الفصل التاسع و العشرين
*_⦓مـﺞـࢪة اࢦـࢪ໑أيـات تـقـد۾ ࢦـڪـم ~ࢪوايـة~ `انـتـقـام اعـمـي`🤎🧸⦔_*
*~_𝓌ℯ𝓁𝒸ℴ𝓂 𝓈𝓌ℯℯ𝓉𝒾 𝓰𝒶𝓁𝒶𝓍𝓎 ℴ𝒻 𝓃ℴ𝓋ℯ𝓁𝓈 𝓎𝓊𝓃𝒾 𝒶𝓁 𝓀ℴ𝓇ℯ𝒶𝓃_~*
_*⚘اࢦــمــص۪ــدࢪ : ⋕ ⦉ مـجـࢪة اࢦــࢪ໑ﺂﺂيــ♪ــات🩵🌩️⤹.•*_
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
~*⌟❉تـــࢬ اࢦــنــشــࢪ بُــوسَــطِ✎⌜*~
*_يـ◔◔ـوᤤنـي اࢦـڪـوᤤࢪيـۿ⃞💜𑁯໋_*
*_أࢦــ≼ٰٖٜٖٖ۬₳Ⲙ₳Ⲙ≽ـسِـﯡ᧒يَـᮼ𐏏ـﮥ🇸🇾 ⃟◇⋆𓍢._*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*_⤸اࢦـڪـاتـبُـ/ـۿ اࢦاص۪ـࢦـي : مـجـهـولـ/ـه👤✍🏻_*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*~_اࢦـࢪا໑بُـطِ اࢦـخـاص۪ـۿ بُـاࢦـمـجـࢪۿ💜💫_~*
*~`مـجـرة الـروايـات🖤🌙`~*
https://whatsapp.com/channel/0029VaeeXEQ6buMSde2YXG1D
*~`اقـرا لـي🥺❤🩹`~*
https://whatsapp.com/channel/0029VajK8Zd35fLnpbyrG602
*~`قـهـوة واتـبـاديـه💛☕`~*
https://whatsapp.com/channel/0029VaZw1rZ90x34iJGzCu1T
*~`روايـاتـي الـكـوريـه🍷🖤`~*
https://whatsapp.com/channel/0029VaaEmrL5Ui2QR82dji0B
*~`روايـاتـي الانـمـي`~*
https://whatsapp.com/channel/0029VaaNw2H0AgWIMAalDw38
*~`عـاشـقـة الـكـتـاب💝📖`~*
https://whatsapp.com/channel/0029VacHFvHJf05VA7Innh2r
*~`عـرش الـروايـات❤️☁️`~*
https://whatsapp.com/channel/0029VaaJDAdFXUuV55Pt731U
*~`مـلـجـأ الـروايـات الـكـرتـونـيـه💙🪼`~*
https://whatsapp.com/channel/0029Vag07IFCsU9JwJT2Nq1p
*~`روايـات ارض الاحـلام🤎🧸`~*
https://whatsapp.com/channel/0029VabixLNAojYr6w6vYL3N
*~`روايـات الـسـمراء🧡🍂`~*
https://whatsapp.com/channel/0029Vap4Jr3EawdwI7t4Ns26
*~`روايـاتـي الـيـابـانـيـه🤍🎐`~*
https://whatsapp.com/channel/0029VartfhKEawdsMYXbQG2O
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*↺اسَـࢬ اࢦــࢪ໑ايـۿ : انـتـقـام اعـمـي💃🏻❤️*
*💗⍆𝐏𝚨𝐑𝜯𝟮𝟱🎀*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
صباح يومً جديد استيقظت يارا ودخلت الحمام وبعد قليل خرجت واردتدت ملابسها المكونة من جيب قصيرة ما قبل ركبتيها بقليل منفوشة من الجلد الاسود وارتدت قميص وردي بأكمام وارتدت هيلز وردي واسدلت شعرها ثم جهزت حقيبة عملها التي تحتوي علي تصاميمها واخذت حقيبة يدها الصغيرة وخرجت من غرفتها .. اشتمت يارا رائحة شهية فذهبت للمطبخ فوجدت ادهم يعد الفطور لهم ....
يارا بإبتسامة خفيفة : صباح الخير.... ادهم بيه بيطبخ بنفسه يا سيدي يا سيدي .
ادهم بسرور : انا قولت اوريكو موهبة من مواهبي بس .
يارا بإبتسامة : طيب تحب اساعدك .
