رواية النصيب - الفصل الثالث عشر - بقلم ياسمين أمين - مكتملة | روايتك

رواية النصيب : الفصل الثالث عشر : شاف له بجديه : بجي انا واهلي ونخطب واللي تطلبه انا جاهز عبد الخالق بدهشه: ايمن !! انت عارف ايش تقول ؟؟ ايمن:ايش اقول ؟ ليش او عيب ! انا اطلبها ب الشرع والدين والعرف والقبيله عبد الخالق: مش كذا ي ايمن بس انت اقصد هيام *** قاطعه:مادخل هيام ؟؟ هيام قد تزوجت وراحت في سبيلها وانا قد نسيتها ي عبد الخالق ،. عبد الخالق التفتت له وبيشوف له بجديه: ايمن !!! انت عارف ايش حصل بك لما شفناها صدفه ب المول ..؟ ايمن البنت داخلك مازلت في وسط قلبك تخلص من هيام اولا وبعدين فكر بغيرها ايمن قاطعه بعنف: قل انك ما تشتي تناسبني وخلاص !! عبد الخالق: لا والله يشرفني وانت اقرب اصحابي شاف امامه وبهدوء:بس ي ايمن انا خايف تتزوج اختي وقلبك عند واحده ثانيه وتظلمها معك بدون ما تشعر !! ايمن: لا تقلق ما بظلمها ولاشي بخليها في عيوني وهيام عباره عن ماضي وانتهى ! وقد حطيت نقطه النهايه يوم عرسها .. عبد الخالق :طيب نسال البنت واشوف رايها ايمن: طبعا من حقكم عبد الخالق: بس لو وافقت معي شرط ! ايمن: كل شروطك بنفذها عبد الخالق: تجلس الخطوبه سنه كامله توعدني بها ي ايمن انه لو انتهت هذه السنه وعادك ذاكر هيام انك تجي من نفسك الى عندي وتقول لي نبطل الخطوبه !! ايمن : ليش ما تفهم اني نسيت هيام ودفنتها !!؟ لكن لك ما طلبت ... عبد الخالق: اوعدني! ايمن: اوعدك !! .......... كان مغلق غرفته ويكلمها: قد رجعت قبل شويه .. رقيه: ايوه احسن صلح العلاقه مع اهلك يوسف: انا احاول بس اخاف اخاف اخسرك اخاف تروحي من يدي وانا قلبي معلق بك رقيه : يوسف كل شي بيتصلح لا تقلق لا تهتم الله بيسهل امورنا تنهد وغمض عيونه: مدري ايش حصل لي ودخلت بهذا كله .. مدري متى حبيتك حتى.. انا ما اقدر اتصور حياتي بدونك ! انتي لو تجلسي يوم ما تكلميني ينهد حيلي ! اتعذب بغيابك رقيه:الى هذه الدرجه تحبني ي يوسف يوسف تنهد : واكثر مما تتصوري ! .......... رجع بوقت متاخر دخل واهله ب الصاله مارد السلام بيمشي وقفه ابوه: زوجتك بيت اهلها زياد: احسن ابو زياد: بشوف ذي المره عمك ماعاد بيرجعها لك لو تشوف كيف جسمها عليه الدكمات من كثر ما ضربتها زياد: عمرها ل رجعت !!! طلع معصب وهم يشوفو بعده :.. ام زياد: كلها يومين واشتاق لها ويروح يرجعها ابو زياد:هذا اذا بيرضو يرجعوها له بعد الذي بيفعله .. ............ دخل وهم ع العشاء جلس وهو يشوف ل رنا بنظرات متقطعه ورجع يتكلم : اليوم واحد كلمني يشتي يتزوج واحده منكن ام نوال: واحده ؟ ماقال من عبد الخالق: من يعني نوال عادها بتدرس ثاني ثانوي اذا مافي غير رنا سمعت اسمها وحست بتوتر :.... ام نوال: من هو عبد الخالق عدل جلسته: ايمن صاحبي ماقدرت تخفي ملامح الدهشه والفرح ع وجهها :... شاف لها بجديه:فكري لبكره وردي لي خبر حاول تكمل ماقدرت قامت ع العشاء ودخلت الغرفه وقفلت : مو معقوله ما اصدق !!!!!! كيف !!! انا ؟؟؟ مسرع ؟ ايش اللي خليه يفكر بي ؟؟ ليش انا بذات !! طيب وسمر ؟؟؟ كانت متفجاءه ومندهشه بشكل كبير:.. اليوم الثاني ابو هيام بيكلم زوجته: نادي لي هيام اتكلم معها ام هيام قامت وكلمتها ودخلت وجلست بدون كلام وكانت لابسه لبس طويل ومغطيه ايديها تحاول تخفي علامات الضرب اللي فعلها زياد بجسمها اللي ماقدرت تخفيه كان وجهها :.. ابو هيام: ايش حصل ؟؟ هيام: ضربني !!! بيمد يده علي ع اتفهه شي متعود !! ابو هيام: ما اصدق هو بيحترمني وعمره ماقال لي لا وهو خلوق ليش بيمد يده عليش الا لو انتي بتنرفزيه هيام: يعني اكذب ؟؟ اقول لك بيمد يده علي بيضربني بعنف ابو هيام : متى تبطلي دلع ي هيام وتستقري بيت زوجكك ؟؟ سكتت ماردتت دقائق ورفعت له عيونها وكانت كلها دموع كانت تحس ب القهر انه دئما يشوفها الغلطانه وما يشعر بها : لو انت مش مصدقني ! اسال عمي وعمتي قد شافو بعيونهم !! انت بتسترخصني يبه ! بتبيعني بثمن رخيص !! اذا الجدار الذي تستند عليه وقع عليك كيف عاد بتقدر توقف قامت وهي تمسح دموعها وهو يشوف بعدها وسحب نفس عميق:..... ....... كان ذاك اليوم ثلاثاء ومع ذالك سار المعهد وصل وهم ب الكلاسات سال عن كلاسها وراح دق الباب وكان عندهم استاذ جلس يمزح معه شوي وهي تشوف له بصمت واعجاب ورجع التفتت لهم: ي رنا لو كملتي تعالي لي الاداره اول ماقال كذا حست نفسها يتسرع ومو قادره تتحكم بضربات قلبها :حاضر خرج وهي مثل المدوخه بعده هبه : ايش بيقول لك ؟؟ رنا: مدري مدررري يوووه قدنا متوتره !! غلق هو الباب وبدون شعور رجعت ذاكرته ثلاث سنين للوراء : : ايش!! : هيام قلت لك لو اتقدم لك بتوافقي تتزوجيني ؟؟؟ : اااا اصلا يعني ايش ذا السوال بالله ؟؟ غمض عيونه وفتحهن: اعوذ بالله !! خرج ووصل مكتب الاداره وسمر هناك : سلام سمر ابتسمت : وعليكم السلام ورحمه الله وبركاته خير في شي ايمن ضحك: ليش وما ينفع اجي الا لو في شي سمر ب ابتسامه: لا اعوذ بالله بس قلت لو في شي جلس وطرق ب الخفيف ع الطاوله ب اصابعه: قررت اخطب ي سمر ! رفعت عيونها بدهشه: تخطب !!؟ ايمن: ايوه اخت صاحبي ؟؟ هي بتدرس هنا وهي حلوه ومؤدبه سمر ابتسمت: من صدق ي استاذ ؟ واخيرا بتخطب ايمن :هههههههه كلهم بيقولو هكذا .. عادنا ما قلت ل اختي ما اقدر اتصور فرحتها .. سمر: يعني الكل فرحانين ايمن ضحك: ايوه سمر وقفت واخذت الاوراق عشان بيجلس مكانها وشافت له بجديه: وانت فرحان ؟؟؟ مدري ليش سؤالها خليه سرح !! ماتوقع بتساله كذا ؟ او حتى هو يمكن ماسال نفسه كذا ؟ بعد دقائق صمت قالت له بعد ما حست سؤالها احزنه : اسفه لو سؤالي ضايقك ي استاذ ايمن انتبهه لسرحانه : لا مش كذا ي سمر ! بس سؤالك كان عميق يمكن انا نفسي ما انتبهت اسال نفسي ؟؟!! سمر تحاول تغير الموضوع : احسن انك تتزوج لانه ذي سنه الحياه ! هيام تزوجت وانت تزوج والدنيا هكذا وبالنهايه كلها نصيب ايمن : ايش جاب طاري هيام الان مش اتفقنا ماعاد نذكرها لا خير ولاشر .. والقصه مش نصيب ي سمر بس صاحبتك ما حبتني ! ما حبتني ابدا !!!! كانت بتتكلم ورجعت سكتت عندما دقت رنا الباب : ادخل ؟؟ ايمن ابتسم: تفضلي وشاف لسمر: ممكن شوي اتكلم معها سمر شافت لها وضحكت ورجعت شافت له: اهاا ذي اختك صاحبك يالله يالله بطلع انا خرجت ورنا تشوف بعدها وفي نفسها ايش دخلها لو انا اخت صاحبه وليش تشوف له كذا وليش علاقتهم عميقه كذا نقزت بتوتر عندما قال لها بهدوء: اجلسي ! جلست وهي تشوف له ايمن : اتوقع عبد الخالق كلمك! سكتت وشافت ل ايديها اللي تحركهن ببعض وهو كمل :انا ي رنا من زمان محد لفتت انتباهي مثل ما فعلتي انتي ! مش القصه اللي حصلت بييتكم والخ بس مدري كيف حسيت نفسي انجذبت لك بصراحه .. حبيت اطلع اللي بقلبي قبل لا اسمع قرارك من اخوك ... وبصراحه لولا انك اختك صاحبي كانت يمكن العلاقه بتاخذ اتجاهه مختلف .. لكن لو انتي موافقه علي ،،، انا يشرفني تكوني زوجتي !!! كان يتكلم وهي تشوف له بسرحان وعندما كمل كانت تحس اطرافها بارده من التوتر ونبضات قلبها تزاد من الحب :.. ايمن ابتسم وهو ملاحظ سرحانه فيه: بتردي او ؟؟؟ ضحكت وشافت امامها ورجعت شافت له: اذا انت يشرفك اكون زوجتك انا احلم اكون زوجتك !! ابتسمت له وطلعت وهو يشوف بعدها وغصب عنه ارتسم الماضي امامه : : انت !!! انت تجيب حلمي الى يدي وتقول تريديه ؟؟ كيف ما اريده كيف وانت حلم حياتي !! قبض ايده ببعض: ايش صابني اليوم ليش الذكريات تلاحقني وكان الوقت يعيد نفسه ! ........ *** ** *https://play.google.com/store/apps/details?id=com.stories4all.offline5