الفصل 32
ﺑﻌﺪ ﻣﺮﻭﺭ 8 ﺃﺷﻬــﺮ
ﻭﺻﻠﺖ ﻣﺮﻳﻢ ﺍﻟﻤﺴـﺘﺸﻔﻰ ﻭﻫﻲ ﺣﺎﻣﻠﺔ ﺍﻻﻏﺮﺍﺽ ﺍﻟﻠﻲ ﻧﺎﻗﺼﺔ
ﻣﺴـﺎﻋﺪ .. ﻛﺎﻧﺖ ﻣﻐﻄﻴﺔ ﻋﻴﻮﻧﻬﺎ ﺑﺎﻟﺸﻴﻠﺔ ﻣﻦ ﺷﺪﺓ ﻭﺣﺮﺍﺭﺓ ﺍﻟﺸﻤﺲ
ﺍﻟﻠﻲ ﻣﺠﺎﺑﻠﺘﻬﺎ .. ﻭﻗﺒﻞ ﻻ ﺗﺪﺧﻞ ﺍﻟﻤﺴﺘﺸﻔﻰ ﻣﺪﺕ ﺑﻌﻴﻮﻧﻬﺎ ﺍﻟﻰ ﺍﻻﻓﻖ
ﺍﻟﺒﻌﻴﺪ .. ﺗﻤﺮ ﺍﻟﻔﺼﻮﻝ ﻭﺍﻟﻤﻮﺍﺳﻢ ﻭﺍﺣﻨﺎ ﺑﻌﺪﻧﺎ ﺑﻬﺎﻟﻈﺮﻭﻑ .. ﺍﻟﻠﻪ ﻳﻌﻴﻦ
ﺍﻟﺠﻤﻴـﻊ ..
ﺍﺑﺘﺴﻤﺖ ﺍﻟﻰ ﻣﻮﻇﻔﺔ ﺍﻻﺳﺘـﻘﺒﺎﻝ ﺍﻟﻠﻲ ﻛﻮﻧﺖ ﻣﻌﺎﻫﺎ – ﻟﻄﻮﻝ ﺍﻟﻔـﺘﺮﺓ
ﺍﻟﻠﻲ ﻗﻈﻮﻫﺎ ﻓﻲ ﻫﺎﻟﻤﺴﺘـﺸﻔﻰ – ﻋﻼﻗﺔ ﻣﻮﺩﺓ ﻭﻣﺤﺒﺔ ﺗﻄﻮﻑ
ﺑﺎﻻﺑﺘﺴﺎﻣﺔ ﻭﺍﻟﺴﻼﻡ ﺍﻟﻠﻲ ﻧﺎﺑﻊ ﻣﻦ ﺍﻟﻘﻠﺐ .. ﺍﻭ ﻳﻤﻜﻦ ﻧﺎﺑﻊ ﻣﻦ ﺍﻟﺸﻌﻮﺭ
ﺑﺎﻟﻔﺮﺍﻍ ﺍﻭ ﺍﻟﺨﻮﻑ .. ﻭﺗﻤﺖ ﺗﻤﺸﻲ ﻭﻫﻲ ﺗﺤﺎﻭﻝ ﺍﻧﻬﺎ ﺗﺪﺍﺭﻱ ﺍﻟﻠﻲ
ﻓﻴـﻬﺎ ﻣﺜﻞ ﻣﺎ ﺳﻮﺕ ﻗﺒﻞ ﻓﺘﺮﺓ ﻃﻮﻳـﻠﺔ .. ﺛﻤﺎﻧﻴﺔ ﺷﻬﻮﺭ ﻃﺎﻓﺖ ..
ﻭﻫﺎﻟﺜﻤﺎﻧﻴﺔ ﺷﻬﻮﺭ ﻣﺎ ﺣﺴﺖ ﻓﻴﻬﺎ ﺍﻻ ﻭﻛﺎﻧﻬﺎ ﺛﻤﺎﻧﻴﺔ ﺍﻳﺎﻡ .. ﻭﻛﺎﻥ ﻳﻮﻡ
ﺍﻟﺤﺎﺩﺙ ﻳﻨﻌﺎﺩ ﺑﻌﻴﻮﻧﻬﺎ ﻛﻞ ﻣﺮﺓ .. ﻭﺷﻠﻮﻥ ﺍﻥ ﺍﻟﻔﺮﺡ ﺍﻧﻘﻠﺐ ﺍﻟﻰ ﻋﺰﺍ ..
ﻭﺍﻟﻜﻞ ﻇﻦ ﺍﻥ ﻧﻮﺭﺓ ﻣﻨﺤﻮﺳﺔ ﺍﻟﻠﻲ ﺑﻴﻮﻡ ﻋﺮﺳﻬﺎ ﺍﺧﻮﻫﺎ ﻳﻤـﻮﺕ ..
ﺭﻛﺒﺖ ﺍﻟﻤﺼـﻌﺪ ﻭﻫﻲ ﻣﺜﻞ ﻛﻞ ﻣﺮﺓ ﺗﺪﺧﻞ ﺍﻟﻤﺴﺘﺸـﻔﻰ ﺗﻄﺮﻱ ﻋﻠﻰ
ﺑـﺎﻟﻬﺎ ﻓﺎﺗﻦ ﺍﻟﻠﻲ ﺍﺧﺘـﻔﺖ ﻋﻦ ﺍﻟﻜـﻞ .. ﻭﻣﺎ ﺍﺣﺪ ﻳﻌـﺮﻑ ﻋﻨﻬﺎ ﺷﻲ
ﻭﺍﻟﻠﻲ ﻏﻴـﺮﺕ ﺣﺘﻰ ﺳﻜـﻨﻬﺎ .. ﺿﺎﻋﺖ ﻓـﺎﺗﻦ ﻟﻼﺳﻒ ﺑﻐﺮﺑﺔ ﻣﺘﻮﺍﺻـﻠﺔ ..
ﻣﺤﺪ ﻳﻌﻠﻢ ﺑﻬـﺎ ﺍﻟﻰ ﺭﺏ ﺍﻟﻌﺎﻟﻤﻴـﻦ .. ﺍﻟﻠﻲ ﻋﺮﻓﻮﻩ ﻋﻨﻬﺎ ﺍﻧﻬﺎ ﺑﺨﻴـﺮ ..
ﻭﺑﺼﺤﺔ ﻭﺳﻼﻣﺔ .. ﻭﺩﺭﺍﺳﺘﻬﺎ ﻣﺎﺷﻴـﺔ .. ﻟﻜﻦ ﻛﻞ ﻫﺬﺍ ﻛﺎﻥ ﻋﺒﺎﺭﺓ ﻋﻦ
ﺗﻠﻔﻴﻘﺎﺕ ﻣﺮﻳﻢ ﺍﺩﺭﻯ ﺑﻬﺎ .. ﻻﻥ ﻓﺎﺗﻦ ﻭﺻﻠﺖ ﺍﻟﻰ ﻣﺪﺭﻙ .. ﺍﻧﻬﺎ ﺣﺒﺖ
ﻣﺴـﺎﻋﺪ ﻭﻟﻜﻦ ﺟﺮﺣﻬﺎ ﺍﻟﻠﻲ ﺗﻐﻨﺖ ﺑﻪ .. ﻣﺎ ﺭﺍﺡ ﻳﺘﺮﻛﻬﺎ ﻋﻠﻰ ﻫﺪﺍﺍﺍﻱ
ﺍﻻ ﺍﺫﺍ ﻣﺴـﺎﻋﺪ ﻳﺎﻫﺎ .. ﻭﻣﺴـﺎﻋﺪ ﺍﻟﻠﻲ ﺷﻜﻠﻪ ﺑﻴﻄـﻮﻝ ﻋﻠﻴﻬﺎ .. ﻧﻈﺮﺍ
ﻟﻠﺤﺎﻟﺔ ﺍﻟﻠﻲ ﻭﺻـﻞ ﻟﻬﺎ ..
ﻃﻠﻌﺖ ﻣﻦ ﺍﻟﻤﺼﻌﺪ ﻭﻫﻲ ﺗﺰﻓﺮ ﺑﻤﺮﺍﺭﺓ ﻭﺣﺎﺟﺒﻴﻨﻬﺎ ﻣﻌﻘﺪﻭﻳﻦ ﻟﻠﺜﻘﻞ
ﺍﻟﻠﻲ ﺷﺎﻳﻠﺘﻪ .. ﻭﺍﺣﺪ ﻓﻲ ﺻﺪﺭﻫﺎ ﻭﺍﻟﺜﺎﻧﻲ ﻓﻲ ﻳﺪﻫـﺎ .. ﻣﺎ ﺗﺪﺭﻱ ﺍﻱ
ﻭﺍﺣﺪ ﺍﻟﻠﻲ ﻣﺜﻘﻞ ﻋﻠﻴﻬﺎ ﺍﻛﺜﺮ ﻣﻦ ﺍﻟﺜﺎﻧﻲ؟؟ ﻣﺜﻞ ﻛﻞ ﻳﻮﻡ .. ﻻﺯﻡ
ﺗﺴﺘﺠﻠﺐ ﺍﻷﻧﺔ ﻓﻲ ﻗﻠﺒـﻬﺎ .. ﻻﻧﻬﺎ ﻋﻠﻰ ﻭﺷـﻚ ﺍﻧﻬﺎ ﺗﺪﺧﻞ ﻋﻠﻰ
ﺃﺧـﻮﻫﺎ .. ﺍﻟﻠﻲ ﻣﺎ ﻋﻨﺪﻩ ﺍﻱ ﺃﺣﺴـﺎﺱ ﺍﻭ ﺍﺗﺼـﺎﻝ ﺑﻬﺎﻟﻌـﺎﻟﻢ .. ﻣﺴـﻜﺮ
ﻋﻴـﻮﻧﻪ ﺍﻟﻠﻲ ﻻ ﺍﺭﺍﺩﻳﺎ ﺗﺠﻤﻊ ﺍﻟﺴـﻮﺍﺩ ﺣﻮﻟﻬﺎ .. ﻭﺍﻟﺘﻌﺐ ﻭﺍﻻﺭﻫـﺎﻕ
ﺍﻧﺤﻞ ﺟﺴـﻤﻪ .. ﻭﺍﻟﻬـﺎﻟﺔ ﺍﻟﻌﻈﻴـﻤﺔ ﺍﻟﻠﻲ ﺗﺠـﻮﻝ ﻋﻠﻴﻪ ﻭﻳﻔﺮﺿﻬﺎ
ﺣﻀﻮﺭﻩ .. ﻏﺎﺑﺖ ﻋﻠﻰ ﺷﺮﺍﺷﻒ ﺑﻴـﻀﺎ ﻭﺍﺿﻮﺍﺀ ﺍﺻﻄﻨﺎﻋﻴـﺔ ..
ﻭﺻﻠﺖ ﺍﻟﻰ ﺍﻟﺠﻨـﺎﺡ ﺍﻟﻠﻲ ﺍﻫﻲ ﺗﻘﺼﺪﻩ ﻳﻮﻣﻴـﺎ ﻛﺪﻭﺍﻡ ﺭﺳﻤـﻲ ﻣﻦ ﺑﻌﺪ
ﺍﻟﺠﺎﻣـﻌﺔ .. ﺗﻐﻴـﺮﺕ ﺍﻷﻭﺿﺎﻉ .. ﻣﺎ ﻋﺎﺩﺕ ﻣﺮﻳﻢ ﺍﻟﻔﻮﺿﻮﻳﺔ ﺍﻭ ﻣﺮﻳـﻢ
ﺍﻟﺼﻐﻴـﺮﺓ ﺍﻟﻠﻲ ﻳﺤﻤﻠﻬﺎ ﺍﻟﻜﻞ ﻣﺴﺌﻮﻟﻴﺔ ﺍﻣﺘﺎﻉ ﺍﻟﻌﺎﺋﻠﺔ .. ﺻﺎﺭﺕ ﻣﺮﻳﻢ
ﺍﻟﻠﻲ ﺗﺘﺤﻤﻞ ﻣﺴـﺌﻮﻟﻴﺔ ﻛﺒﻴـﺮﺓ ﻓﻲ ﺍﻟﺒﻴﺖ .. ﻣﺴﺌﻮﻟﻴﺔ ﻳﻤﻜﻦ ﻣﺴﺎﻭﻳﻪ
ﻟﻤﺴﺌﻮﻟﻴﺔ ﻣﺴﺎﻋﺪ ﺍﻟﻘﺒﻠﻴﺔ .. ﺍﻧﻬﺎ ﺗﺒﻘﻲ ﺍﻟﺒﻴﺖ ﻓﻲ ﻧﻈﺎﻡ .. ﻻﻥ ﺍﻣﻬﺎ
ﻣﻦ ﻃﻴﺤﺔ ﻣﺴـﺎﻋﺪ ﺍﻫﻲ ﺍﻟﺜﺎﻧﻴﺔ ﻃﺎﺣﺖ ﻓﻲ ﻣﺮﺿﺔ ﺧﻄﻴـﺮﺓ ﻛﺎﻧﺖ
ﻋﻠﻰ ﻭﺷﻚ ﺍﻧﻬﺎ ﺗﺆﺩﻱ ﺑﺤﻴﺎﺗﻬﺎ .. ﻭﻏﺎﺑﺖ ﻋﻦ ﺍﻟﺒﻴﺖ ﻛﺜﻴﺮ .. ﻟﻜﻦ
ﺍﻟﺤﻤﺪ ﻟﻠﻪ ﺣﺎﻟﺘﻬﺎ ﺍﺳﺘﻘﺮﺕ ﻭﻟﻜﻨﻬﺎ ﻣﺎ ﻋﺎﺩﺕ ﺑﻨﻔﺲ ﺍﻟﺮﻭﺡ ﺍﻟﻠﻲ ﻛﺎﻧﺖ
ﻋﻠﻴﻬﺎ ﻗﺒﻞ .. ﻭﻛﺎﻥ ﻋﻠﻰ ﻣﺮﻳﻢ ﺍﻧﻬﺎ ﺗﺤﺘﻞ ﻫﺬﻱ ﺍﻟﺮﻭﺡ .. ﻭﺍﻫﻲ
ﻣﺘﻨﺎﺳﻴﺔ ﻧﻔﺴﻬﺎ ﺗﻤﺎﻣﺎ .. ﺍﻻ ﺑﺪﺭﺍﺳﺘﻬﺎ ﺍﻟﻠﻲ ﺷﺪﺕ ﻋﻠﻰ ﺭﻭﺣﻬﺎ ﻟﻤﻦ
ﻭﺻﻠﺖ ﺍﻟﻰ ﺍﻟﻤﺒﻠﻎ ﺍﻟﻠﻲ ﺗﻤﻨﺘﻪ ﻟﻨﻔﺴﻬﺎ .. ﻣﻊ ﺍﻟﺮﻏﻢ ﺍﻧﻬﺎ ﺗﻨﺎﺳﺖ ﺍﻭ
ﺩﻓﻨﺖ ﺍﺣﻼﻡ ﻛﺜﻴـﺮﺓ ﺭﺍﻭﺩﺗﻬﺎ ﻣﻦ ﻭﻋﻴﻬﺎ ﻋﻠﻰ ﻫﺎﻟﺪﻧﻴـﺎ .. ﻭﺍﻫﻢ
ﻫﺎﻷﺣﻼﻡ ﻛﺎﻥ ﺟﺮﺍﺡ .. ﻟﻜﻦ ﺍﻟﻈﺎﻫﺮ ﺍﻥ ﻣﺴـﺎﻟﺔ ﺗﻮﺍﺟﺪ ﺟﺮﺍﺡ ﺑﺤﻴﺎﺗـﻬﺎ
ﺻﻌﺒـﺔ .. ﻭﻫﻮ ﺍﻟﺜﺎﻧـﻲ ﺍﺧﺘﻔﻰ ﺍﻻ ﻣﻦ ﺣﻴـﺎﺓ ﺍﺧﻮﻫﺎ ﻟﺆﻱ .. ﻭﻳﻤﻜﻦ
ﺍﻫﻲ ﺑﻌﺪ ﻣﺎ ﻋﺎﺩﺕ ﺗﻬﺘـﻢ .. ﺍﻭ ﺗﺘﻈﺎﻫﺮ ﺑﻌﺪﻡ ﺍﻻﻫﺘـﻤﺎﻡ ﻻﻥ ﺍﻫﺘﻤـﺎﻣﻬﺎ
ﻣﺘﺮﻛﺰ ﻋﻠﻰ ﺍﺧﻮﻫﺎ ﺍﻟﻠﻲ ﺗﺸﺘﺎﻕ ﻛﻞ ﻳﻮﻡ ﺗﺘﺮﻛﻪ ﻓﻴﻪ ﻟﺸﻮﻓﺘﻪ ﻣﻦ
ﺟﺪﻳﺪ ..
