الفصل 33
ﻟﻴﻠﺔ ﻫﺎﺩﺋﺔ ﻣﺮﺕ ﻋﻠﻰ ﺍﻟﻌﺎﺋﻠﺔ ﻛﻠﻦ ﻓﻲ ﻣﻀﺎﺟﻌﻪ .. ﻭﺑﻴﺖ ﺑﻮ ﺟﺮﺍﺡ
ﻫﺎﺩﺉ ﻣﻦ ﺍﻻﺻﻮﺍﺕ ﺍﻻ ﺣﺲ ﺍﻟﺘﻠﻔﺰﻳﻮﻥ ﺍﻟﺨﻔﻴﻒ ﻭﺍﻡ ﺟﺮﺍﺡ ﻣﺎ ﻛﺎﻧﺖ
ﻣﻮﺟﻮﺩﺓ ﻣﻊ ﺍﻭﻻﺩﻫﺎ ﺣﻴﺚ ﺍﻧﻬﺎ ﻻﺯﻡ ﺗﻜﻮﻥ .. ﻛﺎﻧﺖ ﻓﻲ ﺍﻟﺤﺪﻳﻘﺔ
ﺍﻟﻠﻲ ﺻﺎﺭﺕ ﻣﻠﺠﺄ ﻟﻬﺎ .. ﺗﺰﺭﻉ ﻓﻴﻪ ﺍﺷﻜﺎﻝ ﻣﺘﻨﻮﻋﺔ ﻣﻦ ﺍﻟﻨﺒﺎﺗﺎﺕ
ﻭﺑﻘﺪﺭﺓ ﺍﻟﺨﺎﻟﻖ ﺗﻤﻨﻴﻬﺎ ﻭﺗﻜﺒﺮﻫﺎ .. ﻭﺗﺼﻴﺮ ﻣﻦ ﺍﻓﻀﻞ ﺍﻟﺰﺭﻋﺎﺕ ﻭﺍﻛﺜﺮﻫﺎ
ﻋﻨﺎﻳﺔ .. ﻳﻤﻜﻦ ﺟﺬﻱ ﺍﻫﻲ ﺯﺭﻋﺖ ﺟﺬﻭﺭ ﺣﻴﺎﺗﻬﺎ .. ﻟﻜﻦ ﺑﺎﺑﺘﻌﺎﺩ ﺍﻟﻜﻞ
ﻋﻨﻬﺎ ﻇﺎﻗﺖ ﺍﻟﺪﻧﻴﺎ ﺣﻮﺍﻟﻴﻬﺎ .. ﻭﻗﻠﺔ ﺍﻻﺧﺒﺎﺭ ﺍﻭ ﺍﻧﻘﻄﺎﻋﻬﺎ ﻳﺠﻠﺐ ﺍﻟﻜﺪﺭ
ﻓﻲ ﻗﻠﺒﻬﺎ ..
ﺳﻤﺎﺀ ﻭﻓﺎﺗﻦ .. ﻟﻮ ﺗﺪﺭﻱ ﺍﻫﻲ ﻭﻳﻨﻬﻢ .. ﺟﺎﻥ ﺗﺮﺩﻫﻢ ﻣﻦ ﻣﺤﻞ ﻣﺎ ﺍﻫﻢ
ﻓﻴﻪ .. ﺍﻟﺜﻨﺘﻴﻦ ﻳﻤﻜﻦ ﻓﻲ ﻣﻜﺎﺍﻥ ﻭﺍﺣﺪ ﻭﺍﻟﺜﻨﺘﻴﻦ ﺑﻀﻴﺎﻉ .. ﻭﺣﺪﺓ
ﻏﺼﺒﻦ ﻋﻠﻴﻬﺎ ﻭﺍﻟﺜﺎﻧﻴﺔ ﺑﺮﺿﺎﻫﺎ .. ﻟﻜﻦ ﻳﺘﻢ ﻏﺼﺒﻦ ﻋﻠﻴﻬﺎ .. ﺟﺮﺡ ﻓﺎﺗﻦ
ﺳﺒﺒﻪ ﺍﻟﻤﺤﺒﺔ ﻭﺟﺮﺡ ﺳﻤﺎﺀ ﻋﺪﻭﻳﻦ ﻣﺤﺒﺘﻬﺎ ﺍﻟﻄﺎﻫﺮﺓ ..
ﺗﺨﻠﻞ ﺻﻤﺖ ﺍﻟﻠﻴﻞ ﺭﻧﻴﻦ ﺑﺎﻟﺘﻠﻔﻮﻥ ﺍﻟﻲ ﻭﺻﻞ ﺍﻟﻰ ﻗﻠﺐ ﺍﻡ ﺟﺮﺍﺡ ..
ﻓﺘﺮﻛﺖ ﺍﻟﻠﻲ ﺑﻴﺪﻫﺎ ﻭﻫﻲ ﺗﺪﺧﻞ ﺍﻟﺼﺎﻟﺔ ﻣﻦ ﺍﻟﺒﺎﺏ ﺍﻟﻤﺆﺩﻱ ﻟﻬﺎ ..
ﻭﻣﻨﺎﻳﺮ ﻛﺎﻧﺖ ﺭﺍﻓﻌﺔ ﺍﻟﺴﻤﺎﻋﺔ ﺑﺸﻐﻒ ﻭﺍﺷﺘﻴﺎﻕ ﻭﻛﺎﻧﻬﺎ ﺗﺪﺭﻱ ﻣﻦ ﺍﻟﻠﻲ
ﻣﺘﺼﻞ ..
ﻣﻨﺎﻳﺮ ﺑﺤﻤﺎﺱ ..: ﺍﻟﻮﻭﻭ؟؟؟ ( ﺗﻬﻠﻞ ﻭﻳﻬﻬﺎ ﺑﺎﺑﺘﺴﺎﻣﺔ ﻣﺸﺮﻗﺔ )
ﻓـــﺘﻮﻭﻭﻭﻭﻭﻭﻭﻭﻥ .؟؟ ﺣﺒﻴﺒﺘﻲ ﻓﺘﻮﻭﻭﻥ ﺷﺨﺒﺎﺍﺍﺍﺭﺝ ﻭﻟﻬﺖ ﻋﻠﻴﺞ
ﻣﻮﻭﻭﺕ
ﻓﺎﺗﻦ ﻣﻦ ﻃﺮﻑ ﺛﺎﻧﻲ ﺗﺒﺘﺴﻢ ﻭﺍﻟﺪﻣﻌﺔ ﺑﻌﻴﻨﻬﺎ : ﻫﻼ ﻓﻴﺞ ﻣﻨﻮﻭﻭﺭ ﺍﻧﻪ
ﺍﻟﺤﻤﺪ ﻟﻠﻪ ﺍﺑﺨﻴﺮ .. ﺍﻧﺘﻲ ﺷﺨﺒﺎﺭﺝ؟؟ ﻭﺷﻠﻮﻧﻬﺎ ﺍﻣﻲ؟؟؟ ﻭﺍﻟﺒﻴﺖ
ﺷﺨﺒﺎﺭﻫﻢ؟
ﻣﻨﺎﻳﺮ : ﺍﻟﺤﻤﺪ ﻟﻠﻪ ﻛﻠﻨﺎ ﺑﺨﻴﺮ . ( ﺗﻨﺎﻇﺮ ﺍﻣﻬﺎ ﺍﻟﻠﻲ ﻭﺍﻗﻔﺔ ﻋﻨﺪﻫﺎ ) ﻛﺎﻫﻲ
ﺍﻣﻲ ﻋﻨﺪﻱ ﺍﻋﻄﻴﺞ ﺍﻳﺎﻫﺎ ..
ﺍﺧﺬﺕ ﺍﻡ ﺟﺮﺍﺡ ﺍﻟﺴﻤﺎﻋﺔ ﺑﻜﻞ ﻟﻬﻔﺔ ﻭﻫﻲ ﻭﺍﻗﻔﺔ ﺑﺎﺭﺗﺠﺎﻑ : ﻓﺘﻮﻭﻥ؟؟
ﻳﺎ ﺑﻌﺪ ﻋﻤﺮﻱ ﻳﺎ ﻓﺎﺗﻦ ﺍﻧﺘﻲ ﻭﻳﻨﺞ؟؟
ﻓﺎﺗﻦ ﻭﻫﻲ ﺗﺒﺘﺴﻢ ﻣﻦ ﻛﻞ ﻗﻠﺒﻬﺎ : ﺍﻧﺎ ﻓﻲ ﻗﻠﺒﺞ ﻳﺎ ﻳﻤﺔ .. ﻟﻴﺶ ﺍﻧﺘﻲ
ﻣﺎ ﺗﺨﺒﺮﻳﻦ ﻫﺎﻟﺸﻲ
ﺍﻡ ﺟﺮﺍﺡ ﺍﻟﻠﻲ ﺑﺪﺕ ﻣﻼﻣﺢ ﺍﻟﺰﻋﻞ ﺗﺒﻴﻦ ﻋﻠﻴﻬﺎ : ﻳﻤﺔ .. ﺭﺩﻱ ﻟﻲ ﻳﺎ
ﻓﺎﺗﻦ .. ﺭﺩﻳﻠﻲ ﻳﺎ ﻓﺎﺗﻦ ﻭﺻﺪﻗﻴﻨﻲ ﻭﻻ ﺍﺳﻰ ﻭﻻ ﺍﺫﻯ ﺑﻴﻲ ﺻﻮﺑﺞ ..
ﻳﻤﺔ ﺭﺩﻳﻠﻲ ﻭﺭﻳﺤﻴﻠﻲ ﻗﻠﺒﻲ ﻭﺑﺎﻟﻲ ..
ﻓﺎﺗﻦ ﻭﻫﻲ ﺗﻠﻒ ﺳﻠﻚ ﺍﻟﺴﻤﺎﻋﺔ ﻋﻠﻰ ﺻﺒـﻌﻬﺎ ﺑﺘﻮﺗﺮ : ﻳﻤﺔ .. ﻋﻨﺪﻱ
ﺩﺭﺍﺳﺔ ... ﻭﺷﺘﺮﻛﺖ ﻓﻲ ﻣﺪﺭﺳﺔ ﺻﻴﻔﻴﺔ .. ﻣﺎﺑﻘﺪﺭ ﺍﻱ ....
ﺍﻡ ﺟﺮﺍﺡ ﺑﺎﺳﻰ ﺑﻠﻴﻎ : ﻓﺎﺗﻦ ﺍﻫﻮﻥ ﻋﻠﻴﺞ؟؟ ﺍﻫﻮﻥ ﻋﻠﻴﺞ ﻭﺍﻧﺎ ﺍﻣﺞ ..
ﺭﺩﻱ ﻳﺎ ﻓﺎﺗﻦ ﻭﻻ ﺗﻬﺮﺑﻴﻦ .. ﺍﻟﻬﺮﺏ ﻣﺎ ﺑﻴﻮﺻﻠﺞ ﻟﻤﻜﺎﻥ .. ﻳﺎ ﺣﺒﻴﺒﺘﻲ ..
ﺍﻧﺎ ﺍﻣﺞ ﻭﺍﺩﺭﻯ ﺍﻟﻨﺎﺱ ﻋﻨﺞ .. ﻭﺍﺩﺭﻱ ﻓﻴﺞ ﺍﻧﺞ ﻇﺎﻳﻌﺔ ﺍﻛﺜﺮ ﻣﻦ ﻣﺎ
ﺍﻧﺘﻲ ﺗﺘﻤﻨﻴﻦ .. ﺭﺩﻱ ﻟﻲ ﻣﻦ ﻏﺮﺑﺘﺞ
ﻓﺎﺗﻦ ﻭﺻﻮﺗﻬﺎ ﺑﺎﻳﺢ ..: ﻳﻤﺔ ... ﺷﻠﻮﻧﻬﺎ ﻣﺮﻳﻢ؟؟؟ ﻭﺣﺸﺘﻨﻲ ﺑﺎﻟﺤﻴﻞ ..
ﻣﻦ ﺯﻣﺎﻥ ﻣﺎ ﺳﻤﻌﺖ ﻋﻨﻬﺎ ﻭﻻ ﺧﺒـﺮ ..
ﺍﻡ ﺟﺮﺍﺡ ﺍﻟﻠﻲ ﻧﺴﺖ ﺧﺒﺮ ﻣﺴـﺎﻋﺪﻟﻠﺤﻈﺔ ﺗﺬﻛﺮﺗﻪ .. ﻭﻟﻜﻦ ﺗﺬﻛﺮﺕ ﺑﻌﺪ
ﺍﻥ ﻓﺎﺗﻦ ﻣﺎ ﺗﺪﺭﻱ ﻭﻻ ﺗﺨﺒﺮ ﺷﻲ ﻣﻦ ﺍﻟﻠﻲ ﺻﺎﺑﻪ .. ﻳﻤﻜﻦ ﺍﻟﻲ ﺑﺘﻌﺮﻓﻪ
ﻋﻦ ﻣﺴﺎﻋﺪ ﺍﻫﻮ ﺍﻟﻠﻲ ﺑﻴﺮﺩﻫﺎ ..
ﺍﻡ ﺟﺮﺍﺡ : ﻓﺎﺗﻦ .. ﻣﺮﻳﻢ ﻣﺤﺘﺎﺟﻪ ﻟﺞ .. ﻭﻫﻢ ﺯﻭﺟﺞ ﻣﺤﺘﺎﺝ ﻟﺞ .. ﻱ
ﻓﺎﺗﻦ ﺍﻧﺘﻲ ﻣﺎ ﺗﺪﺭﻳﻦ ﺷﻠﻲ ﺻﺎﺭ ﻣﻦ ﺑﻌﺪ ﻏﻴﺎﺑﺞ .. ﻣﺎ ﺳﻤﺤﺘﻴﻠﻨﺎ
ﻭﺍﻟﻮﻗﺖ ﺑﻌﺪ ﻣﺎ ﺳﻤﺢ
ﻓﺎﺗﻦ ﺍﻟﻠﻲ ﻣﻦ ﺳﻤﻌﺖ ﻛﻠﻤﻪ ﺯﻭﺟﺞ ﻗﺮﺭﺕ ﺍﻧﻬﺎ ﺗﻨﻬﻲ ﺍﻟﻤﻜﺎﻟﻤﺔ : ﻳﻤﺔ
ﺍﻟﺘﻜﻠﻔﺔ ﻛﻤﻠﺖ .. ﺍﻟﻘﺎﺝ ﻋﻠﻰ ﺧﻴﺮ ﻳﻤﺔ .. ﻣﻊ ﺍﻟﺴﻼﻣﺔ ﻳﻤﺔ .... (ﺑﺪﻣﻊ
ﻣﻐﻠﻮﺏ ) ﺍﺣﺒﺞ ﻳﻤﺔ
ﺍﻡ ﺟﺮﺍﺡ ﺍﻟﻠﻲ ﺗﻮﻫﺎ ﺑﺘﺘﻜﻠﻢ ﻭﺍﻧﻘﻄﻌﺖ ﺍﻟﻤﻜﺎﻟﻤﺔ ﻓﻲ ﻭﻳﻬﻬﺎ ...
ﻭﻫﻲ ﺗﻠﻢ ﺍﻟﺴﻤﺎﻋﺔ ﻟﻘﻠﺒﻬﺎ ﻭﺩﻣﻌﺘﻬﺎ ﺟﺎﺭﻳﺔ : ﻭﺍﻧﺎ ﺑﻌﺪ ﺍﺣﺒﺞ ﻳﺎ ﻳﻤﺔ ....
ﺍﺣﺒﺞ ....
ﻣﺴﺤﺖ ﺩﻣﻌﺘﻬﺎ .. ﻭﺳﻜﺮﺕ ﺍﻟﺴﻤـﺎﻋﺔ .. ﻭﻗﻔﺖ ﺷﻮﻱ ﻓﻲ ﺍﻟﺼﺎﻟﺔ ﻭﻫﻲ
ﻣﺘﺨﺼﺮﺓ ﺑﺄﻟﻢ .. ﺷﺎﻟﻠﻲ ﻗﺎﻋﺪ ﻳﺼﻴﺮ ﻓﻲ ﺣﻴﺎﺗﻬﺎ ﻭﺣﻴﺎﺓ ﺍﻭﻻﺩﻫﺎ ..
ﻟﻴﺶ ﻛﻞ ﻫﺬﺍ ﻳﻤﺮ .. ﻭﻛﻞ ﻫﺬﺍ ﻳﺤﺼﻞ ﻣﻦ ﻏﻴﺮ ﺍﻱ ﺷﻲ ﻣﺎﻧﻊ ﺍﻭ
ﻣﻮﻗﻒ .. ﻛﻞ ﻫﺬﺍ ﺑﺴﺒﺐ ﻏﻴﺎﺑﻚ ﻳﺎﺑﻮ ﺟﺮﺍﺡ؟؟ ﻛﻞ ﻫﺬﺍ ﺑﺴﺒﺐ ﻏﻴﺎﺑﻚ
ﻳﺎ ﻋﺒﺪﺍﻟﻠﺔ .. ﻳﻤﻜﻦ ﻛﻨﺖ ﺣﻨﻮﻧﺔ .. ﻭﻳﻤﻜﻦ ﻛﻨﺖ ﺍﻭﻓﻲ ﻛﻞ ﺷﻲ .. ﻟﻜﻦ
ﻓﺎﺗﻦ ..
ﻧﺰﻝ ﺟﺮﺍﺡ ﺍﻟﻠﻲ ﺷﻌﺮﻩ ﻣﺒﻠﻞ ﻭﻫﻮ ﺣﺎﻣﻞ ﻓﻮﻃﺔ .. ﻳﻨﺎﻇﺮ ﻣﻨﺎﻳﺮ ﺍﻟﻠﻲ
ﻭﺍﻗﻔﺔ ﻭﻫﻲ ﻣﺘﻜﺘﻔﺔ ﻭﻣﺰﺍﺟﻬﺎ ﻣﻜﺪﺭ ﻭﺍﻣﻪ ﺍﻟﻠﻲ ﻋﻨﺪ ﻣﺪﺧﻞ ﺍﻟﺒﻴﺖ ..
ﻭﻫﻲ ﺗﺘﺤﺮﻙ ﺑﺒﻄﺊ .. ﻓﺎﺳﺘﻔﻬﻢ ﺍﻥ ﺍﻟﻤﻮﺿﻮﻉ ﻓﻴﻪ ﺷﻲ ..
ﺟﺮﺍﺡ ﺭﺍﺡ ﻟﻌﻨﺪ ﺍﻣﻪ ﻭﻫﻮ ﻳﻘﻂ ﺍﻟﻔﻮﻃﺔ ﻋﻨﺪ ﺍﻟﺪﺭﻱ ..: ﻳﻤﺔ ..
ﻋﻼﻣﺞ؟؟ ﻓﻴﺞ ﺷﻲ؟؟
ﺳﻜﺘﺖ ﺍﻡ ﺟﺮﺍﺡ ﻭﻧﺎﻇﺮ ﻣﻨﺎﻳﺮ ﺍﻟﻠﻲ ﻛﺎﻧﺖ ﺗﺮﺍﻗﺒﻪ ﻭﻫﻲ ﻋﺎﻗﺪﺓ
ﺣﺎﺟﺒﻴﻨﻪ ..
ﺟﺮﺍﺡ : ﻋﻼﻣﺞ ﻣﻨﺎﻳﺮ؟؟ ﺷﻔﻴﻬﺎ ﺍﻣﻲ؟؟
ﻣﻨﺎﻳﺮ : ﻓﺎﺗﻦ ﺩﻗﺖ ... ﻭﺍﻣﻲ ﺗﻮﻫﺎ ﺑﺘﻘﻮﻝ ﻟﻬﺎ ..... ﻭﻣﺎ ﺻﺎﺭ ﻭﻗﺖ ..
ﺟﺮﺍﺡ : ﺷﻠﻮﻥ ﻣﺎ ﺻﺎﺭ ﻭﻗﺖ؟؟
ﻣﻨﺎﻳﺮ : ﻓﺎﺗﻦ ﺳﻜﺮﺕ ﻟﺴﻜﺔ ..
ﺳﻜﺖ ﺟﺮﺍﺡ ﻭﻫﻮ ﻳﻨﻔﺬ ﺍﻟﻐﻀﺐ ﻣﻦ ﻧﻔﺴﻪ .. ﻓﺎﺗﻦ ﻣﺼﺨﺘﻬﺎ ..
ﻭﺍﻟﺤﻴﻦ ﺯﺍﺩ ﺍﻟﻘﺪﺭ ﻋﻦ ﺣﺪﻩ ..ﻭﻣﺤﺪ ﻗﺎﻋﺪ ﻳﺮﺩﻋﻬﺎ ﻭﺍﻫﻲ ﻣﻮ ﻻﻗﻴﺔ
ﺍﻟﻠﻲ ﻳﻮﻗﻔﻬﺎ ﻋﻨﺪ ﺣﺪﻫﺎ ..
ﺟﺮﺍﺡ : ﻓﺎﺗﻦ ﻻﺯﻡ ﺗﻮﻗﻒ ﻋﻨﺪ ﺣﺪﻫﺎ .. ﻟﻤﺘﻰ ﺑﺘﺘﺼﺮﻑ ﺑﻤﺜﻞ
ﻫﺎﻟﺘﺼﺮﻓﺎﺕ؟؟
ﺍﻡ ﺟﺮﺍﺡ : ﻗﻠﺒﻬﺎ ﻣﺤﺘﺮﻕ ﻳﺎ ﻭﻟﻴﺪﻱ ..
ﺟﺮﺍﺡ ﺑﺪﺕ ﺍﻋﺼﺎﺑﻪ ﺗﺜﻮﺭ : ﺍﻱ ﻗﻠﺐ ﻫﺬﺍ ﻳﺎ ﻳﻤﺔ .. ﻋﺸﺎﻥ ﻗﻠﺐ ﻭﺍﺣﺪ
ﺍﻣﻴﺔ ﻭﺳﺘﻴﻦ ﺍﻟﻒ ﻗﻠﺐ ﻳﻌﺎﻧﻲ ﻟﻬﺎ؟؟ ﺷﻬﺎﻻﻧﺎﻧﻴﺔ ﻭﺷﻬﺎﻟﻘﻠﺔ ﺍﺣﺘﺮﺍﻡ
ﻭﺍﻫﺘﻤﺎﻡ ﻣﻨﻬﺎ .. ﻭﻳﻨﻬﺎ ﻓﺎﺗﻦ ﺍﻟﻠﻲ ﻛﻨﺎ ﻛﻠﻨﺎ ﻧﻌﺮﻓﻬﺎ .. ﺍﻟﻠﻲ ﻛﺎﻧﺖ ﺗﻘﻂ
ﻫﻤﻮﻣﻬﺎ ﻭﺗﻠﻘﻒ ﻫﻤﻮﻡ ﻏﻴﺮﻫﺎ .. ﻓﺎﺗﻦ ﺍﻟﻠﻲ ﺷﺎﻟﺘﻨﺎ ﻛﻠﻨﺎ ﻓﻲ ﺭﺍﺣﺔ ﻳﺪﻫﺎ
ﻳﻮﻡ ﻣﺎﺕ ﺍﺑﻮﻱ ﻭﻇﻠﺖ ﺍﻫﻲ ﺍﻟﻤﻨﺘﺤﺒﺔ .؟؟ ﻏﻠﻄﻨﺎ ﻳﻌﻨﻲ .. ﻏﻠﻄﻨﺎ ﻳﺎ
ﻳﻤﺔ ﻳﻮﻡ ﺍﻟﻠﻲ ﺑﻐﻴﻨﺎ ﻓﻴﻪ ﺳﺘﺮﻫﺎ ﻭﻣﺼﻠﺤﺘﻬﺎ؟؟ ﻏﻠﻄﻨﺎ ﻳﻮﻡ ﺍﻟﻠﻲ ﻓﻜﺮﻧﺎ
ﺍﻧﻬﺎ ﻻﺯﻡ ﺗﺘﻌﻮﺽ ﺑﺎﺣﺴﻦ ﻣﻦ ﺍﻟﻠﻲ ﻋﻄﺘﻨﺎ ﻣﻊ ﺍﻥ ﺍﻟﻠﻲ ﺳﻮﺗﻪ ﻣﺎﻟﻪ
ﻣﻘﻴﺎﺱ ..
ﺍﻡ ﺟﺮﺍﺡ ﻭﻫﻲ ﺗﺒﺠﻲ : ﻣﺎﺩﺭﻱ ﻳﺎ ﺟﺮﺍﺡ .. ﻣﺎﺩﺭﻱ ﻟﻴﺶ ﺍﺣﺲ ﺍﻧﻲ ....
ﻣﺎ ﻭﻓﻴﺖ ﻟﻔﺎﺗﻦ ﻛﻔﺎﻳﺔ .. ﺍﻧﻨﺎ ﻗﻄﻴﻨﺎ ﻋﻠﻴﻬﺎ ﻛﻞ ﺷﻲ .. ﻟﻤﻦ ﺿﺎﻋﺖ
ﻭﻫﺮﺑﺖ .. ﻭﻣﺎ ﻓﻜﺮﺕ ﺍﻧﻬﺎ ﺗﻘﻂ ﻫﻢ ﻣﻦ ﻫﻤﻮﻣﻬﺎ ﻋﻠﻴﻨﺎ ..
ﺟﺮﺍﺡ : ﺍﻧﺘﻲ ﻏﻠﻄﺎﻧﺔ ﻳﻤﺔ ﻟﻮ ﻓﻜﺮﺗﻲ ﺟﺬﻱ .. ﻓﺎﺗﻦ ﻗﻄﺖ ﻫﻤﻮﻣﻬﺎ
ﻭﻫﻢ ﺭﻳﺎﻝ ﺑﺮﺍﺳﻨﺎ ﻭﻻﻫﻲ ﻣﺎﻋﻄﺘﻨﺎ ﺍﻟﻤﺠﺎﻝ ﺍﻧﻨﺎ ﻧﺼﻠﺢ ﺍﻟﻐﻠﻂ .. ﻳﻌﻨﻲ
ﻫﺬﺍ ﻋﻤﻞ ﻳﺮﺿﻰ ﺑﻪ ﺍﻟﻠﻪ ﻭﻻ ﺭﺳﻮﻟﻪ؟؟ ﺗﺮﻭﺡ ﻭﺗﻀﻴﻊ ﺭﻭﺣﻬﺎ
ﺑﻬﺎﻟﻐﺮﺑﺔ .. ﺍﺣﻨﺎ ﺧﺬﻧﺎﻫﺎ ﻫﻨﺎﻙ ﺻﻼﺡ .. ﻗﻠﺒﺖ ﻟﺸﻲ ﺍﻟﻰ ﻓﻮﺿﻰ
ﻭﻣﻴﻬﻞ .. ﻳﻤﺔ .. ﺍﺣﻨﺎ ﺑﺸﻨﻮ ﻏﻠﻄﻨﺎ؟؟ ﺑﺸﻨـﻮ؟؟
ﺳﻜﺘﺖ ﺍﻡ ﺟﺮﺍﺡ ﺍﻟﻠﻲ ﻭﻗﻔﺖ ﺑﻜﻞ ﻋﺠﺰ ﻭﻫﻲ ﺗﺮﺍﻗﺐ ﺭﺧﺎﻡ ﺍﻻﺭﺽ ..
ﻭﺟﺮﺍﺡ ﺍﻟﻠﻲ ﺳﺤﺐ ﻣﻔﺎﺗﻴﺢ ﺍﻟﺴﻴﺎﺭﺓ ﻭﻃﻠﻊ ﻣﻦ ﻟﺒﻴﺖ .. ﻣﻨﺎﻳﺮ ﻇﻠﺖ
ﻭﺍﻗﻔﺔ ﻣﻜﺎﻧﻬﺎ ﻭﻋﺒﺪ ﺍﻟﻌﺰﻳﺰ ﺍﺳﺘﻮﻯ ﻓﻲ ﻗﻌﺪﺗﻪ ﺑﺎﻟﺼﺎﻟﺔ ﻭﻫﻮ ﻳﻨﺎﻇﺮ
ﺍﻟﻜﻞ ﺑﺎﺳﻒ ..
ﺳﺎﺩ ﺍﻟﺼﻤﺖ ﻓﻲ ﺍﻟﻤﻜﺎﻥ ﻭﻋﻤﻘﺖ ﺍﻻﻣﺴﻴﺔ ﺑﻐﻼﻑ ﻣﻦ ﺍﻟﺤﺰﻥ ﻭﻣﻦ
ﺻﻮﺕ ﺟﺮﺍﺡ ﺍﻟﻠﻲ ﺭﻥ ﻓﻲ ﻛﻞ ﺍﺭﺟﺎﺀ ﺍﻟﻤﻜﺎﻥ .. ﻟﻮﻡ ﻭﻋﺘﺎﺏ ﻭﻗﻬﺮ
ﻣﻮﺟﻪ ﺍﻟﻰ ﺍﺧﺘﻪ .. ﻟﻜﻦ ﻭﻳﻨﻬﺎ ﺍﻫﻲ ﻋﺸﺎﻥ ﻳﺒﺮﻱ ﻓﻴﻬﺎ ﺍﻟﺬﻣﺔ؟؟
ﺍﺧﺘﻔﺖ ﻭﻣﺎ ﺗﻌﻄﻲ ﺍﺣﺪ ﺍﻟﻤﺠﺎﻝ ﺍﻭ ﺍﻟﻔﺮﺻﺔ ﺍﻧﻪ ﻳﺘﺎﺑﻌﻬﺎ ...
-------------------------------------
ﺍﻟﺴﺎﻋﺔ ﺗﺴﻌﺔ ﺑﺎﻟﻤﺴﺘﺸﻔﻰ ﻭﻣﺎ ﺑﻘﻰ ﻟﻤﺴـﺎﻋﺪ ﺍﻻ ﺟﻢ ﻳﻮﻡ ﻭﻳﻄﻠﻊ ﻣﻦ
ﻫﻨﺎﻙ ﺍﻟﻰ ﺍﻟﺒﻴﺖ .. ﻭﺍﻟﻰ ﺍﻟﺪﻧﻴﺎ ﻭﻟﻜﻦ ﺑﺸﻨﻮ؟؟ ﺧﻴﺎﺭﻳﻦ ﻻ ﺛﺎﻟﺚ
ﻋﻨﻬﻢ .. ﻳﺎ ﺍﻻﻃﺮﺍﻑ ﺍﻟﺼﻨﺎﻋﻴﺔ .. ﺍﻭ ﺍﻟﻜﺮﺳﻲ ﺍﻟﻤﺪﻭﻟﺐ .. ﻛﻼ ﺍﻟﺨﻴﺎﺭﻳﻦ
ﻳﻌﺒﺮﺍﻥ ﻋﻦ ﺍﻟﻌﺠﺰ ﺍﻟﻠﻲ ﺍﻫﻮ ﻓﻴﻪ .. ﺑﻌﺪﻩ ﻣﺘﻌﻠﻖ ﺑﺨﻴـﻂ ﺍﻣﻞ ﺍﻭ ﺍﻧﺠﺎﺯ
ﺍﻭ ﺣﺘﻰ ﻳﻤﻜﻦ ﻣﻌﺠﺰﺓ .. ﺍﻧﻪ ﻣﻮ ﻣﻌﺎﻕ ﻣﺜﻞ ﻣﺎ ﺗﺼﻮﺭ .. ﺣﺘﻰ ﺍﻧﻪ ﻣﻦ
ﺷﺪﺓ ﻫﺎﻟﺸﻲ ﻣﺎ ﻓﺞ ﺍﻟﻐﻄﺎ ﻋﻦ ﺭﻳﻠﻪ ﻟﻠﺤﻴﻦ .. ﻭﻻ ﻳﻤﻜﻦ ﻳﻜﺸﻔﻪ ..
ﺑﺲ ﺑﻌﺪ ﺟﻢ ﻳﻮﻡ ﻻ ﻃﻠﻊ .. ﺑﻴﻜﻮﻥ ﻣﻀﻄﺮ ﺍﻧﻪ ﻳﻮﺍﺟﻪ ﺍﻻﺟﺰﺍﺀ
ﺍﻟﻤﺒﺘﻮﺭﺓ ..
