الفصل 21
رواية أعشق أنانيتك عندما تتمناني لك وحدك
الفصل الحادي والعشرون
مافيني حاجه ي دكتور
لا تكشف الجرح مشكور
عندي لجرحه مناعة
ي قوها من مناعه
مشى ناحيته.. بعصبيه بس تذكر امه ...حاول يمسك نفسه لآخر شيء ..
عشان بس ما تحس ...تقرب منه وسلم عليه وهو ..ناوي عليه
همس له : حسابك عسير صدقني
رائد بهمس مثل همسه: بيكون اهون اني ابتلش في الزواجه
ليتك ي خوي ما استعجلت
اسامه ..حس بغيض ...وعصبيه أكثر من قبل بس تعوذ من ابليس ..و ابتعد مايبي يدفنه في مكانه ناظر...عيونه بتهديد
وبسرعه طلع غرفته ..وهوو حده معصب ... دق رقم رائد
يبيه يطلع له ..ويعرف يصفي حسابه معه .. بس لسى مقفل .ايه أكيد الجبان ولا راح يفتحه ...آه ليت امه ماهي ...موجوده كان برد قلبه شوي فيه ...مثل مابرد قلبه في الخايسة تبعه ...جلس على ...السريرر بتعب وهو يزفرر بعصبيه ... حط يده على ... راسه وهو محتار مايدري وش يسوي ...لو عليه كان طلقها ورجعها لاخوها ...بس قطع على نفسه وعد .... وهذا طبعه دايم مستحيل يتراجع في كلمه... لو على قطع رقبته ....بس اللي يتحمله كثير ومافي .. أحد يقدر عليه ...رفع راسه وهو يدعي يارب الصبر من عندك ....
شوفة رائد حرقة قلبه ازود عن قبل ...بس هين والله ...لايعرف ..كيف يخليه ...يتربى .....إذا الحين .. فلت من يده مصيره يطيح في يده ...صك على سنونه بغيض ....حسابك عندي ولا ماكون اسامه ........
::
::
::
في الصاله
رائد
حمد الله وامه كان موجوده آه كان اليوم من اعداد الأموات ..
ام اسامه بجمود: مدري وش فيه له فتره متغير ...ونفسه في خشمه قلت لابوك قال يمكن ضروف شغله اطلع شوف اخوك ايش فيه
رائد وقف وقال : ضيعته شهامته
ام اسامه بدون فهم:اشلون
رائد ابتعد :راح اقولك بس مو الحين
ام اسامه بحده:ولد وقف وتكلم عدل وبعدين ايه لاتضيع السالفه ...قولي وين كنت هايت قسم بالله ...ي رائد لاتفتكر ابوك مايدري بعلومك وبصياعتك ذي... اللي بتدوديك في دهايه
رائد : ابوي وينه بس هاج عند إبله .. صرت اشك انه يغليها أكثر منا
ام اسامه بقهر منه: صدق عرفت اربي اسامه بس
اماا انت ولطيفه آه منكم كل واحد لسانه اطول من الثاني
رائد وهو يتلفت:الا على طاري لطيفه وينها ماشوفها ولايكون لسى مسويه فيها اعتكاف بسبب الزفت وليد
ام اسامه بحده اقوى :ولد عيب تقول عن رجل اختك كذا
وابشرك بعد وافقت تتمم الزواج
رائد بصدمه: كيف..... صدق مافيها عقل لو وافقت
وبسرعه طلع لفوق لغرفتها
شاف باب غرفته مقفل دق الباب بقهر
لطيفه اللي نايمه
حست بصوت الطق ...فتحت عيونها ..ناظرت حولها ..
وقفت وهي تتافف ..فتحت الباب ... بعين مفتوح وعين مقفله قالت بقهر ليه ازعجها : هذا انت
رائد دفها من كتفها بقوه ودخل وقال بعصبيه: اشلون يالغبيه توافقي عليه بعد ما حط على راسك وحده
لطيفه ناظرته بقهر:الحين جاي ومزعجني عشان كذا
رائد بقهر:قولي ليه وافقتي
لطيفه مشت ناحية السرير وتمددت وهي ترجع تسحب المفرش قالت بكل برود : بعد ماتكمل حكيك اطلع
رائد بصرخه: لطيفه وين حكيك قبل وش اللي تغير بس اسافر شوي ارجع اشوف كل شيء متغير
صدقيني بتندمي يوم تشوفي ...صديقتك اللي خانتك قدامك ومشاركتك زوجك.....
لطيفه بقهر: والله حكيك يقهر ي خي وش تبي الحين
رائد بعصبيه: ابي اعرف وش اللي تغير
لطيفه رجعت جلست و بصدق: رائد مقدرت انسى وليد ولا اطلب الطلاق ...
رائد بقهر يكره وليد اللي شايف حاله عليه ...قال بغيض: عادي عندك تتممي زواجك وعندك ضره
لطيفه بقهر سحبت المخده ورمته بقوه : ضروري كل وقت تذكرني ....ي خي ليه انت كذا تحب الشرر
رائد بغيض وهو يرجع لهالمخده : في ستين داهيه بس من الحين اقولك ماتجي رائد افزع معي رائد خوون فيني
لطيفه بدلع : مو في حاجتك عندي سيد الرجآجيل
الكابتن وليد
رائد ناظرها بسخريه: اوك نشوف سيد الرجآجيل والكابتن تبعك وش يسوي معك
لطيفه بضحكه : اقول رائد وين هايت صراحه فقدتك كثيرر
وماحصلت أحد عاد يقرقر معي اسامه تعرفه بس ساكت وهاليومين منفس علينا مدري وش فيه
رائد
تذكر اسامه..ارتجف في مكانه اشلون اطلع فوق وهو توه . ..طلع غرفته بسرعه ...اعطاها ظهره ونزل...
آه اذا قدر الحين ينفذ من يده ..بعدها ماراح يقدر..حسبي الله عليك ياسمير انت وامك ...على اللي سويتوه معي ...
يعني يوم علقت اعلق مع اسامه ...
لطيفه
ابتسمت يوم طلع ...تحبه حيل. ..وهي عارفه يقول كذا ..من قهره عليها. .أكثر واحد زعل معاها هوو ..بس غصب عنها ...تحب وليد ومستحيل تقدر... تتبعد عنه ...تذكرت مكالمتها قبل امس له آه من وقت ماطلع من مجلس ابوها ...وهو ماسكر إلا قرب الفجر ..الله يسامحك ... ي رائد النوم طار ..سحبت جوالها ..بتشوف آخر ظهور له على الواتس متى ..شافته من ساعتين ..دقت عليه جلست تنتظر يرد عليها بس مارد عليها ...
رمت الجوال مكانه ...ابتسمت أكيد نايم .. .من الكرف اللي شافه اليوم ...فديته ماخلى في نفسي شيء. . كل ماطلبت شي لباه
.. ي.لبي قلبه قفلت عيونها وهي تتخيل حياتها اشلون بتصير
معاه .....
::
::
::
::
عند وليد
طلع من الحمام بعد مأخذ شور بارد يريح اعصابه شاف ..جواله ينور برقم لطيفه ماقدر.... يرد عليها بعد اللي صار ...يحس نفسه متحسف ..ومقهور ليه سوى كذا ...ايش ذنب لطيفه وايش ذنب ريتاج اللي متأكد انها ...ماتبي هالشي صار بينهن ...آه دايم يخرب على نفسه ..... تمدد ...وهو يلوم نفسه ......
