنقلي غراضك غزل:شوووو تفضلتي خدامة خانم هاد الناقص اقعد اتناقش مع هيك مستويات احركي احركي رميت المكنسة من ايدي سماء:انااا موخدامة فهمانة وهاد المستوى يلي عم تحكي عنه بشرفك يا قليلة الاخلاق هجمت علي متل الحيوان المفترس وانا طاقتي كانت فارطة ومافيني دافع عن حالي اكلت ضرب كتير لحتى غميت صحيت لقيت حالي بالقبو والغرفة المرعبة نفسها بلشت صرخ وابكي وخبط بكل قوة لحد ما اجت شهناز شهناز:لسا الك عين تصرخي بعد يلي عملتيه سماء:ولكككك انا شو عملت شووو اااااه ولك مافي بقلبكن رحمة رمتلي الهاتف وقالتلي معك دقيقة وحدة جهاد:الو سماء:خلصني ياااجهاد عم م و و و و ت خلصنييي ببوس ايدك جهاد:والله لاحرقهم متل ماعم يحرقوكي بس عطيني الموقع ولك ماتركت مكان ولا بلد إلا دورت فيه عليك حاج تبكي يانور عيوني حاج عطيني موقعك اي شي يدل ع مكانك سحبت مني الموبايل شهناز:انتهت الدقيقة للاسف تركتني وطلعت وانا بلشت افهم شي عم تعطيني احكي مع اخي لما كون بأضعف حالاتي ولمدة دقيقة وحدة الغاية تخلي قلب اخي ينحرق ويقلق بس مو اكتر ياترى شو السر يلي مخبى ؟! كنت فارطة كتير اجيت لاغفى بلشت اسمع نفس الاصوات المخيفة والحشرات عم بدور حولي تكورت ع حالي بزاوية الغرفة وقعدت ابكي ضليت اسبوع كمان بغرفة الرعب محد يدخل لعندي غير مطيعة ادخلي صحن الاكل وتطلع لحد ما مرة دخلت مطيعة دخلتلي الصحن وقالتلي مطيعة:حبيبتي لازمك شي؟ سماء:هههه اذا قلتلك رح تنفذيلي يعني مطيعة:والله ياعمري قلبي عم يتقطع عليك اليوم ممكن نفذلك لانه اليوم خطبة لؤي والكل معبوط مابعرف ليش بس قالت خطبة لؤي قلبي وجعني كتير ليش همني الموضوع مابعرف خانتني دموعي ونزلت مطيعة:اسفة ماتوقعت تزعلي سماء:معك حق ع شو بدي ازعل فيكي تجيبيلي موبايل؟ مطيعة: آسفة مافيني اطلب شي اسهل سماء:كنت قلتلك جيبي كتاب بس كيف بدي اقرء بالعتمة! روحي مابدي شي منك طلعت مطيعة وانا غرقت بدموعي حياتي انتهت عم دوق كل انواع العذاب لذنب مابعرفه ااااخ شو اشقت لحياتي القديمة لاخي لامي لمرة اخي للحارة لرفقاتي للدراسة انا معد بدي عييش تعبت كتييير مسكت صحن الاكل وكسرته اخدت القزازة وحطيتها على ايدي وانا عم ابكي مابدي مووت كاافرة مابدي فجأة اسمعت طقة الباب وانفتح دخل لؤي لعندي عم يركض لؤي:سمااااء انت منيحة سماء:...... ضمني لصدره بقوة وصار يبكي حملني وطالعني برى الفيلا وامه عم تصرخ علي كان في عالم وعجقة وزينة حطني بالسيارة وساق بسرعة جنونية لوصلنا ع بيت صغيير بالغابة حملني ودخلني لجوى حطني عالسرير وصار يتأملني وهو عم يبكي لؤي:يااربي شو عملت فيك ياربي سامحني سماء انا اسف بعرف صعب تسامحيني بس ماتوقعت تعمل فيك هيك سماء:ليش تركت خطبتك؟ لؤي:انا مابعرف بالموضوع هي نفذت كلشي وبعدها عزمتني اجي احضر الخطبة وكون العريس سماء:ليش تزوجتني؟! منشان تتفننوا بتعذيبي وتتلذذوا لؤي:هششش خلص ماتحكي شي قومي تحممي عبين ما حضر الاكل دخلت عالحمام يالله كم الي ماتحممت بعد ما خلصت حمام طلعت ع وشي بالمراية يالطيف شو نحفانة وبشعانة صايرة متل الشبح طلعت لبرى كانت ريحة الاكل طيبة كتير قعدت اكل بشراهة وهو عم يتفرج علي ويضحك بعد ما خلصت اكل حملني وحطني عالسرير غطاني واجا ليطفي الضو ويطلع سماء:ممكن تترك الضو عالق لؤي:امرك اول ما اجى الصبح فتحت عيوني لقيت لؤي بوجهي عم يتأملني لؤي:صباح الخير حضرت الفطور وكنت ناطرك لتصحي قمنا فطرنا سوى وبعدها قلي لؤي":شو رايك طالعك عرفك عالبلد سماء:شو رأيك ترجعني عند اهلي؟ لؤي:اسف مافيني سمااء:ليييش ليييش ماافيك ليش لؤي:لانه لانه سماء:لانه شو؟ لؤي:انا طالع بدك جبلك شي معي سماء:خدني معك لا تتركني لحالي طالعني لففني كتير وفرجاني كتيير شغلات حلوة من زمان ماضحكت وشفت الحياة رجعنا عالبيت اخر الليل اول مافتنا شهقت شهقة قوية وكأني شفت شبح قدامي شهناز:برافو برافو بدك سفقة يالؤي بيك لؤي:امي ان شهناز:بلا امي بلا بطيخ ليش انت سائل ع امك ولا ع عيلتك قاعد تحميلي اخت هداك الكلب يلي دمر اختكك وخلانا نخسر ابوك يوني الڪوريه:تدعوڪم لمتابعتها بمجرة الروايات تم مشاࢪڪه الࢪوايه من قناة مجࢪة الࢪوايات الاصليه https://whatsapp.com/channel/0029VaeeXEQ6buMSde2YXG1D سماء:لحظة عم تحكو عن اخي شهناز:اي عن اخوكي الحقير يا حقيرة اخوكي يلي دمر بنتي يلي سرق منها اغلى شي بتملكه ورماها متل الكلبة وجلط جوزي وخلاني اترمل اخوكي اخوكي سماء:ماعم افهم شي شو عم تخبصي انت لؤي:امي خلص بكفي شهناز:اي انا رح اسكت بس رح اترك خييك يحكيلك اتفضل جهاد بيك دخل اخي اي اخي ركضت ع حضنه وضميته بقوة وهو شد علي سماء:اخي متى جيت اول ماخبرتني شهناز عن مكانك جيت فورا كانت مكسور ودموعة مبللين وجهه اول مرة بشوف اخي هيك شهناز:شو جهاد بيك بتحب تحكيلها شو سبب العذاب يلي تعذبته ولا احكيلها انا نزل راسه ع الارض واجا ليحكي بس في صوت سبقه وقال _لا انت ولا هو رح يحكي انا يلي رح احكي انصعقنا كلنا من مصدر الصوت صابتنا الجمدة جهاد:خلووود! خلود:ايوا خلود منيح مانك ناسيني سماء:ممكن افهم شو عم بصير هون رجاءا حدا يفهمني. خلود:انا رح فهمك (من لما كنت بالاعدادية ماكان في حدا بحياتي غيره كان حب طاهر وبريئ كان يحبني كتير وانا حبه بجنون ضلينا مع بعض لحد الجامعة كنا احلا ثنائي واشهر ثنائي معروف الكل كان يضرب المثل بحبنا ويحسدنا ماكنت ارفضله طلب كنت حبه اكتر من حالي لما وصلنا للجامعة سلمته حالي وعطيته شرفي كنت واثقة فيه كتير وحبه عماني عن الحلال والحرام وبعد ما اخد مني شرفي صار يتهرب مني ويبعد عني شوي شوي بس انا ماتركته كنت دايما لاحقه واحصره لرجعه لعندي لحد مابيوم بعتلي كرت عرسه اي بعت كرت عرسه لعندي عالبيت بدون رحمة او شفقة مع