ﺳﺎﻟﺖ ﺩﻣﻌﺔ ﺣﺰﻳﻨﺔ ﻣﻦ ﻋﻴﻨﻪ ﻭﻫﻮ ﻣﻨﻜﺴﺮ ﺍﻟﻤﻼﻣﺢ .. ﺻﻌﺪﺕ ﺷﻬﻘﺔ
ﻣﻦ ﺻﺪﺭﻩ ﺍﻟﻰ ﺣﻨﺠﺮﺗﻪ ﺑﺎﻟﻢ ﻭﺍﺿﺢ .. ﻭﻣﺎ ﻛﺎﻥ ﻣﻌﺎﻩ ﺍﺣﺪ ﻳﺘﻌﺰﻯ
ﺑﻌﺰﺍﻩ .. ﻭﺣﺲ ﻣﺴﺎﻋﺪ ﺍﻧﻪ ﻣﻄﻠﻖ ﺍﻟﺼﺮﺍﺡ ﻣﻊ ﺍﻧﻪ ﻣﻜﺒﻞ ﺑﺎﻻﻋﺎﻗﺔ
ﻫﺬﻱ .. ﻓﺎﺭﺧﻰ ﺍﻟﻌﻨﺎﻥ ﻟﺪﻣﻮﻋﻪ .. ﻭﺑﻜﻰ ﻣﺜﻞ ﺍﻟﺼﺒﻲ ﺍﻟﺼﻐﻴـﺮ .. ﻭﺍﺟﻪ
ﺍﻟﺨﻮﻑ ﺍﻟﻠﻲ ﻳﻌﺘﺮﻱ ﻧﻔﺴﻪ ﺑﻜﻞ ﺷﺠﺎﻋﺔ ﻭﺑﺪﻯ ﻳﺒﺠﻲ ﻭﻳﻨﻮﺡ ﻓﻲ
ﺑﺠﻴـﻪ .. ﻭﻓﻲ ﻛﻞ ﺩﻣﻌﺔ ﻧﺪﺍﺀ ﺍﻟﻰ ﻓﺎﺗﻦ .. ﻟﻤﻦ ﻭﺻﻞ ﺍﺳﻤﻬﺎ ﺍﻟﻰ
ﻣﺴﺎﻣﻌﻪ
ﻣﺴـﺎﻋﺪ : ﻭﻳﻨﺞ؟؟ ﻓﺎﺗﻦ؟؟ ﻣﺤﺘﺎﺟﻠﺞ ... ﻭﻳﻨﺞ؟؟؟ ﻓﺎﺗﻦ ... (ﺍﺷﺘﺪﺕ
ﻗﺒﻀﺘﻪ ﻭﻫﻮ ﺳﺎﻧﺪ ﺭﺍﺳﻪ ﺑﻬﺎ ) .. ﻓﺎﺗـــﻦ ... ﻓﺎﺗـــــﻦ ....
ﺳﻜﺖ ﺍﻻﺳﻢ ﻣﻦ ﺍﻟﺘﺮﺩﺩ .. ﻻﻥ ﻻ ﺣﻴﺎﺓ ﻟﻤﻦ ﺗﻨﺎﺩﻱ .. ﻓﺎﺗﻦ ﻣﻮ
ﻣﻮﺟﻮﺩﺓ .. ﻛﻞ ﺷﻲ ﻣﻮﺟﻮﺩ .. ﺍﻻ ﺧﻴﺎﻟﻬﺎ ﺍﻭ ﻇﻠﻬﺎ ﺍﻭ ﺣﺘﻰ ﺷﻲ ﻳﺪﻝ
ﻋﻠﻰ ﺍﻧﻬﺎ ﺗﻌﻴﺶ ﻋﻠﻰ ﻫﺎﻟﺪﻧﻴﺎ .. ﻏﺎﺏ ﻋﻦ ﺍﻟﺪﻧﻴﺎ ﻓﺘﺮﺓ ﻭﺭﺟﻊ .. ﻭﻓﺎﺗﻦ
ﺑﻌﺪﻫﺎ ﻏﺎﻳﺒﺔ ﻋﻦ ﻋﻴﻨﻪ .. ﻟﻜﻦ ﻛﻞ ﻫﺬﺍ ﻳﻨﻘﻠﺐ ﺿﺪﺝ ﻳﺎ ﻓﺎﺗﻦ .. ﻛﻞ
ﺷﻲ ﻭﻛﻞ ﺍﺣﺴﺎﺱ ﺧﻠﻴﺘﻴﻪ ﻳﻤﺮ ﻓﻴﻪ ﺑﻴﺮﺟﻊ ﻟﺞ .. ﺑﺘﺘﻤﻨﻴﻦ ﻟﻮ ﺍﻧﺞ ﻣﺎ
ﻓﻜﺮﺗﻲ ﺑﻬﺎﻟﻄﺮﻳﻘﺔ ﻭﺗﺘﻤﻨﻴﻦ ﻟﻮ ﺍﻧﺞ ﺗﺮﺍﺟﻌﺘﻲ ﺑﺎﺧﺮ ﺍﻟﻠﺤﻈﺎﺕ ﻋﻦ ﺍﻟﻠﻲ
ﺳﻮﻳﺘﻴﻪ .. ﺑﺘﺘﺮﺟﻴﻦ ﻳﺎ ﻓﺎﺗﻦ .. ﺑﺘﺘﺮﺟﻴﻦ ﺍﻟﻌﻔﻮﻭﻭ ﻭﻣﺎ ﺑﺘﻘﻠﻴﻨﻪ؟؟
ﺑﺘﺘﺮﺟﻌﻴﻦ ﺭﺟﻌﺔ ﻗﻠﺒﻪ ﻭﺩﻗﺘﻪ ﺑﺎﺳﻤﺞ .. ﻭﺗﻔﺎﻧﻴﻪ ﻭﻭﺟﻮﺩﻩ ...
ﻣﺴـﺎﻋﺪ : ﻛﻞ ﻟﺤﻈﺔ ﻳﺎ ﻓﺎﺗﻦ .. ﺭﺍﺡ ﺗﺪﻓﻌﻴﻦ ﺛﻤﻨﻬﺎ ﻏﺎﻟﻲ .. ﺣﺒﻴﺘﺞ ..
ﻭﺑﻌﺘﻲ ﻣﺤﺒﺘﻲ ﺑﺎﻟﺘﺮﺍﺏ .. ﺣﺒﻴﺘﺞ ﻭﺍﻧﺎ ﺍﻟﻠﻲ ﻣﺎ ﻛﻨﺖ ﺍﺑﻴﺞ ... ﻭﺑﻌﺘﻲ
ﺍﻟﻤﺤﺒﺔ ﺑﺎﺑﺨﺲ ﺍﻻﺛﻤﺎﻥ .. ﺑﺸﻮﻓﺞ ﺷﻠﻮﻥ ﺑﻌﺪﻳﻦ ﺑﺘﻼﻗﻴﻦ ﻧﻔﺴﺞ ..
ﺍﺩﺭﻱ ﺍﻧﺞ ﺿﺎﻳﻌﺔ ﺍﻟﺤﻴﻦ .. ﻟﻜﻦ ﺻﺪﻗﻴﻨﻲ .. ﻣﻘﺎﺭﻧﺔ ﺑﺎﻟﻠﻲ ﺑﻴﺼﻴﺮ
ﻣﻌﺎﺝ .. ﺑﺘﺘﻤﻨﻴﻦ ﻟﻮ ﺍﻧﺞ ﻣﺎ ﺍﻧﻮﺟﺪﺗﻲ ﺑﻬﺎﻟﺪﻧﻴﺎ ...
ﻫﺪﺃ ﺍﻟﻘﻠﻴﻞ ﻣﻦ ﺍﻧﻴﻦ ﻣﺴـﺎﻋﺪ .. ﻭﻟﻜﻦ ﺷﻬﻘﺎﺕ ﺍﻟﺒﻜﺎﺀ ﺍﻟﻤﺮﻳﺮ ﺍﻟﻲ ﻣﺮ
ﻓﻴﻪ ﺗﺤﻮﻝ ﺍﻟﻰ ﺳﻜﻮﻥ ﻣﻔﺎﺟﺊ .. ﺣﺲ ﺑﺎﻟﺤﺮﺍﺭﺓ ﻓﻲ ﺷﻔﺘﻴﻪ ﻭﺣﺎﻭﻝ
ﺍﻧﻪ ﻳﺒﺮﺩﻩ .. ﺷﺮﺏ ﻣﻦ ﺍﻟﻤﺎﻱ ﺍﻟﻠﻲ ﺻﺒﺘﻪ ﻟﻪ ﻣﺮﻳﻢ ﻗﺒﻞ ﻻ ﺗﻄﻠﻊ ..
ﻭﻳﻢ ﺍﻟﻘﻼﺹ . ﺷﺎﻑ ﺍﻟﺠﻬﺎﺯ ﺍﻟﻠﻲ ﻳﻘﺪﺭ ﻳﻨﺎﺩﻱ ﻓﻴﻪ ﺍﻟﻤﻤﺮﺿﺔ ..
ﺭﺑﻂ ﺍﻛﺜﺮ ﺍﻻﺷﻴﺎﺀ ﻓﻲ ﺑﺎﻟﻪ ﺑﺎﻟﻠﺤﻈﺔ ﺍﻟﻠﻲ ﺍﻫﻮ ﻓﻴـﻬﺎ !! ﺍﺫﺍ ﺑﻐﻰ ﻳﻘﻮﻡ
ﻭﻳﺪﻭﺭ ﻋﻠﻰ ﻓﺎﺗﻦ ﻭﻳﻠﻘﺎﻫﺎ .. ﺭﺍﺡ ﻳﺴﻬﻞ ﻫﺎﻟﻌﻤﻠﻴﺔ ﻭﺍﻳﺪ ﻟﻮ ﺍﻧﻪ ﻛﺎﻥ
ﻳﻤﺸﻲ .. ﺻﺤﻴﺢ ﺍﻥ ﺍﻻﻃﺮﺍﻑ ﺻﻨﺎﻋﻴﺔ ﻭﻣﻮ ﻣﺜﻞ ﺧﻠﻖ ﺍﻟﻠﻪ .. ﻟﻜﻨﻬﺎ
ﺑﺘﻮﻓﻲ ﺑﺎﻟﺸﻲ .. ﺍﻫﻮ ﻣﺎ ﺭﺍﺡ ﻳﻘﺒﻞ ﺍﻧﻪ ﻳﻜﻮﻥ ﻋﻠﻰ ﺟﻬﺎﺯ ﻣﺘﺤﺮﻙ ..
ﺍﻻﻃﺮﺍﻑ ﺍﻫﻲ ﺍﺷﺪ ﺣﻞ ... ﻭﺍﺣﺴﻦ ﺣﻞ ...
ﻟﻜﻦ ... ﻫﻞ ﺭﺍﺡ ﺍﻛﻮﻥ ﻗﺎﺩﺭ ﺍﻧﻲ ﺍﻣﺮ ﺑﻬﺎﻟﺸﻲ؟؟ ﻫﻞ ﺭﺍﺡ ﺍﻛﻮﻥ ﺷﺠﺎﻉ
ﺑﻤﺎﻓﻴﻪ ﺍﻟﻜﻔﺎﻳﺔ ﺍﻧﻲ ﺍﻣﺴﻚ ﺍﻻﻃﺮﺍﻑ .. ﻟﻮﺍ ﺍﻧﻲ ﺍﻧﺎﻇﺮﻫﺎ؟؟ ﻳﺎﻟﻠﻪ ..
ﻳﺎﻟﻠﻪ ﻋﻔﻮﻙ ﻭﺭﺿﺎﻙ .. ﻳﺎﻟﻠﻪ ﺣﻠﻴﻨﻲ ﻣﻦ ﻗﻮﺗﻚ .. ﺧﻠﻨﻲ ﺍﻛﻮﻥ ﻗﺪﻫﺎ ﻳﺎ
ﺭﺏ .. ﺧﻠﻨﻲ ﺍﺳﺘﺠﻤﻊ ﺷﺠﺎﻋﺘﻲ ﺑﻔﻀﻠﻚ ﻳﺎﺭﺏ ..
ﻭﺑﻠﺤﻈﺔ ﻣﻦ ﺍﻟﻬﺪﻭﺀ ﺍﻟﻨﻔﺴﻲ .. ﺿﻐﻂ ﻣﺴﺎﻋﺪ ﻋﻠﻰ ﺍﻟﺠﻬﺎﺯ ﻓﻲ ﻭﻗﺖ
ﺍﻟﻲ ﺑﻐﻰ ﺍﻧﻪ ﻳﻜﻮﻥ ﺑﻌﻴﺪ ﻋﻨﻪ .. ﻭﻟﻜﻦ ﻛﺎﻧﺖ ﻫﺬﻱ ﺍﻭﻟﻰ ﺧﻄﻮﺍﺕ
ﺍﻟﺸﺠﺎﻋﺔ ﺍﻟﻠﻲ ﺍﻫﻮ ﻻﺯﻡ ﻳﺘﺤﻠﻰ ﺑﻪ .. ﻭﺍﻻ ﻓﺎﺗﻦ ﻣﺎ ﺭﺍﺡ ﺗﺮﺟﻊ .. ﻭﺍﻻ
ﺍﻫﻮ ﻣﺎ ﺭﺍﺡ ﻳﺮﺟﻊ ﻣﺴﺎﻋﺪ .. ﻣﺴﺘﺤﻴﻞ ﻳﺮﺟﻊ ﻣﺴﺎﻋﺪ ﺍﻟﻘﺒﻠﻲ .. ﻟﻜﻦ
ﺑﻴﻜﻮﻥ ﻫﺬﺍ ﺷﻲ ﻣﻦ ﺍﻻﺳﺘﻌﺎﺩﺓ ﻟﻨﻔﺴﻪ .. ﻣﺴﺘﺤﻴﻞ ﻳﻘﺒﻞ ﺑﺎﻟﻜﺮﺳﻲ ..
ﻭﺍﻻﻃﺮﺍﻑ ﺍﻫﻲ ﺍﻟﺤﻞ ﺍﻟﺼﺤﻴﺢ ..
ﻳﺎﺕ ﻟﻪ ﺍﻟﻤﻤـﺮﺿﺔ ﺑﻜﻞ ﻣﺜﺎﺑﺮﺓ ﻭﻫﻲ ﺣﺎﻣﻠﺔ ﺻﻴﻨﻴﺔ ﻋﻠﻴﻬﺎ ﺍﺩﻭﻳﺔ ..:
ﻓﻲ ﺍﻟﻮﻗﺖ ﺍﻟﻤﺤـﺪﺩ .. ﺗﻮﻧﻲ ﺑﻴﻴﺐ ﻟﻚ ﺍﻻﺩﻭﻳﺔ ﺍﻟﻠﻲ ﺗﺤﺘﺎﺟﻬﺎ .. ﺧﻴﺮ
ﻓﻴﻚ ﺷﻲ؟؟
ﺳﻜﺖ ﻣﺴـﺎﻋﺪ .. ﻭﺣﻂ ﻳﺪﻩ ﻋﻠﻰ ﺍﻟﻠﺤﻴﺔ ﺍﻟﻲ ﻧﺎﺑﺘﻪ ﻓﻲ ﺧﺪﻩ
ﺑﻨﻌﻮﻣﺔ .. ﺗﻢ ﻳﺤﺒﺲ ﺍﻻﺭﺗﺠﺎﻑ ﺍﻟﻠﻲ ﻓﻲ ﻧﻔﺴﻪ ﻭﻳﺤﺎﻭﻝ ﺍﻧﻪ ﻳﺘﻔﻮﻩ
ﺑﺎﻟﻠﻲ ﻳﺒﻲ ﻳﻘﻮﻟﻪ ﻭﺍﻟﻲ ﻃﻠﺐ ﺍﻟﻤﻤﺮﺿﺔ ﻋﻠﺸﺎﻧﻪ .. ﻟﻜﻦ ﻣﺎﻗﺪﺭ .. ﻓﺮﻓﻊ
ﻋﻴﻮﻧﻪ ﻟﻠﻤﻤﺮﺿﺔ ﺑﻀﻴﺎﻉ ﺗﺎﻡ ﻭﻋﻴﻮﻥ ﻣﺸﺤﻮﻧﺔ ﺑﺎﻟﺘﺴﺎﺅﻻﺕ ﻭﺷﻔﺎﻩ
ﻣﻨﻔﺮﺟﺔ ﺑﻜﻼﻡ ﻣﺤﺒﻮﺱ ..
ﺗﻘﺮﺑﺖ ﻣﻨﻪ ﺍﻟﻤﻤﺮﺿﺔ : ﻋﻼﻣﻚ؟؟؟ ﺗﺒﻲ ﺷﻲ؟؟ ﻣﺤﺘﺎﺝ ﺷﻲ؟؟
ﻭﻫﻮ ﻳﻄﺎﻟﻊ ﻭﻳﻬﻬﺎ ﺑﺎﺳﺘﻐﺮﺍﺏ : ﺍﻟﺪﻛﺘﻮﺭ ... ﻟﻠﻲ ﻳﻌﺎﻟﺠﻨﻲ ... ﻣﺴﻔــﺮ ..
ﻣﻮﺟﻮﺩ؟؟
ﺍﻟﻤﻤﺮﺿﺔ ﺑﺎﺑﺘﺴﺎﻡ : ﺍﻱ ﺍﻫﻮ ﻣﻮﺟﻮﺩ .. ﻋﻨﺪﻩ ﻣﻨﺎﻭﺑﺔ ﻟﻴﻠﻴﺔ ﺍﻟﻴﻮﻡ
ﻟﺤﻈﻚ .. ﻟﻴﺶ؟؟ ﺗﺒﻴﻪ؟؟
ﻧﻔﺲ ﻋﻤﻴـﻖ ﺍﺳﺘﺠﻠﺒﻪ ﻣﺴـﺎﻋﺪ ﻣﻦ ﻗﻠﺒﻪ .. ﻭﺗﻜﻠﻢ : .. ﺍﺑﻲ ﺍﻛﻠﻤﻪ
ﻋﻦ .. ﺍﻻﻃﺮﺍﻑ ﺍﻟﻠﻲ ... ﺍﻟﻠﻲ ﺑﺘﺴﺎﻋـﺪﻧﻲ ..
ﺍﻟﻤﻤﺮﺿﺔ ﻭﻫﻲ ﺗﻨﺎﻭﻟﻪ ﺍﻟﺪﻭﻯ : ﺍﻧﺖ ﺍﻛﻞ ﻫﺬﻭﻝ .. ﻭﺍﻧﺎ ﺍﺭﻭﺡ ﺍﻛﻠﻤﻪ
ﻟﻚ .. ﻋﻦ ﺍﺫﻧﻚ ..
ﺳﻠﻤﺘﻪ ﺍﻟﻜﻮﺏ ﺍﻟﺒﻼﺳﺘﻴﻜﻲ ﺍﻟﻠﻲ ﺑﺪﺍﺧﻠﻪ ﺍﻟﺤﺒﻮﺏ .. ﻭﻃﻠﻌﺖ ﻭﻫﻲ
ﺣﺎﻣﻠﺔ ﺍﻟﻠﻲ ﻛﺎﻥ ﺑﻴﺪﻫﺎ .. ﻭﺗﻢ ﻣﺴﺎﻋﺪ ﻭﺍﻗﻒ ﻣﻜﺎﻧﻪ ﻣﻮ ﻣﺼﺪﻕ ﺍﻧﻪ
ﻗﺎﻡ ﺑﻬﺎﻟﺨﻄـﻮﺓ .. ﺻﺞ ﺍﻧﻬﺎ ﻣﺒﻌﺜﺔ ﻟﻼﻻﻡ ﻓﻲ ﻧﻔﺴﻪ ﺑﺲ .. ﺗﻐﻠﺒﺖ ﻋﻠﻰ
ﺍﻷﻟﻢ ﻟﺤﻈﺔ ﻣﻦ ﺍﻟﻔﺮﺡ ﺍﻟﺨﻔﻴﻒ ... ﻓﺮﺡ ﻟﻴﺶ ﺍﻧﻪ ﺍﺗﺨﺬ ﺧﻄﻮﺓ ﻗﻮﻳﺔ
ﻣﺜﻞ ﻫﺬﻱ ..
ﻟﻜﻦ ﺍﻟﺘﻮﺗﺮ ﺑﻌﺪﻩ ﻓﻲ ﻧﻔﺴﻪ .. ﻋﻤﺮﻩ ﻣﺎ ﺷﺎﻑ ﺍﻃﺮﺍﻑ ﺻﻨﺎﻋﻴﺔ ﻭﻋﻤﺮﻩ
ﻣﺎ ﺷﺎﻑ ﺍﺣﺪ ﻳﻠﺒﺴـﻬﺎ .. ﻟﻜﻦ ﺍﻫﻮ ﺍﻟﺤﻴﻦ – ﻟﻜﻮﻧﻪ ﺟﺪﻳﺪ ﻓﻲ
ﻫﺎﻟﻮﺿﻊ - ﺭﺍﺡ ﻳﺨﺘﺒﺮ ﻛﻞ ﻫﺎﻻﻣﻮﺭ .. ﺗﺠﺎﺭﺏ ﻳﺪﻳﺪﺓ .. ﻣﺤﻤﻠﺔ ﺑﺎﻷﻟﻢ ..
ﻭﻳﻤﻜﻦ ﺑﻌﺪ ﺑﺎﻟﺘﺠﺪﺩ . ﺍﻭ ﺷﺨﺼﻴﺔ ﺍﻭ ﻫﻮﻳﺔ ﻳﺪﻳﺪﺓ .. ﻟﻜﻦ ﻛﻞ ﻫﺬﺍ ﻣﺎ
ﻳﻌﻨﻲ ﺍﻻ ﺷﻲ ﻭﺍﺣﺪ .... ﺷﻲ ﻭﺍﺣﺪ ﺍﻫﻮ ﻳﻤﻜﻦ ﺍﻻﻫﻢ ﺑﺤﻴﺎﺗﻬﺎ ..
ﺑﺼﻮﺕ ﻫﺎﺩﺉ ﻣﺜﻞ ﺑﺤﺮ ﻣﻈﻠﻢ ﻣﺎ ﺗﻄﻞ ﻋﻠﻴﻪ ﻻ ﻧﺠﻤﻪ ﻭﻻ ﺿﻮﺀ ﺍﻟﻘﻤﺮ
ﺍﻟﻬﺎﺩﺉ : ﻛﻞ ﺧﻄﻮﺓ ... ﺍﺩﻭﺱ ﻓﻴﻬﺎ ﻋﻠﻰ ﻗﻠﺒﻲ ... ﻭﺍﻭﺻﻞ ﻟﺞ ...
ﺍﻭﺻﻠﺞ ﻟﺞ ﻳﺎ ﻓﺎﺗﻦ .. ﻭﺍﺧﺬ ﺣﻘﻲ ﻣﻨﺞ ...
ﺟﺮﺍﺡ ﺍﻟﻠﻲ ﻭﺻﻞ ﻟﻠﻤﻜﺘﺐ ﻭﻫﻮ ﻣﺘﻈﺎﻳﻖ ﺑﺎﻟﺤﻴﻞ ﻣﻦ ﺍﻟﻠﻲ ﻳﺼﻴﺮ .. ﻣﺮ
ﺍﻛﺜﺮ ﻣﻦ ﻣﺮﺓ ﻋﻠﻰ ﺑﻴﺖ ﻣﺮﻳﻢ .. ﻳﻤﻜﻦ ﺑﺨﻴﺎﻟﻪ ﺍﻟﻤﺮﺍﻫﻖ ﺑﻴﻘﺪﺭ ﺍﻧﻪ
ﻳﻼﻗﻴﻬﺎ ﻋﻨﺪ ﻏﺮﻓﺘﻬﺎ ﻣﺜﻞ ﺍﻳﺎﻡ ﻗﺒﻞ .. ﻟﻜﻦ ﺍﻟﻨﻮﺭ ﻛﺎﻥ ﻣﻄﻔﻰ ﻭﻣﺮﻳﻢ
ﻣﺎ ﻋﺎﺩﺕ ﻣﻮﺟﻮﺩﺓ .. ﺍﺻﻼ ﻣﺮﻳﻢ ﺍﺧﺘﻔﺖ ﻣﻦ ﺍﻟﺪﻧﻴﺎ ﻣﻦ ﺑﻌﺪ ﻣﺎ
ﺍﺧﺘﻔﺖ ﻓﺎﺗﻦ ..
ﻛﻠﻪ ﺑﺴﺒﺒﺞ ﻳﺎ ﻓﺎﺗﻦ .. ﺍﻧﺘﻲ ﺿﻴﻌﺘﻲ ﻣﻨﻲ ﺍﻟﺤﻠﻢ ﺍﻟﻠﻲ ﻛﻨﺖ ﺍﺷﻘﻰ
ﻭﺍﺗﻌﺐ ﻋﻠﻴﻪ .. ﻭﺍﻟﻈﺎﻫﺮ ﺍﻥ ﺍﻟﺸﻲ ﻛﻞ ﻣﺎ ﻣﺮ ﻋﻠﻴﻪ ﻣﻦ ﺍﻟﻮﻗﺖ .. ﻳﻌﺘﻖ
ﻭﻳﺼﺪﻯ ﻭﺗﻀﻴــﻊ ﺍﻟﺪﺭﻭﺏ ﻟﻪ .. ﻭﻧﻮﺭ ﻣﺮﻳﻢ ﻣﺎ ﺑﻴﻮﺻﻞ ﻟﺪﺭﺑﻲ
ﺍﻫﺘﺪﻳﺒﻪ .. ﻭﻣﺮﻳﻢ ﻣﺎ ﺑﺘﺮﺟﻊ ﻟﻲ .. ﻭﻛﻠﻪ ﺑﺴﺒﺒﺞ ﻳﺎ ﻓﺎﺗﻦ .. ﻛﻠﻪ
ﺑﺴﺒﺒﺞ ..
ﻧﻮﺑﺔ ﺟﺮﺍﺡ ﻓﻲ ﺍﻟﺒﻴﺖ ﻛﺎﻧﺖ ﺑﺪﺍﻓﻊ ﻓﺎﺗﻦ .. ﺍﻟﻠﻲ ﺭﻏﻢ ﻣﺤﺒﺘﻪ ﺍﻟﻜﺒﻴـﺮﺓ
ﻟﻬﺎ .. ﺍﻻ ﺍﻧﻬﺎ ﻓﻘﺪﺗﻪ ﺍﻋﺰ ﻣﺎ ﻳﻤﻠﻚ ﻣﻦ ﺑﻌﺪ ﻋﺎﻳﻠﺘﻪ .. ﺣﻠﻤﻪ ﺑﺎﻻﺭﺗﺒﺎﻁ
ﺑﻤﺮﻳﻢ . ﻫﺎﻟﺒﻨﺖ ﺍﻟﻠﻲ ﺗﻐﻠﻐﻠﺖ ﻓﻴﻪ ﻭﺣﺎﻭﻝ ﺑﺎﻟﻐﺎﻟﻲ ﺍﻧﻪ ﻳﺒﻌﺪﻫﺎ ﻋﻦ
ﻓﻜﺮﻩ .. ﻟﻜﻦ ﻛﻞ ﻣﺎ ﺍﺑﻌﺪﻫﺎ ﻛﻞ ﻣﺎ ﻗﺮﺑﺖ ﻣﻨﻪ ﺍﻛﺜﺮ ..
ﻭﻟﻊ ﺍﻟﻨﻮﺭ ﻓﻲ ﻏﺮﻓﺔ ﺍﻟﻤﻜﺘﺐ ﻭﺗﻔﺎﺟﺄ ﻳﻮﻡ ﻟﻘﻰ ﺧﺎﻟﺪ ﻧﺎﻳﻢ ﻋﻠﻰ
ﺍﻟﻜﺮﺳﻲ ﺍﻟﻠﻲ ﺩﺍﺧﻞ ﻭﺍﻟﻤﻜﻴﻒ ﻣﺴﻜـﺮ ﺑﺲ ﺍﻟﺪﺭﻳﺸﺔ ﻣﻔﺘﻮﺣﺔ .. ﻭﻛﺎﻥ
ﺑﺎﻳﻦ ﻋﻠﻴﻪ ﺍﻧﻪ ﺗﻌﺒﺎﻥ ﻭﺣﺮﺍﻥ ﻟﻜﻦ ﺍﻟﻨﻮﻣﺔ ﻣﺎﻛﻠﻪ ﻣﻼﻣﺤﻪ .. ﺳﺤﺐ
ﺟﺮﺍﺡ ﺑﻄﺎﻧﻴﺔ ﻣﻦ ﺗﺤﺖ ﺍﻟﻜﺮﺳﻲ ﻭﻟﺤﻒ ﺑﻬﺎ ﺧﺎﻟﺪ ﻭﺷﻐﻞ ﺍﻟﻤﻜﻴﻒ
ﺍﻟﻬﺎﺩﺉ ..
ﻗﻌﺪ ﻋﻠﻰ ﻛﺮﺳﻲ ﺍﻟﻤﻜﺘﺐ ﻭﻫﻮ ﻳﺘﻤﺘﻢ ﺷﻲ ﻓﻲ ﺑﺎﻟﻪ : ﺍﻟﻈﺎﻫﺮ ﺍﻥ ﻣﻮ
ﺑﺲ ﺍﻧﺎ ﺍﻟﻠﻲ ﻇﺎﻳﻘﺔ ﻋﻠﻲ ﺍﻟﻮﺳﻴﻌﺔ ﻳﺎ ﻭﻟﺪ ﺧﺎﻟﺘﻲ .. ﺍﻟﻠﻪ ﻳﻌﻴﻨﻚ
ﻭﻳﻌﻴﻨﻨﺎ ﻛﻠﻨﺎ ﻋﻠﻰ ﺑﻠﻮﺍﻧﺎ ..
ﻣﺮ ﺍﻟﻮﻗﺖ ﻭﺟﺮﺍﺡ ﻳﺮﺍﻗﺐ ﻛﻞ ﺷﻖ ﻭﻛﻞ ﺣﺮﻛﺔ ﻭﻛﻞ ﺗﻮﺍﺟﺪ ﺑﺎﻟﻐﺮﻓﺔ ..
ﻭﻫﻮ ﺳﺎﺑﺢ ﻓﻲ ﻓﻜﺮﻩ ﻭﺧﻴﺎﻟﻪ ﺍﻟﻠﻲ ﻳﺘﻤﻨﻰ ﻟﻮ ﺍﻧﻪ ﻳﻮﺻﻠﻪ ﻟﻔﺎﺗﻦ ..
ﺗﺨﻴﻠﻬﺎ ﻓﻲ ﻫﺬﻱ ﺍﻟﻠﺤﻈﺔ .. ﺷﻼﺑﺴﻪ ﻭﻻ ﺷﻠﻮﻥ ﺷﻜﻠﻬﺎ ﻭﻻ ﺷﻘﺎﻋﺪﺓ
ﺗﺴﻮﻱ .. ﻓﻤﺎ ﻗﺪﺭ ﺍﻻ ﺍﻧﻪ ﻳﺤﻂ ﻓﻲ ﺑﺎﻟﻪ ﺻﻮﺭﺓ ﻣﻜﺎﻥ ﻓﺎﺭﻍ .. ﻭﻓﺎﺗﻦ
ﻗﺎﻋﺪﺓ ﻓﻲ ﺯﺍﻭﻳﺔ .. ﻭﻭﻳﻬﻬﺎ ﻳﻜﺴـﻮﻩ ﺍﻟﻼﺷﻴﺊ .. ﻓﺘﻌﻮﺫ ﻣﻦ ﺑﻠﻴﺲ ﻣﻦ
ﻫﺬﻱ ﺍﻟﻔﻜﺮﺓ ﻻﻧﻪ ﻟﻮ ﻣﻬﻤﺎ ﻛﺎﻥ ﻏﻀﺒﻪ ﻋﻠﻰ ﺍﺧﺘﻪ ﻓﻤﺎ ﻳﺘﻤﻨﻰ ﻟﻬﺎ ﺍﻻ
ﻛﻞ ﺍﻟﺴﻌﺎﺩﺓ ... ﻭﻳﻤﻜﻦ ﺣﺘﻰ ﻟﻮ ﻛﺎﻧﺖ ﻋﻠﻰ ﺣﺴﺎﺏ ﺳﻌﺎﺩﺓ ﺍﻟﻜﻞ ..
ﻟﻜﻦ ﻻ ﻓﺎﺗﻦ ﻻﻗﻴﺔ ﺍﻟﺴﻌﺎﺩﺓ ﻭﻻ ﺍﺣﺪ ﻣﻦ ﻋﺎﻳﻠﺘﻬﻢ ..