::
::
اليوم الثاني الصبح
ريتاج فتحت عيونها.... وهي تشوف المكان غريب عليها ...تذكرت هي وين ....وقفت ..وراحت الحمام ...الله يكرم الجميع ...غسلت وجها ..لازم تروح جناح وليد ..عشان شنطتها هناك ..نست امس ماتأخذها معاها ..امس جت هنا وهي مصدومه من اللي حصل معاها. ...والحين ...لازم تأخذ شور ...وتغير ملابسها ..فتحت الباب ... بشويش وهي تشوف المرر فاضي بسرعه مشت ناحية.... جناح وليد وحمدت... ربها
ماحصلت الباب مقفل ....
تلفتتت في الصاله ماحصلت الشنطه قدامها ...يالله لسى في
الغرفه الكريهه ...ياربي كيف اطلعها ...اكيد الحين هو نايم ...ايه وماراح يحس فيني اذا دخلت بشويش .... وطلعتها ....
سمت بالله وفتحت الباب بشويش... وهي متوتره...
خايفه لو يصحى. ....شافت الغرفه فاضيه ....معقول عنده رحله ...الحمدلله وهو ماهو موجود... ويسوي لها سالفه ليه دخلت ..غرفته ...
لفت شافت الشنطه... مكان منزلها امس ...مدت يدها وأخذت الشنطه وطلعت بسرعه ... انصدمت يوم شافته متكي... على باب المطبخ بسم الله ..هذا من وين طلع
وليد ناظرهاا بقهر: هالشنطه قلعيها مابي اشوفها ...هي اللي نكدت علينا
رتياج
قفلت عيونها آه والله حست .. انه بيسمعها كلامه .. اللي مثل السم ...والي يقهر في الموضوع... مثل اللي يقول لها انها ... هي الي سعت له وبغت هالشي ..يصير قالت بقهر : ترى انا زعلانه أكثر منك على اللي صار
وليد هز رأسه : صدقيني ماهو مثلي
ريتاج اعطته ... ظهرها وتبي تتطلع بس وقفتها كلمته وعصبتها بعد
وليد بجمود : صدقيني هي مره وحده ومستحيل اكررها
ريتاج قالت غصب عنها : ميته وراك يعني انا
وخلاص لاتسوي... فيها ترى عرفت حبك للطيفه ..كيف ...
وليد
عصب تقدمها و مسك يدها بقوه ولفها له وقال بحده :ماهو انت اللي تشككيي في حبي للطيفه فاهمه حبي لطيفه لو تموتي
ماوصلتي له
ريتاج بألم : مابي اصل له ولا اتمنى
خلاص وليد فكني يكفي ذل لي .. وبصرخه خلاص... الحين وش تبي مني يكفي ي وليد ...الي سويته فيني.. كسرني حيل ومافيني على كسور ثانيه ....
وليد بصوت تعبان : ليه طلعتي في حياتي ....ودايم تخربي علي
ريتاج
قفلت عيونها هي قالت ...من قبل نقصان... عقل لو ردت عليه
سحبت يدها بقوه منه وقالت ودموعها نزلت: خلاص وليد قلت ننسى اللي صار وانا اوعدك مافكر فيه بعد
وليد بعصبيه : اسكتي لا تذكريني كفايه كاره عمري الحين
ريتاج حست بجرح أكبر نزلت راسها وقالت بهمس: حسبي الله
ونعم الوكيل
انحنت مره ثانيه... أخذت شنطتها ....وطلعت من الجناح كله
وبسرعه دخلت غرفة بندر... رمت شنطة ملابسها ....وهي تبكي ...وش اللي يصير فيها ..كرهت الحين.... وليد من جد ....
كان اول تحس بتنأيب ضمير.... من ناحيته بس الحين لا والله ..كاره كل شيء فيه .....قاسي ومايرحم ...فتحت شنطتها وأخذت بجامه مريحه ...ودخلت أخذت شور ...وصلت الفجر اللي راح من وقته ...حول ساعتين ..جلست تستغفر ....رجعت
تمددت وهي تدفي حالها بالغطا ..آه كل ماتذكر كلام وليد ....حسسها انه مبسوطه باللي صار ...مايدري انها أكثر وجع منه ..بس اللي مريحها ان.الجامعه بتبدأ بعد اسبوع .... وترتاح وتنشغل فيها ... قفلت عيونها وهي تذكر اذكاره الصباح ....
::
::
::
::
بيت ابو سامي
غلا صحت الظهر ....وهي تحس بطفش ..وبعدين وينه سامي على هالظهر اخخخ ..ماعندها أحد تتهاوش معاه ...لبست عبايتها تروح... عند ابوها وتشوف ...ام كشه وش مسويه فيه ..
طلعت من الغرفه ماشافت.... أحد قدامها غريبه وينها خدوج
دايم مسنتره هنا الشمس.... أحرقت وجهاااا .. قال ايش هواء عليل والله إلا بخل عشان التكيف يصرف. ..بس فرحت وهي ماشافتها
قدامها كان سمتها بكم كلمه . قبل ماتطلع ... فتحت الباب وبسرعه اتجهت لبيت ابوها ....هزت الباب ....حصلته مقفل
والنهايه يعني ...ودي افهم ليه بس مقفلين الباب الخارجي ...من زين الخشه لو حرامي دخل .. والله بيهج ..من الصدمه اللي بيشوفها ...وبعدها بيتوب ....معاد يطب بيت أحد. .
دقت بقوه وهي تتتا ففف سمعت صوتها تقول مين قالت بقهر: انا
بدريه : مين انتي
غلا بعصبيه: يا ام الفضاوه على هالظهر ...ي بنت اقصد
ي عجوز افتحي انا صاحبة البيت
بدريه بقهر سمعتها قالت بعصبيه: معليش مانستقبل هالوقت
غلا بقهر رفست الباب :افتحي لا احوسك
بدريه فتحت لانها خافت ابوها يسمع ويمكن يسوي لها سالفه ...آه ليته مو موجود كان والله ....مافتحت لها على ...طول هالسان عليها قالت بغيض: ليه مافي احترام للوقت
غلا دفتها من كتفها ودخلت فتحت العبايه ورمتها وجلست : وين ابوي
بدريه بقهر: مقيل هالوقت افف ناس ماتفهم
غلا : اقول بس قولي ايش غداكم ترى حدي جوعانه
بيت اهلك ..قحط الله وكيلك
بدريه جلست على الكنبه الثانيه قالت بقهر: قحط ولا انتي
مفجوعة أكل
غلا بسخريه :لا ي شيخه يقال تردي اقول اخلصي علي وش غداكم
بدريه وهي ترفع الخصله اللي نزلت على وجهااا:ماعندنا غداء
غلا طالعت شعرها وبسخريه: لا ي شيخه خفي علينا
بدريه برفعة حاجب : مقهورة ..تبي تسوي مثله ..صدقيني مراح يطلع عليك حلوو
غلا بأبتسامه : لا انا الحمدلله شعري ناعم رباني وجمالي رباني ماهو خلطات ..وهي تتقرب منها اقول اشوف خطوط طلعت لك عند عيونك سوي سوي لك شي يشدها قبل ابوي يشوفها ترى ابوي يحب الجمال ...لان متعود على الجمال ماما كان قمر بس يالله هذا الزمن ماله امان... مسكين حصل له عوض آه.. اسكت احسن ماحب اجرح أحد ...
