الفصل 45
رواية أعشق أنانيتك عندما تتمناني لك وحدك
الفصل الخامس والاربعون
،،
،،
،،
بسرعة قفلت من غير ..ماتضغط ..وش بتسوي كان ..يعني
الحين هذي الي بتفزع معاها ...لا بتصبر أفضل لها ..وبتشوف
ايش نهاية ذا كله لا لا وين فيها عاد صبر بتدق على لطيفه. .وين راحت ذي عن بالها ..بسرعة فتحت رقم لطيفه ..ودقت وهي تدعي انها صاحية ..وترد عليه فرحت يوم سمعت صوتها : الو
بصوت تعبان: هلا
ريوف بفشله: نايمه صح آسفة والله بس
لطيفه ..بقلق على وليد الي من الليل طلع معاد رجع وتدق عليه جوالة مقفل ..: لامو نايمه .جالسة انتظر زوجي
ريوف... محتارة تقول لها أولا بس لازم تقول لهاولا العجيز بتأخذ راحتها أكثر وبتذوقها الويل قالت بغصة:لطيفه تكفين كلمي أخوك خليه يفكني من هالمكان وصاحت غصب عنها جدتك ماهي مقصرة فيني ..تخيلي تبيني انظف واكرف مكان الغنم ....
لطيفه بصدمه جلست ورفعت شعرها الي نازل على وجهاا : وشهوو .وش ذا الكلام وبعد الغبي اسامه اشلون يخليك هناك ويرجع بعد وسكتتت ...وهي تسمعها تصيح.. وفي نفسها ولا كله ذا تاركك هالضعفية وجاي يمثل ويعبر عن فرحته.. يعني ليه خطب اخوه ست الحسن والجمال ..و حضرته يبين انه ماهمه .آه ي حسافة على أخواني ماافكروا إلا في هالمايعة وبقهر رائد وبلعتها بس ذا الغبي وش عنده عاد خلاص تزوج وفك عمره وش يبي بعد ...
ريوف مسحت دموعي وانا انتظر منها كلام بس طولت ساكته قلت بهمس : الووو
لطيفه :معك حياتي. ..
ريوف :تكفين لطيفه.. سوي اي شيء خليه يفكني من هناااااا
بس بعد لا يحس إني متصلة عليك ..اول قايلة لك شيء. ..
الله يخليك مابي مشاكل
لطيفه بقهر من أخوها ..قالت بحزن عليها وهي تصيح:ابشري حبيبتي ..وماعليك في جدتي هي من يومها كذا قاسية وماتتعاشر ...جدي مات ..وهو مغبون منها وان شاء الله مافي مشاكل وبتصرف من غير ما اخلية يحس إنك متصلة علي
ريوف قلت بأمل : مشكورة حبيبتي يالله اخليك مع السلامه
وآسفة على الإزعاج على هالصبح
لطيفه بأبتسامه : فديتك مابه إزعاج ومثل ماقلت لك خليك من العجوز وصدقيني اسامه بس حضر امس الخطبة حق رائد وراجع اليوم أكيد ويالله ي قلبي ربي يحفظك
ريوف
عضيت شفتي ...يحضر خطبة أخوه. ..الله يستر ..
قفلت من عندها ... .شفت الساعة لسى توها ثمنيه ...تمددت
وانا اغطي حالي ا بالمفرش يالله خطبة أخوه. ..بس تأملت خير مدام إنه يشوف اخوه خطب ولا فكر فيني وكاد يصدق إني .. مظلومه ...وهو بعد مظلوم .....شوي وسمعت صوت صيته تنهدت.... براحه أخيراً جت ..شوي... تشيل عنها....وتفكها من هالعجيز. ...قفلت عيوني... وانا اتمنى
لو أنام شوي..كل شيء غريب علي حتى هالغرفة ...
المرعبة ماقدرت أخذ ...عليها
،،
،،
،،
،،
،،
عند لطيفه الي قفلت وهي مقهورة أكثر من قبل. .آه ي اسامه مخلي القمر ...وجاي هنا ..وتارك ..زوجتك .....وجالس
هناا بدون ماتفكر فيها ..عشان التافهه ....اللي في بالك ..آه ي حسافة والله دقت على امها ...بس ماردت أكيد. .باقي نايمه...جلست وراح بالها لوليد ....معقول نايم عندها وانا قلقانه عليه ...والله لو يطلع نايم عندها وانا هنا على نار ..
بيكون آخر يوم لي معه ..ابتسمت بسخرية ماهو كل مرة تقولي كذا لطيفه ..وكلمة منه ترجعك له ركض ..آه ليت ذا يقسى ...
سحبت جوالها مره ثانيه ودقت على رقم وليد. .نفس الحكاية أعطاها مقفل ...رمت الجوال بقهر : اففف لمتى يعني ...بقدر اتحمل تمدتت وهي تسحب المفرش في ستين داهيه. .من البارح
في الليل وهذا حالي منك ..افففف ..رن جوالها فرحت تتفكرة وليد شافت رقم امها : هلا يمه
ام اسامه الي توها صحت من النوم: هلا حبيبتي
لطيفه بقهروهي تذكر سالفة امس واللي الحين بسبتها وليد زعلان : شفتي وش صار مع رائد يمه آه عليه حظ الخايس
وليد قالي أبوها بعد أعطاه الموافقة آه يمه معي قهر منهم
ام اسامه بجمود : متصله من صباح الله خير
عشان رائد وخطبته ...يعني بتصالك ذا ييغير شيء
لطيفه بقهر : يمه حرام عليك أنتِ بعد ..هذا وانا اقول امي صافه معي ..وبعد ليه امس دقيت عليك يمه مارديتي والله على نار
جالسة انا
ام اسامه بحده :اقول فارقي.. ابوك شوي ويرجع يبي فطوره وانا توني اصحى ...بعد ماكلمل ارجع لك لأن مشوارك طويل حيل
لطيفه عضت شفتها وهي تذكر ريوف :آه كنت بنسى اللي متصله عشانه
ام اسامه عقدت حواجبها : خير آللهم اجعله خير وبحدة لو تقولي عن الخطبة بقفل في وجهك
لطيفه اخخخ حتى أنتِ يمه ..بس ماعليه قلت بقهر: لا والله بس وين يجي الخير والأخ اسامه رامي زوجته
ام اسامه بحده :وش تقولي أنتِ
لطيفه بقهر : يمه .. ريوف جدتي مسويه فيها العمايل بسبب السيد اسامه جاطلها هناك والحين متصله علي تشكي تصيح وحالتها حاله والله يمه مفروض تهاوشيه يوم جاا بدونها
ام اسامه بصدمه :تارك زوجته وراجع بدونها
لطيفه : حتى أنت ماتدري يمه
ام اسامه :اي والله مادري افتكر يوم جاا آمس ..مخليها في الشقة وجاي بدونها مثل العادة وبعصبية..حسبي الله عليه الحين وش يقولوا عنه ..والله ان صيته ماترحمنا بيت بتدوره وهي تقول
ولد شيخه رمى عروسه ...آه بيجيب أجلي هالولد ودي اعرف
وش بلا عقلة كذا صار ...
لطيفه بحزن على حال ريوف :يمه مو مهم وش يقولون اقولك البنت ذايقة الويل مع العجيز ....والله تقول تبيها تنظف الزبل وتوها تشرد الغرفة وتقفل على حالها منها ... الخبل لو تاركها عندعصابه بيكون أرحم لها ...
ام اسامه بعصبية : بعد .تكرف لهن..آه هذي علومها والله ...
وماهي بغربية عليها ....
الحين ادق عليه واعرف قصته مع ذي البنت. اللي مسوية لي قلق ....وقفلت بعصبية وهي تدق عليه أكثر من مرة
بس مايرد ....عصبت ..وقفت راحت المطبح ..تسوي فطور .لابوه وبعدها لو مارد. .تخلي رائد يروح فيها لبيته وتعرف كل شيء اليوم ..بدت تحضر فطور زوجها . والعمال مثل ماوعدته ..وبسرعة جهزت كل شيء ..هي والخدامه ..وشوي جاا وأخذه وطلع. ... ..بسرعة طلعت لفوق ..ودخلت غرفة رائد وهو نايم ...قربت منه ...وصحته وهي معصبة : انت بعد قوم ...
رائد مثل الحلم ..فتح عينه شاف امه قدامه قال بصوت ثقيل من النوم :وش فيه يمه الله يهديك توني انام ...وقفل عيونه يوم فتحت النور يمه قفلي تكفين
ام اسامه بعصبية :انقلع قوم قدامي. ..ابيك
توصلني لاسامه بسرعة
رائد ناظرها بصدمه :الحين يمه وش تبي فيه ..
روحي يمه كملي نومك ولو حالمه فيه ...بقولك لاتخافي تراه ابو سبع اروح ولدك بطل...وضحك على شكل امه الي تناظره بقهر
ام اسامه بعصبية:اقول والله ماهو بوقت سماجتك ...قوم انقلع عندك خمس دقايق اشوفك قدامي في الصالة...واعطتها ظهرها وطلعت من الغرفة
رائد ...جلس وهو معصب رمى المفرش مغصوب .. يدري امه ماراح تخليه .يرجع ينام....
بسرعة غسل وجهه وغير ملابسه .ونزل شافها قدامه
لابسه العبايه قال بقهر : آه مقهور يمه توني احلم اني عريس وبقاي شوي وانزف ...على الحب ...آه ليت انتظرتي شوي بس
لو خليتيني اشوف اسوله كان بروح فيك المريخ لو تبي ...
ام اسامه ضربته بقوه على ظهره :اقول امش بس وخلى أحلامك على جنب.....
رائد آه يمه ...الله يهديك عليك ضرب ماهو صاحي مشى معاها مغصوب ....
وكلها دقايق وصولوا ..لشقة اسامه ..نزلووا
ودقووا الجرس ...ام اسامه بعصبية : وش جرسه كذآ دق وجلست تضرب بقوة على الباب ....
رائد وهو يناظر الشقه الي على يمينهم بفشلة.:يمه عز الله جاره طلع بعد
ام اسامه بعصبية :خلى الي يبي يطلع يطلع ...مايهمني ..
بعد سواي أخوك الي بجيب أجلي معاد يهمني أحد
رائد عقد حواجبه :وش مسوي الضباط حق هالعصبية
ام اسامه طنشته وجلست تدق.
،،،،،،،
فتح عينه ..وهو يسمع صوت الدق القوي وقف وهو مفزوع .. .حس بألم في ظهره ورقبته من نومتة الغلط ..بسرعة
راح للباب وهو متوتر من الي جاي الحيت ويدق كذا اول مافتح انصدم من الي واقفين قدامه قال بفزع: خير الله اجعله خير
ام اسامه بعصبيه :من وين يجي الخير مدام هذي علومك وبصرخه ليه ادق عليك ماترد ..