ﻣﺴـــﻚ ﺟﺮﺍﺡ ﺍﻟﻘﻠﻢ ﺍﻟﻠﻲ ﻛﺎﻥ ﻋﻠﻰ ﺍﻟﻄﺎﻭﻟﺔ .. ﻭﺑﺪﻯ ﻳﺸﺨﺒﻂ ﻋﻠﻰ
ﺩﻓﺘﺮ ﺍﻟﻤﻼﺣﻈﺎﺕ ﺍﻟﻠﻲ ﻛﺎﻥ ﻣﻔﺘﻮﻭﺡ ﻋﻠﻰ ﺻﻔﺤﺔ ﺑﺘﺎﺭﻳﺦ ﻭﻟﻜﻦ ﻣﻦ
ﻏﻴﺮ ﺍﻱ ﺷﻲ ﻓﻲ ﺑﺎﻃﻨﻬﺎ ..
"" ﻛﻞ ﻣﻨﺎ .. ﻳﻨﺘﻈﺮ ﻟﺤﻈﺔ ﺳﻌﺎﺩﺓ ..
ﻣﻦ ﺷﻔﺎﻩ ﻃﻔﻞ؟؟ ﺍﻡ ﻣﻦ ﺍﺿﺤﻮﻛﺔ ﻋﺎﺷﻘﺔ ..
ﻧﺴﺘﻐﻴــﺚ ﻓﻤﺎ ﻣﻦ ﻣﻌﻴـﻦ؟؟ ﺍﻻ ﺍﻻﺣﺰﺍﻥ ﺍﻟﻠﻲ ﺗﻬﺐ ﺑﺎﻳﺪﻱ ﺍﻟﻤﻌﺎﻭﻧﺔ ..
ﻛﻔﻲ ﻳﺎ ﺍﺣﺰﺍﻧﺎ .. ﻭﺍﺧﺘﻔﻲ .. ﻻ ﺗﻌﻮﺩﻱ ﻟﻤﻘﺎﺑﻌﻚ .. ﺳﺌﻤﻨﺎﻙ ﻳﺎ ﺍﺣﺰﺍﻥ ..
ﻓﺎﻧﻘﺸﻌﻲ ﺑﻐﻴﻮﻣﻚ ..
ﻛﻢ ﺍﺷﺘﻘﺖ ﻟﻠﺸﻤـﺲ .. ﺍﻟﺘﻲ ﺍﺧﺘﻔﺖ .. ﻓﻠﻢ ﺗﻌﺪ ﻣﻨﺬ ﻣﻐﻴﺒﻬﺎ ﻗﺒﻞ
ﻋﺎﻡ ..
ﺍﺧﺘﻔﺖ .. ﻭﻟﻢ ﺗﻌﺪ ﺍﻟﺪﻧﻴﺎ ﺑﻤﺜﻞ ﻣﺎ ﻛﺎﻧﺖ ﻋﻠﻴﻪ ..
ﺍﺯﻣﺔ ﺍﻟﻤﺎﺿﻲ .. ﻭﺻﺮﺍﻉ ﺍﻟﻘﻠﻮﺏ ﻳﺘﺄﺟﺞ ﺑﻨﺎﺭ ﻛﺎﻭﻳﺔ .. ﺗﻠﻬﺒﻨﺎ ﻭﺗﻠﻬﺐ
ﻣﺎ ﺑﻘﻲ ﻣﻨﺎ ﻣﻦ ﻣﺸـﺎﻋﺮ ..
ﺍﺿﺤﻮﻭﻭﻛﺔ ﻋﺎﺷﻘﺔ .. ﺍﻡ ﺿﺤﻜﺔ ﻃﻔﻞ ..
ﻗﺪ ﺗﺮﺟﻊ ﻣﺎ ﻓﻘﺪﻧﺎﻩ ﻳﻮﻣﺎ ﻓﻲ ﺑﺮﺩ ﺷﺘﺎﺀ ﻣﻈﻠﻢ ..
ﻓﻤﺎ ﻫﻲ ﺍﺣﻮﺍﻟﻚ ﻳﺎ ﺍﺣﺰﺍﻥ ..
ﺍﻧﺘﺸﻠﺖ ﻣﻨﺎ ﺍﻟﺸﺘﺎﺀ ﺑﻈﻠﻤﻚ ﻭﺑﺮﺩﻙ .. ﻭﻛﺮﻫﺘﻨﺎ ﺑﺼﻴﻔﻚ ﺍﻟﻤﻠﺘﻬﺐ
ﺍﻟﺤﺎﺭ ..
ﻟﺤﻈﺔ ﺳﻌﺎﺩﺓ .. ﺍﻭ ﻣﻮﻋﺪﻥ .. ﻻ ﻟﻘﻴﺎ ﺑﻪ ﻭﻻ ﺍﺟﻴــﺞ ..
ﻭﻟﻲ ﻳﺎ ﺍﺣﺰﺍﻥ .. ﻭﻟﻲ .. ﻭﺍﻥ ﻛﻨﺘﻲ ﻣﻌﻨﺎ ﻣﻨﺬ ﻣﻮﻟﺪﻧﺎ .. ﻓﻘﺪ ﺳﺄﻣﻨﺎﻙ ..
ﻻ ﺍﻋﺮﻑ ﻋﻦ ﺍﻟﻌﺎﻟﻢ ﺣﻘﺎ .. ﻭﻟﻜﻦ ﻋﻨﻲ .. ﻓﺒﻠﻲ .. ﺳﺄﻣﺘﻚ ﻳﺎ ﺍﺣﺰﺍﻧﻲ ..
ﺳﺌﻤﺘﻚ .. ""
ﺍﺑﺘﺴﻢ .. ﻳﻮﻡ ﻟﻘﻰ ﺍﻟﻨﺘﻴﺠﺔ ﺍﻻﺧﻴﺮﺓ ﻣﻦ ﻫﺎﻟﺨﺮﺑﺸﺔ .. ﻣﻊ ﺍﻧﻬﺎ ﺑﻼ
ﻣﻌﻨﻰ ﺍﻭ ﻭﺟﻮﺩ .. ﺍﻻ ﺍﻧﻬﺎ ﺷﻲ ﻣﻦ ﺍﻟﻠﻲ ﻳﻤﺮ ﺑﺪﺍﺧﻠﻪ .. ﻓﺸﺨﻂ ﺑﺎﻟﻘﻠﻢ
ﺛﻼﺙ ﺧﻄﻮﻁ ﺗﺤﺖ ﺍﺳﻤﻪ ﺑﻄﺮﻳﻘﺔ ﻓﻨﻴﺔ .. ﻭﺳﻜﺮ ﺍﻟﺪﻓﺘﺮ .. ﺍﻻ ﻭﺧﺎﻟﺪ
ﻳﻨﺘﺒﻪ ﻟﻮﺟﻮﺩﻩ ﺑﺴﺒﺐ ﺍﻟﻀﻮﺀ ﻟﻠﻲ ﻛﺎﻥ ﻃﺎﻟﻊ ﻣﻦ ﺍﻟﻤﻜﺘﺐ ..
ﺧﺎﻟﺪ : ﺟﺮﺍﺡ؟؟؟؟؟؟ ﺍﻧﺖ ﻫﻨﻲ؟؟؟؟ ﻫﺬﺍ ﺍﻧﺖ ﻭﻻ ﻣﻼﻙ ﺍﻟﻤﻮﺕ؟؟؟
ﺟﺮﺍﺡ : ﻻ .. ﻣﻼﻙ ﺍﻟﻤﻮﺕ ... ﻳﺎﻟﻴﺘﻪ ﻣﻼﻙ ﺍﻟﻤﻮﺕ ..
ﺧﺎﻟﺪ ﻭﻫﻮ ﻳﺤﻚ ﻭﻳﻬﻪ ﺑﺎﻟﻤﺨﺪﺓ ..: ﺍﺳﻜﺖ .. ﻣﻦ ﺍﻟﺤﺮ ﻳﺎﺧﻮﻙ ﺣﻠﻤﺖ
ﺑﻜﻞ ﺷﻲ .. ﺣﺘﻰ ﺑﺎﻡ ﺣﻤﺎﺭ ..
ﺟﺮﺍﺡ : ﻫﻬﻬﻬﻬﻪ .. ﻗﻠﻌﺘﻚ .. ﻣﻦ ﻗﺎﻝ ﻟﻚ ﺗﻨﺎﻡ ﺑﺎﻟﺤﺮ .. ﻛﺎﺭﻩ ﺭﻭﺣﻚ
ﺧﺎﻟﺪ ﻭﻫﻮ ﻳﺘﻮﻗﻆ ﻣﻦ ﺍﻟﻨﻮﻡ ﺍﺧﻴـﺮﺍ ﻭﻟﻜﻦ ﻣﺴـﻜﺮ ﻋﻴﻮﻧﻪ .. ﺗﻨﻬﺪ
ﻭﺗﻜﻠﻢ : ﻣﺎ ﺗﺪﺭﻱ ﻳﺎ ﺟﺮﺍﺡ ﺷﻠﻲ ﻳﺎﺑﻨﻲ ﻫﻨﻲ .. ﻣﻊ ﺍ ﻧﻲ ﻣﺎ ﺳﻮﻳﺖ
ﺷﻲ ﻳﺘﻌﺒﻨﻲ .. ﺍﻻ ﻣﺮﺓ ﻭﺣﺪﺓ ﻫﻤﻮﻡ ﺍﻟﺪﻧﻴﺎ ﻛﻠﻬﺎ ﺍﻧﻘﻄﺖ ﻓﻮﻕ ﺭﺍﺳﻲ
ﻭﻣﺎﻗﺪﺭﺕ ﻭﻣﺎ ﻋﺮﻓﺖ ﺩﺭﺏ ﺍﻻ ﻫﻨﻲ ..
ﺍﺑﺘﺴﻢ ﺟﺮﺍﺡ ﺑﺨﻔﺔ .. ﻭﻣﺎ ﻳﺪﺭﻱ ﻟﻴﺶ ﻓﻲ ﻟﺤﻈﺔ ﺑﺴﻴﻄﺔ ﻛﻞ ﻫﻤﻮﻣﻪ
ﺑﺪﺕ ﺑﻼ ﺳﺒﺐ ﺍﻭ ﺩﺍﻋﻲ ﻳﻮﻡ ﺳﻤﻊ ﺍﻟﻜﻼﻡ ﻣﻦ ﺧﺎﻟﺪ .. ﻻﻥ ﺧﺎﻟﺪ ﺍﻫﻮ
ﻛﻮﻛﺐ ﻭﻓﻠﻚ ﺍﻻﺣﺰﺍﻥ ﺍﻟﻤﺘﻮﺍﺟﺪ ﻓﻴﻤﺎ ﺑﻴﻨﻬﻢ .. ﻣﻮ ﻛﻔﺎﻳﺔ ﺍﻧﻪ ﻳﺨﺴﺮ
ﻓﻲ ﻛﻞ ﻣﺮﺣﻠﺔ ﻣﻦ ﻋﻤﺮﻩ ﺷﻲ ﻛﺒﻴﺮ ﻭﻣﻬﻢ .. ﺍﻻ ﺍﻧﻪ ﻣﻀﻄﺮ ﻳﻌﻴﺶ
ﻋﻠﻰ ﺑﻘﺎﻳﺎ ﺍﻟﺮﺍﺣﻠﻴﻦ ..
ﺟﺮﺍﺡ : ﺷﻔﻴﻚ؟؟ ﺍﻧﺖ ﺍﺻﻼ ﺻﺎﺭ ﻟﻚ ﻳﻮﻣﻴﻦ ﻣﻮ ﻋﻠﻰ ﺑﻌﻀﻚ .. ﺷﻲ
ﺟﺎﺩ ﻋﻠﻴﻚ؟
ﺧﺎﻟﺪ ﻭﻫﻮ ﻳﺴﺘﻮﻱ ﻋﻠﻰ ﺍﻟﻜﺮﺳﻲ ﻭﻳﺤﻚ ﺭﺍﺳﻪ ...:.. ﻣﺸـﻌﻞ
ﺍﻟﻨﻬﻴـﺪﻱ .. ﺭﺩ ﻣﻦ ﺍﻟﺴﻔﺮ ..
ﺍﻧﺘﺒﻪ ﺟﺮﺍﺡ ﺑﻜﻞ ﺍﻫﺘﻤﺎﻡ ﻟﻠﻲ ﻳﻘﻮﻟﻪ ﺧﺎﻟﺪ : ﻣﺸــﻌﻞ؟؟؟ ﻣﺘﻰ؟؟
ﻭﺷﻠﻮﻥ ﺍﻧﺎ ﻣﺎﺩﺭﻱ ..؟ ﻭﻣﺘﻰ ﺗﻼﻗﻴﺖ ﻭﻳﺎﻩ؟؟
ﺧﺎﺍﻟﺪ ﻭﻫﻮ ﻣﻮﻃﻲ ﻋﻴﻮﻧﻪ ﻟﻼﺭﺽ : ﻛﺎﻥ ﻗﺒﻞ ﻳﻮﻣﻴﻦ .. ﻭﺗﻮﻩ ﺑﻲ
ﺻﻮﺑﻲ ﺍﻻ ﻭﻣﻨﺎﻳﺮ ﺭﺍﺩﺓ ﻭﻫﻮ ﺭﺍﺡ ﺑﺎﻟﺴﻴﺎﺭﺓ ..
ﺟﺮﺍﺡ : ﺍﻟﻈﺎﻫﺮ ﺍﻧﻪ ﺭﺩ ﻣﻦ ﻣﺤﻞ ﻣﺎﻳﺎ ﻻﻧﻲ ﻣﺎ ﺗﻼﻗﻴﺖ ﻭﻳﺎﻩ ﺍﺑﺪ ﻃﻮﻝ
ﻫﺎﻟﻴﻮﻣﻴﻦ .
ﺧﺎﻟﺪ ﻭﻫﻮ ﻳﺘﺴﻨﺪ ﻋﻠﻰ ﺍﻟﻜﺮﺳﻲ ﺑﺘﻌﺐ ..: ﻭﺍﻟﻠﻪ ﺍﻥ ﺍﻟﺪﻧﻴﺎ ﻟﻤﻌﺖ
ﺑﻌﻴﻨﻲ ﻓﻲ ﺩﻗﺎﻳﻖ .. ﻭﺍﺧﺘﻔﻰ ﻛﻞ ﺷﻲ ﻣﺜﻞ ﻣﺎ ﺍﺧﺘﻔﻰ ﻗﺒﻞ ..
ﺳﻜﺖ ﺟﺮﺍﺡ ﻭﻻﺣﻆ ﺣﺰﻥ ﺧﺎﻟﺪ ﺍﻟﻜﺒﻴـﺮ .. ﻓﺘﻤﻨﻰ ﻟﻮ ﺍﻧﻪ ﻳﻤﻠﻚ ﺍﻱ
ﻗﻮﺓ ﻋﺠﻴﺒﺔ ﻋﻠﻰ ﺍﻧﻪ ﻳﺮﺩ ﻣﻦ ﺍﻟﻠﻲ ﺍﻫﻮ ﻳﻤـﺮ ﻓﻴﻪ .. ﻓﻤﺮ ﻋﻠﻰ ﺑﺎﻟﻪ
ﺷﻲ ﻣﻦ ﺍﻻﻳﺎﻡ ﻟﻠﻲ ﻛﺎﻥ ﻓﻴﻬﺎ ﺍﻫﻮ ﻃﺎﻳﺶ ﻭﻳﻌﻴﺶ ﺣﻴﺎﺗﻪ ﻭﻳﻨﺴﻲ
ﻧﻔﺴﻪ ﻫﻤﻮﻣﻪ .. ﻭﺑﺎﺛﺎﺭﺓ ﻣﻔﺎﺟﺌﺔ ﻫﺎﺟﻢ ﺧﺎﻟﺪ ..
ﺧﺎﻟﺪ : ﺑﺴﻢ ﺍﻟﻠﻪ ﻋﻠﻴﻚ ﺷﻴﺎﻙ ﻋﻠﻲ .. ﺍﻡ ﺍﺭﺑﻊ ﻭﺍﺭﺑﻌﻴﻦ؟؟
ﺟﺮﺍﺡ ﻭﻫﻮ ﻳﻀﺤﻚ : ﻗﻮﻡ ﻳﺎﻟﻠﻪ ﺻﺤﺼﺢ .. ( ﺗﺜﺎﻭﺏ ﺧﺎﻟﺪ ﻓﻲ ﻭﻳﻪ
ﺟﺮﺍﺡ ﺍﻟﻠﻲ ﺍﻧﻘﺮﻑ ) ﻭﻏﺴﻞ ﺣﻠﺠﻚ ﻗﺒﻞ ﻭﻗﻮﻡ ﻭﻳﺎﻱ .. ﺍﻟﺤﻴﻦ ﻧﻤﺮ
ﻋﻠﻰ ﻟﺆﻱ ﻭﻧﻄﻠﻊ ﻭﻳﺎ ﺑﻌﺾ ..
ﺧﺎﻟﺪ ﺍﻟﻠﻲ ﻛﺎﻥ ﻣﺤﻤﻮﻝ ﻣﻦ ﻃﺮﻓﻪ ﻳﺘﻤﻠﻤﻞ : ﻧﻄﻠﻊ ﻭﻳﻦ ﻧﺮﻭﺡ؟؟ ﺍﺑﻲ
ﺍﺭﺩ ﺍﻟﺒﻴﺖ ﺳﺒﺢ ﻭﺍﻧﺎﻡ ..
ﺟﺮﺍﺡ : ﺑﺲ .. ﺗﺴﺒﺢ ﻭﺗﻨﺎﻡ؟ ﻭﺍﻻﻛﻞ؟؟ ﺗﺮﻯ ﻫﺬﺍ ﺑﻌﺪ ﺷﻲ ﻣﻬﻢ ﻟﻮ ﻣﺎ
ﺗﺪﺭﻱ ﻳﻌﻨﻲ ..
ﺧﺎﻟﺪ : ﻳﻤﻜﻦ ﺍﻛﻞ ... ﺑﺲ ﻣﻮ ﻳﻌﺎﻥ .. ﻣﻦ ﺑﻌﺪ ﺍﻻﺣﻼﻡ ﺍﻟﻠﻲ ﺣﻠﻤﺘﻬﺎ ..
ﻣﺎﺑﻲ .. ﻫﺪﻧﻲ ﺟﺮﺍﺡ ﻭﺍﻟﻠﻪ ﻣﺎﺑﻲ ..
ﻛﺎﻥ ﺧﺎﻟﺪ ﺍﻭﻟﺮﻳﺪﻱ ﺑﺎﻟﺴﻴﺎﺭﺓ ﻭﺟﺮﺍﺡ ﺭﺩ ﻟﻠﻤﻜﺘﺐ ﻳﻄﻔﻲ ﻛﻞ ﺷﻲ
ﻭﻳﻘﻔﻞ ﺍﻟﺒﺎﺏ ﻭﻳﺮﺟﻊ ﺍﻟﺴﻴﺎﺭﺭﺓ .. ﻓﺠﻬﺎ ﻭﺷﻐﻠﻬﺎ .. ﻭﺍﺷﺘﻐﻞ ﻣﻌﺎﻫﺎ
ﺍﻟﺮﺍﺩﻳﻮﻭﻭ ﻛﺎﻟﻤﻌﺘﺎﺩ ﻭﻛﺎﻧﺖ ﺍﻟﻤﻮﺳﻴﻘﻰ ﺻﺎﺩﺣﺔ ﻓﻲ ﺍﻟﺴﻴﺎﺭﺓ ﻋﻠﻰ
ﺍﻏﻨﻴــﺔ " ﺍﻟﺪﻧﻴﺎ ﻣﻘﻨﻮﻧﺔ "
ﺟﺮﺍﺡ ﻳﻄﻮﻝ ﻋﻠﻰ ﺍﻟﺼﻮﺕ ﺑﻘﻮﺓ : ﺍﻱ ﻭﺍﻟﻠﻪ ﺍﻟﺪﻧﻴﺎ ﻣﻴﻨﻮﻧﺔ ﻻﺑﻮﻫﺎ ﻻﺑﻮ
ﺍﻣﻬﺎ ﺍﻟﻤﻴﻨﻮﻧﺔ ..
ﺧﺎﻟﺪ ﻓﺎﺝ ﻋﻴﻨﻪ ﺑﻌﺼﺒﻴﻪ ﻭﺟﺮﺍﺡ ﻳﻄﻠﻊ ﺑﺎﻟﺴﻴﺎﺭﺓ ﺑﻘﻮﺓ : ﺍﻧﺖ ﺷﻔﻴﻚ؟؟
ﺩﺍﻗﺔ ﻋﻠﻴﻚ ﺍﻡ ﺍﻟﺪﻳﻔﺎﻥ؟؟؟ ﺍﺫﺍ ﺩﺍﻗﺔ ﻗﻮﻝ ﻟﻲ ﺧﻠﻨﻲ ﺍﻧﺰﻝ
ﺟﺮﺍﺡ : ﺟﺎﺍﺍﺍﺍﺍﺍﺍﺍﺍﺍﺏ .. ﺍﻱ ﻭﺍﻟﻠﻪ ﻓﺘﺢ ﻋﻴﻮﻧﻚ .. ( ﻭﻫﻮ ﻳﻬﺰ ﺭﺍﺳﻪ )
ﻓﺘﺢ ﻋﻴﻮﻧﻚ .. ﻭﺍﻟﺪﻧﻴﺎ ﻣﺎﻣﺎ ﻗﻨﻮﻧﺔ .. ﻋﺎﺷﻮﻭﻭﻭ
ﺧﺎﻟﺪ : ﺍﻟﺤﻤﺪ ﻟﻠﻪ ﻭﺍﻟﺸﻜــﺮ ..
ﻭﻛﻠﻬﺎ ﺩﻗﺎﻳﻖ ﺍﻻ ﺍﻟﺮﻳﺜﻢ ﻳﺴﺘﻠﻢ ﺧﺎﻟﺪ ﺍﻟﺜﺎﻧﻲ ﻭﻳﻬﺰ ﺭﺍﺳﻪ ﺷﻮﻱ ﺷﻮﻱ ..
ﻟﻤﻦ ﻃﻐﻰ ﻋﻠﻴﻪ ﺍﻟﺠﻮﻭﻭ .. ﻭﻛﺎﻧﺖ ﺍﻟﺴﻴﺎﺭﺓ ﺗﻤﺸﻲ ﻭﺗﻤﺸﻲ ﻟﻤﻦ
ﻭﺻـﻠﺖ ﻟﺒﻴﺖ ﻣﺴـﺎﻋﺪ .. ﻗﺼﺮ ﺟﺮﺍﺡ ﻋﻠﻰ ﺍﻟﺼﻮﺕ ﺷﻮﻱ ﻭﺍﺗﺼﻞ ﻓﻲ
ﻟﺆﻱ ..
ﻟﺆﻱ ﻭﻫﻮ ﻳﺘﺼﻨﻊ ﺍﻟﻨﻌﻮﻣﺔ : ﻫﺎﺍﺍﻱ ﺟﺎﻧﻮ ... ﺍﻧﺖ ﻭﻳﻨﻚ .. ﺍﻧﺎ ﺍﻧﺘﻈﺮﻙ
ﻣﻦ ﺯﻣﺎﻥ
ﺟﺮﺍﺡ : ﺟﺎﻧﻮ ﺍﻧﺎ ﻋﻨﺪ ﺑﺎﺏ ﺑﻴﺘﻜﻢ ﺣﺒﻴﺒﺘﻲ ﻃﻠﻌﻲ ﻟﻲ ﺷﻮﻱ .. ﺍﺑﻴﺞ
ﻓﻲ ﺳﺎﻟﻔﺔ
ﻟﺆﻱ ﻭﻫﻮ ﻳﻠﺒﺲ ﻧﻌﺎﻟﺔ : ﺟﺎﻧﻮ ﺍﻧﺎ ﻣﻼﺑﺴﻲ ﻣﺎ ﺗﺴﻤﺢ ﻟﻲ .. ﺗﻌﺮﻑ
ﻳﻌﻨﻲ ﺷﻮﺭﺕ ﻭﺗﻲ ﺷﺮﺕ ﻛﺖ ..
ﺟﺮﺍﺡ : ﺍﺍﺍﺍﺍﺥ ﻋﻠﻴﺞ ﺍﻧﺘﻲ ﻳﺎ ﺟﺎﻧﻮ .. ﺣﻼﺗﺞ ﺟﺬﻱ ﺳﺒﻮﺭﺗﻴﻪ
ﻟﺆﻱ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﻔﻴﻚ ﺍﻧﺖ ﺷﺘﺴﻮﻱ ﻋﻨﺪ ﺑﺎﺏ
ﺑﻴﺘﺎ ..
ﻭﻫﻮ ﻳﻜﻠﻤﻪ ﺑﺎﻟﺘﻠﻔﻮﻥ ﻭﻣﺎ ﺳﻜﺮﻩ ﻣﻊ ﺍﻧﻪ ﻳﻤﺸﻲ ﺻﻮﺏ ﺍﻟﺴﻴﺎﺭﺓ : ﺗﻌﺎﻝ
ﺧﻠﻨﺎ ﻧﻮﺳﻊ ﺍﻟﺴـﺪﺭ ﺍﻟﻠﻴﻠﺔ ..
ﺳﻜﺮ ﺍﻟﺨﻂ ﻟﺆﻱ ﻭﺟﺮﺍﺡ ﻧﺰﻝ ﺍﻟﺪﺭﻳﺸﺔ : ﻭﻳﻦ ﻧﺮﻭﺡ ﺯﻳﻦ؟؟
ﺟﺮﺍﺡ : ﺍﻱ ﻣﻜﺎﻥ .. ﺍﻫﻢ ﺷﻲ ﺑﺲ ﺑﻌﻴﺪ ﻋﻦ ﻫﺎﻟﻘﻬﺮ ﻭﺍﻟﻤﻠﻞ ..
ﻟﺆﻱ : ﺯﻳﻦ ﻟﺤﻈﺔ ﺑﻐﻴﺮ ﻫﺪﻭﻣﻲ ﻭﻳﺎﻳﻜﻢ
ﺧﺎﻟﺪ : ﻻ ﻳﺎ ﺣﺒﻴﺒﻲ .. ﺍﻧﺎ ﻻﺑﺲ ﺑﺎﻧﻄﻠﻮﻥ ﻣﺼﺪﻱ ﺍﻧﺖ ﺍﺗﻴﻲ ﺑﺎﻟﻠﻲ
ﻋﻠﻴﻚ ..
ﻟﺆﻱ ﻭﻫﻮ ﻳﺘﺼﻨﻊ ﺣﺮﻛﺔ ﺍﻧﺜﻮﻳﺔ ﻳﻐﻄﻲ ﻓﻴﻬﺎ ﺟﺴﻤﻪ : ﺷﻨﻮ ﺍﻧﺖ ﻣﺎ
ﺗﺴﺘﺤﻲ .. ﺍﻃﻠﻊ ﻭﺍﻧﺎ ﻧﺺ ﻋﺎﺭﻱ .. ﺷﻮﻱ ﺍﻻ ﻳﻐﺎﺯﻟﻮﻧﻲ ..
ﺟﺮﺍﺡ : ﻳﺎﻟﻠﻪ ﺍﺩﺧﻞ ﻳﻐﺎﺯﻟﻮﻧﻚ .. ﺷﻴﻐﺎﺯﻟﻮﻥ . ﺍﻟﻌﻀﻼﺕ ﻭﻻ ﺍﻟﺴﻜﺲ
ﺑﺎﻛﺰ ..؟؟
ﻟﺆﻱ : ﺍﺩﺭﻱ ﺍﻧﻲ ﺿﻌﻴﻒ ﺑﺲ ﻣﺎﻟﻪ ﺩﺍﻋﻲ ﻫﺎﻻﺣﺮﺍﺝ ﻛﻠﻪ .. ﻭﻋﻨﺎﺩﺍ
ﻓﻴﻜﻢ .. ﺑﻴﻲ ﻣﻌﺎﻛﻢ ﺑﻬﺎﻟﻬﺪﻭﻡ .. ( ﻳﺪﺧﻞ ﺍﻟﺴﻴﺎﺭﺓ ﺑﺪﻻﻝ ) ﺑﻔﺸﻠﻜﻢ ..
ﻭﺣﺘﻰ ﺍﻧﻲ ﺑﺘﺠﺪﻯ ﻋﻠﻴﻜﻢ ..
ﺿﺤﻜﻮﺍ ﺟﺮﺍﺡ ﻭﺧﺎﻟﺪ ﻋﻠﻰ ﻟﺆﻱ ﺍﻟﻠﻲ ﻣﺴﺮﻉ ﻣﺎ ﺗﺤﺮﻙ ﻭﺻﺎﺭ ﺑﺎﻟﻨﺺ
ﺑﻴﻨﺎﺗﻬﻢ .. ﻭﺗﺤﺮﻛﺖ ﺍﻟﺴﻴﺎﺭﺓ ﺑﺮﻋﻮﻧﺔ ﺷﻮﻱ .. ﻣﺘﻮﺟﻬﻴﻦ ﺍﻟﻰ ﺍﻱ ﻣﻜﺎﻥ
ﻳﻤﻜﻦ ﻳﺨﻠﻴـــﻬﻢ ﻳﺘﻤﺘﻌﻮﻥ ﺑﺸﻮﻱ ﻣﻦ ﺍﻟﻠﻲ ﻳﺒﻮﻧﻪ .. ﺍﻟﺮﺍﺣﺔ .. ﺍﻭ
ﺍﻟﻘﻠﻴﻞ ﻣﻦ ﺍﻟﺴﻌﺎﺩﺓ ..
----------------------------------
ﻭﻗﻔﺖ ﻓﺎﺗﻦ ﻋﻨﺪ ﺍﻟﺪﺭﻳﺸﺔ ﺍﻟﻠﻲ ﺗﻬﺐ ﺑﻨﺴﻴﻢ ﺧﻔﻴﻒ ﻋﻠﻴﻬﺎ ﻭﻫﻲ
ﺗﻔﻜـﺮ .. ﺗﻔﻜﺮ ﺑﺎﻟﻠﻲ ﻗﺎﻟﺘﻪ ﻟﻬﺎ ﺍﻣﻬﺎ .. ﻣﻦ ﻏﻴﺮ ﺍﻱ ﺣﺎﺳﻴﺔ ﺍﻫﻲ ﺍﻟﺘﻘﻄﺖ
ﺷﻲ ﻋﻦ ﻣﺴﺎﻋﺪ ﺍﻭ ﻣﺮﻳﻢ ﻳﺤﻄﻬﻢ ﻓﻲ ﻭﺳﻂ .. ﺷﻲ ﻣﻦ ﺍﻟﻤﻌﺎﻧﺎﺓ ﺍﻭ
ﺍﻟﻈﺮﻭﻑ ﺍﻟﺼﻌﺒﺔ ... ﻳﺎ ﺗﺮﻯ .. ﺷﻘﺼﺪﺕ ﺍﻣﻬﺎ ﻋﻦ ﻫﻠﺸﻲ ..
ﻣﻦ ﺧﻠﺖ ﺍﻟﺘﻠﻔﻮﻥ ﻭﻫﻲ ﻣﺘﻮﺗﺮﺓ ﻭﺣﺎﻟﺘﻬﺎ ﺍﻟﻨﻔﺴﻴﺔ ﻏﻴﺮ ﻣﺴﺘﻘﻠﻪ ..
ﺍﺩﻣﺖ ﺷﻔﺘﻬﺎ ﻭﻫﻲ ﺗﻔﻜﺮ ﺑﺎﻟﻠﻲ ﻳﻤﻜﻦ ﻋﻨﺘﻪ ﺍﻣﻬﺎ ... ﻣﺴﺎﻋﺪ ﻳﻌﺎﻧﻲ؟ ﺍﻭ
ﻣﺮﻳﻢ ﺗﻌﺎﻧﻲ ﻣﻦ ﺷﻲ؟؟ ﺷﻬﺎﻟﺸﻲ؟؟ ﻣﻮ ﻣﻌﻘﻮﻝ ﻫﺎﻟﺸﻲ ﺍﻟﻲ ﺍﻫﻢ
ﻳﻌﺎﻧﻮﻥ ﻣﻨﻪ ﻻﻧﻬﺎ ﻣﺎ ﺗﻌﺮﻑ ﻋﻨﻪ ﺷﻲ .. ﺍﻭ ﺣﺘﻰ ﻳﻤﻜﻦ ﻳﻮﺻﻠﻬﺎ ﺧﺒﺮ
.. ﻭﻳﻦ ﻳﻮﺻﻠﻬﺎ ﺧﺒﺮ ﻭﺍﻫﻲ ﺗﺤﺎﻭﻝ ﺍﻧﻬﺎ ﺗﻤﻨﻊ ﻱ ﺷﻲ ﻣﻦ ﺍﻥ ﻳﻮﺻﻞ
ﻟﻬﺎ .. ﺍﻭ ﻳﻔﻬﻤﻬﺎ ﺷﻲ ﻋﻦ ﺍﻟﻠﻲ ﻳﺼﻴﺮ ﺣﻮﺍﻟﻴﻬﺎ ... ﺗﺘﺠﺎﻫﻞ ﻛﻞ ﺷﻲ ..
