الفصل الخامس و عشرين
*_⦓مـﺞـࢪة اࢦـࢪ໑أيـات تـقـد۾ ࢦـڪـم ~ࢪوايـة~ `انـتـقـام اعـمـي`🤎🧸⦔_*
*~_𝓌ℯ𝓁𝒸ℴ𝓂 𝓈𝓌ℯℯ𝓉𝒾 𝓰𝒶𝓁𝒶𝓍𝓎 ℴ𝒻 𝓃ℴ𝓋ℯ𝓁𝓈 𝓎𝓊𝓃𝒾 𝒶𝓁 𝓀ℴ𝓇ℯ𝒶𝓃_~*
_*⚘اࢦــمــص۪ــدࢪ : ⋕ ⦉ مـجـࢪة اࢦــࢪ໑ﺂﺂيــ♪ــات🩵🌩️⤹.•*_
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
~*⌟❉تـــࢬ اࢦــنــشــࢪ بُــوسَــطِ✎⌜*~
*_يـ◔◔ـوᤤنـي اࢦـڪـوᤤࢪيـۿ⃞💜𑁯໋_*
*_أࢦــ≼ٰٖٜٖٖ۬₳Ⲙ₳Ⲙ≽ـسِـﯡ᧒يَـᮼ𐏏ـﮥ🇸🇾 ⃟◇⋆𓍢._*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*_⤸اࢦـڪـاتـبُـ/ـۿ اࢦاص۪ـࢦـي : مـجـهـولـ/ـه👤✍🏻_*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*~_اࢦـࢪا໑بُـطِ اࢦـخـاص۪ـۿ بُـاࢦـمـجـࢪۿ💜💫_~*
*~`مـجـرة الـروايـات🖤🌙`~*
https://whatsapp.com/channel/0029VaeeXEQ6buMSde2YXG1D
*~`اقـرا لـي🥺❤🩹`~*
https://whatsapp.com/channel/0029VajK8Zd35fLnpbyrG602
*~`قـهـوة واتـبـاديـه💛☕`~*
https://whatsapp.com/channel/0029VaZw1rZ90x34iJGzCu1T
*~`روايـاتـي الـكـوريـه🍷🖤`~*
https://whatsapp.com/channel/0029VaaEmrL5Ui2QR82dji0B
*~`روايـاتـي الانـمـي`~*
https://whatsapp.com/channel/0029VaaNw2H0AgWIMAalDw38
*~`عـاشـقـة الـكـتـاب💝📖`~*
https://whatsapp.com/channel/0029VacHFvHJf05VA7Innh2r
*~`عـرش الـروايـات❤️☁️`~*
https://whatsapp.com/channel/0029VaaJDAdFXUuV55Pt731U
*~`مـلـجـأ الـروايـات الـكـرتـونـيـه💙🪼`~*
https://whatsapp.com/channel/0029Vag07IFCsU9JwJT2Nq1p
*~`روايـات ارض الاحـلام🤎🧸`~*
https://whatsapp.com/channel/0029VabixLNAojYr6w6vYL3N
*~`روايـات الـسـمراء🧡🍂`~*
https://whatsapp.com/channel/0029Vap4Jr3EawdwI7t4Ns26
*~`روايـاتـي الـيـابـانـيـه🤍🎐`~*
https://whatsapp.com/channel/0029VartfhKEawdsMYXbQG2O
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*↺اسَـࢬ اࢦــࢪ໑ايـۿ : انـتـقـام اعـمـي💃🏻❤️*
*💗⍆𝐏𝚨𝐑𝜯𝟮𝟮🎀*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
في ڤيلا سليم الهواري
تمددت يارا علي سريرها وضعت كلا يديها علي معدتها وهربت دمعه من عينيها وظلت تنظر للسقف شارده وتفكر ... قطع شرودها دق الباب لتعتدل جالسة ......
يارا بصوت منخفض : ادخل .