ﺩﺧﻠﺖ ﺍﻟﻐـﺮﻓﺔ ﻣﻦ ﺑﻌﺪ ﻣﺎ ﻭﻗﻔﺖ ﻭﻳﺎ ﺍﻟﻤﻤﺮﺿﺔ ﺗﺴﺄﻟﻬﺎ ﺍﻟﺴﺆﺍﻝ
ﺍﻟﺘﻘﻠﻴﺪﻱ .. ﺍﻱ ﺗﻄـﻮﺭ . . ﻭﺗﺒﺘﺴﻢ ﻟﻬﺎ ﺍﻫﻲ ﻭﺗﻘﻮﻝ ﺑﺸﻮﻓﺘﺞ ﺍﻥ ﺷﺎﺀ
ﺍﻟﻠﻪ .. ﻭﺗﺒﺘﺴﻢ ﻣﺮﻳﻢ ﻟﻬﺎ ﻭﻟﻜﻦ ﺧﻴﺒﺔ ﺍﻻﻣﻞ ﺗﺘﻤﺜﻞ ﻓﻲ ﻟﻤﻌﺔ ﺍﻟﺪﻣﻊ
ﺑﻌﻴﻮﻧﻬﺎ .. ﻭﺍﻟﺨﻴﺮ ﺍﻟﻤﺮﺟﻮ ﺩﺍﻳﻤﺎ ﻳﺘﺄﺧﺮ .. ﻋﻠﻰ ﻗﻮﻟﻪ ﺍﺑﻮﻫﺎ .. ﻣﺮﻛﺐ
ﺍﻟﺨﻴـﺮ ﺑﻌﺪﻩ ﻓﻲ ﻋﺮﺽ ﺍﻟﺒﺤـﺮ .. ﺑﻴﻲ ﻳﻮﻡ ﻭﻳﻮﺻﻞ ﻟﻠﺒﺮ .. ﻟﻜﻦ ﻭﻳﻨﻬﺎ
ﺍﻟﺨﻴـﺮ؟؟ ﺍﻟﺨﻴـﺮ ﺿﺎﻳﻌﺔ ﻓﻲ ﻏﺮﺑـﺔ ﻧﻔﺴـﻬﺎ .. ﺍﻟﻠﻪ ﻳﺮﺩﻫﺎ ﺑﺎﻟﺴﻼﻣﺔ
ﻭﻳﻬﺪﻳـﻬﺎ ..
ﻻﺣﻈﺖ ﻫﺪﻭﺀ ﺍﻟﻐـﺮﻓﺔ ﻭﺑﺮﻭﺩﺗـﻬﺎ ﺍﻟﺴﺎﻛﻨـﺔ .. ﻭﻃﻠﺖ ﺑﺮﺍﺳـﻬﺎ ﺍﻟﻰ
ﺍﻟﻐﺮﻓـﺔ ﺍﻟﺜﺎﻧﻴـﺔ .. ﻛﺎﻧﺖ ﺍﻣﻬﺎ ﺗﺴﺠﺪ ﺑﺎﻟﺼـﻼﺓ .. ﺍﺑﺘﺴﻤﺖ ﻟﻬﺎ ﻭﻭﺟﻬﺖ
ﻋﻴﻮﻧﻬﺎ ﺍﻟﻰ ﺍﻟﻮﻳﻪ ﺍﻟﻠﻲ ﺍﺷﺘـﺎﻗﺖ ﻟﻪ ... ﻛﺎﻥ ﻧـﺎﻳﻢ .. ﻭﻳﺎ ﺣﻠـﻮ ﻭﻃﻮﻝ
ﻧﻮﻣﻪ .. ﺑﺲ ﺍﻟﻴﻮﻡ ﺷﻲ ﻣﺨﺘﻠﻒ ﺑﺸﻜﻞ ﻣﺴـﺎﻋﺪ .. ﻃﺎﻟﻌﺖ ﺍﻣﻬﺎ ﻭﻫﻲ
ﺗﻬﺰ ﺭﺍﺳﻬﺎ .. ﺍﻛﻴﺪ ﺳﻮﺕ ﻓﻴﻪ ﺷﻲ .. ﺷﻌﺮﻩ ﺍﻟﻠﻲ ﻃﺎﻝ ﺍﻛﺜﺮ ﻋﻦ ﻗﺒـﻞ ..
ﻭﻟﺤﻴـﺘﻪ ﺍﻟﻠﻲ ﻧﻤـﺖ ﻋﻠﻰ ﻭﻳـﻬﻪ .. ﻧﻌﻤﺖ ﻣﻦ ﺷﻜﻠﻪ ﺍﻛﺜﺮ .. ﻟﻜﻦ ﺷﻌﺮﻩ
ﻓﻴﻪ ﺷﻲ .. ﻳﻤﻜﻦ ﺍﻣﻬﺎ ﻗﺼﺖ ﻣﻦ ﺟﺪﺍﻡ ﺷﻮﻱ .. ﻭﻻ ﻣﺸﻄﺘﻪ .. ﺍﻣﻤﻤﻢ
.. ﺑﺘﺴﺘﺠﻮﺑﻬﺎ ﺑﻌﺪ ﻣﺎ ﺗﺨﻠﺺ ﺻﻼﺓ ..
ﺣﻄﺖ ﺍﻻﻏﺮﺍﺽ ﻋﻨﺪ ﺍﻟﻜﺒﺖ ﺍﻟﻲ ﻳﻤﻪ .. ﻭﻫﻲ ﺗﺴﻮﻟﻒ ﻭﻳﺎﻩ
ﻣﺮﻳﻢ ﺑﺼﻮﺕ ﻭﺍﻃﻲ ﻭﻫﻲ ﺗﺒﺘﺴﻢ : ﻣﺴـﺎﺀ ﺍﻟﺨﻴـﺮ .. ﺷﻬﺎﻟﺤﻼ .. ﺍﻟﻴﻮﻡ
ﻣﺨﺘﻠﻒ؟؟ ﺷﺴﻮﺕ ﻓﻴﻚ ﺍﻣﻲ؟؟ ﻗﻮﻝ ﻟﻲ ﺗﺮﻯ ﻣﺎ ﺑﺘﻨﺎﻭﺵ ﻭﻳﺎﻫﺎ ..
ﺍﺑﺘﺴﻤﺖ ﻭﻳـﺎﻩ .. ﻭﻫﻲ ﺗﻄﻠﻊ ﺍﻟﺰﻳﺖ ﺍﻟﻠﻲ ﺩﺍﻳﻤﺎ ﺗﻤﺴﺢ ﻓﻴﻪ ﺟﺴﻤﻪ ..
ﻳﺪﻳﻨﻪ ﻭﺭﺟﻠﻴﻨﻪ .. ﻭﻧﺰﻟﺖ ﺍﻟﺸﻴﻠﺔ ﻋﻠﻰ ﺟﺘﻔﻬﺎ .. ﻭﺗﻤﺖ ﺗﺼﺐ ﺍﻟﺰﻳﺖ
ﻓﻲ ﻳﺪﻫﺎ ﻭﺳﺤﺒﺖ ﻳﺪ ﻣﺴـﺎﻋﺪ ﻣﻦ ﺑﻌﺪ ﻣﺎ ﻧﺰﻟﺖ ﺍﻟﺴﻴـﺎﺝ ﺍﻟﺠﺎﻧﺒـﻲ ..
ﻭﺍﺧﺬﺕ ﻳﺪﻩ ﻭﺑﺪﺕ ﺗﻤﺴﺤﻬﺎ ﻭﺗﻤﺴﺪﻫﺎ ﺑﺎﻟﺰﻳـﺖ .. ﻭﻫﻲ ﺗﻤﺴـﺪﻫﺎ ﺗﻤﺮ
ﻋﻠﻴـﻬﺎ ﺍﻟﺬﻛﺮﻳـﺎﺕ ﺍﻟﺤﻠﻮﺓ .. ﻭﺍﻟﻤـﺮﺓ ﻓﻲ ﻧﻔﺲ ﺍﻟﻮﻗﺖ .. ﻣﺎ ﺗﺪﺭﻱ ﻟﻴﺶ
ﺗﺤﺲ ﺍﻥ ﻧﺠﺎﺓ ﺍﺧﻮﻫﺎ ﺍﻫﻲ ﻓﻲ ﻓﺎﺗﻦ .. ﻭﻧﺠﺎﺗﻬﺎ ﺍﻫﻲ ﻧﻔﺴﻬﺎ .. ﺷﻜﺜﺮ
ﻭﺣﺸﺘﻬﺎ ﻓﺎﺗﻦ .. ﻭﺷﻜﺜﺮ ﻛﺘﺒﺖ ﻟﻬﺎ .. ﻭﺷﻜﺜﺮ ﺣﺎﻭﻟﺖ ﺍﻧﻬﺎ ﺗﺘﻮﺍﺻﻞ
ﻭﻳﺎﻫﺎ ﻟﻜﻦ ﺑﻼﺍﺍﺍﺍ ﺍﻱ ﻫﺪﻑ .. ﺣﺘﻰ ﺍﻡ ﺟﺮﺍﺡ ﻧﻔﺴـﻬﺎ ﺍﻟﻠﻲ ﺣﺎﻟﺘﻬﺎ
ﺍﻟﺼﺤﻴﺔ ﺍﻟﻠﻲ ﺑﺪﺕ ﺗﺘﺪﻫﻮﺭ ﻣﻦ ﺯﻭﺩ ﺍﻟﺨﻮﻑ ﻭﺍﻟﺤﺰﻥ ﻋﻠﻰ ﻓﺎﺗﻦ ..
ﻭﺭﺟﻌﺖ ﺫﺍﻛﺮﺗﻬﺎ ﺍﻟﻰ ﺑﻌﺪ ﺍﺳﺒﻮﻉ ﻣﻦ ﺍﻟﺤﺎﺩﺙ ..
ﺍﻭﻻ ﻛﻞ ﺷﻲ ﺍﻧﻘﻠﺐ ﺍﻟﻰ ﻓﻮﺿﻰ ﺑﺬﻳﺞ ﺍﻟﻠﻴﻠﺔ ﻳﻮﻡ ﺍﺗﺼـﻞ ﻓﻴـﻬﻢ ﻟﺆﻱ
ﻳﺨﺒـﺮﻫﻢ ﺍﻥ ﻣﺴـﺎﻋﺪ ﻣﺴﻮﻱ ﺣﺎﺩﺙ .. ﻭﻫﺎﺟﺖ ﻛﻞ ﺍﻟﻨـﺎﺱ ﻣﻦ ﺷـﺪﺓ
ﺍﻟﺼﺪﻣﺔ .. ﻭﺍﻭﻟﻬﻢ ﻧـﻮﺭﺓ ﺍﻟﻠﻲ ﺗﻤﺖ ﺗﺪﻋﻲ ﻋﻠﻰ ﻧﻔﺴـﻬﺎ ﻋﻠﻰ ﻫﺎﻟﺰﻭﺍﺝ
ﺍﻟﻠﻲ ﺟﻠﺐ ﻟﻌﺎﻳﻠﺘﻬﺎ ﻣﺜﻞ ﻫﺎﻟﺸﻲ .. ﻭﻓﻴـﺼﻞ ﺍﻟﻠﻲ ﻭﻗﻒ ﺍﻟﻌﺮﺱ
ﻭﻛﻨﺴﻞ ﺷﻬـﺮ ﺍﻟﻌﺴـﻞ ﻭﻇﻠﺖ ﻧﻮﺭﺓ ﻋﻠﻰ ﺍﺛﺮ ﻫﺎﻟﺸﻲ ﻓﻲ ﺍﻟﺒﻴﺖ ﻟﻤﺪﺓ
ﺷﻬﺮ ﺗﻘﺮﻳﺒﺎ ﻣﻦ ﺑﻌﺪﻫﺎ ﺍﻧﺘﻘﻠﺖ ﺍﻟﻰ ﺑﻴﺖ ﺯﻭﺟﻬﺎ .. ﻭﺗﻤﺖ ﻣﺮﻳﻢ ﺍﻫﻲ
ﺍﻟﻠﻲ ﺗﻬﺘﻢ ﻓﻲ ﻛﻞ ﺷﻲ ﺑﺎﻟﺸﺮﺍﻛﺔ ﻭﻳﺎ ﻟﺆﻱ ﺍﻟﻠﻲ ﺑﻌﺪ ﻇﻞ ﻣﺸﻐﻮﻝ
ﺑﺸﺮﺍﻛﺘﻪ ﺍﻟﻴﺪﻳﺪﺓ ﻭﻳﺎ ﺟﺮﺍﺡ ..
ﺃﻡ ﻣﺴـﺎﻋﺪ ﻳﻮﻡ ﻋﺮﻓﺖ ﺑﺎﻥ ﻓﺎﺗﻦ ﺳﺎﻓﺮﺕ ﺑﺬﻳﺞ ﺍﻟﻠﻴﻠﺔ ﻭﺭﺑﻄﺖ ﻓﻲ
ﺑﺎﻟﻬﺎ ﻣﻮﻗﻊ ﺍﻟﺤﺎﺩﺙ ﺑﻬﺎﻟﺸﻲ ﺍﻗﺎﻣﺖ ﺍﻟﺤﺮﺏ ﻋﻠﻰ ﻛﻞ ﺍﻟﻴﺎﺳﻴﺔ ..
ﻭﻗﺎﻟﺘﻬﺎ ﻓﻲ ﻭﻳﻪ ﺍﻡ ﺟﺮﺍﺡ ﺍﻥ ﺍﻭﻝ ﻣﺎ ﻳﺼﺤﻰ ﻭﻟﺪﻫﺎ ﺍﻭ ﺍﻥ ﺻﺎﺩﻩ
ﺷﻲ ﻣﺎ ﻳﺒﻮﻥ ﺍﻱ ﻋﻼﻗﺔ ﻣﻌﺎﻫﻢ .. ﻭﺣﺘﻰ ﺟﺮﺍﺡ ﺭﻓﻀـﺘﻪ ﻭﺭﻓﻀﺖ
ﺍﻟﻘﺮﺏ ﺍﻟﻠﻲ ﻃﻠﺒﻪ ﻣﻨﻬﻢ .. ﻭﺧﺒـﺖ ﻣﺮﻳﻢ ﻛﻞ ﻫﺬﺍ ﻓﻲ ﻗﻠﺒـﻬﺎ ﺍﻻ ﻣﻦ ﺍﻡ
ﺟﺮﺍﺡ ﻳﻮﻡ ﺧﺒـﺮﺗﻬﺎ ﻭﺣﺎﻭﻟﺖ ﺍﻧﻬﺎ ﺗﺒﺮﺭ ﻻﻣﻬﺎ ﻭﺍﻡ ﺟﺮﺍﺡ ﺍﺑﺪﺍ ﻣﺎﺍﺍ
ﺍﻧﺘﻈﺮﺕ ﺍﻱ ﺭﺩﺓ ﻓﻌﻞ ﺍﻗﻞ ..
ﺟﺮﺍﺡ ﺍﺑﺘـﻌﺪ ﻋﻦ ﺣﻴـﺎﺗﻬﺎ .. ﻭﺍﻫﻲ ﻣﺎ ﺍﻋﺘـﺮﺿﺖ ﻋﻠﻰ ﻫﺎﻟﺸـﻲ ..
