رواية ماجمعنا غير الدم - الفصل العاشر - مكتملة | روايتك

ونبدا صباحنا بيوم يديد وفي غرفة البنات نشت مريوم فتحت فونها شافت الساعه وكانت 9 سكرت فونها ونشت راحت تاخذ شور عقب طلعت وبدلت راحت فتحت الستاره وضربت اشعة الشمس عيون البنات وقامو يصحصحون شوي شوي ريم : اماايييهههههه مريوم : بعد قالت امايه بعد قالت اماييهه !! ريم بطلت عيون وحده وشافت مريوم : اوهو هاي فروها من الجامه خلوها تغرق ونفتك منها مريوم : بسم الله علي روضه بطلت عيونها ورجعت سكرتها : سكري الستاره سكرت روحج مريوم : بسم الله على روحي ! ميثا : مريوم انتي مو بدلتي وخلصتي ؟ مريوم : هي ميثا : خلاص توكلي الباب يوسع جمل مريوم : اويه ! روضه : بصراخ : طللعععيييي ! خافت مريوم من صراخ روضه وشردت برع الغرفه وهي طالعه شافت ذياب في ويها ذياب كان واقف صوب باب غرفة الشباب وكان مشغول في الفون ومريوم لما شافته مشغول في الفون ومانتبه لها على طول شردت عنه راحت المصعد صوب المصاعد وكان شي وايد ناس لانه الصبح وناس تقعد تتريق قالت مريوم في نفسها اوهو اكيد احين ذياب بيي يارب بسرعه ادش المصعد قبل مايي فتحت مريوم فونها واتصلت في امها نروح عند ام بدر اللي كانت قاعده مع كل الكبار كانو قاعدين يتريقون سمعت فونها يرن وردت ام بدر : ها ماما مريوم : يمه وينكم ام بدر : فوق مريوم : اخر طابق ؟ ام بدر : لا تحت البحر مريوم : يمه ! ام بدر :هههههه عيل مادري عنج اكيد اخر طابق مريوم : تمام تمام يلا احين يايه ام بدر : منوه معاج مريوم : محد بس انا كلهم راقدات ام بدر : اوهو ليش ماوعيتيهم مريوم : يمه والله فتحت الستاير وهاوشوني ام بدر : يالله لين متى بيتمو راقدات مريوم : ماعرف ام بدر : نزين يلا انتي تعالي حاطين الريوق على الطاوله نتريق مريوم : ياسلام اوكيه ام بدر : يلا حبيبتي مع السلامه مريوم : باي سكرت مريوم الخط وشافت المصعد اللي تبطل ركبت بسرعه ودقت على الطابق الاخير وصل المصعد وتفتح لها طلعت مريوم وراحت تدور على اهلها واخيرا حصلتهم راحت وقعدت على الكرسي مريوم : صباح الخيررر كلهم : صباح النور اليده : مريوم وين باقي البنات ؟ مريوم : راقدات اليده : افا قعدتيهم ؟ مريوم : يب فتحت الستاير بس هم عصبو علي جان اطلع بس الستاره بعدها مفتوحه اليده : هي زين بس خلهم يقعدون صارت الساعه عشر شوي الا ويي ذياب ومعاه سيف و ميود قعدو كلهم وصبحو على الكل رفعت مريوم عيونها وتلاقت عينها بعيون ذياب عقب لفت مريوم ويها على طول وشافت يدها ببتسامه عريضه عشان تقهر ذياب مريوم : ها يدي اليد : يالله صباح خير مريوم : اوهو لازم تقولي كل يوم ها الكلمه يعني شو شو انا اسوي مصايب ؟ اليد شافهم وتم ساكت مريوم : اوكيه اوكيه اسوي مصايب بس عاد يمكن احين بقولك خبر حلو اليد : ها قولي مريوم : ابي اروح السينما اليد : وانا شكو ؟ مريوم : افا يعني ماتبغيني استاذن منك ؟ اليد : كاهو ابوج شكبره شعرضه واقف يدامج قولي له استاذني منه مريوم : احسن ولفت عند ابوها يبه عادي ؟ ابو بدر : هي حبيبتي عادي مريوم ابتسمت له ورجعت تاكل سيف : مريوم مريوم رفعت راسها وشافت سيف : هلا سيف : محد قعد من البنات بس انتي الديايه مريوم ابتسمت لانه عارفه قصده : لا وابشرك هاوشتني وصرخت علي سيف : ههههههههههههههه مريوم : مالت عليكم بس في غرفة البنات كانت ميثا ناشه من الارقاد بدلت وجهزت وراحت تقعد البنات ميثا : روضههه خلاص قومي الساعه عشر ونص !! روضه : هممممم ميثا راحت عند ريم : ريمو نشي ! نشت ريم بدون ماتقول شي وراحت تاخذ شور ميثا بصراخ عشان ريم تسمع : رييممم لما تخلصين قعدي روضهههه ريم : تماممممممم طلعت ميثا من الغرفه وراحت عند الاصنصير وكان زحمه ميثا : اوهووو شي اربع مصاعد وبعد زحمه كانت ميثا تنطر المصعد يتبطل عشان تدخل لما تبطل المصعد طلع في ويها الولد اللي كانت تشوفه صدفه الولد ابتسم : اوهههه غريبه ماتبجين اليوم ميثا : وخر عن ويهي ابي ادخل الولد وخر وراح عنها شافته ميثا بستغراب لانه اول مره مايراددها بس طنشته ودخلت المصعد راحت ميثا الطابق الاخير وطلعت من المصعد وراحت قعدت عند اهلها ميثا : عاشو صباح الخييررر مريوم شافت ميثا بستغراب : عاشو ؟ اليد : عاشو فيج الف يني قولي امين ! ميثا : بسم الله يدي حرام عليك تشوفني مروقه ! اليد : ارمسي عدل ميثا قعدت : صباح الخير كلهم : صباح النور ميثا : امايه ابي كرك اليده : قومي صبي بروحج ميثا : يدوتي ابي كرك اليده : قلت قومي صبي بروحج ميثا : مريوم ابي كرك اليده : وصمه قومو صبو لها لوعت جبدي ميثا : هههههههه مسيطره قامت ام راشد وصبت حق بنتها : منوه بعد يبا ؟ مريوم : اناااا اناااا صبت ام راشد حق مريوم وميثا ومدت لهم القلاص مريوم : فديتشششش مشكورهههه ام راشد : العفو حبيبتي اليده : وانتي ياقليلة الادب ميثا كانت تشرب كرك رفعت عيونها وشافت يدتها بس بعدها تشرب الكرك اليده : ماتعرفين تقولين حق امج شكرا ! ميثا شفطت الكرك وطلع صوت اليده : وغصه ! ميثا : يدوتي يا يدوتي امايه راضيه انتي ليش حارقه اعصابج اليده : والله مب منج من امج اللي ماصفعتج كف علمتج السنع ميثا : منوه يبا كركككك ؟ نصهم قالو انا قامت ميثا وراحت تصب لهم ها يدوتي اعرف السنع ؟ اليده : اول صبيلي راحت ميثا وصبت حق يدوتها اليده : بعدج ماتعرفين السنع ميثا : هاتي هاتي لاتشربين ! اليده : صدق ماتستحين على ويهج ! راحت ميثا ورجعت تقعد مكانها مريوم همست لها : شوفيج اليوم مروقه غريبه ؟ ميثا ابتسمت وهي تتذكر الولد : لا ماشي مريوم : متاكده ؟ ميثا : يب بدر : مريوم مريوم تذكرت اللي صار بسبب بدر وطنشته بدر : ايه انتي مريوم ارمسج مريوم بعدها مطنشته ابو بدر : مريوم !! مريوم رفعت راسها وشافت ابوها : هلا يبه ابو بدر : استحي على ويهج اخوج يرمسج ردي عليه مريوم لفت وشافت بدر بس ماقالت شي بدر : غبيه انتي يالسه ارمسج ! مريوم : نعم انزين لازم اقولك شو خلاص ارمس على طول بدر استغرب من تصرف مريوم : من ضاربج انتي شوفيج علي ! مريوم : يعني شو فيني ! لازم اقول هاه خلاص شفتك قول شو تبا فكنا اليد : مريوم ! احترمي اخوج الكبير مريوم شافت بدر من فوق لتحت : ها اول خلو يحترم اخواته وبنات الناس عقب يصير خير كلهم انصدمو من مريوم واليد ضرب الطاوله قوي : قعددديييي يلاااا وعدلي الفاظج لا انسيج عيشتج!!! قعدت مريوم وهي منفسه ودزت الصحن اللي يدامها بعيد اليد : احسن عساج ماكلتي شافت مريوم بدر من فوق لتحت عقب قامت من طاولتهم وراحت المصعد عشان تروح غرفتهم ام بدر شافت اليد : ليش ابويه جي تهاوشها عادي اخواني ويتهاوشون ماكان له داعي تعصب عليها يدام الكل اليد : بنتج محد بيربيها غيري سكتت ام بدر وماقالت شي في غرفة البنات دخلت مريوم وراحت على طول قعدت فوق الشبريه منفسه وكانو روضه و ريم عند التسريحه يعدلو شعرهم وانصدمو من مريوم روضه : بلاج بعد شو صار مريوم : تهاوشت مع يدي روضه : ايهي ليش شو صار ريم : احس عشان بدر مريوم رفعت راسها وشافت ريم ريم : صح ؟ مريوم : هي روضه : ليش شو يخص بدر في يدي ؟ مريوم قالت لهم روضه : ابك ! ريم : غبيه انتي جي تقولين عن اخوج يدام الكل مريوم : يستاهل والود ودي افضحه بعد روضه : مب جي ياغبيه لازم اول شي تشوفينه وترمسيه مب على طول تفضحينه مريوم : اوكيه اوكيه خلاص ريم : يلا امشي نروح عندهم مريوم : تستهبلين ريم : ليش ؟ مريوم : توي قايمه معصبه من عندهم اذا نزلت احين بتروح هيبتي روضه : يالله بنت عمج غبيه ريم : اعرف مريوم : خلاص روحو انتو وانا بكمل مسلسلي روضه : خلاص تمام طلعو روضه و ريم من الغرفه وشافو في ويهم هزاع ابتسمت ريم حق هزاع و رد لها الابتسامه وراح عنهم روضه انصدمت : اااووووبببب ااوووووببببببب ريم : ويعه شوفيج ! روضه : هزاع يرد لج الابتسامه وعلى الصبح هاي معجزه ريم : شدخل روضه : هزاع اللي مايتفيج حق حد ع الصبح يرد لج انتي الابتسامه يرد حق ريم ! ريم : فكينا شدخل روضه : لازمممم لازمممم ميثا تعرف وراحت روضه ركض صوب المصاعد ريم : ويعهههه روييضضضض !! راحت ريم وراها وركبو المصعد وصلو اخر طابق وفتح لهم المصعد وروضه راحت ركض بس مامداها لانه ريم مسكتها روضه : اخخخ شوفيج ريم : وين بتركضين انتي اصلا تعرفين هم وين قاعدين ! روضه : اوه صح نسيت وينهم ؟ ريم : تسأليني انا ! شدراني روضه اتصلت حق امها وردت عليها روضه : امايهههه ام مايد : ليش ليش تصارخين ع الصبح روضه : امااييييهههه تسمعيني ام مايد : ويعه بطيتي اذني اسمعج ! روضه : وين قاعدين ؟ ام مايد : نفس امس روضه : اوه يلا تمامممممم احييينننن يااييييههههه ام مايد سكرت الخط في ويها روضه وخرت الفون عنها : اوح ريم : ويعه بفهم انتي ليش تصارخين ؟ روضه : عشان تسمع لاه ريم : تمزحين صح ! روضه : هههههههه هيي ريم : فكينا وين قالو روضه كانت بتتكلم بس سمعو صوت وراهم هزاع : ليش واقفات هني لفت ريم وشافت هزاع : ماكنا نعرف وين قاعدين هزاع : يعني وين بيقعدون نفس امس ريم : يعني طاولة امس خلاص طاولتنا ؟ هزاع : والله ماعرف بس يلا امشو نروح راحو روضه و ريم و هزاع عند الاهل وقعدو روضه : صببااااحححح الخخييييررررر اليد : وصمه وصمه ان شاء الله ريم : هاي شوفيها تصارخ ع الصبح لوعت جبودنا ! روضه : نزين صبحت عليكم ماتعرفون تردون ؟ اليد : وانتي تستاهلين حد يرد عليج ؟ روضه زعلت وقعدت ع الكرسي : خلاص زعلت اليد : كلي كلي بس روضه : الله اكل يدي حطلي اكل اليد : مدي روحج وحطي لج انا شكو روضه رجعت زعلت : خلاص مابا اليد : احسن وفرتي علينا روضه قامت تحط لها : لالا خلاص ابا ههههههه ريم : عمتو صبيلي كرك ام راشد : اوكيه روضه : حتننننااااااااا اليد : وقسم يا روضه ترا بربط بوزج روضه : لالا خلاص عمو حتنا ابا ام راشد : هههههه اوكيه حطت روضه لها اكل وراحت قعدت عند ميثا ميثا : وين مريوم ؟ روضه : هاي مريوم بعد خبله تستاهل يدي يوم هاوشها ميثا : انا سالت وينها ماقلت اذا تستاهل ولا روضه : في الغرفه ميثا : شو تسوي ؟ روضه : تشوف مسلسلها ميثا : اهاااا روضه تذكرت شي : صصصصححححح ميثثثثاااااااااا حطت ايدها على شفايفها وشافت يدها بالغلط والله اليد : يعني انتي مب ناويه توقفي صراخ ؟ روضه : والله بالغلط سكت يدها وكمل ياكل ميثا : ويعه اذني شو فيج روضه : تخيلي اليوم شو صار ميثا : شو ؟ روضه : تخيلي اليوم شو شفت ! ميثا بحماس : اخلصيييي شوووووو روضه : اليوم الصبح لما طلعنا من الغرفه شفنا في ويهنا هزاع ميثا : ايهي اكيد تضارب مع ريم وتهاوشو ع الصبح روضه : لاااااااااا ميثا بستغراب : بسم الله عيل ؟ روضه : ابتسمو حق بعض ميثا بصراخ : ههههههههاااااااااااهههههههههههه كلهم شافو ميثا بستغراب واولهم اليد روضه شافت يدها واشرت على ميثا ميثا : بالغلط اليد : يعني انا افتك من التيس اللي عندج روضه شافت يدها واشرت على عمرها اليد : هي انتي ورجع شاف ميثا اتين انتي وتصارخين !!! ميثا : والله بالغلط اليد سكت ورجع ياكل ميثا شافت روضه : ماتحسين يدي ماكل فلفل اليوم ؟ روضه : مب بس اليوم حتى امس مادري شوفيه من ركبنا السفينه وهو محرج ميثا : بعد الصراحه احس من ركبنا السفينه و الجو شوي متكهرب روضه : والله محد متكهرب غير مريوم وذياب ويدي ميثا ضربت روضه : ههههههه ويعه خفي صوتج روضه : صدق والله ميثا : ماعلينا صدق اللي انتي قلتيه ؟ روضه : شو قلت ؟ ميثا : ياغبيه عن هزاع و ريم روضه : ههييي صدق والله اقولج انا روحي انصدمت ميثا : اويه انتي متخيله ان هزاع ولا مره بحياته ابتسم ع الصبح حق حد ! روضه : ههييي اعرف كلنا نعرف هزاع النفسيه ع الصبح بس صدق الي صار غريبه ميثا لفت شافت اخوها كان يشرب كرك ويشوف الفون هزاع حس ان حد يشوفه رفع عيونه من الفون وشاف ميثا تشوفه ببتسامة شر جان يغص وهو يشرب وقام يكح ميثا : ههههههههههه ام راشد : وي بسم الله عليك شوفيك شو ياك هزاع : كح الله ياخذج ميثا ام راشد شافت ميثا : شو سويتي ميثا : حشى علي امايه تشوفيني قاعده بعيد شو بسوي مثلا اليد : ايه انت هزاع شو فيك تدعي على اختك هزاع : وقسم بالله ابتسامة شر مب ابتسامه عاديه ميثا : ههههههههههههههههه اليد : تضحكين يعني مسويه شي ؟ روضه : له يدي ماسوت شي كاهي كانت قاعده عندي تسولف اليد شاف هزاع : انطم انت هزاع سوا حق ميثا اوريج ريم : يدي اليد : هلا ؟ ريم : حرام روح ازقر مريوم اليد : خلها تتادب ريم : يدي حرام والله يالسه بروحها اليد انكسر خاطره وحس انه صدق ماكان له داعي اللي سواه في مريوم وقام : يلا تمام بروح ازقرها روضه : اخاف يروح الغرفه ويكمل عليها ريم : ههههههه يضربها ضرب جون سينا ميثا : وين يدي يروم روحه متكسر اليد راح عند ميثا وضربها ب العصا وميثا نقزت ميثا : اخخخخ ييددديييي !! اليد : عيل انا متسكر ياقليلة الادب ! ميثا : لا انا قصدي ابوي المتكسر ابو راشد : صدق قليلة ادب ميثا : لااااا قصدي عمي ابو بدر شاف ابو مايد : ترا تقصدك ابو مايد : لا تقصدك ميثا : شو فيكم اقصد هزاع هزاع قام لها وصار يقلقطها وميثا ميته ضحك ميثا : هههههههههه خلااصصص هههههههه ببموتتتت هزاع : موتتتيييييي ميثا : ههههههههههه اماااا هههههههه اماييييهههه ام راشد : هزاعو ودر البنت عنك هزاع : خلها تقول اسف اول ميثا : ههههههههههههه ماببااا هههههههه هزاع : عيل خلج موتي ضحك ميثا : خلاص مت مت مت هزاع وخر عنها : اجوف موتي ميثا سوت عمرها ميته هزاع : احسن امايه بنتج ماتت ام راشد : وي بسم الله على بنيتي ميثا : يمه انا مت ورجعت ميثا تسوي عمرها ميته روضه : ههههههههههه خبله في حد يموت ويرمس هزاع : شوفيكم هاي روحها طلعت ترمس ورجعت مكانها ام راشد فرت الملح على بنتها ميثا : اف يمه تخيست ملح ! ام راشد : احسن اصطلبي ميثا : اوكيه اوكيه رجعت ميثا تشرب كرك روضه : الله في ها الجو البارد تشربون كرك ياسسلااامممم عاششوووووو اليده : تعشعشو عليج الف يني قولي امين ! روضه : اوه نسيت يدوتي هني هههههه اليده : مو يعني يدج مب هني خلاص تصارخي ابو مايد : صحيح مب يعني اذا ابويه مب هني تصارخي ! اليده : انت اسكت كان من زمان سكتها ابو مايد : حرام عليج امايه تسكتيني خلاص انا زعلت ابو بدر : ها شوفيه ياهل انا اقول ولده طالع على منوه مايد : تخسي والله انا ازعل شرات ابويه الزعول ابو بدر : اح يعقوب هههههههههههه ابو مايد : خله انا اوريه ها قليل الادب مايد : يبه شوفيك امزح بس ترا صدق انت طالع على يدوتي زعول اليده : احين انا زعوله ؟ روضه : هي نعم اليده : قولي متى اخر مره زعلت ها روضه شافت ميود : ايه انت تقفطت ارمس مايد : انتي اللي حشرتي عمرج في الموضوع حشره وحده روضه :ابك انا حشره ! مايد : هي روضه : تخسي والله ها ذياب الحشره ذياب كان سرحان يفكر بس لما سمع اسمه رفع راسه وشاف روضه وهو عاقد حواجبه مايد : ههههههههههههه شكو ذياب سيف : ها لازم يدش في الموضوع حتى وهو ماله خص مايد : ههههه حسيت ! نقلب الموضوع عليه ذياب : ايه رويض روضه : تخوف لاتشوفني جي انت وحواجبك ذياب : عيل مادري بج حطيتي علي على طول سيف عشان يقهر روضه قال : هي عشانها ماتروم على ميود راحت وحطت عليك ذياب شاف سيف وداس ريله قوي سيف : ويعه اخر ريولي شوفيك ! ذياب : شوقصدك انت سيف : ههههه لا والله مب قصدي شي بس ابي اقهر روضه روضه : تخسيييييي والله ما اقدر على ميود مايد : ايوا ماتقدرين علي روضه قامت : بقوم لك ترا مايد : تعالي اشوف نخليهم ونروح عند اليد اللي راح غرفة البنات ودق الباب مريوم اللي كانت تشوف مسلسلها استغربت من بيدق عليها الباب البنات كلهم عندهم البطاقه ؟ قامت مريوم وفتحت الباب لما شافت يدها على طول شردت فوق الشبريه مريوم : ابعد ابعد اليد : ويعه انتي شو شايفه يدامج مريوم : شوف يدي اذا ناوي تكمل علي الله يخليك روح لانه ماعندي حد يدافع عني اليد : صدق ماتستحي على ويها مريوم سوت عمرها تصيح : ماماتتتيييييي اليد : يعني انا متفيج اييج كل ها المسافه عشان اكمل عليج ! مريوم وقفت صياح : عيل اليد : ياي اتاسف منج مريوم شافت يدها بصدمه : ها بليس مب يدي هش هش ابليس وخر عن يدي اليد : هشج الف يني قولي امين مريوم : يمه يدي شو السالفه ليش باي دق اليد : ياقليلة الادب يت اتاسف منج لاه ! مريوم نزلت من الشبريه : صدق ؟ اليد : هي حسيت ان اللي سويته غلط ولازم اعتذر منج مريوم ابتسمت وراحت باست راح يدها : اعترف من مطرشك اليد ابتسم : ههههههه تعرفني عدل نصابه مريوم : اكيد ابويه الثاني لازم اعرف عدل اليد : والله ماشي روضه قالت روح عندها روضه مادري ريم ماذكر مريوم : هههههههه يلا تمام انت احين روح عندهم وانا بسكر لابي وبييكم اليد : لا بنطرج عند الاصنصير تعالي بسرعه بنروح مع بعض مريوم ابتسمت : تماممم طلع اليد وراح ينطرها ومريوم سجلت وين وقفت في المسلسل وسكرت لابها عقب طلعت من الغرفه وكانت تتمشى بنروح عند الاصنصير بس حست مريوم ان حد يلحقها لفت مريوم ويها ورا وشافت ريال لابس كله اسود وحتى شكله مايبين وفجاة مريوم تذكرت الريال اللي شافوه مريوم وذياب في الكامرات اللي كان عند بيتهم ومنخش ورا الشجر شافته مريوم الريال وشافته صدق يشبه ذاك الريال شافت مريوم فجاة الريال يركض ياي صوبهم صرخت مريوم وصارت تركض عند المصاعد لما وصلت عند المصاعد كان شي زحمه دشت مريوم من بين الزحمه وشافت يدها على طول راحت صوبه وحضنته ويدها كان مصدوم من شكل مريوم اللي واضح انها خايفه ودموعها نازله اليد : وي بنيتي بسم الله عليج ليش جي تركضين شو ياج ؟؟؟؟ مريوم لفت وراها وماشافت حد رجعت وشافت يدها ونزلت دمعه منها : يدي كان في حد يلحقني اليد : بسم الله عليج حبيبتي وين حد يلحقج لما جفتج تركضين بين الناس ماشفت حد وراج ؟ مريوم : والله يدي كان شي واحد يلحقني !!!! اليد : حبيبتي يمكن انتي تتخيلين تعالي مريوم : لا والله ماتخيل انت اللي تعالي معاي ندور عليه !! اليد : وين ندور عليه الله يهديج مافيه حد وراح اندور على منوه ؟ مريوم مسكت يدها وسحبته مكان الي شافت فيه الريال بس صدق قعدت تتلفت وماشافت حد اليد : شفتي مافي حد ! مريوم : يدي والله كان شي واحد يلحقني ليش ماتصدقني ! اليد : مصدقج بس وينه نزين ؟ مريوم تلفتت بس ماشافت حد : ما ادري وين راح اليد : شو كان لابس ؟ مريوم : يدي كان لابس كلشي اسود كل شي حتى ويهه مايبين اليد : حشى فلم رعب ها مريوم : تتمصخر علي ! اليد : له حشى علي ماقلت اني اتمصخر مريوم طنشت يدها وتمت تتلفت تدور عليه بس صدق ماشي له اثر جنه مريوم كانت تتخيل ! الريال موليه اختفى ماله اثر اليد : امشي خلنا نروح فوق عندهم يلا امشي سكتت مريوم وراحت مع يدها عند المصاعد وصعدو فوق اخر طابق راحو صوب طاولتهم و اليد شاف روضه قامت تبي تروح تضارب مع ميود اليد : رووضضضههههه فز قلبها روضه وعلى طول راحت تيلس مكانها : بسم الله اشهد ان لا اله الا الله كلهم نقعو ضحك مريوم : ههههههههههههههه قامت تتشهد اليد ماتحمل ويه روضه وماقدر يصير جدي : ههههههههههههه الله يغربلج روضه روضه : يدي خوفتني مايضحك !!! مريوم و اليد راحو يقعدون مريوم : حشى بس قال روضه الاخت ماعرفت وين تروح روضه : خفت ياني الموت اليد : ويعه بقص لسانج الوصخ ها ! روضه : ههههههههه فديتك انت امزح مريوم : صح يدي بتخبرك اليد : الله يستر جان زين خليت الريال الاسود الي شافها يخطفها كلهم انصدمو من كلام اليد وذياب على طول رفع راسه عاقد حواجبه وشافت مريوم ومريوم على طول شافت ذياب روضه بستغراب : مافهمت كيف يعني ريال اسود شافها اليد : ههههههه لا ماشي امزح ذياب ومريوم كانو يشوفون بعض وواضح من عيونهم كثر الكلام اللي ودهم يقولونه حق بعض وذياب شاف بعيون مريوم الخوف وانها تخبي وايد كلام بداخلها لعن ذياب عمره مليون مره بداخله على اللي يسويه فيها ومريوم على طول نزلت راسها ذياب لف وشاف سيف وميود وهزاع وكل واحد كان عنده كلام بس سكتو اليد : مريوم مريوم رفعت راسها وشافت يدها : هلا ؟ اليد : ماقلتي شو بغيتي ؟ مريوم : اوه لا خلاص ماشي روضه شافت مريوم وهمست لها : بس مريوم مريوم لفت وشافت روضه وردت بنفس همسها : هلا ؟ روضه : تخيلي اليوم شو صار مريوم : شو ؟ روضه : تخيلي اليوم الصبح لما طلعنا من عندج شفنه هزاع مريوم : اخيج الله يعينكم اكيد حصلتو شويات هواش منه روضه : لااااااااا مريوم استغربت : عيل ؟ روضه : تخيلي هو و ريم تبادلو الابتسامه وعقب هزاع راح بدون مايقول شي مريوم حطت ايدها على شفايفها وصرت : ااااااااااااااااااااااااااااا كلهم شافو مريوم بصدمه ومريوم استوعبت : والله بالغلط اليد شاف عياله : ابا افهم انتو عيالكم فيهم شي ؟ ابو بدر : والله ابويه تعبنا منهم شكله دخل فيهم يني ام بدر : ارمس عدل عيب جي تقول ! ابو راشد : عيل ماتشوفيهم كل شوي وحده صرخت تقول تيس ! اليد : اول مره تقول شي اوكيه صدق جنهم تيوس ريم : وانا طبعا اعرف ليش جي يصرخون مريوم و روضه و ميثا ماتو ضحك : ههههههههههههههههههههههه ريم : يدي تستاهل تهاوشهم بعد كفخهم مريوم مسكت دموعها : اخخخخ يضحككك هي صح اقولكم وين زينبو وخلوف ؟ اليد : مايخصج ارجعي ضحكي ابرك مريوم : ههههههههههه اوكيه اوكيه روضه بصوت خفيف : فشلتونا مريوم بنفس صوت روضه : ههه صدق حتى ميثا انصدمت ؟ روضه : هييي اقولج شراتج جي صرخت مريوم : يعني صدق ماتهاوشو روضه : موليههه مريوم غنت اغنية عبد المجيد : ان سولففف الصبحح يشبهلهههه اليد : ويعه مريوم ماتستحين تغنين هني مريوم صارت تصفق : عاشووو نورررر على نوررر متشابهههه اليد : صدق ماتستحين على ويهج ريم فهمت مريوم على طول : يدي شوفها تقهر ! اليد : وانتي ليش جي مقهوره ليكون تقصدج ؟ ريم استحت ومسكت فونها وطنشت يدها مريوم : هههههههههههههههه لا يدي وين ما اقصدهاااا اليد : هي زين عيل هاي ويها ويه نور ريم : عيل انت اللي ويهك نور لما تنش من الارقاد تقول خفاش اليد : صدق ماتستحين على ويهج ابو مايد : هههههههههههههه خفاششششش عيل ابويه اليد : صدق ماتستحي على ويهك انت الثاني ويه التيس مريوم : ههههههههههههه شوفيكم انتو اليوم خلاص اليد : عيل ماتشوفين ها الوصخ يضحك على ابوه بدال ما يأدب بنته ريم : ههههههه امزح يدي والله انت ويهك نور اصلا انت النور بكبره اليد : هي هاي تربيتي ام مايد : لا تربيتي اليد : ميود تربيتج اما ريم تربيتي روضه : وانا بنت البطه السوده ؟ اليد : انتي عاد شوفي تربية منوه مايد : اصلا انتي خذناج من المسيد عشان جي محد يعرف انتي تربيت منوه روضه : يييمهههه جوفي ولدج تخسي والله ام مايد : اسكت ميود عيب ها الحجي مايد : طيببببب صار الظهر وكل واحد راح غرفته يصلي وعقب راحو طابق المطاعم كلو وخلصو وكل واحد راح غرفته يريح شوي في غرفة البنات مريوم : بنات متى بنروح السينما ؟ ريم : احس احسن نروح فليل مريوم : ليشششش صايعه انتي تروحي نص الليل ريم : من قال نص الليل مريوم : عيل متى ريم : المغرب مريوم : نزين هاتي هاتي الحب ابا اكل ريم شافت مريوم ومريوم شافتها مريوم : ليكون ! ريم : شدعوه ترا انتو ماتاكلون خلصته كامل مريوم : وغصه قولي امين ! ريم : ويعه ارمسي عدل ! ميثا : احين لما بنحش شو بناكل ! ريم : ككاو مريوم : بعينج وقامت ريم : وين ؟ مريوم : بروح اخذ حب من عند امايه ريم : هاتي كيسين مريوم : من قال اني بعطيج اصلا ريم : ويعه ! مريوم سوت لها مالت وطلعت من الغرفه فجاة تذكرت الريال اللي شافته مع يدها ورجعت على طول داخل الغرفه وكل البنات شافوها بستغراب مريوم : بنات روضه : شوفيج ليش رجعتي ؟ مريوم : عادي حد ايي معاي ريم : ليش ؟ مريوم : هه اخاف ميثا : من شو مريوم : تحقيق عاد ! ابي وحده تيي معاي وخلاص روضه : انا يالسه اتقرا روايتي ريم : انا متعايزه مريوم : وكسر انتي ريم : لااااا شكلي اليوم بموت منها مريوم : مخلصه الحب علينا وبعد لها ويه تقول مستانسه ميثا : هههههه خلاص انا بيي وياج مريوم : فديتش يلا امشي طلعو مريوم و ميثا وكانو يتمشون مريوم : شو رايج اول شي نتمشى عقب نروح ناخذ الحب ؟ ميثا : هي حلو مريوم و ميثا كانو يتمشون وميثا شافت من بعيد اللي تشوفه صدفه ومسك ايد مريوم ميثا : مريوم مريوم مريوم : بسم الله ها ؟ ميثا اشرت على الولد : شوفي ها الولد مريوم شافته وكان معاه ياهل صغير بس كانو لافين ويهم : من ها الله شوفي الكتكوت اللي معاه ميثا : تخيلي ها الولد اللي دوم يشوفني صدفه المشكله لما ابجي يطلعلي صدفه ! مريوم : ههههههه صدق ؟ ميثا : هي مريوم كانت تركز على الولد الصغير ولما الياهل لف ويهه ومريوم شافت عدل صرخت : زززييوووددددد لف الولد الكبير و اخوه الصغير عند مريوم و الياهل لما شاف مريوم على طول راح عندها ركض ومريوم نزلت لمستواه وحضنته مريوم : وااااايييييي ممسييييووووو زايد وخر عنها وصار ينقز من الوناسه : مللييوممم مللييييومممم ميثا انصدمت وشافت مريوم : تعرفينه !! الولد الكبير راح صوبهم : طلعت هاي مليوم اللي انت ذالني عليها مريوم : هههههههه زيود وين مزنه ؟ زايد : مثنه في الكرفه ميثا : مريوم شو السالفه من مزنه ؟ الولد الكبير : كيف تعرفين اختي ؟ مريوم قامت وشالت زايد : في المول شفت اختك كنت ضايعه عن اهلي وهي اللي ساعدتني ميثا : ليكون هي نفسها اللي كنتي واقفه عندها لما شفناج ؟ مريوم : هههييييي هي نفسها وها اخوها الصغير ميثا : انا اقول ذاك اليوم لما شافوني الياهل كان يقول مليوم انصدمت الولد الكبير : ايوا لما شفناج تصيحين يا صياحه مريوم شافت الولد بصدمه ميثا : اقول ارمس عدل بصفعك ! زايد : ليث كنتي تثيحين ؟ ميثا : وااايييي حبيبيييييي شالته ميثا عن مريوم شو اسمك زايد : ثايد ميثا : ها زايد : ثايد ثايد ميثا شافت مريوم : شو يعني مريوم : ههههههههههههههه الولد الكبير : ياغبيه زايد ميثا : ههههههههههههه زااييييدددد اوكيه اوكيه زايد اشر على اخوه الكبير : وهذا همد ميثا رفعت راسها وشافت حمد عقب رجعت تشوف زايد ونزلته: يلا تشرفنا مسكت ميثا مريوم وسحبتها مريوم : شوفيج خليني مع زايد ! ميثا : استحي على ويهج اخوه الكبير معاه شو اتمين معاه مريوم : اوهو بتصل في مزنه ميثا : ماتستحين على ويهج انا احين معاج تروحين وتتصلين عليها ! مريوم : من قال احين بتصل عقب ميثا : نزين يلا امشي نروح غرفة الحريم ناخذ حب مريوم : صح يلا راحو مريوم و ميثا عند غرفة الحريم ودقت مريوم الباب وفتحت لها ام بدر ودخلو مريوم : وواااووو غرفتكم ماشاءالله! ميثا : اي والله نظيفه ياحظ ميرو ميره : هع احلا شي لما ترقدين مع امهات و يكون جوهم جو شابات مريوم : شابات هههههههههههه اليده : شفني حتى انا شابه ميره : يدوتي انتي برع الموضوع اليده : انجرحت ميره راحت حضنت يدها : وي وي امزح والله انتي مراهقه مب بس شابه اليده : هي جي اوكيه مريوم : شفتو يدوتي دلوعه وتقول لا انا مب دلوعه اليده : حشى علي مب دلوعه ولا شي مريوم : المهم خالتو ام راشد : هلا مريوم : تخيلي بنتش شو تسوي ميثا على طول قمطت العافيه وصرخت : ايه انتو شو بتقولين ام راشد : شوفيج تصارخين على البنت خلها تقول بلاويج مريوم : امس كلت خمس برقر ميثا شهقت ام راشد : وين من صجج ؟ اليده : بتموتين خمس مره وحده ! ميثا : وانتو على طول صدقتو اكبر جذابه ! مريوم : ايه انتي منوه جذاب ها استحي على ويهج ام راشد : وي مريوم خوفتيني عبالي صدق انا اقول هاي يالله حبه وتخلصها مريوم : وبعد جان زين تخلصها تروح توزعها حق الحيوانات ميثا: ههههههههههههه اليده : طلعو يلا طلعو نبي نرقد نرتاح مريوم : اافففااااا اليده : يلا بسرعه طلعو مريوم : صبر امايه ام بدر : ها امايه ؟ مريوم : نبي حب ام بدر : من وين لنا حب مريوم : افا ماعندكم ؟ ام بدر : لا والله ماعندنا مريوم : عيل منوه عنده ؟ ام بدر : روحي غرفة الشباب يمكن يكون عندهم مريوم شافت ميثا و ميثا شافتها وابتسمو ابتسامة شر مريوم : يلاااا اوكيه تماممم طلعو مريوم و ميثا من الغرفه ومشو غرفتهم مريوم : طبعا فهمتيني ؟ ميثا : طبعا بنطرش روضه عندهم مريوم : ههههههههههههههه سيف على طول بيعطيها ميثا : هي والله سيف طيوب يارب واحد شرات سيف مريوم : وليش تدعين كاهو واحد شراته ميثا شافت مريوم بستغراب : من ؟ مريوم : يعني من حمد اخو زيود ميثا : سييررريييي لاااااا ششكوووو هااااا مريوم : ههههههههه على طول شبكتكم ميثا : حسيتي ! مريوم فتحت باب غرفتهم ودخلو روضه : ها حصلتو ؟ مريوم : له امايه تقول ماعندهم روضه : اوهو عيل من وين بناخذ حب ! مريوم شافت ريم : دبه ريم : اوهو شقيتيني محد قال لكم ماتاكلون مريوم : واذا ماكلنا انتي تبلعينه كامل اربع جيس اربععع كلهم خلصتيهم يا الطقعه ! ريم : ابك ارمسي عدل ياوصخه ! ميثا ضربت مريوم على راسها : ماتستحين انتي مريوم : اخ اوكيه ميثا : المهم روضه روضه كانت تقرا الروايه مارفعت راسها : هلا ميثا : روحي غرفة الشباب روضه : لااااااااااااا ميثا : نزين خليني اكمل ! روضه: انا عارفه هاي خطة منوه وشافت مريوم مريوم : بسم الله انا شكو مب خطتي ! روضه : لاتجذبين ! مريوم : اوكيه هي خطتي وميثا على طول فهمتني بس صدق روضه عشاني روضه : لا مريوم : روضه ترا بقوم اضربج روضه : عادي ضربي المهم ما اروح غرفتهم مريوم بخبث : مره وحده رجعي جاكيت سفسف ميثا : هههههههههههههه سفسف روضه : ويعه ! مايضحك انجلعو مابروح ريم : اصلا الشباب مايكونو موجودين ها الوقت في الغرفه مريوم شافت ريم : عيل ؟ ريم : جوفي احين الساعه ٤ كلهم يروحون فوق يقعدون مريوم : صحصح امشو عيل نروح فوق روضه : باخذ الروايه معاي ريم : لااااااااااا روضه : انطمي ! ريم : امانه روضه لا ياخي روضه : لالا باخذها بس مابقراها ريم : ماتطلع روضه اذا صدق خذتها وماقرتها ميثا : يلا يلا بنات امشو نصعد فوق طلعو البنات من الغرفه واروح عند المصاعد دخلو المصعد وصعدو فوق اخر طابق راحو صوب طاولتهم اللي الكل يقعد ويتيمع فيها بس ماشافو حد مريوم : اوهو ماشي حد ! ريم : خلاص شو رايكم نروح نتمشى لين كلهم ايون روضه : صحصح يلا ريم : خلي روايتج هني بتاخذينها معاج بعد ونحن نتمشى روضه : هي وين اخليها هني اخاف حد ياخذها ريم : هالله و الروايه ميثا : خلاص خلاص يلا امشو راحو البنات يتمشون في ها الجو الحلو مريوم نطرو لين المغرب صدقوني بنصير نرجف تقول بط ميثا : ههههههه صدق ! روضه: لا وبعد نحن في نص البحر ماشاءالله ريم : مريوم مريوم : هلا ؟ ريم : انتي صدق شفتي حد يلحقج ؟ مريوم سكتت في تشوف ريم ريم : يعني صدق ؟ مريوم : لالا مب صدق ريم شافت مريوم وتعرف انها جذابه : ميثا روضه عادي شوي تمشون يدامنا ابا ارمس مريوم ميثا : يب يب عادي راحو ميثا و روضه شوي يدام عن مريوم و ريم ريم : يلا قولي مريوم : شو اقول ؟ ريم : مريوم تراني اعرف انج ماتجذبين ! مريوم سكتت ريم : وبعد لاتنسين اني حتنا شفت حد يراقبنا في المول مريوم شافت ريم : ريم انا ماعرف من ها اذا هو نفسه اللي كان يراقبنا ولا ريم : كيف يعني ماشفتي ويهه ؟ مريوم : جان زين ! ريم : عيل ؟ مريوم : كان لابس كل شي اسود حتى مغطي ويهه ريم : جذابه ! مريوم : ريم كان صدق الوضع يخوف حيل ! ريم : شو سويتي ؟ مريوم : تخيلي طلعت من الغرفه وكنت امشي عادي رايحه صوب الاصنصير الا واحس ان حد يحلقني ريم : صدق لحقج! مريوم : ههييييي ! ريم : يمهههه مريوم : تخيلي لما لفيت وشفته هو وقف شوي يشوفني عقب فجاة قام يركض ريم : ييمهههه والله جنه فلم رعب مريوم :لما قلت حق يدي حتى هو جي قال بس ترا صدق ماجذب ! ريم : وعقب كيف ضيعتي عنه ؟ مريوم : صوب المصاعد دوم زحمه صح ؟ ريم : ايوا ؟ مريوم دخلت بين الناس وماكنت اشوف وراي يعني مادري اذا هو كان وراي ولا ريم : هي ؟ مريوم : دخلت بين الزحمه واخيرا شفت يدي على طول رحت عنده ولما لفيت ماشفته ريم : عيل صدقيني وانتي تدخلين بين الزحمه شو خذها فرصه وشرد عنج على طول عشانه يعرف انج بتروحي عند حد من اهلج مريوم : والله ريم زين ما مت ذاك الوقت ريم : من هاييل وليش يلحقونا ؟ مريوم : انتي لا تخافين شو فيج محد يلحقنا ريم : من بعد اللي صار صامله ان محد يلحقج مريوم سكتت لانه صح كلام ريم قاطعتهم ميثا وروضه لما راحو عندهم روضه : بنات شوفو شوفو مريوم شافت وين روضه تاشر وشافت بنات ياشرون على ذياب و سيف و هزاع و ميود مريوم عقدت حواجبها : هاييل جنه يأشرو على الشباب ؟ روضه : جنه ميثا : امانه هههههههه امشو نروح عدال البنات نشوف شو يقولون ريم : واصلا مبين انهم مواطنين مريوم : شو السالفه كل حد مواطن هني ريم : لانه احين الشتا واجازه كل حد يسافر مريوم : ماعلينا امشو نوقف عندهم ونسمع روضه: يلا يلا راحو البنات شوي شوي ووقفو ورا البنات اللي كانو يرمسون عن الشباب البنت الاولى : امانه بنات دامنا اربع كل وحده تاخذ لها واحد البنت الثانيه اشرت على ذياب : انا باخذ ها البنت الاولى: هي لا ها انا ابي البنت الثانيه : بس انا اخترت قبلج! البنات الاولى: بنات انا كنت حاطته في بالي ! البنت الثالثه : خلاص خلاص فكونا ترا كل واحد يقول الزين عندي شو فيكم البنت الاولى: خلاص عيل انا باخذه! البنت الثانيه : خلاص فكينا انا باخذ ها واشرت على ميود ويهه كيوت بيبي فيس عند البنات اللي كل وحده مصدومه اكثر من الثانيه مريوم : اهااا روضه : مريوم هدي ميثا : صدقوني هاي ال اها فيها شر مريوم : اوكيه عيل كل واحد يقول الزين عندي كانت مريوم بتروح عند البنات بس ريم مسكتها ريم : نحن شو قلنا ! روضه : قلنا بس بنشوف شو يقولون عنهم ! مريوم دفت ريم : حبيبتي اللي يرمس عنهم انسيه حليب امه ريم انصدمت ميثا : لا مريوم تعاي ! مريوم ماسمعت لهم وراحت عند البنات ودقت كتف وحده منهم مريوم : حلو حلو شرايكم بعد اخطبهم لكم البنت وخرت ايد مريوم عنها : نعم انتي منوه ! مريوم مسكت ايد البنت قو : سمعععييييي وقسم بالله اني قربتي صوب واحد من هاييل الشباب بنسيج عيشتج تفهمين ياحلوه ؟ البنت كانت شوي عليها جسم عشان جي لما دفت مريوم مريوم طاحت على طول على الارض راحو البنات على طول عند مريوم ريم : مريوم تعورتي ؟ روضه : ويعه ايه انتي ليش جي ادفينها غبيه انتي ! البنت : والله جوفيها يايه تتهجم علي مسويه انها قويه مريوم عضت على شفايفها وقامت نقعت اصابع ايدها وتجدمت عند البنات : ماااشاااءالله تععاللييييي راحت مريوم عند البنت وصارت تتكافخ معاها البنات ركضو عشان يوقفو مريوم ويبعدونها عن البنت ريم : مريييومممم وخرييي عندهاااا روضه كانت بتروح عند مريوم بس البنت الثانيه مسكت روضه وطيحتها على الارض روضه طاحت بالغلط على ايدها وطاحت الروايه من ايد روضه والبنت راحت وداست الروايه روضه : اايييدددديييي !!!! قامت روضه وشافت البنت واقفه فوق روايتها من القهر راحت روضه عند البنت وضربتها بكس خلتها اطيح على الارض شالت روضه الروايه من على الارض وراحت عند البنت وحطت ريلها فوق بنطها وهوست البنات : ااااييييي بطننيييي قوممميييي روضه : تتببببغغيييننننن تجربييي الشعوررررر لما ادورسين على روايييتتتيييي هااااا ريم شافت اختها وكيف دايسه على البنت وراحت علطول عندها تحاول توخرها ريم : روضضهههه بتموت البنت قوومميييي روضه : لااااااا خلها تجرربببب الشعوررررر ريم : روضه ويعه الا هي روايه قومميييي بتموت البنتتتت !! روضه : خلااصصصص حسيتي بالشعوورررر !! ريم كانت تحاول توخر روضه بس فجاة يت ايد من ورا وسحبت ريم من شعرها ريم صرخت : ششششععععرررريييييييييي لفت روضه وشافت البنت كيف تسحب اختها وماتت تقهر وخرت من عند البنت وراحت هجمت على اللي كانت ماسكه شعر ريم وصارت روضه تكفخها كفيخ نخليهم ونروح عند الشباب اللي سمعو صراخ وحشره لفو وراهم وانتبهو على البنات اللي يضاربون سيف : صبر هايل مب جنه مريوم و الباقين ؟!!! ذياب ركض عندهم وراحو الشباب وراه راح ذياب على طول ومسك مريوم وسحبها وسيف راح عند روضه مريوم وهي بيد ذياب كانت بعدها تبي تكمل على البنات وكانت تحاول تخلي ذياب يهدها : ووخخخررر خلننيييي اعلمها الاااددبببببببب ذياب : مررييمممم خلااصصص !! البنت بكل وقاحه ابتسمت حق ذياب : مشكور لانك وخرتها عني مريوم لفت وشافت ذياب بصدمه وذياب شاف مريوم مريوم : لاااااااا حالفه اكمل عليييجججججج عضت مريوم ايد ذياب وذياب من قوة العضه هدها على طول ويييعههههه مريوم راحت تكمل على البنت كفيخ وميثا راحت توخرها ميثا وهي توخر مريوم : ذياب الله يخليك تعال ماروم عليها ! ذياب رجع ومسك مريوم وسحبها عند سيف اللي وخر وميود اللي وخرو روضه عن البنت بالغصب روضه كانت تصارخ عشان يهدوها روضه : اناااا اورييجججج انتي جي تسحبين شعر اختتيييييي !!!! سيف : خلاص ويعه روضه روضه : وقسم لو هو مب ماسكني جان نسيتج عيشتج! سيف : خلاص امشي ! روضه شافت البنت اللي داست روايتها كانت تشوفهم وتبتسم ابتسامة انتصار انقهرت روضه ورفست سيف قوي لدرجه انها خلتها يدها من العور سيف : ااايييييييي !!! روضه راحت ركض عند البنت ومسكتها من شعرها وسحبتها البنات : هددييييننننيييييي روضه ماكانت تسمعها وجبتها لين صوب طاوله فيها كلينكس روضه : بسرعه شيلي الكلينكس بسرعه البنات : تخسين روضه : وققسسسسممم اذا ماشلتي الكلينكس ومسحتي الروايه ونظفتيها راح امسحها في ويهج وانظفها البنت خذت الكلينكس ومسكت على الروايه مريوم و الباقين كانو يشوفون والبنت اللي مريوم كانت تتضارب معاها كانت بتروح تساعد اختها من روضه بس مريوم ضربت ذياب مره ثانيه ورجعت تكفخها ميثا بصراخ على ذياب : ذييييااابببببببب !! ذياب : اوهووووو والله ماكنت منتبه لها ويعه ضربتها تعوررر وراح ذياب يحاول يفججها ريم كانت تشوف روضه ومانتبهت للبنت اللي وراها اللي مسكت ايدها قوي ولفتها ورا ضهر ريم و ريم من العوار صرخت ريم : ااااييييييدددددييييييييي !!!! كلهم لفت انتباهم صراخ ريم لانه كان قوي و روضه على طول فرت البنت اللي كانت عندها وراحت عند ريم وحتى هزاع وميود راحو ركض عندها وصلت روضه عند البنت وضربتها بكس طيحتها على الارض وقعدت فوقها وهي تصارخ عليها وتضربها وسيف و ميود راحو بسرعه يفججونهم عند اليد الي كان توه صاعد فوق هو وباقي الاهل لفت انتباهم ضرابه وناس متجمعه اليد : شوها شو صاير ؟ ام مايد : وي ها جنه صوت بنتي الريايل كلهم راحو بسرعه عند مكان الهوشه وحاولو يدخلون بين الناس دخلو وراحو بنص وشافو بناتهم اللي يتهاوشون راحو الريايل يفججون البنات اليد حليله اللي توه اخيرا وصل وشاف النظر الخايس وحرج قال بصوت كله عصبيه اليد : شششوووهههااااااا السسخخاااففففههههههههه !!!!!! البنات كلهم فزو من مكانهم وكل وحده رجعت ورا من الخوف اليد : بسسرعههههه على حجركممممممم وانا اوريكم هناكككككك راحو البنات ركض المصعد و روضه لما راحت نست روايتها على الطاوله و سيف راح وخذه الروايه وراحو البنات غرفتهم وابو بدر كان يرمس انقلش ويتاسف للكل وللبنات وكل واحد راح دربه عند البنات في الغرفه ريم و روضه كانو ماسكين ايداتهم روضه شافت جرح ايدها كله دم : اخخخ يعور لما دفتني قوية ريم : يعور الكلبه عوت ايدي احس العظم اللي داخل ايدي انكسر مريوم : هاي الدبه شرمختني واحين يعورنييي ! ميثا : حمدالله انا الوحيده اللي طلعت منها سالمه مريوم : انتي محد كفخج ؟ ميثا : له انا بس كنت افجج بينكم ريم : خلونا من كل ها احين كيف نخلي يدي يسامحنا مريوم : والله اني خايفه من يدي روضه : كله منج !! مريوم : انزين انا كنت اتضارب انتي ليش كملتي وياي ! روضه : الجلبه وانا افجج دزتني وطيحتني على الارض تبغيني اسكت عنها ! ميثا : بس لاتنسون من بعد كل شي مريوم اللي بدت الضرابه مريوم : اوهو احين وربي انا شايله هم يدي ريم : يدي مايرحم ميثا : تستاهلون ريم : وانتي منوه قال انج راح تطلعين منها ميثا : والله حتى وانا مب مسويه شي عارفه اني ماراح اطلع منها ريم : كله من الشيطانه مريوم : من هي ؟ ريم : لا وبعد لها ويه تسال من هي وهي عارفه عمرها مريوم : ههههههههه اضحك وفي داخلي نار روضه : خلاص كلنا بحط على مريوم مريوم : ترا محد بيصدق انتي شفتي شعرج المنفوش تقول طالعه من مصارعه ريم : ههههههههه صدق روضه طاعي شعرج روضه : اوهو خلاص فكوني احين شو بنسوي ؟ مريوم : شـ... ماكملت كلامها الا ويسمعون صوت دق الباب مريوم شردت الحمام و روضه راحت تحت الشبريه و ريم دخلت الكبت ميثا : حشى عليكم ! لازم انا اكون الضحيه وابطل الباب راحت ميثا شوي شوي عند الباب منوهههه اليد : فتحي لابركة الجلاب فيكم ميثا : اوكيه يدي بفتح بس عاد هد اعصابك انت ! اليد بصراخ : فتتحححيييييي ميثا على طول فتحت من الخوف وشردت بعيد الباب دخلهم يدهم وكان بروحه وقالت ميثا في عمرها عاد ها الشي اللي كنت اتمناه مايصير اليد : وين الباقيات ميثا : من ؟ اليد بعصبيه : تستهبليننننننن !! ميثا : لا من قصدك ؟ اليد قاعد على اعصابه : والله ياميثا ان مارمستي بصيحج ميثا يخوف : ياخي خلاص تسمعون التهديد طلعو فكوني ! طلعت روضه من تحت الشبريه و ريم طلعت من الكبت ووقفو عند ميثا ويدعم كان واقف يدام اليد : التيس اللي انا ابيه ماطلع ريم اشرت على الحمام : تبغيها طلعها ومريوم لما سمعت جي من الخوف على طول طلعت ووقفت عدالهم اليد : خلاص احين اكتمل العدد مريوم همست : ليش ياي بروحه روضه بنفس الهمس : عشان يضرب على راحته ميثا : شدعوه عاد سكتو بس اليد ضرب العصا قوي على الارض والبنات فزو وسكتو اليد : لما انا اكون موجود ترمسون صوت عالي فاهمينننن !! البنات : ان شاء الله اليد : شوها اللي صار تحت ؟ مريوم شافت البنات ورجعت تشوف يدها : يدي البنات كانو يتحرشون ! اليد : يتحرشون في منوه ؟ مريوم : فينا ! روضه شافت البنات كملو جذبت مريوم ميثا : صدق يدي ! ريم : تخيل وحده منهم يتنا تقول نعرف حركاتكم شو تقول هاي اي حركات ! اليد : ودي اصدق ودي ميثا : صصددقققق يييددييي ! اليد : ويعه لاتصارخين انا هني مب بعيد ! ميثا : لا بس صدق يدي اليد : ليش قالو لكم جي يعني شو سويتو لهم ؟ مريوم : ماسوينا شي ! اليد : لا والله بيون يتحرشون فيكم وانتو ماسويتو شي ؟ روضه عشان تهدي الوضع : ايوا مريوم حشت فيهم مريوم شافت روضه بصدمه اليد : اهاااا عشان جي ميثا كملت مع روضه : هي يدي مريوم حشت فيهم وعقب هم عصبو اليد : وتقولين هم اللي تحرشو فيج مريوم سكتت وماعلقت لانه تعرف اذا تكلمت بتكفخ روضه و ميثا اليد : بطلو ايدكم كل البنات مره وحده رجعو ورا اليد : قلت تعالو وبطلو ايدكم مريوم بخوف : ليش ؟ اليد : بضرب ايدكم ب العصا مريوم : لااااااااااااا !! اليد : ويعه لا تصارخي ! مريوم : لا يدي والله يعور اليد : تستاهلون بسرعه يلا تعالو وحده وحده ميثا : شباب نحن شباب ! اليد : والله انتو تخطيتو الشباب بحركاتكم هاي ! مريوم : اي حركات اليد : انتو تشوفون كيف كنتو تضاربون مع البنات كفختوهم من الخاطر وكل وحده انتفخ ويها ! مريوم : يستاهلون ! اليد بعصبيه : انتي الي حاشه فيهم وتقولي جي ! مريوم سكتت اليد : انتي الوحيده اللي راح تنضربين مرتين مريوم لفت وشافت البنات وروضه كان واضح انها ندمانه لانها حطت على مريوم اليد : بسرعهههه وقفو طاببورررر وقفو البنات بسرعه وكانت اول وحده روضه اليد : فتحي ايدج ! روضه : يدي الله يخليكم يعني شوها !! اليد : عشان مره ثانيه تتادبون وتتعلمو السنع وماتضاربو مع فلان وعلان روضه كانت واقف وتشوف يدها اليد : قلت فتحي ايدج ؟ روضه فتحت ايدها شوي شوي واليد ضرب ايدها راحت روضه بعيد وهي ماسكه ايدها روضه : اخخخخخخخخخ توبببهههههه والله تووبببههههههه ريم بخوف لانها كانت ورا روضه : مابا يدي والله مابا يعور اليد : فتحي ايدج بسرعه ريم فتحت ايدها وضربها اليد وخرت ريم بعيد : ويعه اليد : تويعج!!!! ريم : بالغلط والله ميثا فتحت ايدها بدون ماتناقش يدها وضربها وراحت الحمام سيدا تغسل ايدها من العوار مريوم : يدي الله يخليك بس ضربه وحده اليد رحمها : خلاص اوكيه بطلي ايدج بطلت مريوم ايدها وضربها اليد بس مريوم ماتدري ليش ماتعورت : حلفو ان ها يعوركم ؟ اليد انصدم وهو يشوف مريوم موليه ماتعورت روضه : ترا ايدج احمرت مريوم شافت ايدها : والله صدق احمرت بس ليش ماتعورت ؟ ريم : ماشاءالله عليج !! روضه : صدق ماشاءالله الله يعطيني قوتها اليد : بس تعبت منكم انا يلا امشو نروح عند الباقين مريوم : خلاص يدي انت روح ونحن بني وراك اليد : لااااا !! مريوم : ليش بعد ! اليد : ريلي على ريلكم بسرعه جدامي امشو طلعو البنات مع يدهم وراحو صوب المصاعد وصعدو فوق وراحو قعدو عند الباقين ريم تسوي عمرها تصيح : اااااااااا يببهههه شوف ابوك جلدننيييي ابو مايد : احسن تستاهلين ريم مدت ايدها : شوف شوف ابو مايد : بعد تستاهلين لو مكسر راسج ابرك ريم شهقت : عقب مابيكون عندي راس ابو مايد : احسن مريوم : عقب بتمشي بدون راس ريم نقعت ضحك وهي تتخيل شكلها بدون راس : ههههههههههههههههههههههههه ابو بدر : خبله يعني احين ها يضحك ؟ ريم : ههههيييييي هههههههههههههههههههه مريوم ضحكت على ضحكت ريم : ههههههههه صدق غبيه ابو بدر : الله يعين ام مايد على عيالها الخبال وريلها معاهم مريوم : ههههههه اصلا محد عاقل في هاي العائله غير خالتو روضه : افا وانا ؟ مريوم : صح صح وبعد روضه ابو بدر : صح صح نسينا رويض روضه : انا ليش منبوذه مريوم : لانج هاديه روضه : احم مريوم : بس غبيه روضه : ابك !!! مريوم : يدي اليد : ها مريوم : يدي انت عندك اخو ؟ اليد شاف مريوم وماقال شي مريوم : يعني مثلا وين اخوك نحن ليش مانعرف عنه شي ؟ اليد ضرب الطاوله قو : والله ان يبتي الطاري ها مره ثانيه بضربج فااهمههههه !!!! نقزت مريوم من صراخ يدها : ان شاء الله روضه استغربت : يدي بلاك مريوم ماقالت شي اليد شاف روضه : انا شو قلتتتتتتت ! روضه سكتت قامت مريوم وكانت بتروح بس صوت اليد وقفها اليد : على وين انقهرت مريوم من حركات يدها : بروح اخذلي كوفي بعد ممنوع ؟ اليد : ذلفي بس راحت مريوم ولفت شافت هزاع بس هزاع ماكان منتبه لها قالت مريوم في نفسها خرا عليك هزاع واتصلت فيه ان فرن هزاع وشاف مريوم مريوم لما شافت هزاع شافها سكرت الخط على طول وسوت له حركة تعال قام هزاع وكان بيروح بس بعد صوت يده وقفه اليد : وانت بعد على وين هزاع : يدي بلاك بروح اخذلي كوفي اليد : اذلف راح هزاع عند مريوم هزاع : ها مريوم ؟ مريوم : هزاع يدي يقهر ! هزاع : استغفرالله شوها عيب مريوم : انا حاسه ان خاش وراه شي هزاع : اكيد وراه شي شوفيج وراه كرسي مريوم موليه كان مالها خلق تضحك بس ضحكت : ههههههههههههه سخيففف !! هزاع : امزح امزح مريوم : يعني شفت كيف عصب لما قلت عن اخوه ؟ هزاع : يمكن بينهم خلاف عشان جي مايباج اتيبين طاريه مريوم : خلاف شو ؟ هزاع : ولا يمكن ميت وهو مايبا يتذكره مريوم ضربته : اي انت لاتفاول ! هزاع : ترا قلت يمكن مريوم : لازم نشوف يدوتي بسرع وقت هزاع : رمستي ذياب ؟ مريوم تذكرت ذياب رفعت راسها وشافته كان يسولف مع سيف ورجعت تشوف هزاع : لا هزاع : نعممم ! مريوم : لا هزاع : بصفعج ماقلت عيدي اللي قلتيه ليش ان شاء الله لا ؟؟ مريوم : متضاربه معاه هزاع ماسك اعصابه : وقته ؟ مريوم : شو هزاع : وقته تضاربون انتو مريوم نحن ورانا سالفه عوده مب وقت هواشكم مريوم سكتت هزاع : وهي صح مريوم رفعت راسها وشافته هزاع : احيد يدي قال شي عن واحد يخطفج مريوم تذكرت السالفه : هي هزاع : شو قصده ؟ مريوم : هزاع تحيد ذاك اليوم لما كنا قاعدين برع في الحوش لما شفنه في الكاميرات كان شي واحد لابس كله اسود و واقف ورا الشجر ؟ هزاع : ليكون هو نفسه مريوم : ههيييي ! هزاع : كيف وين كان ؟ مريوم : تخيل لما طلعت من الغرفه كنت امشي اوكيه بس فجاة حسيت ان حد وراي لما لفيت شفته عقب فجاة قام يركض وراي وانا اركض لما وصلت عند المصاعد كان زحمه دشيت بين الزحمه وهو لما شافني دشيت على طول اختفى هزاع : قلتي حق ذياب مريوم : هزاععع !! هزاع : اوهههه صح نسيت بس مريوم خلاص صدق موليه مب وقت ضرابتكم لازم ترمسينه ترا ذياب اللي يعرف يدبر كل شي مريوم : خلاص خلاص اوكيه بس خله هو اللي يراضيني هزاع : مريوممم !! مريوم : اف لاتصارخ اوكيه هزاع : وسمعي قولي حق البنات وانتي اولهم ماتتمشون بروحكم مريوم : شوها عقاب ! هزاع : لما حد ماتعرفينه يمسكج ويفرج من السفينه تعالي قولي عقاب مريوم بخوف : نزين يعني كيف مانتمشى هزاع : يعني خلكم كلكم مع بعض فهمتي ؟ مريوم : اهاااا هزاع : هي لاتخلون وحده تروح بروحها مريوم : تمام تمام هزاع : انتبهي عليهم كلهم واذا وحده بتروح مكان كلكم معاها زين ؟ مريوم : زين زين هزاع : يلا احين خذي لج كوفي ولاتنسين موضوع ذياب مريوم : اي موضوع ؟ هزاع : مريوم !!! مريوم : اوكيه اوكيه امزح هزاع : يلا ذلفي وراح عنها مريوم : قليل ادب ! راحت مريوم خذت لها كوفي حار عقب رجعت تقعد روضه توها تستوعب : روايتي وينها روايتي ! مريوم شافت سيف كان ماسك الروايه سوت له حركه بيدها انه خش الروايه خشها وسيف على طول خش الروايه تحت مريوم : شوفيج انتي اللي ضيعتيها روضه : انا من الخوف من يدي خليتها وشردت مريوم : شفتي يعني انتي ضيعتيها روضه : لاااااا ! مريوم : ويعه لا تصارخين ريم : شفتي اهمالج روضه سوا عمره تصيح : اااااااااااااااااااا اليد : وصمه وصمه روضه سيف عطها روايتها ! روضه شافت سيف : عندك ؟ مد لها سيف الروايه : هههههههههههههههه هاج روضه : والطقعه مايضحك ! اليد : روضه ويعه استحي على ويهج روضه : يستاهل سيف : بصفعج مريوم قالت لي اخشها روضه : وانت على طول تسمع كلام مريوم ! سيف : هي اسمع كلامها كيفي روضه : اذلف اليد : ببسسسس بسسسسس صدعتونااا مريوم : عاشششووو تبغوني اغني ؟ كلهم : للااااااااااا مريوم : بسم الله ريم : سكتي مريوم : يدي شوفهم جرحوني ! اليد : حجيه انا معاهم مابيج تغنين ! مريوم : اف ماعليه غيرك يتمنى صوره مني ريم : خرررططييييي مريوم : انتي مصختيها ترا بقوم اصفعج ريم : خلاص خلاص اليد : اشوف قومي صفعيها وانا موجود مريوم صفتها عن بعد اليد : عبالي بعد ريم : ههههههههههههه يدي تقول جني يخوف الكل اليد : صدق ماتستحين على ويهج اليده : صدقها فليل انا روحي اخاف من شخيرك مريوم نقعت ضحك : هههههههههههههههه اليد شاف اليده : انا اوريج مريوم : عيل تشاخر يدي هههههههههههههههه اليد : من قال يدوتج تقص عليكم مريوم : صح صح يدوتي تقص علينا واضح اليد كمل يشرب الجاي رفعت مريوم راسها تشوف ذياب كان ماسك الفون قالت مريوم في نفسها اكسر غروري وارمسه ولا اتم على كلمتي بس ياخي صدقه هزاع لازم اقوله عن كل شي بس في نفس الوقت هو اللي ليش مايي يعتذر ! ليش لازم كله انا اللي اروح اعتذر له لين متى بتم كله انا اللي اعتذر وهو الغلطان اصلا لفت مريوم تشوف هزاع وسرحت فيه شوي روضه شافت مريوم سرحانه وهي تشوف هزاع جان تضرب كتفها ومريوم استوعبت ولفت لها مريوم : شو فيج ! روضه : انا اللي شوفيني ولا انتي الفشيله اللي يالسه تتاملين ويهه مريوم : ويه منوه ؟ روضه : تفشلين ليش جي تشوفين هزاع ! مريوم افتشلت : اونه كنت اجوف هزاع ؟ روضه : لا والله ؟ مريوم : والله انا لما اسرح ما اعرف شو اشوف روضه : تفشلين كنتي تشوفين هزاع مريوم : يمه كنت اشوف ذياب كيف لفت حق هزاع ! روضه : هههههههههههه وتعترف انها كانت تشوف ذياب مريوم استحت : لا وين ماكنت اشوف حد كنت اشوف الجو بس روضه : تراك واضح واضح مريوم سكتت روضه : مريوم ترا السالفه مب تحدي ترا هو كان غلطان وكان بيي يعتذر لج بس انتي بعد غلطتي يوم هاوشتيه ! مريوم بصراخ : ااققوولللل روضه سكرت حلج مريوم بسرعه قبل لا تتهور وتقول شي كلهم شافو مريوم بصدمه اليد : ها حبيبتي مريوم تفضلي قولي شاركينا مريوم استحت : لا ماشي اليد : لالا حياج قولي عقب ها الصراخ المتعوب عليه قولي مريوم سكتت روضه مسكت مريوم من ايدها وسحبتها يروحون بعيد عن اهلهم وقبل مايروحون ضربت روضه راس ذياب قوي ومريوم انصدمت وحتى سيف انصدم بس سيف قال في قلبه احسن لما ذياب شاف روضه روضه سوت له بيدها تعال وراحت ذياب شاف سيف : خبله هاي سيف : اقول روح قبل لا ترجع وتدفنك ذياب قام وراح وراهم وروضه راحت بعيد وايد عن الاهل وصل عندها ذياب ذياب : ها روضه روضه مسكته ودزته عند مريوم : والله ان رجعتو عندنا بدفنكم فاهمييننن !! مريوم و ذياب انصدمو لما شافو روضه راحت عنهم مريوم : شوفيها هاي الخبله ! ذياب : حماره والله مريوم كانت بتروح بس ذياب مسك ايدها ذياب : لين متى!! مريوم لفت وشافته : ذياب هد ايدي !! ذياب ضحك بستهزاء : شو بتسوين اذا ماهديت بتصفعيني مثلا ؟ مريوم : اسويها ترا وانت اول واحد تعرف اني اسويها ! ذياب سحبها عنده مريوم استحت : ذياب !! ذياب : تعرفين اني ذاك اليوم لما دست ريلج كنت امزح مريوم ضربته قوي : ههااااا مزحححح هاااااا تعرف ان ريلي تمت يوم كامل تعورنيييي ! ذياب انكسر خاطره : والله ماكنت اعرف اتحرا تستهبلين مريوم ضربته مره ثانيه : انت كله جي معااييي مادري شو سويت لك من يوم المستشفى وانت نذل معاي ذياب : ياعيني انتي والله مادر... مريوم قاطعته : ماتدري شو ؟ ماتدري شو ذياب ؟ ماتدري ليش جي تسوي معاي اشوفك ترمس باقي البنات عادي ولا مره جرحت وحده فيهم مثل ماتجرحننييييي ولا مره تهاوشت مع وحده فيهم مثل ماتهاوشني اشوفك تدلعهم وانا ها الدلع ولا مره سويته لي !! كله كنت تهاوشني وتسبني وتكرهني فيك وانا اتم اتحمل اقول يمكن يتغير يمكن يتغير تتغير شوي عقب ترجع ذياب الخرا اللي كرهته من البدايه ! تدري اني انا النذله اللي خليتك تعيشششش ذاك اليوم لو كنت ميت ومفتكه منك كان اببرككككك ذياب استغرب من اللي قالته وقال في عمره اكيد تقول جي عشانها معصبه : الله يخليج مريوم لا تسوي فيني جي محد تم عندي غيرج ذياب صح ان عندي كل ها الاهل بس والله انتي غير انتي غير عنهم كلهم صح اني اسوي فيج جي بس صدقيني لاني احـ... سكت ذياب على طول مريوم رفعت راسها وشافت ذياب بصدمه ذياب شبك ايده بيد مريوم : صدقيني ماحس بالامان الا معاج تعلقت فيج تعرفين شو يعني تعلقت فيج ؟ صرت اكره وقتي من دونج صرت ابيج كل دقيقه عندي بس على الاقل اشوفج انتي بخير وخلاص اسف مريوم والله ما اعيدها مريوم : لين متى بتقول جي لين متى بتقول انك ماراح تعيدها وتعيدها ذياب : وعد اني ما اعيدها مريوم شافته : وعد ؟ ذياب : ههيييي وععدددد مريوم ضحكت وهدت ايده : خلاص وخر عيب ذياب : هههههههههههه فديت الضحكه تماممم مريوم سكتت وهي تشوف ذياب مبتسم ويشوف البحر وقالت في عمرها عسى دوم ذياب كان يشوف البحر وتذكر شي : صح اقولج مريوم : هلا قول ذياب شافها : عندج شي تبغين تقولينه لي ؟ مريوم تذكرت : عندي اشياء بس يبالنا قعده اخاف احين حد يلاحظ ذياب : خلاص فليل اوكيه ؟ مريوم : خلاص تم اتصل فيني وبي عندك ذياب : خلاص اوكيه نخليهم ونرجع عند الباقين ميثا : وين رحتي ؟ روضه : فريتهم حق بعض خلهم يتصالحون اخاف تسرق هزاع ميثا غصت وهي تشرب : كح كح كحححح اليد : وغصه روضه : ههههههههههه هي غصت وخلصت ليش تقولها وغصه بعد ام راشد : بسم الله عليج روضه دقي على ظهرها ! روضه قامت ادق على ظهر ميثا قوي ميثا وخرت روضه : ويعه ويعه خلاص كسرتي ظهري روضه : قومي هاتي لج مويه ميثا شافت امها : امايه ماشي ماي ؟ اليده : والله يدج كل شوي زلط الماي تقول مب شايف ماي بحياته بلعهم كلهم اليد : وغصه انتي الثاني !! اليده شهقت : وي وي منوه الغصه ههاهههه !! اليد : شوفيج قصدي ميود اليده : اتحرا بعد مايد : انا ششكوووو ماروم اشرب حتى وانا عندكم روضه : هههههههههههههه يدوتي مسيطرهههه اليد : اقول سكتي انتي بعد لايكثر حجي قامت ميثا وكانت بتروح بس صوت يدها وقفها اليد : على وين اليده : يالله ماتحس انك لوعت جبودهم ؟ شوفيك جي وايد خايف يعني وين بيسيرون هني جريب وبيرجعون اليد : مايخصج وشاف ميثا وين رايحه ميثا بستغراب : هني بروح اخذلي كوفي اليد : نزين روحي بس لاطولين ميثا : ان شاء الله وراحت عنهم مايد همس حق هزاع : هي هزاع بنفس الهمس : هلا مايد : ماتحس ان يدي وايد خايف ؟ هزاع : ههييي حسيت ! مايد : من عقب ماقالت مريوم ان في واحد لحقها وهو كله خايف هزاع : هي صدق كل ماحد قام قال له على وين مايد : صدقني يدي خاش شي هزاع : مصدقك خيو مصدقك مايد : وبعد لا تنسى لما مريوم قالت له عن اخوه وهو حرج هزاع : ههيييي حتى انا ومريوم تناقشنا في الموضوع واستغربنا ليش عقب جي ؟ مايد : شدراني بس يدك مكار هزاع : هي اعرف اليد : هههييي انتوووو هزاع وميود تصنمو اليد : ليش تتهامسون هاهههه مايد : ماشي والله كنا نقول شرايكم نلعب ببجي بدون مايعرف يدي اليد : عشان اكسر الفون على راسكم مايد : ان شاء الله عند ميثا اللي رحت تاخذ لها كوفي واتصلت فيها ريم لفت ميثا فونها و شافت (ريمي) وردت عليها ميثا : ها ريمي ريم : وينج ؟ ميثا : رحت اخذ لي كوفي ريم : خذليني معاج ميثا : شو تبغين ؟ ريم : يعني ميثوه في شي يديد نطلبه ؟ ميثا : ههههههه صدقج كله سبانش ! ريم : حسيتي يلا فكينا طلبي وتعاي ميثا : قليلة ادب ! ريم : على قولت يدي روحي ولايكثر حجي ميثا : اوريج نجوف منوه بيطلب لج ريم : لالا خلاص والله ميثا : ههههههه نزين فكينا باي ريم : بااياااتتت سكرت ميثا الخط ووقفت طابور كان الي واقف يدام ميثا ولد ميثا كانت تتحرا انه اجنبي وقالت صوت خفيف : يطوله ماشوف الكوفي من طوله لف الولد وشافها وانصدم ميثا : اوهههه ها انت حمد : ماتعرفين تقولين ماشاءالله ؟ ميثا : بفهم انت بس تلحقني ! حمد : عاد بهفج بطراق متفيج الحقج انا ميثا لم قال لها جي انجرحت ماتدري ليش سكتت ونزلت راسها وحمد شافها وعلى طول قال حمد : ايه والله امزح زعلتي ؟ ميثا : انجلع حمد : هههههههه والله العظيم امزح شو فيج بس ترا صدق انا مب يالس الحق والله انها صدف ميثا : هي نزين حمد : وي زعوله هاي بعد ميثا : جب حمد : افا افا احين انا تقولي لي جب ميثا : خلاص حمد : ههههههه تعالي دخلي يدامي عشان ترومين تشوفين الكافيه ميثا استحت : لا مب قصدي جي بس ترا صدق ماشاءالله عليك طويل وشعرك بني فاتح على بني اغمج شدراني انا حمد : شدخل ميثا : هههههه يلايلا روح ورا خلني ادش يدامك حمد : على كيفها ! ميثا : ترا انت قلت تعالي يدامي حمد شاف ورا ميثا ريال واقف : تعالي يدامي يلا ميثا تجدمت يدام حمد : شكرا حمد : العفو سكتت ميثا وكانت تشوف يدامها حمد : شفتي حتى الصدفه يمعت اختي واختج ميثا : اي اخت ؟ حمد : مادري اللي كانت معاج ميثا : اوه مريوم ههههههه لالا مب انتي حمد : عيل ميثا : بنت عمي حمد : اهاااا تخيلي زيود وايد يحبها ميثا : هي اشوف اول مره شفتك وياه كان يصيح يبيها حمد : يب ابتسمت ميثا له ولفت ويها وصلت ميثا وطلبت لها خلص طلبها ورجعت عند اهلها وهي تغني وكانو كلهم موجودين حتى مريوم و ذياب ميثا : من يوممم ماجت عيونووو في عينيااااا وشفتتتت ضحكتههه الجميله ددييااااا اليد : صدق ماتستحين على ويهج ميثا : هههههه يدي شو فيك تراني مروقه خلني على راحتي اغني اليد : استحي على ويهج يلا قعدي مكانج قعدت ميثا ومدت الكوفي حق ريم ميثا : هاج ريم : مشكورهههه مريوم شهقت : ااايييههههه ميثا : ويعهههه شووو مريوم : ليششش ماقلتي حقيييي ميثا : شو اقوللل ! مريوم : ليش ماقلتي انج بتاخذي كوفي ميثا : لا تقولين كنتي تبغين ؟ مريوم : هييييي اليده : وي وي انتي بلاج بتموتين ! ام بدر : صدقها مريوم ماتشبعين انتي كله كوفي كوفي ! مريوم : اف عادي ابو بدر : والله نص معاشي يطير من ها الكوفي طططارررر المعااششش منججج مريوم شافت يدها : يدي شوف ولدك مايهمه صحتي ! كله يخاف على بيزاته اليد : بعد صدقه وليدي البيزات اولا عنج بوايييددد مريوم : افا افا المهم ابويه عب بطاقتي بيزات ابو بدر انصدم : الاسبوع اللي طاف حاط لج بيزات ! مريوم : بعد شو اسوي صرفتها ابو بدر : انتي شو تاكلين البيزات ! اليد : هي اذا ماحصلت كوفي تاكل البيزات مريوم : البيزات داخل البطاقه كيف اكلها واكككك قفطههه اليد : ورنج يني على ويهج قولي امين مريوم : بسم الله علي مب امين اليد كمل يشرب الجاي مريوم : ابويه ابو بدر : ها بابا مريوم : متى بنوصل مليت ! ابو بدر : باجر العصر مريوم نقزت بحماس : صصصدددققققق ؟؟ ابو بدر : هي هي مريوم : حمااااسسسسس مر الوقت بسرعه وصار المغرب كانو كلهم قاعدين في الطاوله ماعدا اليد و اليده مريوم شافت زينب وخلوف من فوق لتحت : هاااهههه قاعدين عيل روضه : منوه هاييل ؟ مريوم : مانعرفهم ريم : ويعه ام بدر : انجبو زينب : انا روحي نسيت عنكم ونسيت ان انتو موجودين معانا في السفينه مريوم انصدمت : وين يدوتي عنج وينهاااااا زينب سوت حق مريوم سيري ولي مريوم : ماعليه اوريج وصح انت خلوف : هلا مريوم : قلت بتعزمني ع الكوفي ! ام بدر : ياويلك ياخلوف ياسواد ليلك ان عزمتها خلوف : افا ليش سيف : اليوم بكبره شربة ثلاث كافيهات خلوف : ببببللللل بتنفجرين ! ام بدر : بسم الله على بنتي انطم ! ذياب يبي يردها حق خلوف ابتسم بخبث : والله مرتك اللي طالع لها بطن كلهم شافو ذياب البنات و الشباب نقعو ضحك وزينب استحت خلوف : كلخرا ام بدر : ويعه ذياب استح على ويهك شوها قلة الادب ! زينب وهي مستحيه : مايستحون خلهم يولون مريوم وهي تضحك شافت ذياب وابتسمت له وذياب غمز لها روضه : ماقدر هههههههههههههههههه خلوف لو ساكت ابركككك سيف : راح فيها الحبيب زينب : والله جان زين ابويه هني جان عقك من السفينه ذياب : ها لو كان هني بس راحت عليكم زينب : قليل ادب مريوم : خلاص السموحه عموتي استسمح منج بدال ذيابو الوصخ زينب : اول شي انا مب عمو انا زينب ثاني شي خله هو يستسمح مني مريوم شافت ذياب ورجعت تشوف زينب : تستهبل هاي سيف : من صدقج تبغين ذياب يستسمح منج ذياب : خلها خلها تحلم شوي خلوف قلم : بتستسمح بطيب ولا نجرب معاك شي ثاني ؟ ذياب : حياك تعال جرب معاي شي ثاني زينب : كلنا عارفين هاي البدايات مريوم : هههههههههههههههه صصدقققق خلوف : يلا قام ذياب وصار يتضارب مع خلوف بس كلعاده ذياب الفايز في كل مره و خلوف رجع يقعد خلوف : ماعليه زينب كسر ايدي هاي المره مريوم : ههههههههههههه ترا زينب قالت هاي البدايات عارفينها بس انت خقاق زينب : اصلا انت بعيني قوي هزاع : طل طل زينب : انت اسكت لا ادوس في بطنك مريوم شافت هزاع : طبعا كلنا نعرف ان زينب رياله واقوى عن خلوف وذياب فا احسن لك تسكت هزاع سوا بيده حق مريوم سيري ولي وكمل يشرب الكرك مريوم : الله كرك من وين لك ام بدر : اصب لج ؟ مريوم : هي امايه الله يخليج ريم : شو كرك ! امشي يلا بنروح مريوم : وين ؟ ريم : السينما لاه ! مريوم : اوهههه نسيتتتت ام بدر : اوكيه خذي الكرك معاج و روحي مريوم : فديتش يلا هاتي مدت ام بدر الكرك حق مريوم ومريوم خذته وقامت مريوم : يلا ؟ روضه : لا ويت امايه بطاقتي مافيها بيزات ام مايد : ميود ميود مد البطاقه حق ريم ريم : ششكرااااا مايد : بس ماتخلصوها كلها ! ريم : ليش كم فيها ؟ مايد : مادري وايد ريم : خلاص تمام روضه : اصلا ها مايشتري شي عشان جي بطاقته فيها وايد مايد : احسن من اني اشتري روايات واخلص بطاقتي روضه : نننننن جبجب مايد شاف ريم ريم : ابشر ماتستاهل ادفع لها روضه: لالا خلاص والله حبيبي احبك مريوم : يلايلا امشو لاه راحو البنات عند المصاعد ونزلو طابق السينما وراحو يشوفون الافلام الموجوده ميثا : فلم رعب مريوم : ابك !! ريم : طبعا لا روضه : لييششش ريم : مانبا كله رعب رعب ! ميثا : هي كله رعب روضه : امانه شوفو ها الفلم واضح انه حلو مريوم : دامه رعب لا روضه : هي مريوم : لا ! روضه : هههيييي مريوم : بصفعج ! روضه : تعالي اشوف صفعي مريوم تجدمت بس ريم مسكتها ريم : اوب اوب كف على عينكم مريوم : مب رعب روضه : رعععبببب مريوم : رويضضض ! روضه : الله يخليج مرررييييومممم مريوم : خلاص خلاص فكينا لاتصارخين ! روضه نقزت وحضنت مريوم : ححممااسس احببججج مريوم وخرت روضه : خوزي عن ويهي روضه : ههههههه يلا يلا خلاص بندش ها الفلم ريم : الله يعين اذا رقدت اليوم ! روضه : ماعليج بعطيج مرضعه وبترقدين بسرعههه ريم : خلاص كنسلو الفلم هاي قليلة ادب ! روضه: لالا خلاص لاترقدين احسن ريم : خلاص فكونا يلا نحجز راحت ميثا وحجزت لهم وخلصت عقب راحو يطلبون اكل ودخلو الفلم كانو البنات قاعدات في النص وكان الفلم بعده مب بادي مريوم : بنات البنات شافوها مريوم : تتذكرون لما تضاربت مع الشباب وعقب يا سيف يفججنا ريم : ههههههههه ههيييي ميثا : اصلا هم كانو قليلين الادب مريوم: لا حرام بس واحد كان قليل ادب اما الباقين كانو هادين روضه : والله محد قليل ادب غير مريوم مريوم شافتها: لها ويه ترمس وهي اللي مدخلتني ها الفلم روضه : ههههههه بعد صح انتي اللي نطيتي عليه مريوم : انا مايخصني هو اللي كان يحلق وراي ! ريم : اونه ابي اصيدها ميثا : هههههههههه ومريوم ماقصرت اونه جلب يدامك روضه : هههههههههه قالت جلب ولا سمجه ؟ ميثا : والله ماحيد شو قالت بس كان يضحك مريوم : مايضحك ريم : المفروض تصير علاقه بين مريوم و سيف لانه هو ساعدها روضه شافت ريم بنظرات ريم : يييمهههههههه والله امزح لاتشوفيني جي ! مريوم نقعت ضحك : ههههههههههههههههههه يع ما اتخيل انا احب سيف ميثا : صح صح خلاص سيف حق رويض ريم : امانه بنات تحسون الاولاد شراتنا مريوم : بشو ؟ ريم : يعني يقولون روضه حق سيف ؟ مريوم : له الشباب ثقال مب شراتكم انتو خرفان البنات انصدمو من مريوم وضربوها مريوم : ههههههههههههههه امزح والله شوفيج مسرع تعصبو روضه : خلاص خلاص اص بدا الفلم مريوم : لاتسكتيني ! روضه : خلاص اوكيه اص يلا مريوم : هيهيييي ! روضه : فكيينااااا مريوم : بسم الله اوكيه نخلي البنات يشوفون الفلم ونرجع عند الاهل اليد : عيل وين البنات ابو بدر : صدق وينهم ؟ اليد : صدق ماتستحي على ويهك ابو بدر : بسم الله ابويه ليش قلبت علي اليد : بناتك ماتعرف وينهم ! ابو بدر : وانا شدراني محد قال لي شي اليد : صدق ماتستحي على ويهك ابو بدر : ليش بس انا ! نزين عندك يعقوب وشهاب ابو مايد : انا شدخلني انا اعرف وين بناتي اليد شاف ابو مايد : ها عيل وين بناتك ؟ ابو مايد شاف ام مايد وسوا لها وين اليد : اشوفكككك ابو مايد : ههههههههههههه شوفيك ابويه يالس امزح اليد : صدق ماتستحون بناتكم ماتعرفون وين راحو ابو راشد : انا اعرف وينهم اليد : وينهم ؟ ابو راشد : في الغرفه ابو بدر : لا راحو المطعم ابو مايد : لا راحو الكافيه اليد شاف ام بدر : وينهم ؟ ام بدر : راحو السينما الشباب نقعو ضحك : هههههههههههههههههه اليد : جان زين واحد منهم قايل صح خلوف : هههههههههههه كل واحد يقول مكان المشكله بكل ثقه زينب : والله انكم تفشلون هههههههههه ابو بدر : اصلا انا كنت بقول السينما بس نسيت اليد : جب ابو بدر : ابشر ابو راشد : اصلا هم العصر قالو بيروحو السينما بس نسيت اليد : بعد بناتكم قليلين الادب اليده : حتى وهم بعيد عنك مايسلمو من لسانك ؟ اليد : هي نعم اليده : وليش قليلين الادب ؟ اليد : ماقالو حق الاب انهم بيروحون اليده : والله الاب ماكان موجود اليد : يتريو لين ايي عقب يستاذنون ويروحون اليده : زين راحو عيل اليد : انتي بعد اص اليده : نعم ؟ اليد : قصدي ميود اص مايد : يالله انا شششكككوووو زينب : بابا اليد : ها بابا ذياب : شطولج شكبرج بعد تقولين بابا ؟ زينب : انت جب ! اليد : ها زيينبو شو تبغين زينب : ابويه شوف ذياب صاير قليل ادب اليد شاف ذياب : ها من زمان قليل ادب انا اوريه ذياب ابتسم بستهزاء ولف ويهه الصوب الثاني اليد : بعطيك كف على بوزك انت و مريمو الوصخه سيف : هههههههههههههههه يدي احين مريوم شكو يعني صدق حتى وهي بعيد ماتسلم من لسانك ! اليد : هاي وحتى وهي بعيد لسانها واصل لين عندنا من طوله اليده : وي بسم الله على بنتيتي ارمس عدل ! اليد : ههههههههههه والله يضحك نفسيه انتي اليده : محد النفسيه غيرك مايد نقطع ضحك : لسان بقره اليد : ههههههههههههههههه ذياب داس ريل ميود قوي وميود نقز مايد : اخ ويعه ويعه شوفيك انت الثاني ذياب : اغلط مره ثانيه ادفنك مايد : خلاص اوكيه درينا ماترضى على حبيبتك ذياب : بلعنك ترا مايد سوا حق ذياب سير ول وكمل يشرب الكرك هزاع : اقولك ذياب شافه هزاع : رمست مريوم ؟ ذياب : عن السالفه ؟ هزاع : هيه ذياب : لا ماكان شي وقت قلت برمسها اليوم فليل هزاع : رمسها باسرع وقت لانه لازم تتصرف ذياب : هي زين هزاع : ترا مريوم بتقولك شيين ذياب : شو هم ؟ هزاع : سالفة يدوتي و اللي كان يلحقها ذياب استغرب : يدوتي ؟؟ هزاع : هي ترا يدوتي عندها موضوع جنه ولمحت لنا شوي ذياب : متى صار كل ها ؟ هزاع : انت رمس مريوم وبتقول لك كل شي ذياب : خلاص تم اليد : شوفيكم هزاع شاف يده : شو فينا ؟ اليد : اشوفكم تتساسرون هزاع : لا وين مافينا شي اليد : عيل شاركونا سوالفكم هزاع شاف ذياب : شارك يدي سوالف ذياب : سوالف كبار اليد شاف ذياب مصدوم ذياب : مايستوي الصغار يسمعون السوالف اليد : ماشاءالله ؟ ذياب : هي نعم اليد : ونعامه ترفسك قول امين ذياب : لو كنت كبييررر جان عرفت السالفه وغمز له اليد : وبط في عيونك قول امين ابو بدر : يالله ابويه دعاويك ماتخلص عيب عيب ياهل انت اليد : ماشاءالله تعال علمني بعد العيب ابو بدر : ذيابو ! استح على ويهك ذياب : ابشر خالو شي كرك ؟ ام بدر : هي خالو تبي ؟ ذياب : هي لو ماعليج امر ام بدر : ان شاء الله سيف : ياكثر ماتشربو من الدله بعدها ماتخلص ! ام بدر : هههههههههه يدوتك ماتقصر كل شوي راحت تسوي كرك سيف : يدوتي تسوي كرك حقها وهم اللي يشربونه اليده : ههههههههههه والله اصدق شي قلته اليوم كل شوي بلعوها مايد : ولا تنسون مريوم اليده : عاد مريوم ماتقصر موليه الود ودها تبلع الدله بعد اليد : ههههههههههههههههههه اول مره تقولين شي يضحك اليده : لا والله ؟ اليد : اصلا انتي كل شي تقولينه حلو اليده : عبالي ام بدر : هههههههههه وين مريوم عنكم انتو اليد : خلونا خلونا شوي نرتاح منها ومن حشرتها ام بدر : حرام عليكم حليلها بنيتي اليد : القرد بعيد انه لا غزال اليده : لا لا فشلتناااا مب جي ها يقولون حق الولد مب البنت اليد : ويعه انتي بعد فشلتيني محد لاحظ جان سكتي اليده : اوه ههههههههههههههههههه الساعه 10 راحو الاهل كل واحد غرفته يريح بعد ماتعشو وخلصو البنات من السينما وطلعو منها روضه : واايييي اخيراااا ميثا : خيبه فلم ثلاث ساعات متنا ونحن نشوفه ! روضه شافت مريوم و ريم اللي يرجفون من الخوف روضه : هههههههههههههههههه طع ويهكم شوفيكم مريوم : خرا عليج روضه وعلى افلامج روضه : هههههههههه صدق الفلم كان يخوف من الخاطر ريم : فلسفه وبعد تعترف حيوانه ! ميثا : هههههههه يلا يلا امشو نروح الغرفه مريوم : مانروح عندهم فوق ؟ ميثا شافت الساعه : الساعه عشر وين عندهم تلقينهم كلهم راحو غرفهم مريوم : يلا يلا خلنا نروح البيت ابغي اسبح بعد ريم بستغراب : بيت ؟ مريوم : اوه هههههههههههه قصدي الغرفه ريم : هي جي اوكيه يلا امشو راحو البنات وصعدو طابقهم وراحو غرفتهم دخلت مريوم تسبح والبنات تمو يسولفون ريم : بنات ياخي بعده ماشي حب ميثا : انتي اللي خلصتيه ريم : احين شو بناكل ونحش ؟ روضه : كيكه ريم : لالا مب حلو كيكه احلا حب روضه : عيل قومي هاتي من غرفة الشباب ريم : انا ماعندي حد يعطيني انتي عندج سـ... روضه : سيف سيف سيف سيف سيف سيف سيف خخخلاااصصصص مليت كله سيف ريم : هههههههههههه بعد صدق ! روضه : مريوم عندها ذياب ! ريم : مريوم يالسه تسبح ميثا : كيف يالسه تسبح ؟ لازم واقفه تسبح ريم : ماشي فرق روضه : ريم يلا قومي ريم : ليش انا ميثا عندها بدر ! روضه شافت ريم بصدمه وميثا سكتت ونزلت راسها روضه : ياخرا رررييييمممممم !!! ريم سكرت حلجها : اسفه ميثا والله بالغلط نسيت ميثا لما تذكرت حمد رفعت راسها وابتسمت : لالا عادي ههههه روضه ضربت ريم على راسها : يلا ذلففيييي ريم : خلاص بروح فوق ادور حب روضه : خلاص اوكيه ذلفي فوق المهم دوري حب ناكله ريم قامت : تمام تمام كانت الساعه ١١ طلعت ريم من الغرفه وراحت فوق اخر طابق وكان الجو واااييييدددد بباااررردددد نخليها ونرجع عند البنات اللي كانو بعدهم يسولفو ومريوم توها تطلع راحت بدلت وراحت عند التسريحه نشفت شعرها وربطته وحطت مرطبات و كريمات وهاي السوالف عقب راحت قعدت عند البنات مريوم : ها عن شو سولفتو روضه : والله ماشي ذلوني على سيف مريوم : ههههههه والله حليلج بس صدق انتي وسيف صدفتكم حلوه روضه : خلاااصصص شقيتوني مريوم : نزين نزين هههههه روضه : مريوم مريوم : هلا روضه : خلاص اخترتي انج تصيري دكتوره ؟ مريوم : ههييي خلاص سجلت ودشيت التخصص وكل شي عقب الاجازه بداوم روضه : الله والله وناسه مريوم : وانتي معلمه ؟ روضه : يب مريوم شافت ميثا : وانتي ؟ ميثا : مهندسه مريوم صفقة : الله عااشششوووو الف ولد يتمناج روضه : ههههههههه شكوووو مريوم : حبيبتي المهندسه كل ولد يتمناها روضه : اصلا عادي حتى المعلمه كل ولد يتمناها مريوم : ههههههههههههههه روضه : اصلا شكو الشباب مايحبون عشان الوظيفه مريوم : حبيبتي اي ولد يشوف بنت وظيفتها قويه يبوس ايده ويحمد ربه بس روضه : بصفعها هاي خفاقه مريوم : هي صح وريم شو قررت تستغل ؟ روضه : رقاصه ههههههههههههههههههههههههه مريوم : تهز على اغنية بيبي شارك ميثا : ماقدر ههههههههههههههههههههههههه مريوم اللي توها تستوعب وقالت بخوف : هي صح بنات وين ريم ؟ روضه : ههههه شوفيه ويهج انقلب راحت فوق تيب حب مريوم بخوف وصراخ : وين فوق !!!!! ميثا : بسم الله مريوم شوفيج فوق اخر طابق مريوم : تستهبلووونننن !!! قامت مريوم طلعت من الغرفه وراحت ركض عند المصاعد روضه وميثا استغربو من مريوم كانو بيروحون وراها بس ماقدرو لانها لابسين بجايم عند ريم اللي كانت فوق تدور حب راحت عند المحلات بس ماحصلت تعبت ووقفت تشوف البحر الا وفجاة واحد يوقف عدالها وكان ضخم بس ريم مانتبهت له الريال : هلا ريم استغربت منه انه يرمس عربي لما لفت وشافته قامت ترجف وماقالت شي لف لها الريال وشافها : سمعي زين ياريم ريم بعدها ترجف وهي تشوفه ماقدرت تتحرك من الخوف الريال : بقولج هاي الكلمتين و وصليها حق ذياب فاهمه !! ريم بعدها ساكته الريال : اصبر عليك يومين وراح تلحق ابوك يايك الموت الدور عليك ريم هني رجفت وصارت ترجع ورا والريال يتجدم عندها الا وشوي واحد يمسك ايد ريم ويسحبها بعيد صارت ريم ورا هزاع وهزاع يدامها يجابل الريال هزاع : خير نعم ؟ الريال سحب على هزاع وراح لف هزاع يشوف ريم كانت ترجف مسك جتفها وهزها هزاع : ررييييممم ريمممم وياي انتي ؟ ريم بدون ماتحس وبخوف : راح تلحق ابوك يايك الموت الدور عليك هزاع انصعق من اللي قالته ريم الا وفجاة اتي مريوم ركض عندهم مريوم مسكت ريم : هزاع ريم شو صار هزاع فر ريم عند مريوم : انتبهي لها وراح ركض ورا الريال مريوم بعدها مصدومه وشافت ريم كانت ترجف وخايفه مريوم هزتها من كتفها مريوم بخوف : ههييي ررييممم شو صار شوفيججج ريم مب حاسه بعمرها : راح تلحق ابوك يايك الموت الدور عليك مريوم حطت ايدها على شفايفها وشهقت وحست انها فهمت ريم وعلى طول عرفت انها تقصد ذياب نزلت دمعه من عيون مريوم ومسكت ايد ريم والايد الثانيه رفعت فونها تتصل في ذياب في غرفة الشباب كان ذياب منسدح يشوف الطوف الا ويسمح فونه يدق رفع الفون وشاف الاسم وعلى طول رد ذياب : هلا حمود مريوم بصوت واضح انها تبجي : ذياب تعال بسرعه فوق ذياب لما سمع صوت مريوم فز على طول : وينك ؟ مريوم : فوق اخر طابق صوب كافيه ... ذياب : يلا احين ياي سيف و ميود شافو ذياب وذياب سوا لهم بحواجبه امشو قامو سيف وميود على طول وراحو مع ذياب راحو الشباب وصعدو فوق وراحو عند البنات ومريوم لما شافت ذياب على طول وراحت عنده وهي ماسكه ريم ميود شاف ريم بخوف كان شكل ريم وايد يخوف واضح انها كانت خايفه وفي نفس الوقت ترجف راح ميود عند ريم وسمكها ورفع فيها عشان تشوفه مايد : رييممم ريم : ... مايد بخوف : ررريييمممم سمعينيييي ريم بدون ماتحس : راح تلحق ابوك يايك الموت الدور عليك كلهم شافو ذياب وذياب انصدم مايد ضرب ويه ريم بشويش : ررييممم من وين سامعه ها الحجي رددييي ريم : ... مريوم بدون ما تحس مسكت ايد ذياب وذياب عصر على ايدها ذياب : شوفيها مريوم شو صار فيها ؟ ارمسي مريوم بعيون متروسه دموع : كله مني كككللهههه مننيييييي ذياب مسك فج مريوم وخلها تشوفه : اهدي انتي وقولي شو صار مريوم حاولت تهدا : انا كنت اخذ شور و ريم وميثا و روضه كانو يسولفو وريم طلعت من الغرفه بروحها والمفروض ماتطلع بروحها بس انا ماكنت موجوده عقب لما خلصت طلعت واستوعبت ان ريم طلعت من الغرفه بروحها ولما ركضت فوق شفتها مع هزاع وكان جي وضعها سيف : و وين هزاع احين ؟؟ مريوم : مادري راح فجاة يركض ماعرف وين راح مايد شاف ريم : ريم ردي الله يخليج ذياب : تعال تعال نقعدها على الكرسي شوي نعطيها ماي سيف : بروح اطلب ماي وانتو روحو قعدو راحو كلهم قعدو وشوي الا ويي سيف معاه دبة ماي شال ميود الماي عنه وفتحه شرب ريم شوي وعقب حط شوي في ايده وغسل ويه ريم بس ريم بعدها على حالتها شوي الا ويي هزاع هزاع : الله يلعنه ماقدرت ازخه ! ذياب : هي انت شو السالفه تزخ منوه ؟ هزاع : لما طلعت من الغرفه قلت شوي بروح فوق اخر طابق اخذلي كوفي لما رحت فوق شفت ريال واقف عند ريم وريم ترجع ورا وهو يتجدم عندها ولما رحت قلت له نعم راح عني انا عبالي واحد عادي بس لما قالت ريم راح تلحق ابوك يايك الموت الدور عليك هني حسيت ان ها واحد منهم ! ورحت اركض وراه ابي الحق عليه بس مالحقت عليه وايد كنت متاخر شاف هزاع مريوم وصرخ عليها واننننااااا ششششوووو ققلللتتتتت للللجججججج هههاااااهههههههه ! ذياب بعصبيه : ههههززااعععععع ببلعععنننككككك !!!!!! هزاع مسك شعره ولف ويهه يهدي اعصابه مريوم بخوف كانت تحاول تمسك دعموها : والله كنت اخذ شور ماكنت معاها ولا كنت اعرف ان ريم بتطلع بروحها عقب لما طلعت وماشفتها ركضت الحق عليها نزلت دمعه من عيون مريوم ومريوم لفت ويها عنهم وكل الشباب لفو ويهم عن مريوم ماعدا ذياب مسك فكها ولفها صوبه ومسح دمعتها ذياب : خلاص لا تبررين سيف ضرب الطاوله قو : هاي مب حاله مب حاله شو بنسوي احين ها النذاله مايلحقون الا البنات !! ذياب : هي لانهم مايرومون علينا هزاع : لازم نرمس يدوتي مريوم قلتي حق ذياب اللي سمعتيه ؟ مريوم رفعت راسها : لا نسيت هزاع : قولي احين احسن خلي سيف و ميود يسمعون ويعرفون مريوم شافت ريم : وريم عادي اقول يدامها ؟ ميود و هزاع شافو ريم هزاع : واضح انها راقده قولي عادي ماتسمع شي مريوم كانت ترجف لانها كانت توه طالعه من الحمام وطلعت في ها الجو البارد ذياب انتبه لها فصخ جاكيته ولبس مريوم ذياب : يلا ارمسي مريوم حضنت جاكيت ذياب عشان تدفا : قبل مني السفينه لما يدوتي كانت في غرفة عمي وذياب قالي اروح ازقرها صعدت فوق عشان ازقرها وكان الباب شوي مفتوح سمعت يدوتي تصيح وهي تحضن صورة عمي الله يرحمه وتقول كله منا خليناك تسافر عند الغربان ونحن كنا نعرف انك مراقب وانك مب بخير كله من ابوك لانه ماقال لنا لو ما خليناك تسافر جان انت احين معانا وقاعد حوالينا كله من ابوك اللي مانعرف لين متى بيتم ساكت ومايبلغ الشرطه عليه مريوم ماقدرت تكمل وغطت ويها بيدها وصاحت كلهم انصدمو من كلام مريوم وذياب ضرب الطاوله قو من القهر وشوي الطاوله انكسرت مايد : من ها اللي يدي يبلغ عليه الشرطه !!! سيف : اكيد ها واحد من اللي يراقبونا مايد : بس منوه اللي مطرشهم علينا ويراقبونه ! كانو مايد و هزاع وسيف يرمسون ومريوم رفعت راسها وشافت ذياب كيف مقهور حس ذياب ان مريوم تشوفه لف لها وشافها مريوم : سمعت ريم شو قالت ذياب مسك خد مريوم ومسح دموعها بصبعه : لاتخافين علي حبيبي ماراح يصير فيني شي مريوم : بس ذياب صدقني هايل واضح اذا قالو شي يسونه صدق ! ذياب : يخسي حد يذبحني اصلا مريوم شافته وسكتت وذياب كان يسمح دموعها ويشوفها هزاع : هي انتو روميو و جوليت مريوم وذياب شافو هزاع ذياب : نعم هزاع : انت بتموت عقب شوي وماخذ راحتك مريوم : بسم الله عليه بقوم بصفعك ! هزاع : نمزح والله يعمي لاتخافين حبيبج عنتر محد يروم يذبحه ذياب : نزين بلعنك اسكت هزاع : اوكيه اوكيه احين شو بتسوون ذياب : خلنا نوصل الجزيره بنرمس يدوتي بس اللي ابيه منكم انكم تكونو كلكم مع بعض ومحد يفترق عن الثاني وشاف مريوم وانتي اولهم خلي عيونج على البنات واذا صار شي على طول دقي على واحد منا مريوم : ان شاء الله مريوم تذكرت شي صح هزاع هزاع شافها : هلا ؟ مريوم : كيف كان شكله اللي كان مع ريم ؟ هزاع : والله شكله غريب لون شعره ابيض ويشوف بعيون وحده عيونه الثانيه مادري شوفيها مسكرها بلصقه ويعني واضح انه عود كبير مريوم شهقت : ها نفسيه ذياب : نفسه شو ؟ مريوم : هو نفسه اللي انا شفته في المول وبعد هو اللي ريم شافته في الملاهي هزاع : الحيوان ورانا من لما كنا في الملاهي ! ذياب : لا هو من زمان وراكم مريوم :صح لاتنسى كلام يدوتي شكلها تعرف ان في حد يراقبنا بس ساكته هزاع : شت نسيت سيف : السموحه بس يدكم يقهر شوي كلهم شافو سيف بنظرات سيف : بسم الله شوفيكم والله امزح بس يعني صدق ليش ساكت ليش مايقول شي ! مريوم : يمكن عنده شي عشان جي مايقول لنا مايد : ولا يمكن مهدد ؟ مريوم شافت ذياب : بعدك تحلم الاحلام اللي قبل كنت تحلمها ذياب : لا وانتي ؟ مريوم : بعدني بس هاي المره تطورت الاحلام ذياب بستغراب : كيف مريوم : صرت كل يوم احلم في حد من اهلنا مهدد ولا حد يلحقه ذياب مسك شعره : استغفرالله هزاع : خلاص نحن المهم نرمس يدوتي واكيد بتقول لنا كل شي مريوم : صح ذياب : خلاص تم هزاع لف وشاف ويه ريم اللي كانت راقده وحاطه راسها فوق كتف ميود : خذها الغرفه واضح انها تعبانه من اللي صار مريوم : ميود بيي معاك مايد شال اخته : يلا امشي مريوم فصخت جاكيت ذياب وعطته ابتسمت له وراحت عنه مع ميود راحو الاصنصير تبطل المصعد وراحو الغرفه دخلو مريوم وميود الغرفه وحطها ميود فوق الشبريه راحت روضه عندها بخوف روضه : شوفيها !!!! مريوم : مافيها شي بس شوي داخت روضه : كيف داخت وهي لما طلعت من عندنا ماكان فيها شي ! مايد : انتي احين سكتي خليها ترتاح وعقب يصير خير سكتت روضه و ميود طلع من الغرفه ومريوم تمت مع البنات ورجع ميود فوق عند الشباب هزاع : وصلتها ؟ مايد : هي ذياب : من باجر اول شي بنرمس يدوتي ثاني شي بنشوف حل مع ها الملعون اللي يراقبنا هزاع : خلاص انا صدعت بروح ارقد سيف : يلا قومو قامو كلهم وسيف انتبه على فون مريوم اللي على الطاوله سيف : ها مو جنه فون مريوم ؟ هزاع لف وشاف الفون : اوه هي فونها راح ذياب وخذ الفون : امشو ناخذه عندها دام غرفتهم على دربنا راحو الشباب عند المصاعد نخليهم ونرجع عند البنات روضه كانت قاعده فوق الشبريه عند ريم وحاطه ايدها على جبهت ريم وتقرا عليها ميثا : كيف داخت ياخي ؟ مريوم : ماعرف انا روحي كنت خايفه عليها وبعد صح والله فيكم غباء مب طبيعي ميثا : ليش ؟ مريوم : عيل حد يخلي ريم تروح بروحها في ها الوقت ! ميثا : قالت بتروح تييب حب مريوم : حب وين فوق السطح ميثا : ها السطح ؟ مريوم : قصدي فوق اخر طابق عند الكافيهات شي حب ! روضه : صدقيني هاي الجلبه راحت فوق مب عشان الحب مريوم : هي اعرف عشان تشم هوا جنه مافيه هوا هني بتموت بتختنق ميثا : ههههههههه بل بل شوفيكم خلاص احين البنت حمدالله مافيها شي مريوم سرحت وكانت شايله هم ان ريم اذا نشت من الارقاد تقول حق ميثا و روضه اللي صار لها ميثا : هووييي وين سرحتي مريوم : ها ماشي كانت مريوم ادور فونها عشان تقول حق ذياب في الواتس عن ريم بس ماحصلته مريوم : وين فوني ؟ ميثا : مادري انتي خذتيه معاج مريوم : ليكون نسيته فوق بروح اييبه وبيي وطلعت مريوم من الغرفه ... ......................................................... . *** ** * ج