بدريه بقهر : كل ذا وماتحبي تجرحي أحد وبعصبيه ليه انتي كذا قليلة أدب
غلا بببرود : معليش ابوي ماعرف يربيني وعشان كذا انصحك لا تجيبي عيال ..
بدريه: صدق مو متربيه وانا عارفه ان راجح ماقصر في تربيتك بس اشكالك ماينفع فيهن
غلا : اقول اشكالي يعرفووا يحوسوا هالخشه تقول ضفدع كامل
بدريه بصدمه وقفت: انا ضفدع كامل
غلا: اي والله اني صادقه يالله روحي هناك بس خليني اقيل شوي حتى ابوي يصحى وغداك يجهز ...
بدريه راحت معصبه
ودخلت الغرفه عند .. راجح وهي شوي وتبكي
هزته خفيف وبقهر: راجح قوم شوف بنتك جايه بشرها
راجح اللي راسه مصدع ناظرها بعين مفتوحه : ايش فيه
بدريه بدلع : مقدر عليها جايه تسوي مشاكل وتعايرر
راجح قام معصب وطلع شافها قدامه قال بحده: يعني مارتاح ياغلا
بدريه
ابتسمت ابتسامه عريضه وهي وراه واقفه وجلست ... تحرها يوم عصب عليها ...
غلا
طالعتها ....بقهر بس ماوضحت
وبسرعه بببأبتسامه مزيفه تقربت ...من ابوها وضمته: وحشتني
يبه صراحه عرفت قيمتك اكثر يوم.. تزوجت صدق مافي مثلك ربي مايحرمني منك يالغالي وتكون لي سند طول عمري
بدريه ولعت بذات يوم شافت راجح يضمها بحنان ..يعني اشلون اكلتها هي
راجح وهو مبتسم وضمها بحنان : ولا يحرمني منك اجلسي حياك ....ي بدريه روحي حطي غدانا اذا جهز وهالله وهالله بالغداء الزين لغلاوي
غلا ابتسمت تحس ابوها ..صاير معاها حنون ...أكثر عن قبل ..
بدريه بقهر : لسى باقي يبي له وقت
راجح : خلاص روحي جهزيه وخليني اجلس مع غلا وأخذ
علومها الزينه أكيد
غلا بأبتسامه وهي تغيضها: خلاص اسمعي كلام رجلك الله يهديك وروحي حضري غداه وخلينا نسولف بنت وابوها
ابو غلا : بنت
بدريه بقهر: هذا الللي ربي قدرك عليه الحين
غلا بستفزاز : يالله بسرعه ابو غلا جيعان وانا بعد ...
بدريه بعصبيه مشت
وهي تتحلف فيها بسرعه ....مسكت جوالها ودقت على سامي ...
انتظرت يرد عليها فرحت يوم رد: هلا سمسوم وينك
سامي :هلا فيك ... قريب ايش تبي
بدريه بخبث: تعال عازمتك على الغداء سرعه اوك لاتتأخر
وقفلت بعد مأخذت الموافقة ...منه فرحت انها بتحر غلا هي... عارفه انها تكره وبتضايق بوجوده.... احسن ان شاءالله تتوب اذا شافته لحقها هنا معاد تجي .....آه تقهر بشكل ..... واللي قاهرها راجح مره مايتكلم على بنته ....إذا غلطتت ...
قفل من عند أخته... وهو متفاجئ. .وش هالعزيمه اللي طرت فجأة عليها ...
داور ورجع لحارتهم ...آه هذي طلعته من الصبح .... وعده خويه ...ان في وظيفه في شركة. ..راح وقدم ملفه ...بس ماهو أكيد ينقبل قالوا له روح... وحنا ندق عليك .... مثل كل مره ...نفس الحكي ..وصل بيت اخته ....ونزل وهو يناظر دريشة غرفته ياترى.. لسى نايمه ولا قايمه ومهببه.. الدنيا مع امه ... مثل عادتها ...طفش من الهواش بينها وبين امه .....
دق الباب بالمفتاح .. بطفش ..و الشمس بعد قويه حيل اليوم ....
بدريه
طلعت من المطبخ... تركض تفتح الباب ... كله قدام نظر غلا وابوها اللي مايدري..... مين على الباب
فتحت الباب وهي مبتسمه بخبث : هلا والله باروح اخته
سامي وهو مبتسم : اقول الزواج مخليك أخلاق
وهو يسلم فوق راسها
بدريه بضحكه : قلت لكم اتزوج تنفك عقدتي
سامي : هههههه انا قايل والله ما في وجهك حياا
بدريه مسكت بيده ودخلته للصاله
سامي دخل معاها ...بس وقف مصدوم ...غلا هنا وهو مايدري ..صدق مخليته ملطشه تتطلع... وتدخل على كيفها ... يعني مافي رجآل معتبره له وجود في حياتها... حس نفسه عصب تقرب... من راجح اللي جالس يرحب فيه ..يقول مايعرفه ...سبحان الله يغير ولا يتغير من زمان لا يحبه ولا هو بعد يحبه ...
غلا
عصبت من جد والله اني عرفت... ان وراها بلى هالضفدع .....يوم طلعت تركض من المطبخ .... الدوبه اتاريها عارفه مين ..واخس ذا بعد كاشخ بالشماغ... ومسوي فيها. ..من وين جاي ....حضرته .....
سامي بعد ماسلم على ابوها... تقرب منها وجلس ...على نفس الكنبه قال بهمس : جايه بدون علمي بعد
غلا ناظرته بلقوف :من وين جاي كذا كاشخ
سامي قفل على سنونه :مالك دخل
غلا وقفت :يالله انا أستأذن يبه وراي بيت وزوج وهي تناظره بسخريه
ابو غلا :حلفت تتتغددي معنا انتي وسامي
سامي قال بقهر: انا معزوم من قبل ...
بدريه وهي تغيضها ومبسوطه انها نكدت عليها : ايه عزمته انا
غلا ناظرتها بسخريه مالت يعني فرحانه بأخوك لهالدرجه ودي اعطيهم كم كلمه انكد عليهن بس ماعليه اصبروا علي والله لا اخليكم تندموا انكم فكرتوا تتطبوا هالبيت ولا تدخلوا حياتنا ااخخ وصايرين يعزمن بعض .. في بيتنا قلت بسخريه :معليش والله مقدر اجلس انا لأن مافي احد عزمني
سامي
سحب يدها بحده .....وجلسها غصب عنها
غلا بألم : هييي ابوي هنا يقوم يمردغك ترى
ابو غلا بحده: ايش فيه
غلا بكذب: يبه قاسي حيل معي كل مره كذا
سامي بقهر : بنت اهجدي ماهو وقت استهبالك
ابو غلا بستفسار : وش مسوي فيها
سامي بقهر ناظره: وش يعني مسوي فيها ... قول..بنتك هي اللي مسويه فينا الهوايل
غلا بتمثيل :انا آه يالظالم اللي ماتخاف ربك
مين اللي كل يوم يهاوش وانا اقول لك بس ي سامي بس عشاني
خلينا نعيش في هدوء شوف اختك وابوي كيف عايشين
بدريه
ندمت انها دقت على سامي...ي خوفي ابوها يقوم معاها ...ويسوي اليوم .فيها فزعه ..والي متسغربته برود سامي ...معاها يعني ماهو بذيك العصبيه يتكلم ...معقول اخوها يحبها ...اخخ اسمعو الخبيثه ايش تقول حياتي وحياة ابوها قلت بقهر : بسم الله علينا من عينك ترى مو ناقصين
غلا رفعت يدها: مالت ثم مالت من زين حياتكم
ولا في أحد يفكر يحسدها قال ايش مو ناقصين ي شين اللي مسوين لنفسهن قدر
ابو غلا بأبتسامه: افاااا توك تمدحيها وش قلبك
غلا
سبت نفسها ليه ماصبرت.... ضروري ترد على... بدريه
ناظرت سامي بحيره وش تسوي شافته.. رافع حاجب مثل اللي يقول لها ردي : يبه خلاص ي زين حياتكم وخلاص انا قررت اعيش عندكم عشان استفيد من بدريه شافت بدريه بتتكلم قاطعتها اذا طبعاً تفكري في مصلحة اخوك خليني اعيش هنا عشان اتعلم
منك
بدريه بصرخه : لا لا انا مستعده كل يوم اجي وعلمك بس تعيشي معي هذا المستحيل بعينه يكفي اخوي مجننته
غلا ناظرت سامي بدلع ومسكت يده كله ذا عشان تقهرها: افا سمسوم انا جننتك
سامي بأبتسامه غمز لها وبخبث: جننتيني وبس
غلا
بسرعه سحبت يدها وبتوتر غبي ذا ...قدام ابوها يسوي... هالحركه بس هي تستاهل ..بدت وهو كمل الخبيث ...حست بخجل من غمزته.. لها قدامهن ...
