رواية النصيب - الفصل التاسع - بقلم ياسمين أمين - مكتملة | روايتك

رواية النصيب : الفصل التاسع : - ‏قآسي شعور آلبگى آلمغبون الله حسيب الأشياء آلموجعھہ " 🍂🍂🍂 كانت لحالها بالغرفه وبتكلمه واتس .. وهو يشرح لها عن مدى شوقه لها خاصه وهي اجازه بالجامعه ومش قادر يشوفها حتى وصل لقناعه وقال لها: ايش رايك نتزوج ي رقيه خلاص انا قدنا تاعب انتظر رده بتعجب: نتزوج ؟ مش اتفقنا نكمل الجامعه يوسف: انا مرتاح والحمد لله ومقتدر وبيتنا كبير وابي شايل البيت كله .. يعني حتى لو تزوجنا الان مافيش مشكله ابي قد بيقل لي اتزوج اصلا وهو بيدفع كل شي انتي عارفه انا ابنه الكبير رقيه بتردد:والله انا نفسي اليوم قبل بكره بس ي ي يوسف كيف افاتح اهلي وهم مايعرفوك ولاشي اخاف اخي يرفض 😭😭😭 يوسف: خلي كل شي علي بفكر بطريقه المهم ماتكوني لغيري وتكوني لي لاني ما اقدر اعيش بدونك والله سمعت صوت الباب :طيب شكلها زوجه اخي وصلت اكلمك بعدين غلقت وهو تنهد بعدها: متى تكوني لي فتحت وجلست :مساء الخير رقيه: مساء الفل تاخرتي اليوم دينا: جلست اتكلم مع ايمن شوي واشوف ايش يحتاج وايش ناقصه رقيه :اهاا وكيف هو دينا : الحمد لله تمام وشافت ل احمد اللي كان مروح معها: بس ي احمد مو راضي يتزوج للان احمد : ايوه قدنا احاول افهمه يستقر بس الفكره مادخلت راسه رقيه: شكله عاده ذاكر لها ؟ ذيك البنت دنيا: لا لا هيام لا قد نسيها اصلا ونسي من تكون قد مسحها ذيك الايام ولا ذاكرها ولاشي احمد : ايش عرفك بقلبه ي دنيا ؟ دنيا : لو شي انه يذكرها يتكلم عنه او حتى بعرف بس انا متاكده انه قد نسيها وقبرها داخله حيه ......... كانت وهم ع العشاء وهي ساكته .. ام زياد : كان البيت بدونك موحش ي هيام ابتسمت لها :.. ابو زياد : قد كنا جنناه كل شويه سير روح زوجتك زياد : انتم قلقين ع الفاضي .. قد قلت لكم متى ما رحت عمي بيروحها لي ع طول شافت له ورفعت حواجبه وقامت :.. امه تغيرت ملامحها وابوه شاف له بعتب : ايش ذا الكلام ي زياد ؟؟ زياد: مالكم قلبتم علي ايش قلت ؟؟ امه : افعل لزوجتك قيمه ي زياده بتخسرها بعدين زياد: ولا بخسرها ولاشي هي باقيه معي ابو زياد: شوف لو عمك بيحبك ويرجعها لك كل مره بيتعب بعدين ب النهايه هي بنته ما عاد يقبل عليه وبعدين المفروض تقول عمي كثر الله خير واقف معي دئما استحي منه وشيل بنته ع راسك زياد وقف بضبح: اوووهوو كل مره يزعجوني ع هيام هذه يزعم اخر واحده ب الدنيا تطفشو الواحد حتى من بيته ترك العشاء وخرج وهي بالغرفه حقها مغلقه وضابحه :... ......... وهم جالسين ع الغداء فتحت الموضوع رنا: انا اشتي ادرس معهد بعد ما كملت الثانويه عصام : مشو ضروري ام رنا : ليش مش ضروري خليها تدرس تستفيد نوال: اصلا هي متفقه مع صاحباتها كلهن بيسجلين بمعهد واحد عصام: اي معهد رنا : معهد ال**** عصام : اهاا ذا المعهد حق صاحبي رنا : من صاحبك عصام: مش شغلك ؟ طيب ادرسي بس انتبهي لنفسك واستفيدي مش الا بس خرجات رنا ابتسمت له: طيب ورجعت سرحت * من صاحبه لا يكون ايمن ؟؟"