فتح الباب لتظهر سلمي وهي حاملة الطعام بيدها ودلفت والابتسامة تعلو وجهها ... وضعت الطعام علي السرير جانباً ثم احتضنت يارا وجلست بجوارها ....
سلمي بحزن : حمدا لله علي سلامتك .. وحشتيني اوي .
يارا بإبتسامة مزيفة : الله يسلمك وانتي وحشتيني اكتر ..
سلمي بسرور : طيب يلا بقي عشان تاكلي .
يارا وهي تنظر للأكل : صدقيني مليش نفس .
سلمي بحزن مصطنع : لا انا كدي هزعل يلا وانا هفتح نفسك .
يارا بإبتسامة : حاضر .
تناولو طعامهم سوياً ثم اردفت يارا : كفاية كدي خلاص مش قادرة .
سلمي بحزن : انتي كلتي حاجة دا الاكل بحالو .
يارا بنفي : صدقيني شبعت .
سلمي وهي تومئ : خلاص مش هضغط عليكي .. تحبي اساعدك في حاجة .
يارا بنفي : لا شكراً .. انا هنام شوية .
سلمي : خلاص هسيبك تنامي ..
ثم غادرت سلمي ونامت يارا وهي تفكر في مواجهة ابيها واين هو لماذا لم تراه واين جاسر هل عرف الحقيقة وسيتركها .....
في الاسفل كان ادهم وحسام يجلسون .....
ادهم بسرور : واخيرا بقي في ايدينا دليل علي فؤاد ابن ال ...
قاطعه حسام : بس ده مهما كان في سن ابوك .
ادهم بتهكم وسخرية : ابويا .. ابويا اللي مديه الصلاحية عشان يعمل كدي .
حسام بحدة : خلاص احنا خلصنا من الكلام ده ابوك تعبان واحنا مش ناقصين ... انا هروح ليوسف وانت خليك هنا وياريت تحاول متخليش يارا تحتك ببابا دلوقتي .
ادهم بإبتسامة : خلصنا انت بس من الراجل ده ومتقلقش من حاجة.
حسام وهو يومئ : تمام .... سلام .
رحل حسام الي مديرية الامن حيث الظابط يوسف ليعطيه التسجيل الصوتي بصوت فؤاد .....
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في ڤيلا جاسر
اشترت سوزان هاتف جديد واخذت ارقام الجميع من دفتر جاسر بمكتبه وسجلتهم وكذلك اخذت رقم علي صديقه واتصلت عليه لياتيها فوراً ....
كانت سوزان جالسة تنتظر علي .... بعد قليل دلف علي عليها الڤيلا بعد ان اوصله احد الحراس اليها ..
سوزان بسرعه وهي تقف : لقيتو يا ابني .
علي بحزن : لا يا طنط دورت في كل حته وملقتوش وروحت لاكرم وقالي انو بعد ما عرف الحقيقة كان مصدوم ونزل من عندو .
سوزان بدموع : يارب يكون بخير يارب هيكون راح فين بس ... طيب دور في المستشفيات يا ابني انا خايفة يكون جرالو حاجة .
علي بتنهد : ما تخافيش جاسر قوي .. هتلاقيه بس عايز يبعد شوية.... وانا لسة بدور ولو عرفت حاجة هقلك علي طول .
سوزان بحزن : شكرا يا ابني علي وقفتك معانا .
علي بنفي : متقوليش كدي دا جاسر دا اخويا ... انا همشي انا مش عايزة حاجة مني .
سوزان بطلب : معلش يا ابني هتعبك معايا مشي الحراس اللي برا دول اديهم فلوسهم ومشيهم وانا اتصلت بالبواب ومراتو وهيرجعو تاني .
علي : حاضر انا هتصرف .
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في مديرية الامن .
كان حسام جالس امام يوسف الذي يستمع للتسجيل الصوتي لفؤاد وعلي وجهه ابتسامة كبيرة ....
يوسف بإبتسامة : والله ووقعت يا فؤاد .