ﻭﻳﺎﺕ ﺍﻟﻔﻮﺿﻰ ﺍﻟﺜﺎﻧﻴﺔ ﻳﻮﻡ ﺗﻘﺮﺭﺕ ﺣﺎﻟﺔ ﻣﺴـﺎﻋﺪ ﺍﻧﻬﺎ ﻏﻴﺒـﻮﺑﺔ
ﻣﺴـﺘﻤﺮﺓ .. ﻭﻓﻮﻕ ﻛﻞ ﻫﺬﺍ .. ﺍﺑﺘﺮﻭﻭ ﺭﺟﻠﻴﻨﻪ ﻻﻧﻬﻢ ﺍﻛﺜﺮ ﺷﻲ ﺗﻀﺮﺭ
ﺑﺎﻟﺤﺎﺩﺙ ﺍﻟﻘﻮﻱ .. ﻻﻥ ﺍﻟﺴﻴﺎﺭﺓ ﺗﺨﻔﺴﺖ ﻋﻠﻰ ﺭﺟﻠﻴﻨﻪ ﻣﻦ ﺗﺤﺖ ..
ﻭﺣﺪﺓ ﺍﻧﺒﺘﺮﺕ ﻣﻦ ﺍﻟﺮﻛﺒﺔ .. ﻭﺍﻟﺜﺎﻧﻴﺔ ﺑﺲ ﺍﻟﻘﺪﻡ .. ﻭﻫﺎﻟﺸﻲ ﺍﻛﻴﺪ ﺭﺍﺡ
ﻳﺤﻄﻤﻪ ﻟﻮ ﻳﻮﺗﻌﻲ . ﻳﻤﻜﻦ ﻓﻲ ﻗﻠﺐ ﻣﺮﻳﻢ ﻣﺎ ﺗﻤﻨﺖ ﺍﻥ ﺍﺧﻮﻫﺎ
ﻳﺼﺤﻰ ﻭﻳﻮﺍﺟﻪ ﻫﺎﻟﻮﺍﻗﻊ .. ﺑﺲ ﺗﺮﺟﻊ ﻭﺗﺘﺬﻛﺮﻩ ﻭﺗﺘﺬﻛﺮ ﺍﻳﻤﺎﻧﻪ ﺍﻟﻘﻮﻱ
ﺑﻤﺜﻞ ﻫﺎﻷﻣﻮﺭ .. ﻭﻳﻤﻜﻦ ﻳﺘﺤﻤﻞ ﻫﺎﻟﺸﻲ .. ﻟﻜﻦ ﺍﻟﻮﻗﺖ ﺻﻌﺐ ﺍﻥ
ﺍﻟﻮﺍﺣﺪ ﻳﻘﺮﺭ .. ﺍﻟﺸﻲ ﻳﺨﺘﻠﻒ ﺍﺫﺍ ﻛﺎﻥ ﻭﺍﻗﻊ ﻓﻲ ﺷﺨﺺ ﺍﺧﺮ .. ﻭﻻ
ﻓﻲ ﺍﻟﺸﺨﺺ ﻧﻔﺴﻪ ..
ﺣﺎﻭﻟﺖ ﺑﻌﺪ ﺍﺭﺑﻌﺔ ﺍﺷﻬﺮ ﺍﻧﻬﺎ ﺗﻜﺘﺐ ﻟﻔﺎﺗﻦ ﺭﺳﺎﻟﺔ .. ﻭﺑﺎﻟﻔﻌﻞ ﻛﺘﺒﺘﻬﺎ
ﻭﺍﺭﺳﻠﺘﻬﺎ ﺑﺎﻟﺒﺮﻳﺪ ﻟﻜﻦ ﻣﺎ ﻳﺎﻫﺎ ﺍﻱ ﺭﺩ ﻋﻠﻰ ﺍﻟﺮﺳـﺎﻟﺔ .. ﻭﺑﺪﺕ ﺗﻜﺘﺐ
ﻣﺮﺓ ﺛﺎﻧﻴﺔ .. ﻭﺛﺎﻟﺜﺔ .. ﻭﺭﺍﺑﻌﻪ .. ﻟﻤﻦ ﻋﺼﺒﺖ ﺑﺴﺒﺐ ﻗﻠﺔ ﺍﻟﺮﺩﻭﺩ ..
ﻭﺍﺳﺘﻌﺠﺒﺖ ﻭﻛﺮﻫﺖ ﻓﺎﺗﻦ ﻟﻮﻫﻠﺔ ﻻﻧﻬﺎ ﺻﻌﺒﺔ ﺍﻟﻤﺰﺍﺝ .. ﺑﻌﺪﻳﻦ ﻋﺮﻓﺖ
ﻣﻦ ﻣﻨـﺎﻳﺮ ﺍﻥ ﻓﺎﺗﻦ ﻣﺎ ﻋﺎﺩﺕ ﺗﺴﻜﻦ ﻓﻲ ﺍﻟﺸﻘﺔ ﻧﻔﺴـﻬﺎ .. ﻻﻥ ﺟﺮﺍﺡ
ﺳﺎﻓﺮ ﻟﻬﺎ ﻭﻣﺎ ﻟﻘﺎﻫﺎ .. ﻭﺭﺩ ﻭﻫﻮ ﺧﺎﻳﺐ ..
ﺗﻐﻴـﺮﺕ ﺍﻻﺷﻴـﺎﺀ ﻓﺠـﺎﺓ .. ﻭﺍﻟﺪﻧﻴﺎ ﺍﻟﻠﻲ ﻛﺎﻧﺖ ﻓﻲ ﻳﻮﻡ ﻣﻜﺘﻤﻠﺔ ﺑﺪﺕ
ﻏﺮﻳﺒﺔ ﻭﻣﺨﻠﺒﻄﺔ ﻓﻲ ﻋﻴـﻮﻥ ﻣﺮﻳﻢ .. ﺗﻔﺘﻘﺪ ﻓﺎﺗﻦ ﻭﺭﺃﻳﻬﺎ ﺍﻟﺤﻜﻴﻢ
ﻭﺍﻟﺼﺎﺋﺐ ﻭﺗﻔﺘﻘﺪ ﺍﺧﻮﻫﺎ ﻭﺣﻨﻴﺘﻪ ﻭﻗﻠﺒﻪ ﺍﻟﻜﺒﻴـﺮ .. ﻭﺣﻴﺪﺓ ﺑﻬﺎﻟﺪﻧﻴﺎ .
ﺍﻫﻲ ﺻﺞ ﻋﻨﺪﻫﺎ ﺍﻡ ﻭﺍﺑﻮ ﻭﺍﺧﺖ ﻭﺍﺧﻮ ﻟﻜﻦ .. ﺣﻴﺎﺗﻬﺎ ﻛﺎﻧﺖ ﺗﺪﻭﺭ ﻓﻲ
ﻓﻠﻜﻴﻦ .. ﻓﺎﺗﻦ ﺍﻟﺼﺪﻳﻘﺔ ﺍﻟﻌﻄﻮﻓﺔ ﻭﺍﻟﻠﻲ ﺗﺸﺘﺮﻙ ﻭﻳﺎﻫﺎ ﺑﻘﻠﺐ ﻭﺍﺣﺪ ..
ﻭﻣﺴـﺎﻋﺪ ﻓﻲ ﻓﻜﺮﻩ ﺍﻟﺼﺤﻴﺢ ﻭﺍﻟﺴﺪﻳﺪ . ﺃﻟﻠﻲ ﺍﻫﻲ ﻓﻲ ﻃﻮﻝ ﻓﺘﺮﺓ
ﻏﻴﺎﺑﻪ ﺣﺎﻭﻟﺖ ﺍﻧﻬﺎ ﺗﻤﺸﻲ ﻋﻠﻴـﻪ ..
ﻭﻫﻲ ﺗﻤﺴـﺢ ﻳﺪ ﻣﺴـﺎﻋﺪ ﺗﻘﺮﺑﺖ ﻣﻨﻬﺎ ﺍﻣﻬﺎ ﻭﺭﻓﻌﺖ ﻟﻬﺎ ﺭﺍﺳﻬﺎ
ﺑﺎﺑﺘﺴﺎﻣﺔ
ﻣﺮﻳﻢ : ﺗﻘﺒﻞ ﺍﻟﻠﻪ ﻳﻤـﺔ
ﺍﻡ ﻣﺴﺎﻋﺪ ﺑﻮﻳﻬﻪ ﺍﻟﻌﺎﺑﺲ ﺍﻟﻠﻲ ﺣﺘﻰ ﻣﺎ ﺑﺎﺩﻟﺖ ﻣﺮﻳﻢ ﺍﻻﺑﺘﺴﺎﻣﺔ : ﻣﻨﺎ
ﻭﻣﻨﻜﻢ .. ﺍﻭﻭﻭﻭﻭﻑ ﻭﺍﻧﺘﻲ ﻛﻞ ﻳﻮﻡ ﻭﻳﺎ ﻫﺎﻟﺰﻳﺖ ﺍﻟﻠﻲ ﺗﻤﺴﺪﻳﻨﻪ
ﻓﻴﻪ؟؟
ﻣﺮﻳﻢ ﺑﺴﺬﺍﺟﺔ : ﻟﻴﺶ ﺷﻔﻴـﻪ؟
ﺍﻡ ﻣﺴـﺎﻋﺪ ﺑﻘﺮﻑ : ﺭﻳﺤﺘﻪ ﺗﻠﻮﻉ ﺍﻟﺠﺒﺪ ... ﻗﻄﻴﻪ ﻭﻻ ﺗﻤﺴﺤﻴﻨﻪ ﺑﻪ ..
ﻣﺮﻳﻢ ﻭﻫﻲ ﺗﺤﻘﺮ ﺍﻣﻬﺎ ﺍﻟﻠﻲ ﺻﺎﺭﺕ ﻣﻌﺎﻣﻠﺘﻬﺎ ﻫﺬﻱ ﻣﺘﻌﻮﺩﺓ ﻟﻴﺶ ﺍﻧﻬﺎ
ﺗﺤﻤﻠﻬﺎ ﺍﻫﻲ ﺑﻌﺪ ﺍﻟﻤﺴﺌﻮﻟﻴﺔ ﺑﺲ ﻻﻧﻬﺎ ﺍﺭﻓﻴﺠﺔ ﻓﺎﺗﻦ .. : ﻳﻤﺔ ﺍﻟﺰﻳﺖ
ﻣﺎﻓﻴﻪ ﺷﻲ ﻭﻳﺪﻳﺪ ﻭﻣﺎ ﺑﻘﻄﻪ .. ﺑﺎﻟﻌﻜﺲ ( ﺗﺒﺘﺴﻢ ﻭﻫﻲ ﺗﻨﺎﻇﺮ ﻭﻳﻪ
ﻣﺴـﺎﻋﺪ ﺍﻟﻤﺮﺗﺎﺡ ) ﺟﺴﻤﻪ ﺻﺎﺭ ﻟﻴﻦ ﺑﺴﺒﺐ ﻫﺎﻟﺸﻲ .. ﻣﻮ ﻗﺒﻞ ﻛﺎﻥ
ﺟﺎﻑ ﻭﺣﺎﻟﺘﻪ ﺣﺎﻟﺔ ..
ﺍﻡ ﻣﺴـﺎﻋﺪ ﻭﻫﻲ ﺗﺤﻮﺱ ﺑﺜﻤﻬﺎ ﻭﺗﺴﺤﺐ ﺍﻟﻘﺮﺁﻥ ﻋﺸﺎﻥ ﺗﻘﺮﺍﻩ ﻋﻠﻰ
ﺭﺍﺱ ﻭﻟﺪﻫﺎ : ﻭﺍﻟﻠﻪ ﻣﺎﻋﻨﺪﺝ ﺳﺎﻟﻔﺔ ﺧﺎﻧﻘﺘﻨﻪ ﺑﻪ ﺑﺲ ..
ﻣﺎ ﺭﺩﺕ ﻋﻠﻴﻬﺎ ﻣﺮﻳﻢ ﻭﺗﻤﺖ ﻣﻦ ﻃﺮﻑ ﻋﻴﻮﻧﻬﺎ ﺍﻟﻠﻲ ﺗﺮﻓﻌﻬﺎ ﻛﻞ ﺷﻮﻱ
ﻻﺧﻮﻫﺎ ﺗﺒﺘﺴﻢ ﻓﻲ ﻭﻳﻬﻪ .. ﻭﻫﻲ ﺗﻤﺴﺢ ﺍﺻﺎﺑﻌﻪ ﻭﻳـﺪﻩ .. ﻭﻋﻠﻰ
ﺟﺬﻱ ... ﻳﻜـﻮﻥ ﻫﺎﻟﻴﻮﻡ ﻳﻮﻡ ﺍﺧﺮ ﻣﻦ ﺭﻭﺗﻴﻦ ﺍﻻﻳﺎﻡ ﺍﻟﻠﻲ ﻃﺎﻓﺖ ﻣﻦ
ﺍﻟﺤﺎﺩﺙ ﻟﻠﺤﻴـﻦ ..
------------------------------------
ﻣﺎ ﺑﻘﻰ ﻋﻠﻰ ﺍﻟﺪﻭﺍﻡ ﺍﻻ ﻧـﺺ ﺳﺎﻋﺔ ﻭﻗﻀﺎﻫﺎ ﺟﺮﺍﺡ ﻭﻫﻮ ﻳﺮﺍﺟﻊ
ﺑﻌﺾ ﺍﻻﺭﺻﺪﺓ ﻭﻳﻨﻈﻢ ﺍﻟﻤﻮﺍﻋﻴﺪ ﻓﻲ ﺍﻟﺪﻓﺘﺮ .. ﺷﻜﺜﺮ ﺗﻮﺻﻴـﻼﺕ
ﻋﻠﻴﻬﻢ ﻭﺷﻜﺜﺮ ﻣﺴﺌﻮﻟﻴﺔ ﻭﻟﻜﻦ ﺑﻌﺪ ﺣﻠﻰ ﺍﻟﺸﻐﻞ ﺍﻛﺜﺮ ﻳﻮﻡ ﺻﺎﺭﺕ
ﺍﻻﻳﺎﺩﻱ ﺍﻟﻠﻲ ﺗﺸﺘﻐﻞ ﻣﻦ ﺍﻷﻫﻞ ﻭﻣﺤﺘـﺮﻓﺔ . ﺧﺼﻮﺻﺎ ﺧﺎﻟﺪ ﻭﻟﺆﻱ
ﺍﻟﻠﻲ ﺑﺼﺮﺍﺣﺔ ﺑﺪﻭ ﻳﺒﺪﻋﻮﻥ ﻓﻲ ﻫﺎﻟﻤﺠﺎﻝ ﻭﺍﻟﺘﺼﺎﻣﻴﻢ ﺍﻟﺨﺸﺒﻴﺔ ﻣﻦ
ﺍﺣﺘﺮﺍﻓﻬﻢ .. ﺍﻫﻮ ﻛﺎﻥ ﺍﻟﻤﺴﺌﻮﻝ ﺍﻛﺜﺮ ﺷﻲ ﻋﻦ ﺍﻟﻘﻴﺎﺳﺎﺕ ﻭﺍﻟﻤﺎﻟﻴﺔ
ﺑﺎﻟﺸﺮﻛﺔ ﺍﻟﺼﻐﻴـﺮﺓ ﺍﻟﻠﻲ ﺃﺳﺴﻮﻫﺎ ﻭﻟﻜﻨﻬﺎ ﺩﺍﺭﺕ ﻋﻠﻴﻬﻢ ﺑﺮﺑﺢ ﺧﺼﻮﺻﺎ
ﻭﻳﺎ ﺷﺮﺍﻛﺘﻬﻢ ﻣﻊ ﻏﺰﻻﻥ ﻭﻏﺼـﻮﻥ ﺍﻟﻜﻨـﺪﻱ ..
