الفصل الثاني عشر
يوم الأحد الرياض || - 10:35 AM -
¦ بيت عايلة ليال ¦
يدق جوال فهد ويرد : الو
:الو السلام عليكم ورحمة الله ، الاخ فهد عبد العزيز آل....
فهد يترك الي بيده : اي نعم وصلت أمر من معي ؟
: فاعل خير.!
فهد مستغرب : طيب وش عندك وش من خيره تبي تقولي عنه؟
: اختك ليال موجوده في لندن ...........!
فهد بعصبيه : ماعندنا بنات بأسم ليال غلطان يا أخ *صك السماعه*...
«لندن 8:35 AM»
عصب خالد : انا ماني غلطااااان انا متأكد هذا اخوووها فهد اوووك ياليال اذا مانفعت هالطريقه عندي طرق ثانيه اووووريك!
دخل عليه السكرتير : الأستاذ محسن وصل..
خالد : تمام الغي جميع مواعيدي وجهز السياره!!
دخل محسن : استاذ خالد عرفت الفندق الي جالسين فيه.
وقف خالد واخذ جواله : يلا وديني لهم.!
محسن : بس يا أستاذ الوقت مو مناسب الحين.
عصب خالد : إلا مناسب مافيه اسمه مايناسب مع خالد آل.... فهممممت؟
محسن مشى معاه ووداه للفندق.
«الفندق ، 8:55 AM»
ليال كانت صاحيه من بدري وتاكل وماعندها شغل ولامشغله شوي دخلت عليها الممرضه : هل تحتاجين لشيء ياسيدتي؟
ليال بـ أمتنان : شكراً لك يمكنك الذهاب الآن..
الممرضه : لا سوف انتظر حتى يعود السيد ماجد.
ليال انسدحت على الكنبه تاخذ لها غفوه..
«تحت عند الاستقبال»
تقدم محسن : المعذره دقيقه من وقتك..
خالد يمسكه : هييي على أساس تعرف الغرفه وش تبي من ذولي؟
محسن : عشان ماحد يشك بشي على اساس اسأله؟
خالد عصب : اقوول طريقتك ذي الي بتشككهم فينا اممش قدامي ولا علمني رقم الجناح وانت انتظرني بالسياره..
-اخذ منه الرقم وطلع طوالي لفوق و محسن خرج ينتظره بالسياره-
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد الرياض || - 11:00 AM -
¦ شركة ماجد ، عند رائد ¦
رائد وهو يسولف بالجوال : ياخي انت مكبرها قلتلك الحل تزوجها وبعد نفسك من الشبهات والاحراج والمحرمات!!
ماجد عصب: ليييه انا الي اتزوجها؟
رائد بـ أستغراب : ليه مو انت؟ وليال مافيها شي عشان ماتتزوجك..
ماجد : مو قصدي شي بس وضع ليال وماضيها مايناسبني حالياً.!
رائد : اقول يا أبو ماضي أنت ، عارف ان ليال مظلومه راحت ورى حبها زي اي بنت انخدعت واذا على اعاقتها فـ الي صار لها بسببي أنا..
ماجد : خلاص تزوجها انت وفكني..
رائد : يالثول انا متزووووج متزووووج وش تحس فيه؟
ماجد بهدوء : الشرع حلل 4 مافيها شي تزوجها..
رائد يمسك نفسه لا يشتمه : اقول سكر الموضوع وعلمني متى بترجعون؟
ماجد : يومين بالكثير توني حاجز وأن شاء الله الثلاثاء واحنا عندكم..
رائد : كويس ترا تعبت الشغل فوق راسي..
-كملوا سوالف مالها داعي وقفلو من بعض-
«بيت عايلة ماجد 11:15 AM»
يدخل عبد العزيز : السلام عليكم..
الأم سعاد : وعليكم السلام هلا بـ ابوي تعال تقهوى معي.
عبدالعزيز : هلابك يالغلا كله ، كويس وصلت على القهوه يااني مشتهيها..
صبت له فنجان وجلسو يسولفون شوي..
الأم سعاد : بشرني لقيت اخوك؟
عبد العزيز : لاتحاتين بأذن الله هاليومين القاه تعرفينه يغطس عشان ماحد يلقاه..!!
الأم سعاد بحزن : أنا السبب اخر مره جاني فيها طردته وزعلته مني.
عبد العزيز يهديها : ماعليه يالوالده أيام وراحت وأن شاء الله القاه واجيبه لك..
الأم سعاد : الله لايحرمني منك جعلني مافقدك وجعلك ذخر لي ولأخوانك.. ♡
«بيت عايلة ليال 1:50 AM»
فهد يدخل الصاله : اخصص ريناد بالصاله! مابغينا نشوفك مسويه زعلانه ماتحاكينا مثلاً؟
ريناد بنرفزه : استغفر الله العظيم وش عندك حاط دوبك بدوبي؟
فهد بعصبيه: هيييه ترفعين صوتك مره ثانيه اقص لسانك يالبزر كلميني عدل لا اقوم امردغك تمردغ فاهممممه؟
قامت ريناد بتروح غرفتها ، فهد : انثثثبري مكانك مسويه يعنني بزعل واروح غرفتي؟ اقعددي وصبي لي قهوه بسرعه.
