الفصل 29
رواية أعشق أنانيتك عندما تتمناني لك وحدك
الفصل التاسع والعشرون
ناصر
فتح عينه بصدمه ...وهو يشوف ..كيف سقطت بقوه ...تحرك بفجعه وهو يسمع صراخهاا ...تقرب منها ونزل نفسه لهااا وبخوف صرخ:منيره
منيره
اللي ماسكه على بطنهاا ..ويدها اللي تحس فيها بألم فظيع ..عضت شفتها بألم ودموعها تنزل : مافيني اتحرك وهي تحس بشي سايل ينزل منها
ناصر بخوف وهو يمد يده ..يبي يحملها اول ..مارفعها ...حس
بشي طالعه بخوف شافه دم .....بسرعه ركض فيها وهو حاملها
وركبها السيارة ورجع بسرعه أخذ عياله وكلم السواق : روح فيهم بيت ماما
ورجع سيارته وركب بسرعه وهو ...يسمع صياحها..وصراخها
منيره
خلاص فيها ألم ماهو طبيعي تحس بشي يبي ينزل منها . بعد عرفت وحست انه بيطح ..
ناظرته وهي تصيح : شكلي بفقدة
ناصر بخوف: لا ان شاءالله مافيه شيء بس اصبري شوي
منيرة صرخت من قوة ألم ظهرها الي ضرب عليها مع بطنها ...
ناصر بتوتر من صياحها : تحملي حبيبتي دقايق بس ونصل
وفعلاً كلها دقائق وصلوا
وبسرعه جاب كرسي متحرك. .وأخذها فيه ...وهو ميت خوف عليهاوجسمه كل يرجف ..
. ..
*
*
*
*
*
*
*
في بيت ابو اسامه. ..
ام اسامه جالسه في الصاله تناظر لطيفه الي تلبس العبايه
: ليتك جلستي اليوم بعد
لطيفه : توك طاردتني وش اللي تغير الحين
ام اسامه بضيق: ماهو وقتك الحين اجلسي شوي
لطيفة : جاا يمه صعب ارده وبعد مابي اللي عنده تصدق عمرها خليني اجلس لها ...
ام اسامه : الله يعينك على شغل الضرايروالله مالك فيه يمه بس هذا نصيبك
لطيفه بضيق : والله إحساس يوجع حيل
ام اسامه بقهر : والله الوجع الي سببه لي اسامه وماكملت كلمتها الا تشوف رائد فتح الباب...وبسرعه فزت وهي تصرخ عليه
:تعال ي ل***** من متى تدري ولا قلت لي
رائد وهو طفشان وحالته حاله ...من امس مانام ..وبعد قرفان من نفسه ...وجسمه يألمه من كثر.الطق الي آخذه. .وفرح يوم شاف سيارة ابوه ماهي موجودة وبعد سيارة اسامه ...دخل البيت إلا شافهن قدامه .. وعصب زيادة من لقافة لطيفه هو ناقص الحين
لطيفه بفضول: ايه والله ودي اعرف كيف اسامه تزوج
تكفى رائد قول
رائد بطفش : فكوني الحين ماهو ناقص قرفان من حالي
ام اسامه بصرخه: افكك الحين بعد ماولعت امس البيت وانقلعت وجالسه أكل في نفسي ابوك من وقت ماطلع مارجع واسامه بعد رائد بطفش رفع شعره الي نازل على وجهه : ابوي أكيد.. رجع البر واسامه أكيد. . عند مرته وين الخوف. .
ام اسامه عصبت زود يوم قال اسامه عند مرته: انقلع عن وجهي
رائد
بسرعه رقى الدرج ...وهو يسمع سب امه عليهم ...يحس العحيز هذيك قلبت حياتهم كلهم ....دخل غرفته ...وبسرعه أخذ شور
.بارد ..ورجع تمددد بعد مانشف جسمه ..ولبس بجامته ..وده في نومه تريح ألم جسمه شوي ....والله لو جلس كذا كل مره أحد ..يدبغه من جهه ..اكيد بيتكسح ...قريب ..سمع جواله يرن ..تافففف بطفش ..مين الثقيل الدم الي يدق ...مد يده وسحب جواله. ..ناظره رقم اريح ام البلشه ....ذي بس ناشبه له مره وحده اعطاها وجهه معاد فكت عنه ...طنش مارد بس ثواني جته رسالة ...(رد ضروري )...بفضول رد يوم رحعت تدق قال بتمثيل: هلا والله
اريج بضيق : ليه ادق عليك ماترد علي ومتغير وش فيك رائد
قول معاد تبيني صدقني معاد ادق
رائد المصيبه نفس الكلام وكل مره اقولك لعاد تدقي ..ي شيخه صوتك يجيب الهم . ..بس كذا تقول آخر مره ادق عليك وترجع ولا كنها حالفه قبلها ..وع ي شين دلع البنات وكذبهن .
.قال ببرود: والله لا متغير ولا شيء وهذا انا كذا من زمان وبعدين مارديت كنت مشغول ..وتوي افضى يعني خلاص
خربت الدنيا ...
اريج افف تخاف من زعله لانه على طول يعاقبها انه مايرد ...عليها وهي كذا تموت ..لو ماتسمع صوته. .تحبه وتموت عليه بعد .كل يوم تهدد وهو ولا معبرها يقفل من هنا وينساها بالمره هي ترجع تذكر بحالها ...قالت وهي تحاول تهديه :خلاص حبيبي بس كنت متنرفزه من وحدة في المدرسه حدي قهرتني اليوم وليت بكره في دوم كان خلصت عليها وبردت خاطري
رائد بفضول : مين هالي قهرت الحلوة ...قولي لي وانا احوس خشتها
اريج فرحت كثير: تسلم حبيبي بس هذي اسيل اخت ريتاج الي متزوجها .. وليد
رائد
وش حكاية هالاسيل جالسه ترددد ..علي سواليفها هاليومين ...
قال بفضول : وش مسويه فيك
اريج : قاهرتني. .ودي انتقم منها وتنفصل من المدرسه وارتاح من خشتها الدلوعه ...
رائد : اففف انتقام مره وحده وبعد تفصليها .. يعني هالدرجه قاهرتك ...مايدري ليه عند فضول يعرف عن اسيل أكثر وحاول يستدرج هالساذجه في نظره ( وفي نظرالكل للي ترخض عمرها لها المستوى )
اريج : ايه و أكثر بعد ولو ودي تموت
رائد: اوفف تموت مره وحده ليه طيب
اريج : وع مسويه نفسها كيوت ومدري ايش وانها ياي ومن هالحكي الماسخ
رائد بخبث وده يشوف هالدلع الي يتكلمن عنه هي وامه : اعطيني رقمها اربيها...لك وش رايك
اريج بحقد والله لو يسمع صوتها لا يخق قالت بسرعه: لا
رائد جلس بحماس :صوريها ..طيب يوم سمع شهقتها قال اممم مو كنها صعبه شوي ..
اريج مصدومه ذا وش يقول :لا ي رجآل وش ذا الحكي وخلاص خليها علي وانا ... ادبرها وبعدين هذي سواليف بنات لا تتدخل فيها ...
رائد
اففف ليه هالغبيه ماهي راضيه تجيب صوره لها الله لو توافق .. .ابتسم بخبث ..حلو بينتقم من اسامه بعد ..ولو اطر يخليه يشوف صورتها معه ..وهذاك الوقت ..راح يموت. .لما يشوف صورة حبيبة اللي يموت عليها معه ...اخخخخ وكاد اقدر أخذ حقي منه ..وبحقد مسك على فكه اللي يعوره ..طيب اسامه ماقدر ارجع لك الضرب عشان بنية جسمك مو قدها ..بس اقدر اوجعك حيل ...اخخخ اريج كنت اكرهك وماتنبلعي لي... بس الحين لا احبك واجد .... وبحتقار .ي بنت الخالة (المحترمة )... بس كيف الخايسه ذي تقتنع تصورها ..قال وهو قصده يغيضها وتمشي معه: خايفه انها احسن منك
اريج بقهر :قلت لك صوره لا حلوة ذي عشان اتورط انا والله ابوي لايذبحني لو انكشفت السالفه
رائد بسخريه:هو ذابحك ذابحك بالللي تسويه
رايج بتوتر:وش قصدك
رائد اخخخ مابي ازعلها حتى أخذ صورة الحلوة اسوله قال
بكذب:امزح معك يالله فكري اوك
اريج قفلت في وجههه. ..
رائد عض شفته:اخخخخ وش فيها ذي بس الحين تأكد ان اسيل حلوة مدام هذي طلعت لها عفاريت يوم قال يبي صورة لها ...