حسام بجدية : هتعمل ايه دلوقتي .
يوسف بحزم : هاخد قوة وهقبض عليه .
حسام بتفكير : وانت عارف مكانو دا استغل الوضع واختفي .
يوسف بإبتسام : انا عارف مكانو .. انا كنت حاطـ ....... ليقاطعه الدق علي الباب ليأذن يوسف بالدخول ليدلف احد العساكر ...
العسكري : يوسف بيه في واحد برا عايزك .
يوسف بعدم اكتراث : خليه يستني دلوقتي .
العسكري : بيقول ضروري في حاجة مهمة .
يوسف بتنهد : اسمو ايه ده .
العسكري : بيقول اسمو علي من طرف الاستاذ جاسر ....لتمتعض ملامح حسام ....
يوسف : دخلو بسرعه .
خرج العسكري وفورا دلف علي المكتب ليلاحظ حسام ....
يوسف :اتفضل يا علي جيت في وقتك .
ليجلس علي امام حسام الغاضب ويردف : لو مشغول ممكن نكلم بعدين .
يوسف بنفي : لا طبعاً انتو الاتنين هنا لنفس السبب .
حسام بحدة : كنا بنقول ايه بقي .
يوسف بجدية : اولا كدي عشان نوضح الموضوع لازم تعرفو كل حاجة .... اصبح يوسف يسرد علي مسامع حسام قصة فؤاد مع اكرم و سرد يوسف علي مسامع علي قصة فؤاد والصفقة المزورة .
يوسف وهو يكمل : كده كل حاجة واضحة ... التف لعلي واردف : انا هاخد قوة دلوقتي وهطلع بيها نجيب فؤاد وناريمان طبعاً وانت تتصل تخلي اكرم ييجي عشان يشهد بكل حاجة .
علي بنفاذ صبر : حاضر وانا عارف كل ده انا جاي دلوقتي عشان موضوع تاني .
يوسف بجدية وهو يحرك يده : مينفعش يتأجل .
علي بضيق : لأ مينفعش ... جاسر مختفي طول الاربع الايام اللي فاتو ومنعرفش عنو حاجة .
ليعقد حسام حاجبيه .. ويردف يوسف بحزن : طيب انا هوكل ناس يدورو عليه .. ودلوقتي هاخد القوة واطلع وانتو استنوني هنا .
ليومئ كل من حسام وعلي ويخرج حسام من المكتب ...
خرج يوسف واردف للعسكري : شوف الاساتذه يشربو ايه لحد اما ارجع .
اومأ العسكري وانصرف يوسف .... دلف العسكري لمكتب يوسف واردف : تحبو تشربو حاجة .
حسام وعلي في نفس الوقت : لأ .
خرج العسكري والتف حسام لعلي واردف بغضب : انت كنت عارف باللي بيعملو صاحبك .
علي بحزن : هو قالي زيكو انها سافرت .
ليصمت حسام ويحادث علي اكرم ليخبره بأن يأتي لمديريه الامن ..
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
كانت تمشي في غابة كثيفة بالاشجار وهي تسمع صرخاات طفل صغير يناديها بأمي ... تحاول ان تعرف اين مصدر هذا الصوت..... الصرخات تزداد وتزداد ... جلست علي الارض وهي تضع يديها علي كلا اذنيها تحاول ان تمنع هذا الصوت من التسلل لسماعها ... فجأه اختفت الصرخات لتسمع ضحكة رجولية عالية لترفع نظرها لتجده واقف ويحمل بيده مسدس وهو موجههُ ناحيتها .. ظلت تنظر له في فزع وتترجاه الا يفعل بينما هي فقط تستمع لضحكاته العاليه واخر شئ رأته هو الرصاصة التي خرجت من مسدسه .... لتصرخ صرخة عالية وتنتفض جالسة علي سريرها وهي تلهث وتتعرق .. وجدت من يقتحم عليها الغرفة فزعاً ......
