الفصل الحادي عشر
يوم السبت لندن || - 2:15 BM -
طلعوا من المستشفى وراحو اقرب مطعم عشان يتغدون
ماجد : وش نفسك تاكلين؟
ليال : ابي كبسه دجاج.!
يضحك مصدوم ماجد : ههههههههههههههههههههههههههههههههههه من وين اجيبلك كبسة دجاج في لندن؟
ليال : نروح نشتري دجاج ورز ونرجع الفندق نطبخ اشتهيت اكل السعوديه..
ماجد عجبته الفكره : اجل تمام نروح نطبخ نغير جو ههههه..
ليال ابتسمت باحراج وخق على شكلها ماجد جا بيوقفها بسسس!
: ليييييييال مااااصدققق وحشتيييني * يضمها بقوووه *
ليال ماجد : .................!!!!
بعد شوي ويناظر لعيونها :حبيبتي وشفيك منحرجه مني حطي عينك بعيني؟
ماجد ودمها مرتفع وبغيره : نعم اخوي من انت؟
وهو ماسك بذراع ليال: أنت الي مين وش تبي من ليال ؟
ليال تغمض عيونها وبخوف : خالد بببعد!!!!
ماجد عصصصب وعطااه بوكس على وججهه : ايوووه اخيييرا شفتك يالخسيس...
ليال تبكي وبخوف تمشي ماتدري لوين كل شي ظلام!
لحقها ماجد ومسكها : ليال اهدي لاتخافين انا معك.
ليال تتمسك فيه بقوه : تكففففى خلينااا نروحح تكفففى!
ماجد يركبها السياره : ماعليك مابيصيرلك شي وانتي معي.
خالد بعصبيه : هييين والله ماسيبك تتهنين ياليال اورييييك!!!
«بالسياره بعد نص ساعه»
ماجد : خلاص روقي يلا نروح نسوي الاكله الي نفسك فيها..
ليال : ماني مشتهيه ابي انام..
ماجد بزعل : افااا لا مايصير بروح اشتري الاغراض ونسوي احلى كبسه سعوديه وناكل ليين نعبي بطونا ونننام لييين نشبع..
ليال : شايفني بزر قاعد تدلعه *تقلده * ناكل وننام!
ماجد يضحك : ههههههههههههههههههههههههههههههههههه مو قصدي بس تحمست..
ليال ابتسمت : اوك نروح نسوي احلى كبسه وناكل وننام..
ماجد : اييوا ابيك كذا مبسوطه..
-وقف عند أقرب بقاله واخذ الأغراض الي يحتاجوها وراحوا الفندق ودخلو المطبخ-
ماجد : يلا الحين وش نسوي؟
ليال : اول شي نجهز الدجاج ونغسله كويس وانزع الجلد منه ماحبه و نقطعه ارباع و...
ماجد يقاطعها : يوووه الشغل طووويل وش ذا..
ليال بحزن : لازم كذا عشان تضبط.
ماجد : ولايهمك لاتزعلين يلا بجهز الدجاج وبعدين اقولك عشان تقولين لي ايش اسوي تمام.!
ليال : ايووه تمام *جلست في الكرسي وماجد بدأ بالتقطيع والتجهيز*
ماجد : تمام خلصت وش اسوي؟
ليال : جهز البصل و البهارات ..... حط لتر ونص مويه وضيف الصلصه...... شغل الموقت لـ 15 دقيقه <تشرح له
-راحوا وجلسوا بالصاله ويسلفون ويتعرفون اكثر على بعض طبعاً ماجد ماتكلم بموضوع ماجد ولا قال شي عشان لايزعل ليال-
ماجد يجهز الاكل على الطاوله : يلااا ليال تعالي..
ليــآل : جايه!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت الرياض || - 6:00 BM -
¦ بيت عايلة ماجد ¦
رجعت شهد من عند صحباتها ودخلت الصاله لقتهم كلهم جالسين : السلام عليكم.
الكل : وعليكم السلام ورحمة الله..
: ماكنك تأخرتي؟ وينك للحين!
شهد تضمها وبدلع : افاا مامي توها الساعة 6 المغرب مامداني حتى اتونس كثيير معهم..
عبدالعزيز : انتي ماشاء الله رحتي عندهم من الصبح وش الي مامداك تتونسين؟
الأم سعاد : يلا قومي بدلي وتعالي تقهوي معنا..
شهد : لا فديتك بنام نعسانه.
