البارت السابع عشر
اطمئنى ساعتني بهم
الفصل السابع عشر
...
صباح اليوم الثاني ...:
تحديدا جناح ملاك .......:
كانت سادح على فراشها وتلعب بخصلات شعرها المتناثره وبالها وعقلها مشغول تفكر كيف رح تقضي اليوم وايش رح تسوي تحس انها مشتاقه لصحبتها واقرب انسانه لها اشتاقت لي روتينها ايام الدوام ....
قامت ورتبت شعرها واخذت جوالها وفتحت سناب واول محادثه طلعت لها جود دخلت وكتبت لها ...
ملاك : جودي وحشتيني
ماهي ثواني الى جاها الرد .: عيوني والله ملاكي وانتي اكثر
ملاك : مداوم اليوم
جود : لا والله عندي اجازه
ملاك : شرايك نتقابل ؟
جود : تم ، وين نتقابل
ملاك : كوفي
جود : تمام ، العصر يناسبك
ملاك : اي
جود : حلو اتفاقنا الساعه 5 نتقابل
ملاك : على خير ان شاء الله
قفلت جوالها وراحت بدلت ملابسها ونزلت تحت تسوي لها كوب شاي
عند نايف الى بدا اول يوم دوام ....:
كان جالس يجهز نفسه ومستعد لي وظيفة احلام
كان لابس لبس الطب لان دوامه في مستشفى وكان جالس ينتظر ابوه يطلعون لي الدوام مع بعض فتح جواله وصور سناب اول يوم دوام كان شكله هيبه بالبس طلعت ملاك وشافته تجمعة الدموع با محاجرها لحظه انتبها نايف وتقدم يضمها ..
نايف : ليه الدموع يا عيوني
ملاك بصوت باكي : مو مصدقه واخيرا حققت حلمك وتخطيت كل الصعوبات
نايف : الحمدالله كله بفضل الله ثم انتي و نواف
ملاك : ياروحي الله يوفقك ويسعدك ، انا فخوره فيك خليك كذا دايم واطمح للافضل
نايف يبوس راسها : ان شاء الله
طلع ابو نواف وتقدمة ملاك تبوس يده وتصبح عليه طلعو نايف و ابوه وبقة ملاك وحدها بالبيت ....
عند نواف ....:
طلع بدري من البيت يقابل واحد من اصحابه و مسؤال عن التوظيف .....
خالد : ارحب يا بو سعود
نواف : البقى
خالد : ابشرك كل شي تمام يومين اول ثلاث ويرسلون القبول
نواف : الله يبشرك بالخير يا رب
خالد : الله الله مانبي كسل
نواف : افا عليك
ضحك خالد من قلب على نواف وهو يشوف كيف انه فرحان ومبسوط...
نروح لي بيت اول مره نروح له ...:
بيت جود ....:
الساعه 4:00:م
كانت جالس تحط اخر لمساتها والى هي عطرها اخذت جوالها ومفتاح السياره وطلعت من غرفتها وسكرت الباب نزلت وانتبهت لي امها و ابوها سلمت عليهم ....
ام جود : وين طالعه يمه
جود : بقابل ملاك بغيتي شي
ابو جود : انتبهي لنفسك يا بوي
جود : ان شاء الله
طلعت وركبت سيارتها وتوجهت لي الكوفي الى قالت عنه ملاك ......
عند ملاك ..:
تجهزت وانتهت وجالس تنتظر السواق يجي ...
نواف : السلام عليكم
ملاك : وعليكم السلام
نواف با غرابه : على وين ؟!
ملاك : طالع مع جود وجالس انتظر السواق
نواف هز راسه بزين وطلع غرفته يرتاح
ماهي ثواني الى وصل السواق وطلعت ملاك وهي تتحلطم لان تاخرت ....:
وصلت ملاك ونزلت بسرعه من شافت جود جالس ومو منتبها لها قربت من وراها وضمتها وبادلتها جود الحضن وكلهم الثنتين مشتاقين لبعض بعد الحضن الطويل جلسو وبدا يسولفون ........
جود : كيفك وش القطع ذي ماعاد جيتي عندنا
ملاك : والله انشغلت بس ماعليك بجيك ان شاء الله
جود : لا حبيبتي ماتجيني بدوام تعالي بيتي
ملاك : من عيوني ابشري
جود : حبيبي يخليهم ربي .......