دخلت الأم مريم : وش صاير أصواتكم لشارع؟
فهد : ولاشي تعالي تقهوي معي خلينا نسولف..
الأم مريم : وش عندك أبي اسوي الغداء؟!
فهد يأشر لـ ريناد : قومي فزي على المطبخ سوي الغداء.
الأم مريم : اقعدي *تناظر لفهد* وش بلاك على اختك وش عندك معصب وماينحكى معك؟
فهد : ولاشي وبعدين بطلي دلع للبنت كافي الي صار مع ليال.
الأم مريم بعصبيه : بناتي مافيهم شي عقلك الي فيه خلل لاعاد اشوفك تسئ لخواتك مره ثانيه والا تراني بعضب عليك سااامع؟
فهد يبوس يد امه : افااا يمه الا زعلك ماقوى عليه العذر والسموحه..
- انبسطت ريناد ودخلت غرفتها تلعب بـ البلايستيشن اون لاين مع صحباتها -
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد لندن || - 9:00 AM -
¦ الفندق ، عند ليال ¦
طق الباب فتحت الممرضه : مرحباً ..
الممرضه : أهلاً تفضل؟
خالد : هل السيدة ليال موجوده؟
الممرضه : أجل ماذا تريد؟
خالد دخل وطنشها : وخري ماني فاضي لك *لقى ليال نايمه على الكنبه اتجهه لها * يـ لبى النايم ياني اشتقت لوجهك الزين فديت هالطله الحلوه..
ليال صحت بخوف من صوته : خ خخال لد!!!!!!
خالد بصوت هيمان : عيون خالد أهل خالد طوايف خالد يالبى صوتك الناعم الرايق مع هالصبح ويضمها ويبوسها..
ليال تبكي و تصصارخ : فككككني ارجوووك وخر وخخخر *تنادي الممرضه* نااااتي ناااتي ساعديني ساعدوووني..
جات تركض الممرضه مو فاهمه شي : ماذا حصل سيدتي*شافت خالد كيف ماسك ليال وهي تبكي وتحاول تفكه وراحت تفكه بالقوه * سيدي ابتعدد ارجوووك هيييا.
-دفها خالد وشال ليال طالع من الجناح على دخلة ماجد المصدم من الازعاج ووجود خالد-
ماجد لكم خالد بوجهه خلاه يرجع لورى من قوته وطاحت ليال على الارض , ماجد بعصبيه يمسك ياقة خالد : يااااكلب وووش جابك هننننا ياالخسييبسسس تبيني ادفنك هننننا هاااااا *ضربه مره ثانيه بس صدها خالد ولكم وجهه ماجد *
ليال خافت من الأصوات المرتفعه واصوات ضربهم لبعض قامت تبكي والممرضه ساعدتها ودخلتها الغرفه وقفلت الباب..
تضاربوا ماجد وخالد لين اخذ خالد سكين من المطبخ وطعن ماجد عل غفله منه وركض يدق الأبواب لين لقى الغرفه وجلس يدفه يدفه حتى كسره..!!!!
هنا ليال خااافت حيل ماتدري وش صاير ومين الي دخل سمعت صوت الممرضه تترجاه بس فجأه حست نفسها مرفوعه كنه احد شالها زاد رعبها قامت تناقز وتبكي وتضرب لعلها تقدر تفلت منه بسسس!! كان اقوى منها ونزل السلالم عشان لأحد يشوفه وطلع طوالي على المواقف وهجججج!!!!!!!
«الفندق ، عند ماجد9:30 AM»
الممرضه ماسكها مكان الجرح عشان الدم لاينزل كثير واتصلت بطوارئ الفندق وماجد كان فاقد الوعي..
دخلوا الطوارئ مع رجلين شرطه وأخذوا ماجد للمستشفى والممرضه لقسم الشرطه عشان تدلي بأقوالها...!
بعد 5 ساعات صحى ماجد بفزعه ويتلفت حوالينه وينادي : لييال ليييال انا و وين!
دخل ممرض مناوب : الحمد لله على سلامتك سيدي..
ماجد يناظره ويحاول يفك المغذي: ماالذي افعلهُ هنننا اريد الخروج حالااااً!
مسكه يهديه الممرض ويدق الجرس : أهدأ ارجوك جرحك جديد لاتستطيع الخروج الأن..
دخل الطبيب وحاول يهديه ودخل رجل من رجال الشرطه وعلمه باللي صار بـ ليال وانها مخطوفه على كلام الممرضه الي كانت معهم!
ماجد انصدم وبهستيريه : لااااا لاا لا لازم نلقاها لاااا مستحيل هذا مجججرم مالازم تقعد معااااه ليال مستحييييل..!
عطوه أبره مغذيه ونام وهو يحاول يفك الي بيده ويهذري بكلام مو مفهوم بالنسبه لهم!
