الفصل 33
رواية أعشق أنانيتك عندما تتمناني لك وحدك
الفصل الثالث والثلاثون
،
،
في بيت ابو وليد
شوق حطت البخور وهي تصارخ على عيال ناصر
...اللي ام وليد راحت لهن وجابتنهن ..
حسام دخل وهو مشمر ثوبه :اخخخخ هذولا لسى عايشين
شوق ميلت فمها من سخافة هالولد ..قالت بقهر : انقلع لا توسخ انت بعد المكان
حسام بدون مبالاة : اقول ي الشوك عندك عيديه خليني اعيد عليك ماعندك ماراح اتعب حالي واخمك واتحمل ريحتك الخايسه
شوق بعصبيه: والله محد خايس غيرك ي وسخ ولا نسيت كان امي تسحبك سحاب للحمام عشان تأخذ دش نسينا ي حسام اللي مافي فرق بينك وبين ريحة القطاوه
حسام :القطاوه مالهن ريحه يمه يمه فشلتها ككككك
شوق بصرخه استفزها بقوه : حسام برا
حسام طنشها وناظر ريماس وسلطان قال بخبث : اقول يالغبيه وش رأيك نتفق على نويصر ابوي الحين دق عليه يبيه يروح بالذبايح وأكيد بيدخل يعيد على أمي
وش رأيك نكسب وراه عيديه على مستوى لان الشايب شكله ماهو ناوي يعبرنا
شوق بقهر من تفكيرة المادي وهو صغير : صدق وقح بدل ماتفرحه وتبشرة بوجود عياله تقوم تستغل الموقف حسام أنت لمين طالع
حسام : الدنيا كذا حبيبتي افتح مخك تعيش وطالع لابوي وضحك ههههههه
وطلع ينتظر ناصر برا ..ي انه بيطيح ع كنز اليوم الغبي كريم احسن من وليد ....اللي بس مطير فلوسه على الخبله زوجته. ..ولا يفكر يعبرة بشيء ناس ماتفهم
نطيت بفرحه يوم شفته دخل من البوابه قلت بسرعه وانا افتح باب السيارة له : ابي اروح معك أولا وثانياً عندي لك بشارة ي انها بتبسطك وبتخليك تحلق هالشنب اللي تقول شنب ابو النار
ناصر ابتسم : اكيد بنحلق بعد مانضحي ...وابو النار حرام عليك وش ذا التشبيه والله إني ازين
حسام أبتسم بمكر وهو يمد يده له: طيب ماتبي البشارة الثانيه ناصر : آكيد ابيها يالله قول وفكنا
حسام : النتف عيالك هنا
ناصر بصرخه: تقولها صادق نزل بسرعه وراح للبيت
حسام وهو يصرخ بقهر: هييي ماتفقنا كذا ي الظالم
دخل وراه وشافه وهو لامهن في حضنه الإثنين قال بسخريه: وش اعجبك فيهن والله انهن شينين
ام وليد بحزن يوم شافت كيف لامهن .. ويسلم عليهن: ربي يجمعكم من ثاني حبيبي
ناصر فز وقف وسلم فوق راسها وقال بهمس: الله يسمع منك وكل عام وأنت بخير ي الغاليه
ام وليد : وانت بخير
شوق طلعت من المطبخ وفي يدها القهوة والحلاوة وهي ترحب فيه : هاا ايش رأيك في المفاجأة
ناصر قرب منها وسلم عليها : أحلى مفاجأة ي روح أخوك
حسام بطفش: اقول بسرعه اخلص علينا
وطلع الي وعدتني به ..
ناصر قال بضحكه : على اني ماوعدتك بشي بس ابشر
شوق :تقهوى وماعليك منه وهي تمد له الفنجان
عند منيرة
من وقت ماعيالها راحوا. ..وهي جالسه في غرفتها شحنت الجوال اللي له يومين مقفل .. وفتحته وثواني وجتها محادثات كثيرة طنشت الكل
وفتحت .. محادثة ناصر ( تكفين ردي علي خلينا نتفاهم ) الثانيه (منيرة ماتبي تحني علي شوي طيب خلاص فكري بس عشان عيالنا ) الثالثه (ايش رايك نسافر الشرقيه كم يوم وصدقيني ابنسيك الوجع الي سببته لك ) واخر محادثه اليوم الصبح (كل عام وحبيبتي بخير يرضيك يجي العيد وانت بعيده عني ) ابتسمت بسخريه حبيبتك آه ي وجعي منك بس ...قفلت الجوال ورميته وقلت بغصه خلاص ناصر هالاشياء كلها معاد تفرحني ..رفعت رأسي لامي اللي دخلت علي : ماودك تنزلي وتتجمعي معنا
منيرة وهي تمدد ...وتسحب المفرش: لايمه وإذا جو عيالي خليهن يطلعوا على طول عندي
ام منيرة بضيق : يمه وش مستفيدة من هالحبسه وبعدين وش فيك كذا على عيالك ماتبيهن يلعبن ولا يطلعن مكان
منيرة : اخاف اخسرهن مثل ماخسرت ابوهن وولدي
ام منيرة : يمه وش ذا الحكي وابوهن على قولك لو تعطيه فرصه وتعطي حالك وكاد تزين حياتك يمه فكري لو مره بعقل ..وخلي التهور عنك
منيرة بضيق : خلاص يمه ابي انام
ام منيرة هزت رأسها بضيق : نوم العافيه ان شاءالله
وطلعت
منيرة شافت جوالها الصامت .. ينور مدت يدها ورفعته .. شافت إسمه في الشاشه (ملك قلبي.)
تنهدت بضيق آه ي ناصر مامليت ....بسرعه مسحت الأسم وكتبت بداله (ابو عيالي) حست بدموعها تنزل يوم غيرت الأسم بس ضغطت على حالها ...وقفلته ورجعته مكانه
ريوف
عضيت شفتي وانا ماهو راضيه على شكلي .. واففف تعبت وانا كل وقت اغير لبس ...يالله انا وين والكشخه وين .....
جلست و فتحت علبة المكياج ..وانا احوس فيه ..مدري كيف احط ماعرف ....أبد ولا حطيته قبل بالمره ..ولا عندي فرصه او افكر إني أخذ لي هالاغراض من كثر الشغل اللي علي بس اللي ..أذكر وانا صغيرة كنا العب في حق ماما .. ...مديت يدي بحيرة ..سحبت قلوس . ناظرت فستاني السكري ...وش ذا يناسب عليه بعد ...اممم رفعت القلوس الثاني اللي ..لونه وردي ...حطيت منه وبس ابي انفك ..
سحبت قلم الكحل ...وخطيت في عيني وانا ارجف خايفه لا احوس الدنيا ...قفلت عيوني أكثر من مره وفتحتها وانا.. احس بحرقه فيها ...أكيد لأني مو متعودة ...ناظرت شكلي حسيت شكلي غريب ..عيوني وسعت أكثر ...بس وجهي شاحب ..رفعت علبة البودر ..اففف هذي يحطونها قبل..قد شفت في التي في وانا نسيت يالله ..اشلون الحين ..فتحتها وحطيت على خفيف ...ابتسمت برضى بشرتي ماتحتاج..ولله الحمد ..طاحت الاسفنج من يدي يوم رفعت عيوني في المرايا وشفته واقف عند الباب ...يمه وش يبي ذا
اسامه ببرود وهو متسند على الباب: كله ذا تتجهزي مصدقه حالك عروس أنتِ
ريوف عضيت شفتي ولفيت له وقلت بخوف : تبينا نروح تكفي لا تنكد علي وهاللي سويته الحين كله يروح على الفاضي لاني لو صحت آكيد بيخرب
اسامه رفع حاجب من حكيها وبعدين ضحك بقوه: ههههههههههه الحين وش افهم من ذا الحكي يعني أسكت عشان ماتصيحي ي البيبي
ريوف هزت رأسها وفيها قهر من ضحكته المرعبه ....
اسامه مشى ناحيتها ..وانحى ومد يده ورفع وجهاا بيده وطالع عيونها اللوزيه ...قال بهمس: خايفه على عيونك لا تخرب
ريوف بلعت ريقها بخوف : ايه
اسامه سكتتتت وهو يناظرها رفع نفسه بتوتر : اخلصي علينا
ترى ماتغير شي من هاالحوسه الي مسويتها في وجهك.. وأمي تنتظر وبعد لا اوصيك ...مثل الحكي الي قلته لك
ايش سبب زواجك من ولدي بهالطريقه على طول تقولي اسألي اسامه فاهمه...