الأم سعاد : اييي الوناسه مع خوياتك والا احنا كخه محنا حق وناسه؟
رغد تضحك: ههههههههههههههههههههههههههههههههههه اي يمه تكفين عطيها كم كلمه يمكن تعقل؟
شهد مبوزه : انا بفهم انتم دايم مو فاضين لي وش الي صار فجأه صرتوا تهتمون وتدوروني؟
ريان يقهرها : اقول مصدقه روحك ندورك؟ ماعندنا الا شهد ندور عليها!
شهد ترميه بالخداديه : انت اسكت ماحد تكلم معك..
عبدالعزيز عصب : شهدددد عييب تتصرفين كذا مع الي اكبر منك فاهممممه؟
شهد انحرجت : اعتذر ماعيدها والله.
- طلعت غرفتها تبدل ونزلت تقعد معهم شوي قبل تنام -
«بيت عايلة ليال 6:49 BM»
يرن جوال الأم مريم : الووو
:الوووو امي اخباارك.؟
الأم مريم بفرحه : ياحي هالصوت وياحي راعيه انا بخير علووومك انت ووينك فيه يالقاطع اهووون عليك يامك تبطي علي؟
سلمان : العذر والسموحه يالوالده بس تعرفين الوضع كيف.
الأم مريم تتنهد بحزن : وحشتني يامي انت ، لاتبطي علينا تعال يمنا ودنا بشوفتك يالغالي..
سلمان : ابشري يالغاليه بحاول اجيكم خلال هالاسبوعين ان ربي كتب ، وانا والله اني مشتاقلكم زوود..
الأم مريم بفرحه : صدق ياسلمان بتجي لمنا؟
سلمان يضحكه : ههههه اي صدق انبسطي جعل ماينبسط غيرك..
الأم مريم : ربي يخليك لنا ويرجعك بالسلامه ياقلبي..
سلمان : تسلمين يالغاليه ، الا وين البنات مالهم حس بالعاده اسمع ازعاجهم.!
الأم مريم : بخير بس نايمن الحين.
سلمان مستغرب : نايمين بهالوقت؟ الي اعرفه تو الساعه عندكم حول الـ7 مو بالعاده ينامون بدري..
الأم مريم بربكه : مدري عنهم تعرف بنات ومزاجاتهم..
سلمان يودعها: طيب يالغاليه انا استاذن تامرين شي شيات؟
الأم مريم : انتبه لنفسك ولصلاتك وقرانك لاتقطعهم وانا امك..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت لندن || - 11:00 BM -
¦ بعيد عن الفندق ، فلة خالد ¦
معصب ويدور حول نفسه : كككيف وصلت هنننا ممين الي معها ياااربي لو بس اعرف وش صار وكيف وصلت لهنا افففففف..
: استاذ خالد
يلتفت خالد : ايووه نعم؟
: الاستاذ محسن وصل.
جلس خالد على الكنبه : دخله بسرعه..
دخل محسن وجلس مقابله ، خالد : بششر يامحسن عرفت مين الشخص ؟
محسن ومعاه اوراق بيده ينزلها على الطاوله : هذي كل المعلومات الي بتفيدك اسمه ماجد عبدالله آل.....
اخذ الاوراق وطلع محسن بأمر من خالد.
«الفندق 11:50 BM»
ليال شويه وتبكي من الألم ماتدري وش تسوي تحس انها ضايعه بدون ليزا..!!
ماجد انتبه لها وراح عندها : ليال وش فيك؟
ليال بصوت مكتوم : تعبانه بطني يعورني..
ماجد بخوف : بسم الله من ايش لايكون تسممتي من شي؟
ليال بـ احراج وتعب : ابي تنادي لي وحده من ممرضات الفندق بلييز..
ماجد اتصل بخدمة الغرف وطلب ممرضه ، نص ساعه وطق الباب: يلا جات بقوم افتح لها..
"الانقلش بكتبه عربي فصحى"
الممرضه : مرحباً.
ماجد : أهلاً تفضلي.
دخلها لعند ليال ودخل غرفته ، ليال بألم : لو سمحتي انا ضريره واحتاج مساعدتك!
الممرضه تستفسر : ماذا أكلتي؟
ليال تهمس بـ أحراج : اعتقد أن دورتي الشهريه قد اتتني ، أحتاج لمساعدتك ارجوك الألم فضيع..
فهمتها وقامت معها وساعدتها وطلبت لها من الصيدلية الي جنب الفندق سدادات.!!!
ليال بـ أمتنان : شكراً جزيلاً..
طلعت الممرضه وليال حاولت تنام.
يطق الباب ، ليال : تفضل..
دخل ماجد : شخبارك الحين وش قالت الممرضه؟
ليال بـ أحراج : ولاشي عطتني دواء والحمدلله احس اني احسن..
ماجد : الحمدالله كويس خفت انه صابك شي *وقف بيطلع وشاف كيس ومسكه * كويس جابت لك الادويه ماقـ.....