ادهم بنفي : لا روحي شوفي هدي بس وناديها وتعالو .
يارا وهي تومئ : تمام .
ذهبت يارا تفقدت هدي ووجدتها جاهزة ثم توجه كلاهما الي الطاولة وجلسو عليها وشرعو في افطارهم .... وكانت يارا تقلب في صحنها وهي شاردة ....
هدي بمدح : مممم الاكل يجنن .
ادهم بمرح وهو ينظر ليارا الشاردة : ربنا يعمر بيتك .. في ناس تانية بتاكل ومبتكلمش .
لتنتبه يارا له وتردف : هه .. تسلم ايدك يا حبيبي .
تنهد ادهم واردف وهو يومئ : تعالي كل يوم .
لتبتسم يارا بهدوء .. ثم قامت واردفت : يلا يا هدهد هستناكي في العربية .
ادهم : كملي اكلك انتي مكلتيش حاجة .
يارا بجدية : لا شبعت مش قادرة يلا سلام .
هدي : هجيب شنطتي وجاية وراكي علي طول .
اومأت يارا ثم اخذت حقيبتها ونزلت وجلست بالسيارة تنتظر هدي.
ادهم بتنهد : مش عارف هتفضل كدي لحد امتي .
هدي بحزن : انا بحاول اخرجها من اللي هي فيه بأي طريقة .
ادهم بجدية : جاسر بس اللي يقدر يخرجها من حالتها ديه .
هدي وهي تقطب حاجبيها : وجاسر هو السبب في اللي هي فيه بردو .
ادهم : بس يارا اختي وانا عارفها هي بتحبو بس بتكابر وتضحك علي نفسها .. وقريب هتعرف كدي .
هدي بإستغراب : تقصد ايه .
ادهم بهدوء : ابداً مفيش .
اومأت له واردفت : انا هنزل عشان متأخرش عليها سلام .
نزلت هدي وركبت بجوار يارا التي تجلس امام المقود ... وادارت يارا المقود وتحركت بالسيارة لوجهتها .
يارا بحماس : مبسوطة اني هشوف مرسين .
هدي بنفس الحماس : وانا كمان .
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
كان اكرم يجلس في سيارته ينتظر نزول نور ليأخذها للجامعه لخوض احد امتحاناتها حين رءاها قادمة من بعيد ..اخذ ينظر لها بحب ويتمعن في جمالها و طريقة سيرها الي ان ركبت بجواره ..
نور وهي تنظر لنفسها : ايه بتبصلي كدي ليه في حاجة غلط .
اكرم بهويام : ايوة في .
نور بإستغراب : في ايه .
اكرم بحب : طالعة زي القمر ومحبش حد يشوفك قمر كدي غيري .
لتنظر هي للارضية بخجل ويبتسم هو .... بعد قليل وصل للجامعة .
اكرم بتشجيع : يلا عشان متتأخريش وركزي وفكري كويس واقرأي السؤال مرتين وتلاتة ومتستعجليش .
نور بضجر : يا اكرم انت في كل امتحان بتقول نفس الاسطوانة .
اكرم بحدة : ايوة وهفضل اقولها لحد ما تخلصي مش عايز استعجال شوفتي استعجالك في الامتحان اللي فات ضيع منك سؤال .
نور بإبتسامة : حاضر .
اكرم وهو يبادلها الابتسامة : يلا انزلي .
نور وهي تومئ : تمام .... ثم نزلت من السيارة ودخلت للجامعة .. بعد ثلاثة ساعات خرجت من الجامعة واخذت تنظر فوجدته يستند علي سيارته وهو يركنها بعيداً فهو ينتظرها بعد كل امتحان ليعيدها للمنزل فتوجهت له ....
نور بإبتسامة : انا جيييت .
اكرم بسرعه : ها عملتي ايه .
نور بضحك فهي اعتادت علي قلقه : الحمد لله حليت كويس .
اكرم وهو يلف ليركب : طيب اركبي الاول .
اومأت له وركب كلاهما واردف اكرم : ها الامتحان كان سهل.
نور بسرور : كان سهل جداً ،، خلينا نروح اي مكان بقي عشان خاطري لسة الامتحان اللي بعدو باقي عليه اربع ايام .
اكرم بنفي وحدة : لا انا مش عايز دلع اما تخلصي امتحانات تبقي تخرجي .
نور بتأفف وهي تضم يديها لصدرها : اوووف طيب .