ريوف
هزيت راسي وانا خلاص فيني مللل من كثر مايكرر لي هالاسطوانه ....قلت وانا اصرفه: شوف انت تأخرنا ترى
يالله اطلع خلني أكمل شغلي عشان مانطول على أمك ...
اسامه رفع حاجب وهز راسه بسخريه: عشنا وشفنا والله واعطاها ظهره وطلع ....
ينتظرها في الصاله ..جلس على الكنبه وسند حاله ورفع رأسه لسقف ..وهو محتار ..ومتوتر حده من مقابلة أمه. ..لريوف
زفر بضيق ي مسهل ...ماهمه شيء. .غير أن .. امه ..ترضى عليه ....شافها طلعت ناظرها بجمود ...وقف وقال بضيق : الله يسامح أمي إلا أنتِ حد يتشرف فيك ك زوجه ويعرفك لهن
ريوف عضيت شفتي وبقهر : ليه دايم ماطلع معك إلا تسمني بكم كلمه قبل وبغصه وش حدك تعرفني عليهن خلني منثبرة هنا وفك عمرك ..
اسامه بحده : الشديد القوي واعطاها ظهره وفتح الباب رجع ناظرها كيف جلست على الكنبه بعناد قال بحدة : صدقيني لو بتزيدي شوي في عنادك بتشوفي شيء مايرضيك ...
ريوف على طول وقفت وهي تتسبه في نفسها ...خلاص ملت منه ومن جبروته ...
وطلعوا
ريوف
ركبت السيارة وانا ارجف...قهر وعصبيه وبعد خوف...
من اللي منتظرني.. ي خوفي أمه. .قشرا أكثر منه ..
رفعت نظري له ..شكله معصب ..حده. ...الله يستر .. جلست استغفر الله ..ابي ارتاح .. .حسيت فيه يناظرني من المرايا استغربت
اسامه أشر بيده : انزلي
ريوف بفرحه : يعني ماراح نروح
اسامه بحده: اركبي قدام
ريوف فتحت عيني بصدمه اركب قدام ...لا لا كيف ذي تصير
قلت بخوف: لا لا شكراً
اسامه وهو صاك على سنونه: مين قالك الحين اني اعزمك
وبصرخه انزلي
ريوف فكيت الباب ونزلت وركبت قدام عنده وانا احس بخوف بقوة منه اول مره أجلس هنا ...دفيت حالي على الباب
اسامه شافها وهي تزحف وتلصق حالها على الباب بعد ماقفلته قال بسخريه : ماهو حب في وجهك بس اخاف الشغاله في الحوش وتقول لأمي يوم تشوفك راكبه وراء لان هي الجاسوسه للبيت وكل شيء تكبه لها ...
ريوف
كان ودي اقوله خلاص أسكت....وفكنا ...انت وهالشغاله الفتانه ...لفيت بطرف عيني ناظرته كان ماسك الدركسون بقوه وهو شاد عليه ..شكله متوتر او معصب ...مدري بس سياقته تخوف قلت بخوف: يآرب استر
أسامه أبد مو معاها يفكر ...كيف امه بتقابلهن ....وايش راح تقول ..يالله شايل هم ...
ريوف
حسيت بخوف يوم وقف السيارة
ناظرت من الدريشه ..شفت فله قدامي ...بلعت ريقي بخوف ..
يوم قرب السيارة من بوابة بيتهم ....وقف وهو يناظرني
قلت برجفه : بلاش منها اسامه
اسامه زفر بعصبيه: ماهو فايق لك
وفتح الباب وأشر لها تنزل ...
ريوف فتحت الباب ...وانا احس رجولي تخبط في بعض من خوفي وتوتري ...حسيت فيه يوم قرب مني ومد يده ناظرته بحيرة ..ايش يعني
اسامه بضيق : نمثل قدامهن وبقهر الله يعيني وسحب يدها بقرف أمشي
ريوف ناظرت عيونه والاشمزاز فيها ...ودي اسحب يدي ..بس شد عليها وناظرني بتحذير ..وسحبني وراه ...وفتح باب الصاله
ناظرت المكان حولي واو فتحت فمي من الفخامه ..ناظرته اتاريهن شبعانين ...الحمدلله وانا لسى متغطيه كان انفضحت
وسمعني كم... كلمه مثل عادته ...ناظرت اللي طلعت من المطبخ
اسامه بجمود: وين أمي
: ماما في غرفة نوم
اسامه انصدم : نايمة
ناظر ريوف ....كيف نايمة ومن ساعة داق عليها وقال انهم جاين ..وش يفهم من هالحركه ...
ريوف
انا تفشلت خلاص كفايه ...بس في نفس اللحظه فرحت يعني بنفك وارجع شقتي طالعته وبهمس: خلاص خلينا نرجع
اسامه بحده: انكتمي
وبعصبيه كمل : انثبري اجلسي هنا لما ...اشوفها
ريوف
حسيت بقهر ..وش ذي المذله ..يعني ..مشيت وجلست على أول كنبه قابلتني .....جلست اناظر كل شيء حولي ....وانا مبهورة .
سبحان الله ربي يرزق من يشاء ..تذكرت بيت ابوي ..ولا يجي ربع مساحة هالصاله الكبيرة ..هزت راسها وهي تحمد الله ..
تذكرت حركة امه ..يعني ماكبس عليها النوم إلا تووو ..يالله قد ايش حركه مالها داعي ..وهي بنفسها سمعته يعطيها خبر ...
ناظرت الشغاله وهي تتمنقل فيها ...وهذي بعد وش تبي ..صادق اسامه يوم يقول عنها كذآ ابتسمت بدون نفس
اسمعوا بس وش تقول يمه راح يمغمى علي
: بابا اسامه طيب كثيرر
ريوف هزيت رأسي حسيت انها تبي تسحب هرج مني قلت بسخريه: مافي أحد يضاهيه في طيبته طال عمرك
حسيتها تناظرني ماهي فاهمه ..قلت بتصريفه لها : خلاص حبيبتي شوفي شغلك وخليني في اللي انا فيه
.،
،
،
،
في الغرفه
اسامه دخل بعد مادق الباب ... شافها ...جالسه على السرير ..وتناظره بزعل ..وبعتب
تقرب منها وسلم فوق رأسها وقال بهمس : ترضيها لي يمه تفشليني قدام مرتي كان أعتذرتي قبل مانجي ي الغالية
ام اسامه بزعل: ليه جايبها عشان تقهرني وتقول هاهذي اللي مآخذها وانتم ي أهلي ماعندكم خبر
اسامه فتح عينه بصدمه من حكي امه : يمه مين الي قايل ابي اشوفها
ام اسامه : أنا بس ماهو متقبله يمه هالشيء كله يوم جت اللحظه عجزت اطلع واستقبلها عادي
اسامه وقف : على أمرك ي الغاليه الحين اطلعها من هنا
ام اسامه بعتب : حسافه ي اسامه
اسامه قفل عيونه بصبر تنهد بقهر : يمه ماهو وقته والله
يالله اشوفك على خير واعطاها ظهره وطلع
شافها قدامه جالسه ...وفاتحه غطاها حس بعصبيه ...فرض لو دخل رائد ...بس ابتسم بسخريه ..يعني ماهو شايف وجهاا بس
إلا حافظه حفظ بس
مهما كان هي اللحين على ذمته ..يذبحها لو يشوف حركه منها ...تقرب منها وبعصبيه : ماتستحي أنتِ فاتشه ومأخذة راحتك بعد ولا ودك بنظره لحبيب القلب وبحده فزي قدامي
ريوف
ناظرته حتى هنا يجرح فيها ...والله حست بكتمه فتحت الغطا..
بدون نيه خبيثه مثل مايفتكر قالت بقهر وهي واقفه : حتى هنا ماتضيع فرصه
اسامه بعصبيه : حتى أمي ماتبي تشوفك يارب صبرني بس
ريوف
حسيت بمذله ...وإهانة ليتها قالت لاتجي من قبل ..سويت غطاي ومشيت وراه ..بس كلنا وقفنا يوم سمعنا الصوت من ورانا
ام اسامه بحده: انتظروا
اسامه لف لها وقال بزعل : نعم يمه
ام اسامه وهي تناظر اللي جنبه ..قالت بحده: اجلسووا
ومشت بغرور قدامهن ...
ريوف
لا لا ليه وافقتي تطلعي لنا ...ليتك جلستي على رأيك اول ..
وترفضي تقابلينا ....ولا نظرة الغرور ذي ...يالله هذي أولها كذا اشلون تاليها ..ليت فيني اقول والله معاد أجلس لكم ..
بس فرحت يوم سمعت اسامه.. يقول اللي خاطري فيه
اسامه بضيق : يمه خلاص مرة ثانيه ان شاءالله وبعتب عليها ... وتكوني مستعده لزيرتنا بعد ...
