ملجأي الامن - الفصل 1 - بقلم تولين - مكتملة | روايتك

*ـ ࢪواية ملجأي آلآمـن1🥳🥀↻≯🍒⸙•♡»»)) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ (1) " أغيب وذو اللطائف لا يغيب وأرجوه رجاءاً لا يخيب وانزل حاجتي في كل حال إلى كل من تطمئن به القلوب فكم لله من تدبير أمر طوته عن المشاهده الغيوب ومن كرم ومن لطف خفي ومن فرج تزول به الكروب " صوت النقشبندي .. نسمة الهوا الباردة وقت الشروق .. صوت العصافير وريحة الكيكة بالبرتقال اللي مالية البيت، كل دا قادر أنه يخطف قلبي ويدخلني في مود مش عايزاه يروح مني، نص ساعة قادرة تخليني عندي باور لليوم كله، طلعت الكيكة من الفرن قطعتها واخدت منها كام قطعة، صبيت مج الشاي بلبن بتاعي ودخلت تاني البلكونة اتفرج على منظر الشروق، مع كل نسمة هوا بتعدي عليا بحس اني بتولد من جديد، اني قادرة اتنفس بجد، سبحانه ما اعظمه، اية الجمال دا، فضلت قاعدة بتأمل في إبداع ربنا وانا بحمده على كل النعم اللي محاوطانا دي ومش حاسين بيها، الشمس طلعت وبعدها بشوية الساعة دقت سبعة، قومت اخدت شاور ولبست عشان انزل المستشفى، شيفتي النهاردة هيبدأ الساعة تسعة والصبح بيبقى في حالات كتير فا مش عايزة اتأخر، لبست بلوڤر لاڤندر على بنطلون اسود وطرحة من نفس مزيج من اللونين، اخدت شنطتي ونزلت ركبت تاكسي وأول حاجة عملتها هي المهمة الشاقة بتاعة كل يوم مع منة صاحبتي منة: الو _ انتي لسة نايمة، طب اعمل فيكي اية بجد منة: بتصحيني بدري ليه يا ست انتي _ بدري أية الساعة تمانية، انتي مش شيفتك تسعة زيي قالت بخضة: اية، تمانية، يا عيني عليكي يا منة، يا صغيرة ع الرفد يا منة _ انتي هتقعدي تنوحي لسة ما تلحقي تقومي منة: اقفلي اقفلي قفلت في وشي المش محترمة، زمانها دلوقتي بتلف حوالين نفسها ولا النحلة، عادتها ولا هتشتريها، ميبقاش اسمها منة لو متأخرتش على كل حاجة في حياتها، بعد شوية وصلت قدام المستشفى، حاسبت التاكسي ونزلت، دخلت و وصلت مكتبي، خمس دقايق ودخلت حنان الممرضة : صباح الخير يا دكتورة _ صباح الخير يا حنان، في حالات جت : طوابير يا دكتور، في ناس جاية تكشف لأول مرة وفي ناس جاية متابعة بس كتير الله يكون في عونك _ ربنا يقوينا كلنا، طيب ابتدي دخلي حالة من هنا وحالة من هنا : حاضر خرجت ودخلتلي أول حالة، كانو زوج وزوجة مسنين وباين على الزوجة أنها هي اللي تعبانة، سندها تقعد على الكرسي وبعدين قعد قدامها _ صباح الخير يا حجة : صباح النور _ قوليلي حضرتك بتشتكي من اية : بقالي فترة بحس بنغزات في قلبي ومش ببقى عارفة اخد نفسي وبحس بالنغزات بتسمع ورا وكمان على طول قلبي بيدق بسرعة _ بقالك قد اية بتحسي بكدا : يعني اسبوعين ولا تلاتة _ تمام، عندك ضغط أو سكر رد جوزها : لا يا بنتي الحمد لله هي مش بتشتكي من اي حاجة، طول عمرنا مخليين بالنا من صحتنا سوا، الفترة دي بس اللي بقت تشتكي من كدا _حضرتك عندك كام سنة : ستين سنة _ طيب ممكن تتفضلي معايا عشان اكشف عليكي قومت عشان اسندها لكن لقيت جوزها هو اللي عمل كدا لحد سرير