رواية ماجمعنا غير الدم - الفصل العشرون والاخير 💥💥💥 - مكتملة | روايتك

حركت ام راشد الكرسي وراحو غرفة ذياب ودخلو وسلمو كلهم وتحمدو حق هزاع بسلامه وقعدو اليد : مريوم حشى ها كله تزقرين هزاع نص ساعه تزقرينه هزاع شاف مريوم بستغراب وهني عرف انه صدق صار شي مريوم : ههههه يدي رحت اخذ اكل اليد : وين اكلج ؟ مريوم سكتت لما تذكرت انها طيحت الكيس من ايدها لما طعنها الريال مريوم : كلت في المطعم اليد : اهاا هزاع مسك ايد مريوم وسحبها عنده وكان ذياب يشوفهم من طرف عينه وساكت مريوم : هزاع شوي شوي بلاك ! هزاع بهمس : قولي مريوم : شو اقول ! هزاع : شو صار على ايدج مريوم شافت ايدها المجروحه وعقب شافت هزاع مريوم : هزاع ماصار شي هزاع : ترا واضح انهم لافين الجرح من اول ويديد مريوم : ترا انا قلت لهم يلفونه لي هزاع : لاتجذبين ! مريوم : ما اجذب هزاع : معاج من يوم كنا صغار تتحرين ماعرف عيونج لما تجذب ؟ مريوم سكتت شوي : نزين بقول لك كل شي صار بس مب احين مايستوي نتهامس جيه يدام الكل هزاع هدها : تمام راحت مريوم وقعدت عند امها ذياب كان يحاول انه يقعد يلسته قامت ام بدر وقعدت له قعدته وحطت المخده وراه ذياب : مشكوره ام بدر : العفو رجعت ام بدر وقعدت مكانها ذياب : بقول لكم شي مهم وشي وصلنا لهاي الحاله كل الكبار شافو ذياب بستغراب اليد : بس انتو قلتو انكم ماتعرفون منوه الي طلق عليكم ؟ هزاع : لا نعرف نعرفه عدل ويقرب لنا للاسف وانت يدي اكثر واحد تعرفه ابو بدر : يقرب لنا ؟ من هو وشو قاعد تخربطون انتو مريوم : مب قاعدين نخربط يبه كل الي صار لنا بسبت ماضي مريوم شافت يدها ماضي كان يدي ويدوتي تحرو انه تسكر بس للاسف ماتسكر الماضي وليومكم هذا بعدهم ورانا اليد شاف اليده وكان واضح انه فهم كل شي بس تم ساكت ابو راشد : يابنت ارمسي عدل وفهمينا ترانا مب فاهمين شو تقولون ! ذياب حاول انه يطلع القلاده من جيبه وطلعها ورفعها عشان الكل يشوفها ذياب : يدي يدوتي تعرفون ها القلاده ؟ اليد لما شاف القلاده خلاص عرف كل شي اليد بعصبيه قام : من وين للككك هاا القلادهههه !! خافو كلهم من عصبية يدهم وقام ابو مايد يهديه وزينب راحت عند ذياب ومسكت القلاده وشالتها من عند ذياب وشافت الصوره وانصدمت وشافت امها زينب : يمه صورتج شو تسوي في القلاده ؟ يمه من وين لج خا القلاده وشو ها القلاده الموجوده في ايد ذياب ! اليده تمت ساكت ماعرفت شو تقول مريوم : انا بقول لج شوها القلاده ومن وين لنا هاي القلاده كلهم شافو مريوم ابو بدر : وانتي كيف تعرفين ! ميثا : مب بس مريوم تعرف مايد : كلنا نعرف ياعمي كلنا نعرف مريوم : بقول لكم القصه من البدايه عشان تعرفون كل شي اخو يدي الي اسمه محمد عايش وطلع من السجن ابو راشد شاف ابوه بصدمه : يبه !! زينب حطت ايدها على شفايفها : يبه كيف طول ها المده تقول انه اخوك ميت ليش قصيت علينا مريوم : مثل ماقصو علينا عن سالفة عمي سلطان الله يرحمه بس ماراح اقول سالفة عمي بخلي ذياب يقولها لكم انا بس علي اني اقول لكم الماضي مريوم شافت يدتها مثل ماتعرفون انه يدوتي ويدي كانو جيران ويدوتي كانت الاخت الوحيده بين اخوانها وكانو اهل يدوتي وايد مع اهل يدي وكانو شرات الاخوان واكثر بس يدي ويدوتي خانو الصداقه وحولوها لحب وللاسف كان بعد اخو يدي الي هو محمد يحب يدوتي ولما يدوتي تزوجت يدي محمد ماكان راضي على الزواج وفي نفس الوقت ماكان يبي يخرب الزواج ف شو قال قال خلني انتقم من اول ولد ايي لها اليد : خلااصص اسكتتيييي ! ابو بدر : لا ليش تسكت يبه ؟ خلها تقول لنا اشياء نحن مانعرف عنها زينب : وشو سبب دخوله السجن ! مريوم : سبب دخوله السجن محد يعرف اتوقع المفروض يدي الي يقول شو السبب ابو مايد : كملو شو قصدج في انه ينتقم من اول ولد ؟ ذياب : ابويه اول ولد زينب شهقت ذياب : لما يدوتي ولدت في ابوي اخو يدي كان يبي ينتقم ونطر ابوي لين يكبر وعقب لما سافر ابويه خذها فرصه وطرش حد من حراسه يذبحون ابويه ابو بدر بصدمه : بس اخوي سلطان الله يرجمه لما شفته في المستشفى قال انه مريض والمفروض مسيطر عليه ! ذياب : وابويه كيف مرض فجاة ماتقول لي عمي ؟ لما اخو يدي طرش حد عشان يذبح ابويه ها الشخص كان يحاول انه يتقرب من ابويه و ابويه مسكين على نياته يتحسب ها الشخص مسكين ويبي يصير ربيعه ف ابويه صادقه وصارو ربع وهو استغل ابويه وكان دوم يعطي ابويه حبوب وها الحبوب كان تييب المرض حق ابويه وابويه ماكان يحس ولا كان يعرف انه الريال يعطيه حبوب لانه ابويه على نياته وكان يتحرا انه الريال طيب وشوي شوي ابوي حس بتعب بقلبه ولما راح المستشفى قالو له انه مريض بمرض وحاولو انهم يعالجونه اكثر من مره بس مانجح العلاج وابويه كان خاش عني ها السالفه وعن مرضه عشان ما اخاف عليه زينب نزلت دموعها وصارت تصيح وتشهق وهي تسمع السالفه ماقدرت تتحمل ابو بدر شاف اليد : ابويه صدق الكلام الي قوله ذياب ؟ اليد تم ساكت ومنزل راسه ابو بدر بصراخ : ااابببووييييههه ارممسسسس !! ام بدر قامت بسرعه ومسكت ابو بدر : عبدالله عيب ها ابوك لاتصارخ عليه ! اليده نزلت راسها وهي تصيح : صدق ابو بدر حاول يكتم دموعه : يبه ليش ليش ماقلت لنا انه سلطان كان في خطر وهو مسافر يبه ليش خشيت عنا السالفه اليد : والله ياوليدي ماكنت اعرف انه سلطان نهدد يتني رساله انه سلطان متوفي ابو راشد قاطعه : وانت تعرف انه مب متوفي وجذبت علينا وقلت انه متوفي ! اليد : هي زينب كانت تشهق وترمس : يبه ليشش قول ليششش سلطان مب ولدك عشان جيه تسوي فيه ؟ يبه سلطان كان اخونا يبه يبه محد كبرنا وساعدك في الاشغال وطلعنا من الفقر غير سلطان انحرم من دراسته وراح يشتغل عشان يساعدك يبه وعشان يطلعنا من الفقر يبه انت من وين لك ها الشركات ؟ يبه سلطان الي ساعدك عشان تبني كل ها الشركات زينب اشرت على عبدالله اخوي عبدالله ؟ ولا اخوي يعقوب ؟ يببهههه سلطانننن سلطاننننن الي انت كنت مب مهتم فيه يبه حرام عليك تقول لنا انه ميت وهو كان طول ها الوقت حي يبه ليش حرمتنا من شوفت سلطان دامك كنت تعرف انه حي ومسافر ذياب كان لاف ويهه عنهم عشان ماتخونه دموعه وتنزل مايد : جان زين السالفه وقفت على عمي سلطان الله يرحمه لا السالفه استمرت مع محمد اخو يدي من عقب ماطلع من السجن صار يحلق ورانا ابو بدر : كيف يعني وكيف مالاحظنا نحن ! مايد : لحقنا لين فرنسا عشان يروم يسوي خططته لانه يعرف ماراح يروم يسوي شي في البلاد لانه هناك امن وامان لحقنا لين فرنسا وطرش لنا الناس الي معاه لانه كان ناوي علينا يبه انت ماسالت عمرك كيف مريوم ملفوفه ايدها ؟ انتو احين من صجكم صدقتو انها انخدشت بغصن شجره ؟ لا يبه طعنو ايدها بالسجين اشر ميود على ميثا وميثوه تتوقع ليش راسها ملفوف ؟ يبه خطفوهاا واشر ميود على ميره وميره ليش ريلها لافينها ؟ لانها طاحت في حفره وزين مانكسرت ريلها واشر على هزاع و ذياب و هايل ؟ يبه طلقو عليهم هزاع طاح من فوق الجبل بسبتهم و ذياب زين مامات بسبتهم يبه كل ها السوالف صارت ونحن ماقدرنا نقول لكم شي لانه ماكان عندنا دليل واكيد انتو ماراح تصدقونا بدون دليل واحين ميود اشر على يدته يدوتي صح كلامي ؟ ابو راشد : يمه ارمسي صح كلامهم! اليده : صح صح مايد : طبعا يدوتي ماكانت تعرف انه كل ها الجروح الي فينا بسبت محمد لو كانت تعرف جان ماسكتت لانها صدق تخاف علينا اليده : اخو يدكم دخل السجن لانه من عقب ماخذ الورث كله ماخله حق يدكم شي خذ كل ورث ابوه ونحن تمينا بفقر و هو كان عايش احلا عيشه بس هو كان مهمل ومايفكر شي في وشوي شوي البيزات خلصت عنه وصار يسرق هزاع : يعني محمد اخو يدي دخل السجن عشان كان سراق ؟ اليده : هي وعن سالفة سلطان وليدي الله يرحمه والله نحن ماكان عندنا شي عشان نتواصل معاه قطع عنا يعني والله لو ابوكم يعرف عنه شي ولا رقمه جان اتصل وتواصل معاه بس سلطان من عقب ماسافر انقطت عنا اخباره وفجاة يتنا رساله انه سلطان مات طبعا انا و ابوك ماصدقنا ابو راشد : وليش ماقلتو لنا انه اخوي حي ليش قلتو انه ميت ! اليده : لانه ماكنا نعرف عنا شي ولا نعرف وين هو ابو بدر بعصبيه : هااا مب ععذذذذرررر !! كان المفروض تقولون لنا على الاقل انه حي مب ميت!! ابو مايد : وبعد يبه كانو يلحقون ورا عيالنا يبه يبه حمدالله انه ربي حافظهم يبه كانو العيال عادي يموتون بسبت ماضيك الي كنت خاشه عنا يبه كان المفروض على الاقل تخبرنا بكل شي ابو راشد : والله مول يبه ماتوقعتها منك الصغار الي يقولون لنا ماضي عمي ونحن مقصه من زمان قايل لنا انه عمي ميت وهو اصلا مسجون !! ابو بدر : يبه والله طحت من عيني الله يسامحك والله يهديك ماتوقعتها منك باجر ناخذ اقرب سفينه ونرجع الامارات لازم نفتح ملف عمي من اول ويدي ويسجنونه مره ثانيه اليده : مايستوي نطلعهم من المستشفى وذياب وهزاع في هاي الحاله ابو بدر : اقدر وكلمتي ماراح تنرد سامعين كلكم تجهزون باجر الصبح بنروح السفينه وبنرجع وفليل على المطار وسيف راح ترجع معانا لانك صرت من الاهل واخاف عليك شرات ما اخاف على عيالي لما اتطمن انه عمي وجماعته كلهم انسجنو وماراح يصير لك شي عقب راح ارتاح واخليك ترجع فرنسا تكمل دراستك سيف ابتسم : ان شاء الله ابو بدر : بروح ارمس الدكتور عشان يحاول انه يطلع ذياب و هزاع اليوم ويعقوب ابو مايد : امر ابو بدر : احجز لنا اقرب سفينا باجر الصبح وفليل احجز لنا اقرب طياره عشان نرجع ابو مايد : ان شاء الله طلع ابو بدر من الغرفه وطلعو وراه ابو راشد و وابو مايد والغرفه كانت هدوء وبس زينب الي كانت تصيح وخلوف يهديها مسح ذياب دمعته الي زلت وشاف مريوم يحس انه يبيها يبيها تكون عنده يبيها تمسك ايده بس كانت مريوم لافه صوب الدريشه وتشوف برع شاف ذياب سوارة امه الي في ايد مريوم وابتسم رغم ضيقته ابستم وهو يتذكر ابوه هزاع حس انه الغرفه صارت ضيقه : يمه ابي اروح اخذ لي كوفي ام راشد كانت بتقوم بس ريم قامت قبلها ريم : خالو شدعوه انا موجوده انتي تروحين انا بوصله ياخذ كوفي ام راشد : ريموه اعرف دفاشتج ريم : لا لا ماراح اسوي شي ام راشد : نزين بسرعه لا تتاخرون ريم : ان شاء الله راحت ريم عند هزاع ودزت الكرسي وطلعو من الغرفه وكانت تدز الكرسي وتسولف ريم : شخبارك اليوم ؟ هزاع : حمدالله ريم : اسفه هزاع : على شو ؟ ريم : لاني خليتك ورحت هزاع : الامور طيبه ريم : كان المفروض اتم معاك هزاع : واصلا اذا تميتي معاي ماراح تـ... ريم : بالعكس يمكن قدرت اساعدك اذا تميت بس انا حيوانه لاني رحت هزاع : ماتوقعتج صدق تسوينها وتروحين وتخليني ريم انجرحت : اسفه هزاع هزاع : الامور طيبه ريم : هزاع هزاع ابتسم : ماعليه كافي انج رجعتي لي وساعدتيني ريم : اكيد برجع اساعدك كيف اخلي نصفي الثاني بروحه هزاع : دلوعه ريم : شو يخص ! هزاع : انتي احين تمشيني تعرفين وين تروحين ريم استحت : الصراحه لا هزاع : خبله انتي اقري اللافتات خلنا نروح الكافتيريا ريم صارت تقرا وتمشي ريم : ماتوقعت عمي يرجعنا الامارات هزاع : ماينلام اكيد بيخاف علينا دام نحن برع البلاد وعادي يصير لنا اي شي ريم : بعدك مقرر انك تدرس برع ؟ هزاع : لا بكمل في جامعة الشارجه ريم ابتسمت : يعني بتم ؟ هزاع : هي ريم : بس ليش الشارجه بتكون بعيد هزاع : ماعليه ثلاث سنين واخطبج ريم استحت وحست انه ويها كله احمر وهدته وراحت ريم : خل اليني يدزك هزاع : ههههههههه تعالي ايه انتي مو وقتج والله ريم : مابا هزاع حاول يحرك العجلات وهو يلحق وراها : حرام عليج ريم شوفي حالتي ريم لفت وشافته وكسر خاطرها ورجعت تدزه عند الاهل الي كانو قاعدين وبعده الغرفه هدوء دخل عليهم ابو بدر ابو بدر : خلاص ذياب هزاع ابو بدر صار يتلفت يدور هزاع بستغراب وين هزاعو طار ام راشد : راح ياخذ له كوفي ابو بدر : المهم انه الدكتور قال بيطلعكم فليل واحين يلا قومو كلكم خلنا نرجع نزهب الاغراض وامي وسيف بيتمون عند هزاع و ام راشد و راشد بيتمون عند هزاع يلا الباقين قومو مريوم : بس يبه ريم راحت مع هزاع تساعده ابو بدر راح وقعد عند بنته : خلاص بننطرهم مريوم همست حق ابوها : يبه لاتعامل يدي جيه ابو بدر : مريوم خلاص من احين طلعي من الموضوع وانا الي راح انهي الموضوع مريوم : ان شاءالله شوي الا وترجع ريم مع هزاع وتدخل الغرفه وابو بدر قام ابو بدر : يلا قومو ريم : وين ابو بدر : بنرجع نرتب الاغراض والشنط ريم سكتت وقامو كلهم وطلعو برع الغرفه وراحو خذو لهم تاكسي ركبو ووصلهم نزلو وكل واحد راح خيمته في خيمة البنات زينب كانت تصيح والبنات يهدونها مريوم وهي ترتب ملابسها : مول ماتوقعت ابويه يقول يلا بنروح ميثا : ماينلام مريوم يعني الشي مب طبيعي الوضع يخوف ونحن في خطر لازم بيقول يلا نرجع روضه : يا زينب قطعتي قلبي بس زينب بعدها كانت تصيح وماتسكت مريوم : ترحمي عليه الصياح ماراح يفيد بشي الله يرحمه زينب لفت وشافت ميره ودموعها اربع اربع : وانتي ميره بخوف : شو شو سويت زينب : لما قلت لج اني حسيت بحد يراقبني كنتي عارفه كل شي وماقلتي لي ميره : ياليل زينب وانتي كنتي في شهر عسل ماكنت ابي اخرب عليج واقولج كل شي زينب بصراخ : طز في شهر العسل طز في كل شي اهلي اهم شيييي عيال اخواني اهم عن كل شي ميره تمت ساكته روضه : خلاص زينب اهدي احين انتو عرفتو السالفه وعرفتو كل شي وعمي واخوانه بيتصرفون انتي احين اهدي مريوم كانت تفكر في العيوز الي كانت تساعدهم وعلى طول قامت كانت تبي تطلع من الخيمه بس ها المره صوت زينب الي وقفها زينب : وين بتروحين ماتخافين على عمرج تطلعين بروحج من عقب السالفه ! مريوم لفت وشافت زينب واشرت على عمرها : ياما صارت اشياء لي وماخفت ماصرت اخاف منهم زينب تعودت على كل شي وانا عن الف ريال لاتخافين علي ابتسمت مريوم لها وطلعت بسرعه من الخيمه تدور الحركه العيوز تبي تعرف شي منها قامت ميره وكانت بتطلع زينب : وانتي بعد وين بتروحين !! ميره وهي طالعه : عندديييي شغلهههه طلعت ميره وراحت زينب : خلاص تغيرتو علي من عقب ماتزوجت ماصرتو تقولون لي شي روضه : الله يهديج زينب شو نقول لج والله حتى نحن حالنا من حالج من عارفه وين بيروحون ريم : متى عمي قال بنروح ؟ روضه : باجر الصبح ريم : كيف بنوصل خلال يوم واحد وابويه حاجز فليل طياره ؟ روضه : اتوقع عمي ماراح ينزلنا مكان السفن الي ركبنا منه ميثا : عيل ؟ روضه : بننزل مكان اقرب للمطار عشان سيدا نروح هناك ميثا : والله كل شي قام يصير بسرعه بسرعه روضه : الله يصبرنا نخليهم ونروح عند مريوم الي كانت تركض تدور على العيوز لفت وراها وهي تركض وفجاة دعمت واحد وطاحت على الارض مريوم : ايييي راسييي حمد : كسرتي عافيتي ! مريوم رفعت راسها وشافت حمد : انت الي كسرت راسي ! حمد : شو فيج بعدج منسدحه تسوين تان ؟ مريوم قامت : ه ه مايضحك حمد : بلاج تركضين تقول خبله ليكون في حد يلحقج ؟ مريوم : لا ادور على العيوز حمد : اي عيوز الي كانت تساعدنا ؟ مريوم : هي شفتها ؟ حمد : لا والله ماشفتها مريوم : نزين حمد عندك فرصه ترمس ميثا لين فليل لو صدق تبيها وشاريها حمد بستغراب : اكيد ابيها وشاريها بس ليش عندي فرصه لين فليل ؟ مريوم : باجر الصبح بنحرك ونروح حمد : وين وين بتروحون ! مريوم : اهلي عرفو عن السالفه كلها وابويه قال من باجر بنرجع البلاد حمد : خلاص تمام مريوم : يلا مع السلامه راحت مريوم تكمل تدور على العيوز وكانت تفكر وين بتحصلها بضبط فجاة يت فكره في باله مريوم واتصلت في ميره شوي الا وترد ميره ميره : ها مريوم مريوم : وينج ؟ ميره : رحت اخذ لي كوفي مريوم : بتموتين ميره : مالج خص مريوم : سمعي ميره : هلا ؟ مريوم : تعرفين وين بحصل العيوز ؟ ميره : اي عيوز ؟ مريوم : حرمة اخو يدي ميره : شوفي مريوم انا ما اعرف بضبط وين بس روحي الغابه دوم احصلها هناك صدفه مريوم : ادورها في الغابه العوده ! ميره : والله مريوم العيوز تطلع لنا فجاة كيف تبيني اعرف وين بتحصلينها مريوم : خلاص تمام باي ميره : بايات انتبهي على عمرج مريوم ابتسمت : وانتي بعد لاني اعرف عقب الكوفي وين بتروحين وحسابي معاج عقب ميره : بسم الله مريوم امانه مريوم : اسكتي خلنا نخلص من السالفه اوريج ميره : ياليل ترا صدفه مريوم : تتسحبين للغابات عشانه صدفه ميره : ههههههههههههه حراميه انا اتسحب ! مريوم : كف على راسج وتضحكين بعد ! ميره : السموحه السموحه مريوم : يلا ذلفي مب فاضيه لج احين ميره : يلا سكتي وباي مريوم : بايات سكرت مريوم الخط وحطت فونها داخل جيبها وراحت الغابه دخلت مريوم الغابه وصارت تتمشى تدور عليها على امل انها تشوفها صدفه مريوم كانت تتمشى الا وفجاة تحس بسهم يضرب في الشجره الي قدام مريوم وقفت مريوم بخوف ولفت شافت منصور منصور : النيه على راسج مريوم : ويعه منصور ماتخاف صدق تيي على راسي ! منصور : ترمسين واحد لعيب مب اي واحد مريوم : والطقعه منصور راحت يشيل السهم من الشيره : عسى ميره ماتتعلم منج ها الالفاظ مريوم : مايخصك منصور : عيل ايدج بخير مريوم شافت ايدها : حمدالله ورفعت راسها تشوف منصور زخيتو الريال ؟ منصور : هي وخذوه مريوم بفرح : صدق ! منصور كان يشوف السهم : هي مريوم : بس منصور ماتخاف يبلغ عليك ترا حتى انت غلطان ! منصور : ماراح يبلغ لانه جبان مريوم : الله يسمع منك منصور ابتسم حق مريوم : امين مريوم شافت منصور بصدمه : انت قاعد تبتسم ؟ منصور : ذلفي منصور شال السهم وراح عن مريوم مريوم : بسم الله ليكون دخل فيه يني ها مشت مريوم تدور على العيوز وراحت بحيرة البط وشافت ناس وايد وبصدفه شافت العيوز من ضمنهم كانت قاعده على الكرسي راحت مريوم عندها بفرح وقعدت عندها العيوز شافت مريوم : هلا حبيبتي مريوم : اهلين شحالج ؟ العيوز : دامكم بخير انا بخير مريوم : يدوتي قلنا حق اهلنا كل شي العيوز : ها احسن شي تسوونه مريوم نزلت راسها : وبعد ابويه قال بنرجع باجر البلاد العيوز : وليش زعلانه ؟ مريوم : ماراح اشوفج مره ثانيه العيوز ابتسمت لها : انا بس كانت مهمتي اني ساعدكم وخلاص دام بينحل الموضوع ماراح تشوفوني مره ثانيه مريوم : وايد مشكوره على كل الي صار ولانج وقفتي معانا وساعدتينا بكل شي والله وقفتج ماراح ننساها العيوز : وهاي كانت مهمتي مريوم : ممكن اسالج ؟ العيوز : تفضلي ؟ مريوم : تعرفين اسامي الناس الي كانو يشتغلون مع اخو يدي ؟ العيوز : هي طبعا اعرف مريوم ابتسمت : عادي تعطيني اساميهم كامل عشان لما ابويه بيبلغ عليهم اقوله عنهم العيوز : ان شاء الله عندج ورقه وقلم ؟ مريوم طلعت فونها : هاج كتبي اساميهم على الفون العيوز : بنتيني انا ماعرف على هاي السوالف مريوم : اوه هههه اسفه عطيني اساميهم وانا بكتب العيوز صارت تعطي كل اسامي الناس الي كانت تشتغل مع اخو يدهم وقال كل الاسامي مريوم : وايد مشكوره بس عادي عندج لو نبلغ على ريلج ؟ العيوز شافت البحيره : ريلي بالاوراق بس مايهمني وهو وايد غلط ويستاهل كل شي يصير له مريوم : السموحه بس صدق يستاهل بس ما خبرتيني ريلج وينه احين ؟ العيوز : في الامارات ماطلع منها مريوم : يعني صيدته بتكون سهله علينا العيوز : وايد بتكون سهله وانا راح الهي عشان مايعرف انكم رجعتو البلاد ويشرد مريوم : حتى لو شرد بتييبه الشرطه بتييبه العيوز : ان شاء الله نخليهم ونرجع عند ميره الي سكرت الخط عن مريوم وكملت تشرب الكوفي ويا ميود وقعد عندها مايد : مروقه الاخت ميره ابتسمت وهي تشوف الجو : لازم بروق دام السالفه انتهت وبنرجع الامارات وبنكون بخير مايد ابتسم : ماراح انسى المغامرات الي عشناها في فرنسا وهي ها الجزيره ميره : مافي حد راح ينسى وايد كنا متعذبين في السفره وخايفين ومحد فينا كان مرتاح مايد : يلا حمدالله على كل حال اهم شي احين انه اهلنا درو وراح يتصرفون وبنفتك من السالفه ميره سكتت وهي تتذكر منصور وقالت : ماودي نطلع من الجزيره مايد : مع انه ماكملنا اسبوع فيها ميره : المفروض نكمل اسبوعين مايد : تبغين اصراحه انا خلاص ابي اطلع منها وابي ارجع السفره هاي اخس سفره مرت علي ميره شافت ميود مايد : بس ماراح تنسي وايد اكشن صار لنا ميره : ليش تعيد الكلام مايد قام : مب منج من الي يسولف معاج ميره : شكو مايد : يلا يلا مناك راح ميود وميره كملت تشرب الكوفي وتشوف الجو نرجع عند مريوم ودعة العيوز وعقب طلعت من الغابه وراحت الخيمه وشافت نفس الوضع زينب تصيح وهم يهدونها مريوم : وهاي بعدها تصيح ريم : يازينب خلاص مريوم : ها وين خلوف عنها مايستحي مخليها تصيح ! ريم : هي ماتبي تشوف حد مريوم : افا روضه : شوفي فونها خلوف متصل فيها اكثر من مره بس هي ماتبي تشوفه مريوم : زينب روحي عند ريلج صدقيني هو الي بيراضيج زينب : مابا ماباا مريوم : ماقالو لكم متى بنرجع عند هزاع وذياب ؟ ريم : والله مريوم ما اتوقع يروحون عندهم كلهم مضايقين ومحد يبي يشوف الثاني وكل واحد يفكر بشي ويصيح ميثا : ابويه قال انه بيروح المغرب عشان يطلعهم وعقب بيرجعون ريم : وانتي شو صار على خطتج مريوم : صدق ماتستحين على ويهج زينبوه تصيح وانتي خطه ماخطه ! ريم : هي هي رقعي الموضوع روضه : خلو مريوم بحالها هي الي تتصرف ريم : بس والله عجبني عمي لما قال سيف يرجع معانا وانه واحد من عيالنا ييياااييييي حبيتو بيني وبين نفسي مريوم كانت تشوف ريم بصدمه ريم : مريوم ابوج متزوج ؟ مريوم : بلا وقاحه يابنت ارمسي عدل لا اييج طراق يطيرج حدود السعوديه روضه : ويعه ريم شوها الحجي ريم : بلاكم اسولف وبعد ها عمي مريوم : عمت عينج سولفي عدل ريم : هههههههه اوكيه اوكيه ميثا : لا اشكره تقولها بكل وقاحه وزينب موجوده روضه اشرت على مريوم : بعيد عن زينب بنته شطولها شعرضها كاهي واقفه وتقول ابوج متزوج ميثا : هههههههه ريم خبله مريوم : ماقال لكم ميود متى بيروح يزورهم ؟ ميثا : لوعتي جبدنا انا الي هو اخوي ماسالت كثرج ريم : هاي وين تروم تتجاهل حبيب القلب لوعت جبودنا وهي تسال مريوم : ياليل ريم والله بدوسج ريم : لا لا دخيلج اسفه زينب قامت تصيح صوت عالي روضه : نحن خلنا نسكت هاي اول نخلي البنات ونرجع عند ميره الي خلصت الكوفي مالها وقامت كانت ميره تفكر تروح الغابه ولا بس عقب فكرة انه ماراح يكون شي وقت عقب عشان تروح وتشوفه وراحت صوب الغابه دخلت ميره الغابه وراحت المكان الي يتدرب فيه منصور وشافت واقف يتدرب كانت ميره حاطه ظهرها على الشجره وتشوفه وهو يتدرب وهو كان يعرف انه ميره وراه بس ساكت تجدمت ميره عنده ميره : شو كنت تسوي في المستشفى منصور وهو يتدرب : سويت الي اقدر عليه ميره : تقدر على شو ؟ منصور : خذت الريال المستشفى ميره راحت يدامه : انا لما ارمسك ماتتدرب شوفني لما ارمسك منصور نزل السهام وتجدم من عندها وحط عينه بعيها : طلع الريال مافيه شي وقدر يشرد بس بلغت عليه وزخوه ميره ابتسمت : مشكور على كل شي سويته منصور : العفو كانت ميره بتروح وخاطرها مكسور تتحرا منصور تغير بس للاسف مشت ميره وكانت بتروح بس منصور مسكها من ايدها وسحبها صوبه وشاف عيونها منصور : نسيت الماضي ميره كانت منزله راسها : حمدالله ان شاء الله تبدا حياه يديده منصور : ان شاء الله ببدا وابيج تكونين موجوده بحياتي اليديده انصدمت ميره ورفعت راسها شافته منصور : هي ابيج تكونين موجوده بحياتي اليديده وابيج انتي حياتي اليديده ميره انتي الوحيده الي من شفتج وانا ماعرفت كيف اتحكم بعمري انتي الوحيده الي قدرتي تغيريني للافضل من عرفتج اول يوم ييتي فيها وشفتيني صدفه كنتي منخشه ورا الشيره ماراحت صورتج عن بالي كنت اشوف ملاك يدامي ملاك قدرت ب ايام قليله تنسيني الماضي والحب القديم الي كان بداخلي ملاك ابيها تكون معاي بحياتي اليديده وابيها هي تكون حياتي اليديده ملاك قدرت تغيرني وفتحتني خلتني اشوف الدنيا بشكل ثاني وشالت الاكتئاب عني مول ماتوقعت يوم من الايام اني بحصل وحده شراتج ميره سامحيني على كل الي صار بينا قبل وخلنا نفتح صفحه يديده مع بعض ميره كانت مصدومه ومستحيه في نفس الوقت ومنزله راسها ومنصور استوعب انه بعده ماسك ايدها وبسرعه هدها منصور : عطيني اجابه راضيه تكونين حبيبتي ونبدا حياة يديده ؟ ميره شافت : استح على ويهك شوها السوالف شو حبيبتي بعد ! منصور : اوه طلعت مؤدبه هاي السموحه بس راضيه تكونين في حياتي ونبدا حياه يديده؟ ميره ابتسمت له : هي منصور رد لها الابتسامه : صدق ملاك ميره استحت ولفت ويها عنه : نزين منصور منصور : ها منصور ميره : باجر نحن بنروح منصور بستغراب : وين ؟ ميره : باجر بنرجع الامارات منصور : ليش شو صار ميره شافته : اهلي عرفو بكل شي وقررو انهم يرجعون منصور سكت شوي عقب قال : ماينلامون يخافون عليكم انا لو منهم اول قرار اسويه اني ارجع ميره سكتت شوي بحزن انها ماراح تشوفه بعد منصور : حتى انا ماودي ترجعين ماودي انحرم من ها الملاك الي يدامي ولا ودي انحرم منج ومن حنانج وطيبتج بس في نفس الوقت ميره انا مب من قوم الي ياخذون ارقام البنات منصور قرب من عند ميره ومسك شعرها ورجعه ورا اذنها بنطرج لين تخلصين اول جامعه وايي اخطبج موافقه ؟ ميره : لين ذاك الوقت ان شاء الله يصير خير منصور : مع انه بتكوني ياهل بس يلا بعد شو نسوي ميره : عاد محسسني انت الكبير منصور : اكبر عنج ميره : بسنتين ! منصور ابتسم وهو يتأملها : يعني خلاص بتروحون باجر ؟ ميره : ان شاء الله منصور : نزين مسكي مد منصور حق ميره قلاده ميره : شوها ؟ منصور : شو تشوفين انتي ؟ ميره : قلاده ؟ منصور : هي حقج ميره ابتسمت وشالت القلاده من ايد منصور وشافت عليها حرف الميم ميره ابتسمت له : مشكور منصور : خليها ذكرى كل ماتشوفينها تتذكريني ميره : ان شاء الله احين حرف الميم حرفي ولا حرفك ؟ منصور : ههههههه خبله انتي كله واحد ميره : اوه صح هههههههه شوي الا ويي حق ميره اتصال رفعت ميره فونها وشافت الاسم وردت ميره : ها روضه ؟ روضه : وينج ميره : عند الكافيهات روضه : نزين يلا تعالي زينب وايد معصبه تبي تشوفج احين ميره : شو سويت ! روضه : ماسويتي شي بس اونها تخاف عليج ميره : يلا تمام احين بيي روضه : يلا لاتتاخرين احين بتغيب الشمس ميره : ان شاء الله سكرت ميره الخط ميره : يلا لازم اروح منصور : انتبهي على عمرج ميره ابتسمت له : ان شاء الله يلا مع السلامه منصور : مع السلامه راحت ميره ومنصور كان يشوفها لين اختفت عن عيونه وعقب رجع يتدرب وميره طلعت من الغابه وبسرعه راحت الخيمه ودخلت وكانت زينب هاديه ميره : رجعت زينب : ليش تاخرتي ! ميره : زينب ماتاخرت رجعت بسرعه زينب : ماتطلعين مره ثانيه فاهمه ! ميره : ان شاء الله ريم شافت مريوم الي كانت سرحانه وتشوف السواره الي في ايدها ريم بستغراب : مريوم مريوم شافت ريم : هلا ريم : بلاج مع ها السواره مريوم شافت السواره : بلاني ؟ ريم : من زمان اشوف ها السواره في ايدج ماتملين منها ! ميثا راحت عند مريوم ومسكت ايدها : والله مريوم انه السواره جميلههه من زمان كنت حاطه عيني عليها من وين لج ها السواره الحلوه ! ريم : ها السواره الي رجعتي للغابه عشان تاخذينها صح مريوم شافت ريم بصدمه ريم : ماخفتي على عمرج كثر خوفج انه السواره تضيع ورجعتي دخلتي الغابه عشانها ؟ ليش مريوم ها السواره مهمه بالنسبه لج ؟ واذا مهمه شدعوه تضحين بحياتج عشانها وتدخلين الغابه وانتي تعرفين انه اذا دخلتي اكيد بيشوفونج قوم اخو يدي ويسون فيج شي مريوم : وانتي كيف عرفتي اني رجعت عشان السواره ؟ ريم : لاني انتبهت لما ايدج خدشت الغصن وشفت السواره تطيح من ايدج مريوم بعصبيه : يعني شفني السواره تطيح وماقلتي شي ! ريم : وانا شو عرفني انه السواره مهمه لهاي الدرجه انج تغامرين بحياتج عشانها ! مريوم : سخيفه جان قلتي انها طاحت لو قلتي جان مارجعت ودخلت الغابه ريم : واصلا انتي تعرفين انهم كانو يلحقون ورانا ماكان شي وقت انج تاخذينها حتى! ميره : مريوم ياكثر السوارات الي عندج ليش رجعتي عشان ها السواره ؟ زينب : وبعد انتي خبله ترجعين غابه عشان سواره ! مريوم : ها السواره غير ها السواره من شخص غالي علي طبعا بحتفظ فيها ! ريم : اها يعني جيه الوضع روضه : من منوه مريوم : مب كل شي ينقال ميثا : يعني مب الي بالي بالج مريوم : لا مايخص ميثا صارت تغني : وبتحلى الدنيااا بعيني وانا جنبك ف ماتبعدنيششش روضه : صدق ماتستحي زينب هناك مضايقه وحالتها حاله وهاي تغني ميثا : اوه زينب السموحه زينب : لا كملي ماشي حشيمه حقي ميثا : لا محشومه مريوم : يلا باقي شويات ونودع الجزيره وفرنسا ريم : مب مستعده اني اودعها ميره : استعدي حبيبتي انتي اول وحده بتركبين السفينه بعد ريم : والله باجر ورانا نشه من وقت شكله مريوم : هي لانه ابويه قال من الصبح بنروح عشان نلحق على الطياره فليل روضه : صدقوني اخر شي عمي بيقعدنا من الفير نطلع مريوم : طبعا ابوي واعرفه شوي الا وتدخل عندهم ام بدر مريوم بوناسه : امااايييههههه روضه : ويعه لاتصارخين اول مره تشوفين خالتي شو مريوم : لا احب لما اشوفها واصرخ ام بدر : والله روضه تحمدين ربج انج مب ساكنه معانا في نفس البيت من فوق الدري وهي تصرخ وتعرفين بيتنا كله صدا روضه : اخييجج ههههههه عاد ينسمع صوتها بكل انحاء البيت ميره : للاسف انا في الغرفه اسمع صريخها ام بدر راحت عند زينب وقعدت عندها : شخبارج احين حبيبتي زينب مسحت دمعتها : حمدالله بخير ريم : خالو ام بدر شافتها : ها خالو ؟ ريم : شخبار يدوتي ؟ ام بدر : حليلها والله وايد كانت تصيح واحين هدت ورقدت مريوم : الوحيده الي لحد احين ماقدرت تتخطى موت ولدها مع انها تبين لنا انها سعيده ومافيها شي بس من داخلها مكسوره وحزينه وبعدها تتذكر ولدها ام بدر : طبعا مريوم حبيبتي بالاول والاخير ها يكون ولدها وكبر معاها واول ضنا طبعا ماراح تقدر انها تتخطى بسهوله مريوم : حبيبتي يدوتي ماتستاهل الي ياها رجعت زينب تصيح وام بدر حضنت زينب ومريوم لما تذكرت عمها في المستشفى نزلت دموعها وغطت ويها وميره على طول عرفت مريوم ليش صاحت وراحت تمسح على ظهرها تهديها وتحضنها روضه : خالو ام بدر : ها خالو ؟ روضه : عمي ماقال لكم متى بنروح باجر الصبح ؟ ام بدر : هي قال بنطلع الساعه 4:30 روضه بصدمه : خخخيببببههههه ام بدر : تخيب العدو بلاج روضه : وليش الساعه اربع الفير ! ام بدر : وبنصلي الفير في السفينه ابشرج ميثا : ياويل حالي عيل لازم نرقد من وقت ام بدر : هي الساعه 9 كلكم راقدين مافي حد يسهر ريم : ان شاء الله ام بدر : وبعد محد يشرب كوفي عشان ماتسهرون ريم : ان شاء الله ام بدر : وباجر الساعه 4:00 كلكم تكونون جاهزين ريم : ان شاء الله زينب قامت : بروح اجوف امايه قامت ام بدر : يلا حبيبتي امشي نروح طلعو ام بدر و زينب من الخيمه ريم : ان شاء الله روضه عقت عليها المخده : ايه انتي بلاج علقتي ريم : اي راسي وين خالو ميثا : يوه راحت من زمان ريم : اوه روضه : صدق خبله مريوم رفعت راسها ومسحت دموعها : رويض الساعه كم ؟ روضه شافت الساعه وكانت الساعه 6:30 ريم : شو بنسوي احين العائله كلها مضيمه روضه : حليله ميود محد عنده كلهم في المستشفى مريوم : اتوقع حمد قاعد معاه ميثا : صدق ؟ ميره : فز فز القلب ميثا : انطمو خلاص باجر بنروح اي قلب واي خرابيط مريوم : حتى لو رحنا يروم ايي الامارات ويخطبج لو يبيج صدق ميره : ان شاء الله ان شاء لله ريم : الناس برع مهمومه ونحن نتفلسف امشو نطلع نشوفهم كل البنات قامو وطلعو من الخيمه وراحو عند القعده الي كانو اهلها دوم يتيمعون ويقعدون هناك بس للاسف ماشافو حد مريوم : ما اتوقع نشوفهم ريم : محد احين له خلق يشوف الثاني ميثا : ماينلامون السالفه وايد قويه واهم شي انه السالفه تخص اخوهم مب شوي يعني مريوم : الله يكون بعونهم ريم : خلنا نروح عند الكافيهات يمكن نحصل حد راحو البنات صوب الكافيهات بس للاسف بعد ماشافو حد مريوم ابتسمت وهي تشوف القعده والكافيهات : كنا دوم نحصل حد قاعد هني صدفه ريم : صح كل مانروح ناخذ لنا كوفي لازم نحصل واحد من الاهل قاعد يشرب كوفي روضه : وعقب ناخذ كوفي ونقعد نسولف معاه ميثا : ماودي نطلع من الجزيره ايامها كانت حلوه ميره ابتسمت : صح كلامج مريوم لفت وشافت البنات ببتسامه : يلااا ماعليه ان شاء الله الاجازه اليايه انيي مره ثانيه هني روضه : اخخخ وبعد لاتنسون الشهر الياي ورانا جامعات ريم : الله يستر اول سنه جامعه مريوم : والله اني متحمسه ابي اعيش جو الجامعات ريم : راح تتحمسين بس اول يوم وعقب طز ميثا : هههههههه صدق ! مريوم : يلااا بنعيش حياه ثانيه بعيد عن المدرسه وبنبدا في الجامعه وعقب ان شاء الله اتخرج واستوي دكتورهههه ميره : امشو امشو بس مريوم : ههههههه يلااا مشينا ريم : وين بتروحون ؟ مريوم : والله تصدقين حتى انا ماعرف وين بنروح ميره : انا بروح انسدح داخل الخيمه دام ماراح نسوي شي يلااا باييي وراحت ميره عنهم مريوم : دبه ريم : واصلا باقي شوي وكلنا بنرد الخيمه خلاص الساعه تسع لازم نرقد مريوم : يعني ما اتوقع اني اشوفه اليوم ريم : ياليل قلتي بتتكبرين عليه ! مريوم : قلت بتكبر عليه بس مب اسحب عليه ولا اشوفه حتى روضه : بتتكبر عليه في الوقت الي يحتاجها فيه مريوم : والاوقات الي انا كنت احتاجه فيها هـ... روضه صرخت عليها : هههييييي كان موجود مريوم !!! اكثر واحد كتن يخاف عليج هو كان يخاف عليج اكثر من نفسه وكل مانيب طاريج يفز قلبه بخوف اذا كان فيج شي هو بس الغلط الي ارتكبه انه ماسمعج مريوم لا تأثر فيج سالفه وحده مريوم تذكري السوالف الباقيه الي صارت مريوم هو بعد كان يراضيج اذا زعلتي وكان هو الغلطان بس انتي تعرفين انه نص الاشياء انتي الي كنتي غلطانه منها والمفروض انتي الي تعتذرين تعرفين ليش ؟ تعتذرين لانج خوفتيه عليج تعتذرين لانج كنتي وايد دفشه وتغامرين وهو بس كان يفكر فيج وخايف عليج مريوم انا قلت لج كل شي الي انصحج عليه و الباقي عليج حبيبتي راحت روضه وخلتهم بروحهم ريم : مريوم اصراحه كلام روضه صح هو بس غلط ب اخر سالفه صارت بينكم وهو اعترف انه غلطان مريوم : صدقيني بس راح ارد له الحركه الاخير الي كان يسويها فيني لا اكثر ولا اقل ماراح اسمع له مثل ماهو كان مايسمع لي ولا يبي يسمع لي حتى بس راح ارد له الحركه وابي يصير الي في بالي وكل شي بيكون تمام عقب ريم : الله يهديج ويهديه كل واحد يتصارع مع الثاني ضرابه هاي مب حب راحت ريم عنهم وتمت مريوم مع ميثا مريوم شافت ميثا : وانتي ميثا : ها مريوم : بعدج ماشفتي حمد ؟ ميثا : اصراحه مريوم ماشي وقت اني اجوفه كله قاعده معاكم وزينب وايد صارت حريصه علينا وتراقبنا من عقب السالفه ف ما اقدر اني اشوفه مريوم : قلت له انه نحن بنروح باجر وعاد احين هو الي عليه انه يحاول يشوفج ميثا : كيف قلتي له ومتى ؟ مريوم : لما رحت من عندكم شوي كنت اركض ادور على شي وبالغلط دعمته ورمسته شوي وقلت له ميثا : ماعليه ان شاء الله اذا شفته صدفه برمسه بس اذا ماقدرت الامور طيبه مريوم : ان شاء الله ميثا : يلا نرجع الخيمه ؟ مريوم : يلا صارت الساعه 7 ميثا : مريوم شو رايج ناخذ كوفي ونروح عند البنات نشرب كوفي ونكمل سوالف ؟ مريوم : امايه شو قالتتتتت ميثا : اوه ههههههههههه مريوم : ناخذ لنا عصاير ونروح نسولف ميثا : هي اوكيه عصير حلو مريوم : الله يازمن انا اشرب عصير ميثا ضربتها على راسها : خفي علينا ام الكافيهات بس امشي امشي مريوم : هههههههههه يلا مشو مريوم و ميثا وراحت خذو عصاير وعقب رجعو الخيمه وشافو كل وحده تسوي شي ميره كانت منسدحه وتشوف فونها و ريم كانت تلعب ببجي و روضه كانت تقرا الروايه وزينب كانت تقرا قرآن مريوم : ايه انتو كل البنات شافو مريوم مريوم : يبت لكم عصاير شوي نسولف عقب لما تصير الساعه 8 نرقد زينب سكرت القرآن وحطته داخل الشنطه وكل البنات هدو الاشياء الي كانو منشغلين فيها وقعدو وقعدت مريوم و ميثا و وزعت مريوم عليهم العصاير وقعدو يسولفون لين صارت الساعه 10 كلهم رقدو ماعدا ميثا الي ماياها رقاد قامت وشافت الكل راقد طلعت ميثا برع الخيمه تتامل الجزيره قبل مايروحون تمشت ميثا شوي عقب راحت وقعدت عند البحر ماتدري ميثا ليش نزلت دموعها وصارت تصيح رفعت ميثا راسها عشان تشوف البحر بس شافت واحد ماد لها كلينكس على طول ميثا عرفت من ها وخذت الكلينكس منه ومسحت دموعها حمد ابتسم لها : بدايات المحبه قعد حمد عدالها ليش تصيحين ميثا : ما ادري دخل شي بعيني حمد : ماشاءالله دخل شي بعينج و تصيحين ميثا : هي حمد : لا صدق قولي بلاج ميثا : ماعرف ماعرف ليش صحت حمد : نزين صدق بتروحون باجر ؟ ميثا : هي حمد : وانتي بعد بتروحين ؟ ميثا شافته : تمزح اكيد بروح ! حمد : تمي انا لما برجع الامارات برجعج ميثا : لا والله ؟ حمد : ماينفع ؟ ميثا : تستهبل انت حمد : بشتاق ميثا شافت حمد شافها وابتسم : لج استحت ميثا ولفت ويها عنه حمد : مثل ماقلت لج ماتكونين لغيري خلال ها الايام اتخرج من فرنسا وبسرعه بيي اخطبج ميثا : ان شا الله حمد كان مبتسم ويتامل ميثا : ماينفع اتاملج لين الصبح ؟ ميثا : يلا حمد انا رايحه حمد : صبر ماقلتي متى بتروحون ؟ ميثا : بنروح الفير حمد : الفير !! ميثا : هي لانه عمي حالف اليوم فليل نركب الطياره ونرجع حمد : عقب بترجعون فرنسا ؟ ميثا : لا والله ما اتوقع بس ذياب و سيف بيرجعون عشان جامعتهم اما انا بتم وبعد خلاص انت تعرف الشهر الياي بتخلص الاجازه حمد : ليش ماتدرسين في فرنسا ؟ ميثا : لالا حمد مابا ادرس برع حمدالله عندنا احسن الجامعات اروح ادرس برع اعور راسي ليش اتم هني عند اهلي واهلي صوبي احسن حمد : بس صح ميثا : وانت تدري هني صح ؟ حمد : يب ميثا : انت وذياب وسيف مب نفس الجامعه ؟ حمد : لا والله انا ماعرفتهم الا يوم ييتو الجزيره ميثا : هي هي صح حمد : بتخبرج ذياب من زمان ساكن في فرنسا ؟ ميثا : هي ذياب اصلا مولود في فرنسا بس من كم شهر رجع الامارات عشان عمي الله يرحمه كان يبي يعرف ذياب على عمومه وانه ذياب عنده اهل من عقبه حمد : الله يرحمه يلا ماعليه ميثا : يب حمد لف وشاف البحر وابتسم : متخيله انه منصور تغير ميثا استانست : صصددققق ! كيف شو تغير فيه ! حمد : كل شي تغير فيه صار يضحك معانا ويسولف وايد وماصار نفسيه شرات قبل يعني والله ميثا اني مستانس انه تغير ميثا : يعني صار يقعد وايد معاكم صح حمد : جان زين ميثوه يقعد معانا وايد هو اربع وعشرين ساعه يتدرب بس لما يرجع و يقعد معانا والله تصير القعده لها طعم وضحك من سوالفه وضحكته ميثا ابتسمت بفرح : حمدالله حمد : وانا اعرف من الي غيره ميثا : من ؟ حمد شافها : سر بيني وبينج ! ميثا : هي اوكيه يلا قول حمد : اول قولي وعد مابقول حق حد ميثا : ياليل يلا قول وعد مابقول حق حد حمد : ميره ميثا بستغراب : ششوو ميره شكو ؟ حمد : من صدقج انتي ماتعرفين ؟ ميثا تحمست وقربت لحمد وايد : لا ماعرف شي شو السالفه حمد ارمس بسرعه حمد : شوفي انا ما اعرف شو السالفه عدل بس الي اعرفه انه ميره كانت وايد ترمس منصور ميثا : ميره ؟ حمد : هي ميثا بصدمه : ميره وايد ترمس منصور ؟ حمد : بلاج هي ميثا : مع اني ولا مره شفت بين ميره ومنصور شي اصلا ولا مره شفتهم مع بعض متى ترمسه هاي ! حمد : شوفي متى ترمسه ولا كيف انا ماعرف بس انا متاكد انه ميره الي خلته يتغير ميثا : والله حركات وبعد انا لاحظت ميره الايام الي طافت كانت وايد تحب تتمشى بروحها وكل صبح تروح تطلع تاخذ لها كوفي معقوله كانت تروح عند منصور حمد سوا بيده انه مايدري : الله يعلم لفت ميثا تشوف البحر : ماينلام اذا حبها والله ميره تنحب حنونه وطيبه والله انها جبر خاطر شرات اختها في كل شي حمد : هي مريوم وايد طيبه وحنونه احيد لما طلعتو من الغابه ومريوم كانت مجروحه ايدها وانا لفيتها وساعدتها شفت عيونها وكان واضح كل شي من عيونها عيون وحده بريئه ميثا : هي وانت كنت متشقق وانت تلف ايدها وتساعدها صح مسود الويه ! حمد : ياليل شو يخص انتي توج تمدحينها ميثا : هي انا امدحها عادي بس انت لا فاهم ! حمد : عصوبي هههههههههههه فاهم والله فاهم يابنت الحلال تدورين مشاكل انتي ميثا : هي بعد شو كنت ابي اشوف لو عيونك زايغه ولا حمد قرص خذها : هههههههههه والله طلعتي نصابه نصبتي علي ميثا : هي بعد شو سخيف حمد شاف الوقت : ميثا يلا قومي ارقد وراج قعده من الفير يلا يعيوني قومي ميثا شافته ومدت بوزها : ها اخر يوم اشوفك حمد الي داخ من جمالها : خلاااصصص بيي معاكمممم من باجررر ميثا : ههههههههههههههه حمممدددد !! حمد : لاتشوفيني جيه ترا والله اضعف وايي معاكم ميثا : هههههههههه تمام تمام قامت ميثا وقام معاها حمد حمد : ميثا ميثا : ها ميثا ؟ حمد : ترومين باجر الفير قبل ماتروحون نتقابل ؟ ميثا : اكيد وين ؟ حمد : ورا كافيه ... ميثا : خلاص تمام اذا قدرت بشوفك حمد : تمام يعيوني حاولي عشاني ابي اشوفج قبل ماتروحين اخر شوفه ميثا ابتسمت له : ان شاء الله حمد : يلا تصبحين على خير حبيبي ميثا : وانت من اهله راحت ميثا عن حمد ودخلت الخيمه حطت راسها على المخده وعلى طول رقدت اليوم الثاني ونبدا صباحنا بيوم يديد واخر يوم في فرنسا واشتياق للاحداث الي صارت في فرنسا وفي الجزيره ونودع فرنسا في خيمة البنات كان الكل قاعد الساعه 3:00 كل وحده كانت تسوي شي والخيمه كانت فوضى الي تبدل والي عند التسريحه تعدل شعرها والي تحط كريمات والي تشوف اغراضها لو ناقصه ولا مريوم الي كانت عند التسريحه تمشط شعرها ربطته ولبست كاب مريوم : خلصت انا بروح اشوف الاهل اذا جاهزين ولا ريم : مسرع ! مريوم : يعني شو بسوي ليش اكشخ ونحن سيدا راجعين البيت ميثا : بعد صح كلامها زينب : كاسر خاطري ذياب مايروم يمشي مريوم شافت زينب من طرف عينها وسكتت ميره : ليش بلاه ؟ زينب : هزاع حمدالله يروم يمشي بعكاز بس ذياب مايقدر لا عكاز بس ذياب ايده لافينها و ريله ف مايروم يمشي بعكاز لازم نقعد وندزه روضه شافت مريوم : ماعندج رحمه شافتها مريوم وسكتت ميثا : رويض بقوم لج والله !! زينب : مافهمت ليش تقولين حق مريوم ماعندج رحمه شو سوت مريوم ! روضه : لا حليلها ماسوت شي راحت رويض عند التسريحه ومسكت قصتها لفتها ورجعتها على ورا وخذت دبوسين الشعر ثبتت قصتها وطلعت من الخيمه زينب : مريوم فيج شي ؟ مريوم شافت زينب : لا مافيني شي زينب : يلا حبيبتي شوفي اذا نسيتي شي ولا ورتبي اغراضج مريوم : رتبتها كلها ومب ناقص شي زينب : عيل يلا الي ترتب اغراضها وتتاكد انها حطت كل شي داخل الشنطه تاخذ شنطتها وتطلع برع ميره : ومنوه بياخذ شنطة النفسيه رويض ريم : خلاص انا بطلعها عادي ميره : هي زين عيل راحت مريوم وخذت شنطتها وحتى ميثا كانت مخلصه كل شي وجاهزه ف مسكت ميثا شنطتها وطلعو برع الخيمه وشافو نص اهلهم من بعيد واقفين ومعاهم الشنط راحو ميثا ومريوم عندهم ووقفو عدالها مريوم ميثا : صباح الخير الكل : صباح النور اليده : ها مريوم وين زينب و ريم وميره مريوم كانت عيونها على ذياب الي كان قاعد في الويل جير ومنزل راسه وراقد اليده شافت مريوم سرحانه في ذياب وضربتها على جفتها مريوم استوعبت يدتها ومسكت جتفها : اي يدوتي شبلاج اليده : عن تطلع عيونج مريوم : يدوتي عيب ! اليده : اقولج وين ريم و زينب و ميره مريوم : في الخيمه شوي ويطلعون اخ جتفي ! اليده : تستاهلين نزلي عيونج مب شوي وطير مريوم قالت صوت خفيفه لانها كانت خايفه انه ذياب مايكون راقد ويسمعها : نزين يدوتي حرام جيه راسه عدلوه عن تعوره رقبته اليده : والله حتى انا كاسر خاطري بس كيف اعدله ترا مب راقد في كرفايه مريوم سكتت اليده شافت الساعه وكانت 4:00 اليده : ما ادري متى ناوي يطلعون عمومج مريوم : ليش وينهم ؟ اليده : في الخيمه يخططون عشان يوم نوصل بسرعه نروح المطار مريوم : اههااا نزين ييلاااا بسرعه جريب وتصير اربع ونص مرت عشر دقايق وكلهم تيمعو ابو بدر : يلا خلاص كلكم جاهزين مانسيتو شي ؟ كلهم : لاا ابو بدر : عيل يلا مشينا ميود دز ذياب مايد : تمامووو ذياب : لا الله يخليكم كلشي ولا ميود ها دفش سيف : هههههههه خلاص ميود اذلف انا بدزه مايد : وقاحه راح سيف عند ذياب وصار يدزه وكلهم مشو عند السفينه وصلو كلهم وراح ابو بدر عند التذاكر مرت عشر دقايق ورجع ابو بدر ابو بدر : يلا ركبو السفينه ركبو كلهم السفينه وميثا وهي راكبه تذكرت شي ميثا : ننسييييتت شييييي كلهم شافو ميثا وميثا عقت شنطتها وراحت ركض ابو راشد : ميثثوهههه !! اليده : وخزيا عبدالله قول حق الريال ينطر مايحرك ابو بدر : ها وقتج ميثوه راح ابو بدر يرمس الريال عند ميثا الي كانت تركض وراحت صوب الكافيهات راحت ميثا ورا الكوفي الي حمد قال لها عنه وشافت حمد كان واقف يشوف البحر ابتسمت ميثا وراحت عنده ركض ميثا : حمممدددد حمد لف وشافها وابتسم : اخيرا عبالي رحتو ميثا : كنا جريب وبنروح شو تبا بسرعه حمد مد لها كتاب وميثا انصدمت ميثا : شوها الكتاب ؟ حمد : اشعار كنت اكتبها عن الحب وكنت انطر لين تيي البنت الي تستاهل اعطيها ها الكتاب ابتسمت ميثا وحطت ايدها على شفايفها : صدق ! حمد : بشتاق لج وانتبهي على روحج وكل كلمه في الكتاب تقصدج ميثا : من عيوني وان شاء الله اشوفك عقب سنوات حمد مد صبعه الخنصر : وعد تتريني ؟ ميثا : شوها حركات يهال حمد : يلا بسرعه عن يروحون عنج ميثا مدت صبعها وشبكتها مع صبع حمد : هي وعد حمد : يلا بسرعه روحي وانتبهي على روحج ميثا وهي رايحه : ان شاء الله معععع اللسسسلاامهههه حمد ابتسم وهو يشوفها لين ما اختفت عن ناظره ورجع حمد خيمته وميثا راحت ركض السفينه وشافتهم كلهم ينطرونها و كابتن السفينه ينادي انه السفينه بتروح ويلا يركبون بسرعه راحت ميثا ركض وركبت السفينه ووقفت عند اهلها وصارت تتنفس اليده : الله يهديج ميثوه ! ابو راشد ضرب بنته على راسها : شو ها الشي المهم الي رجعين ركض عشانه ! ميثا رفعت الكتاب : كتابي البنات كلهم شافو ميثا بصدمه واستغراب لانه يعرفون انه ميثا اصلا ماعندها كتاب ابو بدر : خبله بنتك والله هزاع : ما احيد انه عندج كتاب شراته ؟ ميثا : اشتريته يديد من الجزيره هزاع : هي زين حلو ابو بدر : يلا امشو كل واحد يروح غرفه ويريح مريوم : يبه متى بنوصل ومتى بنروح المطار ؟ ابو بدر : طيارتنا الساعه 3 الفير وبنوصل المطار الساعه 12 مريوم : ماشاءالله مخططين حق كل شي ابو بدر شاف ابوه : مب لعبه السالفه كل واحد راح غرفته في غرفة البنات مريوم : بناتتتتت مافيني رقاد ميره : والله صدقج مافينا رقاد ميثا : طار عني الرقاد روضه : باقي شوي على شروق الشمس امشو نروح نشوف الشروق البنات : هههييي يلاااا قامو البنات وطلعو برع راحو اخو طابق وقعدو في كرسي يشوفون الشروق ميثا : احين انا خايفه انه اخو يدي يعرف انه نحن راجعين ويشرد يسافر مريوم ابتسمت وهي تتذكر العيوز : لاتحاتين ماراح يعرف انه نحن رادين ميثا شافتها بستغراب : كيف تعرفين ؟ مريوم : رمست حرمته ميره : شفتي العيوز !! مريوم : هي شفتها فتحت مريوم فونها ومدت لهم وشافو البنات لستة اسامي ميره : اسامي منوه هاي ؟ مريوم : حبيبتي هاي اسامي كل الي كانو يشتغلون من اخو يدي ريم بصدمه : حلللففيييي مريوم : والله حرمة اخو يدي عطتني اساميهم كلهم وبعد ابشركم قالت لي انها بتحاول تلهي اخو يدي عشان مايشرد ويتم في الامارات ميره بحماس : يعني هو فالامارات ؟ مريوم : ايوا شايب مكسر وين له شده انه يسافر روضه بحماس : وناسه يعني اخيرا بسرعه بيزخونه ! مريوم : يب يب ريم : الله مريوم ها احلااا خبره سمعته منج مريوم شافت ريم بصدمه : ياوصخه ! ريم : بالغلط تحمست مريوم : شو قصدج يعني انا اخباري خايسه ! ريم : السموحه ميره : والله صدق طلعتي ذكيه عشان جيه كنتي تدورين عليها مريوم : هي وبعد عشان اشكرها و اودعها البنات كانو يشوفون الجزيره من بعيد صارت الجزيره بعيده عنهم بس تنبان لانها كبيره ريم : ماراح انسى ها الجزيره الحلوه مريوم : مع انه صارت لنا سوالف واكشن وكسير راس بس بعد بتم حلوه ميره : والله انتي الي زين ايدج مانشلعت مريوم شافت ايدها : ههههههههه صددقق !! روضه : حليلج هايل كل مايبون يجرحونج مايصوبون الا على ايدج مريوم : هييي المشكله ايدي الي تعورني نزين عندكم ايدي الثاني ! ميثا : طع هاي الغبيه اونه عندكم ايدي الثانيه حالفه تنهي الايدين مريوم : هههههههههههههههه ريم : والله وايد صرت مستانسه عكس قبل قلبي متروس خوف مريوم : صدق راحه يوم نخبر الكبار وهم الي يتصرفون ميثا : ونحن مانشيل هم شي لانه خلاص نعتمد عليهم ميثا : تخيلو حمدالله الدكتور قال انه هزاع يمكن خلال اسبوع راح يروم يمشي ميره : حمدالله روضه : والله انا مب راحمه الا ذياب الي صدق المسدس ضرب على ريله وايده مريوم شافت روضه وسكتت روضه شافت مريوم : يلا انا خلاص ياني رقاد وابي ارقد بروح مع السلامه راحت روضه عنهم وتمو البنات مريوم : بصفعها اختج وايد تعق علي نغزات ميره : المشكله اني قايله لكم انه مشكلة مريوم و ذياب تنحل بروحهم محد يتدخل فيهم خلاص مريوم تعرف كيف تحل المشكله مريوم : احبج فاهمتني ريم : كلنا فاهمينج بس روضه مادري بلاها ميثا : ها اكيد سيف لاعب في مخها مريوم : هههههههههه حرام عليج سيف شكو ميره : لا والله سيف حليله ميثا : هههه اعرف بس اسولف قامت ريم وميره ميره : يلا عيل نحن بنروح الغرفه مريوم : يلا تمام راحو ريم و ميره الغرفه وتمو مريوم و ميثا مريوم : يلا ارمسي حجيه ميثا بستغراب : ارمس شو ؟ مريوم : الكتاب الي في ايدج من منوه ميثا : ها اي كتاب مريوم : ها الي يدام ويهج ميثا شافت الكتاب وسكتت مريوم : بتقصين على اهلي قصي عليهم بس انا ماينقص علي عن الخرط وقولي من وين لج الكتاب اونه شريته ياجذابه انتي ميثا : هههههههه خلاص اوكيه اوكيه بقول مريوم : اخلصي ميثا : من حمد مريوم : الله صدق ! ميثا : هي مريوم : حركات رومنسيه بعددد عليينااااا ميثا : ههههههه انا روحي استغربت مريوم : شو يقول الكتاب شو في داخله ؟ ميثا : ياليل النشبه وانتي شو يخصج ؟ مريوم : يلا عاد قولي انا اختج ميثا : كاتب لي اشعار مريوم : يييااااايييي حركاتتتتتت هههههههههههههه ميثا : ويعه خلي صوتج مريوم : شو قال لج لما عطاج الكتاب ؟ ميثا : تخيلي قال انه من زمان يكتب اشعار حب في الكتاب وكان ينطر الحب والبنت الي تستاهل الكتاب عشان يعطيها مريوم : والبنت هي انتي ؟ ميثا : يعني مايبالها تفكير تشوفين الكتاب عنددييي ! مريوم : ييييايااااييييييي ميثا استحت : مريييوممم !! مريوم : ههههههههههه خلاص خلاص اسولف ميثا : سخيفه مريوم : بس حرام ماراح تشوفين حبيب القلب ميثا : شو نسوي بعد يلا اليايات اكثر ان شاء الله مريوم : ان شاء الله وقامت مريوم انا بروح اشوف الجو وانتي خلج قاعده مع الكتاب ميثا : اكيد بقعد اقرا عيل اخلي الكتاب وايي معاج ؟ مريوم : صدق ماتستحين على ويهج ذلفي ميثا : ههههههههههه تمام راحت مريوم بعيد عن ميثا وصارت تشوف الجو وميثا كانت تقرا الكتاب وياها فضول تفتح اخر صفحه وشافت مكتوب يامبعدا عَن شَوق عيني مسافات لاتحسب أنه يخلف البعدَ ضني حبك بقلبي شَامخا ما بَعدَ مات وما هزته بَعدَ المسافات عني لو نبتعدَ روحي وروحك قريبات حبا جمعهن غصب عنك وعني ابتسمت ميثا وسكرت الكتاب وراحت عند مريوم الي كانت تشوف الجو حست بحد يوقف عندها وعرفت من هو بس ماشافته ولا لفت تشوفه ذياب : الجو حلو الصبح مريوم كانت بتروح بس ذياب مسك ايدها ذياب : مريوم ! مريوم بدون ماتشوفه : لو سمحت هدني ! ذياب : تخافين تحطين عينج بعيني بعد ؟ مريوم : خلاص هدني ! ذياب : سمعيني ولو مره مريوم دزت ايده قوي ووخرتها عنها : وانا مابي اسمعك ولا ابي اسمع شي خلاص مابي اسمعك ولا تحاول تمام ؟ ومابي اشوفك مره ثانيه راحت مريوم وقلبها ينعصر عليه وودها تقعد عنده وماتفارقه دقيقه بس ماقدرت وراحت عنه راحت مريوم الغرفه وشافت البنات قاعدين ع الفونات ريم : ياهلا فيج مريوم : اهلين ميره كانت حاطه راسها ع المخده ومتلحفه وتسولف : شو كنتي تسوين ؟ مريوم : ماشي رحت اشوف الجو روضه شافت عيون مريوم واضح انها مسكوره روضه : شفتيه صح ؟ مريوم نزلت دموعها وغطت ويها : كاسر خاطري والله اني ملعونه اشوفه بهاي الحاله وما اسوي شي ميره قامت بسرعه وحضنت اختها ومشتها عشان تقعد على الكرسي : خلاص حبيبتي روضه : ماعليه مريوم اهدي ريم : والله حبيبتي واضح انها تحبه وايد ميثا : والله لو تشوفون كيف لما راحت من عندي كان ويها عادي ومافيه حزن حتى ريم : احين ذياب دامه في هاي الحاله اتوقع احين دور يدوتي تهتم فيه ميثا : صح كلامج ريم : انحرمت من عمي الله يرحمه وماقدرت تهتم فيه ولا قدرت تحطه بعيونها احين عندها فرصه انها تعوض كل شي وتهتم في ذياب على الاقل دامها ما اهتمت في عمي الله يرحمه ميثا : وبعد احين ذياب صار بهاي الحاله يحتاج عنايه واهتمام تروم احين تعوض كلشي في ذياب مريوم مسحت دموعها : واثقه انه يدوتي بتهتم فيه ميره : صح كلنا نعرف يدوتي وايد حنونه روضه : مريوم احين انتي بخير ؟ مريوم : هي حمدالله روضه : عيل يلا انا بناممم ميثا : يلا حتى انا فيني رقاد قامو البنات وكل وحده راحت ورقدت مر اليوم بسرعه مع ابطالنا ووصلو نزلو كلهم من السفينه وخذو تاكسي وركبو مرت ساعه وصارت الساعه 12:30 وصلو المطار وكلهم نزلو من التاكسي ودخلو المطار راحو عند الحجز خلصو وراحو صوب الشنط وكل واحد حط شنطته ودخلو ينطرون نداء طيارتهم مرت عشر دقايق وسمعو النداء الى الامارات راحو كلهم وركبو الطياره وكل واحد كان يسوي شي يلهي عمره لين يوصلون الي كان يشوف فلم والي راقد والي ياكل والي يلعب مرت الساعات واخيرا وصلو بلادنا الحبيبه نزلت الطياره ونزلو كلهم من الطياره وكانت الساعه 11:00 فليل مريوم بس حطت ريلها ودخلت المطار حست براحه مب طبيعيه حست انها بأمان ابتسمت مريوم ودخلو المطار ومع لويت الاغراض و الشنط وها السوالف خلصو كل شي اخيرا وحجزو تاكسي واخيرا وصلو البيت نزلو الشنط من داخل التاكسي وكل واحد رجع بيته مريوم راحت ركض غرفتها ولما دخلت عقت الشنطه ونقزت فوق الشبريه مريوم : وااااايييي اخييرااا غرفتتتيييييي ميره : ويعه كسرتي الشبريه ! مريوم : انتو شكو روحي غرفتج ميره : والله انا مب غبيه شراتج اروح تقول مب شايفه خير مريوم : يلا يلا برع غرفتي يلا برتب اغراضي ميره : اننن ذلفي مريوم : يلا هش والله اني تعبانه من الرحله وخاطري ارقد لين باجر الظهر ميره : اخر شي بنحصلها الساعه ثمن الصبح بعدها قاعده مريوم : ههههههههه صددقق !! راحت ميره ومريوم صارت ترتب اغراضها الي في الشنطه خلصت مريوم وترتبت كل شي وراحت تاخذ شور وعقب طلعت بدلت وراحت عند التسريحه حطت كريمات ومشطت شعرها وراحت قعدت فوق الشبريه فتحت لابها تشوف مسلسل وكانت الساعه 1:00 مامداها مريوم تشوف المسلسل الا تفتح ميره الباب وتنط فوق شبرية مريوم مريوم : مميييرهههه !! ميره : ههههههههه احب اسوي ها الحركه مريوم : والله شبريتي بتنكسر بشويش ! ميره : نزين نزين ليش مارقدتي مريوم : ماعرف لما سبحت حسيت الرقاد راح عني ميره : امشي ننزل تحت ؟ مريوم : ننزل تحت عند منوه في حد يالس في الحاله ؟ ميره : هي اتوقع امايه وبدر مريوم بصدمه : احين قاعدين ؟ الساعه وحده ! ميره : هي سمعت اصواتهم لما ييت غرفتج مريوم سكرت لابها : يلا عيل خلنا ننزل عندهم ميره قامت : يلا قامو مريوم و ميره وطلعو من الغرفه ونزلو من الدري وشافو صدق بدر و ام بدر قاعدين في الصاله نزلت مريوم ركض وتتناقز من الدري ام بدر : يابنت شوي شوي عن اطيحين لاتنقزين تقول سبالو شوي شوي ! نزلت مريوم وراحت قعدت وميره كانت نازله بشويش وراحت تقعد ام بدر : مارقدتو ؟ مريوم : اصراحه انا كنت بجوف مسلسلي بس ميره قالت انه انتو قاعدين في الصاله ف قلت ايي قاعد معاكم ميره : يمه ليش قاعدين لين ها الوقت ؟ ام بدر : والله انطر ابوج مريوم بصدمه : ابويه وين راح ها الوقت ! ام بدر : راح هو عمومج مريوم : يمه نزين وين بدر : راحو الشرطه مريوم : من احين ! ام بدر : والله مريوم ابوج وايد معصب وماقدرت حتى اقوله اقعد لين باجر الصبح روح بلغ عليه خفت اقوله ويعصب علي ف خليته على راحته كيفه مريوم : من متى رايح ؟ بدر : اول ماوصلنا هم على طول راحو مريوم : حليله ابويه وايد انصدم من السالفه وماتوقع من يدي كل ها ويعرف كل شي ويتم ساكت ام بدر : احين انتو روحو رييحو باجر ان شاء الله نعرف شو صار ميره : مافيني رقاد امايه ام بدر : ها امايه ؟ ميره : شخبار ذياب ؟ ام بدر : من شوي كنت ف بيت يدوتكم حمدالله مافيه شي كان راقد ميره : حمدالله بدر : يمه ام بدر : هلا يمه ؟ بدر : يمه برمسج في موضوع بس اعرف انه مب وقته ها الموضوع بس يمه خلاص ما اقدر اصبر بعد مريوم شافت بدر بستغراب ميره : شوي شوي عن يطق لك عرج ام بدر : انطمي انتي ارمس حبيبي شو فيك ؟ بدر : خلهم يروحون فوق اول مريوم : ولليييهههه ميره : نحن من الموضوع المهم مريوم : يمه ترا ولدج فلسفه انا وميروه نعرف الموضوع بس هو مايبانا نتم عشان ما نتمصخر عليه ام بدر : شو ها الموضوع اخلصو ! بدر : يمه انا قررت اكمل نص ديني ميره قامت ترقص مريوم : ععاااششششووووووو بدر : ياليل ام بدر : يابنات خلاص قعدن واسكتو !! مريوم : ان شاء الله راحت ميره وقعدت ام بدر شافت بدر : حبيبي وليدي هاي الساعه المباركه بدور لك احلا البناتت بدر : لا لا يمه البنت موجوده ام بدر بستغراب : موجوده ؟ من هاي بعد مريوم : ييمههه هاي تقرب لنااا ام بدر : اخلصو منوههه ؟ ميره كانت بتتكلم بس بدر قاطعها بدر : انا الي بعرس ولا انتي عشان تتكلمين بدالي ! ميره : بسم الله يمه شوفي ولدج ام بدر : زين يسوي فيج عشان مره ثانيه تسكتين بدر : يمه انا ابي بنت خالتي لطيفه ام بدر استانست : والله انك عرفت تختار مريوم : خفو علينا عاد هالله ولطوف اونه عرفت تختار والله لو انها انا ام بدر بعصبيه : روحي يلا فوق انتي واختج سوالف كبار هاي يلا فوق قامو مريوم و ميره وراحو ركض فوق وكل وحده راحت غرفتها وسكرت الباب ومريوم بس حطت راسها على المخده راحت في سابع نومه ونست عن سالفة المسلسل ونبدا صباح يديد ويوم يديد الصبح الساعه 9:30 قعدت مريوم من الرقاد وفتحت فونها وشافت الساعه تسع قامت ودخلت تتغسل وطلعت راحت التسريحه تمشط شعرها ربطته وطلعت من الغرفه نزلت تحت وشافت امها كانت قاعده في طاولة الطعام مع ميره نزلت مريوم وراحت قعدت عندهم مريوم : صباح الخير ام بدر : صباح النور حبيبتي مريوم : يمه وين ابويه رجع ؟ ام بدر : هي والله رجع واليوم الصبح طلع بسرعه وراح مريوم : طلع بسرعه يعني الشرطه مسكو اخو يدي ! ام بدر : والله ماعرف ماقال لي شي ها اليومين ابوج كله ساكت مريوم : افا ميره : ايه يمه مريوم : شو ايه يمه ارمسي عدل ميره : امايه يعيوني ام بدر : ها امايه ؟ ميره : شو صار على بدر ؟ ام بدر : خلاص اتفقت معاه ويصير خير عقب لين تخلص السالفه على الاقل مريوم : صح كلامج ام بد: لاحقين على الخطبه وها ميره : زين حلو ام بدر : يلا كلو مريوم : امايه زينب راحت بيت ريلها ؟ ام بدر : هي مريوم بحزن : احين كل صبح بروح اصبح على منوه ميره : ماتستحين ويدي و يدوتي هايل مب تارسين عينج ! مريوم : لا شدعوه تارسينها بس اقصد زينب غير تعرفين انتي ميره : يب ام بدر : وانا اقول احسن انكم تسكتون شوي وناكل بهدوء ميره : ان شاء الله مريوم : يمه ام بدر : مريوم ! مريوم : لا صدق بسال ام بدر : شو مريوم : وين بدر ؟ ام بدر : راقد اتوقع ولا طلع ماعرف مريوم : وين طالع ؟ ام بدر : اقولج ماعرف اذا طالع ولا راقد قامت مريوم : نزين يلا انا بروح بيت عمي ام بدر : تمام راحت مريوم وطلعت من بيتهم وراحت بيت عمها ودخلت مريوم : ممييثثاااا هزاع : يالله الازعاج لاتصارخين ياخي مريوم راحت الصاله وقعدت : وين ميثا وين خالتي وين خالي وين ر... هزاع بصراخ : ويعه مريوم بس خلاص اسكتي !! ام راشد طلعت من المطبخ : ليش تصارخ شو فيك مريوم : خالتتتيييي ام راشد : الله يهديك هزاع ليش تصارخ على البنت هزاع : يمه بنيتكم حشره مسويه حشره مريوم : انطم بس وين ميثا ام راشد : فوق مريوم : خلها تنزل ام راشد : اتصلي فيها مريوم : تمام اتصلت مريوم في ميثا شوي الا وترد ميثا ميثا : نعم مريوم : ونعامه وينج ! ميثا : فوق مريوم : نزلي انا تحت ميثا : اونه يلا احين نازله مريوم : بسرعه ميثا : نزين فكينا باي سكرت مريوم الخط شوي ونزلت ميثا وقعدت ميثا : ياهلا مريوم : شو تسوين قاعده في البيت واخوج هني بروحه متكسر حليله هزاع : تتكسر عظامج قولي امين ام راشد الي كانت طالعه من المطبخ وسمعته : هزاعو بتسب روح غرفتك بسم الله عليها ! مريوم : ها بلاه رجع نفسيه ميثا : شو نسوي بعد ماقام يقعد و يروق على ويه الحب هزاع بعصبيه : ميثوه !!! ميثا : اسفه اسفه ام راشد : بس اسكتو ويلا قومو تريقو قام هزاع ومسك عكازاته وصار يمشي ميثا : امايه انا مب يوعانه حمدالله شبعانه ام راشد : مريوم تعالي تريقي مريوم : لا خالو حمدالله تريقت هزاع : عيل ذلفو برع ام راشد : يالله هزاع ! مريوم : وقح ميثا : امشي امشي نروح عند ريم و روضه مريوم : يلا طلعو مريوم و ميثا من البيت وفي دربهم ميثا شافت كوره راحت ميثا وشالتها ميثا : مريوم شوفي وين بعقها بعيد مريوم : ياليل ميثوه ودري عنج الكوره عن نعطينها برع الحوي ميثا : لالا لاتخافين بعقها بعيد بس مب برع الحوي مريوم : يلا عقي حطت ميثا الكوره على الارض ورجعت ورا شوي بعيد وركضت شاتت الكوره وراحت برع الحوي من قوة الشوته وفجاة سمعو صوت من برع ااااشششطتتتتتت مريوم انصدمت وشافت ميثا : شو سويتييي !! ميثا : بسم الله ها منوه ضربت منوه انا شو يعني اشطت ! مريوم : الله يغربل ها الويه امشي نروح بيت عمي ميثا : يلايلا كانو مريوم وميثا بيروحون بس سمعو صوت جرس الحوي مريوم شافت ميثا : خيبه مسرع يا ميثا : لااااا صدق مايستحي على ويهه بعد ياي البيت انا بقوم اكفخه وراحت ميثا تبطل الباب مريوم : شف الغبيه هي الغلطانه وتبي تكفخه !! ميثثوهههه راحت مريوم بسرعه تلحق وراها فتحت ميثا الباب وشافت ريال كان واضح انه مصري ميثا : نعم اخوي وصلت مريوم عندها ووقفت وراها الريال : ياباشا انتي عبيطه ! ميثا : انا عبيطه ! الريال : ازاي بترمي الكوره علي ! ميثا : انا ماعم برمي الكوره عليك انا برميها في السما الريال : ازاي جت في راسي ! ميثا : وانا شدراني انت وقرعتك مريوم : ميثا ! الريال : واللهي هبلغ الشورطه ميثا بخوف : شو شورطه ليه شو سويت ازاي انت كذا عيب بلاك مريوم : بلاج قلبتي القريه العالميه صرتي ترمسين كل اللهجات ميثا : ماتسمعينه شو يقول يقول بيبلغ الشرطه ! مريوم : انتي تصرفي بسرعه شوفي رافع فونه بيتصل ميثا : استهدي بالله يازول ياباشا هدا مافي زين انت يسوي تلفون على شورطه مريوم ضربتها على كافها : مصري ها مب هندي ميثا : والله من الخوف ماعرف شو ارمس معاه ارمسي انتي شو اسوي ها رفع فونه قاعد يتصل ! دشو داخل بسرعه ! لفو مريوم و ميثا وراهم وشافو ذياب كان ياي صوبهم راحو مريوم وميثا بسرعه بعيد عن الباب وراح ذياب عند الباب يرمس الريال وكانو مريوم و ميثا ورا شوي بعيد عنهم ويتهامسون ميثا : زين جيه فشلتينا مريوم : انا الي فشلتج ولا انتي الي مسويه عمرج عموري ميثا : حتى عموري لو شاف شوتي بيعتزل مريوم : اتفق ميثا : فشله طاعي ذياب كيف يهديه مريوم : بعد ها المصري اوفر ترا الا هي كوره ضربت على قرعته ميثا : شفتي قرعته كيف تلمع ؟ مريوم كتمت ضحتها : ميثوه مول مب وقتج ميثا : ذياب بطلنا مريوم : ليش تجمعين ؟ هو بطلي بروحي ميثا : والله قرعت المصري تلمع مريوم هو يستخدم شامبو ؟ مريوم : اكيد عيل كيف قرعته بتكون تلمع ميثا : بس هو ماعنده شعر ليش يستخدم شامبو ؟ مريوم : عادي يحطها على قرعته ميثا : لو اشوف عمري في قرعته بلمع معاها مريوم : ميثوه خلاص خلي قرعت الريال بحالها ميثا : اسكتي اسكتي كاهو ذياب سكر الباب وياي صوبنا مريوم : كله منج ميثا : اسفه احين صدق اتاسف ذياب وصل عندهم : وين كان مخكم لما طلعو للريال وانتو جيه ؟ مريوم : اتوقع انه انت مايخصك ذياب : ولانج معصبه علي عشان جيه قاعد تقولين جيه مريوم : مب معصبه انا مادانيك اصلا عشان اعصب ميثا لما شافت الوضع انقلب رجعت ورا وراحت عنهم ذياب : لين متى تبغيني اتاسف لج !! مريوم : لين ماتنذل ذياب : تخسين والله انا انذل عشانج ! مريوم : بنشوف ذياب الايام بينا ذياب مسك ايدها وسحبها صوبها بقوه : يعني مب ناويه تعطيني فرصه اني ارمس ! مريوم : لا مب ناويه اعطيك فرصه وخرت مريوم ايدها قوي عن ذياب وراحت عنه راحت مريوم بيت عمها ودخلت شافت روضه و ريم و ميثا قاعدين في الصاله راحت وقعدت عندهم ميثا : شو صار مريوم : ماصار شي شرات كل مره يباني اسمعه وانا ما ابي اسمعه روضه : الله يهديج مريوم : امين ريم : خلاص خلونا عن سالفة ذياب بتخبركم كلهم شافو ريم ريم : محد قال لكم شي عن اخو يدي اذا زخوه ولا ؟ مريوم : والله انا ابويه من امس مب شايفته ف ماعرف عن شي ميثا : انا شفت ابويه اليوم الصبح بس ماقال لي شي على طول تريق وكان مستعيل وراح الدوام مريوم : صدقوني عقب اسبوع بيوصل لنا خبر انهم قبضو عليه والله انا بس انطر ها الخبر بنط من الوناسه ريم : ان شاء الله ام مايد : بدال الحش قومو تريقو قامو روضه و ريم وقامت ميثا معاهم ميثا : انا بس ابي كرك ام مايد : افا ليش مسويه لكم بيض عيون ميثا : بالعافيه كلت في البيت ام مايد : يلا تعالي بس كرك لفت ام مايد وشافت مريوم الي كان بتطلع مريوم مريوم لفت وشافت خالتها : هلا ؟ ام مايد : وين بتروحين ؟ مريوم : بروح الاسطبل ابي اتمشى مع رعد شوي روضه : انا لازم اتعلم ركوب الخيل من مريوم مريوم : ولا راح تتعلمين يلا انا رايحه مع السلامه كلهم : مع السلامه طلعت مريوم ريم : يمه ام مايد : هلا يمه ؟ ريم : وين سيف موجود بيت يدوتي ؟ ام مايد : لا والله اتوقع سيف راح يسكن مع امه ريم : اهااا يعني مب موجود هني ؟ ام مايد : لا اتوقع في الشارجه ولا دبي ريم شافت روضه : يااحرااممم ميثا : ههههههههههههه روضه حركة بوزها وسحبت عليهم وكملت تاكل عند مريوم الي راحت الاسطبل وركبت فوق رعد وصارت تتمشى معاه فجاة صارت مريوم تخلي رعد يسرع وتدرب معاه انتبهي عن اطيحين لفت مريوم وشافت ميره وسحبت عليها وكملت ميره : قلت انتبهي بطيحينننن مريوم : اعرف اتحكم فيه ماراح اطيح ميره : انا بروح بيت يدي بتين ؟ مريوم : لااااااا ميره : تمامم راحت ميره بيت يدها ودخلت شافت يدتها مع ذياب قاعدين في الصاله راحت باست راس يدتها وقعدت ميره : وين يدي ؟ اليده : راقد ميره : يدي راقد لين ها الوقت ! اليده : هي ميره : غريبه لفت ميره وشافت ذياب ذياب ذياب شافها ميره : متى بترجع الجامعه ؟ ذياب : عقب اسبوعين ميره : غبي احين لو كنت في الشارجه تدرس جان مريت علينا كل ويكند ذياب : بعد من غير وانا ادرس في فرنسا ايي الشارجه ليش خلني اكمل واتخرج وخلاص ايي هني اشتغل اليده : ان شاء الله عيل ميره ميره : هلا ؟ اليده : وين مريوم ؟ ميره : تتدرب مع رعد اليده : اكيد تسرع ! ميره : هاي دومها تسرع زين ماتموت اليده : استغفري ربج ! ميره : استغفرالله بس والله صدق لما تركب الخيل كله تسرع ماشاءالله عليها ! اليده : الله يهديها ميره : يدوتي عيل زينب ماقالت متى بتي ؟ اليده : لا والله ماقالت بس اتصلت فيني تبي تعرف شو صار ميره : صح يدوتي انتي تعرفين شو صار ؟ اليده : والله لما شفت ابوج اليوم الصبح قال لي انهم يدورون عليه ميره : يستاهل يارب يزهونه ويروح السجن ذياب : يدوتي اليده : هلا ؟ ذياب اليوم الصبح حجزت موعد مستشفى لانه ريلي وايد تعورني اليده قامت : بسم الله عليك وليدي شو فيك ! ذياب : لالا مافيني شي بس شوي احس بعوار في ريلي ميره : الدكتور الي كان في الجزيره ماقدر يطمن على ذياب وايد لانه ابويه على طول طلعه من المستشفى! ذياب : ماعليكم اقول مافيني شي بس شوي عوار في ريلي اليده : انا بيي معاك المستشفى وبخلي بابو يوصلنا متى الموعد ؟ ذياب : يدوتي حبيبتي ماله داعي تيين معاي اليده : لا بيي اتطمن عليك وقولي متى الموعد بسرعه ميره : قول لها بسرعه تراها تعرف وين مكان خيزرانة يدي ذياب : هههههههههه حلففيييي ميره : ههههههههههههه اليده : تستهبلون علي انتو وراسكم ذياب : فديتج يالغاليه بروح باجر العصر مع سيف اليده : والله اني ولهت على سيف خلاص بيي معاكم ولما نرجع سيف بينزل معانا ذياب : ههههه تمام عاد انتي قولي له جيه انا مايخصني اليده : خلاص انا بقول له قامت ميره من عندهم : عيل انا اترخص صار الظهر بروح اصلي وعقب بتغدا اليده : تمي تغدي معانا مسويه مجبوس لحم ميره : ييدوتتييي عاد لحمم ماحبههه اليده : انطمي يلا نعمه ميره : استغفرالله امايه مسويه دياي بروح اضرب ع الخمس اليده : روحي روحي ماتستحين ميره : ههههههه فديتج يلا باي طلعت ميره من بيت يدها وكانت بتروح بيتها بس شافت سيارة ابوها تدخل راحت ميره ركض عنده ولما نزل من السياره حضنته ابو بدر : ههههه حبيبتي ميره : اخيرا يبه اخيرا شفناك ! ابو بدر : والله تعرفين من الشرطه لين الدوام ميره : يبه صح ماقلت لنا شو صار مع اخو يدي ؟ ابو بدر : والله حبيبتي بعدهم يدورون عليه هو موجود فالامارات بس يدورون عليه مايعرفون وين مكانه بضبط ميره : ان شاء الله يحصلونه ابو بدر : بيحصلونه ان شاء الله مشو ميره و ابو بدر ودخلو البيت شافو ام بدر مجهزه الغدا وبدر قاعد في الصاله ابو بدر : السلام عليكم ام بدر و بدر : وعليكم السلام ابو بدر : والله حدي يوعان شو مسويه ؟ ام بدر : برياني دياي ابو بدر : ياسلامم يلا ببدل وبنزل راح ابو بدر بيصعد بس قبل مايصعد تذكر شي ولف شاف ميره ابو بدر : ميره ميره شافت ابوها : هلا يبه ؟ ابو بدر : وين مريوم ؟ ميره : مع رعد ابو بدر : روحي زقريها يلا بسرعه تتغدا ابي اشوفها ميره : تمام ام بدر : هاي كيف راكبه فوق رعد وايدها مكسوره ! ميره : والله يمه تعرفين بنتج تروم تتحكم في رعد بدون ايدها بعد ام بدر : الله يحفظها بس روحي بسرعه زقريها ميره : تمام قامت ميره وطلعت من بيتهم وراحت ورا بيتهم ومشت لين وصلت للاسطبل ودخلت شافت مريوم بعدها راكبه فوق رعد وتسرع وكانت مريوم رافعه ايدها وتحاول انها تتوازن ميره بصراخ عشان مريوم تسمعها : يياااخخببللهههههه مريوم لفت وشافت ميره ومشت مع رعد لين وصلت عند ميره مريوم : شو بلاج ميره : يلا تعالي غدا مريوم : مابي اتغدا كلو انتو بالعافيه ميره : مب على كيفج وانتي ماتخافين تطيحين تمسكي في لجام الخيل مريوم : ماخاف وتعرفيني اني محترفه في ركوب الخيل ميره : بس اذا ايدج كان بخير اوكيه ! روحها ايدج مكسوره ! مريوم : ميره لا تحنين روحي تغدي ميره : بس ابويه يبيج تتغدين معانا مريوم : ابويه موجود رجع ؟! ميره : هي مريوم : قال شي عن المجرمين ؟ ميره : هي قال انه بعدهم يدورون عليه مريوم : ياليل مع انه في الامارات بس وين منخش ! ميره : ماعليج بيحصلونه بسرعه مريوم : يلا تمام برجع رعد الاسطبل وبيي ميره : يلا لا تتاخرين نبي ناكل مريوم : اوكيه اوكيه يلا احين بيي راحت ميره ومريوم راحت ورجعت رعد للاسطبل وسكرت الاسطبل ورجعت البيت دخلت مريوم وشافت ابوها كان قاعد على الكرسي راحت مريوم وحضنته من ورا مريوم : ييوههه يبببههه اشتقت للكككك ابو بدر : ههههههههه حبيبتي خوفتيني بلاج تقول مب شايفتني من شهر مريوم وخرت عنه وراحت قعدت : هي بعد شو من امس مب شايفتك ابو بدر : خلاص اذا السالفه جيه خلاص ماراح اغيب عنكم مريوم استانست ابو بدر : اتوقع ميره قالت لج عن عمي ؟ مريوم : هي قهر متى يحصلونه ؟ ابو بدر : قريب ان شاء الله قريب مريوم : ان شاء الله ابو بدر : حد مر بيت ابويه وشافهم ؟ ميره : هي انا مريت عليهم من شوي ابو بدر : شخبار ذياب وابويه ؟ ميره : تخيل يبه يدي كان راقد ! مريوم بستغراب : يدي يرقد الظهر من متى !؟ ميره : ماعرف يدوتي قالت انه راقد ابو بدر : وذياب؟ ميره : ذياب حمدالله بخير بس يقول انه ريله شوي تعوره ابو بدر : الله يهديه مليون سايق موجود ليش مايروح المستشفى ميره : قال انه حجز موعد وباجر العصر سيف بيي ياخذه الموعد و يدوتي بتروح معاهم ابو بدر : زين حلو والله سيف مب مقصر دام سيف ولد خالة ذياب انا موليه مب خايف على ذياب لانه سيف ريال كفو وريال والله مريوم شافت ميره وابتسمت وحتى ميره بادلتها الابتسامه ام بدر بستهبال : نحجزه حق مريوم ؟ مريوم لفت وشافت امها بصدمه : وووويييييععععععع ميره نقعت ضحك : ههههههههههه ييمهههه !! ابو بدر : عيب شوها الحجي انتي بعد ام بدر : ههههههه انت شوف عيون مريوم شوي وتطلع من مكانها امزح شو فيكم مريوم : يمه مزحج ثقيل الله يهديج ام بدر : هههههههههههه خلاص اسفه اسفه نسولف خلصو كلهم الاكل ومريوم صعدت فوق تشوف مسلسلها شوي فتحت مريوم لابها وتذكرت انه علبة الماي على التسريحه قامت مريوم تييبها وهي راجعه الشبريه شافت الجامه وشافت ذياب كان قاعد برع بروحه وتذكرت ايامها الاولى مع ذياب لما كانت تشوفه يقعد بروحه تروح له مسحت مريوم الذكرى من مخها وراحت الشبريه تكمل مسلسلها مر اليوم على ابطالنا شرات اي يوم عادي وصار فليل الساعه 10:30 في غرفة مريوم كانت مريوم منسدحه تشوف التيك وملت واتصلت في ميثا شوي الا وترد ميثا عليها ميثا : ها مريوم مريوم : ملل وينج ميثا : في البيت قاعده اشوف مسلسل مريوم : نزين امشي ننزل تحت الحديقه بنقعد نسولف ميثا : يلا تمام اتصلتي في روضه و ريم ؟ مريوم : لا احين بشوف ميره وبتصل فيهم ميثا : يلا تمام سمعي انتي شوفي ميره وانا بتصل فيهم مريوم : حلو يلا نتقابل هناك ميثا : يلا باي سكرت مريوم الخط وراحت غرفة ميره ودقت الباب ميره : اددخخللل دخلت مريوم : يلا قومي ميره بستغراب : وين ؟ مريوم : بنروح نقعد في الحديقه مع البنات ميره قامت : يلا نزلو ميره و مريوم وطلعو برع راحو الحديقه وشافو البنات قاعدين راحو وقعدو معاهم ميثا : ها ماشي اخبار يديده ميره : شي ريم : شو ؟ ميره : الخبر بيفرح روضه مريوم على طول فهمتها وضحكت روضه : شو حماس ميره : باجر سيف بيييي روضه : صدق ؟ ميره : ههييي روضه : وكيف عرفتي ؟ ميره : اليوم الظهر لما كنت في بيت يدوتي ذياب قال انه سيف باجر بيي عشان ياخذه المستشفى عقب يدوتي قالت لما يرجعون من المستشفى سيف بيي يقعد عندنا روضه : الله وناسسسههه مريوم : تقول من سنه مب شايفته ريم : ولا جنها امس شافته ميثا : بس صدق بنات يعني نحن تعودنا انه سيف كل يوم يكون معانا ولما انش الصبح نحصله في ويهنا مريوم : في ها الشي صدقتي روضه : ميره ماقال سيف متى بيي ؟ ميره : قال العصر بيي ياخذ ذياب ويدوتي روضه : اها ميثا : والله بعد اشتقت حق زينب مريوم : صدق تعودنا كل يوم لما نقعد نسولف برع في الحوي هي تكون موجوده معانا ونحش في الرايح والياي ريم : بعد خلاص تزوجت وراحت ميره : ريم ريم : هلا ؟ ميره : وين ميود اليوم مول ماشفته ؟ مريوم : هي والله صدق وينه ؟ ريم : طلع مع ربعه وبعده مارجع مريوم : غريبه عيل ليش هزاع ماطلع معاهم ميثا : هزاع كان يحس بعوار في ريله عشان جيه قال انه ماراح يطلع مريوم : بلاهم كلهم يحسون بعوار ميره : خلاص تعبت انا بروح ارقد مريوم قامت معاها : حتى انا فيني رقاد راحت مريوم مع ميره بيتهم ميثا : طع هي الي قالت خلنا نسولف وعقب راحت اول وحده ريم : قومو قومو خلونا نرجع نحن بعد قامو كلهم وكل وحده راحت بيتها اليوم الثاني الصبح الساعه 1:00 قعدت روضه من الرقاد وراحت تتغسل وطلعت بدلت وحطت كريمات وكل شي ونزلت تحت شافت امها و ميود روضه : اخيرا اخيرا شفناك مايد شاف روضه وابتسم : هي والله صدق احس امس طلعت وايد ورجعت نص الليل روضه : تحس ؟ ياحبيبي تأكد مايد : يلا تعالي كلي راحت رويض وقعدت تاكل روضه : يمه ام مايد : هلا يمه ؟ روضه : وين ابويه ؟ ام مايد : في الدوام يعني وين بيكون مايد قام : يلا انا رايح اشوف ذياب من زمان ماشفته قام ميود وطلع من بيتهم راح بيت يده وشاف الكل قاعد راح باس راس يده ويدته وقعد مايد : هاا ذييااببب ذياب : يالساحب مايد : شدعوه امس طلعت مع ربعي واليوم على طول ييتك ذياب : محد طلب منك انك اتي مايد شاف يدته : شوفي يدوتي طول عمره وقح اليده : الله يهديه بعد مايد : يدي شحالك ؟ اليد: حمدالله بخير شوي الا وتدخل مريوم راحت مريوم باست راس يدها ويدتها وقعدت مريوم : اوههه ميود وينك امس مايد : خيبه بلاكم اختفت يوم كلكم صرتو تحاتوني ادري اني محور الكون بس مب جيه عاد ذياب : يشين السرج على البقر مريوم : ويععع اونه محور الكون اهجد بس انت وراسك المربع مايد : خيبه محد يقولهم شي اليده : صدقهم مايد : ااففاا يدوتي ماتوقعتها منج خلاص انا برحل مريوم : ارحل مايد : اسكتي انتي مارمستج مريوم : جب اليده : مريوم مريوم : هلا ؟ اليده : قولي حق اهلج اليوم كلهم معزومين على العشا مريوم : الله شو المناسبه ؟ اليده : سيف بيي وبسوي له احلا بوفيه مريوم : حركاتتت اذا السالفه جيه عسى دوم سيف ايي مايد : هي حق البلعه مريوم : انت منوه رمسك فلسفه كله راز ويهه مايد : ذلفي قامت مريوم وطلعت لسانها على ميود وطلعت من بيت يدها وراحت بيتهم تخبر امها عن العزيمه مر الوقت كلعاده وصار فليل الساعه 7:00 كلهم تجمعو بيت يدهم ماعدا ابو بدر كان مب موجود الكل كان لاهي ويسولف وحتى سيف كان موجود معاهم مريوم : انا بروح اشوف البوفيه في المطبخ ميره : يلا يلا قومو قامو البنات وراحو المطبخ شافو البوفيه مريوم : ماشاءالله والله لو انه شيخ ياي الا هو سيفوه ميره : المشكله من يومين شايفينه ! ميثا : بالنسبه حق يدوتي سيف يستاهل كل شي روضه : ايوا شفتو حتى يدوتي عزمة زينبوه عشان البوفيه مريوم : خبله انتي اكيد بتعزمها بنتها هاي ميره : باخذ لي شوي ورق عنب مريوم : ياويلج ميروه ميره سحبت عليهم وراحت تاخذ ورق عنب وقعدت على الطاوله تاكل ميره : يييمممييييي مريوم : امانه صدق حلو ؟ ميره : والله فنان تعالو جربو راحو البنات وكلو من الورق عنب مريوم : يييممميييي متروس ليمونننن روضه : والله صدقج ميروه الورق عنب فنان !! ريم : ييااايي حبيبتهههه والله تقول فيران ياكلون داخل كلهم لفو عند الباب وشافو زينب مريوم : ههههه زينب ! زينب : والله كنت حاسه انكم في المطبخ بس تاكلون ميره : زينب تعالي جربي الورق عنب حلو زينب : هي اعرفه ها البوفيه انا يبه مريوم : اما صدق !! زينب : هي والله امايه قالت لي انها تبي تسوي بوفيه عشان جيه ضبطتكم ميره : وانتي تعرفين ليش بتسوي البوفيه يدوتي ؟ زينب : لا والله ماعرف ماقالت لي ميره : ها كله عشان سيف يا اليوم زينب : حلفي ! ميره : والله زينب : ياحظ سيف والله ههههههههه روضه : امشو امشو نرجع الصاله مريوم : خلاص ما شبعتي وانتي تتأملين فيه ! روضه : ياليل مريوم شو يخص خلنا نروح نقعد عندهم مريوم : يلا نزين امشو طلعو كلهم من المطبخ وقعدو شوي الا ويدخل عليهم ابو بدر وهو مستانس ابو بدر : البشاره يمه الابشاره كلهم استغربو من ابو بدر اليده : بلاك وليدي بشارة شو شو صار ؟ ابو بدر : خلاص زخو عمي وكل الي كانو مشتركين معاه في السالفه كلهم استانسو وابو بدر راح عند ابوه وباس ايده ابو بدر : السموحه ابويه الله يخليك سامحني على كل الي سويته وادري انه ها اخوك بس يبه اخوك مصيره السجن واذا مانسجن بنعيش طول حياتنا بخوف اليد وهو يصيح : مسموح وليدي بس ابي منك طلب واحد ابو بدر : انت تامر مب بس تطلب اليد : باجر الصبح ابي اروح اشوفه ابو بدر : ان شاء الله اليد ابتسم ومسح دموعه اليده : يلا عيل دام وصل عبدالله ومعاه الخبر امشو احين ناكل ونحن مطمنين ! مريوم : ههههههه اهم شي بطنها قامو كلهم وراحو ياكلون خلصو الاكل وقعدو ومر الوقت ولهتهم السوالف لين صارت الساعه 1:00 فليل كلهم رجعو بيتهم وكل وحده مستانسه اكثر عن الثانيه عشان الخبر مر اسبوعين على ابطالنا وكانو مستانسين وحياتهم صارت حلوه ومافيها خوف بس للاسف مريوم كانت في الاسبوعين الي مرو ماترمس ذياب ولا تقرب صوبه وكان ذياب دوم يحاول يعتذر لها ويحاول انه يبرر لها بس مريوم ماكانت تبي تسمع منه شي "اليوم المنتضر" الصبح الساعه 9 كانت مريوم في الاسطبل مع رعد في بيت ابو بدر وبتحديد في غرفة ميره الي كانت توها قاعده من الرقاد طلعت من غرفتها ومرت من صوب غرفة مريوم واستغربت لما شافت رساله عند باب مريوم نزلت ميره وشالت الرساله وشافت كان مكتوب حرف T عرفت ميره الرساله من منوه وتذكرت انه مريوم امس ماكانت موجوده بيت يدتها فتحت ميره باب غرفة مريوم بس ماكانت موجوده راحت ميره ركض ونزلت تحت وشافت امها وبدر قاعدين ميره : يمه وين مريوم ام بدر : بلاج هدي شو فيج ! ميره : يمه الله يخليج بسرعه وين مريوم ! ام بدر : قالت بتروح عند رعد طلعت ميره ركض برع وراحت الاسطبل وشافت مريوم تتدرب صرخت ميره : مممررييييوومممممم لفت مريوم وشافت ميره بستغراب وراحت عندها مريوم : شوفيج ليش تركضين ميره مدت لها الرساله : اقري ! مريوم : شوها من وين لج ها الرساله ؟ ميره : عند باب غرفتج مريوم بستغراب فتحت الرساله وكانت تقرا " اعرف اني وايد جرحتج وغلطت بحقج واعرف اني وايد كنت اعمالج بقساوه والله يامريوم اني كنت احاول اعتذر لج وابرر لج واتاسف لج بس انتي ماكنتي تبغين تسمعين لي وكنتي كله تطنشين وتكابرين اعرف انج سويتي كل ها الحركات عشان تردين لي الحركه وبس واعرف انه مكانتي بقلبج ماتغيرت وراح اقولها لج مره ثانيه انا اسف كل الي صار بينا والله لما طنشتيني وصرتي تسحبين علي حسيتني طول الوقت مضايق وحسيت يومي ناقص كل ايامي ناقصه بدونج حسيت انج انتي جزء من يومي ما افرح الا يوم اشوفج وايد كنت مضايق على حركتج الي سويتيها فيني وخلاص اذا سويتي كل ها عشان احس فيج ف حبيت اقولج اني حسيت فيج واحين انا رايح المطار وبرجع فرنسا كنت متوقع انه قصة حبنا تكون احلا عن جيه واني اودعج بطريقه حلوه بس ماقدر اشوفج امس عشان اودعج مع السلامه حبيبتي وانتبهي على عمرج "من ذياب" " حطت مريوم ايدها على شفايفها وهي تصيح وشافت ميره : ليش ليش ماقلتي لي انه بيروحون ليش ماقلتي انه ودعكم ميره : والله كنت بيي اقولج بس انتي كنتي راقده رقدتي امس بسرعه ! مريوم نزلت من رعد وراحت ركض وصرخت عشان ميره تسمعها : ررججعععيييي رععددد الاسطببللللللل راحت مريوم ركض بيتهم وصعدت فوق بسرعه لبسة عباتها وراحت بسرعه طلعت من الغرفه ونزلت ركض شالت مفتاح السياره وطلعت ركض ام بدر : مررييوممم وين بتروححيينننن ! راحت مريوم بسرعه وصرخت : بااببووو افتح الباب بطلععععع انصدم بابو لانه مريوم ماعندها ليسن كيف بتسوق بابو : مافي بطل باب مريوم : والله انا يقول حق ميري انه انته يجذب عليها بابو بخوف : خلاص خلاص وراح يبطل الباب حركة مريوم السياره وطلعت رايحه درب المطار راحت ميره ركض وشافت سيارة امها مب موجوده وقالت في نفسها ششتتتت دخلت ميره داخل وشافت امها وبدر ام بدر : وين راحت مريوم ليش تركض ! ميره قالت في نفسها الله يغربل بليسج مريوم والله بيكون يومج اسود لو عرفو انج سقتي سيارة امايه بروحج ام بدر شافت بنتها سرحانه : هههوووييي مييرههه ميره : هلا يمه ام بدر : اقولج وين اختج راحت وليش تركض ! ميره : راحت بيت عمي عشان بتطلع مع ميثا بيروحون الخياط اتوقعز ام بدر : اشوا زين طلعت ميره برع الحوي وبالحظ شافت ميثا وراحت عندها ميثا : بسم الله بلاج تركضين ! ميره : مريوم الخبله لما عرفت انه ذياب بيسافر راحت عنده ميثا : اوكيه راحت عنده وين المشكله ؟ ميره : بسياره بروحها !! ميثا بصدمه : شششوووو !! ميره : ساقة السياره بروحها وطلعت ! ميثا : اوييهه هاي خبله كيف تسوق بروحها ! ميره : والله اني خايفه عليها ميثا : وطبعا تلقينها احين تسرع عشان توصل له ميره : والمشكله انه ماعندها ليسن وهي راحت مطار دبي ميثا : الله يستررررر منهاااا نخليهم ونروح عند مريوم الي كانت تسرع عشان توصل للمطار وهي تدعي ربها انه ذياب يكون موجود مرت نص ساعه ووصلت مريوم المطار وقفت باركن ونزلت من السياره بسرعه ذخلت المطار وراحت عند المسافرين راحت تدور رحلة فرنسا وحصلتها وراحت ركض وشافت المسافرين كانو ينطرون وانه الطياره بعدها ماطارت كانت مريوم تدور على ذياب وشافته كان قاعد مع سيف مريوم : ذذذييياااابببببب لفو ذياب و سيف وشافو مريوم سيف ابتسم وذياب حاول انه ينش مسك العكازات (ملاحظه ذياب خلال الاسبوعين الي مرو قدر يمشي بعكاز ) راح ذياب صوب مريوم ومريوم كانت بتروح عنده بس الامن منعها من انها تدخل طلع ذياب عندها وراحت مريوم عنده ذياب ابتسم : كنت عارف انج بتين ضربته مريوم على صدره قوي : ليش ليش ماقلت لي انك بتسافر ليش ماقلت لي عشان اودعك ذياب : كنت دوم احاول اني اوصل لج بس انتي كنتي تتصديني وماكنتي تبين ترمسيني ولت كنتي تبغين تسمعيني وامس لما كنت اودعهم بيت يدوتي قلت حق ميره تتصل فيج تحاول معاج عشان تيين و اودعج بس للاسف ماقدرت اودعج كتبت لج الرساله على امل انج تقرينها وحمدالله احين اشوفج يدامي مريوم نزلت دمعتها ومسحتها : كنت ابيك تحس بالاحساس الي كنت احسه ذياب مسح الدمعه الثانيه الي نزلت على خد مريوم : وحسيت فيه والله اني حسيت فيه وقلبي تقطع ماقدر بدونج يوم واحد ليش تحرميني منج اسبوعين ليش قلبج قاسي جيه حرمتيني منج وانا كنت ابيج قربي كنت ابي تكونين يمي خلال الاسبوعين عشان لما ارجع فرنسا تكون عندي ذكرى حلوه معاج مريوم : اسفه والله اسفه قلبي ماكان يطاوعني اني اسوي فيك جيه بس كنت ابي ارد لك الحركه ذياب : ورديتيها وكسرتي قلبي شرات ماكسرت قلبج جرحتيني شرات ماجرحتج اسف مريوم والله اسف والله اني ندمان على كل شي سويته مريوم : مسامحتك والله مسامحتك ذياب : قبل ما اروح ابي اتاكد من شي واحد مريوم ريحي قلبي وقولي انه تفكيري في مكانه مريوم : شو ؟ ذياب : انتي الي تبرعتي لي لما كان ابويه الله يرحمه موجود لما كنت مسوي حادث ؟ مريوم سكتت وانصدمت في نفس الوقت : كيف عرفت ذياب ابتسم وارتاح : لما كنت مترقد في المستشفى في الجزيره حلمت في ابويه ورجعت لي الذكريات لما ابويه كان يقول انه شي وحده تبرعت لي وعقب قال لي انه اسمها مريوم و عقب قال انه يحس البنت مألوفه وشايفها مكان وتشبه احد يعرفه حاولت اتذكر واستوعب الي قالي وفجاة لما بطلت عيوني حصلتج انتي الي راقده عندي وعلى طول عرفت ابويه الله يرحمه كان يقصد اي بنت مريوم ابتسمت له : ماكنت متوقعه بيوم من الايام انت راح تعرفني ذياب ابتسم : انتي البنت الي تبرعت لي صح ؟ مريوم ابتسمت له : هي صح ذياب : كنت كل يوم افكر في البنت وكنت اتمنى اني احصلها بس عشان اشكرها واشكر وقفتها مع ابويه ومساعدتها له وكانت هاي البنت حولي وانا ماكنت حاس انه هي نفسها الي تبرعت لي ليش مريوم خشيتي عني ها الشي المهم وماقلتي لي مريوم ابتسمت له : كنت ابي اختبرك اذا انت بتعرف بروحك ولا ذياب مسك خدها : هي وعرفت بروحي مب بس انا الي عرفت حتى قلبي الي عرف وكان واثق انج نفسها حبيت اقولج مشكوره يعيوني اشكرج ندمت اني ذاك اليوم في المستشفى ماسمعت كلام ابويه ولا شكرتج واحين اقولج مشكوره حبيبتي ابتسمت مريوم له ونزلت راسها : العفو ابتسم ذياب وضحك ضحكه خفيفه لما تذكر اول لقاء لهم في كافترية المستشفى ودعمته مريوم بالغلط وانصب عليه الكوفي ذياب : احب اول صدفه شفتج فيها كيف حرقتيني في الكوفي مريوم تذكرت الموقف ونقعت ضحك : هههههههههههههههههه ذياب ابتسم لضحكتها : ايوا ايوا اضحكي ولا جنج ذاك اليوم حرقتيني حليلي مريوم : وانا قلت لك اسفه بس انت الي بديت وسبيت ذياب : اقولج احترقت ذاك الوقت تبيني اقبل اسفه مالتج بكل برود مريوم : هههههههههههههه سمعو مريوم وذياب نداء فرنسا ولازم المسافرين يركبون الطياره وصارو الكل يروحون ويركبون الامن كان يقول حق ذياب : يلا لو سمحت بسرعه الطياره بتروح يلا ذياب : ان شاء الله شاف ذياب مريوم مع السلامه حبيبتي مريوم ابتسمت له : مع السلامه انتبه على عمرك ذياب : وانتي بعد انتبهي على عمرج ترا عمري وعمرج صار واحد ها انتبهي على عمري وعمرج مريوم : ههههههههه خربوط من عيونيي ذياب ابتسم : باي حبيبتي مريوم : باياتت مشى ذياب وكان بيروح بس تذكر شي مهم وقال للامن ذياب : والله بس دقيقه ثواني الامن : لالا بسرعه يلا اركب ذياب : ثواني حرام عليك الامن : بسرعه راح ذياب ورجع عند مريوم ومريوم شافته بستغراب مريوم : شوفيك ليش رجعت ؟ ذياب قرب من عند مريوم وهمس لها : احبج راح ذياب بسرعه وكان يحاول يمشي بعكازه ابتسمت مريوم وقلبها كان فراشات وقالت في نفسها وانا بعد احبك شافت مريوم سيف يسوي لها باي وضحكت وسوت له باي وراحو سيف وذياب وركبو الطياره ومريوم طلعت من المطار وهي تشوف طيارتهم تروح ابتسمت مريوم وركبت السياره ... بعد مرور 6 سنين في بيت ابو بدر وبتحديد في غرفة ميره ميره : حبيبي مب جيه عاد ! منصور : ههههههههههه زعوله ترا قلت لما تتخرجين نتزوج ميره : يوههه باقي لي سنتين منصور : عادي شو ورانا نصبر الصبر زين ميره : ايوا ايوا قص علي منصور : ياحبيبي ليش بقص عليج ميره : اخر مسابقة شاركة فيها مسابقة السهام كلعاده فزت عليهم كلهم منصور : اعجبج حبيبتي اكيد بفوز عليهم اهم شي انج محمله قناة فرنسا عشان تشوفين مسابقاتي الي اشارك فيها ميره : ههههههه هي فجاة تطبل باب حجرة ميره وتدخل مريوم ميره : منصور برمسك عقب منصور : هي طبعا دخلت الدفشه ميره : هههههه طبعا منصور : يلا حبيبتي احبج باي ميره : اكثر سكرت ميره الخط وشافت مريوم ميره : بفهم انتي متى تتعلمين ادشين غرف الناس بهدوء!!! مريوم : وانا كل ماطبيت عليج الغرفه احصلج تكلمينه لوعتي جبدنا وانتي ترمسينه ترا ميره : والله انتي الي ملوعه جبدي كل شوي طابه بيت ابويه بفهم انتي متى تقعدين بيت ريلج ! مريوم : لاتغيرين الموضوع ها ليش ترمسينه وايد ميره : خطيبببيي عادي ! مريوم : لاتصارخين يلا اسكتي انتي وخطيبج روبن هود ميره : يالله ههههههههه وانتو بعدكم عالقين على ها الاسم مريوم : وبنتم طول عمرنا نسميه روبن هود دامه لعيب سهام ميره : يا اني مشتاقه حق بطي وينه ! مريوم : ابوه راح اييب كندورته من عند الخياط وخذه بطي معاه عشان يجوف لو يباله تقصير ولا تعديل ولا زين ميره : والله الله يعين ابوه عليج مريوم : شو قصدج انا نشبه ميره : والله انا لو كنت بدال ذياب ماطليت بويهج من الغبي الي يطل بويهج انتي مريوم : لا تنسين انج تشبهيني ميره : وبعد حرام عليج بطي توه يزحف ماكمل سنه ليش تلبسينه كندوره ! مريوم : بعد ميروه في السنه مره يلبس كندوره خلني البسه كندوره احسن من بنطلون وقميص ميره : والله وهو يزحف السنه اليايه بيوصل دامه لابس كندوره مريوم : هههههههههه حلوه بس لاتعيدينها هي ما ارضى على وليدي ميره : من عقب ماضحكت عليه مريوم : جهزتي للعيد ؟ ميره : يب مريوم : منصور بيي ها العيد ؟ ميره : لا والله ماراح يقدر بيعيد ها العيد عند اهله في فرنسا مريوم : صح بعد لازم عيد هني وعيد هناك مره يعيد عندنا ومره هناك ميره : صح يلا الامور طيبه مريوم : متخيله انه ريم بعدها ماحصلت كعب ولا شنطه ميره : وااييي ليكون راحت اليوم المول ؟ مريوم : هي ميره : باجر العيد باجررر اكيد المولات بتكون زحمه ! مريوم : غبيه شو نسوي بعد ميره : الله يعين هزاع عليها مريوم : يموت فيها حبيبتي لو تاخذه اخر الدنيا راضي ميره : هههههههه تغير هزاع ! مريوم : وايد وايد ميره : عيل ريم احين دخلت اي شهر ؟ مريوم : الشهر الثاني ميره : اها يعني هي حامل من شهرين ؟ مريوم : يب ميره : اخر وحده تحمل مريوم : حتى مزنه بعدها ماحملت ميره : اوهه صح مزنههه هاذيل توهم معاريس يدد عادي ماعليه مريوم : هي كملو ثلاث شهور متزوجين اتوقع ميره : و ميثا مريوم : لما حملت ميثا عقبها بشهر انا حملة صح ؟ ميره : هي ميثوه حمدالله يابت بنت وسمتها غلا حبيبتي ماشاءالله تينن مريوم : هي عيونها خضر على ابوها ماشاءالله ميره : انا ريلي لون عيونه عسلي احم مريوم : عاد ماشاءالله انتي و منصور الانتاج بيكون فنان ميره : هههههههه يعيوني الانتاج بيكون شراتكم لاني اشبهج مريوم : ان شاء الله وروضه ميره : هي ماشاءالله يابت توام سمتهم حمده و حميد مريوم : سيف مستعيل ع العيال ميره : هههههه وصخه اسكتي !! مريوم : وراشد تزوج وحده مانعرفها مب من الاهل بس والله طيوبههه ! ميره : هييي وايد طيبه بس للاسف انهم مسافرين عشان علاج بنتهم مريوم بحزن : الله يشفيها حليلها توها كملت سنتين عندها ضيق في التنفس وماتروم تتنفس ف خذوها كوريا علاج ميره : الله يشفيها حبيبتي وان شاء الله يرجعون بسلامه مريوم : امين ميره : وطبعا بدر خذ لطوف مريوم : يب وعندهم احين بنت وولد الاخ كان مستعيل على الزواج ميره : واول واحد تزوج فينا كلنا مريوم : هههههههههه صحح ميره : وزينب مريوم : حمدالله زينب عندها ولدين و بنت اول ماحملت اول مره ماشاءالله يابت توام ولد وعقبها بسنتين يابت بنت ميره : يب مريوم : بس حشينا في الكل ولا نسينا حد ؟ ميره : ههههههههه لالا ابشرج خلاص حشينا في الكل مريوم : يلا احين وين امايه ؟ ميره : طلعت تاخذ اغراض العيد مريوم : ماتستحين امايه الي تروح وانتي شطولج شعرضج قاعده هني ! ميره : والله مريوم نشيت من الرقاد ماحصلتها شكلها رايحه من الصبح مريوم : عاد امايه الله يهديها كله تبي تخلص اشغالها بروحها ميره : وماشاءالله لما تروح بروحها تخلص الاغراض بسرعه وتشتري وترجع ! مريوم : ههههههه صددققق وبعد وين ابويه ؟ ميره : ابويه كلعاده الصبح دوام مريوم : بس احين الظهر ميره : عيل امشي ننزل احين امايه وابويه بيوصلون مريوم : يلا ميره : عيل ذياب متى بيي ؟ مريوم : احين بتصل فيه سبقتها ميره ونزلت ومريوم اتصلت في ذياب شوي الا ويرد مريوم : هلا ذياب : اهلين حبيبي مريوم : ها بشر كيف الكندوره ؟ ذياب : كان شوي يبالها تعديل من تحت عدلها وحمدالله بسرعه خلص مريوم : يعني احين بترجع ؟ ذياب : هي احين بيي اخذج مريوم : لا ذياب انزل انت وبطي وتعال بنتغدا بيت امايه ذياب : وانتي كله طايحه تتغدين بيت اهلج مريوم : هههه ذياب حبيبي يلا تعال بسرعه ذياب : يلا احين عشر دقايق و واصل مريوم : يلا انطرك ذياب : يلا مع السلامه مريوم : مع السلامه يعيوني سكرت مريوم الخط ونزلت تحت شافت امها وابوها قاعدين راحت مريوم ركض عندهم وباست راسهم ابو بدر : الله يعين ذياب دامج كل يوم طايحه هني مريوم : هههههههه توه يقولي كله تتغدين بيت اهلج ام بدر : والله كنت عارفه انكم بتيون اليوم وزدت اكل وبعد وين ذياب خلني اهاوشه شو بس قاعده تتغدين بيت اهلج حتى هو من الاهل وشرات وليدي خله ايي يتغدا كل يوم مريوم : عاد احين بيوصل وهاوشيه ام بدر : عيل وين بطي ؟ مريوم : مع ذياب امايه راح الخياط ياخذ الكنادير ابو بدر : متى ذياب بيوصل ؟ مريوم : يعني قال عشر دقايق ابو بدر : يلا قومو جهزو الغدا لين يوصل ذياب قامو البنات وجهزو الغدا مرت عشر دقايق ووصل ذياب وسلم عليهم شالت مريوم بطي من عند ذياب مريوم : ياقلب ماما كيف الكندوره ها ذياب قرب من عندها : يعني بيقول حلوه ماما مريوم : ايوا خله يقول جيه ذياب : يلا امشي كلي مريوم : تمام فرشة مريوم فراش بطي على الارض ونزلته مريوم : ياويلك لاتتقلب فاهم بطي كان يشوفها ويضحك مريوم باست راسه وقامت راحت تتغدا تقلب بطي وصار يزحف ميره : هي بطي لاتصعد على الدري راح بطي صوب الدري ميره قامت : قلت لا تصعد مب روح اصعد يافاهي ! مريوم : هي لاتصارخين على ولدي ميره : بصفعه كفين بعد راحت ميره وشالت بطي وقعدت معاه على الغنفه وتلعب معاه ذياب : عمي ابو بدر : هلا ؟ ذياب : اليمعه ها العيد بيت يدي صح ؟ ابو بدر : هي باجر الصبح كلنا بنتيمع هناك مريوم : يعني متى نكون موجودين ؟ ام بدر : على الاقل تعالو الساعه عشر الصبح مريوم وذياب : ان شاء الله مريوم : شوي شوي على بطي ميروه ! ميره : نزين نزين مرت الساعات ورجعو مريوم وذياب بيتهم ومر اليوم وصار يوم العيد الصبح الساعه 9:00 في بيت ذياب مريوم وهي تصرخ من فوق الدري : ذيييياااااببببببب طلع ذياب من المطبخ : ياهل ياهل انتي ليش تصارخين من فوق ! مريوم : امانه حبيبي هات كندورة بطي بسرعه ذياب : يلا احين ياي راح ذياب وشال كندورة بطي من غرفة الكوي وطلع صعد فوق راح غرفتهم دخل وشاف مريوم الي كانت عند التسريحه وتحط اكسسوارات راح ذياب عندها من وراها وحضنها ابتسمت مريوم وهي تشوفه مريوم : بلاك ذياب : احبج مريوم : اكثرر يبت كندورة بطي ؟ ذياب : هي كاهي فوق الشبريه مريوم : نزين ذياب لبسني القلاده لبس ذياب مريوم القلاده وعقب مسك ايدها وشاف سوارة امه الي في ايد مريوم ابتسم وباس ايدها ومريوم كانت تشوفه ببتسامه وعقب شافت الوقت مريوم : يلا يلا ذياب بسرعه بدل بطي وانا بنزل اشوف الكيك ذياب : يلا تمام راحت مريوم نزلت دخلت المطبخ وجهزت الكيكتين وحطتهم فوق طاولة الصاله شوي ونزل ذياب وهو شايل بطي مريوم ابتسمت وهي تشوفهم مريوم : يياااييي حلويني ذياب : يلا نروح ؟ مريوم : يلا روح بطل السياره بشيل الكيكتين ونت خذ معاك بطي ذياب : تمام حبيبي يلا هاتي كيكه وحده اشيلها مريوم : تروم تشيل بطي والكيكه ؟ ذياب : بشيل بطي بيدي اليمين وبمسك الكيكه باليسار يلا هاتي مدت مريوم الكيكه حق ذياب وطلعو برع ركبو السياره وشالت مريوم بطي من عند ذياب وحرك السياره مرت نص ساعه ووصل بيت يدهم نزلو من السياره ومريوم زقرت ميري تشيل الكيك وشافو صدفه سيارة سيف كانت توها داخله نزلت روضه وهي ماسكه حمده راحت مريوم وسلمت عليها مريوم : وااييي اشتقت للجج روضه : والله اكثر ياقلبي انتي سيف : اقول انتو يلا امشو ندخل حرقتنا الشمس روضه : ادخل من ماسكك ذياب : الحريم اول روضه شافت مريوم بصدمه : ها ذياب ؟ مريوم : ههههههههه رويض ذياب من زمان طيوب روضه : اهااا ههههههه يلا يلا ندخل بس دخلو كلهم وكان الكل متيمع في الصاله سلمو على الكل وقعدو مريوم : يازين ها اليمعه زينب : هي والله من زمان ماتيمعنا بيت يدوتي سيف : يدوتي ييت بيتكم ماشي بوفيه شرات المره الي طافت كلهم ضحكو ذياب : فشلتنا مريوم : هههههههه سيف البوفيه مر عليه ست سنين وبعدك تتذكر ! سيف : بعد شو اول مره حد يسوي لي بوفيه عشان بس ييت بيتهم اليده : هههههه خلاص من عيوني تعال باجر واسوي لك بوفيه يديد ميره : الحلو انه نحن اني ناكل بعد مريوم : بس تبي تاكل اليده : لالا خلاص البوفيه الياي حق مزنه حبيبتي مايد شاف حرمته : ها مزنه منوه قدج بوفيه خاص لج مزنه استحت : لا يدوتي شدعوه ماله داعي انا لو تعطوني حلاوه اعتبرها بوفيه مريوم : هههههههه لالا تستاهلين بوفيه خليها تسوي بوفيه نبي ناكل هزاع : وتقول اختها الي تفكر في الاكل طلعتو كلكم شرات بعض روضه : مريوم شوفي ولدج مايخلي بنتي بحالها طاعو كيف يزحف يلحق وراها مريوم : هههههههه يزحف من الخاطر يبي يوصل لها روضه : هههه حرام عليج قومي شيلي ! قامت مريوم شالت ولدها ريم : منوه يبي اقص له الكيكه مالتي مايد : انا ريم : قوم قص بروحك مايد : متى تودرين حركات اليهال ريم : ههههههه امزح يلا منوه بعد يبي غير ميود ؟ نصهم قالو يبغون من كيكة ريم قامو البنات يوزعون حق الاهل كيكات ويصبون لهم وحق الكبار جاي وقهوه اليده : مريوم حبيبتي سكري الباب الشمس قويه عن يطلعون اليهال برع مريوم ابتسمت : ان شاء الله راحت مريوم وتسكر الباب وانتهت رواية ماجمعنا غير الدم 🤍 . . *** ** *