ام اسامه بجمود جلست وسحبت دلة القهوة ورفعت فنجان :
اقربوا حياكم
اسامه عجز يفهم امه ناظر ريوف وبهمس : تعالي
ريوف حسيت حالي مثل الهبله تعالي ..روحي وش ذآ
تقربت منهن بهدوء وجلست على أول كنبه بتوتر وهي منزله رأسها تحس ...حالها كنها مذنبه وهم جايين يقتصوا منها
من نظراتهن اللي موجهينا ...لها ....
اسامه بقهر يوم جلست مفروض تسلم ماهو تجلس الغبيه قال بضيق : وهذي ريوف يمه قربي سلمي على أمي ..
ام اسامه بجمود....وهي تناظرها
ريوف بخوف تقربت منها وسلمت فوق رأسها وحست بيد اسامه تسحبها ناظرته بخوف أشر لها تجلس جنبه ..جلست وهي متوتره نزلت رأسها للأرض ..
ام اسامه بحده : مين بنته ومن اي حارة في الرياض وناظرت اسامه ولا بعد ماهي من الرياض ان شاءالله
ريوف بسرعه ناظرت اسامه بخوف تخاف تقول لها يعصب عليها
اسامه تدخل يوم شاف نظراتها له : بنت محمد ال**** متوفي ابوها وامها بعد متوفيه
ومن الرياض من حارة ***** تبعد عنا الحي اللي ساكين فيه حول ..نص ساعه
ام اسامه بحدة : بدون أهل ولا وشهوو
اسامه بسرعه: لا يمه وش بدون أهل ذي عندها اخوها ومرة ابوها
ام اسامه بعصبيه ناظرتها: طيب وش حادك توافقي على الزواج من ولدي بهالطريقه مفروض مثل اي بنت وتتمني عرس ولا انا
غلطانه شيء
ريوف
هنا خلاص ماتدري وش تقول ....ناظرت اسامه اللي عدل جلسته وبجمود: نصيب يمه
ام اسامه بصرخه: طرمه وانا مدري كل ماسألتها شيء رديت بدالها وبقهر لهالدرجه أخذت عقلك
اسامه تنهد بضيق : تفضلي يمه اسألي وهي ترد عليك
ريوف
حسيت حالي بصيح ...قربت منه وبهمس :تكفى خلنا نروح
اسامه طنشها مايبي أمه. .تحس ان زواجهم ماهو طبيعي قال وهو يهدي الجوو وبعد كاره عمره :يمه خلينا من ذا كله وقولي وش رأيك في ذوق ولدك ان شاءالله أنه زين ..
ام اسامه بسخريه ناظرته : وش تبيني اقولك يعني شينه ولا زينه أمر امر حبيبي ماهو انت جالس تفرض علينا أشياء وحنا لزوم نتقبلها
اسامه عض شفته ندم انه قال كذآ ...لو فكر ان ردها كذآ بيكون كان والله ماسأل ابتسم مجامله: يالله بكرك ولازم تسامحيه على هالغلطه
ريوف
انصدمت غلطه ....ايه غلطه .لا تصدقي انت بعد التمثليه اللي مسويها ...افف طفشت من جلسة التحقيق ذي
ام اسامه
ناظرتها ....تكذب لو ماعحبتها بالعكس ..حلوة كثيرر
قالت بدون حس :ليتك جيت وقلت لي يمه ابي هالبنت والله بنفسي اخطبها لك البنت ماتتعوض ومتسحيل راح اقف في وجهك
اسامه وقف وقرب منها وسلم فوق رأسها : طلبتك يمه سامحيني واعتبريها زله ولا راح تكرر المره الثانيه لو ابي اتزوج بنفسك تدوري لي البنت المناسبه هاا راضيه ي ام اسامه
ام اسامه شكت في حيكه كذا عادي يعني ...معقول ما تزعل يقول قدامها كذا قالت بشك : هوو تبي تتزوج مره ثانيه بعد
اسامه حس على عمره وش هببب .. قال بسرعه: وش اسوي يمه
عشان ارضيك عادي عندي اسوي المستحيل وناظرها بنظرة حب مزيفه عشان يوهم امه انه ميت فيها
ام اسامه بحده: وهقتنا ي اسامه وش نقول للعالم لازم نسوي عرس ولا ماراح نخلص ....
ريوف بصدمه فتحت عيونها
عرس ..يمه وش ذي الوهقه صدق
اسامه ماهو أقل منها صدمه قال بضيق : يمه وش عرسه الله يهديك خلينا كذا مبسوطين لو بالمره نسوي عشاء ونعلن الزواج وخلاص انتهى الموضوع
ام اسامه بحده: وش عشاه انت بعد ...اقولك عرس يعني عرس ولا قوم وخد مرتك وفارق ولا اشوفك بعدها بالمره وبعد ادعي ان ابوك يرضى عليك لأنه حيل زعلان
اسامه بضيق : يمه ماله داعي ودق ريوف يبها تحكي
ريوف ناظرته وفهمت من نظرته : ايه خاله ماله داعي وكملت بكذب بعد مرة ابوي سوت لي عرس ماقصرت
اسامه كان وده يذبحها على الكذبه الحين وش يفكه من أمه ..اكيد بتزعل صدق الحين
ام اسامه بحده: ايه فرحت فيك بس انا انحرمت من فرحتي
بولدي ودي اعرف كيف أهلك رضوا فيه من غير مايقولون له جيب أهلك وش ذي العالم الغريبه
ريوف ناظرته وبتوتر وخوف من نظراته اللي كلها تهديد لها :أهلي يشرون الرجآل مايفكرون في هلأشياء
ام اسامه بسخريه :قلتي يشرون الرجآل ولا يبوا ينفكوا وبس من اللي عندهن
ريوف تضايقت حيل من حكيها وش ترد عليها ....
اسامه بضيق : يمه تكفين أنسي موضوع العرس
ام اسامه وقفت وبحده: لااااا وقوم توكل انت ومرتك شوي وخوالك جاين
وخلني افكر كيف اقنع اللكل بهالزواج الللي مدري كيف بيتقبلنه بعد مأخذيتها نسوي لها عرس آخر زمن كل شيء بالمقلوب
اسامه بضيق : يمه
ام اسامه بحده أكثر:انتهى ي اسامه
وقف اسامه بضيق واشر لريوف
ام اسامه ناظرتهن بزعل وقالت بحده : قبل ماتروحووا اعطيني رقم زوجة ابوك عشان نتفاهم على العرس ونتفق على تعديل هالحوسه صارت ............
ريوف وأسامه ناظروا بعض بصدمه........
البآرت السابع والعشرون
& الفصل الأول &
===================
تدري أن الجرح للمجروح دين..
وانت جارحني وحقك اجرحك
وين تبعد وأنت في نفسك سجين..
وين تنسى وانت ناسيني معك
كيف تفرح وانت تاركني حزين..
طيف جرحك مثل ظلك يتبعك
،
،
،
،
،
ريوف حست برجفه في جمسها. ..من قوة الكلمه .تبي رقم زوجة ابوي أجل صدق رحت فيها ...قسم بالله لا تقول الأول والأخير. .يالله ...نزلت رأسي للأرض وأنتظر ..اسامه كيف يحلها مع أمه. .اللي ماهي ناويه تسهلها أبد. ..
اسامه ناظرها وهو محتار وش يقول لها ....حس بعجز وحقد
على ريوف ورائد ..حسبي الله عليكم .مثل ماخليتوني في هالموقف...تنحنح : يمه ماله داعي خلاص سوي زواج من غير
مشاور مع أهلها وبعدين آتوقع أهلها ..هالفتره مسافرين
ام اسامه بعصبيه : اشلون بدوم مشارو مع أهلها أجل أشاور مين غيرهن ..وبعد مسافرين .. كذآ فجاة صاروا ماهو موجودين في الرياض ي اسامه
اسامه بسرعه خطرت في باله هالفكرة: ايه اخوها توظف وأخذ امه معه لأنه... وحيدها و ماعندها بنات يجلسن عندها ..
ريوف
ناظرته بصدمة ..على الكذبه اللي طلعها ..ورجعت ناظرت امه يارب تصدق ...وتفكنا من ذا كله...فركت يدي في بعض بتوتر وخوف...بس وقفت يوم شفتها تناظرني ..بحده ..صدق غبيه جالسه اوضح لها بحركاتي إني متوترة..