الكشف، فضل ساندها لحد ما عرفت تطلع على السرير براحة وساعدها في رفع هدومها عشان اكشف، كان ماسك ايديها طول منا بكشف وكل شوية يبصلي بقلق، خلعت السماعة وابتسمتله _ ليه القلق دا كله، زوجة حضرتك بخير وصحتها عال العال : بجد يا دكتورة، اومال ليه بتتعب كدا _ انتي بتعملي مجهود أو اي حاجة تتعبك قعدوا قدامي و وملامحهم كانت مطمنة عكس أول ما دخلوا : مش مجهود ولا حاجة شغل البيت العادي : لا مش عادي انتي عارفة أنه كتير عليكي _ محدش بيساعدك طيب : رفضت اجيبلها حد يساعدها وبتعمل شغل البيت كله لوحدها ومش مراعية صحتها كان بيتكلم بغضب خفيف وهو موجه عيونه ليها بعتاب، ابتسمتله ومسكت ايديه : خلاص، اوعدك مش هعمل حاجة تاني تتعبني بس متزعلش مني أبداً اية الابتسامة دي، فين عمو اللي كان غضبان من شوية : مش زعلان ولا عمري زعلت منك _ طيب عموماً انا هكتب لحضرتك على شوية فيتامينات تاخديها واهم حاجة فعلا بلاش تجهدي نفسك خالص لأن اللي حصلك دا كان من الإجهاد اللي بتعمليه : حاضر، متشكرة جداً ليكي _ العفو على اية مشيو وفضلت اضحك، قد اية الحب جميل والهوى غلاب يا ولاد : دكتور ليلى، ادخلك الحالة اللي بعدها _ دخلي يا حنان : لولي _ يا يوسف قولتها بفرحة وانا بحضنه بعد ما جري عليا، من اجمل الاطفال اللي اتعاملت معاهم بجد : بصي انا بقيت كويس وبجري ازاي ومش بتعب خالص _ اللهم بارك يا عيوني الحمد لله، اصلا انت اشطر واحد في الكون عشان استحملت كل اللي فات : كل ما كنت بحس بوجع واجي اعيط افتكر كلامك إن دا امتحان من ربنا و هيحبني لو نجحت فيه ف مكنتش بعيط، وكمان كنت بقعد ادعي كتير اوي اوي انا وماما اني اخف، وماما قالت إن ربنا استجاب عشان خفيت _ الحمد لله يا حبيبي : بجد مش عارفة اشكرك ازاي على اللي عملتيه معاه _ مفيش شكر دا واجبي و يوسف دا حبيبي : انا عملتله رسم قلب زي ما حضرتك طلبتي المرة اللي فاتت اخدته منها وفضلت ابص فيه _ لا الحمد لله احسن كتير، قولي يا يوسف، بتحس بأي وجع زي الأول : لا شوية صغيرين اوي بس : هو ممكن يفضل يحس بوجع على طول _ بصي انا هكون صريحة معاكي، العملية اللي يوسف عملها مش سهلة وخصوصاً إنه لسة صغير، لكن في نفس الوقت الحمد لله العملية نجحت وبقا كويس، طبيعي يحس بألم خفيف على الأقل دلوقتي لانه لسة بيتعالج برضو، وكمان يا يوسف مش لازم تجري كتير الفترة دي عشان متتعبش تاني : حاضر يا لولي ابتسمتله ومسكت القلم والروشتة اكتبله دوا جديد _ بصي الدوا دا عشان لو حس بأي الم تاني، دا وقت الالم بس تمام، وهنمشي على العلاج هو هو لحد ما تجيلي إن شاء الله كمان شهر، ولو لقدر الله حصل حاجة تكلميني على طول : لا إن شاء الله ميحصلش حاجة يارب _ متقلقيش، هو الحمد لله بخير : الحمد لله، يلا يا يوسف : باي يا لولي _ باي يا قلب لولي فضلت استقبل بعدها كام حالة لحد ما جت منة واتحول عليها باقي الحالات لحد ما ميعاد الكشف خلص، روحت اطمن بعدها على باقي الحالات اللي معمولها عمليات في القلب واللي لسة محتاجة يتعملها، خلصت ونزلت الكافيتريا