*
*
*
*
*
*
في المستشفى
جالس متوتر حده ..ويحس بقلق ..والله ماهو مطمن أبد
..يناظر الكل ..بضيق ..وده تطلع له الدكتوره وتطمنه ولو بكلمه ..تردد يدق على امه ..بس مايبي يفزعها ..يدري فيها من أقل شيء تتعب ..وتنفزع..يالله انه خير ...شاف الدكتورة طلعت بسرعه تقدمها وهوو يسألها ..ويناظر الممرضه اللي طالعه وراها .قال بتوتر: كيفها
الدكتورة : ربي يعوضك. ..بالجنين..
فتح عينه بصدمه وهو يسمع كلام الدكتورة ..تمتم بالحمدلله
كيفها طيب ...
الدكتورة : تعبانه شوي ..
ناصر : ابي ادخل اشوفها
الدكتورة : لسى ....
ناصر
جلس على الكرسي. ...وزفر بضيق ..وهو يدعي ان الله يعوضه .
يالله كل مايتخيل كيف طاحت قدامه وماقدر يساعدها ...يحس بتنأيب ضمير ..وهو الي شتت بالها ..وقهرها ...وخلاها تنزل زعلانه.. بهذاك الشكل ..وش الي سواه في عمره ..وبعد حزين
حيل ومقهور من نفسه يوم ..بشرته فيه مافرح ..سبحان الله لانه ماحمد الله على النعمه ربي جزاه استغفر الله. مسح وجهه بيده وهمس .يارب اغفرلي وعوضني خير ....
طلع جواله من جيبه. .وفتح رقم عمه ..وضغط عليه وهو مصمم ..على اللي في رأسه ...جاه الرد بعد ثواني قال بجمود : السلام
عليكم
ابو عصام اللي جالس في مكتبه يوم شاف رقم ناصر عرف انه يبي منه خبر ...يالله ايش يقول له ..البنت رفضتك ..لا صعب يقول له كذا ..وش بيفكه من سلطان ..بيقدر يصرفه بطريقه احسن..زفر بضيق الله يعيني عليك ياسلطان انت وعيالك .: هلا عليكم السلام
ناصر بضيق: كيفك ي عم
ابو عصام بجمود : الحمدلله
ناصر بخجل بس لازم يسوي كذا ..وكاد يقدر يفرحها بعد الي صار وهو يتنحنح .: احم آسف ي عم انسى موضوع الخطبه وكمل بخجل من عمه... والله فكرت فيها وشفت مالي مخرج وبنتك الله يسعدها مع مين يقدرها يارب وصدقني مابه عيب فيها بس... ماقدر يكمل سكتت ينتظر عمه ايش يقول ....
ابو عصام فتح عينه بصدمه ...بعدها ابتسم بفرح ...يعني جت
منه ماجت منهم ..ماعليه ملأمه مع اخوه..
قال براحه: ان شاءالله خيرة ي بوي
ناصر بضيق: لا تزعل مني ي عم .. وبنتك ان شاءالله ..تحصل اللي احسن مني والله اني قبل مادق عليك فكرت أكثر من مره
ابو عصام براحه قاطعه : مابه زعل ..وكل شيء نصيب..
ناصر براحه : تسلم ي عم
ابو عصام : الله يسلمك
وقفل من عنده
وهو مرتاح ...الحمدلله وهو ماااستعجل ..بالرفض ..يالله قد ايش هم وانزاح عنه ..لانه عارف برفضه لناصر ..بيعقدها مع عصام اخوي وأعرفه...كل شيء يعاند عليه ..الله يهديه...رفع الجوال
ودق بثقه ..ثواني وجاه الرد : السلام عليكم
ابو وليد : هلا عليكم السلام وقال بأبتسامه مابغينا كنت شوي وجاي مكتبك نأخذ موافقه الاميرة بنتك ان شاءالله
ابو عصام قال وهو مسوي حاله زعلان :ماعليه هذا انا دقيت
و.....
ابو وليد بحده قاطعه : لايكون البنت رافضه لان ..صوتك ماهو عاجبني
ابو عصام ابتسم بتشفي :لا والله ماهو البنت ولدك اللي اتصل علي وقال كنسل السالفه كلها وخلى هالشي ماصار ولا انحكى فيه وبنتك ربي يسعدها مع غيري ...ثاني مره لو جاي تخطب ي سلطان تأكد بنات .. الناس ماهو لعبه ...قال كذا عشان يمثل الزعل .
ابو وليد فتح عينه بصدمه من الي يسمعه قال بحده : ماعليك فيه هذا خيخه يقول حكي ماهو قده... اتله لك لما باب بيتك ويملك
عليها غصب عن خشمه ....
ابوعصام بعصبيه : لاوالله ي سلطان بناتي ماهن رخيصات
ومدام ولدك الي رفض ...حرام مايأخذها وعداني العيب ي سلطان ماهو ..بنتي اللي ...تنرفض .. من ولدك ويالله ماطول عليك...واعتبر السالفه كلها ماصارت مثل ماقال ناصر قالها وهو حاب يذكره ان ولده اللي أنهى الموضوع. ...
ابووليد قفل بعصبيه ..وهو يتحلف في ناصر ..دق عليه بسرعه بس مارد ......رجع دق نفس الحكايه ..عرف انه خايف مصيري اصيدك يال***** وقف بعصبيه وطلع من الشركه. .
*
*
*
*
ناصر
فرح يوم قالت له الدكتوره ..يقدر يدخل يشوفها ....وبعد ..الحين أكيد بيدخل يفرحها
..بس يالله انها ترضى عليه ...يحس بتنأيب ضمير على اللي
صار لها ...
في الغرفه
قفلت عيونها بألم. ..وحزن على اللي فقدته. .وش ذنبه..
ليه مانتبهت ..وهي تنزل ...كله منه هو الي شتت عقلها وقهر قلبها ..بس هين ي ناصر ...ولدي في ذمتك. ...تحس بحزن
يقطع قلبها ..ماتدري ليه كان حابه هالحمل ...وفرحان فيه غير يوم حملت بريماس ..وسلطان .ويوم سوت سونار قالوا لها ولد
فرحت حيل ودها تسمي باخوها هالمره ..تذكرت الألم .اللي تجيها ... من يوم ..ماصدمها بالخبر..كان عندها احساس كبير انه راح ينزل ... ، ناظرت يدها الي عليها جبس ...يالله طيحتها ماهي سهله. ..عضت شفتها
وهي تمتم بالحمدلله ..حست بالي دخل .. شافته
صدت بزعل
ناصر دخل بشويش ...وهو يشوف يدها ..وشكلها التعبان
نزل نفسه شوي وباسها فوق راسها : الحمدلله على السلامه والله يعوضنا
منيره مدت يدها السليمه وهي تبعده عنها وقالت بحرقه : يالله
انفكيت منه
ناصر عقد حواجبه : الله يهديك وش ذا الحكي. ..
منيره ودموعها تنزل : تذكر يوم قلت لك حامل ..قلت ليه
حملتي وانا ماعندي خبر ...وليه تدبسيني زود ..
ناصر نزل رأسه عض شفته مايدري وش يقول ..اوايش يبررر
منيره كملت وهي تمسح دموعها: هذا هو نزل من غير مايدبسك
وريحك منه حبيبي ماشاف الدنيا ...ونزل قبل حينه
وصاحت بقوه كنت فرحانه فيه غير ...بس رآح ..وانت السببب
انت اللي قهرتني .. وماخليتني انتبه ..اوافكر جاي وبكل بقاحه تقول ابي اتزوج حتى ماقدرت حالتي ...كان خليتني اولد وتزوج محد بيردك ...
ناصر
عاذرها بس ماهو لدرجه تحمله مسؤولية طيحتها قال بهدوء: صدقيني لو له عمر في هالدنيا بيجلس بس سبحان الله هذا يومه ونصيبه كذآ والله قادر يرزقنا غيره ان شاءالله بس انت هدي
والكلام كله ذا راح يتعبك ..صديقني الراحه لك أفضل شيء
منيره صرخت بقوه: كنت تعبانه من اول وهذا انت سببه
لي اسبوع وانا مانام من ألم بطني ..وعارفه انه بيطيح ..
ورجعت صاحت بس كان عندي آمل اروح بيت اهلي راح ارتاح ...وكل شيء يرجع مثل اول ...بس مدري كيف مانتبهت ..ولدي راح مني ..ناصر ..كنت ابي أسميه على اسم
اخوي...وافرح أمي. .وتكفى لا تمثل علي وتقول انك زعلان
وبعد خايف علي. .ناصر خلاص معاد بينا شيء ..صدقني نفسي عافت كل شيء ...