ام اسامه بجمود : قلت لي سافرت معاه وين طيب
اسامه يالله ماهو خالصين اليوم سوى حاله ناسي وناظر ريوف وهو وده يذبحها على الحركات الي تسويها أكيد راح تفضحهن اليوم: قلتي وين اخوك توظف
ريوف بتوتر وخوف ورجفه بانت في صوتها: ممممدري وبسرعه قالت دق عليه واسأله ناسيه والله
اسامه قال وهو وده امه تصدق ومايوضح قد ايش يكذبون عليها جالسين : اوك يمه أدق عليه انا واقوله لو يقدر يجي لو يومين عشان يحضر العرس اللي بتسويه لنا ست الحبايب وبسرعه قرب منها وسلم فوق راسها وبأبتسامه : ربي مايحرمني منك مثل ماتبي تفرحي هاليتيمه.... قال كذآ يبي يذكرها أنها.. مثلها
يتيمة أم وعاشت عند مرة ابوها الللي ذوقتها الويل ... ويدري بهالشي يخلي قلبها يحن ومتأكد بعد
ام اسامه بضيق : خلاص دق عليه وشوف ايش يقولك
اسامه ناظر ريوف : اطلعي السيارة ابي أمي في كلمة رأس
ريوف
انسحبت وهي تحس براحه ....
ركبت وراء.بس بسرعة تذكرت. . وش قال لها. ...نزلت قدام. ....قبل .. مايجي يهاوشها
عند اسامه
قال بكذب : يمه تكفين لا تحرجي البنت ..ترى خالتها قشرا
واخوها مازوجها لي إلا يبيها تنفك من عذاب ..امه ..
ومافيه يقدر يقف ضد امه .. وسكت يوم شاف تأثير حكيه عليها ...
ام اسامه بغصه: ماحد يعرف عذاب مرة الأب مثلي الله يسامحها وبس
اسامه وهو لسى يبي يلين قلبها أكثر عليها: مابلك يمه انتِ معك ..خوان.. شقيق يقدروا يأخذو حقك منها
ام اسامه بضيق : وينهن خوالك وخالتك وقتها كلن تزوج ومافكرو.. غير في حياتهن يومها وأنا جلست لها ولظلمها والله يسامح ابوي كان غاسله مخه واي كلمه تمشي لها ...وبضيق خلاص يمه لا تذكرني وبغصه : لاتدق عليه ولا ابيها تحضر وبحنيه ويمكن ربي سخرك لها ...ي اسامه
اسامه تنهد براحه يالله ...لك الحمد.. بس حس بتنأيب ضمير ..إنه ظلم ام سمير...بشيء مو فيها ...سلم فوق رأسها وقال براحة: انا تحت أمرك يمه وقت ماتقولي عرس انا جاهز
والتكاليف طبعاً كلها علي وافرحي ي ام اسامه في ولدك قالها بغصه آخر شيء توقع ان زواجه ينشهر ..لأنه بهالطريقه راح يخسر اسيل للأبد .... طلع بعد ها ..وهو يحس وده يذبح اللي تنتظر. .جالسه ..ركب السيارة وقفل الباب بقوه وحركها بعصبيه. .وقال بصرخه : آخر عمري أكذب ي ريوف عشان أغطي فعلتك المخزيه واظلم مرة أبوك انها معذبتك
ريوف ناظرت الدريشه وقالت بغصه : صدقني ماكذبت
اسامه بصرخة: ايه هذي فرصتك بعد قولي هي السبب آلي خلتك تمشي في طريق الحرام.. الي ربي كشفك عليه
ريوف دموعها نزلت من قوة كلامه قالت بغصه : وهي تذكر له هالايه وهي تتمنى يصدقها بعدها ...
) إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ )
اسامه سكت يوم ردت عليه كذآ ...تعوذ من إبليس. .بس مستحيل يصدقها ..وهو شاف بعيونه...وصلوا البيت ..
ونزلها ...ورجع طلع وهو متضايق ...يالله آخر شيء توقعه يصير معه إنه يكذب على أمه. ...وبعد متضايق أكثر من سالفة هالعرس ..ابتسم بحزن مالنا نصيب ي اسيل ...
،
،
،
،
،
،
في القصيم
ناظرتها بضيق :ميمه وش فيك علي والله اني احبك
ام مبارك بحنق :حبس ذا مابيه وأنت علومس شينه مع رجلك
ام عصام قالت وهي تشوف جيرانهم دخلوا قالت بهمس: خلاص يمه بعدين
ام مبارك بهمس : ربي رحمك بس لسى وراتس انا
ريتاج ابتسمت بفرحه وقفت وانا ارحب فيهن وبعد مزودة.. في الترحيب يستاهلن ... وهم خلصوني من عتاب ميمه
بعد السلامات والتهنئة بالعيد
اسيل بهمس : شوفي كيف كلهن جوو معاد خطيبة خالي ثامر
ماجت قهر والله اني ودي اجلس معاها
ريتاج بهمس: من جد ماشاءالله عليها الجلسه معاها وناسه
اسيل : ايه وبعد حلوة حرام والله خالي شين مابه زين أبد
ريتاج بضحكه : حرام عليك لا تقولي عنه كذا وبتهديد ولا قلت له
اسيل بدلع: والله من جد البنت حلوة ماتخيلها مع خالي يالله مرة مايركب
ريتاج ناظرتها بقهر: الرجآل مخابر ي الدلوعه
اسيل: غبيه كيف وافقت
ريتاج بحده: من جدك انتِ تحكي
اسيل :ايه والله يوم ابي اتزوج ابي واحد اقابل خشته تكون تفتح النفس ماهو تسد نفسي
ريتاج بقهر : انتِ كل تفكيرك الجمال هذا وانتِ ماهو بهذاك
الزود
اسيل بقهر : أحسن منك اففف اقوم أجلس مع سميرة ابرك
ريتاج ابتسمت :أحسن عشان الغرور ذا ينكسر
اسيل مشت بدلع وطنشتها
ريتاج
تذكرت وليد ...وش مسوي الحين. .ابتسمت بسخريه أكيد. .مبسوط مع لطيفه ومنكد علي بالي أرسله ..فتحت الواتس بفضول ..أشوف آخر ظهور له عضيت شفتي بتردد يوم شفته متصل بسرعه كتبت (ممكن ترد إذا دقيت)
انتظرت ثواني تنهدت براحه يوم شفت انه بدأ يكتب قفلت عيوني ..وانا اتمنى يرد بشيء مايضايقني أكثر ماهو متضايقه. .
(ماهو فاضي ) حسيت بخيبه ..يعني اشلون اجلس كذآ. .مو مرتاحه لاهو اللي رد علي وريحني ..ولا قالي خلاص راضي عنك وانبسطي مع أهلك. ..كتبت له بسرعه وانا مقهورة (وش ذي الأنانية اللي فيك)
وسكرت الجوال وناظرت الكل ..يضحك ومبسوط مافي إلا انا جالسه. .متضايقه وشايله هم ..رفعت جوالي يوم رن شفت اسم خالي ثامر. .. وقفت ورحت للمطبخ ورديت بفرحه: وينك ي الهايت كذآ الإستقبال اللي وعدتنا فيه
ثامر بضحكه:افاا و انتِ كذا ترحبي بخالك
ريتآج بأبتسامه: وينك
ثامر: دقائق وتشوفيني عندكم وخليك جاهزة مع اسول الخايسه نبي نفلها شوي
ريتاج قلت بخبث: امم تصدق مين عندنا
ثامر : مين
ريتاج ابتسمت : حزرفزر
ثامر بقهر: اقول اخلصي علي ماهو وقتس
ريتاج ابتسمت : اوك أميرة
ثامر ابتسم بحب : حي الله هالطاري طلبتس ي بنت أختي انتس تعزميها معنا
ريتاج فتحت عيني بصدمه: لا لا عصام قدامي .. صدق الولد يطلع لخاله وش اعزم هذي علوم الرجآل
ثامر: طقت سبدي وهم يأجلون هالزواج
ريتاج : ماعليه أصبر هذي آخر سنه
ثامر : افف يقال الحين ابيها تجلس في البيت وماتكمل وش يصير لو تزوجنا وهي تدرس
ريتاج : حرام عليك ي خال البنت صغيرة لسى وشكلها بعد ماتدري انها مخطوبه
ثامر : وانا ولد ابوي وش ذا الهرج
ريتاج ضحكت بصوت عالي: ههههههههههه
ثامر : كان ودي اطلعكن بس مدام اميرتي هنا خلاص حتى انا بنثبر في البيت
ريتآج بضحكه : مين قالك انها هنا حبيبي الدينا فوضه والله ان امها بتأخذ عمرها قبل ماتتطب بيتكم ..ولا ماتعرف جارتكم
ثامر : تكذبي علي ي ريتاج آه منك وبعد محد يعرف جارتنا مثلي ي انها شينه وقشرة
ريتاج : استح خلاص صارت خالتك
ثامر : هههههه اوك على أمرك. ..وأنتظركم انتِ والدلوعه في السيارة بس تكفين الجيش الي يمك مابيهن بذات بنات مبارك هذولا مغثات
ريتاج :اوك انتظرك وسكرت من عنده وانا فرحانه ابي اطلع من جو هالحريم ماشاءالله كثير ....
