الفصل الثالث عشر
يوم الأحد لندن || - 11:00 BM -
¦ المستشفى ، غرفة ماجد ¦
منصور : خالد سافر لـ أمريكا وأخذ ليال معه.!!!
ماجد بقهر : عاااارف حيوووان بيهرب بسسس الخسيس اخذ ليال ليييه وش يبي منهاا الكلب؟
رائد : المشكله مو هنا وبس!
ماجد يلتفت له : الله يستر وش صاير بعد؟
منصور : مسجل ليال بالسفاره لما اخذها معاه بإسم زوجه!
ماجد بصدمممه : مستتتتحيل ككككيف و وش تقصصصد؟
رائد : تزوجها.
ماجد بصدمه : لاماتوقع مستحيل ترضى فيه خالد اكيد في غلط بالموضوع ..!
منصور : خويي الي هناك شاف الاوراق رسميه كرت العايله مكتوب فيه زوجه.
عصب ماجد وقام بس مسكوه أصحابه ، منصور : اهدئ ياماجد انا بشوفلك الوضع ووين راحوا بالتحديد وبعدين نتفاهم ..
رائد : مابتستفيد شي اذا تحركت وطلعت وين بتلقاهم؟ هدي وخل الموضوع بيدنا اهم شيء انتبه لنفسك لازم تتشافى بسرعه..
«نيويورك ، فندق سانت ريجيس 10:00 BM»
(فرق التوقيت بين نيويورك ولندن تقريباً 5 ساعات)
بعد ساعتين من وصولهم لـ الفندق وتعشوا وارتاحوا طبعاً خالد حاجز في فندق فخم و جناح يناسب الازواج << ماحد درى عنه ☻..
المهم دخل الغرفه بعد مارجع من سكرتيره ولقى ليال نايمه قرب منها ونام جنبها ، ليال صحت بفزعه : خ خال لد تتكفى ببعدد.
خالد : وش فيك خايفه مو كنتي تحلمين بهذا اليوم نسيتي يوم دخلنا الشاليه وكنا مبسوطين ويوم لبستي الفستان الاخضر اخخخ ياانه يشلع القلب عليك *يقرب منها بيبوسها*
ليال تضرب بيدها عشوائي عشان ماتشوفه : وخر وخر امممانه " قامت وتعثرت طاحت ورجعت تقوم وتركض بدون هدف وتبكي"
خالد يضحك : هذاك اول تهربين مني الحين ياحلوه ماتشوفين ماراح تقدرين تهريين ههههههههههههههههههههههههههه *طلع من الغرفه وقفلها*.
جلست على الارض ليال وبكت بقهر : ححححرام عليييييك ححرام ياخالد ارححمني ارحححم حالي ارحححم ضعفي اماااانه كااافي تعذبنيي *وبكككت من كل قلبها بكت عجزها بكت قهرها بكت غباءها يوم هربت من اهلها عشانه بكككت تعب وعجز وظلم وشوق بكت ليين غفت ، حالها الدائم مع خالد ماتذوق النوم الا بعد البكاء!! "
«بيت عايلة ليال. 5:00 AM»
الأم مريم فزت من نومها : يييمه بنتتتي..
دخل الغرفه عبدالعزيز : وش فيك تصارخين؟
الأم مريم تبكي : شفت كابوس..
الأب عبد العزيز : قومي صلي تأخرتي على الصلاه توي راجع من المسجد.
الأم مريم قامت توضي وتصلي وتدعي لبنتها تحس أن فيها شي.!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الاثنين لندن || - 6:00 AM -
¦ المستشفى ¦
دخلوا منصور و رائد : السلام عليكم ورحمة الله..
ماجد : وعليكم السلام ورحمة الله ، اخيرا جيتو بشروني؟
منصور : توه بدري جيناك من الفندق طوالي بنفطر ونسجل خروجك ونطلع سوا للسفاره..
رائد : اركد ان شاء الله الامور بخير..
ماجد : خايف عليها البنت معاه لحالها ووضعها خاص.!
منصور يغمز له : حركات يالحبيب خايف ويعنني؟
ماجد يرميه بعلبة المنديل : وجع الوضع مايتحمل طنازه اتكلم جد البنت وضعها خاص وقاعده مع واحد سكير غبي.
رائد يضحك : احسن لو انك ساكت تراني مجربه قبل ياما كفخني عشان كذا ماعلقت ههههههههههههههههههههههههههه
منصور كشر : مالت عليك هذا اهبل يحب ومو داري عن نفسه خبل..
رائد يهمس له : اووه من زمان طاح في الهوى بس ينكر ههه...