بعد قليل وقف اكرم امام سوبر ماركت واردف لنور : خليكي في العربية هجيب حاجة واجي .
ترجل اكرم من السيارة ودخل المحل ثم بعد قليل خرج وهو يحمل في يده شنطة مليئة بأشياء ... ركب السيارة ووضع الشنطة البلاستيكية علي رجليها ....
فتحت نور الشنطة وفغرت شفتيها في سرور فوجدت بها انواع من الشيكولاتة ومقرمشات وايس كريم وبعض الحلويات .
نور بضحك : انت بتصالحني يعني .
اكرم بإبتسامة : دا عشان تتسلي وانتي بتذاكري .
نور وهي تبادله الابتسامة : ميرسي يا اكرم اوي .
اكرم بحب : تعرفي ان بحب اسمي اوي لما بتقوليه .
نور بخجل : احم طيب ركز في الطريق .
اكرم بضحك : هركز حاضر .. بتلجئي انتي للهروب علي طول .
صمتت هي فلم تعرف بماذا تجيبه وابتسم هو ووجه نظره للطريق وهو يفكر في هذا الملاك الذي اعاد البهجة لحياته ...
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في فرنسا .
وصلت يارا وهدي الي مقر الازياء الخاص بمرسين التي يتعاقدو معها ... ترجل كلاهما من السيارة ودخلو وقادتهم السكرتيره لمكتب مرسين .
دخل كلاهما المكتب و استقبلتهم مرأه في أواخر عقدها الثالث تقريباً بترحيب ....
مرسين بسرور : Tu me manques, les filles( اشتقت لكم يا فتيات) .
يارا بسرور وهي تعانقها : Moi aussi ( انا ايضاً ) .
هدي وهي تعانقهاايضاً : وانا كمان وحشتيني .. نكلم عربي بقي بقالي كتير مكلمتش فرنساوي .
مرسين بضحك : تمام نكلم مصري مع ان مكلمتش مصري بقالي كتير .
يارا بإبتسامة : ادينا جينا عشان تتكلمي معانا مصري زي ما انتي عايزة .
مرسين وهي تهز برأسها : نعم نعم لقد جئتم لهذا فعلاً .
لتضحك كلاهما وتردف مرسين : هيا اللي غرفة الاجتماعات لدينا عمل .
ذهب كلاهما لغرفة الاجتماعات وجلسو علي الطاولة الكبيرة ... اخرجت يارا تصاميمها ...
مرسين وهي تتفحص التصاميم : جميلة كالعادة انتي مبدعه يارا .
يارا بإبتسامة : دا من ذوقك تسلمي .
مرسين : ان هذه الحقيقة و الان دارا ازيائي سيعمل علي تصاميمك لقد انتهينا من تصاميم هدي ويجب ان تروها .
يارا وهي تومئ : اسفة علي التأخير بجد .
مرسين بنفي : لا مانع لدي فالعروسة كانت تعيش شهر عسلها اليس كذلك .
انقبض قلبها عند قول مارسين وتجمعت الدموع بعينيها ولكنها آبت نزولها واردفت بثبات : اسفة مرة تانية .
مرسين بتهكم : لا تتأسفي يا فتاه لقد تصرفت هدي بعقلانية حين ارسلت تصاميمها هكذا ازاحت حمل كبير علينا .
هدي بمرح : هنشوف التصاميم بقي .
مرسين : نعم ولكن اولا دعوني اخبركم بأمر ما .
يارا بفضول : في ايه .
مرسين : هناك شركة ديكور غير شركة الهواري اخذت عقد ديكور عرض الازياء .
يارا بإستغراب : ازاي مش ادهم هو اللي بيعمل الديكور علي طول .
مرسين وهي تومئ : نعم ولكنه انسحب هذا العرض وقال ان لديه اشغال اخري وشركة اخري اخذت العقد .
هدي بإستغراب : طيب مين الشركة دي .
مرسين : ستعلمون هناك من سيأتي اليوم ليعرفكم علي المكان وليأخذ رأيكم ايضاً .. و الان هيا لنري ازياء هدي ولحينها يكون اتي هذا الشخص .
اومأ كلاهما وقامو معها واخذو يتفقدو الملابس ...
مرسين : تعجبني هذه الازياء كثيراً ابدعتي يا هدي .
هدي بإمتنان : ميرسي .
مرسين : اراهن ان ازيائكم سوف تخطف عقول المشتريين .
يارا بإبتسامة هادئة : ايوة اكيد مدام بتوع هدي .