"ليال من الاحراج خبت وجهها جوه اللحاف نسيت ماتقول للممرضه تخبي الكيس وهي ماتدري ماتشوف عشان تنتبه وترتب المكان!!"
ماجد طلع من الغرفه بدون اي حرف ودخلت غرفته : الله ياخذني وش دخلني الحين افتح الكيس واحرج نفسي واحرجهااااا افففف افففف ، لازم اجيب مساعده ثانيه مايصير كذا انا وهي لحالنا تونا اول يوم بدون ليزا وانخبصنا!
«صباح الأحد 7:00 لندن»
طلعت ليال من غرفتها جيعااانه وتعبانه حيل قعدت تتحسس الطاولات لين وصلت المطبخ وفتحت الثلاجه وتتحسس وش في شي ينوكل وطاح العصير وكم غرض سوا ازعاج!
طلع من غرفته ماجد : بسم الله ، ليال انتي بخير؟
ليال شوي وتبكي : جوعانه.
ماجد : طيب ولايهمك الحين اطلب لنا فطور ، وماله داعي البكى كله جوع ههههه
ليال بحزن : تعبت من الوضع الي انا فيه.
ماجد طلب الفطور وراح لها وجلسها وجلس جنبها : شوفي ياليال انا عارف وش تحسين فيه بس مايصير تيأسين تعرفين الدكتور نبهنا على الزعل لايقربك لأن الزعل أكثر شي يضرك ومابتتعافين بسرعه.
ليال بقهر : مو بكيفي والله ، وضعي مرررا تعبني ماقدر اكل بدون ماحد يساعدني ماقدر اتحرك بدون مرافق ماقدر اسوي اشياء خاصه فيني بدون مرافق ماقدر اتصرف بدون مرافق لييييه "بكتتت وضمها ماجد يهون عليها" ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الأحد الرياض || - 10:00 AM -
¦ بيت عايلة ماجد ¦
الأم سعاد تبكي : يارب ردلي ضالتي يارب مشتاقه له مادري وين اراضيه يااارب ارحمني و انت خير الراحمين..
يدخل عبد العزيز : يمه ياقلبي صوتك واصل لاخر البيت ياجعلني مابكيك اهدي..
الأم سعاد بحزن : ماجد يا عبدالعزيز مشتاقة له مادري وين اراضيه ووش صاير معه هو عايش هو ميت..!
عبدالعزيز يقوي امه : ماعليه يالغاليه هو عايش وانتي تدرين وينه بس انتي الي حاطه حاجز بينكم قوي حالك واتصلي عليه تعرفين انه مايغير رقمه عشانك..
الأم سعاد بحزن : مو قادره والله كل ماذكر الي صار بـ ابوك بسبته تردني نفسي اني اكلمه..
عبدالعزيز بقهر : انتي عارفه أن ماجد بريء من كل الإتهامات الي حطوها بظهره الجماعه والي صار بـ أبوي ماهو ذنب ماجد..
الأم سعاد :......... صمت
عبد العزيز : شفتي كيف ماعندك كلام غير كلامي لأنك عارفه انه صدق!
:دام كلكم تعرفون بالسالفه ليييه مابرأتوه قدام الجماعه قبل 10 سنين؟
سعاد وعبد العزيز يلتفتون : ريان!!
ريان بعصبيه : اي ريان تحسبون ماعرف بالسالفه تحسبوني دخلت قانون كذا من الله؟ انا ابي افتح كل الملفات القديمه وابرئ اخوي ماجد قام القبيله كامله مو بس الجماعه!
الأم سعاد : لاتتدخل في مواضيع اكبر منك خليك في نفسك..
ريان : لا بتدخل ودامكم فتحتوا السالفه كملوها وعطوني كل السالفه عشان أبداها!
عبد العزيز : بعدين ياريان مو وقته الحين.
ريان : ليييه؟ لين يموت ماجد لحاله بدون اهله لييين تمر 10 سنين مره ثانيه وهو بعيد عنننا؟
الأم سعاد تبكي : ريان خلاص اطلع مو قادره اتحمل كااافي..
- عبد العزيز يسحب اخوه لبرى الغرفه ويسكرون الباب -
«بيت عايلة ليال»
يدق جوال فهد ويرد : الو
:الو السلام عليكم ورحمة الله ، الاخ فهد عبد العزيز آل....
فهد يترك الي بيده : اي نعم وصلت أمر من معي ؟
: فاعل خير.!
فهد مستغرب : طيب وش عندك وش من خيره تبي تقولي عنه؟
: اختك ليال موجوده في لندن ...........!