الفصل 34
رواية أعشق أنانيتك عندما تتمناني لك وحدك
الفصل الرابع والثلاثون
قفلت من عند أخوها وهي منهارة حدها ...وقفت وراحت للغرفه وهي ودها تقفل على حالها وتختلي بنفسها شوي ماتبي تشوفه
دخلت الغرفه وسكرت الباب بس تنهدت بقهر وهي تشوف المفتاح ماهو موجود ....تقربت من الدرج وفتحته ماحصلته ...شافت مفتاح الشقه الاحتياط .. موجود ابتسمت بسخريه ..يالله زين منه صار يخليه هنا ...أحسن من الحبس اللي كان فيه. ..كان تجلس في رعب وخوف وتوتر لو يصير شيء بالشقه وماتقدر تتطلع ..بس حاطه جهة مكان ماينام يقال بشرد ولا بطلع أهيت مثل مايفتكر خليته مكانه وقفلت الدرج ...تمددتت على السرير وهي تبكي ...وبعد تحس حالها قست على أخوها آه ي سمير ..انا قلت لك كلمه بس أحس حالي موجعه عليك ..مابالك انت جالس تجرحني بالحكي الي تقوله لي ....قفلت عيونها بتعب ....
،
،
،
في القصيم
على الساعة 10 = م
،
،
،
ناظرت ميمتها ...بضيق يالله من الصبح وهي طايحه في
نصائح ..وكيف كان حياتهن قبل وكيف كان عايشين ...وحتى الحرمه زوجها يجيب عليها ..مره عادي تزعل شوي وخلاص يطيب خاطرها عشانه ..وعشان راحته ...قلت بضيق : يمه حبيبتي ترى الكل فاهم غلط انا اللي جايه عليها ..والزعل لها ماهو لي
ام مبارك بحنق :لعن ابو دارتس وشهوله أجل زعلانه وقالت بستفاسر اشلون وامتس قالت لي مسوي لها عرس ويومها انتِ كان مرته ما فقدت ذهني ترى
ريتاج بطفش وهي تعيد للكل: يمه ي حبيبتي يوم تزوجني كان مملك عليها فاهمه يعني متزوجين بس باقي الزفه فاهمه
ام مبارك بحده :اي فاهمه قالولتس مخرفه جالسه تعيديها لي أكثر من مره
...
ريتاج هزت رأسها : لا حاشاك ...
ام مبارك : طيب ي الفطينه مفروض تأخذي حقتس منه وتقولي اعدل مثل مالها لي والشرع يقول تسذا..مابه كلام بعده
ريتاج بضيق : يمه صديقتي من الطفوله اشلون اخدعها اكثر من كذا انا عايشه معه وانا ألللوم حالي في اليوم اكثر من الف مرة
ام مبارك : نصيبتس ونصيبها ..تسذا خلاص ارضي يمه وصدقيني لو تعطي حالتس فرصه وتنسي شوي
ريتاج عقدت حواجبي وانا انتظرها تكمل
ام مبارك : ايه يمه انسي بندر شوي عشان تعيشي مرتاحه وبعد مايجوز يمه انتِ على ذمة رجآلن ثاني
ريتاج ناظرتها ياربي حاسه بكل شيء بعد وتدري ايش في نفسي قلت بصدق : والله يمه اني احاول انساه وألللوم حالي كل مرة يوم أذكره وانا على ذمة أخوه واجلس استغفر عشان تبعد عني الضيقه ..بس والله يمه غصب عني اشلون اصير زوجه لاخوه ماهي داخله مخي
ام مبارك بحده: ماجيتي بيته يمه ولا عاشرتيه عشان تقولي هرجتس ذا كلها كان ملكه وربي ماكتب لكن مع بعض تكملوا
ريتاج بغصه : عارفه يمه
ام مبارك مدت يدها ومسكت يد ريتاج وقالت بحنان : يمه تسمعي مني لا تسكتي عن حقتس أبد ولا صدقيني محد بيفكر فيتس وتجلسي تسذا وحيده ....والرجال يعجبه اللي ماتطالب في حقها وهزت رأسها ليتس مثل امس والله انها ذيبه جابت راس ابوك وشوفي بنفستس كيف عايشه.. ومرتاحه معه ..وخليتس مثلها وبعد يمه عشان تعيشي وتتتحملي الضرة لازوم تكبري عقلتس وتخلي كل شيء سهلات عشان الرجآل يحب قعدته معتس ولو شفتي هي تشد معه انتِ ارخي وبعقلس بتسحبيه صوبتس ي الخبله وشكلي اهذر تسذا
ريتاج
ناظرتها بعجر ليت حد يفهمني انا ابي انفصل من.... وليد مابي لا اطالب بحقوق ولا شيء. ..صعب اللي يطلبونه مني ...وليد
