الفصل الخامس عشر
يوم الثلاثاء نيويورك || - 8:35 AM -
¦ منتزه براينت بارك ¦
رائد : وشلون قدرتي تهربين منه؟
ليال تذكرت وناظرتهم وانصدموا كيف تناظر عيونهم مو مثل قبل ماتدري وين تناظر ، ليال ببراءه : انا اشوف.
رائد وماجد بصدمه : كييييييييف؟
ليال حكت لهم كل شي صار معها وان خالد كان سكران وكان بيغتصبها وضربها لين اغمى عليها!
ماجد بقهر : اوريه الخسيس لاتشيلين هم والله اخذ حقك منه هالحيوان..
رائد : اهدئ الحين وخلينا نسوي خطه جديده دام الأولى انحلت بدون خطط..
ليال مو فاهمه شي : خطط ايش؟
ماجد مسك يدها ومشاها معاه : تعالي وافهمك بالفندق..
وقفت ليال بخوف : تكفى الفندق لا ماصدقت هربت منه كمان ارجع؟
رائد بهدوء وحنيه : شوفي ياليال الموضوع مو سهل ولا كمان صعب بس يبيلنا تركيز عشان تقدرين تطلعين من حياته بدووون خساير فاهمه وش اقصد؟
ليال بحزن : انا خسرت كثييير بسبته خسرت اهلي عايلتي جماعتي سمعتي نفسي وطموحاتي وش بتفيدني الحين اوراقي؟
ماجد : قلت لك ثقي فيني ومالك الا الي يرضيك يلا امشي اعرفك قويه وش صار فيك الحين؟
- مشت معاه بالغصب ودخلو الفندق وبالتحديد جناح الشباب -
« جناح الشباب ، 9:00»
اول ماشافهم منصور ركض لعندهم : شباببب سمعت شي مهممم لازم تعرفون عنه..!
ماجد ورائد : وششش؟
منصور انتبه لـ ليال : صاروووخ * رائد فطس و ماجد فار دمه ، منصور انحرج وسلم عليها * معليش اعتذر..
ماجد بقهر : احترم نفسك ويلا علمني بالي سمعته..
منصور بحماس : طلع زواج ليال من خالد مزووور..!!.
الكل : جججججد؟؟؟؟؟؟
منصور : ياليل المسلسلات وش فيكم دايم تردون مع بعض الحين صرتو 3!
رائد شوي ويخمسه بكف : هييييه مو وقت تريقتك قول الصدق وكيف سمعت؟
منصور جلس : طلعت من هنا عشان اروح قسم المراقبه وحليت الموضوع كله وانا طالع سمعت خالد يتكلم مع واحد اسمه محسن تقريباً وقاله لازم تجيبها لي من تحت الأرض لازم اوثق زواجي منها قبل ماحد يكشف الموضوع!
ليال بقهرر : حيوووااان خسيييس عشان كذا مسوي نفسه انه محترمني مالمسني ويعنني طيب معي اثاريه مو متزوجني؟ ككككلب.
رائد : هذا خسيس ماهمه زواج ماعنده شي اسمه شرع يعني بيمسك نفسه عنك مو لله لا ياليال لانه عارف لو انكشف وان زواجك منه مزور ولمسك بيكون عليه التهمه كبيييره ..
ماجد : شوفي ياليال هو الحين بباله شغله وتعرفين زور الزواج عشان يقدر يسفرك معه لأمريكا قبل حد يمسكه لأني بلغت الشرطه عنه يوم خطفك ولان الزواج يبغاله شيخ وشغل كثير والوقت ضيق اقرب مخرج انه زور وثيقة زواجكم وعشان كذا هو مالمسك لان اذا لمسك وطلع مو متزوجك هنا عليه ثلاث قضايا؟ خطف ، اغتصاب ، تزوير فهمتي الحين؟
منصور : انا حجزت طائره على الرياض اليوم الساعه 11 الليل.
ماجد : ليييه؟
منصور : الوضع صعب هنا لازم نرجع.