ﻓﺎﺗﻦ ..: ﺷﻠﻲ ﻳﻤﺮ ﻓﻴﻪ ﻣﺴـﺎﻋﺪ ﺍﻭ ﻣﺮﻳﻢ؟؟؟ ﺷﻘﺎﻋﺪ ﻳﺼﻴﺮ ﻋﻨﺪﻫﻢ؟؟
ﻳﺘﻌﻠﻖ ﻓﻴﻨﻲ؟؟؟ ﺍﺍﺍﻩ ﻣﻦ ﺍﻟﺜﻘﺔ .. ﺛﻤﺎﻥ ﺷﻬﻮﺭ ﻭﺍﻧﺘﻲ ﻫﻨﻲ .. ﻭﻻ ﺍﺣﺪ
ﻓﻜﺮ ﺍﻧﻪ ﻳﺴﺄﻝ ﻋﻨﺞ .. ﻭﻣﺴﺎﻋﺪ ﺍﻟﻠﻲ ﻛﻨﺘﻲ ﺗﻈﻨﻴﻦ ﺍﻧﻪ ﺑﻴﺘﺒﻌﺞ ..
ﻭﻳﺪﻭﺭﺝ ﻟﻤﻦ ﻳﻼﻗﻴﺞ ﻣﺎ ﺑﺎﻥ ﻟﺞ .. ﻭﻛﺎﻫﻮ ﺍﻟﺸﻬﺮ ﺍﻟﺘﺎﺳﻊ ﻳﺨﻠﺺ ..
ﻭﺍﻧﺘﻲ ﺑﻌﺪﺝ ﻫﻨﻲ .. ﻭﻣﺎﻟﺞ ﺍﻻ ﻫﺎﻟﻤﻜﺎﻟﻤﺎﺕ ﻭﺍﻟﺘﺠﺎﻫﻼﺕ ﻭﺍﻟﻮﻋﻮﺩ ...
ﺍﺍﺍﺍﺍﻩ ﻳﺎ ﻓﺎﺗﻦ .. ﻣﺘﻰ ﺑﺘﻔﻬﻤﻴﻦ .. ﺍﻥ ﻣﺎﻟﺞ ﻣﻜﺎﻥ ﺑﻴﻨﺎﺗﻬﻢ ... ﻭﺍﻧﺞ
ﺍﻫﻨﻲ ﺑﺨﻴﺮ ...
ﺗﺤﺮﻛﺖ ﻣﻦ ﻋﻨﺪ ﺍﻟﺪﺭﻳﺸﺔ ﻭﻫﻲ ﺗﺤﺲ ﺑﺎﻟﻘﻬﺮ .. ﺗﻨﻔﺬ ﻣﻦ ﻟﻐﻀﺐ
ﺍﻟﺸﺪﻳﺪ .. ﻛﺎﻥ ﻣﺸﻴﻬﺎ ﺍﺷﺒﻪ ﺑﺎﻟﻀﺮﺏ ﻋﻠﻰ ﺍﻻﺭﺽ ﻋﻞ ﻭﻋﺴﻰ
ﻳﺴﺘﻴﻘﻆ ﻟﻠﻲ ﺣﻮﺍﻟﻴﻬﺎ ﻣﻦ ﺍﻟﻨﻮﻡ ﻭﺍﻟﺴﺒﺎﺕ ﺍﻟﻠﻲ ﺍﻫﻢ ﻓﻴﻪ ..
ﻛﺎﻧﺖ ﻭﺍﻗﻔﺔ ﻭﻫﻲ ﺗﻨﺘﻈﺮ ﺍﻟﻘﻬﻮﺓ ﺍﻟﻠﻲ ﺗﺴﺨﻦ .. ﻭﻣﻦ ﺍﻟﺘﻮﺗﺮ ﺍﻟﻠﻲ ﻓﻴﻬﺎ
ﺑﺪﺕ ﺭﻳﻠﻬﺎ ﺗﻬﺘﺰﺯ ﺑﺎﻟﺪﻻﻍ ﺍﻟﻘﻄﻨﻲ ﺍﻟﻠﻲ ﻻﺑﺴﺘﻪ .. ﻭﺍﻟﻀﺮﺏ ﻛﺎﻥ ﺧﻔﻴﻒ
ﻭﻟﻜﻦ ﺑﺼﻮﺕ ﻣﺨﻨﻮﻭﻭﻭﻕ .. ﻓﺒﺪﺕ ﻳﺪﻫﺎ ﺍﻫﻲ ﺍﻟﻠﻲ ﺗﻬﺘﺰ ﺑﺴﺮﻋﺔ
ﻭﺧﻔﺔ ﻋﻠﻰ ﺳﻴﺮﺍﻣﻴﻚ ﺍﻟﻄﺎﻭﻟﺔ .. ﻟﻤﻦ ﺍﺯﺩﺍﺩ ﺗﻮﺗﺮﻫﺎ ﻭﻻ ﺍﺭﺍﺩﻳﺎ ﺿﺮﺑﺖ
ﺍﻟﺼﺤﻦ ﺍﻟﺼﻐﻴﺮ ﺍﻟﻠﻲ ﻛﺎﻥ ﻭﺍﻗﻒ ﻣﺜﻞ ﺍﻟﺰﻳﻨﺔ ﻋﻠﻰ ﺍﻟﻄﺎﻭﻟﺔ ﻋﻠﻰ
ﻻﺭﺽ ﻭﻳﺘﻬﺸﻢ ﻭﻳﻘﻄﻊ ﻛﻞ ﺍﻟﺘﻮﺗﺮ ﺍﻟﻠﻲ ﻛﺎﻧﺖ ﺗﻤﺮ ﻓﻴﻪ ..
ﺣﻄﺖ ﻳﺪﻫﺎ ﻋﻠﻰ ﺛﻤﻬﺎ ﻣﻦ ﺍﻟﺼﺪﻣﺔ ﻭﻋﻈﻢ ﺍﻟﺼﻮﺕ ﺍﻟﻤﺰﻋﺞ .. ﻭﺗﻮﻫﺎ
ﺑﺘﻨﺤﻨﻲ ﻋﺸﺎﻥ ﺗﻠﺘﻘﻂ ﺍﻻﺟﺰﺍﺀ ﺍﻻ ﻭﻫﻲ ﺗﺴﺘﻮﻱ ﻣﺮﺓ ﺛﺎﻧﻴﺔ .. ﻭﺑﺠﻨﻮﻥ
ﺗﻠﺘﻔﺖ ﺍﻟﻰ ﻻﺻﺤﻦ ﺍﻟﺜﺎﻧﻲ ﺍﻟﻜﺒﻴﺮ .. ﻭﺑﻨﻌﻮﻣﺔ ﺑﺪﺕ ﺗﺪﻓﻌﻪ ﺍﻟﻰ
ﺍﻟﺤﺎﻓﺔ .. ﻟﻤﻦ ﻓﻘﺪﺕ ﺻﺒﺮﻫﺎ ﻓﻲ ﺻﻌﻮﺑﺔ ﺗﺤﺮﻛﻪ ﺑﻬﺎﻟﻬﺪﻭﺀ ﻭﺳﺤﺒﺘﻪ
ﺑﻴﺪﻫﺎ ﻭﺭﻓﻌﺘﻪ ﻭﺭﻣﺘﻪ ﻋﻠﻰ ﺍﻻﺭﺽ ﺑﻌﻨﻒ ﻛﺒﻴـﺮ ..
ﺍﺭﺗﺒﻜﺖ ﺍﻧﻔﺎﺱ ﻓﺎﺗﻦ ﺑﺎﺿﻄﺮﺍﺏ ﺍﻟﺼﻮﺕ .. ﻭﺑﺎﻟﺘﺤﺮﺭ ﺍﻟﺒﺴﻴﻂ ﺍﻟﻠﻲ
ﺣﺴﺖ ﻓﻴﻪ ﺑﺬﻳﺞ ﺍﻟﻠﺤﻈﺔ .. ﻭﻟﻜﻦ .. ﻣﺴﺮﻉ ﻣﺎ ﺣﺴﺖ ﻥ ﺍﻟﺸﻲ ﺍﻟﻠﻲ
ﺳﻮﺗﻪ ﺑﻤﻨﺘﻬﻰ ﺍﻟﺴﺨﻒ ﻭﺑﻼ ﻣﻌﻨﻰ .. ﺗﻜﺴﺮ ﺍﻟﺼﺤﻦ ﻋﺸﺎﻥ ﺗﺤﺲ
ﺑﺎﻟﺘﺤﺴﻦ؟؟؟؟
ﻓﺎﺗﻦ : ﺃﻋﻮﺫ ﺑﺎﻟﻠﻪ .. ﺑﻌﺪﻩ ﺍﻟﻐﺒﺎﺀ ﻣﻮﺟﻮﺩ ﻓﻲ ﺍﻟﺪﻧﻴﺎ ....
ﺷﺎﻟﺖ ﺑﻌﺾ ﺍﻟﻘﻄﻊ ﺍﻟﻜﺒﻴـﺮﺓ .. ﻭﺍﻟﺼﻐﻴﺮﺓ ﻇﻠﺖ ﻋﻠﻰ ﺍﻻﺭﺽ
ﻣﻄﺮﻭﺣﺔ ﻭﻫﻲ ﺣﺴﺖ ﺑﺎﻟﻤﻠﻞ .. ﻭﺍﻟﺘﻮﺗﺮ ﺑﻌﺪﻩ ﻣﺘﺼﺎﻋﺪ ﻓﻴﻬﺎ .. ﻣﺎ
ﺗﺪﺭﻱ ﻟﻴﺶ ﻻﻭﻝ ﻣﺮﺓ ﻣﻦ ﻫﺎﻟﺸﻬﻮﺭ ﺍﻟﻄﻮﻳﻠﺔ ﺣﺴﺖ ﺍﻥ ﺍﻟﻮﺿﻊ ﻣﻐﻠﻒ
ﺑﻨﻮﻉ ﻣﻦ ﺍﻟﺸﻲ .. ﻳﻌﻨﻲ .. ﺍﻫﻲ ﻟﻮﻓﻜﺮﺕ ﺑﺠﺪﻳﺔ ﻣﺴﺎﻋﺪ ﻣﺴﺘﺤﻴﻞ
ﻳﺴﻜﺖ ﻋﻦ ﻫﺎﻟﻤﻮﺿﻮﻉ ﻃﻮﻝ ﻫﺎﻟﻔﺘﺮﺓ . ﺟﺎﻥ ﻋﻠﻠﻰ ﺍﻻﻗﻞ ﻃﺮﺕ ﻣﻨﻪ
ﺣﺮﻛﺔ ﺍﻭ ﺷﻲ ﻳﺒﻴﻦ ﺍﻧﻪ ﻣﻮﺟﻮﺩ ﻓﻲ ﻫﺎﻟﺪﻧﻴﺎ ..
ﻓﺎﺗﻦ ﻭﻫﻲ ﺗﻬﻤﺲ ﻟﻨﻔﺴﻬﺎ : ﻛﺎﻧﻪ .. ﻛﺎﻧﻪ ﻣﻮ ﻣﻮﺟﻮﺩ .. ﻛﺎﻧﻪ ﻋﻤﺮﻩ ﻣﺎ
ﺍﻧﻮﺟﺪ .. ﺑﺲ ﻓﻲ ﺧﻴﺎﻟﻲ ... ﻛﺎﻥ ﻣﺴـﺎﻋﺪ .... ﻣﻴﺖ ..
ﻭﻻﻭﻝ ﻣﺮﺓ ... ﻻﻭﻝ ﻣﺮﺓ ﻣﻦ ﺗﺴﻊ ﺷﻬﻮﺭ .. ﻓﺎﺗﻦ ﺗﻔﺘﺢ ﻋﻘﻠﻬﺎ ﻣﻦ ﺩﺍﺋﺮﺓ
ﺍﻻﻧﺎﻧﻴﺔ ﻭﺍﻟﺘﻐﻠﻴﻒ ﺍﻟﺤﺰﻳﻦ ﻟﻘﻠﺒﻬﺎ .. ﻭﺗﺤﻂ ﻧﻔﺴﻬﺎ ﻓﻲ ﻣﻮﻗﻊ ﻭﺍﻗﻌﻲ ..
ﺍﻥ ﻳﻤﻜﻦ ﺷﻲ ﻗﺎﻋﺪ ﻳﺼﻴﺮ ﺍﻫﻲ ﻣﺎ ﺗﺪﺭﻱ ﻋﻨﻪ .. ﺍﻭ ﺍﻥ ﺍﺣﺪ ﻳﻤﺮ ﻓﻲ
ﻭﺿـﻊ ﻣﺎ ﻳﺴﺮ ... ﺛﻤﺎﻧﻴﺔ ﺍﻭ ﺗﺴﻌﺔ ﺷﻬﻮﺭ ﻭﻣﺴﺎﻋﺪ ﻣﺎ ﻣﻨﻪ ﺧﺒـﺮ ..
ﺣﺘﻰ ﻟﻮ ﺍﻫﻲ ﻣﺎ ﺳﻤﺤﺖ ﻻﺣﺪ .. ﻟﻜﻦ ﻣﺴﺘﺤﻴﻞ ﺍﻧﻪ ﻳﻨﻘﻄﻊ ﺟﺬﻱ ..
ﻣﺴﺎﻋﺪ ﺍﻛﺒﺮ ﻣﻦ ﻫﺎﻟﺸﻲ ﻛﻠﻪ ...
ﻭﻻﻭﻝ ﻣﺮﺓ .. ﻳﺮﺗﻌﺶ ﻗﻠﺐ ﻓﺎﺗﻦ ﻣﻦ ﺍﻟﺨﻮﻑ ... ﻣﻦ ﺑﻌﺪ ﻛﻞ
ﻫﺎﻻﻳﺎﻡ .. ﻛﺎﻧﺖ ﺗﻨﺘﻈﺮ ﻓﻲ ﺍﻭﻝ ﺍﻻﻳﺎﻡ ﻟﺘﻮﺍﺟﺪ ﻣﺴﺎﻋﺪ .. ﺣﺘﻰ ﺍﻧﻬﺎ
ﺑﺎﻳﺎﻡ ﻛﺎﻧﺖ ﻓﻲ ﻭﺿﻊ ﺍﺳﺘﻌﺪﺍﺩ .. ﻭﺗﻌﺪ ﻓﻲ ﺑﺎﻟﻬﺎ ﺍﻟﻜﻼﻡ ﺍﻟﻠﻲ ﻳﻤﻜﻦ
ﺗﻮﺟﻬﻪ ﻟﻪ .. ﻭﻇﻨﺖ ﺍﻧﻪ ﺧﻼﺹ ﺍﺳﺘﺴﻠﻢ .. ﺍﻭ ﺍﻧﻪ ﺗﺒﻴﻦ ﺍﻧﻪ ﻣﺎ
ﻳﺒﻴﻬﺎ .. ﻭﺍﻥ ﺣﺒﻪ ﻟﻬﺎ ﻛﺎﻥ ﺑﺲ ﻟﻜﻮﻧﻬﺎ ﺗﺸﺒﻪ ﻋﻤﺘﻬﺎ ﺑﺎﻟﺸﻜﻞ ... ﻟﻜﻦ ﻣﻮ
ﻟﻬﺎﻟﺪﺭﺟﺔ .. ﻣﺴﺎﻋﺪ ﻣﻦ ﺍﻟﻨﻮﻉ ﺍﻟﻤﺘﻤﻠﻚ .. ﺍﻟﻠﻲ ﻛﻞ ﺷﻲ ﻳﺼﻴﺮ ﻓﻲ
ﻣﺠﺎﻟﻪ ﺍﻫﻮ ﻳﻤﺘﻠﻜﻪ ﻭﻳﺘﻤﻠﻚ ﺍﻟﺤﻖ ﻓﻴﻪ ..
ﻓﺎﺗﻦ ﻭﻫﻲ ﺗﻠﻌﺐ ﺑﺸﻔﺘﻬﺎ ﺑﺘﻔﻜﻴﺮ ..: ﻭﻳﻨﻚ ﺍﻧﺖ ﻳﺎ ﻣﺴـﺎﻋﺪ .. ﺷﻠﻲ
ﻗﺎﻋﺪ ﻳﺼﻴﺮ ﻣﻌﺎﻙ .. ﺍﻟﻠﻲ ﻣﻮﻗﻔﻚ ﻟﺤﺪ ﻫﺬﻱ ﺍﻟﻠﺤﻈﺔ ﻋﻦ ﺍﻧﻚ ﺗﻜﻮﻥ
ﻣﻮﺟﻮﺩ؟؟
================
ﻓﻲ ﺍﻟﻴﻮﻡ ﺍﻟﺜﺎﻧﻲ ... ﻣﺎ ﻗﺪﺭﺕ ﻣﺮﻳﻢ ﺍﻧﻬﺎ ﺗﺮﻭﺡ ﺍﻟﻤﺴﺘﺸﻔﻰ ﻻﻧﻬﺎ ﻻﺯﻡ
ﺗﺮﻭﺡ ﺍﻟﺠﺎﻣﻌﺔ ﻭﺗﺴﺠﻞ ﻟﻠﻔﺼﻞ ﺍﻟﺪﺭﺍﺳﻲ ﺍﻟﺼﻴﻔﻲ .. ﺑﺲ ﺍﻫﻲ
ﺍﺭﺗﺎﺣﺖ ﻻﻥ ﺍﺧﺘﻬﺎ ﺑﺘﻜﻮﻥ ﻫﻨﺎﻙ ﻭﻳﺎ ﻣﺴـــﺎﻋﺪ .. ﻻﻧﻬﺎ ﻳﻤﻜﻦ ﺣﺘﻰ
ﻟﻄﻮﻝ ﺍﻟﻴﻮﻡ ﻣﺎ ﺑﺘﻘﺪﺭ ﺗﺮﻭﺡ ﻟﻬﺎ ﺍﻻ ﺍﺧﺮ ﺍﻟﻮﻗﺖ .. ﻭﻃﺒﻌﺎ ﺍﻫﻲ
ﻣﺴﺘﺤﻴﻞ ﺗﻔﻮﺕ ﻋﻠﻰ ﻧﻔﺴﻬﺎ ﻫﺎﻟﻔﺮﺻﺔ ..
ﻭﻃﻮﻝ ﻣﺎ ﻫﻲ ﻓﻲ ﺍﻟﺠﺎﻣﻌﺔ ﻭﻫﻲ ﻣﺰﻭﺣﻤﺔ ﺑﺎﻟﻤﺸﺎﻏﻞ ﺍﻟﻠﻲ ﻻﺯﻡ
ﺗﺆﺩﻳﻬﺎ ﻭﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﺭﺍﻳﺤﺔ ﻋﺸﺎﻥ ﺗﺸﻮﻑ ﻧﺘﺎﻳﺠﻬﺎ ..
ﻭﻣﺜﻞ ﺍﻟﻤﺘﻮﻗﻊ ﺑﺎﻟﺮﻏﻢ ﻣﻦ ﺍﻟﺼﻌﻮﺑﺎﺕ ﺍﻻ ﺍﻧﻬﺎ ﺗﻮﻓﻘﺖ ﻓﻲ ﻛﻞ ﺍﻟﻤﻮﺍﺩ
ﺍﻟﻠﻲ ﺍﺧﺬﺗﻬﺎ ..
ﻛﻤﻠﺖ ﺍﻟﺘﺴﺠﻴـﻞ ﻭﺍﺧﺬﺕ ﻟﻬﺎ ﺍﺳﺘﺮﺍﺣﺔ .. ﺻﻠﺖ ﻓﻴﻬﺎ ﺑﺎﻟﻤﺴﺠﺪ ﺍﻟﺘﺎﺑﻊ
ﻟﻠﺠﺎﻣﻌﺔ ﻭﻣﺸﺖ ﺑﻌﺪﻳﻦ ﺍﻟﻰ ﺍﺣﺪ ﺍﻟﻤﻘﺎﺻﻒ .. ﻃﻠﺒﺖ ﻟﻬﺎ ﺷﻲ ﺗﺎﻛﻠﻪ
ﻭﺍﻧﺘﻈﺮﺕ ..
ﻓﻲ ﺍﻟﻤﻠﻒ ﺍﻟﻠﻲ ﻛﺎﻧﺖ ﺣﺎﻣﻠﺘﻪ ﺍﺷﻴﺎﺀ ﻣﺘﻌﺪﺩﺓ ﺑﺪﺕ ﺗﻠﻤﻬﺎ ﻓﻲ ﺍﻟﻔﺘﺮﺓ
ﺍﻻﺧﻴﺮﺓ .. ﻗﺼﺎﺻﺎﺕ .. ﺍﻭ ﺣﺘﻰ ﺍﻭﺭﺍﻕ ﻣﻤﺰﻗﺔ ﺑﺲ ﻓﻴﻬﺎ ﺍﺷﻴﺎﺀ ﺍﻫﻲ
ﺍﻧﻌﺠﺒﺖ ﻓﻴﻬﺎ .. ﺻﻮﺭ ﺍﻭ ﺣﺘﻰ ﻣﻘﻄﻮﻋﺎﺕ ﺷﻌﺮﻳﺔ ﺗﻘﺮﺍﻫﺎ ﺑﻴﻦ ﺍﻟﺤﻴﻦ
ﻭﻻﺧﺮ .. ﺣﺘﻰ ﺍﻧﻬﺎ ﺻﻤﻤﺖ ﻣﺠﻠﺪ ﻓﻲ ﺍﻟﺒﻴﺖ ﺗﻠﺰﻕ ﻓﻴﻪ ﺍﻻﺷﻴﺎﺀ
ﺍﻟﻤﺨﺘﻠﻔﺔ ..
ﻣﻦ ﻛﺜﺮ ﺍﻻﺣﺪﺍﺙ ﺍﻟﻤﺎﺿﻴﺔ ﻓﻲ ﺣﻴﺎﺗﻬﺎ ﻣﺎﻟﺖ ﻣﺮﻳﻢ ﺍﻟﻰ ﺍﻟﺨﻴﺎﻝ
ﻭﺍﻻﻧﻔﺮﺍﺩ ﺑﻨﻔﺴﻬﺎ .. ﻭﺑﺚ ﻣﺸﺎﻋﺮﻫﺎ ﻓﻲ ﺳﻄﻮﺭ ﻣﺘﻌﺪﺩﺓ .. ﻭﺍﻟﺤﻴﻦ
ﺍﻫﻲ ﻓﻜﺮﻫﺎ ﻣﺘﺒﻠﻮﺭ ﻓﻲ ﺷﻲ ﻭﺍﺣﺪ .. ﻛﺘﺎﺑﺔ ﻗﺼﺔ .. ﻗﺼﺔ ﻣﻌﻴﻨﺔ ﺍﻭ
ﺣﺘﻰ ﻣﻘﺎﻝ .. ﻳﺨﻠﻴﻬﺎ ﺗﺮﺗﺎﺡ ﻭﺗﻬﺪﻱ ﻗﻠﺒﻬﺎ ﺷﻮﻱ ﺑﺎﻟﻠﻲ ﻳﻤﻜﻦ ﺗﻘﺪﺭ
ﺗﻜﺘﺒﻪ .. ﻟﻜﻦ ﺍﻫﻲ ﻣﻮ ﻗﺎﺩﺭﺓ ﺍﻧﻬﺎ ﺗﺘﺜﺒﺖ ﺑﻬﺎﻟﺸﻲ .. ﻫﻞ ﺭﻏﺒﺘﻬﺎ
ﺑﺎﻟﻜﺘﺎﺑﺔ ﺑﺘﺠﻠﺐ ﻣﻌﺎﻫﺎ ﺍﻟﻤﻘﺪﺭﺓ ﻋﻠﻰ ﺍﻟﻜﺘﺎﺑﺔ .. ؟؟ ﻫﺬﺍ ﺷﻲ ﺍﻫﻲ ﻻﺯﻡ
ﺗﻜﻮﻥ ﻭﺍﺛﻘﺔ ﻣﻨﻪ ..
ﻭﺻﻠﻬﺎ ﺍﻟﻠﻲ ﺑﺘﺎﻛﻠﻪ ﻭﺭﺍﺣﺖ ﻟﻤﺤﻞ ﺍﻟﻠﻲ ﻛﺎﻧﺖ ﻗﺎﻋﺪﺓ ﻓﻴﻪ . ﻭﺑﻨﺺ
ﺍﻟﺪﺭﺏ .. ﺍﻟﺘﻔﺖ ﺑﺎﻟﺸﺨﺺ ﺍﻟﻮﺣﻴﺪ ﺍﻟﻠﻲ ﻣﺎ ﻇﻨﺖ ﺍﻧﻬﺎ ﻳﻤﻜﻦ ﺗﺘﻼﻗﻰ
ﻣﻌﺎﻩ ﺑﻌﺪ ﻫﺎﻟﻔﺘﺮﺓ ﺍﻟﻄﻮﻳﻠﺔ ..
ﻛﺎﻧﺖ ﻏﺰﻻﻥ ﺑﻌﺪ ﻓﻲ ﺍﻟﺠﺎﻣﻌﺔ ﺗﺴﺠﻞ ﻛﻮﺭﺱ ﺩﺭﺍﺳﻲ ﻳﺪﻳﺪ ﺻﻴﻔﻲ
ﻣﺴﺎﺋﻲ ﻋﺸﺎﻥ ﻣﻮﻫﺒﺔ ﺍﻟﺮﺳﻢ ﺍﻟﻠﻲ ﻋﻨﺪﻫﺎ .. ﻭﻳﻮﻡ ﺩﺧﻠﺖ ﻋﻠﻰ ﻃﻮﻝ
ﺍﻟﺘﻔﺘﺖ ﺍﻟﻰ ﻣﺮﻳﻢ ﻻﻥ ﻣﻼﻣﺢ ﻣﺮﻳﻢ ﺻﺎﺭﺕ ﻣﻘﺎﺭﺑﺔ ﺍﻟﻰ ﻣﻼﻣﺢ ﻟﺆﻱ
ﺍﻟﻠﻲ ﺗﻼﻗﻴﻪ ﻛﻞ ﻳﻮﻡ .. ﻓﺤﺴﺖ ﺑﺸﻲ ﻓﻲ ﺩﺍﺧﻠﻬﺎ ﻳﺘﺤﺮﻙ ﺻﻮﺏ
ﻣﺮﻳﻢ ﻭﻳﺠﺬﺑﻬﺎ ﻟﻬﺎ .. ﺍﻫﻲ ﻣﺎ ﻋﺎﺩﺕ ﺍﻟﻘﺮﻳﻨﺔ ﺍﻭ ﺍﻟﻤﻨﺎﻓﺴﺔ ﻟﻬﺎ .. ﺍﻫﻲ
ﺻﺎﺭﺕ ﺟﺰﺀ ﻣﻦ ﺍﻻﻧﺴﺎﻥ ﺍﻟﻠﻲ ﺑﺪﻯ ﻳﺴﺘﻔﺤﻞ ﻓﻴﻬﺎ ﺑﺎﺣﻠﻰ ﺍﻟﻤﺸﺎﻋﺮ ..
ﻭﻣﺮﻳﻢ ﻻ ﺍﺭﺍﺩﻳﺎ ﺗﺸﻜﻞ ﺟﺰﺀ ﻣﻦ ﻫﺬﻱ ﺍﻟﻤﺸﺎﻋﺮ ...
ﻛﺎﻧﺖ ﻏﺰﻻﻥ ﻭﺍﻗﻔﺔ ﻣﻦ ﻏﻴﺮ ﺍﻧﻬﺎ ﺗﺘﺤﺮﻙ ﻭﻣﺮﻳﻢ ﻻﺣﻈﺖ ﺷﺒﻪ
ﺍﻻﺑﺘﺴﺎﻣﺔ ﻳﺠﻮﻝ ﻋﻠﻰ ﺷﻔﺘﻴﻬﺎ .. ﻟﻜﻦ ﻣﺎ ﺟﺎﺑﻠﺘﻬﺎ ﺍﻻ ﺑﺎﻻﺣﺘﻘﺎﺭ
ﺍﻟﺨﻔﻴﻒ .. ﻟﻜﻦ ﺷﻲ ﻓﻲ ﺍﺑﺘﺴﺎﻣﺔ ﻏﺰﻻﻥ ﺧﻠﻰ ﻣﺮﻳﻢ ﺗﻮﻃﻲ ﻋﻴﻨﻬﺎ
ﻭﺗﺮﻭﺡ ﻣﺤﻞ ﻣﺎ ﻳﺎﺕ ﻣﻨﻪ ..
ﻗﻌﺪﺕ ﻣﺮﻳﻢ ﺩﻗﺎﻳﻖ ﻭﻫﻲ ﻣﺘﻮﺗﺮﺓ ﺷﻮﻱ .. ﻣﺘﺄﺳﻔﺔ ﺷﻮﻱ ﻻﻧﻬﺎ ﺟﺎﺑﻠﺖ
ﻏﺰﻻﻥ ﺍﻟﻠﻲ ﻣﺎ ﺑﺎﺩﻟﺘﻬﺎ ﺍﻻ ﺑﺎﻟﺒﺸﺎﺷﺔ .. ﻟﻜﻦ ﺍﻫﻲ ﻣﻮ ﺗﺸﺘﻐﻞ ﻭﻳﺎ ﻟﺆﻱ
ﻭﺟﺮﺍﺡ ﻓﻲ ﻧﻔﺲ ﺍﻟﻮﺭﺷﺔ؟؟ ﻫﺬﺍ ﺍﻟﻠﻲ ﻋﺮﻓﺘﻪ ﻣﺮﻳﻢ ﻣﻦ ﻟﺆﻱ ...
ﻭﻟﻴﺶ ﺗﺒﺘﺴﻢ ﻟﻲ؟؟ ﻻﻥ ﺍﺧﻮﻱ ﻳﺸﺘﻐﻞ ﻣﻌﺎﻫﺎ ﺧﻼﺹ ﺑﺘﺼﻴﺮ
ﺍﺭﻓﻴﺠﺘــﻲ ..؟؟ ﺑﻠﻰ .. ﻫﺬﺍ ﺍﻧﺎ ﺍﻥ ﻋﻄﻴﺘﺞ ﻭﻳﻪ ﻳﺎ ﺳﺎﺭﻗﺔ ﺍﻟﺮﻳﺎﻳﻴﻞ ...
ﻭﻳﺎﻫﺎ ﺻﻮﻭﻭﺕ ﻣﺄﻟﻮﻑ ﻭﻟﻜﻦ ﺑﻨﺒﺮﺓ ﻧﺎﻋﻤﺔ ﺍﻛﺜﺮ ..: ﻗﻮﺓ ﻣﺮﻳﻢ ..
ﺭﻓﻌﺖ ﺭﺍﺳﻬﺎ ﻣﺮﻳﻢ ﻟﻠﻲ ﻭﺍﻗﻔﺔ ﻭﺟﻔﻠﺖ ..: ﺍﻩ . ﺍﻫﻠﻴــﻦ ﻏﺰﻻﻥ ..
ﻏﺰﻻﻥ ﻭﻫﻲ ﻣﺘﻮﺗﺮﺓ ﻭﺣﺎﻣﻠﺔ ﻣﻠﻒ ﺧﻔﻴﻒ ﺑﻴﺪﻫﺎ ...: ﺗﺴﺠﻠﻴﻦ
ﻟﻠﺼﻴﻔﻲ
ﻣﺮﻳﻢ : ﺍﻱ .. (ﻭﻳﺪﻫﺎ ﻋﻠﻰ ﺷﺎﻝ ﺭﺍﺳﻬﺎ ) ﺳﺠﻠﺖ ﻭﻛﻤﻠﺖ .. ﻗﻠﺖ ﺁﻛﻞ
ﻭﺍﻛﻤﻞ ﻣﺸﻮﺍﺭﻱ ... ﻭﺍﻧﺘﻲ؟؟؟
ﻏﺰﻻﻥ ﺍﻟﻲ ﺳﻤﺤﺖ ﻟﻨﻔﺴﻬﺎ ﺍﻧﻬﺎ ﺗﻘﻌﺪ : ﺍﻱ .. ﺳﺠﻠﺖ .. ﻣﻊ ﺍﻧﻲ
ﻣﻨﺴﺤﺒﺔ ﻗﺒﻞ ﺳﻨﺔ .. ﻟﻜﻦ ﺍﻟﺤﻴﻦ ﺳﺠﻠﺖ ﻋﺸﺎﻥ ﺍﻛﻤﻞ ..
