رواية النصيب - الفصل الخامس عشر - بقلم ياسمين أمين - مكتملة | روايتك

رواية النصيب : الفصل الخامس عشر : خرج اكرم وهو في مكانه عندما نظر ليده كانت مشدوده حاول يهداء ويسحب نفس عميق طلع بهدوء دخل غرفته وغلق والعصبيه باينه ع ملامحه :... ام هيام : ايش حصل مالك معصب هكذا ابو هيام: عيالك بيجننوني بيموتوني ناقص عمر ام هيام : لو جينا لصدق ابن اخوك الغلطان ابو هيام : انا عارف اني دلعت هيام قوي وعارف انها ماكانت تشتي زياد لهذا كل ماكانت تجي تشتكي كنت ارجعها بس شكل الولد استهان وفكر انه ماعاد نشتيها ........ رجع البيت متنرفز فتح الباب بقوه بيطلع غرفته ابوه وقفه: ايش حصل وين هيام زياد: عمي مارضيش يرجعها جلست تفعل دراما ابوه: قد قلت لك عمك صبره بينفذ ! والان كيف زياد بضبح: والان كيف؟؟ يزعم الدنيا كلها واقفه على هيام في الف بنت غيرها ابو زياد:في الف بنت بس في هيام واحده .. مفكر الالف البنت هذول بيكونو مثل هيام بيشيلو البيت مثل هيام ويصبرو ع صياحك ونرفزتك ومزاجيتك ؟ والله محد تتحمل مزاجكك هذا يوم شاف له وطلع دخل غرفته وغلق وجلس ع السرير بضبح :...... ............ رجع البيت مبتسم غير ملابسه وجلس ب الصاله وهو يتذكر سرحانها فيه : شكل البنت ذي بتحبني قوي وانا عجبتني والله يعني ملامحها حلوه دمها خفيف وعائلتها محترمه ورجع تذكر كلامها: اذا يشرفك تتزوجني انا حلمي اصير زوجتك واخذته الذكرى الى حيث يكرهه عندما تذكر هيام : انت حلمي ! فتح عيونه وصحي من بحر تفكيره : ايش جابك انتي اطلعي من راسي ي هيام خليني اعيش .......... بعد ثلاثه ايام بدا يحس ب الشوق ويتخيلها في كل مكان في البيت اول مره تغيب كذا وبدا يتعب خرج اشتري غداء وهم جالسين وهو سرحان ام زياد: ليش ما تاكل يمه ؟ تعبت من اكل المطاعم ابو زياد:الللي يلعب ب النعمه يستاهل وبرد غير عادته قال بهدوء: يبه ايش رايك انت تروح تكلم عمي ؟ يمكن يسمع لك ويرجع لي هيام ؟ ابو زياد: عشان ايش تشتي ترجعها ؟ عشان تضربها زياد: لا ذي اخر مره والله لو ترجع ماعاد ب اذيها خلاص ! ابوه ابتسم: واخير عرفت قيمتها زياد: بتروح اليوم ؟ ابو زياد: طيب المساء بروح اكلم عمك !! شاف له ب ابتسامه :.... ...... كانت خرجت من الكلاس عندما شافته ب الاداره مع سمر ويشوف اوراق كانت تحس ب الغيره منها بدون شعور تحرقها ! وجلست خارج وعندما طلع شافها : ايش بتفعلي هنا ؟ ضحكت: ولاشي اخذ الكرسي وجلس جنبها: نص اللي ب المعهد روحو ماتشوفي الوقت متاخر ؟ رنا: ايوه حتى صاحبتي روحت بس شوي واروح قلت استرق لحظه اشوفك بها ؟ ابتسم وسكت:.. رنا: اي حد الان يتخرج من المعهد بمعدل قوي يشتغل وكيل ؟؟ ايمن ضحك: لا مو اي حد طبعا رنا: اذا ع اي اساس سمر وكيله ؟ ايمن بنفس الابتسامه: سمر .. مو مجرد طالبه ب المعهد .. انا اعرفها من فتره تقريبا طويله وهي بنت ملتزمه بشغلها وعملها وذكيه .. رنا: يعني هي اقدم بنت المعهد ايمن: تقدري تقولي هي اقدم بنت بالمعهد من ناحيه انه اعلى درجه حصلت وكمان استمرت معنا لانه الاغلب خرجو لضروف وكذالك صديقاتها رنا: وين راحو صديقاتها ايمن سرح شوي ورجع شاف لها: تزوجو ! رنا : وبقيت هي ليش ما تزوجت ضحك وبهدوء: ماجاء نصيبها .. سرح شوي:كانو مشاغباات رنا : كانو مشاغبات ايمن بهدوء: واحده منهن بس كانت مشاغبه ! مش مشاغبه بمعنى مشاغبه ولكنها كانت تحب تكسر كل شي وتمشي رنا: هههه تكسر كيف تكسر تكسر الكراسي والطاولات مثلا ايمن بشرود: كراسي طاولات وحتى قلوب !!!ههههه لا تهتمي وقف: الان ضروري تروحي لان الوقت اصبح متاخر رنا ابتسمت: طيب مشت وهو يشوف بعدها :... .......... المساء .. ابو هيام : اهلا وسهلا حيا ب اخي وينك قاطع الزيارات ابو زياد ب ابتسامه : الدنيا ي اخي شاغلتنا دخل وزياد بعده حاول يسلم ع عمه بس تجاهله :.. ابو زياد جلس: ايوه كيف انت وكيف هيام ابو هيام: كلنا تمام الحمد لله ابو زياد : الدنيا سلامات ما تستاهل حد يشدها اليوم حياه وبكره موت .. وكل شي يمشي ب التفاهم واحنا نشتي نرجع هيام واي شي تطلبوه بنفعله ابو هيام: والله ي اخي جيتك لحالها تكفي بس انت عارف ابنك بيمد يده عليها واحنا قد صبرنا كثير زياد قاطعه: اسمع ي عم احنا بحكي لك القصه وانت احكم .. خرجت معها المول ولما قد احنا بنخرج نسيت شي سرت اديه وارجع وهي بتشوف لواحد وهو يشوف لها ماعاد اشكك في اخلاق هيام ي عمي حشا بس الغيره طبعنا وانا غرت وانا اشوف زوجتي تشوف لوحد هكذا وانفعلت غصب عني وصار اللي صار ورجع شاف ليوسف: ذاك الذي جاء ب العرس ي يوسف الذي قلت انه كان جاركم يوسف شاف ل ابوه: قصدك ايمن ؟ زياد: ايوه هو .. هي مافعلت شي يزعم تكلمت معه او قال لها شي كانت بعيد بس كانت تشوف له وانا غرت غصب عني ولو حد مكاني بيفعل هكذا يوسف:معك حق ي زياد ابو هيام :.... زياد: انا والله ماشفت من هيام شي مشين وانهي بنت مؤدبه ومحترمه وانا ما اقول كذا عشان اشكك في اخلاقها يمكن كانت تشوف بدون قصد بس اللي جرحني انه يعرفها وحظر العرس وتكلم عليها وانا وضحت لك بس ي عم .. ابو هيام :... يوسف: لا خلاص ماغلطت ي زياد اي رجال بيشوف زوجته تشوف لحد بيغير وبعدين تستاهل خليها تتادب ابو زياد: اختك مؤدبه ي يوسف من عند ابوها .. وبعدين مش شرط انها كانت تشوف له ي زياد يمكن ب الصدفه زياد: سالتها وقالت لي انه كان جارهم وانه تقدم لها شاف لعند ابو هيام: وانت رفضته ي عم ابو هيام سكت شوي ورجع شاف له: طيب انا برجعها لك ي زياد لكن توعدني ان هذا اخر مره تمد يدك عليها اين كانت الاسباب تجي لي انا زياد: اوعدك ي عم اخر مره لو ازيد امد يدي عليها تنكسر يدي ابو هيام وقف ودخل وهي ب الصاله: يالله البسي وارجعي مع زوجكك هيام وقفت ب انفعال: بس يبه ابو هيام اقترب منها: لابس ولاشي ؟ ماكنت عارف ي هيام ان عاددك بتشوفي ل ابن ***ذاك هيام: حسبي الله ونعم الوكيل .. والله ل اقتل نفسي والله لو زد مد يده علي اني ب اقتل نفسي ولا عاد برجع لكم ولا عاد ب الجى لكم بموت وافتكككككك دخلت غرفتها معصبه وجمعت ملابسها وامها تشوف لبست وطلعت وهو كلم زياد: يالله اخرج رجع زوجتك ابوه بيقوم وهو مسكه: اجلس اليوم بتعشي وتسمر معنا حين قد شفناك ابتسم وجلس وطلع زياد وشغل السياره وطلعت جنبه وهي بتنفجر:.. حاول ذي المره ولاول مره ما يستفزها وبعد دقائق هدوء قال بطريقه هادئه: لو تشوفي ي هيام كيف كان البيت بدونك ! ماعاد قدرت اجلس فيه !! وحشتيني قوي .. استغربت من كلامه اللي ل اول مره حسته يعنيه وصادق فيه بس ما ردت :... وصلت فتحت ام زياد وابتسمت: هلا بهيام نور البيت ابتسمت لها: هلا فيك ي عمه وطلعت غرفتها وهي مقهوره دخل بعدها: هيام مالك ؟ وبعدين ع الاقل اجلسي مع امي شوي شوفي كيف فرحت فيك ل اول مره تكون جريئه معه وقالت له: مالك دخل ! اقترب منها بيحاول يضمها: كيف مالي دخل انتي زوجتي حقي انا هيام بعدته ى بعصبيه : قد بين اكره نفسي لاني زوجتك قدنا اشتي اموت بدون شعور منه عطيها كف حس الكلام جرحهه ورجع انتبهه ونزل يده وضمها: هيام انا ما قصدي امد يدي بس انت** قاطعتها: ماقصدك صح بس صرت متعود ؟ صار هذا روتينك ! ضروري تضربني ع اتفهه شي وضروري تمد يدك وكاني شغاله عندك زياد: انتي جرحتيني ! هيام: كلمتي هذه انت قلت مثلها الف كلمه ! كم مره سبيتني ولعنتني وكم مره قلت ي رخيصه ي حقيره ي الخ كم كلمه مهينه سمعتها لي من حين تزوجنا كم مره اهنتني ومسحت بكرامتي ووجودي الارض زياد: هيام خلاص انسي بعدته بقوه: كيف انسي كيف انسي بذي السهوله ي زياد ؟ شوف الان مسرع مديت يدك علي وضربتني انت متعود مستحيل تتغير ارجوك اطلع من عندي ارجوك شاف الموضوع بدا يكبر خرج بهدوء قبل لا يتهوو وقف عند باب بيتهم من خارج وطلع سيجاره وبدا يدخن وهو منفعل :... جلست هي تبكي بقهر ورجعت مسكت خدها مازلت تحس بيده فيه: خلاص متعود ي هيام يضربك وابوك يرجعك ولا لك قيمه اصلا ولا لك وجود انتي مجرد تابع لزياد بس ولرغباته ولا لك قدر لامنه ولا من اهلك تعبت حياتي تحولت جحيم وين ذيك الاحلام الورديه ي هيام بعد دقائق تفكير نزلت تحت كانت ام زياد ب الصاله دخلت المطبخ وفتحت الدرج وطلعت السكين وبقيت تشوف لها لحظات: ماصدقني ابي عندما قلت له لو يزيد زياد يمد يده علي بقتل نفسي فكرني اكذب لانه ما بيعرف انا كم اعاني ب اليوم الواحد وهي بالصاله سمعت صوت شي وقع ع الارض ولانه شافت هيام دخلت المطبخ قالت بصياح: هياااام هياااام ايش في ؟ ماردت قامت بنفسها دخلت المطبخ وانصدمت شافتها على الارض والسكين على الارض داخلها والدم بينزل بغزاره وهي فاقده للوعي ماعرفت كيف تلقائيا صاحت: هياااام هيااام زياد الذي طلع السيجاره الثانيه وبدا يدخن سمع الصوت ودخل : يممه ايش في صوتك طالع ؟ كانت هي بالمطبخ: زياااد الحمد لله انك جين تعال انا ب المطبخ دخل وانصدم بهيام بين ايدها: زوجتك تشتي تموت نفسها ي زياد اسرع لحق عليها كان منصدم ماعرف كيف يتصرف :.... ........... *** ** *https://play.google.com/store/apps/details?id=com.stories4all.offline5