ماجد : بس اوراق ليال في جناح خالد لازم نرجعها..
رائد : انا بروح اخذها..
ماجد : خبل انت تدري عنده حراس واجد بتطيح بين ايدينهم..
ليال بتردد : انا بروح اخذهم.
ماجد : لا مستحيل ترجعين له ماراح اسمحلك فاهمه!
ليال بترجي : تكفى ماجد انا الحين اقدر اشوف اقدر انتبه لنفسي مو مثل قبل..
رائد بتفكير : صح معك حق انتي الوحيده الي بتقدرين تدخلين.
منصور : وش معنى هي الوحيده!! لو انكشفت وش تتوقع بيسوي خالد؟
رائد : اسمعوا هي تدخل وتحاول انه مايشوفها احد واحنا بنكون حارسين على المداخل اذا شفنا خالد رجع نعلمها عشان تقدر تتصرف وتهرب!
ماجد : وكيف يافهيم نعلمها وهي داخل وحنا برا؟
رائد طلع سماعات بلوتوث بجيبه : بهذي بلبس وحده وليال وحده ونكون نتواصل مع بعض!
ليال : انت ملك التكنولوجيا وش ذي الافكار والحركات ههههههههههههههههههههههههههه..
ماجد بغيره : انا بلبس وحده *اخذ الثانيه وحطها بيد ليال* وليال وحده يلا الحين حد يشوف وينه خالد ويراقب الطريق لنا..
ليال بخوف : الحين نروح؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الثلاثاء الرياض || - 12:00 BM -
¦ بيت عايلة ماجد ¦
شهد تدخل البيت وبتعب تقعد على أقرب كنبه : يمممماه
دخل بعدها عبد العزيز : السلام عليكم ورحمة الله وبركاته .
شهد بطفش : وعليكم.
عبد العزيز : ردي السلام مثل المسلمين وش ذا؟
استحت شهد وقامت حبت راس اخوها : اسفه وعليكم السلام ورحمة الله وبركاته..
عبد العزيز جلس مقابلها : وين امي؟
شهد : مدري توني جيت وانادي ماترد.
عبد العزيز : قومي شوفي وينها و بدلي ملابسك..
- قامت شهد تبدل ملابسها وتدور لامها -
الأم سعاد : حي الله عبد العزيز.
عبدالعزيز يبوس رأس امه : البقى شخبارك؟
الأم سعاد : بخير ياقلبي تأخرت؟
عبدالعزيز : ماعليه السموحه كان عندي شغل وغير كذا توه الساعه 12!
الأم سعاد : قلت لي بتجي الساعه 10 وانتظرتك ماجيت!
عبد العزيز : الطلبيه ماجات بدري وكان عندي إجتماع مفاجئ معلييش يالغلا نسيت ماخبرك.
الأم سعاد : الله يقويك ياحبيبي معذور لبى روحك لاتشيل هم.
«بيت عايلة ليال ، 12:30 BM»
أنس يدخل البيت : السلام عليكم
الأم مريم : وعليكم السلام ورحمة الله ياهلا ومرحبا اخبارك ياولدي واخبار الجامعه اليوم معك؟
أنس يجلس : تمام الحمد لله ، يمه.
الأم مريم : هلا يمه.
أنس بتردد : اخبار ليال؟
الأم مريم : وش يعرفني ياولدي حالي حالك مادري عنها شي!
أنس : سمعتك انتي و مها ذاك اليوم تتكلمون عن ليال وانها تدري وينها فيه..
الأم مريم فزت تسكته لاحد يسمعه : شششش لاحد يسمعك والله يقتلونها اخوك وابوك..
أنس بقهر : ماحد يقدر يمسها وانا موجود والله ماسمح لهم.
الأم مريم ببكى : ياربي يخليك ذخر وسند لخواتك تكفففى يا أنس خلك اعقل من اخوك وابوك ولاتصدق في خواتك شي خلك الظهر إلي لاجارت الدنيا عليهم يحتمون وراك..
أنس حزن على أمه وقام حضنها : ابشري يالغلا مالك إلا الي يرضي ربي وثم يرضيك * باس راسها *.
