الفصل 2
بارت (2)
♥️رواية مقالب ف سكن الشباب ♥️
وفعلا ركب الاتوبيس ومشي وبعد وقت وصلوا اسكندريه ولما نزلوا من الاتوبيس مشيوا شويه بس وقفوا لما
الراجل بتاع الاتوبيس قال/ايه ده بقى مفيش شكرا حتى
ملك/ونقول لك شكرا ليه انت جريتك اخذتها ومش عاملنا جميله مثلا ولا حاجه تستاهل عليها الشكر
الراجل/ايه ده بقى انتي شكلك لسانك طويل اوي
عيب كده يا ملك معلش يا اسطى على العموم شكرا ومدت ايديها عشان تسلم عليه
الراجل/شوفتي القمر دي كلها ذوق ازاي مش زيك ومد ايديه علشان يسلم عليها هو كمان بس فجاه مسكت ايده ولوتها
روان/بقولك اي ياض انا مش طايقاك من ساعه ما ركبنا معاك بس قولت مش مهم طالما هيوصلنا وخلاص لكن يبقى لسانك طويل وقليل الادب لا مبحبش كدااا
الراجل/بوجع ااااه خلاص حرمت والله حرمت خلاص بس سيبي دراعي هتكسريه
تسنيم/خلاص بقى يا روان سيبيه احنا مش فاضيين
وفعلا سابته
روان/حظك بقى ان انا مش فاضيه لك دلوقتي
الراجل/اه ايدي وجعتني حرام عليكي ياشيخه منك لله
وسابوه ووصلوا العماره ووقفوا قدام الشقه
تسنيم/يلا ياملك طلعي مفتاح الشقه وافتحي
ملك/طيب بس يا ريت ميكونش نسيته اصل انا ما اكدتش عليه قبل ما امشي
روان/لو كده ننادي على عم عبده يفتحلنا الشقه وهو معاه نسخه
ملك/خلاص لقيته الحمد لله يلا بقى ندخل
وفعلا دخلوا الشقه وقعدوا على الانتريه بس اتصدموا لما لقوا على ترابيزة السفره اكل كتير اوي
تسنيم/ايه ده ايه ده
ده في اكل على السفره اممم تفتكري البت فاطمه جت قبلنا
روان /وده من امتى بقا دي دائما بتيجي اخر اليوم لانها من بعيد جدا
ملك/ممكن تكون جت المره دي بدري يعني اصلا هيكون مين غيرها يعني اللي يجيب الاكل ده اكيد هي وعارفه ان احنا هنيجي ميتين من الجوع اصيله والله البيت دي
روان/طب يلاا بقا ناكل اصل انا ميته من الجوع
تسنيم/ومين سمعك يلاا بينا بس بقولك هو احنا مش هنستنى فاطمه هي راحت على فين صحيح
ملك/لما تيجي تبقى تاكل اكيد راحت تجيبلنا بيبسي ولا حاجه عشان نبلع يلا بس
وفعلا قعدوا ياكلوا
وبعد ما خلصوا الاكل كله
تسنيم/يالهوي نسينا البت فاطمه واكلنا الاكل كله
روان/تصدقي اه احنا كنا طفسين أوي ولا اكننا اول مره نشوف اكل بس غصب عننا احنا كنا جعانين برده واكيد يعني هتقدر حاجه زي دي ومش هتزعل صح ولا اي
تسنيم/اه اكيد فاطمه مش غبيه يعني يلا انا هقوم اغسل ايدي
ملك/انا هقوم اعمل شاي اعمل
روان/اه اعمليلي اصلا انا جايه معاكي اعمل شاي
وفعلا كل واحده دخلت تعمل اللي قالت عليه
وفجاه خرج من الاوضه كلام كانوا اربع شباب
♥️♥️♥️♥️