ابو غلا :الله يسعدكم يارب خلوني ادق على وافي يجي يكمل هالجلسه الحلوه
غلا وقفت بعصبيه: والله ماتدق عليه راح يجي ويجي البلى معه
بدريه وقف وقابلتها بعصبيه : شوفي من اول ساكته عنك وعلى استهبالك بس تصل لا ابوي لا وراح ... يجي وغصب عن خشمك والبلى وجودك والله
غلا دفتها من عند كتفها بقوه: من عند خشم مين ي حلوه
ابو غلا تنرفز من قلة أدب بنته من اول جالسه تقط خيط وخيط
وهو مايبي يزعلها يشفق عليها يكفي انها مافرحت مثل البنات في حياتها .بس غصب عنه عصب : غلا احترمي عمتك
سامي
يناظرها بقهر وده ... يقوم... يمردغها بس ...مو هنا قدام ابوها واخته ....
خليه بس يتوحد فيها قسم بالله ... ماراح تعدي هالحركات ...
كذا ولا ماهو ...رجآل وقف بحده
ومسك يدها وقال وهو يطالع بدريه:دقي على ابوي وبالعافيه عليكم الغداء... وانتي امشي قدامي
غلا بصرخه : فكني ابي اجلس عند ابوي
ابو غلا بحده: روحي مع رجلك خلاص نكدتي الجلسه ..
غلا بقهر ناظرت ابوها وفيها الصيحه: هذي ثاني مره يبه
تقهرني وكله عشان مين عشان بدريه وابوها الخبيث
سامي بسرعه سحبها ...معه
ومشاها... ناحية.... البيت ...وهو يتحلف فيها ....
دخل الحوش ..شاف ابوه يسوي له حجر . ..جالس تحت الشجره
فك يدها وهي على طول ....راحت الغرفه بس هو بسرعه.... لحقها في آخر .... لحظه قبل ماتقفل الباب... مثل المره اللي فاتتت
ابو سامي ناظرهم : بسم الله هذولا من وين جاين في هالظهر
سامي بعصبيه دخل وقفل الباب وهو ناوي عليها نزل شماغه ورماه بقوه على السرير وقال بعصبيه: اولا ليه تتطلعي بدون اذني وثانياً.. وش فيك على بدريه... جالسه لها ومنكده عليها عيشتها وابوي ماسمح لك تقولي كلمه عنه
غلا بعصبيه : مين انت عشان استئذان منك
وبدريه اختك قسم بالله لا نكد عليها ...طول عمري مثل مانكدتت علي بعيشتي معك ....
سامي
بسرعه تقرب منها وسكر فمها بقوه ..كتمها وشده عليها قال بعصبيه :كم مره قلت لك لسانك لا تتطوليه مابي اطقكك اكره اللي يطق مرته بس انتي شكلك ماينفع معك الا الطق ...
غلا
دموعها نزلت غصب عنها وحست بكتمه حركت راسها يمين وشمال عشان يفك عنها بس لا كان شاد عليها بقوه تنفست براحه يوم... ابعد يدها عنها قالت بصرخه عصبيه: حقير من جد
سامي بسرعه اعطاها كف على فمها وهو معصب حده من سبتها غلا قفلت عيونها بألم من الكف اللي جاها... فجاة على فمها حست بطعم الدم ....قالت بألم: حسبي الله عليك وعلى أهلك بعد
سامي
رجع اعطاها كف ثاني لف وجها لف ومسك شعرها وسحبه بقوه وهو يهزهااا : خلاص اسكتي مابي اذبحك اليوم واهلي طلعيهن من راسك يال ******
وبصرخه اقوى فاهمه ايش طلعيهن ودفها بقوه على السرير
غلا
حست خدها انشل وراسها يدور من كثر ماشده رفعت شعرها اللي بهذله بيده ..قالت وهي ترفع اصبعها وبتهديد : اقسم بالله
لأخذ حقي منك وقول غلا ماقالت
سامي بعصبيه : غلا اسكتي احسن لك
غلا بعصبيه : والله ماسكت لما احرق قلوبكم مثل ماحرقتوا دمي
سامي تقرب منها لا هذي الذبح حلال فيها
غلا بسرعه وقفت على السرير : لا تفرد عضلاتك علي وتستقوي
سامي
تعوذ من ابليس وبعد عنها ....يكفيها اللي جاها ...يكره يمد يده عليها ....وطول عمره يكره يطق مره ...يكفي ابوه عقده ...يوم يطق امه بدون رحمه ....
اعطاها ظهره وهو يفسخ الثوب ورجع قال بحده: انقلعي انزلي ابي انام شافها نطت بخفه ..تمدد بملابسه الداخليه وهو معصب ...
قال بحده يوم شافها واقفه وشكلها لسى ناويه على مشاكل : قسم بالله اسمع كلمه زيادة اليوم والله ماضمن لك حياتك اذا بعدت عنك الحين بس بعدين والله مافي قوه تفككك مني وعاد العلم عندك
غلا
اعطته ظهرها وي تتحلف فيه ..دخلت الحمام الله يكرم الجميع ... ..وقفلت الباب ...وسندت عليه ...وجلست تبكي منهاره ...اليوم استقوى عليها ..وليه ذا كله ...لانها قالت الصدق ...ناظرت وجها في المرايا ....شافت شفتها تصب دم... انجرحت ....من قوة الكف ...الي جا على فمها ..غسلت فمها اكثر من مره. .حست بغثيان ....بسرعه استفرغت ...ومسحت وجهاا وطلعت.... وهي تحس بتعب ...شافته نايم.. ...جلستت تتحسب عليه ..ومقهوره بالحيل منه ...هي رايحه بيت اهلها ليه لاحقها... ومنكد عليها ...كله من بدريه ...ويقول ليه اكرها حسيت بقرف... مابي انام بجنبه... بعد الضرب اللي جاني منه
جلست على الأرض بتعب ...سندت راسي ..على الجدار وانا احس بطني رجعت.... تقلب علي ..غريبه وش فيني اليوم.....