دخلت ريناد وجلست جنب انس بتعب : سلاااام.
الأم مريم : ياهلا وعليكم السلام وش فيك ياقلبي؟
ريناد بتعب : حررر وتعببب والباص زحمه مالقيت مكان جلست واقفه ليين وصلت..
أنس : قلت لك بوديك معي وارجعك بس ماسمعتي الكلام.
ريناد : انت تروح بدري وترجع متاخر..
الأم مريم : طيب عادي وش الي مو عاجبك بالتوقيت؟
ريناد : تخيلي اروح بدري قبل الكل وارجع اخر وحده حشى كني الحارس؟
أنس يضحك : هههههههههههه مالت علي قاعد اسوي فيك خير.
الأم مريم : أجل انطقي مع الباص وكل يوم ترجعين وانتي كنك طالعه من القبر *قامت تجهز الغدا وطنشتهم*
-أنس جلس يضحك على ذبة امه ويرفع صوته عشان يقهر ريناد-
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الثلاثاء الرياض || - 1:00 BM -
¦ بيت مها ¦
صحيت من الازعاج : ميييين؟
ندى من ورى الباب : افتححححي وجععع..!
مها قامت وفكت الباب ورجعت تنسدح : وش فيك ياخي مزعجتني؟
ندى تناظر ساعتها: الساعة 1 الظهر وش ذا النوم؟
مها بدون نفس : شسوي ياخي ماعندي شي غير النوم..
فكت الضوء وجلست جنبها : جاتك اخبار جديده عن ليال؟
مها : لا للحين..
ندى: مالت عليك وليه مارجعتي تتصلين تتطمنين؟
مها : مافضيت..
ندى : ياربي بتجننيني توك تقولين ماعندك لا شغل ولا مشغله اشلون مافضيتي وانتي ما وراك شي الا النوم ؟
مها : انتي قلتيها النوم شغلي وماخذ كل وقتي..!
ندى : لاحول انتي تبين تجلطيني؟ يلا اتصلي على ماجد الحين خلينا نشوف وش صاير..
- مها فتحت جوالها وبحثت عن اسمه تتصل عليه -
«نيويورك ، جناح الشباب»
دق جوال ماجد وكان توه بيطلع : الو
مها : الو السلام عليكم.
ماجد يسكر الباب ورجع يقعد : اهلين وعليكم السلام مين معي؟
مها : انا مها بنت خـ..
ماجد يقاطعها: ايييه عرفتك تبين ليال انتظري..
جت ليال تركض لول ماقال لها ماجد : الووووو.
مها تحط سبيكر ، ندى ومها : وحشتيييييينا!
ليال تبكي : وحشتوني حيييييييل ماتدرون شصار معاااي *تبكي وتحكي لهم كل شي وجلسو يسولفون وانبسطوا حيل ببعض*
مها قبل تسكر : ليال.
ليال : عيونها امري..؟
مها بتردد : علمت امك بالي حصل لك وتبي تكلمك..
ليال بفررح : صدددق تكفييين صادقه بالي تقوليه؟
مها : اي صادقه والحين بروح لها عشان اخليها تكلمك..
ليال تبكي بفرح : اي اي امممانه عطيها رقم ماجد لان جوالي ضاع واذا شريت واحد بعلمك وبسيف رقمك ذا بجوال ماجد.. *سكرو من بعض وهم مبسوطين *
ماجد كان موجود مبسوط فيها وهي تتكلم وتسولف وتستهبل وتضحك مع صحباتها تغيرت حييل شخصيتها ماهي مثل قبل كانت خايفه ومكسوره الحين غير الدنيا مو سايعتها ثقه وقوه وسعاده.!
ليال بصوت عالي : هيييييه الووووو..!
ماجد انتبه لها : بسم الله شفيك فقعتي اذني؟
ليال : وش فيك سرحان تفكر بشنو؟
ماجد بدون مقدمات : فيك.