ادهم وهو يإخذها بأحضانه : في ايه بتصرخي ليه .
يارا بدموع وهي تحاول ان تتنفس : كابوس .
ادهم وهو يمسح علي شعرها : طيب اهدي اهدي ... ثم التف لعمر الواقف قلقاً واردف : روح هات اي حاجة تشربها .
ليومئ عمر بسرعه ويذهب .... ليلاحظ ادهم ارتعاشها بين يده ..
ادهم برفق : متخافيش دا مجرد كابوس .
لتجهش هي في بكاء وتحتضنه بقوة وهي تردف : متسبنيش انا خايفة .
ادهم وهو يمسح علي ظهرها بقوة قليلاً : مش هسيبك انا جمبك .
لتبتعد عنه متألمة من حركة يده : ااااه حاسب .
ليستغرب هو ويردف : احاسب ايه ايدي موجعتكيش كل ده يعني .
يارا بدموع : مش ايدك بس ضهري بيوجعني .
ادهم بشك : وبيوجعك من ايه .
لتزيد هي في بكائها فيردف هو : وريني ضهرك .
لتهز هي رأسها بنفي فيردف بحده : بقولك وريني ضهرك .
انتفضت يارا واردفت بدموع وصوت منخفض : متزعقليش .
ادهم بهدوء : انا اسف يا حبيبتي مقصدش بس عايز اشوف ضهرك.
اومأت له ليلفها بهدوء ورفع التيشرت قليلاً ليري اثار حزام جاسر علي جلدها الرقيق ليمتعض وجهه وينكمش فكه واخذ يجز علي اسنانه بغضب ثم اردف بغضب : الحيوان ده كان بيعمل فيكي ايه.
يارا وهي تبتلع ريقها بمراره وتغمض عينيها : زي ما انت شايف .
ليأخذها ادهم بأحضانه : انا اسف مكنتش موجود جمبك انا اسف .
لتحتضنه بدورها و تردف : بتتأسف عليه انت ملكش ذنب في حاجة .
ليدلف عمر عليهم ويردف بمرح : ادهم ويارا لا لا مش قادر اتفرح مش قادر استغفر الله العظيم ... قالها وهو يضع يديه علي عينه بطريقة درامية .
ضحكت يارا بخفة واردف ادهم : ساعه بيتجيب العصير .
واخذ منه العصير واعطاه ليارا لتشربه ...
عمر بمشاكسة : محبتش اقطع عليكو الجو الرومانسي ده .
لتبتسم يارا ويردف ادهم : طيب يا اخويا ورينا عرض كتافك بقي .
عمر بحزن مصطنع : وليه انشاء الله .
ليحدفه بالوسادة ويردف : امشي يلا من هنا .
ليخرج عمر وهو يتوعد له بمرح بصوت عالي ... بينما تشاهد هي اخويها بإبتسام وتحمد ربها انها تخلصت من كابوسها ...
يارا بتنحنح : ادهم .
ادهم بتنهد : عارف عايزة تسألي علي ايه وهقلك كل حاجة .
يارا بدموع : انا عرفت ان بابا ورا اللي حصلي ده بس ازاي يعمل فيا كدي .
ادهم بتصحيح : لا مش بابا اللي ورا اللي حصلك ... ثم أخذ يسرد لها كل شئ .
يارا بذهول : ياااه انكل فؤاد يطلع منو كل ده .
ادهم : للاسف ..
يارا بدموع : بس بردو بابا ليه ايد في كل ده هو اللي وافق من الاول ان انكل فؤاد يعمل كدي .
ادهم بتنهد : يارا بابا تعبان فياريت متواجهوش بأي حاجة .
يارا بتهكم : موعدكش انا مش عارفة هقلو بابا ازاي بعد كل ده ... ثم اردف بترقب : طيب ا ا .. جاسر عرف .
ادهم بإمتعاض : عرف وحسام كلمني من شوية وقال انو مختفي طول الاربع ايام اللي فاتو .