مستحيل انا وهو نعيش مع بعض مثل اي زوجين. ..واذا هو نسي انا مستحيل انسى وش جرحني فيه ..وكيف ذلني ...والله لو احترمني شوي يوم تزوجني كان يمكن اعطيت حالي فرصه ....بس..هزيت رأسي على كمية النصائح قلت بسرعه يوم
حسيتها بدت تقلب :لا والله هذرتك ماراحت كذاو دخلت عقلي ..بعد وابشري راح اسوي نصايحك كلها ولا يكون خاطرك إلا طيب وبعدين يمه انا قلت كذآ وقتها كنت زعلانه شوي منه لانه رفض يخليني أجي عندك ... وبكذب والحين انا وهو سمن على عسل من شوي قفلت من عنده وهو راضي
ام مبارك : ي الخبله ليه ماجلستي مدام يبيتس يمه
ريتآج : ميمه ...فقدتك حيل عشان كذا زعلت يوم منعني
ام مبارك بحده: وش فقدتس ذي ي الخبله رجلك أهم مني والله لا اهفتس بذي عشان عقلتس ذا يشتغل خابرتس عاقله والله
ريتاج
يالله ...شلون تفهم الحين... فكرت في حيله . يارب تفك عني شوي بعدها ..دخلت الواتس ورحت للتوبيك وفتحت صورته وهو مصور في الطيارة .. رفعته في وجهه ميمه :وش رايك يمه في رجلي ماهو زين ويوم دقيت عليه واعتذرت منه وطيبت خاطرة شوفي أرسل لي هالصورة
ام مبارك قربت الجوال منها قالت وهي تصغر عيونها عشان تشوفه زين : والله وطلع زين راعي الثنتين ورجعت ناظرت ريتاج ازين منتس يمه
ريتاج فتحت عيني بصدمه: آه جالسه تتغزلي في رجلي طيب الحكي ذا كله عند جدي
ام مبارك بهمس: والله انه مزيون ذا اطير به واضارب عشانه بعد
ماهو اخليه لها وحدها ..مثل مالها فيه لي بعد بس وش اقول خبله
ريتاج :لا لا ميممه بالمره منتهيه .. هاتي الجوال قبل مارفع صوتي واصحي جدي وبعد خلاص يكفي اغار عليه ترى
ام مبارك ضحكت وقالت بمزح: وينه يمه ذا في سابع نومه خليه آه يمه تحسفت على شبابي مع جدك بعد ماشفت زين رجلك ليتني صبرت شوي وكاد نصيبي في واحد ...مثله
ريتاج لا لا لا أكيد ميمه فقدت عقلها ضحكت بصوت عالي: ههههههههه لا اكيد طير عقلك هالكابتن وبتهديد طيب ميمه الوعد عند جدي لما يقوم
ام مبارك : إلا بالله صحي وسمع بعد من هالضحك
اطلعي خليني انام شوي قبل مايقوم عزالله النومه مابه عاد من حنته فوق رأسي ..الناس تتطق الثمانين ويهجدن وهذا قامت شياطينه ازود ....
ريتاج
طلعت وجلست عند... النخل الي في الحوش...رجعت فتحت صورة العرض ابتسمت خبلت ميمه بوسامتك ...حسيت بمشاعر صوبه غصب عني ...يوم ناظرت عيونه ... بهمس ليت القدر ما جمعنا لان راح نتعذب بقرب بعض وفي ..بعد بعض.. اول مرة اعترف في هالشي بس لازم ..هالمشاعر تموت .. . نزلت الجوال وقفلته ...وانا منزعجه من حالي اشلون افكر كذا وين وفاي لصديقتي .بس والله طول مو جالسه هنا مو مرتاحه ..وربي غاضب علي ..
دقيت عليه وانا اتمنى يرد علي ابي بس كلمة راضي عنك ..والله بعدها ماذل عمري عنده ...وقفت بخوف يوم حسيت بشيء وراي قلت بصرخه: يمه
ثامر وهو يضحك بصوت عالي : ههههههههههه جبانه
وناظر الجوال اللي في يدهاا اخخ تنتظري مكالمه من حبيب
القلب
ريتاج بقهر منه: حرام عليك خرعتني والله وش ذا
ثامر تقرب منها وجلسها وجلس جنبها وقال بجديه: اشلونه وليد وان شاء الله مرتاحه معاه
ريتاج تنهدت بضيق من سؤاله : الحمدلله مرتاحه
ثامر : لوزعلك يوم ي ريتاج لا ترددي دقي علي مسافة السكة تشوفيني قدامك وحكاية زواجك اللي جاا فجأة منه وكان كله غصب هذي عصبتني بالمره ومادريت إلا يوم املكتي عليه كنت في دورتي وقتها بس ماعليتس اللحين انا هنا والحجة في ابوك الحين مين يغصب بنته بس مدام مرتاحه معه ربي يهنيك...
بس ماحبيت جيتس مع ابوك كان ودي يجيبك هوو ونسوي لكم استقبال وعشا ....