ﺗﻢ ﻳﻨﺎﻇﺮ ﺍﻟﺴـﺎﻋﺔ ﻭﻫﻮ ﻳﺤﻚ ﻋﻴـﻮﻧﻪ .. ﻣﺎ ﻗﺪﺭ ﻳﻨﺎﻡ ﺍﻟﻠﻴﻠﺔ ﺍﻟﻠﻲ
ﻓﺎﺗﺖ .. ﻣﺜﻞ ﻛﻞ ﻟﻴﻠﺔ ﻣﻦ ﺛﻤﺎﻧﻴﺔ ﺷﻬﻮﻭﺭ .. ﻣﻦ ﺣﺎﺩﺙ ﻣﺴﺎﻋﺪ ﻭﻫﻮ
ﻳﻌﺎﻧﻲ ﻣﻦ ﺍﺭﻕ ﺑﺎﻟﻨﻮﻡ ﻭﺯﻳﺎﺩﺓ ﻓﻲ ﺍﻟﺘﻔﻜﻴﺮ ﻭﻓﻮﻕ ﻛﻞ ﻫﺬﺍ ﺗﻌﺐ
ﻭﺍﺭﻫﺎﻕ ﺑﻼ ﺳﺒﺐ .. ﻳﺨﺎﻑ ﺍﻧﻪ ﻳﻤﺮﺽ ﺑﺴﺒﺐ ﻫﺎﻟﺸﻲ ﻭﻟﻜﻦ ﺍﻫﻮﻭ
ﻣﻌﺬﻭﺭ ﻭﻣﺎ ﻳﻘﺪﺭ ﻳﻐﻴﺮ ﻫﺎﻟﺸﻲ ﺍﻟﻠﻲ ﻓﻴـﻪ ﻻﻧﻪ ﺍﻗﻮﻯ ﻣﻨﻪ .. ﺍﻟﻤﺴﺌﻮﻟﻴﺔ
ﺍﻟﻠﻲ ﻃﺎﺣﺖ ﻋﻠﻰ ﻋﺎﺗﻘﻪ ﻭﺍﻟﺬﻧﺐ ﺍﻟﻠﻲ ﻳﻐﺮﻗﻪ ﻟﺤﺘﻰ ﺭﺍﺳﻪ ﻣﺎ ﻳﻌﻄﻴﻪ
ﻓﺮﺻﺔ ﺍﻧﻪ ﻳﺘﺤﻤﻞ ﺍﻛﺜﺮ .. ﻭﻟﻜﻦ ﺑﻤﺴـﺎﻋﺪﺓ ﺍﻟﺠﻤﻴﻊ ﻭﻋﺎﺩﺓ ﺍﻻﻓﻀﺎﺀ
ﺍﻟﻠﻲ ﺗﻌﻠﻤﻬﺎ ﻟﺨﺎﻟﺪ ﺧﻠﺘﻪ ﻳﺤﺲ ﺍﻥ ﺍﻟﺤﻤﻞ ﺍﻗﻞ ..
ﻭﻟﻜﻦ ﺍﻫﻮ ﻳﻌﺮﻑ ﺍﻥ ﻣﺎﻛﻮ ﺷﻲ ﻣﺤﻄﻤﻪ ﺍﻛﺜﺮ ﻣﻦ ﻓﻜﺮﺓ ﺍﻥ ﻣﺮﻳﻢ
ﻣﺴﺘﺤﻴﻞ ﺗﻜﻮﻥ ﻟﻪ ﺩﺍﻡ ﺍﻥ ﺍﻣﻬﺎ ﻋﻠﻰ ﻗﻴﺪ ﺍﻟﺤﻴـﺎﺓ .. ﻓﻬﻲ ﺣﻠﻔﺖ ﻋﻠﻰ
ﺑﻨﺘﻬﺎ ﻭﺣﻠﻔﺖ ﻋﻠﻴﻪ ﻭﻋﻠﻰ ﻛﻞ ﻣﻦ ﺍﻧﻪ ﻳﻤﻨﻊ ﻫﺎﻟﺰﻭﺍﺝ ﺑﺎﻱ ﺻﻮﺭﺓ
ﻣﻤﻜﻨﺔ .. ﻭﻛﺎﻧﻪ ﺍﻭ ﺍﺧﺘﻪ ﻟﻬﻢ ﺍﻟﺬﻧﺐ ﺑﺎﻟﻠﻲ ﺻﺎﺭ ﻟﻤﺴـﺎﻋﺪ .. ﺑﺲ ﺑﻌﺪ
ﻣﺴـﺎﻋﺪ ﻣﺎ ﻳﺴﺘﺎﻫﻞ ﺍﻟﻠﻲ ﺻﺎﺑﻪ .. ﻛﺜﺮﺕ ﺍﻻﺳﺮﺍﺭ ﺍﻟﻠﻲ ﻋﻠﻰ ﻗﻠﺐ
ﺟﺮﺍﺡ ﻭﺍﻟﻠﻲ ﻳﺨﻔﻴﻬﺎ ﻭﺍﻟﻠﻲ ﻣﺎ ﻳﺪﺭﻱ ﻟﻤﺘﻰ ﺑﻴﺨﻔﻴﻬﺎ .. ﻓﺎﺗﻦ ﻣﺜﻼ
ﻣﻌﺘﺎﺩﺓ ﺑﻴﻮﻡ ﻭﺍﺣﺪ ﻣﻦ ﺍﻻﺳﺒﻮﻉ ﺗﺘﺼﻞ ﻓﻴﻪ ﻭﻣﻦ ﺑﻌﺪﻫﺎ ﺗﺘﺼﻞ ﻓﻲ
ﺍﻣﻬﺎ ﻭﺗﺨﻠﻲ ﺍﻟﻤﻜﺎﻟﻤﺔ ﻗﺼﻴـﺮﺓ ﻭﻣﺮﻳﺤﺔ ﻗﺪﺭ ﺍﻻﻣﻜﺎﻥ .. ﺍﻱ ﺍﻧﻬﺎ
ﺗﺠﺬﺏ ﻋﻠﻴﻬﻢ ﻗﺪ ﻣﺎ ﺗﻘﺪﺭ ﻭﺗﻮﻫﻤﻬﻢ ﺍﻧﻬﺎ ﺑﺼﺤﺔ ﻭﺳﻼﻣﺔ ﻭﺍﻫﻮ ﻋﺎﺭﻑ
ﺍﻧﻬﺎ ﻻ ﺑﺼﺤﺔ ﻭﻻ ﺑﺴﻼﻣﺔ ﻭﺍﻥ ﺣﺎﻟﺘﻬﺎ ﺍﻟﺼﺤﻴﺔ ﺍﻭ ﺍﻟﻨﻔﺴﻴﺔ ﺍﻛﻴﺪ
ﻣﺘﺪﻫﻮﺭﺓ .. ﻭﻻ ﺻﺎﺭ ﺑﻴﻨﻬﻢ ﺍﻱ ﻓﺮﺻﺔ ﺍﻧﻪ ﻳﺨﺒﺮﻫﺎ ﺑﺰﻭﺟﻬﺎ ﺍﻟﻠﻲ ﻃﺎﻳﺢ
ﻋﻠﻰ ﺍﻟﺴﺮﻳﺮ .. ﺍﻭ ﻳﻤﻜﻦ ﺍﻫﻲ ﻣﺎ ﺳﻤﺤﺖ ﻟﻬﺎﻟﻔﺮﺻﺔ ﺍﻧﻬﺎ ﺗﺼﻴـﺮ .. ﻻﻥ
ﻛﻞ ﻣﺮﺓ ﻛﺎﻥ ﻳﺤﺎﻭﻝ ﻓﻴﻬﺎ ﺍﻧﻪ ﻳﺨﺒـﺮﻫﺎ ﺗﺴـﻜﺮ ﺍﻟﺴﻤـﺎﻋﺔ ﻓﻲ ﻭﻳﻬﻪ ..
ﺣﻴـﺮﺓ ﻋﻈﻴـﻤﺔ .. ﺍﺳﺄﻟﻪ ﻣﻮﺟﻮﺩﺓ ﻓﻲ ﻧﺎﺱ ﻣﺎﻟﻬﺎ ﺟﻮﺍﺏ .. ﻭﻟﻜﻦ ﻓﻲ
ﻧﻔﺲ ﺍﻟﻮﻗﺖ .. ﺗﻠﻘﻰ ﺍﻟﺠﻮﺍﺏ ﺣﺎﺿﺮ ﻗﺒﻞ ﺍﻟﺴﺆﺍﻝ .. ﻣﺎ ﻋﺪﺍ ﻣﺴـﺎﻋﺪ
ﺍﻟﻠﻲ ﺍﻟﻠﻪ ﺍﻟﻌﺎﻟﻢ ﺷﺮﺍﺡ ﻳﺼﻴـﺮ ﻓﻴﻪ ﺑﻬﺎﻟﻔﺘـﺮﺓ .. ﺛﻤﺎﻧﻴﺔ ﺷﻬﻮﺭ ﻭﻫﻮ ﻓﻲ
ﻏﻴﺒﻮﺑﺔ ﺑﺮﺟﻠﻴﻦ ﻣﻘﻄﻮﻋﺘﻴﻦ .. ﺍﻟﻠﻪ ﻳﻌﻴﻨﻪ ﻻ ﺻﺤﻰ ﻻﻧﻪ ﺑﻴﻨﺼﺪﻡ ﺍﻛﺒﺮ
ﺻﺪﻣﺔ ﺑﺤﻴـﺎﺗﻪ .. ﻛﻞ ﺍﻟﻠﻲ ﻳﻘﺪﺭ ﻳﺘﻤﻨﺎﻩ ﻟﻪ ﺍﻫﻮ ﺳﻌﺔ ﺍﻟﺼﺪﺭ ﻭﺭﺍﺣﺔ
ﺍﻟﺒـﺎﻝ ﻻﻥ ﻣﺜﻞ ﻫﺎﻻﻣﻮﺭ ﻟﻮ ﺍﻫﻮ ﻣﺜﻼ ﺻﺎﺭﺕ ﻟﻪ .. ﻣﺎ ﺭﺍﺡ ﻳﺘﺤﻤﻠﻬﺎ
ﻭﻻ ﺩﻗﻴﻘﺔ .. ﻭﺑﻴﺂﺛﺮ ﺍﻟﻤﻮﺕ ﻋﻠﻰ ﻫﺎﻟﺤﻴـﺎﺓ ..
ﻗﺎﻡ ﻣﻦ ﻋﻨﺪ ﺍﻟﻤﻜـﺘﺐ ﻭﻫﻮ ﻳﻤﺘﻄﻂ .. ﻓﺮﻙ ﻭﻳﻬﻪ ﻣﺮﺗﻴﻦ ﻭﻣﻦ ﺑﻌﺪﻫﺎ
ﻭﻗﻒ ﻋﻨﺪ ﺍﻟﺪﺭﻳﺸﺔ ﻓﻲ ﺍﻟﻮﺭﺷﺔ ﺍﻟﻠﻲ ﺗﺤﻮﻟﺖ ﺍﻟﻰ ﻣﻜﺎﺗﺐ ﻭﺍﻟﻮﺭﺷﺔ
ﺍﻧﻔﺘﺤﺖ ﻓﻲ ﻣﻜﺎﻥ ﺟﺮﻳﺐ ﻣﻨﻬﻢ ﻭﻟﻜﻦ ﺍﻛﺒﺮ .. ﻛﺎﻥ ﻣﺴﺘﻮﺩﻉ ﺧﺬﻭﻩ
ﻭﺭﻛﺒﻮ ﺍﻟﻤﻌﺪﺍﺕ ﺍﻟﻠﻲ ﻳﺤﺘﺎﺟﻮﻧﻬﺎ ﻭﺍﻟﻠﻲ ﺯﻭﺩﻭﻫﺎ ﻓﻲ ﺍﻟﻤﻜﺎﻥ .. ﺑﺲ
ﺟﺮﺍﺡ ﻣﺎ ﺩﺧﻞ ﻓﻴﻪ ﻣﻦ ﻓﺘـﺮﺓ ﻻﻧﻪ ﻳﺤﺲ ﺑﺎﻟﺨﻨﻘﺔ ﻣﻦ ﺍﻟﺨﺸﺐ
ﻭﺑﻘﺎﻳﺎﻩ .. ﺍﻟﻠﻪ ﻳﻌﻴﻦ ﺧﺎﻟﺪ ﺍﻟﻠﻲ ﻳﺸﺮﻑ ﻋﻠﻰ ﺍﻟﺘﺼـﺎﻣﻴﻢ ﺫﺭﺍﻉ ﺑﺬﺭﺍﻉ
ﻣﻊ ﻏﺰﻻﻥ ..
ﻭﺑﺬﻛﺮﻫﺎ ﺑﺲ ﻃﻠﺖ ﻣﻦ ﺍﻟﺒﺎﺏ ﻭﻫﻲ ﺣﺎﻣﻠﺔ ﺭﺯﻣﺔ ﺍﻻﻭﺭﺍﻕ .. ﺍﺑﺘﺴﺎﻣﺔ
ﺗﻌﻠﻮ ﻭﻳﻬﻬﺎ ﻭﻳﺎ ﻓﺴﺘﺎﻧﻬﺎ ﺍﻟﺠﻴﻨﺰ ﺍﻟﻄﻮﻳﻞ ﻭﺷﻌﺮﻫﺎ ﺍﻟﻤﺮﻓﻮﻉ ﺑﺪﻻﻝ ..
ﻏﺰﻻﻥ : ﻣﺸـﻐﻮﻝ؟
ﺟﺮﺍﺡ ﻭﻫﻮ ﻳﺒﺘﺴﻢ ﻟﻬﺎ : ﺑﺎﻟﺴﺮﺣﺎﻥ ﺑﺲ .. ﻫﺎ ﺷﻔﻴﺞ؟
ﻏﺰﻻﻥ ﻭﻫﻲ ﺗﺤﻂ ﺍﻻﻭﺭﺍﻕ ﻋﻠﻰ ﺍﻟﻄﺎﻭﻟﺔ : ﻻ ﺑﺲ ﻫﺬﻱ ﺗﻮﺻﻴﺎﺕ
ﻳﺪﻳﺪﺓ ﻭﻻﺯﻡ ﺗﻀﺒﻂ ﻣﻮﺍﻋﻴﺪﻫﺎ ﻻﻧﻪ ﻻﺯﻡ ﻧﺮﺩ ﻋﻠﻴﻬﻢ ﺧﺒـﺮ ﺑﻌﺪ ﺟﻢ
ﻳﻮﻡ .. ﻣﺴﺘﻌﻴﻠﻴﻦ ﺍﻟﻨﺎﺱ .. ﻭﻣﻄﺎﻟﺒﻬﻢ ﻭﺍﻳﺪ ..
ﺟﺮﺍﺡ ﻭﻫﻮ ﻳﺘﺠﺘﻒ ﻭﻋﻴﻮﻧﻪ ﻋﻠﻰ ﺍﻻﻭﺭﺍﻕ : ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﻟﻴﻮﻡ
ﺍﻧﺎ ﺧﻼﺹ ﻣﺨﻠﺼﺔ ﺑﻄﺎﺭﻳﺘﻲ ..
ﻏﺰﻻﻥ ﻭﻫﻲ ﺗﺒﺘﺴﻢ ﻟﻪ ﺑﺤﻴـﺎ ﻭﺗﺘﻮﺟﻪ ﻟﻠﺒﺎﺏ : ﺍﻟﻠﻪ ﻳﻌﻴﻨﻚ .. ﺍﻧﺎ ﺭﺍﻳﺤﺔ
ﻣﻊ ﺍﻟﺴﻼﻣﺔ
ﺟﺮﺍﺡ : ﻓﻲ ﺍﻣﺎﻥ ﺍﻟﻠﻪ ..
ﻃﻠﻌﺖ ﻏﺰﻻﻥ ﻋﻨﻪ ﻭﻫﻮ ﺑﻌﺪﻩ ﺣﺎﻃﻬﺎ ﻓﻲ ﺑﺎﻟﻪ ﻭﻳﻔﻜﺮ ﺑﻬﺎ .. ﻏﺰﻟـــﺎﻥ ..
