الفصل العاشر
يوم الجمعه لندن || - 7:15 BM -
¦ فندق تري هاوس ، شارع أكسفورد ¦
ماجد وصل عندها وهو مرعوب ويناظر الناس وليزا بينهم وعصصب ليه ماحد تحرك ولييه ماحد ساعدها؟
ماجد بنظرات يتوعد فيها لييزا ، ليزا خافت ودخلت علطول الجناح..
ماجد وصل قريب من ليال بنبرة هاديه : ليال ؟
ليال سمعت صوته وجات بتروح لناحية : ماجـ....
ماجد والموجودين : لااااااا...No.....!!!
اغلب الموجدين غمضوا عيونهم توقعوا انها طاحت؟
ماجد في الارض وهو على ظهره و ليال بين احضانه!!
المحادثات الاجنبيه <راح اكتبها بالعربي الفصحى عشان البعض يصعب عليه قراءه الانقلش.
واحد من الموجودين إتجهه لهم : هل انتم بخير؟
ماجد يجلس وليال لسى بين يدينه ووجهها في حضنه : اجل ، شكراً.
ليال انحرجت مو قادره تقوم تحس بنبضات قلب ماجد المتسارعه و ريحته غمضت عينها تبي ترتاح في حضنه للابد!
ماجد خاف عليها : ليال ، ليال انتي كويسه فيك شي؟
ليال من الاحراج بهمس وخبت نفسها اكثر في حضنه : اي بس طلعني من هنا اصوات الناس ارعبتني..
قام ماجد وهو شايل ليال في حضنه ودخلوا الجناح ووداها لغرفته؟!!!
واتجهه طوالي لغرفة ليال وليزا : ليييزا اخرجي حالاً.
ليزا خافت من صوته وطلعت : أه هلاً سسيدي اا انا اسسفه حقاً....
ماجد يقاطعها بعصبيه : هل انتي مجنوووونه؟ انا لماذا احضرتكِ معنااا؟! هيييا اجيبي.
ارتبكت ليزا : لكي اعتني بالسيده ليال *نزلت راسها باعتذار * اعتذررر جدا على ماحصل اعدك لن يتكرر مرة اخـ....
ماجد بدون صبر : هل انتي مدركه ماذا كان سيحصل للسيدة ليال! كانت ستموووت بسبب اهمممالك كييف استطاعت الخروووج؟ أين كككنتي حينهااا؟؟؟
بكت ليزا وبأسف : انا اسفه ك ك اهئ كنت استحم ونسيت ان اغلق الباب عندما ادخلت الشنط الاخرى لم اتوقع انها ستخرج لم يخطر لي انهُ سيحدث ماحدث للتو ، اقسم لك ياسيدي..
ليال بتعب : ماجد يكفي الحمدلله ماصارلي شي بلاش تلومها انا كنت متهوره ماحسبت حساب الي بيصير.
ماجد للحين بباله كل الي صار يحس انه عقله فصل من الخوف : ليال انتي مستوعبه وش كان بيصير اليوم؟
ليال بخوف: انا للحين مدري وش صار اصلا مدري كيف وصلت هناك واسمع الناس تقول اني بنتحر فهمت وقتها اني بمكان خطير وخفت اتحرك بس والله مادري شصار وكيف وصلت هناك..؟
ماجد يمسح على وجهه بتعب: خخلاص بقفل الموضوع الحين ونقوم ناكل شي وننام احس راسي بينفجر من التعب.
- ليال توها تستوعب انها في وضع لاتحسد عليه! تحس نفسها ثقيله على الغير صارت مثل الشخص المحكوم ويحتاج عنايه!! - < الشخص المحكوم يعني مريض مايتحرك..
«الرياض بيت مها ، 8:00 AM»
جالسه في غرفتها وترسل رسايل لـ ليال وماترد ، مها تكلم نفسها : وييينك ليه مالك حس من امس!
: مين الي مالها حس؟
مها ترفع عينها لـ إتجاه الصوت وبعصبيه : وش دخلك غرفتي بدون ماطق الباب؟
اخوها الصغير بدر: طقيت بس انتي ماسمعتيني ..
مها ترجع لجوالها : وش تبي طيب؟
اخوها الصغير بدر : يمه تبيك تقول يلا الغدا جاهز.
مها تضحك: ههههههههههههههههههههههههههههههههههه وش غدا توها الساعه 8 الصباح قصدك فطور صح؟
بدر مكشر : خلاص انزلي اكلي بدون ماتدققين * رزع الباب بقوه ونزل لأمه ركض *
مها فزت : وجججع بشويش يالنتففففه!
رن جوالها وردت بسرعه : بننننت وينك فيه من امس اتصل وأرسل مالك حس..
ليال والنوم لاعبها فيها لعب ، بصوت نعسان : وش فيك فجرتي اذني.
مها بعصبيه : خوفتيني علييك مادري وش صار عليك من لما سافرتي ماعلمتيني انتي وصلتي انتي بخير انتي وين؟
- حكت لها ليال كل شي من لمن سافرت لين وصلت حتى صار الي صار -
مها : ياحضضضضضضك.