ناصر تقرب منها يبها تهدى ..جالسه تقول كلام كثيرر
مايدري ايش ...قال بهمس : منيره عندك ريماس وسلطان
الحمدلله ماهو مقطوعه ابد وانا معك كلنا حزينين على اللي صار بس اصبري واحتسبي ولك الأجر
منيره ناظرته بقهر : ايه .. تقول كذا لانك ماتبيه
ناصر قال وهو عنده آمل انها تهدى شوي ..لانه مصدوم ..توقع ..تزعل بس ماهو بهاالكثر...:دقيت على عمي وكنسلت الخطبه .كلها ..واوعدك تطلعي من هنا راح اعوضك ولك اللي يرضيك بس تكفين لاتصيحي كذا قطعتي قلبي ....
منيره ناظرته بصدمه ... بعد ايش ..ابتسمت بسخريه :كثر الله خيرك صراحه ماقصرت ..
ناصر مسك يدها السيلمه : تطلعي من هنا واوعدك راح ينتهي ذا كله
منيره صدت ...بتعب ..قفلت عيونها ....ماتبي تشوفه ولا تبي
تسمع ايش يقول ...سمعت صجه عند الباب ..عرفت انه اهلها من صوت امها ....بسرعه دخلوا ..يالله قد ايش تحس روحها رجعت لها وهي تشوف ...امهاا
ام منيره تقربت منها وضمتها بقوه وهي تصبرها
منيره : يمه شفتيه صغير صح
ناصر حس قلبه يتقطع عليها ...يالله ايش اللي سواه في
نفسه وفي عائلته...طلع وهو مقهور ويلوم حاله ...وبعد تعلق منيره في هالطفل غريب ..توقع تزعل بس ماهو هالكثر...
*
*
*
*
*
*
*
في المطعم
لطيفه تناظره ساكت من وقت ماجاا لها بيت أهلها
قالت وهي تستفسر: ايش فيك ماهي عادتك ولا يكون زعلان ليه نمت عند امي
وليد
اخخخ وش يقول لها جالس يفكر ..في ريتاج ...وليه رافضه قربه .ومقهور بعد .من نفسه ..ليه معطيها وجهه ..وهو أول مايشوفها من اصله ..وش اللي صار وقلب حاله كذا...وليد اصحى ..اللي تبيه انت لطيفه. .وش اللي طرا الحين على ريتاج. .تنهد بضيق ..وش الي يحس فيه ...حس على كلام لطيفه ابتسم لها بحزن يالله لو تدري انه جالس يفكر في ريتاج عض شفته وبتمثيل: ايه
زعلان وماراح ارضى
لطيفه مدت يدها ومسكت يده : حبيبي والله غصب عني
انت ماتدري ايش صار في بيتنا وكملت بخبث عشان الكل يدري وريتاج تنقهر ان اسامه أخذ غير اختها ماهو مثل ماهي عارفه انه ميت عليها :.تصدق اسامه طلع متزوج ...
وليد فتح عينه بصدمه :ايششش متزوج كيف
لطيفه : ايه بالسر اليوم فضحه رائد
وليد عقد حواجبه :طيب ليه بالسر ولا يكون مسيار مثل الي هابين فيه
لطيفه : مدري والله بس اللي قاله متزوج بالسر
وليد بجمود: وش له بها الزواج كان مثل الناس جااا وقال لأهله
وأكيد محدن بيقصر معه الله يهديه
لطيفه بزعل:ايوه ياليت سوى كذا حتى امي قالت نفس الكلام وابوي طلع معصب من امس مارجع
وليد :طيب عرفتوا مين بنته
لطيفه : لا اقولك رائد فجر القنبله وانسحب حضرته وجاا اليوم
ورفص يتكلم
وليد عقد حواجبه وقال بعدم تصديق: صدقيني مدام رائد
اللي قال فهو كذاب ويحب يسوي مشاكل دايم
لطيفة بزعل : هييي ايش فيك على اخوي وبعدين الحين توك استوعبت ان رائد الي قال ماهو من اول قلت لك رائد ولا عقلك وين وبعد اسامه اعترف انه صدق
وليد بجمود : كيفه رجآل وماعليه خوف
لطيفة فتحت عينها بصدمه : وشهوو ...مهما كان مفروض يقول وش حده يعني
وليد ببرود : محد يدري وش اللي حده
ورجع سكتت
لطيفة قالت بضيق : اقول ماهو على بعضك من وقت مادخلنا المطعم
وليد تنحنح وعدل جلسته معقول لهادرجه صاير مفضوح قال بتوتر:وش فيني يعني آه منك موسوسه بشكل ..وقطع عليه رنة جواله
رفعه من على الطاوله وعقد حواجيه يوم شاف رقم ابوه كملت رد وهو يناظر لطيفه :هلا يبه
لطيفه حاست بوزها ...أكيد بينكد عليها ..
ابو وليد بجمود : تعال نبي نتعشى جميع
وليد عض شفته مايدري وش يقول له: معليش سبقتكم وجالس
في.. المطعم انتظر الطلب. .تعشووا بالهناء
ابو وليد بعصبيه: تعال قلت انتظرك على العشاء وعندي موضوع لازم نتكلم فيه ...وقفل
وليد
عض شفته ..بحيرة أكيد الحين لطيفه بتزعل ...
وقف وهو يحطها في الأمر الواقع : يالله
لطيفه بقهر: طيب والطلب
وليد بجمود : يتكنسل امشي بس وفكينا ماهو ناقص زعل ابوي .. ..................
عند غلا
،
،
فتحت عيونها ...وهي تحس بثقل براسها ..ناظرت حولها
تذكرت. .وين هي ...صدت شافته نايم ...حاست بوزها و بسرعه وقفت وهي متضايقه ..راحت توضت ..وطلعت صلت وجلست تستغفر على الصلوات ..الي ضيعت وقتها ...صدت طالعته وهي مقهورة منه ومن .. حالها كيف قدرت تنام هالنومه كلها بعد وقفت وهي ترفع السجادة ورجعت طالعته ...وهو لسى نايم على بطنه تقربت من الباب شافته مقفل ..بالمفتاح اخخخ..
قالت بصرخه قويه : وجع نايم بعد قوم افتح لي
سامي
اللي من قبل صاحي ...بس مافيه حيل يقوم بسرعه مع صرختها سحب المخده من تحت رأسه. ..ورماها على وجهاا وقال بقهر:وجع ان شاءالله يوجعك وحتى وانت قايمه من على السجادة ... شياطينك قايمه اعوذ بالله
غلا بقهر أخذت المخده ورجعتها له وقالت بكرهه: ممكن اعرف حتى متى اجلس محبوسه هنا سيد سامي
سامي رفع نفسه وسند حاله على الكرسي وهو يحرك يده على شعره ..ابتسم بستفزاز : ايه حلو من اليوم و رايح ناديني سيد سامي اوك لا تنسي اذا نسيتي راح تتعاقبي أكثر من كذا وهو قصده يقهرها ....
غلا بقهر الحين خلى سؤالها ومسك في هاللقب اللي صدق حاله فيه ميلت فمها بسخريه: لا صدق بالله
سامي ابتسم وهو مسوي نفسه فرحان بالقب: الله سيد سامي
وانت جاريتي حلوو صح ...
غلا
قسم بالله ماتسكت له. ..تقربت منه و بعصبيه ...وهي ناويه تضربه .
وبصرخه: انتم كذا ي عيال خدوج لازم تندبغون وتعرفوا كيف بعدها تتربن قال ايش جاريه. .
سامي يوم شافها معصبه وجايه له .. بسرعه مسك يدها وقال بحده : بنت ناسيه انك حامل ؟
غلا بقهروهي تحاول تسحب يدينها الي مكتفها وبقوة صرخت:فكني ولا مو ناسيه اني متتهببه حامل
ماهو ضروري كل وقت تذكرني ترا كرهته أكثر
سامي بحده:خلاص صجيتي راسي بصوتك ذا أعوذ بالله عليك صوت ماهو على حجمك ....
غلا بقهر : يا ابن الناس فكني وخلني اروح بيت ابوي
سامي فك يدينها ورجع سند حاله على ظهر الكرسي وقال بكل برود: لااااااااا
غلا قفلت عيونها وهي تصبر حالها وقالت وهي صاكه على سنونها : ليه لا ولاتفتكر اني بصدق انك تبينيي
سامي : قال بستفزاز : لا تصدقي أبد السالفه ومافيها ...انا رجال يدور راحة اخته فيها شيء ذي بعد وقالت خذها عندك شوي ...