ﺑﻨﺖ ﺛﺎﻧﻴﺔ ﻋﻦ ﺍﻟﻠﻲ ﻛﺎﻧﺖ ﻋﻠﻴﻪ .. ﺳﺒﺤﺎﻥ ﺍﻟﻠﻪ ﻣﻐﻴﺮ ﺍﻻﺣﻮﺍﻝ ﻣﻦ
ﺣﺎﻝٍِ ﺍﻟﻰ ﺣﺎﻝ .. ﻳﻌﻨﻲ ﺳﺮﻋﺔ ﺑﺪﻳﻬﺘﻬﺎ ﻭﻻ ﺍﺑﺪﺍﻋﻬﺎ ﻭﻻ ﺗﺤﻜﻤﻬﺎ ﺍﻟﻠﻲ
ﻳﺘﺨﺎﻟﻂ ﺑﻌﺎﻃﻔﺘﻬﺎ ﻛﺎﻥ ﻳﻤﻜﻦ ﻣﻦ ﺍﻟﻌﻮﺍﻣﻞ ﺍﻟﻠﻲ ﺗﻔﻘﺪﻫﺎ ﻫﺎﻟﻤﺆﺳﺴﺔ ..
ﻭﻣﻊ ﺍﻥ ﻟﺆﻱ ﻳﺤﺒﻬﺎ ﻭﻣﻴﺖ ﻋﻠﻴﻬﺎ ﺍﻛﺜﺮ ﻣﻦ ﻗﺒﻞ ﺍﻻ ﺍﻧﻬﺎ ﻣﺘﺤﻤﻠﺘﻪ
ﻭﻣﺘﺤﻤﻠﺔ ﺩﻻﻋﺘﻪ ﻋﻠﻴﻬﺎ ﻭﻟﻜﻦ ﺑﺎﺩﺏ ﻭﺍﺧﻼﻕ .. ﻳﻌﻨﻲ ﻭﻗﺖ ﺍﻟﺸﻐﻞ
ﺷﻐﻞ ﻭﻣﻦ ﺗﺤﺴﻪ ﺯﺍﺩ ﻋﻦ ﺍﻟﺤﺪ ﺍﻫﻲ ﺍﻟﻠﻲ ﺗﺘﺨﺬ ﺧﻄﻮﺓ ﺍﻟﺘﺮﺍﺟﻊ
ﺍﻟﻠﻲ ﺗﺤﺮﻕ ﺍﻋﺼﺎﺑﻪ .. ﻭﻟﻜﻦ ﺑﻌﺪ ﻛﻞ ﻫﺎﻟﺤﺮﻗﺎﻥ ﻭﻛﻞ ﻫﺎﻟﺤﻘﺮﺍﻥ ﻭﻫﻮ
ﻣﻴﺖ ﻋﻠﻴﻬﺎ .. ﻭﺍﻟﻠﻪ ﻳﻌﻴﻨﻬﻢ ﺍﻻﺛﻨﻴﻦ
ﻳﺎﺕ ﻣﻮﺍﻓﻘﺘﻬﺎ ﻋﻠﻰ ﺍﻟﺸﺮﺍﻛﺔ ﺑﻌﺪ ﺍﺳﺒﻮﻉ ﻣﻦ ﺍﻟﺤﺎﺩﺙ .. ﻭﻏﺼﻮﻥ
ﺍﺧﺘﻬﺎ ﺗﺒﻌﺘﻬﺎ ﻓﻲ ﺍﻻﻣﻮﺭ ﺍﻻﺩﺍﺭﻳﺔ ﻭﻛﺠﺰﺀ ﻣﻦ ﺭﺃﺱ ﺍﻟﻤﺎﻝ .. ﺻﺢ ﺍﻧﻬﺎ
ﻭﺍﺟﻬﺖ ﻣﺸﺎﻛﻞ ﻣﻊ ﺯﻭﺟﻬﺎ ﻭﻟﻼﺳﻒ ﺍﻟﺸﺪﻳﺪ ﻣﺎ ﺣﻠﺘﻬﺎ ﻣﻌﺎﻩ ﻭﺗﻮﺍﺟﻪ
ﺍﻟﻄﻼﻕ ﺍﻟﻤﺮﻳﺮ ﺍﻻ ﺍﻧﻬﺎ ﺷﺨﺺ ﺛﺎﻧﻲ ﻓﻲ ﺍﻟﻤﻜﺎﻥ ﻭﺗﻨﺎﺳﺐ ﺍﻟﻌﻤﻞ
ﻭﺍﻓﻜﺎﺭﻫﺎ ﻃﻤﻮﺣﺔ ﻭﺗﺘﻤﻨﻰ ﺍﻟﺮﻓﻌﺔ ﻭﺍﻻﻓﻀﻞ ﻟﻠﻤﻜﺎﻥ ﻭﻫﺬﺍ ﻋﺎﺋﺪ ﻣﻤﺘﺎﺯ
ﻋﻠﻴﻬﻢ .. ﻭﺣﺘﻰ ﻫﺸﺎﻡ ﺍﻟﻜﻨﺪﻱ ﺑﻨﻔﺴﻪ ﺻﺎﺭ ﻳﺸﺎﺭﻛﻬﻢ ﺍﻭ ﻳﻤﻮﻝ ﺍﻭ
ﻳﺪﻳﺮ ﺍﻟﻌﻤﻠﻴﺔ ﺍﻟﺤﺴﺎﺑﻴﺔ ﻋﻨﺪﻫﻢ ﺑﻄﺮﻳﻘﺔ ﻣﺤﺘﺮﻓﺔ ﻏﻴﺮ ﻋﻦ ﺍﻟﻠﻲ ﻛﺎﻥ
ﻳﺘﻌﺎﻣﻞ ﻭﻳﺎﻩ ﺟﺮﺍﺡ ﻗﺒـﻞ ..
ﻛﻞ ﻫﺬﺍ ﻳﺒﻴﻦ ﺍﻥ ﺍﻟﻮﺍﺣﺪ ﻳﺮﺗﺎﺡ ﻟﻜﻦ ﻭﻳﻦ ﻭﻳﺎ ﺟﺮﺍﺡ ﻭﻫﻮ ﺑﻜﻞ ﻧﺒﻀﺔ
ﻗﻠﺐ ﻳﻬﺪﻳﻬﺎ ﻟﺜﻼﺛﺔ ﺍﺷﺨﺎﺹ .. ﺍﻷﻭﻟﻰ ﻣﺮﻳﻢ .. ﺍﻟﺜﺎﻧﻴﺔ ﻟﻔﺎﺗﻦ ..
ﻭﺍﻟﺜﺎﻟﺜﺔ ﻟﻤﺴـﺎﻋﺪ ﻋﺸﺎﻥ ﺗﻌﻴﻨﻪ ﻭﺗﺮﺩﻩ ﻣﻦ ﺍﻟﻘﻮﻗﻌﺔ ﺍﻟﻠﻲ ﺍﻫﻮ ﻓﻴﻬﺎ ..
ﺍﻣﻪ ﻇﻠﺖ ﺍﻷﻡ ﺍﻟﻠﻲ ﺗﺘﻤﻨﻰ ﺍﻟﺨﻴـﺮ ﻻﻭﻻﺩﻫﺎ .. ﻭﻣﺎ ﺯﺍﻟﺖ ﺍﻟﺼﺪﻳﻖ
ﺍﻻﻭﻝ ﻭﺍﻻﺧﻴﺮ ﻟﻪ ﻭﻟﻜﻦ ﺍﻟﻠﻲ ﺷﺎﺭﻛﻬﺎ ﻓﻲ ﻫﺎﻟﺼﺪﺍﻗﺔ ﺍﻫﻮ ﺧﺎﻟﺪ ..
ﺗﻮﻩ ﻳﺤﻤﻞ ﺍﻻﻏﺮﺍﺽ ﺍﻟﻠﻲ ﺗﻮﻗﻒ ﻋﻦ ﺍﻟﺸﻐﻞ ﻋﻨﻬﺎ ﻫﻨﻲ ﻋﺸﺎﻥ ﻳﻜﻤﻠﻬﺎ
ﻓﻲ ﺍﻟﺒﻴﺖ ﺍﻻ ﻛﻞ ﻣﻦ ﺟﺮﺍﺡ ﻭﻟﺆﻱ ﻳﺪﺧﻠﻮﻥ ﻋﻠﻴﻪ ..
ﺧﺎﻟﺪ ﻭﻫﻮ ﻓﺎﺝ ﻋﻴﻮﻧﻪ : ﺭﺍﻳﺢ ﺍﻟﺒﻴﺖ؟
ﺟﺮﺍﺡ ﻭﻫﻮ ﻳﺤﻚ ﺭﻗﺒﺘﻪ ﺑﺘﻌﺐ : ﺍﻱ ﺑﺮﻭﺡ .. ﺗﻌﺒﺎﻥ ﻭﻫﻠﻜﺖ ﻋﻴﻨﻲ
ﻫﺎﻻﻭﺭﺍﻕ .. ﻭﺍﻻﺗﺼﺎﻻﺕ ﻋﻮﺭﺕ ﺭﺍﺳﻲ .. ﺻﺎﻳﺮ ﻟﻜﻢ ﺳﻜﺮﺗﻴﺮﺓ ..
ﻟﺆﻱ ﻭﻫﻮ ﻳﺒﺘﺴﻢ ﻭﻟﻜﻦ ﺑﺠﺪﻳـﺔ ﺍﻛﺜﺮ ﻋﻦ ﻗﺒـﻞ : ﻣﻦ ﻗﺎﻝ .. ﺍﻧﺖ ﻣﺜﻞ
ﻣﺎﻳﻘﻮﻟﻮﻥ .. ﺍﻟﻌﻘﻞ ﺍﻟﻤﺪﺑﺮ ﻭ ﺍﻟﻤﻨﺴﻖ ﺍﻟﻌﺎﻡ .. ﺷﺘﺒﻲ ﺍﻛﺜﺮ .. ﻟﻘﺒﻴﻦ ﻓﻲ
ﻭﺍﺣﺪ ..
ﺧﺎﻟﺪ ﻭﻫﻮ ﻳﺒﺘﺴﻢ ﻟﻠﺆﻱ ﺑﻤﺰﺡ : ﺷﺎﻣﺒﻮ ..
ﻟﺆﻱ : ﻫﻬﻬﻬﻬﻬﻬﻪ ﺷﺘﺒﻲ ﺍﻛﺜﺮ
ﺟﺮﺍﺡ ﻭﻫﻮ ﻳﻀﺤﻚ ﺑﺨﻔﺔ : ﻭﺍﻟﻠﻪ ﻣﺎﺑﻲ ﺍﻛﻮﻥ ﺷﺎﻣﺒﻮ .. ﺑﺲ ﺍﺑﻲ ﺷﻐﻞ
ﺻﺠﻲ .. ﻳﻌﻨﻲ ﺍﺣﻚ ﻭﺍﺿﺮﺏ ﻭﺍﻛﺴﺮ .. ﺍﻟﻈﺎﻫﺮ ﺍﻧﻲ ﺑﻔﺘﺢ ﻓﺮﻉ ﺛﺎﻧﻲ ..
ﺗﻬﺪﻳﻢ ﻭﺗﻔﺠﻴـﺮ ..
ﺧﺎﻟﺪ : ﺍﻟﻼﺍﺍﻩ .. ﺧﻮﺵ ﻓﻜﺮﺓ .. ﺍﻧﺖ ﺻﻤﻢ ﻭﺍﻧﺎ ﺍﻟﺒﺲ
ﺟﺮﺍﺡ : ﻫﺎ ﻧﻴﺎﺕ ﺍﺭﻫﺎﺑﻴﺔ؟
ﺧﺎﻟﺪ : ﻭﻳﻴﻴﻴﻴﻴﻴﻴﻴﻴﻴﻴﻴﻦ ﺍﺻﻼ ﻣﺎﻛﻮ ﻣﺠﺎﻝ .. ﻧﻬﺪﻡ ﻋﻤﺎﺭﺍﺕ ﻭﻻ
ﺑﻴﻮﺕ .. ﻭﻻ ﻛﻠﺶ ﻛﻠﺶ .. ﺷﻮﺍﺭﻉ .. ﻫﻬﻬﻬﻪ ﺷﺮﺍﻳﻚ؟
ﺟﺮﺍﺡ : ﺍﻟﺤﻴﻦ ﻫﺬﻱ ﻓﻜﺮﺗﻲ ﻭﺗﻘﻮﻝ ﻟﻲ ﺷﺮﺍﻳﻚ ... ﻳﺎﻟﻠﻪ ﺍﻧﺎ ﺑﺨﻠﻴﻜﻢ
ﺍﻟﺤﻴﻦ ﻭﺑﺮﺩ ﺍﻟﺒﻴﺖ .. ﺗﺤﻤﻠﻮ ﺑﺮﻭﺣﻜﻢ ﻭﺍﻧﺖ ﻻ ﺗﺘﺄﺧﺮ .. ( ﺍﻟﺠﻤﻠﺔ
ﻟﺨﺎﻟﺪ )
ﺧﺎﻟﺪ : ﻳﻤـﻜﻦ ﺍﺗـﺎﺧﺮ .. ﻓﺎﺿﻞ ﻳﺒﻴﻨﻲ ﻭﺑﺮﻭﺡ ﻟﻪ ﺍﺷﻮﻓﻪ ..
ﺟﺮﺍﺡ : ﺍﻭﻛﻲ ﺗﺤﻤﻞ ﺑﺮﻭﺣﻚ ...
ﻭﻗﺒﻞ ﻻ ﻳﻄـﻠﻊ ﻃﻞ ﺑﺮﺍﺳـﻪ ﻟﻠﺆﻱ : ﺑﺘﺮﻭﺡ ﻟﻤﺴـﺎﻋﺪ ﺍﻟﻠﻴﻠﺔ؟؟
ﻟﺆﻱ ﻭﻫﻮ ﻳﺨﺒﻲ ﻋﻴـﻮﻧﻪ ﺍﻟﺤﺰﻳـﻨﺔ ﺑﺎﻟﺴﺎﻋﺔ ﻭﻫﻮ ﻳﻨﺎﻇﺮ ﺍﻟﻮﻗﺖ : ﻭﺍﻟﻠﻪ
ﻣﺎﺩﺭﻱ .. ﺍﻟﻈﺎﻫﺮ ﺍﻧﻲ ﺭﺃﺳﺎ ﺑﺮﻭﺡ ﺍﻟﺒﻴﺖ ﺍﻭ ﻳﻤﻜﻦ ﺍﺭﻭﺡ ﺑﻨﻬﺎﻳﺔ
ﺍﻟﻮﻗﺖ .. ﺑﺲ ﻣﺎﻇﻦ ..
ﺟﺮﺍﺡ ﻭﻫﻮ ﻳﻔـﻜﺮ ﺑﻤﺮﻳﻢ .. ﻭﻛﺎﻧﻪ ﻧﺴﻰ ﺍﻧﻬﺎ ﺻﺎﺭﺕ ﺗﺴﻮﻕ ﻭﻋﻨﺪﻫﺎ
ﺳﻴـﺎﺭﺓ ﻟﺆﻱ :.. ﺍﻫﺎ ... ﻋﻴﻞ ﺳﻠﻢ ﻋﻠﻰ ﺍﻷﻫﻞ ..
ﻟﺆﻱ ﻋﺮﻑ ﻟﻤﻦ ﺍﻟﺴـﻼﻡ ﻭﻫﺰ ﺭﺍﺳﻪ : ﺍﻟﻠﻪ ﻳﺴﻠﻤﻚ ﻣﻦ ﺍﻟﺸﺮ ..