.
اسامه بصوت ثقيل وبعد لسى مصدوم : تفضلوو اول مادخلوا قفل الباب وقال معليش يمه داقه علي والله ماسمعته أبد. . كنت نايم و راسي قايمه علي مثل العادة ..وماحسيت ..بحالي ..
ام اسامه بعصيه :الجوال يعطيني مقفل...
اسامه بكذب : مابي إزعاج من دوامي انتهت إجازتي وهم يبوني أحضر
ام اسامه بعصييه : لا دوامك يجلسون يتحايلون عليك عشان تداوم ويجلسوا يدقوا عليك وانت تقوم تقفله ...هيي مين حضرتك يعني أكيد بيفصلوك ولا همهن..إلا قول مقفله من مرتك ....ي ال*****
اسامه بصدمه من كلام امه أول مرة تسبه كذا بعد ...وبعد شو يعرفها .. قال بقهر وهو يناظر رائد : مرتي وش دخلها
ام اسامه بعصبيه : وش دخلها طيب مين الي جاطلها في الديرة وجالس هنا وجدتك كارفتها كراف ...وبقهر اسامه وش قصتك
مع ذي البنت زواجكم أبد ماهو طبيعي ..إلا عريس ماكمل شهر
مخلي زوجته شغاله لجدته وهو حضرته هناااا
وش الي تحس فيه ..انت قولي عشان أكون على بينه ..
اسامه بقهر من ريوف ...ومن سيرتها .وبعد يحس حاله معصب من كلام امه قدام رائد ناظر رائد اللي منزل رأسه ويناظر الأرض قال بغيض : يمه وش فيك الله يهديك ظالمه جدتي ..والله مدلعه البنت ..على الآخر
ام اسامه بسخرية : اي ودليل الدلع حق جدتك البنت متصله تصيح وتبكي وبصرخه زبل الغنم ي اسامه تهون عليك مرتك لهالدرجه .
والله حتى لو فيها بلاوي الدنيا .مايصير الي جدتك مسويته فيها وبصرخة انقلع روح جيبها ولو مافيك تتحملها طلقها وارمها لأهلها وماعليك فيها ...بس تذلها كذا لا والله مارضى ولا راح اسكت عنك ...
رائد رفع راسه وناظر ..اسامه ..معقول معذب البنت ..
وجالس ينتقم منها ..قال بحده :صادقة امي لو مو قدها طلقها وريحها منك ..
اسامه بعصبيه وهو صاك على سنونه : آخر واحد يتكلم علي هو انت فاهم وناظر لامه وهو يحاول يهدي حاله يمه الله يهديك وش ذا الكلام وبعدين ماعليك في ريوف ..طبعها دايم تكذب ..وهذا الي مخليني متحسف إني أخذتها...تعرفيني يمه
اكره في حياتي الكذب ...
وصدقيني جدتي ماصار هالشي منها أبد وجلستنا كلها اسبوع
بس يرجع شهاب والحين انا رايح بس آه دايم هي كذا تستعجل وتهول الشي
رائد ناظره بسخريه على التهمه الي لفقها في البنت ..
اول مرة يحس بشققة عليها ..مايدري ليه قلبه عوره عليها حرام ..البنت مظلومه مثلي وأكثر يمكن . كنت أول أفكر انها متفقه مع العجيز بس بعدين تذكرت ..أكثر من مرة كان تتصل بسمير يفزع لها من امه وكان يقطع سهرته ويرجع البيت. .عرفت انها من دوابيرها قلت بعصبيه : صدقني ماتكذب ...وجدتي قاسية من يومها
اسامه قرب منه ومسكه من بلوزته بقوه :قلت لك مابي سامع صوتك وجدتي لا تغلط عليها لا اذبحك
ام اسامه قربت منه فكت رائد منه وبعصبيه صرخت : ابعد عنه وهو صادق والله البنت ..ماتكذب.. محد يعرف جدتك مثلي ..حاولت تسوي فيني مثل ماسوت في ريوف الحين بس وين انا أسكتت لها ..رحت لها وانا مشحونه من مرة ابوي للنهايه يعني ماكنت قادرة اتحمل يجي منها هي بعد ..وقفت لها بالمرصاد لما ربي فكني من العيشة معاها ومن ذيك الديرة كلها ..يالله روح لها ..واجلس معاها مدام مسوي فازع لما يجي ولد عمتك ولاتخاف عجوز النار ماينخاف عليها ..تخوف بلد.... ولاالحين خليت رائد يمسك
فيني ... درب للديرة وانا أخذها من هناك ...
رائد :ابشري يمه والله الحين ....
اسامه
حس حاله معصب بالقوة ...قال بغيض: يمه الحين اروح ومايصير خاطرك إلا طيب ..وقرب منها بيسلم فوق رأسها
ام اسامه صدته و ناظرت رائد: يالله .... وطلعووا
اسامه حس حالة بينفجر ..امه صايرة تزعل من والسببب هي ..آه الحين تصده بعد عشانها ..طيب ريوف و..بسرعة. راح لغرفة النوم .وأخذ دش ..و.حرك سيارته. ..واتجهه لديرة ..بعد ماكلم زميله عشان يسوي توكيل عنه ....قسم بالله لايبرد قلبه فيها انا كذا تسوي فيني . تروح تشكي .....من ورايي...
في بيت ابو وليد
،،
،،
نزلت وهي تلف الجلال على كتوفها ..وقفت وهي تسمع شوق
معصبة ..ابتسمت بسخرية من الكلام الي تسمعه ....
:والله يمه قهرني جالس يحرض ابوي ...ودي اعرف
وش مستفيد منه ..ولا عاجبه حاله بين الثنتين عشان بعد يدبس ناصر
ام وليد :مدري يمه ...وحتى يوم قال لابوك
عشان خطبة اخو زوجته عاتبته وعصبت عليه ..بس قال كان وده اسيل لاناصر زوجته ماهي مريحته ..وبعد ماهو مرتاح لاخومرته ...يقول صايع ...ومايبي اسيل تتبهذل معه ...
شوق :والله يمه كذوب ..مدري وش فيه وليد صاير كذا ..وسكتت وهي تشوف ريتآج الي قالت :من يومه كذوب . سكتت قالتها بقهر ..بس ناظرت ام وليد شافت الزعل في وجهاا يعز عليها خالتها تزعل منها قالت بأبتسامه مزيفه وهي تحاول ترقع كلمتها :اقصد وليد مسوي كذا مايبي حد منا يطلع برا العايله وبسخريه يخاف على بنات عمه ..السالفة ماهو كذب او شيء بس سكتت وهو تشوف الزعل في وجهه خالتها. ..
ايه تسكت وتنطشن أحسن
ام وليد بعتب: آكيد يمه مهما كان انتم بنات عمه ويخاف عليكم
ريتآج ابتسمت ..لها مجاملة ...آه ي خالة والله ولدك ...كذاب قليلة عليه...شافته ...وهو داخل من برا وثوبه عليه بس مبهذل شوي .. ...
وشكله بعد نايم ..غريب وين نام .ذا ..يالله ماعلي ..
..
وليد
اللي توه دخل الصالة من امس طلع زعلان راح للمجلس ونام
فيه ..دخل الصالة شافهم قدامه ..قال بنفس خايسة وهو يجلس جنب ريتآج ...فيه قهر من امس منها ...ومن الحالة الي وصل لها بسبتها ..: وش الغداء
ام وليد : رد السلام يمه والغداء ...كل خير .. . وبستفسار من شكله :يمه نايم في المجلس صح
وليد بصوت ثقيل من النوم:ايه يمه كنت جالس سهران اناظر مبارة وراحت علي نومه
ريتاج بسخريه : مباراة طيب اي فريق..خسران ورفعت حاجب ..
وليد بقهر عض شفته : آكيد الفريق اللي أكرهه لأن فريقي دايماً ماينهزم
ريتاج ببرود: الحمدلله وهو وفاز والله يزدك ثقة فيه ...
وليد رفع حاجب ... وقال :لا ابشرك فاز وفاله الكأس بعد
حسام الي يلعب بلاستيشن :اي مباراة تقصدها ادري ان فريقك خسر من أول بطوله ولا يكون ي الغبي تشجع فريقين
ريتاج ضحكت بقوه: ههههههههههه بعد من الأول طلع فريقك
وليد بقهر من حسام ومن ضحكة ريتاج المستفزة قال وهو صاك على سنونه:انا كم مرة قلت لك لا ...تتدخل في شيء مايخصك
حسام : بسم الله انا تدخلت في شيء يخصك الحين الي قلته ان فريقك طلع من أول .. حسبت الكبر أثر عليك وقلت اذكرك
وليد بعصبيه : لا تطمن تمام التمام
حسام بضحكه وهو يناظر ريتاج مبسوط وهي جالسة تضحك غمز لها انه بيزيد عليه :الحمدلله والله ي خوي طمنتني
وليد رماه بالخداديه وبعصييه صرخ : قوم انقلع من وجهي قبل ماقوم لك
حسام بقهر صد الخداديه :والله مانقلع ابوي قالي مثل مالوليد في هالبيت لك .....
وليد فتح عينه بصدمه:بعد ..
ام وليد بضيق : وليد وشهوله حاط راسك براس ذا البزر
خلك منه ...الحين ....
وليد بقهر :يمه ذا بزر والله كلامه يستفز وبعدين مايحترمني أبد
شوق : خلاص روح حسام غرفتك كمل لعبك ...وفكنا. .
ريتآج وهي ناويه تغيضه :حسام قلت لي تبي سكوتر
اعتبرة جاك هديه مني بسبب خسارة فريق وليد ....
وهي تقصد خراب خطته ....
حسام نط بفرحة: تقوليها صادقة
ريتآج : افاا وانا قلت لك شيء كذب
حسام بفرحة وحماس : ابد والله
ريتآج ناظرت وليد وميلت فمها بسخرية: أكره في حياتي الكذب ولا اطيقة ومستعده اسامح اي شخص إلا الي يكذب علي ..
وليد فهم الدقه عدل قال بحده : لو فيك خير اشوف خذي له
حسام نط بقهر : يمه شوفي ولدك وشهوله الحين يرفض
ام وليد بستفسار: وشهوو هو يمه اللي تأخذه لك
وليد بعصبية: خطير يمه ذي اللعبة والله ..لو طاح منه تكسر وهذا معصقل بيروح فيها وبعد الحارة كلها سيارت أول مايلعب فيه بالشارع يمكن سياره تصدم فيه ولا ماهو عارفة ي ريتآج للي صار بسبته عشان تبي تشتري له
ام وليد بخوف:بسم الله عليه لا والله مانبي ذا البلى
ريتآج سكتت ماتكملت يوم خالتها قالت كذآ
حسام بعصبيه وهو يصيح : والله يكذب بس مقهور ليه ريتآج هي اللي بتأخذه لي ....