ﻣﺮﻳﻢ ﺑﺎﺑﺘﺴﺎﻣﺔ ﺻﺎﺩﻗﺔ : ﺑﺎﻟﺘﻮﻓﻴﺞ
ﻏﺰﻻﻥ : ﺍﺟﻤﻌﻴﻦ ﻳﺎ ﺭﺏ ....... ﺷﺨﺒﺎﺭﻩ ﻣﺴـﺎﻋﺪ؟ ﺍﺷﻮﻯ ﺍﻟﺤﻴﻦ؟؟
ﻣﺮﻳﻢ ﻭﻫﻲ ﺗﺬﻛﺮ ﺍﺧﻮﻫﺎ ﻭﺗﺬﻛﺮ ﻣﺴﺎﻋﺪ ﺍﻟﻠﻲ ﻃﻠﻊ ﻣﻦ ﺍﻟﺤﺎﺩﺙ ..:
ﺍﻟﺤﻤﺪ ﻟﻠﻪ .. ﻋﻠﻰ ﺍﻻﻗﻞ ﻓﻲ ﻭﻋﻴﻪ ﻭﻣﻮ ﺑﻌﻴﺪ ﻋﻨﺎ .... ﻣﻊ ﺍﻥ ﺻﺤﻮﺗﻪ
ﻛﺎﻧﺖ ﺛﻘﻴﻠﺔ ﻟﻜﻦ .. ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ..
ﻏﺰﻻﻥ ﻭﻫﻲ ﺗﻨﺎﻇﺮ ﻣﺮﻳﻢ ﺑﺎﺳﻒ : ﺍﻧﺎ ﻳﻮﻡ ﺳﻤﻌﺖ ﺍﻧﻪ ..... ﻓﻘﺪ
ﺍﻋﻀﺎﺀ ﻓﻲ ﺟﺴﻤﻪ ... ﻋﻠﻰ ﻃﻮﻝ ﺣﻤﺪﺕ ﺍﻟﻠﻪ .. ﺗﻨﻘﻄﻊ ﻣﻨﻪ ﺍﻋﻀﺎﺀ
ﻭﻻ ﻳﺨﺴـﺮ ﻋﻤﺮﻩ .. ﻣﺴﺎﻋﺪ ﺭﺟﻞ ﻭﻻ ﻛﻞ ﺍﻟﺮﺟﺎﻝ ..
ﺩﺍﺭ ﻓﻲ ﺑﺎﻝ ﻣﺮﻳﻢ ﺗﺴﺎﺅﻝ .. ﻻ ﻳﻜﻮﻥ ﺍﻟﺤﻴﻦ ﺣﺎﻃﺔ ﻋﻴﻨﻬﺎ ﻋﻠﻰ
ﻣﺴـﺎﻋﺪ؟؟؟؟ ﻭﺍﻟﻠﻪ ﻣﻮ ﻏﺮﻳﺒﺔ ﻋﻠﻴﻬﺎ .. ﺣﺮﺑﺔ ﻭﺍﺗﻠﻮﻥ ﻋﻠﻰ ﻛﻴﻒ
ﺩﺍﺭﻫﺎ ..
ﻣﺮﻳﻢ : ﺍﻱ ... ﻭﻧﻌﻢ ﺍﻟﺮﺟﺎﻝ ... ﺑﺲ ... (ﺑﻨﻈﺮﺓ ﻓﻴﻬﺎ ﺍﻟﻤﻜﺮ ) ﺍﻫﻮ ﺑﻌﺪﻩ
ﻳﺒﻲ ﻓﺎﺗﻦ ... ﻭﺑﻴﻠﻘﺎﻫﺎ ﻟﻮ ﺑﻐﺎﻫﺎ ..
ﻏﺰﻻﻥ ﺑﻨﺒﺮﺓ ﺻﺎﺩﻗﺔ : ﻭﺍﻧﺎ ﺑﻌﺪ ﺍﺗﻤﻨﻰ ﻟﻮ ﺍﻥ ﺍﻟﻤﻴﺎﺓ ﺗﻌﻮﺩ ﻟﻤﺠﺎﺭﻳﻬﺎ
ﻣﺜﻞ ﻣﺎ ﻳﻘﻮﻟﻮﻥ ﻭﺍﻟﻜﻞ ﻳﺮﺗﺎﺡ .. ﻭﺗﻨﺘﻬﻲ ﺍﻟﻤﺸﺎﻛﻞ
ﻣﺮﻳﻢ ﻭﻫﻲ ﺗﺰﻳﺪ ﺑﻨﻜﺘﻪ : ﻭﻳﺤﻞ ﺍﻟﺴﻼﻡ ﺍﻟﻌﺎﻟﻤﻲ .. ﻣﻄﺎﻟﺐ ﻣﻠﻜﺔ ﺟﻤﺎﻝ
ﻫﻬﻬﻬﻬﻬﻬﻬﻬﻬﻬﻪ
ﻏﺰﻻﻥ ﻣﺎ ﺿﺤﻜﺖ ﻣﺜﻞ ﻣﺮﻳﻢ ﻟﻜﻦ ﺷﺎﺏ ﻭﻳﻬﻬﺎ ﻧﻮﻉ ﻣﻦ ﺍﻻﻧﺤﺮﺍﺝ
ﺍﻟﻠﻲ ﻏﻄﺘﻪ ﺑﺎﺑﺘﺴﺎﻣﺔ .. ﻭﻣﺮﻳﻢ ﺍﻟﻠﻲ ﺍﺳﺘﻤﺘﻌﺖ ﺛﻮﺍﻧﻲ ﺑﺎﻟﻀﺤﻚ ..
ﻣﺴﺮﻉ ﻣﺎ ﺣﺴﺖ ﺑﺎﻟﺴﺨﻒ ﻣﻦ ﻧﻔﺴﻬﺎ ..
ﻏﺰﻻﻥ ﻭﻫﻲ ﺗﺤﻤﻞ ﺍﻏﺮﺍﺿﻬﺎ ..: ﻋﻠﻰ ﺍﻟﻌﻤﻮﻡ ... ﻫﻨﻲ ﻭﻋﺎﻓﻴﺔ ﻋﻠﻴﺞ ..
ﻭﺍﻥ ﺷﺎﺀ ﺍﻟﻠﻪ ﺍﺷﻮﻓﺞ ﻓﻲ ﻓﺮﺻﺔ ﺍﺳﻌﺪ ..
ﻭﻗﻔﺖ ﻣﺮﻳﻢ ﻳﻮﻡ ﻭﻗﻔﺖ ﻏﺰﻻﻥ ..: ﺍﻥ ﺷﺎﺀ ﺍﻟﻠﻪ .. ﻭﺍﻧﺎ ﺍﺳﻔﺔ ﻣﺴﺎﻋﺔ
ﻣﺎ ﻛﺎﻥ ..
ﻗﻄﻌﺘﻬﺎ ﻏﺰﻻﻥ : ﻻ ﻋﺎﺩﻱ .. ﻳﻤﻜﻦ ﺻﺢ ﻛﻼﻣﺞ .. ﻣﻄﺎﻟﺐ ﻣﻠﻜﺔ ﺟﻤﺎﻝ
ﻫﻬﻬﻬﻬﻬﻪ ..
ﺳﺎﺩ ﺻﻤﺖ ﻏﺮﻳﺐ ﺑﻴﻨﺎﺗﻬﻢ .. ﻭﺍﻟﺘﻔﺘﺖ ﻏﺰﻻﻥ ﻋﺸﺎﻥ ﺗﺮﻭﺡ .. ﻭﻣﺮﻳﻢ
ﺍﻟﻠﻲ ﻛﺎﻧﺖ ﺗﻮﻫﺎﺑﺘﻘﻌﺪ ﻗﺎﻣﺖ ﻣﺮﺓ ﺛﺎﻧﻴﺔ ..
ﺭﺩﺕ ﻟﻬﺎ ﻏﺰﻻﻥ : ﺍﺣﺐ ..... ﺍﻋﺘﺬﺭ ﻣﻨﺞ ﻳﺎ ﻣﺮﻳﻢ ...... ﺍﺷﻴﺎﺀ ﻣﺎﺿﻴﺔ
ﻣﺮﻳﻨﺎ ﺑﻬﺎ ... ﻳﻤﻜﻦ ﻣﺎ ﻧﻜﻮﻥ ﻓﺨﻮﺭﻳﻦ ﺑﻬﺎ ..
ﻣﺮﻳﻢ ﻭﻫﻲ ﺗﺤﺎﻭﻝ ﺍﻧﻬﺎ ﺗﻜﻮﻥ ﻗﺪ ﻏﺰﻻﻥ ﺍﻟﻠﻲ ﺑﺎﻧﺖ ﻛﺒﻴﺮﺓ ﻓﻲ ﻋﻴﻨﻬﺎ :
ﺍﺻﻼ ..... ( ﺑﺎﺑﺘﺴﺎﻣﺔ ) ﺍﻧﺎ ﻣﺎ ﻋﺪﺕ ﺍﺫﻛﺮﻫﺎ ....
ﻭﻣﻦ ﺣﺮ ﺍﻟﺼﻴـﻒ ﺗﺠﻤﺪﺕ ﻛﻞ ﺍﻟﺮﻃﻮﺑﺔ ﻭﺗﻬﻠﻞ ﻣﻦ ﺍﻟﺠﻮ ﻧﺴﻴﻢ ﺑﺎﺭﺩ ..
ﻳﻠﻒ ﻗﻠﺐ ﺍﻟﻤﺴﺎﻣﺢ ﻭﺍﻟﻤﺎﺿﻲ ﻓﻲ ﺩﺭﺑﻪ ﺍﻟﻰ ﺩﺭﺏ ﺍﻓﻀﻞ .. ﺃﺑﺘﺴﻤﺖ
ﻏﺰﻻﻥ ﺑﺎﺑﺘﺴﺎﻣﺔ ﺗﺒﺮﺩ ﺍﻟﻘﻠﺐ .. ﻭﻣﺮﻳﻢ ﻟﻤﻌﺖ ﻋﻴﻮﻧﻬﺎ ﺍﻟﻤﺮﺣﺔ ﻭﺑﺎﻧﺖ
ﻏﺰﺍﺯﻫﺎ ﻓﻲ ﻣﻨﻈﺮ ﻣﺜﻴﺮ ﻟﻠﻔﺮﺣﺔ ﻓﻲ ﻟﻘﻠﺐ ..
ﻣﺸﺖ ﻣﻦ ﻋﻨﺪﻫﺎ ﻏﺰﻻﻥ ﻭﻫﻲ ﺗﺤﺲ ﻛﻴﻒ ﺍﻥ ﻣﺮﻳﻢ ﻭﺟﺮﺍﺡ ﻻﻳﻘﻴﻦ
ﻋﻠﻰ ﺑﻌﺾ ﺣﺘﻰ ﻟﻮ ﺍﻟﻮﺍﺣﺪ ﻣﺎ ﻳﺪﺭﻱ ﺍﻧﻬﻢ ﻳﺤﺒﻮﻥ ﺑﻌﺾ .. ﻭﺻﺪﻕ
ﺍﻥ ﺍﻟﻠﻲ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﻣﻔﺼﻠﻬﻢ ﻟﺒﻌﺾ .. ﻣﺎﻛﻮ ﺍﻱ ﺍﻧﺴﺎﻥ ﻓﻲ
ﻫﺎﻟﺪﻧﻴﺎ ﻳﻘﺪﺭ ﻳﻔﺮﻕ ﺑﻴﻨﺎﺗﻬﻢ .. ﺩﻣﺘﻲ ﻳﺎ ﻣﺮﻳﻢ ﻟﺠﺮﺍﺡ .. ﻭﻫﻮ ﻟﺞ ...
ﺑﺴﻼﻣﺔ ﻭﺍﻟﻒ ﻋﺎﻓﻴﺔ ﻭﺧﻴـﺮ ..
------------------------------------------
ﻃﻠﻊ ﺧﺎﻟﺪ ﻣﻦ ﺍﻟﻮﺭﺷﺔ ﻭﻟﺆﻱ ﺑﻌﺪﻩ ﻳﻨﺠﺪ ﻓﻲ ﺍﻻﺷﻜﺎﻝ ﺍﻟﻤﻄﻠﻮﺑﺔ
ﻋﻨﺪﻫﻢ ﻭﻳﺎ ﺑﻌﺾ ﺍﻟﻌﻤﺎﻝ .. ﻭﺑﺎﻧﺖ ﺭﻭﺣﻪ ﺍﻟﻔﻨﻴﺔ ﺍﻟﻠﻲ ﺑﺪﻯ ﻳﺒﺘﻜﺮ ﻣﻦ
ﺧﻼﻟﻬﺎ ﺍﺷﻜﺎﻝ ﺣﻠﻮﺓ ﻭﻣﺜﻴـﺮﺓ ﻟﻠﺤﻤﺎﺱ ﺣﺘﻰ ﺍﻥ ﺟﺮﺍﺡ ﺍﺧﺬ ﻟﻮﺡ
ﻋﺮﻳﺾ ﻛﺎﻥ ﻟﺆﻱ ﺍﻫﻮ ﺍﻟﻠﻲ ﺣﺎﻓﺮﻩ ﺑﻌﻨﺎﻳﺔ ﻭﺍﺣﺘﻔﻆ ﻓﻴﻪ .. ﻋﺸﺎﻥ
ﺍﻻﻳﺎﻡ ﺍﻟﻘﺎﺩﻣﺔ ﺍﺫﺍ ﻓﻜﺮ ﺍﻧﻪ ﻳﺴﺘﻘﺮ ﻓﺮﺍﺡ ﻳﻜﻮﻥ ﻛﻞ ﻣﻦ ﻟﺆﻱ ﻭﻏﺰﻻﻥ
ﻭﺧﺎﻟﺪ ﺍﻫﻢ ﺍﻟﻤﺼﻤﻤﻴﻦ ﻟﻠﻤﻜﺎﻥ ﻃﺒﻌﺎ ﻣﻦ ﺑﻌﺪ ﺭﺅﻳﺎ ﺟﺮﺍﺡ ..
ﻭﺻﻠﺖ ﺳﻴﺎﺭﺓ ﻋﻨﺪ ﺑﺎﺏ ﺍﻟﻮﺭﺷـﺔ .. ﻭﺭﺍﺡ ﺍﺣﺪ ﺍﻟﻌﻤﺎﻝ ﻋﻨﺪﻫﺎ ﻭﺍﺳﺘﻠﻢ
ﻣﻦ ﻋﻨﺪ ﺭﺍﻋﻲ ﺍﻟﺴﻴﺎﺭﺓ ﺑﺎﻗﺔ ﻭﺭﺩ ﻛﺒﻴـﺮﺓ .. ﻃﺒﻌﺎ ﻣﺎ ﺷﺎﻓﻬﺎ ﻟﺆﻱ ﻻﻧﻪ
ﻛﺎﻥ ﻣﺸﻐﻮﻝ ﺑﺎﻟﻠﻲ ﻓﻲ ﻳﺪﻩ .. ﻭﻳﻮﻡ ﺩﺧﻞ ﺍﻟﻌﺎﻣﻞ ﺩﺍﺧﻞ ﻭﻫﻮ ﺣﺎﻣﻞ
ﺍﻟﻮﺭﺩ ﻭﻓﺮﺣﺎﻥ ﻣﻦ ﺟﻤﺎﻝ ﺍﻟﺒﺎﻗﺔ .. ﺍﻧﺘﺒﻬﻮﺍ ﻣﻌﻈﻢ ﺍﻟﻌﻤﺎﻝ ﻭﻣﻤﺎ ﺩﻓﻊ
ﻟﺆﻱ ﺑﻌﺪ ﻭﻳﺎﻫﻢ ... ﻭﻳﻮﻡ ﺷﺎﻑ ﺍﻟﺒﺎﻗﺔ ﺍﻧﺼﺪﻡ .. ﻣﻦ ﻫﺬﺍ ﺍﻟﻠﻲ
ﺑﻴﺮﺳﻞ ﺑﺎﻗﺔ ﺑﻬﺎﻟﻜﺒﺮ ﺍﻟﻰ ﻫﺎﻟﻤﻜﺎﻥ؟؟ ﻻ ﻳﻜﻮﻥ ﺑﺲ ﺯﺑﻮﻧﺔ ﻣﻌﺠﺒﺔ ..
ﺍﺧﺬ ﻟﻌﺎﻣﻞ ﺍﻟﺒﺎﻗﺔ ﺍﻟﻰ ﻏﺮﻓﺔ ﺍﻟﻤﻜﺘﺐ ﻋﻠﻰ ﻃﻮﻝ .. ﻭﻳﻮﻡ ﺷﺎﻓﻬﺎ
ﺟﺮﺍﺡ ﻓﺘﺢ ﺛﻤﻪ ﻭﻫﻮ ﻣﺼﺪﻭﻡ؟؟؟ ﺑﺎﻗﺔ ﺑﻬﺎﻟﻜﺒﺮ؟؟ ﻟﻤﻦ؟؟؟
ﺣﻄﺎﻫﺎ ﺍﻟﻬﻨﺪﻱ ﻭﻋﻄﻰ ﻟﻮﺡ ﻻﺳﺘﻼﻡ ﺍﻟﻰ ﺟﺮﺍﺡ ﺍﻟﻠﻲ ﻭﻗﻊ ﻋﻠﻴﻪ ﻭﻫﻮ
ﺑﻌﺪﻩ ﻣﺼﺪﻭﻡ ..
ﺩﺧﻞ ﻟﺆﻱ ﻭﻫﻮ ﻋﻠﻰ ﻃﻮﻝ ﻣﺘﻮﺟﻪ ﺍﻟﻰ ﺍﻟﺒﺎﻗﺔ ..: ﺍﻟﻼﺍﺍﺍﺍﺍﺍﺍﺍﺍﺍﺍﺍﻱ .
ﺷﻮﻑ ﻣﻌﺠﺒﺘﻲ ﺷﻴﺎﺑﺖ ﻟﻲ ..
ﺟﺮﺍﺡ ﺑﺼﺪﻣﺔ : ﺍﻟﻮﺭﺩ ﻟﻚ؟؟
ﻟﺆﻱ ﻭﻫﻮ ﻳﻀﺤﻚ : ﺍﻧﺎ ﺑﻌﺪ ﻭﻳﻬﻲ ﻭﻳﻪ ﻭﺭﻭﺩ؟؟ ﻋﻠﺒﺎﻟﻲ ﻟﻚ ...
( ﺑﺼﺪﻣﺔ ) ﻟﻚ ﺍﻟﻮﺭﺩ ﺟﺮﺍﺡ؟
ﻗﺎﻡ ﺟﺮﺍﺡ ﻣﻦ ﻣﻜﺎﻧﻪ ﻭﺗﻮﺟﻪ ﺻﻮﺏ ﺍﻟﻮﺭﻭﺩ .. ﺗﻢ ﻳﻨﺎﻇﺮ ﻫﺎﻟﺘﺤﻔﺔ
ﺍﻹﻟﻬﻴﺔ .. ﻭﺗﺤﻤﺪ ﺍﻟﻠﻪ ﻭﺳﺒﺢ ﻟﺠﻤﺎﻝ ﺍﻟﻮﺭﺩ .. ﻭﺗﻢ ﻳﺪﻭﺭ ﺑﻌﻴﻮﻧﻪ ﻋﻠﻰ
ﺑﻄﺎﻗﺔ ﻭﻟﺆﻱ ﻳﺤﻦ ﻋﻠﻰ ﺭﺍﺳﻪ !!
ﻟﺆﻱ : ﻳﻌﻨﻲ ﺧﻠﻨﺎ ﻭﺍﻗﻌﻴﻴﻦ .. ﺍﻧﺖ ﺗﻌﺮﻑ ﺑﻨﺖ ﺛﺎﻧﻴﺔ .؟
ﺟﺮﺍﺡ ﻣﻦ ﻏﻴﺮ ﻣﺎ ﻳﻄﺎﻟﻌﻪ : ﺑﻨﺖ ﺛﺎﻧﻴﺔ؟؟ ﻣﺜﻞ ﻣﻨﻮ ﻫﺎﻟﺒﻨﺖ ﺍﻟﺜﺎﻧﻴﺔ ﻳﺎ
ﻋﺒﻘﺮﻱ ﺯﻣﺎﻧﻚ
ﻟﺆﻱ ﻭﻫﻮ ﻣﺘﻮﺗﺮ ..: ﻻ ﺗﺨﻠﻴﻨﻲ ﺍﻳﻴﺐ ﺍﺳﺎﻣﻲ .. ﺍﻟﺠﺪﺭﺍﻥ ﻟﻬﺎ ﺍﺫﺍﻥ ..
ﻗﻮﻝ ﻟﻲ .. ﻣﻦ ﻫﺬﻱ ﺍﻟﻠﻲ ﻣﺮﺳﻠﺔ ﻟﻚ ..
ﻃﺎﻟﻌﻪ ﺟﺮﺍﺡ ﺑﻌﺼﺒﻴﺔ : ﺍﻟﺤﻴﻦ ﻣﻦ ﻗﺎﻝ ﺍﻟﻮﺭﺩ ﻟﻲ ..
ﻟﺆﻱ ﻭﻫﻮ ﻳﻨﺎﻇﺮ ﻟﺒﺎﻗﺔ ﺑﺘﻮﺗﺮ ﻭﻫﻮ ﻋﺎﻗﺪ ﺣﺎﺟﺒﻴﻨﻪ : ﺧﻠﻨﺎ ﻧﺸﻮﻑ
ﺍﻟﺒﻄﺎﻗﺔ ... (ﻟﻘﻔﻬﺎ ﻭﺑﻜﻞ ﻓﻈﻮﻝ ﻓﺘﺤﻬﺎ )
ﺟﺮﺍﺡ ﻭﻫﻮ ﻳﺤﺎﻭﻝ ﻳﺴﺤﺐ ﺍﻟﺒﻄﺎﻗﺔ ﺑﺼﺪﻣﺔ : ﻟﺆﻱ ﻣﺎﻟﻚ ﺷﻐﻞ .. ﻻ
ﺗﺘﻌﺒﺚ ..
ﻟﺆﻱ : ﺷﺪﺭﺍﻙ ﻳﻤﻜﻦ ﺍﻟﺒﺎﻗﺔ ﻟﻲ ..
ﺗﻢ ﻳﻘﺮﻯ ﻟﺆﻱ ﺍﻟﺒﺎﻗﺔ ﻭﺟﺮﺍﺡ ﻳﻨﺘﻈﺮ ﻣﻨﻪ ﺍﻱ ﺭﺩﺓ ﻓﻌﻞ .. ﻭﻟﻜﻦ ﻣﺎ ﻟﻘﻰ
ﻻ ﻋﻴﻮﻥ ﻟﺆﻱ ﺗﺘﺎﺑﻊ ﺍﻟﻜﻼﻡ ﻣﺮﺓ ﺑﻌﺪ ﻣﺮﺓ .. ﻭﻣﺮﺓ ﺑﻌﺪ ﻣﺮﺓ .. ﻟﻤﻦ
ﺍﺑﻴﺾ ﻭﻳﻬﻪ ﺗﻤﺎﻡ .. ﻭﺣﺲ ﺟﺮﺍﺡ ﺍﻥ ﻳﺪ ﻟﺆﻱ ﺻﺎﺭﺕ ﺭﺧﻮﺓ ﻋﻠﻰ
ﺍﻟﺒﻄﺎﻗﺔ ﻭﺳﺤﺒﻬﺎ ﻣﻦ ﻋﻨﺪﻩ ﺑﺴﻬﻮﻟﺔ ﻭﻫﻮ ﻳﻨﺎﻇﺮﻩ ﺑﺎﺳﺘﻐﺮﺍﺏ ..
ﺟﺮﺍﺡ ﻳﻘﺮﻯ ﺍﻟﺒﻄﺎﻗﺔ ﺑﺼﻮﺕ ﻣﺴﻤﻮﻉ : .. ﺍﻟﻰ ﺣﺒﻴﺒﺔ ﻗﻠﺒﻲ .. (ﻍ )
( ﻃﺎﻟﻊ ﻟﺆﻱ ﺍﻟﻠﻲ ﺗﻬﺎﻟﻚ ﻋﻠﻰ ﺍﻟﻜﺮﺳﻲ ﺍﻟﻠﻲ ﻭﺭﺍﻩ ) .. ﺍﺣﺒﺞ ﻣﻦ ﻛﻞ
ﻗﻠﺒﻲ .. ﻋﺮﻓﺖ ﻣﻦ ﺧﻼﻝ ﻏﻴﺎﺑﺞ ﻋﻨﻲ .. ﺍﻥ ﻣﺎﻟﻲ ﺣﻴﺎﺓ ﻭﻻ ﻧﺼﻴﺐ
ﺑﻬﺎﻟﺪﻧﻴﺎ ﻣﻦ ﻏﻴﺮﺝ .. ﺍﻗﺒﻠﻲ ﺍﻋﺘﺬﺍﺭﻱ .. ﻭﺭﺩﻱ ﻟﻲ .. ﺣﺒﻴﺒﺞ .. ﺑـﺪﺭ !!!!
ﻟﺆﻱ ﺑﺼﻮﺕ ﻣﻔﺠﻮﻉ : ..... ﺑﺪﺭ !!!
ﺟﺮﺍﺡ ﻭﻫﻮ ﻣﺤﺘﺎﺭ ﻻﻥ ﺷﻜﻞ ﻟﺆﻱ ﻣﻌﺘﻔﺲ ...: ﻻ ﺗﺴﺘﻌﻴﻞ ﻳﺎ ﻟﺆﻱ ..
ﻟﺆﻱ ﻭﻫﻮ ﻣﻔﺠﻮﻉ : ﺣﺒﻴﺒﺘﻲ .... ﺃﻗﺒﻠﻲ ﺍﻋﺘﺬﺍﺭﻱ .... ﻫﺬ ﻭﻳﻨﻪ ..
ﺩﻟﻮﻧﻲ ﻋﻠﻴﻪ .. ﺑﺸﺮﺏ ﻣﻦ ﺩﻣﻪ ....
ﺟﺮﺍﺡ ﻭﻫﻮ ﻳﻄﺎﻟﻊ ﺍﻟﺒﻄﺎﻗﺔ ﻣﺮﺓ ﺛﺎﻧﻴﺔ .. ﻳﻌﻨﻲ ﻏﺰﻻﻥ ﺍﻫﻲ ﺭﺍﻋﻴﺔ
ﺍﻟﺒﻮﻛﻴﻪ ﺍﻟﻜﺒﻴﺮ .. ﺑﺲ ﻣﻦ ﻟﺼﻌﺐ ﺍﻥ ﺍﻟﻮﺍﺣﺪ ﻳﺘﻜﻬﻦ ﺑﺎﻥ ﺭﺍﻋﻴﺔ
ﺍﻟﺒﻮﻛﻴﻪ ﺍﻫﻲ ﻏﺰﻻﻥ .. ﺑﻌﺪ ﻣﺎ ﺷﺎﻓﻬﺎ ﺍﻣﺲ ﻳﻮﻡ ﻛﺎﻧﺖ ﺗﻨﺎﻇﺮ ﻟﺆﻱ
ﺑﺤﺎﻟﻤﻴﻪ .. ﻣﺎ ﺗﻮﻗﻊ ﺍﻧﻬﺎ ﺗﻜﻮﻥ ﻋﻠﻰ ﻋﻼﻗﺔ ﻣﻊ ﻭﺍﺣﺪ ﺛﺎﻧﻲ ..
ﺍﻻ ﺧﺎﻟﺪ ﻳﺪﺧﻞ ﻋﻠﻴﻬﻢ ﻭﻫﻮ ﻣﺴﺘﻌﻴﻞ : ﺟﺮﺍﺡ ﻋﻄﻨﻲ ﺍﻻﺭﺻﺪﺓ ﺍﻟﻬﻨﺪﻱ
ﺍﻟﻐﺒﻲ ﻧﺴﺎﻫﻢ
ﻭﺍﻧﺘﺒﻪ ﺍﻟﻰ ﺍﻟﻮﺿﻊ ...
ﺧﺎﻟﺪ : ﻋﻼﻣﻜﻢ؟؟
ﺟﺮﺍﺡ ﻭﻫﻮ ﻳﻌﻄﻴﻪ ﺍﻻﺭﺻﺪﺓ ..: ﻭﻻ ﺷﻲ .. ﺑﺲ ...
ﺧﺎﻟﺪ ﻭﻫﻮ ﻳﻨﺘﺒﻪ ﺍﻟﻰ ﺍﻟﺒﻮﻛﻴﻪ : ﺍﻭﻭﻭﻭﻭﻑ .. ﺷﻬﺎﻟﺒﻮﻛﻴﻪ ﺍﻟﻌﺠﻴﺐ ..
ﺗﺎﻭﻩ ﻟﺆﻱ ﻭﻏﻄﻰ ﻭﻳﻬﻪ ﻣﻦ ﺍﻷﻟﻢ ﺍﻟﻠﻲ ﻓﻴﻪ
ﺧﺎﻟﺪ : ﺷﻔﻴﻚ ﻟﺆﻱ؟؟ ﺍﻟﺒﻮﻛﻴﻪ ﻟﻚ
ﻟﺆﻱ ﺑﻘﻬﺮ : ﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﻩ
ﺟﺮﺍﺡ : ﺧﺎﻟﺪ ﺧﻠﻚ ﻣﻨﻪ
ﺧﺎﻟﺪ ﻭﻫﻮ ﻣﺴﺘﻐﺮﺏ : ﺷﻔﻴﻪ ﻫﺬﺍ؟؟؟ ﺷﻔﻴﻚ ﺗﺘﺎﻭﻩ؟؟
ﺟﺮﺍﺡ : ﺍﻗﺮﻯ ﻫﺬﺍ ....
ﺍﺧﺬ ﺧﺎﻟﺪ ﺍﻟﺒﻮﻛﻴﻪ ﻭﺗﻢ ﻳﻘﺮﺍﻩ .. ﻭﺷﻮﻱ ﺷﻮﻱ ﺗﺘﻮﺳﻊ ﻣﻼﻣﺤﻪ ﺍﻟﻰ ﺍﻥ
ﻧﻄﻘﺖ ﺷﻔﺎﺗﻪ ﺑﻜﻠﻤﻪ
ﺧﺎﻟﺪ : sh*t ... ﻟﺆﻱ ... ﺍﻧﺎ ..
ﻟﺆﻱ ﻭﻫﻮ ﻳﻮﻗﻒ ﻣﻦ ﻣﻜﺎﻧﻪ ﻭﺍﻋﺼﺎﺑﻪ ﺛﺎﻳﺮﺓ : ﺍﻧﺖ ﺷﻨﻮ؟؟ ؟ﺍﻧﺖ
ﺷﻨﻮ؟؟ ﺍﻧﺎ ﺷﻨﻮ ؟؟ ﻭﻻ ﺍﻧﺖ ﺷﻨﻮ؟؟ ﻭﺍﻻ ﺍﺣﻨﺎ ﺷﻨﻮ .. . ﻳﺎ ﻧﺎﺱ
ﺍﺭﺣﻤﻮﻧﻲ .. ﻓﻴﻨﻲ ﻧﺎﺭ .. ﻓﻴﻨﻲ ﻧﺎﺭ ﺍﺑﻲ ﺍﻃﻔﻴﻬﺎ ...
ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ﻳﺎ ﻗﻠﺒﻲ ﺍﺍﺍﺍﻩ ..
ﺟﺮﺍﺡ : ﻻ ﺗﺴﺘﺒﻖ ﺍﻱ ﺷﻲ ﻳﺎ ﻟﺆﻱ .. ﻭﺑﻼ ﻫﺎﻟﺮﺩﺓ ﺍﻟﻔﻌﻞ ﺍﻟﻘﻮﻳﺔ ..