البنت مسكينه شوي وتنهبل منك ومن سواياك.... وصلت للطق ي الظالمه
غلا لا لا هذا مايصلح أحد يتكلم معاه .. بذوق قالت بصرخه وهي ناوي الليله تذبحه بعد: اقسم بالله لو ماتخليني انقلع بيت ابوي صدقني ماظمن روحي ايش اسوي فيك ..واخليك انت الي تشكي بدل أختك
سامي بسخريه رفع حاجب: اخسس يقال تهدد اقول فسخي هالعبايه عليك من وقت ماجيتي ترا انا مليت منها وانت مامليتي لسى عندك آمل تصدقي احب اسرارك بس ولا عمره ضبط معك وضحك بعربجه هع هع هع متعبه حالك على الفاضي. .
غلا بصرخه قهر عصبها أكثر بضحكته ذي يستفزها بقوه فيها : والله ماغيرك الملل والقرف في حياتي كلها
سامي بحده: باسوي حالي ماسمعت
غلا بتحدي : واذا سمعت وش بتسوي يعني
سامي وقف وقابلها وقال بتهديد: صدقيني ي غلا مصيرك تعرفي مين سامي واعطاها ظهره
غلا بصرخه قهر: ودي افهم بس مين مكذب عليك ومعطيك اهميه وجاي تتمرجل علي
سامي رجع ناظرها بقهر : مصيرك تشوفي بعينك المرجله وبعدها اشوف كلامك يتغير اولا ودخل الحمام وقفل الباب بقوه ..من عصبيته مايدري وش يسوي في هالبنت يذبحها ..ويرتاح
غلا
جلست على السرير .بقهر ...حطيت يدها على وجهاا وبكت
بقوه ..ياربي وش اللي يصير معي ..ليه كل شيء ضدي..ليه حظي كذا يلف ويلف ويرجعني لسامي ...سمعت صوت المويا من الحمام الله يكرم القارئ ..قالت بقهر يارب تزلق وتتكسر ....ماكملت كلمتها الا شافته طالع وهو لاف المنشفه على خسره والثانيه ينشف شعره . .. حتى استايله ..يقهرها ...بس في شي مستغربته محلق شعره ..المكدش غريبه ..
سامي وهو يناظر في المرايا : لسى مسويه محزنه
غلا بصرخه : مابي اجلس عندك مابي ..اعيش هنا
سامي بكل برود : مافي جديد نفس كلامك كل مره
غلا بقهر مدت يدها وسحبت جواله اللي على السرير مرمي ورمته على الارض ..عشان تبرد حرتها
سامي ناظرها بعصبيه في المرايا وبقهر لف لهت وقال بكل تهديد : قد ها لحركه
غلا بعصبيه : ايه قدها ولا كان ماسويتها
سامي حاول يمسك حاله عشان اللي في بطنها بس ..لانه يشوف انها مستخفه فيه وتتحرك ...بطريقه ..مثل الي ناويه.. ينزله ...
نزل نفسه شوي وأخذ جواله ..رجع البطارية مكانها. .وفتحه شاف الشاشه في شطب من فوق قال وهو عاض على شفته : ليه ي مجنونه
غلا بعناد : مزاج
سامي : باسامحك هالمره بس صديقني لو تنعاد هالحركه بتكوني مكانه غلا بطفش منه :افتح الباب وخلني اتؤكل وتهديداتك ذي لا تعب حالك فيها وتجلس تكرر ها لي لانها ماتهز فيني شيء ويالله افتح الباب
سامي لف راسه بطفش : يالله من اللي ماتفهم الحكي اقولك منثبرة هنا حتى تولدي بعدها انقلعي
غلا بقهر: ي هالولد تقول ولد السلطان
سامي بأبتسامه : اشوفه احسن بعد
اتجهه لدولاب وسحب جنز وتيشرت ......
وبعد مالبس وقف عند المرايا ...رش عطر ..وناظرها في المرايا ..يالله قد ايش منكدة على روحها ...قال وهو يتمنى
توافق: وش رايك اعزمك في مطعم بمناسبة اول يوم لي في
وظيفتي وننسى الزعل شوي ..
غلا
من جد ذا الهايت اول يوم له ..يعني صدق توظف ..افتكرت يكذب ..ولا اخته الي صجتها من فتره وهي تقول انه حصل وظيفه. ..تفتكر تعاندها ...قالت بسخريه : يالله تطورنا والله
وصرنا بعد الهايته ناس نظيفه وموظفه ونعزم بعد
سامي
تقرب منها وهو يحمل مفتاحه وجواله ..وقال بهمس: الله يعينك على نفسك صراحه نفسيه بقوه بعد
غلا فتحت عيونها بصدمه ...يعني وشهوو مجنونه شايفني
قالت بصرخه : اقسم بالله اعقل منك ولاتفتكر نفسك شيء بالوظيفه تراك سامي لا رحت ولا جيت
سامي كان رد لها طلع وقفل الباب بقوه ...وبعد قفل بالمفتاح ..من برا ..نفس الصبح ...
غلا فسخت العبايه بقهر ...ورمتها في الأرض. ..بعصبيه ...
وهي تأخذ الشنطه وتطلع جوالها ...آخر حل عندها ...وان شاء الله مايخيبها مثل العادة ...دقت رقمه وهي متمنيه يقوم معاها
قفلت عيونها بصبر يوم سمعت صوت الضفدع قالت بقهر: يالله توني ارتحت من اخوك طلعتي لي انت ودي اعرف وش مسلطكم علي
بدريه مسبوطه حدها من يوم امها قالت لها ان سامي رجع غلا ...يالله قد ايش كان متمنيه هاللحظه ..والحمدلله جت قالت وهي تتشمت فيها :حرام اخوي وش حليله
غلا
كورت يدها ...ودهاا تكون قريبه منها كان خلتها تثمن هالكلمه قبل ماتقولها...قالت بقهر :ليتك قريبه بس
بدريه رفعت شعرها من على وجهاا وقالت وهي تغيضها:الحمدلله مو قريبه المهم وش تبي حتى وانت بعيده مزعجتنا
غلا بصرخه استفزتها بقوه :حسبي الله عليك من مره اعطني ابوي من زين الصوت الي عليك عشان ترتزي على الجوال
بدريه ببرود يقهر : ابوك مو هنا لا لا قصدي ..نايم ولا اقولك مدري وينه بس يمكن نايم
غلا صرخت من قهرها منها: طيب ي الضفدع جالسه تستهبلي على راسي اطلعها من عيونك
بدريه عصبت: مين الضفدع والله ماغيرك ي زفته
غلا بعصبيه : بعد تسبي هين هين كلها متجمعه لك ي العجيز
والله هالمره اخليك تشكي على الشرطه ماهو على اخوك بس
بدريه
لا لا هذي زوتها بالمره قالت بدلع ماسخ:مين العجيز اقول ناظري شكلك في المريا وتذكري شكلي راح تطلعي الفرق
غلا : من غير مااطالع المرايا .. مطلعه الفرق الحمدلله وكلن عارف حاله ي العجيز ...
بدريه
عصبت وقفلت في وجهاا ..الا جمالها خط احمر
مقهورة ...الخايسه واثقه من حالها بعد ..وهي عارفه انها أحلى منها ...بس هي احسن منها في اشياء كثير ..يكفي أن أخلاقها ماهو مثل اخلاقها الخايسه ....اففففف من زينها ...عشان انقهر
..منها وقفت ورجعت الجوال مكانه يشحن .ناظرت ..حالها في
المرايا ..وقالت وهي واثقه ..والله اني اهبل ..صدق ماعندها ذوق ....مشت بدلع وهي داخله على راحج ..الي جالس يشيش
في الصاله ..قالت بدلع : حبيبي ايش رايك فيني
راحج باله ماهو عندها جالس يفكر ..في الي جايه في الطريق. ..قال بتصريفه: قمر ..
بدريه: عارفه اني قمر بس ودي تحكي لي اكثر
راحج بطفش: بدريه ماهو وقتك خليني اركز في الي افكر فيه
بدريه بقهر : ودي اعرف وش الي تفكر فيه .. صاير..متغير علي كثير..آه هذي عين ..الشينه بنتك أكيد
راحج سحب نفس من الشيشه وهو ماهو مهتم للي تقوله ..وقال بخبث: ابوك كم تتوقعي رصيده
بدريه عقدت حواحبها من سؤاله: ليه تسأل
راحج : كذا بس كم تتوقعي ؟
بدريه : مدري وماتوقع بعد ان.. عنده رصيد
يالله يكفي يومه
راحج ضحك بسخريه : متأكده يالله يكفي يومه اقول ي بنت ابوك بلاش كذب ...