رفعت اصبعي ...ولمست شفتي حسيتها ...مره منتفخه ..آه
يالظالم شوهتني ..يبه ليه كذا ...ماعمرك نصفتني ...كيف
يفهمون اني مو متقبله حياتي معاه مابيه والله مابيه ...بس الحمدلله مدام بديت استفزه هالبارد يعني.. بداية خير ...ومصيره يمل ويطلقني ...من غير تعب ...
::
::
::
::
اليوم الثاني
في بيت ابو عصام
ابو عصام : اقول دريتي ان عرس وليد بعد اسبوعين
ام عصام بصدمه: وافقوا ماهو كان زعلانه
ورفضت عاد ترجع له وش اللي طرا الحين
ابو عصام بجمود: لا اليوم خبرني اخوي وقال خلاص حجزوا وجهزوا كل شيء والعرس الخميس اللي بعد ذا
ام عصام بقهر : بعد اختاروا اليوم آه من هالبنت فيها برود مو طبيعي ...ليه ماقالت لي امس دقيت عليها في الليل ولا جابت لي سيرة
ابوعصام :ماعليه ولا تخافي أكيد وليد بيعدل بينهن انا واثق فيه بس لو بنتك تعقل وتتطلع بندر من عقلها تكون بخير
ام عصام : ان شاءالله هذا اللي اتمنى بس والله اني خايفه على ريتاج من لطيفه احسها مستقويه هالبنت
ابو عصام بحده: لا تظلمي البنت وكان من حقها الزعل
والحمدلله الحين طخ الي في راسها وافقت
ام عصاام بقهر: مهما كان بس مصلحة بنتي عندي بالدنيا.. اكذب عليك لو اقولك... اني فرحت ..انها وافقت لاني عارفه بنتي حقها بروح لانها ماهي... بهالقوه انها تعيش مع ضره او احد يشاركها حياتها
ابو عصام بحده: وش هالكلام بنتك اللي جايه عليها وش فيك ي مره
ام عصام وقفت بعصبيه: آه منكم ياالرجاجيل ماتحسن كيف ..الضره تحر فاهم ايش تحر حتى لو بنتي هي الي جت عليها
ابو عصام بجمود:حضري قهوتي بس وخليك من هالكلام الفاضي اعرفك عاقله وش اللي تغير
اسيل نزلت وهي مبتسمه يوم شافت ابوها وسلمت عليه بدلع
: بابا وين الوعد
ام عصام قالت بقهر : تعاللي اسمعي ايش صار لطيفه وافقت تتمم العرس
اسيل صرخت بصدمه : لا ......
كيف الحين وحنا جالسين نهايط قدام الحريم انه خاق عند ريتاح ورافض عاد يتمم زواجه من لطيفه
ام عصام ودها تذبحها هذي الغبيه بتورطها عند ابوها
ابو عصام بحده : جالسين تكذبن من جد .. والله ي شيخه هذي علومك
ام عصام وقفت وهي تتحلف في اسيل : ماعليك في حكي هالبرز
اسيل خافت اخخ ايش قلت انا وبسرعه : ايه بابا أكذب
وبصرخة دلع بس... مقهورة مابي ..احد يشارك اختي في حياتها مع وليد ..الدوب
ابوعصام بعصبيه : وش فيك انتي وامك كذا حرام اللي تقوولنه
ام عصام بقهر مسكت يد اسيل وقفتها معاها : خلاص لاتعصب
وسحبتها معاها للمطبخ وهي معصبه
قالت بقهر : غبيه انتي كان تبي تنشبينا مع ابوك
وش فيتس ماتعرفي تفكري قبل ماتهرجي
اسيل : ماما والله من قهري ماكان ودي احد يشارك ريتاج حياتها
ام عصام بقهر وحزن على بنتها : كلنا ماودنا بس هذا نصيبها وعلى قول ابوك ...هي جايه بعدها وشهوله حنا نحتر
اسيل :افف من اول ماحب هالطيفه من يوم تجي بيتنا
اافففف ماما احس بقهر والله ريتاج خبله بيضيع حقها
ام عصام بتحسر : وهذا اللي ذابحني وبقهر ودي افهم هالبنت طلعت لمين كذا
بيت ابو سامي
في غرفة سامي
جالسه من امس ساكته ...وتحس بألم حتى لما تأكل من شفتها ..بس هين والله مايروح حقها كذا ومصيرها تأخذه ..بس اللي ريحها اليوم صحت من النوم ماشافت خشته ماتدري وش عنده صاير الصبح يكون برا ..فكه ليته كل ساعه يكون خارج عشان تأخذ راحتها ...ودها تروح تنكد على بدريه بس لامستحيل تروح عندها وشفتها كذا وتجلس تشمت فيها ...ويمكن تعرف انه طقها الخايس ...ايه الله يعيني انتظر حتى تخف وبعدها والله لااطفشها من البيت ومن الحاره بعد هي وأهلها الهمج هذولا ....
سمعت جوالها يرن أخذته فرحت يوم شافت رقم
فاديه آه ليتها تبشرها بحاجة حلوه: تنسيها قهرها شوي : هلا والله
فاديه : هلا فيك حبيبتي كيفك
غلا :الحمدلله تمام كيفك انت وبشري
فاديه :الحمدلله والبشاره عندي ان شاءالله بعد اسبوع تجي تتداومي ي حلوه
غلا بفرحه :من جد الله يبشرك بالخير روحي ي شيخه الله يفرحك مثل مافرحتيني بهالخبر الحلو
وبستفسار: مافي رجآل صح في المحل
فاديه :وين رجآل محل مكياج اقولك وش دخل الرجآل
غلا بفرحه: اوك ان شاءالله اسبوع تشوفيني بجنبك
فاديه : ان شاءالله حبيبتي يالله لازم اسكر في زبون
غلا
سكرت ورمت الجوال ....النكد اللي فيها من توو ... تحسه راح آه فرحانه حيل ..افضل شيء ...تبعد شوي عن هالبيت ..وان شاء الله ترتاح في هالوظيفه ...مسكت على بطنها بالم تحس من امس ماهي طبيعيه... والم ظهرها كمان ..مزود عليها حسبي الله من رميته لها بقوه سمعت ...صوت الباب يتفتح صدت بزعل وبقهر وهي تتاففف ...وش جابه ذا كان مرتاحه ...من خشته..
سامي
دخل ... وهو عارف انه ماراح يسلم من لسانها ...يحس بحزن عليها انه طقها بس كان تستاهل هالطق ...جلس عندها وهو يمسك وجهااا بيده قال بستهبال يوم شاف شفتها منفوخه شوي : افاا طحتي وانتي نايمه
غلا بقهر طحت آه بس لو تموت مارديت عليك
سامي حط يدها على كتوفها وقربها منه وقال بهمس: انتي تخليني اسوي كذا ي غلا والله اكره اللي يطق زوجته بس غصب
تتطلعي الواحد من طوره
غلا بعدت ...عنه وقفت و بصرخه: ي شيخ كم مره اقولك لا تتكلم معي ولا تقرب مني
سامي وقف بقهر وقابلهاا وقال بقهر: قسم بالله الكفين اللي اخذتيها قليله في حقك مفروض اكثروكاد تتأدبي
غلا بصدق : طلقني سامي
سامي رفع حاجبه وبحده :اطلقك
غلا برجى وهي تمسك يده : ايه طلقني وفكني ...وابوي صدقني مارح يقول شيء .. أكيد بيستقبلني ....مدام معي وظيفه وراح اصرف عليه ...وراح يسكت بعدها. .