،
،
،
،
،
،
بيت ام منيرة
ناظرتهن وهم فرحانين ..من وقت مارجعوا من عند ابوهن ..
سلطان بفرحه :ماما شوفي بابا ايش أخذ لي
مينره : حلوه مره وناظرت ريماس الي ملتهيه في كيس الألعاب الي في يدها قلت بحب :وحبيبة ابوها ماتبي تخليني اشوف اغراضها بس رفعت رأسي على صراخ حسون وهو نازل من فوق
حسون: وينه الخايس ذا اقسم بالله اذبحه اليوم وطالعه بعصبيه كيف خربته لي
سلطان بسرعه اندس وراء أمه
مينره شافت كيف سلطان خاف وبعد ريماس: هدي ي خوي
وانا بأخذ لك حقك
حسن بصرخه: ابعدي وانا أربيه كيف يتوب معاد يروح لشي لي
ام منيرة بصرخه وقفت في وجههه : خلاص فكنا فجعت البزر
ولو تمد يدك عليه قسم بالله ادق على خالد يجي يربيك الحين
حسن بصرخه: اقسم بالله ي سلطان لو تلمس عاد جوالي ذبحتك فاهم وبصرخه منيرة ابعدي عيالك عن اغراضي
سلطان صاح ..بخوف
منيرة سبحته و ضمته ودها تصيح . معاها .بس تحملت ...قالت عشان تهدي عليه شوي : خلاص ي خوي ابشر وعيالي معاد يأخذوا اي غرض منك ولو خرب جوالك الحين ادق على ابوهن ويجيب لك أحسن منه بعد هدى بس الله يهديك
حسن بصرخه : والله لو رجلك يدفع لي كنوز الدنيا ما يعوضني عن هالجوال في كل شيء يخصني
وطلع وهو معصب
سلطان رفع راسه من حضن امه وقال :ماما متى نرجع بيتنا هنا خال حسون يضربني
منيره: ماعليه حبيبي هذا خالك وأنت لعاد تخرب عليه أغراضه
عشان مايزعل منك ويضربك وسلمت فوق راسه
سلطان : بس بابا عادي اروح اسوي كذا في جواله مايضربني
مينره ضمته لصدرها وبهمس: هذل بابا ..يفديك بروحه ماهو يهاوشك عشان كسرة جوال وسحبت ريماس ماتدري وش فيها تحس حالها مكسورة من بعده ....وبعد مستحيل ترجع له لو ايش ...ماهو هي الي ترمي حالها عليه ...آه كل ماتذكر وهو يقول قد ايش صابر عليها ..ويبي يعوض صبرة بالزواج ..تحس بوجع يقطعها تقطيع. ..وبهمس كسرتني ي ناصر حيل ...
: يالله حبايبي نغير ملابسنا ونفرش اسناننا ..ونام
سلطان وهو يصيح :واكلم بابا
منيره تنهدت :وتكلم بابا
،
،
،
،
اليوم الثاني. .
،
،
في بيت ابو سامي
في الصاله
سويت قهوة وأخذت سلة الحلاوة .. وجلست عندهن في الصاله ....بس والله مت ضحك على سواليف خدوج ولدها ..يالله شوفوا كيف جننها جالس يتمسخر بالبضاعه حقتها ....
قلت بضحكه : حرام جننتها
سامي سحب الحلاوة من يدها وقال :خدوج تجننن بلد وأخذ فنجان القهوة من يدها
غلا بغيض :الحلاوة وسكتت بعد الفنجان
سامي ضحك : هههههههه ومد يده ...وسحب سلة الحلاوة
ام سامي :اقول خلاص انت وهي بلع في هالحلاوة لسى جاين عندي حريم
غلا بهمس: يارب لطفك بس حتى على حلاوة
سامي دقها :سمعتك ...
غلا بسرعه رفعت حبة حلاوة ودسيتها في فمه عشان يسكت وما يفصل علي. . كل حبيبي
سامي ابتسم : هاتي وحده ثانيه
غلا : صدقني امك بيطلع لها عفريت ..شوف كيف تخزنا ...
سامي بهمس : الحين الهيها شوفي بس رفع ..زجاجة عطر قلتي يمه ذا من قزاز
ام سامي سحبت زجاجة العطر وبقهر: هالعطر احسن من هذا الي قلته
سامي : يمه قول لهن من قزاز .. الماجد للعود وبعد العربيه للعود ... وناظر غلا وش اسماء المحلات الكبيرة حق العطور
غلا والحلاوة في فمها: معليش ماحب اغش مثلك ....
سامي بهمس: افتحي لي وحده جالس اشغلها ماهو عشان تبلعي لحالك
ام سامي شافتهن يتساسرن قالت وهي لسى الاسم لافتها ب تلعب على حريم الحاره به : وشهو قزازه ذا وبعد وش اللي بعده قلت .
سامي بتريقه: ايه من حقك ماتعرفيه متعوده على ابو مصلح الي بس يورد لك من هالعطور الي اي أحد يتعطر به انشهد ماحد يقدر يقرب صوبه وناظر غلا اقسم بالله لو تلعب بعلقك وتخليك تاخذي معاها زجاجة عطر ذبحتك
غلا ضحكت بقوه: هههههههههه حاولت بس ماعليك
ام سامي بعصبيه: ي الخايس جالس تضحك علي مرتك وتطلع إشاعة على بضاعتي بعد
سامي قرب وسلم فوق راسها : امزح معك ي خدوج بس والله ريحة العطر يمه لو اخذت منها غلاي بنصرع انا ترضيها علي يمه شافها زعلت قال خلا ص ولا تزعلي مافي منها بعد .. وانصحك يمه انك تكذبي عليهن وتقولي لهن هذي البضاعة
لناس مخصوصه معليش مقدر اعطيكن هي وطلعي قطعه ثانيه
من الخمه الي مكدسه معك
صدقيني كذآ بينقهرن من الناس الخاصه ويأخذوها هم شفتي كيف عند ولدك الكنق افكار
ام سامي بقهر:مكدسه في عينك ويالله امش بس ودني المكان الي مر وعدتني بوه وشهوو تقول رحت بمرتك فيه
سامي بخبث: لو تذكرتي وديتك
غلا ناظرته بفضول : اي مكان وديتني فيه
سامي ضحك : ههههه تقصد الملاهي
غلا بقهر: ي الكذوب متى وديتني الملاهي وناظرت خدوج تتطمني والله مارحت ولا عمري طبيتها ..
سامي :اخخ ي غلا تسوي حالك مسكينه وجالسه مثل اللي تقولي ودني فيها بس اللي عندك ترى مايحس ..ويالله كلكم الثنتين مناك ..ماراح اوديكم راح اودي وافي بس لما يجي ان شاءالله حبيب ابوه وبقهر ..متى يكبر بطنك ي العصلا ..
ام سامي :قوم بلا هذرة زياده خلني اترزق
غلا توني افهم قلت بصدمه:بتسوي بسطه هناك بعد
ام سامي :ايه بسوي عيب وانا مدري
غلا ناظرت سامي : من جدك أنت بتوديها تبسط هناك
ام سامي بعصبيه : مالك شغل بيني وبين ولدي
غلا رفعت يدي : اوك على كيفكم لا تعصبي
اليوم الثاني
،
،
،
في جناح وليد
،
،
قال بعتب:ليه كل هالصد والزعل حتى كلمة كل عام وأنت بخير ماسمعتها منك معقول اول عيد مع بعض يكون لنا كذآ
لطيفه ناظرته بزعل:أنت اللي سببته هالزعل تحمل أجل
وليد بضيق: لطيفه لي يومين أحاول فيك ترضي
لطيفه وقفت وهي متضايقه من حكيه قاطعته : ليت تخليني اروح اريح عند أمي شوي
صدقني برتاح وبرجع أحسن من أول
وليد قام وجلس جنبها وقال بهدوء:لطيفه ماهو حل كل مازعلنا من بعض تبي تروحي بيت أهلك
لطيفه ناظرته : الحين ماهو زعلانه ابي ارتاح وبعد امي داقه علي تقول تبيني في موضوع ضروري...