بدريه وقفت
وهي منزعجه منه ..ماتدري وش فيه متغير ..صاير يرجع الصبح و الليل كله ماهو فيه و..يطلع كثير وجواله. .هذاك ..ما يأخذه ويهتم فيه ...عند جوال ثاني ....هوو الي دايم تجيه اتصال عليه ..وبعد سكوته وتفكيره ودايم ماهو يمها أبد. .دايم مشغول باله. ...وحتى شربه قليل ..تلاحظ عليه
*
*
*
*
*
*
*
*
*
بيت ابو وليد
ريتاج
نزلت وهي تعبانه حدها وتبي مسكن عشان الصداع يفك شوي ...دخلت المطبخ ...وهي تناظر ميري : فيه حبوب صداع
ميري هزت رأسها ..وبسرعه جابت لها
ريتاج أخذت الحبة وشربت عليها كوب مويا ...وطلعت
من المطبخ .. انصدمت باللي تشوفه .. ..بعدها ضحكت غصب عنها على حسام اللي متخبي في بيت الدرج
وهي تناظر شكله ...قالت بشك : من مين متخبي
حسام وهو يتنفس بقوه: من ابوي قسم بالله بالعصايه
جايني وفارقي لا يحس علي ترا داخل بعدي فارقي انت وكشتك ذي ..
ريتاج بضحكه وهي ترفع شعرها اللي نازل على وجها : طيب وش مسوي
حسام بقهر منها أكيد بيحس عليه لو دخل وهي تتكلم
معه: ي رحم امك ماهو وقتك بعدين اقولك ايش فيه
ريتاج فعلا سمعت صوت صراخ عمها ...رجعت
ناظرته كيف خايف : شكلك مهبب شيء كبير صح
حسام وهو صاك على سنونه: فارقي لا ينتبه
ريتاج تقدمت ... وهي تحاول تهدي عمها: هدي الله يطول في عمرك
ابو وليد بعصبيه: وينه وينه شفتيه شيء
ريتاج وهي مسويه مو فاهمه عليه: مين
ابو وليد بحدة: النتفه حسام
ريتاج عقدت حواجبها :وش مسوي ومعصبك كذآ
ابو وليد بقهر: ضارب ولد جيرانا حتى عض القاع ...
وابوه توه جاي يشكي منه ..ويوم سألته يقول يستاهل قدام ابوه ...
وبصرخه عيالي كلهن مافعلوا .. سواته ..وهو كل يوم مسوي مشكله ومتضارب ..مع أحد
ريتاج
كان ودها تقول له عيالك كلهن ....مافي فيهن.. الصاحي ...
قالت بكذب: مدري مدخل هنا وماشفته أبد اليوم.. ...
ام وليد كملت الصلاة وطلعت تشوف ايش فيه صوته طالع
قالت بستفسار والجلال على رأسها باقي: وش فيه ي سلطان
ابو وليد معصب حده: ولدك مسوي مضاربة مع خالد ولد الجيران وساحب له كم واحد وراحوا ضربوه معه ....
ام وليد
بشك عصبية ذي كلها ..معقول عشان متضارب مع ولد الجيران
..يعني وش الجديد فيه..دايم كذا قالت وهي تحاول تهدي عليه
تعال ...أجلس ويصير خيرر ..والحين نحط العشا وبعدها بنفسي
انا اتفاهم مع حسام ...
ابو وليد جلس بقهر .وبعصبيه: ولسى ولدك بعد ذا ماجاا من تو داق عليه.. وقايل له يجي وشهوله ماجا . قسم بالله شيء ..يطلعك من طورك .. وقطع كلامه فتح الباب قال بحده : أخيراً شرفت ..
وليد ناظر امه الي واقفه وبعد ريتاج خاف لايكون فيه شيء
قال بخوف : دقيت علي وجيت على طول حتى عشا ماتعشيت
ابو وليد بصرخه : يعني خلاص مسوي شيء الحين وانت ماكملت .. عشاك مع ذي اللي ساحبتك تقول خروف وراها وماتدري وش يحصل هنا ياربي مافيكم الصاحي ..كلن ورا حرمته ..
لطيفه بقهر ...اللحين يهاوشها ..قدام عدوتها ..ليه .قالت بقهر: عادي رجآل مع زوجته في مطعم فيها شيء ذي بعد ولا خلاص لاني حبيت اروح اتعشى معه برا قلتوا خلاص خروف ورا.. ..مرته
ابو وليد بحده : وانا ولد ابوي تراددي بعد
وناظر وليد اللي واقف صرخ بقوه مبسوط من الي تقوله مرتك
وليد
حس بضيق ياربي وش يسوي ...صاير يكرههه يجي البيت من مشاكل ابوه ..ناظر لطيفه بضيق:اعتذري منه
لطيفه بقهر:ماغلطت في شيء هو اللي دايم يغلط علي وحاط راسه من رأسي
ام وليد بخوف: خلاص ي سلطان
ابو وليد بعصبيه وهو مطنش زوجته : ايه بعد طلعي الي في قلبك مدام.. هذا الشحط واقف قدامك لا كلام ولا شيء وناظر ريتاج الي معطيته ظهرها صرخ بقوه انت بعد وقفي هنا ماكملت حكي معك ولا تفتكري عاجبتني حياتك مع وليد
ريتاج
بقهر وش يبي منها الحين هي ناقصه ..اففف لازم كان تنزل يعني ...كان انثبرت وصبرت على الم رأسها
ابو وليد قال بحده:يوم عند هذي ويوم عند ريتاج وانتهىالموضوع...
لطيفه فتحت عينها بصدمه وناظرت وليد تبيه يتكلم شافته ساكت همست له : ماهو بينا كذا بسرعه تصرف
ريتاج غصب عنها تكلمت :انا متنازله عند حقي في هالليلة
وليد
ناظرها بعصبيه.. مين قال لها تحكي ..وليه توضح انه. ..ماله قيمه عندها ..قال بحده: لو سمحت يبه هذا انا اقرره وربي يحاسبني انا لو ماعدلت وخلاص كفايه
ابو وليد بعصبيه : تبيني اسكت وانا..اشوف بنت اخوي مظلومه
قلت لك تدفع مهر قلت دفعته ..وعلى كذا طلعت كذاب .. مادفعت شيء ولا تقول مين قالك.. لاني ماصدقتك من أصله والمره الثانيه قلت لك تجي من شهر.. العسل تسفرها قلت خلاص تأمر امر جيت لك اسبوع هنا منثبر... ماشوف غير طالع وداخل بذي معك
ريتاح
ودها تصرخ ..وتقول له مالك... دخل في حياتي كلها. .
.
ومابي شفقتك ...لانك انت من دمرتها لي ..ودها تقول وتقول بس
مافيها ...قالت وهي تحاول تمسك نفسها لا تقل أدبها: مابي لا سفرية ولا ابي مهر وناظرت وليد تذكرت طلبه يوم يقول لها قولي لابوي.تبي تطلعي .. في شقه لحالك ..مدام وصلت لكذا هي الحين من نفسها بتطلب ..تطلع تسكن لحالها ... حتى يجيها الفرج ..قالت بجمود: من اصله طالبه من وليد يأخذ لي شقه برا
وليد
طالعها. .بصدمه ...يأما طلب منها تكلم ابوه ..وهي رافضه
ليه الحين ..قالت ..كذا ...قال بعناد لها : ماقدر اسكن برا بيت اهلي واذا أخذت لك شقه لحالك راح ابعد عنهن
ريتاج بقهر غصب عنها مافيها تسكت على الكذب الي تسمعه منه ومن حركاته المستفزه لها .. : ماهو هذا طلبك ولا ناسي
ابو وليد بصدمه : طالب منها تقول انها تبي تسكن برا البيت
عشان يفضى لك البيت مع لطيفه صح
وليد
آخر شيء يتوقعه ان ريتاج تقول كذا ..ولا تفضحه
بهالطريقه ...قال بعصبيه: والله ودي انا اللي اطلع وارتاح
من هالتحقيق كله
ابووليد صرخ: انقلع اطلع مين رادك
ام وليد صرخت : لا لا والله مايطلع حرام عليك يكفي انحرمت من بندر مابقي غير وليد عندي ناصر بعيد عني وبعدين مافي الا وليد يهتم فيني ....ويتابع حالتي
وليد ناظر امه بحزن
ابو وليد وقف وقال بقهر: ناصر آه من ناصر هذا حسابه شيء
ثاني على اللي سواه الجبان. ..
ورجع طالع وليد بتهديد : خلك رجآل واعدل بين حريمك
هذا الي ابيه محدن قالك اطلع من البيت ..
لطيفه
خلاص ودها تنفجر من العصبيه ...تكرهه بشكل..ودها تعرف وش مشكلته معاها ..جالس لها ومنكد عليها ..ناظرت ريتاج بكرهه ..وبعد غيره ..حتى وهي شكلها تعبان قمر ..وتلفت ..
