الفصل الرابع عشر
دخلت عليه لتقع عينيها وهو جالس يلعب بهاتفه استجمعت بعض من قوتها لتردف :خالد
رفع عينيه لها :نعم .
رانيا:ماسويت شيء صح .
وقف والغضب يسيطر عليه :ومين انتي حتى تسألي هاه.
:اعرفك....مارح تسوي شيء.
:الا سويت وشي كبير بعد وقلت له كلام مايتحمله العقل .
انصدمت من أن اخوها يصل لمستوئ عالي من الدناءه لتسأله :وش قلت لرجال ..الله لايوفقك..الدنيا دواره يا خالد والله دواره انا الغلطانه الي ماعلمت ابوي من زمان وانا اشوفك ماشي في طريق غلط.صرخ في وجهها :استكتي أحسن لك .
:وش قلت له جاوبني .
التفتت ليجيبها :ماقلت شي ..بس قلت له بنت عمك لها سوالف معنا وطلعات وكذا وتبي تستغلك عشان تخبي فضيحتها و طبعاً كنت حذر وسويت بعض الصور وأدله وجبت رقم جوالها وبيانات لها وارسلتهن
منصدمه ..مندهشه عيناها لمعت بالدموع لتجهش بالبكاء وتصرخ بصوت باكي :الله لايوفقك ...الله لا يسامحك ..دمرت البنت وش دخلها ليش تدخلها في موضوع حتى ماتعرفه ..اتجه إليها ليمسكها من معصمها ويخرجها من غرفته .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تلمع عيناها لاتصدق بأن ابنها الوحيد تزوج ..كانت تريد أن يكون زفاف كبير ولكن جاءت الظروف على هذا الحال ..أن ما فعله ابني الليله جواب يلجم الجميع عن التحدث في عرض ابنت اختي ..ارئ أنه فعل الصواب اين يذهب من والده ..يارب كن بعونه وقفت عند دخوله اتجه نحوها ليقبلها على رأسها احتضنته بقوه لتردف :يافخري فيك فيصل..
تكلم بصوت متوتر :نادي لي خالتي .
والدته :اللحين . دخلت الئ الصاله لتجد اختها تصلي تراها تطيل في سجودها تتمتم بكلمات مصحوبه بشهقات لترفع رأسها ومن ثم تقرأ التشهد وتسلم وقعت عينها على اختها واقفه لتتحدث بصوت باكي :فيصل جاء ؟
:ايه وينتظرك .وقفت لتتبع اختها الئ الغرفه رأته جالساً واضع رأسه بين كفيه ابعدهما عن وجهه عندما سمع حس وقف ليتجه نحو خالته ليحتضنها ويهمس لها :جهزيها لين بكره ..تعرفي الوضع وماتهتمي لأي كلام تسمعينه نثق في تربيتكم وساره اللحين في ذمتي والله يقدرني على سعادتها بكت حتى شعرت بحرقه في عينيها لتردف بصوت مبحوح :الله يخليك لتبكي وتردف :ارفقها فيصل.
فيصل :والله إنها بعيوني .وخرج ليذهب إلى الفندق