«مطار لندن 2:30 BM»
خالد يكلم بالجوال : اي ، شويه ونطلع الطياره ، تمام اذا وصلت علمتك ، يلا سلام..
ليال مو مستوعبه للحين : خالد على وين نروح؟
خالد يلتفت لها : مو لازم تعرفين اهم شي نكون سوا *يقرص خدودها بشويش*
ليال توخر يده بقرف : وخرر عني.
خالد : خليك رايقه معي عشان لا ازعلك ، ودام زي ماقلتي وضعك خاص لاتخليني اطين عيشتك زود..!
خافت ليال وسكتت ، خالد بتكبر : عفيه على الشاطره خليك كذا دايم.
: يلا نادو على الرحله يااستاذ..
خالد : شكراً بكره تلحقني لاتنسى احتاجك كثير..
ليال خايفه ماتدري على وين بتوديها هالرحله وايش بيكون نصيبها فرح او حزن؟
دخلت الطياره ساعدها وجلسها جنبه وربط لها الحزام واتجهت الطائره لـ.....!!!!!!
بعد صمت دام ساعه ، ليال بتردد : خ خالد..
خالد يناظر لها : امري يالحب..
ليال بلعت ريقها : وين رايحين؟
خالد : شهر العسل!!
ليال بفزعه : وشش تقصد لييه مافهمت ؟
خالد : وش الي مافهمتيه؟ الي متزوجين وين يروحون اول زواجهم؟
ليال بخوف : تكككذب علي صحح؟
خالد : من متى أكذب عليك أنا؟
ليال : تكفى خالد اذا ذا مقلب ترى مو حلو!
خالد بعصبيه: لييييه مو عاجبك اكون زوجك؟ احممدي ربك تزوجتك شوفي حالك مين بيرضى فيك يالمعاقه؟؟ هااااا .
ليـال تبكي : ماااابيك ماااابيك!!!!!
«المستشفى ، 4:00 BM»
صحى ماجد من نص ساعه وقاعد ينتظر اتصال من خويه رن جواله وعلطول رد : ايوووه منصور بشر!!!
منصور : والله ياماجد توني تعقبت اخر تحركاته كانت بالمطار الدولي..
ماجد : هااااا مو معقوووول وين ماخذهااا؟
منصور : واحد من اخوياي يشتغل بالسفارة وعطيته اسمه قال شوي وبيكلمني ان شا الله القى عنده شي يفيدنا ؟
ماجد بقهر وحزن : اي تكفى شوووف البنت مالها غيري لو يصير لها شي مابسامح نفسي..
منصور : المهم الحين انت اخبارك متى بتطلع من عندك؟
ماجد بعدم اهتمام : ماعليك مني اهم شي تتابع لي تحركات خالد التبن لا تضيعه ابييييه..
منصور : خليك من خالد اعتبر موضوعه منتهي ، اهم شي أنت دير بالك على حالك وارجع لنا محتاجينك*يرن جواله* ماجد بقفل منك جاني اتصال..
ماجد : طمننني تكفى ياخووك.
منصور : ابشر ولايهمك..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد لندن || - 11:00 BM -
¦ المستشفى ، غرفة ماجد ¦
من العصر يتصل في منصور ومايرد عليه قلق كثير ومو قادر يعرف شصار على ليال وليه خويه مايرد عليه؟ شوي طق الباب ، ماجد : تفضل.
: السلام عليكم ورحمة الله وبركاته..
ماجد رفع رأسه مصدوم : رائد منصور ، كيف جيتوا هنا؟
منصور : قول الحمد لله على سلامتكم وش ذا الاستقبال ؟
رائد يقعد عند خويه يتطمن عليه : اخبارك ماجد سلامتك يالغالي خوفتني عليك..
ماجد يطمنه : ماعلي إلا العافيه لاتشيل همي ، انتم وش جابكم وليه ماكلمتوني *ياشر على منصور* وانت وش فيك ماترد علي خوفتني ياخي..!
رائد : اخذنا اول طياره الله حظنا لقيناها قريبه وحجزنا.
ماجد : ليييه وش له لزوم جيتكم؟
منصور : افااا انت منصاب وتبينا نجلس بالرياض نحتريك؟
رائد : ماعليك المهم في موضوع جابنا غير موضوعك!
ماجد : ايوووه ابي الزبده تكلم وش صاير طمني.؟
منصور : خالد سافر لـ أمريكا وأخذ ليال معه.!!!
ماجد بقهر : عاااارف حيوووان بيهرب بسسس الخسيس اخذ ليال ليييه وش يبي منهاا الكلب؟
رائد : المشكله مو هنا وبس!
ماجد يلتفت له : الله يستر وش صاير بعد؟
منصور : مسجل ليال بالسفاره لما اخذها معاه بإسم زوجه!
ماجد بصدمممه : مستتتتحيل ككككيف و وش تقصصصد؟
رائد : تزوجها.
ماجد :............!!!!!!