البارت التاسع والعشرون
اطمئنى ساعتني بهم
الفصل التاسع والعشرون
الساعه 8:14 ص
تحديدا في مطار الملك خالد بالرياض ...
كانت تتمشى وهي تشوف الناس الى تشتري والى تاكل حست انها ملت جلست با قرب مطعم وطلبت فطورها ماهي ثواني الى وصلها صوت فقده كثير ....
ملاك : جودي يا عيوني وحشتيني
فزت جود من مكان وراحت ركض لملاك حضنتها وبادلتها الحضن ملاك .....
جود : كيفك وحشتيني مره
ملاك : ياعيوني مو امثر مني والله فقدتك
جود : كيف نادين من بعد زواجها ماعاد كلمة احد فيكم
ملاك : اي يقولون من لقى احبابه نسى اصحابه
جود بضحك : مو لذي الدرجه عاد وربي انك اكثر وحده في بالي
ملاك : ادري ياقلبي بس حبيت اطقطق شوي
جود : وين بنروح الحين ؟
ملاك : اول شي روحي ارتاحي وبعد الظهر ان شاء الله عازمتك على الغداء في مطعم
جود: عيوني لا تكلفين على نفسك
ملاك : وين لا كلافه ولا شي انتي تستاهلين اكثر
طلعو من المطار متوجهين لي بيت جود ....
...........""""..........
نرجع لي نايف و نواف ...
الساعه 8:45 ص
عند نايف ..:
صحى وبدا يفرك عيونه صحصح و قام ياخذ شور سريع ينشطه ....
نواف :...
كان مصحصح جالس يلب بلاستيشن و ينتظر نايف عشان يفطرون ....
بعد ما انتهى نايف نزل و انتبهى على نواف الى يلعب سحب يد البلاستيشن الثانيه وجلس بجنه...
نايف : صباح الخير
نواف : صباح النور ، كيفك ان شاء الله احسن
نايف : الحمدالله
نواف : تلعب ؟
نايف : ما نقول لا نلعب
بدو يلعبون مع بعض و الحماس سيد المكان ....
بعد حماس من اللعب و الضحك حسو با التعب ...
نايف : جوعان
نواف : اي والله ، نروح نشتري فطور
نايف : كيف الجو حلو
نواف : اي هواء بارد وغيم
نايف : اجل قم يلا مشينا
فزو الاثنين مع بعض و طلعو يشترون فطور .....
............""".............
ملاك و جود )...
وصلت ملاك جود و ودعتها و مشت لبيتهم في الطريق وصلها اتصال من نايف ...
ملاك : يا هلا
نايف : اوو المود اليوم عالي اشوف
ملاك : اي والله مرره يجنن
نايف : وينك
ملاك : تو وصلت جود من المطار وراجع ليه
نايف : اجل غيري وجهتك وتعالي افطري معنا
ملاك : وين ؟
نايف : محل يحبه قلبك
ملاك : تم ارسل اللوكيشن
نايف : تم
وصلها اللوكيشن وفتح عليه وبدات تمشي لي طريقهم
..........""""........
عند جود ):
دخلت جناحها ونزلت اغراضها و فتحت التكيف و جهز لها بجام مريح ترتاح فيها دخلت تاخذ شور سريع وطلعت
جهزت فراشها وارتمت عليه بكل تعب بحكم انها واصل من سفر وتعبانه غطت بنوم على طول ......
...........""""...........
وصلت ملاك وشافت اخوانها جالسين يشربون شاي
ملاك : الله يا الزمن اعرف انكم ما تحبونه وش الى حصل
نايف : في وحده اسمها ملاك قررت تخيلي اخوانها زيها
نواف : وخلتهم يشربون الشاي الى ماعمرهم شربو
ملاك ضحكت انتصار : يا سلام عليها والله انها كفو
فز نايف لها وضربها على كتفها بخفيف وجلسها بينهم
ملاك : اي وش رايكم كذا نطلب فطور لان اختكم الوحيده الدلوعه جوعانه
نواف : ابد الحين نطلب
نايف يقلد نبرة صوتها : اختنا الوحيده الدلوعه وش مشتهيه
ملاك : عريكه طبعا
نواف : معصوب ملكي
نايف : ماشاء الله وانا وش اطلب
نواف : معنا طبعا
طلبو فطورهم و بعد ربع ساعه وصل الطلب وبدو ياكلون
............."""............
تسريع للوقت .....
الساعه 1:30 م
اتصلت ملاك على جود عشان تسال اذا جهزت او لا
ملاك : جودي جهزتي
جود : اي ياعيوني ، انتظرك
ملاك : تمام بس مسافة الطريق و اوصل
انهت الاتصال وبدات تسوق بشبه سريع عشان توصل و ما تتاخر .....
............"""""...........
عند نايف ....
جالس يرتب مواعيده ومن بين هذي المواعيد كان في موعد با اسم ريان ....( معلومه ، ريان يسير ولد خالته )
انصدم من الاسم بس ماحب يسال الى بعد التاكيد رتب المواعيد وبدا يجهز الادويه المكتوبه وانتهى منها وهو يفكر با ريان ....