بعد فيها قهر ..من وليد ..ليه اول وافق يطلعها في شقه ..والحين ..رفض ..حاسه انه وراه بلى..شافته يناظر ريتاج ..بنظره ماحبتها..ابد .. تقربت منه.. وبقهر :بعد عيني عينك كذا
وليد حس على حاله وناظرها: ايش فيه
لطيفه بقهر : سلامتك واعطته ظهرها ورقت الدرج بعصبيه
وليد ناظر امه اللي تبكي تقرب منها ...وناظر ريتاج بعتاب وهي ضامه امه .. ...مقهور منها ليه فضحته... قدام ابوه .. أكيد بيمسكها عليه الحين ...سحب امه منها ..وضمها وسلم فوق رأسها أكثر من مره ..وقال بصدق: والله مافارقك إلا بموتي ورفع نظرة لريتاج بيشوف تتأثر شيء ..و تحس فيه ..مثل ماهو جالس ..محتار.. مع مشاعره اتجاهاا ..بس ماشاف اي تأثير على وجهاا ام وليد وهي تمسح دموعها بجلالها :ليت تسمعوا مني الاثنين وتريحوني
وليد جلسها واشر لريتاج تجلس:سمي يمه نسمع ليه مانسع
وننفذ بعد كم عندنا ام وليد. .
ام وليد بحنان وهي تتطالع وليد وبعد طالعت ريتاج : شوفوا
مدام كل أحد. ..بعيد عن الثاني سلطان .. بيكون معصب على طول وبتصير مشاكل أكثر من كذا وطالعت.. وليد وصدقني
ماراح ترتاح مع لطيفه ابوك وتعرفه..تبي تجنب هالشي ..عامل ريتاج مثل ماتعامل لطيفه ...
ريتاج شوي وتصيح ..ليه كذا يرخصوها...ماطلبت عطف من أحد او احد يزعل عشانها ..هي كذا مرتاحه
وليد ناظر ريتاج :تبشر بنت العم ولها مثل لطيفه
ريتاج بضيق : تكفين ي خاله قولي لعمي اني مرتاحه وبغصه وليد ماهو مقصر في شيء ...
وليد بعتب : وتتوقعي بعد القنبله الي فجرتيها.. من تو راح يصدق
ريتاج غصب عنها عصبت : وليد لا تجلس لي على الكلمه والشي الي قلته ماهو كذب ..
وليد بعصبيه صرخ : محد قال كذب.. بس ماهو لازم تقولي لابوي عارفه انت قد ايش معصب .. ويبي يمسك علي شيء عشان حضرتك ترضي ...ويالله الحين محدن مأكلها غيري
ريتاج بحده: مشكلتك معه ماهو مشكلتي
وليد بقهر: آخر شيء اتوقعه تقولي له وين عقلك الي كنت احسدك عليه ...
ريتاج بقهر جالس يرجع عليها كل شيء رفعت حاجب وقالت : الانسان له طاقه يتحمل
ام وليد بعتب: وهذا وانا جالسه انصحكم .. شوي وتذبحون بعض قدامي ولا احترمتوا وجودي بعد حرام عليكم اكيد السكر ارتفع عندي
وليد مسك يدها بآسف: اسف يمه والله فيه شيء يطلعك من
طورك وناظرها بتحدي
ريتاج مسكت يدها الثانيه :آسفه يمه بس شيء يقهرك ويخلي صبرك ينفذ ورجعت له نفس النظره ..
وليد رفع حاجب لها وابتسم على جنب ....
ام وليد بقهر منهن الاثنين : عزالله كدينا خير حتى وانتم تعتذرن ماسكين في بعض وتبوا تتهاوشن
وليد بأبتسامه : خلاص يمه ماراح ...نتهاوش وبعدين رتوج مارضى فيها وغمز لها
ريتاج فتحت عينها بصدمه
يمه يمه على هالكذب ...همست له : شوي واصدقككك ....
وليد سمعها وابتسم . وبهمس: صدقي
ام وليد سمعتهن الاثنين وقفت تبيهن يأخذن راحتهن
: رايحه اشوف ابوك وان شاء الله انه هدي مافيني على صراخه الله يهديه بس مشتط علينا ...وانا وتعبانه مافيني حيل
وليد هز راسه وبخوف: يمه ماعليك هو يعصب كذا ويرجع يهدى لا تجلسي تفكري وفعلاً السكر بيرتفع عندك
ام وليد : الله يعين بس
ريتاج
ناظرتها حتى دخلت الغرفه وقفت ...ماتبي تجلس معه ..
شافته وقف ..في وجهااا ومقفل عليها الطريق ......قال برفعة حاحب : مالك عذر اليوم
ريتاج تقربت منه وبتحدي: بدون اعذر بس صعب وصولي
حسووا بالتصفيق جاي من فوق : برافوا برافوا ازود بعد ...
وليد رفع راسه ...وعض شفته آخر شي..يتمناه انها تشوفهم
مع بعض ...وش يفكه الحين من زعلها ...
ريتاج بقهر: شفت يالله تحمل اللي بيجيك وانا الله يعيني
يقال خالصه.. واعطته ظهرها
وليد بسرعه مسكها : لاتنامي بس ترضى وتنام واجي ابي اتكلم معك ..انتظريني
ريتاج وش تسوي فيه ياربي الذبح فيه حلال قالت بعصبيه :نعم اجلس انتظرك اقول انخمد وخلك مني وبسخريه هذا إذا قدرت تنام بعد ههههههه روح روح آللهم لاشماته
وليد قال وهو ناوي يقهرها: لا تخافي اعرف لها ومصيري اوقعك بعد ولا مااكون الوليد ...
ريتاج طالعته بسخريه ....: بعد ثقه عميا وبهمس (جبان يالوليد)
وليد طالعها بعصبيه . وبهمس :صدقيني مو قد هالكلمه ....ي ريتاج ..و بسرعه اعطاها ظهره ورقى الدرج وهو يألف كذبه ..عشان الحريقه اللي داخل ..شوي تهجد ...
دخل شافها تبكي تقرب منها وجلس وهو يحاول يضمها
لطيفه صرخت فيه بقوه: ابعد عني ي خاين
وليد فتح عينه : ي كافي الشر خاين مره وحده
لطيفه بقهر وهي تصيح: ايه عيني عينك واقف معاها وشوي وتضمها لا تنكر
وليد بكذب: مين قالك اني شايفها جالس اقنعها ترجع تكلم ابوي عشان اسكنها برا ..وبعد نفتك من حنة أبوي .. بدل ماهو جالس لنا واقدر اكذب عليه واقوله ..ايه رحت لها وهو وش يدريه وقتها اني رحت عندها اولا ..فاهمه علي. .
لطيفه ناظرته وهي تحاول تصدقه وبعد كلامه ماهو مصففف
مثل
الناس يجيب كلمه شرق وكلمه غرب : ي خوفي الكذب... علي ماهو عليها
وليد عض شفته حاس انها مكذبته بقوه بعد : افااا لطوف الحب وش فيها علينا
لطيفه بقهر: تسأل بعد ترا لاتحاول تكذب اشوف نظرتك لريتاج فيها شيء وبعد معقول اللي يقنع أحد يقرب منه .. كذا
وليد بلع ريقه يعني وشهوو مفضوح .قال بتوتر:قولي يارب بس توافق
لطيفه بقهر: ليه تفتكر اني بوافق على نقلها برا ...البيت عشان صدق مقدر اشوفك وانت ...رايح جاي لها لامن شاف ..ولا من دري وبذات شغلك أكيد بيساعدك بتجلس تكذب علي. .ان عندك رحله. .وانت مبلط عندها ..وانا ي عيني جالسه انتظر متى تجيمن سفرته ..
وليد
...اففف لما متى تجلس تحن على راسه يحس بدأ يعصب قال بنرفزه: كيفك عاد... جالس احكي ايش بينا .. وانت مكذبتني وانا كل شيء اسويه .. عشان تعيشي مرتاحه ...وابوي ماينكد عليك
لطيفه بقهر: إلا قولي ابوك وش مشكلته معي ترا محترمته عشانك بس
وليد برفعة حاجب: كل ذا احترام ماقصرتي ي شيخه
لطيفه بقهر: وليد
وليد ضحك وهو يتقرب منها ... : ي روح وليد .........
لطيفه بأبتسامه من كلمته تعشقها يوم يقولها تحس لها طعم غير منه .قالت بدون حس .:تصدق مقدر اكذبك
وليد حس بتنأيب ضمير من ناحية لطيفه همس لها: وانا مقدر
ماحبك كل يوم أكثر من قبل
لطيفه بهمس : مصدقتك ي عمري انك تحبني وقول يارب ان ريتاج تفك عنا قريب وصدقني حياتنا كلها بتزين ...