ﻭﺍﻧﺖ ﺍﺻﻼ ﺟﺬﻱ ﻭﻻ ﺟﺬﺍﻙ ﻣﺎ ﻟﻚ ﺍﻱ ﺭﺋﺎﺳﺔ ﻋﻠﻰ ﺍﻟﺒﻨﺖ ﻭﻻ ﺷﻲ
ﺍﻫﻲ ﺣﺮﺓ ﺑﺎﻟﻠﻲ ﺗﺴﻮﻳﻪ
ﻟﺆﻱ ﻳﻨﺎﻇﺮ ﺟﺮﺍﺡ ﺑﻌﻴﻮﻧﻪ ﺍﻟﻄﻔﻮﻟﻴﺔ ﺍﻟﻠﻲ ﺑﻌﺪ ﺣﻤﻠﺖ ﻓﻴﻬﺎ ﺷﻮﻳﺔ ﻣﻦ
ﺍﻟﻤﺰﺡ : ﺣﺮﺓ؟؟ ﺣﺮﺓ؟؟ ﻳﻌﻨﻲ ﺍﻧﺎ ﺣﺮ ... ﺍﻧﺎ ﺑﻌﺪ ﺍﻗﺪﺭ ﺍﺧﻠﻲ ﺑﻨﺎﺕ
ﻳﺮﺳﻠﻮﻭﻭﻥ ﻟﻲ ﺑﻮﻛﻴﻬﺎﺕ .. ﻟﻜﻦ ﻻﺍﺍﺍ ﻣﺎ ﺳﻮﻳﻬﺎ ﻟﻴﺶ .. ﻻﻥ ﻓﻲ ﺷﻲ
ﺍﺳﻤﻪ ﻗﻠﺐ .. ﻭﻳﺴﻮﻱ ﺩﻗﺎﺕ ﻭﻫﺎﻟﺪﻗﺎﺕ ﻣﺎ ﺗﻘﻮﻝ ﺍﻻ .. ﻏﺰﻻﻥ . .
ﻏﺰﻻﻥ .. ﻏﺰﻻﻥ . (ﻗﻌﺪ ﺑﺤﻴﻞ ﻣﻨﻬﺪ ) ﻟﻜﻦ ﻏﺰﻻﻥ ﻣﺎ ﺗﺒﻲ ﻫﺎﻟﺪﻗﺎﺕ ...
ﺗﺒﻲ ... ﺑﺪﺭ ..؟؟ ﺑﺪﺭ .. ؟؟؟
ﻛﻠﻬﺎ ﻟﺤﻈﺎﺕ ﺍﻻ ﻭﻏﺰﻻﻥ ﺗﺪﺧﻞ ﺍﻟﻮﺭﺷﺔ ﻭﻣﻨﻬﺎ ﺍﻟﻰ ﺍﻟﻤﻜﺘـﺐ .. ﻭﻳﻮﻡ
ﻟﻘﺖ ﺍﻟﺒﺎﺏ ﻣﻔﺘﻮﺡ ﺷﺎﻓﺖ ﺍﻟﺜﻼﺛﺔ ﻣﺠﺘﻤﻌﻴـﻦ ﻭﻳﺎ ﺑﻌﺾ .. ﺍﺑﺘﺴﻤﺖ
ﻟﻬﻢ ﺑﺤﺮﺍﺭﺓ ﻭﺑﺲ ﻣﺎ ﺍﻧﺮﺩﺕ ﺍﻻﺑﺘﺴﺎﻣﺔ ﻟﻬﺎ ..
ﻏﺰﻻﻥ ﺑﺎﺳﺘﻐﺮﺍﺏ : ﻋﻼﻣﻜﻢ؟؟ ﺷﻔﻴﻜﻢ ﻣﺒﻮﺯﻳﻦ؟؟ (ﺗﻨﺘﺒﻪ ﺍﻟﻰ ﺍﻟﺒﻮﻛﻴﻪ )
ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻭ .. ﻣﺤﻠﻰ ﺍﻟﺒﻮﻛﻴـــﻪ .. ﻟﻤﻦ ..
ﻗﺎﻡ ﻟﺆﻱ ﻣﻦ ﻣﻜﺎﻧﻪ ﻣﻦ ﻏﻴﺮ ﻣﺎ ﻳﻄﺎﻟﻌﻬﺎ ﻭﺭﺍﺡ ﻋﻨﺪ ﺍﻟﺒﺎﺏ ﻭﻃﻠﻊ ﻣﻦ
ﺍﻟﻮﺭﺷﺔ ﻛﻠﻴﺎ ﻭﺧﺎﻟﺪ ﻭﺭﺍﻩ ..
ﻏﺰﻻﻥ ﺍﻟﻰ ﺟﺮﺍﺡ : ﻋﻼﻣﻪ ﻟﺆﻱ؟؟؟؟ ﻓﻴﻪ ﺷﻲ؟؟؟
ﺟﺮﺍﺡ ﻭﻫﻮ ﻳﺴـﺘﺄﺫﻥ ﻣﻨﻬﺎ : ﻣﺎﺩﺭﻱ ﺷﻔﻴﻪ .. ﺑﺨﻠﻴﺞ .. ﻭﻫﺬﻱ ..
( ﻳﺴﻠﻤﻬﺎ ﺍﻟﺒﻄﺎﻗﺔ ) ﻫﺬﻱ ﻟﺞ ..
ﻏﺰﻻﻥ ﻭﻫﻲ ﺗﻜﻠﻢ ﻧﻔﺴﻬﺎ ..: ﺍﻟﺒﻮﻛﻴﻪ ﻟﻲ ... ﻣﻦ ﻣﻦ؟؟؟
ﻓﺠﺖ ﺍﻟﺒﻄﺎﻗﺔ ﻭﻗﺮﺗﻬﺎ .. ﻭﻛﺎﻥ ﻗﻠﺒﻬﺎ ﻳﺮﺗﺠﻒ ﻣﻦ ﺍﻟﺘﻮﺗﺮ ﺍﻟﻰ ﻟﻴﻦ
ﻭﺻﻠﺖ ﺍﻟﻰ ﺍﺳـﻢ ﺑﺪﺭ .. ﻭﺗﻨﻬﺪﺕ ﺑﺮﺍﺣﺔ .. ﺍﻟﺒﻮﻛﻴﻪ ﻻﺧﺘﻬﺎ ﻏﺼـﻮﻥ ..
ﻣﻦ ﺯﻭﺟﻬﺎ ﺑﺪﺭ .. ﻭﺍﻟﻠﻪ ﺯﻳﻦ ﺍﻧﻪ ﻓﻜﺮ ﺑﺎﻟﻤﺼﺎﻟﺢ ﻭﻳﺎﻫﺎ .. ﻭﻟﻜﻦ .. ﻟﻴﺶ
ﻳﺮﺳﻞ ﻟﻬﺎ ﺍﻟﺒﻮﻛﻴﻪ ﻫﻨﻲ ﺑﺪﻝ ﺍﻟﺒﻴﺖ؟؟
ﻭﺍﻧﺘﺒﻬﺖ ﺍﻟﻰ ﻟﺆﻱ ﺍﻟﻠﻲ ﻛﺎﻥ ﺷﻜﻠﻪ ﻭﻛﺄﻧﻪ ﺫﺍﺑﺤﻴﻦ ﻟﻪ ﺣﺪ .. ﺷﻠﻲ
ﺧﻼﻩ ﻳﺼﻴﺮ ﺟﺬﻱ؟؟ ﻋﻠﻰ ﻏﺼﻮﻥ ﻳﻌﻨﻲ؟؟؟ ﻭﻻ ﻋﻠﻰ؟؟؟
ﺩﺧﻞ ﺟﺮﺍﺡ ﻭﻫﻮ ﻣﺘﺄﺳﻒ : ﻏﺰﻻﻥ ﺍﻧﺎ ﺍﺳﻒ ﺑﺲ ﻟﺆﻱ ﺷﻮﻱ ...
ﻏﺰﻻﻥ ﻭﻫﻲ ﻣﺨﺘﺒﺼﺔ ﺍﻟﻤﻼﻣﺢ ...: ﺍﻟﺒﻮﻛﻴـﻪ .. ﻟﻐﺼــﻮﻥ ﺍﺧﺘﻲ؟؟؟
ﺟﺮﺍﺡ ﻭﻫﻮ ﻣﻨﺼﺪﻡ : ﻟﻤﻦ؟؟؟؟؟ ﺍﺧﺘﺞ؟؟؟؟
ﻏﺰﻻﻥ ﻭﻫﻲ ﺗﻨﺰﻝ ﻳﺪﻫﺎ ﻭﺗﺮﻭﺡ ﻋﻨﺪ ﺍﻟﺒﻮﻛﻴﻪ ﻭﺗﻨﺎﻇﺮﻩ ﺑﺤﺰﻥ : ﻣﻦ
ﺯﻭﺟﻬﺎ ﺑﺪﺭ ..
ﻧﺎﻇﺮﺕ ﺟﺮﺍﺡ ﺍﻟﻠﻲ ﻛﺎﻥ ﺷﻜﻠﻪ ﻣﻮ ﻓﺎﻫﻢ ﺷﻲ ﻣﻦ ﺍﻟﻠﻲ ﻗﺎﻋﺪ ﻳﺼﻴﺮ ..
ﻏﺰﻻﻥ ﻭﻫﻲ ﺗﻔﻬﻤﻪ ..: ﺍﻫﻢ ﻗﺒﻞ ﺳﺘﺔ ﺷﻬﻮﺭ ﻣﺮﻭﺍ ﻓﻲ ﺧﻼﻓﺎﺕ ﻗﻮﻳﺔ
ﻓﻴﻤﺎ ﺑﻴﻨﻬﻢ .. ﻭﻏﺼﻮﻥ ﻃﻠﻌﺖ ﻣﻦ ﺍﻟﺒﻴﺖ ﻭﻳﺎﺕ ﻋﻨﺪﻧﺎ ﺗﺴﻜﻦ .. ﻋﺎﺩ
ﺑﺪﺭ ﻳﺒﻲ ﻳﻄﻴﺐ ﺧﺎﻃﺮﻫﺎ .. (ﻃﺎﻟﻌﺖ ﺍﻟﺒﻮﻛﻴﻪ ) ﻭﺍﻟﻈﺎﻫﺮ ﺍﻧﻪ ﻋﺮﻑ
ﺷﻨﻮ ﻧﻘﻄﺔ ﺿﻌﻔﻬﺎ .. ﻳﺎﻟﻴﺘﻬﺎ ﻫﻨﻲ ﻋﺸﺎﻥ ﺗﺸﻮﻓﻪ ..
ﺟﺮﺍﺡ : ﻳﻌﻨﻲ ﺍﻟﺒﻮﻛﻴﻪ ﻣﻮ ﻟﺞ؟؟
ﻏﺰﻻﻥ ﻭﻫﻲ ﻣﺴﺘﻐﺮﺑﺔ : ﻳﺎ ﻟﻴﺖ ﺑﺲ ﻻ .... ﻟﻴﺶ ﻫﺎﻟﺴﺆﺍﻝ ..؟
ﺣﺲ ﺟﺮﺍﺡ ﺍﻧﻪ ﺭﺍﺡ ﻳﻨﺠﻚ .. ﻭﻟﺆﻱ ﺑﻌﺪ ﺑﻴﻨﻔﻈﺢ ... : .. ﻭﺍﻣﻤﻤﻢ ..
ﻭﻻ ﺳﺒﺐ .. ﺑﺲ ... ﺣﺮﻑ ﺍﻟﻐﺎﺀ ..
ﻏﺰﻻﻥ ﻭﺑﻌﺪﻫﺎ ﻣﺎﻓﻬﻤﺖ ﺷﻲ : ﻏﺼﻮﻥ ﺑﻌﺪ ﺑﺤﺮﻑ ﺍﻟﻐﺎﺀ ... ( ﻭﺍﺗﻀﺤﺖ
ﺍﻟﺼﻮﺭﺓ ﻋﻨﺪﻫﺎ ﺑﺼﻮﺭﺓ ﻓﻈﻴﻌﺔ ) ... ﺍﻧﺘﻮ ﻋﻠﺒﺎﻟﻜﻢ ﺍﻥ .... ﻭﻟﺆﻱ ....؟
ﺟﺮﺍﺡ ﻭﻫﻮ ﻳﻀﺤﻚ ﻭﺟﺒﻴﻨﻪ ﻣﻌﺮﻕ ﻣﻦ ﺍﻟﺘﻮﺗﺮ .. ﺍﻣﺎ ﻏﺰﻻﻥ ﻓﻤﺎ
ﻋﺮﻓﺖ .. ﺗﺘﻨﻔﺲ ﻭﻻ ﺗﻀﺤﻚ ﻭﻻ ﺷﻨﻮ؟؟ ﻳﻌﻨﻲ ﻟﺆﻱ ﺯﻋﻼﻥ .. ﻻﻧﻪ
ﻇﻦ ﺍﻥ ﺍﻟﺒﻮﻛﻴﻪ ﻟﻬﺎ .....؟؟؟؟ ﻳﻌﻨﻲ ﻣﻤﻜﻦ ﻫﺎﻟﺸﻲ؟؟ ﺍﻥ ﻟﺆﻱ ... ﺑﻌﺪﻩ
...
ﺟﺮﺍﺡ ﻭﻫﻮ ﻳﺴـﺘﺄﺫﻥ ﻣﻦ ﺍﻟﻤﻜﺎﻥ : ﻋﻦ ﺍﺫﻧﺞ
ﻏﺰﻻﻥ ﺑﺴﺮﻋﺔ : ﻋﻠﻰ ﻭﻳﻦ ..
ﺟﺮﺍﺡ ﻭﻫﻮ ﻣﺜﻞ ﺍﻟﻴﺎﻫﻞ ﺍﻟﻠﻲ ﻣﺴﻜﻮﻭﻭﻩ ﻣﺎﺧﺬ ﺷﻲ ﻣﻮ ﻟﻪ ..: ﻻ
ﺑﺲ ... ﺍﺧﻠﻴﺞ ﻋﻠﻰ ﺭﺍﺣﺘﺞ
ﻏﺰﻻﻥ ﻭﻫﻲ ﺗﻨﺎﻇﺮﻩ ﺑﺤﻤﺎﺱ ....: ﻻ ﺗﻘﻮﻝ ﻟﻪ .. ﻻ ﺗﻘﻮﻝ ﻟﻪ ﻭﻻ ﺷﻲ
ﺟﺮﺍﺡ ....
ﺟﺮﺍﺡ : ﻟﻴﺶ؟؟ ﺍﻫﻮ ﻳﻈﻦ ﻓﻴﺞ ﺍﻟﺤﻴﻦ؟؟
ﻏﺰﻻﻥ ﻭﻫﻲ ﺗﺨﺒﻲ ﺍﺑﺘﺴﺎﻣﺔ ...: ﻳﻈﻦ ﻓﻴﻨﻲ .؟؟؟ ﺯﻳﻦ .. ﺧﻠﻪ ﻳﺤﺲ ..
ﻳﺎﻟﻠﻪ ﺍﻧﻪ ﺑﻤﺸﻲ ﺍﻟﺒﻴﺖ .. ﻣﻊ ﺍﻟﺴﻼﻣﺔ ..
ﺟﺮﺍﺡ ﻭﻫﻮ ﻳﺤﻤﻞ ﺍﻟﺒﻮﻛﻴﻪ ﻋﻨﻬﺎ : ﻋﻨﺞ ﻋﻨﺞ ...
ﻏﺰﻻﻥ ﺑﺤﻴﺎ ..: ﺷﻜﺮﺍ ..
ﺣﻤﻞ ﺟﺮﺍﺡ ﺍﻟﺒﻮﻛﻴﻪ ﺍﻟﻜﺒﻴﺮ ﻭﻣﺸﻰ ﺟﺪﺍﻡ ﻏﺰﻻﻥ ﺍﻟﻠﻲ ﻃﻠﻌﺖ ﻭﻳﺎﻩ
ﻣﻦ ﺍﻟﻤﻜﺘﺐ ﻭﻣﻦ ﺛﻢ ﻣﻦ ﺍﻟﻮﺭﺷﺔ .. ﻟﻤﻦ ﻭﺻﻠﺖ ﺍﻟﻰ ﺳﻴﺎﺭﺗﻬﺎ ..
ﻓﺘﺤﺖ ﺍﻟﺒﺎﺏ ﻟﺠﺮﺍﺡ ﻋﺸﺎﻥ ﻳﺪﺧﻞ ﺍﻟﺒﻮﻛﻴﻪ ﺗﺤﺖ ﻧﻈﺮ ﺧﺎﻟﺪ ﺍﻟﻠﻲ
ﻭﺍﻗﻒ ﻭﻳﺎ ﻟﺆﻱ ﺍﻟﻤﺤﻄﻢ .. ﻭﻫﻲ ﻻﺑﺴﺔ ﻧﻈﺎﺭﺗﻬﺎ ﺍﻟﻜﺒﻴﺮﺓ ﺍﻟﻐﺎﻣﺠﺔ ..
ﺷﻜﺮﺕ ﺟﺮﺍﺡ ﻭﺩﺧﻠﺖ ﺍﻟﺴﻴﺎﺭﺓ .. ﻃﺎﻟﻌﺖ ﻟﺆﻱ ﺍﻟﻠﻲ ﻛﺎﻥ ﻭﺍﻗﻒ ﻭﻫﻮ
ﻣﻨﻘﻬﺮ ﻭﻣﻦ ﺣﻼﺓ ﻗﻬﺮﻩ ﺍﻟﻠﻲ ﻣﺴﻮﻳﻪ ﻣﺜﻞ ﺍﻟﻴﺎﻫﻞ ﺍﺑﺘﺴﻤﺖ ..
ﻭﺗﺤﺮﻛﺖ ﺍﻟﻰ ﺍﻟﺒﻴﺖ ..
ﺭﺍﺡ ﻟﺆﻱ ﻟﺠﺮﺍﺡ ﻭﻣﺴﻜﻪ ﻣﻦ ﺭﻗﺒﺘﻪ : ﻳﺎﻟﺨﺎﻳﻦ .. ﻳﺎﻟﺨﺎﻳﻦ ... ﺍﻛﻴﺪ
ﺧﺒﺮﺗﻚ ﺑﺸﻲ .. ﺷﻘﺎﻟﺖ ﻟﻚ ..
ﺟﺮﺍﺡ ﻭﻫﻮ ﻳﻜﺘﻢ ﺍﻟﻀﺤﻜﺔ ﻭﺑﺪﻯ ﻳﻌﺮﻑ ﻟﻴﺶ ﻏﺰﻻﻥ ﻃﻠﺒﺖ ﻣﻨﻪ ﺍﻧﻪ
ﻣﺎ ﻳﻘﻮﻝ ﺷﻲ .. : ﻓﺠﻨﻲ ﻭﻻ ﺗﻴﻮﺩﻧﻲ ﺟﺬﻱ ﻣﺮﺓ ﺛﺎﻧﻴﺔ
ﻟﺆﻱ ﻭﻫﻮ ﻳﻤﺸﻲ ﻋﻠﻰ ﻋﻘﺒﻪ ﻭﻛﺎﻥ ﺍﻟﺪﻧﻴﺎ ﻛﻠﻬﺎ ﻃﺎﻳﺤﺔ ﻋﻠﻰ ﺭﺍﺳﻪ :
ﺍﻛﻴﺪ ﻭﺍﺣﺪ ﻏﻨﻲ .. ﺃﻛﻴﺪ ﻭﺍﺣﺪ ﺭﺍﻫﻲ ﻭﺧﺸﻤﻪ ﻟﻠﺴﻤﺎ ﻣﺜﻞ ﻫﻠﻬﺎ ..
ﺍﻛﻴﺪ .. ﺍﻳﻴﻲ ﺧﻮﻭﻭ ﻣﻌﺮﻭﻓﻪ .. ﻣﺎ ﺗﺒﻲ ﻭﺍﺣﺪﻥ ﻓﻘﻴﺮﻥ ﻣﺴﻜﻴﻨﻦ
ﻣﺜﻠﻲ .. ﺍﺍﺍﻩ ﻳﺎ ﻗﻠﺒﻲ .. ﻭﺍﻟﻠﻪ ﻓﻴﻨﻲ ﻋﻮﻭﻕ ﺑﻘﻠﺒﻲ .. ﻣﺎﺩﺭﻱ ﺍﺣﺲ
ﺭﻭﺣﻲ .. ﺑﺮﺟﻊ .. ﺑﺮﺟﻊ ﻭﻟﻠﻪ .. ﺷﻲ ﻳﻌﻮﺭﻧﻲ ﻣﻮ ﻋﺎﺭﻑ ﻭﻳﻨﻪ ..
ﺟﺮﺍﺡ ﺍﻟﻠﻲ ﻳﻜﺘﻢ ﺍﺑﺘﺴﺎﻣﺔ ﻭﺿﺤﻜﺔ :.. ﺍﻟﺤﻴﻦ ﺣﺴﻴﺖ ﺑﺎﻟﺨﻄﺮ .. ﻋﻴﻞ
ﺭﺍﻭﻧﺎ ﺷﻠﻮﻥ ﺑﺘﺤﺎﻓﻆ ﻋﻠﻰ ﻣﻤﺘﻠﻜﺎﺗﻚ ﻳﺎ ﺷﻬﺮﻳﺎﺭ ﺯﻣﺎﻧﻚ ..
ﻟﺆﻱ : ﺷﻠﻮﻥ ﺑﺤﺎﻓﻆ .. ﺑﻘﻮﻝ ﻟﻚ ﺷﻠﻮﻥ ﺑﺤﺎﻓﻆ .. ﺍﻧﺎ ﺍﻭﻝ ﺷﻲ ﻫﺎﻟﺒﺪﺭ
ﻻﺯﻡ ﺍﻋﺮﻓﻪ ﻣﻨﻮ ﺑﻌﺪﻳﻦ ﻳﺼﻴﺮ ﺧﻴـﺮ ..
ﺿﺤﻚ ﺟﺮﺍﺡ ﻋﻠﻰ ﻟﺆﻱ ﺍﺧﻴـﺮﺍ ﻭﺧﻠﻰ ﻛﻞ ﻣﻦ ﺧﺎﻟﺪ ﻭﻟﺆﻱ ﻳﻄﺎﻟﻌﻮﻧﻪ
ﺑﺎﺳﺘﻐﺮﺍﺏ ..
ﺧﺎﻟﺪ ﺍﻟﻤﺴﺘﻐﺮﺏ ﻣﻨﻪ : ﺟﺮﺍﺡ ... ﻋﻴﺐ ﻋﻠﻴﻚ .. ﻟﻴﺶ ﺗﻀﺤﻚ ﻋﻠﻰ
ﺣﺴﺮﺓ ﻟﺆﻱ ..
ﻣﺴﻚ ﺟﺮﺍﺡ ﺭﻗﺒﻪ ﻟﺆﻱ ﺑﻄﺮﻳﻘﺔ ﻭﺩﻳﺔ : ﺗﺪﺭﻱ ﻳﺎ ﺣﺒﻴﺐ ﻗﻠﺒﻲ ﺍﻧﺎ ﻟﻴﺶ
ﺍﺣﺒﻚ .؟
ﻟﺆﻱ ﻳﻨﺎﻇﺮﻩ ﺑﺎﺳﻒ ﻭﺑﺎﺳﺘﻐﺮﺍﺏ ..
ﺟﺮﺍﺡ : ﻳﻤﻜﻦ ﻻﻧﻚ ﺍﻛﺜﺮ ﺍﻧﺴﺎﻥ ﺳﺎﺫﺝ . ﻭﻳﺒﻴﻦ ﺍﻥ ﺍﻟﻌﺎﻟﻢ ﺑﻌﺪﻩ
ﺑﺨﻴــﺮ .. ﻳﺎﻟﻠﻪ ﺍﻧﺎ ﺑﺮﻭﺡ ﺍﻟﺒﻴﺖ ﺑﺘﻘﺪﻯ ﻭﺑﺮﺩ .. ﻣﻊ ﺍﻟﺴﻼﻣﺔ ..
ﺭﺍﺡ ﺟﺮﺍﺡ ﻋﻨﻬﻢ ﻭﻇﻞ ﻟﺆﻱ ﻭﺍﻗﻒ ﻣﻜﺎﻧﻪ ﻭﻳﺎ ﺧﺎﻟﺪ ﺍﻟﻠﻲ ﻳﻬﺪﻱ ﻓﻴﻪ ..
ﻟﻜﻦ ﻟﺆﻱ ﻣﺎ ﻳﺎﺯ ﻟﻪ ﻫﺎﻟﺘﻬﺪﺋﺔ ..
ﻟﺆﻱ : ﺍﻧﺎ ﻻﺯﻡ ﺍﻟﻘﺎﺍﺍﻩ ﻫﺎﻟﺒﺪﺭ ..
ﺧﺎﻟﺪ : ﺑﺲ ﺍﻧﺖ ﻻﺯﻡ ﺗﻬﺘﻢ ﻓﻲ ﺷﻲ ﺍﻫﻢ ﻗﺒﻞ ..
ﻟﺆﻱ : ﺷﻨﻮ ﻫﺎﻟﺸﻲ ؟
ﺧﺎﻟﺪ : ﺍﻫﻲ ﻣﻦ ﺍﻟﺒﻄﺎﻗﺔ ﺷﻜﻠﻬﺎ ﻣﺘﺰﺍﻋﻠﺔ ﻭﻳﺎﻩ .. ﻟﻴﺶ ﻣﺎ ﺗﺴﺘﻐﻞ ﺍﻧﺖ
ﻫﺎﻟﺰﻋﻞ .. ﻭﺗﻘﺪﻡ ﻋﻠﻰ ﺍﻟﺨﻄﻮﺓ ﺍﻟﻜﺒﻴـﺮﺓ ..
ﻟﺆﻱ : ﺍﻱ ﺧﻄﻮﺓ ﻛﺒﻴﺮﺓ؟؟ ﺍﺿﺮﺑﻬﺎ ﻳﻌﻨﻲ؟
ﺧﺎﻟﺪ ﻭﻫﻮ ﻳﻀﺮﺏ ﻋﻠﻰ ﺟﺒﻴﻨﻪ : ﻻ ﻳﺎ ﻏﺒﻲ ﺷﻨﻮ ﺗﻀﺮﺑﻬﺎ .. ﺑﻬﻴﻤﺔ
ﺍﻫﻲ؟؟ ﻭﻳﻦ ﻗﺎﻋﺪﻳﻦ؟؟ ﻗﺼﺪﻱ ﺍﻧﻚ ﺗﻄﻠﺒﻬﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ
ﻟﺆﻱ ﻭﻫﻮ ﻳﺎﺷﺮ ﺑﻴﺪﻩ ﻋﻠﻰ ﺧﺎﻟﺪ : ﻃﺎﻟﻊ ﻫﺬﺍ ..؟؟ ﺷﻬﺎﻟﺤﺠﻲ .. ﺍﻧﺎ
ﺍﺗﻘﺪﻡ ﻟﻬﺎ؟؟ ﺍﻧﺖ ﻋﻠﺒﺎﻟﻚ ﺑﻴﺘﻨﺎ ﻋﺎﻳﺸﻴﻦ ﻓﻲ ﺳﺎﺑﻊ ﻏﻴﻤﺔ .. ﺍﺣﻨﺎ ﺑﻴﺘﻨﺎ
ﻣﺘﺮﻭﺱ ﻣﺸﺎﻛﻞ .. ﻭﺍﺧﻮﻱ ﺗﻮﻩ ﻃﺎﻟﻊ ﻣﻦ ﺍﻟﻐﻴﺒﻮﺑﺔ ﻭﺗﺒﻴﻨﻲ ﺍﺭﻭﺡ
ﻭﺍﺗﻘﺪﻡ ﻟﻬﺎ .. ﺍﻧﺎ ﺍﺩﺭﻯ ﺑﺎﻟﻠﻲ ﺑﺴﻮﻱ ﻓﻴﻬﺎ .. ( ﻳﻄﺎﻟﻊ ﺍﻟﺪﺭﺏ ﺍﻟﻠﻲ ﺭﺍﺣﺖ
ﻣﻨﻪ ﻏﺰﻻﻥ ) ﺍﻧﺎ ﺍﻭﺭﻳﺞ ﻳﺎ ﺑﻨﺖ ﺍﻟﻜﻨﺪﻱ ﻳﺎ ﻏﺰﻻﻧﻮﻭﻩ ﺍﻧﺘﻲ ﻭﻫﺎﻟﺒﺪﺭ
ﻣﺎﻟﺞ .. ﺍﻥ ﻣﺎ ﺧﻠﻴﺘﺞ ﺍﺗﻌﺬﺑﻴﻦ .. ﻭﺍﻟﻠﻪ ﻣﺎﻗﺪﺭ ﺍﻋﺬﺑﺞ .. ﺑﺲ ﺑﻌﺬﺏ
ﺭﻭﺣﻲ ﻭﺑﻌﺬﺑﺞ ﺑﻌﺬﺍﺑﻲ ..
-------------------------------------
ﺩﺧﻠﺖ ﻣﺮﻳﻢ ﺍﻟﻤﺴﺘﺸﻔﻰ ﻭﻫﻲ ﺗﺤﺲ ﺑﺎﻧﺘﻌﺎﺵ ﻓﻲ ﻧﻔﺴﻬـﺎ .. ﺍﻟﺘﺤﻮﻝ
ﻋﺠﻴﺐ ﻭﺣﻠﻮﻭ ﺍﻟﻠﻲ ﺻﺎﺑﻬﺎ ﻗﺒﻞ ﺷﻮﻱ ﻣﻊ ﻏﺰﻻﻥ .. ﻣﺎﺗﻮﻗﻌﺖ ﺍﻧﻬﺎ
ﺭﺍﺡ ﺗﺘﻼﻗﻰ ﻣﻌﺎﻫﺎ .. ﻭﻓﻮﻕ ﻛﻞ ﻫﺬﺍ ﻣﺎ ﺗﻮﻗﻌﺖ ﺍﻧﻬﺎ ﻓﻲ ﻳﻮﻡ ﻣﻦ
ﺍﻻﻳﺎﻡ ﺭﺍﺡ ﺗﺘﻨﺎﺳﻰ ﻣﻌﺎﻫﺎ ﻛﻞ ﺍﻟﻠﻲ ﺻﺎﺭ ﺑﻴﻨﺎﺗﻬﻢ ﻓﻲ ﻳﻮﻡ .. ﻳﺎﻟﻠﻪ ..
ﺍﻟﺪﻧﻴﺎ ﺗﺪﻭﺭ ﻭﻛﻞ ﺍﻻﻣﻮﺭ ﻣﺮﺩﻫﺎ ﺗﺘﺼﻠﺢ .. ﻳﺎ ﺭﺏ ﻋﻘﺒﺎﻟﻚ ﻳﺎ ﺧﻮﻱ
ﺍﻧﺖ ﻭﻓﺎﺗﻦ .. ﻻﻧﻜﻢ ﺍﻧﺘﻮﻭﻭ ﺍﻟﻔﺮﺣﺔ ﺍﻟﻠﻲ ﺍﻧﺎ ﺍﺗﻤﻨﺎﻫﺎ ﻓﻲ ﻫﺎﻟﺪﻧﻴﺎ ..
ﻓﺒﺮﺟﻮﻋﻜﻢ ﻣﻊ ﺑﻌﺾ . . ﺑﺘﻔﺮﺣﻮﻧﻲ ﻭﺑﻨﻔﺲ ﺍﻟﻮﻗﺖ ﺗﺮﺩﻭﻥ ﻓﻲ ﻗﻠﺒﻲ
ﺍﻻﻣﻞ ﺍﻧﻲ ﺍﻛﻮﻥ ﻟﺠﺮﺍﺡ ..
ﻭﺻﻠﺖ ﻟﻠﻐﺮﻓﺔ ﻭﻫﻲ ﻣﺘﺄﻣﻠﺔ ﺍﻧﻬﺎ ﺗﺸﻮﻑ ﺍﺧﻮﻫﺎ ﻳﺎﻟﺲ ﺟﺪﺍﻣﻬﺎ ﻭﺑﺪﺕ
ﺣﺘﻰ ﺍﻧﻬﺎ ﺗﺰﻫﺐ ﻟﻪ ﺍﻻﺑﺘﺴﺎﻣﺔ ﺍﻟﻤﺘﻮﻗﻌﺔ .. ﻭﻟﻜﻦ .. ﺍﻭﻝ ﻣﺎ ﻓﺠﺖ
ﺍﻟﺒﺎﺏ .. ﻣﺎﻟﻘﺖ ﺍﻻ ﺍﻟﺸﺮﺍﺷﻒ ﺍﻟﺒﻴﻀﺎ ﻣﺮﺗﺒﺔ ﻋﻠﻰ ﺍﻟﺴﺮﻳﺮ ..