* العصر لبست وطلعت مع صديقاتها المعهد وصلت وسجلو وسالت السكرتياريا ب اهتمام : المدير فين؟ السكرتاريا : المدير يداوم الاربعاء بس يجي يشوف المعهد .. بس لو تشتي شي الوكيله موجوده رنا: لا لا اسال عن المدير لانه صاحب اخي بس نسيت اسمه السكرتياريا ابتسمت: صدق قصدك الدكتور ايمن صح رنا حست بشي غريب عندما سمعت اسمه وهي تتذكر صورته ذاك اليوم وقالت بصوت واطي: ايوه ايمن صديقتها هبه ضربتها بيدها بمزاح: مالك سرحتي عندما سمعتي اسمه رنا ابتسمت: ههههه لا ولاشي ورجعت شافت لسكرتاريا: طيب الوكيله ايش اسمها وايش تقرب له السكرتاريا: الوكيله اسمها سمر .. ما تقرب له شي هي كانت تدرس هنا ومستواها كان عاجب الدكتور ايمن فخليها تمسك المعهد بعدما اخذت التوفل .. رنا هزت راسها: اهااا .. طيب سؤال اخير الاستاذ ايمن مش متزوج صح ولا خاطب السكرتاريا ضحكت: هذا وانتي تقولي صاحب اخوك وما تعرفي ههههه لا مش متزوج رنا ابتسمت ومشت مع صديقاتها ووقعت عينها ع الاداره وع سمر وقالت في نفسها: يعني من بين الكثير من الخريجين ليش ايمن بيخلي هذي ب الذات الوكيله ع المعهد ؟ معقوله يكون يحبها او شي ؟؟ في هذه الاثناء سمر كانت تتصل : هيام ي قلبي اهدائي شوي بسك انفعالات لا تهتمي به هيام: بيقهرني ي سمر والله يعني مدري كيف مفكرني عنده حتى لو اروح عند اهلي ما يهتم عارف ابي ويوسف بيرجعوني له سمر : هيام حاولي تكسبيه ي قلبي حاولي تخليه يحبك ويغير اسلوبه معك هيام: حاولت والله حاولت بس مافيش فايده مش عاطيني فرصه كله بسبب يوسف اخي خليني عنده بدون قيمه انا خلاااص قدنا تاعبه سمر تنهدت وهي تحاول تخفف عنها: طيب مع الوقت بيتغير اصبر ي قلبي .......... المساء وهم على العشاء ... يوسف يشوف ل ابوه بتردد: يبه ؟ ابو يوسف:.. يوسف: اشتي اتزوج ! ابو يوسف ابتسم: احسن خبر وانا نفسي افرح بك انت ولدي الكبير يوسف ابتسم وهو يحاول يمهد للموضوع ام يوسف :اي بنت تتمناك ي يوسف بكره ادور لك** قاطعها : البنت موجوده ! ابو يوسف: من ؟ واحده من بنات عمومك او بنات اخوالك او من الجيران من هي هذه الذي عينك عليها ي بني اكرم ساكت :.. يوسف بتردد وهو عارف رده فعل ابوه:بصراحه ولا واحده من هذول هي واحده ادرس معها ** بيكمل وقاطعه: تدرس معها ؟؟؟؟؟؟؟ يوسف: يبه خلني اكمل .. مش يعني قدنا ادرس معها قد هي خلاص بنت ضايعه*** قاطعه مره ثانيه وبشده: يوسف انت عارف ابن من انت تروح تجيب لي واحده صاحبتها ب الجامعه لا نعرف اصلها ولا فصلها طبعا لا شاف له شوي وقام بعصبيه : وانا ما شتيش غيرها وحرام علي البنات لوما تزوجتها بجلس عزب طول عمري خرج بعصبيه وهم يشوفو بعده .. ابو هيام شاف لهم وتنرفز وقام :... اكرم شاف ل امه اللي تركت الاكل من يدها بحزن : يمه لا تهتمي ابنك ذا مجنون شوي ويرجع له عقله ! ام يوسف:.. ............. *** ** *https://play.google.com/store/apps/details?id=com.stories4all.offline5