ريتاج ناظرته وانا فرحانه بحكيه يعني بالقى من يقف معي يوم اطلب الطلاق بس قلت وانا مابي أشغله حالياً علي:ربي يخليك لي ي اعز الناس صدق الخال والد ..وابتسمت له واحسن وهو.. ماجابني كان طيرت مخي ولا مخه بالاستقبال اللي تسويه
ثامر ضحك بقوه: ههههههههههه لا تخافي محد مثلي يمسك السلاح
ريتاج : والله اني فرحت يوم وصلنا وماشفت الجنون اللي تسويه دايم وبعتب..بس عرفت الحركات الي كان تسويها يوم يجي عصام معنا امم الحين ماشفناك إلا ثاني يوم
ثامر :اخخ ي عصام والله انه وحشني حيل
ولا يكون في خاطرس الحين اطلع الرشاش واطلق لتس كم رصاصه في السماء
ريتاج بسرعه مسكت يده: لا تكفى
ثامر :هههههههههه جبانه .
،
،
،
،
،
،
،
على الساعة 2 صباحاً
دخل البيت وهو قرفان من حاله. ..شاف الصاله فاضيه
اتجهه للغرفه ...شافها نايمه ...ناظرها بعجز وش يسوي
وامه اللي طالبته بعد كسر ظهره...حس بضيق ..كيف يقدر يسوي لها عرس ...ويشهر زواجه .. وهي وحدة ما تستاهل
حس بضيق قال لها لا تنام في الغرفه مدام انه ..حالياً ساكن هنا قال بحده : بنت
ريوف ماهي يمه ابد نايمه
رجع صرخ بأعلى: ريوف ..يحس بضيق يوم يقول اسمها ..
ريوف فتحت عينها بخوف ناظرت حولها ...يالله اشلون نايمه هنا ...ماحست في حالها والله من التعب ...وقفت بخوف وقالت
: آسفه ماحسيت بنفسي
اسامه بحده: وش اتفقتي فيه مع خالتك
ريوف رفعت شعرها اللي نازل على وجهاا وقالت بصوت تعبان: ماكلمتها أبد وقالت بطفش من اللي هي فيه وبعد انا زواج مابي لو ايش ماوفقت عليه قول لامك لا تتعب حالها زفه ماراح انزف ..
اسامه قاطعها يوم قرب منها وقال بهمس: الحين حد قد قالك ان القرار لك عشان تقولي كذآ والزواج مدام أمي قالت يصير يعني يصير غصب عنك
ريوف بخوف من قربه: بس صدقني زوجة ابوي ماراح تعدي هالليلة إلا منكده علي ونزلت راسها خوف من عيونه ونظراته الناريه الموجهه لها وبغصه اخاف تفضحني زود
اسامه مد يده ورفع وجهااا وبتحقير لها : يعني خايفه منها وهذا دليل عليك يتسمى مدام خايفه
ريوف هزت رأسها : لا ماهو دليل ..بس من حقي اخاف الي شفته ماهو قليل
واللي جاي منها معاد فيني قوة..عشان اتحمله
اسامه ضحك بقوه: ههههههههههه ي حرام صراحه وضعك ينشفق عليه مع هالخاله القاسيه وبجديه اقول انقلعي عن وجهي
وسوي هالدرما بعيد عني والزواج غصب عنك ماهو برضاك ولا تفكري نفسك شيء بس عشان الناس ترى مسوين زواج. .
ريوف
ابتعدت عنه ..وانا ارددد عساك ماتصدق ..وبعد تلوم حالها ...كيف نامت في غرفته وهو طادرها منها افف ... بس والله افتكرت مايرجع البيت يوم طلع معصب ... .......
بيت ابو سامي
غلا
ناظرت الي واقفه وقلت بصدمه: متأكده مسويه عزيمه
ام سامي بغيض منها:ايه وبعد معبره ابوك وعازمته على انه مايستاهل وهو مخلف وحدة مثلتس ي العوبه قومي قامت قيامتس ساعديني
غلا ناظرت سامي و أشرت له يعني هي اللي تبدأ هز رأسه لي وهو يتحلف فيني بعيونه ماعليه ...بسمع كلامك حبيبي ...عشان الدراهم اللي بجمعها وراك ....قلت وانا احاول استوعب : يعني أكل أكل وبعد عازمه ابوي وش هالرضى طيب اليوم ..ليت العيد جاا من قبل مدام يطلع كرمك
ام سامي بقهر : كريمتن غصبن عنتس ي وجهه العنزز
سامي ضحك بقوه :آه يمه ههههههه جبتيها والله انها عنز ...
غلا بقهر ناظرته : مسبوط اضحك حبيبي اليوم لك
ام سامي ناظرته : اقول بدل مو فاتح خشتك تسذا وتضحك أمر هالعوبه تقوم تساعدني
سامي : على هالخشم روحي الحين وهي تلحقك وغصب عن خشتها ذي الي تقول عنز ورجع ضحك بقوه ههههههه
غلا قلت بتطنيش لاستهبال سامي : طيب ليه مدام مسويه عزيمه لبنتك كان خليتها تجي تساعدك هي انا وش ذنبي تعزمي وانكرف ...