سامي بأبتسامه سخريه : يعني عارفه ان ابوك مستغلك ويحبك عشان فلوسك
غلا بقهر :ايه عارفه ومالك دخلك يستغلني ولا مايستغلني انا راضيه
وبعدين ابوي يستغلني افضل من انك تستعلني انت يوم أخذ راتب وانت جالس كذا عاطل مامنك فايدة
سامي بقهر :والله لو اموت مأخذت منك ريال واشوف بالله تتوظفي وطلاق والله لو تعضي الأرض ماطلقت
غلا بصرخه : ايه مره ماتأخذ ي الرجال.. ي المحترم . انت
أخذت مني وانا ماهو على ذمتك بعد.. والوظيفه والله غصب
عنك فاهم ومالك دخل فيني ..وطلاق صدقني بتطلقني وقول غلا ماقالت
سامي بضحكة استفزاز لها: ههههه نشوف كلمة مين تمشي
غلا بقهر ضربته على صدره بقوه: اكرهك والله
سامي ببرود ظاهري مسك يدها ونزلها بقوه : ماطلبت حبك
واعطاها ظهره ودخل .... الحمام وهو يحس نفسه ...موجوع من حكيها ....بس ماعليه ... راح يثبت لها انه ماهو... عاطل ولا يبي فلوسها ..كره عمره ... من كثر مايمننوا عليه بالفلوس ..هين ي غلا .... والله لااربيك من اول وجديد ابتسم بسخريه وهو يناظر حاله في المرايا تربيها ولا هي اللي جالسه تربيك ...
قال وهو عاض شفته .... ليه حبيتها ..ليه وش اللي فيها خلى هالعنيد يميل لها وهو يضرب على صدره ...ماسويت خير فيني
يوم حبيت هالقاسيه ...
::
::
::
::
بعد اسبوع
بيت ابو وليد
في الصاله
الساعه 9 مساءً
ريتاج وهي تناظر شوق: تصدقي توقعت لطيفه تسلم علي
يوم شافتني ...اليوم في الجامعه
شوق بضحكه : من جدك انتي كويس وهي ماضربتك
تبيها تسلم عليك
ريتاج بقهر: وليه ذا كله ليه ماتفهم ان وليد يبيها هي
سكتوا يوم دخل وليد وفي يده ...كيس بطاقات الدعوة. ..
رد السلام وهو يسأل عن امه
شوق : امي دخلت مع ابوي غرفته
وليد طلع كرت ورفعه : وش رايك ي شوق
شوق وهي تناظر جهة ريتاج :حلوو
ريتاج ناظرته ... لها اسبوع مقد شافته ...من الجامعه لغرفة بندر سيده وتحس نفسها ....مرتاحه كذا ولوتدري.... اليوم بيرجع بدري.... كان ماجلست في الصاله بس كله من شوق عزمتها على حلى وقهوه ..وبعد عصبتها نظرة شوق لها ...اللي يشوفها يقول همها وزعلانه عليه ...بس قالت عشان توضح لهن وعشان مايأخذ في نفسه مقلب ويفتكرها مقهوره : اشوف ايش الشعر اللي مكتوب في الدعوة وبأبتسامه دايم احب اقرأ شعر الدعوات ....
وليد برفعة حاجب ناولها هوو: شعر أكيد متعوب عليه
ريتاج برفعة حاجب : نشوف
فتحت الكرت وشافت ...الشعر ..وناولته وقالت بصدق:حلو الله يتمم لكم
وليد :آمين يارب وقف ومد يده ...تعالي ابيك شوي
ريتاج استغربت ايش يبي منها ....ماحبت تفشلها قدام شوق مدت يدها ...ومشت معاه
شافته يمشيها لللجناح تبعه ..كرهت ...تدخله قالت بسرعه وهي تسحب يدها منه : وش رايك نروح غرفة بندر
وليد ناظرها ساكت بس هز راسه بالموافقه
ومشى قبلها
دخل الغرفه وهو يشم ريحة عطرها معبي الغرفه ...قال لف وناظرها : مرتاحه فيها
ريتاج جلست على السرير:آه مره مرتاحه فيها
وليد جلس بجنبها : اكثر من جناحي
ريتاج ابتعدت بخوف تخاف صارت من قربه
وليد ناظرها بسخريه: قلت لك هي مره وحده ومستحيل تتكرر وشهوله هالخوف
ريتاج وهي متوتر :يالله بسرعه قول ايش تبي لاني ابي انام وراي بكره جامعه
وليد : شوفي ابوي قرر اعطيك مهر من ثاني مثل لطيفه اعطيتها يوم رضت توافق تتمم الزواج وانا مستعد اعطيك هوو بس الحين ماعندي سيوله بس اذا ماتقدري تصبري انا مستعد ادبرها لك
ريتاج بقهر من حكيه اللي يسمعه يقول ميته على فلوسه ..مسوي يعتذر : لا مابي لا مهر ولا ابي تدبر لي الله الغني ويوم اعطيت لطيفه تستاهل اللي صار معاها ماهو قليل
وليد انبسط من حكيها : طيب إذا ابوي سأل
ريتاج بسرعه: راح اقوله اعطاني وخلاص انتهت السالفه
وليد : اوك وبعد قولي له ...ابي اطلع من البيت وليد بيستأجر لي شقه لحالي
عشان آخذ راحتي أكثر
ريتاج فتحت عيونها.. بصدمه من طلبه الأخير كان آخر شي تتوقعه : طيب ليه ماتستأجر لطيفه شقه افضل
وليد : لا انا اشوف لطيفه افضل تسكن هنا وبعد صعب اشوف سكنكم مع بعض في بيت واحد وانا رجآل ادور راحتي مافيني على طقيق ومطاققق الحريم
ريتاج ابتسمت بسخريه : لا تخاف والله ماسوي لك مشاكل معاها وبعدين وش لي فيكن عشان اعلق معاها
وليد بأبتسامه: مدري اخاف بعدين يتغير الحكي ويبدا شغل الضرير وتبدأ الغيرة
ريتاج ناظرت ابتسامه الواثقه قالت بسخريه: لا تتطمن مالي شيء عشان اضارب عشانه
وليد يحس انه عصب قال بحده: المهم .. قولي لابوي وبس
وبعدين لطيفه هي الاحق تسكن في جناحها وتكون الزوجه الي عايشه معي هنا بين أهلي
ريتاج : ترا طفشتني جناجي وجناحي من زينه عاد تقول قصر الوليد بن طلال ..ترى كله غرفتين
وليد بغيض : اقول مستقويه اشوف ولا جلستك في هالغرفه غيرتك ونستك مع مين تحكي
ريتاج بقهر : خلاص وليد راح اكلم عمي
يالله روح ابي انام
وليد تمددد على السرير بعناد:حتى انا ابي نام
ريتاج بقهر : وليد روح جناحك ونام تكفى ترى مرتاحه لي اسبوع مافيني على مشاكل بعد معك
وليد ناظرها بأبتسامه : مين قال بيسوي مشاكل الحين
تعالي بس
ريتاج قالت وهي تذكره : بعدين هذي ماهي غرفتك هذي غرفة
بندر ومالك حق تنام فيها ...
وليد بسخريه: لا ي شيخه لك الحق انتي بس ..
