الفصل السابع عشر
قبل ما نبدأ نحب نقول الصلاة والسلام علي أشرف المرسلين سيدنا محمد صلي اللّٰه عليه وسلم ونقول بسم اللّٰه .......
نبدأ ....
وعد / قولي يا جوري بتحبيه ولا لاء لو مش بتحبيه عادي مش هيقدر يعملك حاجة ولا هيقدر يخطفك متخافيش .
جوري / حتي إنتِ الهندي لحس دماغك .
( ما هو رعد بيخطط لكدة أصلا )
رعد / علفكرة الفكرة دي حلوة بس أخطفها فين .
وعد / عادي خالص برة مصر .
رعد / فكرة بردوا .
جوري / إنتِ بتقوليله يخطفني بس بطريقة غير مباشرة .
وعد / فشر أنا مستحيل و هو أنا عندي كام جوري .
جوري / وهو أنا عندي كام وعد أضربها بالشبشب .
وعد وهي تخرج / مع السلامة أنا هروح أكلم حبيبي .
نور / أنا هتن هنا عندكم مانع .
جوري / أنا عندي مانع ولو ما ماشتيش حالا أنا هدي لملاك و ساكورا أجازة وإنت هتكوني مكانهم .
نور / إحم إحم أنا مشية حد عايز حاجة و آسفة علي الإزعاج .
أغلقت الباب خلفها لتقول / هسمع بردو .
ذهبت جوري لتبحث عن شيء ما فقال رعد / بتدوري علي ايه .
جوري / علي جهاز تصنت .
رعد بتعجب / جهاز تصنت !
جوري / ملاك كانت حطاه هنا .
عم الصمت قليلا لتقول جوري / لقيته .
أخذته فقال رعد / هتعملي ايه .
جوري / هتعرف .
ثم ذهبت لأحد الأدراج وأحضرت منه فأر لعبة ووضعته عليه جهاز التصنت ثم ذهبت للباب وأطلقته ليتجه إلي الفتيات ثم أغلقت الباب ليقول / إنتِ عملتي ايه بالظبط .
جوري / إستني وهتعرف ثواني والأنشودة .
تعجب رعد ولكن فهم ما تقصده عندما سمع صوت صراخ الفتيات ففهم ما تعنيه جوري وقال / باين أن أنا هتعب كتير .
جوري / إنتَ بتقول ايه .
رعد / أنا بقول أن أنا لازم أمشي .
جوري / هو إنتَ كنت جي ليه .
رعد بعشق / كنت جي أشوفك وأطمن عليكي عشان إنت روحتي وإنتي بتعيطي و عشان أقلك إن أنا بعشقك .
شعرت جوري بالخجل فأخفضت وجهها وقالت / امم طيب م .مع السلامة .
إبتسم رعد عندما شعر بخجلها وخرج كاد أن يغادر فسمع ملاك تقول / يا رعد خليها تسامحنا المرادي قبل ما تمشي و النبي .
جوري من خلفه / أنا غلطانة كنت هعديها المرادي .
ملاك/ يعني سماح المرادي .
جوري / سماح .
رعد / مع السلامة يا وردتي .
ملاك وهي تصفر / لاء كده كتير أوي .
ثم قالت بتساؤل / هو الواد المز اللي معاك عامل ايه .
إبتسم رعد وقد فهم أنها تقصد فهد / فهد كويس بس ناوي يتجوز .
ملاك / ماشي ماشي .
غادر رعد ، فذهبت جوري الي مكتب المخابرات لتعلم ماذا يريد اللواء منها .
______________________
عاد رعد لمنزله ليجد فهد وآسر في إنتظاره فقال / إنتو هنا من إمتي .
فهد / أقعد وشوف آسر بيقول ايه .
جلس رعد / بتقول ايه يا آسر .
آسر / أنا حابب أتجوز حور يا رعد أنا بحبها .
رعد / وإنتَ يا فهد مش حابب تتجوز .
فهد / بالصراحة عايز أتجوز ملاك .
رعد / يبقي روحوا إتقدموا .
آسر / في معسكر للقادة .
رعد / إمتي .
آسر / الإسبوع الجي .
رعد / مين اللي هيكونوا فيه .
آسر / حسب اللي وصلي السفاح و الجزار و الذئب و الفهد و الخفاش و الأسد .
رعد / وليه عملوا المعسكر ده .
آسر / مش عارف .
رعد وهو ينهض / أنا هروح أشوف موضوع المهمة .
____________________________
في مكتب المخابرات وصلت جوري وكادت أن تعبر للممر الخاص بمكتب اللواء لتجد فتاة توقفها بتكبر / إنتِ بتعملي ايه هنا .
إستدارت لها جوري وإبتسمت بسخرية فهي لا ترتدي قناعها لذا لم تعرفها تلك الفتاة / تيْهة مش عرفة أنا هنا إزاي .
ثم تغيرت ملامحها من السخرية للبرود / روحي شوفي شغلك لأن دا ميخصكيش .
الفتاة / إنتَ متعرفيش أنا مين .
جوري / بنت مش مهم أعرفها بتحسب نفسها حاجة وهي متتساواش بالأرض .
إزداد غصب الفتاة بسبب برود جوري لتقول / أنا من المتدربين اللي الذئب بيدربهم وأظن أن الكل عارف الذئب وكمان أنا مميزة عنده ممكن أخليه يحبسك لأن مقدما هو بيحبني وهنتجوز .