تنهدت هي بإرتياح وحمدت ربها ان برائتها ظهرت ولم تآبه بما قال ادهم وانه مختفي ... ثم خطر علي بالها سوزان ...
يارا بسرعه : ماما .. اقصد طنط سوزان لازم اكلمها .
ادهم بإستغراب : عايزة تكلميها ليه .
يارا : هي وقفت معايا ومسبتنيش وكانت بدافع عني .
ادهم بتنهد : طيب ما تكلميها .
يارا بتذكر : تليفوني كان مع جاسر هو كان واخده .
ادهم بإبتسامة : خلاص هشتريلك واحد جديد وبعدين نشوف هتكلمي حماتك ازاي .
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في احد الاحياء في شقة ما كانت تعلو بها صوت الموسيقي وبعض الشباب الذين يدخنون ويتعاطو المخدرات والبنات التي تجوب الشقة ذهاباً واياباً بملابس فاضحة وفي احد غرف الشقة كانت تجلس ناريمان مع فؤاد .....
فؤاد بقلق : مش عارف سليم ناوي علي ايه .
ناريمان بحنق : انت طول الاربع ايام دول مورمش سيرة غير سليم سليم ... تعالي وانا هنسيك سليم خالص .
ليبتسم لها ... ولكن امتعض وجه كل منهم فوراً حين سمعو اصوات صرخات الفتيات بالخارج ... قام وارتدي قميصه بسرعه وعليه جاكيت بدلته الذي كان ملقيهم علي الاريكة .....
فؤاد بهلع : هو في ايه .
ناريمان بنبرة متوترة : مش عارفة .
ليفتح الباب عليهم وتدخل افراد الشرطة وتأخذ كلاهم الي الاسفل بينما فؤاد يصيح : سيبوني انتو متعرفوش انا مين انتو واخدني علي فين ... هتدفعو التمن غالي .
نزلت افراد الشرطة بعد ان داهمت الشقة واخذت كل من فيها الي عربات الشرطة ... استقبل يوسف فؤاد بإبتسامة ...
يوسف : ازيك يا فؤاد بيه .
فؤاد بغضب : هتندم علي اللي بتعملو ده .
ليضحك يوسف ويردف للعسكري الممسك به : خدوه علي البوكس .
بعد مدة من الوقت كان يوسف في المديرية جالس امام مكتبه ويجلس حسام وعلي واكرم معه .. يجلس حسام علي كرسي ما ويجلس علي واكرم علي الاريكة .....
يوسف وبعد ان نادي العسكري : دخلي فؤاد كامل وناريمان .
اومأ العسكري وبعد قليل دلف فؤاد وناريمان وكل منهم في يده " الكلبشات " بصحبة العسكري .
يوسف : فك الكلبشات دي .
فعل العسكري المطلوب ثم خرج من المكتب ... بينما تجهم وجه فؤاد حين رأي حسام وتوتر واصبح يلعن حظه ...
يوسف : اتفضلو اقعدو .
جلس اثناهم امامه واردف يوسف : نبدأ منين .. من عندك يا فؤاد بيه ولا من عندك يا ناريمان هانم ... انا شايف نبدأ من عندك يا فؤاد .
فؤاد بإمتعاض : ممكن انا اعرف هنا ليه .
يوسف بتلقائية : لو مفيش سبب محدد فانت ممسوك متلبس في شقة دعاره .
فؤاد بثقة : انا مش هكلم غير في وجود المحامي بتاعي .
ضحك حسام بسخرية واردف : المحاميين كلهم خدو اجازة وسافرو انت متعرفش .
ليمتعض وجه فؤاد ويردف : انت تقصد ايه .... وانت بتكلمني كدي ليه.
يوسف متدخلاً بحدة : فؤاد بيه انت لازم تسمع التسجيل ده .
فتح يوسف التسجيل علي حاسبه ... كان فؤاد يستمع للتسجيل وهو يتصبب عرقاً وما ان انتهي حتي تحدث يوسف ..