ﻓﺎﺳﺘﻐﺮﺑﺖ .. ﻻ ﺑﻞ ﻫﺒﻂ ﻧﺒﺾ ﻗﻠﺒﻬﺎ ﺍﻟﻰ ﺍﻟﻼﺷﻲ .. ﻭﻳﻨﻪ ﻣﺴـﺎﻋﺪ؟؟
ﻭﻟﻴﺶ ﻫﻮ ﻣﺐ ﻓﻲ ﻏﺮﻓﺘﻪ ... ﺍﻧﺘﻈﺮﺕ ﺻﻮﺕ ﻓﻲ ﺍﻟﻐﺮﻓﺔ ﻟﻜﻦ
ﺍﻟﺴﻜﻮﻭﻥ ﻛﺎﻥ ﻻﻑ ﻛﻞ ﺍﻟﺠﻮﺍﻧﺐ .. ﻭﻃﻠﻌﺖ ﻭﻫﻲ ﻓﺰﻋﺔ ﻣﻦ ﺍﻟﻐﺮﻓﺔ
ﺍﻟﻰ ﺍﺳﺘﻘﺒﺎﻝ ﺍﻟﺠﻨﺎﺡ .. ﺑﺲ ﻣﺎ ﻟﻘﺖ ﺍﺣﺪ ﻫﻨﺎﻙ .. ﻭﺗﻤﺖ ﻭﺍﻗﻔﺔ
ﺑﺤﻴـﺮﺓ ﻭﻫﻲ ﻣﻮ ﻣﺼﺪﻗﺔ .. ﻳﻌﻨﻲ ﻣﺴـﺎﻋﺪ ﻃﻠﻊ ﻣﻦ ﺍﻟﻤﺴﺘﺸﻔﻰ؟؟
ﻃﻴﺐ ﻭﻳﻦ ﺭﺍﺡ؟؟ ﺧﺬﻭﻩ ﺍﻟﺒﻴﺖ ﻳﻌﻨﻲ؟؟؟ ﻳﺎ ﻟﻠﻪ ﻭﻳﻨﻪ ﺍﺧﻮﻱ ..
ﺍﻻ ﻭﻣﻤﺮﺿﺔ ﺗﺒﻴﻦ ﻟﻬﺎ ﻋﻨﺪ ﺑﻌﺪ ﻭﺗﺮﻭﺡ ﻋﻨﺪﻫﺎ ﻣﺮﻳﻢ ﺑﻔﺰﻉ ..
ﻣﺴﻜﺖ ﺍﻟﻤﻤﺮﺿﺔ ﻭﻫﻲ ﺧﺎﻳﻔﺔ : ﻟﻮ ﺳﻤﺤﺘﻲ .. ﻣﺮﻳﺾ ﻏﺮﻓﺔ ﺭﻗﻢ
..30 ﺍﻟﺨﺎﺻﺔ .. ﻭﻳﻨﻪ؟؟
ﺍﻟﻤﻤﺮﺿﺔ ﻭﻫﻲ ﺗﺤﺎﻭﻝ ﺗﺘﺬﻛﺮ ..: ﺭﻗﻢ 30؟؟ ﺍﻟﺪﺧﻴﻠﻲ؟؟
ﻣﺮﻳﻢ : ﺍﻳﻪ .. ﻫﺬﺍ ﺍﺧﻮﻱ .. ﻭﻳﻨﻪ ؟؟ ﻣﺐ ﻓﻲ ﺩﺍﺭﻩ؟
ﺍﻟﻤﻤﺮﺿﺔ ﻭﻫﻲ ﺗﺒﺘﺴﻢ ﻓﻲ ﻭﻳﻬﻬﺎ : ﺯﻳﻦ ﻟﻴﺶ ﺗﺤﺎﺗﻴﻦ .. ﺗﺮﻯ ﺍﻫﻮ ﻣﺎ
ﻃﻠﻊ ﺍﺫﺍ ﻓﻲ ﺑﺎﻟﺞ .. ﺑﺲ ﺧﺬﺍﻩ ﺍﻟﺪﻛﺘﻮﺭ ﻣﺴـﻔﺮ ﺍﻟﻰ ﺍﻟﻌﻼﺝ
ﺍﻟﻄﺒﻴـﻌﻲ ..
ﻣﺮﻳﻢ ﻭﻫﻲ ﻣﻮ ﻣﺼﺪﻗﻪ ﺗﺴﻜﺮ ﻋﻴﻮﻧﻬﺎ ﻭﺗﻔﺠﻬﺎ ﻣﺮﺓ ﺛﺎﻧﻴﺔ .. ﺗﺤﺎﻭﻝ
ﺍﻧﻬﺎ ﺗﺴﺘﻮﻋﺐ ﺍﻟﻠﻲ ﺍﻧﻘﺎﻝ ﻟﻬﺎ ... ﻣﺴﺎﻋﺪ ﻓﻲ ﺍﻟﻌﻼﺝ ﺍﻟﻄﺒﻴﻌﻲ؟؟
ﻟﺸﻨﻮ؟؟ ﻋﺸﺎﻥ ﻳﻌﻨﻲ ..
ﺍﻻ ﻭﺻﻮﺕ ﻧﻮﺭﺓ ﻭﺭﺍﻫﺎ ﻭﻣﻌﺎﻫﺎ ﺯﻭﺟﻬﺎ ﻓﻴﺼـﻞ ..
ﻣﺮﻳﻢ ﻭﻫﻲ ﺗﺴﺮﻉ ﺻﻮﺏ ﻧﻮﺭﺓ : .. ﻧﻮﺭﺓ؟؟ ﻳﻘﻮﻟﻮﻥ ﻣﺴـﺎﻋﺪ ﻓﻲ
ﺍﻟﻌﻼﺝ ﺍﻟﻄﺒﻴﻌﻲ؟
ﻧﻮﺭﺓ ﻭﻫﻲ ﻣﺒﺘﺴﻤﺔ ﻭﻋﻴﻮﻧﻬﺎ ﻻﻣﻌﺔ ﺑﺎﻟﺪﻣﻊ : ﺍﻱ ﻳﺎ ﻣﺮﻳﻢ .. ﻣﺴـﺎﻋﺪ
ﻭﺍﻓﻖ ﻋﻠﻰ ﺍﻻﻋﻀﺎﺀ ﺍﻟﺼﻨﺎﻋﻴﺔ .. ﻭﻛﺎﻫﻮ ﻫﻨﺎﻙ ﻳﻤﺮﻧﻮﻥ ﺟﺴﻤﻪ
ﻋﻠﻴﻬﺎ .. ﻭﻛﻠﻬﺎ ﺟﻢ ﻳﻮﻡ ﻭﻳﻄﻠﻊ ﻣﻦ ﻫﻨﻲ ﻳﺎ ﻣﺮﻳﻢ ..
ﻣﺮﻳﻢ ﻭﻫﻲ ﻣﻮ ﻣﺼﺪﻗﺔ ﺍﻟﻠﻲ ﺗﻘﻮﻟﻪ ﻧﻮﺭﺓ : ﻭﺍﻧﺘﻲ ﺷﺪﺭﺍﺝ؟؟ﺷﻠﻮﻥ
ﻋﺮﻓﺘﻲ
ﻧﻮﺭﺍ : ﻛﻨﺎ ﺗﻮﻧﺎ ﻳﺎﻳﻦ .. ﺍﻻ ﺍﻟﻔﻮﺿﻰ ﻓﻲ ﻏﺮﻓﺔ ﻣﺴـﺎﻋﺪ .. ﺍﻧﺎ ﻗﻠﺒﻲ
ﻃﺎﺡ .. ﻭﻣﺎ ﺩﺭﻳﺖ ﺷﺼﺎﻳﺮ . . ﺩﺧﻞ ﻓﻴﺼﻞ ﻭﺷﺎﻑ ﻣﺴـﺎﻋﺪ ﻳﻘﻮﻣﻮﻧﻪ
ﻣﻦ ﻋﻠﻰ ﺍﻟﺴﺮﻳﺮ ﻋﻠﻰ ﺍﻟﻜﺮﺳﻲ .. ﻭﻣﺎﺧﺬﻳﻦ ﻭﻳﺎﻩ ﺍﻻﻃﺮﺍﻑ ﺍﻟﺼﻨﺎﻋﻴﺔ
ﻟﻠﻌﻼﺝ ﺍﻟﻄﺒﻴﻌﻲ ﻫﻨﺎﻙ ..
ﻣﺮﻳﻢ ﻭﻫﻲ ﺗﻨﺎﺷﺪ ﻓﻴﺼﻞ ﺑﻌﻴﻮﻧﻬﺎ : ﻓﻴﺼـﻞ ﺧﺬﻧﻲ ﻫﻨﺎﻙ .. ﺍﺑﻲ
ﺍﺷﻮﻓﻪ ..
ﻓﻴﺼﻞ ﻭﻫﻮ ﻳﺤﺎﻭﻝ ﺍﻧﻪ ﻣﺎ ﻳﻄﻮﻝ ﺑﻮﻳﻪ ﻣﺮﻳﻢ : ﻣﺎ ﻳﺼﻴـﺮ ﻣﺮﻳﻢ ..
ﺍﻟﺪﺧﻮﻝ ﺑﺲ ﻟﻼﻃﺒﺎﺀ ﻭﺍﻟﻤﺮﺿﻰ .. ﻭﻫﻨﺎﻙ ﺭﻳﺎﻳﻴﻞ ﺑﻌﺪ ... ﺑﺲ ...
ﻣﺮﻳﻢ ﻭﻫﻲ ﺗﺘﻠﻬﻒ ﻋﻠﻴﻪ : ﺷﻨﻮ ﺑﺲ؟؟ ﺍﺑﻲ ﺍﺷﻮﻓﻪ ﺑﻌﻴﻨﻲ ﻳﺎ ﻓﻴﺼـﻞ ..
ﻓﻴﺼـﻞ : ﺗﻘﺪﺭﻳﻦ ﺗﺸﻮﻓﻴﻨﻪ ﻣﻦ ﺧﻼﻝ ﺍﻟﺰﺟﺎﺝ .. ﺍﻫﻮ ﻣﺎ ﻳﺒﻴﻦ ﻋﻨﺪﻫﻢ
ﺑﺲ ﻳﺒﻴﻦ ﻟﻠﻲ ﺑﺮﻉ ..
ﻣﺮﻳﻢ ﻭﻫﻲ ﻣﻮ ﻣﺼﺪﻗﺔ ﺗﺘﺒﻊ ﻓﻴﺼـﻞ ﺍﻟﻰ ﻏﺮﻓﺔ ﺍﻟﻌﻼﺝ ﺍﻟﻄﺒﻴﻌﻲ ..
ﻳﻌﻨﻲ ﻣﺴـﺎﻋﺪ ﺧﻼﺹ ﺑﻴﻘﻮﻡ ﻋﻠﻰ ﺭﻳﻠﻪ؟؟؟ ﺑﻴﺮﺩ ﻟﻨﺎ ﻣﺴﺎﻋﺪ ﺍﻟﻄﺒﻴﻌﻲ
ﺍﻟﻠﻲ ﻛﻠﻨﺎ ﻧﻌﺮﻓﻪ ..؟؟ ﻳﺎ ﺍﻟﻠﻪ .. ﻓﺮﺣﺔ ﻣﺎ ﻧﻼﻗﻲ ﻣﺜﻠﻬﺎ ﻭﻻ ﺑﻌﺪ ﻣﻠﻴﻮﻥ
ﺳﻨﺔ .. ﺍﻟﺤﻤﺪ ﻟﻠﻪ ﺍﻧﻨﺎ ﺭﺩﻳﻨﺎ ﻣﺜﻞ ﻗﺒﻞ .. ﻭﺍﻟﺤﻤﺪ ﻟﻠﻪ ﺍﻥ ﻣﺴﺎﻋﺪ ﺗﻘﺒﻞ
ﻣﺼﻴﺮﻩ ﻭﺗﻘﺒﻞ ﻗﻀﺎﺀ ﺭﺏ ﺍﻟﻌﺎﻟﻤﻴﻦ ..
ﻭﻟﻜﻦ ﻧﺴﺖ ﻣﺮﻳﻢ ﺍﻟﺨﻮﻑ ﺍﻟﻠﻲ ﺑﻌﺜﻪ ﻓﻴﻬﺎ ﻣﺴﺎﻋﺪ ﻗﺒﻞ ﺟﻢ ﻳﻮﻡ
ﻭﻗﺖ ﺍﻟﻠﻲ ﻗﻂ ﻛﻞ ﺍﻟﻐﻀﺐ ﺍﻟﻠﻲ ﻓﻴﻪ ﻋﻠﻰ ﻓﺎﺗﻦ .. ﻭﻛﻴﻒ ﺍﻥ ﻓﺎﺗﻦ
ﺍﻫﻲ ﺍﻟﻤﺴﺌﻮﻟﺔ ﻋﻦ ﺍﻟﻠﻲ ﻳﺼﻴﺒﻪ .. ﻟﻜﻦ ﻻﺀ .. ﻣﺴﺘﺤﻴﻞ ﻣﺴـﺎﻋﺪ
ﻳﻜﻮﻥ ﺍﻧﺘﻘﺎﻣﻲ ﻟﻬﺎﻟﺪﺭﺟﺔ .. ﻣﺴﺎﻋﺪ ﻳﺤﺐ ﻓﺎﺗﻦ .. ﺍﻧﺎ ﻋﻤﺮﻱ ﻣﺎ ﻟﻘﻴﺖ
ﺍﺣﺪ ﻳﺤﺐ ﻭﺣﺪﺓ ﻛﺜﺮ ﻣﺴﺎﻋﺪ ﻟﻔﺎﺗﻦ .. ﺑﺲ ﺍﻟﻠﻲ ﻣﺎ ﺗﻌﺮﻓﻪ ﻣﺮﻳﻢ .. ﺍﻥ
ﺑﻴﻦ ﺍﻟﺤﺐ ﻭﺍﻟﻜﺮﻩ ﺷﻌﺮﻩ .. ﺑﺲ ﺗﻨﻘﻄﻊ .. ﺗﺘﺨﺎﻟﻂ ﻛﻞ ﺍﻟﻤﺸـﺎﻋﺮ ﻓﻴﻬﺎ ..
ﻭﻳﺼﻌﺐ ﻋﻠﻰ ﺍﻟﺸﺨﺺ ﺍﻧﻪ ﻳﻠﻘﻰ ﺍﻟﺤﺐ ﻣﻦ ﺍﻟﻜﺮﻩ ..
ﺭﺍﺣﺖ ﻣﺮﻳﻢ .. ﻭﻟﻘﺖ ﻣﺴـﺎﻋﺪ ﻳﻜﺎﺑﺪ ﺑﺄﻟﻢ ﻓﻲ ﺗﻤﺮﻳﺾ ﺭﻳﻠﻴﻪ ..
ﻭﻣﺴﻜﺖ ﻗﻠﺒﻬﺎ ﻭﻫﻲ ﺗﺸﻮﻓﻪ ﻳﺸﺪ ﻋﻠﻰ ﻧﻔﺴﻪ ﻋﺸﺎﻥ ﻳﻘﻮﻡ ..
ﻭﺍﻻﻃﺮﺍﻑ ﺍﻟﺼﻨﺎﻋﻴﺔ ﻣﺆﺫﻳﺔ ﻟﻠﻘﻠﺐ ﺑﻘﻮﺓ ﻛﺒﻴـﺮﺓ ..
ﺗﻮﻫﻢ ﻣﺮﻳﻢ ﻭﻧﻮﺭﺓ ﻳﺤﺴﻮﻥ ﺑﺎﻟﻲ ﻳﺤﺴﻪ ﺍﺧﻮﻫﻢ . ﻛﻴﻒ ﻭﺍﻫﻮ ﺍﻟﻠﻲ
ﻻﺑﺴﻬﻢ ..
ﻣﺮﻳﻢ ﻭﻫﻲ ﺗﻤﺴﺢ ﺩﻣﻮﻋﻬﺎ ﻭﺍﺧﺘﻬﺎ ﻭﺍﻗﻔﺔ ﻳﻤﻬﺎ : ﺍﻟﺤﻤﺪ ﻟﻠﻪ ﻋﻠﻰ ﻛﻞ
ﺣﺎﻝ .. ﻛﻨﺎ ﺑﻨﺨﺴﺮﻩ ﻟﻼﺑﺪ .. ﺷﻮﻓﺘﻪ ﻭﻻ ﻓﺮﻗﺎﻩ .. ﻓﺪﻳﺖ ﻗﻠﺒﻚ ﻳﺎ
ﺧﻮﻱ ..
ﻧﻮﺭﺍ : ﻣﺎ ﺗﻮﻗﻌﺖ ﺍﻧﻲ ﺍﻗﻮﻝ ﺟﺬﻱ .. ﺑﺲ ﻣﺴـﺎﻋﺪ ﻣﺎ ﻳﺴﺘﺎﻫﻞ ﺍﻟﻠﻲ
ﺻﺎﺑﻪ .. ﺍﻟﻠﻪ ﻳﺼﺒﺮﻩ ﻋﻠﻰ ﺑﻠﻮﺍﻩ
ﺍﻟﺘﻔﺘﺖ ﻣﺮﻳﻢ ﻣﺮﺓ ﺛﺎﻧﻴﺔ ﺍﻟﻰ ﺍﺧﻮﻫﺎ .. ﻭﺗﻤﺖ ﺗﻨﺎﻇﺮﻩ ﺑﺤﻨﺎﻥ .. ﻭﻫﻲ
ﺗﺤﺎﻭﻝ ﻣﻦ ﻏﻴﺮ ﺍﺩﺭﺍﻙ ﺍﻧﻬﺎ ﺗﺸﺠﻌﻪ ﻋﻠﻰ ﺍﻻﺳﺘﻤﺮﺍﺭ .. ﺍﻻﺳﺘﻤﺮﺍﺭ ..
ﻧﻌﻢ .. ﻫﺬﻱ ﻫﻲ ﻛﻠﻤﺔ ﺍﻟﺴﺮ ﻓﻲ ﻫﺎﻟﺤﻴﺎﺓ .. ﺍﻻﺳﺘﻤﺮﺍﺭ ﻟﻤﻦ ﺍﻟﻮﺍﺣﺪ
ﻳﻮﺻﻞ ﻟﻠﻲ ﻳﺒﻴﻪ ﺍﻭ ﺍﻧﻪ ﻳﻘﻂ ﺑﻨﻔﺴﻪ ﻓﻲ ﺍﻟﺘﻬﻠﻜﺔ .. ﻭﺍﺗﻤﻨﻰ ﻳﺎﺧﻮﻱ
ﺍﻥ ﺍﺳﺘﻤﺮﺍﺭﻙ ﻫﺬﺍ ﻳﻮﺻﻠﻚ ﺍﻟﻰ ﻛﻞ ﺍﻟﺨﻴـﺮ .. ﺍﻟﻠﻲ ﻳﻌﻢ ﻋﻠﻴﻚ .. ﻭﻋﻠﻰ
ﺍﻟﻠﻲ ﺣﻮﺍﻟﻴﻚ ..
ﺍﻟﻔﺼﻞ ﺍﻟﺜﺎﻧﻲ
---------------
ﻣﺮﺕ ﺍﻻﺳﺎﺑﻴﻊ ﻓﻲ ﺍﻟﻤﺪﺭﺳﺔ ﺍﻟﺼﻴﻔﻴﺔ ﻋﻦ ﻓﺎﺗﻦ ﻣﺜﻞ ﻫﺪﻭﺀ ﻣﻮﺝ ﻟﻴﻠﺔ
ﺻﻴﻒ ﺑﺎﺣﺪ ﺍﻟﺸﻄﺂﻥ .. ﻭﻛﺎﻧﺖ ﻣﺘﻘﺪﻣﺔ ﻓﻲ ﺻﻔﻬﺎ ﻣﺜﻞ ﺍﻟﻔﺼﻠﻴﻦ ﺍﻟﻠﻲ
ﻃﺎﻓﻮ .. ﺑﺲ ﻟﻔﺮﻕ ﺍﻥ ﻣﺎﻟﻬﺎ ﺍﻱ ﺻﺤﺒﺔ ﺍﻭ ﺟﻤﺎﻋﺔ ﺗﺘﺴﻠﻰ ﻭﻳﺎﻫﻢ ..
ﻫﻴﺎﻡ ﺭﺩﺕ ﺍﻟﺒﺤﺮﻳﻦ ﻭﻳﺎ ﺯﻳﺎﺩ ﻗﺒﻞ ﺍﺳﺒﻮﻉ ﻭﺍﻫﻲ ﺗﻤﺖ ﺑﺮﻭﺣﻬﺎ .. ﻓﻲ
ﻣﻠﺤﻘﻬﺎ .. ﻭﻓﻲ ﻋﺎﻟﻤﻬﺎ ﺍﻟﺼﻐﻴـﺮ .. ﺗﺘﺴﻮﻕ ﻭﺗﺮﺩ ﺑﻴﺘﻬﺎ ﻭﺗﺎﻛﻞ ﻭﺗﻨﺎﻡ
ﻭﺗﺘﻤﺸﻰ ﻭﺗﺘﻨﺰﻩ ﻟﺤﺎﻟﻬﺎ .. ﻣﺎﻟﻬﺎ ﺳﻠﻄﺎﻥ ﻋﻠﻰ ﺍﺣﺪ ﻭﻻ ﺍﺣﺪ ﻟﻪ ﺗﻤﻠﻚ
ﻋﻠﻴﻬﺎ .. ﻭﻛﻢ ﻛﺎﻥ ﺍﻟﺸﻲ ﻣﺆﻟﻢ ﻭﻣﻔﺮﺡ ﻓﻲ ﻧﻔﺲ ﺍﻟﻮﻗﺖ ..
ﺍﻓﺘﻘﺪﺕ ﻟﻠﺤﺰﻥ ﺍﻟﻠﻲ ﻋﻢ ﻗﻠﺒﻬﺎ ﻃﻮﻝ ﺫﻳﺞ ﺍﻟﻔﺘﺮﺓ ﻟﺴﺒﺐ ﺍﻭ
ﺁﺧﺮ ..ﻳﻤﻜﻦ ﺧﻼﺹ ﻛﻒ ﻗﻠﺒﻬﺎ ﻋﻦ ﺍﻟﺤﺰﻥ ﻭﺍﻻﻧﺘﻈﺎﺭ ﻟﺸﻲ ﻏﻴﺮ
ﻣﺘﻮﻗﻊ .. ﺍﻭ ﻳﻤﻜﻦ ﻣﺎ ﻋﺎﺩﺕ ﺗﻬﺘﻢ .. ﺍﻭ ﻳﻤﻜﻦ ﻫﺬﻱ ﻫﻲ ﻧﻬﺎﻳﺔ
ﺍﻟﻤﺸﺎﻋﺮ ﻋﻨﺪﻫﺎ ..
ﺍﻟﻠﻲ ﻣﻌﺎﻫﺎ ﻓﻲ ﺍﻟﻔﺼﻞ ﻛﺎﻧﻮ ﻳﺴﻤﻮﻧﻬﺎ subzero ﺍﻱ ﺍﻥ ﺑﺮﻭﺩﺗﻬﺎ ﺗﻘﻊ
ﺗﺤﺖ ﺍﻟﺼﻔﺮ .. ﻓﻬﻲ ﻣﺎ ﺗﺒﺘﺴﻢ .. ﻭﻻ ﺗﺘﻜﻠﻢ ﻭﻻ ﺗﺘﻌﺎﻣﻞ ﻣﻊ ﺍﻱ ﺍﺣﺪ
ﻓﻲ ﺍﻟﻜﻼﺳﺎﺕ ﺍﻟﻠﻲ ﺗﺎﺧﺬﻫﺎ .. ﺗﺎﺧﺬ ﺍﻟﻠﻲ ﺗﺒﻲ ﻭﺗﻄﻠﻊ ﻣﻦ ﻏﻴﺮ ﺍﻱ
ﻛﻼﻡ ﻣﺴﺘﺮﺳﻞ ﺍﻭ ﺯﺍﻳﺪ ..
ﻃﺒﻌﺎ ﻗﻄﻌﺖ ﺟﻮﺭﺝ ﻭﺯﻭﺟﺘﻬﺎ ﻣﺎﺭﺳﻴﻼ ﻣﺜﻞ ﻣﺎ ﻗﻄﻌﺖ ﺍﻟﻜﻞ .. ﻭﻫﺬﺍ
ﺍﻟﺸﻲ ﺍﻟﻠﻲ ﺁﺫﻯ ﻗﻠﺒﻬﺎ ﺑﺼﻮﺭﺓ ﺧﺎﺻﺔ .. ﻻﻧﻬﺎ ﻣﻮﺟﻮﺩﺓ ﺑﺎﻣﻴـﺮﻛﺎ .. ﻟﻜﻦ
ﺍﻫﻲ ﻣﺎ ﺭﺍﺡ ﺗﺘﻔﻬﻢ ﻣﺸﺎﻋﺮ ﺍﻟﻨﺎﺱ ﺩﺍﻡ ﺍﻥ ﻣﺸﺎﻋﺮﻫﺎ ﺍﻧﺪﺍﺳﺖ ﻛﺜﺮ ﻣﻦ
ﻣﺮﺓ .. ﻭﻣﺎ ﺭﺍﺡ ﺗﻬﺘﻢ ﺍﺑﺪﺍ ..
ﺩﺧﻠﺖ ﺍﻟﻤﻠﺤﻖ ﻭﻫﻲ ﺣﺎﻣﻠﺔ ﻋﺪﺓ ﺍﻟﺘﺴﻮﻕ ﻣﻦ ﺍﻟﺴﻮﻕ ﺍﻟﺸﻌﺒﻲ ..
ﻓﺮﺣﺎﻧﻪ ﻟﺒﻬﺠﺔ ﺍﻟﻮﺍﻥ ﺍﻟﺼﻴﻒ ﻓﻲ ﺍﻟﻤﻜﺎﻥ .. ﺻﺞ ﺍﻥ ﺍﻟﺠﻤﺎﻝ
ﻭﺍﻟﻄﺒﻴﻌﺔ ﻓﻲ ﺑﻮﺳﻄﻦ ﻣﻦ ﺍﺭﻭﻉ ﻣﺎ ﻳﻤﻜﻦ ..
ﻓﺠﺠﺖ ﺍﻟﻮﺭﻭﺩ ﺍﻟﻠﻲ ﻛﺎﻧﺖ ﺣﺎﻣﻠﺘﻬﺎ ﻭﺷﻐﻠﺖ ﺍﻟﺔ ﺍﻟﺮﺩ ﻋﻠﻰ
ﺍﻟﻤﻜﺎﻟﻤﺎﺕ .. ﻭﺭﺍﺣﺖ ﻟﻠﻤﻄﺒﺦ ﺗﺤﻂ ﺍﻟﻮﺭﺩ ﺑﺎﻻﻧﻴﺔ ..
ﻣﻜﺎﻟﻤﺘﻴﻦ ﻛﺎﻧﻮ .. ﺍﻻﻭﻟﻰ ﻣﻦ ﺍﻡ ﻫﻴﺎﻡ ﺍﻟﻠﻲ ﺍﺗﺼﻠﺖ ﻓﻴﻬﺎ ﺍﻛﺜﺮ ﻣﻦ ﻣﺮﺓ
.. ﻭﻛﺎﻧﺖ ﺗﻄﻠﺐ ﻣﻦ ﻓﺎﺗﻦ ﻓﻲ ﻫﺎﻟﻤﻜﺎﻟﻤﺔ ﺍﻧﻬﺎ ﺗﺪﻳﺮ ﺑﺎﻟﻬﺎ ﻋﻠﻰ ﺣﺎﻟﻬﺎ
ﻭﻣﺎ ﺗﻔﺘﺢ ﺍﻟﺒﺎﺏ ﻻﺣﺪ . ﻋﻠﺒﺎﻟﻬﺎ ﻓﺎﺗﻦ ﻭﺣﺪﺓ ﻳﺎﻫﻞ ﻭﻣﺎ ﺗﻌﺮﻑ ..
ﺍﻣﺎ ﺍﻟﻤﻜﺎﻟﻤﺔ ﺍﻟﺜﺎﻧﻴﺔ ﻛﺎﻧﺖ ﻣﻦ ﻫﻴﺎﻡ .. ﻭﻛﺎﻧﺖ ﺗﺘﻜﻠﻢ ﺑﺼﻮﺕ ﻣﺜﺎﺭ
ﻭﻓﺮﺣﺎﻥ ﺗﺨﺒﺮ ﻓﺎﺗﻦ ﻛﻴﻒ ﺍﻥ ﺍﻟﺒﺤﺮﻳﻦ ﺣﻠﻮﺓ ﻭﺍﻭﻝ ﻣﺎ ﻭﺻﻠﺘﻬﺎ ﺗﻤﻨﺖ
ﻟﻮ ﺍﻥ ﺯﻳﺎﺩ ﻳﺎﺧﺬﻫﺎ ﻣﺒﺎﺷﺮﺓ ﻟﻰ ﻫﻠﻪ .. ﻟﻜﻦ ﺍﻫﻢ ﻻﺯﻡ ﻳﻨﺘﻈﺮﻭﻥ ﻓﺮﺍﻕ
ﺑﻌﺾ ﻟﺠﻢ ﻳﻮﻡ ﻋﺸﺎﻥ ﺍﻟﺨﻄﺒﺔ ﺍﻟﺮﺳﻤﻴﺔ ﺍﻱ ﺍﻟﻤﻠﺠﺔ ﺑﻴﻦ ﺍﻻﻫﻞ ..
ﻭﺗﺬﻣﺮﺕ ﻟﻜﻮﻥ ﻓﺎﺗﻦ ﻣﺎ ﺑﺘﺤﻈﺮ ﻣﻠﺠﺘﻬﺎ ﻭﺍﻫﻲ ﺍﺭﻓﻴﺠﺘﻬﺎ ..
ﺑﻌﺪ ﻣﺎ ﺍﻧﺘﻬﺖ ﺍﻟﻤﻜﺎﻟﻤﺎﺕ ﻭﻗﻔﺖ ﻓﺎﺗﻦ ﺷﻮﻱ ﻓﻲ ﺍﻟﻤﻄﺒﺦ ﻭﻫﻲ ﺗﺤﺲ
ﺑﺎﻟﻔﺮﺍﻍ ﻓﻲ ﺩﺍﺧﻠﻬﺎ .. ﻭﻛﻴﻒ ﺍﻥ ﻣﺮﻳﻢ ﻃﺮﺕ ﻋﻠﻰ ﺑﺎﻟﻬﺎ ﻓﻲ ﺫﻳﺞ
ﺍﻟﻠﺤﻈﺔ ﺍﻻﺳـﺮﺓ .. ﺍﺍﺍﻩ ﻋﻠﻴﺞ ﻳﺎ ﻣﺮﻳﻢ .. ﻟﻴﺘﺞ ﻣﻌﺎﻱ ﺑﻬﺎﻟﻠﺤﻈﺔ ..
ﻟﻴﺘﻨﻲ ﺑﺲ ﺍﺷﻮﻓﺞ ﻳﺎ ﺍﻋﺰ ﺍﺭﻓﻴﺠﺔ ﻋﻠﻰ ﻗﻠﺒﻲ .. ﻻﻧﻲ ﻋﺎﺭﻓﺔ ﺍﻧﺘﻲ
ﺍﻟﻮﺣﻴﺪﺓ ﺍﻟﻠﻲ ﺑﺘﻘﺪﺭﻳﻦ ﺍﻟﻠﻲ ﺍﻧﺎ ﺍﻣﺮ ﻓﻴﻪ .. ﻭﻟﻴﺶ؟ ﻻﻧﺞ ﺍﻧﺘﻲ ﻧﺺ
ﺭﻭﺣﻲ .. ﻭﺷﻘﻴﻘﺔ ﻫﺎﻟﺪﺭﺏ ﺍﻟﻠﻲ ﺍﻧﺎ ﻣﺸﻴﺘﻪ ﻣﻦ ﻳﻮﻡ ﻭﺍﻧﺎ ﺻﻐﻴـﺮﺓ ..
ﻭﻋﻠﻰ ﻫﺎﻻﻣﻨﻴﺔ .. ﺗﺤﺮﻛﺖ ﻓﺎﺗﻦ ﺻﻮﺏ ﻏﺮﻓﺔ ﺍﻟﻨﻮﻡ .. ﻭﺳﺮﻋﺖ ﻋﻨﺪ
ﺍﺣﺪ ﺍﻟﻌﻠﺐ ﺍﻟﻠﻲ ﺗﺤﺘﻔﻆ ﺑﻬﺎ ﺑﺎﻻﺷﻴﺎﺀ ﺍﻟﻠﻲ ﻛﺎﻧﺖ ﻟﻬﺎ ﻭﻣﺎ ﺗﺒﻴﻬﺎ
ﺗﻮﺻﻠﻬﺎ ﺑﺎﻟﻤﺎﺿﻲ ..