وليد بشك : متأكدة
لطيفه صدت بزعل وهي ترتب اغراضها في الشنطه
وليد بضيق ناظر شنطتها : ودي اعرف بس وش صار لذا كله
لطيفه بعتب: وليد كل ماذكر كيف عصبت عشان روحتها اموت من قهري وين اللي يقول ماله دخل فيها ولا كنها موجودة وتقوم تعترض ليه ودي أفهم
وليد بضيق: لطيفه لك يومين ماعندك غير هالسؤال تكرريه عليه وانا كل مرة اقولك كنت معصب وحبيت انكد عليها بس
لأاااااكثر
لطيفه ناظرته بسخريه : لسى عندك آمل أصدق هالعذر يعني
ماعجزت
وليد عارف أنها كاشفته ..دايم تزعل بس هالمرة غير ..ندم انه رفض قدامها ...ايش له بوجع الرأس ذا ..مسك يدها وقال بهمس:معقول اهون عليك تزعلي علي بهالطريقه صايرة قاسيه علي
لطيفه ناظرت عيونه قالت بهمس: وليد تصدق نظرتك لي ماهي الأولى بعد ...
وليد عصب دف يدها : اوك شكلك تبي الفكه مدام وصلت لهنا ...
لطيفه ناظرته وبصدق : ماهو اللي انا أبيها انت ودك فيها
ولفت وأخذت العبايه ولبستها بضيق شافته رجع جلس مكانه: أنت مشيت كلمتك علي عشان اجلس قبل يومين بس الحين انا ودي اروح ارتاح ممكن
وليد ناظرها شاف الاصرار في عيونها ...وبعد يمكن روحتها تهدي الوضع شوي ..وقف وبضيق :انتظرك
ونزل وهو متضايق ..حده زفر بقهر منهن كلهن الثنتين وحدة معنده ومشت كلمتها عليه والثانيه طبعاً مسويه زعل ..صدق صاحب الثنتين ماهو مرتاح إلا من رحم ربي...
ركب السيارة وجلس ينتظرها ..سند حاله على المرتبه
وقفل عيونه وهو يتذكر محادثاته له يقال الحين هميتها ...وتبيني ارد عليها ..طيب ريتاج ..إذا ماطلعت هالحركه من عيونك ماكون وليد ..اففف وش فيني الحين لطيفه اللي زعلانه وانا جالس افكر في ريتآج ..آه ي بنت العم ...صرت مفضوح
وعند مين عند حبيبتي اللي حاربت الكل عشان أخذها ...حس
بشفقه أكثر يوم شافها جايه نزل وفتح لها الباب وقال وهو
يلطف الجو: اركبي ي الأميرة وبهمس راح توحشيني والله
لطيفه طنشت وركبت وهي ساكته تحس بزعل حيل منه ولا قدرت تنسى طول الطريق ساكتين ..بعد ها بدقائق وصلوا
قال بهمس: يومين يكفي
لطيفه ببرود: ادق عليك أنا
وليد مسك يدها :لاتخلي شيء تافهه مثل كذآ يهدم حياتنا
لطيفه : صدقني ماهو تافهه ي وليد وانت عارف قصدي ايش
وليد يكره لما يحس انه مكشوف عندها قال بضيق: اوك على راحتك وقت ماتحبي ترجعي البيت اعطيني الو تشوفيني قدامك
لطيفه نزلت بدون ماترد عليه اول ما فتحت البوابه
شافت اخوها رائد طالع من المقلط وشكله توه صحي من... النوم ابتسمت أكيد الضيقه بتروح الحين :هييي ي الاخو
رائد لف وناظرها : هلا والله وش جايبك
لطيفه ابتسمت : وش ذا الترحيب الغريب هلاوالله وش جايبك سلمت عليه ودخلوا الصاله..شافت امها جالسة . ..تنتظرها
قربت منها وسلمت عليها ..قالت بستفاسر : يمه علامك داقتن عليه تبيني ضروري
ام اسامه ناظرت ناحية رائد اللي رجع نام على الكنبه قالت بضيق: امس اسامه جاب زوجته
رائد فز بسرعه:وشهووووو
لطيفه ماهي أقل صدمه منه : كيف يمه وليه ماعطيتني خبر عشان اشوفها
ام اسامه ناظرتهن الإثنين : انتِ بعذرك عشان تنصدمي بس هالهايت وشله ينصدم كذا ويفز
رائد قال وهو مطنش حكي أمه : يعني خلاص اللكل بيدري إنه
متزوج ولا اشلون
ام اسامه بجمود: بعد ما اسوي زواج لهن
لطيفه ورائد بصوت وأحد : زواج
ام اسامه أخذت علبة الفاين ورمته على رائد اللي فاتح فمه بطريقه مضحكه: انقلع مالك في هالسواليف
وناظرت لطيفه ايه زواج ولا تبي الناس تأكل وجيهنا
لطيفة بفضول ناظرت رائد: فيك توديني عندهن
ام اسامه عقدت حواجبها : عند مين
لطيفه بحماس : يمه تكفين أبي اشوف اللي آخذت عقل اسامه وخلته يسوي هالشيء ومافيها شيء خلاص مدام جابها هنا آكيد عادي نروح نزورها
رائد هنا ضحك بقوه : ههههههههههههههههههه حلوة أخذت عقله بقوه أخذته هههههههه هههههههه
لطيفه وامها يناظروا كيف يضحك
رائد حس على عمره: اقول يمه ماهو الي متكبر ويشوف حاله نهايته ماهي شيء صح ورجع يضحك هههههههه
ام اسامه ناظرته بحده بتعرف وش سبب هالضحك
رائد: ولدك متكبر وشايف نفسه وتزوج زواجه صراحه مافي أحد يحسده عليها هههههههههه
ام اسامه بقهر وقفت: صدق يبي لك إعادة تربيه
رائد ناظر لطيفه: افاااا تربيه من أول وجديد وشوي واطق الثلاثين
لطيفه طنشت سخافته وقالت بشك : تصدق ي العربجي أنت
حاسه انك وراك بلى عارفه عن اسامه قول له لي خلني امسكه عليه ..اذا قال يبي اسيل لأني خايفه يرجع يخطبها
رائد رجع تمددد على الكنبه : يخطب مين ي غبيه امي تقولك
بتشهر زواجه وبتسوي له لليله يعني ابوها ماهو غبي عشان يرميها لواحد متزوج
لطيفه سحبت الخداديه ورمته عليه بقوه : والله ما غبي غيرك أجل ريتاج ذي اللي جت على راسي بنت مين واخت مين وأكيد ابوها ماعنده مشكله وبحقد حسبي الله عليه مثل مابلانا ب بناته
رائد : رجعها لها بقوه وقال بخبث لا هذي حقتي
لطيفه فتحت عينها بصدمه: ايش حقتك ذي
رائد رفع راسه لسقف وقال بحالميه: تصدقي مدري ليه اعشق سيرة هالبنت وانا ماعرفها
لطيفه حست بصدمه قويه صدق من حكيه بس قالت بتكذيب له : أكيد تمزح مثل عادتك ي السخيف
رائد ناظرها وبصدق: والله ماامزح ودي اروح اخطبها
لطيفه بقهر وعصبيه : تخطب مين ي غبي انا فرحانه ان اسامه تزوج عشان انفك منها تجي أنت تكمل المشوار
وبصرخه اسيل طلعها من بالك فاهم
رائد ناظرها بعصبيه: بنت لا تصارخي اوك ومالك دخل ولو ابيها ماطلب مشورتك
لطيفه بعصبيه: لا والله ماهو اخوان أعداء انفك من الأول يطلع لي الثاني
رائد : اقول انقلعي سوي لي شيء أكله
لطيفه بعصييه : انقلع
رائد: افااااا انقلع ماهي هقوتي فيك
لطيفه : ولا هقوتي فيك وين الي بيقف معي ويأخذ حقي منهن
رايح تخطب اختها
رائد بخبث قاطعها : طيب خليك ذكيه وفكري كيف أخذ حقك
منهن
لطيفه : لا تقول بتسوي فيها تنتقم ومدري ايش ومن هالكلام اللي مأخوذ غيرة
رائد : حلوو شفتي كيف انتقم لك ولي بعد بس ساعديني وخليني أخذ هالبنت
لطيفه بعصبيه : رائد فارق عن وجهي قال ايش ينتقم الدنيافوضه وعلى كيفنا ولو ابي انتقم انتقم من ريتاج هي وش ذنبها
رائد بضحكه : بالله حلوة ولا شينه عشان اذا حلوة قسم بالله لو تتطيري لسماء مازعلتها بكلمه عشانك اما لو شينه ابشري امردغها لك طول اليوم
لطيفه سحبت خداديه ثانيه ورمته عليه وبعصييه : لا ي شيخ يعني اللي شين ماله قيمه عندك صدق مابه عقل وبعدين كلها خلقة ربي اشلون تقول كذا و انا استاهل اتكلم معك واعطته ظهرها
رائد بسرعه يوم شافها طالعه فوق قال بصرخه: والله انا رجال احب الجمال ماهو مثل ذوق زوجك وليد
لطيفه ناظرته بحقد: يعني قصدك اني شينه
رائد : اي والله انك شينه ويقولون زوجته الثانية المنافسه معاها قويه
لطيفه ناظرته بحقد أكثر : جالسه مع مره وانا مدري صدق اسامه انك ماهو رجال
رائد ضحك : ماتبي تزوري زوجة أخوك
لطيفه بصرخه : انقلع
رائد:كم مره اليوم تقلعت أنا منك وضحك بصوت عالي على
هواشها ...ورجع ضحك على كلمة انتقام .....عايش اكشن
وابتسم بخبث وهو يفكر بطريقه كيف يقدر يقنع ابوه وأمه ويروحوا يخطبوها له .....تذكر اريج الخبله ..بسرعه اخذ جواله ودق رقمها وهو قرفان من صوتها بس عنده مصلحه ابتسم بخبث وهو يتمنى توافق باللي وده فيه وقال بكذب: حي الله هالصوت وين هالغيبه اهون عليك يجي العيد ولا اسمع صوتك
اريح وهي طايرة من الفرحه رائد بنفسه ..داق عليها ..
