اطمئني سأعتني بهم - البارت الثاني - بقلم رورو - مكتملة | روايتك

اطمئنى ساعتني بهم الفصل الثاني اباهي ، العالم ، بـ قلب أخوي هو عضيدي  و سرور الايام .❤️ بعد مرور يومين ....: الصباح كان اول اختبار فاينل لـ نواف ونايف نواف : نايف طمني من الحين مذاكر نايف : اخ والله مادريت عن شي وش اختبارنا اساس نواف : والله اني عارف بس اجلس وراي وانا بساعدك ماعليك نزلت ملاك وكان معاها كوبين قهوه اعطت نايف كوب و نواف كوب نواف : ملاكي وربي انك احلى اخت ملاك : ادري ادري ومن غيري تضيعون نايف نط بكل قوته وضم ملاك : وربي نضيع وبقوه ملاك بادلت نايف الحضن : ياروحي انت نواف : نايف تاخرنا يلا نايف : ابشر ودعو ملاك و طلعو لي اول فاينل لهم ..... الساعه 1:00 م دخلت ملاك و انتبهت لي نايف الا كان مغطي وجهو ويبكي ... نايف تنهد ورفع  رجوله للسرير وتربع وهو يغطي وجهو بكفوفه : بقولك بس لا تهاوشيني . حتى نواف ماعلمته اخاف يعصب علي ملاك خافت ومسكت رسفه : تكلم وش فيك نايف وهو على وضعه : انتي تعرفين لو اخفقت في مادة بدرسها على نفقتي الخاصه ملاك وكانها فهمت موضوعه بس تبيه يتكلم : ايه اعرف بس وشهو موضوعك الا مقلقك لهادرجه ؟ نايف مانزل ايديه وبنبرة معبرة: احتمال كبير اني احمل مادة هالفصل ملاك عقدة حواجبها وحاولت تنزل ايديه : ليه ؟ نايف استسلم ونزل ايديه وبانت عيونه الحمراء الا تقاول نزول الدموع : الحين اذا حملتها مين بيدفع لي ؟ وانتي تعرفين الماده الوحده يبي لها كثير ملاك ومازالت معقده حواجبها : قدامنا شهر على نهاية الفصل يا نيوفي  ليه متشائم ؟ وبعدين ماهقيتك كذا نايف بفقدان الامل : مابقي لي   الا اختبار الفاينل لها الماده وعليه ٥٠ بالمئه وانتي تعرفين درجة النجاح من ٧٠ و مو ضامن فيها اكثر من ٣٠ بالمئه ، كيف اجيب الاربعين عشان انجح ؟ ملاك ضربت خده بخفيف وبجديه : شد حيلك وبتجيبها واثقه فيك انا نايف بلع ريقه ودمعت عينه ملاك عورها قلبها و ماقدرت تشوفه بهالوضع وسحبته لها وضمته وهي تمسح على ظهره : ليه متشائم مره ؟ بتقدر تجيبها انت قدها نايف ضغط على عيونه وشد عليها بقوه و بغصه : بس تعبت وفقدت الامل خلاص ما اقدر اكمل ماماتي تعبان ملاك باست  جنب راسه وشدته لها : افا هالكلام يطلع منك ؟ ترا ما شي يجي بالساهل كل شي يبي له جهد وتعب عشان تحصل عليه ، كملت وهي تسمعه يكتم صوته ، حاسه فيك وبجهد الا تبذله ولو ما اعرفك واعرف مين تكون ما كنت رح اشجعك ، تخطيت الاصعب يا نايف ورح تتخطى وبكرا بتجيني مبسوط من تطلع النتايج نايف : نايف مو قادر يقتنع من بكلامها ونطق بصوت باكي : انا الى ادرسه مو انتِ ترا والله صعب مو قادر اتخطى ملاك تنهدت وهي تبعثر شعره من ورا : مو مهم عندي انك تنجح المهم انك تدرس وتتعب وتذاكر بضمير وتكون واثق ومتاكد من مذاكرتك والباقي على رب العالمين ، انت سويت الى عليك و الباقي مو بيدك نايف دفن وجهه بحضنها : اذا رسبت سامحيني ، وابتعد عنها وباس راسها و با بحه : تصبحين علي خير وطلع ملاك تنهدت بعمق ومسحت دموعها الى على وشك النزول من دموع اخوها وقامت راحت تتروش عند نايف ... دخل الغرفه و ارتاح من شاف نواف نايم ومقفل الانوار ومرتاح راح ينسدح جنبه ودفن وجهه بظهره وضمه و يحاول يضبط انفاسه بس ما قدر وانفجر باكي وهو يشد على نواف بكى من التفكير اللى تعبه و الضغوطات الدراسيه و النفسيه و خوفه من الرسوب و خوفه من كل شي و شوقه لحضن امه و ابوه نواف عقد حواجبه با نزعاج . . .