يوسف : ايه رايك يا فؤاد بيه .
فؤاد : انا مش هكلم غير في وجود المحامي .
حسام بحدة : مفيش محامي في البلد هيترافع عنك انت هتدفع تمن كل اللي عملتو .
يوسف : حسام بيه اهدي وخليني اشوف شغلي ... ثم التف لفؤاد واردف : صوتك ده يا استاذ فؤاد والمكالمة دي علي فهمي كانت مع المدام ناريمان مش كدي .
ناريمان بتدخل بتوتر : انا ملييش دعوة .
يوسف بسخرية : هنشوف دلوقتي يا ناريمان هانم .... نادي يوسف للعسكري وقال : هاتلي حاجات ناريمان هانم اللي صادرتوها من الشقة .
ذهب العسكري وبعد قليل حضر وبيده حقيبة ...
يوسف : الشنطة دي بتاعتك .
ناريمان بتوتر : ايوة بتاعتي .
اخذ يوسف الشنطة وافرغ محتوياتها وجد هاتفها ومفتاح وبعض مستحضرات التجميل وبعض الاشياء الغير مهمة ...
امسك بالهاتف واخذ بيحث فيه حتي اطلع علي سجل المكالمات واخرج نفس المكالمة ....
يوسف : ايه رأيك دلوقتي من الاحسن تعترف بكل حاجة ... ثم اردف للشاب بجانبه : افتح يا ابني المحضر .
يوسف لفؤاد : تنكر ان الصوت ده صوتك .
فؤاد بخذي : لا .
يوسف لاكرم : هو ده الراجل اللي هددك .
اكرم : ايوة جالي وكان معاه رجالة شايلين سلاح وهددني بأختي .
يوسف : اقوالك يا فؤاد بيه ... الكلام ده حصل .
طئطئ فؤاد راسه للاسفل فهو يعرف ان لا مفر ولن يخرح من هذه الورطه وان حسام جدي ولن يجعل اي محامٍ يترافع عنه واردف بخزي : حصل .
يوسف للشاب : .......................... وقد امرنا نحن بحبس المهتم اربعة ايام الي ان يحول للنيابة العامة .
يوسف : امضي علي اقوالك هنا ...........ابتسم حسام ابتسامة كبيرة وتنهد في ارتياح .....
يوسف للعسكري : خدو يا ابني علي الحجز .
ليأخذ العسكري فؤاد وتتبقي ناريمان التي كانت تجلس متوترة ..
يوسف : ناريمان هانم حضرتك متهمة بإدارة الاعمال المشبوهه زي الدعاره وتسريح البنات للنصب .
ناريمان بتوتر : انا انا مبسرحش بنات للنصب .
يوسف بتهكم : وتقولي ايه عن نور محمد عبد العزيز ..... وهنا وقف أكرم في ذهول وتقدم لهم ....
اكرم بصدمة : انت انت تقصد ايه .
يوسف : اهدي يا استاذ اكرم واتفضل اقعد .. قالها وهو يشير علي المقعد امام ناريمان .. ليجلس اكرم .. ولاول مرة تري ناريمان اكرم هذا ...فرأته شاب طويل مفتول العضلات بشعر كثيف ولحية كثيفة بعض الشئ سوداوان كالفحم وبشرة خمرية .
يوسف : ها يا استاذه ناريمان انتي بعتي نور لاكرم عشان تنصب عليه .
ناريمان بسرعه : لا مش انا دا فؤاد كان عايز بنت تعمل العملية دي وقالي اجبلو بنت .
يوسف : وليه اختارتي نور بنت جوزك اللي قبليه الله يرحمه المفروض انكو كنتو قسمتو الورث وكل واحد راح لحالو ايه اللي خلاكي تختاريها وايه اللي يخلي بنت رجل اعمال كبير كدي ترضي انها تعمل كدي .