ﻃﻠﻊ ﺟﺮﺍﺡ ﻣﻦ ﺍﻟﻮﺭﺷﺔ ﻭﻫﻮ ﻳﺘﻨﻔﺲ ﺑﻌﻤـﻖ .. ﺣﺮﺍﺭﺓ ﺍﻟﺠﻮ ﻣﺎ ﻛﺎﻧﺖ
ﻣﻌﻴﻨﺔ ﺍﺑﺪﺍ .. ﻭﺍﻟﺘﻌﺐ ﻭﺍﻻﺭﻫﺎﻕ ﻳﺪﻭﺭ ﻣﺜﻞ ﺍﻟﻬﺎﻟﺔ ﻋﻠﻰ ﺭﺍﺳﻪ ﻟﻜﻦ ﻫﺬﺍ
ﺷﻲ ﻃﺒﻴـﻌﻲ .. ﻭﻳﺎ ﻛﻞ ﻫﺎﻟﻤِﺸـﺎﻏﻞ ﻭﺍﻟﻤﺘﺎﻋﺐ ﺍﻟﻠﻲ ﻳﻮﺍﺟﻬﻬﺎ .. ﺍﻟﻠﻪ
ﻳﺮﺯﻗﻪ ﺑﺲ ﺍﻟﺼﺒﺮ ﻭﺭﺍﺣﺔ ﺍﻟﺒـﺎﻝ ﺍﻟﻠﻲ ﻣﺎ ﻳﻈﻦ ﺍﻧﻪ ﺑﻴﻠﻘﺎﻫﺎ ﺍﻻ ﺑﻌﺪ
ﻓﺘـﺮﺓ ﻃﻮﻳﻠﺔ ..
ﺷﻐﻞ ﺍﻟﺴﻴﺎﺭﺓ ﻭﻫﻮ ﻳﺤﺮﻙ ﺍﻟﻤﻨﻈﺮﺓ ﺍﻟﻠﻲ ﺟﺪﺍﻣﻪ .. ﺗﻢ ﻳﻨﺎﻇﺮ ﻭﻳﻬﻪ
ﻭﺣﻮﺍﺟﺒﻪ ﺍﻟﻠﻲ ﺗﺸﺮﺑﻜﺖ ﻣﻦ ﺯﻣﺎﻥ ﺑﻌﻘﺪﺓ ﻣﺎ ﺍﻧﺤﻠﺖ ﺍﻟﻰ ﻫﺬﻱ
ﺍﻟﻠﺤﻈﺔ .. ﻭﻫﻮ ﻳﻤﺴﺢ ﻋﻠﻰ ﻋﻴﻮﻧﻪ ﺍﺳـﺘﺄﺫﻧﺖ ﺍﻟﺠﻔﻮﻥ ﺍﻟﻠﻲ ﺍﻧﻄﺒﻘﺖ
ﺍﻧﻬﺎ ﺗﺮﺳﻢ ﺻﻮﺭﺗﻬﺎ ﻭﻭﻳﻬﺎ ﺑﻌﻴﻨﻪ .. ﻭﻇﻞ ﺟﺮﺍﺡ ﻋﻠﻰ ﻫﺬﻱ ﺍﻟﺼـﻮﺭﺓ
ﻭﻫﻮ ﻣﻐﻤﺾ ﻋﻴـﻮﻧﻪ .. ﻣﺴﺘﻤﺘﻊ ﺑﻬﺎﻟﻮﻳﻪ ﺑﺲ ﻣﻦ ﻏﻴﺮ ﺍﺑﺘﺴـﺎﻡ .. ﻻﻧﻬﺎ
ﻛﺎﻧﺖ ﺑﻌﻴـﺪﺓ ﻭﺍﻥ ﻛﺎﻧﺖ ﺍﻗﺮﺏ ﻣﻦ ﺍﻟﺠﻔﻦ ﻟﻌﻴـﻮﻧﻪ .. ﻓﺘﺢ ﻋﻴـﻮﻧﻪ
ﻭﻫﻮ ﻳﺤﺲ ﺑﺤﺮﻗﺎﻥ ﻓﻴـﻬﺎ .. ﻟﺒﺲ ﺍﻟﻨـﻈﺎﺭﺓ ﻭﻫﻮ ﻳﻄﻠﻊ ﺍﻟﺴﻴـﺎﺭﺓ ﻣﻦ
ﺍﻟﺒﺎﺭﻛﺎﺕ ..
ﺭﺩ ﺍﻟﺒﻴـﺖ ﻭﻫﻮ ﺗﻌﺒـﺎﻥ ﻧﻔﺴﻴـﺎ ﻣﻦ ﺍﻷﺯﻣﺎﺕ ﺍﻟﻠﻲ ﺗﺮﺍﻛﻤﺖ ﻓﻴـﻪ ..
ﻭﻟﻜﻦ ﺣﺎﻭﻝ ﺍﻧﻪ ﻳﺨﻔﻲ ﻫﺎﻟﻤﻼﻣﺢ ﻣﻦ ﻭﻳـﻬﻪ .. ﺩﺧﻞ ﺍﻟﺒﻴﺖ ﻭﻫﻮ
ﻳﻨﺎﺩﻱ ﻋﻠﻰ ﺍﻣﻪ ..
ﺟﺮﺍﺡ : ﻳﻤـﺔ .. ﻳﻤــﺔ ..
ﻣﺎﻛﻮ ﺍﻱ ﺭﺩ ﻭﻻ ﺟﻮﺍﺏ .. ﺗﻠﻔﺖ ﻳﻤﻴﻦ ﻭﻳﺴـﺎﺭ ﻟﻘﻰ ﺳﺘﺎﺭ ﺍﻟﺼﺎﻟﺔ
ﻣﻔﺮﻭﺵ .. ﺍﻛﻴﺪ ﺍﺣﺪ ﻭﻳﺎ ﺍﻣﻪ ﻓﻲ ﺍﻟﺒﻴﺖ .. ﻟﺬﺍ ﻣﺎ ﺣﺐ ﺍﻧﻪ ﻳﻨﺎﺩﻳﻬﺎ
ﺍﻛﺜـﺮ .. ﻭﺭﺍﺡ ﻣﺒﺎﺷﺮﺓ ﺍﻟﻤﻄﺒـﺦ .. ﺣﻤﻞ ﻟﻪ ﻗﻄﻌﺔ ﻓﻮﺍﻛﻪ ﻭﻗﻌﺪ ﻳﺎﻛﻠﻬﺎ
ﺑﺴﺒﺐ ﺍﻟﺠﻮﻉ ﺍﻟﺸﺪﻳﺪ ﺍﻟﻠﻲ ﺍﻧﺘﺎﺑﻪ .. ﻭﺗﻢ ﻳﻘﻀﻢ ﻓﻴﻬﺎ ﻭﻫﻮ ﻃﺎﻟﻊ ﻣﻦ
ﺍﻟﻤﻄﺒﺦ .. ﻭﻟﻜﻨﻪ ﺗﺠﻤﺪ ﻣﻜﺎﻧﻪ ﻳﻮﻡ ﻛﺎﻥ ﺗﻮﻩ ﺑﻨﺺ ﺍﻟﺪﺭﺏ ﺍﻟﻰ ﺍﻟﺪﺭﻱ ..
ﻭﻛﻠﻪ ﺑﺴﺒﺐ ﺍﻟﺸﺨﺺ ﺍﻟﻠﻲ ﻛﺎﻥ ﻓﻲ ﺍﻟﺒﻴﺖ ..
ﻛﺎﻧﺖ ﻣﺮﻳﻢ ﻧﺎﺯﻟﺔ ﻣﻦ ﻋﻠﻰ ﺍﻟﻌﺘﺒﺎﺕ ﻣﻦ ﺑﻌﺪ ﻣﺎ ﺍﺳﺘﺄﺫﻧﺖ ﻟﻠﺮﻭﺣﺔ ﻣﻦ
ﺳﻤﻌﺖ ﺣﺲ ﺟﺮﺍﺡ .. ﻭﻣﺎ ﺗﻤﻨﺖ ﺍﻧﻬﻢ ﻳﺘﻼﻗﻮﻥ ﺟﺬﻱ ﻟﻜﻦ ﻟﻼﺳﻒ ..
ﺗﻼﻗﻮﺍ .. ﻭﻣﻦ ﺑﻌﺪ ﻓﺮﺍﻕ ﺍﻟﺜﻤﺎﻧﻴﺔ ﺍﺷﻬﺮ .. ﻳﺘﻼﻗﻮﻥ ﻓﻲ ﻋﻘﺮ ﺑﻴﺘﻪ ..
ﺧﺎﻧﺖ ﺍﻟﺘﺼﺮﻓﺎﺕ ﺍﻟﻼﺋﻘﺔ ﺟﺮﺍﺡ ﺍﻟﻠﻲ ﻇﻞ ﻭﺍﻗﻒ ﻭﻫﻮ ﻳﻨﺎﻇﺮ ﻣﺮﻳﻢ
ﺍﻟﻠﻲ ﻣﺎ ﺣﻄﺖ ﻟﻬﺎﻟﻠﺤﻈﺔ ﻋﻴﻮﻧﻬﺎ ﺑﻌﻴﻮﻧﻪ .. ﺗﻢ ﻳﺮﺍﻗﺐ ﻛﻞ ﺷﻲ ﻓﻴـﻬﺎ ..
ﻋﺒﺎﻳﺘﻬﺎ ﻭﺷﻴﻠﺘﻬﺎ ﺍﻟﻤﺘﺪﻟﻴﺔ .. ﻭﻳﻬﻬﺎ ﺍﻟﺤﺰﻳـﻦ ﻭﺍﻟﻜﺒﻴﺮ ﺑﺎﻟﻌﻤﺮ .. ﻭﻛﺎﻥ
ﺍﻟﻠﻲ ﻣﺮ ﺛﻤﺎﻥ ﺳﻨﻮﺍﺕ ﻣﻮ ﺛﻤﺎﻧﻴﺔ ﺍﺷﻬﺮ . ﺑﺲ ﻫﺬﺍ ﺍﻟﻠﻲ ﻳﺴﻮﻳﻪ ﺍﻟﻔﺮﺍﻕ
ﻓﻲ ﺍﻟﻨﺎﺱ .. ﻳﺨﻠﻖ ﺍﻟﺘﻌﺐ ﻓﻲ ﺍﻟﻮﻳﻪ ..
ﺣﺎﻭﻟﺖ ﺍﻧﻬﺎ ﺗﺘﺠﺎﻫﻠﻪ .. ﻭﻻ ﺗﻨﺎﻇﺮ ﻭﻳﻬﻪ .. ﺍﻟﻠﻲ ﻳﻤﻜﻦ ﻟﻮ ﺷﺎﻓﺘﻪ
ﺑﻬﺎﻟﻠﺤﻈﺔ ﺍﻟﻠﻲ ﻛﺎﻧﺖ ﻟﻠﺘﻮﻭ ﺗﺎﻟﻴﺔ ﻟﺘﻌﺒﻴﺮ ﻋﻦ ﺃﻟﻢ ﻋﻈﻴﻢ ﻭﺍﺧﺘﻨﺎﻕ
ﻋﺎﻃﻔﻲ ﻓﻴﻬﺎ ﻭﺷﻮﻕ ﻛﺒﻴـﺮ ﻟﻜﻞ ﺍﻫﻞ ﻫﺎﻟﺒﻴﺖ .. ﻭﻟﻜﻦ .. ﻛﺎﻥ ﻣﻦ
ﺍﻟﻤﻔﺮﻭﺽ ﻋﻠﻴﻬﺎ ﺍﻧﻬﺎ ﺗﻨﺎﻇﺮﻩ ﻭﺗﺤﻂ ﻋﻴﻮﻧﻬﺎ ﺑﻌﻴـﻮﻧﻪ ..
ﻣﺮﻳﻢ ﻭﺍﻻﺑﺘﺴﺎﻣﺔ ﺍﻟﻤﺨﻨﻮﻗﺔ ﻋﻠﻰ ﻭﻳﻬﻬﺎ ﺍﻟﺸﺎﺣﺐ .. ﺑﺮﻭﺩ ﻳﻜﺘﺴﺢ
ﻣﻈﻬﺮﻫﺎ ﻭﻟﻜﻦ ﺍﻻﻑ ﺍﻟﺘﺄﺟﺠﺎﺕ ﺗﺸﺘﻌﻞ ﻓﻲ ﻗﻠﺒﻬﺎ ﻟﺠﺮﺍﺡ ..
ﻣﺮﻳﻢ : .. ﺷﺨﺒﺎﺭﻙ ﺟﺮﺍﺡ؟؟
ﺟﺮﺍﺡ ﻭﻋﻴـﻮﻧﻪ ﺧﺎﻳـﻨﺘﻪ ﻭﻫﻮ ﻳﻨﺎﻇﺮﻫﺎ ﻣﻦ ﻏﻴـﺮ ﺍﻱ ﺗﺼﺮﻑ ﻣﻬـﺬﺏ
ﺍﻭ ﻣﻔﺮﻭﺽ ﺑﻬﺎﻟﻠﺤﻈﺔ ..: ﻧﺤﻤﺪ ﺍﻟﻠﻪ .. ﺍﻟﺪﻧﻴﺎ ﺗﻴﻴﺐ ﻟﻨﺎ ﺍﺣﺰﺍﻥ ﺍﻻﻳﺎﻡ
ﺍﻟﻴﺎﻳﺔ ﻭﻧﻈﻞ ﻧﺘﺤﻤﻞ .. ﻭﺍﻧﺘﻲ .. ﺷﺨﺒـﺎﺭﺝ؟
ﻣﺮﻳﻢ ﻭﻫﻲ ﺗﺒﺘﺴﻢ : ﺍﻟﺤﻤﺪ ﻟﻠﻪ ﺍﺑﺨﻴﺮ .. ( ﻭ ﻫﻲ ﺗﻌﺼﺮ ﻳﺪﻫﺎ ﻋﻠﻰ
ﻗﻠﺒﻬﺎ ) ﻳﺎﻟﻠﻪ ﺍﻧﺎ ﺑﺮﻭﺡ ﺍﻟﺤﻴﻦ ..
ﻟﻜﻦ ﻣﺎ ﺧﻼﻫﺎ ﺟﺮﺍﺡ ..: ﺷﺨﺒـﺎﺭ .. ﺷﺨﺒـﺎﺭﻩ ﻣﺴـﺎﻋﺪ؟
ﺍﺑﺘﺴﻤﺖ ﻣﺮﻳﻢ ﺑﺨﻔﺔ ﻻﻧﻬﺎ ﺗﻌﺮﻑ ﺍﻥ ﺟﺮﺍﺡ ﻳﻘﺪﺭ ﻳﺤﺼﻞ ﺍﺧﺒﺎﺭ
ﻣﺴـﺎﻋﺪ ﻣﻦ ﻟﺆﻱ ﻭﻟﻜﻦ :.. ﺍﻟﺤﻤﺪ ﻟﻠﻪ .. ﻣﺎﻛﻮ ﺍﻱ ﺗﻄـﻮﺭ ﺑﺤﺎﻟﺘﻪ ﻟﻜﻦ
ﺍﻟﺤﻤـﺪ ﻟﻠﻪ ..
ﺟﺮﺍﺡ : ﺍﻥ ﺷﺎﺀ ﺍﻟﻠﻪ ﺗﺘﻄﻮﺭ ﺣﺎﻟﺘﻪ ﺍﻟﺼﺤﻴـﺔ ..
ﻣﺮﻳﻢ : ﺍﻥ ﺷﺎﺀ ﺍﻟﻠﻪ .. ﻣﻊ ﺍﻟﺴـﻼﻣﺔ (ﻭﻫﻲ ﺣﺎﻃﺔ ﻋﻴﻮﻧﻬﺎ ﺑﻌﻴﻮﻧﻪ ..
ﻋﺸﺎﻥ ﻳﺨﻠﻴﻬﺎ ﺗﺮﻭﺡ .. )
ﺟﺮﺍﺡ ﻭﻫﻮ ﻳﻔﻜـﺮ ﺍﻧﻪ ﻳﻌـﺎﻧﺪ ﻋﻴﻮﻧﻬﺎ .. ﻟﻜﻦ .. ﺣﺮﺍﻡ ﻳﻌﺬﺑﻬﺎ ﺟﺬﻱ
ﺍﻛـﺜﺮ ..: ﺍﻟﻠﻪ ﻳﺴـﻠﻤﺞ ..