وليد بعصييه : أقول كلمتي تمشي عليك وعلى ريتآج بعد
وناظر ريتآج وأنتِ بعد اشوف خذي له أقسم بالله بيكون
حسابك وحسابه شيء ثاني ...وهي كلمة وانتهت مافي ..سكوتر
حسام صاح بقوة ...وجلس يصارخ عليه ...
ريتاج ناظرت وليد بتحدي يعني السالفة كذ : ماعليك ي حسام حبيبي والله لا تأخذه ولا ماكون بنت جاسم ..
وليد بعصبية وقف :السالفة تحدي يعني ..
ام وليد وقفت بخوف لا يقرب منها ويبلي حاله اليوم قالت وهي مستغربه من عصبيته الزيادة :يمه استهدي بالله وش فيك كذا اليوم مشتط ماهي العادة وهذا وانا اقول وليد طالع لي ..حليم ..وعاقل ..وبعد ريتآج مستحيل تأخذ له شيء في أذية له تطمن
حسام زاد في الصياح يوم سمع كلام أمه ..
وليد بقهر من صياح حسام : يمه يطلعوا الواحد من طورة
ريتآج حطت رجل على رجل وقالت ببرود: بسم الله وش سوينا عشان تقول طلعناك من طورك تعوذ بس من ابليس هذا هو لاعب بحسبتك أكيد...
وليد صرخ بعصبيه : ريتآج
ريتآج :بسم الله ليه تصارخ باسمي تراني جنبك ...
ام وليد ناظرت ريتآج بعتب :كلكم راكبكم ابليس تعوذو منه
حسام صرخ بقوة :مالي شغل ابي اسكوتر
وليد بسرعة قرب منه ومسكه كفخه وهو يسمع صارخ... امه وشوق ..وريتاج ..فيه حره من أول ....دفه بقوه بعد مابرد قلبة بكم كف عدل وجههه. . ....
: هذا فعايلك بأخوك وانا حي
وليد نزل رأسه مايدري وش يقول له ... الحره من حريمه طلعها في حسام ....
ام وليد بسرعة تدخلت وقفت في وجهه ابو وليد وقالت بخوف:انا قلت له يربيه لسانه طويل ومايحترمني
ابوليد بصرخة افزعت الكل:ليه ماعنده ابوو وناظر وليد ثاني مرة ي وليد ...شايف اللي تسويه في أخوك ...
وليد ناظر ... حسام وهو يصيح بقوة ..حزن عليه ...والله راح ضحية استفزاز ريتاج له. . ..قال بأسف:اسف يبه ونزل حاله شوي من حسام وقال بآسف:والله انا الي بأخذة لك بس خلاص حقك علي ...
حسام وهو يصيح : صدق ..
وليد :والله العظيم والحين بعد الغداء نروح ونأخذه وش تبي بعد
حسام ناظر ابوه وقال وهو يصيح فرحه وألم :خلاص يبه
سامحته......
ابو وليد بحزم: حطوواالغدا وناظر وليد بزعل ...
ريتآج انقهرت من حسام ..ودي كان ..عمي يبرد قلبي شوي في وليد ..صدق هالولد يقهر بشكل ....
رحت مع خالتي أجهز السفرة ..
وبعدها كلنا جلسنا وانا قمت أول وحدة ...مالي نفس من اصله
ام وليد : بسم الله يمه امداك تقومي ..
ريتاج ابتسمت لها : بالعافية عليكم ان شاءالله بس يالله يمدي بروج بيت أهلي. .وناظرت عمي اللي احس وجهه انقلب. ..بس طنشت ..واعطيتهم ظهري ...
وليد وقف بسرعة ولحقها وقال بحده : ليه رايحة من بدري كذآ
ريتاج لفت له وقالت بسخرية : امممم رايحه أبشر آسيل ان ولد عمها الكابتن وقف معاها ...وبعد زعلان على ابوه واخوه ليه جاين يخطبوا مره ثانيه ..قربت منه وحطت يدها على صدرة بدلع واو وليد صراحة شي ينحسب لك ...هالمره ...
وليد حس بتوتر حاس انها الحين كاشفته بقوة بعد ...بلع ريقة
...وقال ببرود مصطنع : ولوو كم عندنا أسوله
ريتآج ميلت فمها بسخرية : كفوو من يومك
وليد رفع حاجب :ماحتاج شهادة منك
ريتاج رفعت كتوفها ببرود : صادق مايحتاج لأنه أكيد بتكون مجروحه فيك وابتسمت
وليد بغيض :لاتطولي عندهم
ريتآج : بنام عندهم ....وطلعت لفوق قبل تسمع رده ...
أول ماوصل الديرة ....بسرعة نزل ..وهو وده يبرد قلبه
هي قد الحركة الي سوتها ....تتصل بأمه ..يصل فيها العناد
لكذا ...وش بتوصل له ذي الغبية ...يعني غصب تبي اللكل
يدري بالعلاقة إلي بينهم ...دخل الحوش. ...وهو يتمنى
مايشوف حد ...عض شفته وهو يشوف عمته .. وجدته جالسين
يتغدون ...قرب منهم ورد السلام
الجدة :عليكم السلام
صيته : اقلط اقلط يمه جيت بوقتك سم
اسامه بجمود : بالعافية عليكم ومابي والله. ..وتلفت حولة ماشافها قدامه ...
الجدة رفعت رأسها وشافته يدور بنظرة عليها قالت بسخرية : تدور على العوبة يمه وش بلاك وحدك على ذي البنت والله مافيها صلاح ...كل ماطلبت منها شيء قالت ماعرف له ..
وراحت نامت لما الحين ولعاد صحت صيته من شوي دقت عليها ولا ردت عليها أبد ....متخبه في ذي الغرفة يقال بنذبحها..
صيته : اي بالله دقيت قبل شوي ابيها تأكل معنا ماردت ....
اسامه عصب يعني السالفة كذب .مثل ماتوقع ...وقال ايش مشغلينها ومدري ايش والحين بعد مطنشه عمته ..هين ..
أعطاهم ظهره واتجهه للغرفة هز الباب ..مافتح
بعد مقفلة ...دق أكثر من مرة ..بقوة .. ريوف
اللي فتحت عينها وهي منزعجه ..من الدق اللي من أول متواصل
بس الحين خلاص مافيها عاد تطنش ...
وقفت بكسل وهي تقول بصوت كله نوم :طيب طيب جاية وفتحت الباب انصدمت من الي تشوفة قدامها. ...
قالت بهمس ...أسامه وهي تبعد ..بخوف ...
اسامه دخل وقفل الباب وبسرعة قرب منها ...
قال وهو شاد على سنونه:تتصلي بأمي ..يعني إلا غصب تنكشف علاقتي فيك وبحدة أكثر وهو يحاول يخفض صوته مايبي الي برا يسمعون من زين العلاقة لو انفضحت وبعد اللي اشوفه نايمه ومرتاحه وين الي مكروفه.. صدق كذوب ولا عمرك صدقتي بشيء. .
ريوف الي تحس بخوف وتوتر. ..وش الي سوته بعمرها ..بس هزت رأسها يوم قال إنها دقت على امه قالت بربكه وهي تبعد لنهاية الغرفة :لا لا والله مادقيت على أمك وبعد والله جدتك....
اسامه فتح عينه بصدمه وقاطعها بعصبيه : بعد تحلفي كذب
ريوف بخوف وهي ترفع يدها وتحلف : اقسم بالله ماقلت لها ولا دقيت عليها
اسامه هنا جن بقوة بعد تقسم ..صرخ بعصبيه : أجل وش يدري
امي وصرخ وهو يقرب منها كيف دريت أجل
ريوف وهي مرعوبه من قربه منها كذا ...حاولت تبعد بس الجدار وراها خلاص ..دفت نفسها لجهة اليمين عشان تقدر تبعد حالها عنه .. بس حست بيدينه تحاوطها لا لا موتي أكيد اليوم ...
اسامه بحده :انطقي كيف عرفت
ريوف بلعت ريقها وقالت بخوف : قلت للطيفه بس والله و شكلها هي اللي قالت لها ... مدري والله انها بتقول لها افتكرت هي تتصرف بس مو كذآ ...والله آسفة ...
اسامه رفع حاجب : لا بالله صادقة مافتكرتي بيكون تصرفها كذا وصك على سنونه وقال وهو وده يذبحها تمنى انه
ماهو في بيت جدته ...إلا يعرف كيف يربيها كان قال بغيض وهو يناظر وجهاا المرعوب : تصدقي مين الي فازع معك هالمرة
ريوف هزت رأسها وهي مرعوبه ....من الي بيقوله قالت بحسن نية :امك وأنت زعلان عشان كذآ خلاص آسفة والله بس كنت مقهورة الصباح والحين خلاص مستعدة أجلس
اسامه ابتسم على جنب بسخرية :قايلة أمي لا ي قلب امك
((حبيب القلب ))
ريوف يوم قال كذا ..حسيت الدنيا سودة في وجهي ..
حاولت ابعد وجهي لأني متأكد بيجي كف منه ...بس انصدمت يوم ناظرني بقرف .وبعد شوي عني
اسامه هز رأسه بحسره :ليت فيني ارميك هنا على طول ..
وجلس على السرير وحط يده على رأسه ..كلها ثواني ورفع رأسه وناظرها ..وهي خايفة قال بوجع: آه شكل مصيري مرتبط فيك على طول مدام أمي واقفتن في صفك
ريوف امه معي ...وشلون أذكرها ماتحب تشوف وجهي
قلت بهمس من غير ماحس بنفسي : قدرك كذا
اسامه عض شفته بوجع. . ..وقال وهو متحسر : وافقت عليه
أملي كله ضاع آه السبه أنتِ ..ليه ليه دايم تسببي في أذيتي
وش مسوي فيك ...عشان ذا يحصل لي..بسببك ...
ريوف ..عقدت حواجبي. ..من تغير السالفه ...من تو معصب علي .. ليه دقيت على أهله ..والحين فجأة .لخطيبة أخوها اللي ...خطبها قلت بقهر منه
ومن كل شيء :والله لو أخوك رجآل ماراح خطب وحدة يبيها اخوه ....
اسامه ناظرها بسخريه : لا لا لا توك تعرفي ان رائد ماهو برجال طيب وين يوم تخلى عنك ليه ماقلتي عنه ماهو رجآل
ولا خلاص ضمنتي إنك تزوجتي وخلاص ...أهم شيء لقيتي وأحد يستر عليك ..وابتلى ...بقذارتك ......