وليد بهمس وهو عاض على شفته ليت يقدر يقول مثل اول من قلبه يارب بس سكت ماقدر ينطقها ..وقال بنفسه...(آسف لطيفه) ....
ريتاج
من وقت ماطلع جلست على الكنبه ..وقفلت عيونها .. وهي تصبر حالها.
أكيد الحين لطيفه. .راح تحط عليها زيادة وقفت بتعت
واتجهتت للمطبخ : ميري هاتي مسكن ثاني
احسن شي... تسويه انها تأخذه معاها احتياط ..مافيها
ترجع تنزل ... وتصادف أحد وتتنكد ...مثل توو... سمعت تصفير لفت شافت حسام ...تقربت منه وهي في الضحكه : اطلع عليك الأمان ...
حسام طلع وبقهر: سنه اجلس انتظر عشان اقدر اطلع ..وبعد وش فيه الشياب اليوم ... استخف علي ماهو ...كل يوم مسطر واحد من الحاره وش اللي صار اليوم يعني
ريتاج ضحكت بصوت عالي :ههههههههههههه
حسام بسرعه سكتها:اووووش صدق انك فضيحه الحين أكيد
يسمع ويطلع وهو وعصاته اخخ مفزعه بشكل. .
ريتاج وهي تحاول تمسك ضحكتها:اوك اوك بس تصدق كان ودي يمردغك شوي بها
حسام بغيض: ليه وش فيه قاهرك ان شاءالله ترى انا حسام ماهو
وليد الي حارق قلبك وبضحكه. . كشفتكم ام حاجب مشطوب اخخ كنت ابي افكها ضحك. ..بالقوة مسكت نفسي
..
ريتاج تقربت منها وبقهر مسكته من عند بلوزته: انت مين شكى لك الحال وقايل لك اني مقهورة ولا تكذب الكذيه وتصدقها
وبعدين على وشهو تكشفنا ....
حسام : قسم بالله مقهورة وشوفي الدليل وهو يشير على يدها اللي فيها مسكن جالسه ..تشربي منوم عشان... تنامي وتسافري عن الوقع المر ....
ريتاح بقهر: عساك الي ماهو بقايله اي مره واي واقع
وهذي حبوب صداع شوفها بعنيك يالغبي ....
حسام رفع كتوفه :اممم احاول اصدق
ريتاج بصرخه: ي عم
حسام بسرعه شرد وهو يتحلف فيها
ريتاج
ماتتتت ضحك ..عليه ..يستاهل ..جالس يطلع إشاعات عنها ..
رقت الدرج ..ومرت من الجناح ...حق وليد ولطيفه ..سمعت صراخ لطيفه عالي ..ابتسمت بتشفى ...ههههههه ان شاءالله ازود ..تستاهل وليد قلت لك اعقل بس لا جالس مسوي ..فيها ..
مشت وهي مبسوطه .....وبهمس لااوصيك ي لطيفه عليه ...
بردي خاطري وهي تقلد صوته ابي اعدل مالت عليك يالمغرور..الحين طلع نفسك بعدين فكر تعدل هههههه
،
،
،
جناح وليد
وليد بضيق ..يآربي وش الي قلبها .توها رضت : الحين وش فيك رجعتي عصبتي ...
لطيفه بصرخه : اقسم بالله ماهو طبيعي اقولك قول يارب
ننفك منها وانت مبلم ..ولا يكون تفكر بعد
وليد بطفش: لطيفه حبيبي وش صار فيك ماهو رضيتي خلاص
لطيفه بقهر: مين قالك اني رضيت وليد مستحيل اتحمل
وليد بزعل: ترا وراي سفره لا تنكدي علي اوك ....وشغل الانفصام ذي ماهو عندي
لطيفه
جلست بقهر ..وش تسوي ..وتأخذ حقها ..كله من هاريتاج
تحس انها مأخذه عقل وليد قالت وهي تناظره بشك: تحبها صح
وليد عقد حواجبه : احب مين الله يرحم امك بلاش تخريف في هالليل وقف وقابلها وقال بخبث وهو يتمنى الليله تعدي على خير وراه سفره : القلب مافيه غيرك ومستحيل
حد يشاركك فيه
لطيفه ناظرته ...بعدم تصديق ... : طيب ليه ماقلت يارب
وليد بسرعه: يارب ننفك منها قريب هاا ايش رايك
لطيفه بسرعه ضمته :ايه كذآ ..وبدلع قول ويخلي بس لطوف معي
*
*
*
*
*
*
*
في شقة اسامه
ريوف
يالله ماهي قادرة عاد تصبر واللي قدرت تنامه يمكن ساعتين بس
وبذات بعد الي شافته امس ...الوحش في نظرها ..قدامها .. ينضرب ...لا شيء كبير..حصل .تنهدت بضيق وهي تذكر..
...طلعت أكثر من مره شافته نايم على الكنبه ...كان ودها تصحيه بس تخاف منه ..بس اللي تبيه مسكن ..يدبره لها ...رجعت ..وقفت ..وهي متأكده انه نايم ..لسى لأنه ماله صوت .. قربت من الباب فتحته. . بشويش ..انصدمت من الي تشوفه قدامها. ...جالس.. يناظر التي في بدون صوت ...وقدامه عصير وفي يده وجبه .....عقدت حواجبها ...يعني فعلاً خلاص بيسكن هنا ..بيبلط لها ...على طول ...تنهدت بخوف وهي تدعي ان الله يصرف شره عنها ...توقعت يقوم من النوم يروح على
طول ....
اسامه تضايق من نظراتها له قال بصوته الخشن:مطوله واقفه
ي تنقلعي تدخلي ي تطلعي... وتروحي اي مكان ...بس ماتوقفي في وجهي كذا ..
ريوف بتوتر وبخوف من صوته المفزع في نظرها هزت راسها ...ومشت بسرعه ...ناحية الحمام ..وبسرعه غسلت وتوضت .. ....مشت من عنده ودخلت الغرفه
سمعت صوته يصرخ :لا تقفلي الباب بالمفتاح ابي ادخل اتمدد شوي
ريوف كان ودها تقفل ...عشان تأخذ راحتها ..بس ماتضمن لو سوت هالحركه يمكن ..يذبحها لان مصيرها تطلع ...خلت الباب مفتوح ...وفرشت سجادتها ..وكبرت ...
وبعد.. ماصلت ...رفعت السجادة وجلست تذكر اذكار المساء ..وتدعي ان فرجها يجي قريب ....شافته دخل الغرفه ..حست بخوف ..وبذات مع تقفيل الباب ...يوم قفله ..بلعت ريقها بخوف وجسمها رجف .. قالت بتوتر : لا تقفله ابي اطلع
اسامه ناظرها بحده وقهر : شفتي كيف انضربت عشانك
ريوف
يالله هذا اللي خايفه منه ....والله اني قلت مستحيل يسكت لازم يغثني ...قلت من غير حس: عادي انضربت من ابوك
انا كملت الكلمه من هنا وهذا شياطينه قامت من هنا. .عضيت
شفتي بقهر .وش هببتت..ليه دايم اقط كم كلمه توديني في داهيه ..
اسامه ناظرها بعصبيه : ابوي على عيني ورأسي بس سبب
ضربه لي بسبة حثاله مثلك لا هذا في حد ذاته شيء يقهر
ريوف بقهر :انت ليه كذا لسانك سليط ...
اسامه تقرب منهاونزل راسه من وجهاا : تبي تعرفي ليه
ريوف دفته من صدره بقهر: ابعد عني اخاف لما تقرب كذا
اسامه عصب من جد الحين ...مسكها من عند كتوفها ..وهزها بقوه وبعصبيه: ميت عليك عشان تقولي ابعد اقسم بالله لو اسمع منك هالكلمه ...مره ثانيه صدقيني تصرفي ماراح ...يعجبك أبد رفع حاجب يوم شاف كيف مقهورة لايكون ماهو عاجبك أخت وجلسن يفكرامممم وش قلتي إسمك
ريوف بحده: ماهو لازم تعرفه
اسامه بسخريه ميل فمه: عارفه ... هو شيء قريب ...من واطيه او حقيرة اوقحه مثل كذا صح
ريوف
فتحت عيونها من قوة الشتايم اللي موجهه لها بطريقه تقهر قالت وهي شوي وتصيح ورفعت يدها لسقف :شوف فيه واحد فوق راح يعزني من هاللي قلته كله وهو عارف وداري بكل
شيء. .لاني انا تعبت اوضح واحلف لك بس انت رافض تسمع مني. ...اللي يشوفك يقول تعرفني ومن اول... تتمنى تمسك علي شي ويالله هذي... فرصتك جالس تتفنن فيها بعد
اسامه ناظرها ببرود:تصدقي قد مروا علي مجرمين كذابين بالهبل بس مثلك ماشفت ولا راح اشوف
ريوف اعطته ظهرها وقالت بغيض: مع نفسك
اسامه فتح عيونه وبسرعه مسكها ولفها.. له.. وقال بحده وهو
شاد على فكهاا: مستقويه ولا يتهيئ لي ...