ام سامي : ابوك الي بيأكل وقومي بلا مراددد
سامي بجديه : غلا
غلا بهمس: وجععععه ان شاءالله
وناظرته بعد ماطلعت
لا لا لا أكيد مقلب من امك
سامي بحده: بنت
هزت راسها : طيب دقائق بس خلني استوعب أمك عازمه ابوي واختك اليوم غريبه ماهو مصدقه
سامي بسخريه : لا صدقي ولا كل ذا فرحه لان حد عبر ابوك
غلا بسخريه: لا والله وأنت الصادق ماهو مصدقه خدوج تسوي عزيمه يمه تموت على اللقمه حد يأكلها معاها تقوم تسوي عزيمه ...
سامي بحده: يعني وش فيها لو سوت وقالت لبنتها ورجالها يجوو يتغدوا عندها فيها شيء ذي .. وبصرخه يالله روحي ساعديها قبل ما افصل عليك
غلا
وقفت وانا مطنشه صرخته علي ..معقول الي امه قالته من توو وقفت عند الباب وناظرته : حاسه أنه حلم بس طلعت بسرعه يوم رفع الريموت وبيرميني فيه ههههههه والله اني صادقه هذي بخيله ومايطلع معاها شيء ومن حقي ماصدق ...
دخلت وشفت ابوه قدامي في الصاله مسنتر ..ي شين ماشفت....ميلت فمي بقرف ..
ابو سامي : هلا هلا بمرة ولدي الي ماتنشاف وشهوله متغليه ومندسه بس في غرفتك.. تعالي سولفي معي وانا ابوك
غلا ناظرته بقهر : معليش مافي شيء سنع في هالبيت يخليني اطلع عشانه وابوي راجح
ابو سامي : ابوك ي الرد الي عندك اماا انت وش قصتك معي
وهذا وانا الي خطبتك و زوجتك لولدي وفكيتك من ابوك قالها
وهو يضحك
غلا بقهر: حسبي الله عليك مدام أنت الي دبستني وبعدين مين شكى لك الحال يوم كنت عند ابوي عشان تقوم تخطب لي ولدك
ابو سامي برواق ضحك بقوه: ههههههههههه صادقه والله اني دبستك بس وش نسوي مابه حد قبل فيه
غلا بسخريه : ايه صايع الحارة مين بيقبل فيه وقاطعها صوته اللي جااا من وراء
سامي قال بحده : انتِ قبلتي فيه
غلا لفت وناظرته وهي عاضه شفتها اخخخخ :ماهو انا اللي تكلمت فيك ابوك وبسرعه راحت المطبخ افف من متى ذا واقف ..وسمعني اخخخ وش قلت وهبتت... الحين بيرجع يطنقر علي ..وماراح استفيد. .قالت بدون مبالاة عادي حبيبي ازعل الراتب لسى بعيد ورفعت اصبعها تحسب ..يمدي الف عقلك بكلمتين ....
وماحست الا بصرخه خدوج قالت بفجعه: يمه خرعتيني
ام سامي : وشهو تحسبي ي مال الجدري
غلا بهمس : لك ان شاءالله ي عجوز قريح
ورفعت صوتها وهي ودها سامي يسمع عشان ترقع شوي..اللي صار من توو حسبي الله على ابوه هو الي جرني في الحكي : هلا خالتي أمري أمر وش ودك فيه اساعدك ي ام رجلي الغالي. .اخخخ حست انها مكشوفه في كذبتها ذي مره وحده غالي...