يالله الحين تحس بالعيد صدق من اسبوعين وهي زعلانه ونفسيتها تعبانه وهي زعلانه منه قالت بفرحة: آهلين
رائد ميل فمه بسخريه : وش ذا الاستقبال ماتعودت كذا منك
اريج مسويه ثقيله: نعم
رائد وده يتفل في وجهااا يكره البنات الخفيفات بس عشان اسول ذي اللي لاعبه بعقله يهون كل شيء قال وهو نفسه قالبه عليه :الحلوة شكلها زعلانه معقوله.. حبيبى تزعل مني عشان صورة لبنت تافههه طالبها منها تسوي كذآ وتزعل مادريت انك تحبي اسيل أكثر مني وهذا وانا ناوي انتقم لك منها
اريج بقهر من سيرتها : اقول رائد لاتلمح عشان أنفذ الي تبي وبس خلاص قفل سيرة اسيل لأني مستحيل اسوي كذا
رائد عض شفته وهو يسبها بأبشع. ..السب في نفسه بس قال وهو مغصوب :اوك ي الحب دايم تظني فيني ظن السوء الحين داق عليك عشان اعيد عليك ماهو مثل انتِ فاهمه ويالله سلآم
اريج بدلاخه : رائد حبيبي لا تزعل مني وآسفة إني ظنيت فيك بس والله من قهري كيف تبيني اصور لك وحدة حلوة بعد والله لاتخق لو تشوفها
رائد وده يرقص ايوه كذآ يعني اسول حلوة دايم يسأل امه واخته
الخايسه رافضه تقول له بس الحين جت من هالغبيه اي اي حلو
حلو ... سكت ماتكلم يبيها تقول له كل شيء بس قال عشان ماتشك: صدقيني ماتطلع أحسن منك
اريج بفرحه مين قدها رائد يمدحها: حبيبي معليش مقدر
رائد قال بخبث : اوك ي الحب على راحتك والحين خلينا من سيرتها قولي لي اشلون عايشه بدون ماتسمعي صوتي وضحك بقوة هههههههه
اريج قالت بدلع: مجرم لو تصدق في غيابك كنت اموت
رائد وده يتف عليها صدق حرام بنت خالتي تكوني لكن ان شاءالله انا الي بربيك واسحب عليك هذيك السحبه عشان تتوبي تكلمي رجال ماهو محرم لك ..ي الحثاله ... حس بحقارة من نفسه... يوم تذكر انها بنت خالته صح هو معترف ان فيه عيوب الدنيا بس يحتقر نفسه يوم يخون اللي قريب منه ...بس الحين لا صعب الانسحاب حتى يأخذ مرادة قال بقرف وتصريفه لها: اوك اخوياي وصولوا باي ..رمى الجوال وقف ورقى.. الدرج بسرعة وهو ..قرفان من نفسه ومنها ...يكره حاله لما يكلمها ...
عند
اريج
حست بقهر ...من حالها ..اشلون اقول حلوة وتخق عندها من جد غبيه ...بس لا هو قال ماهي احسن مني ..يحبني ووقفت وهي تدور بفرحه حول نفسها ... وماسكه الجوال وتبوس صورته اللي حافظتها عندها ناظرته بحب ...حبيبي متى نجتمع في بيت واحد متى .......(( الله يهدي اللي يقدم على المكالمات المحرمة مافي خسران غيرهن ))
،
،
،
لطيفه
قلت بقهر بعد ماسمعت حكي أمي : يمه اشلون نسوي عرس بدون أهل عروس مقد صارت ذي
ام اسامه بقهر : مدري عن أخوك يقول مسافرين وبعد زوجة ابوها قشرا مايبهن يحضروا شكله. ...
لطيفه : يمه قشرا مع نفسها بس اهم شيء تحضر هالليلة وبعدها في ستين داهيه
ام اسامه : راح ادق عليه واقوله
لطيفه: ايه يمه ضروري ولا تقبلي بأي عذر يكفي سواته اللي مدري كيف قايله
ام اسامه بضيق أخذت الجوال ودقت رقمه .....
دق جواله وهو يسوق شاف الرقم رد وهو يرحب:هلا بالغاليه
ام اسامه بجمود : وينك
اسامه حس من صوتها فيها شيء : جاي من دوامي
ام اسامه بحده : وش صار مع أهل زوجتك
اسامه انصدم يعني اشلون غيرت كلامها مسرع ...تنهد بضيق وقال :دقيت على اخوها وقال ان شاءالله يقدر يجي إذا اعطوه إجازة
ام اسامه بعناد : دق مره ثانيه ولا اعطني رقم امها مثل ما طلبته منك قبل
اسامه مقهور ..وش غير رأيها قال عشان ماتشك:ابشري اصل البيت وأخذ الرقم من ريوف لأنه والله ماهو عندي
ام اسامه : انتظرك ... وقفلت
اسامه
حس بقهر ...ياربي من يومين وهو فرحان انه خلاص ... مشت عليها الكذبه الي طلعها ...وصل البيت ونزل وهو معصب ....
دخل الشقه ..وصرخ بصوته كله: ي زفت
ريوف طلعت بخوف من المطبخ : ايوه
اسامه : تعالي دبريني وش اسوي امي رفضت تصدق وقالت تبي رقم خالتك شافها ساكته ...دق
دق رقم سمير مارد عليه ..ناظرها بعصبيه : شوفي كيف مايرد علي خايف لا اردك له
ريوف تحس بذل أكثر قالت بخوف: حاول مره ثانية يمكن نآيم
اسامه بحده: اعطيني رقم خالتك وبصرخه بسرعه
ريوف برجفه من طلبة : لا لا تكفى لا تدق عليها هذي بتقول
كل شيء لامك وتورطنا
اسامه بعصبيه: قصدك تورطك انتِ والخايس الي معك
اما انا زين مني سترت عليك .. وبعدين خالتك أعقل من كذآ
وبصرخه أعلى خلصيني
ريوف بخوف : ماذكره بس حافظته في الجوال والجوال عندك
اسامه عقد حواجبه وقف من غير مايرد عليها وبسرعه نزل للسيارة وأخذ الجوال وحاول فيه يفتح بس ماهو حافظ الرمز رجع ورماه عليها بقوه ضرب في صدرها
ريوف انحنت بألم : آه
اسامه بصرخه: بسرعه افتحي الرمز بسرعه ماهو وقت دلعك.
ريوف رفعت راسها بخوف وبألم.. قالت بتردد: ارجع حاول مع امك وكاد تهون عن العرس بأكمله
اسامه بستخفاف: لا ي شيخه انتِ مفتكرة ان الغاليه لو قالت كلمة ترجع فيها وقبلها كان تسلك لنا انها صدقت ..
وبقهر خلصينا
ريوف فتحت الجوال ..واعطته الرقم
وناظرته بخوف ..وقلق ...من اللي بتقوله له ..
اسامه
دق الرقم وانتظر شوي وجاه الرد عدل جلسته وهو يتنحنح: السلام عليكم ورحمة الله وبركاته
ام سمير مستغربه الرقم : عليكم السلام و رحمة الله مين معي
اسامه بضيق : كيفك ي خاله انا اسامه ..