طلبت قهوة تظبط دماغي شوية منة: انتي بتشربي قهوة من غيري _ يخربيتك يا شيخة خضتيني منة: تستاهلي، بقا بتبيعيني وبتغدري بيا وبتشربيها من غيري _ بطلي اوڤر يا اوڤر، منا عارفة أننا هنتقابل هنا زي كل يوم منة: اية دا بجد، طب خلاص مسامحاكي _ اخلصي اطلبي قهوتك وتعالي نقعد روحت قعدت على ترابيزة وهي طلبت قهوتها وجت منة: كان عندك حالات كتير الصبح _ اة بس كان اليوم لذيذ مش متعب يعني منة: وانا برضو محستش أنه تقيل بصيتلها بغيظ وهاين عليا احدفها بالقهوة اللي في أيدي _ ما طبيعي يا حببتي متحسيش أنه تقيل وانتي جاية متأخرة وانا اللي اخدت معظم الحالات اصلا منة: خلاص بقا يا لولّا مكنوش ساعتين يعني _ وعلى فكرة بقا مش هصحيكي بعد كدا منة: واهون عليكي اتأخر واترفد _ اة منة: يا لولي _ انسي منة: طب هاتي حضن حضنتني وضحكت ف ضحكت معاها، الحقيقة انا مبعرفش اعدي يوم من غير ما اشوفها ونقعد نناقر في بعض كدا، منة صاحبتي من ايام الكلية، كانو مسمينا التوأم الملتصق من كتر ما كنا بنعمل كل حاجة سوا ومبنتفارقش أبداً، اتخرجنا وجالنا التعيين هنا احنا الاتنين مع بعض، يومها كنا مبسوطين اوي أننا هنفضل سوا ومش هنبعد والدنيا تاخدنا وتشغلنا عن بعض، وادينا اهو بقالنا خمس سنين شغالين هنا سوا منة: بقولك اية، اية رأيك نجمع البنات النهاردة ونخرج _ لا خليها بكرا احسن عشان ورايا شغل كتير هنا منة: طب استني، تعالي نكلمهم ونشوف بكرا هيناسبهم ولا لا اتصلنا بيهم ڤيديو كول منة: يا بنااات عاملين اية اللي يشوف الڤيديو كول بتاعنا حقيقي يتخض، شلتنا 14 بنت، الرقم كبير ويخض وكتير من الناس بيستغربوا ازاي العدد دا كله اتكون، احنا نفسنا مش مستوعبين ازاي بقينا بالعدد دا، اتسمينا بالشبكة العنكبوتية لأننا اتعرفنا على بعض بطريقة مضحكة اوي بجد، في الأول انا ومنة كنا سوا في الجامعة ولما اخدنا على بعض وبقينا صحاب اوي عرفتها على أميرة واللي تبقى جارتي من وانا صغيرة، وهي عرفتني على زينب مرات اخوها واختها هدير، اجمل ناس تشوفهم وزينب بجد طيبة وتتحب وتدخل القلب اول ما تشوفها كدا، بحكم مهنتنا كنا بنروح مؤتمرات طبية كتير فا كل مؤتمر روحناه كنا بنتعرف فيه على ناس حتى لو مش من نفس مجالنا، عرفنا رقية وإيمان وشهد، التلاتة مكانوش يعرفوا بعض خالص لكن اخدوا على بعض بسرعة، كل واحدة فيهم كانت بتعرفنا على اقرب الناس ليها اسراء .. اسماء .. سندس .. الاء .. دعاء ورغداء الطف ناس في الكون تقعد معاهم تنسى الدنيا وما فيها الكل بيستغرب ازاي شلة مكونة من العدد دا كله ولحد دلوقتي متفككتش زي الباقي، والإجابة هي أننا عدينا مرحلة الصحاب دي بمراحل، 14 بنت كل واحدة فيهم بتحب باقي اخواتها من قلبها بجد وبتخاف عليهم، مرينا بحاجات كتير اوي سوا، لو واحدة فينا حصل معاها حاجة كلنا بنجري عليها ومش بنسيبها، ع الحلوة والمُرة سوا وعمرنا ما هونا على بعض أبداً أميرة: الحمد لله انتو عاملين اية ايمان: اكيد في خروجة صح الاء: انا معاكم وش رغداء: عاملين اية وحشتوني اوييييي _ وانتو كمان كلكم وحشتوني اوي أميرة: اية في جديد؟؟ منة: عايزين نتجمع بكرا اية رأيكم هدير: موافقة جداً رقية: هنروح فين سندس: تعالو نتجمع عندي اسراء: لا يا ست انتي بعيدة عليا منة: اهي جت المعترضة دايماً اهي اسراء: في حاجة يا منون يا حببتي منة: لا يا قلبي طبعاً براحتك خالص شهد: قولوا هنروح فين عشان اقول لحسن الأول منة: انتي تاني يبت، مش قولتلك يحكم عليكي وقت ما تبقي في بيته _ اتهدي بقا وسيبي البت في حالها، وانتو يا بنات ساكتين ليه ما تشاركونا دعاء: هي منة سايبة حد يتكلم دي عمالة تلوكلوك من ساعة ما فتحنا منة: شوفي بتجر في شكلي ازاي، اما اشوفك بكرا يا دعاء دعاء: هتعملي اية يعني منة: استني عليا _ بسسسسس بس ابوس ايديكم مش كل مرة تفضلوا تناقروا في بعض كدا كفاية، احنا نروح للناس الهادية الراسية ويقولوا رأيهم، زوزو وسمسمة حبايب قلبي .. عايزين نروح فين زينب: انا معاكم في اي مكان انتي عارفة منة: اخويا عارف يا بت _ يعني هي هتنزل من غير ما تقوله انتي كمان، وانتي يا سمسم اسماء: خلونا نتجمع في مكان كل مرة وخلاص _ حد معترض على رأي اسماء منة: انا _ اتهدي انتي منة: حاضر محدش فيهم اعترض ف اتفقنا نتقابل في نفس المكان اللي بنتجمع فيه على طول بعد ما نخلص شغلنا _ سلام انتو بقا وانا هروح اربي منة من اول وجديد قفلت معاهم وبصيتلها بغيظ منة: طبعا أنا صحبتك حبيبتك مش هتعمليلي حاجة صح، والله أجري في قلب المستشفى وما يهمني بصيت حواليا لقيت الكافيتريا مفيهاش اي حد ف بصيتلها وضحكت منة: اية الضحكة الشرانية دي، طب اجيلك وقت تاني شكلك مجنونة دلوقتي قامت فا قومت وراها و وانا بتلفت خبطت في حد وكوباية القهوة اتدلقت على قميصه الأبيض، ملحقتش استوعب اللي حصل ولقيته بيزعق * اية التخلف دة، مش تفتحي _ اسفة بجد مكنش قصدي خبطت فيك بالغلط * اسفة اية وزفت اية دة انتي يومك مش فايت منة: جرا اية يا عم انت بتعلي صوتك ليه ما براحة عليها، اية يعني بوظتلك القميص ما فداها * وانتي مالك انتي حد جيه جمبك منة: لا وانا هستنى لما تيجي جمبي كمان ولا اية _ خلاص يا منة، وانت لو سمحت اتكلم بأسلوب احسن من كدا عشان أنا مش هسمحلك تكلمني بالطريقة دي * وانتي مين عشان تسمحيلي ولا لا منة: وبعدين معاك بقااا _ لا اسمحلك ولا تسمحلي، انا اعتذرتلك وقولتلك اني مش قصدي تقبل بقا اعتذاري أو لا دة شيئ يخصك * ماشي، انا هعرف اتصرف معاكي ازاي انتي وشبر ونص اللي عملالي سبع رجالة في بعض دي سابنا ومشي بعد ما رمى اخر جملة واللي طبعاً جننتها منة: انا شبر ونص يا زرافة انت _ خلاص بقا يا منة الله، هتلمي اللي في المستشفى علينا منة: يعني مش شايفاه قليل الزوق ازاي _ يا ستي خلاص اهو راح لحال سبيله سمعنا بعدها اسمي بيتنده في ميكرفون المستشفى بأني احضر حالاً في مكتب رئيس القسم منة: اية دة، هو لحق يشوفله صرفة ولا اية _ مالك ما انتي كنتي عاملة سبع رجالة في بعض على رأيه منة: ليلى يا حببتي في الحالات اللي زي دي I'm just a girl، ربنا معاكي حدفتلي بوسة في الهوا وجريت، بقا دي