ام سامي حاست فمها : مالت على حظ ولدي الاقشر
تعالي ركبي بالحمه
غلا بصدمه: وبعد لحمه لا لا عزيمه واحاول ابلعها بس لحمه بعد يالله وش ذا الكرم الحاتمي الي نزل عليك اليوم
ام سامي بقهر منها: والله ليت فيني اقلعتس من هالبيت كان ماقصرت
غلا :لانك أكبر مني وام سامي حبيبي راح اطنش وأكبر عقلي ورفعت صوتها
وهي تتمنى بعد يسمع وقالت بهمس الله يسامحني على الكذب اللي طايحه فيه اليوم ....بدت تحضر عشان تطبخ وفعلاً التهت بس والله ...السواليف مع خدوج القشرا وناسه ...مت ضحك وانا اسمعها تدعي على جارتها اخخ رفضت تعطيها فلوسها قلت بسخريه ماقفلت الجوال : طيب انتِ ليه متغليه كذآ ..وش هالظلم
ام سامي بحده: هوو ظلم ي الظالمه .. والله انه مايجي في تعبي
غلا : أي تعب شايفه عندك بضاعه من سنة جالسه تردديها عليهن حتى طقووا وقالوا نأخذها منها ونخلص انفسنا من عرضها علينا كل وقت
ام سامي :والله ماتسكتي لا ارميتس بذي في يدي بس ماحقتس تقولي تسذا بعد ماسمعتي سامي يتمسخر على بضاعتي جتك فرصه
غلا ناظرت المغرفه قلت بهمس: شريرة تسويها
طنشت وكملت شغلي ناظرت شكلها ماهو طايقه وجودي بعد تريقتي على بضاعتها طلعت وقفت عند باب المطبخ وناظرت سامي اللي منشغل بجواله وبعد ابوه ماهو فيه حلوو قلت : بسبس ي هوو اعطنا وجههه
سامي رفع عينه لها بزعل ورجع طنش
غلا ابتسمت ..تحب شكله وهو زعلانه افضل من انه يستهبل هنا يطلع لها قرون قالت بضحكه: وش فيك منفس
ام سامي : ارجعي شوفي طبختس احسن لتس
غلا ناظرتها ورجعت ناظرت سامي ورفعت كتوفها مثل اللي تقول له ودها تسولف معه بس مافي في اليد حيله .وسبلت له
بعيونها ..بس وين ذا مطنش على الأخير ..رجعت تشوف الأكل وقالت : تصدقي ودي اعرف ليه بنتك لما الحين ماشرفت
ام سامي : انا قايله لها لا تجي قبل مايجهز الأكل
غلا : ليه طيب كان جت ساعدت شوي ماهو بس تبلع
ام سامي:والله مافيني مقابلة وجهه ابوك يالله يتغدا ويفارق
تبيه عاده يبلع كم استكانة شاي ولا قهوة. ..
غلا
شوفوا ي ناس تدور حرش آه ي هالعجيز ي حبها لشر قلت بقهر: ابوي شرف لكم لو دخل هالبيت ..ويستاهل أكثر بعد من هاللي مسويته له ولو على كاس الشاي مايضر في ميزانيتك
ام سامي بسخريه :ياويلي على الشرف الي بيجنا من صوبه كملي بس ساكته مابي اتنكد من سيرته ولا مردغتس هنا
غلا
والله بديت اعصب من جد ..ليه تكره ابوي.. وحتى سامي بعد احسه مايحبه ...التهيت في تقطيع السلطه ...
فرحت يوم سمعت صوت ابوي بسرعه طلعت له
سلمت عليه بشوق : والله فقدتك حسيت راحه وانا ضامته أحبه حيل رفعت راسي وناظرته وبهمس يبه والله أحبك
ابو غلا ضمها بحنان: وانا بعد ي روح ابوك
غلا حسيت بفرحه برده علي ناظرت بدريه ورجعت
.
ناظرت ...سامي الي مطنش ولسى جالس على جواله حسيت بقهر ليه مايقوم ويسلم على ابوي ...تقربت منه بعد مابوي جلس
مع ابو سامي ... وبدريه دخلت المطبخ قلت بهمس : مثل ماتبيني احترم أهلك احترم ابوي
سامي بهمس : انقلعي عن وجهي لا اقوم اذبحك الحين
غلا بهمس :هذا ردك علي اوك ...وقفت بقهر وراحت تحضر الغداء
،
،
على الغداء
ابو سامي: حي الله راجح ..وبدقه الي مختفي وقلت لام سامي تسوي هالعزيمه عشان نشوفك
غلا
ايه الحين ...عرفت ليه مسويه العزيمه ابو سامي غاصبها ..وهي عنده دجاجه تخاف منه ..آه ي خدوج طلعتي مغصوبه ههههه
ناظرت بدريه وحركاتها ..وع ..ثم وع
ي ناس ودي استفرغ ..على ذا الدلع ..وبعد ابوي مبسوط ..مفروض تستحي قدام أهلها ماتسوي كذا ..صدق مشفوحه ..
بدريه : حبيبي كل طبخ امي مايتعوض ورفعت يدها تأكله
ابو غلا:آكيد طبخ خالتي مايتعوض
ام سامي شرقت بالأكل : خالة مين حسبي الله عليك أكبر مني ي الظالم وبعدين بنتك اللي طباخه ماهو انا
بدريه بفشله: يمه حرام عليك تتحسبي على رجلي
ابو غلا بضحكه : ماعليه بدريه خالتي وتمون
ام سامي :وانا بنت ابوي بعد ..تعديها
بدريه : يمه خلاص ورفعت قطعه لحمه وقالت بدلع ذوقها حبيبي من يدي بالعافيه على قلبك
غلا ميلت لسامي وانا منقهره : اقول وش رايك اليوم اذبح اختك واكيد أنت ماراح تعارض هالمره صح
سامي بهمس: اجيب لك السكين بنفسي الذبح فيها حلال
غلا تنهدت براحه انه كلمها وماطنشها ... حلوو ..رفعت لقمه وأكلتها ابوها وقالت :مو من يدي احسن ي الغالي
بدريه بقهر جلست.. تتافف
سامي بهمس : ي غبيه بدل ماتغيري وتأكلني تقومي تأكلي ابوك اخخخ بس والله الذبح تستاهلين انتِ
ابو غلا:ي جماعه انا أكل من نفسي الله يهديكم
بدريه بقهر ودها تذبح ذي الغلا مناشبتها في كل شيء .