يقاطعهم ماجد : خير وش عندكم تضحكون؟
منصور و رائد سوا : ولاشي!!!!
ماجد بـ استغراب : بسم الله بشويش وش فيكم كنكم في مدرسه؟
رائد و منصور يناظرون بعضهم : هههههههههههههههههههههههههههههههههههههههههههههههههههههههههههههههههههههههههههههه
ماجد بصدمه : لاحول ولا قوة الا بالله أنهبلتوا؟
- افطروا سوا وبعدين سجلوا خروج ماجد واتجهوا لسفارة السعوديه في لندن -
«بيت عايلة ماجد ، 8:00 AM»
قامت شهد تجهز نفسها للمدرسه ودخلت رغد : يالخبله عارفه الساعه كم؟
شهد ببرود : اي عارفه وش عندك؟
رغد بقهر من اهمالها : قوومي بسسرعه السواق ينتظرك يابرووودك *وطلعت وصفقت الباب*
شهد بعصبيه : وجعععع بشويششش!
-تحت بالصاله-
عبد العزيز ماسك نفسه : وبعدين مع ذي النتفه صوتها واصل لهنا وش ذي العصبيه؟
الأم سعاد : أنت السبب دلعتها حتى صارت تسفهنا.
عبدالعزيز بعتاب : انا دلعتها لأنها صغيره كانت في وقت الكل كان لاهي عنها بنفسه ولانسيتي؟
الأم سعاد بحزن: الله يعين ولايعود الأيام الي راحت..
رغد دخلت الصاله : امممين اممممين..
ريان : بسم الله الرحمن الرحيم وش فيك داخلة علينا *يقلد صوتها*امين امين؟
رغد : نعمم خيير؟ وش عندك قاعده اقول امين لكلام امي وش الي مو فاهمه بالموضوع؟
ريان يقوم : اقول يمه بناتك ذول المفروض سميتيهم نار وشرار ووول عليهم ماحد يحاكيهم الا واشتعلوا *طلع يلحق جامعته وتركهم*
عبد العزيز يضحك : ههههههههههههههههههههههههههههههههههه والله انه صادق وش فيكم معصبات ٢٤ ساعه؟
رغد : مدري تصدف معاكم تحاكونا في وقت غلط.
الأم سعاد : الله يهديكم روقوا وهدو شوي حتى انا لاحظت صايرات ماينحكى معكم بسرعه تعصبون ماتتحملون..؟
شهد تدخل : والله انا لأحد يكلمني اذا توني صاحيه عشان لا اعصب واذا كنت جوعانه.
عبد العزيز : ومتى نحاكيك حضرتك؟ مانشوفك الا وقت الصحوه او وقت الاكل تعالي لنا وقت روقانك عشان نسولف معك ياانسه شهد.
رغد تضحك : ههههههههههههههههههههههههههههههههههه كفو مردغها..
عبد العزيز : وانتي انسه رغد مسويه طالعه منها؟
رغد تقوم : تذكرت صاحبتي تنتظرني برا يلا باي..
شهد بقهر : اي اي اهربي عارفه بيجيك الدور لكن هين اذا رجعتي بخليهم يسوون فيك زي ماسوو فيني والله ماتطلعين منها واتهزأ لحالي.
الأم سعاد : خيير عزيمه هي لحالك ولحالي اقول قومي السواق له ساعه ينتظرك..
* شهد قبل لا يكملون التهزيء*
عبد العزيز : يمه
الأم سعاد : هلا ابوي امر.
عبد العزيز : مايامر عليك عدو ، عرفت وينه فيه ماجد.
الأم سعاد بفرحه : صدق يمه!
عبدالعزيز يبتسم : اي صدق يمه كلمت رائد خويه وقال انهم مشغولين ومسافرين لندن وان شاء الله مايطولون وبيكلم ماجد عشانك..
- انبسطت الأم سعاد وعبد العزيز فرح لفرحها وطلع دوامه -
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الاثنين نيويورك || - 2:00 AM -
¦ الفندق ، عند ليال ¦
صحت ليال اخر الليل تتحسس المكان عرفت انها في السرير خافت وقامت بشويش تتحسس حوالينها والسرير كنه فاضي ارتاحت وكملت نومها من الارهاق..
بعد كم ساعه صحت بصوت الباب ليال بخوف : ميين!!!
: انا المساعده جاكي.
ليال انبسطت : أهلا بك ارجوك احتاج مساعدتك..
: ههههههههههههههههههههههههههههههههههه كنت عارف انك بتسوين كذا!
خافت ليال يوم سمعت صوت خالد : خ خخالد.