ريتاج :ايه لي الحق في كل شيء يخصه
وليد عصب وقف وقابلها: كم مره قلت لك انسي بندر مدام انك على ذمتي
رتياج : وليد تكفى اطلع
وليد بحده : قسم بالله من اليوم ورايح ماهو رجآل لو جلستي في هالعرفه مدام صايره اخلاقك كذآ
ريتاج بقهر ::وين تبيني اروح جناحك وطردتني
وبسخريه كملت في الحوش ان شاءالله اجلس
وليد بعصبيه :غرفتي اولى في جلوسك فيها
ريتاج بصرخه : لا لا هنا مرتاحه مابي غرفتك وانت قلت لي مفتاحها ماهو ... عندك بعد
وليد بجمود: أخذته يوم اخذت مفتاح غرفة بندر
ريتاج بقهر : طيب مابي غرفتك هنا مرتاحه تكفى وليد لاتغصبني على شيء مابيه
وليد
بسرعه طلع
راح جناحه وسحب ...المفتاح اللي نسخه ...يومها ورجع النسخه
في درج ابوه عشان مايحس مشى بعصبيه للغرفة بندر وفتح الباب .وبحده : قدامي غرفتي
ريتاج بقهر : ودي .. افهم وش مستفيد من ذا كله
وليد : اخلصي علي بس ابي انام وراي مشاوير بكرة
ريتاج
بقهر خلاص روح نام ...وهاتي المفتاح وانا اروح بعد مأخذ اغراضي كلها ..
وليد مسكها ومشاها ....معاه غصب عنها
وفتح باب غرفته ودفها من كتفها وهو مقهور من عنادها اللي طلع فجأة
قال بسخريه:ان شاءالله تعجبك أكثر وتذكرك انت لمين
وزوجة مين ويكون لي الحق بعد انام فيها
ريتاج جلست على السريرر وهي تبكي : وليد انا تعبت تعبت منك كل يوم مقلعني مكان ....ودي اعرف وش مستفيد من ذا كله ليه تحب تقهرني ...
وليد بقهر :انكتمي والحين اغراضك تجيك كلها وبسرعه رجع ...الغرفه وجمع ...اغراضها بطريقه ...عشوايشه وطلع وقفل الباب بالمفتاح دخل في جيب ثوبه ... ورح لعندها وهو يرمي اغراضها قدام رجولها ...
وبقهر : خلاص هذا من اليوم ورايح مكانك
لما اقعلك من البيت بعد ماتكلمي ابوي طبعاً
ريتاج بعناد :والله ماقول له
وليد بتهديد : اشوف بالله عنادي وراح تعرفي عقابك زين بعدها
ريتاج
بكت بقوه آه فيها قهر ماتبي تجلس هنا ...في هالغرفه.. اكره اي شيء لوليد ...وهو جالس بتصرفاته ...ذي يكرهها فيه زود ...
ناظرت الغرفه بقهر ...ماحبتها .. بالمره .. انحنت وأخذت اغراضها .. اللي رماها في الأرض ورتبتها حست نفسها مبهذله ومقهورة ..من اللي يصير فيها ... رجعت
تمدتت على السرير ...وهي تبكي ..ماهي راضيه باللي يصير فيها ...
::
::
::
::
بيت ابواسامه
في غرفة لطيفه
اليوم ولعت يوم شافت ريتاج آه بغت تموت كيف... تقدر تعيش معاها في بيت واحد ..احسن شيء ... قالت لوليد انه يطلعها .. في بيت بعيد عنها حتى تنفك منها... اففف صرت اكره حتى افكر فيها ...ودي انا اطلع من البيت بس وليد رفض يقول ريتاج تطلع
وجناحك لك ....
سحبت جوالها ودقت رقم وليد ابتسمت يوم رد عليها قالت بدلع : سلام حبيبي
وليد اللي من وقت ماطلع من عند ريتاج وهو يحاول ينام شاف جواله.. يرن ابتسم يوم شاف الرقم ...في وقته عشان تبعد عنه الضيقه اللي يحس فيها قال ببحه: هلا والله
لطيفه بزعل: وينك ماتدق علي
وليد ابتسم :يالظالمه مادق عليك اللي يسمعك يقول ماقفلت الفجر من عندك
لطيفه: ايوه ماتدق والدليل اليوم مادقيت مره
وليد : زعلان يوم طردتيني امس ورفضتي تخليني ازورك
لطيفه بدلع :مايصلح تشوفني قبل الزواج بأسبوع
وليد برفعة حاجب :لا ي شيخه في شرع مين ذا
لطيفه :بيبي والله جد ماينفع وبعدين كلها أسبوع بس واكون عندم وتتطفش مني
وليد : افاا اطفش منك آه ي شيخه ... جالس احسب الدقايق والثواني عشان اشوفك قدامي
لطيفه وهي تتنهد : اليوم بغيت اموت يوم شفت ريتاج قدامي وليد مو قادره والله
وليد قفل عيونه آه يكره هالسيره قال بهدوء: ي قلبي ماعليك فيها وبعدين خلاص ايش قلنا ريتاج ماشاوفها مره انا
ولافكر فيها ولااااعتبرها زوجتي تكفين لطيفه مابي اتنكد بكره وراي رحله
لطيفه بسرعه: خلاص حبيبي آسفه
وليد بأبتسامه : يالبي قلبك ... لطيفه تكفين خليني اشوفك قبل ماسافر ...
لطيفه :وليد مافيني اعيد نفس الكلام
وليد بقهر :اوك بس راح اطلع هالتغلي من عيونك آه متى يجي يوم الخميس
لطيفه بدلع : خلاص وليد استحي
ويالله باي وقفلت
وليد قفل
وهو مبتسم .....تذكر كذبه عليها عشان ريتاج آه لو تدري ايش حصل بينهن ايش تسوي ...
اكيد تذبحه وتذبحها ....وبعدين مستغرب ...من نفسه كيف عصب اليوم عشان غرفة بندر... لا مفروض من اول يعطيها غرفته
...مهما كان رجال..... ومايرضى تتكلم قدامه كذا ....
قفل عيونه وهو يتخيل... عيون رتياج ....هز راسه وعصب من نفسه مفروض لو يفكر ... يفكر في لطيفه ماهو ريتاج ضرب راسه اطلعي من راسي خلاص .....حسبي الله على ابليسك مثل ماجننتيني ...آه يبه وش الي سويته في ولدك ...
::
::
::
اليوم الثاني
نزلت من فوق وهي مبسوطه يوم دقت عليها امها... تقول تحت عند خالتها بسرعه...دخلت غرفة الضيوف و تقربت منها وضمتها حست بأمان وهي في حضن امها ....ودها تبكي ..وتقول لها خذيتي معك تكفين يمه ..بس هي عارفه ايش الجواب ...
ام عصام بهمس: آكيد زعلانه من اللي صار
ريتاج ناظرت امها وماهي فاهمه ايش تقصد :
ام وليد وقفت وهي تستئذن
ام عصام مسكت يد ريتاج وجلست وجلستها معاها قالت بحنان: يمه والله اني زعلانه عليتس و ماهي عاجبتني رجعة لطيفه لوليد
ريتاج بزعل :يمه حرام تقولي كذا ولو تبي ...الصدق انا لحين
فرحانه ومرتاحه حيل بعد شافت امها بتعترض قالت بسرعه يمه .. مابي اشيل ذنبهن ....