غلا لعبت بجواجها يوم ابوها رفض حتى يأكل من يد بدريه اخخ
خربت عليهاا قلت بتشفي:كل بالعافية ناظرت خدوج وشكلها كبدها لايعه من دلع بنتها والله من.. حقها اففف
سامي وقف وقال بجمود:غلا تعالي
غلا رفعت رأسي له وقلت وانا مستغربه ي سلام شكله بيراضيني عشان من شوي قلعني قلت بثقل : لسى ماشبعت
سامي بحده: يكفي الي أكلتيه
ابو غلا :خلاها تأكل وش فيك عليها
سامي طنشه ونزل نفسه ومسك يدها وسحبها
غلا بقهر:هيي خلاص فكني ومن الحين اقولك لاتحاول ترضيني ماراح ارضى بسهوله
سامي دخلها الغرفه وبعصبيه تقرب منها وقفل فمها بيده عشان تسكت وقال وهو صاك على سنونه:آخر مره اسمح لك تقللي
من قدري قدام ابوي فاهمه
بذات ابوي ي غلا مابي تتمسخري علي قدامه وبعصبيه واحمدي ربك وانا تنازلت وتزوجتك ...إلا كان مين منتظرة يجي يدق بابكم حياتي اللي بيناسب يناسب ناس راقيه ويفكر قبلها اكثر من مره .هذي حياة ماهي يوم او يومين ..وهز راسه ومع الأسف مع سمعة ابوك صدقيني كان لسى جالسه تكرفي وتسوي طلبات للجيران .. لا تأخذي مقلب في حالك.....
غلا حسيت بكتمه ...حاولت افك يده وابتعدت عنه شوي وانا حس بخوف من نظراته الناريه لي .. بس رجع سحبني من عند رقبتي :فاهمه ولا هالمره ماراح أفكر مريتن باللي بسويه ولف وجها بقوه
غلا حسيت بألم يوم لف رقبتي استغربت ليه عصب علي كذا ماهو دايم اقول عنه كذا يطنش ايش معنى هالمره وبعدين من شوي سولف معي على الغداء عادي افتركت انه نسي ....وانا الي مأخذه في نفسي مقلب على انه بيراضيني
قلت بقهر من كلامه الي من توو بس لا لازم ..اصبر شوي عشان ماطلع خسرانه ومصيري ادفعه ثمنه هالحكي كله انا اكرف للنسوان الحاره يقال يعاير طيب سامي قلت بغيض :خلاص آسفه
سامي بحده : ابي ارجع انام شوي وخليني اشوفك تعدي هالباب
وبتهديد اقسم بالله لو عاد تنكدي على بدريه اذبحك
غلا
جلست بقهر ..افف يعني اشلون ...ماقدر انكد على بدريه ... والله اموت من قهري وقتها
افففف أكيد الحين تنبسط ...قلت بقهر :طيب ليه كل ذا
سامي بصرخه: اسكتي اقسم بالله ماهو طايقك ....ولا طايق حركاتك وبعد ناشبه لابوك مع مرته ومنكده عليهن
غلا بدون حس طلعها من طورها: مالك دخل بين وبين ابوي و بعد تصرخ مالت عليك انا الي ميته عليك
تراي جالسه اعد الأيام عشان انفك منك ومن كل شيء يخصك
سامي بعصبيه قرب منها : ماهو لحالك تحسبي كلنا نحسب آه ياغلا ودي الحين اقول لابوك يأخذك معه بس الله يعطيني الصبر حتى تولدي....
غلا بعدت عنه أحسه ماهو طبيعي. .بالمره ..قلت بقهر : وين اللي خايف على ولده ومدري ايش الحين شوي وتطقني ...
سامي : خلاص غلا انقلعي من الغرفه مابي اشوفك
غلا فتحت عيني بصدمه : انقلع من الغرفه بعد .. بعناد والله ماطلع منها وهذي جلسه اشوف ايش يطلع معك
سامي بصرخه : ماهو من توو ودك تطلعي ومعترضه وش الي قلبك الحين ولا السالفه عناد
غلا : ايه عناد ...
سامي ناظرها بعصبيه. احسن شيء يسويه يطلع لأنه لو جلس شوي يمكن يذبحها ...اعطاها ظهره وطلع ......
،
،
،
،
في المجلس
قال بعصبيه: راجح ماهو كذا
ابو غلا :وش فيك معصب وبعدين وش فيك حاسدني على هالقرشين اللي زياده عن حصتك شوي
ابو سامي بقهر: راجح كيف كذا فجأة تصير الحصه الأكبر لك
ابو غلا وقف وببرود: حظ ي وافي ولا تقر عليه ومشكور على العزيمه .واعطاه ظهره وطلع ....