ام سمير مصدومه من اتصاله ..وحست بعد بقلق لايكون بيرجع لها بنت عدوتها لا بتروح فيها هالمرة قالت بتمسكن: هلا يمه
الحمدلله كيفك وكيف ريوف
اسامه
حس بتأنيب ضمير معتبرته ولدها وهو.. ظلمها يوم حكى.. عند امه قال بحزن عليها بعد ماعطى ريوف نظرة حقد : هلا فيك الحمدلله تمام وحبيت ادق عليك عشان أبي اتفق معكم
ام سمير بضيق وخوف في وشهو يتفق : خير يمه في وشهو تتفق معنا وبتمسكن.. تكفى.يمه. ريوف لاتفكر تجيبها هنا على أنه ودي بشوفتها بس اخاف اخوها يذبحها ويورط حاله وانا ماعندي حد غيره يمه ...
اسامه قاطعها بجمود: انتهت هالسالفه ي خاله وبعد ماهو اسامه اللي يقطع على حاله وعد ويرجع فيه ...انا اليوم داق عليك ابي اقولك ان امي بتدق عليك وتتفق معك تسوي عرس لريوف
ام سمير بقهر: عرس و لها عندك حول الشهرين وزيادة
وشهوله عرس الحين
اسامه بضيق : هذي أومر الغاليه ولازم تتنفذ والي حاب أطلبه منك إذا دقت عليك تقولي لها تم وخلاص راح نحضر
ام سمير : يمه صعب هالشيء إلا انا ودي اشوفها عروس بس الله يسامحها يالله مابي اذكر الي فات وبعد .. اخوها بيعصب علي ..وانا مافيني يمه
اسامه بحقد على ريوف قال بحده: ي خاله مانبي ننفضح عشان سمعة بنتك قبل كل شيء
ام سمير بكذب: اغلى من بنتي بعد .. بس مثل ماقلت خايفه من أخوها حاول تعتذر من امك
اسامه يحس بقهر وهو جالس يحاول فيهن عشان الزفت ذي يالله قد ايش ندم انه دق الصدر وقال انا اتزوجها وبجمود: والله اني حاولت ادور لكم عذر ولدرجه كذبت ان ولدك توظف
ويأخذك معه واذا سألتك حاولي تقولي الي قلت لك عليه انكم حالياً ماهو موجودين بالرياض كلها
وإذا غصبت عليكم حاولي ي خاله .. تقننعي سمير وتعالوا بس احضورا ساعتين وبعدها اوعدكم معاد ادق عليكم
ام سمير غبيه ليه ترفض ..خليها تروح وتفضحها بعد عند ام زوجها وخليها فعلاً تنرمي في الشارع آه وقتتها تنتقم صح من زوجها. ... شافت سمير طالع من غرفته قالت بسرعة : هذا هو سمير خذه يمه
سمير انصدم مين ... وهو يأخذ الجوال منها
ام سمير سكتت ماتبي تقول له.. مين عشان مايقفل ودها تروح وتنكد عليها وتفشلها ..ابتسمت بخبث..
اسامه بجمود:الو
سمير بصوت ثقيل قايم من النوم: ايوه
اسامه بحده : دقيت عليك مارديت
سمير بنرفزه : ولا ابي ارد واذا داق عشان الحثاله قلت لك اذبحها ولا تفكر وبدون مشارو بعد ...محدن يلومك
اسامه فتح اسبيكر وناظرها بحقارة مثل اللي يقول لها اسمعي اخوك وش يقول عنك قال بجمود : اهدى خلنا نتفاهم
سمير : مابه تفاهم ولا تفكر انك داق تبي تتطلب لها السماح إذا غسلت مخك بكم كلمه انا لا لو جت قسم بالله اذبحها ..
ريوف حست بساكين من حكي ...سمير يالله قد ايش ..كلامه يوجعها وقفت تبي تدخل الغرفه اسامه ناظرها بعصبيه و اشر .. لها تجلس رجعت جلست بخوف ... حرام والله مايرحم أبد كيف يقدر يسوي كذا مبسوط واخوي يسب فيني ويقذف حسبي الله
ونعم الوكيل ودها تقفل أذونها من حكي سمير بعد
اسامه رفع حاجب وناظرها وهو متلذذذ بحكي اخوها تستاهل
واقل من جزاها الي تخون أهلها الذبح مايكفي فيها بعد قال برواق : هدي ي سمير وانا داق عليك عشان بس ابي اتفق معك ولا اقولك خلى امك تقول لك لانك معصب الحين وماراح ينفع الحكي معك ..و اذا هديت
رجعت دقيت عليك وقفل ....
وناظرها وقال بسخريه: يالله قد ايش اخوك مجروح ....سودتي وجهه حسبي الله عليك من أخت
ريوف رفعت عيونها له ودموعها تنزل : مصيرة يفهم قد ايش انا مظلومه
اسامه ضحك بوقاحه: هههههه لسى عندك أمل بعد الحكي الي سمعك توو
ريوف : ايه عندي أمل لانه هو الوحيد يهمني .. يعرف اني بريئه غيرة ولا افتكرت فيهن
اسامه وقف وجلس على نفس الكنبه ومد يده وحطها وراء راسها وقربها منه بعنف :في مين ماهو مفتكره
ريوف بتوتر وخوف من قربه منها بهالطريقه وبعد من العصبيه اللي في صوته قالت برجفه : زوجة ابوي
اسامه شد على رقبتها من وراء :زوجة ابوك والله انهه طيبه ومره سنعه وبهمس تصدقي تسأل عنك تقول ودها تروحي عندها بس خايفه عليك وبعد ودها تشوفك عروس ، شفتي كيف خايفه على وحدة ..... ريوف مدت يدها وسكرت فمه ماتبيه يكمل
اسامه دف يدها بعنف وقال بصرخه مرعبه لها: ماهوانا الي تسكتيني ي زفت ولا لاني قلت لك حقيقتك وشد على رقبتها بقوه
ريوف حست بخنقه ..من شده عليها والدنيا بدت تسود عليها
مدت يدها وحاولت تفك يده وقالت وهي يالله تقدر تنطق : ر ا ح ام وووت
اسامه فك يده ودفها بقوه وبصرخه : ليتك تموتي وانفك وبصرخه ..هذا الجوال عندك دقي على خالتك ..عشان تقنع اخوك ..بس لا تفتكري اني ب اخليه عندك بس عشان تتفقي مع خالتك ولما اجي أخذه منك ...و حسك عينك... ترجعي تفكري تلعبي بذيلك قسم بالله افرمك ولا أفكر..
ريوف جلست تكح وتكح وهي مخنوقه ....ماتدري وش يقول .
بس تنهدت براحه يوم .. سمعت تسكيرة الباب....
فزت بسرعة ودخلت الغرفه بعد مأخذت جوالها ...
وبسرعه قفلت الباب ...بس عضت شفتها يوم تذكرت المفتاح يوم سحبه ...جلست بيأس..دقت رقم سمير وهي متردده ...ماصدقت يوم سمعت.. صوته قالت وهي تبكي : ي اخوي
سمير بعصييه : ماهو اخوك والحين لو موامي كان مارديت عليك
وهي الي اصرت علي افتح الخط
ريوف وهي تبكي منهارة: ي خوي ليه كذا رافض تصدق و رميتني لواحد مايرحم
سمير بعصييه: مايرحم لا والله إلا الرحمه تملكته وبقوه بعد لو غيرة ذبحك وراميك للقرب زباله ي******
ريوف قفلت عيونها من قوة حكيه : وعادي يرمي اللي من دمك ولحمك لاااقرب زباله
سمير بعصبيه: ايه عادي ي ريوف واقول الحكي ذا وابيك تفهميه لأني ماراح اكرره ....رقمي احذفيه من عندك وانسي خلاص ان عندك أخو وخلاص زوجك دق علي وعشان سمعتنا مثل ماقالت امي بضحي واضغط على حالي واحضر زواجك ذآ
بس عشان الناس ي ريوف اما انتِ مالك قدر عندي
ريوف وهي تبكي : ابشر ي خوي أنت من زمان معتبرني مت مثل ماقلت بس انا اليوم اعتبر نفسي أخذ عزائي فيك
سمير بعصبيه : ليته صدق ولاعشت وشفت سواد وجهك وقفل في وجهااا
وناظر امه بعصبيه : عجبك الحين
ام سمير: يمه مثل ماقلت لك عشان الناس وسمعتك يمه إلا هي ماعلينا منها ولا فكرت فيها فكرت في سمعة ابوك وفيك
سمير حس بقهر ...وعصبيه ...اشلون يقدر يحضر ..ويشوف رائد وكيف يقدر يمسك حاله ..اذا شافه .....
.
***
**
*
https://play.google.com/store/apps/details?id=com.stories4all.offline13