الفصل 9
ﻗﺎﺱ ﻫﻮ ﻣﻮﻗﻔﻚ ﺣﻴﻦ ﺗﻘﻒ ﺍﻣﺎ ﺯﺟﺎﺝ..
ﻳﺮﻗﺪ ﺧﻠﻔـﻪ ﻧﺼﻔﻚ ﺍﻻﺧﺮ ..
ﻗـــﺎﺱ ﺟﺪﺍ ﺣﻴﻦ ﻳﻤﻨﺤـﻮﻙ ﺧﻴﺎﺭﻳﻦ ..
ﺍﺣـﻼﻫﻤﺎ ﻣـﺮ .. ؛
ﻓـ ﺃﻣﺎ ﻳﻌﻴﺶ ﻣﻌﻚ ﺑﻼ ﺣﺮﺍﻛـ ..ﻟﻜﻦ ﺑـ ﻗﻠﺐ ﻧﺎﺑﺾ ..
ﺍﻭ .. ﻳﺘﻮﻗﻒ ﻧﺒﻀـﻪ ﻟـ ﺍﻻﺑﺪ
ﻫﺎ ﺍﻧﺎ ﺍﻧﻈـﺮ ﻟـ ﺫﺍﺕ ﺍﻟﻘﻠﺐ ﺍﻟﻄـﺎﻫﺮ ..
ﻭﺍﻟﺸﻜـﻞ ﺍﻟﻤﻼﺋﻜﻲ .. ﻣﺴﺘﻠﻘﻴﻪ ﻋﻠﻰ ﺍﻟﺴﺮﻳﺮ ..
ﺍﻻﺑﻴﺾ
ﻭﺍﻟﺒﻴـﺎﺽ ﻳﻜﺘﺴﻲ ﻛﻞ ﻣﺎﺟﻮﺍﺭﻫﺎﺍ ..
ﻭﻗﺪ ﻓﻘﺪﺕ ﻣﻌﻈﻢ ﺍﺟﻬﺰﺗﻬﺎ ﻋﻤﻠﻬـﺎ !..
ﺗﻘﺪﻣﺖ ﻟﻬﺎ ﺑـ ﺧﻄﺎﺭﻱ ﻭﺍﻧﺎ ﺍﺭﻛـﻊ ﻋﻠﻰ ﺭﻛﺒﺘﻲ !..
ﻭﺩﻧﻮ ﻣﻨﻬﺎ ﻟـ ﺍﻫﻤﺲ ﻓﻲ ﺍﺫﻧﻬﺎﺍ : ﺣﻴـﺎﺗﻲ ﻭﺍﻟﻠﻪ ﻣﺸﺘـﺎﻕ ﻟـ ﺳﻮﺍﻟﻒ
ﺣﻴﻞ.
ﻭﺗﻠﺘﻤﻊ ﻋﻴﻨﺎﺍﻱ ﺑـ ﺍﻟﺪﻣﻮﻭﻉ !..
ﺭﻓﻌﺖ ﺭﺃﺳﻲ ﻟﻌﻠﻲ ﺍﺭﻯ ﻣﻼﻣﺤﻬﺎ.. ﻟﻌﻠﻲ ﺍﻟﺤﻆ ﺍﻟﺨﺠﻞ ﺍﻟﺬﻱ ﺑﺎﺕ
ﻳﻤﻴﺰﻫﺎﺍ ..
ﺣﻴﻦ ﺗﺨﺠﻞ ﻟـ ﺗﺰﺩﺍﺩ ﺟﻤﺎﻻ !
ﻟﻜـﻦ ﺍﺑﺖ ﺣﺎﻟﺘﻬﺎ ﺍﻥ ﺗﺴﻤـﺢ
ﻋﺪﺕ ﻟـ ﺃﻫﻤﺲ :ﺍﻗﺴـﻢ ﻟﻚ ﺑـ ﺭﺏ ﺍﻟﻜﻮﻥ ﺍﻧﻲ ﺍﺣﺒـﻚ ..ﻭﺑﻨﺘﻨﺎ ﻣﺎﻟﻬﺎ
ﻏﻴﺮﻙ ﺑﻬـ ﺍﻟﺤﻴـﺎﺓ ﻭﺍﻥ ﻫـ ﺍﻟﻜﻮﻥ ﺑﻠﻴـﺎﻙ ﺿﺎﺍﻕ ﻓﻴﻨﻲ ..
ﻭﻫﻨـــﺎ ﺑﺪﺃﺕ ﺩﻣﻮﻋﻲ ﺍﻟﺮﺟﻮﻟﻴﻪ ﺑـ ﺍﻻﻧﺴﻜـﺎﺏ
ﺭﻓﻌـﺖ ﺭﺃﺳﻲ ﻟﻌﻠﻲ ﺍﺭﻯ ﻣﻨﻬﺎ ﺗﻠﻚ ﺍﻟﺪﻣﻮﻉ ﺍﻟﺘﻲ ﻟـ ﻃﺎﻟﻤﺎ ﺣﻴﻦ ﺍﻧﻄﻖ
" ﺍﺣﺒﻚ " ﻓﺘﻘﻒ ﻋﺎﺟﺰﻩ ﻋﻦ ﺍﻟﺮﺩ ﻓـ ﺳﺘﻨﺠﺪ ﺑـ ﺩﻣﻮﻋﻬﺎﺍ ..
ﻟــــﻜﻦ ﻻﺩﻣﻮﻭﻉ !
ﺑﻞ ﺍﺟﺎﺑﺘﻨﻲ ﺍﻻﺟﻬﺰﻩ ﺍﻟﺘﻲ ﺣﻮﻟﻬـﺎ ﺑـ ﺍﻟﺼﺮﺍﺥ ﻛﺄﻧﻬﺎ ﺗﺴﺘﺪﻋﻲ
ﺍﻻﻃﺒـﺎﺀ ..
ﻭﻓﻌـﻼ ﻫﺎ ﺍﻧﺎ ﺍﺭﻯ ﺟﻤـﻊ ﻣﻦ ﺍﻻﻃﺒـﺎﺀ ﻭﺍﻟﻤﻤﺮﺿﻴﻦ
ﻳﻠﺘﻔـﻮﻥ ﺣﻮﺍﻟﻬﺎ .. ﻭﻳﺤﺎﻭﻟﻮﻥ ﺍﺳﻌﺎﻓﻬﺎﺍ ..
ﻟﻜــﻦ ..ﻫﺎﻫﻲ ﺍﺣﺬﻯ ﺍﻟﻤﻤﺮﺿﺎﺕ ﺗﻘﺘﺮﺏ ﻟـ ﻏﻄﻲ ﻣﻼﻣﺢ ﺣﺒﻴﺒﺘﻲ
ﻭﺗﺤﺠﺒﻬﺎ ﻋﻨﻲ..
ﺻﺮﺧﺖ ﺑﻬﺎ : ﻫـﻲ ..!ﺣﺪﻙ ﻋﺎﺍﺩ ﺍﻻ ﺯﻭﺟﺘﻲ ,, ﺷﻴﻠﻲ ﻳﺪﻙ ﻋﻦ ﻭﺟﻬﻬﺎ
ﻭﻭﺧﺮﻱ ﺫﺍ
ﺍﻟﻤﻤﺮﺿﻪ ﺑـ ﺑﺮﻭﺩ ﺍﻟﻜﻮﻥ ﻭﺍﺳﻠﻮﺏ ﺟﺎﺍﻑ : ﺯﻭﺟﺘـﻚ ﻣﺎﺗﺖ ﻭﺍﻟﺒﻘـﺎ ﺑـ
ﺭﺍﺳﻚ ..
ﻟﻢ ﺗﺘﻢ ﺍﻟﻜـﺎﻑ ﺣﺘﻰ ﺯﺣﺰﺣﺘﻬﺎ ﻣﻦ ﻛﺎﻧﻬﺎ ﺑـ ﺻﻔﻌﻪ ﺍﺳﺘﻘﺮﺕ ﻋﻠﻰ
ﺧﺪﻫﺎ ﺍﻻﻳﻤﻦ ..
ﻳﻠﻴﻬﺎ : ﻻﺗﻔﺎﻭﻟﻴﻦ ﻋﻠﻴﻬﺎ ﻫﻲ ﻧﺎﻳﻤﻪ ﺷﻮﻱ ﻭﺑﺘﺼﺤـﻰ ﺑﺲ ﻓﻜﻴﻨﺎ ﻣﻦ
ﺷﺮﻙ
ﻭﺑـ ﺻﻮﺕ ﻣﺘﺤﺸﺮﺝ : ﺗﻜﻔﻴـــــﻦ !
ﺑﺪﺃﺕ ﺗﺘﺰﺍﺣﻢ ﻓﻲ ﺫﻛﺮﻳﺎﺗﻲ ﺟﻤﻴـﻊ ﺗﻠﻚ ﺍﻟﺬﻛﺮﻳﺎﺕ ﻭﺍﻟﻠﺤﻈﺎﺕ ﺍﻟﺘﻲ
ﻛﺎﻧﺖ ﺗﺠﻤﻌﻨﺎﺍ ..
ﻛﺎﻧﺖ ﺑـ ﺍﻟﻨﺴﺒـﻪ ﻟﻲ ﺟﻨﺔ ﺍﻟﺪﻧﻴﺎﺍ .. ﻭﺍﺳﻌﺪ ﻟﺤﺰﺍﺗﻬﺎﺍ
ﻭﻫﻲ ﺑـ ﺟﺎﻧﺒﻲ
ﺧﻄﺎﻱ ﺗﺘﺮﺍﺟﻊ ﻟﻠـ ﺍﻟﺨﻠﻒ ﺣﺘﻰ ﺍﺻﺪﻣﺖ ﺑـ ﺍﻟﺤـﺎﺋﻂ
ﻟـ ﺍﻏﻠﻖ ﻋﻴﻨﻲ ﺑـ ﺷﺪﻩ
ﻻﺍﺭﻳـﺪ ﺍﻥ ﺍﻋﻲ ﺍﻧﻬﺎ ﺫﻫﺒﺖ ﻭﺭﺣﻠﺖ ﻫﻮﺍﺀ ﻻﻳﺨﺘﻠﻂ ﺑـ ﺍﻧﻔﺎﺍﺳﻬﺎﺍ ..
ﻻﺍﺭﻳـــــﺪ
ﻻ .. ﺃ .. ﺭ ..ﻳـ ...ﺩ !!!
ﺍﺧﺬﺕ ﺍﺑﻜﻲ ﺑـ ﺻﻮﺭﻩ ﻫﺴﺘﻴﺮﻳﻪ ..
ﺍﺧﺬﺕ ﺍﺑﻜﻲ ﻛـ ﻃﻔﻞ ﺻﻐﻴﺮ ﺍﺣﺘﻀﺮ ﻭﺍﻟﻴﻪ ﺍﻣﺎﻣﻪ .. ﻫﺎﻫﻢ ﺍﻟﻨـﺎﺱ
ﻳﺤﺎﻭﻟﻮﻥ ﺗﻘﻴﺪﻱ ..
ﻭﻫﺎﻫﻲ ﺯﻭﺟﺘﻲ ﻭﺣﺒﻴﺒﺘﻲ ﺗﺒﺘﻌﺪ ﻋﻨﻲ ﻓﻮﻕ ﺍﻛﺘﺎﻓﻬﻢ ..
ﻣﻨﻌﻨﻮﻧﻲ ﻣﻦ ﻣﺮﺍﻓﻘﺘﻬﺎ ﻝ ﻣﺜﻮﺍﻫﺎ ﺍﻻﺧﻴﺮ
ﻟـ ﻋﺪﻡ ﺗﻤﺎﺳﻜﻲ .. ﻛﻴﻒ ﺍﺗﻤﺎﺳﻚ ﻭﺍﺻﺒﺮ
ﻭﻣﻦ ﻋﻠﻤﻨﻲ ﺍﻟﺼﺒﺮ ﻓﻘﺪ ﺻﺒﺮﻩ ﻭﺭﺣﻞ
ﻭﻫﻲ ﻣﻦ ﻛﺎﻥ ﻳﻤﺪﻧﻲ ﺑـ ﺍﻟﻘﻮﻩ ﻭﺍﻟﺘﺤﻤﻞ
ﻛﻨﺖ ﻻﺍﺑﺎﻟﻲ ﺑـ ﻻﻫﺎﻧﺎﺕ ﻭﺍﻟﺘﻘﻠﻴﻞ ﻣﻦ ﻗﺪﺭﻱ
ﻷﻧﻨﻲ ﻣﻜﺘﻤﻞ ﺑـ ﻭﺟﻮﺩﻫﺎﺍ
ﻭﻫﺎﻫﻲ ﻗﺪ ﺭﺣﻠـﺖ
ﻛﻞ ﻣﺎﺣﻮﻟﻲ ﻳﻀﻴﻖ ﺑﺲ
ﻛﻞ ﻣﺎﺣﻮﻟﻲ ﻳﻨﺴﺤـﺐ..
ﻛﻞ ﻣﺎﺣﻮﻟﻲ ﻳﺬﺑـﻞ ﻟﻴﺴﻘﻂ ﻛـ ﺍﻭﺭﺍﻕ ﺧﺮﻳﻒ
-ﺃﺑــﻮﻭﻭﻭﻭﻱ ..!ﻳﻠﻼ ﻗﻢ
ﻗـﺎﻡ ﺑﻨﺪﺭ ﻋﻠﻰ ﺻﻮﺕ ﺑﻨﺘـﻪ ..ﺍﻟﻠﻲ ﺷﻜﻞ ﺻﺎﺭ ﻟﻬﺎ ﺳﺎﺍﻋﻪ ﺗﺪﻕ ﺍﻟﺒـﺎﺏ
ﺑﻨﺪﺭ : ﻃﻴﺐ ﻃﻴﺐ ﺟﺎﺍﻱ
ﻣﺸﺎﻋﻞ :ﺍﻧﺘﻈـﺮﻙ ..
ﺷﺮﺏ ﺑﻨﺪﺭ ﻣﻦ ﺍﻟﻤﻮﻳـﻪ ﺍﻟﻠﻲ ﺑـ ﺟﻨﺒﻪ ..ﻣﺮ ﻋﻠﻰ ﻭﻓـﺎﺗﻬﺎﺍ 16 ﺳﻨـﻪ
ﻭﻣﻮ ﺭﺍﺍﺿﻲ ﻳﻨﺴـﻰ.. ﻫـ ﺍﻟﻤﻮﻗﻒ ﻳﺘﻜﺮﺭ ﻋﻠﻴﻪ ﻓﻲ ﻛﻞ ﻣﻜﺎﻥ .. ﻓﻲ
ﻧﻮﻣﻪ ﻭﺻﺤﻮﺗﻪ ..
ﺍﻟﻠﻪ ﻳﺮﺣﻤﻬـﺎ
\
/
\
/
- ﻋﺠﺒﺘﻚ ﺍﻟﺤﻔﻠﻪ ﺍﻟﻠﻲ ﺳﻮﻳﺘﻴﻬﺎ ﺗﺤﺖ ﺃﻣﺲ؟؟ .. ﻭﻓﻮﻕ ﻛﺬﺍ
ﻣﺎﺗﺘﻜﻠﻤﻴﻦ؟؟
ﻣﺎﺭﺩﺕ ﻋﻠﻴـﻪ ﻣﻦ ﺑﻌﺪ ﻣﻮﻗﻔﻬﺎﺍ ﻣﻌﻪ ﺍﻣﺲ ﻭﻫﻲ ﻣﺎﺗﻜﻠـﻤﻪ ..ﻳﻤﻜﻦ
ﻫﺬﻱ ﻫﻲ ﺻﺪﻣﺘﻬﺎ ﺍﻟﻠﻲ ﺟﺖ ﻣﺘﺎﺧﺮ .. ﺑـ ﻭﻓـﺎﺓ ﺍﺑﻮﻭﻫﺎ
ﻧﺎﺻﺮ : ﻣﻼﻙ ﺍﻧﺎ ﺍﻛﻠﻤﻚ ﺭﺩﻱ ﻋﻠﻲ
ﻣﻼﻙ "....................: ﻻﺭﺩ ﺑﺲ ﺩﻣﻮﻉ "
ﻧﺎﺻﺮ :ﺍﻭﻛﻲ .. ﺑﺲ ﺣﺒﻴﺖ ﺍﻗﻮﻟﻚ ﺍﻥ ﺑﻜـﺮﻩ ﺍﻥ ﺍﺣﻨـﺎ ﻓﻲ ﺍﻟﺮﻳـﺎﺽ !..
ﻣﺎﺭﺩﺕ ﻋﻠﻴـﻪ ..
ﺩﺧﻞ ﻧﺎﺻﺮ ﺍﻟﻐﺮﻓﻪ ﻭﺿﺮﺏ ﺍﻟﺒـﺎﺏ ﺑـ ﺭﺟﻠﻪ ..
ﻧﺎﺻﺮ ﻭﻫﻮ ﻳﺮﻣﻲ ﻧﻔﺴـﻪ ﻉ ﺍﻟﺴﺮﻳﺮ :ﺁﺁﺁﺁﺥ ﻳﺎﻗﻬﺮ .. ﺍﻧﺎ ﻭﺵ
ﺳﻮﻳﺖ؟؟ ..ﻫـ ﺍﻟﺸﻲ ﺻﺢ ﻭﻻ ﻏﻠﻂ ..
ﺍﻧﺎ ﻻﺯﻡ ﺍﻭﺩﻳﻬﺎ ﻟـ ﺳﻌﻮﺩ
\
/
\
/
ﺩﺧـﻞ ﺷﻘـﺘﻪ .. ﻫـ ﺍﻟﺸﻘﻪ ﺷﺎﺭﻳﻬﺎ ﻟﻪ ﻣﻦ ﺯﻣﺎﺍﻥ..
ﺍﺣﻴـﺎﻧﺎ ﻳﺒﻲ ﻳﺠﻠـﺲ ﻓﻲ ﻣﻜـﺎﻥ ﻟـ ﺣﺎﻟﻪ .. ﺑﺲ ﻫـ ﺍﻟﻤﺮﻩ ﻳﺤﺲ ﻣﺎﻟﻪ
ﺧﻠﻖ ﻟـ ﺃﻱ ﺷﻲ
ﻓﺘﺢ ﺟﻮﺍﻟﻪ ﻟﻘـﻰ ﺍﺗﺼـﺎﻝ ﻣﻦ ﺭﻳﻤـﺎ
ﺃﺗﺼـﻞ ﻋﻠﻴﻬﺎ
ﺭﻳﻤﺎ : ﺁﻟﻮﻭﻭ
ﺳﻌـﻮﺩ : ﻫﻼ ﺭﻳﻤﺎﺍ ..ﺩﺍﻗﻪ ﻋﻠﻲ؟؟
ﺭﻳﻤﺎ ﻣﻦ ﺳﻤﻌﺖ ﺻﻮﺕ ﺳﻌﻮﺩ ﻭﺑﺪﺕ ﺗﺼﻴـﺢ ﻳﻤﻜﻦ ﺗﺤﺲ ﺑـ ﺍﻻﻣـﺎﻥ
ﺑـ ﻭﺟﻮﺩﻩ ﺍﻭ ﺑﺲ ﺑـ ﺳﻤﺎﺍﻉ ﺻﻮﺗﻪ :ﺳﻌـﻮﺩ ﻋﺒﺪﺍﻟﻤﻠﻚ
ﺧﻄﺒﻨﻲ ..!!! ﻭﺵ ﺍﺳﻮﻱ؟؟
ﺳﻌﻮﺩ ﺍﻧﺼﺪﻡ ﻟﻬـ ﺍﻟﺪﺭﺟﻪ ﺟﺮﺉ ﻫـ ﺍﻻﻧﺴـﺎﻥ : ﻣﺘﻰ؟
ﺭﻳﻤﺎ : ﻣﻦ ﺗﻘﺮﻳﺒﺎ ﺍﺳﺒﻮﻋﻴﻦ ﺑﺲ ﻣﺎﻋﻄﻴﺘﻪ ﺭﺩ ﺗﻤﻮﻳﻪ ﻟـ ﻋﻤﻲ
ﺳﻌﻮﺩ :ﻋﻤﻚ؟؟ ..ﻭﺍﺑﻮﻙ
ﺭﻳﻤﺎ ﺑـ ﺳﺨﺮﻳﻪ : ﺍﺑﻮﻱ ﺗﻮﻓﻰ ﻣﻦ ﺯﻣﺎﺍﻥ
ﺳﻌﻮﺩ .: ﺁ .. ﺁﺁﺳﻒ ﺭﻳﻤﺎ ﻣﺎﻛﻨﺖ ﺍﺩﺭﻱ .. ﻋﻈﻢ ﺍﻟﻠﻪ ﺍﺟﺮﻙ
ﺭﻳﻤﺎ :ﺣﺘﻰ ﻟﻮ ﻋﺎﺍﻳﺶ ﻣﺎﺭﺍﺡ ﻳﺘﻐﻴﺮ ﺷﻲ ...
