رواية النصيب - الفصل الثاني - بقلم ياسمين أمين - مكتملة | روايتك

رواية النصيب : الفصل الثاني : كانت كل شوي ودخلت غرفتها تشوف الورده وتبتسم وكانه معها الكون كله في شكل الورده ذي ... كانت بنسبه لها اغلى شي امتلكته بحياتها.. وتسال نفسها يحبك ي هيام ؟؟؟ وهي تسال نفسها دقت امها الباب ودخلت : هيام صليتي مغرب ابتسمت : ايوه يمه ام هيام: طيب ابوك يشتيك بالمجلس روحي له شافت ل امها بغرابه: ايش يشتي ؟؟ الا اذا كان موضوع زواج جديد وانا يمه قلت الف مره ما قد اريد اتزوج !! ام هيام: مدري روحي وشوفي ... دخلت الورده الدرج وامها تشوف لها ورجعت تكلمت: هيام ،. ابوك مدري ايش قصده انه بيسالك والا هو حالف يزوجكك زياد التفتت بعصبيه بتتكلم قاطعتها: هيام هذا الواقع حاولي تقنعي نفسك بزياد ؟ هيام بعصبيه: يمممه يممممه ما اريده ليش ما تفهمو عصبت وطلعت دخلت المجلس: مساء الخير ابتسم لها: هلا بنتي الوحيده .. اشر لها جمبه: تعالي .. هنا جلست ويوسف جنبه يشيش وهو يشوف لها :.. ايو هيام : اليوم في حد طلبك مني ..! قاطعته : يبه ارجوك قلت لك الف مره ما افكر الان ب الزواج يوسف بصعبيه: ومتى تفكري لما تعجزي ؟ شافت له بكرهه: مالك شغل !! ورجعت شافت ل ابوها: يبه ارجوك ابوها تنهد: هيام كذا ما ينفع ؟ ابن عمك ورديتيه والان اي حد ترديه ؟ هيام: يبه للان ما جاء شخص مناسب ابوها: انا ما ذكرت اسمه حتى تعرفي اذا مناسب او لا ؟ وبعدين من المناسب هذا ؟ هيام : يبه لو سمحت ما اريد شاف لها شوي: طيب روحي ابتسمت وطلعت ويوسف شاف ل ابوه بنرفزه: يبييه ايش ذا بتمشي الدنيا ع كيفها ابو هيام: انا بشوف الشخص المناسب ذا يوسف: محد مناسب لها الا زياد ضحك ابوه: ههههه داري ي يوسف بس بشوف من اللي بيخلي اختك ترفض كل هذول عشانه ،،، بخليها تقنع انها تاخذه يوسف: وبعدين تزوجها زياد غصب ..... رجع هو بيته دخل وغلق وجلس ب الصاله وغمض عيونه: ااااخ ي هيام متى تجي ...؟ واخلص ماعاد بكون لحالي بتكوني معي ... ياليت في حل للحب والشوق اللي ينهكه البعد ... ليتني اقدر اخطفك بذي الحظه او ليتني اقدر اجيك ... سهل كلها كم يوم ان شاء الله وانتي عندي وجنبي امام عيني وبين يدي ... ........ اليوم الثاني كانت متحمسه جدا تروح المعهد عشان تشوفه .. هو كان يروح بس يشوفها ويمشي كان عليه ضغوطات بس كل الضغوطات ماكنت اصعب من انه يمر يوم ما يشوفها فيه ... وصلت وما شافته انتظرت كثير بس تاخر كانو الناس يمشي من حواليها وهي تحس المكان فاضي وهو مش موجود وكانه خالي ومهجور دخلت الكلاس مع لينا وسمر ودقائق ودخل سرحت به وسحبت نفس عميق وكانه روحها رجعت لها دخل وابتسم: اليوم بدرسكم انا .! سمر: ليش الاستاذه فين ايمن : لا انا حاب اليوم كذا نخليها كلام بشوف كلامكم ب الانجليزي كيف لينا: طيب وهيام سرحانه :... بدوء الاسئله .. سال الكل سوال وصل لها وقال هيام وهي شافت له وقف امامها : السوال يقول ؟؟؟ لو تقدمت لك ي هيام بتوافقي !!! رفعت حواجبها بدهشه وكلهم ضحكو ... هيام : ايش!! ايمن ضحك: هيام قلت لك لو اتقدم لك بتوافقي تتزوجيني ؟؟؟ هيام ارتبكت وخجلت: اااا اصلا يعني ايش ذا السوال بالله ؟؟ ايمن: جاوبي الكل جاوبو ع اسالتهم ؟؟ هيام : لو سمحت غيره سكت وهو يشوف لها :... ورجع التفتت : طيب نسال غيرها شكلها كانت سرحانه بعد الدوام طلعو كلهم وهي بتطلع وقفها: لحظه وشاف لصديقاتها: اسبقو وبتجي شافو لها وابتسمو وهي تقول بعيونها لا تطلعو:.. خرجو ووقف امامها: ع فكره ي هيام انا قصدت سوالي .. لو تقدمت لك بتوافقي ؟؟ شافت له بتوتر ودهشه وتفجاء وهي تحرك ايدها بسرعه ببعض:.. ايمن شاف توترها: هيام لو مو موافقه عادي لا تقلقي مو مشكله .. بيظل مكانك مثل ماهو وبتظلي الينت اللي احلم بها ! قاطعته بكلمتين بصوت جدي وهادئ وثابت : انت !!! انت تجيب حلمي الى يدي وتقول تريديه ؟؟ كيف ما اريده كيف وانت حلم حياتي !! سكت ب ابتسامه وهي طلعت وهو يشوف بعدها وبداخله: تحبيني ي هيام مثل ما احبك !! ما اصعب الكتمان ... ........ خرجت وصاحبتها وصلو عندها: ايش قال يحبك صح هزت راسها ب النفي وكانت ساكته لينا بقلق من شكلها: طيب قال تحبيه هيام: كمان لا سمر: مال شكلك كذا قال لك شي ازعجكك غمضت عيونها بقوه وابتسمت وبصياح: قال بيخطبني ي بنات فتحتين عيونها لينا: سالتك بالله !! هيام بفرح: والله والله والله قال بيخطبني ي عالم !! سمر ضمتها بقوه بفرح: لا ما اصدق هيام واخيرا هيام :ياربي بموت من الفرح اخاف قلبي يوقف سمر ضحكت: ياربي لا توقف قلبها قبل لا تتزوج لينا: انا مو صدقه هيام والله تفجاءت كذا مره واحده قال بيجي فكرت سواله مزح يا الله هيام: حتى انا انصدمت .. وربي احبه ي بنات احبه روحت قبل المغرب وصلت بفرح رجمت شنطتهاوهي تغني .. دخلت امها : هيام شافت لها بفرح: امري يمه اطلبي تدللي ضحكت: جعلك دوم مبسوطه كذا بس ايش السبب هيام بفرح:كذا يمه كذا من الله ابتسمت: بس قلت بقول لك اليوم جاءت دنيا لو انتي تعرفيها جارتنا** قطاعتها بفرح: ايوه ايوه اعرفها ام هيام: طلبتك ل اخوها ايمن *** ** *https://play.google.com/store/apps/details?id=com.stories4all.offline5