ام عصام بقهر :آه من هالسذاجه والبرود اللي فيتس
والله لو اني محلتس بس
ريتاج قاطعتها: يمه أجل اشلون قهر ام لطيفه وليطفه يوم أخذت رجلها
ام عصام
سكتتت ماتدري وش تقول ....بس تذكرت ليه جايه :المهم ابيك تحضري وتروحي... عند احسن كوفيرا ...وانا الحين رايحه أخذلك احسن فستان واغلى الماركات....وابيك كذا تحضري وراسك فوق ومستحيل بنت شيخه تنهز فيها شيء ....
وليد مصيره يندم عليتس
ريتاج ابتتسمت من تفكير امها : يمه الله يهديك الي يسمعك يقول محتره ومفتكره فيهن وتراه تزوجها قبل مايتزوجني ......
ام عصام بقهر: المهم حضري حالتس بس نروح السوق جميع
ريتاج هزت راسها برفض: معليش لا بي فستان ولا
ابي احضر خلوني في حالي وبعدين شكلي غلط لو حضرت
ام عصام بحده : قسم بالله تحضري وترقصي بعد
عشان يعرفوا انه ماهمك وان بنت شيخه راسها فوق
ريتاج بقهر: يمه انتي همك برستيجك صح وماتبي يقولون بنت شيخه زوجها اليوم عرسه صح
ام عصام بقهر:ليه انتي كذا غبيه ماهو بيقولو بيقول اليوم عرسه بس نبي نكسر عينهن ونوضح لهن انه ماهمنا فاهمه علي
ريتاج : معليش ماما مقدر
ام عصام بعصبيه: قسم بالله ي ريتاج لو ماتحضري لا اغضب عليك طول عمري والله
ريتاج شوي وتبكي : ليه يمه وش فيك كذا وايش المصلحه احضر بالله
ام عصام خبطتها بقوه على كتفها:افهمي اقولك نبي نوضح لهن انا ماهمنا فهمتي علي وبعد انا ابي اكشخ واحر... امها بعد
ريتاج :يمه تدري فيني ماحب هالاشياء خليني هنا لا احر أحد ولا
اتهاوش مع أحد
ام عصام وقفت وهي تلبس العبايه: انتي الكلام معك ضايع وطول عمرك حقك ينأكل وانتي ساكته بس والله انا واسيل نأخذ حقك ثالث ومثلث ولا ماكون امس وتقربت منها وضمتها لصدرها والله احبس ومابي غير تعيشي سعيدة
ريتاج بكت غصب عنها وهي في حضنها:يمه تكفين لا تزعلي مني بس مابي اروح ولا احضر
ام عصام بعدتها شوي وقالت بقهر :المهم الحين سيده طالعه
لسوق واسيل عارفه مقاسك
ريتاج جت تتكلم
ام عصام بسرعه : ولا كلمه كل شيء بيجي لما عندك ماعليك إلا تحضري بس وطلعت وهي معصبه من بنتها ...ومن هالزواج كله ...
ريتاج
جلست على الكنبه وهي تبكي ...
آه ياربي وش اللي يحصل معي.... انا من وين ....احصلها من امي ..ولا من وليد ...ولا من عمي... ولا من مين.... تعبت والله ....كيف احضر زواجه ...مدري كيف امي تفكر ...والله مافكرت فيني .... فكرت ايش الناس ... يقولوا ... يعني ايش بيحصل لو قولوا ..ماهمها بنت شيخه حضرت زواج رجلها
شافت خالتها داخله عليها مسحت .. دموعها
قالت وهي تحط يدها على كتفها : امك قالت لي انك بتحضري ايه يمه احضري ونسي عمرك بعد
ريتاج
طالعتها ...اونس عمري آه ليه.... محد يفهمني انه صعب احضر ..
وقفت وطلعت غرفتي شفت ...وليد طالع من غرفة عمي ...
.
صديت عنه ...وكملت مشواري ...من غير لا يتكلم علي ...... ولا اتكلم عليه .....
::
::
::
الأحداث اللي في الأسبوع الثاني ..
ريتاج
اللي مقهورة من امها ومن فرضها عليها باللي طالبته منها
وليد
فرحان حيل خلاص فرجت يوم بس و يشوف لطيفه قدامه .....
والي مفرحه أكثر انه ماصار عاد يفكر في ريتاج ...
لانه ما شافها خلال هالاسبوع كله ...هو قال وجودها ....هو اللي مسبب له ازمه ....ليته من اول قدر يأخذ مفتاح غرفته ويجلسها فيها ...كان بيكون افضل لهن الاثنين ....وكان يتجنبوا الللي صار بينهن ...
شوق
ماتدري تحس بفرحه للطيفه ...ولاخوها .... وبحزن على رتياج اللي بتنظلم ...والله محتارة ..كلهم صديقاتها بس ريتاج بعد بنت عمها وتعزها أكثر... بس لطيفه بعد مالها ذنب ...
ام عصام
اللي جالسه تأكل في نفسها ...من القهر ...دفعت مبلغ محترم ...على فستان ريتاج اللي طلبته لها طلبيه ....وحالفه تتطلع بنتها قمر ...وتغطي على العروس
اسيل
طبعاً مع امها جالسه تخططط .. وطول هالاسبوع وهي تلف
السوق مع امها . وفي نفس الوقت جالسه تتحلف انها بتقهر لطيفه وتنكد عليها في زواجها. .......
ام وليد
تحس ان مالها نفس تروح ....الزواج بعد موت بندر كرهت المناسبات كلها بس ....وليد بيزعل منها ....أكيد
اسامه
اللي معصب من رائد ...مايدري وين يختفي .....رجع اختفى من ثاني ..بس عنده آمل يقدر يمسكه يوم زواج لطيفه أكيد بيحضر حالف هالمره ماراح يفلت من يده ...آه مقهور بقوه منه ومن ال**** اللي مرميه لها اسبوعين مايدري عنها بشي
اليوم اتصلوا عليه الاستقبال ...يبونه يدفع إيجار الاسبوع اللي
فات ..عشان كذا قرر يدور شقة سكن يكون أجارها بالشهر ماهو مثل ذي مفروشه ..وإيجارها باليوميه
ريوف
اللي صارت تحس بخوف من هدوء هالعماره كان ..مونسها ...ولد الجيران يوم تسمعه يصيح ..وامه اللي بس معصبه على
عيالها ....بس شكلهم طلعوا من يومين ماتسمع لهن صوت عاد ....وبعد الاغراض اللي جابها آخر مره بدت تكمل ...وهي تخاف وماتعرف تتصرف...حتى رقم جواله ماعندها ..وبعد جوالها مقفول يوم جابت جوالها.... نست تجيب معه شاحن ...
راح تتطلبه لو جاا ....وبعد لازم يعطيها رقم جواله ..عشان تدق لو فيه شيء ...مع الخوف الي تحسه ..ودها تسمع حس الجيران مثل قبل عشان تتطمننن ..ومعاد تذل نفسها عند ..اسامه ....
و بعد تخاف منه مسوي لها رعب غير طبيعي .. كل ماتذكر آخر مره كيف طقها ...ترتجف في مكانها ...والله على الطق.. اللي.... أخذته من سمير ولا الطق اللي كان تأخذه من مرة ابوها ولا شيء قدام طقه ...قاسي حيل ....تخاف حتى تتكلم قدامه تحس نفسها ..مجرمه ...من نظراته وطريقة حكيه معاها. ....
::
::
يوم الزواج
.
***
**
*
https://play.google.com/store/apps/details?id=com.stories4all.offline13