..........""""..........
عند نواف ....:
كان يجهز لي قضايا ومن ضمن هذي القضايا قضيه لي طفلها عمرها ١٦ سنه ) حس بغصه كيف بهذا العمر وتتحمل اكبر من عمرها .......
..........""""...........
بهذا الوقت كانت ملاك تنتظر جود ...:
ملاك ؛جودي يلا انزلي انا تحت
جود : تمام
نزلت جود وركبت مع ملاك
جود : على وين الحلوه ماخذتني
ملاك بضحك : بخطفك شرايك
جود : معاك ما اقول لا
ضحكت ملاك على جنان جود الى لو تطلب عيونها ماتقول لا ...
ملاك : بنروح مطعم قريب منا مرره يجنن
جود : اهم شيء مشاوي
ملاك : اي مشاوي اعرفك ماتحبين غير المشاوي ودجاج بعد
ضحكت جود بقوه : اخ وعارف بعد وش افضل
ملاك : وش عبالك صحبه على الفاضي
جود : نو
ملاك : الحمدالله
.............."""""...............
اليل الساعه 1:30 ص
كانت ملاك تجهز جلس بسيط صغير على قدها هي واخوانها حست انو نفسيتهم تحتاج هدوء قررت تجهز هذي الجلس )... انتهت وراحت تنادي على اخوانها
كان نايف سادح و مغمض عيونه اما نواف جالس يلعب بجواله وواضح انه طفشان ...
تقدمت ملاك لنواف ..:
ملاك : تعال معاي بوريك شي
نواف عقد حاجبينه با استغراب : وش ؟
ملاك : تعال انت وما عليك
قام نواف وطلع معاها اعجب من جمال المنظر كانت جلس عباره عن ضوء خفيف وشاي و فصفص و لابتوب ومخدات صغيره
نواف : ملاك وش ذا
ملاك : مو حلو صح
نواف : يجنن
ملاك : خليك هنا بروح اشوف الدلوع
نواف : تمام
............."""""...........
نايف :...
تقدمت ملاك تشوفه .:
ملاك : نيوف اصح
نايف رد عليها بهمهم : همم
ملاك : صحصح بليز
نايف : وش في
ملاك : مجهزا شي برا تعال معاي
نايف : تمام ، بس ليه
ملاك : من غير اساله لو سمحت
نايف يا اشر على خشمه : ابشري
طلع مع ملاك بكل هدوء ورضى وشاف المنظر الى رد روحه وعجبه
نايف : ملاكي انتي مجهزا هذا كله
ملاك ببتسامه : اي ليه
نايف تقدم وطبع قبله على راسها : يعطيك العافيه وربي يجنن
ملاك : يلا تعالو مجهزا فلم من زمان ما تفرجنا على فلم
نواف : ان شاء الله رعب
ملاك تهز راسها بمعنى نعم
نايف : الله جوي صراحه
ملاك يلا تعالو قربو بدا الفلم
جلسو كلهم بجنب بعض وكانو لابسين فروا لان الجو بارد كانو مندمجين با الفلم ومتحمسين للنهايه .....
نايف : احس بيموت البطل
ملاك : اتوقع البطله
نواف : اتوقع ذا الى يلاحقهم
ملاك : اكيد بيموت بس هو مين رح يموت يا شاطر
نواف بضحك : شكل كلهم بيموتون
وصلنا لنهاية الفلم وكانت النهايه موت البطله و قدرو يمسكون الى قتلها
ملاك : الله يجننن مره
نواف : بس حرام ماتت البطله
نايف : اهم شيء ذا الكريه امسك
ملاك : يلا الساعه 5:00 رح ياذن الحين
نواف : بروح اتوضى لصلاه
نايف : وانا بعد
ملاك : انا بروح غرفتي اذا كنتو محتاجين شي كلمو صوفي
نايف ونواف : تمام
...............""""".............
بعد مرور ثلاث اشهر
اول ايام شهر رمضان المبارك✨
كانت جالس تجهز الفطور كانت اصناف كثير
جهزت الشوربه وبدات تجهز صينة بطاطس لي نايف
انتهت منها و بدات تلف السمبوسه وكانت تشتغل بكل طاقتها ....
نايف من الدرج : يعطيك العافيه يا احلى ام و اخت بالدنيا
ملاك :الله يعافيك ، جهزت لك اكلتك الى تحبها
نايف : يا بعد قلبي والله الله لا يحرمني منك
ملاك : امين
نايف : بسوي معاك علميني
ملاك : ابشر تعال
جلس بجنبها وبدات تعلمه كيف يلف السمبوسه وكان نصها يزبط ونص الثاني لا بعد ضحك ولعب طويل وهم يشتغلون انجزو السمبوسه وملاك تضحك على نايف ...
............."""""............
المغرب على طاوله الفطور :...
نواف : تسلم يدينك
ملاك : بالعافيه
نايف : بموت عطش
ملاك : انت خلك ساكت ادعى الى ان ياذن
نايف : ان شاء الله
اذن المغرب وبدو يفطرون بكل هدوء ........