ليال بفجعه : وجعع يالخايسه وش ياحضي تبيني اموووت؟
مها متحمسه : اقصد ياحضك طحتي بحضن ماجد *بصوت هيمان* ليتني مكانك..!!!
ليال : مالت عليك كنت بموت وانتي *تقلد صوتها *ليتني مكانك.! وخري وخري الشرهه عليا اتصلت عليك...
مها بسرعه : وقفي لاتقفلين!
ليال بطفش : وش تبين ابي انام.
مها تناظر ساعتها : وش تنامين صارت الساعه 8 ونص.
ليال : الساعه عندكم 8 ونص احنا توها 5 ونص صحيت عشان اصلي وعلمت ليزا تفتح جوالي ويوم دريت انك اتصلتي حيل قلت اتصل اتطمن عليك..
مها : اهااا طيب ياقلبي نامي ارتاحي وطمنيني بعد ماترجعين من عند الدكتور..
ليال : ابشري ياحبيبتي يلا انتبهيلك..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت الرياض || - 8:40 AM -
¦ بيت جديد ¦
: يلاااا قومي ترا تأخرتي على البنات..
: اففف ياربي انتم ماتعرفوني الا بأوقات غلط تصحوني وبعدين خلاص ماتدرون عني ..
: اقوول بلا استهبال وكلام مسلسلات قومي بسرعه وراي شغل مو فاصيه لك..
: طسي روحي شغلك لاتتدخلين في نومتي..
دخل وهو معصب من الازعاج : وججعع وش ذا على اساس بنات انتم بس مع الاصوات ذي تقول اصوات حمير..
: خييير داخل وتنافخ انت بعد؟
: قومي بسرعه بوديك لحفلتك معاي محاضره مابي اتاخر * بصرخه * يلاااااا !!!
- فزت من الخوف وراحت تاخذ شور وتتجهز وتنزل عندهم تفطر -
:حياالله عطر البيت هلا بالشهد...!
شهد راحت ركض تضمه وتشكتي : حبيبي عزوووز انا زعلانه حييل لازم تاخذ حقي.!
انصدم عبدالعزيز : افااااا مين الي زعلك والله اخليه يندم انه فكر يزعل شهودتنا الحلوه؟
شهد تلعب بحواجبها وتأشر : رغد و ريان.!!!
رغد : ياقليلة الأدب انتي شايفتني كبرك تسوين لي فيها زعلانه وخرابيط وتتهميني كمااان؟
ريان يضحك : ههههههههههههههههههههههههههههههههههه شين وقوي عين اقول لاتخليني ازعلك جد احكي الصدق لعزوز!
شهد تكمل دلع : عزوووز شوف دايم هم كذا يزعلوووني ويتأمرون علي ويدخلون فيني...
عبدالعزيز مقهور : اقوول لاعاد اشوف احد يزعل شهد واي شي يزعلها يزعلني انا كمان.
: وانا؟
عبدالعزيز يلتفت لناحية الصوت : افااا انتي الكل بالكل..
شهد : افااا سحبت علي عشان هالفصعونه؟
تدفها: انتي الفصعونه وخري هذا باباتي..
شهد تضم عبدالعزيز بقوه : اقول يالنمله وخري هذا حقي انا..
رغد تضحك : هيه يالزرافه وخري و خلي عقلك كبير وبلاش عناد الحين تبكي وماعاد تسكت!.
تبكي : ااااااااااااااااهئ
شهد بنرفزه : مالت عليك ليه ذكرتيها ماكانت بتبكي لو ماقلتي انها بتبكي!
عبدالعزيز يضحك : وخري خليني اشوف بنتي *يشيل بنته * ياعمري اللي يبكون انا افديهم يالبى الدموع..
شهد تكشر : مالت مالت يلا ريان خلينا نروح ضاق خلقي من البيت..
ريان بضحكه : هههه الحين البيت يضيق الخلق؟ كان صحيتي من بدري عشان مايضيق خلقك ههههههههههههههههههههههههههههههههههه.
رغد : اقول فارقوا بسرعه ماعاد فيه وقت* تسلم على الباقي وتطلع لدوامها *
ريان : هذي الهبله كيف تداوم يوم السبت؟
شهد : مثلك اهبل رايح معك محاضره يوم السبت!
ريان يخرب شعرها : انا غبي اسولف معك طسي ماراح اوديك..
شهد تلحقه : ريييان اسسفه والله بس مشيت على نفس السياق!
ريان يوقف : وش نفس السياق انتي وش تخربطين؟
شهد تفكر : انت قلت ان منار هبله تداوم وقلت لك انت اهبل تداوم يعني كيـ...
عبدالعزيز : اقول يلا يلا امشو فقعتو اذني ماعندكم سالفه كلكم مهبل الحمدلله والشكر..
ريان : يلا امشي احس وجهي انحرق.. <انحرج يعني.