ريوف بصدق: والله مابيني وبينه شيء عشان يتخلى عني
واقسم بالله العظيم دايم عند أخوي ولا عمرة تعرض لي ي اسامه
قاطعها بحده: من شوي ماهو رجآل والحين طايحه مدح كله عشان تبعدي الشبهه عنك بصرخة وهو ناسي حاله
انه بيت جدته وطيب ..وش المنظر الي دخلت وشفته قولي
هذا مايتسمى تعرض ولا هذا شيء ثاني في نظرك ي الواطيه...
ريوف رفعت يدها وهي تسكته وتذكره بالمكان اللي هم فيه ...قالت بوجع : تكفى اسامه اسكت ..وانا استاهل دقيت على لطيفة ليت جلست على نظافة زبل الغنم حق جدتك أهون من الكلام اللي سمعتني توووو
اسامه وقف..وقرب منها ونزل نفسة لها وقال بفحيح :آكيد يكون مناسب لك المكان .....وبعد اقذر منه ...
ريوف ناظرت عيونه ...الي ماعمرها شافت فيها ..غير نظرة الكره والقساوة ...قالت بهمس :الحمدلله مظلومه ولا ظالمة
اسامه أبتعد ..عنها وهو يحس ..بكلمتها ....طالعة من قلبها ..وبعد الصدق فيها ... بس هز رأسه ..لا تلعب عليك هذي خبيثة ..قال بسخرية :آه يمكر الحريم ....وقطع عليه دق الباب ابتعد عنها وهو عاقد حواجبه فتح الباب شاف عمته قدامه قال بتوتر : هلا عمه
صيته بقلق وفضول : يمه علامك صوته طالع كذآ
اسامه بفشلة : لا بس معصب على خوي في الجوال طالب منه يمسك توكيل بدالي ورافض يستلم عني ...
صيته بعد م تصديق رفعت حالها وحاولت تناظر ريوف
:هاااا الله يعين لو مرتك صحت خلها تتغدى ...
اسامه تضايق من حركة عمته فضولها ينرفز :ان شاءالله
ورجع قفل الباب وقال بهمس: عجبك الحين وجلس على السرير .
ريوف اول مره احب فضول ذي الصيته والله هجده .
بس آه صدق فكرة كانت غبية ومتهورة بعد يوم فكرت
اني افزع بلطيفه الله يسامحها بغيت أروح فيها ...
...
،،
،،
،،
،،
عند منيره
ناظرت عيالها المحبوسين ..في الغرفه عندها الله يهدي أخوها مسوي رعب للعيال ..وبعد اليوم عنده عزيمه ..ومشتط وحالته حاله.. ..وحبستهم عشان مالقى عذر ويعصب ....عليهم...
ودها تعرف ليه كذا متضايق من وجودها ...هي وعيالها حبيبي ي خالد وينك ليتك هنا ...والله أنت الحنون .صدق...ناظرت ...
سلطان الي ..قرب منها وقال بطفش: ماما ابي اشرب مويا
منيره : كذاب بتنزل معاد بطالع أعرفك
سلطان بقهر : ماما بنزل العب مع فراس..في الحوش..
منيره بعصبيه : أقول ناوي تتكفح أنت اليوم كم مرة أقولك عند خالك عزيمه ..واخاف تسووون إزعاج في الحوش
سلطان : افف بابا ليه مايجي صار
منيره بقهر : ابوك ماهو فاضي جالس يدور عروس
ريماس ببراءة : عروسه ابي عروسه
منيره بسخريه : اوك احضري بعدين عرس أبوك وشوفي العروسه اللي بيجيبها ..مالت عليه .....الخايس صاير تطنيشه يقهر...
سلطان ..وقف ..وراح جهة الدرج وأخذ المفتاح ...
وبعناد يحاول يفتح الباب بس ماوصل له ..
مينره صرخت بعصبيه: والنهايه يعني ...
سلطان صاح بقوة ..وهو يجلس في الأرض
عرفت ان طفشان وبقوة بعد ..مايعاند كذآ إلا روحه طاقة ....سحبت جوالها ..بقهر ..ودقت عليه
:أول مارد عليها قالت بجمود: ليت تجي لعيالك تمشيهم شوي
طاقة كبدهم وأخوي ماهو فاضي عنده عزيمه إلا مايقصر ..
قالت كذآ عشان توضح له ان عياله ...يقدرون يعيشون بدونه ..
ناصر سمع كلامه كله وقال ببرود: ماشاءالله أخوك صاير
حنون عليهم يالله معذور اليوم مدام عنده رجاجيل ....
منيره رفعت حاجب : الكل مايقصر الحمدلله يفكروا فيهم
أكثر منك بعد ..
ناصر إبتسم بسخريه : والله فيهم الخير ويالله دقايق وجاي لهم
وبهمس ...وحياك معاهم. ...لو تحبي ..طبعاً
منيره قالت بمكابره: الله لا يحدني لك
ناصر : اوك على راحتك ...
بيت ابوعصام
،،
،،
صرخت بعصبيه: اكيد انخبلتي مثل أبوك ..
ريتاج بعجز: يمه افهمي علي صدقيني لو اسيل ماوافقت على رائد وقفتي في وجهه أبوي كل عشان هالزواجه ماتم صدقيني مرجعها لناصر وقولي ريتاج ماقالت عمي وليد ماهو بهاجدين جالسين يلفون ويدورون عشان ناصر يأخذها يمه والله على خوفك من رائد إلا ان قلبي مطمن له مدري ليه
ام عصام وقفت بقهر : لا لا عقلتس به بلى أكيد ولا حد عاقل يقول تسذا ...افتحي علقتس شوي امه بتنقم.. والله بتحرق قليي في بنتي والله عارفتها خبيثه من ويومها
ريتآج : يمه بعيد عن ذي الأشياء فكري فيها وشاوري أسيل بعد
وقطع عليها صوت أبوها ...
: والله انك عاقله من يومك ..
ام عصام لفت له وناظرته بقهر و صرخت : جاسم لا ترفع ضغطي قلت لك مليون هالزواجه ماراح تتتم
ابو عصام بعصبيه : لا بتم وغصب عنك بعد ...
واشوف بالله اعترضي ..ويالله ي ريتاج روحي قولي لاختك تنزل ابيها ..لأن شكل أمك راح نبطي على بال ماتشاورها
ام عصام بحده: جاسم لاتحدني لشي ماحبه
ابو عصام وهو مطنش : بسرعة ريتاج روحي نادي اختك
ريتاج
وقفت وهي خايفة ....من المشاكل الي بتحصل ...والله
جالسة تقنع امها خايفة من وليد ..وبذات يوم سمعت ...
كلام خالتي. ..وشوق اليوم ...آه فيها قهر كل ماتذكر كذبه وتمثيله عليها ..تعصب وتموت بقهرها ...آه حسبي الله ونعم الوكيل ... .وقفت وهي تشوف اسيل طالعة من غرفته
قالت بأبتسامه : طلعتي بوقتك إلا انا طابه عليك ...
قالت بصدمه : من متى هنا وانا مدري
ريتآج ... سلمت عليها :توني اوصل المهم ابوي
يبيك تحت
اسيل بدلع: واو لا تقولي يبي يبشرني باللي طلبته منه
ريتآج هزت كتوفها وهي شافقة عليها : مدري وش يبي
اسيل قالت بخوف: ريتآج وش فيك احس فيه شيء من شكل وجهكك ....
ريتآج ابتسمت وهي متوتره:أمشي حبيبتي مافي شيء ..
اسيل نزلت معاها ..وقربت من ابوها وسلمت عليه وجلست جنبه وهي تشوف امها الي وجهها معصب...الحين تأكدت انه فيه شيء.
قالت بستفسار:خير بابا
ابو عصام مد يده لكتوفها وقربها منه وقال بحنان هذي دلوعته يعز عليه يغصبها على الزواج ...بس في شيء اقوى منه ..
:في ناس جاين وطلبوا يدك لولدهم وابي شورك
اسيل بصدمه فتحت فمها : ايشش لا بابا مابي الحين اتزوج لسى صغيرة
ابو عصام : افاا وش صغيرة ذي شوي .. وتدخلي العشرين
اسيل :بابا حرام عليك لسى باقي سنتين عشان ادخل العشرين
ام عصام بقهر: حرام والله البنت تقولك صغيرة ورافضة
بعد خلاص فكنا
ابو عصام ناظرها بحده ورجع ناظر اسيل : افاا تبي تكسري كلمة بابا ....وهذا وانا اقول بنتي اسيل ماتردني والولد مابه عيب لو فيه عيب واحد كان ماوفقت عليه ولا جيت قلت لك عنه من الأساس
ام عصام بعصييه: والله لو عيوب الدنيا كلها فيه مدام انك خايف ..من اخوك لان المرة الثانيه بتنهزم قدامه ...
ابو عصام بعصبيه صرخ: ي مره فارقي عن وجهي افضل لك
قبل لاتندمي ....
ريتاج تحركت بسرعة وسحبت أمها بخوف : يمه تكفين أمشي معي ...
ام عصام دفت يد ريتاج بقهر : ابعدي عني وأنت بفارق عنك بس تذكر انك ضحيت في ..الأولى والحين الثانيه ي جاسم يالله بناتك وانت حرر ..فيهم وصدقني ماراح ادخل عاد مدام وصلت لكذا ..
ابو عصام بحده ..: وغصب عنك حر ..وبناتي مستحيل اصحي فيهن ويالله لا تزيدي عاد
ام عصام راحت عنهم وهي مقهورة ....
رجع ناظر اسيل الي خايفة قال بهدوء: هاا ايش رايك
اسيل هزت رأسها : لا لا بابا لسى بدري ...
ابو عصام بحده: حتي بدون ماتعرفي مين
أسيل هزت رأسها بايه ...
ابو عصام قال بحزم : اقول فكري زين قبل ما ترفضي بعطيك فرصه .. وقف وناظر ...ر يتاج اقنعي اختك باللي قلتيه لامك
وقولي لها مين اللي خطبها
وراح عنهم. ...
ريتاج جلست بجنبها وقالت بهدوء :تبي راي وافقي عليه
صدقيني رائد افضل لك من ناصر ...
اسيل بهمس : رائد مين رائد ولد مين ذا بعد ..