ريوف حست بخوف منه قالت غصب عنها وهي تهز راسها : تكفى ضرسي يعورني لا تشد كذا
اسامه قرب منها وقال بحده : ايشش ماسمعت
ريوف دموعها نزلت على خدها ورفعت يدها ومسكت يده
عشان تقدر تبعدها عن فكهاا وبعد يفهم ايش تقول
اسامه بسرعه بعد يده.. يوم. حس بلمسة يدها الدافيه على يده:اطلعي برا
ريوف
..اوك اعطتها ظهرها ...وقفت ودها تطلبه يروح ..يجيب
لها مسكن وكاد ..قلبه يحن عليها لانها والله مافيها ...عاد تتحمل كله ولا ألم الضرس ..وهو الحين ماقصر. .يوم ضغط على فكها ...لفت له شافته يناظرها بنظره سخريه ..يالله نظرات عيونه تذبحها خوف ...رفع حاجب : خير وش موقفك
ريوف بتلكك : جييييب للي مسكنننن والله راح تسوي خير فيني
اسامه عقد حواجبه: لوشهو
ريوف وهي تحط يدها على خدها وبصوت يكسر الخاطر : ضرسي ماهو راضي يهدى من أمس وخلاص مافيني عاد اتحمل
اسامه ابتسم بتشفي:تستاهلي أكثر من هالوجع وبصرخه وهو يمد يده برااااااا
ريوف
نزلت راسها ..بذل ..حتى الرحمه ماهي في قلبه. ..يالله
احيك ي مرة ابوي ..عرفتي تنتقمي صح ..بس انا وش ذنبي
اذا ابوي جرحك ..وأخذ عليك امي. .جلست على الكنبه ..
وهي متوجعه حيل .....
عند اسامه
مقهور ...من حاله ...والي قاهره...اكثر زعل ابوه وامه ..بكرة لازم يروح عند امه ..وبيحاول يألف اي شيء ...عشان تتقبل هالشي .صار ...يكذب لو ماحس بشفقه عليها ...وهو يعرف وجع الضرس ..وقف غصب عنه إنسانيته تحكم عليه ..طلع شافها متمددده ومعطيته.. ظهرها ..تقرب منها ونزل نفسه شوي ..وقال بجمود: لسى يوجعك
لفت له وناظرته بعيونها المحمره وهزت راسها قال وهو عاقد حواجبه: لهالدرجه يوجعك وهو يشوف خدها شوي منتفخ ...
ريوف بهمس: حيل
اسامه هز راسه : اوك دقائق ويكون عندك ..ولا تبي المستشفى؟
ريوف هزت راسها: لا بس مسكن
رجعت قفلت عيونها ..بألم. ..بس فرحت يوم .. حس فيها ..يالله محتارة فيه كثير....وفعلاً دقائق وهو جاي
اسامه رمى المفتاح ...والجوال على الكنبه وتقرب منها وهو يناولها ...كيس المسكن ..قال بجمود: كلي شيء قبل ماتأخذي مسكن وبجمود عندك وجبه ...في المطبخ ..
ريوف
طالعته . عمل حسابهاا .. ..وهي ماتدري ..قالت بهمس: شكراً
اسامه ...اعطاها ظهره ..ودخل الغرفه ..ورمى حاله ..
على السرير ....وهو مايدري وش يسوي. .كاره انه يجلس
هنا ...وبعد صعب رجوعه البيت والسالفه لسى توها. ...
بس بكرة لازم يروح مستحيل يخلي امه زعلانه منه ..اما رائد هذا لسى قلبه مابرد منه ..ي انه ناوي عليه ..نيه قشره ..
بيخليه يتأدب بعد .........ويقول حقي في رقبتي ...
*
*
*
*
*
*
*
عند ناصر توه رجع البيت
حس بتعب مافيه حتى يدق على أهله. ..بس اكيد يخبرهن ....رفع جواله ..دق على تلفون البيت ..مافي رد ..
تذكر مكالمات ابوه ..الي مارد عليها. .عض شفته أكيد معصب ..بس صراحه هو في وضع ..ماله داعي اي أحد يعصب عليه ..ليته يقدر الي فيه رجع..دق على جوال وليد ..نفس الحكايه مايرد. ..قفل عيونه يرتاح شوي ..ويخبرهن يروح ...بنفسه بس يبي شوية راحه للعاصفه الي بيحصلها من ابوه ..تنهد...وهو يستغفر
*
*
*
*
*
*
اليوم الثاني ...
عند ريتاج
اللي من اصله مانامت . صلت الفجر .وقرات قرآن وذكرت الأذكار . .وقفت وهي تنزل جلالها على كتوفها ...وطلعت ..وهي تشوف ..الممر فاضي وهدوء..ناظرت جهة جناح وليد وميلت فمها بسخريه ..وش صار مع ..اللي بيعدل ..قال ايش لا تنامي انتظريني .ههههه ....تقربت من باب غرفة شوق وفتحته بشويش ..شافت الدنيا ظلام ..اخخ نايمه ورايحه فيها بعد
..هالبنت اربعه وعشرين ساعه نايمه .. ..تقربت منها باستها بشويش على راسها وبهمس: ي عسل قومي
شوق ولا حست عليها
ريتاج رجعت بهدوء كلمتها: شوق حياتي قومي خلينا نسوي فطور ونفطر ومابي لحالي ..ابي أحد يشاركني
حست انها تكلم حالها .. ماهي يمها أبد ..صرخت : شوق خلاص قومي من امس العصرنايمه وبعدين بالله كم فرض فوووتي
شوق بقهر وعصبيه: انقلعي اطلعي ومالك دخل
ريتاج : لا حبيبتي الا الصلاه
شوق سحبت المخدة ورمتها بقوه وبصرخه:ماعلي صلاه زين كذا يعني لازم اخبراللكل
ريتاج بطفش : شوق حرام قومي والله طفشانه لحالي ...شافتها مطنشه ورجعت غطت راسها بالمفرش. .ابتسمت
بخبث قومي يكفي مانمت من السيد عصام وبلاويه ...اللي مسويها مدري لوين هالولد بيودينا .....جالس هناك الأخ ومأخذ راحته بقوه
شوق بعد ت المفرش وطالعتها... وهي ترفع شعرها وعاقدة حواجبها:وش فيه
ريتاج وهي ماسكه ضحكتها : خلاص كملي نومك مافيني انكد عليك وماترجعي تنامي
شوق :ريتاج زفت قولي وش عندك والنكد ابشرك نكدتي وزيادة
ريتاج بضحكه : بسرعه خذي شور والحقيني المطبخ وراح اقولك
شوق بسرعه: لا ريتاج قولي وبعدها انزل افطر معك وعد
ريتاج وهي معطيها ظهرها: لااااااااااا وانتظرك اوك
شوق بقهر : ريتاج ي حمار قولي
ريتاج... طنشتها ...نزلت تحت ..
ودخلت المطبخ .وهي مبسوطه انها قهرتها ....وقفت محتاره وش تسوي فطور...وبعد لازم تقولها
..عشان .. يتفقن على روحة السوق ..قبل الزحمه يتقضن للعيد ....بس اخخ ي خوفي شوق .. ترجع تنام ..تعرفها كيس نوم..بس هين ترجع تنام بعد اللي قلته اخخخ البنت ذي خفيفه بشكل ..وينك ي خوي تعال كلنا في حاجتك..
.....ناظرت
ميري. اللي داخله عليها .وهي توها صاحيه من النوم قالت
بأبتسامه : اليوم انا بدالك روحي كملي نومك
ميري اعطتها ظهرها بدون صوت
ريتاج فتحت عينها بصدمه ...هذي صدقت حالها بقوه بعد .. .
بس طنشت ..ورجعت ...تسوي الفطور تدلعت فيه شوي ..تحس برواق ..على هالصبح . حطت ابريق الحليب على الغاز .....وبعدها نزلته ....لسعها في يدها ....اخخخ وهي تناظر كيف يدها حمرت نفخت عليها شوي عشان تبرد ....كشرت من الصوت الي جاها من ورا.....
.
***
**
*
https://play.google.com/store/apps/details?id=com.stories4all.offline13