ﻓﺠﺖ ﺍﻟﻌﻠﺒﺔ .. ﻭﻟﻘﺖ ﻓﻴﻬﺎ ﻣﻦ ﺍﻟﻠﻲ ﻣﺎ ﺗﺒﻲ ﺗﻠﻘﺎﻩ .. ﻋﻠﺒﺔ ﻫﺪﻳﺔ
ﻣﺴﺎﻋﺪ .. ﻭﺍﺷﻴﺎﺀ ﻛﺎﻧﺖ ﺗﺤﺘﻔﻆ ﺑﻬﺎ ﻭﺍﺑﺖ ﺍﻧﻬﺎ ﺗﺮﻣﻴﻬﺎ .. ﻭﻫﻨﺎﻙ ﻟﻘﺖ
ﺍﻟﺘﻠﻔﻮﻥ ﺍﻟﻠﻲ ﻛﺎﻥ ﻣﺴﺎﻋﺪ ﻣﻬﺪﻳﻪ ﺍﻳﺎﻫﺎ .. ﻛﺎﻧﺖ ﺑﻌﺪﻫﺎ ﺍﻟﺒﻄﺎﻗﺔ
ﺩﺍﺧﻠﻪ ... ﻭﻟﻜﻦ ﻳﺒﻴﻠﻬﺎ ﻓﺘﺢ ﻣﻦ ﻳﺪﻳﺪ .. ﻋﺸﺎﻥ ﺗﺸﻮﻑ ﺭﻗﻢ ﻣﺮﻳﻢ
ﺑﺪﺍﺧﻠﻬﺎ .. ﻻﻭﻝ ﻣﺮﺓ ﻣﻦ ﺑﻌﺪ ﻃﻮﻭﻝ ﻏﻴﺎﺏ ﺗﺘﺸﺠﻊ ﻓﺎﺗﻦ ﺑﺼﻮﺭﺓ
ﺟﻨﻮﻧﻴﺔ ﺍﻧﻬﺎ ﺗﻮﺻﻞ ﻟﻤﺮﻳﻢ .. ﻭﺣﺘﻰ ﺍﻧﻬﺎ ﻃﻠﻌﺖ ﻣﻦ ﺍﻟﺒﻴﺖ ﺑﺼﻮﺭﺓ
ﺳﺮﻳﻌﺔ ﻭﻟﻜﻦ ﺗﺄﺧﺮﺕ ﻋﺸﺎﻥ ﺍﻧﻬﺎ ﺗﻠﻘﻰ ﻣﺤﻞ ﺗﻔﺘﺢ ﻓﻴﻪ ﺍﻟﺨﻂ ﺍﻟﻠﻲ
ﺗﺴﻜﺮ ..
ﻛﻠﻬﺎ ﺩﻗﺎﻳﻖ ﻭﻫﻲ ﺭﺍﺩﺓ ﺍﻟﺒﻴﺖ ﻟﻠﻲ ﻧﺴﺖ ﺗﻘﻔﻠﻪ .. ﻭﻳﻮﻡ ﺩﺧﻠﺖ ...
ﻃﺎﺣﺖ ﻣﻦ ﻳﺪﻫﺎ ﺍﻻﻏﺮﺍﺽ .. ﻣﻦ ﺷﺪﺓ ﺍﻟﺼﺪﻣﺔ ..
( (ﻗﺒﻞ ﺍﺳﺒـــﻮﻋﻴﻦ ) )
ﺗﻌﺎﻓﻰ ﻣﺴـﺎﻋﺪ ﻭﻗﺪﺭ ﺍﻧﻪ ﻳﻄﻠﻊ ﻣﻦ ﺍﻟﻤﺴﺘﺸﻔﻰ .. ﻭﺗﻈﺎﻫﺮ ﺑﺎﻟﺸﺠﺎﻋﺔ
ﻋﺸﺎﻥ ﺑﺲ ﻳﻮﺻﻞ ﻟﻠﻲ ﺍﻫﻮ ﻳﺒﻴﻪ ﺑﻜﻞ ﻗﻮﺗﻪ .. ﻣﺮﻳﻢ ﻣﺎ ﻗﺪﺭﺕ ﺗﻮﺻﻞ
ﻟﺸﻲ ﻭﺍﺣﺪ ﻣﻦ ﺍﻟﻠﻲ ﻳﻤﺮ ﻓﻴﻪ ﺑﺎﻝ ﻣﺴـﺎﻋﺪ ﻣﻦ ﺯﻭﺩ ﺯﻳﻒ ﺍﻟﺴﻌﺎﺩﺓ
ﻟﻠﻲ ﻛﺎﻥ ﻣﺤﺎﻳﻂ ﺭﻭﺣﻪ ﺑﻪ .. ﻛﻞ ﺍﻟﻠﻲ ﻳﺪﻭﺭ ﻓﻲ ﺑﺎﻟﻪ ﻛﺎﻧﺖ ﺍﻟﻄﺮﻳﻘﺔ
ﺍﻟﻠﻲ ﺑﺘﻘﺪﺭﻩ ﺍﻧﻪ ﻳﻮﺻـﻞ ﺍﻟﻰ ﻓﺎﺗﻦ .. ﺍﻭﻝ ﺷﻲ ﻓﻜﺮ ﻓﻲ ﺍﻫﻮ ﺯﻳـﺎﺩ ..
ﻻﻧﻪ ﻭﻳﺎ ﻓﺎﺗﻦ ﺑﻨﻔﺲ ﺍﻟﺠﺎﻣﻌﺔ .. ﻭﻻﺯﻡ ﺍﻭﻝ ﻣﺎ ﻳﻮﺻﻞ ﺍﻣﻴﺮﻛﺎ ﻳﺰﻭﺭﻩ
ﻣﻦ ﻏﻴﺮ ﺍﻱ ﺗﻌﻄﻴـﻞ ..
ﻛﺎﻥ ﺑﻴﺘﻬﻢ ﻳﺴﺘﻘﺒﻞ ﺍﻟﺰﻭﺍﺭ ﻣﻦ ﺍﻻﻫﻞ ﻭﻛﻞ ﺯﻣﻼﺀ ﻣﺴـﺎﻋﺪ ﻭﺍﺻﺪﻗﺎﺋﻪ
ﻭﻣﺮﻳﻢ ﻭﻧﻮﺭﺍ ﺗﺤﻤﻠﻮ ﻧﺼﻴﺐ ﻛﺒﻴﺮ ﻣﻦ ﻫﺎﻻﻣﻮﺭ .. ﻻﻥ ﻟﺆﻱ ﻓﻲ ﺣﺎﻟﺔ
ﻋﺎﻃﻔﻴﺔ ﺷﺪﻳﺪﺓ .. ﻣﺎ ﻳﺴﻤﻊ ﺍﻻ ﻟﻌﺒﺪ ﺍﻟﺤﻠﻴﻢ ﻭﻗﻠﺒﻪ ﺿﺎﻳﻊ .. ﻣﺎ ﻳﺪﺭﻱ
ﺷﺎﻟﺤﻞ ﺑﺎﻟﻨﺴﺒﺔ ﻟﻠﻤﺸﻜﻠـﺔ ﺍﻟﻠﻲ ﻳﻮﺍﺟﻬﻬﺎ .. ﻏﺰﻻﻥ ﻭﻫﺎﻟﺒﺪﺭ ﺍﻟﻠﻲ ﻣﺎﺩﺭﻱ
ﻣﻦ ﻭﻳﻦ ﻃﻠﻊ ﻟﻬﻢ ... ﺣﺎﻭﻟﺖ ﻣﺮﻳﻢ ﺍﻧﻬﺎ ﺗﺴﺘﻌﻠﻢ ﻋﻦ ﺍﻟﻠﻲ ﻳﺼﻴﺐ
ﻟﺆﻱ ﻭﺍﻟﻠﻲ ﻣﺨﻠﻴﻪ ﺑﻬﺎﻟﺤﺎﻟﺔ ﺍﻟﻨﻔﺴﻴﺔ ﺍﻟﺼﻌﺒﺔ .. ﻟﻜﻦ ﻋﺒﺜﺎ ﺍﻟﻤﺤﺎﻭﻟﺔ
ﻻﻧﻪ ﺍﺣﺰﻥ ﻣﻦ ﺍﻧﻪ ﻳﺘﻜﻠﻢ ..
ﻭﻓﻲ ﻳﻮﻡ ﻳﺎﺗﻬﻢ ﺯﻳﺎﺭﺓ ﻣﻦ ﻋﺎﻳﻠﺔ ﺍﻟﻜﻨﺪﻱ ﻛﻠﻬﺎ ﺍﻟﻠﻲ ﻃﺒﻌﺎ ﻗﺒﻞ ﻣﺎ
ﺍﻳﻮﻭﻥ ﺍﺗﺼﻠﻮﺍ ﻓﻲ ﻟﺒﻴﺖ ﻭﻣﺴﺎﻋﺪ ﺣﺪﺩ ﻟﻬﻢ ﺍﻟﻴﻮﻡ ﺍﻟﻠﻲ ﻳﻘﺪﺭﻭﻥ
ﺍﻳﻮﻥ ﻓﻴﻪ .. ﻭﻃﺒﻌﺎ ﺍﻻﺳﺘﻌﺪﺍﺩﺍﺕ ﻛﺎﻧﺖ ﻋﻠﻰ ﻗﺪﻡ ﻭﺳﺎﻕ ..
ﻣﺮﻳﻢ ﻗﺒﻞ ﺳﺎﻋﺔ ﻣﻦ ﻭﺻﻮﻝ ﺍﻟﺰﻭﺍﺭ ﺯﻫﺒﺖ .. ﻭﺭﺍﺣﺖ ﻟﻐﺮﻓﺔ ﺍﺧﻮﻫﺎ
ﺍﻟﻠﻲ ﺻﺎﺭﺕ ﺗﺤﺖ ﺑﺪﻝ ﻓﻮﻕ .. ﻭﺍﺳﺘﻐﻠﻮﺍ ﺑﻬﺎﻟﺸﻲ ﺍﻟﻐﺮﻓﺔ ﺍﻟﻔﺎﺿﻴﺔ
ﺍﻟﻠﻲ ﻣﺤﺪ ﻳﺴﺘﻌﻤﻠﻬﺎ ..
ﺩﻗﺖ ﺍﻟﺒﺎﺏ ﻭﺍﻧﺘﻈﺮﺕ ﺭﺩ ﻣﻦ ﻣﺴﺎﻋﺪ ﺍﻟﻠﻲ ﻧﺎﺩﻯ ﻋﻠﻴﻬﺎ : ﺩﺷﻲ ﻣﺮﻳﻢ ..
ﺩﺧﻠﺖ ﻣﺮﻳﻢ ﻭﻫﻲ ﻣﺒﺘﺴﻤﺔ ﻻﺧﻮﻫﺎ ﺍﻟﻠﻲ ﻛﺎﻥ ﻗﺎﻋﺪ ﻭﻫﻮ ﻳﺪﺧﻞ
ﺍﻟﺪﺑﻮﺱ ﻓﻲ ﺍﻟﺜﻮﺏ : ﻋﻨﻚ ﻋﻨﻚ ...
ﺭﺍﺣﺖ ﻟﻌﻨﺪﻩ ﻭﺳﺤﺒﺖ ﺍﻟﻜﺒﻚ ﻭﺑﺪﺕ ﻫﻲ ﺍﻟﻠﻲ ﺗﺪﺧﻠﻪ ﻭﻓﻲ ﻇﺮﻑ
ﺛﻮﺍﻧﻲ ﻛﻤﻠﺖ ﺍﻟﺸﻐﻠﺔ ..
ﻣﺴﺎﻋﺪ ﻭﻫﻮ ﺑﺸﺒﻪ ﺍﻻﺑﺘﺴﺎﻡ : ﻟﻮ ﻣﺎ ﺩﺧﻠﺘﻲ ﺟﺎﻥ ﻣﺎ ﻛﻤﻞ ﺍﻟﺸﻐﻞ ..
ﻣﺮﻳﻢ : ﻋﺎﺩﻱ ﻣﺎﺍﻥ .. ﻣﻦ ﺟﺬﻱ ﺍﻟﻠﻪ ﺧﻠﻖ ﺍﻟﺨﻮﺍﺕ ..
ﺍﺑﺘﺴﻢ ﻣﺴﺎﻋﺪ : ﻟﻮ ﻛﻞ ﺍﻟﺨﻮﺍﺕ ﻣﺜﻠﺞ ﺟﺎﻥ ﺍﻟﺪﻧﻴﺎ ﺑﺨﻴﺮ
ﻣﺮﻳﻢ ﻭﻫﻲ ﻓﺎﺟﺔ ﻋﻴﻮﻧﻬﺎ ﺑﻔﻜﺎﻫﺔ : ﻳﺎ ﺍﻟﻠﻪ .. ﻣﺠﺎﻣﻠﺔ .. ﺛﺎﻧﻜﻴﻮﻭﻭ
ﻭﺍﻳﺪ ﻭﺍﻳﺪ .. ﺍﺳﻜﺖ ﻻ ﺍﺻﺪﻕ ﺭﻭﺣﻲ ﻟﻜﻦ ..
ﺿﺤﻚ ﻣﺴﺎﻋﺪ ﻣﻦ ﻏﻴﺮ ﻧﻔﺲ ﻭﻟﻮ ﺍﻥ ﻣﺮﻳﻢ ﺗﺴﺘﺎﻫﻞ ﻛﻞ ﺍﻟﺨﻴﺮ ..
ﻭﻣﻦ ﺑﻌﺪ ﻫﺎﻟﻀﺤﻜﺔ .. ﻣﺎ ﻟﻘﻰ ﻻ ﺩﻓﻰ ﻳﺪﻫﺎ ﺍﻟﺼﻐﻴﺮﺓ ﻳﻨﺘﺸﺮ ﻋﻠﻰ
ﺟﻠﺪﻩ .. ﺭﻓﻊ ﻋﻴﻮﻧﻪ ﻟﻬﺎ ﺑﻜﻞ ﻫﺪﻭﺀ ﻭﻛﻞ ﻣﺤﺒﺔ
ﻣﺮﻳﻢ : ﻣﻌﻠﻴﻪ ﺍﺧﻮﻱ ... ﻓﻲ ﺍﻟﺒﻠﺪﺍﻥ ﺍﻟﻜﺒﻴﺮﺓ .. ﻣﺜﻞ ﻫﻼﺷﻴﺎﺀ
ﺍﻟﺼﻐﻴﺮﺓ .. ﺗﺼﻴﺮ ..
ﻣﺎﻓﻬﻢ ﻣﺴﺎﻋﺪ ﺍﻟﻲ ﻗﺎﻟﺘﻪ ﻟﻜﻦ ﺷﻲ ﻣﻦ ﺍﻟﺤﻨﺎﻥ ﺍﻟﻲ ﺣﺴﻪ ﻓﻲ ﻟﻤﺴﺘﻪ
ﺧﻼﻩ ﻳﺘﻌﺰﺍ ﺑﻌﺰﺍ ﺍﻟﻠﻪ ﻋﺰ ﻭﺟﻞ .. ﻭﻣﻦ ﺑﻌﺪﻫﺎ ﺗﺮﻛﺘﻪ ﻣﺮﻳﻢ ﻭﺭﺍﺣﺖ
ﺗﺤﺖ ﺗﻌﺎﺑﻞ ﺍﻣﻬﺎ ﻭﺍﺧﺘﻬﺎ ﻓﻲ ﺍﻟﺘﺠﻬﻴﺰﺍﺕ ..
ﻭﻭﺻﻠﺖ ﻋﺎﻳﻠﺔ ﺍﻟﻜﻨﺪﻱ ﺍﻟﻰ ﺍﻟﺒﻴﺖ .. ﻟﺆﻱ ﺍﻟﻠﻲ ﻣﺎ ﻛﺎﻥ ﻳﺪﺭﻱ
ﺑﺤﻀﻮﺭﻫﻢ ﺍﻫﻮ ﺍﻟﻠﻲ ﻓﺞ ﺍﻟﺒﺎﺏ ﺑﻮﻳﻬﻪ ﺍﻟﺤﺰﻳﻦ ﻭﺍﺳﺘﻘﺒﻠﻬﻢ ﻭﺍﺣﺪ ﻭﺭﻯ
ﺍﻟﺜﺎﻧﻲ ﻭﻫﻮ ﻣﻮ ﻋﺎﺭﻑ ﺑﺰﻳﺎﺭﺗﻬﻢ ..
ﻟﺆﻱ : ﺗﺎﻣﺮ ﻋﻠﻰ ﺷﻲ ﻋﻤﻲ؟
ﺑﻮ ﺯﻳﺎﺩ : ﻗﻮﻝ ﻻﺧﻮﻙ ﻣﺴﺎﻋﺪ ﺍﻥ ﻫﺸﺎﻡ ﺍﻟﻜﻨﺪﻱ ﻭﺻﻞ ..
ﺍﻭﻝ ﻣﺎ ﺳﻤﻊ ﺍﻻﺳﻢ ﻟﺆﻱ ﺍﻧﺼﺪﻡ .. ﻭﻣﺎ ﺻﺪﻕ ﺍﻥ ﺍﻟﻠﻲ ﺟﺪﺍﻣﻪ ﺍﻫﻮ
ﺍﺑﻮ ﻏﺰﻻﻥ .. ﻭﻋﻠﻰ ﻃﻮﻝ ﻣﺮ ﺑﻌﻴﻮﻧﻪ ﺍﻟﻰ ﻋﻨﺪ ﺍﻟﺴﻴﺎﺭﺓ ﻭﻳﻦ ﻣﺎ ﻛﺎﻧﺖ
ﻏﺰﻻﻥ ﻭﺍﻗﻔﺔ ﻭﻳﺎ ﺍﻣﻬﺎ ﻭﺍﺧﺘﻬﺎ .. ﻭﻓﻮﻕ ﻛﻞ ﻫﺬﺍ .. ﻻﺑﺴﺔ ﻋﺒﺎﻳﺔ
ﻣﺤﺘﺮﻣﺔ ﻭﺍﻟﺸﻴﻠﺔ ﻣﻐﻄﻴﺔ ﺭﺍﺳﻬﺎ .. ﻭﻛﺎﻥ ﻣﻈﻬﺮﻫﺎ ﻣﺒﻌﺚ ﻟﻠﺮﺍﺣﺔ
ﻭﺍﻟﺴﺮﻭﺭ ..
ﺍﻧﺘﺒﻪ ﻟﺆﻱ ﺍﻟﻰ ﻧﻔﺴﻪ ﻭﻭﺻﻞ ﺑﻮ ﺯﻳﺎﺩ ﻭﻭﻟﺪﻩ ﺍﻟﻠﻲ ﻛﺎﻥ ﻣﻌﺎﻩ ﺍﻟﻰ
ﺩﻳﻮﺍﻧﻴﺔ ﺍﻟﺮﻳﺎﻳﻴﻞ .. ﺍﻣﺎ ﻧﻮﺭﺍ ﻭﻣﺮﻳﻢ ﻓﺘﻮﻟﻮ ﺍﻟﺤﺮﻳﻢ ﻋﻨﺪ ﺍﻟﺒﺎﺏ
ﻭﺩﺧﻠﻮﻫﻢ ﺍﻟﻰ ﺍﻟﺼﺎﻟﺔ ﺍﻟﺮﺋﻴﺴﻴﺔ ﻭﻳﻦ ﻣﺎ ﻛﺎﻧﺖ ﺍﻡ ﻣﺴﺎﻋﺪ ﻗﺎﻋﺪﺓ
ﻭﻫﻲ ﻣﻨﺘﻈﺮﺗﻬﻢ ..
ﺣﺎﻭﻝ ﻣﺴـﺎﻋﺪ ﺍﻧﻪ ﻳﺘﻨﻔﺲ ﻟﻜﻦ ﻣﺎ ﻗﺪﺭ .. ﺷﻲ ﻏﺮﻳﺐ ﻛﺎﻥ ﻃﺎﻏﻲ
ﻋﻠﻴﻪ ﺑﻬﺎﻟﻠﺤﻈﺔ .. ﻣﺎ ﻳﺪﺭﻱ ﻟﻴﺶ ﺍﻥ ﺍﻟﻠﻴﻠﺔ ﺻﻌﺒﺔ ﻋﻠﻴﻪ ﻓﻄﻠﻌﺘﻪ ﺟﺪﺍﻡ
ﺑﻮ ﺯﻳﺎﺩ ﻭﺍﻫﻠﻪ .. ﻳﻤﻜﻦ ﻻﻧﻬﻢ ﻧﺎﺱ ﻣﻘﺮﺑﻴﻦ ﻟﻪ ﻭﻣﺎ ﻛﺎﻥ ﻳﺒﻴﻬﻢ
ﻳﺤﺴﻮﻥ ﻟﻠﻌﺠﺰ ﻓﻴﻪ ﺑﺎﻱ ﺷﻜﻞ ﻣﻦ ﺍﻻﺷﻜﺎﻝ ..
ﺩﺍﺱ ﻣﺴﺎﻋﺪ ﻋﻠﻰ ﻗﻠﺒﻪ ﻭﺣﺎﻭﻝ ﺍﻧﻪ ﻳﻜﺘﻢ ﻟﻠﻲ ﻓﻴﻪ ﻭﻃﻠﻊ ﻣﻦ ﺍﻟﻐﺮﻓﺔ
ﻭﻫﻮ ﺣﺎﻣﻞ ﻋﻜﺎﺯ ﻳﺴﺎﻋﺪﻩ ﻋﻠﻰ ﺍﻟﻤﺸﻲ ﻻﻥ ﺍﻻﻳﺎﻡ ﺍﻻﻭﻟﻰ ﺑﺎﻻﻃﺮﺍﻑ
ﺍﻟﺼﻨﺎﻋﻴﺔ ﺃﺯﻣﺖ ﻋﻠﻴﻪ ﺍﻟﻮﺿﻊ ﻭﻟﻜﻦ ﻗﺪﺭ ﺍﻧﻪ ﻳﻤﺸﻲ ﺑﻜﻞ ﻗﻮﺓ
ﻭﺻﻼﺑﺔ ﺍﻇﻬﺮﺕ ﻋﻜﺲ ﺍﻟﻠﻲ ﺍﻫﻮ ﻳﻤﺮ ﻓﻴﻪ ﻣﻦ ﺩﺍﺧﻠﺔ ﻣﻦ ﻫﺸﺎﺷﺔ
ﻭﺧﻮﻑ ﻣﻦ ﺍﻟﻨﺎﺱ ..
ﻃﺎﻑ ﺍﻟﺼﺎﻟﺔ ﻭﻭﻗﻒ ﻳﺴﻠﻢ ﻋﻠﻰ ﺍﻡ ﺯﻳﺎﺩ ﻭﺍﻟﺒﻨﺎﺕ ﻗﺒﻞ ﻻ ﻳﺘﻮﺟﻪ ﺍﻟﻰ
ﺍﻟﺪﻳﻮﺍﻧﻴﺔ ﻣﻦ ﺍﻟﻤﻤﺮ ﺍﻟﺜﺎﻧﻲ .. ﻭﻣﺮﻳﻢ ﺍﻟﻠﻲ ﻟﺤﻘﺘﻪ ﻋﺸﺎﻥ ﺗﻌﺎﻭﻧﻪ ﻭﻳﺎ
ﺍﻟﻌﺘﺒﺎﺕ ..
ﻣﺴﺎﻋﺪ : ﻣﺮﻳﻢ ﺧﻠﻴﻨﻲ .. ﺍﻧﺎ ﺑﺮﻭﺣﻲ ﺑﻄﻮﻓﻬﺎ
ﻣﺮﻳﻢ ﻭﻫﻲ ﺗﺒﺘﺴﻢ : ﺍﻟﻴﻮﻡ ﻻ .. ﺧﻠﻨﻲ ﺍﺩﻟﻌﻚ ﻋﺎﺍﺍﺩ ﻭﻟﻠﻪ ﺍﻭﻝ ﺭﻳﻞ
ﺑﻬﺎﻟﺪﻧﻴﺎ ﻣﺎ ﻳﺮﺿﻰ ﻟﺪﻟﻊ ﺍﻟﺤﺮﻳﻢ
ﻣﺴﺎﻋﺪ ﻭﻫﻮ ﻳﺒﻌﺪ ﻋﻴﻮﻧﻪ ﻋﻦ ﻭﻳﻪ ﻣﺮﻳﻢ : ﻳﺪﻟﻊ ﺍﻟﺮﻳﺎﻳﻴﻞ ﺣﺮﻳﻤﻬﻢ ..
ﻭﺍﻧﺎ ﺣﺮﻣﺘﻲ ﺿﺎﻳﻌﺔ .. ﻓﺄﻋﺬﺭﻳﻨﻲ ﻟﻮ ﻣﺎ ﻛﺎﻧﺖ ﻣﺜﻞ ﺍﻟﺮﻳﺎﻳﻴﻞ ﻻﻧﻲ ﻣﻮ
ﻣﺜﻠﻬﻢ ..
ﺗﺼﻠﺒﺖ ﻣﺮﻳﻢ ﻣﻜﺎﻧﻬﺎ ﻟﻠﺤﻈﺔ .. ﻭﻧﺎﻇﺮﺕ ﻣﺴﺎﻋﺪ ﻣﺒﺎﺷﺮﺓ ﻣﻦ ﺑﻌﺪ
ﻛﻠﻤﺘﻪ .. ﻭﻟﻜﻨﻬﺎ ﻣﺎ ﻗﺪﺭﺕ ﺗﻤﻠﻚ ﺷﻲ ﻣﻦ ﻣﻼﻣﺢ ﻭﻳﻬﻪ ﻻﻧﻪ ﺗﺮﻙ ﻳﺪﻫﺎ
ﻭﺭﺍﺡ ﻳﻤﺸﻲ ﻭﻫﻮ ﻳﻌﺮﻱ ﺍﻟﻰ ﺍﻟﺪﻳﻮﺍﻧﻴﺔ ﺍﻟﻠﻲ ﻃﻖ ﺑﺎﺑﻬﺎ ﻭﺍﻟﺘﻔﺖ ﺍﻟﻰ
ﻣﺮﻳﻢ ﺍﻟﻠﻲ ﻛﺎﻧﺖ ﺑﻌﺪﻫﺎ ﻭﺍﻗﻔﺔ .. ﺍﻧﻔﺘﺢ ﺍﻟﺒﺎﺏ ﻭﻛﺎﻥ ﻟﺆﻱ ﺍﻟﻠﻲ ﻋﺎﻭﻧﻪ
ﻭﻣﺮﻳﻢ ﺳﺮﻋﺎﻥ ﻣﺎ ﺍﻧﻔﺞ ﺍﻟﺒﺎﺏ .. ﺍﺧﺘﻔﺖ ﺍﻟﻰ ﺩﺍﺧﻞ ﺍﻟﺒﻴﺖ ..
ﺍﻭﻝ ﻣﺎ ﺩﺧﻞ ﻣﺴﺎﻋﺪ ﻛﺎﻥ ﺭﺍﺳﻪ ﻣﻮﻃﻰ ﺑﺎﻻﺭﺽ ﻭﻳﻮﻡ ﺭﻓﻌﻪ ﻟﻘﻰ ﺑﻮ
ﺯﻳﺎﺩ ﻭﺍﻗﻒ ﺟﺪﺍﻣﻪ ﻭﻫﻮ ﻣﺒﺘﺴﻢ ﻓﻲ ﻭﻳﻬﻪ ﺑﺤﻨﺎﺍﻥ ﺍﻻﺑﻮﺓ : ﻫﺬﺍ ﻫﻮ
ﺍﻟﺒﻄﻞ ... ﺍﺳﺪ ﻭﻻ ﻛﻞ ﺍﻻﺳﻮﻭﻭﺩ
ﺗﻼﻳﻤﻮ ﺍﻻﺛﻨﻴﻦ ﺑﻤﺤﺒﺔ ﺍﺑﻮﻳﺔ ﻭﺻﺪﺍﻗﺔ ﻋﻈﻴﻤﺔ ﻓﻴﻤﺎ ﺑﻴﻨﻬﻢ ... ﻭﻳﻮﻡ
ﺗﺤﺮﻙ ﺍﺑﻮ ﺯﻳﺎﺩ ﻋﻨﻪ ﺍﻟﺘﻔﺖ ﻣﺴﺎﻋﺪ ﺍﻟﻰ ﺍﻟﺸﺨﺺ ﺍﻟﻠﻲ ﻣﺎ ﺗﻮﻗﻌﻪ
ﻳﻜﻮﻥ ﻣﻮﺟﻮﺩ .. ﺯﻳﺎﺍﺩ ..
ﻭﻗﻒ ﺯﻳﺎﺩ ﻭﻫﻮ ﻣﺒﺘﺴﻢ .. ﻭﻛﺎﻧﻪ ﻓﻬﻢ ﻧﻈﺮﺓ ﻣﺴـﺎﻋﺪ ﺍﻟﻤﻨﺼﺪﻣﺔ : ﺣﻤﺪ
ﻟﻠﻪ ﻋﻠﻰ ﺍﻟﺴﻼﻣﺔ ﻳﺎ ﻣﺴﺎﻋﺪ ﻭﺍﺟﺮ ﻭﻋﺎﻓﻴﺔ ﻳﺎ ﺧﻮﻱ
ﻣﺴﺎﻋﺪ ﻭﻫﻮﻳﻠﻢ ﺯﻳﺎﺩ ﺳﻜﺮ ﻋﻴﻮﻧﻪ ﻭﻛﺎﻧﻪ ﻟﻘﻰ ﺍﻟﻠﻲ ﻳﺒﺮﺩ ﺣﺮ ﻗﻠﺒﻪ
ﻋﻠﻰ ﻓﺎﺗﻦ .. : ﺍﻟﻠﻪ ﻳﺴﻠﻤﻚ ﻭﻳﻌﺎﻓﻴﻚ ... (ﺗﺤﺮﻙ ﻣﻦ ﻋﻨﺪﻩ ﻣﺴﺎﻋﺪ
ﻭﻃﺎﻟﻊ ﺯﻳﺎﺩ ﻓﻲ ﻋﻴﻮﻧﻪ ) ﺗﺪﺭﻱ ﺷﻜﺜﺮ ﺩﻋﻴﺖ ﻟﻠﻪ ﺍﻧﻲ ﺍﻟﻘﺎﻙ ..
ﺯﻳﺎﺩ ﺑﺼﻮﺕ ﻭﺍﻃﻲ : ﻣﻮ ﺍﻟﺤﻴﻦ .. ﺍﻣﺮ ﻋﻠﻴﻚ ﺑﻮﻗﺖ ﺛﺎﻧﻲ ﺍﻥ ﺷﺎﺀ ﺍﻟﻠﻪ
ﻭﺍﻋﻠﻤﻚ ﺑﻜﻞ ﺷﻲ ..
ﺗﺤﺮﻙ ﺯﻳﺎﺩ ﺑﻌﻴﺪ ﻋﻦ ﻣﺴﺎﻋﺪ ﻟﻜﻨﻪ ﻣﺴﻜﻪ ﺑﻴﺪﻩ ﺑﻘﻮﺓ ﻭﻫﻮ ﺑﻌﺪﻩ
ﻳﻨﺎﻇﺮﻩ ﺑﻐﺮﺍﺑﻪ .. ﺍﻧﺘﺒﻪ ﻟﻪ ﺯﻳﺎﺩ ﻭﺗﻜﻠﻢ ﻣﺴﺎﻋﺪ ﺑﺼﻮﺕ ﺍﻗﺮﺏ ﺍﻟﻰ
ﺍﻟﻬﻤﺲ ..
ﻣﺴـﺎﻋﺪ : ﺷﻠﻮﻧﻬﺎ؟؟؟
ﺯﻳﺎﺩ ﻭﻫﻮ ﻳﺘﻘﺮﺏ ﻣﻨﻪ ﻭﻳﺸﻮﻑ ﺍﻟﺤﺐ ﺍﻟﻌﻈﻴﻢ ﺍﻟﻠﻲ ﺗﺠﻠﻰ ﺑﻌﻴﻮﻥ
ﻣﺴﺎﻋﺪ : ﺑﻌﺪﻫﺎ ﻣﻮ ﺑﺨﻴﺮ .