ريتاج وهي عاضه على شفتها : أخو لطيفه
اسيل صرخت مفزوعه : نعممممم وعععع معاد إلا هي
ريتآج خطت يدهل على فمها : اوشش ابوي لا يسمعك
اسيل هزت رأسها ووهي مكتومه ... تبي تتكلم بس مقفله على فمها
ريتاج هزت رأسها : لا ماراح ابعد يدي الا لما ى تسمعي مني
كل الي ابي .. اقوله لك ...وبعدها كيفك ...اسمعي
ي غبيه فكري بعقل تأخذي.. وأحد ماعنده حرمه... وعيال ولسى شاب ولايق على عمرك بينكم سنوات بسيطه و...لا تنرمي على واحد عنده حرمة وأكبر منك بحول 12 سنه ..
وبعد ولد عمك وقتها عمك بيتدخل في حياتك ويكرهك عمرك مثل حالي حالياً مفروض أكون لك مثل وعبرة .. نزلت يدهاا شافتها ساكته ماردت
اسيل فكرت في كلامها صح والله الغول عمها بينكد عليها بس اخو لطيفه لا لا وع ماتتخيل قالت بقهر:ماراح اوافق
والغول عمك ذا بعرف اوقف في وجههه
ريتآج ضحكت بقهر : ههههههه توقفي في وجهه مين حبيبتي
اقولك من الحين تحملي اللي بيجي منه
..
اسيل وقفت وقال بغيض :ليت هالعم يموت عشان نقدر نشوف حياتنا صح ..
ريتآج ابتسمت بسخرية نشوف حياتنا ....آه حياتنا تدمرت
مسكت يدها ورجعت جلستها وقالت برجاا :تكفين اسيل يكفي حالي لا توصلي له ..أنت مافيك تتحملي انك تعيشي مع ضرة
والله شيء يقهر ويوجع حيل ....
اسيل شوي وتصيح .. : يعني خلاص الحين لو مأخذت رائد أخذ ناصر مافي غيره يعني اففف وعلى كذا ماراح اوا فق...واشوف كيف يقدروا يغصبوني ....
ريتاج شفت ابوي اللي طلع من غرفة امي قلت غصب عني
: يبه موافقة اسيل وبهمس اوشش لمصحلتك
اسيل بعصييه : يبه والله تكذب
ابو عصام : صادقة ولا تكذب ... الموضوع منتهي. ..
وذي كلمة رجآجيل ....مافيها لعب وتركهم ....طلع برا البيت .
اسيل انصدمت من رد ابوها ناظرت ريتاج اللي قالت
: شوفي يغصبك على واحد ماهو متزوج افضل لك من يغصبك على واحد متزوج لان المره الثانيه لو تطيري لسماء عمي ماراح يتنازل ويسكت للعريس الثاني ....
اسيل صاحت بقهر ..على حالها .مسحت دموعها ورفعت تشوف ريتآج اللي تناظرها بشفقة .. :اوك موافقة بس والله هذي لطيفه لو تسوي شيء اعضها ...
ريتاج ضمت اختها وهي تبكي وتضحك على دلع هالبنت
بهمس : انتقامك قوي صراحه ....
اسيل وهي تبكي : وبعد اخلي رائد يطقها
ريتآج : بعد صرنا نتحامى به توك رافضه ..
اسيل وقفت وقالت بغصة: اوافق عليه ولا انضرب علي راسي وأخذ المعصقل اخو زوجك ..ابو عيال ...
،،
،،
،،
،،
،،
،،
في شقة سامي
دخل البيت ..اتجهه لغرفة أمه. ..شافها متمدددة ...
رد السلام ...
ام سآمي : عليكم السلام هلا يمه جيت في وقتك والله إني جوعانه ورجولي مافيني تشيلني اسوي لي لقمة
سامي عصب وش فايدة غلا ...قال بحده: وليه ماطلبتي من غلا ..
ام سامي حاست بوزها : الحين بتسوي لي يعني لو طلبت
سامي بغيض: وغصب عنها تسوي ..وراح وهو معصب دخل الغرفة شافها جالسه على جوالها ...قرب منها وسحب الجوال بعصبية وصرخ:جالسة على هالزفت ومخليه امي ميته جوع
واللي تحسي فيه
غلا ناظرته ببرود :اقول هاتي الجوال ...بس وامك ماتستاهل أحد يخدمها ناكرة جميل
سآمي قرب منها بعصبيه ...مسكها من شعرها وبحده: امي اللي ناكرة الجميل ولا أنت ...
غلا بسرعة سحبت يده الثانيه وعضتها بقوة وهي تصرخ :فكني ال******
سامي انصدم من حركتها ...سحب يدة ..وهو يشوف مكان أسنانها قال وهو مصدوم :بعد ي غلاا وصلت فيك لكذا
غلا وقفت وقابلته وبعصبيه : اي والله لأكثر من كذا اشوف فكر بس ومد يدك مرة ثانية والله كف بكف ولا ماكون بنت راجح
سامي مسكها من فكها وشد عليه وبعصبيه: اف من اللي ناويه على حالها وهزها بقول اقول والله ي بنت راجح ماهو بقدي أبد
لسى ماشفتيني لو فصلت ...
غلا ضربته بقوة على صدرة أول مافكها صرخت بألم :والله قدك وقد أهلك كلهم ..بعد
سامي عض شفته بقهر ..وش يسوي فيها ...والله فيه يذبحها بس خايف على ولده ...قال ببعصبيه : ليت بس هالروح ماهو في بطنك
غلا بعصبية : الله يأخذ ك روحك وروحه جميع
سامي بقوة اعطاها كف على فمها ...وصرخ بعصبيه: روحك قبل روحه ان شاءالله يال******
غلا بقهر ...حطت يدها على فمها ..وهي تحس بطعم الدم ..
قالت بعصبيه وهي ماسكه على فمها : لو جلست لك أكون استاهل والله هالكف والإهانة ..اللي منك ومن أهلك
سامي جاا بيرد بس صرخة امه فزعته ...بسرعة ...
أعطاها ظهرة وهو مفزوع ..وبعد غلا ....راحت تركض وراه
وهي بعد مصدومه ومفزوعه من الصرخه ...
البآرت الأربعون
،،
،،
طلعت وراه وانا مفزوعه على صوت خالتي ...
دخلنا الغرفة وهي تصيح ...بسرعة ..سامي قرب منها وجلس يهدي فيها وقال بخوف : بسم الله يمه وش فيه ..
ام سامي بقهر وهي تناظر غلا: يالله افرحي بدريه طيحت ضناها بسبتك وبسبة دعاويك ي الظالمة استخسرتي فيها ضنا
غلا انصدمت من الي تقوله ناظرت سامي اللي بعد وجهه تغير قلت :الحين انا الي دعيت عليها عشان تسقط
سامي بعصبيه : أجل مين
غلا بعصبية صرخت:أنت لا تكلمني أبد فاهم
و بقهر والله ي سامي ساكته ماهو حب في وجهكك بس ابي
سامي قاطعها بحده وهو يرفع يده :عارف تنظري تعطيني ولدي وتنقلعي من حياتي ماهو هذا الاتفاق خلاص حافظه من كثر مايتكرر علي كل يوم .
غلا هزت رأسها : لا حبيبي هالحكي كان زمان من الحين منقلعه الله لايعوق بشر ...
ام سامي بحده ناظرت ولدها:هوو تقول هالحكي صادق وش اللي تعطيك ولدك وناظرت غلا صدق انتس قاسيه كيف تقدري
تفرطي في ضنانتس وش ذا الجور الللي أنتِ فيه خافي ربك
ي مره وشلون يهون عليتس تقولي كذآ ..
غلا ناظرت سامي وقالت بقساوة: ماهو بجور ..بس ضنا من ولدك مابي
سامي حس بقهر قالتها قبل له بس بينه وبينها والحين قدام امه بعد بدون مراعاة لمشاعرة قال وهو صاك على سنونه :ولا هو يبي ام مثلك تكون له ..
غلا ببرود ابتسمت :ي شيخ بالطقاق
ام سامي ناظرت ولدها:ي حرم اختك مقطعه نفسها عشان ضناها الي طاح وذي الي ربي مكرمها ....بدل ماتحمد جالسه ولا همها تقول بالطقاققق وبعصبيه.. الطقاق الي يطق راستس ي الخايسه
ولد ولدي انا الي بربيه ولا هو في حاجتس ..
غلا بقهر ناظرتها خلاص طفشت وهي ساكته عن ذي العجيز اللي مدري وش قلبها كذآ .. :شوفي قسم بالله ساكته لك بالقوة ياليت ماتغلطي علي عشان ماغلط عليك
سلمي قرب منها ومسكها بقوه من عنده رقبتها وبقهر:تغلطي على مين فكري بس ارمي كلمه اقسم برب الكون ي غلا ادفنك مكانك ....ولا مفكر في ولد ولا في شيء ذي امي فاهمه
ادوسك.. وادوس اللي يغلط عليها
غلا بعدت عنه وهي قرفانه منه ومن امه ...قالت بعصبيه :تدفن مين ليه قالوا لك اللي على ذمتك مثل الي قدامك واقفه تنضرب وتسكت عن حقها ...
ام سامي بقهر : قصدتس مني ي الي ماتخافي ربك
حسبي الله عليتس مثل ماقهرتني ...الله يقهرك
سامي بعصبية اعطاها كف ..وقال بصرخه :اقسم بالله ي غلا
لو ماتعتذري منها لأكون منهيك اليوم
غلا بعصبية وقهر من الكف ..مدت يدها بتعطيه كف
بس.. سامي ..بسرعه لف يدها وهو معصب : والله اكسرها لك
لو انمدت ثاني ..
غلا صرخت : والله لااخذ حقي ... هذا ثاني كف أخذه منك اليوم
وبتهور قربت منه وهي ماهي مفكرة ...بأن الي قدامه اقوى منها
بس ماهمها صرخت بقهر يوم قيد حركتها : والله ماهو بنت راجح لو مأخذته وصرخت مرة ثانيه أبعد عني ...
سامي ابعدها عنه وهو بعد خايف لا يشد عليها ويتعور بطنها وهي جالسه تقاويه ...تبي تمد يدها عليه ...قال بصرخه يوم طفش :غلاااااا والنهاية
غلا الي معصبة وحالتها حالة... وماتدري وش تسوي ...مقهورة من الكف الي تحس بذل منه صح ماهو أول مره يمد يده
بس هي حلفت لو مد يده مره لاتأحذ حقها وتذله مثل ماذلها
حست بصرخته الي فجرت رأسها. ..بعدها حست بألم ..خلاها تنحني ...وقالت وهي مقفله عيونها : ليت ينزل الحين
سامي بسرعة قرب منها وقال بعصبيه : وش تقولين ي مجنونه
ومشاها غصب عنها.... للغرفة ومددها على السرير غصب ..
وقال بعصبيه : انا رايح بأمي ولي كلاك ثاني معك ..