كانو يتجولون حين جائت السكرتيرة وقالت لمرسينان العميل من شركة الديكور وصل ....فأخبرتها مرسين ان تجعله يلحق بهم علي غرفة الاجتماعات .
مرسين : صاحب الديكورات وصل هيا لغرفة الاجتماعات .
اومأ كلاهم وسارو معها ودخلو وجلسو في انتظاره ... بعد قليل دخل عليهم وقامت مرسين واقفة ترحيباً به و ما ان رفعت يارا رأسها حتي اعتلتها الصدمة وجحظت عيناها وسرعان ما تجمعت الدموع في عينيها وانزلت رأسها مرة أخري فهي لا تريد ان يري دموعها ..... بينما كان واقف هو يتفحصها فقد اشتاق لها رغم انه يراقبها دائما الا انه اشتاق لرؤيتها وجهاً لوجه ...
مرسين : تفضل بالجلوس . ثم التفت ليارا واردفت : ما رأيك في هذه المفاجأه شركة زوجك ستأخذ العقد .
لترفع رأسها لتلتقي عيناهم في تواصل بصري وتردف بثبات : اكيد مفاجأة فعلاً .
مرسين : لنري ما لديك .
جاسر بإبتسامة وهو ينظر ليارا بجرأه فالجميع يعرف انها زوجته : اكيد .
اخرج اللابتوب الخاص به واراهم الصور الخاصة بالديكورات والتي بدأ في تنفيذها بالفعل ...
مرسين : جميل .. لديك الثقة التي جعلتك تبدأ من دون اراءهم .
قالت وهي تشير علي يارا وهدي .
جاسر بثقة : اكيد طبعاً انا عارف زوق حبيبتي .
لتغلي هي الدماء في عروقها وتردف : بس انا مش عاجبني .
مرسين بجدية : انه جميل للغاية لا تنكري هذا .
هدي مؤيده : ايوة يا يويو انا شايفة انو جميل جداً .
يارا علي مضض : طيب .
ابتسم هو بنصر واردف : طيب تحبو تشوفو الموقع امتي .
مرسين : في اقرب وقت .
وظلو يتحدثون بينما يارا تستمع لصوته وهي في عالم اخر عالم ذكرياتها التي تداهمت عليها واحدة تلو الاخري لتدمع عيناها وتهب واقفة ...
يارا بتقطع : ع .. عن اذنكم ثواني .
ثم خرجت من الغرفة وذهبت للحمام ... بينما تنهد هو بحزن ومسح علي وجهه وقام واقفاً ...
جاسر : ثواني وراجع .
مرسين : تفضل .
ذهب جاسر ورائها ووقف علي الباب فسمع شهقاتها فأغمض عينيه في ندم وحزن بالغ ثم سمع صوت المياه ومن ثم الهدوء ثم فتح الباب لتظهر هي ولتنظر له بعينيها الحمراء ...
جاسر : يارا أناـ ..
لتقاطعه هي بدموع ونبرة قطعت في قلبه كالسكاكين : انت ايه يا جاسر ليه مش عايز تبعد عني .. انا كل ما بشوفك بفتكر كل حاجة ارجوك انا عايزة انسي انا عايزة ارتاح .. ابعد عني لو سمحت .
جاسر بحزن وهو يمسك بيدها في راحة يده : يارا انا بحبك ومش هقدر ابعد عنك ابداً .
يارا وهي تبعد يديها بهدوء : لو بتحبني يبقي تبعد عني .
ثم كادت ان تتركهولكنه امسكها من ذراها بقوة واردف : يارا انا مش هبعد عنك وهفصل وراكي لحد ما تسامحيني ارجوكي انا ندمان علي اللي عملتو ومستعد اعمل اي حاجة عشان ترجعيلي .
يارا بهدوء : سيب ايدي لو سمحت .
جاسر بتنهد : حاضر .. ثم ترك يديها واربعهما امام صدره واردف وهو يتفحصها من شعرها لقدميها : ايه اللي انتي لابساه ده .
يارا بذهول منه : وانت مالك .
تقدم لها خطوة ورفع اصبعه في وجهها فابتعدت هي بتلقائية ليتنهد هو ويتحدث : انتي لسة مراتي وسبق وحذرتك اللبس ده ميتلبسش .
يارا بثبات وهي تضم يدها صدرها مثله : والله انا حره وقولتلك تطلقني وانت اللي مش عايز .