ابو سامي
جلس وهو يزفر من العصبيه ..وبحقد ..طيب ي راجح مصيري ....أعرف كيف اطلعك من ذي اللعبه مثل ما دخلتك فيها ال********
.،
،
،
،
،
في شقة اسامه .
صحي على صوت المنبه ..موقته على صلاة الظهر رفع جواله شاف أكثر من مكالمه لامه رجع دق عليها قال بصوت ثقيل :هلا يمه
ام اسامه بحده: تعال بسرعه
اسامه : ان شاءالله اصلي واجي
قفل من عند أمه ... وهو متضايق ...اكيد تبيه عشان موضوع العرس راح غير ملابسه و اتجههه للمسجد وراح بعدها لبيتهن ....وبعد دقايق وصل ونزل
ودخل البيت وشاف امه ولطيفه ...رد السلام
وبعد السلامات
ام اسامه ببرود: وينه رقم خالة مرتك اللي طلبته منك
وبسخريه لايكون بعد ما تكلمها
اسامه
حس بخيبه مدام امه تكلمه كذا يعني ماصدقته ..هز راسه وقال
:الحين اعطيك هو وبسرعه طلع جواله واعطاها
لطيفة ناظرته بعتب: الله يهديك لو جيت وقلت لنا من قبل كان مااتحترنا كذا شوف ...كيف جالسين من الصبح انا وامي ندبر كذبه للأهل
اسامه بحده: لطيفه تكفين لا تبدي اوك والأهل الي مشغولين فيهن قولوا لهن سوينا ملكه سكاتي وخلاص
ام اسامه بحده: ماحبيت كلامها ذا الصدق ي اسامه بس يالله لو الكلام يفيد كان عرفت كيف اتكلم معك واعيد بعد تربيتك من جديد عشان ماتفكر تسوي مصيبه مثل كذآ
رائد نزل من الدرج وقال بسخريه:يالله حرام عليكم محسسين الرجال انه مسوي مصيبه تراه متزوج على سنة الله ورسوله
اسامه ناظره بحقد وقف وبحده: هذا الرقم عندك يمه واي شيء انا حاضر فيه
ام اسامه : اجلس لازم تتعب شوي معنا اليوم بعد صلاةالعصر تودينا السوق وبعد ندور قاعه
رائد: لا لا روح ي اسامه انا بنفسي ادور لك على قاعه تليق بسموك انت ومرتك ايش اسمها بالله وناظر امه يوم شاف نظرة اسامه الحاده عارف بعدها لو تكلم بياكل تبن
اسامه وقف :اوك يمه بعد صلاة العصر تشوفيني واقف قدام الباب
رائد بتسفزاز : لو الله حلفت انا اروح فيهن وهذاك االساعه إلا اخدم اخوي الضابط في عرسه وليلة عمره وضحك ههههههه ولا انتهت ليلة العمر وغمز له
ام اسامه بحده: رائد فكنا وفك عمرك
اسامه بعصبيه: عشان خاطر امي بس إلا تعرف ردي وبعدها بيكون آخر يوم في عمرك وناظر امه بعد الصلاة اشوفكم جاهزين
ام اسامه بجمود:لا انت ولا هوو السواق اللي بيروح فينا
اسامه : اوك يالله سلام
ام اسامه : قبل ماتروح اعطيني رقم زوجتك بسرعه عشان اعرف مقاسها
لاني حاسه انها... ماهو حق تسوق وذوق ..
اسامه ناظر رائد بقهر تقرب من امه وسحب ...جوالها وسيفه ورجعه لها وطلع .......
في شقة اسامه
ريوف
اول ماصحت ناظرت حولها ...وقفت وراحت غسلت وتوضت وصلت الظهر. ..آه تحس بوجع في قلبها من كلام سمير..وبعد خلاص من اليوم ورايح مفروض ماتفكر فيهن خلاص .... واللي يقولونه ومفتكرين ...عندها رب ينصفها ...
وقفت وراحت للمطبخ .. وأخذت مسكن وشرب ماي
ورجعت تمددت. ..على الكنبه. بتعب قفلت عيونها يوم سمعت جوالها يرن ...وقفت بكسل ...ودخلت الغرفه سحبته ...شافت رقم غريب..استغربت ..طنشت وأخذته معاها
ورجعت تمددت بتعب ..فيهاصداع مو مخليها حتى تفتح عيونها.. ....
،
،
،
،
،
،
،
عند ريتاج
تودعت ميمتها وهي زعلانه ..وفيها الضيقة ماتبي ترجع الرياض...ناظرت خالها...ثامر ..وقلت بحزن: والله راح توحشني
ثامر سلم فوق رأسها وقال بحب لها: ماعليه ان شاءالله تشوفيني قدامك ....مثل قبل ... بس يجي الخايس أخوك
ريتاج ابتسمت بحب له: ان شاءالله ي زينها من أيام .