شهد ببلاهه : بسم الله كيف انحرق *تمسك وجهه * وين ماشوف..
ريان يفك يدها ويركب السياره : خبله ادخلي بسرعه..
«لندن الفندق ، 11:00 AM»
تصحى ليال بصوت طق الباب : مين؟
ماجد من ورا الباب : يلا اصحو الفطور جاهز وبسرعه عشان الموعد..
ليال تتحسس جنبها : طيب *تنادي ليزا * لييزا ليزا
: .... -صمت-
ليال تنادي مره ثانيه وتتمسك بالجدار : لييزا أين أنتي؟
: .... -صمت-
- قدرت تدخل الحمام وتاخذ شور طلعت وتتحسس الملابس وتلبس وطلعت برا الغرفه -
ليال : ليزا ليزا هل أنتي هنا؟
ماجد يطلع من غرفته : وش صاير؟
ليال تلتفت لصوت ماجد : قاعده انادي ليزا بس ماترد!
ماجد يناظرها وهي لابسه ملابس مو شبه بعض : طيب بطلع لك ملابس متناسقه تلبسينهم بدل الي لابستهم..
انحرجت ليال : شفيهم ملابسي؟
ماجد مايبي يحرجها : ولاشي بس مايناسب للخرجه يناسب للبيت..
ليال : طيب.
- دخل ماجد غرفة ليال ولاحظ ظرف مكتوب عليه كلام اخذه وقراه وانصدم -
ماجد : ليال تعالي اذا ممكن.
دخلت ليال : هلا!
ماجد طلع لها ملابس وحطهم بيدها : البسي هذول وليزا تركت مكتوب قالت بتغيب يومين صار معها ظرف.!
ليال بصدمه : طيب كيف اقدر اتصرف بدونها؟
ماجد بقهر من ليزا : ماعليك بندبر امورنا لاتخافين يلا بسرعه عشان نلحق على موعدنا *تركها وطلع عشان تلبس *
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم السبت لندن || - 11:50 AM -
¦ مستشفى مورفيلدز الخاص ¦
- دخل ماجد وبيده ليال بقسم الانتظار جلسو ينتظرون دورهم -
ليال : تتوقع وين راحت ليزا؟
ماجد : وش جاب الطاري الحين؟
ليال : مادري استغربت كيف راحت ووين راحت على أساس اول مره تجي بريطانيا!!
ماجد : ماعليك منها مع نفسها هي الخسرانه ، واذا قصدك خايفه تقعدين لحالك انا موجود اذا احتجتي شي علميني.
ليال بـ احراج : ان شاء الله خير.
: Mr. Majid and Mrs. Lyall
ماجد يقوم وماسك ليال ويدخلون للدكتور : مرحبا
الدكتور : أهلا وسهلا بك تفضل..
يجلسون ويتكلم ماجد : شكراً لك على تخصيص موعد لنا في زحمة مواعيدك..
الدكتور : لاعليك ياسيدي حان الوقت لكي ارد لك معروفك الدائم معي..
شخص حالة ليال وطلعوها سوو لها فحص وبعدين دخلو مره ثانيه لعند الدكتور بعد 40 دقيقه : تفضلوا
ماجد وليال : شكراً..
ليال يدها على قلبها : دكتور ارجوك طمئني على وضع عيني!
الدكتور : مممم اعتقد ان وضعك ليس معقدا جدآ وليس مستحيلاً استعادتك للنظر ولكن!
ماجد : مذا هناك؟
الدكتور : حالياً لانستطيع عمل شي على الاقل فترة شهرين يحب ان تستخدم محلول سوف اوصفه لكم وبعد شهرين تأتي بها لنرى هل نستطيع عمل شيء..
ليال بدون فهم : لم افهم شيء لماذا مستحيل الان وانت تقول انه بأمكاني استعادة بصري؟
الدكتور : تحسباً لأي مشاكل قد تصيبك في المستقبل ، يمكنك الانتظار شهران وبعدها اعدك سوف تصبحين بخير..
ماجد يطمن ليال : ماعليك ان شاء الله الايام بتجري بسرعه وبعدها نرجع لاتشيلين هم ، والحمدالله وضعك زي ماقال مو معقد يعني ان شا الله بيرجعلك نظرك..
ليال بهدوء وحزن : إن شاء الله.
طلعوا من المستشفى وراحو اقرب مطعم عشان يتغدون
ماجد : وش نفسك تاكلين؟
ليال : ابي كبسه دجاج.!
يضحك مصدوم ماجد : ههههههههههههههههههههههههههههههههههه من وين اجيبلك كبسة دجاج في لندن؟
ليال : نروح نشتري دجاج ورز ونرجع الفندق نطبخ اشتهيت اكل السعوديه..
ماجد عجبته الفكره : اجل تمام نروح نطبخ نغير جو ههههه..
ليال ابتسمت باحراج وخق على شكلها ماجد جا بيوقفها بسسس!
: ليييييييال مااااصدققق وحشتيييني * يضمها بقوووه *
ليال ماجد : .................!!!!