جدعنة صحاب دي، واشمعنا نده على اسمي واسمها لا يعني دي هي اللي كانت بتتخانق، منك لله يا بعيدة، طلعت وخبطت على الباب قبل ما ادخله : ادخل _ مساء الخير يا دكتور سامي : مساء النور يا ليلى، اتفضلي اقعدي قعدت ودعيت ربنا يسترها : ليلى انتي عارفة انك من اشطر الدكاترة هنا في المستشفى وعلى المستوى الشخصي قد اية ليكي معزة عندي وبعتبرك زي بنتي واكتر _ شكراً يا دكتور دة شرف ليا والله وانا كمان بعتبر حضرتك زي والدي : طب أنا لو طلبت حاجة من بنتي ممكن ترفضها _ لا طبعاً اتفضل اطلب اللي انت عاوزه : بصي يا ليلى، انا كان ليا صديق عزيز عليا اوي، قبل ما يموت وصاني على ابنه ومراته واني اخلي بالي منهم ومسيبهمش أبداً، و النهاردة جالي ابنه قاصدني في حاجة _ اية هي : والدته مركبة دعامات في القلب من شهر كدة وطبعاً انتي عارفة إن اللي بيعملوا العملية دي بيبقوا محتاجين رعاية واهتمام كبير، لكن لأنها مبتحبش جو المستشفيات طلبت منه ترجع لبيتها، وهو طلب مني ممرضة ودكتورة شاطرة تكون معاها لأنها لسة تعبانة ومحتاجة متابعة طول الوقت _ وانا اللي حضرتك اختارتها صح : طول عمري بيعجبني ذكائك، اختارتك لأني ملقتش حد احسن منك يكون معاها، قولتي اية _ بصراحة حضرتك فاجأتني، يعني .. انا مكنتش عاملة حسابي على حاجة زي كدة وخصوصاً دلوقتي شوفت في عيونه خيبة أمل من ناحيتي بعد ما كانت مليانة رجاء، مهانش عليا أرفض طلبه، دكتور سامي من احسن الناس اللي اتعاملت معاها هنا في المستشفى وبيعاملني زي بنته بجد وياما اتعلمت منه حاجات فادتني في مهنتي، بصيتله وابتسمت _ لكن انا مقدرش ارفض طلب لحضرتك، انا موافقة، تحب ابدأ من امتى ابتسملي زي كل مرة بيبقى فخور بيا فيها : مغلطش لما قولت إنك هتكوني قد المسؤولية، المفروض تبدئي من بكرا إن شاء الله، والملف دة، هتلاقي فيه كل حاجة تخص حالتها _ تمام، تسمحلي بأستفسار : اتفضلي _ انا كدا مش هتابع الحالات اللي بتجيلي هنا؟ : بصي، انا عارف مدى تعلقك بيهم خصوصاً إن معظمهم اطفال، لكن .. في حالة إنسانية تانية محتاجالك، ف انا هسلم باقي شغلك لزمايلك وانتي إن شاء الله لما ترجعي تقدري تتابعيهم من تاني _ تمام يا دكتور، عن اذنك خرجت من عنده في إتجاه مكتبي، قابلت حنان في الممر وكانت مستنياني _ خير يا حنان في حاجة : في واحد مستني حضرتك جوا يا دكتور _ واحد؟ واحد مين : مش عارفة، هو حتى مرضيش يقولي اسمه وقالي ابلغك بس أنه مستنيكي جوا استغربت اوي من كلامها، يا ترى مين الغامض دة اللي لا عايز يقول اسمه ولا حتى عايز اية، فتحت الباب واتسمرت مكاني مش مصدقة اللي عيني شايفاه، اخر واحد كنت اتوقع اني اشوفه تاني، اكتر واحد بكرهه .. أدهم ادهم: اية يا دكتورة، شوفتي عفريت ولا اية كان قاعد على مكتبي وعمال يدق عليه بايده، بلعت ريقي بخوف ودخلت وانا بقدم رجل وبأخر التانية، رديت الباب و وقفت وراه عشان لو حصل اي حاجة اعرف انفد منه _ خ..