ﺳﻌـﻮﺩ ﻳﻐﻴﺮ ﺍﻟﻤﻮﺿﻮﻉ : ﻋﻨﺪﻙ ﻧﻴـﻪ ﺗﻮﺍﻓﻘﻴﻦ؟؟
ﺭﻳﻤﺎ : ﻣﺎﺃﻋﺮﻑ .. ﻣﺎﺃﺩﺭﻱ
ﺳﻌـﻮﺩ : ﻣﺸﻜﻠـﻪ ﺻﺮﺍﺍﺣﻪ ..ﻭﻻ ﻧﺎﻭﻳﻪ ﺗﺎﻭﻓﻘﻴﻦ؟؟
ﺭﻳﻤﺎ : ﺳﻌﻮﺩ ﺍﻧﺎ ﺁﺁﺳﻔﻪ ﻻﻧﻲ ﺩﺧﻠﺘﻚ ﻓﻲ ﻣﺸـﺎﻛﻞ ﺍﻧﺖ ﻓﻲ ﻏﻨﻰ
ﻋﻨﻬﺎﺍ
ﺳﻌـﻮﺩ :ﻫﺬﺍ ﻭﺍﺟﺒﻲ ﻳﺎﺭﻳﻤﺎﺍ ...ﻭﺍﻧﺎ ﻛـ ﻃﺒﻴﺐ ﻻﺯﻡ ﺍﺳـﺎﻋﺪ ﻣﺮﺿﺎﺍﻱ ..
ﺍﻧﺠﺮﺣﺖ ﺭﻳﻤﺎ ﻣﻨﻪ ﻛﻮﻧﻬﺎ ﻣﺠﺮﺩ ﻣﺮﻳﻀﻪ ﺑـ ﺍﻟﻨﺴﺒﻪ ﻟﻪ.. ﻭﻭﻻ ﺷﻲ ﺑـ
ﺣﻴﺎﺗﻪ
ﺭﻳﻤﺎ : ﺍﻧﺎ ﻓﻜﺮﺕ ﺍﺳـﺎﻓﺮ ﻭﺃﺑﻌـﺪ ﻋﻦ ﻛﻞ ﺷﻲ
ﺳﻌﻮﺩ : ﺗﻬﺮﺑﻴﻦ؟
ﺭﻳﻤﺎ : ﺍﻳﻪ ..ﺍﻟﻤﻬﻢ ﺍﺭﻭﻭﺡ ..! ﺍﻧﺎ ﻣﻠﺒﻘﻰ ﻟﻲ ﺷﻲ ﺧﻼﺍﺍﺹ
ﺳﻌـﻮﺩ :ﺭﻳﻤﺎ ﺍﺻﺒﺮﻱ ﻋﻠﻲ ﺷﻮﻱ ..ﺑـ ﺍﺣﺎﺍﻭﻝ ﺍﺣـﻞ
ﺍﻟﻤﺸﻜﻠﻪ ..ﺍﻭﻛﻲ؟ ..ﻭﺍﻥ ﻣﺎﻧﻔﻊ ﺳﺎﺍﻓﺮﻱ ﻭﺳﻮﻱ ﺍﻟﻠﻲ ﺗﺒﻴﻦ
ﺭﻳﻤﺎ :ﺍﻭﻛﻲ ..!
\
/
\
/
ﻓﻲ ﺍﻟﻴــﻮﻡ ﺍﻟﺜـﺎﻧﻲ ﺭﺟﻌـﻮﺍ ﻣﻼﻙ ﻭﻧـﺎﺻﺮ ﻃﺒﻌـﺎ ﺑﺪﻭﻥ ﺃﻱ ﻛﻼﺍﻡ
ﺑﻴﻨﻬﻢ .. ﻭﻭﻗﺖ ﺍﻟﻀﺮﻭﺭﻩ ﻧﺎﺻﺮ ﻫﻮ ﻳﺘﻜﻠﻢ ﺍﻭ ﻳﻠﻘﻲ ﺍﻻﻭﺍﻣﺮ ﻭﻣﻼﻙ
ﺗﻨﻔﺬ ﻣﻦ ﻏﻴﺮ ﻛﻼﻡ ..ﻭﺩﻣﻮﻭﻋﻬﺎ ﺗﻌﺮﻑ ﻣﺠﺎﺭﺍﻫﺎ ﻋﻠﻰ ﺧﺬﻫﺎ ﺍﻟﺤﺮﻳﺮﻱ
ﻭﺻﻠـﻮﺍ ﻟﻠـ ﺍﻟﺒﻴﺖ
ﺭﻏﺪ : ﻳـﺎﻫﻼ ﻭﻳﺎﻣﺮﺣﺒـﺎ..
ﻋﺰﺍﻡ : ﻫﻼﻫﻼﻫﻬﻼ ..ﺗﻮﻫﺎﺍ ﻣﺎﻧﻮﺭﺕ ﺍﻟﺮﻳــﺎﺽ
ﻧﺎﺻﺮ : ﻫﻬﻬﻬﻬﻬﻪ.. ﻣﻨﻮﺭﻩ ﺑـ ﺍﻫﻠﻬﺎﺍ ..
ﺍﺷﺮ ﻧﺎﺻﺮ ﻟـ ﺭﻏﺪ ﺍﻧﻬﺎﺍ ﺗﺎﺧﺬ ﻣﻼﻙ ﻟـ ﺍﻟﻐﺮﻓﻪ
ﻻ ﺍﺭﻳﺪ ﺍﻥ ﺍﺻﺪﻕ ﺍﻟﺨﺒﺮ
ﻻ ﺍﺭﻳﺪ ﺍﻥ ﺍﻓﻬﻢ ﻣﻌﻨﻰ ﺍﻧﻪ ﺫﻫﺐ ﺑﻼ ﺭﺟــــﻮﻉ
ﻻ ﺍﺭﻳﺪ ﺍﻥ ﺍﻋﻲ ﻣﻌﻨﻰ ﺍﻥ ﺍﻣﻲ ﺗﺄﻥ ﺍﻟﻢ ﻭﺣﺰﻥ ﻭﺍﺑﻲ ﺫﻫﺐ
ﻻ ﺍﺭﻳﺪ ﺍﻥ ﺍﺭﻯ ﺍﻟﻌﺎﻟﻢ ﻣﻦ ﺣﻮﻟﻲ ﺿﻌﻴﻒ ﺍﻣﺎﻡ ﻫﺬﺍ ﺍﻟﺨﺒﺮ ﺍﻟﻘــﻮﻱ
ﺃﺣﺒﻪ ﺭﻏﻢ ﺍﻧﻪ ﻟﻢ ﻳﻌﺪ ﻳﺴﺘﻨﺸﻖ ﻫﻮﺍﺀ ﻫﻮ ﻫﻮﺍﺀﻧـﺎ
ﻭﻻ ﻳﺴﻜﻦ ﻓﻮﻕ ﺍﺭﺽ ﻫﻲ ﺍﺭﺿﻨــﺎ
ﺭﺣﻤﻚ ﺍﻟﻠﻪ ﻳﺎ ﻣﻦ ﺳﺮﻯ ﺑﺪﻣﻲ ﺣﺒﻪ "ﺍﻻﺑﻮﻱ " ﺍﻟﺼـــﺎﺩﻕ
ﺃﺣﺒﻚ
ﺍﺑﻮﻧﺎﺻﺮ : ﻭﺵ ﻓﻲ ﻣﺮﺗﻚ ﻳﺎﻧﺎﺻﺮ؟؟
ﻧﺎﺻﺮ :ﻻﺑﺲ ﺗﻌﺒﺎﺍﻧﻪ ﻣﻦ ﺍﻟﺴﻔﺮ
ﺍﺑﻮ ﻧﺎﺻﺮ : ﻻﻳﻜﻮﻭﻥ ﻣﺰﻋﻠﻬﺎﺍ؟؟
ﻧﺎﺻﺮ :ﻻﻳﺒﻪ ﻣﻼﻙ ﻓﻲ ﻋﻴﻮﻧﻲ
ﺍﺑﻮ ﻧﺎﺻﺮ ﺑـ ﺷﻚ : ﺍﺑﺮﻭﺡ ﺍﺷﻮﻑ
ﻧﺎﺻﺮ : ﻣﻮ ﻻﺯﻡ ﻳﺒﻪ ﺗﻌﺎﺍﻝ ﺍﻧﺎ ﻣﺸﺘﺎﺍﻕ ﻟﻚ ﻣﻮﻭﺕ
ﺍﺑﻮ ﻧﺎﺻﺮ : ﺍﻧﺖ ﻻﺣﻖ ﻋﻠﻴﻚ .. ﺍﺑﺮﻭﺡ ﺍﺳﻠﻢ ﻋﻠﻰ ﺑﻨﺖ ﺍﺧﻮﻱ ﻭﻣﺮﺓ
ﻭﻟﺪﻱ
ﺭﻏﺪ : ﻭﺵ ﻓﻴﻚ ﻣﻠﻮﻭﻛﻪ
ﻣﻼﻙ ﻭﻫﻲ ﺟﺎﻟﺴﻪ ﻉ ﺍﻟﺴﺮﻳﺮ ﻭﻋﻴﻮﻧﻬﺎﺍ ﺍﻟﻤﻠﻴﺎﺍﻧﻪ ﺑـ ﺍﻟﺪﻣﻮﻭﻉ : ﻣـﺎﺕ
ﺭﻏﺪ ﺍﺭﺗﺎﺍﻋﺖ : ﻣﻨﻬﻮﻭ؟
ﻣﻼﻙ :ﺃﺑﻮﻭﻱ ..! ﻣﺎﺕ ﻳﺎﺭﻏﺪ
ﺭﻏﺪ ﺭﺍﺣﺖ ﻟﻬﺎ ﻭﺿﻤﺘﻬﺎﺍ .. ﺍﻛﺜﺮ ﻣﻦ ﻣﻤﻜﻦ ﻳﻌﺮﻑ ﻣﺸﺎﻋﺮﻫﺎﺍ ﺭﻏﺪ
ﻻﻧﻬﺎﺍ ﻓﻘﺪﺕ ﺍﻣﻬﺎﺍ ﺑﻌﺪ ﻣﻦ 3 ﺳﻨﻴﻦ ﺑﺲ ..
ﺭﻏﺪ : ﺍﻟﻠﻪ ﻳﺮﺣﻤـﻪ ... ﺍﺩﻋﻲ ﻟﻪ ﺑـ ﺍﻟﺮﺣﻤـﻪ ﻳﺎﺭﻏﻮﻭﺩﻩ
ﺩﺧﻞ ﺍﺑﻮ ﻧﺎﺻﺮ ﻭﺷﺎﻑ ﻣﻼﻙ ﺑﻬـ ﺍﻟﻮﺿﻊ
ﺍﺑﻮ ﻧﺎﺻﺮ : ﻣﻼﻙ ﻳﺎﺑﻨﻴﺘﻲ ﻭﺵ ﻓﻴﺘﺲ؟؟
ﻣﻼﻙ ﻭﻫﻲ ﺗﺼﻴﺢ : ﺍﺑﻮﻱ ..! ﺧﻼﺍﺹ ﻣﺎﺕ
ﺍﺧﺬ ﺍﺑﻮ ﻧﺎﺻﺮ ﻣﻼﻙ ﻟـ ﺣﻀﻨﻪ ﻭﻣﺴﺢ ﻋﻠﻰ ﺷﻌﺮﻫﺎﺍ ... ﻫـ ﺍﻟﺒﻨﺖ
ﻳﺘﻴﻤﻪ ﻭﻟﻮ ﺗﺒﻠﻎ ﺍﻟـ 30 ﺑﺘﻈﻞ ﻳﺘﻴﻤﻪ ﻓﻲ ﻧﻈﺮﻩ
ﺍﺑﻮ ﻧﺎﺻﺮ : ﺍﻓﺎﺍ ﻳﺎﻣﻼﻙ .. ﺍﻧﺎ ﺍﺑـﻮﻙ.. ﺍﻱ ﺷﻲ ﺗﺒﻴﻨﻪ ﻗﻮﻟﻲ ﻟﻲ ﻳﺒـﻪ ﺍﺑﻐﺎﺍ
ﻭﺍﻧﺎ ﺍﺟﻴﺒﻪ ﻟﻚ
ﻣﻼﻙ : ﻳﺒـﻪ؟
ﺍﺑﻮ ﻧﺎﺻﺮ : ﺍﻳﻪ ﻗﻮﻟﻲ ﻟﻲ ﻳﺒـﻪ
ﺍﺑﺘﺴﻤﺖ ﺭﻏﺪ ﻭﻫﻲ ﺗﺸﻮﻑ ﻣﻼﻙ ..ﺑﺲ ﻗﻄﻊ ﻋﻠﻴﻬﺎ ..
ﺻﻮﺕ ﺟـﻮﺍﻟﻬﺎ ﺑـ ﺭﻗﻢ ﻏﺮﻳﺐ..
ﻋﻘﺪ ﺣﻮﺍﺟﺒﻬﺎﺍ..
ﻃﻠﻌﺖ ﺑﺮﺍ ﻋﺸـﺎﻥ ﺗﺮﺩ.. ﻇﻐﻄﺖ ﻋﻠﻰ ﺭﺯ ﺍﻟﺮﺩ.. ﺑﺲ ﻣﺎﺗﻜﻠﻤﺖ
ﺍﻟﺼﻮﺕ : ﺁﻟﻮﻭ؟؟
ﻛﺎﻥ ﺻﻮﺕ ﺭﺟـﺎﻝ
ﺍﻟﺮﺟـﺎﻝ : ﻫﻼ ﺭﻏـﺪ ..!ﻟـﻴﻪ ﻣﺎﺗﺮﺩﻳﻦ؟
ﺭﻏﺪ : ﻣﻴﻦ؟
ﺍﻟﺮﺟﺎﻝ : ﺍﻓﺎﺍ ..!ﻣﺴﺮﺭﻉ ﻣﺎﻧﺴﻴﺘﻲ ﺻﻮﺗﻲ؟
ﺭﻏﺪ ﻭﻛﺄﻧﻬﺎ ﺗﺬﻛﺮﺕ ﺻﺎﺣﺐ ﺍﻟﺼﻮﺕ : ﺍﻧﺖ !؟؟
ﺍﻟﺮﺟﺎﻝ :ﻫﻬﻬﻪ ﻻﺯﻡ ﺗﻨﺴﻴﻦ.. ﺍﺳﻤﻲ ﺗﺮﻛــــﻲ <<!ﻳﺎﺧﻒ ﺩﻣﻲ
ﺭﻏﺪ : ﻭﺍﻟﻤﻄﻠﻮﺏ ﻃﻴﺐ ... ﻳﺎﺧﻲ ﺍﻧﺖ ﻣﺎﻓﻴﻚ ﺫﺭﺓ ﺭﺟﻮﻟﻪ ﺗﺪﻕ ﻋﻠﻲ
ﺑﻨﺎﺕ ﺍﻟﻨﺎﺍﺱ؟؟ ..ﻣﺎﻋﻨﺪﻙ ﺧﻮﺍﺕ؟
ﺗﺮﻛﻲ : ﻻﻻ ..ﺗﺮﺍ ﺍﺯﻋﻞ ﻣﻨﻚ ﺭﻏﻮﻭﺩﻩ ..
ﺭﻏﺪ ﺭﻏﺪ ﺧﺎﻓﺖ ﻣﻦ ﻧﺒﺮﺗﻪ ﺍﻟﻮﺍﺛﻘﻪ : ﻻ ﻳﻜﺜـﺮ ﺑﺲ
ﻭﺳﻜــــﺮﺕ ﺍﻟﺨﻂ ﻓﻲ ﻭﺟﻬﻪ
ﻧﺰﻝ ﺗﺮﻛﻲ ﺍﻟﺴـﻤﺎﻋﻪ ﻣﻦ ﺍﺫﻧﻪ ﻭﺍﺑﺘﺴﺎﺍﻣﺘﻪ ﻣﻮ ﻣﻔﺎﺭﻗﻪ ﻭﺟﻬﻪ
\
/
\
/
ﻣﺮ ﺍﺳﺒﻮﻋﻴﻦ ..
ﻧﺎﺻﺮ ﻛﺎﻥ ﻧﺎﻭﻱ ﺍﻧﻪ ﻳﺮﻭﺡ ﻟـ ﺳﻌﻮﺩ ﻳﺴﺄﻟﻪ ﻋﻦ ﺣﺮﻛﺘﻪ ﻓﻲ ﻣﻼﻙ ﻫﻞ
ﺻﺢ ﺍﻭ ﺧﻄـﺄ .. ﺍﻭ ﻳﻤﻜﻦ ﺗﺄﺛﺮ ﻋﻠﻰ ﺻﺤﺘﻬﺎ ﺍﻭ ﻧﻔﺴﻴﺘﻬﺎ .. ﺍﻟﻰ ﺍﻻﻥ
ﻣﺎﻋﺮﻑ ﻛﺎﻧﻬﺎ ﺭﺟﻌﺖ ﻣﺜﻞ ﺍﻭﻝ ﺍﻭ ﻻ
ﺗﺬﻛﺮ ﺍﻧﻬﻢ ﻃﻮﻝ ﻫـ ﺍﻻﺳﺒﻮﻋﻴﻦ ﻣﺎﻳﺘﻜﻠﻤﻮﻥ ﺍﺑﺪ ..ﻭﺍﻥ ﺍﻟﺒﻴﻨﻬﻢ ﻣﻦ
ﻛﻼﻡ ﻛﻠﻪ ﻣﻦ ﻃﺮﻑ ﻧﺎﺻﺮ ﻭﺑﺲ ﺍﻣﺎ ﻣﻼﻙ ﻭﺗﻨﻄـﻖ ﺑـ ﻭﻻ ﻛﻠﻤﻪ
ﻧﺰﻝ ﻧﺎﺻﺮ ﺍﻟﺪﺭﺟﺎﺕ ﻭﻫﻮ ﻳﻬﺮﻭﻝ ﻻﻧﻪ ﺗﺄﺧﺮ ﻉ ﺍﻟﺸﻐﻞ.. ﺍﺧﺬ ﻟﻪ
ﻓﻄﺎﻳﺮ ﻉ ﺍﻟﺴﺮﻳﻴﻴﻊ ﻭﺭﺍﺡ ﻟـ ﺷﻐﻠﻪ ﺣﺘﻰ ﻣﻦ ﻏﻴﺮ ﻻ ﻳﻘﻮﻝ ﺑـﺎﺍﻱ ..
ﺭﻏﺪ :ﻳﺎﺍﻭﻳﻠﻲ ﺭﺍﺍﺡ ... ﻣﻦ ﻳﻮﺩﻳﻨﻲ ﺍﻟﺠﺎﻣﻌﻪ ﺍﻟﺤﻴﻦ؟
ﻣﻼﻙ : ﺩﻗﻲ ﻋﻠﻴﻪ ﻃﻴﺐ؟
ﺍﺑﻮ ﻧﺎﺻﺮ : ﺧﻼﺍﺍﺹ ﺍﻧﺎ ﺍﻭﺩﻳﻚ ..ﻳﻠﻼ
ﺭﻏﺪ ﻭﻫﻲ ﺗﺎﺧﺬ ﻋﺒﺎﻳﺘﻬﺎﺍ :ﻣﻼﻙ ﻣﺎﺭﺍﺡ ﺗﺮﻭﺣﻴﻦ ﻟـ ﺍﻟﻤﺪﺭﺳﻪ؟؟
ﻣﻼﻙ : ﻻ .. ﺍﺑﺮﺗﺎﺍﺡ ﺍﻟﻴﻮﻡ
ﺭﻏﺪ :ﺍﻭﻛﻲ ﺑﺮﺍﺣﺘﻚ ..ﻳﻠﻼ ﺑﺎﻱ
ﻭﻃﻠﻌـﺖ !..
ﺭﻛﺒﺖ ﺳﻴﺎﺭﺓ ﺍﺑـﻮﻫﺎﺍ ..ﻭﺭﻥ ﺟﻮﺍﻟﻬﺎ
ﺍﻟﻤﺘﺼﻞ << ﺭﻗﻢ ﺗﺮﻛﻲ
ﺭﻏﺪ : ﺍﻓﻔﻔﻔﻔﻒ ... ﻧﺸﺒـﻪ
ﺍﺑﻮ ﻧﺎﺻﺮ : ﻣﻴﻦ؟
ﺭﻏﺪ : ﻫﺎﻩ ..! ﻻ ﻭﺣﺪﻩ ﻣﻦ ﺍﻟﺒﻨﺎﺕ ﺩﺍﺍﻳﻢ ﺗﺪﻕ ﺗﺒﻲ ﺗﻨﻘﻞ ﻣﻨﻲ
ﻣﺤﺎﻇﺮﺍﺗﻲ
ﺍﺑﻮ ﻧﺎﺻﺮ : ﻃﻴﺐ ﺻﻴﺮﻱ ﻛﺮﻳﻤﻪ ﻭﻋﻄﻴﻬﺎ
ﺭﻏﺪ : ﻻﻻ .. ﻫﻲ ﺩﺍﺍﻳﻢ ﺗﻀﻴّﻌﻬﻢ
\
/
\
/
- ﻛﻴﻒ ﺍﺟﻬﺮ ﻳﻤﻪ ﻭﺍﻧﺎ ﻣﺪﺭﻱ ﻣﺘﻰ ﺣﻈﺮﺗﻪ ﻳﺮﺟﻊ؟؟
ﺍﻡ ﻓﻬﺪ : ﺩﺍﻣﻚ ﻣﺎﺗﺒﻴﻨﻪ ﻟﻴﻪ ﺗﺮﺩﻳﻦ ﻓﻠﻮﺱ ﺍﺑﻮ ﻧﻮﺭﻩ ﺍﻟﻤﺴﻴﻜﻴﻦ ﻣﺠﺘﻬﺪ
ﻭﺟﺎﻳﺒﻬﺎﺍ
ﻣﺸﺎﻋﻞ :ﺍﺣﻨﺎ ﻣﻮ ﺑﺤﺎﺟﺘﻪ.. ﺍﻟﻤﻬﻢ ﻣﺘﻰ ﺑﻴﺮﺟﻊ ﺯﻳﺎﺩ ﺍﻟﻌﺰﻳﻤﻪ ﺍﻟﻠﻲ
ﺍﻟﻤﻔﺮﻭﺽ ﺗﻜﻮﻥ ﺯﻭﺍﺟﻲ ﺑﻌﺪ ﺗﻘﺮﻳﺒﺎ ﺍﺳﺒﻮﻉ ﻭﺣﻈﺮﺗﻪ ﻣﺎﺷﺮﻑ ﻣﻦ
ﺍﻟﻤﺎﻧﻴﺎ
ﺍﻡ ﻓﻬﺪ : ﻳﻘﻮﻝ ﻣﺎﺟﺪ ﺍﻧﻪ ﺑﻴﻮﺻﻞ ﺍﻟﻴﻮﻡ ﺍﻥ ﺷﺎﻟﻠﻪ ﻓـ ﺍﻟﻠﻴﻞ
ﺍﻭﻝ ﻣﺎﻧﻄﻘﺖ ﺍﻡ ﻓﻬﺪ ﺍﺳﻢ ﻣﺎﺟﺪ ﺩﺧـﻞ ..
ﻣﺎﺟﺪ :ﺍﻟﺴـﻼﻡ ﻋﻠﻴﻜﻢ
ﺍﻟﻜﻞ :ﻭﻋﻠﻴﻜﻢ ﺍﻟﺴـﻼﺍﺍﻡ
ﻣﺎﺟﺪ ﺍﻭﻝ ﻣﺎﺩﺧﻞ ﻋﻠﻰ ﻃﻮﻭﻝ ﺭﺍﺡ ﻟـ ﺩﺭﺝ ..
ﺍﻡ ﻓﻬﺪ :ﻭﺭﺍﻙ ﻧﺎﺻﻲ ﺍﻟﺪﺭﺝ ﻋﻠﻰ ﻃﻮﻭﻝ ﺍﺟﻠﺲ ﻣﻌﻨﺎ ﻳﺎﻛﺎﻓﻲ
ﻣﺎﺟﺪ ﻭﻭﺍﺿﺢ ﺍﻧﻪ ﻳﻔﻜﺮ : ﻻ .. ﺍﺑﺮﻭﺡ ﺍﻧﺎﺍﻡ "..ﻭﺗﻮﻩ ﺑﻴﺮﻗﻰ ﺑﺲ ﺗﺬﻛﺮ
ﺷﻲ .."ﻳﻤﻪ ﺗﺮﺍ ﺍﻟﺒﻨﺖ ﺭﻓﻀﺖ
ﺍﻡ ﻓﻬﺪ ﺣﻄﺖ ﻳﺪﻫﺎ ﻋﻠﻰ ﺻﺪﺭﻫﺎ :ﻫﻮ ..!ﻫﻤﺎﻫﺎ ﻭﺍﻓﻘﺖ؟؟
ﻣﺎﺟﺪ :ﺃﻳـﻪ ﺑﺲ ﺻﺎﺭﺕ ﺗﺒﻲ ﺗﻜﻤﻞ ﺩﺭﺍﺳﺘﻬﺎﺍ
ﺍﻡ ﻓﻬﺪ :ﻣﻮﺏ ﻟﻌﺐ ﻋﻴـﺎﻝ ﻫﻮ.. ﺗﻘﻮﻝ ﻣﻮﺍﻓﻘﻪ ﺛﻤﻦ ﺗﻬﻮّﻥ
ﻣﺎﺟﺪ : ﺍﻧﺎ ﻋﺎﺫﺭﻫﺎﺍ ..
ﻭﺭﺍﺍﺡ ﻓﻮﻕ
ﺟﻠﺴﺖ ﺍﻡ ﻓﻬﺪ ﻭﻫﻲ ﺗﺤﻠﻄﻢ..
ﻣﺸﺎﻋﻞ : ﻫﻬﻬﻬﻬﻬﻬﻪ..ﻳﻤﻪ ﺧﻼﺍﺍﺹ ﺩﻭﺭﻱ ﻟﻪ ﻭﺣﺪﻩ ﺛﺎﻧﻴﻪ
ﺍﻡ ﻓﻬﺪ :ﻣﺎﺃﻇﻦ ﻣﺎﺟﺪ ﺑﻴﻮﺍﻓﻖ ... ﺍﻟﻠﻪ ﻛﺮﻳﻢ ... ﺍﻟﻠﻪ ﻛﺮﻳﻢ
\
/
\
/
ﺍﻟﺴــﺎﻋﻪ 2 ﺍﻟﻈﻬﺮ ﻭﻗﺖ ﺧﺮﻭﺝ ﺭﻏﺪ ﻣﻦ ﻣﺤﺎﻇﺮﺗﻬﺎﺍ ..
ﺍﺗﺼﻠﺖ ﻋﻠﻰ ﻧﺎﺻﺮ ﺍﻟﻠﻲ ﺟﺎﻫﺎ ﺑﻌﺪ ﻣﺎﻟﻄﻌﻬﺎ ﺷﻮﻱ ﻉ ﺍﻟﺸﻤـﺲ
ﻃﻠﻌﺖ ﻟﻘﺘﻪ ﻳﻮﺳﻠﻒ ﻣﻊ ﻭﺍﺣﺪ ﻃﻮﻳـﻞ ﺍﻟﻘــﺎﻣﻪ ﻭﻋﺮﻳﺾ ﻭﻧﻈﺎﺭﻩ
ﺷﻤﺴﻴـﻪ ﻣﺨﻔﻴﻪ ﻧﺺ ﻣﻼﻣﺤﻪ
ﻧﺎﺻﺮ ﺍﺷﺮ ﻟـ ﺭﻏﺪ ﺍﻧﻬﺎ ﺗﺮﻛﺐ ﻋﻠﻰ ﻣﺎﻳﻜﻠﻢ ﺍﻟﺮﺟـﺎﻝ
ﺩﻗﻘﺖ ﺭﻏﺪ ﻓﻲ ﻭﺟﻬﻪ ... ﻋﺮﻓﺘﻪ ..ﺗﺮﻛﻲ؟ .. ﻭﺵ ﺟﺎﺑﻪ ﻋﻨﺪ
ﻧﺎﺻﺮ؟؟ ...ﻭﻛﻴﻒ ﻳﻌﺮﻓﻪ
ﺛـﻮﺍﻧﻲ ﻭﺭﻛﺐ ﻧﺎﺻﺮ
ﻧﺎﺻﺮ : ﺁﺁﺳﻒ ﺗﺄﺧﺮﺕ ﻋﻠﻴﻚ؟
ﺭﻏﺪ ﻧﺴﺖ ﺍﻟﻠﻄﻌﻪ ﺍﻟﻠﻲ ﺍﻧﻄﻌﺘﻬﺎ ﺗﻮ : ﻻ .. ﻣﻦ ﻫﺬﺍ؟
ﻧﺎﺻﺮ :ﻫﺬﺍ ﻋﻢ ﺻﺪﻳﻘﺘﻚ ﺑﻨﺖ ﺍﻟـ ( ..... )
ﺭﻏﺪ : ﺍﻫﺎﺍ .. ﻭﺵ ﻋﺮﻓﻚ ﻓﻴﻪ؟
ﻧﺎﺻﺮ :ﺍﺑﺪ ...! ﺃﻟﺮﺟـﺎﻝ ﺑﺎﻳﻦ ﺍﻧﻪ ﻭﻟﺪ ﻧﺎﺍﺱ ﻭﻣﺤﺘﺮﻡ .. ﺟﻠﺲ ﻳﺴﻮﻟﻒ
ﻣﻌﻲ ... ﻋﺎﺩ ﺗﺼﺪﻗﻴﻦ ﻓﻲ ﺍﻟﺒﺪﺍﻳﻪ ﺍﺳﺘﺜﻘﻠﺖ ﺩﻣﻪ ﺑﺲ ﺑﻌﺪﻳﻦ ﻭﺍﻟﻠﻪ
ﺍﻧﻪ ﻭﺳﻴـﻊ ﺻﺪﺭ ..ﺃﺳﻤﻪ ﺗﺮﻛﻲ
ﺭﻏﺪ ﺑـ ﻻﻣﺒﺎﻻﻩ :ﺍﻫﺎﺍ !..
\
/
\
/
- ﺣﻠﻮﻭ ..ﻳﻌﻨﻲ ﻓﻜﻴﺘﻲ ﻋﻤﺮﻙ
ﺩﺍﻧﻪ : ﺍﻳﻪ ﺍﻟﺤﻤﺪﺍﻟﻠﻪ ﺍﻧﻚ ﻧﺒﻬﺘﻴﻨﻲ ﻭﻻ ﻛﺎﻥ ﺗﺰﻭﺟﺘﻪ ﻭﺑﺤﻠﺖ ﺑـ ﻋﻤﺮﻱ
ﻣﻨﻰ : ﺍﻣﻤﻤﻤﻤﻤﻤﻢ ...ﺳﺎﻋﺎﺕ ﺍﻟﻮﺍﺣﺪ ﻳﺤﺘﺎﺍﺝ ﻣﺦ ﺯﻱ ﻣﺨﻲ ﻋﺸﺎﺍﻥ
ﻳﻔﻜﺮ
ﺩﺍﻧﻪ :ﻳﺎﻟﺜﻘﻪ
ﻣﻨﻰ :ﺧﺨﺦ .. ﺍﻟﻤﻬﻢ ﺍﻣﻚ ﻭﺵ ﻗﺎﻟﺖ ﻳﻮﻡ ﺩﺭﺕ ﺍﻧﻚ ﻣﺎﺗﺒﻴﻨﻪ
ﺩﺍﻧﻪ :ﺍﺑﺪ ﺍﺧﺬﺕ ﻟﻲ ﺗﻬﺰﻳﺌﺘﻴﻦ ﺣﻠﻮﻭﺍﺕ.. ﻭﺑٍﺲ.. ﻣﺴﺘﺤﻴﻞ ﺍﻣﻲ
ﺗﻐﺼﺒﻨﻲ ﻋﻠﻰ ﺷﻲ
\
/
\
/
- ﻫﻼ ﻳﻤـﻪ ...! ﺍﻟﻠﻪ ﻳﺴﻠﻤﻚ
ﺍﻡ ﻣﻼﻙ ﻣﺎﺳﻜـﻪ ﺍﻟﺴﻤﺎﻋﻪ :ﻭﺍﻟﻠﻪ ﻳﺎﻣﻼﻙ ﺍﻟﺒﻴﺖ ﺑﻼﻙ ﻭﻻ ﺷﻲ ..ﺣﺘﻰ
ﻣﺸـﺎﺭﻱ ﻓﻘﺪﻙ
ﻣﻼﻙ : ﻫﻬﻬﻪ.. ﻳﻤـﻪ ﺍﻧﺎ ﺻﺎﺭ ﻟﻲ 4 ﺷﻬﻮﺭ ﻣﺎﻃﻠﻌﺖ ﻣﻦ ﻏﺮﻓﺘﻲ
ﺍﻡ ﻣﻼﻙ ﺍﺳﺘﺎﻧﺴﺖ ﺍﻧﻬﺎ ﺧﻼﺍﺹ ﻣﻌﺪ ﺗﻘﻮﻝ" ﻗﺒﺮﻱ :" ﺑﺲ ﻭﺍﻟﻠﻪ ﻟﻚ
ﻓﻘﺪﻩ
ﻣﻼﻙ :ﺍﻭﻛﻲ ﻳﻤـﻪ ﺍﺑﻜﻠﻢ ﻣﻴﺸﻮﻭ ﺑﺪﻙ ﺷﻲ؟
ﺍﻡ ﻣﻼﻙ : ﻻ ﺳـﻼﻣﺘﻚ ﻭﻧﺘﺒﻬﻲ ﻋﻠﻰ ﻧﻔﺴﻚ ﻭﻧﺎﺻﺮ
ﻣﻼﻙ :ﺍﻥ ﺷﺎﻟﻠﻪ
ﺍﻡ ﻣﻼﻙ : ﻣﻊ ﺍﻟﺴـﻼﻣﻪ
ﺳﻜﺮﺕ ﻣﻼﻙ ﻣﻦ ﺍﻣﻬﺎﺍ ﻭﻛﻠﻤﺖ ﺑﻨﺖ ﻋﻤﻬﺎﺍ ﺍﻟﻠﻲ ﺗﺤﺒﻬﺎﺍ ﻣﺜﻞ ﺃﺧﺘﻬﺎﺍ
ﺍﻭ ﺍﻛﺜﺮ .. ﻣﺸـﺎﻋﻞ
\
/
\
/
ﻣـﻦ ﺑﻜﺮﻩ ﻭﻓﻲ ﺍﻟﻴﻮﻡ ﺍﻟﺜـﺎﻧﻲ ..
ﺭﻏﺪ ﺗﻜﻠﻢ ﻧﺎﺻﺮ ﺍﻟﻠﻲ ﻟﻲ ﺍﻟﺤﻴﻦ ﻣﺎﺟﺎﺍﻫﺎﺍ..
ﺭﻏﺪ :ﻳﺎﻟﻠﻪ ﻳﺎﻧﺎﺻﺮ .. ﻣﺘﻰ ﺗﺠﻲ ﻳﻌﻨﻲ؟
ﻧﺎﺻﺮ : ﺍﻭﻛﻲ ﺍﻭﻛﻲ ﻫﺬﺍﺍﻧﻲ ﻃﺎﻟﻊ ﺍﻟﺤﻴﻦ ﻣﻦ ﺍﻟﺸﻐـﻞ
ﺭﻏﺪ : ﺍﻓﻔﻒ ... ﻣﻨﻚ ..!ﻳﻠﻼ ﺍﻧﺘﻈﺮﻙ
ﻃﻠــﻊ ﻧﺎﺻﺮ ﻣﻦ ﺍﻟﺸﻐﻞ ﻭﺭﻛﺐ ﺳﻴﺎﺭﺗﻪ ...
ﻟﻢ ﻣﺸـﻰ ﺷﻮﻱ ﺣﺲ ﺍﻥ ﻓﻲ ﺷﻲ ﻣﻮ ﻃﺒﻴﻌﻲ .. ﻟﻢ ﺷﺎﺍﻑ ﻟﻘـﻰ ﺍﻥ
ﻛﻔﺮﺍﺕ ﻣﻨﺴﻤﻪ << ﻟﻮﻭﻝ .. k.s.a
-ﻳﻌﻨﻲ ﺍﻟﺘﺎﻳﺮ ﺍﻭ ﺍﻟﻜﻔﺮ ﺍﻭ ﺍﻻﻃﺎﺭ ﻣﺎﻓﻴﻪ ﻫﻮﺍﺍ ..ﻟﻮﻭﻭﻝ -
ﻭﻗﻒ ﻧﺎﺻﺮ ﻣﺎﻳﺪﺭﻱ ﻭﺵ ﻳﺴﻮﻱ ﺭﻏﺪ ﻫﻨـﺎﻙ ﻣﻌﻌﺼﺒﻪ ﻣﺮﺭﻩ
ﻳـﺄﺱ ﺍﺧﺮﺗﻬﺎ ﻓﻜﺮ ﻳﺎﺧﺬ ﺗﺎﻛﺴﻲ .. ﺑﺲ ﺍﻟﻤﻜﺴﻴﻦ ﻭﻗﻒ ﺭﺑﻊ ﺳﺎﺍﻋﻪ
ﻋﻨﺪ ﺍﻟﺸﻤـﺲ ..ﻭﻻ ﻓﻲ ﺍﺻﺮ ﻟـ ﺃﻱ ﺗﺎﻛﺴﻲ..
ﻣﺮﺕ ﻣﻦ ﺟﻨﺒﻪ ﺳﻴﺎﺭﻩ ﻓﺨﻤـﻪ ... ﺭﻭﺯﺭﺍﻳﺰ ...
ﻭﻗﻒ ﺻﺎﺣﺒﻪ ﺑـ ﺟﻨﺐ ﻧﺎﺻﺮ ﻭﻟﻢ ﻓﺘﺢ ﺍﻟﺸﺒـﺎﻙ ..ﻋﺮﻓﻪ ﻧﺎﺻﺮ ﻋﻠﻰ
ﻃﻮﻭﻝ
ﺗــــــﺮﻛﻲ !
ﺗﺮﻛﻲ :ﻫﻼ ﻭﺍﻟﻠﻪ ..ﻳﺎﻣﺤﺎﺍﺳﻦ ﺍﻟﺼﺪﻑ
ﻧﺎﺻﺮ :ﻫﻬﻬﻬﻬﻬﻪ .. ﻳﺎﻫﻼ ﺑﻚ
ﺗﺮﻛﻲ : ﺍﺧﺒﺎﺭﻙ؟؟
ﻧﺎﺻﺮ :ﻭﺍﻟﻠﻪ ﺗﻤﺎﻡ ..
ﺗﺮﻛﻲ : ﻫﻬﻬﻬﻪ.. ﻣﻮﺏ ﺷﻜﻠﻚ ﺍﺑﺪ ﺗﻤـﺎﻡ
ﻧﺎﺻﺮ ﻳﻨﺎﻇﺮ ﺳﻴﺎﺭﺗﻪ :ﻭﺍﻟﻠﻪ ﺍﻟﻜﻔﺮ ﻣﻨﺴﻢ ﺍﻟﻠﻪ ﻳﺎﺧﺬﻩ
ﺗﺮﻛﻲ : ﺍﻓﺎﺍ ...! ﺣﻈﻚ ﺷﻴﻦ ﺍﻟﻴﻮﻡ
ﻧﺎﺻﺮ : ﺍﻧﺎ ﺍﺷﻬﺪ
ﺗﺮﻛﻲ : ﺍﺭﻛﺐ ﺍﻧﺎ ﺑﻌﺪ ﺭﺍﻳﺢ ﻟـ ﺍﻟﺠﺎﻣﻌﻪ
ﻧﺎﺻﺮ : ﻭﺵ ﺩﺭﺍﻙ ﺍﻧﻲ ﺭﺍﻳﺢ ﺍﻟﺠﺎﻣﻌﻪ؟
ﺗﺮﻛﻲ ﺍﺭﺗﺒﻚ : ﻫﺎﻩ ..! ﺍﻳﻪ ﺧﻤﻨﺖ ﻻﻥ ﺍﺧﺘﻚ ﻣﻊ ﺑﻨﺖ ﺍﺧﻮﻱ
ﻧﺎﺻﺮ ﻣﺴﺘﻐﺮﺏ ﻣﻨﻪ ﺍﻟﻠﻲ ﻓﻲ ﻣﺜﻞ ﻃﺒﻘﺘﻪ ﻣﺎﻳﺮﻭﺡ ﻳﺠﻴﺐ ﺑﻦ ﺗﺎﺧﺘﻪ
ﺍﻭ ﺣﺘﻰ ﺍﺧﺘﻪ ﻣﻦ ﺍﻟﺠﺎﻣﻌﻪ .. ﻻﻥ ﺍﻟﻠﻲ ﻣﺜﻠﻬﻢ ﻳﻜﻮﻥ ﻋﻨﺪﻫﻢ 100
ﺳﻮﺍﻕ ﻭﺳﻴﺎﺭﻩ
ﺭﻓﺾ ﻧﺎﺻﺮ ﺍﻧﻪ ﻳﺮﻛﺐ ﺑﺲ ﺗﺮﻛﻲ ﺍﺻﺮ ﺍﻧﻪ ﻳﺮﻛﺐ .. ﻭﺑﻌﺪﻫﺎ ﺍﻧﺼﺎﺍﻉ
ﻧﺎﺻﺮ ﻟﻪ ﻭﺭﻛﺐ
"ﻋﻨﺪ ﺭﻏﺪ"
ﺭﻏﺪ ﺗﻨﻈﺮ ﺳﺎﻋﺘﻬﺎ : ﺍﻓﻔﻔﻒ .. ﻻﺣﻮﻭﻝ ﻭﻳﻨﻪ ﺫﺍ؟؟ ...
ﺭﻥ ﺟﻮﺍﻝ ﺭﻏﺪ ﺍﺳﺘﺎﺍﻧﺴﺖ ﻋﻠﻰ ﺑﺎﻟﻬﺎ ﻧﺎﺻﺮ
ﺍﻟﻤﺘﺼـﻞ <<ﻣﻠﻮﻭﻛﻪ
ﺭﻏﺪ :ﻫﻼ ﻟﻮﻭﻭﻛﻪ
ﻣﻼﻙ :ﻫﻼ ﺭﻏﺪ ﻭﻳﻨﻚ؟؟
ﺭﻏﺪ :ﺍﻧﺘﻈﺮ ﻧﺎﺻﺮ ﻣﺎﺟﺎﺍ ﻟﻲ ﺍﻟﺤﻴﻦ
ﻣﻼﻙ :ﻣﺎﺟﺎﺍﻙ؟؟ .. ﺍﻧﺎ ﺟﺎﺑﻨﻲ ﻣﻦ ﺍﻟﻤﺪﺭﺳﻪ ﻃﻴﺐ
ﺭﻏﺪ : ﺍﻳﻪ ﻣﻮ ﺍﻧﺎ ﺍﻃﻠﻊ ﺑﻌﺪﻙ ﺑـ ﺳﺎﻋﻪ ﻭﻧﺺ
ﻣﻼﻙ : ﺍﻫﺎﺍ.. ﺍﻭﻛﻲ ﺍﺟﻞ ﺍﻧﺘﻈﺮﻙ
ﺭﻏﺪ : ﺍﻭﻛـ ..!ﺑﺎﺍﻱ
ﺳﻜﺮﺕ ﺭﻏﺪ ﻣﻦ ﻣﻼﻙ ﻭﻋﻠﻰ ﻃﻮﻭﻝ ﺩﻕ ﻋﻠﻴﻬﺎ ﻧﺎﺻﺮ
ﺭﻏﺪ ﺍﻭﻝ ﻣﺎﺭﺩﺕ : ﻣﺒﻜـــــــــﺮ !
ﻧﺎﺻﺮ : ﺍﻭﻑ ﺍﻭﻑ.. ﻃﻴﺐ ﻭﺵ ﺍﺳﻮﻱ ﻧﺴﻢ ﺍﻟﻜﻔﺮ ﻋﻠﻲ
ﺭﻏﺪ : ﺍﻳﻪ ﺍﻳﻪ ﺻﺮﺭﻑ
ﻧﺎﺻﺮ :ﻫﻬﻬﻬﻬﻬﻬﻬﻬﻬﻬﻬﻬﻪ ... ﺭﻏﻮﻭﺩ ﻩ ﺣﺒﻴﺒﺘﻲ.. ﺍﻧﺎ ﺍﺧﻮﻙ ﺣﺒﻴﺒﻚ
ﺭﻏﺪ : ﻭﻓـﺮ ﺗﻤﻠﻴﺤﻚ ﻟﻠـ ﺍﻟﺒﻴﺖ .. ﺍﻟﻮﻋﺪ ﻫﻨـﺎﻙ
ﻧﺎﺻﺮ : ﻫﻬﻬﻬﻬﻬﻬﻬﻪ..ﻳﻠﻼ ﺑﺲ ﺍﻃﻠﻌﻲ ..ﻭﺍﻧﺎ ﺍﻭﺭﻳﻚ
ﺭﻏﺪ :ﺍﻭﻛﻲ ..
ﻃﻠﻌـﺖ ﺭﻏﺪ ﻣﻦ ﺍﻟﺠﺎﻣﻌﻪ ﻟﻘﺖ ﻧﺎﺻﺮ ﻭﺍﻗﻒ ﻋﻨﺪ ﺍﻟﺒﺎﺏ ..ﻣﺸﺖ ﻣﻌﻪ
ﺭﻏﺪ :ﻭﻳﻦ ﻣﻠﺒﻖ ﺳﻴﺎﺭﺗﻚ ﺍﻧﺖ؟
ﻧﺎﺻﺮ : ﻣﻮ ﺳﻴﺎﺭﺗﻲ ﺳﻴﺎﺭﺓ ﺗﺮﻛﻲ
ﺭﻏﺪ ﺑـ ﺭﻭﻋﻪ : ﺗﺮﻛـــﻲ؟
ﻧﺎﺻﺮ : ﺍﻳﻪ ﻧﻌﻢ .. ﺗﻮﻭﺭﻛﻲ
ﺭﻏﺪ :ﻣﻦ ﺗﺮﻛﻲ .. ﻋﻢ ﺳﻤﺮ؟
ﻧﺎﺻﺮ : ﻳﺐ
ﻭﺻﻠـــــــﻮﺍ ﻟﻠـ ﺍﻟﺴﻴﺎﺭﻩ ﻭﺭﻏﺪ ﻣﻴﻴﺘﻪ ﺧﻮﻭﻭﻑ ..
ﺗﻜﻠﻢ ﻧﻔﺴﻬﺎ :ﻣﺎﻓﻲ ﺷﻲ ﻳﺨﻮﻭﻑ ﻳﺎﺭﻏﺪ ..ﻣﻌﺎﻙ ﺍﺧﻮﻙ ﺧﻼﺍﺍﺹ ﻣﺎﻓﻲ
ﺷﻲ ﻳﺨﻮﻭﻑ ﻳﺎﺭﻏﻮﻭﻭﺩﻩ ﺍﻟﺤﻠﻮﻭﻩ ..ﻟﻮﻭﻭﻝ
ﺭﻛﺒﺖ ﻭﻗﺎﻟﺖ ﺍﻟﺴـﻼﺍﻡ ﻋﻠﻴﻜﻢ ﺑـ ﺻﻮﺕ ﻫﺎﺍﻣﺲ
ﺑﺲ ﺗﺮﻛﻲ ﺭﺩ ﺑـ ﺻﻮﺗﻪ ﺍﻟﻠﻲ ﺍﻧﻄﺒﻊ ﻓﻲ ﺫﺍﻛﺮﺗﻬﺎ :ﻭﻋﻠﻴﻜﻢ ﺍﻟﺴـﻼﺍﺍﻡ
ﻧﺎﺻﺮ : ﺍﻻ ﺻﺢ ﻭﻳﻦ ﺑﻦ ﺍﺧﻮﻙ؟؟..
ﺗﺮﻛﻲ ﺍﺭﺗﺒﻚ : ﻫﺎﻩ ..! ﺍﻳﻪ .. ﻣﺎﺟﺖ ﺍﻟﻴـﻮﻡ
ﺭﻏﺪ ﺗﺒﻲ ﺗﺤﺠﺮ ﻟﻪ ﻻﻧﻬﺎ ﻋﺎﺭﻓﻪ ﺍﻧﻬﺎﺍ ﺧﻄﻪ ﻣﻦ ﺍﻋﺪﺍﺩﻩ ﻭﺗﻨﻔﻴﺬﻩ :ﺑﺲ
ﺍﻧﺎ ﺷﻔﺘﻬﺎ ﺍﻟﻴﻮﻡ
ﺗﺮﻛﻲ ﻧﺎﻇﺮﻫﺎ ﻓﻲ ﺍﻟﻤﺮﺍﻳﻪ ﻭﺭﻓﻊ ﺣﺎﺟﺐ.. ﺍﻟﻲ ﺍﻻﻥ ﺗﺨﺎﺍﻑ ﻣﻦ
ﻋﻴﻮﻧﻪ : ﺑﺲ ﺍﻧﺎ ﻛﻠﻤﺘﻬﺎ ﺍﻟﻴﻮﻡ .. ﻭﻗﺎﻟﺖ ﺍﻧﻬﺎﺍ ﻏﺎﻳﺒﻪ
ﺭﻏﺪ : ﻻ .. ﺍﻧﺎ ﺍﻟﻴﻮﻡ ﺷﻔﺘﻬﺎ ﻭﻛﻠﻤﺘﻬﺎ ﺑﻌﺪ ..ﻭﺳﻮﻟﻔﺖ ﻣﻌﻲ
ﻃﺒﻌـﺎ ﺭﻏﺪ ﺻﺎﺩﻗﻪ ﻭﺗﺮﻳﻜﻲ ﻫﻮ ﺍﻟﻠﻲ ﻳﻜﺬﺏ
ﺗﺮﻛﻲ ﻳﻄﻠـﻊ ﺟﻮﺍﻟﻪ ﻭﻳﺪﻕ ﻋﻠﻰ ﺳﻤﺮ ..ﻭﺣﻂ ﺍﻟﺴﺒﻴﻜﺮ ﻣﺘﺠﺎﻫﻞ
ﻭﺟﻮﺩﻩ ﻧﺎﺻﺮ
ﺳﻤﺮ :ﺁﻟﻮﻭﻭ ..
ﺗﺮﻛﻲ :ﻫﻼ ﺳﻤﺮ ﻭﻳﻨﻚ؟
ﺳﻤﺮ : ﺑـ ﺍﻟﺒﻴﺖ ..
ﺗﺮﻛﻲ :ﺩﺍﻭﻣﺘﻲ؟؟
ﺳﻤﺮ : ﻳﻮﻭﻭﻩ ﻳﺎﻋﻤﻮﻭ ﻛﻢ ﻣﺮﻩ ﻻﺯﻡ ﺗﺴﺄﻟﻨﻲ؟؟
ﺗﺮﻛﻲ : ﻃﻴﺐ ﺟﺎﻭﺑﻲ
ﺳﻤﺮ : ﻻﺍﺍﺍﺍﺍﺀ
ﻛﻤـﻞ ﺗﺮﻛﻲ ﻛﻼﻣﻪ ﻣﻊ ﺳﻤﺮ ﺑﻌﺪ ﻣﺎﻃﻔـﻰ ﺍﻟﺴﺒﻴﻜﺮ ..
ﺭﻏﺪ ﺍﻧﺼﺪﻣﺖ ﻳﻌﻨﻲ ﺳﻤﺮ ﻓﻲ ﺻﻔـﻪ .. ﻣﻮ ﻣﺸﻜﻠﻪ ﻣﺎﺭﺍﺡ ﻳﻘﺪﺭﻭﻥ
ﻋﻠﻲ ﻣﻮ ﻷﻧﻬﻢ ﺍﻋﻠﻰ ﻣﻨﻲ ﻣﻌﻨﺎﻫﺎ ﺍﻥ ﺍﻟﺪﻧﻴﺎ ﺻﺎﺭﺕ ﻓﻮﺿـﻰ ..
\
/
\
/
ﺭﺟﻌﺖ ﺍﺷﻮﺍﻕ ﻣﻦ ﺍﻟﺠﺎﻣﻌﻪ ﻭﺭﻣﺖ ﺷﻨﻄﺘﻬﺎﺍ ﻉ ﺍﻟﺴﺮﻳﺮ ..ﻓﻜﺮﺕ
ﺗﺘﺼﻞ ﻋﻠﻰ ﻣﺸﺎﻋﻞ .. ﺑﺲ ﺫﻛﺮﺕ ﺍﻧﻬﺎﺍ ﻣﻘﻔﻠﻪ ﺟﻮﺍﻟﻬﺎﺍ ﻣﻦ ﻳﻮﻣﻴﻦ ..
ﻛﻞ ﻫﺬﺍ ﻳﺴﻮﻳﻪ ﺍﻟﻌﺮﺱ؟؟ ..
ﺭﺍﺣﺖ ﺗﺘﻮﺿﻰ ﻭﺗﺼﻠﻲ ﺍﻟﻈﻬﺮ ﻻﻧﻬﺎ ﻓﺎﺗﺘﻬﺎ ﻓﻲ ﺍﻟﺠﺎﻣﻌﻪ ﻭﻧﺎﺍﻣﺖ
\
/
\
/
ﻣﺮ ﺍﻟﻮﻗﺖ ﺑﻄﺊ ﻋﻠﻰ ﻣﺸـﺎﻋﻞ ﺍﻟﻠﻲ ﺍﺳﺘﻌﺪﺕ ﺍﺳﺘﻌﺪﺍﺩ ﻛﺎﺍﻣﻞ
ﻟـ" ﺯﻭﺍﺟﻬﺎﺍ .." ﻣﻦ ﺍﻟﺸﺎﻳﺐ ﺍﻟﻠﻲ ﺍﻟﻰ ﺍﻻﻥ ﻣﺎﺷﺎﻓﺘﻪ..
ﺧﻠﺼﺖ ﻣﻦ ﺻـﻼﺓ ﺍﻟﻤﻐﺮﺏ ﻭﺍﺳﺘﻌﺪﺕ ﻷﻧﻬﺎﺍ ﺗﺒﻲ ﺗﺮﻭﺡ ﺗﺸﻮﻑ
ﻣﻼﻙ ﻣﻦ ﺯﻣﺎﺍﻥ ﻋﻨﻬﺎﺍ .. ﺻﺪﻕ ﺍﻟﺰﻭﺍﺝ ﻳﻠﻬﻲ ﺍﻟﻮﺍﺣﺪ ﻋﻦ ﺍﻋﺰ ﺍﻟﻨـﺎﺱ
ﻟﻪ
ﻫﺬﺍ ﻭﺍﻧﺎ ﻣﺎﺑﻌﺪ ﺷﻔﺖ ﺍﻟﺒﺎﺍﺷﺎﺍ
ﺍﺧﺬﺕ ﻗﻬﻮﺗﻬﺎﺍ ﻭﻧﺰﻟﺖ ﺍﻟﺪﺭﺝ ﺷﺎﺍﻓﺖ ﻋﻤﻬﺎ ﻣﺎﺟﺪ ﻳﺮﻗﻰ ﺍﻟﺪﺭﺝ ﻭﻫﻮ
ﻳﻜﻠﻢ ..ﺃﺑﺘﺴﻤﺖ ﻟﻪ ﺑﺲ ﻫﻮ ﺍﺷﺮ ﻟﻬﺎ ﺍﻧﻬﺎﺍ ﻣﺎﺗﻜﻤﻞ ﻧﺰﻭﻟﻬﺎ ﻻﻧﻬﺎ
ﺍﻟﻈﺎﺍﻫﺮ ﻳﺒﻴﻬﺎﺍ
ﻣﺎﺟﺪ :ﺍﻭﻛﻲ ..ﺍﻭﻛﻲ ..ﺍﺑﺪ ﺛﻮﻭﻭﻭﻭﻭﺍﻧﻲ ﺑﺲ ..ﻫﻬﻬﻬﻪ .. ﺍﻟﻠﻪ ﻳﺤﻴﻚ
ﺳﻜﺮ ﻣﺎﺟﺪ ﻭﺍﺑﺘﺴﻢ ﻟـ ﻣﺸﺎﻋﻞ
ﻣﺸﺎﻋﻞ : ﺍﻳﻮﻭﻩ .. ﺑﻐﻴﺘﻨﻲ؟
ﻣﺎﺟﺪ : ﺍﻳﻪ ..ﺯﻳﺎﺍﺩ ﺟﺎﺍﻱ ﺑـ ﺍﻟﻄﺮﻳﻖ ..ﻭﻳﺒﻲ ﻳﺸﻮﻓﻚ ﻻﻥ ﻳﻮﻡ ﺍﻟﻤﻜﻠﻪ
ﻣﺎﺷﺎﻓﻚ
ﻣﺸﺎﻋﻞ :ﺍﻣﺪﺍﺍﻩ ﻳﻮﺩﻱ ﺍﺑﻮﻩ ﻳﻌﺎﻟﺞ
ﻣﺎﺟﺪ :ﻫﻮ ﻣﺎﻛﻤﻞ ..ﺑﺲ ﺍﺑﻮﻩ ﺍﺻﻼ ﻣﺎﻟﻪ ﻋﻼﺍﺍﺝ ﺍﻟﻈﺎﻫﺮ ..ﺍﻟﻤﻬﻢ ﻣﻮ
ﻫﺬﺍ ﻣﻮﺿﻮﻋﻨﺎﺍ ﺭﻭﺣﻲ ﻏﻴﺮﻱ ﻣﻼﺑﺴﻚ
ﻣﺸﺎﻋﻞ ﺑـ ﻋﻨﺎﺩ : ﺣﻠﻮﻭ ﻟﺒﺴﻲ
ﻧﺎﻇﺮ ﻣﺎﺟﺪ ﻟﺒﺴﻬﺎﺍ ﺍﻟﻠﻲ ﻛﺎﻥ ﻋﺒﺎﺭﻩ ﻋﻦ ﺑﻨﻠﻈﻮﻥ ﺟﻴﻨﺰ ﺳﻜﻨﻲ ﻭﺑﻠﻮﺯﻩ
ﺑﻴﻀﺎ ﻋﻠﻴﻬﺎ ﺭﺳﻤﺔ ﻛﺮﻓﻴﺘﺎﺍ ﺣﻤﺮﺍ
ﻣﺎﺟﺪ ﻣﺎﻳﺒﻲ ﻳﻌﺎﻧﺪﻫﺎﺍ :ﺍﻭﻛﻲ ﺑـ ﺭﺍﺣﺘﻚ ..
ﻣﺸﺎﻋﻞ ﺍﺳﺘﻐﺮﺑﺖ ﻣﻨﻪ ﺗﻮﻗﻌﺖ ﺍﻧﻪ ﺑﻴﺠﺎﺩﻟﻬﺎ .. ﻣﻦ ﺟﺪﻫﺎﺍ ﺑﺘﺪﺧﻞ
ﻋﻠﻰ ﺯﻭﺟﻬﺎ ﻛﺬﺍ؟؟ .. ﺍﻭﻝ ﻣﺮﻩ ﻳﺸﻮﻓﻬﺎﺍ؟ .. ﺍﻳﻪ ﺷﺎﺍﻳﺐ .. ﺑﻴﻈﻦ ﺍﻥ
ﻫﺬﻱ ﺍﻟﻤﻮﺿﻪ .. ﺧﺨﺨﺨﺦ
ﻧﺰﻟﺖ ﺍﻟﺪﺭﺟﺎﺍﺕ ﻭﻫﻲ ﺗﺤﺎﻭﻝ ﺗﺘﺨﻴﻞ ﺷﻜﻠﻪ ﻭﻛﻴﻒ ﺍﻧﻬﺎﺍ ﻣﺎﺭﺍﺡ
ﺗﺘﻜﻠﻒ ﻓﻲ ﺍﺳﻘﺒﺎﻟﻪ .. ﺍﺣﺴﻦ ﻣﺤﺪ ﻗﺎﻝ ﻟﻬـ ﺍﻟﺸﺎﻳﺐ ﻳﺘﻘﺪﻡ ﻟﻲ
ﺍﻭ ﻉ ﺍﻻﻗﻞ ﻳﻔﻜﺮ ﺍﻧﻪ ﻳﺎﺧﺬ ﻓﻠﻮﺱ ﻣﻦ ﺍﺑﻮﻱ
\
/
\
/
ﻛﺎﻥ ﺷﻌﻮﺩ ﺟﺎﻟﺲ ﻓﻲ ﺍﻟﻜﺘﺐ ﺣﻘـﻪ ﻳﻔﻜﺮ ﺑـ ﺭﻳﻤﺎﺍ ﺍﻟﻠﻲ ﺍﺣﺘﻠﺖ ﺟﺰﺀ
ﻛﺒﻴﺮ ﻣﻦ ﺗﻔﻜﻴﺮﻩ ..
ﻃـﻖ .. ﻃــﻖ ..!
ﺳﻌﻮﺩ : ﺍﺩﺧـﻞ !!..
ﺩﺧﻠﺖ ﺑﻨﺖ ﻋﻤﺮﻫﺎﺍ ﺗﻘﺮﻳﺒﺎ ... ﺍﻋﻄﻴﻬﺎﺍ 15
ﺳﻌﻮﺩ ﻧﺎﻇﺮﻫﺎﺍ ﻣﻮ ﺷﻜﻠﻬﺎﺍ ﻣﺮﻳﻀـﻪ
ﺍﻟﺒﻨﺖ : ﺍﻟﺴـﻼﺍﺍﻡ ﻋﻠﻴﻜﻢ ﺩﻛﺘﻮﻭﺭ ﺳﻌﻮﺩ
ﺳﻌﻮﺩ : ﻫﻼ ﻭﻋﻠﻴﻜﻢ ﺍﻟﺴـﻼﺍﺍﻡ
ﻓﺰﺕ ﻣﺸﺎﻋﻞ ﻣﻦ ﻣﻜﺎﺍﻧﻬﺎ ﻭﻫﻲ ﺗﺴﻤـﻊ ﺻﻮﻭﺕ ﺍﻟﺠﺮﺱ ..ﻫﺬﺍ ﺍﻛﻴﺪ
ﺯﻳﺎﺍﺩ
ﻧﺎﺩﺕ ﺍﻟﺸﻐـﺎﻟﻪ ﺑﺲ ﻣﺎﻓﻲ ﺭﺩ
ﺭﺍﺍﺣﺖ ﻟـ ﺍﻟﺪﺭﺝ ﺗﺬﻛﺮﺕ ﺍﻥ ﺍﻡ ﻓﻬﺪ ﻃﺎﻟﻌﻪ ﻭﺍﺧﺬﺕ ﻣﻌﻬﺎ ﺍﻟﺸﻐـﺎﻟﻪ
ﻧﺎﺩﺕ ﻣﺎﺟﺪ
ﻣﺸﺎﻋﻞ :ﻣﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ� � ﺍﺍﺍﺍﺍﺍﺍﺍﺍ ﺍﺍﺍﺍﺍﺍﺟﺪ ...!ﻳﺎﻡ
ﺟﻮﻭﻭﻭﻭﻭﻭﻭﻭﻭﻭﻭﻭﻭﺩ
ﺑﺲ ﻣﺎﻓﻲ ﺭﺩ ..ﻭﺍﺑﻮﻫﺎﺍ ﺍﻟﺤﻴﻦ ﺍﻟﻤﻔﺮﻭﺽ ﻃﺎﺍﻟﻊ ..
ﻣﺸﺎﻋﻞ : ﺍﻣﺮﻱ ﻟـ ﺍﻟﻠﻪ ﺑﺮﻭﺡ
ﻃﻠﻌـﺖ ..ﻓﻜﺮﺕ ﺗﺮﻭﺡ ﻭﺗﺴﺤﺐ ﻋﻠﻴﻪ ..ﻭﻻ ﺗﺮﻭﺡ ﺗﻐﻴﺮ ﻣﻼﺑﺴﻬﺎ ﻉ
ﺍﻻﻗﻞ
ﺑﺲ ﺧﻼﺍﺹ ﻻ ﻣﻔﺮ " ﺍﻟﺸﺎﻳﺐ" ﺟﺎﺍﺍ !..
ﻓﺘﺤﺖ ﺍﻟﺒـﺎﺏ ﻭﻭﺟﻬﻬﺎ ﺍﺣﻤــﺮ .. ﻛﺎﻧﺖ ﻣﺴﺘﺤﻴـﻪ ﻛﺜﻴــﺮ
- ﺍﻟﺴـﻼﺍﺍﻡ ﻋﻠﻴﻜﻢ
ﻧﺎﻇﺮﺕ ﻣﺸﺎﻋﻞ " ﺍﻟﺸﺎﻳﺐ .." ﺍﻟﻠﻲ ﺩﺧﻞ ..ﻣﺎﻛﺎﻥ ﺷﺎﺍﻳﺐ ﺍﺑﺪﺍﺍ ..
ﺷﺎﻓﺖ ﺷـﺎﺏ ﻭﺍﻗﻒ ﻗﺪﺍﺍﻣﻬﺎﺍ ﻳﻨﺎﻇﺮﻫﺎ ﺑـ ﺍﺑﺘﺴﺎﺍﻣﻪ ﻻﺑﺲ ﺛﻮﺏ
ﻭﺷﻤـﺎﻍ ﻭﻣﺎﺳﻚ ﻣﻌﺎﺍﻩ ﺑﺸﺘﻪ ﻭﻧﻈﺎﺭﻩ ﺍﻟﻠﻲ ﻛﺎﻧﺖ ﻋﻠﻰ ﺟﻴﺒـﻪ ﻛﺎﻥ
ﻭﺳﻴـﻢ ﻭﻣﻼﻣﺤﻪ ﺣﻠﻮﻭﻩ ﺳﻜﺴﻮﻛﺘﻪ ﻣﻤﻠﺤﺘﻪ ﺍﻛﺜـﺮ ﻭﺃﻛﺜﺮ ..
ﺻﻨﻤـﺖ ﻣﻜـﺎﻧﻬﺎﺍ ﻛﻨﻬﺎﺍ ﺷﺎﻳﻔﻪ ﺗﻮﻡ ﻛﺮﻭﺯ ﻭﻻ ﺷﻴﻦ ﻭﻭﺭﺩ ..ﻟﻮﻭﻭﻝ
ﺯﻳﺎﺩ : ﺑﺴﻢ ﺍﻟﻠﻪ ﻋﻠﻴﻚ .. ﻭﺵ ﻓﻴﻚ
ﻃﺮﺭﺭﺭﺭﺭﺭﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁ ﺁﺁﺁﺁﺁﺥ
ﺳﻜﺮﺕ ﺍﻟﺒﺎﺏ ﻓﻲ ﻭﺟﻬﻪ..
ﻭﺩﺧﻠﺖ ﺟﻮﻭﺍ ﺍﻟﺒﻴﺖ.. ﺑـ ﺍﻃﺮﺍﺍﻑ ﺗﺮﺗﺠﻒ..
ﻣﺸﺎﻋﻞ :ﻳﻤﻪ ﻣﻦ ﺫﺍ .. ﻣﻦ ﺫﺍ؟؟ ..ﻭﻳﻦ ﺍﻟﺸﻴﺒﻪ "...ﺗﺬﻛﺮﺕ .. ﻭﺿﺮﺑﺖ
ﺭﺍﺍﺳﻬﺎ ﻋﻠﻰ ﻃﻮﻭﻝ .."ﻟﺤﻈــﻪ ..ﻳﻤﻜﻦ ﻫﺬﺍ ﺯﻳﺎﺍﺩ؟؟ .. ﺍﻧﺎ ﻣﻦ ﻗﺎﻝ ﻟﻲ
ﺍﻧﻪ ﺷﺎﺍﺍﺍﻳﺐ ..! ﻳﺎﻏﺒﻴﻪ ﻳﺎﻣﺸﺎﺍﺍﺍﺍﻋﻞ .. ﺍﻓﻔﻒ ..ﻣﻮﺏ ﻣﺸﺎﻋﻞ ﺍﻻ
ﻣﺸــــﺎﻛﻞ..
ﺳﻤﻌﺖ ﺻﻮﺕ ﺍﻟﺠﺮﺱ ﻣﺮﻩ ﺛـﺎﻧﻴﻪ..
ﻣﺸﺎﻋﻞ ﻭﻫﻲ ﻋﻨﺪ ﺍﻟﺒﺎﺏ ﻭﺗﺮﺗﺠﻒ : ﻣـ ... ﻣﻴﻦ؟؟
ﺯﻳﺎﺩ : ﺍﻧﺎ ﺯﻳـﺎﺩ ﻳﺎﻣﺸـﺎﻋﻞ ﺍﻓﺘﺤﻲ
ﻓﺘﺤﺖ ﻣﺸﺎﻋﻞ ﺍﻟﺒﺎﺏ ﻭﻭﺟﻬﺎﺍ ﺍﺣﻤﺮ .. ﻣﻦ ﺍﻟﻔﺸﻴﻠﻪ ﻭﺍﻟﺤﻴـﺎ ..ﻭﺍﺻﻼ
ﻭﻗﻔﺘﻬﺎﺍ ﻗﺪﺍﻡ ﺭﺟـﺎﻝ ﺍﻭﻝ ﻣﺮﻩ ﺗﺸﻮﻭﻓﻪ ﻣﻦ ﻏﻴﺮ ﻏﻄﺎﺍ ..ﺗﺤﺴﻬﺎﺍ
ﻏﻠﻂ ..ﺻﺤﻴﺢ ﺯﻭﺟﻬﺎ ﺑﺲ ﻣﺎﺧﺬﺕ ﻋﻠﻴﻪ ﻟﻲ ﺍﻟﺤﻴﻦ
ﻣﺸﺎﻋﻞ ﺷﻮﻱ ﻭﺗﺼﻴﺢ : ﺁﺁ..ﺁﺁﺳﻔﻪ
ﺯﻳﺎﺩ ﻣﺎﺳﻚ ﺿﺤﻜﺘﻪ : ﻻﻻﻋﺎﺍﺍﺩﻱ ..
ﻣﺸﺎﻋﻞ : ﺗـ.. ﺗﻔﻀﻞ !
ﺩﺧﻞ ﻣﺸﺎﻋﻞ ﻭﻫﻲ ﺗﻠﻌﻦ ﻭﺳﺐ ﻓﻲ ﻧﻔﺴﻬﺎ ﺍﻭﻻ ﻭﻓﻲ ﺍﻟﺸﺒﺸﺐ ﺍﻟﻠﻲ
ﻣﺎﻏﻴﺮ ﻳﻄﻠﻊ ﺻﻮﺕ ﺑـ ﺳﺒﺐ ﺍﺣﺘﻜﺎﻛﻪ ﻓﻲ ﺍﻻﺭﺽ ..
ﺗﺤﺲ ﺍﻥ ﺯﻳﺎﺍﺩ ﻭﺭﺍﺍﻫﺎﺍ ﻓﺎﻗﻊ ﺿﺤﻚ ﻋﻠﻴﻬﺎﺍ ..ﺍﻭ ﻋﻠﻰ ﺷﺒﺸﺒﻬﺎ ..
ﺍﻭ ﻋﻠﻰ ﺣﺮﻛﺘﻬﺎﺍ ..
ﻛﻞ ﺷﻲ ...
\
/
\
/
ﺷﺎﻑ ﻫـ ﺍﻟﻄﻔﻠﻪ ﺍﻟﻠﻲ ﻋﻨﺪﻩ ﻭﺍﺿﺢ ﺍﻧﻬﺎ ﺻﻐﻴﺮﻩ : ﺍﺳﻒ ﺣﺒﻴﺒﺘﻲ
ﻣﺎﻋﺮﻓﺘﻚ
ﺭﻓﻌﺖ ﺍﻟﺒﻨﺖ ﺣﺎﺟﺐ : ﺍﺳﻤﻲ ﻭﺭﻳﻒ ﺍﺣﻤﺪ .. ﺍﻟﻤﻤﺮﺿﻪ ﺍﻟﺠﺪﻳﺪﻩ؟؟
ﺳﻌﻮﺩ :ﺍﻫﺎﺍﺍﺍ ..ﺑﺲ ﻣﻮﺏ ﻛﻦ ﺗﻮﻙ ﻉ ﺍﻟﺘﻤﺮﻳﺾ
ﻭﺭﻳﻒ : ﺍﻧﺎ ﺩﺍﺧﻠﻪ ﻣﺒﻜﺮ ﻭﺑﻌﺪﻳﻦ ﺍﻧﺎ ﻣﻮ ﺻﻐﻴﺮﻩ ﻋﻤﺮﻱ 19
ﺳﻨﻪ ..ﻭﻣﻌﻬﺪ ﺍﻟﺘﻤﺮﻳﺾ ﺳﻨﺘﻴﻦ ﺑﺲ
ﺳﻌﻮﺩ ﻣﻮ ﻣﺼﺪﻕ ﻋﻤﺮﻫﺎ 19 ﺳﻨـﻪ ..ﺍﻣﻤﻢ ... ﻳﻤﻜﻦ ... ﻟﻴﻪ ﻻ
ﺳﻌﻮﺩ : ﺍﻭﻛـ ..ﺗﻔﻀﻠﻲ ﺷﻮﻓﻲ ﺷﻐﻠﻚ !..
ﻭﺭﻳﻒ :ﺍﻥ ﺷﺎﻟﻠﻪ
ﻃﻠﻌـﺖ ﻭﺭﻳﻒ ﻭﻫﻲ ﻛﺎﺭﻫﻪ ﻫـ ﺍﻟﺪﻛﺘﻮﺭ ﺍﻟﻠﻲ ﻓﻲ ﻧﻈﺮﻫﺎ ﻭﻗﺢ ﻳﻘﻮﻝ
ﺣﺒﻴﺒﺘﻲ ﻻ ﻭﻳﺤﺴﺐ ﺍﻧﻲ ﺻﻐﻴﺮﻩ ﺑﻌﺪ
\
/
\
/
- ﻧﻮﺭﻩ .. ﺍﻧﺘﻲ ﻣﺘﻰ ﻧﺎﻭﻳﻪ ﺗﺨﻠﻴﻦ ﺯﻭﺍﺟﻚ؟؟
ﻧﻮﺭﻩ : ﻣﺪﺭﻱ ﺍﻓﻜﺮ ﻓﻲ ﺍﻟﺼﻴﻔﻴﻪ
ﻧﻮﺭﺱ : ﺍﻟﻠﻪ ...!ﺑﻌﻴــﺪ ﻣﺮﺭﻩ ..ﺧﻠﻴﻪ ﻋﻄﻠﺔ ﺑﻴﻦ ﺍﻟﺘﺮﻣﻴﻦ
ﻧﻮﺭﻩ : ﻻﻻ ﻋﻄﻠﺔ ﺑﻴﻦ ﺍﻟﺘﺮﻣﻴﻦ ﻗﺮﺭﻳﺒﻪ ﻛﻠﻬﺎ ﻛﻢ ﺍﺳﺒﻮﻭﻉ
\
/
\
/
ﺯﻳﺎﺩ : ﻃﻴﺐ ﻛﻴﻒ ﺍﻟﺠﺎﻣﻌﻪ؟
ﻣﺸﺎﻋﻞ : ﺍﻟﺤﻤﺪﺍﻟﻠﻪ ﺑـ ﺧﻴﺮ ﺍﻟﻠﻪ ﻳﺴﻠﻤﻚ
ﺯﻳﺎﺩ : ﻋﺎﺍﺩ ﺍﺑﻴﻚ ﺗﺸﺪﻳﻦ ﺣﻴﻠﻚ
ﻣﺸﺎﻋﻞ ﺣﺎﻳﻤﻪ ﻛﺒﺪﻫﺎ :ﺍﻥ ﺷﺎﻟﻠﻪ
ﺭﻥ ﺍﻟﺘﻠﻔﻮﻥ
ﻣﺸﺎﻋﻞ : ﻋﻦ ﺍﺫﻧﻚ ﺩﻗﻴﻘﻪ
ﺭﺍﺣﺖ ﻣﺸﺎﻋﻞ ﺗﺮﺩ ﻉ ﺍﻟﺘﻠﻔـﻮﻥ
ﻣﺸﺎﻋﻞ : ﺁﻟﻮﻭﻭ؟
:....ﺁﻟﻮﻭ ..ﻫﻼ ﻣﺸﺎﻋﻞ ﻛﻴﻔﻚ؟
ﻋﺮﻓﺖ ﻣﺸﺎﻋﻞ ﺻﺎﺍﺣﺐ ﺍﻟﺼﻮﺕ ..ﺍﺻﻼ ﻛﻴﻒ ﺗﻨﺴـﺎﻩ :.. ﻓﺮﺍﺱ؟
ﻓﺮﺍﺱ : ﺍﻳﻮﻭﻩ ..
ﻣﺸﺎﻋﻞ : ﺍﻟﺤﻤﺪﺍﻟﻠﻪ ﺑﺨﻴﺮ .. ﺍﻧﺖ ﺷﻠﻮﻧﻚ
ﻓﺮﺍﺱ :ﺑﺨﻴﺮ ﺩﺍﻣﻚ ﺑﺨﻴﺮ .. ﺍﻻ ﻭﻳﻦ ﺍﻣﻲ؟
ﻣﺸﺎﻋﻞ :ﻃﺎﻟﻌﻪ ..ﺗﺒﻲ ﺷﻲ؟
ﻓﺮﺍﺱ : ﻻ ﺑﺲ ﻗﻮﻟﻲ ﻟﻬﺎ ﻓﺮﺍﺱ ﺩﻕ
ﺷﺎﻋﻞ ﺳﺮﺍﻧﻪ ﻓﻲ ﺻﻮﺗﻪ ..ﻳﺎﻛﺜﺮ ﻣﺎﺣﻠﻤﺖ ﻓﻴﻪ ..ﻭﻓﻲ ﺻﺎﺣﺒﻪ..
ﻓﺮﺍﺱ : ﻣﺸـﺎﻋﻞ
ﻣﺸﺎﻋﻞ : ﺃ.. ﺃ.ﺍﻭﻛﻲ ..
ﻓﺮﺍﺱ : ﺍﻭﻛﻲ ﻳﻠﻼ ".. ﻳﺴﺘﻬﺒﻞ .." ﺑﺪﻙ ﺷﻲ؟؟
ﻣﺸﺎﻋﻞ :ﺳـﻼﻣﺘﻚ !
ﻓﺮﺍﺱ : ﺍﻟﻠﻪ ﻳﺴﻠﻤﻚ ﻳﺎﺭﺏ ..ﻳﻠﻼ ﻓﻲ ﺍﻣﺎﻥ ﺍﻟﻠﻪ ..
ﻣﺸﺎﻋﻞ : ﻣﻊ ﺍﻟﺴـﻼﺍﻣﻪ
ﻭﺳﻜـــــﺮ
\
/
\
/
ﺩﺧﻠﺖ ﻭﺭﻳﻒ ﻋﻠﻰ ﺳﻌﻮﺩ : ﺩﻛﺘﻮﺭ .. ﻓﻲ ﻣﺮﻳﺾ ﻳﻨﺘﻈﺮﻙ
ﺳﻌﻮﺩ ﻫﺎﺗﻲ ﺍﻟﻤﻠﻒ ﺣﻘـﻪ ..
ﻋﻄﺘﻪ ﻭﺭﻳﻒ ﺍﻟﻤﻠﻒ ﻭﻻﻣﺴـﺖ ﻳﺪﻫﺎ ﻳﺪﻩ .. ﺳﺤﺒﺖ ﻭﺭﻳﻒ ﻳﺪﻫﺎ ﻋﻠﻰ
ﻃﻮﻭﻝ ..
ﻧﺎﻇﺮﻫﺎ ﺳﻌﻮﺩ ﻣﺴﺘﻐﺮﺏ ﻣﻦ ﺣﺮﻛﺘﻬﺎﺍ ﺑﺲ ﻣﺎﻋﻠﻖ..ﺣﺮﻛﺘﻬﺎ ﻣﻮ
ﻋﺎﺍﺩﻳﻪ ﺻﺤﻴﺢ ﻓﻲ ﺑﻨﺎﺍ ﻳﺴﺘﺤﻮﻥ ﺑـ ﺷﻜﻞ ﻛﺒﻴﺮ ﺑﺲ ﻫﺬﻱ ﻓﻲ ﺷﻲ
ﻣﺮﻳﺐ ﻓﻲ ﺍﻟﻤﻮﺿﻮﻉ
ﻃﻠﻌـﺖ ﻭﺛﻮﺍﻧﻲ ﺩﺧﻞ ﺍﻟﻤﺮﻳﺾ
\
/
\
/
ﻣﺎﻳﺤـﺘﺎﺝ ﺍﻭﺻﻒ ﻟﻜﻢ ﺣﺎﻟﺔ ﻣﺸﺎﻋﻞ ﻳﻮﻡ ﺳﻤﻌﺖ ﺻﻮﺕ
ﻓﺮﺍﺱ .. ﺍﻟﺤﻴﻦ ﻫﻲ ﻻﺯﻡ ﺗﺪﺧﻞ ﻋﻠﻰ ﺯﻳﺎﺩ
ﺗﺒﻌﺜﺮﺕ ﻣﻠﻴـﻮﻥ ﻣﺮﻩ .. ﺩﺧﻠﺖ ﻋﻠﻴﻪ ﻭﻫﻲ ﺗﻔﻜﺮ ﺑـ ﺣﺒﻬﺎ ﻟﻪ ﺍﻟﻠﻲ ﻛﻞ
ﻳﻮﻡ ﻳﻤﻮﺕ
ﺯﻳﺎﺩ ﺷﺎﻑ ﻭﺟﻬﻬﺎ ﺍﻟﻠﻲ ﺗﻐﻴـّﺮ : ﻣﺸﺎﻋﻞ؟
ﻧﺎﻇﺮﺗﻪ ﻭﻻ ﺗﻜﻠﻤﺖ ..
ﺯﻳﺎﺩ : ﻭﺵ ﻓﻴﻚ؟
ﻣﺸﺎﻋﻞ :ﻭﻻ ﺷﻲ ..ﺑﺲ ﺷﻮﻳﺔ ﺻﺪﺍﻉ
ﺯﻳﺎﺩ :ﺳـﻼﻣﺘﻚ ..ﺗﺒﻴﻦ ﺑﻨﺪﻭﻝ
ﻣﺸﺎﻋﻞ : ﻻ ﻣﻮ ﺍﻟﺤﻴﻦ ﺍﺫﺍ ﻃﻠﻌﺖ ﺍﺑﺎﺧﺬ
ﻓﻬﻢ ﺯﻳﺎﺩ ﺍﻟﻄﺮﺩﻩ :.. ﺍﻭﻛﻲ ﺍﺟﻞ ﺍﻧﺎ ﻃﺎﻟﻊ ﻻﻥ ﻋﻨﺪﻱ ﺷﻐـﻞ.. ﺗﺒﻴﻦ
ﺷﻲ ﻳﺎﻟﻐﻼ؟
ﻣﺸﺎﻋﻞ : ﺳﻼﻣﺘﻚ..
ﺯﻳﺎﺩ ﺍﺑﺘﺴﻢ ﻟﻬﺎ :ﺍﻭﻛﻲ ..ﻳﻠﻼ ﻓﻲ ﺍﻣﺎﻥ ﺍﻟﻠﻪ
ﻭﺭﺍﺍﺡ ﻭﻫﻮ ﻣﺘﺤﻄﻢ ﺑﺲ ﺣﻂ ﻟﻬﺎ ﻣﻠﻴﻮﻭﻥ ﻋﺬﺭ ﻭﺣﺘﻰ ﻃﺮﺩﺗﻬﺎ ﻟﻪ
ﻋﻠﻰ ﺍﻧﻬﺎ ﻣﺴﺘﺤﻴـﻪ.. ﻭﻋﺬﺭﻫﺎﺍ .. ﻻﻥ ﻗﻠﺒـﻪ ﺑﺪﺍ ﻳﻤﻴﻞ ﻟﻬﺎﺍ ..ﻭﺍﺍﺿﺢ
ﺍﻧﻬﺎﺍ ﺧﻠﻮﻭﻗﻪ ﻭﻣﺆﺩﺑﻪ ﻭﻃﻴﺒﻪ .. ﻭﻫـ ﺍﻟﺸﻲ ﺑﺎﺍﺩﻱ ﻋﻠﻰ ﻭﺟﻬﻬﺎ ..ﻳﻤﻜﻦ
ﻣﺎﻳﻘﺪﺭ ﻳﺤﻜﻢ ﻣﻦ ﺍﻟﻮ ﻣﺮﺭﻩ ﺑﺲ ﺍﻻﻳـﺎﻡ ﻳﺘﺜﺒﺖ
\
/
\
/
ﺭﺟـﻊ ﻣﻦ ﺻﻼﺓ ﺍﻟﻔﺠﺮ !.. ﻭﺩﺧﻞ ﺍﻟﺒﻴﺖ ﻟﻘﻰ ﻋﻴﺎﻟﻪ ﻣﺎﻧﺎﻣﻮﺍ
- ﺍﺟﻞ ﺍﻧﺎ ﺑﺮﻭﺡ ﺍﻧـﻮﻡ.. ﺭﻏﺪ ﻻﺗﻘﻮﻣﻴﻨﻲ ﺍﻻ ﺍﻟﻈﻬـﺮ ﻻﻧﻲ ﺗﻌﺒﺎﻥ
ﺭﻏﺪ :ﺳـﻼﻣﺘﻚ ﻳﺒﻪ
ﺍﺑﻮ ﻧﺎﺻﺮ : ﺍﻟﻠﻪ ﻳﺴﻠﻤﻚ ﺑﺲ ﻣﺼﺪﻉ ﺷﻮﻱ ". ﺷﺎﻑ ﻭﻟﺪﻩ ﺍﻟﻠﻲ ﻣﻨﺴﺠﻢ
ﻣﻊ ﺍﻟﺘﻠﻔﺰﻳﻮﻥ .." ﻋﺰﺍﻡ ﻭﺵ ﺭﺍﻳﻚ؟
ﺍﻟﺘﻔﺖ ﻋﺰﺍﻡ ﺍﻟﻠﻲ ﻣﺎﻳﺪﺭﻱ ﻭﺵ ﺍﻟﺴﺎﻟﻔﻪ ﻭﺍﻟﺤﻠﻴﺐ ﺭﺍﺳﻢ ﺷﻨﺐ ﻋﻠﻰ
ﻭﺟﻬﻪ ﺍﻟﺼﻐﻴـﺮ : ﻫﺎﻩ؟
ﺍﺑﻮ ﻧﺎﺻﺮ : ﻭﺵ ﺭﺍﻳﻚ ﺍﺭﻭﺡ ﺍﻧﻮﻡ؟
ﻋﺰﺍﻡ : ﺍﻳﻪ ﻭﺷﺴﻤﻪ ﺫﺍ ..ﻳﻘﻮﻟﻮﻥ ﺍﻟﻨﻮﻡ ﺯﻳﻦ ﻟـ ﺍﻟﻀﺤﻪ ﻭﻳﻘﻮﻱ ﺍﻟﻌﻈﺎﺍﻡ
ﻭﺍﺍﺟﺪ
ﺍﺑﻮ ﻧﺎﺻﺮ :ﻫﻬﻬﻬﻬﻬﻬﻬﻬﻬﻬﻬﻬﻬﻪ ..
ﺭﺍﺡ ﺑﺎﺳﻪ ﻭﺩﺧﻞ ﺍﺑﻮ ﻧﺎﺻﺮ ﻏﺮﻓﺘﻪ ..ﻋﺸـﺎﻥ ﻳﻨﻮﻭﻡ
\
/
\
/
ﺍﻟﻈﻬـﺮ ﻓﻲ ﺍﻟﻴﻮﻡ ﺍﻟﺜــﺎﻧﻲ
- ﺍﻧﺎ ﻣﻤﻜﻦ ﺍﻓﻬﻢ ﺍﻧﺘﻲ ﻟﻴﺶ ﻣﺎﺗﻜﻠﻤﻴﻨﻲ؟؟ ..ﺗﺪﺭﻳﻦ ﻛﻢ ﺻﺎﺭ ﻟﻨﺎ
ﻣﺎﻧﻜﻠﻢ ﺑﻌﺾ؟
ﺳﻔﻬﺘﻪ ﻭﻫﺬﺍ ﺍﻟﺸﻲ ﻫﻮ ﺍﻟﻠﻲ ﺗﺴﻮﻳﻪ ﻣﻦ ﺍﺳﺒﻮﻋﻴﻦ ﺍﻭ ﺍﻛﺜﺮ ..ﺟﻠﺴﺖ
ﺗﺮﺗﺐ ﺍﻟﺘﺴﺮﻳﺤﻪ ﻓﻲ ﺍﻟﻐﺮﻓﻪ ﻭﻫﻲ ﻣﻌﻄﻴﺘﻪ ﻇﻬﺮﻫﺎﺍ
ﻧﺎﺻﺮ : ﻣﻼﻙ ﺍﻟﻠﻪ ﻳﺨﻠﻴﻚ ﻭﺭﺑﻲ ﻣﺎﺗﺴﻮﻯ ﻋﻠﻲ ﺣﺮﻛﻪ
ﺳﻮﻳﺘﻬﺎﺍ .. ﺧﻼﺍﺍﺹ ﺍﺭﺣﻤﻴﻨﻲ
ﻣﻼﻙ "...............: ﻻﺭﺩ"
ﻧﺎﺻﺮ ﺭﺍﺡ ﻟﻬﺎﺍ ﻭﻟﻔﻬﺎﺍ ﻟﻪ :..ﻣﻼﻙ ﻛﻠﻤﻴﻨﻲ
ﻣﻼﻙ : ﻧﻌـﻢ؟؟
ﻧﺎﺻﺮ : ﻟﻲ ﻣﺘﻰ ﻭﺍﺣﻨﺎ ﻛﺬﺍ؟؟ .. ﻭﺭﺑﻲ ﻣﻠﻴـﺖ
ﻣﻼﻙ ﺗﺠﻤﻌﺖ ﺍﻟﺪﻣـﻮﻉ ﺑـ ﻋﻴﻮﻧﻬﺎﺍ
ﻧﺎﺻﺮ : ﺍﻧﺎ ﻛﻨﺖ ﺍﺑﻲ ﺍﺻﺤﻴـﻚ
ﻣﻼﻙ :ﻛﺬﺍ ﺗﺼﺤﻴﻨﻲ ... ﻏﺮﻓﺖ ﻋﻘﻠﻲ
ﻧﺎﺻﺮ : ﻣـﻼﻙ ﺳﺎﻣﺤﻴﻨﻲ ﻭﺭﺑﻲ ﺁﺁﺳﻒ ﺑﺲ ﻛﺜﺮ ﺣﺒﻲ ﻟﻚ ﻣﺪﺭﻱ ﻭﺵ
ﺍﺳﻮﻱ ..ﻣﻦ ﻗﺒﻞ ﻭﺍﻧﺎ ﺍﺣﺒﻚ ﺑﺲ ﺍﻧﺘﻲ ﻣﺎﻛﻨﺖ ﻳﺘﺪﺭﻳﻦ.. ﻛﻨﺖ ﺍﺗﻤﻨﺎﺍﻙ
ﺯﻭﺟﻪ ﻟﻲ .. ﻭﺣﺒﻴﺒﺘﻲ ﻗﺒﻞ ﻛﻞ ﺷﻲ .. ﺑﺲ ﻛﻨﺘﻲ ﺻﻐﻴﺮﻩ ﻭﺍﺗﻨﻈﺮﺗﻚ
ﻟﻴﻦ ﺗﺘﺨﺮﺟﻴﻦ.. ﻭﺣﺘﻰ ﻟﻢ ﻋﺮﻓﺖ ﺍﻧﻚ ﻓﻘﺪﺗﻲ ﺍﺑﻮﻙ ﺣﺰﻧﺖ ﻋﻠﻴﻚ
ﻛﺜﻴـﺮ.. ﻭﻣﺎﺗﺘﺼﻮﺭﻳﻦ ﻗﺪ ﺍﻳﺶ ﻛﺎﻧﺖ ﺻﺪﻣﺘﻲ ﻟﻢ ﻋﺮﻓﺖ ﺍﻧﻚ
ﻣﺎﺗﻄﻠﻌﻴﻦ ﻣﻦ ﺍﻟﺒﻴﺖ ﻭﻻ ﺗﺸﻮﻓﻴﻦ ﺍﺣﺪ ..ﺣﺎﻭﻟﺖ ﺍﻋﺮﻑ ﺍﺧﺒﺎﺭﻙ ﻭﻟﻤﺎ
ﻋﺮﻓﺖ ﺍﻧﻚ ﻭﺻﻠﺘﻲ ﻟﻬـ ﺍﻟﻤﺮﺣﻠﻪ ﻣﺎﻛﺎﻥ ﻓﻲ ﺑﺎﻟﻲ ﺍﻻ ﻫـ ﺍﻟﻔﻜﺮﻩ
"ﺍﻟﻐﺒﻴﻪ " ﺍﻟﻠﻲ ﺍﺗﻤﻨـﻰ ﺗﺴﺎﻣﺤﻴﻨﻲ ﻋﻠﻴﻬﺎﺍ
ﻣﻼﻙ ﻧﺰﻟﺖ ﺩﻣﻌﺘﻬﺎ ﺑﺲ ﺍﺑﺘﺴﻤﺖ ..ﺗﺬﻛﺮﺕ ﻳﻮﻡ ﺗﺰﻋﻠﻪ ﻭﻫﻮ ﻋﻠﻰ
ﻃﻮﻭﻝ ﺭﺿـﻰ .. ﺧﻼﺍﺍﺹ ﻫﺬﺍ ﻧﺎﺻﺮ ﻭﻻﺯﻡ ﻣﺎﺗﺰﻋﻞ
ﻧﺎﺻﺮ : ﺭﺿﻴﺘﻲ؟
ﻣﻼﻙ :ﻭﺍﻧﺎ ﺍﻗﺪﺭ ﺍﺯﻋـﻞ ﻣﻦ ﻧﺼﻮﻭﺭﻱ؟؟
ﻧﺎﺻﺮ : ﻭﻫـ ﻓﺪﻳﺘﻚ ﻳﺎﺣﺒﻴﺒﺔ ﻧﺼﻮﻭﺭﻙ
ﺍﺫﻥ ﺍﻟﻌﺼـﺮ
ﺭﻏﺪ : ﻋﺰﺍﻡ ﺭﺡ ﻗﻮّﻡ ﺍﺑﻮﻱ ..
ﻋﺰﺍﻡ :ﻳﺎﺭﺑﻴــــﻪ ..!!ﻣﺎﺑﻲ ..
ﺭﻏﺪ : ﻋﺰﺍﺍﺍﺍﺍﺍﺍﻣﻮﻩ ﺍﻧﻘﻠـﻊ ﻗﻮﻭّﻡ ﺍﺑـﻮﻱ .. ﺑﺴﺮﺭﻋﻪ
ﻋﺰﺍﻡ :ﻻﺍﺍﺍﺍﺍﺍﺍﻉ ﺑﻜﻤﻞ ﺍﻟﻔﻠﻢ..
ﺭﻏﺪ : ﺍﻣـﺲ ﺍﻟﻔﺠﺮ ﺷﺎﻳﻔﻪ ..ﺭﺣﺤﺤﺢ
ﻋﺰﺍﻡ ﻭﻫﻮ ﻳﻘﻮﻡ : ﻃﻴﺐ ﻃﻴﺐ ﺍﻓﻔﻔﻔﻔﻒ
ﺭﺍﺡ ﻋﺰﺍﻡ ﻭﺩﺧﻞ ﻏﺮﻓﺔ ﺍﺑـﻮﻩ ﺍﻟﻠﻲ ﻛﺎﻧﺖ ﺑﺮﻭﺩﺗﻬﺎ ﺣﻠﻮﻭﻩ ..ﺍﺑﻮ ﻧﺎﺻﺮ
ﻣﺎﻳﺤﺐ ﺗﺼﻴﺮ ﺍﻟﻐﺮﻓﻪ ﺑﺎﺭﺩﻩ ﻟﻤﺎ ﻳﺠﻲ ﻳﻨﻮﻡ
ﻋﺰﺍﻡ : ﻳﺒـﻪ ..! ﻳﺒـﻪ ..!ﻳﻠﻼ ﻗﻢ ﺍﺫﻥ ﺗﺮﺍﺍ ........... ﻳﺒـﻪ !!!
ﺍﺑﻮ ﻧﺎﺻﺮ "..........:ﻻﺭﺩ .."
ﻋﺰﺍﻡ ﺧﺎﻑ ﻋﻠﻰ ﺍﺑﻮﻩ : ﻳﺒـﻪ ..! ﻳﺒـﻪ ...!
ﻓـﺘﺢ ﻋﺰﺍﻡ ﺍﻟﻠﺤﺎﻑ ﻭﺷـﺎﻑ ﻭﺟﻪ ﺍﺑﻮﻩ ﺍﻟﻠﻲ ﺗﻐﻴـﺮ .. ﺣﻂ ﻳﺪﻩ ﻋﻠﻰ
ﻳﺪ ﺍﺑﻮﻩ ﺍﻟﻠﻲ ﺑﻘـﺎ ﻟﻪ ﻓﻲ ﻫـ ﺍﻟﺪﻧﻴﺎ ﺑﻌﺪ ﻣﺎﺭﺍﺣﺖ ﺍﻣﻪ ..
ﻛــﺎﻧﺖ ﻳﺎﺍﺍﺍﺍﺭﺩﻩ
ﺳﻜـﺮ ﻋﺰﺍﻡ ﺍﻟﻠﺤﺎﻑ ﻣﺮﻩ ﺛﺎﻧﻴﻪ ﻭﻟﺤـﻒ ﺍﺑﻮﻩ ﻭﻫﻮ ﻳﻄﺮﺩ ﺍﻟﻔﻜﺮﻩ ﻣﻦ
ﺭﺍﺍﺳﻪ
ﻭﻃﻠــﻊ !..
\
/
\
/
ﺩﺧﻠـﺖ ﻭﺭﻳﻒ ﻋﻠﻰ ﺍﻟﺪﻛﺘﻮﺭ ﺳﻌﻮﺩ ..ﻭﻫﻲ ﻗﻤـﺔ ﺗﻮﺗﺮﻫﺎﺍ .. ﺳﻌﻮﺩ
ﻣﺴﺘﻐﺮﺏ ﻣﻨﻬﺎ ﻫـ ﺍﻻﻧﺴـﺎﻧﻪ ﻣﺎﻏﻴﺮ ﺗﺘﻮﺗﺮ ﻣﻦ ﺟﺖ
ﻭﺭﻳﻒ : ﻓﻲ ﻣﺮﻳﺾ ﺟﺎﺍﻱ ﺩ. ﺳﻌﻮﺩ
ﺳﻌﻮﺩ ﻣﻦ ﻏﻴﺮ ﻻﻳﻨﺎﻇﺮﻫﺎ ﻻﻧﻪ ﻣﺎﻳﺒﻲ ﻳﺤﺮﺟﻬﺎ ﺍﻭ ﻳﺘﻮﺭﻫﺎ ﺍﻛﺜﺮ :ﺍﻭﻛﻲ
ﺧﻠﻴـﻪ ﻳﺪﺧﻞ
ﺩﺧـﻞ ﺍﻟﻤﺮﻳﺾ ﻭﺳﻌﻮﺩ ﻳﻔﻜﺮ ﻫـ ﺍﻻﻧﺴـﺎﻧﻪ ﺑﺘﺴﺒﺐ ﻟﻪ ﻟﻐﺰ ﺑﻌﺪ ﻏﻴﺮ
ﻣﺸﻜﻠﺔ ﺭﻳﻤﺎﺍ
\
/
\
/
- ﻋـﺰﺍﺍﻡ ﻟﻴﻪ ﻣﺎﻗﻮﻣﺖ ﺍﺑﻮﻱ ﺻﻠـﻮﺍ ﺍﻟﺤﻴﻦ
ﻋﺰﺍﻡ "............:ﻻﺭﺩ "
ﺭﻏﺪ : ﻋﺰﺍﺍﺍﺍﺍﺍﺍﺍﻣﻮﻩ ... ﻟﻴﻪ ﻣﺎﺗﺮﺩ ﺳﺎﻋﻪ ﺍﻛﻠﻤﻚ
ﻋﺰﺍﻡ .............:
ﺭﻏﺪ : ﻋﺰﺍﻡ ﺍﻛﻠﻤﻚ ﺍﻧﺎ ﺗﺮﺍ
ﻋﺰﺍﻡ .............:
ﺭﻏﺪ : ﺍﻓﻔﻔﻔﻒ ..ﺍﻟﻜـﻼﺍﺍﻡ ﻣﻌـﺎﻙ ﺿﺎﻳـﻊ
ﻃﻠﻌﺖ ﺭﻏﺪ ﻣﻦ ﻏﺮﻓﺔ ﻋﺰﺍﻡ ﻭﺭﺍﺣﺖ ﻟـ ﻏﺮﻓﺔ ﺍﺑﻮﻫﺎﺍ ..
ﺩﻗـﺎﻳﻖ ﻭﺳﻤـﻊ ﻋﺰﺍﻡ ﺻﻮﺕ ﺍﺧﺘـﻪ ﺗﻨﺎﺩﻱ ﺍﺑـﻮﻫﺎﺍ .. ﻫﺬﻱ ﺍﻗـﻮﻯ
ﺃﺷـﺎﺭﻩ ﻣﻤﻜﻦ ﻳﻔﻬﻤﻬــﺎ ..
ﺧﻼﺍﺍﺹ ﺭﺍﺡ ﻫﻮ ﺑﻌﺪ ..
ﻗﺎﻡ ﻋﺰﺍﻡ ﻣﻦ ﻣﻜـﺎﻧﻪ.. ﻭﺭﻛﺾ ﻟـ ﺍﺧﺘﻪ !..
ﺩﺧﻞ ﺷﺎﻓﺎﻫﺎ ﺣﺎﻇﻨـﺘﻪ ﻭﺟﺎﻟﺴـﻪ ﺗﺼﻴـﺢ
ﺿﻤﻲ ﻣَﻼﻣﺢ ﺻﻮﺭﺗﻪ
ﺿﻤﻴﻪ .. ﻟﻌﻠﻪ ﻳﻔﻴﻖ !...
ﻳَﺸﻬﻖ .. ﺃﻭ ﻳَﺮﺩّ ﺍﻟﻨَّﻔﺲْ .. ؛
ﺿﻤّﻴﻪ ﻟﻌَﻠﻪ ﺣﺒﺲ ..
ﺻٌﻮﺗﻪ .. ﺭﻋﺸﺔ ﻋﺮٌﻭﻗﻪ
ﻭﺧﻴﻢ ﺣﺰﻳﻦ ﺍﻟﺼﻤﺖ ﻓُﻮﻗﻪ ,..
ﻣﺎﺕ .. ﻣﺎﺕ
\
/
\
/
ﺩﺧﻠﺖ ﺭﻳﻤﺎ ﻋﻠﻰ ﺳﻌﻮﺩ ﻃﺒﻌﺎ ﺑﻌﺪ ﻣﺎﺃﺧﺬﺕ ﻣﻮﻋﺪ
ﺭﻳﻤﺎ : ﻫﻼ ﺩ . ﺳﻌﻮﺩ
ﺳﻌﻮﺩ ﻣﺴﺘﻐﺮﺏ ﻣﻦ ﺟﻴﺘﻬﺎﺍ :ﻫﻼ ﺑﻚ..ﺗﻔﻀﻠﻲ
ﺭﻳﻤـﺎ : ﻣﻤﻜﻦ ﺍﻋﺮﻑ ﻭﺵ ﺻﺎﺍﺭ ﻋﻠﻰ ﻣﻮﺿﻮﻋﻲ
ﺳﻌﻮﺩ ﻋﺼﺐ ﻣﻨﻬﺎ .. ﻭﺵ ﻫـ ﺍﻻﻧﺎﻧﻴﻪ ﻫﻮ ﻣﺎﻏﻴﺮ ﻳﻔﻜﺮ ﻓﻲ
ﻣﻮﺿﻮﻋﻬﺎﺍ ﻭﻫﻲ ﺟﺎﻟﺴﻪ ﺍﻻﺧﺖ ﻭﺣﺎﻃﻪ ﺭﺟﻮﻟﻬﺎ ﻋﻠﻰ ﻣﻮﻳﻪ ﺩﺍﻓﻴﻪ
ﺳﻌﻮﺩ :ﺍﻥ ﺷﺎﻟﻠﻪ ﺧﻴﺮ .. ﻭﺍﻧﺘﻲ ﻗﺮﺭﺗﻲ ﺍﻳﺶ؟؟
ﺭﻳﻤﺎ : ﺍﻧﺎ ﻭ ..ﻭﺍﻓﻘﺖ !
ﻗـﺎﻡ ﺳﻌﻮﺩ ﻣﻦ ﻣﺤﻠﻪ ﺑـ ﻋﺼﺒﻴﻪ : ﻭﺷﻮﻭﻭﻭ؟؟
ﺭﻳﻤﺎ ﺧﺎﻓﺖ ﻣﻨﻪ .. ﺍﻭﻝ ﻣﺮﻩ ﺗﺸﻮﻓﻪ ﺑﻬـ ﺍﻟﺤﺎﻟﻪ.. ﺳﻌﻮﺩ ﺍﻟﻌﺎﻗﻞ ﺍﻟﺮﺯﻳﻦ
ﺍﻟﻬﺎﺩﻱ ﻳﻌﺼﺐ؟؟..
ﺭﻳﻤﺎ : ﺍﻧﺎ ﺁﺁﺳﻔﻪ ﺳﻌﻮﺩ ﻭﺭﺑﻲ ﺍﻧﻲ ﺍﺣﺲ ﺍﻥ ﻫﺬﺍ ﻫﻮ ﺍﻻﻧﺴﺐ ﻟﻲ ﺑﺲ
ﻣﺪﺭﻱ ﻻﻧﻲ ﺧﻼﺍﺍﺹ ﻣﺜﻞ ﻣﺎﻗﺎﻝ ﻋﺒﺪ ﺍﻟﻤﻠﻚ ﻣﻌﺪ ﻟﻲ ﺍﻫﻤﻴـﻪ
ﺳﻌـﻮﺩ :ﺭﻳﻤــــﺎ ..! ﻭﺵ ﻫـ ﺍﻟﻜـﻼﺍﺍﻡ ﺍﻧﺘﻲ ﻣﻈﻠﻮﻭﻣﻪ ﻭﺍﻟﺤﻖ ﺑﻴﻄﻠﻊ ﻓﻲ
ﻳﻮﻡ
ﺭﻳﻤﺎ :ﻫﺬﺍ ﻛﻼﻡ ﻧﺴﻤﻌﻪ ﻓﻲ ﺍﻻﻓـﻼﺍﻡ ﻭﺍﻟﺮﻭﺍﻳﺎﺕ ﺑﺲ ﺍﻟﻮﺍﻗﻊ ﺷﻲ
ﺛﺎﺍﻧﻲ .. ﺍﻟﻈﺎﻟﻢ ﻫﻮ ﺍﻟﻠﻲ ﻳﻨﺘﺼﺮ ﻓﻲ ﺍﻻﺧﻴﺮ ..
ﺳﻌﻮﺩ : ﺍﺳﻤﻌـﻲ ..! ﺍﻧﺎ ﻣﻦ ﺭﺍﻱ ﺗﺴﺎﻓـﺮﻳﻦ ﻭﻣﺴﺄﻟﺔ ﺍﻟﺰﻭﺍﺝ
ﺍﻧﺴﻴﻬﺎﺍ ..ﻋﺒﺪ ﺍﻟﻤﻠﻚ ﻣﺎﺭﺍﺡ ﺗﺘﺰﻭﺟﻴﻨﻪ
ﺭﻳﻤﺎ :ﻃﻴﺐ ﻟﻴﻪ ﺍﺟﻠﺲ ﻛﺬﺍ ﻻﺭﺟﻞ ﻭﻻ ﻇﻬﺮ؟؟
ﺳﻌﻮﺩ : ﺭﻳﻤـﺎ .. ﺭﻭﺣﻲ ﻟـ ﺃﻱ ﻣﻜـﺎﻥ ..ﻭﺍﻧﺎ ﻓﻲ ﺍﻗﺮﺏ ﻓﺮﺻﻪ ﻭﺍﻧﺴـﻲ ﻫـ
ﺍﻟﻨﺬﻝ ﺍﻟﻠﻲ ﺍﺳﻤﻪ ﻋﺒﺪ ﺍﻟﻤﻠﻚ .. ﻣﺜﻞ ﻣﺎﻗﻠﺘﻲ ﺳﺎﻓﺮﻱ ..ﻭﺍﻧﺎ ﺑﺪﺑﺮ ﻟﻚ
ﻛﻞ ﺷﻲ
ﺭﻳﻤﺎ : ﻻ ﻣﻮﺿﻮﻉ ﺍﻟﺴﻔﺮ ﺧﻠﻪ ﻋﻠﻲ .. ﺍﻧﺎ ﺍﻗﺪﺭ ﺍﺩﺑﺮ ﻧﻔﺴﻲ
ﺳﻌﻮﺩ :ﺣﻠﻮﻭ
\
/
\
/
ﻃﻠﻊ ﻧﺎﺻﺮ ﻭﻣﻼﻙ ﻣﻦ ﻏﺮﻓﻬﻢ ﻟﻤـﻮﺍ ﺳﻤﻌﻮﺍ ﺻﻮﺕ ﺭﻏﺪ ﻭﻫﻲ ﺗﻨﺎﺩﻱ
ﺍﺑـﻮﻫﺎﺍ
ﻣﻼﻙ ﻣﺎﺗﺤﻤﻠﺖ ﺍﻟﻤﻮﻗﺖ ﻭﻃﺎﺣﺖ ﻣﻐﻤﻰ ﻋﻠﻴـﻬﺎﺍﺍ
ﻭﻓﻲ ﻭﻗﺖ ﺩﺧﻠﺘﻬﻢ ﺩﺧﻠﺖ ﻟﻤـﻰ.. ﺍﺗﺠﻬﺖ ﻟـ ﺃﺑـﻮﻫﺎﺍ ..
ﻟﻤﻰ :ﺑﺎﺑﺎ ..!ﺑـﺎﺑـﺎ .. ﺑﺎﺑﺎ ﺭﺩ
ﻫـ ﺍﻟﻤﻮﻗﻒ ﻣﺮ ﻋﻠﻰ ﻟﻤـﻰ ﺑﺲ ﻛﺎﻧﺖ ﺻﻐﻴﺮﻩ ﻭﻗﺘﻬﺎﺍ
ﻟﻤـﻰ : ﺑﺎﺑﺎ ﻗﻮﻭﻭﻭﻭﻭﻡ
ﺍﺧﺬ ﻧﺎﺻﺮ ﻟﻤﻰ ﻭﻋﺰﺍﻡ ﻭﻃﻠﻌﻬﺎ ﺑﺮﺍﺍ ﻭﻏﻄـﻰ ﺍﺑـﻮﻩ
ﻧﺎﺻﺮ ﻭﻫﻮ ﻣﺎﺳﻚ ﻣﻼﻙ ﻭﻣﺎﻳﺪﺭﻱ ﻭﺵ ﻳﺴﻮﻱ :..ﺭﻏـﺪ ﺍﻃﻠﻌﻲ ﺑﺮﺍﺍ
ﺭﻏﺪ ﻣﻨﻬﺎﺭﻩ ﻭﺗﺒﻜﻲ ﺑـ ﺷﻜﻞ ﻫﺴﺘﻴﺮﻱ : ﻣﺎﺍﺑﻲ ﻣﺎﺍﺑﻲ ..ﻣﺎﻣﺎﺕ ﻫﻮ ﺑﺲ
ﻧﺎﻳﻢ ﺷﻮﻱ
ﻧﺎﺻﺮ ﻭﺩﻣﻮﻭﻋﻪ ﻋﻠﻰ ﺧﺪﻩ :.. ﺭﻏﺪ ﺍﻃﻠﻌـﻲ
؛
ﻣﺮ ﺃﻭﻝ ﻳﻮﻡ ﻣﻦ ﺍﻟﻌـﺰﻯ .. ﻭﺍﻟﻠﻲ ﻛﺎﻥ ﻭﺍﻓﻖ ﻣﻊ ﺭﻏﺪ ﻭﺃﺧﻮﺍﻧﻬﺎﺍ
ﺧﺎﻟﺘﻬﻢ .. ﺍﻡ ﺭﺍﺷﺪ
ﺍﻡ ﺭﺍﺷﺪ :ﺷﻠﻮﻥ ﻣﺮﺓ ﺍﺧﻮﻙ؟؟
ﺭﻏﺪ ﺑـ ﺧﺸﻤﻬﺎﺍ ﺍﻻﺣﻤﺮ : ﺩﺧﻠﺖ ﻋﻠﻴﻬﺎ ﻗﺒﻞ ﻧﺺ ﺳﺎﻋﻪ ﻟﻲ ﺍﻟﺤﻴﻦ
ﺗﺒﻜﻲ ..ﻭﺍﻣﻬﺎﺍ ﻋﻨﺪﻫﺎ ﺍﻟﺤﻴﻦ
ﺍﻡ ﺭﺍﺷﺪ : ﺍﻟﻠﻪ ﻳﻜﻮﻭﻥ ﺑـ ﻋﻮﻧﻜﻢ .. ﺍﻟﻠﻪ ﻳﺮﺣﻤﻪ ﻭﻳﻐﻔﺮ ﻟﻪ ﻳﺎﺭﺏ
ﺭﻏﺪ : ﺁﻣﻴـﻦ
" ﻋﻨـﺪ ﺍﻟﺮﺟـﺎﻝ "
ﺳﻌﻮﺩ ﻳﻜﻠﻢ ﻧﺎﺻﺮ :ﻧﺎﺻﺮ ﺍﺩﺭﻱ ﻣﻮﺏ ﻭﻗﺘﻪ ﺑﺲ ﻣﻦ ﻫﺬﺍ؟ .. ﻣﻦ ﺍﻣـﺲ
ﺍﺷﻮﻓﻪ
ﻧﺎﺻﺮ ﺷـﺎﻑ ﺗﺮﻛﻲ ﺍﻟﻠﻲ ﻭﺍﻗﻒ ﻣﻌﻬﻢ ﻃـﻮﻝ ﺃﻳــﺎﻡ ﺍﻟﻌـﺰﻯ :..ﻫﺬﺍ
ﺗﺮﻛﻲ ﺍﻟـ ".."
ﺳﻌﻮﺩ ﺍﺳﺘﻐﺮﺏ ﺍﻟﻠﻲ ﻣﺜﻠﻪ ﺟﺎﻱ ﻋﺰﻯ ﺍﺑﻮ ﻧﺎﺻﺮ : ﻭﺵ ﺟﺎﺍﺑﻪ ﺫﺍ ﻫﻨﺎ؟
ﻧﺎﺻﺮ :ﻭﺍﻟﻠﻪ ﺍﻧﻪ ﺭﺟـﺎﻝ .. ﻭﺍﻗﻒ ﻣﻌﻨﺎﺍ ﻣﻦ ﺍﻣﺲ .. ﻭﺍﻟﻴﻮﻡ ﺟﺎﺍﻱ ﺑﻌﺪ
" ﻧﺮﺟﻊ ﻟـ ﺍﻟﺤﺮﻳﻢ "
ﻣﺸﺎﻋﻞ ﺗﺴﻠﻢ ﻋﻠﻰ ﺑﻨﺖ ﻋﻤﻬـﺎ : ﻛﻴﻔﻚ ﺭﻏﻮﺩﻩ؟
ﺭﻏﺪ : ﺍﻟﺤﻤﺪﺍﻟﻠﻪ ﺑـ ﺧﻴﺮ.. ﺍﻧﺘﻲ ﺷﻠﻮﻧﻚ؟؟..
ﻣﺸﺎﻋﻞ :ﻭﺍﻟﻠﻪ ﻳـ ﺧﻴﺮ ..
ﺭﻏﺪ :ﺗﻔﻀﻠﻲ ﻣﻴﺸﻮﻭ ﺍﺭﺗﺎﺍﺣﻲ
ﻣﺸﺎﻋﻞ : ﻻ ﻫـ ﺍﻟﻤﺮﻩ ﻣﺎﺭﺍﺡ ﺗﻠﻌﺒﻴﻦ ﻋﻠﻲ ﺍﺑﺴﺎﻋﺪﻙ ... ﻣﻮ ﺯﻱ ﺍﻣﺲ
ﺭﻏﺪ ﺍﺑﺘﺴﻤﺖ ﺑﺲ ﻫـ ﺍﻻﺑﺘﺴﺎﻣﻪ ﻛﺎﻧﺖ ﻧﻘﻄﻪ ﻓﻲ ﺑﺤﺮ ﺣﺰﻧﻬﺎﺍ .. ﻗﺒﻞ
ﻛﻢ ﺳﻨﻪ ﺍﻣﻬﺎﺍ ﻭﺍﻟﺤﻴﻦ ﺍﺑﻮﻫﺎﺍ
ﻣﺸﺎﻋﻞ ﺣﺴﺖ ﻓﻴﻬﺎﺍ.. ﺿﻤﺘﻬﺎ ﻭﺑﺪﻭﻥ ﺳﺎﺑـﻖ ﺍﻧﺬﺍﺭ .. ﻭﻗﺎﻟﺖ : ﺍﻟﻠﻪ
ﻳﺮﺣﻤﻪ ﻳﺎﺭﻏﻮﻭﺩﻩ
ﺭﻏﺪ ﺻﺎﺍﺣﺖ ﻛﺄﻧﻬﺎﺍ ﻣﺤﺘﺎﺍﺟﻪ : ﺁﺁﻣﻴﻦ ﻳﺎﻣﻴﺸﻮﻭ ﻭﺭﺑﻲ ﺍﺷﺘﻘﺖ ﻟﻪ ﻫﻮ
ﻭﺍﻣﻲ ..
ﻣﺸﺎﻋﻞ : ﺍﺩﻋﻲ ﻟﻬﻢ ﺑـ ﺍﻟﺮﺣﻤﻪ !..
ﺍﻡ ﺭﺍﺷﺪ :ﺭﻏﻮﻭﺩﻩ ..!ﺗﺼﻴﺤﻴﻦ؟ .. ﺃﻟﺤﻴﻦ ﺍﻧﺘﻲ ﺍﻟﻜﺒﻴﺮﻩ؟ .. ﻣﻔﺮﻭﺽ
ﺗﻘﻮﻳﻦ ﺍﺧﻮﺍﻧﻚ؟؟
ﺭﻏﺪ :ﺍﻥ ﺷﺎﻟﻠﻪ ﺧﺎﻟﺘﻲ
ﺭﺍﺣﺖ ﺧﺎﻟﺘﻬﺎ ﻋﻨﺪ ﺍﻟﺤﺮﻳﻢ .. ﻭﺟﺖ ﻟﻤـﻰ :.. ﺭﻏﺪ ﻓﻜﻲ ﻫﺬﻱ ﺍﻟﺤﻼﺍﺍﻭﻩ
ﻣﺪﺕ ﻟﻬﺎ ﻟﻤﻰ ﻳﺪﻫﺎ ﺍﻟﻠﻲ ﻛﺎﻥ ﻓﻴﻬـﺎ ﺣﻼﻭ ﻣﺼﺎﺹ ..
ﺍﺧﺬﺗﻬﺎ ﺭﻏﺪ ﻭﺣﺎﻭﻟﺖ ﺗﻔﻜﻬﺎﺍ .. ﺑﺲ ﻣﺎﻋﺮﻓﺖ ..ﺣﺎﻭﻟﺖ ﻣﺮﺭﻩ
ﺛﺎﻧﻴﻪ ..ﺑﺲ ﻣﺎﻗﺪﺭﺕ ﺗﺤﺲ ﻣﺎﺍﻓﻴﻬﺎ ﻃﺎﻗﻪ ﺍﺑﺪ ﻻﻥ ﺍﻻﻛﻞ
ﻣﺎﺫﺍﻗﺘﻪ ..ﻭﺍﻟﻨﻮﻡ ﺑﻌﺪ
ﻭﻫﻲ ﺗﺤﺎﻭﻝ ﺗﻔﻜﻬﺎﺍ ﻃﺎﺣﺖ ﻣﻨﻬﺎﺍ..
ﻟﻤﻰ :ﻳﺆ.. ﻃﺎﺣﺖ
ﺍﺧﺬﺗﻬﺎ ﻣﺸﺎﻋﻞ ﻭﻓﻜﺘﻬﺎﺍ ..ﻭﺭﺍﺣﺖ ﻟﻤـﻰ ..
ﺍﻭﻝ ﻣﺎﺭﺍﺣﺖ ﻟﻤﻰ ﻧﺰﻟﺖ ﺩﻣﻮﻭﻉ ﺭﻏﺪ ﻣﺮﻩ ﺛﺎﻧﻴﻪ .. ﺗﺤﺲ ﺑـ ﺍﻟﻌﺠﺰ
ﺍﻟﺤﻴﻦ
ﻣﺸﺎﻋﻞ : ﺭﻏﺪ؟؟
ﺭﻏﺪ ﻭﻫﻲ ﺗﺼﻴـﺢ : ﻳﺤﺴﺒﻮﻧﻲ ﻗﻮﻳﻪ ..!ﻭﻳﺒﻮﻧﻲ ﺍﻗﻮﻳﻬﻢ .. ﻭﺭﺑﻲ ﻣﻘﺪﺭ
ﻣﻘﺪﺭ ... ﺍﻧﺎ ﻣﺤﺘﺎﺍﺟﻪ ﻟـ ﺍﺣﺪ .. ﺍﻧﺎ ﻣﻘﺪﺭ ﻋﻠﻰ ﻫـ ﺍﻟﻤﺴﺆﻟﻴﻪ .. ﻟﻴﺶ
ﻳﺮﻭﺣﻮﻥ ﻭﺍﺣﻨﺎ ﻧﺠﻠﺲ
ﻣﺸﺎﻋﻞ : ﺍﺳﺘﻐﻔﺮﻱ ﺭﺑﻚ ﻳﺎﺭﻏﺪ ...ﻫﺬﺍ ﻗﻀـﺎﺀ ﺭﺑﻚ
ﺭﻏﺪ : ﻭﺍﻟﻨﻌﻢ ﺑـ ﺍﻟﻠﻪ
ﻣﺸﺎﻋﻞ : ﻭﺑﻌﺪﻳﻦ ﻣﻦ ﻗﺎﻝ ﺍﻧﻚ ﻣﻮ ﻗﻮﻳﻪ ﺑـ ﺍﻟﻌﻜﺲ ..ﺃﻧﺘﻲ ﻋﻦ 10
ﺭﺟـﺎﻝ
ﺭﻏﺪ : ﻣﻦ ﻗﺎﻝ؟ .. ﺍﻧﺎ ﺍﺿﻌﻒ ﻭﺣﺪﻩ ﺑﻬـ ﺍﻟﻜﻮﻥ
ﻣﺸﺎﻋﻞ : ﻻ ..ﻭﺍﺫﺍ ﺿﻌﻴﻔﻪ ﺻﻴﺮﻱ ﻗﻮﻳﻪ ﻋﺸﺎﻥ ﻟﻤﻮﻭ ﻭﻋﺰﺍﻡ
ﺭﻏﺪ : ﺍﻻ ﻋﻠﻰ ﻃﺎﺭﻱ ﻋﺰﺍﻡ ﻭﻳﻨﻪ؟؟
ﻣﺸﺎﻋﻞ : ﺗﻮ ﺷﻔﺘﻪ ﺑﺮﺍﺍ ﻣﻌﻴﻲ ﻳﺪﺧﻞ ..
ﺭﻏﺪ : ﺑﻌﺪ ﻋﻤﺮﻱ .. ﻣﻦ ﻣـ ..ﺻﺎﺭ ﺍﻟﻠﻲ ﺻﺎﺭ ﻭﻻ ﻧﺰﻟﺖ ﻟﻪ ﺩﻣﻌﻪ..ﻛﺎﻥ
ﻳﺪﺭﻱ ﺑﺲ ﺍﻧﺎ ﺍﻟﻐﺒﻴﻪ
ﻣﺸﺎﻋﻞ : ﻳﺪﺭﻱ؟
ﺭﻏﺪ : ﺍﻳﻪ .. ﺍﻧﺎ ﻗﻠﺖ ﻟﻪ ﻳﻘﻮﻭﻡ ﺍﺑﻮﻱ ..ﻭﻫﻮ ﻋﺮﻑ ﻭﻻ ﻗﺎﻝ.. ﻭﺧﻼﻧﻲ
ﺍﻛﺘﺸﻒ ﻫـ ﺍﻟﺸﻲ ﺑﻨﻔﺴﻲ
ﻣﺸﺎﻋﻞ : ﺍﻟﻤﺴﻜﻴـﻦ ﺍﻛﻴﺪ ﻣﺼﺪﻭﻭﻡ .. ﻣﻮ ﻣﺸﻜﻠﻪ ﻫﻮ ﻃﻔـﻞ ﺍﻟﺤﻴﻦ ﻣﻊ
ﺍﻟﻮﻗﺖ ﺑﻴﺘﺠﺎﻭﺯ ﺍﻟﻤﻮﺿﻮﻉ ﻭﺑـ ﻣﺴﺎﻋﺪﺗﻚ ﻳﺎﺭﻏﺪ
ﺭﻏﺪ : ﺧﻠﻨﻲ ﺍﺳﺎﻋﺪ ﻧﻔﺴﻲ ﻋﺸـﺎﻥ ﺍﺳﺎﺍﻋﺪ ﻏﻴﺮﻱ
ﻣﺸﺎﻋﻞ : ﺗﺮﺍ ﺍﺯﻋﻞ ﻣﻨﻚ .. ﻭﻧﺎﺻﺮ ﻣﻦ ﻳﻮﻗﻒ ﻣﻌﻪ ..ﺍﻧﺘﻲ ﺍﻣﻬﻢ ﻭﻧﺎﺻﺮ
ﺍﺑﻮﻫﻢ
ﺭﻏﺪ ................:
\
/
\
/
ﻓﻲ ﻣﻄـﺎﺭ ﺍﻟﻤﻠﻚ ﺧﺎﻟﺪ ..
ﻧﺰﻟﺖ ﻣﻦ ﺳﻴﺎﺭﺗﻬﺎﺍ ﻭﺍﺗﺠﻬﺖ ﻟـ ﻃﻴﺎﺭﺗﻬﺎﺍ ﺍﻟﻠﻲ ﻣﺎﺑﻘـﻰ ﻋﻠﻴﻬﺎﺍ ﺷﻲ
"ﺑﺘﻮﺣﺸﻴﻨﻲ ﻳﺎﻟﺮﻳـﺎﺽ "..
ﻟﺒﺴﺖ ﻧﻈـﺎﺭﺗﻬﺎﺍ ﻭﺩﺧﻠـﺖ ﺍﻟﻤـﻄﺎﺭ
\
/
\
/
- ﻋﺰﺍﻡ ﻟﻴـﻪ ﺟﺎﻟﺲ ﻫﻨﺎ؟؟
ﺍﻟﺘﻔﺖ ﻋﺰﺍﻡ ﻋﻠﻰ ﻧﺎﺻﺮ ﻭﻋﻴﻮﻧﻪ ﻣﻠﻴـﺎﻧﻪ ﺩﻣﻮﻉ :.. ﺑﺲ
ﻧﺎﺻﺮ : ﺍﺟﻠﺲ ﻫﻨﺎﻙ ﻣﻌﻲ ﻋﻨﺪ ﺍﻟﺮﺟـﺎﻝ
ﻋﺰﺍﻡ :ﻣﺎﺑﻲ "..ﻭﻧﺎﻇﺮ ﺍﻟﺸـﺎﺭﻉ .."
ﻧﺎﺻﺮ : ﻃﻴﺐ ﻣﻮﺏ ﺣﻠﻮﻭ ﺷﻜﻠﻚ ﻛﺬﺍ ﺟﺎﻟﺲ ﻉ ﺍﻟﺮﺻﻴﻒ ﻳﻠﻼ ﻋﺰﺍﻡ
ﺧﻠﻚ ﺭﺟﺎﻝ ﻭﺗﻌﺎﻝ
ﻋﺰﺍﻡ :ﻋﻤﺮﻱ ﻣﺎﺭﺍﺡ ﺍﺻﻴﺮ ﻻﻧﻲ ﺍﻟﺴﺒﺐ ﻓﻲ ﻣﻮﺗﻪ
ﻧﺎﺻﺮ : ﻋـﺰﺍﻡ ﻣﻮﺗﻪ ﻗﻀـﺎﺀ ﻭﻗﺪﺭ .. ﺍﺗﺮﻙ ﻋﻨﻚ ﻫـ ﺍﻟﺤﻜﻲ
ﻋﺰﺍﻡ ﺗﻜﻠﻢ ﻭﺍﻟﻌﺒﺮﻩ ﺧﺎﻧﻘﺘﻪ : ﺍﻧﺎ ﻗﻠﺖ ﻟﻪ ﺭﺡ ﻧﻢ ﻭﻫﻮ ﺳﻤـﻊ
ﻛﻼﻣﻲ "..ﻧﺰﻟﺖ ﺩﻣﻮﻋﻪ ﺑـ ﻏﺰﺍﺭﻩ ..." ﺧﻼﺍﺍﺹ ﻣﻌﺪ ﺍﺑﻴـﻪ ﻳﺴﻤـﻊ
ﻛﻼﻣﻲ ﻣﺮﻩ ﺛﺎﻧﻴﻪ
ﻧﺎﺻﺮ ﻣﺪ ﻳﺪﻩ ﻟﻪ :ﻫﻮ ﻣﺎﻣﺎﺕ ﺑﺴﺒﺒﻚ.. ﻭﺑﻌﺪﻳﻦ ﺍﻥ ﺷﺎﻟﻠﻪ ﺍﺑﻮﻱ ﺑـ
ﺍﻟﺠﻨﻪ ﻣﻮ ﺍﺣﺴﻦ ﻟﻪ ﻣﻦ ﻫﻨﺎ؟؟
ﻋﺰﺍﻡ ...............:
ﻧﺎﺻﺮ : ﻣﺎﻓﻜﺮﺕ ﻓﻲ ﺭﻏﺪ ﻭﻟﻤـﻰ ﻣﻦ ﻳﺠﻠﺲ ﻣﻌﺎﻫﻢ؟؟.. ﻫﻢ ﻟﺤﺎﻟﻬﻢ
ﺍﻟﺤﻴﻦ .. ﻭﻣﻼﻙ؟
ﻋﺰﺍﻡ ﻣﺴـﺢ ﺩﻣﻮﻋﻪ ..
ﻧﺎﺻﺮ :ﺗﻌﺎﻝ ﻣﻌﻲ ﻋﻨﺪ ﺍﻟﺮﺟﺎﻝ
ﻋﺰﺍﻡ :ﻃﻴﺐ
ﻭﻗـﺎﻡ ﻣﻌـﺎﻫـ
"ﻋﻨﺪ ﻣـﻶﻙ "
- ﻣﻼﻙ ﺣﺒﻴﺒﺘﻲ ﻳﻜﻔـﻲ ﺑﻜﻲ .. ﺍﻧﺎ ﻣﺼﺪﻗﺖ ﺧﺒﺮ ﺭﺟﻌﺘﻲ ﻟـ ﻃﺒﻴﻌﺘﻚ
ﻣﻼﻙ :ﻫﻮ ﻗﺎﻝ ﺍﻧﻪ ﺧﻼﺍﺍﺹ ﺻﺎﺭﻱ ﺍﺑﻮﻱ ..ﻭﺍﻟﺤﻴﻦ ﻳﺘﺮﻛﻨﻲ ﻫﻮ ﺑﻌﺪ
ﺍﻡ ﻣﻼﻙ :ﺍﺣﻤﺪﻱ ﺭﺑﻚ ﻋﻠﻰ ﻛﻞ ﺣـﺎﻝ .. ﻫﺬﻱ ﺍﻟﺪﻧﻴﺎﺍ..
ﻣﻼﻙ : ﺍﻟﺤﻤﺪﺍﻟﻠﻪ ... ﺍﻟﺤﻤﺪﺍﻟﻠﻪ
ﺍﻡ ﻣﻼﻙ : ﻗﻮﻣﻲ ﺻﻠﻲ ﻟﻚ ﺭﻛﻌﺘﻴﻦ ..ﻭﻛﻠﻲ ﻟﻚ ﺷﻲ ﺗﺮﺍﻙ ﻣﻦ ﺍﻣﺲ
ﻣﺎﻛﻠﺘﻲ ﻭﻻ ﻃﺐ ﺑﻄﻨﻚ ﺷﻲ ﺍﺑﺪ
ﻣﻼﻙ : ﻣﻦ ﻟﻪ ﻧﻔﺲ ..
ﺍﻡ ﻣﻼﻙ : ﺗﺮﺍ ﺍﺯﻋﻞ ﻣﻨﻚ
ﻣﻼﻙ : ﻻ ﻳﻤـﻪ ﻛﻠﺶ ﻭﻻ ﺯﻋﻠﻚ ..ﺍﻥ ﺷﺎﻟﻠﻪ
ﻗـﺎﻣﺖ ﻣﻼﻙ ﻋﺸـﺎﻥ ﺗﺘﻮﺿﻰ ﻭﺗﺼﻠﻲ ...
\
/
\
/
ﺩﺧﻞ ﻋﺒﺪ ﺍﻟﻤﻠﻚ .. ﻭﺳﺄﻝ ﺍﻟﺮﺳﺒﺸﻦ ﻋﻦ ﺩ. ﺳﻌﻮﺩ
ﺳﻤﻌﺘﻪ ﻭﺭﻳﻒ ..
ﻭﺭﻳﻒ :ﻧﻌﻢ ﻳﺎﻻﺧﻮﻭ .. ﺗﺒﻲ ﺷﻲ ﺑـ ﺩ. ﺳﻌﻮﺩ؟؟
ﻋﺒﺪ ﺍﻟﻤﻠﻚ ﺗﻔﺤﺼﻬﺎ ﺑـ ﻧﻈﺮﺍﺕ ﻭﻗﺤﻪ ﺧﻠﺘﻬﺎﺍ ﺗﻨﺤﺮﺝ : ﻭﻣﻦ ﺍﻧﺘﻲ
ﺍﻻﺧﺖ؟؟ .. ﻣﺎﺷﺎﻟﻠﻪ ﺷﻜﻞ ﺍﻻﺥ ﺳﻌﻮﺩ ﻋﻨﺪﻩ ﻣﻌﺠﺒـﺎﺕ..
ﻭﺭﻳﻒ ﺭﻓﻌﺖ ﺣﺎﺟﺐ .. ﻭﺵ ﻳﻘﺼﺪ
ﻋﺒﺪﺍﻟﻤﻠﻚ : ﻗﻮﻟﻲ ﻟـ ".. ﻭﺑـ ﺳﺨﺮﻳﻪ .."ﺩ . ﺳﻌﻮﺩ ... ﺍﻧﻲ ﻣﺮﻳﺖ
ﻋﻠﻴﻪ .. ﻗﻮﻟﻲ ﻟﻪ ﻋﺒﺪ ﺍﻟﻤﻠﻚ
ﻣﺮ ﻣﻦ ﻋﻨﺪﻫﺎﺍ ﻭﻧﻈﺮﺍﺗﻪ ﻣﺎﻧﺰﻟﺖ ﻋﻨﻬﺎﺍ ﺍﻻ ﻳﻮﻡ ﺑﻌﺪ ﻋﻨﻬﺎﺍ .. ﻫﻲ
ﺍﻧﺤﺮﺟﺖ ﻫﻲ ﻣﺠﺮﺩ ﺍﺷﺘﺒـﺎﻙ ﻳﺪﻫﺎﺍ ﻣﻊ ﺭﺟﺎﻝ ﻏﺮﻳﺐ ﺗﺘﻮﺗﺮ .. ﻛﻴﻒ
ﻋﺎﺩ ﻭﺍﺣﺪ ﻭﻗﺢ ﻣﺜﻞ ﻋﺒﺪﺍﻟﻤﻠﻚ..
\
/
\
/
ﺭﺟﻌﺖ ﻣﺸـﺎﻋﻞ ﻣﻦ ﺍﻟﺠﺎﻣﻌﻪ ..ﺍﻟﻴﻮﻡ ﻛﺎﻥ ﻋﺎﺍﺩﻱ ﺣﻄﺖ ﺷﻨﻄﺘﻬﺎﺍ ..
ﺭﻥ ﺟـﻮﺍﻟﻬﺎﺍ ..
ﺍﻟﻤﺘﺼﻞ<< ﺍﺷﻮﺍﻕ
ﻣﺸﺎﻋﻞ : ﺁﻟﻮﻭ
ﺍﺷﻮﺍﻕ :ﻫﻼ ﻣﻴﺸﻮﻭ .. ﺍﺧﺒﺎﺭﻙ؟
ﻣﺸﺎﻋﻞ : ﺍﻟﺤﻤﺪﺍﻟﻠﻪ.. ﺍﻧﺘﻲ؟
ﺍﺷﻮﺍﻕ :ﺑﺨﻴﺮ .. ﻭﻟﻮ ﺍﻧﻲ ﺷﺎﻳﻔﺘﻚ ﻓﻲ ﺍﻟﺠﺎﻣﻌﻪ .. ﺍﻟﻤﻬﻢ .. ﺍﺧﺒﺎﺍﺭﻙ ﻣﻊ
ﺍﻟﻌﺮﻳﺲ
ﻣﺸﺎﻋﻞ :ﺍﺑﺸﺮﻙ ﺭﺟﻊ ﻣﻦ ﺍﻟﺴﻔﺮ
ﺍﺷﻮﺍﻕ :ﻫﻬﻬﻬﻬﻬﻬﻬﻬﻪ .. ﺍﻳﻪ ﻗﻠﺘﻲ ﻟﻲ ﺍﻟﻴﻮﻡ ..
ﻣﺸﺎﻋﻞ :ﻳﻠﻼ ﻣﻮ ﻣﺸﻜﻠﻪ ﻛﻞ ﺑﻨﺖ ﻣﺼﻴﺮﻫﺎ ﺍﻟﺰﻭﺍﺝ ..
ﺍﺷﻮﺍﻕ :ﻫﺬﺍ ﻭﻣﺎﺟﺪ ﺑـ ﻧﻔﺴﻪ ﻣﺪﻭﺭ ﻟﻚ ﻋﺮﻳﺲ..
ﺣﻄﺖ ﻳﺪﻫﺎ ﻋﻠﻰ ﻓﻤﻬﺎﺍ ..ﺗﺬﻛﺮﺕ ﺍﻧﻬﺎﺍ ﺳﻤﻌﺖ ﻓﺮﺍﺍﺱ ﻭﻫﻮ ﻳﻘﻮﻝ
ﺍﻥ ﻣﺎﺟﺪ ﻫﻮ ﺍﻟﻐﻠﻄﺎﺍﻥ ﻻﻧﻪ ﻋﺮﺽ ﻣﺸﺎﻋﻞ ﺑﺲ ﻫﻢ ﻗﺎﻟﻮﺍ ﻟﻬﺎﺍ ﻻﺣﺪ
ﻳﺪﺭﻱ
ﻣﺸﺎﻋﻞ :ﻣﺎﺟﺪ؟؟ ..!
ﺍﺷﻮﺍﻕ :ﺍﻣﺰﺯﺡ ﻣﻴﺸﻮﻭ
ﻣﺸﺎﻋﻞ :ﻻﻻ ﻣﻮ ﺗﻤﺰﺣﻴﻦ ﻭﺵ ﺍﻟﺴﺎﻟﻔﻪ
\
/
\
/
ﻭﺻﻠﺖ ﻟﻠـ ﻓﺮﻧﺴﺎ ﺗﺤﺪﻳﺪﺍ ﺑﺎﺭﻳﺲ ..
ﻓﺘﺤﺖ ﺟﻮﺍﻟﻬﺎ ﺗﺒﻲ ﺗﻌﻠﻢ ﺳﻌﻮﺩ ﺑـ ﻭﺻﻮﻟﻬﺎﺍ ﺑﺲ ﺗﻮﻗﻌﺖ ﺍﻧﻪ ﻣﺎﺭﺍﺡ
ﻳﻬﺘﻢ .. ﺍﻣﻤﻢ.. ﻣﻮ ﻣﺸﻜﻠﻪ ﻣﺼﻴﺮﻩ ﺑﻴﻌﺮﻑ..
ﻭﻗﻔﺖ ﻟﻬﺎﺍ ﺗﺎﻛﺴﻲ ﻭﺭﻛﺒﺖ ﻋﺸﺎﻥ ﻳﻮﺻﻠﻬﺎ ﻟـ ﻓﻨﺪﻕ ﺍﻟﻠﻲ ﺣﺠﺰﺕ
ﻋﻨﺪﻩ
ﺟﺎﻟﺴﻪ ﺗﺘﺄﻣﻞ ﺑﺎﺭﻳﺲ ﻣﻦ ﺧﻼﻝ ﺍﻟﺸﺒﺎﻙ ﺣﻖ ﺍﻟﺴﻴﺎﺭﻩ ﻛﺎﻧﺖ ﻟﻤﺎ ﺗﺠﻲ
ﻫﻨﺎ ﺗﺴﺘﺎﻧﺲ ﻭﺗﻔﺮﺡ ﻣﺎﺗﻮﻗﺖ ﺍﻥ ﻓﻲ ﻳﻮﻡ ﻣﻦ ﺍﻻﻳـﺎﻡ ﺑﺘﺠﻲ ﻫﻨﺎ
ﻫﺮﻭﺏ ..
ﻭﺻﻠﺖ ﺍﻟﻔﺘﺪﻕ ﺍﻧﻬﺖ ﺍﻻﺟﺮﺍﺀﺍﺕ ﻭﺩﺧﻠﺖ ﻟـ ﻏﺮﻓﺘﻬﺎﺍ ﺍﻟﻤﻔﺮﻭﺽ ﺍﻧﻬﺎﺍ
ﺗﻜﻮﻥ ﺗﺒﻌﺎﺍﻧﻪ ﺑﺲ ﻣﻦ ﻟﻪ ﻧﻔﺲ ﻳﺮﺗﺎﺍﺡ .. ﺍﺧﺬﺕ ﻟﻬﺎﺍ ﻟﺒﺲ ﻭﻃﻠﻌﺖ
ﺑﺮﺍﺍ ﺗﺘﻤﺸـﻰ..