ليال بلعت ريقها ب احراج وبربكه : ا احم هههه ليه شسويت لك؟
ماجد : ولاشي بس يعني تغيرت شخصيتك 180 درجه عن قبل؟ فاستغربت.
ليال فهمته وبتنهيده : أخ ياماجد وضعي كان صعب ، تخيل بعد ماكنت انسان حر وانسان معتمد على نفسه انساان ماتحتاج لاحد قوي مبسوط وتحب الدنيا وتطلع وترجع بدون ماتحتاج لاحد فجأه تنقلب حياتك وتصير انسان ضعيييف انسان حتى تسوي شغلات خاصه لنفسك ماتقدر خصوصياتك بح راااحت لازم يكون معك شخص عشان تروح الحمام عشان تاكل واشيااء كثيير ماعاد تقدر تعقدر تعتمد على نفسك خلاص اعتماد صار كلي على غيرك؟ تخيييل كم مره كنت بروح فيها؟ لو تحركت بس شبر واحد بدون احد يمكن اموت؟ تتخيل كيف كنت عايشه؟ عايشه في ظلاااام داااامس ماشوف شي بس اسمع الأصوات صرت اهوجس كثير اسمع اصوات اتوقع من خيالي كني جالسه لحالي في بيت مهجور مظظلم تستوعب كيف كنت؟
ماجد بحزن: الحمدلله انك الحين رجع لك نظرك وان شاء الله اننا نفتك من خالد ونرجع السعوديه بخير..
رائد يدخل : يلا نمشي خالد توه طلع..!!
ليال بتوتر : خايفه..
ماجد : ماعليك انا بكون قريب وبسولف معك عشان لاتخافين انتي بس ادخلي مكتبه وغرفته دوري اي اوراق تفيدنا اوك؟
ليال تقوي حالها : اوك..
طلعوا كلهم من الجناح وتفرقوا كل واحد في مكان!
ليال دخلت الجناح و رائد يراقب السلالم والاصنصير و ماجد يراقب الحراس ومنصور عند الكاميرات يراقب تحركات خالد .. < طبعاً التوقيت الان عندهم 5 العصر ..
فتحت الباب بشويش بالبطاقه الي عطاها اياه منصور ودخلت طوالي على مكتب خالد تبحث وتدور..
ماجد يكلمها : لقيتي شي؟
ليال بخوف : لا لسى مره خايفه مو قادره اركز..
ماجد بصوت دافي وحنون : افا ياليال تخافين وانا معاك؟
ليال استحت :... صمت!
ماجد : ليال..
ليال بصوت خفيف : هلا!
ماجد : استحيتي؟
ليال وجهها حمممر : اا حم احم ليه استحي؟
ماجد يضحك: ههههههههههههههههههههههههههههههههههه ولاشي..
ليال وهي تدور لقت ورقه غريبه : وش ذي؟
ماجد :وشو؟
ليال تفتح الورقه : مدري ورقه غريبه كنها قديمه؟
ماجد : اقريها..
ليال : ورقة صكوك أراضي بالرياض!
ماجد : خذيها معك؟
ليال بخوف : ليييه؟
ماجد : خذيها انا بتصرف اكيد في شي غير قانوني يسويه خالد والورقه أن شاء الله بتفيدنا عشان نتخلص منه..
ليال حطتها بالشنطه الي عطاها ياها منصور وطلعت من المكتب وشافت عاملة التنظيف وخافت رجعت المكتب..
ماجد : شفييك حد شافك؟
ليال بخوف وتوتر : العامله موجودة شسسوي؟
ماجد : وينها فيه؟
ليال : دخلت غرفة خالد..
ماجد : ماعليك راقبيها لين تخرج وادخلي..
راقبتها ليال لين خلصت بعد ربع ساعه دخلت بسرعه وسكرت الباب بشويش وجلست تنبش في اغراض خالد ليين لقت شنطة مليانه اوراق ولقت جواته ملف فيه اوراق يخصها وشالتهم مع ورقة تزوير الزواج..
ليال بفرح : ماااجد لقيتهم لقيتهم..
: وش تسووووين هناااا؟