غلا وقفت بسرعة والله ماجلس ودني بيت أبوي ..
سامي بقهر : اجلسي الحين ارتاحي وبعدين روحي بيت ابوك وفكينا ...
غلا صدت عنه وهي تسحب العبايه ..بدون ماترد عليه. ..
كاره كل شيء ...خلاص ...من أصله من متى هي تتحمل الذل
وتسكت لا بعيد عليهم ....والله مايذلوني ...وانا بنت أبوي
مشت قدامه وهي رافعه رأسها بشموخ ... شافته مسك امه ونزل بعدها ...وهو معصب ..
ركبت السياره....وهي تحس بألم قطعها تقطيع ..همست شكلي بلحق أخته. ..طنشت امه الي جالسه تسب وتهاوش ..والي مقهورة منه حتى ما يدافع. ...عنها.. بكلمه ..وده تعرف وش بلاه كذا وليه كذا قالب ..الفترة الي فاتت كان زين معاها وبعد امه زينه معاها .......يالله مع نفسه أول ماوقف السيارة
نزلت أول وحده ..بس انصدمت يوم نزلوو واري ..خير
أكيد بنتهم في المستشفى. ..ليه نازلين وراي ...بس طشنت
دخلت الصالة ...انصدمت وانا اشوف بدريه ..متمدده قدامي
على الكنبه ...وبعد بالعبايه ...يعني معقول لسى مارحت
قلت بقهر :وش تنتظري روحي وكاد يلحقونه ويعطونك مثبت قفلت عيوني من الصوت الي جاا من وراي
: يمه يمه على ذا الكذب ..والله انتس فرحانه ...
بدريه اللي انهارت تصيح .
.قلت بقهر وانا اناظر ابوي ومطشنه كلام خدوج :روح فيها يبه ..
ابو راجح قاطعها ..: وش الي بيسوونه يعني الولد طاح وطالعين تونا ...من المستشفى وهذي دخلتنا بس مافيها حيل تمشي للغرفة قالت بتريح هنا ...وبغصه ولد ي غلا كان أخوك راح
غلا حسيت بحزن غصب عني مدري ليه قلت : الله يعوضك يبه وقربت منه وضميته وصحت على صدره ..
بدريه بقهر وهي تصيح : شوفوا كيف بعد تمثل والله أنتِ السببب ...طول عمرك ماتبي أخو مني ...الله ينتقم منك
مابي أدعي على إلي في بطنك تفقديه مثل مافقدت ضاني عشان أخوي بس. ...
غلا شديت بيدي على ثوب ..ابوي بقهر ..شوفوا كيف ..جالسة تدعي علي ...
رفعت رأسي من صدر ابوي وناظرت سامي الي واقف..
بدون مايتكلم...ابيه يرد يدافع ..بس لا حياة لمن تنادي. ..ناظرت ابوي بصدمه من كلمته
: افاا ي غلا ماتبي اخوو لك وسند بعدي ليه يبه أنتِ قاسية
والله لا تطلعتي مثل امك ولا مثلي ...ومفروض تكوني فرحانه فيه مثل فرحتي يوم بشروني انه ولد وبغصه بس ماكتملت فرحتي خسرته بعدها بيومين ...
غلا هزيت رأسي مقدر انكر شيء انا مرة قلتها وانا معصبة
وبعد كنت مقهورة ..وقتها بس الحين لا لا والله. .ماهو كذا
ولا تمنيت يوم من قلبي ان هالروح تروح ...قلت بأسف : يبه
والله مو
راجح بوجع قفل على فمها ..: ليتك ماجيتي هالوقت ...
قلبي شايل عليك كثير ....
سآمي يكذب لو ماحزن عليها ..حسهم كلهم عليها ..
بس قسى قلبه وطنش ..لازم لها تربيه ..وتعرف قدرها بعد...
غلا قفلت عيونها وهي مصدومه أكثر وأكثر قالت بهمس بعد ما ابوها ابعد يده عن فمها ..: ليت يبه مت قبل ماسمع منك كذآ
بدريه بقهر: شوفوا كيف الحين يقال مقهورة آه قهري على حالي خسرته وبسبتك ....
غلا بعصبيه ناظرتها : والله لو وضعك عير وضعك الحين
كان عرفت كيف افقع وجهككك
راجح بعصييه : غلاا جايه بيتها خيلك محترمه
غلا فتحت عينها بصدمه ..وبهمس :بعد بيتها ....بس لا مو هي الي تخلي هالاشكال تكسرها قالت ببرود ظاهري :وبيتي بعد ومن الحين جالسة فيه وغصب عن الكل ...
بدريه بصدمه : نعم وصرخت بقوه راجح من الحين اقولك
ي انا هي ...
راجح طلع وهو مقهور على ولده ...ومطنشهم فخار يكسر بعضه .. ...
ام سامي جلست قريب من بنتها وهي تهدي فيها: خلاص يمه
ماعليتس فيها هذي سفيهه
غلا ناظرت سآمي اللي ..من وقت مادخل هذي وقفته مافتح فمه بكلمه حتى كلام لاخته ماحكى قالت بسخريه : الأخ تحول صنم
سامي رفع حاجب و طنشها وناظر بدريه ..وقال بجمود.: معوضه ان شاءالله
بدريه بألم وجع ..وهي تمسك على بطنها وصاحت زيادة : فقدته ...غضب عني مدري مدري كيف مانتبهت ..وطحت والله اني محافظه عليه آه كان ولد ي سامي ..
سامي بحزن عليه قرب منها وسلم فوق راسها : قدره كذا وخلاص هدي ...وربي قادر يجبر قلبك ويعوضك ..
غلا ناظرتهم بسخريه : حبابيي بعد هالتجمع العائلي ...
والمواساه لبعض ...تكفون مابي اشوف رقعة واحد في بيت امي ..قالتها وهي ودها تقهر بدريه أكثر. ..هم الي غلطوا عليها في البدايه. ..والحين يستاهلوا طولة لسانها ...
سآمي عض شفته بقهر :بعد اشوف مستقويه بزيادة
غلا بعدت العبايه ببرود وجلست على الكنبه وحطت رجل على رجل وقالت : اكيد بتسقوي في بيتي جالسة وأكيد بكون حر واسوي إلي أبي...ويالله بدون تضيع وقت فارقوا ..وناظرت بدريه ...ويالله مدام لابسة عباتك... روحي ارتاحي عند امك كم يوم او العمر كله ياليت بعد. ...آه بس شكل ذي الامنيه ماراح تحققق ..بس ماعليه ...الله يعين نتحمل ولنا الأجر ...
سآمي هز رأسه بحسره والله ذي مايفيد فيها شيء
. ...
بدريه بعصبيه : ادري فيك شمتانه وفرحان بس والله اني عظمه في بلعومك وكلمه مني لابوك شاتك برا الحارة كلها ويالله فارقي أنتِ خليني ارتاح في بيتي...ومن الحين بقولك لا تفرحي كثير بإذن الله أحمل على طول ويجي للي يحمل إسم أبوك
ام سامي ناظرت سامي : خذ مرتك وفارق خليني اجلس مع أختك ..اليوم ...
غلا بقهر: بعد مقررين واثقين بعد اني بروح معه
سامي بتحدي :آكيد ...وقرب منها وهمس : الإنفاق لسة باقي ..
مانتهينا منه ..
غلا ناظرت عيونه. ..قالت بغيض : روح توكل وبعد اربعه شهور تعال ..ويكون خلاصين من الإتفاق ...
ومثل مادخلنا بالمعروف نطلع بالمعروف ....
سامي هزر رأسه بلا ..ورفع كتوفه : معليش مقدر
اتفاقنا ..من أول ماهو كذا وماعندي استعداد اضحي بولدي
لو خليتك هنا لحالك صدقيني بتسوي مصيبه من مصايبك فيه
يكفي دعاويك جابت الضعيف ولد اختي
غلا ناظرت بدربه اللي رجعت تصيح ...من كلمة سامي الأخيره .وقفت وهي متنرفزه. . انا استاهل مضيغه وقتي معكم ..
سامي بسرعة مسك يدها وببرود: قدامي ي حلوه ...
غلا بقهر : فكني اقول وروحه ماراح اروح معك وانتهينا من الحين خلاص ...
سآمي ابتسم على جنب : لا يروح ابوك رجلي على رجلك وغصب عن هالخشم
وهو يمد يده ويمسكه ...ونزل نفسه شوي وقال ...بهمس ابوك ماهو بطايقك أفضل لك تجي معي صدقيني بيغثونك أكثرويكفي فشله قدامهم من أبوك ..والله وقلبي شايل عليك بس شفقت عليك قالها بشماته ...
غلا بعناد: مالك دخل. ...خليه يقول الي يقوله حلال عليه
سامي رفع كتوفه : اوك كنت شافق عليك بس يالله من يومك .. ماهو وجههه نعمه ...واعطاهم ظهره وطلع ....وهو يسمع
صراخ بدريه عشان يأخذها ...
غلا
فرحت أخيراً فك عني ..ناظرت ريا وسكينه وقلت : رجا بدون نوح و صياح واعطيتهم ظهري وانا اسمع صراخ ....
بدريه وامها مع بعض معترضين ليه جالسه .....دخلت الغرفة. ..انصدمت ...من الأثاث الي قدامي .. بعد فرشتها كنب
.....ي سلام إلبنت مأخذة راحتها بقوة في بيتنا ...
يالله خليها تجلس تكرف ...فيه ...وانا اجي والقى .. مكان
يفتح .. النفس ....رميت حالي على الكنبه ..وانا مبسوطه أخيراً
ارتحت من سامي ..باقي أخته ان شاءالله اطيرها قريب ..
حسيت بحركه في بطني. .حطيت يدي عليه وانا أدعي يعدي هالشهور على خير ..وارجع مثل قبل لا سامي ولا أحد في حياتي ...خلاص تعبت ...من كل شيء. .....
في بيت ابوعصام ..
،،
،،
دخلت على امها تبي تطيب خاطرها ...
قالت بهمس اول مادخلت :يمه ليت ماتزعلي مني والله لمصلحتها ..
ام عصام بحده :ريتآج مدام صافة معك ابوك لاتقربي مني
ريتاج عضت شفته وبغصه:غصب عني يمه صافه معه
ام عصام قاطعتها: خلاص ريتآج والله مالي نفس الحين اتكلم في شيء
ريتآج قلت بهمس: على راحتك يمه. ..وانسحبت بهدوء...حسيتها ماهو طايقة حالها حتى ..
رفعت جوالي اللي رن في يدي...شفت رقم وليد ...
عقدت حواجبي خير ..وش يبي ذا بعد ..ضغطت الأخضر
وقلت ببرود: ايوه
وليد : اطلعي انا برا.