جاسر وهو يجز علي اسنانه : وانا قولت مش هطلقك واللبس ده ميتلبسش تاني سامعه .
يارا وهي تهز برأسها نافية : انا هلبس اللي انا عايزاه .
ثم تركته وغادرت بدون ان تستمع لرده .. بينما تنهد هو في ضيق ولكنه عزم الا يفقد الامل فهو لاحظ دبلته في يدها التي لم تتزحزح انشاً الي الان ...
جاسر في نفسه : انا وراكي يا يارا لحد متسامحيني ومش هفقد الامل .
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في المحكمة العليا للقضاء ..
كانت محاكمة فؤاد وناريمان علي وشك الابتداء ... وكان كلً من حسام ويوسف وعلي جالسين في القاعة واكرم ونور ايضاً .
جاء العساكر بفؤاد وناريمان خلف القضبان مع بعض المساجين الاخري .... نظر حسام بشماته لفؤاد بينما رمقه فؤاد بحقد وغل ..
بعد قليل دلف القضاه وبدأت المحكمة ...
بعد الحكم في عدة قضايا جاء دور فؤاد وناريمان ...
القاضي : بعد الاستماع للادلة وشهادة المتهم فؤاد كامل حكم عليه بتهمة التهديد بدفع كفالة قدرها 200 الف جنيه ... وحكم عليه بتهمة التلبس في شقة دعارة بدفع كفالة قدرها 300 الف جنيه ... وحكم عليه بتهمة التزوير في الملكية بالسجن المؤبد مع الاشغال الشاقة ................. حكم علي ناريمان نظراً لانها تدير اعمال مشبوهة بالسجن سبعة سنوات ..... رفعت الجلسة .
ابتسم يوسف بإنتصار ورمق حسام فؤاد بإبتسامة كبيرة تعلو محياه بينما سار فؤاد مع العساكر بإنكسار وما زال المقد يملأ قلبه ...
خرج الجميع من المحكمة وترحل فؤاد وناريمان ايضاً للسجن لاقامة عقوبتهم ..... وركب الجميع سيارتهم وتوجه لوجهته...
في سيارة اكرم كانت نور تبكي ....
اكرم بضيق : خلاص يا نور انا مش عارف انتي مدايقة عليها ليه .
نور ببكاء : طيب حاول نطلعها بكفالة عشان خاطري .
اكرم قاطباً حاجبيه : انتي نسيتي اللي عملتو فيكي بطلي تكوني سازجة كدا مش دول اللي تعيطي عليهم .
نور من وسط دموعها : مهما كان هي كانت في مقام والدتي انا عارفة انها غلط بس سبع سنين في السجن .. مش متخيلاها يا اكرم هتقضيهم ازاي ... عشان خاطري شوف لو ينفع تطلع بكفالة وانا هدفعها .
اكرم بإستغراب : انتي طيبة اوي يا نور .. عموماً مش هينفع كفالة لانها مش واحدة اتمسكت متلبسة زي فؤاد .. دي هي اللي بتدير الاعمال ديه عشان كدي لازم تاخد جزاءها .
اومأت نور بتفهم وسط بكائها ثم ظلت صامتة طوال الطريق .
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في فرنسا .
عادت يارا بصحبة هدي للمنزل ....
يارا بهدوء : هدهد انا هدخل ارتاح شوية .
هدي بإبتسامة : تمام وانا كمان .
دخلت يارا حجرتها وارتمت علي السرير ظلت تنظر للسقف وهي شارده .. تذكرت حديثها هي وهو وتذكرت غيرته وضيقه من هذه الملابس فابتسمت بهدوء هي تشعر انها تحبه وتريده ولكن هناك ما كسر داخلها لايجعل الامور متوازنة فهي ايضاً اصبحت لا تريد رؤيته وكلما راته تداهمها ذكرياتها التي تريد نسيانها .... ظلت مستلقية تفكر ... ثم امسكت بهاتفها وحادثت ادهم ليأتيه صوته ...
يارا بهدوء : ازيك يا دومي .
ادهم بترقب : تمام وانتي ايه الاخبار واخبار الشغل ايه .
يارا بفهم : الشغل تمام ممكن اعرف انت ليه مش هتعمل الديكور زي العادة .
ادهم بكذب : مشغول يا يويو ومعنديش وقت .
يارا بضيق : ادهم انت مبتعرفش تكدب ليه عملت كدي انا بحاول انساه .