خير يا ادهم، اية اللي جابك ادهم: تؤتؤتؤ، في واحدة برضو تقول لخطيبها كدة بعد الغيبة دي كلها _ مش خطيبي ولا هتكون ادهم: لا هكون يا لولو، وبعدين مفيش حمد لله على السلامه ولا اية _ وانت كنت فين عشان اقولك كدة، كنت مسافر زي ابوك ما قال لكل الناس؟ انت كنت محجوز في... سكت ومردتش اكمل، قام وقرب عليا بشويش و وقف قدامي، مسكت أُكرة الباب وكنت لسة هفتحه وأخرج، لكن فجأة لقيته حط ايده على رقبتي وبيخنقني، معرفتش اصرخ ولا استنجد بحد، معرفتش اعمل اي حاجة غير اني احاول افك ايده من على رقبتي، كان بيبصلي بغضب وعمال يخنقني اكتر ادهم: سكتي ليه، ما تكملي، قولي السبب اللي سيبتيني عشانه، قولي اني شمام وكنت بتعالج في مصحة، مش دي نظرتك عني برضو _ أن..نا مكنتش معاك عش..عشان اسيبك ادهم: صح، بس انا مش هعيد غلطة زمان، و اللي معرفتش اعمله وقتها هعمله قريب اوي وهتكوني معايا، اوعي تكوني فاكرة أنك هتعرفي تنفدي مني تاني، انسي، مش انا اللي اسيب حاجة بتاعتي، سلام يا .. يا دكتورة كنت حاسة إن مفيش مفر منه في اللحظة دي خلاص، لكنه زقني رماني في الأرض ومشي كأنه معملش حاجة، دخلت منة في نفس اللحظة، كنت عمالة بكح جامد وبحاول اخد نفسي، جريت عليا وهي مخضوضة من منظري دة منة: ليلى .. ليلى مالك، الحيوان دة عملك حاجة، هو .. هو اية اللي جابه مقدرتش ارد بأي حاجة فا اترميت في حضنها وعيطت، هرد ازاي وانا معنديش إجابة لسؤالها، رجع ليه وعايز اية مني، معنديش ومعرفش الأيام الجاية مخبية ليا اية، لكن اللي متأكدة منه أنه مش هيسيبني في حالي، ادهم مبيسبش حاجة حاطط عينه عليها، بعدت عنها ومسحت دموعي _ انا هم..همشي منة: هتمشي ازاي وانتي في الحالة دي _ انا كويسة .. كويسة منة: طب استني هاجي معاكي مش هسيبك وانتي كدة _ عشان خاطري يا منة، محتاجة ابقى لوحدي معلش لميت حاجتي ومشيت، نزلت ركبت تاكسي وروحت، دخلت البيت وقفلت بابه اللي في كل حتة فيه ترباس، مهو دة حال اللي تبقى فاقدة الأمان، فاقدة ابوها وأمها بالرغم أنهم على قيد الحياة، بابا وماما منفصلين من زمان وبينهم مشاكل، كنا من ضمن أسر كتير اوي دخلت محكمة الأسرة، زوج وزوجة متفقوش فا قرروا يتطلقوا، بس بدل ما يبقى بهدوء واحترام بقا في المحاكم، وانا اللي اتبهدلت، انا اللي كنت بين نارين، مابين اني اختار امي أو ابويا، المحكمة حكمتلي اعيش مع أمي في بيتنا لأنها حاضنة، كنت مفتقدة بابا اوي ومش عارفة هكمل من غيره ازاي، ماما مقصرتش معايا في حاجة لكن معرفتش تعوض غيابه خصوصاً بعد ما اتجوزت واحد تاني، انشغلت معاه وابتديت احس انها بتتعامل معايا كتقضية واجب مش اكتر، بابا كمان اتجوز ونسيني، كان بيكلمني كل اسبوع مرة، والاسبوع بقا شهر، لحد ما مبقاش يكلمني خالص وبيبعتلي فلوس وبس، وحياتي مشيت وكبرت على كدة، اول ما اتخرجت واتعينت في المستشفى قررت ارجع بيتنا القديم واعيش لوحدي، ماما معترضتش ودة كان في مصلحتي، بعدها عمي طلب أيدي لابنه أدهم وطبعاً انا رفضت، أولاً لأني كنت مركزة في شغلي اللي اتعينت فيه، وثانياً لأني اكتشفت أنه بيشرب مخدرات لدرجة الإدمان، ومن ساعتها وهو مش عايز يسيبني ومصمم إننا مخطوبين، مع كل مرة برفضه فيها كان بيشرب اكتر، لحد ما عمي قرر يدخله مصحة إدمان، قعد فيها سنة وخرج وبعدين اختفى، واهو رجع، رجع متمسك بيا اكتر من الأول ودة راعبني، دخلت الاوضة ونمت على السرير، نمت وهربت زي ما طول حياتي بهرب من اي مشكلة تواجهني صحيت على صوت جرس الباب، خوفت ليكون هو، هتصرف ازاي بجد وانا لوحدي كدة، الجرس فضل يرن وانا لسة قاعدة مكاني، قررت اقوم افتح ولو عمل حاجة هصوت والم العمارة عليه، قربت من الباب وانا بترعش _ م..مين : افتحي يا لولي دي أنا اخدت نفس وحمدت ربنا انها طلعت منة، فتحت الباب واتفاجأت بيها هي والبنات منة: مفاجأةةة _ منة زينب: مالك يا ليلى وشك مخطوف كدة _ انا .. انا كنت فاكرة اللي بيخبط أدهم منة: طب خليه ييجي هنا وانا اقطعله رجله رغداء: طب اسندي البت بس مش هنفضل موقفينها وهي وشها جايب ميت لون كدة منة: تعالي تعالي قعدوني وهدير جابتلي ماية هدير: خدي اشربي واهدي أميرة: متخافيش احنا جمبك منة: لا تخاف اية دي متبقاش ليلى، بصي بقا يا ستي انا جمعتلك البنات كلهم وقولنا نيجي نبات معاكي النهاردة ونتونس سوا، و البت زوزا سابت يزن مع مامتها عشان تقعد براحتها بس اخويا هييجي ياخدها بليل وتروح شهد: وانا عرفت حسن ومرفضش منة: يادي حسن بتاعك دة شهد: انا نفسي مرة تخليكي في حالك منة: وانا نفسي مرة تفهمي أنه خطيبك بس وملوش حكم عليكي دعاء: وانا نفسي تسكتوا شوية بجد جبتولنا وجبتوا للبت صداع منة: لا صداع اية دحنا هنفرفشها، جبنالك كل اللي بتحبيه والبت الاء جابت معاها الفلاشة اللي محملة عليها كوم افلام عشان نروق على نفسنا، هقوم اعمل الفشار بقا عقبال ما تشغلوا واحد وحد تاني يجيب باقي الحاجة يلا قامو كلهم دخلوا المطبخ بالشنط اللي كانت معاهم والاء ركبت الفلاشة في الشاشة وقعدت تختار فيلم، حقيقي انا ممنونة لوجودهم كلهم في حياتي، مش عارفة من غيرهم كنت عديت كل اللي فات واللي انا فيه دة ازاي، عملوا فشار وحطوا مقرمشات وعصير وشغلوا فيلم منة: مسم، امتى اتجوز واتحب كدة امتى اسماء: بعينك هتفضلي سنجل بائسة كدة منة: وانتي يعني اللي حبك مولع في الدرة اوي اسماء: لعلمك انا سنجل بمزاجي سندس: خليكي كدة تقعدي كل شوية تطفشي في العرسان لحد ما تعنسي اسماء: مين قال اني بطفشهم _ اومال موافقتيش على ولا واحد منهم ليه لحد دلوقتي اسماء: مش لاقية اللي تفكيره شبه تفكيري وقادر يتوافق معايا منة: يتوافق؟؟ مش قولتلكم البت دي هتعنس _ اتلمي بقا اتلمي منة: اوف حاضر دايماً كبتاني كدة _ اتنيلي، جماعة انا مش عارفة اعمل اية مع ادهم بجد، انا مرعوبة ايمان: قولتلك اعمليله محضر عدم تعرض من بدري زينب: دة مش هيوقفه محضر ولا غيره يا ايمان، لا ليه كبير ولا بيهمه حد هدير: طب والحل _ مش عارفة، مش عارفة افكر في اي حاجة منة: متفكريش وسيبيلي انا الموضوع دة زينب: هتعملي اي يعني منة: مش عارفة بس هعمل كتير إن شاء الله _ بأمارة I'm just a girl صح منة: بنت عيب متفضحنيش كدة أميرة: اية دة اية دة اية اللي حصل _ اقول ولا تقولي انتي