الفصل 7
بارت(7)
♥️رواية مقالب ف سكن شباب ♥️
نبدا اول روايتنا عند الشباب
وعند شباب كانوا على الشاطئ وراحوا عند واحد
سيف/استاذ قولي بقى يا استاذ مبسوط من اسكندريه والجو بتاعها
الراجل/وانت مالك انت يا جدع مبسوط ولا مش مبسوط بتتدخل في اللي ملكش فيه ليه
يوسف/ حضرتك احنا بنعمل دعايه عشان اللي مجاش اسكندريه يجي اكتر كمان واكيد كلامك هيفرق يعني
الراجل/ يجي فين هي ناقصه زحمه مش كفايه الزحمه اللي احنا فيها والقرف ده
محمد/يا عم انت مالك ومال الزحمه قول بس رايك وملكش دعوه
الست مرات الراجل/انا هقول لك الشباشب بتتسرق وقزايز الميه بتتشرب من ورانا وحاجات قرف والله
محمد/يا لهوي كده مش هتخلي الناس تيجي خالص يا حاجه وانتي لما مش عجبك جيتي ليه
الست/والله يااخويا لو كان في ارخص كنت رحت بس بنروح يعني عشان هي رخيصه اهو اي بحر والسلام
الراجل/ده حتى البحر مش عارفين ننزل العيال في بينزلوا يعملوا حمام فيه ده حاجه تقرف
ابنهم جه
الولد الصغير/ماما انا عايز اعمل بيبي
الست/يلا اجري على البحر ولما تخلص نادي عليا يا ولا عشان اشطفك
كريم/يا لهوي يا لهوي ايه اللي انتي بتقوليه ده ما كنتي لسه من شويه بتشتكي من العيال اللي بتعمل بيبي في الميه وتقومي انتي بتقولي للواد اعمل بيبي في الميه ده ايه القرف ده
الست/ الله هو جت علينا يعني ما الكل بيعمل كده
سيف/ كريم اوعى تكون بتسجل الكلام القرف ده متسجلش الكلام ده كده الشركه هتطردنا من الكلام ده
كريم/ لا طبعا مسجلتش هو انا عبيط ولا ايه تعالى نشوف اي حد تاني
وفعلا راحوا عند واحد تاني واحد على الارض والراجل كان بيغني
اسكندريه دي احسن ناس على البحر ماشيه بتتمخطر من سيد بوش ابو العباس ايوه يا عالم على المنظر ايوه يا عالم على المنظر
سيف/سمعيني الراجل ده هو ده شكلا هيعمل معانا الاعلان يلا بينا بقى
كريم/ ازيك يا حج شكلك كده مبسوط وقاعد بتغني اسكندريه عاجبك ومبسوط فيها يعني احكيلنا بقى
الراجل/اللي مبسوط ده انا مبسوط اوي وعال العال والحمد لله
سيف/للدرجادي اسكندريه عجباك انت اول مره تيجي هنا ولا ايه الراجل اول مرة اي ده انا على طول هنا وعمري ما كنت مبسوط بالعكس انا كنت هنا غصب عني ده غير النكد والقرف بس الحمد لله السنه دي ختمت بحاجه حلوه اوي وعشان كده مبسوطه
يوسف/ويا ترى ايه اللي بيبسطك كده
الراجل/الوليه مراتي كانت بتعوم وفجاه غرقت وما طلعتش والحمد لله ماتت ومن ساعتها بقى و انا بقيت برقص من الفرحه اول مره يا جدع احب اسكندريه اوي كده
الكل كان في صدمه
محمد/ يا لهوي انت مبسوط وبتضحك لما مراتك غرقت يا لهوي ازاي بس يا عم
الراجل/اه مبسوط الحمدلله اني خلصت منها دي كانت وليه زنانه اوي وعايزه وعايزه اصل بقول على البحر غدار بس طلع صاحب جدع اوي اول مره يحس بالاخرين والله
كريم/وده كمان طبعا ما ينفعش نعمل معاه حوار خالص ده يودينا في داهيه يا جدعان
ومشوا راحوا عند واحده تانيه
يوسف/ايه رايك في اسكندريه
الست/بقت غاليه خالص انت عارف في الاول كنت باجر الشمسيه ب 10 جنيه دلوقتي الراجل عايز 100 جنيه يرضيك كده عالم استغلالي بصحيح
يوسف/امم وعاملتي اي بقا
الست/طبعا ما عبرتوش ورحت فرشت على الارض لحد ماخدنا ضربه شمس
بس فجاه سمعوا صوت صريخ وجريو على الصوت بس الصدمه
يتبع ♥️♥️