ادهم بجدية : انتي عمرك ما هتنسيه يا يارا متضحكيش علي نفسك ... عموماً متفكريش كتير وعندي ليكي خبرين حلوين .
يارا بخفوت : ايه هما .
ادهم بسرور : الاول يا ستي انهاردة كانت محاكمة فؤاد وناريمان و .. وسرد لها الحكم وما حدث .
يارا بدموع : واخبر التاني .
ادهم بتفهم : عارف انك مفرحتيش بس هما غلطو وبياخدو جزاءهم .
يارا وهي تمسح دموعها : عادي بس مش هاين عليا وهما في السن ده يحصل فيهم كده .
ادهم بإبتسامة : المهم الخبر التاني .. هنخرج انهاردة نتعشي بره ونارين هتيجي معانا عشان تتعرفو علي بعض .
يارا بإبتسامة : اخيرا ... هنستناك قبل ما تيجي عرفني عشان نجهز.
ادهم : تمام .
اغلقت معه الهاتف ثم قامت وغيرت ملابسها وغسلت وجهها بالماء عدة مرات ثم توجهت للسرير واستلقت عليه وذهبت في ثبات عميق .
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في المساء كانت يارا تتجهز للعشاء فارتدت فستان باللون الاسود والاخضر قصير ضيق من اعلي ويصل لقبل ركبتيها وارتدت شراب اسود طويل يغطي قدميها وهيلز اسوود ورفعت شعرها ببعض المشابك اللامعه .... خرجت يارا من غرفتها وتوجهت ناحية غرفة هدي طرقت علي الباب ودخلت ....
يارا بضجر : اووف يا هدي بردو مش هتيجي .
هدي بنفي : لا مش عايزة اكون عزول بينكو روحي انتي .
يارا بضيق : بطلي غلاسة بقي هتسبيني لوحدي معاهم .
هدي بنفي : لا مش هتبقي لوحدك .
يارا قاطبة حاحبيها : يعني ايه .
هدي بتوتر: ا ... يعني ما ادهم معاكي وهو اخوكي .
يارا واستمعت لرنين هاتفها فوجدته ادهم فاردفت : اهو جه انا نازلة خلي بالك من نفسك .
نزلت يارا فوجدت ادهم يقف خارج السيارة وفتح لها الباب ثم توجه لمنزل نارين ليقلها هي ايضاً.. بعد قليل وصل امام منزلها ونزلت يارا من السيارة لتستقبلها ....
نارين وهي مقبلة عليهم : اتأخرت عليكو .. اكيد انتي يارا صح .
يارا بإبتسامة : ايوة انا .
نارين بإبتسامة : ادهم حكالي عن جمالك كتير بس انتي في الحقيقة اجمل بكتيير .
يارا بإمتنان : مجيش حاجة جمب جمالك اللي وقع الواد ده .
ليضحكو ثم اردف ادهم : طيب يلا عشان منتأخرش .
ركب ثلاثتهم السيارة وانطلق نحو مطعم فخم يطل علي برح ايڤل ... ترجلو من السيارة ودخلو اليه وتحدث ادهم مع احد العاملين ليدله علي الطاولة المحجوزة بإسمه ...
توجهت يارا نحو الطاولة و جلست مقابل ادهم ونارين ونظرت من النافذة وهي تتذكر ذكرياتها القديمة مع جاسر في هذا المطعم وعلي نفس الطاولة قاطع افكارها ادهم ....
ادهم : ها هتطلبو ايه .
تفحص كلاهما المنيو وسجلو طلباتهم للنادل واردف ادهم : وعايز نفس طلبي مرة كمان .
اومأ النادل وذهب .
يارا بإستغراب : هو انت مستني حد .
ادهم بهدوء : اه ده واحد صاحبي .
لتومئ هي بإستغراب ودهشة ولكن فهمت ما يقصده ادهم حين استمعت لصوته ...
جاسر : اتأخرت عليكو
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*✓يــــتـــبـــ؏🩵🌩️*
*⚶لـنـا لـقـاء اخـر قـريـبـا مـجـراتـي💙🫧*
*~_𝓌ℯ𝓁𝒸ℴ𝓂 𝓈𝓌ℯℯ𝓉𝒾 𝓰𝒶𝓁𝒶𝓍𝓎 ℴ𝒻 𝓃ℴ𝓋ℯ𝓁𝓈 𝓎𝓊𝓃𝒾 𝒶𝓁 𝓀ℴ𝓇ℯ𝒶𝓃_~*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*