رواية ماجمعنا غير الدم - الفصل الحادي عشر - مكتملة | روايتك

عند مريوم اللي طلعت من الغرفه وراحت المصعد صعدت فوق وراحت عند طاولتهم بس ماشافت فونها كانت تدور عليه الا وفجاة تحس بحد يحط على كتفها ابره انصدمت مريوم ولفت على طول شافت نفس الشخص اللي شافته في المول بس ماقدرت تتكلم لانها حست بدوار وماحست بعمرها ظلمة الدنيا عليها وطاحت عند الشباب اللي راحو غرفة البنات ودقو الباب طلعت لهم ميثا ميثا : ها شوفيكم ؟ ذياب مد الفون : هاج عطي مريوم فونها ميثا : اوههه حصلتو فونها بس مريوم مب هني ذياب عقد حواجبه : نعم ؟ ميثا : ايوا مب هني راحت فوق تدور فونها ذياب انصدم من غباء مريوم : خرا عليها عق الفون حق ميثا وراح ركض لحقه مايد وميثا انصدمت وشافت هزاع و سيف ميثا : شو فيكم كل شوي واحد راح ركض ليش جي تتراكضون ! اول شي مريوم لما عرفت ان ريم فوق راحت ركض واحين ذياب وميود راحو ركض ليش شو فيه فوق !! هزاع : خيتو شوفيج انتي شاده حيلج سيف شاف هزاع هزاع شاف سيف : شو سيف لف وشاف ميثا : صدق خيتو شوفيج ميثا شافت سيف : جب لا اهفك بكف انت الثاني ولفت شافت هزاع يالسه ارمس جد شوفيكم !! سيف : شوفيج مافينا شي ميثا : انت اسكت لو روضه اللي قايله لك جان قلت شوفيكم سيف انصدم هزاع : عيب خيتو شوها الالفاظ! مع انج صادقه سيف : بضربك !! هزاع : قصدي خيتو عيب ! ميثا : يعني مب ناوين تقولو شوفيكم ؟ روضه يت عندهم : شو فيكم ليش جي مسوين حشره سيف : هاي الحماره بس تصارخ ميثا : ابك ! من الي الفاظه خايس احين روضه : بس ميثا امشي ريم تعبانه تبغي ترتاح ميثا : اف روحو روحو بس يلا وسكرت ميثا في ويهم الباب سيف : اختك قليلة ادب هزاع : اتفق معاك سيف : امش امش نروح نشوف مريوم الغبيه شو صار عندهم هزاع : غبيه وبس ؟ قول ححممارهههه هاي البنتتتتت سيف : بعد صح يلا امش هزاع : يلا راحو هزاع و سيف عند المصعد نخليهم ونرجع عند ذياب و ميود اللي وصلو فوق وصارو يدورو مريوم مايد : وين راحت !! ذياب : الله يغربلج مريوم الله يغرببلجحجج !! مايد : يعني وقسم بالله انها غبيه هاي وين تسمع الكلام نقولها لاتمشين بروحج تروح وتمشي بروحها ذياب : ماعليه خلني احصلها بس بذبحها مايد : نحن اول خلنا نحصلها عقب اذبحها والله جنه الارض انشقت وبلعتها مالها اثر ! سيف بصراخ : مييووددد ذيياابببب مايد لف وشاف سيف : حشرتنا ليش تصارخ انت ! سيف : عشان تسمعون لاه مايد : نسمع مب صمخان هزاع : حصلتوها ؟ مايد : لا سيف : دورتو عليها ؟ مايد : ماخلينا مكان الا ودورنا هزاع : نزين يمكن رجعت عند البنات ؟ ذياب : اتصلو في وحده منهم بسرعه دق هزاع حق ميثا وردت عليه ميثا : ها هزاع هزاع : مريوم رجعت عندكم ؟ ميثا : لا والله بعدها ليش وينها ؟ هزاع : لالا كاهي عندنا ميثا : اذا عندكم ليش تتصل تسال عنها! هزاع : بس جي ميثا : اذلف اذلف بس وسكرت الخط بويها هزاع : صدق يبالها كف سيف : وليش قلت لها انها عندنا ؟ هزاع : عشان ماتسوي لي تحقيق وتشك كانو الشباب واقفين عند محل صغير يبيع مرايات ذياب من القهر ضرب المرايا وتكسرت الشباب كلهم شافو ذياب بصدمه و راعي المحل يا عندهم معصب مايد : ويعه ذياب شو سويت ! ذياب طنشهم وراح يدور مريوم مايد شاف راعي المحل : اوهو ها يالس يصراخ علينا هزاع : ها الكلب وين راح خله ايي يدفع بيزات المرايا ! الريال مال المحل كان يصارخ ويرمس معاهم فرنسي مايد : بوريلا انت لاتصارخ !! سيف : حد قايل لك انه هندي ؟ مايد : اوه صح ها الحمار يعرف فرنسي عيل ارمس معاه لوع جبدنا سيف رمس الريال وكان يتاسف له وقال له بندفع سعرها بكم ولما الريال قال السعر سيف لف وشاف ميود وهزاع بصدمه مايد : الله يستر شو السالفه ليش جي يالس تشوفنا ؟ سيف : سعر المرايا عشرين الف مايد بصراخ : كككككممممممم !!! هزاع على طول سكر حلج ميود : ويعه لاتصارخ سيف : خيبه ماينلام اذا صرخ ! هزاع : من وين بنيب ها البيزات ! مايد : الله يغربلك ذيابو المشكله راح الكلب سيف : شوفو انا عندي في البطاقه خمس الاف مايد : وانا مدري هزاع : ست الاف سيف : حلو يعني بيستوي ١١ الف هزاع لف وشاف ميود : ايه انت ويه التيس مايد : ها هزاع : كم عندك ؟ مايد : وليش انا ادفع دام التيس اللي راح هو اللي كسر المرايا ! هزاع : لانه ها التيس اللي راح ما اتوقع نحصله احين وها راعي المحل شوي ويفرنا من السفينه مايد : اتوقع عندي اربع الاف سيف : حلو يعني جي استوا ١٥ الف هزاع : والخمس الثانيه من وين بنيبها ؟ سيف : عندي فكره رفع سيف فونه واتصل في عمه ورد عليه ابو بدر : ها سيفوه سيف : عمي ابو بدر : ها عمي ؟ سيف : ابغي تطرش لي خمسة الاف ابو بدر انصدم : خيبه ليش سيف : والله عمي بقولك بس لاتعصب عليها هزاع وميود شافو سيف بستغراب ابو بدر بستغراب : على منوه ؟ سيف : بنتك الغبيه مريوم كسرت مرايا بالغلط وهاي المرايا سعرها ٢٠ الف ابو بدر : خخخييبببببههههه وكيف كسرتها !! سيف : حتنا مستغرب كيف كسرتها ابو بدر : ومريوم شو تسوي ها الوقت طالعه برع ؟ سيف تورط وشاف الساعه كانت الساعه ١١ قال فقلبه شت عقب رد : كانت تبغي كوفي ابو بدر : انا اوريها هاي الوصخه في حد يطلع ها الوقت ياخذ كوفي ! سيف سو ميوت وشاف هزاع ميود : مريوم بتاكل هواش مايد : هي اصلا بتاكل هواش من الطرفين هزاع شاف ميود : صدقه بتحصل هواش من ذياب و عمي سيف فتح الميوت : احين عمي يلا طرش الريال محرج ! ابو بدر : خلاص اوكيه طرش لي رقم حسابك في الواتس سيف : يلا تمام سكر سيف الخط وطرش له رقم حسابه في الواتس مايد : ها شو قال سيف : بيطرش هزاع : حليلها مريوم بتاكل هواش عدل سيف : تستاهل عشان مره ثانيه ماتطلع ها الوقت الريال مال المحل يا عندهم مره ثانيه مايد : دوكم يا جون سينا هزاع : ههههههه حلوه حلوه الريال وصل عندهم ورجع يصارخ على سيف وسيف كان يهدي فيه لين عمه يطرش البيزات هزاع همس حق ميود : الله يعينه سويف مايد : هو اللي كله هواش مب مريوم هزاع : هههههههههههههههههههه نخليهم ونرجع عند مريوم اللي بالغصب حاولت تبطل عيونها وحست بصداع براسها فتحت عيونها شوي شوي ورجعت تسكرها وعقب رجعت تفتحها شوي شوي كانت تشوف الدينا مشوشه شوي شوي شافت كل شي وشافت الريال اللي قاعد عدالها بس كان قاعد على الكرسي ومريوم كانت تبي تتحرك بس شافت عمرها مربوطه رجعت تشوف الريال وكان نفس الريال مريوم : ايه انت الريال شافها وماقال شي مريوم : ايه انت يالسه ارمس انا ! الريال : كلمه ثانيه اقص لسانج مريوم : ايه انت ام عيون وحده الريال كان بيقوم لها بس تذكر شي وقعد ومريوم خافت لما الريال قام بس سوت عمرها قويه مريوم : ههدددننننييييي ليش جي رابطننيييي شوو تبا مننيييي الريال : صوتج يلوع بجبد سكتي مريوم انصدمت : ههدددنننييييي خلننيييي ارووحححححح الريال كان ساكت ويشوفها وكان يشوف جمالها وكانت نيته شر بس تذكر قائده شو قال له وحاول يمسك عمره مريوم : اسمع زين بقولك هاي الكلمات وحطهم في بالك ووصل الحجي حق اللي معاك ذياب توخر عنه فاهم ؟ لانه صدقني صح انا بنت بس والله عشان ذياب راح اخليك تنصدم من شخصيتي الثانيه فاهم ؟ والله ان لمستو شعره منه راح تندمون حلفت انكم بتندمون تفهم ؟ الريال شافها وكان واضح انها صادقه في كلامها وانصدم منها وهي تقول ها الحجي بكل ثقه مريوم : وقول حق اللي معاك اذا بس قربو على حد من اهلي راح انسيكم اليوم اللي فكرتو فيه انك تيون ورانا وقول حق قائدكم اني اعرفكم عدل ونعرف عنكم كل شي ونقدر نعقكم ورا الشمس لانه اعرف انتو سبب الرساله اللي وصلت حق اهلي عن عمي سلطان الله يرحمه فرقتوهم عن بعض عساكم ماتتهنون ولا تستانسون صرخت مريوم ررببيييي ففوققققق وراححح ياخذذذذ حقنااا منكممممم فاهههممممم الريال ماتحمل وراح خذه ابره ثانيه ومريوم صارت تصارخ لما قرب الريال صوبها عشان يضرب الابره في كتفها الثاني مريوم بصراخ : لااااااااااااا ههدددنننيييي وصارت تتحرك وايد عشان مايقدر يحط الابره والريال ماقدر يحط الابره لانها وايد كانت تتحرك ماقدر يتحمل جان يصفعها بكل قوه لدرجه ان لف راس مريوم ومسك راسها وضرب راسها في الطوف قوي ومريوم حست بدوخه من الضربه بس حاولت تقاوم وتصرخ وتضرب بس عشان مايحط الابره والريال ماقدر عليها جان يزقر ربيعه ومسكوها عدل ومريوم تحاول انها تقاوم بس للاسف ماتقدر لانه ثنين عليها وهي مربوطه دخل الريال الابره في كتف مريوم وعلى طول مريوم داخت وطاحت على الأرض في نفس المكان بس صوب ثاني كان شي واحد يراقب كل شي وكان يرمس فون الشخص : الو اقولج اتصرح ولا ؟ البنت : هههييييي روح بسرعههه اكيد هايل خاطفينها الله يخليك روح ساعدها ! الشخص : تمام تمام يلا سكري بروح عندها البنت : عقب هاتها غرفتي الله يخليك بسرعه ! الشخص : خلاص اوكيه سكري فكينا خليني اروح اساعدها قبل لايذبحونها البنت : انتبه على عمرك الشخص : تمام يلا باي وسكر الخط عند ذياب اللي بعده كان يدور عليها بس للاسف ماحصلها شافوه باقي الشباب وراحو عنده مايد : حصلتها ؟ ذياب بعصبيه وبخوف : لا لا ميود وين راحت مايد كان اول مره جي يشوف ذياب خايف جنه ياهل يدور امه سيف : لاتخاف صدقني انها بخير سفينه عوده وفيها وايد ناس يعني شو بيصير فيها ! ذياب : قلبي مب مرتاح ! هزاع : سيف صدقه ذياب شوف صارت الساعه كم ولحد احين مالقيناها سيف كان بيرمس بس فون هزاع رن رفع هزاع فونه وشاف ميثا ذياب : بسرعه رد !! رد هزاع عليها : ها ميثا ؟ ميثا : هزاع وين مريوم !! هزاع شاف الشباب ورجع يرمس : عندنا ميثا : لين متى بتم عندكم انت شايف الساعه كم ؟ صارت الساعه ١٢ ونص ! هزاع : ميثا عندي حشره برمسج عقب ميثا : هزاع ! سكر هزاع الخط في ويها هزاع : والله ماعرف كيف ارقع لها ! ذياب حرج وميود شافه : اهدا اهدا عن تكسر شي ثاني وندفع بيزاته بعد هزاع : مب وقتك موليه ! مايد : بعد شو خله يمسك اعصابه ! سيف : خلاص سكتو خلنا ندورها مره ثانيه مايد : شوفو بنفترق انا وذياب بندور عليها وانت وهزاع روحو دورو عليها فطابق ثاني سيف : خلاص تم يلا هزاع راحو سيف وهزاع يدورو عليها وراحو ميود و ذياب يدورو عليها مكان ثاني عند مريوم اللي بطلت عيونها شوي شوي وشافت عمرها في مكان ثاني والسقف غير قامت شوي شوي وشافت يدامها مزنه و مزنه لما شافت مريوم على طول قامت وحضنتها وهي تصيح مزنه : انتي بخير ؟؟ مريوم حضنت مزنه : شو صار انا وين كيف وصلت هني مزنه وخرت وشافت مريوم وشافت ويها : اول قولي انتي بخير ؟ مريوم مسكت راسها : احس بصداع في راسي مزنه : طهرت الجرح اللي كان براسج مريوم مسكت راسها : اخ يعور مزنه : هي ترا كان وايد ينزل دم مريوم شافت مزنه : كيف وصلت هني ؟ مزنه : اخوي ساعدج مريوم : حمد ؟ مزنه انصدمت : تعرفينههههه ؟؟ مريوم : لا ماعرفه ولا شي بس شفته صدفه مع زيود واخوج زيود ماقصر عرفني على اخوج الكبير مزنه : ها زيود شوي ويعرفج على يدي مريوم ضحكت صوت خفيف لانه ماكانت تروم تضحك : هههه انزين كيف ساعدني اخوج وكيف عرف مكاني مزنه : حمد كان مار من صوب مخزن مادري اصلا هو ليش كان هناك وسمع صراخج وحس انه يعرف ها الصوت لما تجدم عند المخزن وشافج مع ثنين وواضح انهم خاطفينج اتصل فيني على طول وقالي عن مواصفات اللي كانو معاج وقلت له انهم مايقربون لج وعقب ساعدج مريوم بصدمه : كيف قدر عليهم ؟ كل واحد اضخم عن الثاني ! مزنه ابتسمت : هو صح حصل كم ضربه بس المهم انه ساعدج مريوم ردت لها الابتسامه : اشكريه وايد وايد لو مب هو جان محد قدر يعرف مكاني مزنه : بس منوه هاييل وليش جي سوو فيج ؟ مريوم نزلت راسها : سالفه طويله مزنه مزنه مسكت ايد مريوم : صح اني اعرفج من كم يوم بس اذا بتفضفضين وتفتحين قلبج لي صدقيني بسمعج وبكون قد الثقه مريوم ابتسمت : والله لو عندي شي افضفضه على طول بييج مزنه ردت لها الابتسامه : وانا بتريا ييتج مريوم تذكرت ذياب والباقين وقامت من الفراش بس حست بدوخه ورجعت تقعد مزنه راحت عندها ومسكتها مزنه : ماترومين تقومين مريوم ! مريوم : لالا لازم اروح اكيد احين هلي يحاتوني مزنه : بس انتي شفتي حالتج ! مريوم : عادي عادي خليني انش اروح اشوفهم مزنه : خلاص تم بس بيي معاج مريوم : الساعه كم ؟ مزنه : وحده ونص مريوم شهقت : كككممممم ؟؟ مزنه : عشان جي قلت لج ريحي شوي باجر روحي ترا محد عندي في الغرفه انا بروحي ارقد فيها مريوم : لالا والله ماقدر لازم اروح عندهم مزنه : خلاص تم يلا قومي مريوم قامت شوي شوي مزنه : ترومين تمشين ؟ مريوم : هيهي اروم مزنه : يلا مشينا قامت مريوم ومره ثانيه حست بدوخه بس المره هاي مزنه مسكتها مزنه : خلاص بمسكج وبنروح شوي شوي مريوم : مشكورهههه مزنه : مابينا يلا هاتي ايدج مسكت مزنه مريوم ومشتها شوي شوي طلعو برع الغرفه مزنه : وين غرفتكم ها الطابق ؟ مريوم : ها اي طابق ؟ مزنه : الثاني مريوم : لالا وين نحن الطابق الرابع مزنه : عيل يلا امشي نروح عند المصاعد راحو مريوم و مزنه المصعد وصعدو الطابق الرابع فتح المصعد وطلعو منه وكانو يمشون شوي شوي لين الغرفه وهم في الدرب ماشين شافت مريوم ذياب وميود كانو يمشون يدامهم مريوم : ذذييااابببببب وخرت مريوم عن مزنه وراحت ركض عند ذياب لف ذياب وشافها وراح عندها على طول وصلت مريوم عنده ومسكت ايده وذياب هوس على ايدها ذياب : وين كنتي الله ياخذج خوفتينا عليج ! مريوم : سالفه طويله مريوم كانت بطيح بس ذياب مسكها على طول ذياب : شوفيج ! مريوم : ماشي احس بدوخه شوي ذياب : ترومين تمشين ولا ؟ مريوم : هيهي اروم ذياب : امشي الغرفه ريحي وباجر قولي كل شي راحت مريوم مع ذياب وميود كان بيروح معاهم بس تذكر البنت اللي كانت مع مريوم لف ميود وشاف البنت كانت ماشيه مايد : لو سمحتي لفت مزنه وشافته يتجدم عندها تجدمت له مزنه : هلا ؟ مايد : مشكوره ماقصرتي مزنه ابتسمت : لااا وين عادي مريوم ربيعتي مايد رد لها الابتسامه وكان بيروح بس صوت مزنه وقفه مزنه : لوسمحت مايد لف وشافها : هلا مزنه : انتبهو عليها لانه الضرابه اللي براسها قويه لازم تريح مايد انصدم : اي ضربه !؟ مزنه : ان شاء الله لما بتنش مريوم بتقول لكم كل شي مايد ابتسمت : يلا تمام راح ميود عنها وراحت مزنه بس مزنه قبل ماتروح قالت في عمرها يمه يشبه ممثل اجنبي عند مريوم اللي رجعت الغرفه مع ذياب وقبل مادش ذياب رمسها ذياب : يعيوني متاكده مافيج شي ؟ مريوم ابتسمت : هي ذياب مافيني شي ذياب حط ايده على خذها : وليش خدج احمر ؟ مريوم لانها كانت تعبانه وتعرف ذياب وايد بيحقق معاها حطت ايدها فوق ايد ذياب وخرتها عن خدها ومسكت ايده : ذياب تعبانه عادي ادش ارقد ؟ ذياب : باجر تقولي كل شي مريوم : من عيوني ذياب : يلا رقدي عدل وارتاحي رقدي على راحتج مريوم ابتسمت : بعد من عيوني ذياب : يلا تصبحين على خير مريوم : ونت من اهل الخير ذياب : صح مريم مريوم لفت وشافته : ها مريم ذياب : فونج عند ميثا مريوم ابتسمت : تمام راح ذياب عنها و دخلت مريوم الغرفه شافت كل البنات راقدات شافت الساعه وكانت الساعه ٢ فليل دخلت شوي شوي ومن التعب ماقدر تسوي شي وعلطول رقدت اليوم الثاني الصبح الساعه 10:00 نشت روضه من الارقاد وشافت مريوم بعدها راقده وريم بعد راقده بس ميثا كانت ناشه التفتت روضه يمين ويسار تدور ميثا في الغرفه بس ماحصلتها نشت راحت تاخذ شور وطلعت بدلت وراحت عند التسريحه ربطت شعرها وحطت شوي عطر وطلعت من الغرفه وشافت في ويها سيف ابتسمت له روضه : صباح الخير سيف : صباح النور روضه استغربت لانه سيف مارد لها الابتسامه : شوفيك ؟ سيف ماكان يشوف روضه : ماشي روضه مسكت ويهه ولفته عندها وشافت عيونه حمرا : سيف ليش عيونك محمرا ؟ سيف مسك ايدها ونزلها عن ويهه : ماشي امس سهرت روضه : مع منوه وليش ؟ سيف : مايخصج مع منوه روضه انقهرت منه ودزت ايده وكانت بتروح بس مسك ايدها سيف : نمزح نمزح شوفيج ماتتحملين المزح من الصبح روضه : وانا ماداني ها المزح ع الصبح !! سيف : خلاص كنت سهران مع ذياب و الباقين روضه : نزين جان حطيت محلول في عيونك سيف : ماعندي روضه مسكت ايده وسحبته بترجعه الغرفه سيف : وين وين روضه : صبر بيب لك محلول حق العيون حط شوي في عيونك سيف : اوهو روضه ماله داعي روضه : لالا له داعي وصلت روضه غرفتهم وفتحت الباب شوي شوي وكانت مريوم و ريم بعدهم راقدات دخلت داخل وخلت سيف برع راحت تدور على محلول وحصلته اخيرا طلعت شوي شوي من الغرفه وسكرت الباب شوي شوي ومدت المحلول حق سيف روضه : امسك قطر في عيونك يلا سيف : كم قطره ؟ روضه : تستهبل ؟ سيف : له روضه : يعني انت ولا مره حطيت محلول في عيونك ؟ سيف : له روضه : ابك !!!! سيف : ليش تعصبين علي ماعرف بعد شو اسوي روضه : ستغفرالله سيف زعل : خلاص زعلت كله تعصبين علي كله تعصبين علي مابا بروح عنج روضه : ياهل ياهل انت ! سيف : هي انا نونو روضه : يالله انا يالله اتحمل واحد كبير اييني احين ياهل سيف : هي تحمليني روضه : نزين يلا حط في ها العيون قطره و العيون الثاني قطره سيف : اوكيه كيف افتحه روضه : سيف !! سيف : اوكيه اوكيه فتحه سيف وقطر في عيونه خلاص ارتحتي ؟ روضه ابتسمت : هي وبعد عندي شرط سيف : ها روضه : ماتسهر مره ثانيه ! سيف : تامرين وبعد عندج شي ثاني ؟ روضه : هي سيف : ها امري روضه : ابي روايتك سيف استغرب : اي جزء ؟ روضه : الرابع سيف : خليني افكر روضه : خير ليش ماقلت تامرين ! سيف : لانه ها الشي ماينقال تامرين بسرعه روضه : سيف ! سيف : ها سيف عيوني شو روضه : صدق ابي الروايه ماعندي سيف : خلاص اوكيه اوكيه متى تبغينها ؟ روضه : احين سيف : لا مب احين اول خلنا نصعد عندهم نقعد شوي عقب بييب لج الروايه روضه : نزين يلا امش راحو سيف و روضه صوب المصاعد ولمحت روضه واحد من بعيد يشوفهم وكان يسوي حق روضه بيده تعالي استغربت روضه منه ولفت وراها يمكن الريال يقول حق حد ثاني تعالي بس ماشافت حد معطنه ويه رجعت روضه تشوف الريال بس ماشافته استغربت روضه وشافت سيف عقب فتح المصعد وراحو فوق وشافو كل قاعد ماعدا مريوم و ريم روضه ، سيف : صباح الخير الكل : صباح النور روضه : هااا يدي اليد : يالله صباح خير لازم هاي الكلمه ع الصبح روضه : شدعوه يدي اليد : ها شو تبغين روضه : حركات قاعد من وقت اليد : شي يديد ؟ روضه : ههههههه لالا اليد : الشي اليديد ان مريوم مب قاعده من وقت روضه : مريوم شوي تعبانه عشان جي راقده بعدها ام بدر : وي شوفيها بنيتي وينها احين ؟ ميثا داست ريول روضه و روضه نقزت من العوار ميثا : لالا خالو مريوم مافيها شي بس تبا ترقد لانه امس سهرت تشوف مسلسلها ورقدت متاخر اليده : يالله من ها المسلسل اللي مايخلص متى تودرون هاي المصاخات مايد : يدوتي محد محلي الحياه غير المسلسلات و الاكل اليده : والطقعه وانا مب محليتها ! مايد : له اليده شافت اليد اليد : شو اليده : دافع عني بعد شو ! اليد : اوه ايه ميود ! بقوم ادوسك مايد : لالا خلاص اسف فديتش يدوتي انتي اللي محليه الحياه اليده : غصبا عليك مايد : طع ! سيف هم حق ذياب : قالت لك مريوم شي ؟ ذياب : لا كانت مدوخه وتعبانه ماتروم ترمس خليتها واليوم بتقول كل شي سيف : يعني ماقالت شي ذياب : لا مايد : اللي كانت معاها جميله ذياب : استح مايد : استغفرالله بس صدق خذت قلبي ذياب : بقوم لك قلت عيب ! مايد : شوفيك هههههههه امزح سيف : ليش منوه اللي كانت معاها ؟ مايد : اتوقع ربيعتها قالت لي انها ربيعتها ذياب : بسم الله متى رمستها ؟ مايد : لما رحت مع مريوم انا رحت اشكرها ذياب : اها مايد : صح نسيت اقولكم ذياب : شو ؟ مايد : احيد البنت قالت ان الضربه كانت قويه ذياب بصراخ : نننعععمممم ؟؟ سيف سكر حلج ذياب وميود قام يطبل على الطاوله عاشو عاشو عاشو كلهم لفو وشافوهم اليد : خير ذياب ليش تصارخ شو اللي نعم ؟ مايد بعده يطبل : اطق اصبع على فراقه عاشو عاشو اليد : وطقو براسك مليون حصه اسكت بس يلااااا مايد سكت ووقف طبل اليد شاف ذياب : شوفيك انت بعد تصارخ سيف : ماشي انصدم مني لاني قلت له اني قريت عشر روايات في اليوم اليد فتح عيونه : نعم سيف : ها شفت حتى انت انصدمت اليد : روبوت مب انسان سيف : يدي ! ابو بدر : ابويه اذكر ربك اليده : ماتعرف تذكر ربك انت ! اليد : بسم الله شوفيكم كلتوني سيف حاول يغير السالفه : يلا قول ماشاءالله حرام عليك تحسدني ! اليد : ماشاءالله ماشاءالله روضه قامت تصب لها كرك وشافت سيف : اصب لك ؟ سيف ابتسم : هي ومد لها القلاص شالته روضه وصبت له وعطته ذياب : نزين اسأليني يمكن ابغي روضه : نعم ازقر مريوم تصب لك ذياب : ذلفي بس سيف شاف ذياب ذياب : لاتقعد تشوفني انت بعد اذلف معاها خالوتي ام بدر : ها خالو ذياب : ابغي كرك اليده : صدق روضه ماتستحين روضه : شو سويت ! اليده : الدله عندج ماترومين تصبين حق ذياب لازم خالتج تقوم ! روضه شافت ذياب وذياب شافها وابتسم ابتسامة الانتصار قامت روضه وصبت له قلاص كرك ومدته له روضه : امسك ذياب : ههاي سيف : اشكرها ! ذياب : تخسي سيف داس ريله وذياب ضربه على راسه اليد : شوهاي قلة الادب تضاربون يدامي بعد ! سيف شاف ذياب و ذياب شافه وابتسم ابتسامة الانتصار سيف : ويع انت وابتسامتك اليده : والله ابتسامة وليدي تهبل ماشاءالله عيني عليه بارده مزيون ذياب ابتسم لهم : ههاي سيف : ويع يدوتي لاتمدحينه ها روحه مغرور والحين ماصدق حد يمدحه اليده : فديته وليدي الحلو سيف : نحن افتكينا من المدرسه احين تين انتي يدوتي اليده : ليش شو سالفة المدرسه سيف : يالله يالله شو السالفه مافي بنت ماحبت ذياب كلهم خقو عليه وحبو وبعد انتي تعرفين ذياب دارس برع يعني هناك كله اجانب والبنات اللي في المدرسه ماتم وحده الا وخقت على ذياب ويبغون يرابعونه بس ذياب طاهر القلب هزاع : ماتحس هاي السوالف ماتنقال هني ؟ سيف : اونه ؟ اليده : ففديييتهههه وليدي الكل يحبه ميثا همست حق روضه : لاتسمعه مريوم روضه : بتشويه ميثا : هههههههههههههههه اليد : كفو عليك خلك ثقيل شرات يدك اليده شافت اليد : متاكد شرات يده ؟ روضه نقعت ضحك : هههههههههه طلعي طلعي يدوتي فضايحه اليده : حبيبتي يدج كان يطل من فوق السطح بس عشان يشوفني الكل نقع ضحك روضه : ياخفيف ههههههههههههههههههههههههههههه اليد : انتي ماتعرفين تسدين بوزج ها ؟ اليده : شوفيك بعد ها الصدق روضه : عيل ذياب خلك ثقيل على يدوتي اليده : صحيح اليد شاف سيف : وانت سيف كيف كنت في المدرسه سيف على طول رفع راسه وشاف روضه وحتى روضه لما يدها سال سيف على طول لفت وشافته لانه روضه الوحيده اللي تعرف ماضي سيف ذياب شاف سيف وروضه يتابدلون النظرات وحس ان سيف قال حق روضه كل شي داس ذياب ريول سيف عشان يوخر عيونه من روضه و سيف لما ذياب داس ريله على طول لف ويهه من روضه وحتى روضه لفت ويها عنه ذياب : ههاي سيف ؟ سيف كان خفيف شرات يدي سيف : تخسي اليد : سيف كفك نخق على الرايح و الياي سيف : يلاااا كفك اليده شافت اليد : تبغي كف على ويهك شكله ؟ روضه شافت سيف بنظرات خلت سيف يسكت ويكمل يشرب الكرك من الخوف وذياب نقع ضحك لانه فهمهم ذياب : ههههههههههههههههههههههه ابو بدر ابتسم وهو يشوف ضحكت ذياب وتذكر اخوه الله يرحمه ام بدر : ياحلو هاي الضحكه نادر نشوفك تضحك ذياب : هههههه ضحكتي حلوه طالعه عليج ام بدر : فديتك والله اليده : ضحكته سعاده ذياب : بسم الله شوفيكم كلهم ضحكو لانه كان واضح على ذياب انه شوي استحى ميثا همست : ياويل حالي وين مريوم كانت ذابت روضه : اح تحتكين فيه وانا موجوده ميثا : بعد ها الصدق شو نسوي ضحكته حلوه تهبل ! روضه : اوريج اقول حق مريوم ميثا : ههههههه لالا امزح خلاص نخليهم ونرجع لغرفة البنات اللي كانت مريوم ناشه من الارقاد وقاعده على كرسي التسريحه تعدل شعرها وتتعطر الا وفجاة تسمع شهقت ريم وهي تصرخ ريم : لااااااااااا الله يخليك خله خخخللللههههه مريوم على طول راحت عند ريم وقعدت عندها : بسم الله عليج ريم نشي ريم : لالا الله يخليك لا نبيه نحن ! مريوم ضربت ريم بشويش على خدها : رريييممم قلت ننشيييييي ريم فجاة نشت وشافت مريوم على طول حضنتها وهي تصيح مريوم : خلاص حبيبتي خلاص مافي شي انا معاج ريم وهي تصيح : مريوم بيذبحونه بيذبحونه مريوم انصدمت : بيذبحون منوه ! ريم : يدي يدي مريوم حضنت ريم : خلاص ريم محد بيذبح يدي ومحد يقدر يقرب صوبه اصلا خلاص لاتصيحين ! ريم رفعت راسها تشوف مريوم وعيونها متروسه دموع : منوه ها اللي شفته امس ؟ مريوم سكتت ريم صرخت : مرييييومممم اعرف انج تعرفينه قوللليييي منوهههه !!! مريوم احتارت اذا تقول حق ريم ولا ريم : لاتسكتين !!! تحجييييي اعرف كل شي مريوم ! ترا حلمت وفي الحلم كنتي انتي وذياب وسيف وميود وهزاع تعرفون السالفه ! مريوم خلاص ماقدرت تخش اكثر وقالت حق ريم كل شي من الالف للياء ريم وقفت صياح وانصدمت : ها حلم ولا صدق ؟ مريوم : صدق صدق ! ريم مسكت راس مريوم : يعني صدق امس جي سوو فيج ؟ مريوم : اي ريم راسي هدي هي صدق ريم : وكيف طلعتي من عندهم من ساعدج ؟ مريوم : حمد ريم : ننععمممم ؟ مريوم : ويعه ليش تصارخين ! ريم : من حمد بعد بسم الله تعرفين ولد ونحن مانعرف عنه مريوم : لاااااااا ياغبيه وقالت لها سالفة حمد و مزنه ريم : ااهههااااا والله طيبين ماقصر مريوم : ههييي ريم : ويعني طلعت ميثا تحبه ؟ مريوم :لااااا ماعرف والله بس انا شبكتهم مع بعض ههه ريم : على كيفها هاي مريوم : والله صدق البنت تغيرت من عرفت ها الحمد وايد تغيرت حتى قدر ينسيها اخويه بدر بثواني ريم : ماعلينا واحين شو بيصير ؟ مريوم : على شو ؟ ريم : سالفة يدي ويدوتي والباقين والناس اللي يلحقونه مريوم : ههاي ماعليج امس هددته ريم : هه وتتحرين خاف من تهديدج ؟ مريوم سوت مع ريم ريم كفج : هههههههههه لا بس صدق خله يجرب حظه ويقرب صوبكم ريم : فديتش والله تسوين اي شي عشانه مريوم ابتسمت : اخاطر بحياتي عشانكم ريم حضنتها : بسم الله عليج مريوم : انتي احين سوي عمرج طبيعيه يدامهم ولا تخافين ذياب بيتصرف وباقي الشباب مابيقصرون ريم : اخاف حمد يقول حق ميثا مريوم شافت ريم : اححح انا كيف مافكرة فيها ! ريم : يمكن يشوف ميثا صدفه ويقول لها مريوم : لالا يارب مايشوفها صدفه انا احين بتصل على مزنه وبقول لها كل شي ريم : بسرعه رفعت مريوم الفون عشان تتصل في مزنه شوي الا وترد عليها مزنه وكانت مريوم مطلعه الصوت مزنه : هلاهلا حبيبتي مريوم : هلا وغلااا حياتي شحالج ؟ مزنه : والله انا بخير انتي اللي شحالج وكيفج اليوم ان شاء الله احسن ؟ مريوم ابتسمت : والله بفضلج وبفضل اخوج انا احسن بوايد مزنه : حبيبتي دوم ان شاء الله ماسوينا شي ها الواجب مريوم : فديتج والله بس اقولج مزنه مزنه : هلا قولي ؟ مريوم : عادي تقولين حق اخوج السالفه اللي صارت امس ماتنقال حق حد مزنه استغربت : مافهمت يعني بيقولها حق منوه ؟ مريوم : مادري بس خلها يخليها سر يعني لايخبر احد مزنه : هي هي اصلا اخوي مايخبر حد في سوالف ماله خص فيها مريوم ابتسمت : مشكوره مزنه : مابينا مريوم : يلا انا احين بسكر وبرمسج عقب مزنه : مريوم مريوم : هلا ؟ مزنه : ابغي اقولج عن شي مريوم شافت ريم وعقب رجعت الصوت وحطت الفون عند اذنها وريم دشت تاخذ شور مريوم : ها مزنه شوفيج ؟ مزنه : مريوم امس اللي كان معاج شو يقرب لج ؟ مريوم استغربت : اي واحد مزنه : مب اللي كان ماسك ايدج لا اللي كان واقف حذالكم مريوم ضحكت : ههههههههههههه هااا ليش تسالين مزنه استحت : اوهو مريوم ! مريوم : هههههههه خلاص خلاص اوكيه ها ولد عمي مزنه : اههاااا مريوم : ها نحجزه لج ؟ مزنه : مرريييوممم ! خلاص جب جب باي مريوم : هههههههه خلاص خلاص نمزح يابنت الحلال مزنه : بس تصدقين انه يشبه ممثل اجنبي مريوم : ههههيييي ها اللي مثل في آن اللي اسمه جيلبرت صح ؟ مزنه : هههييييي عليج نوررر مريوم : ههههههه هي وايد يشبهه حتى انا احيد مره قلت له جي جان يقول من ها مزنه : ههههههههههه يلا عيل مابأخرج عن شغلج مريوم : لالا شدعوه ماعندي شغل كملي سوالف مزنه : صدق ؟ مريوم : يب يب مزنه : منوه عندج ؟ مريوم : والله ماشي انطر ريم تخلص عشان نطلع مزنه : من ريم مريوم : ريم هي نفسها اخت ميود مزنه : ومن ميود مريوم : شوفيج ميود هو نفسه الي انتي سالتي عنه مزنه : يالله احين هاي بتفضحنا مريوم : ههههههههه شكو مزنه : سخيفه مريوم : خلاص خلاص امزح مزنه : مريوم بتروحون الجزيره انتو صح ؟ مريوم : هييي اصلا كل اللي في السفينه بيروحون الجزيره اتوقع مزنه : هي اتوقع ان هاي السفينه خاصه حق الجزيره مريوم : ماشاءالله يعني كل هاييل بينزلون الجزيره ؟ مزنه : ياحبيبتي هاي الجزيره فخمه وحلوه ولا جنها جزيره ماشاءالله تقول مدينه مريوم : انتي رايحه لها ؟ مزنه : هههيييي ها ثالث مره اروح لها مريوم : ماشاءالله شكلج كله طايحه في فرنسا مزنه : ليش انتي اول مره تيين ؟ مريوم : ههههههه هي مزنه : هي واضح من اول يوم ضعتي فيه مريوم استحت : اوهوووو مزنه ! مزنه : هههههههههه ياهل مريوم : انتي الياهل مزنه : نزين يلا مريوم بسكر شوي لانه بروح مع اخوي فوق بينا عقب مريوم : يلا تمام حبيبتي سكرت مريوم الخط وشافت ريم الي كانت طالعه من غرفة التبديل ورايحه عند التسريحه ريم : ها ترمسين منوه مريوم : ماشي ارمس ربيعتي ريم : ذيج الي شفتيها في المول مريوم : ااييوااا عليج نور ريم : شو تقول لج مريوم : وانتي شكو ريم : هههههههههه اوكيه اوكيه مريوم : يلا بسرعه خلنا نروح فوق عندهم صارت الساعه ١٢ ريم : يوه عاد اكيد احين شالو الريوق مريوم : ايوا حبيبتي يدي يحب يشرب ها الوقت جاي ريم : بعد يدي متفيج في حد يشرب جاي ها الوقت عز الظهر مريوم : هههههه ياحبيبتي احين تقلين الجو برد موت هناك في الامارات عز الظهر ريم : ههههههه صدق ! مريوم : يلا نروح ؟ ريم ربطت شعرها وتعطرت : هيهي يلا قامت مريوم بس حست بتعب وقعدت ريم شافتها وعلى طول راحت عندها ريم : بسم الله شوفيج ؟ مريوم مسكت راسها : مدري دخت ريم : بعده راسج يعورج ؟ مريوم : للاسف ريم : الله ياخذه كيف طاوعه قلبه يضرب بنت في راسها مريوم : اخ يعور قامت ريم وخذت بندول ورجعت عند مريوم ريم : هاج كلي بندول خذت مريوم البندول وكلت ريم : تبغين ترتاحين شوي ؟ مريوم : لالا عادي يلا امشي نروح ؟ ريم : متاكده عادي نروح ؟ مريوم : هيهي يلااا كلهم فوق ابي اروح شوي عندهم اسولف اغير جو ريم : صح يلا امشي قامت مريوم مع ريم وطلعو من الغرفه راحو المصعد ودخلو راحو فوق اخر طابق وقعدو عند الاهل ريم : صباح الخير اليد : اي خير ها اي خير شايفه الساعه كم ريم فتحت فون وشافت : هي الساعه ١٢ ونص اليد : وتقولين صباح الخير ؟ ريم : هههههه اوكيه ظهر الخير اليد : ظهر الخير في عينج اليده : مريوم حبيبتي شخبارج اليوم ؟ مريوم ابتسمت : حمدالله بخير اليده : حمدالله مريوم رفعت عيونها وشافت ذياب وحتى ذياب كان يشوفها ابتسم لها ومريوم ردت له الابتسامه وعقب لفت ويها وشافت امها مريوم : امايه ام بدر : ها امايه ؟ مريوم : شي كرك ولا خلص ؟ ام بدر : شي تبغون ؟ ريم : هيهي الله يخليج صبي لنا ام بدر : حاضر ابو بدر : صح انتي يا الجلبه مريوم رفعت راسها : اتيك التهايم وانته نايم اليد : شوفيك تسبها استح اليده : وانت عادي تسب ؟ اليد : حشى علي انا من متى اقول جلبه اليده : صح عبدالله شوفيك ابو بدر : انتي امس شو كاسره ! مريوم عقدت حواجبها ومافهمت ابوها وسيف و هزاع و ميود توهقو سيف : صح مريوم ليش تكسرين المرايا ! مريوم لفت تشوف سيف : اي مـ... سكتت مريوم لانها لمحت هزاع يغمز لها مايد : عمي بنتك لما تعصب تمشي وتكسر اي شي يدامها ولف ميود يشوف ذياب لانه هو المقصود وذياب على طول فهم ان هو المقصود لانه هو اللي كسر المرايا ابو بدر : هي سوي عمرج ماتعرفين شي ! مريوم شافت ابوها عقب لفت تشوف سيف : يا فتان ليش تقول حق ابويه !! ابو بدر : لاااا وبعد ماتبغينه يقولي ! اليد : اي مرايا شو كسرتي انتي مريوم : بالغلط كنت معصبه جان ارفس المرايا اليد : كوره هي وانا مادري مريوم : شتها بالغلط اليد : وكم دفعتو ؟ مريوم سكتت ولفت تشوف سيف لانها مب عارفه شي سيف : عشرين الف مريوم شهقت وكلهم انصدمو : ككككمممممم !! ابو بدر شاف مريوم : يعني اونج ماتعرفين شي ! مريوم قالت في نفسها خرا عليك سيفوه انا شكو في المرايا !! ابو بدر : هوييي في شو سرحتي مريوم شافت ابوها : ها ابو بدر : مسكي اعصابج لا امسك بلعومج واذبحج مريوم : بسم الله علي ميثا : انا اقول امس ليش رجعتي الغرفه متاخر نص الليل مريوم فتحت عيونها عالاخر وشافت ميثا ابو بدر : نعم ؟ ميثا غصت شفايفها روضه همست حق ميثا : تمزحين ! ميثا : بالغلط ابو بدر : متى رجعتي امس ؟ مريوم : ابويه رجعت بسرعه ميثا تخرط بدر شاف ويه مريوم المتوهق : ابويه عادي ترا انا ومريوم كنا نتمشى مع بعض ونسولف ومانتبهنا للوقت مر بسرعه مريوم شافت بدر وابتسمت ابو بدر : اوه يعني كانت معاك ؟ بدر : ههييي يعني بتكون مع منوه ابو بدر : زين زين بدر شاف مريوم وهو عاقد حواجبه وقال في نفسه هاي ليش راجعه متاخر وين كانت !! اليد : ماتستحين على ويهج مريوم مريوم لفت تشوف يدها بستغراب : شو سويت ؟ اليد : ماصبحتي علينا مريوم شافته بصدمه : وريم لما صبحت عليكم زين ماكفختها ليش تبغيني اصبح عليك ؟ اليد : انتي غير و ريم غير ريم : لاااااااا والله !! اليد كمل يشرب جاي مريوم : يدي ريم كانت تحش عنك في الغرفه ريم شافت مريوم بصدمه : نعم ! اليد : ونعامهههه شو كنتي تقولين عني ! ريم : شو قلت مريوم : قالت ان يدي شيبه بس يشرب جاي في عز الظهر ريم : هااااا اليد : انا شيبه يادبه ! ريم : ماقلت شيبه والله بس قلت انك تشرب جاي في عز الظهر اليد كمل يشرب جاي : جاي كرك ترن نينينينين جان كرك ترن نينينينيني مريوم : ههههههههههههه شوهااااااا ميثا : مال اااوووللللللل مريوم : يدي غببارررر روضه : عاصفه بعد مب بس غبار ريم : ههههههههههههههه اليد : خلوني اغني يعني انتو عادي تغنو ! مريوم : غن غنيه اوكيه مب تغني ها ريم : اصلا هاي مب اغنيه مريوم : ابويه ابو بدر : ها ابويه مريوم : متى بنوصل ؟ ابو بدر : العصر مريوم : اهااا وقامت بدور تعال معاي بدر قام بسرعه لانه صدق يحس من زمان ماتم مع اخته بروحهم واضح ان كل واحد في عيونه كلام يبي يقوله للثاني راحو مريوم و بدر بعيد عنهم شوي ومريوم لفت تشوف البحر مريوم : شخبارك بدر بدر : في عيونج وايد كلام مريوم لفت تشوف بدر وعيونها انترست دموع وحضنته ورد لها الحضن وهو يهديها ويمسح راسها مريوم : بدور فيني وايد اشياء وااااااييييددددد بدر حضنها : نزين انتي اهدي لاتصيحين مريوم وخرت عنه وهي تمسح دموعها وبدر باس راسها بدر : امس وين كنتي لما ميثا قالت رجعت نص الليل ؟ مريوم سكتت عقب قالت : لانه لما صعدت فوق الساعه ١١ كان المفروض اخذ حد معاي بس محد من البنات وافقت تيي معاي عقب انا رحت بروحي اخذلي كوفي بس فجاة حسيت بدوار حسيت الدنيا تدور فيني جان اروح على طول اقعد في الكرسي دخت وحطيت راسي على الطاوله ورقدت ماحسيت بعمري الا وقت متاخر نشيت وكانت الساعه ٢ فليل حاولت انش بالغصب ورحت الغرفه بدر : والحين انت بخير ؟ مريوم : حمدالله مريوم : واحين انا اروم اسالك ياست بدر ؟ بدر : ها شو ؟ مريوم : منوه هاي اللي ترمسها بدر انصدم : ارمس منوه ؟ مريوم : بدر لاتيلس تلف وتدور تراني اعرف كل شي بدر : شو ارمس منوه ؟ مريوم : تراني شفتك وانت ترمس وحده في الفون لاتيلس تخرط علي تسوي عمري غبي !! بدر نزل راسه مريوم : ماتستحي على ويهك انت ؟ ماتخاف على خواتك انت ؟ تيلس ترمس بنات الناس !!! بدر : مريوم فهميني مريوم : ششوووو ! بدر : الي ارمسها انتي تعرفينها وكلنا نعرفها مريوم استغربت : منوه هاي وكيف اعرفها ؟ بدر : لطيفه مريوم شافته بصدمه : لطوف بنت خالتي ؟ بدر : ههييي مريوم بعصبيه : ويعيههه ! بدر : ليش تعصبين علي شو سويت مريوم : تبيها ماترمسها ع الفون وها السوالف الماصخه ! روح اخطبها من بين اهلها نحن ماعندنا ها الحركات الوصخه ؟؟ بدر : مريوم والله انا ما العب عليها راح اخطبها وانا شاريها بس انطر الوقت المناسب مريوم : ومتى الوقت المناسب ها ؟ بدر : خليني اتخرج واتوظف عقب بروح اخطبها مريوم رفعت صبعها : اسمع بدور من اليوم ورايح ماترمسها وتعتبرها شرات من خالتك كيف انت تشوف ريم وميثا وروضه شوف لطيفه شراتهم ! بدر : مريوم !! مريوم : ترا بخبر امي ! البنات ماراح تطير من ايدك بدور لطوف موجوده بنت خالتك هي لاتيلس ترمسها اربع وعشرين ساعه وسولف حب ومغازله و ... بدر قاطعها : خخخسييي !! والله ماشي بينا سوالف مغازله والله السوالف الي بينا سوالف عاديه مافيها اشياء من اللي في بالج ! مريوم : حتى لو ماتيلس ترمسها اربع وعشرين ساعه ! وحتى لاترمسها خلاص تكبر وتروح تخطبها وصدقني انا معاك وماراح اخلي حد ياخذك منها الشي الي الله كاتبه بيصير لو هي من نصيبك ولا لا بس انت لاتسوي شي تعرف انه حرام وتعرف ان حرام تيلس اربع وعشرين ساعه ترمسها وانا عارفه و واثقه ان سوالفكم عاديه ومافيها من السوالف الخايس الي شرات باقي الشباب بس بدور حتى لو خاف عليها ولاتيلس ترمسها دوم صدقني اذا البنت من نصيبك بتاخذها بدون ماتسوي هاي السوالف صدقني بدر نزل راسه : ان شاء الله مريوم ابتسمت لانها تعرف اخوها اذا قال ان شاء الله يعني صادق : قول لها انكم خلاص مابترمسون بعض ع الفون وقول لها راح اكون عمري عقب بيي اخطبج نطريني ولاتخلين حد ياخذج مني بدر : طع هاي مريوم : ههههههههه اخر وحده لاتقولها طبعا بس قولها نطريني لين اكون عمري وايي اخطبج لو كنت صدق تبيها وماتقص عليها بدر : اخسي اقص عليها بنت خالتي شاريها وبعيوني حاطها ! مريوم : بل بل ها بعده مب ماخذها عيل اذا خذها اخاف يخشها داخل ملابسه بدر : ااييييهههه ارمسي عدل !! مريوم : بسم الله هههههههههههه امزح شوفيك بدر : خلاص بقولها وماراح ارمسها مريوم ابتسمت وحضنت اخوها ووخرت عنه : احبك بدر ضرب راسها: حبيبتي انتي مريوم : هههههههه والله صدق اشتقت لك بدر : وحق ميرو من زمان ماتيمعنا مريوم : والله صدق شرايك اتصل فيها ونروح الكوفي نقعد ونسولف ؟ بدر : ايوا حلو اتصلي مريوم : ههههه اوكيه اتصلت مريوم في ميره وميره ردت عليها ميره : ها خيتو مريوم : خيتو تعالي عندنا ميره : وينكم خيتو ؟ مريوم : تعالي كوفي ... ميره : ليش ؟ مريوم : بنيلس نسولف انا وانتي بدور ميره : الله صدققق ؟ مريوم : هههيييي ميره : يلا احين يايه مريوم : يلا ننطرج وسكرت مريوم من ميره مريوم : يلا امش بنروح الكافيه وبنحصلها هناك بدر : يلا يلا راحو مريوم و بدر الكافيه وقعدو ينطرون ميره الا شوي وتي ميره ميره : اخيرا قعدنا مع بعض مريوم : والله صدق ! بدر : يلا قعدو نطلب شي ميره : ابي سبانش انا مريوم : حتنا بدر : يلا تمام زقر بدر راعي الكوفي وطلب شوي ويي طلبهم ميره و مريوم رفعو الفون يصورون بدر : ايهي بس تصوير وين يدي عنكم ميره : ههههههههه لازم نصور بدر : يالله البنات عاد كل ماشربو كوفي لازم يصورون مريوم : صحيح ميره خلصت تصوير ونزلت الصوره ستوري : يلا مريوم بدور اول واحد يشوف الاستوري بدفع له بدر : جب دفعت ميره : اوه مريوم : نصابه تراها تعرف انك دفعت بدر : اعرف ميره : ههههههههههههههههههههه بدر : خبله ميره : والله اشتقت لما نكون في السياره ونتضارب على الاغاني بدر : عادي هاي واشر على مريوم صدعهههه صدعههه مريوم : احسن عن اغانيك شو عيضه يعني عيضه فنان بس مايطوف رشودي بدر : رشودي بعيونج شو رشودي بعد ميره : ها رشودي ريلها شو فيك بدر ضرب ميره على راسها ميره : اخ اخ امزح اف طيرت راسي مريوم : ههههههههههههههههه ميره : بدور الله يعينك عاد احين مريوم صارت تحب اغاني اصاله و عبدالمجيد و بدر : اخيج عاد من عبدالمجيد ؟ ميره اخيج لاه مريوم : ويييعهههه اخيج بعينكم ايوا احب اغاني مجودي بدر ضربها على راسها ميره :ههههههههههههههههههههه مريوم : خيبه ميرو صدقج طير راسي ! ميره : هههههههههه بدر يضرب مايرحم مريوم : تشنج مخي بدر : واصاله شو تدلعينها ؟ مريوم :ماشي اصاله ميره : ماتستحي الشباب ادلعهم اما البنات لا بدر : اختج يبالها كف ميره : عاد نحن كل واحد جوا في الاغاني مريوم : بدور عراقي ميرو اجنبي وانا تعرفون ميره اخيج بدور عراقي مريوم: هههيييي ها وهو يحححبببب مدري ليش يسـ... بدر قاطعها : مممرريييييومممم !! مريوم اصابع ايدها فوق شفايفها : بالغلط ميره : ششششوووووووو بدر : جب ماشي ميره : لاااااااا شيييييي بدر : قلت ماشي ميره : ممررييييوممم كمللييييي انا خيتكمممم ! مريوم : صحصح بدور شو فيك ترا ميرو مب فتانه بدر : بس يعني مريوم : لا يعيوني المفروض حتى ميرو تعرف ميره : قولللييييي بدر : استغفرالله منج ! مريوم : بدور يحب ميره : مممنننننن بدر : لاتصارخخيييي ! ميره : مممنننننن بدر : ماتفهمين انتي ؟؟؟؟؟ ميره : هههههه اوكيه مريوم يلا لاه قولي من مريوم : لطوف ميره شهقت وبصراخ : ههههااااااهههههههه بدر ضربها على راسها : ويييعهههه ميره : لطوف ماغيرها بنت خالتي ؟ مريوم : ههههيييي ! ميره : من متى ؟ مريوم شافت بدر : صدق من متى ؟ بدر : اصراحه من كنت صغير مريوم تذكرت ميثا وقالت في نفسها يعني بدر كان يحب لطوف من هو صغير وميثا كانت تحبه هو من كانت صغيره ابتسمت مريوم ابتسامه خفيفه لما تذكرت ان ميثا احين ماهمها بدر ونسته اتوقع ان ميثا كانت ماتحب بدر بس كان اعجاب لو كانت تحبه جان مانسته بهاي السرعه وفجاة يا في بالها حمد واللي سوا لها لما ساعدها وابتسمت اكثر ليش احس ان حمد بيكون من نصيبها صدق انه ريال واحس انه مال ثقه ولطيف بس بعد ما احس انه من نصيبها اصلا هو غريب كيف بيكون من نصيبها ميره وبدور كانو يشوفون مريوم فجاة سرحت وهي تبتسم وانصدمو منها مدت ميره ايدها يدام مريوم ميره : هوييييي وين رحتي ايه انتي مريوم استوعبت : ها بدر : وين سرحتي مريوم : هههه لا ماشي وياكم ميره : هي والله واضح وانتي ولا داريه عن الدنيا مريوم ابتسمت : ههههههه لالا ماشي ميره : ماعلينا من سوالف بدور الوصخ بدر : شكلج تبغين ضربه ثانيه ؟ ميره : لا الله يخليك اخاف الضربه الثانيه راسي يطير مريوم : هههههههههههههه تخيلت راسج يطير بدر : طع هاي ميره : على طول تخيلت مريوم الي من زمان ماضحكت من قلبها : هههههههههههههههههههههههههه ميره : خبله ترا مايضحك مريوم مسحت دموعها: والله يضضحككك ميره ضحكت على ضحكة مريوم الخبله : هههههههههههههه غبيه بدر : يلا مريوم غني مريوم : احم بدر : خلاص صوتج خايس ميره : ههههههههههههه مريوم : ابك لاتضحكين ! وشافت بدر بعدني ماغنيت بصفعك بدر : والله يتني لوعه حتى قبل ماتغنين مريوم شافت بدر : هالله عاد من حلات صوتك بدر : لو اغني بدال راشد كسرت الدنيا وخذت منه الاضواء ميره ومريوم نقعو ضحك بدر : خير تضحكون ميره : انا شايف عمرك شو تقول الله يهديك بس يسمعون صوتك بيرفسونك من المسرح مريوم : ههههههههههههههههه صصدددقققق !! بدر : والله ماتستحون لو مب عازمكم على الكوفي ابرك ميره : ههههههههه خلاص خلاص نمزح خيو شوفيك زعلت انت الثاني بدر : ذلفي بس ميره : هههههههه اوكيه مريوم : خلصت الكوفي وسوت عمرها تصيح اااااااااااااااا بدر : لو تصيحين من احين لين باجر ماشي كوفي ثاني مريوم : لليشششش ! بدر : بسج توج شاربه ! مريوم : ااااااااااااااااااااااا ميره : اف صدعه هاي بدر : امشي امشي نروح نقعد عندهم وكملي شربي كرك بدال كوفي مريوم قامت : صحيح قامو ميره و بدر وراحو يقعدون عند اهلهم ام بدر : وين رحتو ميره : ماشي والله قعدنا نسولف اشتقنا نقعد مع بعض ام بدر : اها اليد : مريوممم مريوم : يالله شوفيه يدي اليوم يخوف ام بدر : شوفيج ترا يدج يقلدج مريوم اللي توها تستوعب ان يدها يقلدها جان تنقع ضحك : هههههههههههههههههه اوييههه توييي استوععبببب اليد : غبيه انتي صارلي ساعه اقلدج ريم : هههه صدق مريوم دوم جي تحن على يدي مريوم : ههههه يدي حرام عليك ميثا قامت كانت بتروح بس مريوم و ريم فجاة رمسو مريوم و ريم في نفس الوقت : وويييننن ميثا استغربت : بسم الله شوفيكم مريوم : وين بتروحين ؟ ميثا : بروح اخذلي كيكه مريوم : ماطولين تروحي بسرعه وترجعين ميثا انصدمت : تمام وراحت عنهم ميثا الكافيه و وقفت طابور وصل دورها وشافت كيكه كانت حلوه وتشهي وكان شي اخر حبه منها ميثا كانت بترمس تقول حق الريال يحط لها من الكيكه بس الصوت سكتها حمد : لاااااا انا ابيهاااا ميثا : ويعه انت ماتوب كله تلحق وراي ؟ حمد : عاد لوعتي جبدي من قال اني الحق وراج ميثا : كل مارحت مكان شفتك ماصارت صدفه ! حمد : والله صدفه وشاف الكيكه ماتاخذينها ميثا : تخسي باخذها حمد : لا الله يخليج ابيها ميثا : نزين حتى انا ابيها حمد : شسمج ؟ ميثا : وانت شكو ؟ حمد : صح مايخصني تمام ميثا : اذلف بس حمد : تمام وراح عنها ميثا شافته لين اختفى فجاة عن عيونها وقالت في نفسها شوفيه ليش جي صار يعاملني ليكون كله من الفاظي بس صدق بعد انا الغبيه شو اذلف عيب اقول حق حد غريب اذلف !! انسدت نفسية ميثا وحتى ماخذت الكيكه كانت بتروح بس تذكرت شي رجعت وخذت الكيكه وراحت تدور عليه وشافته كان واقف بعيد يشوف الجو راحت عنده ومدت بوكس الكيكه ميثا : امسك لف حمد وشافها بستغراب : شو ؟ ميثا : خذتها لك حمد : مو تقولين اذلف ؟ ليش احين يايه ميثا : لا مب قصدي اذلف صدقني بالغلط طلعت مني حمد : مشكور مابي شي ميثا : نزين اذا ماتبيها عط حق اخوك الصغير حمد : ولا اخوي الصغير يبغيها ميثا حست بحزن : يلا عاد لاترمسني جي حمد لف وشاف ويها الي كان واضح انها زعلانه : ليش ها الزعل كله ميثا : انت ليش جي ترمسني حمد : كيف تبغيني ارمسج ؟ ميثا سكتت ونزلت راسها حمد : ارمسج شرات اي بنت عاديه ميثا انجرحت منه وراحت شوي عنه بس وهي رايحه حد يا عندها الريال : هلا بزين ميثا انصدمت وهي تشوف الريال وقالت في نفسها وهي سرحانه وتشوف الريال خيبه كل الي في السفينه عرب شو الريال : ليش الحلوه سرحت ادري اني حلو ماله داعي تسرحين فـ... ماكمل الريال كلامه الا ويي على ويهه بكس قوي خله يطيح على الارض من قوته خافت ميثا ورجعت ورا وشافت حمد الريال قام من على الارض وضرب حمد وحمد رد له الضربه وصارو يتضاربون لين شوي شوي يو الناس عندهم وفكوهم عن بعض راح الريال عنهم وهو معصب وميثا على طول راحت عند حمد ميثا : حمد تعورت ؟ حمد : ومستانسه وانتي سرحانه في ويهه ؟ ميثا : نعم ؟ حمد دز ميثا وراح انصدمت ميثا منه وتضايقت شالت كيس الكيكه وراحت عند طاولة اهلها وقعدت مدت الكيس حق مريوم ميثا : هاج انزحري مريوم انصدمت منها : طع هاي شوفيج ! ميثا بعصبيه : مافيني شي !! مريوم : بسم الله رحتي تاخذي كيكه ليش رجعتي جي ميثا شافت مريوم بعصبيه وصراخ : تحقيق هووو ؟؟؟ اليد : ميثاااااا ! لاتصارخين انصدمت مريوم بس تمت ساكته ولفت ويها عن ميثا و ميثا فتحت فونها تشوفه قام ذياب عنهم وراح يتمشى مريوم لفت وشافت روضه وهمست : هي روضه : ها مريوم : شو بلاها هاي روضه : ماضحكني غير لما قالت انزحري مريوم : حسيت ! جني انا اللي طالبه منها تيب كيك روضه : هاي ميثا خاشه وراها شي مريوم لفت تشوف ورا ميثا و روضه ضربت مريوم على راسها مريوم مسكت راسها ولفت تشوف روضه : بلاج اي راسي ! روضه : ليش لفيتي تشوفين ورا ميثا ! مريوم : انتي تقولين خاشه وراها شي ! روضه : بفهم انتي يايبه ها الغباء من منوه ياخي بفهم مريوم : ليشششش روضه : يعني انا قصدي انه ميثا عندها سر مريوم : اح سر ونحن مانعرفه روضه : هيييي مريوم : انا اعرف شي عن ميثا روضه : شو ؟ مريوم قالت لها سالفة ميثا وحمد الي تعرفه عنهم روضه : اح هو نفسه الي كان يشوفها وهي تصيح ؟ مريوم : ههييي روضه : اونههه مريوم : والله صدقيني احس بيصير بينهم شي روضه : عيب شوها الحجي مريوم : لااااا قصدي ان بيصير من نصيبها روضه : هي اول خلها تتخطى بدر مريوم : ياحبيبتي اصلا ميثا ماكانت تحب بدر روضه : عيل ؟ مريوم : بس اعجاب ! روضه : كيف تعرفين ؟ مريوم : لانها تخطته من زمان حبيبتي واحين احس انها انجذبت حق حمد روضه : اونههه مريوم : والله حبيبتي تراني اعرفكم عدل واعرف لما تتغيرون روضه : هههه والله احسج تعرفينا اكثر من روحنا مريوم ابتسمت روضه : يعني حمد و ميثا بينهم شي مريوم : عيب شوها الحجي توج تقولين عيب لا مابينهم شي روضه : اههاااا مريوم : احسها بتصير شراتج انتي و سيف روضه: يعني بيطلع حمد يقرب لنا مريوم : اكره الغباء اللي فيج والله روضه : انتي تقولين شراتنا ! مريوم : قصدي ان جوفي انتي شفتي سيف صدفه وطلع يقرب حق ذياب صح ؟ روضه : صح مريوم : وهاي ميثا شافت حمد وفجاة صدفه طلع اخو ربيعتي روضه : ههاااهههه ! مريوم : ههييي ياغبيه حمد اخو مزنه ربيعتي روضه : جذابه مريوم : والله !!! روضه : اويييهه يضحك ماتخيل يصير بينهم شي مريوم : ياحبيبتي مابيصير شي يبيها ايي يخطبها مايبيها يذلف ماعندنا حركات عشق بشق روضه : صحيح بنت العمه مريوم : حتى انتي هاه روضه : انا شكو ؟ مريوم : قولي حق سيف يبغيج ايي يخطبج مب يسوي حركات عشق بشق روضه ضربتها على راسها : لفييي ويهج عنييي ! مريوم : هههههههههه امزح امزح شوفيج طيرتي راسي روضه : انتي روحج تسوين حركات عشق بشق مع ذياب مريوم استحت : شوفيج ولد عمي روضه : هههه ماشاءالله ؟ حلفي انتي بس ؟ مريوم : بس بس جب روضه : اذكرجججج لما كنت تقولين ماحبه ومابيه مريوم : لو سمحتي صدق ماحبه روضه : تراك واضح واضح مريوم : اص ولا كلمه روضه : ههههههههههه نقلب الكلام عليج مريوم : نننننننن ولفت ويها عن روضه شوي الا ويقول سيف ويروح بعيد عنهم مريوم شافت سيف وعقب لفت تشوف روضه : شوفيهم الشباب كل شوي واحد قام يتامل الجو والبحر روضه : مادري مادري وقامت سحبت على مريوم وراحت ورا سيف مريوم شافت روضه بصدمه وقالت في نفسها صدق ماتستحي على ويها !! اليد : وين رايحه رويض مريوم لفت وشافت يدها : مادري بها بنتك الصايعه ام بدر : مريوم عيب ! مريوم : ابشر لفت مريوم وشافت ميود : هي انت مايد رفع راسه وعقب حواجبه : نعم ؟ مريوم لما شافت ميود على طول تذكرت مزنه ونقعت ضحك اليد : بلاها هاي الخبله مايد : شدراني عنها مريوم : ويهك يضحك مايد : شفتي ويهج مريوم : احم انا جميله طالعه على يدوتي مايد : ويع اليده شافت ميود : نعمممم مايد : قصدي يدوتي انتي حلوه بس مريوم ويع مريوم : ههههههههه راح فيها الحبيب مايد : ذلفي مريوم لفت وشافت ابوها : صححح يببههه ابو بدر : ها يبه مريوم : اللي في السفينه نصهم عرب ! ابو بدر : هي ترا هاي الجزيره اكثر العرب يروحون لها عشان جي حزت هناك ربيعي قال لي عنها ام بدر : وبعد لاتنسين ان احين اجازه يعني الكل يسافر مريوم : صحصح ميثا قالت صوت خفيف : خرا عليهم مريوم سمعتها لانها كان قريبه منها لفت وشافتها : على منوه ميثا : من رمسج انتي ؟ مريوم : قفطه ههههههههههه ميثا لفت عن مريوم وكملت تشوف الفون : خبله يت حق مريوم رساله من الانستا فتحتها وشافت من ميود ميود "ابغي ارمسج" مريوم " وش تبي ؟ " ميود " فكينا ابي ارمسج في موضوع " مريوم " مهم الموضوع ؟ " ميود " مادري لا " مريوم " عيل اذلف " ميود " اوهو مريوم !! " مريوم " طيب طيب روح انت اول وانا بيي وراك " ميود " خلاص تم " سكرت مريوم فونها وقام ميود راح شوي بعيد عنهم شوي الا وتقوم مريوم وتروح وراه راحت عنده وشافته ينطرها مايد : سنه ! مريوم : ها فكنا تراك رايح بعيد مايد : المهم مريوم : بسم الله احس السالفه قويه شو مايد : شوفيج مب قويه ولا شي مريوم : عيل فكنا شو مايد : تعرفين هاي البنت اللي كانت معاج مريوم فهمت مايد بس كانت تبغي تستغبي عليه : منوه ؟ مايد : اوهو مريوم هاي اللي كانت معاج مريوم : وين كانت معاي مايد : تتقهررييننن مريوم : ههههه شوفيككك مايد : مريوم اللي لما شفناج معاها انا وذياب مريوم : هههييييي مايد : ايوااا زين تذكرتي مريوم : نزين ؟ شوفيها ؟ مايد : هاي متزوجه ؟ مريوم انصدمت : بل عليك هاي بعمرنا مايد بحماس : صدق ؟؟ مريوم استغربت على حماسه : هي صدق مايد: نزين هي تحب ؟ مريوم : ونت شكو ؟ مايد حك شعره : ااااا مريوم : اااا ؟ مايد : ياغبيه يعني انتي فهمي مريوم : حطيت عينك عليها هاه مايد : استحي على ويهج مريوم : طع ويهك ! عيل ليش تتفلسف عندي مايد : نزين يعني هي تحب ولا ؟ مريومم : همممم ماعرف مايد : اف مامنج فايده خلاص ذلفي مريوم : ههههههه صبر بقولك بس تعزمني على كوفي مايد : بتموتين مريوم : انا بموت ولا انت مايد : انتي مريوم : خلاص عيل ! مايد : بس تجاوبي على سوالي اول مريوم : ابشر بس عطني بطاقتك اول مايد مد البطاقه لها مريوم : اول شي لا ماتحب حد ثاني شي يلا هات رقم البطاقه مايد هاج ... مريوم راحت على طول الكوفي وميود رجع عند اهله عند روضه الي راحت عند سيف و ببووو سيف لف وشافها ابتسم سيف : ترا ماخفت روضه : اوهوووو ليششش سيف : لانج ياهل ماتخوفين روضه : تخسي اكبر عنك سيف : ها من اكبر عني ؟ روضه : انا شو مب تارسه عينك سيف : احين انتي اكبر عني ؟ روضه : هي نعم سيف : بكم سنه ؟ روضه : هممم عشر سنوات سيف : خيبه عيوز روضه : عيوز بعينك ! سيف : عيل انتي تقولين اكبر مني بعشر سنوات روضه: هي بس عاد مب عيوز سيف : عيوز روضه : لا ! سيف : هي روضه : خلاص اذلف روضه سوت عمرها بتروح وشافت سيف ماقال لها شي لف سيف يشوفها وشاف ويها البريء سيف : ههههههههههه مسك سيف ايد روضه وسحبها عنده نمزح مع ها الويه ليش جي تشوفيني روضه مادا بوزها : انت تقول اني عيوز سيف : انتي قلتي انج اكبر عني بعشر سنوات لاه ! روضه : حتى لو المفروض ماتقول لي عيوز ! سيف : عادي عيوزتي روضه : تخسي سيف : افا يعني انتي مب عيوزتي ؟ روضه : لا مابيك سيف هدها : خلاص عيل حتى انا مابيج روضه : اول قول لي سيف : شو ؟ روضه : من هايل الي يلحقونا ؟ سيف استغرب وانصدم : منوه يلحقنا ؟ روضه : سيف انا مب غبيه ! سيف : شو ليش جي تقولين روضه : ترا احيد قبل ماني السفينه لما كنا في البيت انت قلت لي انتبهي على عمرج ومن هاي السوالف وانا من ذاك الوقت حسيت ان فيه شي وتم كلامك طول الوقت في بالي لين اليوم تاكدت انه في شي سيف : وكيف تاكدتي ؟ روضه : اليوم لما كنا واقفين عند المصعد شي واحد من بعيد قالي لي تعالي سيف مسك كتف روضه : شو صار عقب سو لج شي ارمسي !!! روضه : سيف سيف اهدا شوفيك ترا كنت وياك طول الوقت كنت معاك كيف بيسوي فيني شي سيف : بعدين شو صار وليش ماقلتي لي ! روضه : لما ييت ابي اقولك اختفى فجاة سيف : حمدالله روضه : من ها و شو السالفه سيف ارمس ! سيف : ماشي شي روضه روضه : الا فيه شي ! سيف : مافي شي بس اكيد الريال كان قصده حد ثاني مايقصدج انتي روضه : سيف !!!! انا تلفت بس ماشفت حد يشوفه كان يقولي انا ! سيف : شفتي شكله ؟ روضه : لا كان مغطي عمره ماشفت شي سيف : خلاص عيل مافي شي صدقيني روضه : ليش تخش عني نزين قول اذا فيه شي ليش تخليني اخاف ! سيف مسك كتفها : يعيوني ليش تخافين كلنا معاج تخافين من شو روضه وخرت ايده من كتفها : انت ماراح ترتاح الا لما يصير لي شي عقب بتي تقولي كل شي نذل وراحت روضه عنه وسيف انقهر حط ايده في شعره ولف يشوف البحر راحت روضه وقعدت عند الباقين كان فون ميود يطلع اصوات رسايل ماتوقف اليد : ميود لوعت جبدنا شوف شوها الرسايل ! مايد : اكيد واتس اليد : نزين تأكد شاف مايد فونه وصرخ فجاة : بططاااققققتتتتيييييييي رفع فونه على طول عشان يتصل في مريوم بس للاسف مريوم ماردت عليه اليد : شوفيك ! مايد : الجلبه عطيتها بطاقتي واحين يالسه تصرف خلصت البيزات اللي فيها ماتوقف من الصرف ! اليده : تستاهل عيل في حد يعطي بطاقته حق مريوم مريوم عاد ! هزاع : سلم على بيزاتك يالحبيب مايد قام كان بيروح يدور على مريوم بس شافها راجعه راح صوبها على طول وضربها اليد : ميود عيب مريوم : ااايييي للييششششش مايد : وين بطاقتي !! مريوم مدت له البطاقه : هاك مايد شاف ايد مريوم كله متروسه كياس : خيبه عليج قلتي كوفي بس !!! مريوم : شفت كيكات تهبل جان اخذ من كل كيكه نوع مايد : طارت بيزاتي مريوم : صح وبعد رحت كافيهات ثانيه خذت انوع الكيكات مايد : الله يغربلج حد قال اني اصرف علييجج ! مريوم شافت : نحن شو قلنااااا هاااهههه مايد سكر حلجها : خلاص جب جب كليهم غصه بس سكتي مريوم : هع راحت مريوم وقعد شافت روضه وكان واضح انها منفسه مريوم : يبت كيك كلي معاي روضه : انزحري بروحج مريوم : غصه عليج بلاج انتي بعد روضه : مافيني شي مريوم : يالليل منهم ميثا شافت مريوم : مريوم مريوم لفت وشافتها : ها ميثا : قومي نتمشى شوي ابي اقولج شي مريوم : ايهي توي قعدي ميثا : يلا قومي ! مريوم : ابا اكل كيك لاه ! ميثا : اكلي وانتي تمشين مريوم : كيف جي بعد ميثا : ييلاااا !! مريوم : اف اوكيه اوكيه عطت مريوم الكياس حق امها هاج امايه وزعي حقهم هزاع : عطوني عطوني اشوف شو يبتي ابا كيك مريوم قامت : يلا قومي قامت وراها ميثا وراحو يتمشون مريوم : ها ميثا قولي ميثا : مريوم انا الفاظي خايسه ؟ مريوم شافت ميثا وابتسمت : ليش شو صار انتي ماتقولين جي الا اذا صار شي ميثا : همممم مريوم : يلااا عاد مسويه مستحيه قوللييي ميثا : سمعي مريوم تذكرين لما رحت اخذ لي كوفي ؟ مريوم : ايوا عقب رجعتي وانتي منفسه ليش ؟ ميثا : تخيلي في الكوفي كان شي اخر حبة كيك اوكيه مريوم : اوكيه ؟ ميثا : انا كنت حاطه عيوني عليها ييت ابي اطلبها جان فجاة يطلع لي حمد ويقول لاااا ابيها مريوم : كملي ميثا : جان انا اقوله ويعه انت ماتوب كله تلحقني هو قال انه مايلحقني وجي عقب تضاربنا على الكيكه اخر شي قالي شسمج ؟ قلت له مايخصك جان يقول تمام عقب قلت له اذلف مريوم : وليش تقولين له اذلف ؟ ميثا : ليش ؟ مريوم : احس عيب يعني ماتعرفينه ولا شي على طول تقولين اذلف ترا شي شباب مايحبون حد يقولهم اذلف ميثا : اونه عشان جي راح ؟ مريوم : مادري يمكن هو بالعاده يتضارب معاج ويعاند صح ؟ ميثا : هي صح مريوم : عيل اكيد لانه قلتي له اذلف هو راح لانه مايحب حد جي يقوله يعني كل شي الا الكرامه ميثا : ماتوقعت مريوم : لانج غبيه بس صبر ؟ ميثا : ها مريوم : كله ها الزعل ومعصبه بس عشان جي ؟ ميثا : لاااااااااا مريوم : ويعه لاتصارخين عيل ميثا : يعني تعرفين ان بنت عمج طيبه مريوم : قصي على عمرج ميثا : وحنونه مريوم : نقع الصارخ من الخرط كملي ميثا : وكريمه مريوم : ايوا ايوا ميثا : رحت خذت الكيكه ورحت عنده مريوم : اونههههه ميثا : والله مادري كيف سويتها بس مريوم كسر خاطري وايد جان اروح واخذ له الكيكه مريوم : والله انج جريئه على حنونه ميثا : المهم رحت له وعطيته الكيكه وقلت اني خذتها لك مريوم : ككيييوتتتت عقب شو صار ؟ ميثا : قال لي مو قلتي اذلف ليش احين يايه مريوم : خلاااصصصصص الاخ وضح كل شي بعد مستغربه ليش راح عنج ! ميثا : لاااااا السالفه مب هني خليني اكمل مريوم : ها كملي ميثا : قلت له نزين عط حق اخوك قال اخوي بعد مايبغيها مريوم : والله انه خريط اخوه الصغير زيود ياكل الأخضر و اليابس ميثا : ههههههههههه جلبه مريوم : والله صدق في ياهل مايبا كيك ميثا : خليني اكملللل مريوم : شقيتيني كملي ميثا : هو اصراحه بس في كلمه وحده من بين كل ها الكلام اثرت فيني مريوم بحماس : ها ها شو ميثا : قلت له وانا زعلانه يلا عاد ليش جي ترمسني جان بقول ليش كل ها الزعل قلت ليش ترمسني جي قال كيف تبغيني ارمسج عقب انا سكت وقال ارمسج شرات اي بنت عاديه مريوم : اح حلفي جي قال ؟ ميثا : والله ! ها اللي جرحني ياخي شو قصده مريوم : يعني مايشوفج شي عادي شرات اي بنت يشوفج ميثا : حتى انا جي قلت من البدايه بس عقب صار شي مريوم تحمست: ععشششووو شششووو ؟ ميثا : ويعه لاتصارخين ! مريوم : نزين يلا قولي ميثا : انجرحت لما قالي جي ورحت شوي بعيد عنه الا ايي واحد يتحرش مريوم شهقت وخافت عليها مسكت كتفها : شو صار سو لج شي ؟؟ ميثا استغربت من مريوم ومن ردت فعلها : لا مريوم بس كان يقولي هاي السوالف اللي يحلوه وجي مريوم : شو صار عقب ! ميثا : قال لي هلا بزين انا وقفت سرحت شوي وانا اشوفه مريوم : ههاااههههه ماتستحين !! ميثا : لاااااا صدقيني لما سرحت اشوف الريال كنت اقول في نفسي ان شو السالفه السفينه فيها وايد عرب بس جي كنت سرحانه فيه وافكر مريوم : مالت عليك وعقب ؟ ميثا : عقب يا حمد وضرب الريال بكس اقوله طيحه على ويهه مريوم : خيببهههه ميثا : عقب الريال قام ورد البكس حق حمد وصارت ضرابه عقب الناس يت تفججهم عقب لما راح الريال اما على طول رحت اجوف حمد لانه مريوم البكس كان واضح انه يعور ! مريوم : عقب ؟ ميثا : رحت اجوف حمد قلت له تعورت ؟ جان يقول مستانسه وانتي سرحانه في ويهه مريوم : اووويييههههه ها شفيه ليكون غاررررر ميثا استحت : لاااااا وين ماتوقعععع مريوم : كملي ميثا : يعني مريوم انا انصدمت قلت له نعم ؟ جان يدزني ويروح مريوم : خير انتي خايفه عليه وهو جي يسوي ! ميثا : وتلوميني لما يت عندك معصبه ! مريوم : نزين انا شكو تفرين الكيكه علي وتقولين انزحري ميثا : هههههههههه والله اسفه كنت مقهوره مريوم : بس صدقيني انه غار ميثا : لا وين توي اعرفه مسرع بيغار علي مريوم قالت في نفسها ليكون هو سوا جي لانه تحرا الريال واحد من اللي خطفوني وكان بس بيدافع عنها عشان ماتنخطف شراتي ميثا شافت مريوم سرحانه ومدت ايدها : ههوووييي مريوم استوعبت : ها ميثا : شو كنتي تقولين مريوم : والله شوفي اصراحه انا ماعرف ليش جي سوا بس بعد كيوت لانه ماحب حد يقرب منج ميثا : شدعوه يعني تخيلي اللي قرب مني بدال الريال واحد من هلي مريوم : شدعوه ترا واضح لو كان واحد من هلج ولا غريب ميثا : احس بعد صح مريوم : شو كان لابس اللي قرب منج ؟ ميثا : مادري ذوقه خايس كله لابس اسود مريوم انصدمت : ليكون يشوف بعيون وحده ؟ ميثا : ههههييييي !! مريوم شهقت : عشان جي ساعدج !!! ميثا استغربت : كيف تعرفين وليش ساعدني مافهمت شي مريوم صار تتلفت تدور على ذياب وشافته بعيد كان واقف وايد بعيد مريوم : ميثا روحي بسرعه قعدي عند الباقين وانا بروح شوي عند ذياب ميثا : مريوم شو السالفه !!! مريوم : ماشي سالفه يلا بروح بسرعه روحي ميثا : تقهرين نزين راحت ميثا عن مريوم و مريوم راحت ركض عند ذياب كانت قاعد تركض وبالغلط دعمته و ذياب لف وشافها ذياب : خيبه عليج دشيتي فيني مريوم مسكت ايد ذياب : ذيييياااببب !! ذياب شاف مريوم بخوف : بلاج صار شي بعد ؟؟ مريوم : الريال بو عيون وحده راح عند ميثا ذياب : وينهم وين راحت ؟؟ مريوم : لا تخاف ميثا بخير ذياب : عيل شو صار شو السالفه ؟؟ مريوم : اسمع بقولك السالفه من البدايه للنهايه ذياب : صح بعد قولي شو صار لج امس مريوم : تمام قالت مريوم له السالفه كلها من لما عطوها ابره لين خطفوها لين يا حمد وساعدها بس ماقالت له انهم ضربوها على راسها ولا قالت له ان الكف وعقب قالت له عن ربيعتها مزنه وانها ساعدتها وقالت له عن سالفة ميثا لما يا عندها وقال لها هلا بزين ولما حمد ساعدها ذياب عقد حواجبه : من حمد ها ؟ مريوم : ذياب انت خليت كل شي وركزت على حمد ! ذياب : قلت لج من حمد ! مريوم : اوهو حمد اخو مزنههه ذياب : والله ماقصر مريوم : اي والله ذياب ساعدنا مرتين ذياب : بتفاهم معاه عقب مريوم خافت : كيف يعني شو بتسوي ؟ ذياب : شوفيج مابسوي شي بس بشكره مريوم : متاكد ؟ ذياب : خبله انتي اسوي فيه شي وهو مساعدكم ! مريوم : هي زين بس ذياب لين متى بيتم جي يلحقون ورانا ! ذياب : هم خوافين بس يلحقون وراكم والله لو فيهم خير خلهم ايون عندنا مريوم : بس ذياب ! ذياب : ها ذياب مريوم : شو بنسوي ! ذياب : وصح انا مو قلت لج انكم اتمو مع بعض ؟ مريوم : والله نسيت هي قالت لي بتروح هني تاخذ كوفي وترجع ماتوقعت انها بتروح اخر السفينه ! ذياب : وهي شو ماخذها اخر السفينه شو كانت تسوي هناك ؟ مريوم توهقت : هممم اتوقع قالت انها بتروح تاخذ كوفي وعقب بتروح تصور ذياب : تروح تصور اخر السفينه ؟ مريوم : ايوا تبي تصور مع البحر ذياب : لا والله ؟ مريوم : شدراني هي قالت جي ذياب : شفت في اخر السفينه ضرابه وهواش وناس متيمعه بس كنت متعايز اروح اشوف شوفيهم مريوم قالت في نفسها وي حمدالله ماراح هناك كان ميثا الغبيه راحت فيها ذياب : هووييي وين رحتي مريوم : هلا قلت شو بنسوي فيهم ؟ ذياب : والله بس انا ابي واحد منهم يطيح في ايدي مريوم : وانا مابي واحد منهم يطيح في ايدك لو يطيح في ايد سيف ولا باقي الشباب اوكيه بس انت ماعندك تفاهم بتذبحه انت وهزاع ماعندكم تفاهم ذياب : وانا ابغي اذبحه مد ذياب ايده ومسك راس مريوم مكان الضربه لانه اعرف ان هم اللي جي سوو فيج مريوم حطت ايدها فوق ايد ذياب وابتسمت : مايعور ذياب : حلفي ؟ مريوم : عاد ذياب مب على كلشي احلف ! ذياب بقهر : والله بس خلني امسكهم والله اذبحه اذبحه عيل ها الكلب جي يسوي فيج والله انسيه عيشته مريوم : شوف شوف عضلاتي ترا كفختهم ذياب ابتسم على لطافتها : هي اشوف كسرتيهم بعد مريوم : ههههههههه والله صدق لو ماكنت مربوطه جان علمتهم شغل الله ذياب : مريوم مريوم : هلا ؟ ذياب : تذكرين مكان اللي كانو رابطينج فيه ؟ يعني وين كانو رابطينج وخاشينج؟ مريوم : لا والله ذياب ماذكر شي اصلا انا ماعرف وين ها المكان كان جنه مخزن يعني كله كوارتين ذياب : لو تذكرين جان رحنا هناك يمكن نحصل دليل مريوم : بس ذياب حمد اكيد بعرف ! ذياب : وين بنحصل حمد ؟ مريوم : والله ماعرف ذياب : احين العصر بتوصل السفينه ما اتوقع نلحق ونحصله مريوم قالت في نفسها ههاي والله ميثوه بطلعه لك حتى لو كان تحت الارض ذياب : هوووييي شوفيج وايد تسرحين مريوم : كم باقي ونوصل ؟ ذياب : اتوقع ساعتين مريوم : اف ماشي وقت ذياب : لازم نحاول نوصل المكان اللي ربطوج فيه ونحصل حمد عشان نروح هناك مريوم : ماعليك انا عندي خطه عشان نحصل حمد ذياب شافها وهو عاقد حواجبه : نعم ؟ مريوم توهقت : هههههه شوفيك ترا حمد اخو ربيعتي ذياب : اهاااااا مريوم : هي ذياب : عيل اتصلي فيها بسرعه مريوم : يلا تمام رفعت مريوم الفون تتصل في مزنه بس للاسف ماردت عليها مريوم : ماترد ذياب : استغفرالله !!!! مريوم : ماعليك ذياب في ها الساعتين راح نحصله ان شاء الله ذياب : لازم نحصله مريوم : هي صح وانت ! ذياب : ها مريوم : انت اللي كاسر المرايا صح ؟ ذياب يت له ضحكه : انا شكو مريوم : لاتخرط اعرفك عدل لما تعصب !!! ذياب : هههههههههههه والله ماتوقعت ان المرايا كل ها السعر وانهم بيحطون عليج ! مريوم مدت صبعها عليه : يعيوني لازم انا اللي بتورط في السالفه دام انت اللي كاسرها ! ذياب عض صبعها عضه خفيفه ومريوم على طول وخرت صبعها مريوم : ايييي حتى صبعي تبي تاكله ! ذياب مسك ايدها : حلو صغيرون مريوم : وخر لاه ذياب شاف سوارة امه : ايدج محليه الاسواره مريوم استحت : ذيييااببب خلنا في موضوعنا ! ذياب : هههههههه اوكيه اوكيه مريوم قالت في نفسها يزينك ونت تبتسم بس ذياب : اقول وايد صايره تسرحين يلا امشي فكينا مريوم : هههههههه يلايلا راحو ذياب و مريوم ورجعو عند الاهل وشافو كلهم قاعدين ابو بدر : يابويه وين كنتو ذياب : ماشي عمي كنت اتمشى جان احصل بنتك الغبيه في ويهي ميثا قالت صوت خفيف : في ويهك عيل مريوم سمعتها وضربتها على راسها ابو بدر : نزين يلا قعدو تغدو عقب روحو جهزو اغراضكم لانه عقب شوي بنوصل مريوم شافت ميثا : ميثوه ميثا : ها مريوم : اروم ارمسج ؟ ميثا : ليش ؟ مريوم : بقولج شي ميثا : هي اكيد كانو ميثا ومريوم بيروحون بس صوت اليد وقفهم اليد : على وين ماتبغون تتغدون ؟ مريوم ابتسمت : لا يدي مب يوعانه ميثا : حتى انا اليد : نزين يلا بسرعه عقب روحو الغرفه جهزو اغراضكم مريوم وميثا : ان شاء الله وراحو عنهم شوي يتمشون بعيد عند سيف اللي كان ياكل وهو منفس وذياب شافه ذياب : هي انت بابا نويل سيف شاف ذياب بستغراب وقعد يتلفت ذياب : شوفيك تتلفت اقصدك انت سيف : شكو بابا نويل احين ذياب : هههه اسمع لازم تعرفون اشياء صارت سيف : حتى انا عندي شي اقوله ذياب : يوعان ؟ سيف : له ذياب شاف ميود وهزاع وسو لهم بعيونه قومو مايد : ابا اكل ذياب : عساك الغصه قوم ! مايد : نزين قامو الشباب وبعد صوت يدهم وقفهم اليد : على وين انتو بعد ذياب : بنتمشى شوي اليد : ماتشبعون من المشي ! ام بدر : صدقه يدكم توكم راجعين سيف : ههههه المشي رياضه اليد : روح روح بس ابتسمو الشباب وراحو نرجع عند مريوم و ميثا اللي كانو يتمشون ميثا : ها مريوم مريوم : سمعي ابيج تيبين حمد ميثا استغربت : جلب هو ايبه ؟ مريوم : ياحماره مب قصدي جي بس ابيه في موضوع ميثا استغربت اكثر : نعم شو الموضوع الي بينكم ؟ مريوم : مب انا اللي ابيه ذياب يبيه ميثا خافت : ذييااابببب !! مريوم : لاتخافين لاتخافين ماراح يسوي شي بس بيتعرف عليه ميثا : ليش مافهمت ؟ مريوم : رمست ذياب عن حمد وعجبه اسلوبه وكلشي وقال قولي حق ميثا ابي اتعرف عليه ميثا بعدها مستغربه : غريبه مريوم : حتى انا مصدومه شراتج بس بعد شو نسوي ذياب يبا يتعرف عليه ميثا : نزين وانا كيف ايبه مافهمت انا شو عرفني وينه اتصلي في اخته ختقوله! مريوم : هني المشكله مزنه ماترد ميثا : نزين انا من وين بحصله مريوم : ميثا انا واثقه انج بتحصلينه الله يخليج نبيه ضروري لاتسالين وايد الله يخليج ميثا حست ان الموضوع فيه شي وصدق يبغونه : خلاص تم بدور عليه مريوم : هاي مزنه الحيوانه لو ترد الدنيا بتكون بخير ميثا : نزين وين ادوره احين ؟ مريوم : ما ادري ميثا انتي اللي شوي تعرفينه تذكري وين ممكن تشوفينه ميثا : خلاص تم بس اول شي بروح اجهز اغراضي عشان عقب افضى عدل وادور عليه مريوم : يلا تمام كانت ميثا بتروح بس مريوم مسكتها مريوم : خير وين ؟ ميثا : انتي تقولين دوري عليه مافهمت لج ترا ! مريوم : انا بيي معاج اكيد ! ميثا : نزين يلا امشي نروح نجهز عقب ندور عليه مريوم : يلايلا راحو مريوم و ميثا غرفتهم عصب يجهزو الاغراض عقب يدورو على حمد نخليهم ونرجع عند ذياب و الباقين ذياب قال لهم السالفه وكل اللي قالته مريوم له هزاع ضرب الطوف قوي بيده : خرااا عليهمم والله بس خلني امسكهم ماراح اخليهم الا لما اذبحهم والله لا اذبحهم ذياب شاف هزاع وتذكر الكلام الي قالته مريوم ذياب : مريوم قالت كلهم شافو ذياب بستغراب ذياب : قالت الله لايحطهم في ايدك انت ولا هزاع راح تذبحونهم الله يحطهم في ايد ميود وسيف هايل يقدرون يمسكون اعصابهم مايد : والله فاهمتنا مريوم سيف ابتسم وهو يتذكر مريوم : صح اني توي اعرفها بس احسها صارت تعرفني عدل وتعرف اشياء وايد عني هزاع : لازم صرت من العائله لازم بتعرف عنك كل شي مايد : والله صدق انا ودي اشوف ابو عيون ذياب : ابو عيون ؟ مايد : مريوم جي تزقره هزاع : هي صدق ماتنلام لو زقرته جي لانه صدق يشوف بعيون وحده ذياب تذكر : صصحححح انت الوحيد اللي شفت شكله صح ؟ هزاع :هي لما كان يرمس ريم سيف : نزين واحين حتنا عندي شي اقوله لكم كلهم شافو سيف مايد : شو صار بعد ؟ سيف شاف مايد : عن اختك مايد : اي اخت !!!!! سيف : روضه مايد : شو صار ارمس بسرعههه !!؟؟؟ سيف : الصبح لما كنا رايحين عند الاهل فوق كنا واقفين ننطر المصعد لين يتبطل روضه لفت الصوب الثاني وشافت ريال يقول لها تعالي ذياب حس شياطين الدنيا كلها تدور فيه : شوصارررر بعدييينننن !! مايد : شو صار ارمس !! سيف : روضه كانت تبي تتاكد اذا الريال يقولها هي تعالي ولا حق حد ثاني صارت روضه تتلفت تشوف اذا في حد يشوف الريال بس ماشافت حد يشوفه عقب لما رجعت تشوف الريال ماحصلته مايد عض شفايفها قوي : طاعون يطعنه هزاع : حمدالله كنت معاها ! ذياب : ترا البنات حمير لازم نحن نحط عيونه عليهم ! هزاع : السموحه ذياب بس اصراحه مريوم مايعتمد عليها بشي ذياب : عشان جي قلت انهم حمير هزاع : اولهم مريوم ذياب : وصح احين بقولكم عن حمد هزاع : قلت لنا ان حمد هو الي ساعد مريوم ؟ ذياب : هي هزاع : وبعد هو الي ساعد ميثوه ؟ ذياب : بعد هي هزاع : خلاص ها احسه قوي خلوه معانا في الفريق سيف : على كيفه ها اونه خلوه معانا في القروب مايد : لا ماراح نخليه معانا ذياب شاف ميود مايد : لانه مانبي عقب هو اللي يبتلش معانا ويصير فيه شي وبعد عادي يصير في اهله شي عقب هايل الي يلحقون ورانا عادي يتحرون حمد معانا ولا من اهلنا وعقب يسببون الاذا له ولي اهله مانبيهم يتمشكلون في سالفه هم مالهم خص فيها ذياب : صح كلام ميود مايستوي نخليه معانا هزاع : صح صح كلامكم سيف : عيل شو كنت بتقول عنه ذياب ؟ ذياب : كنت بقول اني ابيه ايي معاي ويدلني وين المكان اللي حبسو مريوم فيه لانه هو الوحيد اللي يعرف المكان هزاع : مريوم ماتعرف ؟ ذياب : مريوم قالت لي انهم كانو حاطينها في مكان كله صناديق مايد : يعني شرات المخزن ؟ ذياب : اتوقع هزاع : و وين تتوقعون مخزنهم ؟ ذياب : هني المشكله اني ماعرف عسب جي ابيه ايي معاي سيف : وكيف بتخليه ايي معاك ونت ماتعرف عنه شي ؟ ذياب : في ها الموضوع مريوم راح تتصرف مايد : اتوقع لانه حمد اخو ربيعتها ؟ ذياب ابتسم : عليك نور سيف : اها عشان جي بتحصله بسرعه ذياب : هي هزاع شاف الساعه وكانت الساعه ٣ : اقول يلا امشو نروح نجهز اغراضنا باقي شوي ونوصل ذياب شاف الساعه : يلا الساعه ٤ بننزل من السفينه راحو الشباب الغرفه عسب يجهزون اغراضهم وشافو بدر و راشد موجودين ذياب : شو كلهم راحو يجهزون ؟ راشد : هي مافي حد فوق كلنا قمنا ذياب : ايوا زين عند البنات مريوم وقفت مريوم : وخلصت ميثا : حتى انا ها روضه و ريم خلصتو ؟ روضه : لا بعدني ريم : باقي شوي مريوم شافت ميثا وسوت لها براسها يلا ؟ ميثا هزت راسها بمعنى هي مريوم : بنات انا و ميثا شوي بنروح ناخذ لنا كوفي روضه و ريم : تمام طلعو مريوم و ميثا من الغرفه مريوم : وين بنروح ندور عليه بضبط ؟ ميثا : خلنا اول شي نصعد فوق السفينه اخر طابق وندور عليه صوب الكافيهات مريوم : تتوقعين نحصله هناك ؟ ميثا : يمكن لانه هو اللي دوم يروح هناك مريوم : يلا عيل امشي راحو مريوم و ميثا اخر طابق و راحو عند الكافيهات بس للاسف ماحصلو مريوم : وين احين بنحصله ! ميثا : مريوم حسستيني اعرف عنه وايد اشياء تقول ريلي انا شدراني والله انج ورطيني مريوم : لا تتحرطمين وايد يلا ندور عليه ! ميثا : امشي نروح الصوب الثاني يمكن نحصله يتامل البحر مريوم : يلا يلا راحو مريوم و ميثا الصوب الثاني بس للاسف بعد ماحصلوه مريوم : يالله يالله ! ميثا : ننزل صوب المطاعم يمكن يتغدا ؟ مريوم : في حد يتغدا ها الوقت الساعه ثلاث العصر ؟ ميثا : هي انا مريوم : اقتنعت يلا امشي راحو مريوم و ميثا ركض طابق المطاعم وصارو يدورون عليه كل مكان بس ماحصلوه مريوم : واه تعبت ميثا : جربي مره ثانيه اتصلي في مزنه مريوم رفعت فونها تتصل في مزنه بس بعد ماترد : ويينهاااا هايييي ليش ماترددد !! ميثا : لما نبيها وقت الضروره ماترد مريوم : حسيتي ! ميثا : نزين امشي نشوف الطابق اللي هم ساكنين فيه مريوم : يعني طابق غرفتهم ؟ ميثا : هي تعرفين اي طابق ؟ مريوم : اعرف الطابق بس ماعرف اي غرفه نسيت ميثا : ماعليه يلا امشي ندور عليهم يمكن نحصله يتمشى هناك في الممرات مريوم : صح صح كلامج يلا امشي راحو مريوم و ميثا الطابق الثالت وصارو يمشون يدورون عليه ميثا : عندي فكره ! مريوم : ها ميثا : خلنا نتسمع في كل باب يمكن نسمع صوتهم مريوم : حتى انا عندي فكره ميثا : ها شو مريوم : اني اعطيج كف اخليج اطيرين اخر الدنيا ميثا : حشى ليش مريوم : تشوفين كم غرفه في الطابق فوق الالف غرفه ! وين بنحصلهم ميثا : بعد صح كلامج مريوم : امشي امشي ندور مكان ثاني ميثا : يلا ركبو مريوم و ميثا المصعد وميثا شافت الطابق الاول ميثا : اقول مريوم مريوم : هلا ؟ ميثا وعيونها على الطابق الاول : خلنا نروح الطابق الاول مريوم : ها الطابق ولا مره رحنا له ميثا : خلنا نشوف يمكن نحصله هناك شوها الطابق ؟ مريوم : صدقج يلا امشي دقو مريوم و ميثا على الطابق الاول واول مافتح المصعد شافو الطابق وكان فاضي مافيه شي طلعت ميثا وطلعت وراها مريوم بستغراب تسكر المصعد وصارت ميثا تمشي في الطابق الاول راحو شوي بعيد عن المصاعد وشافو لافته مكتوب فيها متحف السمك ميثا استغربت : شو ها متحف السمج ؟ ماشي رد ميثا : مريوم اول مره نروح له بعد ماشي رد ميثا : اوهو شوفيج ارمس منوه انا ماشي رد ميثا لفت تشوف مريوم : اوهو مريـ... سكتت ميثا وهي تشوف الريال الي واقف ورا مريوم ومسكر حلج مريوم و مريوم كانت تحاول تقاومه عشان يهدها ميثا صرخت بخوف : مرريييومممممم مريوم نزلت راسها وعقب رفعته فجاة وضرب راسها في ويه الريال لدرجه ان الريال تعور وهدها طاح على الارض مريوم كانت بتشرد تروح عند ميثا بس الريال على مسك ريل مريوم ومريوم طاحت على الارض مريوم : هههدددنننييييييييي ميثا كانت تدور على شي عشان تضرب الريال فيه ومريوم تحاول تخليه يهد ريلها ميثا على طول راحت وداست في بطن الريال لدرجه انه هد مريوم ومسك بطنه من العوار ومريوم خذتها فرصه وعلى طول قامت شافته طايح وماسك بطنه مريوم : ميثا ييلاااااا نشرددددد مريوم قدرت تشرد بس ميثا ماقدرت لانه الريال مسك ريلها وميثا طاحت على الارض لفت مريوم وشافت الريال قام ومسك ميثا من خصرها وجدمها له مريوم : الله يلعنك هدهااااا ميثا حست بلوعه لانه الريال كان حاضنها وكانت تحاول انها تقاومه بس ماتقدر كان الريال شايل ميثا وشاف مريوم الريال : عيل انتي تهدديني مريوم شافته وشياطين الدنيا تدور فيها: ههههيييييي اهددك واهدد اشكالك ميثا صرخت وهي ماسكه دموعها : الله يخليج مريوم لاتراددينه مب وقتج الريال سكر حلج ميثا بيده : تشوفين هاي البنت مريوم : هي اشوفها واشوف انك راح تهدها احين !! الريال لف ورا ورجع شاف مريوم وابتسم بخبث : انتي اختاري تبغين اول شي اذبح ذياب ولا هاي الحلوه مريوم ولعت لما جي قال لها : لو فيك خير هدهم وتعال عندي الريال : يعيوني فيني خير والدور الياي عليج راح ادمر عايلتكم كلها من صغير لين كبير ومحد الي راح يضيعكم غير يدج مريوم ابتسمت : قصدك محد راح ينقذنا غير يدي لا تحط راسك براس يدي لانك راح تندم صدقني الريال : اول شي بنهي حياة هاي البنت الحلوه عقب بي دور ذياب مثل مافرقت سلطان عن اهله وابشرج ان محد ذبح سلطان غيري مريوم انصدمت من كلامه الريال كمل : تدرين ان سلطان مامات بمرض انا اللي ذبحته مريوم بعدها مصدومه : بس قالو الاطباء ان عمي مات بمرض الريال ضحك بصوت عالي : ومنوه اللي خلاه يمرض تتوقعين ؟ مريوم بطلت عيونها ع الاخر وحتى ميثا كانت تسمع وهي مب مستوعبه الكلام الريال : هي انا اللي ذبحته انا الي كنت من فرنسا اراقب عمج ودوم كنت اسوي عمري طيب معاه وكنت اعطيه الاعشاب الي تذبحه مريوم شهقت وحطت ايدها على شفايفها وميثا نزلت دموعها الريال : وانا الي وصلت لهم الرساله ان عمج مات مريوم نزلت دمعتها ماقدرت تتحمل الحجي الي يقوله الريال : تتوقعين ما اقدر اذبحكم ؟ مثل ما ذبحت عمج راح اذبحكم واحد ورا الثاني راح افرقكم شوي شوي عن بعض وراح تشوفين موت هلج بعيونج مريوم : ماراح تقدر لانه كلنا ايد وحده عمي الله يرحمه كان بروحه في فرنسا قدرت عليه لانه كان على نياته وطيب ويصدق الكل وقلبه حنون ويحب الكل وماكان في باله انك نذل وماتستاهل بس صدقني لو فكرة انك تمسك شعره وحده منا راح تندم حلفت انك راح تندم وقول مريوم ماقالت راح تترجانا عقب انه نعفي عنك وعن اللي معاك الريال ضحك بصوت عالي : ههههههههههههههههههههههههههه تراج وايد واثقه انتي وكلامج ويلا احين بذبح هاي الحلوه وعقب يمكن ايي الدور عليج ولا على ذياب لف الريال وراه وصار يروح جريب البحر مريوم شافت الريال وهو يقرب من البحر ويبي يفر ميثا في البحر وكانت ميثا تحاول تصرخ مريوم صارت تتلفت تشوف شي وشافت حديده طويله ابتسمت مريوم مريوم : احين بيبدا اللعب شالت مريوم الحديده وراحت ركض عنده كان الريال مايشوف مريوم لانه مريوم كانت وراه وهو كان يشوف البحر وكان بيفر ميثا بس مريوم فجاة ضربت الحديده في راسه قوي لدرجه انه طاح اغمى عليه ولما طاح على طول هد ميثا ولانه كان قريب البحر ميثا كانت بطيح في البحر بس على طول مسكت الحديده مال السفينه وحاولت تتمسك فيها مريوم صرخت لانها تحرت ميثا طاحت في البحر بس شافتها ماسكه الحديده ميثا وهي تحاول تصعد السفينه : مريوممممممم مريوم راحت على طول عندها ومسكت ايدها وحاولت ترفعها ميثا : مريوم الله يخليج لاتهديني مريوم : حاولي تمسكين الحديده بيدج الثنتين وارفعي عمرج وانا بحاول ارفعج ميثا مسكت الحديده بيدها الثنتين وحاولت ترفع عمرها ومريوم حاولت ترفها شافت مريوم الريال اللي طايح على الارض كان يحرك ايده مريوم قالت في قلبها لا لا يا ربي عطني الطاقه عشان اروم ارفعها قبل ينش ها الحيوان مريوم كانت تدعي ربها يعطيها الطاقه وهي تشوف الريال كان شوي شوي يحرك ايده يعني شوي وينش حاولت مريوم قوي انها ترفع ميثا واخيرا رفعتها و ميثا رفعت عمرها وصعدت على السفينه شافت مريوم الريال شوي شوي صار يقوم بس بالغصب راحت مريوم وشالت الحديده مره ثانيه وحست انها مابردت جبدها فيه ومن الكلام الي قاله عن عمها وان هو سبب موته راحت مريوم وضربته مره ثانيه في الحديده وكان بتضربه المره الثالثه بس هاي المره الريال مسك الحديده مريوم خافت وميثا على طول مسكت ايد مريوم وسحبتها ميثا : رككضيييييييي ركضو مريوم و ميثا عشان يروحون عند المصعد ووصلو عند المصعد والريال قام وصار يلحق وراهم بس بشويش لانه مايروم يركض من العوار مريوم وهي تشوف الريال كان يقرب صوبها : الله ياخذك يا المصعد اففتتححححح فتح المصعد اخيرا وركبو مريوم و ميثا فيه وكان الريال شوي ويركب معاهم بس تسكر المصعد بسرعه وصعدو فوق مريوم حست بدوار في راسها لانه الريال لما مسك ريلها وطاحت طاحت على راسها وميثا لما شافت مريوم كانت بطيح مسكتها على طول ميثا : مريوم بسم الله عليج شوفيج ! مريوم : احس بدوار في راسي ميثا مسكت مريوم وراحو الطابق الاخير لانه مايبون يروحون عند اهلهم وكانت الساعه 3:40 والناس كانت تتجهز عشان باقي شوي ويوصلو الجزيره وصلو مريوم و ميثا فوق اخر طابق وراحو يقعدون على طول في الكراسي ميثا : مريوم تحسين بشي شي يعورج ؟ مريوم : لالا لاتخافين بس شوي احس بدوار لانه مسكني وطحت على راسي ميثا ودموعها تنزل : مريوم ترومين تقولين لي شو صار قبل شوي مريوم شافت ميثا : ميثا احين ماشي وقت اقولج بس صدقيني بقولج عقب احين لازم نحصل حمد بسرعه ميثا : تبون حمد عشان ها الموضوع صح ؟ مريوم نزلت راسها : صح ميثا : يعني حمد يعرف عن كل شي ؟ مريوم : لا ميثا حمد مايعرف عن شي ! صدقيني بقولج كل شي بس انتي ساعديني ميثا : الريال الي كان يقوله عن عمي كله صح مريوم نزلت دموعها وهي تتذكر الكلام الي قاله وغطت ويها بيدها : هي ميثا هي ميثا نزلت دموعها : يعني هو سبب موت عمي مريوم وهي تصيح : هي ميثا : حطت ايدها على شفايفها وهي تصيح : ليش ومن ها ليش ذبح عمي شو يبا منا وليش يقول الدور ياي عليكم مريوم رفعت راسها وهي تشوف ميثا : ها الشي الوحيد الي لحد احين نحاول نعرف عنه مانعرف شو يبون منا ميثا : من يعرف عن ها الموضوع غيرج ؟ مريوم : هزاع و ذياب و ميود و سيف و ريم بس ريم عرفت لانه صار لها موقف عشان جي اطريت اني اقول لها واحين حتى انتي صار لج موقف وانتي سمعتي كل شي ما اقدر اخش عنج لانج خلاص سمعتي كل شي ميثا : خلاص انتي احين اهدي وعقب اعرف كل شي مريوم رجعت تغطي ويها بيدها وتصيح الا شوي ويدق فون ميثا حاولت مريوم تمسك صياحها وحتى ميثا لما حاولت تعدل صوتها لانه كان صوتها كله مبحوح من الصياح حاولت تعدله وعقب ردت ميثا : هلا يبه ؟ ابو راشد : وينج انتي ومريوم !! ميثا : يبه رحنا ناخذ كوفي ابو راشد : مول مب وقت الكوفي يلا امشو بنروح احين كلنا موجودين تحت صوب الريسبشن ميثا : كلكم ؟ ابو راشد : هييي كلنا احين بيفتحون الدري عشان ننزل من السفينه يلا تعالو ! ميثا : وشنطنا وينهم ؟ ابو راشد : ماعليج كاهم عندنا انتو بس تعالو يلا بسرعه ميثا : يلا تمام ابويه سكرت ميثا الخط مريوم : شو قال ؟ ميثا : يلا بنروح مريوم : حمد ! وكيف بيروحون المخزن ميثا مافهمتها : مريوم ابويه يقول كلهم برع بيطلعون من السفينه يلا امشي مانقدر خلاص انسي مريوم : لا نقدر ميثا شافتها : كيف ونحن احين بنطلع من السفينه ؟ مريوم رفعت فونها واتصلت في ذياب وشافت ميثا : امشي نروح عندهم قامو مريوم و ميثا يروحون عند الاهل وذياب رد على مريوم ذياب بعصبيه : وينكم انتو ! مريوم : اهدا كنا ندور على حمد ذياب : حصلتوه ؟ مريوم : لا ذياب : يالليل ! مريوم : بس اسمع ذياب : قولي مريوم : ونحن طالعين من السفينه اكيد بنحصله ذياب الي فهم مريوم وابتسمت بخبث : احب افكارج مريوم : لانه افكاري فيها مغامرات وتعرف انك عقب بتحصل هواش ذياب : مب مهم مريوم : يلا احين بني ذياب : بسرعه مريوم : تمام سكرت مريوم الخط وشافت ميثا ميثا : عندج رقم ذياب ؟ مريوم : مب وقته ميثا : صح شو خطتج ؟ مريوم قالت لها الخطه كلها ميثا : مريوم !! مريوم : ماعندنا غير هاي الخطه ميثا : الله يستر بس مريوم : سمعي انتي لاتقولين حق حد عن الي صار تمام ؟ ميثا : ليش انتي مابتقولين حق حد مريوم نزلت دموعها : بس والله ماروم اجرح ذياب اكثر مابي يعرف عن ابوه وكيف توفى ميثا : بس المفروض تكوني صادقه وصريحه معاه ولازم تقولين له حتى لو كان ها الشي بيجرحه مريوم شافت ميثا ميثا : صدقيني هو صح بينجرح وبيعصب بس بينجرح ويعصب اكثر اذا عرف انج تعرفين كل ها وماخبرتيه مريوم : صح كلامج ميثا ابتسمت حق مريوم وحطت ايدها فوق كتف مريوم : وجنه بنبدا المغامرات مريوم ابتسمت لها : ههههههههه جنه راحو مريوم و ميثا عند الاهل ووصلو عندهم ... .................................................................. . *** ** *