ﺍﻡ ﺟﺮﺍﺡ ﻭﻫﻲ ﺗﺮﺍﻗﺐ ﺍﻻﺛﻨﻴﻦ ﺑﻠﻮﻋﺔ .. ﻣﺎ ﻋﻤﺮﻫﺎ ﺣﺴـﺖ ﺍﻧﻬﺎ ﻣﺎ
ﺗﺘﺤﻤﻞ ﻇﻠﻢ ﺍﺣﺪ ﻛﺜﺮ ﻇﻠﻢ ﻫﺎﻻﺛﻨﻴـﻦ .. ﺑﺪﻝ ﺍﻟﻮﺍﺣﺪ .. ﺻﺎﺭﺕ ﻻﺯﻡ
ﺗﻌﺎﻧﻲ ﻟﺜﻼﺛﺔ .. ﺍﻭﻝ ﺷﻲ ﻟﻤﺴـﺎﻋﺪ .. ﻭﺍﻟﺜﺎﻧﻲ ﻟﺠﺮﺍﺡ .. ﻭﺍﻟﺜﺎﻟﺚ ﻟﺨﺎﻟﺪ
ﺍﻟﻠﻲ ﻳﺤﻤـﻞ ﺍﻛﺒـﺮ ﺃﻟﻢ ﺑﻴﻦ ﻫﺎﻟﻜﻞ ..
ﻣﺮﻳﻢ ﻭﻫﻲ ﺗﺮﻛﺐ ﺍﻟﺴﻴﺎﺭﺓ ﻭﻳﺎﻫﺎ ﺍﻡ ﺟﺮﺍﺡ ..: ﻋﻠﻰ ﺍﺗﻔﺎﻗﻨﺎ ﺧﺎﻟﺘﻲ !!
ﺍﻡ ﺟﺮﺍﺡ : ﺍﻱ ﻳﻤﺔ ﺑﺲ ﻣﺎﺩﺭﻱ ﺍﺧﺎﻑ ﺍﻣﺞ ﺗﺪﺭﻱ ﻭﺗﺰﻓﺞ ﻭﻻ ﺗﻠﻌﺐ
ﻓﻴﺞ ﻭﺍﻧﺎ ﻣﺎﺑﻲ ﻫﺎﻟﺸﻲ ﻳﺼﻴﺮ
ﻣﺮﻳﻢ ﺗﺒﺘﺴﻢ : ﺧﺎﻟﺘﻲ ﺍﻧﺎ ﻭﺟﺮﺍﺡ ﺑﻨﺘﻔﻖ ﻋﻠﻰ ﻫﺎﻟﺸﻲ ﻭﻣﺎ ﺭﺍﺡ ﻳﺼﻴـﺮ
ﺷﻲ ﺻﺪﻗﻴﻨﻲ .. ﺍﺫﺍ ﺍﺗﻔﻘﻨﺎ ﻋﻠﻰ ﺷﻲ ﺻﺪﻗﻴﻨﻲ ﻣﺤﺪ ﺭﺍﺡ ﻳﺄﺛﺮ ..
ﺍﻡ ﺟﺮﺍﺡ ﻭﻫﻲ ﺗﺒﺘﺴﻢ ﺑﺄﺳﻒ ﻭﺗﻨﺎﻇﺮ ﻣﺮﻳﻢ ..: ﺟﺮﺍﺡ ﻭﺍﻧﺘﻲ؟
ﻣﺮﻳﻢ ﺍﻟﻠﻲ ﺑﻌﺪﻫﺎ ﻣﺎ ﺍﺳﺘﻮﻋﺒﺖ ﺍﻟﺼﺪﻣﺔ : ﺍﻱ .. ﺍﻧﺎ ﻭﺟﺮﺍﺡ ..
(ﺍﻧﺘﺒﻬﺖ ﻋﻠﻰ ﻛﻠﻤﺘﻬﺎ .. ﻭﺍﺭﺗﻔﻊ ﺟﺴﻤﻬﺎ ﺑﺸﻬﻘﺔ ﺣﻴـﺎ .. ﻭﻟﻜﻦ ﻋﻴـﻮﻥ ﺍﻡ
ﺟﺮﺍﺡ ﺍﻟﻀﺎﺣﻜﺔ ﺍﻧﻘﺬﺗﻬﺎ .. ) ﺍﻟﺴـﻤﻮﺣﺔ ﺧﺎﻟﺘـﻲ .. ﺑﺲ ... ﺷﻮﻱ ﻓﻜـﺮﻱ
ﻣﺸـﻐﻮﻝ .
ﺍﻻ ﻭﻣﻨـﺎﻳﺮ ﻭﺳﻤــﺎﻫﺮ ﻳﺎﻳـﻴﻦ ﻋﻨﺪ ﺍﻟﺒﻴﺖ .. ﺍﻟﻠﻲ ﻗﺪﺭﻭ ﺧﻼﻝ ﻫﺎﻟﺜﻤﺎﻧﻴـﺔ
ﺷـﻬﻮﺭ ﺍﻧﻬﻢ ﻳﻌﺒـﺮﻭﻥ ﻋﻦ ﻛﺒـﺮﻫﻢ ﺑﻮﺿﻮﺡ ﺍﻟﺤﺴـﻦ ﻭﺍﻟﺠﻤـﺎﻝ ..
ﻭﺧﺼـﻮﺻﺎ ﻣﻨـﺎﻳﺮ ﺍﻟﻠﻲ ﺍﻛﺘﺴـﺒﺖ ﻗﺎﻣﺔ ﻃﻮﻳــﻠﺔ ﻣﺜﻞ ﺍﺧـﻮﻫﺎ ..
ﻭﺳﻤـﺎﻫﺮ ﺍﻟﻠﻲ ﺑﺪﺕ ﺑﻨﺖ ﻓﻲ ﻋﻤـﺮ ﺍﻟﻌﺸـﺮﻳﻦ ﻋﻠﻰ ﺍﻟﺮﻏـﻢ ﺍﻧﻬﺎ ﻛﺎﻧﺖ
ﺑﺲ ﻓﻲ ﺍﻝ17 .. ﺳﻨﺔ ﺛﺎﻧﻴﺔ ﺛﺎﻧﻮﻳﺔ ..
ﻭﻳـﻪ ﻣﻨﺎﻳﺮ ﻛﺎﻧﺖ ﻣﺠﻤﻞ ﺑﺎﻟﺤﺰﻥ ﺍﻟﻌﻤﻴﻖ ﺍﻟﻠﻲ ﻳﺄﺑﻰ ﺍﻟﻈﻬﻮﺭ .. ﻭﻗﻠﺐ
ﻣﺴﻜﻴﻦ ﺍﺣﺐ ﺍﻟﺸﺨﺺ ﺍﻟﺨﻄﺄ .. ﻛﺎﻧﺖ ﻋﻠﻰ ﻭﺷﻚ ﺍﻟﻤﻮﺕ ﻳﻮﻡ ﺑﺪﺕ
ﺗﺘﻌﺮﻑ ﻋﻠﻰ ﻣﺸـﺎﻋﺮ ﻗﻠﺒﻬﺎ ﺍﻟﺠﺎﻣﺤﺔ ﻟﻤﺸـﻌﻞ ﺍﻧﻬﺎ ﺍﻟﺤﺐ .. ﻭﺍﻟﻠﻲ
ﻓﻬﻤﻬﺎ ﻫﺎﻟﻤﺸﺎﻋﺮ ﻛﺎﻧﺖ ﺳﻤﺎﻫﺮ ﻣﺤﺪ ﻏﻴـﺮﻫﺎ . ﻭﻫﻲ ﺑﻌﺪ ﻧﻔﺴﻬﺎ ﺍﻟﻠﻲ
ﺧﻠﺘﻬﺎ ﺗﻮﻋﺪﻫﺎ ﺍﻧﻬﺎ ﻣﺎ ﺗﺘﺠﺎﻭﺯ ﺣﺪﻭﺩﻫﺎ ﻣﻌﺎﻩ .. ﻭﻟﻜﻦ ﻫﺬﺍ ﺍﻟﻮﻋﺪ ﻛﺎﻥ
ﻣﺎﻟﻪ ﺍﻱ ﺩﺍﻋﻲ ﻻﻥ ﻣﻦ ﺑﻌﺪ ﺳﻔﺮ ﻓﺎﺗﻦ ﺍﺧﺘﻔﻰ ﻣﺸـﻌﻞ ﺍﻟﺜﺎﻧﻲ .. ﻭﻣﺎ
ﻋﺎﺩﻭ ﻳﻌﺮﻓﻮﻥ ﻋﻨﻪ ﺍﻱ ﺷﻲ .. ﻭﺣﺎﻭﻟﺖ ﻣﻨﺎﻳﺮ ﺍﻧﻬﺎ ﺗﺨﺒﻲ ﺍﻻﻟﻢ
ﺍﻟﻌﻈﻴﻢ ﻓﻲ ﻗﻠﺒﻬﺎ ﻋﻦ ﺍﻟﻜﻞ ﻛﺴﺒﺎ ﻟﺤﻴـﺎﺗﻬﺎ .. ﻭﺍﻧﻬﺎ ﺗﻌﻮﺽ ﻧﻔﺴﻬﺎ
ﺑﺎﻟﺮﺍﺣﺔ ﺍﻟﻠﻲ ﻟﻘﺘﻬﺎ ﺑﺎﻧﻪ ﺑﻌﻴﺪ ﻭﻣﺎ ﺭﺍﺡ ﻳﺄﺫﻱ ﺍﺣﺪ ﻣﻦ ﺑﻴﺘﻬﻢ ..
ﻣﻨﺎﻳﺮ ﻳﻮﻡ ﺷﺎﻓﺖ ﻣﺮﻳﻢ ﻣﺎ ﺻﺪﻗﺖ ﻋﻴﻮﻧﻬﺎ .. ﺍﻫﻲ ﺻﺞ ﻣﺎﻗﻄﻌﺘﻬﻢ
ﺍﻻ ﻓﺘﺮﺓ ﺑﺴﻴﻄﺔ ﻭﺭﺩﺕ ﺗﺰﻭﺭﻫﻢ ﺑﺼﻮﺭﺓ ﺑﺴﻴﻄﺔ ..
ﻣﻨﺎﻳﺮ ﻭﻫﻲ ﺗﻠﻢ ﻣﺮﻳﻢ : ﻳﺎ ﺣﻼﺍﺍﺍﺍﺍﺍﺍﺍﺍﺍﺍﺍ ﻫﺎﻟﻮﻳﻪ .. ﻣﺎﻟﺖ ﻋﻠﻴﺞ ﺗﻮﺝ
ﺍﻟﺤﻴﻦ ﻳﺎﻳﻴﺘﻨﺎ ..
ﻣﺮﻳﻢ ﻭﻫﻲ ﺗﺨﺒﻲ ﻭﻳﻬﻬﺎ ﺑﺎﻟﺸﻴﻴﻠﺔ : ﺷﺴﻮﻱ ﺑﻌﺪ؟؟ ﺍﺍﺧﺎﻑ ﺍﺣﺪ
ﻳﺠﻜﻨﻲ ﻋﻨﺪ ﺑﻴﺘﻜﻢ .. ﻓﻘﻠﺖ ﻣﺎ ﺍﻳﻲ ﺍﻻ ﺑﺎﻟﺨﺸﺔ .. ﻭﺍﻧﺘﻲ ﺷﺨﺒﺎﺭﺝ
ﺍﻟﻤﺤﻘﻖ ﻛﻮﻧﺎﻥ؟؟
ﻣﻨﺎﻳﺮ ﻭﻫﻲ ﺗﻨﺎﻇﺮ ﺍﻣﻬﺎ ﺑﻐﻴـﺾ : ﻳﻤﺔ ﻟﻴﺶ ﺗﺘﻄﻨﺰﻳﻦ ﻋﻠﻲ ﻭﻳﺎﻫﺎ
ﻣﺮﻳﻢ ﻭﻫﻲ ﻣﻨﻔﺠﺮﺓ ﺑﺎﻟﻀﺤﻚ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻛﻮﻧﺎﻥ ﻣﺮﺓ ﻭﺣﺪﺓ؟ ﺟﺎﻥ ﻗﻠﺘﻲ ﺟﻮﺭﺟﻲ؟؟؟ ﻭﺍﻟﻪ ﺍﺣﻠﻰ ﻫﺎﻟﻤﺴﻠﺴﻞ ..
ﻣﻨﺎﻳﺮ ﻭﻫﻲ ﺗﺘﺨﺼﺮ ﻭﺍﻟﻜﺒﺮﻳﺎﺀ ﻳﻌﻠﻮﻭ ﻭﺟﻬﻬﺎ ﺍﻟﺠﻤﻴـﻞ ..: ﻭﺍﻟﻠﻪ
ﻛﻴـﻔﻲ .. ﺍﻧﺎ ﻛﻮﻧﺎﻥ .. ﻭﻟﻮ ﻓﻴﻨﻲ ﺑﻌﺪ ﻣﻮ ﺑﺲ ﺍﺻﻴﺮ ﺍﻫﻮ .. ﺣﺘﻰ
ﺳﺎﻧﺪﻱ ﺑﻞ ..
ﻣﺮﻳﻢ : ﺍﻭﺏ ﺍﻭﺏ . . ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺧﺎﻟﺘﻲ ﺍﻟﻠﻪ ﺑﺎﻟﺴﺘﺮ ﺍﻟﺒﻨﺖ
ﺑﺘﻔﻈﺤﺞ ..
ﻣﻨﺎﻳﺮ : ﻻ ﻭﺍﻟﻠﻪ ﻫﺎﻟﺸﻲ ﻳﻔﻀﺤﺞ؟؟ ﻣﻦ ﺍﻣﺘﻰ؟؟
ﺍﻡ ﺟﺮﺍﺡ : ﻣﺎ ﻳﻔﻀﺢ ﻣﺎ ﻳﻔﻀﺢ ﺑﺲ ﺧﻼﺹ ﻓﻜﻴـﻨﺎ ..
ﻣﻨﺎﻳﺮ ﻭﻫﻲ ﺗﻤﺰﺡ : ﺍﺧﺮ ﻣﺮﺓ ﺍﺗﻴﻴﻦ ﺑﻴﺘﻨﺎ ﺳﺎﻣﻌﺔ؟
ﻣﺮﻳﻢ ﻭﻫﻲ ﺗﻤﺜﻞ ﺑﺎﻟﺼﺪﻣﺔ ..: ﺷﻨﻮ؟؟ ﺍﻧﺎ ﻣﻨﺎﻳﺮ؟؟ ﻟﻴﺶ .. ﺍﻧﺎ
ﺷﺴﻮﻳﺖ ﻓﻴﺞ .. ﺗﺪﺭﻱ ﺍﻧﻲ ﻣﻮﺕ ﺍﺣﺒﻚ؟
ﻣﻨﺎﻳﺮ ﻭﻫﻲ ﺗﺘﻈﺎﻫﺮ ﺑﺎﻟﻐﺮﻭﺭ : ﺑﺲ ﺧﻼﺹ ﻣﺎﺑﻴﺞ ﻣﺎﺣﺒﺞ ﻭﻻ ﻳﻬﻤﻨﻲ
ﺟﺎﻥ ﺗﺤﺒﻴﻨﻲ ﻭﻻ ﻻﺀ ..
ﻣﺮﻳﻢ ﻭﻫﻲ ﺗﺴﻜﺮ ﺍﻟﺒﺎﺏ ﻭﺗﺸﻐﻞ ﺍﻟﺴﻴـﺎﺭﺓ : ﻭﺍﻟﻠﻪ ﺗﺪﺭﻳﻦ ﻋﺎﺩ .. ﻋﻨﺪﺝ
ﺑﺪﻝ ﺍﻟﻄﻮﻑ ﺍﻟﻒ .. ﻭﺩﻗﻲ ﺭﺍﺳﺞ ﺑﺎﻟﻠﻲ ﺗﺒﻴﻦ .. ﻳﺎﻟﻠﻪ ﺧﺎﻟﺘﻲ ﺍﻧﺎ ﺑﺮﻭﺡ
ﻗﺒﻞ ﻻ ﺗﺸﻚ ﻓﻴﻨﻲ ﺍﻣﻲ ..