زينب: قولي قولي منة: اية يا بت الحماس دة، انتي جوزك مجاش خدك ليه لحد دلوقتي زينب: يا ستي وانتي مالك مستكترة عليا القعدة معاكم يعني _ ملكيش دعوة بزوزا عشان مجبكيش من شعرك دة رغداء: قولي اية اللي حصل _ أبداً، بعد ما قفلنا معاكم الصبح نرفزتني قومت وراها وانا في أيدي القهوة خبطت في واحد قامت القهوة مدلوقة على قميصه الابيض، قعد بقا يزعق وكان قليل الزوق اوي وكالعادة منة زودتها، وأول ما سمعنا المدير بينده اسمي قامت جريت وسابتني لوحدي الندلة الاء: اخس على الصحاب منة: انتي مش كنتي نايمة اتخمدي تاني يلا دعاء: شكلك بقا وحش اوي بصراحة منة: عجبك كدة ضحكت_ من اعمالك منة: طب قوموا اتخمدوا بقا في ليلتكم دي، ولا استني صحيح، المدير كان عايزك ليه _ أبداً، هتابع حالة برا شهد: برا فين _ في بيتها منة: طب ليه _ عاملة عملية كبيرة في قلبها ومحتاجة رعاية وفي نفس الوقت مبتحبش قعدة المستشفى ف ابنها طلب من دكتور سامي يرشحله حد كويس يكون معاها، والمفروض اني ابدأ من بكرة إن شاء الله سندس: اية دة يعني كدة هتفضلي معاها على طول _ اغلب الوقت هكون معاها دعاء: يعني مش هنعرف نشوفك _ مش عارفة والله يا دعاء بس بنسبة كبيرة اة زينب: يعني كويس بقا أننا جينا النهاردة نقعد سوا الاء: اية دة بجد هفتقدك اوي _ هكلمكم كل يوم متزعلوش كدة، ساكتة ليه يا منون منة: زعلانة انك مش هتبقي معايا طول اليوم ونروح سوا _ اللي حصل بقا هعمل اية، مقدرتش ارفض طلب لدكتور سامي انتو عارفين جمايله عليا أميرة: مش مشكلة يا حبيبي شغلك اهم هدير: والأهم إن ادهم مش هيلاقيكي بسهولة _ اتمنى بجد زينب: طب حضن جماعي بقا عشان زوجي قرة عيني بيرن ضحكنا كلنا وحضنا بعض سوا، نزلت زينب وكملنا احنا السهرة وبعدين نمنا، الصبح قومنا سوا وكل واحدة نزلت على شغلها وانا روحت شغلي الجديد، وصلت قدام ڤيلا صغيرة نوعاً ما " ڤيلا آل رسلان " رنيت الجرس وفتحتلي ست كبيرة من ملابسها عرفت انها بتساعدهم في البيت _ صباح الخير، انا الدكتورة اللي جاية اتابع حالة مدام راوية : صباح النور يا دكتورة، اتفضلي اوصلك لأوضة الهانم _ شكراً دخلت الڤيلا اللي كانت صغيرة بس جميلة، ديكورها هادي ومريح للعين والقرآن كان شغال فيها، وصلتني لأوضة الصالون استنى فيها t.me/ssmammmm : اتفضلي، تحبي تشربي اية _ ميرسي ولا حاجة : لا مينفعش لازم تشربي حاجة _ طيب لو امكن شاي : من عنيا، بعد اذنك دخلت وفضلت انا اتأمل في المكان حواليا لحد ما رجعت تاني : اتفضلي _ ميرسي : سيف بيه ونور هانم نازلين حالاً _ تمام براحتهم شربت بوق من الشاي اللي كان سكره مظبوط و ورق النعناع دايب فيه دوب، لفت نظري لوحة جميلة متعلقة على الحيطة، كانت عبارة عن جنينة كبيرة مليانة أشجار كرز وراجل وست بيقطفوا منه، الوانتها كانت مبهجة وحلوة، فضلت واقفة اتأملها لحد ما سمعت صوت خطوات ورايا وقبل ما ألف سمعت صوت حسيت أنه مألوف ليا * صباح الخير يا دكتورة لفيت لمصدر الصوت واتصدمت _ انت؟ * انتي؟! يتبع... " ملاذي الآمن " رأيكم يا حلوين👀❤️ نوري