جوري وهي تقلدها / أنا من المتدربين اللي الذئب بيدربهم وأظن أن الكل عارف الذئب وكمان أنا مميزة عنده ممكن أخليه يحبسك لأن مقدما هو بيحبني وهنتجوز __ روحي إلعبي بعيد أنا راسي مصدعة ولو مسكتيش ممكن أنا اللي أحبسك وأوديكي ورا الشمس وتبقي قويلي للذئب اللي هتتجوزيه أن في بنت زهقتك ونشوفوا هو هيعمل ايه .
رفعت الفتاة يدها لتضرب جوري فأمسكت جوري يدها ولفتها خلف ظهر الفتاة لتتأوه بأله .
جوري / إنتِ عليتي صوتك عليا ومع كده أنا تنيت هدية و كلمتك بهدوء حورتي ومع كده سكت لاكن تحولي تضربيني فلاء .
جلست الفتاة علي الأرض تحاول مقاومة الألم .
أنقظها اللواء فقد خرج من مكتبه علي صوت ضجيج ليقول / في ايه هنا .
ليرا جوري والفتاة عند مقدمة الممر فذهب لهم / في ايه سبيها .
نظرت له جوري ببرود / بربيها بس مش هي أصلا مسؤلة مني فمتقلقش .
اللواء / هي عملت ايه بس .
جوري وهي تتركها / إزعاج و تكبر وتهديد وفشر وإستهتار وتبلي .
اللواء / طيب تعالي يلا في موضوع مهم لازم نتكلم فيه .
ثم قال للفتاة بحدة / روحي شوفي شغلك واللي حصل أياً كان ميتكررش .
غادرت الفتاة راكدة وهي تبكي من ألم يدها وتلعن في جوري .
_________________________
في تلك الأثناء وصل رعد ليجد الجميع حول الفتاة ويبدو أنها تبكي / آه وضربتني وهزئتني وكلمتني بطريقة مش كويسة مع إن أنا كلمتها بإحترام وسألتها هي محتاجة أي خدمة فهددتني .
رجل / متعيطيش أكيد اللواء هيتصرف معاها .
ذهب لهم رعد وقال / في ايه هنا .
الفتاة بإنتباه / المقدم رعد .
الشاب / دا في بنت جية تعمل إزعاج هنا بس باين أن اللواء بيتصرف معاها .
رعد / عملت ايه .
الفتاة بدلع / هي كانت ريحة لمكتب اللواء فأنا بقولها ممكن تقوليلي إنتِ محتاجة ايه فضربتني وهزئتني وكلمتني بطريقة مش حلوة وقالت أن أهلي مربونيش وكان معاها موس هتعورني بيه وهددتني أن هي هتتبلى عليا وتقول للمدرب أنا أنا اللي بدأت عشان يهزأني ويطردني من فريق التدريب .
رعد / مين المدرب بتاعكم .
الشاب / الذئب .
فتاة أخري / بس هو شديد وبيحب الإلتزام ولو حد عمل حاجة غلط ممكن ياخد منه شارته .
الفتاة ببكاء / ممكن تخليه يعمل كدة يا فندم ووقتها كل المدربين هيرفضوا أن أنا أنضم لفرقهم وخاصتا أن هي قالت أن الذئب بيحبها وبيعملها اللي هي عيزاه فأنا مش عرفة أعمل ايه .
رعد بسخرية / متقلقيش مفيش حاجة من اللي قلته صح وبعدين هو إنتوا اي حد يقول حاجة تصدقوه الذئب ما عرفكوش أن لازم تتأكدوا من اللي بتسمعوه .
الفتاة / لاء هو أصلا مش بييجي كتير ولما بييجي بيعذبنا وخلاص وبيقول أن دا التمرين عنده ومش طايقنا ، ومعاك حق أن كلمها غلط لان أصلا الذئب بيحبني أنا وهو قلي هيتجوزني .
غادر رعد وهو يحاول التماسك وعدم الضحك أمامهم فالأن الجميع يعتقد أن جوري رجل كم صغيرته تطقن تقليد الرجال .
____________
اللواء وهو يجلس / أقعدي يا جوري .
جلست جوري بمزاح فهي تعلم أن الأمر لن يسرها وقالت / نعم يا صوما الموضوع مهم للدرجة اللي بتتطلب إني آجي .
اللواء / يونج .
جوري / ماله .
اللواء / سلميه يا جوري .
جوري / بس هو يلزمني حاليا .
اللواء / عيزين معلومات منه مهمة جدا .
جوري / أنا عندي المعلومات اللي ممكن تحتاج ليها بس يونج مش هسلمه ثم أن في إتفاق بنا أن لو شفت واحد من الأشخاص اللي أذوني أعمل فيه اللي أنا عيزاه .
اللواء / أظن أن إنتِ عملتي اللي إنتِ عيزاه وزيادة سلميه يا جوري .
جوري / بس لسه مخلصتش .
اللواء / متبقيش زيهم يا جوري ، إنتِ بتصرفاتك دي بتفرقي ايه عنهم .
يتبع ........
تفاعل عشان أكمل
ياااه لو عرفوا أن جوري بنت ايه هتكون رد فعل البنت دي .....
هي ممكن جوري تسلم يونج ........
الأفراد اللي هيشركوا في المهمة أنا عرفتكم عليهم .....
رأيكم يا حلوييين ....
عيزه تعليق ودعم حلو عشان أكمل
ومتنسوش ⭐
والمتابعة
سلااااااام