ناريمان بتوتر : بعد اما محمد مات المحامي بتاعو قال انو سايب وصية ولما فتحها الوصية كانت بتقول ان نور هتستلم ميراثها اول ما تتم 21 سنة وان انا الوصية علي املاكها لحد اما تستلمهم بس كمان انا مينفعش اخد ميراثي غير بعد اما نور تتم 21 عشان يضمن اني منصبش عليها واخد الفلوس ... وانا هددتها انها لو معملتش كدي مش هوديها الجامعة ومش هصرف عليها وعلي مصاريف جامعتها وهجوزها عشان كدي هي وافقت بس بعد مدة رجعت وقالتلي مش هتكمل وقالت مش هتروح الجامعه .
يوسف : حاجة مثيرة للاهتمام .... افتح يا ابني المحضر .
قام اكرم من مكانه بعصبية واردف : نور فين .
ناريمان بتوتر : في البيت .
اكرم بغضب : العنوان .
املت عليه العنوان وكان سيذهب فاردفت بسرعه : انا قافلة عليها الباب مش هتفتحلك ...
التف لها واردف : المفتاح فين .
ناريمان وهي تشير علي الطاولة : كان في الشنطة .
خطف اكرم المفتاح بسرعه واردف يوسف : استاذ اجرم متعملش حاجة تندم عليها .
قام علي من مكانه واردف يتوتر : اكرم .
اكرم بهودء : متخافوش مش هعمل حاجة ... ثم خرج من المديريه بأكملها ... بينما يتابع حسام الموقف بإهتمام .
وبعد اخذ اقوال ناريمان تم حبسها حتي ان تتحول للنيابة ... ثم غادر حسام المديرية .
علي ليوسف : في معلومات عن جاسر .
يوسف بحزن فجاسر صديقه : لا بس اول ما تجيني معلومات هتصل بيك علي طول .
ليومئ علي بحزن ثم غادر ....
يوني الڪوريه:تدعوڪم لمتابعتها بمجرة الروايات
تم مشاࢪڪه الࢪوايه من قناة مجࢪة الࢪوايات الاصليه
https://whatsapp.com/channel/0029VaeeXEQ6buMSde2YXG1D
في منزل محمد عبد العزيز .
احست نور بالعطش فخرجت من غرفتها وذهبت للمطبخ ... اخرجت كوب وزجاجة مياه ثم سكبت الماء في الكوب وأخذته وخرجت من المطبخ ... حين التف مقبض الباب معلناً عن وصول احد لم تهتم فظنتها ناريمان وكانت ستكمل طريقها الا انها لمحت ما لم تصدق عيناها انه هو نعم انه هو .....
ظلت واقفة متسمرة مكانها وهي تمسك بالكوب في يدها وتنظر له في صذمة وهي جاحظة لعينيها كم اشتاقت له ....
بينما ظل هو يمعن النظر فيها بأعين تفترسها فقد اشتاق لها .. ما ان فتح الباب حتي رأي ملاكه كانت ترتدي بيجامة عبارة عن بنطال وقميص من الحرير الوردي ومسدله شعرها الذهبي الفاتح علي طول ظهرها .. لاول مرة يراها هو بشعرها ...
تدارك كلاهم الموقف حين وقع الكوب من يدها في صدمة .. نظرت للارض وحمدا لله كان كوب بلاستيكي متين لم يتكسر ... رفعت وجهها من الارض فوجدته يتقدم لها كالوحش الكاسر فأخذت تتراجع للخلف الي ان التصقت بالحائط .... جحظت عيناها حين التف وجهها للناحية الاخري من شدة صفعته وفوراً تسللت يدها لوجهها ... رفعت وجهها تنظر له في صدمة ويدها علي وجنتها التي صفعها عليها .... وفورا وضع يده خلف شعرها جاذباً اياها دافناً وجهها في صدره ودفن وجهه في شعرها واخذ يشتم عبيرها الذي اشتاق له بينما هو ممسك بها بيد واحدة خلف رأسها لان الاخري مكسورة ومضمدة ........