رسالة كتب فيها (لا أنكر اانني احببتك لكن انا ارغب بفتاة تصونني ارغب بفتاة اثق بها ارغب بفتاة لاترتكب الحرام اتمنى لك حياة سعيدة بعيدا عني) نسي انه هو كمان ارتكب الحرام وصار بده بنت عفيفة وانا زبالة ) كنت عم اتسمع بعدم تصديق خلود صارت تبكي بقوة وماعد قدرت تكفي شهناز:بنتي من يومها فقدت القدرة عالكلام وابوها بس خبر صابته جلطة واتوفى 10سنين انسرقوا من عمر بنتي واخوكي عايش ومبسوط وعمل عيلة وولاد عشر سنين وانا عم احلم بالساعة يلي انتقم فيها منه سماء:جهاااد هالحكي مزبووط؟! اخي مستحيييل يعمل هيك مستحييل جهاااد رد علي جهاد:لك ايييي ايييي مزبوط مزبوط معد قدرت وقف ع رجلي ومعد احسن احكي اي شي فقدت السيطرة ع حالي اخر شي بتذكره اني وقعت بين ايدين لؤي ___ لؤي:عم تفتح عم تفتح جهاد:اختي سامعتيني سماء ياعمري اصحي لؤي :بعد من هون جهاد:بالله شو انت يلي بعد عن اختي كان راسي واجعني كتير عم اسمع اصواتهن بس مو مركزة شو عم يحكوا شهناز:استحوا ع حالكن وحاج تتخانئو انتو بمشفى سماء:ممكن تطلعوا لبرى جهاد:سماء ياعمري صحيتي سماء:ممكن تطلعوووا لبرررى طلعوا كلهم وقبل ما تطلع خلود سماء:خلود ممكن تبقي خلود:اي ممكن سماء:انا مابعرف شو قلك الشي يلي عمله اخي فيك ندالة وحقارة والشي يلي عايشتيها صعبة كتير بعرف هاد الشي بس انت كمان مشتركة معه بتعذيب حالك انت ضيعتي من عمرك كتير كرمال شي من الماضي وبتمنى هلأ انه بعد مارجعلك نطقك ترجعي للحياة من اول وجديد اجت وضمتني بقوة وقالت خلود:سدئيني انا كنت ضد انه يعملوا فيك هيك وانا ارسلتله العنوان لاخوكي ليجي لانه كان بدي خلصك من نقمة امي انت مالك ذنب بشي وانا حبيتك من قلبي سماء:......... خلود:خلص لا تبكي كرمال الله لا تبكي مابدي تعيشي متل يلي عشته اسكتي بترجاكي تقومي نرقص؟ سماء:هههههه خلود :اي يسعدلي هالضحكة دخلت شهناز وصرخت شهناز:خلووود قومي لسا قاعدة جنب اخت الحقير سماء:عقول يا شهناز خانم انت شو فرقتي عن الحقير هاا؟ انت بدك تحرقي قلب اخي انا شو ذنبي ليش حرقتيني معه ليش عذبتيني كل هالعذاب عشي مالي علاقة فيه انا شووو ذنبي بغلطة غيري شو ذنبي ليش لكون وسيلة انتقام ليييش جااوبيني انا مو انسانة ما الي قلب ماعندي شعور ولا الانتقام عمالك عيونك يوني الڪوريه:تدعوڪم لمتابعتها بمجرة الروايات تم مشاࢪڪه الࢪوايه من قناة مجࢪة الࢪوايات الاصليه https://whatsapp.com/channel/0029VaeeXEQ6buMSde2YXG1D طلعت لبرى بدون ما تحكي اي شي ولؤي كان واقف عند الباب عم يتسمع سماء:لؤي لؤي:نعم سماء:وصلتو لغايتكن حرقتوني وحرقتو قلب اخي يالله طلقني لؤي: مابطلق سماء:لسا ما اكتفيت يعني؟ لؤي:انا ما عملت شي لاكتفى سماء:انت واحد مريض لؤي:فعلا انا مريض بس بتعرفي بشو سماء........ لؤي:مريض بحبك انا بحبك بحبك كتير سماء:شو و لؤي:بحببببك مابعرف صرخ عليه ولا ضمه مابعرف يلي بعرفه انو فرحت كتير اي فرحت لاني انا كمان مريضة وحبيت سجاني حبيت يلي عذبني وقهرني حبيته خلود :وااااااو أخيرا اخي وقع بالحب سماء:بس انا بكرهك وكتير ومجرد شوفتك بتخليني اقرف لهيك طلقني وخليني ارتاح بكفي لؤي:انت طالق يالله ما توقعت ابدا يقولها بهالسرعة ماتوقعت يتخلى عني بهالسرعة ليش هيك لييش طلعت من المشفى مع اخي جهاد يلي ماحكيته ولا كلمة إلا لبعد يومين جهاد:اختي كرمال الله بئا احكي معي حاج تعذبيني والله رح طق بدي احجز بعد يومين طيارة عالبلد سماء: ليش مو بكرة جهاد:يسعدلي هالصوت لانه في حسابات لازم صفيها قبل ما ارجع سماء:اها وشو هي؟ جهاد:بكرة بتعرفي تاني يوم صحاني من النوم واخدني عبيت لؤي وطلب يشوف خلود بحضور الكل جهاد:خلود بعرف انه انا اندل انسان واحقر انسان واذيتك كتير ودمرتلك حياتك وبعرف هالكلام متأخر كتير بس انا هلأ مستعد كفر عن غلطي بتقبلي تتزوجيني خلود؟ صدمني كلامه يعني منيح انه عم يطلب السماح وعم بحاول يصلح غلطه بس شو منشان مرته الله يستر يارب خلود: وانا بدي صلح غلطي جهاد:اي غلط خلود:غلط السنين يلي ضيعتها كرمالك غلط الدموع يلي نزلتها ع فراقك انت معد تعنيلي اي شي وماعد بدي ياك بدي بلش حياة جديدة بعيدة عنك ارجع لعيلتك ومرتك وانا مسامحتك كانوا دموع اخي عم ينزلو بقوة ومشاعره عم تتصارع ما بين الحزن والفرح قبل ما نمشي وقفت شهناز وقالت شهناز:سماء وانا ممكن تسامحيني سماء:الله يسامحك ودعت خلود وشهناز ونحن عم نطلع من الباب مسكني من ايدي لؤي وقال لؤي:ماتفكرري انو تركتك راجعلك بس بطريقة رسمية ومن اول وجديد سماء:شو بفهم من هالحكي لؤي: انو رح ارجع اطلبك من اهلك مرة تانية بس بنية مختلفة هالمرة سماء: بس انا مابدي لؤي:كذاابة عيونك بتحكي غير هيك سماء:بقصد مابدي اتزوج بالبلد بدي اتزوج هون لؤي:عفوا؟؟؟ سماء:بدي اكسرلها راسها لغزل وفرجيها مين الخدامة طلعت أصوات ضحكاتهم لؤي:ههههه من عيوني يا سمائي الجميلة منعمل عرس بالبلد وعرس هون ومنكسرلها راسها لغزل سماء:اتفقنا بعد مرور شهر سماء:ظابط المكياج خلود: بجنن سماء:والتسريحة خلود:بتفلج سماء:طيب والفستان خلود:ولك كلك عبعضك بتجنني حاج تسألي سماء:عزمتيها لغزل؟ خلود: هههه عزمتا عزمتا سماء:وماحكيتيلها انو انا العروس صح؟ خلود:ولك اي صح سماء ممتاز😋 خلود:امشي بئا خلصينا المعازيم الهم ساعة بنطروا طول العروس طلعت لقيت لؤي ناطرني لؤي:ياااه سبحان من سواك ما اجملك سماء:سوف اخجل الآن لؤي:ههههه جنكلي يا خجولة جنكلي سماء:لؤي لؤي:عيونه سماء:بحبك *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *✓الــــنـــهـــايـــه🩵🌩️* *⚶لـنـا لـقـاء اخـر قـريـبـا مـجـراتـي💙🫧* *~_𝓌ℯ𝓁𝒸ℴ𝓂 𝓈𝓌ℯℯ𝓉𝒾 𝓰𝒶𝓁𝒶𝓍𝓎 ℴ𝒻 𝓃ℴ𝓋ℯ𝓁𝓈 𝓎𝓊𝓃𝒾 𝒶𝓁 𝓀ℴ𝓇ℯ𝒶𝓃_~* *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*