خالد وهو طالع : ديري بالك تتهورين الفندق كله حاط عليه مراقبه يعني ماحد بيساعدك الا بأمري *طلع وتركها *.
جاكي : سيدتي ماذا تودين ان اساعدك به؟
ليال بخيبه : لاعليك فقط احتاج ان تخرجي لي ملابس نظيفه وتجهيز الحمام * شويه تذكرت * كم الساعة الان.؟
جاكي : الساعة السابعة والنصف صباحاً..
دخلت تتحمم وخلصت ولبست جات بتطلع و تحسست رقبتها وتذكرت..!
-قبل 2 اسبوعين-
رائد يلبس ليال عقد : انتبهي لهذا العقد لايضيع منك فاهمه..
ليال مو فاهمه شي : ليه وش السالفه؟
رائد : الحين انتي رايحه دوله ماتعرفينها ووضعك خاص لو تضيعين ماتعرفين ترجعين..
ليال : وبعدين وش بيسوي العقد مثلا؟
رائد : في زر تقدرين تضغطينه وبتجيني اشاره وقتها بعرف وينك..
ليال بصدمه : كذااااب وش ذا الفلم؟
رائد يضحك : لا ماكذب ههههههههههههههههههههههههههه يلا نمشي تاخرنا..
- نرجع لـ ليال -
ليال علطول ضغطت الزر : يارب يضبط يااارب يارب..
«لندن ، 1:30 BM»
طلعوا من السفاره ، بالسياره ماجد : وبعدين وش نسوي الحين؟
منصور : مايبيلها تفكير نروح نحجز على نيويورك دام عرفنا وجهتهم بالتمام..
رائد : اي بسرعه خلينا نروح ناخذ اغراضنا توني حاجز اون لاين في رحله الساعه 4 العصر *يجيه نتبيه بالجوال وانصدم* مستحيييييييل.
ماجد ومنصور انفجعوا : بسم الله وش فيك؟
رائد يضرب راسه : شلون راحت عن بالي.!!!!
ماجد : وش فيك خبصتنا ياخي؟
* رائد حكى لهم موضوع العقد وانه نسى الموضوع تماما *
منصور : غبي غبي كويس البنت عندها عقل وضغطت عليه..
ماجد : تقدر تحاكيها؟
رائد : لا بس يحدد الموقع وين ماكانت خاص للحالات الي زي ليال عشان اذا ضاعو من اهاليهم..
ماجد ب امتنان : والله انك كفو سويت شي ماجا ببالي..
رائد : ماعليك ان شا الله نلقاها وتتزوجها..
ماجد : وش جاب طاري الزوااج مالت عليك انا خايف عليها لانها في..
يقاطعه منصور : وضع خاص درينا درينا حفظناها.
- رائد ضحك وماجد كشر ووصلوا الفندق وخذوا أعراضهم واتجهوا للمطار -
«الرياض عند مها ، 3:30 BM»
ندى ومها بالغرفه ويسولفون..
ندى : اشتقت لـ ليال مدري وش اخبارها صارلها فتره ماتدق.
مها : وانا كنت اتصل عليها دايم بس لها يومين جوالها مقفل..
ندى : تهقين صاير لها شي؟
مها تحذفها بالخداديه : بسم الله عليها لاتفاولين..
ندى : مافاول بس قلبي مو مطمني..
مها بخوف : حتى خالتي اتصلت علي تقول قلبها ناغزها على ليال..
ندى تبكي : يمه لايكون فيها شي لايكون سوا فيها ماجد شي..
مها: لا مستحيل ماجد طييب قالت لي ليال انه مايقصر معها ماعمرها اشتكت لي منه..
ندى : عندك رقمه؟
مها : مين قصدك ماجدد؟
ندى : اي بسرعه دقي عليه اذا معك الرقم..
مها : اول مره تفكرين زين جبتيها..
اتصلت عليه بس مايرد : قهر مايرد
ندى : ارسلي له واتس شوفي على الأقل يرد عليك اول مايفضى..
ارسلت له وقعدت تنتظر منه رد..
-بعد ساعتين-
جاتها رساله فزت تشوف الجوال وقرتها مكتوب : بتصل عليك..
مها : ندى لاتمشين انتظري قال بيتصل..
فصخت عبايتها ندى وانتظروه يتصل..
اتصل وردت مها بسرعه : الووو
ماجد بهدوء : السلام عليكم ورحمة الله
ندى و مها : وعليكم السلام
مها : وين ليال ابي اكلمها كل ماتصل عليها القى جوالها مقفل.
رائد ياخذ الجوال من ماجد : ليال مخطوفه *يقفل الجوال*!!!
ندى و مها : وشششش!!!!!!!!!