ريتاج بضيق : ليه جاي قايله لك بنام عندهم
وليد بحده : اطلعي ساكته
عضيت شفتي بقهر ..وش يبي ..ذا جاي حضرته ..
ماهو قايلة اليوم بنام عندهم ...سكرت بدون ماااتكلم ..وطلعت
لغرفتي ...وأخذت العباية ..ومريت على اسيل عشان اقولها
دخلت الغرفة ابتسمت لها وانا اشوفها تنشف شعرها
قربت منها وضميتها وبهمس: آسفه اسيل
أسيل بهمس:عارفة من غير ماتحكي تبي مصلحتي وصكت على سنونها ليته ماهو أخو لطيفه كان أهون
ريتآج : ماعليه ي قلبي أهم شيء الولد...والحين بروح
اسيل بقهر : ليه من شوي قايله بتنامي هنا
ريتاج عضت شفتها بعجز : ماعليه ولد عمك مدري وش ضرب فيه مخه اليوم وجاي لي ..
اسيل : افف منه هذا ليه مايخليك تنامي عندنا ...
مثل أول ..كله حب يعني ..
ريتآج رفعت كتوفها :مدري عنه وسلمت عليها وطلعت وانا متضايقة ...بس وقفت من كمية الكذب الي اسمعه .. عضيت شفتي ...لسى مستمر يعني ...ويبدع بعد
: والله ي عمي خيرة يمكن لهم ..ومعك حق مهما كان
بناتك وأنت حر وتشوف مين اللي ينسابهم
وابوي صدقني ماراح يزعل ...
ابو عصام بضيق: والله ي بوك يعز علي ارد ناصر بس أخوك
هو بنفسه رفضها وماحبيت ارخص بنتي مرتن ثانيه
إلا مثله ماينرد ....
ريتآج مشيت يمهم وقلت بقهر : لا والله اسيل ماتستاهل كذآ
وخلاص يكفي انا ..
وليد بقهر ..من كلامها : أنت وش ناقصك
ريتآج ناظرته بسخريه : ماقلت منقص علي شيء
بس قصدي يكفي وحدة انرمت على وأحد متزوج هذا الي قصدته
وليد رفع حاجب وقال: الرجال محلل له أربع
ومافيها شيء الوحدة توافق على رجال متزوج اهم شيء يخاف الله فيها ولا ينقص عليها شيء
ريتآج بدقه له: في ذي صادق والله اهم شيء يخاف الله فيها ..
وطبعاً ماقصد من كلامي شيء وهي تناظر ابوها الي ساكت رفعت اصبعها وهي ميله فمها بأبتسامه أنت مافي مثلك اثنين
ابو عصام بجمود : الله يسعدكم مع بعض
وليد بهمس : اللهم آمين وناظر ريتاج بزعل يالله
ريتاج سلمت فوق راس ابوها اللي همس لها ليت تقولي وش في خاطرك ..ودها تقول.. له قلت قبل يبه ..بس كان ردك مايعجب
عشان كذا اسكت أحسن. ...
لحقت وليد اللي مشى قدامها وركب السيارة. .ركبت بهدوء
جنبه ...
وليد أول ماقفلت الباب قال بعصبيه: ضروري شغل الدق ذا
والحركات اللي مالها داعي كم مرة قلت لك حاجة بينا لا تطلع
ريتاج بعصبيه : وانت بعد مامليت من الكذب ي رجآل خاف ربك تمشي وتكذب بدم بارد كذآ استح
وليد بعضبة صرخ : ريتآج
ريتاج حطت يدها على الباب ناويه تنزل وبقهر : أنزل احسن مالي مزاج لصراخك
وليد بسرعة مد يده ومسك الباب ورجع قفل بقوة وهو معصب
رجع حاله على المقعدة وهو يزفر بعصبيه حرك بسرعة جنونيه
وهو معصب ...حده ..
،،
،،
في بيت ابو وليد .
عند شوق اللي في المطبخ...تحضر قهوة وحلى دق عليها عصام وقال جاي. .الله يستر ..لا يفتح سالفة الخطبه حق ناصر. .
...
شفت حسام اللي جاي يركض قال وهو فرحان : عصام جاا
واعطاني 500 يقول لنحاج مدري اي ناجح زوجك خبل
شوق بقهر منه : انقلع أحمد ربك وهو عبرك يمكن قصده يوم ينتهي الترم يكون هو هناك ومايمدي يفرحك
حسام : والله انه مفهي يمكن اسقط ..
شوق بحده: بعد عارف حالك
حسام : اي والله عارف حالي مدام مدرس الرياضيات لسى في مدرستنا
شوق : حسام فارق عن وجهي وخلني اطلع لرجال ينتظرني
حسام يقلد ريتآج : صدق مافي نسوان عاد يستحوون..
،،
،،
في الحوش
ريتآج الي توها ..دخلت شافت عصام واقف .. ...قربت منه .وانا
ناويه افزعه ..قلت بسرعة بوو ....مت ضحك على فزته
عصام الي تخرع :بسم الله وش جايبك
ريتآج بأبتسامه: هذا بيت رجلي .. انت اللي وش جايبك ...
عصام يقلدها: بيت مرتي والله. ..
وهو يناظر وليد الي توه يدخل ..هلا هلا بالكابتن
وليد قرب منه وسلم عليه : هلا فيك وصغر عيونه ها اشوف
رجلك مأخذه على بيتنا بزيادة
عصام بقهر يوم شاف شوق طالعه قال بصرخه : تعالي
ي الشوق افزعي معي ضد أخوك الي خرب علي وآخر زواجنا
وليد : هههه حاقد بعد
شوق خجلت ..توقعت ...وليد ماراح يرجع الحين ..ناظرت
ريتاج غريبة رجعت وهي قايله لها ... بتنام عند أهلها. .
وليد ناظر شوق وقال : البنت ساكته يعني ماتبيك يالله برا
عصام بقهر :يالغبي فاهم هالمثل غلط مدام ساكته يعني راضيه
وليد ضحك بقوه وقال: فاهمه غلط ولا صح وش جايبك
هالوقت يالله فارق قبل ماصحي الشياب قسم بالله بالعجرة ..
على هالظهر ..
ريتآج
طنشت وليد يوم جلس يسولف ..ودخلت شفت حسام يلعب
قلت بسخريه : هاا اشوف مسبوط بعد فيه
حسام قرب منها بسرعة وقال : افاا ليه ماتباركي
ريتآج : ماراح اقولك مبروك لأنك صدمتني توقعت كرامتك من فوق كل شيء ماهو يصفقك ..وترضى بسرعة ..
حسام حط يده على خده: لا تذكريني وبعدين ..وش بتنفعني بوه كرامتي يوم انحرم من سكوتر الذكي
ريتاج بقهر من تفكيرة: غبي كنت بأخذه لك انا
حسام :اقول بلا هياط كم مره قلت لك وأنتِ مسويه مطنشه
ريتاج سكتت وانا اشوف وليد الي دخل ..ناظرته بقهر
أكره هالنظرة اللي يوجهها لي يوم يشوفني احكي مع
حسام ...أعطتهم ظهري وطلعت ..وقفت يوم قال: كم مرة حذرتك من هالسواليف مع حسام
لفيت له وقلت بقرف منه ومن تفكيرة : وانا كم مره قلت لك حسام لسى صغير وأول ماشوف انه سنه مناسب بتغطى منه وماراح عاد اسولف معه وعقلك المريض ذا نظفه شوي
وليد بحده : ايه عقلي مريض وش عندك .. وبعد خليني اشوفك تتكلمي معه ...صدقيني بيكون حسابك عسير ..
ريتآج بسخرية : اقول ي البطل روح غرفتك قبل ماتطلع لطيفه
وبيكون أنت حسابك عسير ...وبسرعة شردت يوم شافته قرب منها وهو ناوي عليها قفلت الباب ..بسرعة ..وهي مو مصدقه حالها انهت قدرت تفلت منه ..يالله ..كان بتروح فيها اليوم ..بس بعدها ضحكت بقوه ..
عصبته يستاهل ..محد قال له يجي لها ..بيت أهلها. ..
في الديرة
يالله اليوم ..فرحانه حيل ..والله بغيت ارقص. .
يوم دخل علي وقالي ...جهزي حالك بنمشي بعد المغرب...
سمعت عمته تنادي علي ..طلعت ..شفتهم كلهم جالسين ..
صيته:تعالي يمه ..احط لك حناء
ريوف هزيت رأسي وانا اناظر حناء العجيز ...اللي كل يدها
كذا شكل وأحد ..خبله اسلمك يدي.. بس قلت... بخوف وانا اناظر أسامه لا ... يسوي لي سالفة : معليش ماحبه
صيته : هوو يمه ماتحبيه ...والله انه زين.. مدي يدك بس
اسوي لك قبضه ...مقد صار مثلها ومافي حد يضبطها مثلي
ريوف ي ام البلشة ..ذي ..والله مابي ...قلت بمحاولة أخيرة
: لا لا شكراً
صيته سحبت يدها غصب : هاتي الرجآل يحب الحنا وناظرت اسامه الي يتقهوى وهو يناظر جواله ولا لا يمه ...
اسامه ناظرهم وقال بجمود : ماحبه أبد
ورفع حاجب مثل الي يقول ...ولا شيء يجذبني فيك ..
ريوف طنشت نظرته ومديت يدي بعناد : يالله ابدعي في يدي
وناظرته بتحدي ...
اسامه رفع حاجب ...هز رأسه ..على حركات المبزرة
بس طنش
صيته وهي تحنيها :ودي كان تجسلووا أكثر والله وبعدين الاسبوع الي وعدت فيه ماكمل يمه. ..
أسامه : والله ي عمه ودي اجلس هنا .. على طول وأنتِ عارفة حبي للديرة بس خويي الي ماسك عني مرته تعبت على وشك ولادة يخاف عليها لحالها أهلها في مدينه ثانيه. ..
ريوف
يالله انك تطمنه على مرته ذا الي فكني من القعدة هنا وبعد الأخ يحبا لديرة وده يجلس . ناظرت الجده اللي ساكته ...بس صحت بألم يوم شدت على يدي :آه
صيته : اقول ي الدلوعه ..عشان تثبت وتطلع مضبوطه وناظرت اسامه بنت المدينه دايم ماتحمل ...
اسامه قال وهو ناوي يغيضها يدري فيها تكرهه المكان
: خلاص أجل مابي مرتي دلوعة وعشان كذا بخليها لك ي عمه
وخذي راحتك ولا أخذها غير سنعه
..