تداركت هي الموقف فتنحنحت في حرج فتركها هو وتحدث .....
اكرم بحدة وهو يعطيها ظهره : ادخلي حطي حاجة علي شعرك .
لتسرع هي الي غرفتها ... اغلقت الباب ووقفت خلفه وهي تضع يدها علي قلبها الذي يدق بشده وهي غير مصدقة تماماً انها رأته ثانياً بل وكانت في احضانه ايضاً .... غيرت ملابسها سريعاً ووضعت حجابها علي شعرهان و أخذت نفساً عميقاً ثم خرجت لتجده اقفل الباب وجالس علي احدي الارائك .... لم تعرف ماذا تفعل ظلت تنظر له حتي ادمعت عيناها فها هي تراه مرة اخري بعد ان ظنت انها فقدته للابد ......
اكرم بسخرية : هتفضلي بصالي كدة كتير .
نور بدموع : انت عرفت مكاني ازاي .
اكرم بنفس النبرة : هنكلم وانتي واقفة كدي ما تقعدي .
لتجلس هي ويردف اكرم بسخرية : بيتك ده مش كدي بس مش شايف اهلك ولا عمك اللي عايز يجوزوك غصب لابنهم .
نور بدموع : انت جاي ليه .
اكرم بتهكم وسخرية : تؤ تؤ كدي عيب انا جاي ابارك .. فين ابن عمك اومال .
نور بحزن من اسلوبه : انت بتتكلم كدي ليه .
ليمسكها اكرم من ذراعها بقسوة ويجذبها له بعنف وهو يقول : بطلي دموع التماسيح دي انا عرفت كل حاجة .
نور وقذ اجهشت في البكاء : والله كنت مجبورة كان غصب عني انا اسفة سامحني بابا مات وسابني لوحدي ومراتو هي اللي عملت كدي صدقني عشان هي الواصيه علي املاكي وانا ... لم تكمل كلامها لانها اخذت تشهق بقوة وتسعل ففزع هو .....
اكرم بقلق : انا عارف انا عارف كل حاجة اتنفسي اتنفسي .... ثم تركها وذهب واحضر لها كوب ماء ... اعطاه لها فشربته وبدأت انفاسها تنتظم ولكنها كانت تسعل بشكل غير منتظم ...
اكرم بحنان : انتي تعبانة .
نور وهي تومئ بهدوء : عندي ربو .
اكرم بحنان وأسف : انا اسف مقصدتش والله .... ثم نظر الي وجنتها المحمرة الذي عليها اثار صفعه واردف بأسف : بتوجعك .
نور : شوية ... ليردف هو : اسف .
نور بدموع : انت قولت انك عارف كل حاجة .
اكرم وهو يومئ : ايوة عارف كل حاجة و ...... واخذ يسرد عليها كل شئ .
نور بذهول : يعني ناريمان اتقبض عليها .
اكرم وهو يومئ : ايوة .
ظلو يتحدثون سويا ثم قام اكرم واردف : انا همشي وهجيلك تاني ...... تقدم للباب وهي وراءه فالتف لها فجأه واردف : صحيح انا عرضي لسه قائم اللي انتي هربتي منو .
لتنظر هي في الارض بخجل .... ببنما ابتسم هو ثم غادر ...
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*
*✓يــــتـــبـــ؏🩵🌩️*
*⚶لـنـا لـقـاء اخـر قـريـبـا مـجـراتـي💙🫧*
*~_𝓌ℯ𝓁𝒸ℴ𝓂 𝓈𝓌ℯℯ𝓉𝒾 𝓰𝒶𝓁𝒶𝓍𝓎 ℴ𝒻 𝓃ℴ𝓋ℯ𝓁𝓈 𝓎𝓊𝓃𝒾 𝒶𝓁 𝓀ℴ𝓇ℯ𝒶𝓃_~*
*╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ*