عــهــد آلاســود - ❴🔢❵☟الــبــــ❴ ألأخير ❵ــــــارت☟ - مكتملة | روايتك

*روآيـــهہ/عــهــد آلاســود🧜‍♀️♥️* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *بــواســطــهہ لـولـو عـصــآم🧜🏻‍♀️♥️🍒* *رويـات عـالـم الاحـلام والـخـيـال♥️🍒* *للانضمام لي اجـمل قـنـاه رويـات ادخلو اعـملو مـتـابـعه للـقـنـاه* *‏ رويـآت عـالـم الاحـلام والخيـال🧜‍♀️♥️ في واتساب:* https://whatsapp.com/channel/0029VaVcGX9KGGGOVoA6LR0b *مش هسامح اي شخص ياخـد الروايه منـغير لينـك القناهہ🩷* آلحلقهہ‏‏ 26 آلحلقهہ‏‏ 27 آلحلقهہ‏‏ 28 والاخيره 🩷🩷🩷🩷🩷🩷🩷 الفصل السادس والعشرون هتوحشني يا ابن الثابت واول ما قال الجمله دي ضرب رصاصه على ضرغام صوتها رج المكان بس استقرت في السقف لما حد رفعلو ايده بسرعه نعمان بص للي منعوه واتفاجأ بمنصور قال بعضب..منصور انت اتجننت عملت كده ليه هنا منصور مسكه من قميصه بغضب وقال..انا الي اتجننت يا راجل يا خرفان ..انت مش قولتلي اسلمك ضرغام وانت هتخلي اسامه يسلمني عهد علشان يرجع اخوه نعمان زق اديه بعصبيه وقال…ابعد اديك عني …واتكلم معايا عدل…لان انا السعادي مش شايف قدامي…وبعدين يا غبي اصلا اسامه لو قولتلو هقتل ضرغام هيديك الرصاص على حسابو منصور قال بزهول يعني ايه..يعني انت كنت بتحك عليا علشان تعرف تاخدو ..يعني من الاول ناوي تقتلو ومناويش تنفذ وعدك معاي نعمان قال بشر ..ايوه ناوي اقتلو ومن زمان قوي بيك او من غيرك كنت هقتلو .انت مجرد طريق مختصر..فخليك حلو كده وابعد من خلقتي احسن ما ابعتك معاه تونسو منصور بصلو بغضب وتحدي ووقف قدام ضرغام وقال…وانا عايز اونسو…لو مش هتساعدني ابقى استاهل الموت لاني سلمتك واحد كان في داري وفي حمايتي وفي الاخر ياريتك بقيت راجل ونفذت وعدك عند اسامه كان بيسوق بتوتر وخوف وبيبص على الساعه كل دقيقه… وبيمر قدام عنيه شريط ذكرياتو الجميله مع ضرغام قبل موت مالك قال في نفسو بدموع..معقوله..معقوله اخسرك تاني في اليوم الي لقيتك فيه ياضرغام..مش هستحملها ابدا اسامه فاق من شروده على صوت اسد بيقول…رد عليا يا اسامه انا عايز اعرف الحكايه انت ليه مش معبرني اسامه بصلو واتنهد وقال..عايز تعرف ايه يا اسد اسد قال بسرعه ..كل حاجه..كل حاجه يا اسامه..ازي ابويا هو الي خاطف ضرغام انتو مش مفهمني انو سابنا وهرب من سنين ومن كام سنه لما كنت بدور عليه فهمتوني انو مات يبقى ازاي خطف ضرغام فهمني اسامه اتنهد بحزن وقال وهو سايق..شوف يا اسد انت كبرت والمفروض تفهم كل حاجه مفيش داعي نخبي عليك اكتر من كده ابوك لسه عايش كمان هو مهربش من والدتك…احنا الي طردناه اسد اتصدم وقال..ايه..ازاي يعني..ده ضرغام وجدي وانت كمان كلكم فهمتوني انو اتخلى عني وعن امي اسامه قال بحزن..اهدى يا اسد..هو فعلا اتخلى عنكم بس مش زي ما قولنالك ..هو اتجوز امك من غير رضانا كانت بتحبو وبتبا وافق بالعافيه ..بس بعد ما اتجوزو وخلفوك وكبرت معانا وهو اشتغل معانا بابا بقى بعاملو زي انا وضرغام وكان بيمشي امور الشركه زيه زينا بس من ١٠ سنين ضرغام راح يراجع اوراق الشركه بعد ما اتكررت خسارتنا في اكتر من مناقصه والشركه قربت تافلس وطلعا ابوك كان مهتم بكل شيى في وقتها ..لان بابا كان مامنلو قوي المهم ضرعام اكتشف ان ابوك كان بيختلس وبيزور وبيسرب كل اخبارنا للمنافسين وهنا ضرغام طردو من الشركه وفضحة قدام الكل ابوك اعتذر كتير وبابا كان هيسامحو بس ضرغام قال …يا انا يا هو لانو كان عارف انو متغيرش وهو كان بيقوله انو هيخسره كل حاجه اسد اتفاجأ وقال..وطبعا جدي اختار ابنو اسامه قال بهدوء..ده الي حصل..بس امك تعبت وكانت زعلانه جدا فضرغام قرر انو يرجع ابوك علشانك انت وراقيه الله يرحمها ..بس ابوك للاسف راح لراقيه في الوقت الي اتاكد ان البيت مفهوش غيرها وبقى يهددها انها تمضيلو على عقود واوراق..وقتها راقيه رفضت وطردتو وهو طبعا مستحملش ويومها..احم..واخد نفس وقال…يومها للاسف قتلها ..... اسد قال بزعر… ايه عمل ايه اسامه اتنهد بحزن وقال ده الي حصل..خنقها باديه راقبه حاولت تنقذ نفسها منو ضربتو بحاجه واتصلت على ضرغام ومقالتش غير الحقني لاكن نعمان قفل منها التليفون وبقى يكمل الي بيعملو لحد ما…لحد ماخلص عليها اسد هنا مكانش قادر ينطق وقال بدموع..قت..قتلها..هو..هو الي قتل امي…موتها اسامه قال بدموع…للاسف ضرغام راح لها زي المجنون بس كانت ماتت وابوك كمان ملحقش يهرب ووقتها اشتبك مع صرغام …طبعا ضرغام وقتها كان زي المجنون لما شاف اختو جثه قدامو يومها ضرب على ابوك نار وفي ثواني انقطعت الكهربا عن المكان وابوك قدر يهرب باعجوبه..ومن يومها مظهرش في حياتنا تاتي ضرغام كان قالب عليه الدنيا عايز يا خد حق راقيه وحتى انا وبابا بس كانو اتبخر…فضلت تمر السنين لحد ما يأسنا وافتكرناه انو مات لحد ما سمعت صوتو في التليفون عرفتو على طول انا لايمكن انسى صوتو وطبعا هو بعد كده حمل كل الي حصلو ده لضرغام وان لولا ضرغام مكانش بابا كشفو ولا خسر بيتو وابنو وعلشان كده عايز يقتلو احنا كلنا كنا بندور عليه بس ضرغام كان اكتر واحد اتأثر بالموضوع لانها استنجدت بيه ومقدرش يلحقها ولانو انصدم جدا ازاي بعد كل الحب الي حبتو راقيه لابوك واتحدتنا كلنا علشان تتجوزو يعمل فيها كده موضوع مقدرش يستوعبو و بس اسامه قطع كلامو لما سمع ايد بيبكي بقوه وقهر ودموعه مغرقه وشو وقف العربيه بسرعه وقال بلهفه..اسد..اسد اهدى اهدي يا حبيبي صلي على النبي وفتح قزازه ميه وسقاه اسد كان بيشهق بقوه وفي حاله انهيار تام وقال بهستريا..ابويا.. ابويا انا قتل امي..ازاي …ازاي قدر يعمل كده …وليه محدش قلي..انا ليه معرفش يا خالي ازاي تخبو عني حاجه زي دي ازااااااي اسامه اتنهد وقال..اهدي يا اسد انت كنت صغير وقتها مكملتش ١٥ سنه ازاي هنقولك حاجه زي دي ونكسر قلبك…ا اسد قال بانهيار وزعيق..تكسرو قلبي و دلوقتي قلبي متكسرش..متكسرش لما سبتوني طول السنين دي اقول انا اسد النعمان..رغم اني كنت فاكر انو سابنا لاكن عمري ما اتبريت منو .انت نفسك كنت بتقولي يا ابن النعمان..كنت بتعايرني بيه وانا زي الاهبل فاكر انك بتكرهو لانو ساب اختك ومشي اسامه نزلت دمعه من عيونه وقال..انا لايمكن اعايرك يا اسد كل حاجه كنت بقولهالك كانت من ورا قلبي ..كنت قاصد ضرغام والله ..اهدى يا اسد علشان خاطري متخلنيش اندم اني حكتلك ..ضرغام معاه دلوقتي لوحدة وانا مرعوب عليه ارجوك ساعدني اسد حاول يهدي لما اسامه قال كده وقال بغضب..انا الي هقتلو… ومسح وشو بقوه وقال.. سوق بسرعه يا خالي انا الي هخلص عليه..بايدي هموتو اسامه اتوتر من الغضب الي في عيون اسد وخاف عليه بس مكانش عندو وقت يرجع كان لازم يلحق ضرغام طلع بسرعه وهو خايف وبيعد الثواني عند نعمان قال بغضب..ابعد يا منصور من قدامو انا مش عايز اخلص عليك احسنلك ابعد منصور قال بغصب..بس انا عايز ..عايز اشوفك هتعمل كده ازاي وكان بيبصلو بنظرات ترعب هنا نعمان حاول يبان مش خايف ورفع السلاح هيضرب عليه منصور هجم عليه ووقعو على الارض وبقى يحاول يا خد المسدس منو ضرغام كان شايفهم بيتخانقو بس حتى مكانش قادر يرفع اهداب عنيه كان حرفيا مفهوش حته سليمه منصور وهو بيتخانق مع نعمان طلعت رصاصه من المسدس والاتنين بصو لبعض بزهول اسامه في اللحظه دي كان وصل هو واسد واول ما سمعو صوت ضرب النار بصو لبعض بصدمه واسامه جري زب المجنون وهو بيقول بعلوصوتو ضرغااااااام…ضرغااااااااااااام اسامه اول ما وصل وقع على ركبو من كتر الخوف بس غمض عنيه واتنهد براحه لما شاف منصور واقع على الارض وبينز،ف لان رصاصه نعمان صابتو اسد بقى كان ورا اسامه بس مش قادر يجري زيو كان بيجر رجليه بالعافيه ومش قادر يدخل ورجله مش شيلاه لحد ما وصل بطلوع الروح وشاف ضرغام مربوط ومضروب جدا وبينز،ف بقى يبكي جامد وسند ضهره على الحيط بانهيار نعمان بص لحالتهم بشماته وابتسم وقال..عارف يا اسامه رغم اني مش فاهم ابدا انتو ازاي هنا..وليه كل الخوف ده عليه..ورغم اني مستغرب وجودكم لاكن مبسوط اني شايفكم منهارين قدامي الضعف الي شوفتو فيكم دلوقتي خلاني مرتاح من جوايا اسامه بصلو بنظره مرعبه ووقف وقرب عليه وقال بفحيح ..نعمان…. والله الدنيا دواره…كام سنه بندور عليكككك… كام سنه بتدور حوالينا واحنا مش شايفينك بنقطع في بعض من غير ما نسأل وبص لضرغام ونزلت دموعه ونزل راسو في الارض بندم وقال…من القلب للقلب اعتذار مستحيل يقدر يوصفو اللسان يا ابن ابويا ضرغام ابتسم بتعب ونزلت دمعه من عنيه وهو مرتاح جدا وحاسس لو مات دلوقتي هيبقى مرتاح ومبسوط نعمان بص لاسامه بسخريه وقال..يبقى انت كشفت كل حاجه مدام بتعتذرلو ..وكمل بغضب وقال. اكيد الغبيه سيلا هيه الي حكتلك…على العموم مش فارقلي..انا مش هنكر حاجه من انجازاتي..ودار حواليه وقال باستفزاز..انا الي قتلت مالك…وانا الي خليتك تفتكر ان ضرغام الي قتلو..وانا الي كنت بوقعكم في بعض طول المده الي فاتت وبص لاسد وقال…كمان انا الي خليتو يغت،صب الكتكوته بتاعتك يا اسد…لان ابني انا..انا وبس الي هجوزو…البنت الي على مزاجي انا..انا ابوك مش هو…انا ابوك الي الوا،طي ده اخدك من حضني وحاول يخليك ابنو اسامه اتعصب جدا ودمو فار لانو بيعترف قدامهم ببساطه ولسه هينطق اسد اتقدم عليه وبص في عنيه وقال بقوه وغضب وحقد…انا مش ابنك..عمري ما كنت ابنك ولا هكون..ومش علشان كل الي قولتو ..لا…علشان الي زيك ربنا رحمني من اني اتربى معاه..رحمني من اني اكون ابن واحد منافق وكداب ومختلس..وقاتل نعمان بصلو بدموع وقال..انت ابني انا يا اسد دول بيكرهوك فيا و بس اسد قاطتو وقال بغضب رهيب وزعيق..اخرسس..اخرس متنطقش..عايز تموتو مش كده..اقتلني قبلو اقتلني لاني مش هعيش دقيقه من غيره …يلا اقتلنا ….اقتلنا زي ما قتلت امي يلااااا نعمان نزلت دموعه ولسه هيتكلم الحرس بتوع نعمان كانو سمعو صوت ضرب النار وجم على الكهف واشتبكو مع الحرس بتوع اسامه وقتلوهم طبعا لانهم راجلين اتنين بس ودخلو ورفعو اسلحتهم في وش اسامه واسد نعمان بص للراجل الي رافع سلاحو على اسد وقال بحده نزل سلاحك يا حيوا،ن ده ابني الراجل نزل سلاحو بخوف ونعمان بص لاسد وقال هنهرب انا وانت يا ابني هشيل من قلبك كل الكره الي حطوهولك فيه من ناحيتي هنعيش انا وانت انا من زمان نفسي ترجعلي يا اسد اسد بقى يزعق ودموعه على خدوده وعايز يهجم عليه واسامه مسكو من وسطو بيمنعو وهو كان متعصب ومنهار لدرجه ان اسامه بالعافيه مسيطر عليه وكان بيتكلم بعلو صوتو وبدون وعي قال ..متقولش ابني..انا مش ابنك..انا ابن حرام ابن حرااام ابويا واحد زبال،ه وا،طي واحد ابن *** يا و،سخ يا سا،فل وكان بش،تم ومش عارف بيقول ايه نعمان اتنرفز وبص لضرغام بكره وقال …كل ده بسببك انت كرهتو فيا سامع بيقولي ايه كل ده انت الي عملتو هموتك بايدي ومسك المسدس ولسه هيضرب عليه اسامه ساب اسد ورفعلو ايده ووقع السلاح منو رجاله نعمان بقو يضربو نار على اسامه بس اسامه شد النعمان قدامو بحركه سريعه وبقى زي الدرع الي بيحميه وكل الرصاص جيه فيه رجاله نعمان اتفاجأو واسامه زق نعمان وقع ميت على الارض واستخبى ورا جدار وطلع سلاحو وبقى يضرب عل رجاله نعمان وكل شويه يوقع واحد واسد جري بسرعه اخد مفتاح السلاسل من جيب جثة ابوه وجري فك ضرغام وشدو بالعافيه ورا جدار تاني وخباه وبصلو بدموع وحضن دماغو وقال ببكا..انا اسف..سا محني ابوس ايدك تسامحني ضرغام ابتسم وحضنو بكل قوتو وقال وهو بيتألم…وحشتني يا اسدي.. وحشتني اوي …اوعى.. اوعي تسبني تاتي انا مليش غيرك اسد بقى يحضنو بحب وقال …عمري ما هسيبك انت ابويا يا ضرغام… ابويا الي رباني و اسامه بصلهم بغيظ من عند الجدار وقال.. لا وانت للامانه متربي..ماتخلص يلا هيموتونا وانت قاعد تعتذر .... ضرغام ابتسم بيأس وكان تعبان جدا واسد قال …طب انت عايز ايه يعني اسامه رمالو سلاح وقال. خد اضرب معايا هعددهم كتير اسد سند ضرغام على الحيط وكان بالعافيه بيتنفس اسد اول ما أمن ضرغام اخد السلاح وبقى يضرب مع اسامه وكانو خلصو على عدد كبير منهم لحد ما حصل الي بوظ الدنيا على الاخر عهد وشوق سمعو ضرب النار الشديد جريو بسرعه ودخلو الكهف ورجاله النعمان مسكوهم وحطو السلاح على دماغهم واحد منهم قال .اطلعو حالا..اطلعو والا هخلص على الموزتين دول اسامه اول ما شاف شوق وعهد اتسعت عنيه بشده وضم اديه بغضب من غبائهم وبص لاسد الي كان بيبصلو برجاء انو يتصرف اسامه اتنهد ووقف ورفع اديه وقال….هدو اخلاقكم يا رجاله وهنتفاهم اسد كمان عمل زيو وقال…اه هنتفاهم وانتو على فكره ممكن تبقو من رجالتنا و عهد بقى كانت بتبص يمين وشمال عايزه تشوف ضرغام بس اتفاجأت لما بصت للرجاله الي واقعه على الارض وشافت وسطهم منصور حطت ايدها على بقها بصدمه وزقت الراجل الي ماسكها وقربت منو وقالت ببكا..منصور…منصور رد عليااا بس منصور للاسف كان فارق الحياه وعهد بقت تبكي اوي رغم كل الي عملو معاها لاكن قلبها مقدرش يستحمل انو اتقتل ..بقت تبصلو بدموع لحد ما واحد من رجالة النعمان شدها بقوه ورجع حط السلاح على دماغها تاني الراجل الي ماسك شوق قال…بس يا ختي بلاش دراما انتو كده كده هتحصلوه ..ها تحبو ابدأ بمين اسامه بص لشوق بغضب وهيه كانت بتبصلو بخوف وقال…احم…تمام ليكم حق بصراحه وبص لشوق بغيظ وقال…ابتدى بيها لاني لو طلعت عايش هقتلها بايدي شوق بلعت ريقها برعب واسد بص على عهد الي كانت مرعوبه ورجع بص لاسامه وقال .انت بتقول ايه انت اتجننت واحد من رجالة نعمان بص لاسامه ورجع بص لشوق وقال بوقاحه …انا شايف ان الموزه دي حرام تموت اسامه الغضب بان في عنيه واتنهد بغيظ ..والي ماسك شوق قال اربطوهم رجاله نعمان راحو لاسامه واسد وبقم يربطوهم في الصخره واسامه قال…براحه يا عم انت بتربط جاموسه..طبعا ما انا لوكنت موزه زيها كان زماني بتعاكس واخر روقان اسد قال بخوف… هما هيعملو فينا زي الافلام العربي ..يقتلونا ويغتصبوهم وكده اسامه بصلو بحده وقال…اخرس يلا ..انا مراتي محدش يقدر يلمسها غصب عنها ابدا اسد ضحك بقوه وقال..لا متخافش مش هيكون غصب عنها..بص كده ….وشاورلو بعنيه على شوق اسامه بص لشوق باستغراب من كلامو لقاها بتضحك مع الشاب الي ماسكها وبتقول..هو الحلو منين اسامه اتسعت عنيه بشده وزهول وقال بصوت رج المكان شوووووق وووو…… يتبع *آلـروآيـهہ مـن قـنـآهہ عــآلــم آلآحــلآم وآلـخــيــآل* *بـوســطـهہ لــولــو عـصــآم* 🩷🩷🩷🩷🩷🩷🩷🩷🩷 ‏تابع قناة رويـآت عـالـم الاحـلام والخيـال🧜‍♀️♥️ في واتساب https://whatsapp.com/channel/0029VaVcGX9KGGGOVoA6LR0b 🩷🩷🩷🩷🩷🩷 الفصل السابع والعشرون اسامه اتصدم لما لقاها بتضحك مع واحد من رجاله نعمان وبتقول هو الحلو منين..قال بغضب رهيب شووووووق شوق بصتلو بخوف بس حاولت متبينش وقالت..ايه عايز ايه..انا حره انا اصلا مبحبكش وبصت للراجل الي ماسكها وقالت بمعاكسه ..انا بموووت في الاسمر ..يا اسمر يا اسماراني الراجل شدها عليه وقال بمعاكسه ..وانا بموووت في الملبن اسامه اتنرفز والغضب كان عاميه وبيحاول يفك نفسو وقال بزعيق وعصبيه…والله يا شوق لكون قاتلك بايدي انهارده… وبص للراجل بنظره مرعبه وقال…سبها احسنلك هطلع روحك انت كمان اسد قال بزهق …يا عم يسبها ايه هيه الي ماسكه فين اصلا …وبعدين سيبك منها وفكر في الورطه الي احنا فيها دي اسامه لسه هيكلمو اتفاجأ بشوق وشوشة الشخص الي معاها وهو ضحك بكل صوتو وقال لزميله… احمد هات الموزه التانيه وحصلني… وقال للباقي منهم انتو استنو هنا خلو عينكم عليهم لحد ما يجي دوركم شوق طلعت معاه وهيه بتضحك اما عهد فكانت بصالهم بدموع وماشيه معاهم بالعافيه اسامه بقى يزعق بكل صوتو ويقول..شوووق..استني بطلي هبل ارجعي يا بت شووووق بس شوق ولا كانها سمعاه طلعت مع الرجاله بكامل ارادتها اسامه كان هيتجنن وضرب الارض بغيظ وعصبيه وقال..يا متخلفه يا غبيييييه اسد استغربو قوي وقال..يا بني ما تسبها تغور دي متستهلش ابدا انت المفروض تخلص عليها اصلا اسامه اتنهد بغضب وبصلو بحده وقال..دي واحده هبله فاكره انها ممكن تنقذنا الغبيه ممكن تودي نفسها في داهيه ..انت اصلا مش فاهم حاجه عند شوق طلعت مع الراجل وبقت تضحك معاه وفجأه اتسندت عليه كاتها اتكعبلت بقت في حضنو الراجل قال بمغازله سلامتك يا جميل ..ولسه بيعدلها شوق شدت سلاحو بسرعه وقالت..خليك مكانك هفرغو في دماغك وبصت للراجل الي ماسك عهد وقالت ..سبها ابعد عنها ...... الراجل لسه هيتقدم عليها ضربت رصاصه عند رجلو وقالت… بقولك سبها اسامه سمع صوت الرصاص قلبو وقع في رجليه واتسعت عنيه وقال برعب وهمس…شوق واحد من الرجاله لسه هيطلع يشوف فيه ايه..بس زميله قال.. ملناش دعوه مسعد قال متتحركوش خلينا هنا الراجل وافقو وبقم قاعدين حارسين اسد واسامه اسامه كان بيزعق بكل صوتو وبيقول..شووووووفق…شوق ردي عليااااااااااا شوق كانت سمعاه لانهم لسه مبعدوش وقالت بارتباك..عهد خدي سلاح الراجل الي جمبك ده عهد قالت بدموع …انا …انا مش ..مش هقد..هقدر شوق قالت بهدوء بتحاول تطمنها ..هتقدري يا عهد ارجوكي علشان نلحقهم ضرغام بينز،ف يا عهد .. لازم ننقذو الرجاله كانو رافعين اديهم وخايفين شوق تضغط على الذناد وعهد قربت من الراجل الي كان ماسكها ومسكت السلاح وايدها بتترعش وقالت…خليك مكانك اوعي تتحرك.. ووجهتو عليه شوق قالت بفرحه شاطره يا عهد..خلي بالك منهم هروح افك اسامه واسد واجيلك على طول شوق جريت على الكهف وعهد كانت رافعه سلاحها و خايفه اوي بس حاولت تبقى مرعبه يعني وقالت وهيه بتتنفض…اق..اقعدو….يلا …مت..متعصبونيش…انا خطر قوي وضربت رصاصه في الارض وصرخت بقوه اول ما سمعت صوتها وحطت اديها على ودانها وهيه مرعوبه مسعد والراجل الي معاه خافو لانها مش بتعرف تستخدم السلاح وقعدو على الارض بسرعه شوق وصلت الكهف ودخلت هيه ورافعه السلاح… اسامه اول ماشافها ابتسم ودموعه نزلت من عيونه مع ابتسامه جميله سوق ابتسمتلو وقالت بصوت عالي…محدش يتحرك والا هفرغ الرصاص في دماغكم ارفعو اديكم يلا الرجاله رفعو اديهم وشوق كانت موجهه السلاح عليهم وبتمررو قدامهم وقالت لواحد منهم ..انت…فكهم يلا …يلاااااا الراجل اتقدم وبقى يفك اسامه واسد وفعلا فكهم واسامه مسك سلاح واسد كمان مسك سلاح ورفعه في وشهم اسامه بص لشوق بفخر واسد قال بفرحه… ايوه كده الي يخاف من الاسد… لازم كمان يخاف من انثى الاسد ولا ايه اسامه بصلو وقال..احم…بلاش حكايه انثى الاسد دي..شوف جمله غيرها ..ولا اقولك متتكلمش اصلا روح شوف خالك..ليه كل ده معملش اي صوت..يلا اتحرك اسد جري على ضرغام ولقاه فقد الوعي وقال بقلق…ضرغام تعبان جدا يا اسامه لازم نلحقو شوق فضلت ماسكه السلاح على الرجاله واسامه راح مسك ايد ضرغام ولقي جسمو متلج خاف جدا عليه وقومو هو اسد بخوف وقال…احنا لازم نطلع من هنا بسرعه يا شوق.. ولسه هيطلعو جيه مسعد وهو ماسك عهد وحاطط السلاح في دماغها وقال..اي حركه هصفي دمها وزعق بصوت عالي وقال….سفييييينه جيه واحد من المزرعه قوي جدا وطويييل بطريقه غريبه يعني عملاق والشر في عنيه شوق اترعبت من شكلو وقالت…ايه ده يااسامه…ميين..مين ده اسامه بصلو من فوق لتحت وقال ببساطه….ده سفينه…الي هيغدينا شوق بصتلو بخوف واستخبت وراه ..اسامه ابتسم وقال..ايه..مش جعانه شوق اتنرفزت وضربتو في ضهره وقالت …ده وقت استظراف عهد كانت مرعوبه واسد بصلها بدموع لما اتاكد انهم مش هيطلعو بخير قال…عهد..انا..انا اسف…مش عارف هتفهميني ولا لا…بس .انا ..انا بحبك قوي..سامحيني…انا كنت حسيت انك بتحبي ضرغام وهو كمان كان واضح انومهتم بيكي..و..وعلشان كده طلبت منو يخطبك ليا..كنت خايف تضيعي مني ارجوكي تسامحيني عهد اتسعت عنيها بزهول ودموعها نزلت بحزن عليه مش منو واسد كمل بدموع وقال..انا عملت كده لاني حبيتك اوي يا عهد..والله انا مش بكره ضرغام ابدا..انا بس كان نفسي تكوني ليا..وكنت فاكر ان مشاعر ضرغام اتجاهك عاديه..لانو عمره ما حب ولا كان فيه في حياتو حاجه جديده..حاولي تسامحيني يا عهد عهد لسه هترد مسعد قال بغضب…لا يا حلو انت وهيه مش وقت نحنحه..وبعدين انتو هتموو سوا تبقى تشرح لها في جهنم انشاء الله..وصوب سلاحو عليه بس قبل ما يضرب وقع في الارض ميت تحت زهول الجميع برصاصه من سلاح غسان الي دخل في الوقت المناسب وقال..امرني يا اسامه بيه اسامه ابتسم وحضنو وغسان بحب وقال…اول مره توقيتك صح غسان كان مبسوط انو لحقو لانو مش مجرد جارد عادي عندو هو من زمان معاه واتعود عليه وبعدها الوضع بقى اشبه بساحة المعركه غسان كان معاه رجاله كتير جدا ومن ضمنهم عواد ورجالة ضرغام اشتبكو مع رجالة النعمان وقدرو يخلصو على سفينه وكل رجاله نعمان و طبعا الانتصار كان من نصيب رجاله اسامه لان عددهم اكبر بكتير اسامه اخد ضرغام على العربيه ولسه هيركبو شافو حمدان نازل جري برعب واتفاجأ بابنو مقتول وقع على الارض بصدمه وبقى يبكي بقوه وصراخ وقهر شديد عهد نزلت دموعها على حالو بس انتبهت على شوق مسكت ايدها وقالت ..يلا يا عهد دا بذات ميستاهلش دمعه شفقه منك..يلا ضرغام مستنيكي عهد مسحت دموعها وركبت جمب ضرغام وشوق ركبت جمب اسامه من قدام واسد كان جمب ضرغام وعهد بعد شويه كانو في المستشفى وكانت جروح ضرغام كتير وعندو كسر في دراعو واتجبس وكدمات شديده بعد فتره في المستشفى عند ضرغام كانو كلهم جمبو عهد وشوق واسامه واسد قاعدين معاه في اوضتو وبيبصولو بدموع واول ما فتح عينه بقو يحضنو بعض بفرحه ضرغام ابتسم بتعب شديد وقال…اخيرا…اخيرا لمنا مكان واحد ..كان..كان لازم يكون في المستشفى يعني اسد نزلت دموعه وحضنوه بقوه وبقى يبكي ويقول..انا اسف سامحني وانبي اسف انا ظلمتك و ضرغام قاطعو وقال بتعب..اشسش..انت مظلمتنيش يا اسد انت مكانش قدامك حل…انت شوفت بعنيك اسد كان لسه بيبكي وضرغام بص لاسامه الي كان واقف بعيد ودموعه على خدو وعيونه في الارض مش قار يبصلو ابدا ضرغام ابتسم وقال..مش انت يا اسامه..مش انت الي تنزل عنيك كده..بصلي مش عايز تقولي حمد الله على السلامه اسامه قال بحرج…احم..اكيد الف حمد لله على سلامتك…و…و..انا ..واتنهد وقال..مش لاقي كلام…مش هقدر اقولك حاجه…ولا هينفع اقول يامحني يا ضرغام ملهاش لزوم بعد الي عملتو معاك ضرغام ابتسم بدموع وقال…فعلا ملهاش لزوم…لاني اصلا مسامحك ..طول عمري عازرك يا اسامه…انت اخويا وانا دلوقتي نسيت اي حاجه حصلت الحمد الله ان ربنا جمعنا تاني يا ابن ابويا …..وفرد دراعو السليم ليه عايز يحضنو اسامه ابتسم بيعاده وبقى يمسح دموعه وبص لضرغام باستغراب وقال….عايز ايه..انت..محتاج حاجه اعملهالك… اااااه..انت قصدك يعني عايز تحضني بما اننا اتصالحنا وكده..لا معلش ملهاش دعوه هما دايما يربطو الصلح بالاحضان في الافلام بس ملهاش دخل ابدا …وغمزلو وقال..انا مليش غير في الحضن الطري ضرغام بقى يضحك من قلبو وهز راسو بيأس وقال..مش هتتغير يا اسامه..مش هتتغير ابدا اسامه ضحك وحضنو بقوه من غير مقدمات وقال…وحشتني اوي وحشني وجودك في حياتي ضرغام…حاول تسامحني انا اسف يا ابن ابويا ضرغام ابتسم وحضنو بقوه وقال….ليك وحشه يا اسدنا الكبير شوق ابتسمت بفرحه وعهد كانت حاطه عنيها في الارض ودموعها بتنزل بصمت وكل شويه تبصلو ضرغام كمان كان بيبصلها وبيبعد عيونه بسرعه اسد خد بالو وابتسم ومسك ايد عهد وقال..اظن كده كفايه يا ضرغام …نسبلك ترتاح….مع خطبتك ضرغام وعهد بصولو بدهشه واسد قال..مالكم بتبصولي كده ليه..ده الصح…مشاعركم من طرفين..اما انا مشاعري من طرف واحد وانا مقبلش ادي من غير مقابل يا عهد..متحاوليش تواسيني بانك تظلميني عهد نزلت عيونها وقالت بحزن عليه..انا..انا اسد قاطعها وقال..انتي اختي..اختي الي هستني انك في اي يوم تكلميني وتعزميني على يوم جوازك وهكون اول الحضور ضرغام اتنهد وقال..خلينا نتناقش الاول يا اسد قبل ماتاخد اي قرار و اسد قاطعو وقال بابتسامه ..الموضوع مش مستاهل يا ضرغام ..انت بتحبها وهيه بتحبك ربنا خلاها تهرب قبل فرحها وخلاك تلاقيها وتختارها من بين الكل علشان هيه نصيبك..انا دخلت بنكم غلط ولازم انسحب ضرغام نزلت دمعه من عيونه وقال..اسمعني يا اسد انا مش عايز اي حاجه تبعدك عني ..ارجوك..انا ممكن اعمل اي حاجه بس متسبنيش تاني و اسد قاطعو بابتسامه بيحاول يخبي فبها وجعو وقال… مين قالك اني هسيبك…انا معاك في كل وقت…انت ابويا ..ابويا بكل معاني الكلمه دي…امتى ماتحتاجني هتلاقيني معاك…بس ان الاوان لابنك يعمل زيك..ويعمل لنفسو اسم ومكانه لوحدو..انا هروح لجدو في المانيا..هشتغل في البرمجه…دي الحاجه الي انا بحبها وبفهم فيها …وهبقى كل يوم اكلمك صوت وصوره كمان ضرغام قال ..بس لاكن اسامه قاطعو وقال بابتسامه حزينه..سيبو..سيبو على راحتو يا ضرغام…اسد لازم يشق طريقه ..واتنهد وقال..لازم يبعد علشان يقدر يكمل ضرغام اتنهد بحزن واسد باس جبينه وقال…مش هتحرك من هنا الا لما تخف وترجع زي الحصان..انا هنزل اشم هوا ..واسيبك تتكلم مع عروستك اسد خرج وضرغام كان بيبصلو بدموع وحاسس بيه جدا بص لاسامه بدموع واسامه شاورلو براسو بمعني ميقلقش واتنهد وقال..يلا ياشوق نروح نشوف اسد شوق كانت واقفه بتبص على عهد وضرغام بابتسامه مبسوطه انهم بقو مع بعض ومتحمسه قوي اسامه بصلها وقال.. يا شووووق..مش وقت اعجاب انجري يلاا..وشدها من ايدها وطلعو وسابو عهد وضرغام مع بعض و كان الصمت سيد الموقع بس نظرات العيون قالت كل الي متحكاش شوق اول ما خرجو قالت بضيق..كنت سبتنا معاهم شويه يعني..كنت هموت واشوفو هيقولها ايه اسامه قال…ايه يا بت الفضول ده..انتي مالك هيقولها ايه.. اكيد الي هيقولو ميتقالش قدامك يعني خلي فيه شويه سنس..وبعدين من انهارده…وقرب عليها وقال بطريقه ترعب من انهارده تقولي نعم وبس على كل الي اقوله..علشان احاول..شوفي مجرد هحاول انسى المياعه الي عمالتيها هناك ..والحلو منين واسمر يسماراني ..ها يلا قدامي يا…يا انثى الاسد وزقها قدامه وقال… انجري يلا ...... شوق مشيت بضيق وهيه بتقول..طب متزوقش خيرا تعمل شرا تلقى اسامه قعدها على كرسي وجاب لها قهوه وقال …انا هطلع اكلم اسد احاول اهون عليه شويه..انتي استنيني هنا شوق قالت.. تمام ..احم..طب متعرفش.. قسم النسا منين.. اسامه بصلها باستغراب وقال… ليه شوق قالت بارتباك..ابدا..احم..حاسه بمغص اسامه قال..تمام هكلم اسد كلمتين واجيلك علي طول وندخا نكشف متتحركيش من هنا ..ومش هقولها تاني متتحركيش يا شوق اجي الاقيكي مكانك سامعه شوق ابتسمت وقالت..هتلاقيني مكاني عشقت الكرسي والكرسي عشقني لزقت هنا وحيات عيونك اسامه بصلها بشك وابتسم ابتسامه جانبيه وقال …ربنا يستر علشان انا من غير حاجه عايز اركب نضاره اسامه سابها وطلع جنينه المستشفي واول ما مشي شوق قامت وراحت الاستقبال وقالت..لو سمحتي فين فسم النسا عند اسامه راح لاسد وشافو بيمسح دموعه وواقف بيشم هوا وملامحو باين عليها الحزن اوي اسامه اتنهد وحط ايده على كتفو وقال..الموضوع واصل لفين..يعني…بتحبها اوي اسد دموعه نزلت واترمي في حضن اسامه وقال..اوي يا اسامه اوي اسامه اتنهد وقال..يا ابني اهدى..هو انتو ايه حكايتكم في الاحضان..انشف يلا مش كده واتنهد وقال…صدقني الموضوع مش صعب انا اكتر واحد مقدر الي انت فيه ..ساعت ماليالي طلبت الطلاق وسابتني حسيت الدنيا وقفت زي ما اكون خسرت كل حاجه …بس اديني قدامك..بقيت اسعد من الاول ..مش لاني محبتهاش والجو ده…لاكن احيانا الجرح بيبقى منحه…لما بتحب شخص وتتعلق بيه وانت كاره كل الدنيا وقتها بتتاكد ان الحب ده حقيقي والا مكانش دخل قلبك اسد ابتسم وهو بيمسح دموعه وقال..شوق اسامه ابتسم وقال..يا اخي اسمها لوحدو بيخليني مش علي بعضي الموضوع ذاد عن حدو ويا خوفي…ومخدش بالو من كلامو وقال ..خصوصا ان فيه مشكله ومش عارف احلها ابدا اسد قال باستغراب…مشكله..مشكلة ايه اسامه اتنهد وقال..سيك مني انا..الي عايز افهمهولك يا اسد..ان الانسان بالفطره عقلو بيمسح ويخزن..ودي نعمه النسيان الي ربنا ادهالنا..يعني انا زي ما قولتلك في يوم من الايام كنت مكسور لدرجه اني لو حد قلي هيجي وقت وتشفى جروحي مكنتش صدقت لاني خسرت مالك وضرغام وليالي في وقت واحد بس شوف انهارده ..اديني قدامك..صحيح مالك مرجعش ومش هيرجع..بس ضرغام رجعلي..وانت كمان..وربنا عوضني بشوق كانو بيقولي كان معاك نجم..خد بدالو القمر …واخيرا ابتديت اعيش من تاني..الي عايز اقوله..ان كل شيئ ربنا بيصلحه ويوم ما بيكسر بيبقى معاه مفتاح الفرج…وانا خلصت كلامي واياك تحضني هرزعك على قفاك هنا اسد ضحك بقوه وقال…انت انسان جميل يا اسامه..وانا كمان عندي ليك نصيحه..خد بايد ضرغام وابعدو عن شغل جدي..ابنو عيله..علشان متبقوش خايفين عليهم..حتى لو مكسبها اقل..راحتها اكبر اسامه ابتسم وقال..معاك حق..انا فكرت في كده..وقررت نرجع نباشر الشركات والمصانع الي عندنا مش قليل ومش هدخل الي عمليه تاني..علشان نويت ابتدي من جديد ..ولازم ابتدي صح و بس قطع كلامو صوت تليفونو وقال بسرعه..معلش يا اسد تليفون مهم لازم ارد وفتح وقال..ايوه يا دكتور امام وسمعو شويه واتجمد مكانو وقال بخوف ..حاضر حاضر..اناجاي حالاووووو يتبع *آلـروآيـهہ مـن قـنـآهہ عــآلــم آلآحــلآم وآلـخــيــآل* *بـوســطـهہ لــولــو عـصــآم* 🩷🩷🩷🩷🩷🩷🩷🩷 الفصل الثامن والعشرون الاخيرة ليالي ليالي بتموت يا اسد انا لازم الحق اروح لها انا هاخد شوق معايا وانت خليك مع ضرغام اسامه قال كده لاسد ومشي من غير ما يستنى رده دخل بسرعه عند شوق ملقهاش في مكان ماسابها ضم اديه بعصبيه وكان هينفجر من الغضب لانو اكد عليها تفضل مكانها لسه هيروح يسأل عليها لقاها طالعه من اوضه الكشف اتقدم عليها وهو بيغلي شوق كانت بتطلع تليفونها من الشنطه وشافت اسامه جاي عليها وعنيه متبشرش بالخير بلعت ريقها بتوتر وقالت بابتسامه متوتره .انا .احم..انت اتاخرت وقلت اكشف عل بس اسامه قاطعها لما مسك دراعها بعصبيه وشدها معاه وهو متعصب ومش بيرد عليها شوق بقت تكلمو علشان يهدى بس مفيش فايده كان فاقد السمع اصلا وصلو عند العربيه وقال وهو بيضغط على اسنانو..اركبييي شوق قالت بخوف..على…على فين اسامه خبط على العربيه بعنف خبطه خلت قلبها يتنفض وقال..قولت اركبي شوق فتحت الباب في ثواني وركبت واسامه ركب وطلع بالعربيه زي الصاروخ وهو مش شايف قدامو من الغضب والقلق عند ضرغام كان في المستشقي مع عهد بيبص على ملامحها اللجميله من سكات مش قادر يتكلم ولا عارف يبتدي بايه واخيرا قاال ..احم..سمعتو ..سمعتي الفيديو عهد هزت راسها بايوه وقالت..مكانش فيه داعي تجازف بحياتك كده..لو كنت حكيتلي الي حصل انا كنت هصدقك ضرغام ابتسم وقال..متاكد يا عهد..انا متاكد ان انتي هتصدقيني..بس غيرك مش هيصدق..ولا اسد ولا اسامه ..اسامه بذات كان عمره ما هيصدقني…كمان انتي مشيتي ..وشوق قالتلي انهم عايزين يقتلوكي…وساعتها معرفتش اعمل ايه ولا افكر ازاي …كنت هموت عليكي..انا لو جرالك حاجه مقدرش اعيش يا عهد عهد ابتسمت ورفعت هينيها ليه وقالت…ولا انا قدرت اعيش من بعدك لدرجه اني فكرت في حاجات حرام افكر فيها..كل الي حصل كوم وان انت تكون محبتنيش وبتضحك عليا كوم تاني..انا اسفه يا ضرغام..مكانش صح امشي من غير ما اسمعك ضرغام حط ايده على خدها وابتسم بدموع وقال…الي عملتيه اقل حاجه يا عهد الي شوفتيه مني لحد انهارده يخلي اي واحده تخاف وتتاكد اني اعمل كده وذياده وخصوصا بعد الي عملتو في الاوضه عهد حطت ايدها على ايده الي كانت على خدها وقالت بدموع..يعني انت مش ..مش زعلان مني يا ضرغام…خلاص مسامحني ضرغام ضحك بخفه وقال…انتي قلبك ابيض اوي يا عهد…هو مين يسامح مين عهد قالت بسرعه..احنا الاتنين…احنا الاتنين هنسامح بعض يا ضرغام..الي يحب بيسامح ضرغام ابتسم وشدها لحضنه بدراعو السليم بكل حنيه وقال….وانا عشقت مش حبيت…بحبك اوي يا عهد اوي عهد ابتسمت واتخبت جواه اكتر وقالت …وانا كمان يا ضرغام مقدرتش احب غيرك ابدا مع ان الي الاتنين الي حبوني احسن منك والصراحه انت اسوء اختيار بنهم بس معرفش ليه انت بالذات ضرغام اتسعت عنيه بزهول من كلامها..المفروص ان دي لحظه رومانسيه وكلامها افسدها تماما عند اسامه كان على الطريق بيسوق بسرعه جنونيه ومش بيبص لشوق لا بيكلمها شوق خافت اوي من سرعه العربيه وقالت..اسامه…اسامه هدي السرعه..اسامه لو سمحت وقف العربيه اسامه كفايه وانبي وقف العربيه اسامه كان بيذيد السرعه وكانو مش سامعها وهينفجر من الغضب شوق بقت تبص للطريق برعب وقالت وهيه بتترعش…وانبي يا اسامه هدي السرعه ..انا …انااسفه والله كانت تعبانه و..وقولت اكشف على بال ما تيجي والله يا اسامه كانت دكتوره الي كشفت ارجوك وانبي هدي السرعه اسامه ولا مهتم لكلامها ومكمل بغضب لحد ماقالت برعب وسرعه… طب لو مش علشاني علشان ابنك اسامه هنا بصلها بزهول ووقف العربيه وبصلها وقال..انتي..انتي قولتي ايه شوق فتحت باب العربيه بسرعه وبقت تتقيأ بتعب اسامه نزل بسرعه وقرب منها وقال..شوق..شوق انتي كويسه..انا بس شوق كانت تعبانه ومش بترد جري جابلها قزازه ميه ومسحلها وشها بيها وشدها لحضنه وقال انتي كوبسه احسن دلوقتي ..انا اسف انا بس.. بس شوق بصتلو بغضب وقالت بزعيق..انت ايه ..انت غبي ..غبي ومتهور وقاسي و..و..وبحبك اسامه ابتسم وضحك بخفه على جنانها وشوق اترمت عليه حضنتو بقوه وهيه محاوطه رقبتو باديها وقالت..بحبك اوي…انا حامل…هجيب واحد سا،فل زيك يتعبني اسامه ضحك وحضنها بفرحه وقال بدموع..انا مش مصدق والاه..انا …انا بحبك اوي انا.. بس قطع جملتو واتمحت ابتسامتو وقال..ليالي…انا لازم اشوفها حالا شوق لما قال كده كان حد خبطها على دماغها مش مصدقه هيه بتقولو انها حامل وبدال ما يفرح معاها بيفكر في ليالي بعدت عنو وقالت بصدمه…ليالي…..ليالي.اه…ونزلت دموعها وقالت بدهسه…اسامه انا بقولك اني حامل…تقولي ليالي…ههه…للدرجادي مش قادر تنساها اسامه اتنهد وقال… يلا ياشوق انا مستعجل هنتكلم بعدين وطلع على العربيه بس شوق مركبتش اسامه اتنهد وحاول يهدى وقال..شوق…ارجوكي اوثقي فيا مره واحده واركبي وبعد كده مش هيحصل غير الي انتي عيزاه شوق اتنهدت بخنقه وركبت معاه وفضلت ساكته طول الطريق عند ضرغام كان بيبص لعهد بزهول بعد جملتها الاخيره وقال…انا اسوء اختيار يا عهد عهد خدت بالها من كلامها وقالت بتوتر…انا..انا كان قصدي ..يعني بس ضرغام حضنها بقوه وضحك وقال..اهدي..اوعي في يوم تقطعي في الكلام كده وانتي معايا من هنا ورايح انا امانك ومش عايزك تخافي مني ابدا..واي حاجه تحبي تقوليها قوليها على طول بحبك..قالتها بسرعه وبصت لعيونه وقالت..اكتر من حياتي…نفسي ابقى معاك العمر كلو بس…وكملت بكسوف وقالت …بس سبني علشان كده حرام انت مينفعش تحضني ضرغام ضحك وتاه في عيونها وقال..انا هحضنك وهبوسك…وهعمل كل الي انا عايزه..لاني هخليكي ملكي يا عهد…هتجوزك ..هتبقى مدام ضرغام الثابت عهد ابتسمت وقالت ..بس انا لسه صغيره ضرغام قال ..تمام.معاكي حل دي مشكله..لاني هضطر استني عليكي شويه…بس مهما استنيت مش هنبعد عن بعض ابدا هتيجي انتي ومامتك تفضلو معايا..لحد ما تكملي السن المطلوب وفي نفس الليله…هتبقى في حضني…وقتها يا ويلك مني عهد ضحكت بقوه وقالت بجرأه…متأكد يعني ولا اهو كلام ضرغام انبهر بجراتها الي مش متعود عليها وقال…اممم..مش عارف..بس هنتأكد وشدها عليه وقال..تحبي نتاكد دلوقتي عهد ضحكت وقالت..بس وانبي بقى سبني يا ضرغام قولتلك مينفعش ضرغام كان مقعدها علي رجلو وسند جبينه على جبينها وقال بس خليكي جمبي كده بحس ان كل حاجه بقت احسن عهد ابتسمت وقالت..انت بتستغل انك تعبان واني مش عايزه ازعلك ضرغام ضحك ولسه هيتكلم اسد فتح الباب ودخل وقال وهو بينهج…ضرغام..اسامه مشي و اسد وقف مكانو لما شاف عهد على رجل ضرغام وقريبن جدا من بعض وعهد اتكسفت وقامت بسرعه وهيه مكسوفه جدا اسد بلع ريقه وقال..انا اسف هجيلك بعدين و ضرغام قاطعو وقال..لا..لا استني ..احم..كنت عايز تقول حاجه اسد قال…اسامه..معرفش ايه الي حصل جالو تليفون وطلع جري وقلي ان ليالي بتموت..و مفهمتش حاجه منو ضرغام اتنهد وقال..يلا بينا…اسامه محتاجنا معاه عهد قالت..يلا بينا فين ..هو فيه ايه ضرغام قال بحزن…للاسف ليالي مريضه عندها مرض خطير في القلب من زمان والظاهر انها مش بخير يلا نلحقهمم ضرغام طلع وهو بيتسند على اسد وعهد وركبو سوا العربيه وطلعو على القاهره عند اسامه كان وصل وجهتو القاهره وتحديدا مستشفى ليالي ودخل وكان الدكتور امام الي كلمو مستنيه واول ما شافو قرب عليه وقال بحزن..انت كنت فين كل ده اسامه قال بقلق…معلش اصلي مكنتش في القاهره و امام قاطعو وقال بضيق..بس انا قولتلك الفتره دي تكون قريب منها يا اسامه..ليالي بتموت..وهيه مش عايزه غيرك جمبها اسامه نزلت دموعه وقال..يعني ايه خلاص امام قال بحزن…للاسف مفيش حاجه نقدر نعملها..تخيل الميسشفى الي طول عمرها تطور منها ..تبقى مجرد مريضه فيها..ومريضه ملهاش علاج كمان اسامه كان واقف وبيحاول يقوى حرفيا منهار وشوق كانت واقفه جمبو مش قادره تنطق مكانتش تعرف اي حاجه عن مرض ليالي..قالت بدموع..اسامه..انت كويس اسامه بصلها بدموع وهز راسو بمعني ايوه وقال..احم..هيه فين دلوقتي امام قال بحزن..تعالى معايا اسامه وشوق راحو مع امام ودخلو العنايه وكانت ليالي نايمه وحاطه جهاز التنفس وتعبانه جدا اسامه بصلها ودموعه عبت عنيه وقرب منها وحط ايده على شعرها ليالي فتحت عنيها بتعب وابتسمت وقالت…اسامه اسامه مسك ايدها وباسها وقال..عيون اسامه..عامله ايه يا ليالي ليالي اتنهدت بتعب وقالت..زي ما انت شايف..يا اسامه..وحشتني اسامه ابتسم ونزلت دموعه وقال..سامحيني..مشيت من غير ما اطمن عليكي ..حصلت حاجات كتير ومقدرتش اكون جمبك..انا اسف ليالي ابتسمت وقالت بالعافيه..انا..انا بحبك..اوي..يا..يا اسامه…سامحني..تعبت قلبك..بيني..وبين اخوك..ارجوك ..ت..تسامحني اسامه ابتسم بدموع وقال..انا عمري ما زعلت منك يا ليالي كان معاك عزرك في كل الي بتعمليه بس احنا الاتنين طلعنا غلطانين..ضرغام ملوش دعوه بموت مالك وانا بقى معايا دليل على كده صدقيني يا ليالي ليالي خدت نفس بتعب شديد ودموععها بقت تنزل وكانت مش قادره تنطق تاني ولا تتنفس اسامه قلق عليها وحطلها الجهاز تاني وقال..اهدي ارجوكي..اهدي انا هنادي الدكتور ليالي بقت تشهق بشده..ونفسها مش لقياه خالص واسامه بقى يصرخ ويقول دكتوووور…دكتووور امام شوق كانت بتبصلهم بدموع ومش مصدقه الي شيفاه بقت تبكي اوي وليالي كانت حرفيا بتطلع في الروح الدكاتره جم وطلعو اسامه بالعافيه لانو كان حابب يبقى معاها ليالي اغمى عليها من التعب والدكاتره كانو بيحاولو معاها وبيعملولها ضربات بالكهربا انعاش للقلب بس من غير فايده اسامه كان باصص عليها من القزاز..والحظه دي متتوصفش بااي كلام عشرة سنيين واول حب واجمل ايام العمر اصعب احياس ممكن الانسان يعيشو لما يشوف الي بيحبو بينتهي قدامو وهو عاجز يساعدو شوق حطت ايدها على كتفو وابتسمت بدموع وقالت..ربنا يكون معاها يا اسامه اسامه بصلها بدموع وفجأه حضنها بقوه وبقى يبكي من قلبو اول مره يبكي بالطريقه دي اول مره تشوفو بالشكل ده نزلت دموعها بشده وقالت..اهدي علشان خاطري..انت اقوى من كده يا اسامه اسامه قال ببكا شديد..مش قادر يا شوق مش قادر اشوفها بتموت شوق كانت حضناه بقوه وقالت..انا اسفه..انا دلوقتي فهمت انت ليه كنت عايز تردها وانا كنت غبيه سامحني انا ذودتها عليك ..اسفه..اسفه اسامه بقى يحضنها بقوه وقال..خليكي جمبي يا شوق..اوعي تسبيني انتي كمان عدى الوقت ومحدش فيهم عارف كان بيعدي ازاي ليالي مفتحتش عنيها تاني وكانت على الاجهزه و بتتنفس بتعب شديد اسامه كان واقف على الباب بيبص عليها لحد ما سمع ابشع صوت ممكن يسمعو صوت جهاز القلب بيعلن عن النهايه نزلت دموعه ومحاولش حتى يعمل اي حاجه قعد على الارض وقال بدموع ..مع..مع السلامه..مع السلامه يا ليالي شوق قعدت جمبو والدكاتره خرجو من عند ليالي بيأس بعد ما فارقت الحياه وكلهم كانو زعلانين جدا لانهم زمايلها وشغالين معاها بعد شويه وصل ضرغام واسد وعهد وبقوم يدورو على اسامه لحد ما لقوه قاعد وحاطط اديه على دماغو وشوق قاعده جمبو بتبكي ضرغام اتنهد وغمض عنيه بحزن وقرب منو وقال…البقيه في حياتك يا اسامه…شد حيلك اسامه بصلو بدموع واسد استغرب منظر اسامه لاكن ضرغام لا لانو عارف ان علاقت اسامه مع ليالي قويه ومهزتهاش اي ظروف عهد حضنت شوق وكانو كلهم زعلانين جدا عليها بس كلهم وقفو جمب اسامه بيواسوه ويدعموه.. واجمل ما في الشدائد وجود الاحبه ومرت الايام وما اسرع مرور الايام توالت الاحداث ايام حزن وايام فرح اتغير فيهم كل شيئ انتقل الجميع لقصر الثابت حتى عهد ووالدتها . عهد بقت تكمل تعليمها واسد سافر مع جدو المانيا بيحاول ينسي كل الي حصل واهم حاجه ينسى عهد والكل كانت حياتهم مستقره بعد مرور سنه ونص في قصر الثابت احتفال كبير اتجمعت فيه كل عيلة الثابت لاول مره من زمن وكان حفل جواز عهد وضرغام ضرغام كان جمب عهد وكانت عروسه زي القمر بفستان يبهر وحجاب انيق وشكلها تحفه وضرغام كمان كان شيك جدا وبيبصلها بحب قرب منها وقال بهمس…هو احنا لازم نفضل هنا …انا عايز نحتفل في اوضتنا…ايه المشكله عهد ضحكت وقالت..اسكت لاحسن اسامه يسمعك..فاكر لما قولت مش هتعمل فرح عمل ايه ضرغام اتنهد وقال..طبعا…فاكر..هو انا ايه الي سكتني غير الزن بتاعو اسامه اتكلم من وراه وقال..هو مين ده الي بيزن ضرغام اتخض وقال…معلم..لسه في سرتك اسامه قال ..اممم…ما انا سامع سيرتي وشامم ريحتها كمان عهد ضحكت وضرغام قال بابتسامه ..طبعا واحنا لينا بركه الا انت اسامه اتسعت عنيه وقال..ايه ياض بركه دي هو انت شايفني جدك..ده احنا الفرق بنا سنتين ولا علشان انت عنست ابقى انا بركه ضرغام قال بزهول …عنست. اسامه قال بتاكيد..ايوه..وانا وابوك سنه كمان وكنا هناخدك لشيخ يفك عقدتك ضرغام لسه هيرد بس وقف بفرحه وعيونه بتلمع بالدموع لما شاف الي داخل عليهم وكان اسد ومعاه بنت شقره وشعرها اصفر وعيونها بلون الزرع جميله جدا ضرغام قال بفرحه ولهفه..اسد. اسد اتقدم عليه بسرعه وحضنو بقوه وحب وقال..مبروك..مبروك ياضرغام ضرغام حضنو بقوه وقال..وحشتني قوي يا اسد وحشتني وبعد شويه وقال..اسامه اسد رجع و بس اسامه كان في حته تانيه كان بيسلم عل البنت الي مع اسد وعرف انها روسيه وتقريبا بتعلمو لغه اسد بصلو بيأس ونادى عليها وقال….نتالي..تعالي هنا يا حبيبتي نتالي اتقدمت عليه وسلمت على عهد وعلي ضرغام وكانت بتتكلم عربي مكسر قالت ..مبروك ضرغام قال..الله يبارك فيكي واسامه ابتسم وقال…ازيك يا اس اسد ضحك وقال…يادوب ركذت مع اس انت ها وحضنو وقال..وحشتني يا خال بعد ماسلم عليه جات عيونه على عهد ابتسم وقال..احم..اذيك يا عهد..مبروك..اسف دوشوني شويه عهد ابتسمت برقه وقالت…الله يبارك فيك يا اسد ..انت كمان مبروك هيه دي خطبتك مش كده اسد قال بتوتر..احم.اه ..هيه عهد ابتسمت وقالت..قمر والله لايقين لبعض اسامه بص لعهد بزهول وقال..هما مين الي لايقين لبعض…وبص لنتالي وقال بمعاكسه..دي تليق مع العسل..مع النوتيلا..مع اسامه…اي حاجه مسكره كده نتالي ضحكت بقوه واسامه قال..مس قولتلك كل حب وليه كيال …ودي متمشيش مع العيال وتمشي معاك انت ولا ايه مفهمتش كانت دي جمله شوق لما سمعت كلامهم وقربت منهم وقالت..اذيك يا اسد ..ليك وحشه والله …وسلمت عليه وحضنت نتالي وباستها من الناحيتين بقرف وقالت..اهلا يا اختي اهلا نتالي قالت ..مين انتي شوق بصت لاسامه بحده وابتسمت لها ابتسامه صفرا وقالت..انا ..انا مرات ابن اسامه…يعني اسامه ده يبقى حمايا نتالي اتسعت عنيها بزهول وقالت..وااات..هو …ده..معاه ولد متجوزك انتي شوق قالت ..اه يا حببتي هو يبان صغير كده اصلو هاري نفسو شد وصبغه وعمليات وحوارات…بصي مضيع كل فلوسو على عمليات التجميل عهد وضرغام واسد ضحكو بقوه واسامه كمان كان عايز يضحك على حركاتها واسد قال بضحك..يلا يا نتالي يلا يا قلبي هنروح نسلم على جدو وبص لاسامه وقال…سلمي على الشهدا الي معاك اسد اخدها ومشي وشوق بصت لاسامه بغضب وقالت…ده انا هخرب بيتك انهارده اسامه ابتسم وقال..هشوف ليالي..ها..جيلكم تاني..ليالي… ليالي اسامه مشي وشوق راحت وراه وهيه هتنفجر وقبل ما يوصل عند باب القصر مسكت ايده وقالت..استني هنا اقدر اعرف ايه الي كنت بتعملو ده اسامه ابتسم وقال… ابدا..كنت بضحكها يعني اكيد مش قصدي حاجه شوق قالت بحده..وانت تضحكها ليه هو انت ارجوز..قولي يعني انا مش ورايا غيرك كل شويه الاقيك بتشقط ..كل دقيقتين اقفشك بتتكلم مع واحده اسامه اتنهد وشدها عليه وقال…كده انا مضطر اعترفلك بقى..كل الحكايه اني..اني بحاول اسمع صوت البنات يعني اسمع كلامهم ضحكتهم وكده شوق بصتلو بزهول وقالت بغضب ..وبتقولها قدامي ..وتسمع كلامهم وضحكتهم ليه بقى ان شاء الله اسامه بصلها بابتسامه تجنن وقال..علشان بفقلي فتره شاكك في وداني مش بسمع غير صوتك ومش شايف اجمل من ضحكتك ومش قادر الاقي صوت اجمل من صوتك يا شوق قلبي شوق ابتسمت وبقت مش قادره تكمل في موقفها اكتر قالت..تؤ..طب وبعدين معرفش اخد موقف خمس دقايق اسامه ابتسم وقال..وتاخدي موقف ليه..مش كفايه اخدتي قلبي..وقرب لسه هيبوسها بعدت وقالت..يا مجنون الناس اسامه ضحك وقال..ببقى مبسوط وانتي غيرانه..بتبقى وحش شرس وانا اموت في كده شوق ضحكت وقالت..والله انت مجنون اصلا وانا بتعب نفسي عل فاضي مفيش فايده خالص فعلا مفيش فايده مش راضيه تنام دي جمله قالها عبد الرحمن وهو بيحط طفله بين ادين اسامه وقال..خد بنتك جننتني شوق قالت..ليه بس ياعمي دي ليالي دي حتي سكر عبد الرحمن قال…يا عم خليلكم سكركم انا اصلا عندي السكر…وسابهم ومشي اسامه ضحك وكان شايل بنتو على دراع وشد شوق لحضنه بدراعو التاني وباس راسها وقال..انتي اجمل نعمه في حياتي ياشوق انا بحبك اوي اوعي تفتكري ان فيه واحده ممكن تنافسك انا اصلا مش شايف غيرك شوق قالت بابتسامه..انا بحبك اكتر يا اسامه بس لو تتلم شويه هحبك اكتر واكتر اسامه اتنهد وقال..حيث كده بقى ..يبقى اكملك شعر الجزمه سوق قالت بضحك لا ابوس ايدك انا من يومها وانا بضرب نفسي بالجزمه لاني قولتلك اصلا عند اسد كان بيرقص مع نتالي وبيبص على عهد من بعيد نتالي ابتسمت وقالت..ليه قولتلهم اني خطبتك اسد اتنهد وقال..معلش يا نتالي انا كده كده هحضر الفرح وهنرجع المانيا..مش عايز ضرغام يبقى قلقان عليا ولا حاسس بحاجه نتالي ابتسمت وقالت..لسه مش قادر انساها اسد اتنهد وبص لعيونها الجميله وقال..منستهاش..بس حاسس هنساها قريب نتالي ابتسمت وبقت تبصلو بابتسامه جميله عند ضرغام قام يرقص مع عهد وبص حواليه كانت شوق واسامه ومعاهم بنتهم بيوشوشها وبيضحكو سو واسد ونتالي مبسوطين جدا رغم انو حاسس انها مش خطبتو لاكن كمان ملاحظ اعجابهم المتبادل ..ابوه لاول مره بيضحك مع اصحابو ومبسوط بجمعه عيلتو وحماتو والده عهد قاعده مع المعازيم وبقالها صحبات من الجيران وكان كل شة ميثالي ضرغام اتنهد بارتياح وبص لعهد بحب شديد وقال انهارده اسعد ايام حياتي يا عهد عهد ابتسمت والفرحه في عيونها قالت…انا كمان ياضرغام حاسه اني بحلم بجد طايره من الفرحه مش قادره اصدق انك بقيت نصيبي انا اتمنيتك من قلبي يا ضرغام ضرغام بص لعيونها الجميله وشفايفها بشوق بس اتنهد علشان وجود الناس وباس جبينها وقال..وانا هعمل كل الي اقدر عليه علشان اخليكي مبسوطه ديما وعمرك ما تندمي انك اتمنتيني يا عهد …مبسوط بوجودك معايا واخيرا بقالي حياه..ابتدت بيكي…وعايزها تنتهي معاكي ربنا يخليكي لقلبي ياعهد قلبي... *تـــمــت آعمـلو ريأڪـت مـخـتلـف يـحلويـن علي الروايـه♥️🍒*