الجده بسخريه : العوبه عوبه حتى لو علمنا فيها سنه
صيته ناظرتها: لا والله يمه في ذي ماصدقتي والله لو تجلس شوي بس بينا راح تتعلم عاداتنا...
ريوف
..ناظرت اسامه بقهر ..
ليه ماهو راضي يفهم انها كارها عمري هنا ....ليه مايحس ..فيني لو شوي ولا بس يدور ويسعى لكل شيء يكدرني ...
ناظرت صيته وهي تقولي :خلاص فكي يدتس
فكيت يدي وانصدمت من الشكل. .الي طلع لي ..يمه وش ذا
وليته بعد مضبوط مثل ماقالت ...قلت بهمس: صاير ملخبط صح
صيته : هووو وشهوو اللي ملخبط اقولتس محد يضبطها غيري
سحبت يدها ..وهي .. تقرب من اسامه: شوف يمه زين ولا لا
اسامه ناظر يدها ورجع ناظر وجهاا ابتسم بشماته على حالها
قال بسخريه: يمه مافي ازين منه بس ذي وش يعرفها بالزين
وبخبث بعد لو تسوي مثل ميمه يطلع أحلى
ريوف سحبت يدها بخوف لا لا مثل جدته ماتخيل يدي ..
صيته : اشوى يمه والله بغيت انجن ..دايم اسويها وتعجب اللكل وبزعل معاد مرتك
ريوف
آه ماذبحتني إلا هالثقة ...هزيت رأسي وانا امثل انها عاجبتني
عشان ماتسوي لي مثل جدته والأخ يفرح : مين قال ماعجبتني بالعكس. .حلوة مره بس كنت امزح معك ..
صيته ابتسمت :بسامحتس بس هالمره عشان وليدي وعدني انه بيسمي ...على ابوي ..
ريوف ناظرت اسامه ...آه بس هذولا جالسين يرمون كلام..
مايدرون قد ايش يوجعني ...اي سم .. الي وعدها فيه أحسن شيء اسكت ..
صيته بقهركملت : كل ماطلبنا حد يسمي عليه رفض ....
ابوتس جابهم إثنين. .وخالتس وقفت له وحلفت يمين مايسمى
وبعد رجلي ودي كنت اسمي على ابوي بس هو بعد رفض ..وسمى على ابوه وإخوانه ... .
ريوف قلت وانا ودي واعرف وش ذا الإسم الي رافضين يسموونه قلت بفضول : وش اسمه وناظرت اسامه اللي
ناظرني بقرف ..حسيت من نظرته ...مثل الي يقول لي
مالك حق تسألي ..لأنك مستحيل يوم تكوني أم لعيالي..
الجدة بحده : لو جبتي الضنا هذاك الوقت تعرفي إسمه بس مدام لسى ماشلتي ماهو ضروري تعرفي ...
ريوف
رفعت حاجب ...الله والاسم اللي صعب حد يعرفه ..
ي مسهلها أخذ بطاقة اسامه واشوف ....اسمه مسطر ...يعني وش بيصير ..صدق ..شيء يقهر .وقفت وانا متضايقة. ..
دخلت الغرفة. ..ناظرت ..جهة ثوبه الي معلق...
مشيت بفضول ...ومسكت الثوب ..ودخلت يدي ..وأخذت
المحفظة ...وي دوب افتحها ..إلا اسمع الباب يفتح وبسرعة قال : وش تسوين ...بلعت ريقي بخوف. وش ييقول الحين ...ورفعت رأسي وقلت بتوتر: كنت ابي أعرف قاطعني بصرخة
:وش بتعرفي هااا هز رأسه بقهر كل مره اشوف فيك شيء اشين من الي قبلة. ..يعني مايكفي ...وساختك ...بعد سروق ..
ريوف هزيت رأسي بلا ابيه يفهم رفعت يدي: والله والله
بشوف اسم جدك بس
اسامه ضحك بسخريه :تشوفي ايش يقال الحين ذا عذر ..
هز رأسه صدق خبيثة ..شوفي العذر ...بس ..وبصرخة يعني مايكفي سرقتي حياتي ..وكل شيء ..وسكت وهو مقهور ..
ريوف هزت راسها بعحز خلاص ..والله لو ايش معاد بيصدق
بعدت بخوف يوم قرب ..منها .. وسحب المحفظة. ..وبسرعه طلع الفلوس الي فيها ...ومدها لي بسخريه : خذي كان طلبتي من غير ماتسرقي ...
ناظرت الفلوس. ..بقهر ليه ليه دايم حظي كذا قلت بغصة:مابيها ولا نيتي اني أبيها بس سبحان الله حظي دايم ضدي
انصدمت يوم رمى الفلوس في الأرض وهو يناظرني بقرف :
خذيها وأنتِ ساكته ....وبعصبية مسكها من عند كتفها ..خلاص
اثبتي مره لي ان فيك خصله زينه ...ودفها ..وطلع
ضربت في الدولاب ..عضيت شفتي ....بألم. .ناظرت كتفي ..
الي محمر مكان مسكته ....نزلت رأسي للأرض شفت الفلوس
مرميه .. رفعتها من الأرض. وخليتها على سريرة ...عشان يعرف انه ماودي فيها ولا هذي نيتي .....آه يعني ضروي اشوف إسم جده ...الله يسامحك ي صيته ..هي الي خلت هالفصول عندي...
،،
،،
،،
،،
بعد ثلاث .. شهرين ....
ريوف حالها ...كل يوم مع اسامه يشين أكثر. .من قبل
تحس بالكرهه..والحقد عليه ... يزيد....
اسامه
كل ماقرب موعد زواج رائد يحس بقهر ..وعصبيه.. أكثر. .
والي ذابحه أكثر الموعد الي بعد ا سبوع .. يعني خلاص
اسيل طارت من يده أكيد. ..
ريتآج
مطنشه وليد على الآخر. ..وبعد لطيفه ...على الحركات
اللي بعص مرات تنرفزها بس دايم. .تحاول تكبر عقلها
وتدور لها عذر... ...
وليد
اللي هالفترة معصب ..وحالته حالة . بذات من حركات ريتآج الي مره مو شايفته أبد ..بس الي شوي مريحه
لطيفه ..الي صايرة شوي هاديه ..ولا عاد تجيب سيرة ريتآج لا بخير ولا بشر
لطيفه
تحس ببررود وتبلد في مشاعرها بعد ...من ناحية وليد ..
تحسه ماهو معاها أبد. ..وحتى لو ضحك معاها او سولف
بس يلمح ريتاج او ينذكر اسمها تحسه .يتغير ..بعدها
وعدت حالها ..معاد تظهر غيرتها او تحسسسه انه شي كبير وبتموت عشانه لو خسرته او حد شاركها فيه ...وبعد فيه
شيء مريحها ريتآج بعيده ..كل البعد عن وليد هالفتره...
شوق
آه ي شوق طايرة بالرومانسيه مع عصام ..الي بس ماسكه
الجوال اربع وعشرين ساعة ..وي ويلها تقفل ...
وعصام بعد حاله نفس حال شوق....
وجالس يعددد الايام والشهورة يبي شهر ثمنيه يجي بسرعة
وينزل ويسوي عرسه ويأخذها معه طقت نفسه ....
سآمي
آه من حاله ..العاشق ..مسوي مطنش ..بس يكذب على عمره لو يقول ماوحشته
بس يحاول يقسي قلبه عشان يتعود خلاص ...على الفراق الدايم
وكلها شهر واقل بعد ويشوف ولده....وهو الي بيكون له سعادة
غلا
الي سوت إشاعة. .بس عيت على الدكتورة ماتقول لها
ماتدري ليه ماتبي تدري .... وآه من وقت مادخلت التاسع وهي حالتها حاله تحس بثقل وتعب ذبحها ...
ومع آخر مشكله صارت بينهم يوم ظلموها انها هي الي تدعي على بدريه .. ..صار تعاملها مع الكل بشراسه ..حتى ابوها
صار يطنش ...وبعد ماهو فاضي لها ابد تموت وتعرف وين يغط لمدة يومين ويرجع ...عندها أمل انه متزوج على ذي القشرة معاه . ....وبتكون في قمة السعادة لو صدق طلع متزوج...
،،
،،
،،
في شقة اسامه
ناظرتها بتوتر وأخذته منها وهي خايفة الله يستر
قلت بتوتر: مشكورة حبيبتي ...
لطيفه بفرحة : يالله بسرعة روحي شوفي بقول مبروك ....
ريوف بخوف : لا لا تكفين لاتقوليها ....ومدت الجهاز خذيه مابي وانا عارفة حالي ماهو حامل ..ايه مو حامل ..
لطيفه عقدت حواجبها : وش تقولي أنتِ ...يوم دقيتي علي
طلبتي قبل ماجي عندك أخذ لك .جهاز ...توقعت بتسوي مفاجأة ...لاسامه وكنت بعطيك بعد أفكار حلوة ..عشان كيف توصلي له الخبر بس الحين والله انصدمت من كلامك ...
ريوف ابتسمت بتوتر عشان ماتحس بشيء : خلاص لا تزعلي بسوي تحليل واشوف ايش يطلع ...وقفت وانا متوترة حدي
لطيفه بحماس : ايوه تكفين شوفي الحين ...والله شوقتيني اترك المانع ..واجيب بيبي ..
ريوف ابتسمت مجاملة ..لها ومشيت ناحية .. الحمام الله يعز القارىء
وسويت التحليل....وبعدها بدقايق ..رفعت الجهاز وانا مقفله عيوني مابي اشوف النتيجه .......
ريوف بخوف : لا لا تكفين لاتقوليها ....ومدت الجهاز خذيه
مابي وانا عارفة حالي ماهو حامل ..ايه مو حامل ..
لطيفه عقدت حواجبها : وش تقولي أنتِ ...يوم دقيتي علي
طلبتي قبل ماجي عندك أخذ لك .جهاز ...توقعت بتسوي مفاجأة ...لاسامه وكنت بعطيك بعد أفكار حلوة ..عشان كيف توصلي له الخبر بس الحين والله انصدمت من كلامك ...
ريوف ابتسمت بتوتر عشان ماتحس بشيء : خلاص لا تزعلي بسوي تحليل واشوف ايش يطلع ...وقفت وانا متوترة حدي
لطيفه بحماس : ايوه تكفين شوفي الحين ...والله شوقتيني اترك المانع ..واجيب بيبي ..
ريوف ابتسمت مجاملة ..لها ومشيت ناحية .. الحمام الله يعز القارىء
وسويت تحليل....وبعدها بدقايق ..رفعت الجهاز وانا مقفله عيوني مابي اشوف النتيجه .......
.
.
***
**
*https://play.google.com/store/apps/details?id=com.stories4all.offline13