اسيل تقربت منه وسلمت عليه: تكفى لاتجي حتى شعرك يطول شوي والله تخرع كذآ ياي شكلك مدري كيف قايل
ثامر : ياي اقول لاتبدي ي الدلوعة وبعدين وش يعرفك هذا لوك جديد ولا ماشفتي إلا في الافلام كيف البطل دايم اقرع
اسيل : وين هالافلام اللي تتابعها ومسوين هالوك
ثامر : مالك شغل
ام مبارك سحبت ريتاج على جنب: لا واصيتس على رجلك
ولا تسكتي عن حقتس أبد ..وشغلي مختس مثل ماقلت
ريتاج هزيت رأسي وسلمت عليها وانا ودي ابكي ..ياناس احبها مابي ارجع بس في نفس الحظه ماهو مرتاحه هنا ..وليد زعلان مني
سمعنا صوت ابوي يصرخ علينا يبينا.. نمشي على طول تودعنا بعض مره ثانيه وطلعنا
طول الطريق....وانا جالسه افكر ..كيف اكلم وليد ....
،
،
،
،
نرجع لريوف
تتفاتت وهي مقفله عيونها .. ي دوب رجعت نامت ..افف غبيه كيف خلت جوالها مفتوح شكل هالمزعج ماراح يسكت ..سحبت الجوال وشفت نفس الرقم
طنشت ..ثواني وجاني مسج فتحته ..فتحت عيني بصدمه من اللي مكتوب فيه (انا ام اسامه ردي على الجوال ابيك ضروري )
حسيت برجفه ...يالله وش تبي مني ...الله يستر ما اقدر اطنشها والله اسامه لايخلص علي .... حسيت بخوف .. أكثر يوم رجع يرن فتحت الخط وقلت برجفه: الوووو
ام اسامه بحده : السلام عليكم
ريوف :عليكم السلام هلا خاله
ام اسامه بجمود: خليك جاهزة بعد ساعه ..بنمر عليك تروحي معنا السوق ونشوف مقاسك ونفصل لك فستان على بال مااتفق مع خالتك إلا يكون جهز. ...
ريوف انصدمت تروح معاهن لا والله مافيها صعب قلت بخوف: لا خاله اسامه يوديني
ام اسامه : لا روحي معنا عشان لطيفه تعرف تأخذ لك وبعد عند المشغل اللي دايم نفصل عنده يعني عميلنا يمديه يفصله بسرعه
ريوف بلعت ريقي بتوتر حسيت مثل اللي تقولي اني متخلفه ..ماتعرفي تأخذي قلت برجفه من حدة صوتها :خلاص يجي اسامه ويودينا....
ام اسامه بحده : السواق يودينا عشان عندنا مشواير كثيرة واسامه عنده خبر جا اليوم واعطاني رقمك وقلت له
ريوف بتردد: مدام اسامه عنده خبر خلاص
ام اسامه بجمود قاطعتها : عندك أقل من ساعه تجهزي فيها يالله مع السلامه
ريوف
هزيت رأسي وقفلت ...وانا محتاره. .دقيت على اسامه ابي أكد عليه بس...مارد علي ..حسيت بقهر ..جالسين يفرضوا علي
أشياء. ..
بس انسبطت نروح مع السواق ولا مع اسامه اللي أكيد مايخلي فرصه إلا يجرح ...قمت أخذت شور ولبست..وصليت العصر
وبعدها لبست العبايه وجلست انتظر في الصاله ...وانا ادعي يحصل شيء ويتكنسل كل شيء ..
عضيت شفتي بقهر يوم رن جوالي عرفت انها هي...
طلعته من الشنطه ومثل ماقلت هي ..رديت :هلا خاله
ام اسامه بجمود:انزلي حنا عند البيت
ريوف : ان شاءالله وقفت وأخذت الشنطه ...وأخذت المفتاح الاحتياط اللي ....حاطه في الدرج ... ايه الحين عرفت ليه مخليه هنا عشان اقدر اطلع يوم امه تمر علي ..الحين تأكدت من كلام امه ان ... عنده خبر من قبل ...غريبه ماقالي امس يوم رجع ..وجا سألني عشان خالتي ..تنهدت بضيق الظاهر بعد هالطلعه ارجع للحبس والرعب ..يوم يرجع يأخذه الحين عشان أهله بس مخليه هنا ...وعشان ماتشك امه ليه مقفل علي ....افف جالسه افكر في وشهوو الناس برا تنتظر بسرعه تحركت وطلعت من الغرفه
وفتحت الباب .ونزلت ..شفت سيارة ...جيب واقفه قدام الباب ...
خفت أتقدم وانا مو متأكده انهم هم بس يوم وقفت على طول
ام اسامه فتحت الدريشه : تعالي
مشيت وركبت ..وراء واستويت في جلستي وقفلت الباب وسميت بالله ورفعت رأسي يوم حركت السيارة بس انصدمت من الي جالس قدام . ويسوق ...... لا لا لا .....................
.
***
**
*
https://play.google.com/store/apps/details?id=com.stories4all.offline13