ﺍﻡ ﺟﺮﺍﺡ ﺑﺎﺑﺘﺴﺎﻣﺔ : ﻓﻲ ﺍﻣﺎﻥ ﺍﻟﻠﻪ ﻳﻤﺔ ﻭﺣﻔﻈﻪ .. ﻭﻻ ﺗﺨﺒﻄﻴﻦ
ﺑﺎﻟﺸﺎﺭﻉ ﻫﺎﻻﻳﺎﻡ ﺧﻄﺮ ﻫﺎﻟﺴﻮﺍﻗﺔ ..
ﻣﺮﻳﻢ ﻭﻳﻪ ﺗﺼﺤﺢ : ﺧﺎﻟﺘﻲ ﺳﻴﺎﻗﺔ .. ﻣﺐ ﺳﻮﺍﻗﺔ .. ﻭﻭﻻ ﻳﻬﻤﺞ .. ﺍﻧﺎ
ﺍﻟﺤﻤﺪ ﻟﻠﻪ ﻣﺮﺍﻋﻴﺔ ..
ﻣﻨﺎﻳﺮ ﻭﻫﻲ ﺗﺤﻂ ﺭﺍﺳﻬﺎ ﻋﻨﺪ ﺑﺎﺏ ﺭﻧﺞ ﻣﺴـﺎﻋﺪ : ﺣﻄﻲ ﻋﻴﻨﺞ
ﺑﻌﻴﻨﻲ ..
ﻣﺮﻳﻢ ﻭﻫﻲ ﺗﻐﻤـﺰ : ﺑﺲ ﻋﺎﻟﻬﺎﻱ ﻭﺍﻱ ﻣﺎﺟﻮﻑ
ﻣﻨﺎﻳﺮ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﺬﻱ ﻫﻲ ﺗﺮﺑﻴـﺘﻲ ..
ﻭﺗﺤﺮﻛﺖ ﻣﺮﻳﻢ ﻋﻨﻬﻢ ﻭﻫﻲ ﺗﺤﺘﻔﻆ ﺑﺎﻻﺑﺘﺴﺎﻣﺔ ﻣﻦ ﺑﻌﺪ ﺍﻟﻀﺤﻜﺔ ..
ﺻﺞ ﺍﻧﻬﺎ ﺿﺤﻜﺖ .. ﻟﻜﻦ ﻋﺸﺎﻥ ﺗﻬﺪﻱ ﻗﻠﺒـﻬﺎ ﺍﻟﻠﻲ ﻛﺎﻥ ﻳﺪﻕ ﻣﺜﻞ
ﺍﻟﻄﺒﻞ ﻣﻦ ﺷﺎﻓﺖ ﺟﺮﺍﺡ ﻟﺤﺘﻰ ﻫﺎﻟﻠﺤﻈﺔ .. ﻣﺤﺘﻔﻈﺔ ﺑﺼﻮﺭﺗﻪ
ﺑﻌﻴﻮﻧﻬﺎ .. ﻣﺎ ﺍﺣﻼﺍﻩ .. ﺑﻌﺪﻫﺎ ﻋﻴﻮﻧﻪ ﺳﻮﺩﺍ .. ﻭﺑﻌﺪﻫﺎ ﺭﻣﻮﺷﻪ ﻛﺜﻴﻔﻪ ..
ﻭﺑﻌﺪﻩ ﻭﻳﻬﻪ ﻣﺤﺘﻔﻆ ﺑﺠﻤﺎﻝ ﺍﻟﻄﻔﻮﻟﺔ ﻣﺜﻞ ﻗﺒـﻞ .. ﻛﺎﻥ ﻳﺨﺘﻠﻒ ﺟﺮﺍﺡ
ﻋﻨﻬﺎ ﻓﻲ ﺍﻟﺸﻜﻞ ﺍﺷﺪ ﺍﻻﺧﺘﻼﻑ .. ﺍﻫﻮ ﺑﺸﺮﺗﻪ ﻓﺎﺗﺤﺔ ﻭﺷﻮﻱ ﺑﻴﻀﺔ
ﻟﻜﻦ ﺍﻫﻲ ﺳﻤـﺮﺍ ﺑﺤﻤﺮﺓ ﺍﻟﺨﺪﻭﺩ .. ﻋﻴﻮﻧﻪ ﺳﻮﺩﺍ ﻭﻟﻜﻦ ﻛﺒﻴـﺮﺓ .. ﻭﻫﻲ
ﻣﺎﻳﻠﺔ ﻟﻼﺧﻀﺮﺍﺭ ﻭﺍﻫﺪﺍﺑﻬﺎ ﺧﻔﻴﻔﺔ ..
ﻃﻮﻝ ﻋﻤﺮﻫﺎ ﺣﺴﺖ ﺑﺎﻟﺘﻨﺎﻗﺾ ﺑﻴﻨﻬﺎ ﻭﺑﻴﻦ ﺟﺮﺍﺡ .. ﻭﻳﻤﻜﻦ ﻫﺬﺍ ﺍﻟﺸﻲ
ﺍﻟﻠﻲ ﺧﻼﻫﺎ ﺗﺘﻘﺮﺏ ﻣﻨﻪ ﺍﻛﺜـﺮ ﺷﻲ .. ﺗﺬﻛﺮ ﺍﻭﻝ ﺍﻳﺎﻡ ﻣﺮﺍﻫﻘﺘﻬﺎ .. ﻳﻮﻡ
ﻛﺎﻧﺖ ﺗﻤﻀﻲ ﺍﻟﻠﺤﻈﺎﺕ ﻭﻫﻲ ﺗﺪﻗﻖ ﻓﻲ ﻣﻼﻣﺤﻪ ﻭﻗﺖ ﻣﺎ ﻛﺎﻧﻮ
ﻳﻠﻌﺒﻮﻥ ﻓﻲ ﺳﺎﺣﺔ ﺑﻴﺘﻬﻢ .. ﺍﻫﻮ ﻭﻟﺆﻱ .. ﺍﻭ ﺍﻭﻗﺎﺕ ﻣﺎ ﻛﺎﻧﻮ ﻳﻐﺴﻠﻮﻥ
ﺍﻟﺴﻴﺎﺭﺍﺕ .. ﺍﻭ ﻳﺘﻠﻌﺒﻮﻥ ﻭﻳﺎ ﺑﻌﺾ .. ﺍﻭ ﺣﺘﻰ ﻟﻤﻦ ﺗﺘﻼﻗﻰ ﻭﻳﺎﻩ ﻓﻲ
ﺑﻴـﺘﻬﻢ ..
ﺍﻟﺬﻛﺮﻳﺎﺕ ﻛﺎﻧﺖ ﺣﻠﻮﺓ ﻭﺟﻤﻴﻠـﺔ ﻭﺗﻤﺮ ﻋﻠﻰ ﺍﻟﻘﻠﺐ ﻣﺜـﻞ ﺍﻟﻬﻤﺲ ﺍﻟﺒﺎﺭﺩ
ﻋﻠﻰ ﺍﻻﺫﻥ .. ﻭﻟﻜﻦ ﺑﻨﻔﺲ ﺍﻟﻮﻗﺖ ﺗﻮﻗﻆ ﻭﺣﻮﺵ ﺍﻟﺤﺰﻥ ﻓﻲ ﺍﻟﻨﻔﺲ
ﻭﺍﻟﻤﺴﺘﺤﻴـﻞ ﺍﻟﻠﻲ ﺍﻧﺼﻒ ﺑﻴﻨﺎﺗﻬﻢ ..
ﻭﻳﺎﻫﺎ ﺍﻻﺗﺼـﺎﻝ ﺍﻟﻠﻲ ﻛﺎﻧﺖ ﻣﻮ ﺣﺎﺳﺒـﺔ ﻟﻪ ﺣﺴـﺎﺏ ..
ﻣﺮﻳﻢ ﻭﻫﻲ ﺗﺮﻓﻊ ﺍﻟﺴﻤﺎﻋﺔ ﺑﻬﺪﻭﺀ : ﻗﻮﺓ ﻧﻮﺭﺓ؟؟
ﻧﻮﺭﺓ ﺑﺼﻮﺕ ﻣﺘﻠﻬﻒ .. ﻣﺘﺨﺎﻟﻂ ﺑﺎﻟﻔـﺮﺡ ﻭﺑﻌﺪ ﺑﺎﻻﺭﺗﺒﺎﻙ ﻭﺍﻟﺘﻮﺗﺮ :
ﻣﺮﻳﻢ .. ﻣﺮﻳﻢ ﻟﺤﻘﻴﻴﻴﻲ
ﻣﺮﻳﻢ ﻣﺴﻜﺖ ﻗﻠﺒﻬﺎ : ﺷﻔﻴﺞ ﻧﻮﺭﺓ؟ ﻋﺴﻰ ﻣﺎ ﺷﺮ
ﻧﻮﺭﺓ : ﺧﻴﺮ ﺧﻴﺮ ﻳﺎ ﻣﺮﻳﻢ ﺧﻴﺮ .. ﺭﺑﺞ ﺳﻤﻊ ﺩﻋﺎﺍﺍﻧﺎ ﻭﻛﺎﻫﻮ ﻣﺴـﺎﻋﺪ
....
ﺗﻮﻗﻒ ﻗﻠﺐ ﻣﺮﻳـﻢ ﻣﻦ ﺷﺪﺓ ﺍﻟﺨﻮﻑ ﺍﻟﻠﻲ ﻳﺎﻫﺎ ﻣﻦ ﺍﻧﻄﺮﻯ ﺍﺳﻢ
ﻣﺴـﺎﻋﺪ ..
ﻣﺮﻳﻢ : ﻋﻼﻣﻪ ﻣﺴـﺎﻋﺪ؟
ﻧﻮﺭﺓ : ﻣﺎﺩﺭﻱ ﺑﺲ ﻳﻘﻮﻟﻮﻥ .. ﺍﻥ ﺍﻟﻴﻮﻡ .. ﺗﺤﺮﻙ .. ﺣﺮﻙ ﻳﺪﻳﻨﻪ ..
ﻭﻋﻴﻮﻧﻪ ﻏﻴـﺮ ..
ﻣﺮﻳﻢ ﺍﻟﻠﻲ ﻛﺎﻧﺖ ﺗﺒﻠﻊ ﺭﻳﺠﻬﺎ ﺑﻐﻴـﺮ ﺳﻬﻮﻟﺔ : ﻧﻮﺭﺓ ﺑﺴﻜﺮﻩ ﻋﻨﺞ ﺍﻟﺤﻴﻦ
ﻭﺑﻴﻴﺞ ﺍﻟﻤﺴﺘﺸﻔﻰ ﺍﻧﺎ ﺑﺎﻟﺪﺭﺏ ﻭﻣﺎﻗﺪﺭ ﺍﺗﻜﻠﻢ ﻭﻳﺎﺝ ﺍﺧﺎﻑ ﺍﺗﻮﺗﺮ
ﻭﺍﻧﻘﻠﺐ ﻣﻜﺎﻧﻲ .. ﺧﻠﻴﻬﺎ ﻟﻤﻦ ﺍﻳﻴﻜﻢ .
ﻧﻮﺭﺓ : ﺑﺲ ﻻ ﺗﺘﺎﺧﺮﻳﻦ .. ﺍﻣﻲ ﺣﺎﻟﺘﻬﺎ ﺣﺎﻟﻪ ﻣﻦ ﺍﻟﺤﻔﻮﻭﻭﺯ ﻭﻣﺎ ﻫﻲ
ﻗﺎﺩﺭﺓ ﺗﺸﺪ ﻋﻠﻰ ﻋﻤﺮﻫﺎ
ﻣﺮﻳﻢ ﻭﻫﻲ ﺗﻜﺎﺑﺪ ﺍﻟﺪﻣﻊ .. : ﻣﺎ ﻋﻠﻴﺞ ﻧﻮﺭﺓ ﺩﻗﺎﻳﻖ ﻭﺍﻧﺎ ﻣﻌﺎﺝ ..
ﺳﻜﺮﺕ ﻋﻦ ﻧﻮﺭﺓ ﻭﻫﻲ ﻓﺮﺣﺎﻧﻪ ﺑﺎﻟﺤﻴـﻞ .. ﻣﺴـﺎﻋﺪ ﻭﻋﻰ ﻟﻠﺪﻧﻴﺎ ..
ﻣﺴﺎﻋﺪ ﺗﺤﺮﻙ ﺍﻟﻴﻮﻡ؟؟ ﻭﻳﻦ ﻛﺎﻧﺖ ﺍﻫﻲ ﻋﺸﺎﻥ ﺍﻧﻪ ﺗﺤﺮﻙ .. ﺷﻠﻲ
ﺣﺮﻛﻚ ﺑﻌﺪ ﺛﻤﺎﻧﻴﺔ ﺷﻬﻮﺭ ﻳﺎ ﻣﺴـﺎﻋﺪ .. ﻭﻓﺎﺗﻦ ﻭﻳﻨﻬﺎ .. ﻭﻳﻨﻬﺎ ﻓﺎﺗﻦ
ﺍﻟﻠﻲ ﺑﺘﺪﺭﻱ ﻋﻨﻚ ﻭﺗﻔﺮﺡ ﻟﻚ .. ﻭﻳﻨﻬﺎ ﻓﺎﺗﻦ؟؟ ﻭﺍﻧﺎ ﺍﻟﻠﻲ ﻛﻨﺖ ﻣﺘﻮﻗﻌﺔ
ﺍﻧﻬﺎ ﺍﻫﻲ ﺍﻟﻠﻲ ﺭﺍﺡ ﺗﻮﻗﻈﻚ ..
ﻭﺑﺼﻮﺕ ﻣﺴﻤﻮﻉ ﻭﺩﻣﻌﺘﻬﺎ ﺗﺠﺮﻱ : ﻭﻳﻨﺞ ﻳﺎ ﻓﺎﺗﻦ .. ﻭﻳﻨﺞ؟؟
-------------------------------------
ﺗﻮﻫﺎ ﻓﺎﺗﻦ ﺩﺍﺧﻠﺔ ﺍﻟﻤﻠﺤﻖ ﺍﻟﻠﻲ ﺑﺪﺕ ﺗﺴﻜﻦ ﻓﻴـﻪ ﻣﻦ ﺍﻭﻝ ﻣﺎ ﻭﺻﻠﺖ
ﺍﻣﻴـﺮﻛﺎ ﺑﺎﺣﺰﺍﻧﻬﺎ ﻭﺍﻫﺎﺗﻬﺎ ﻭﺩﻣﻌﺘﻬﺎ ﺍﻟﻠﻲ ﻣﺎ ﺧﻔﺖ ﺑﻠﺤﻈﺔ .. ﻭﻛﺎﻧﺖ ﻣﻦ
ﺍﻻﺛﺮ ﺍﻧﻬﺎ ﺳﺤﻘﺖ ﻛﻞ ﺟﻤﺎﻝ ﻣﻨﻬﺎ .. ﻟﻜﻨﻬﺎ ﻇﻠﺖ ﻓﺎﺗﻦ .. ﺑﻮﻳﻬﻬﺎ
ﺍﻟﺼﺎﻓﻲ ﺍﻟﻤﺮﻳﺢ .. . ﻭﻫﺎﻟﻤﻠﺤﻖ ﻛﺎﻥ ﺗﺎﺑﻊ ﻟﺒﻴﺖ ﻫﻴـﺎﻡ .. ﺍﺳﺘﺄﺟﺮﺗﻪ
ﺑﺒﻼﺵ ﻣﻦ ﻋﻨﺪﻫﻢ ﻻﻧﻬﻢ ﻣﺎﺭﺿﻮﺍ ﺍﻧﻬﺎ ﺗﻜﻮﻥ ﺿﻴﻔﺔ ﻭﻟﻜﻦ ﻭﺣﺪﺓ ﻣﻦ
ﺍﻷﻫﻞ ﻭﺍﻻﺣﺒﺎﺏ .. ﻭﺍﻫﻲ ﻗﺒﻠﺖ ﻫﺎﻟﻤﺤﺒﺔ ﻭﻫﺎﻟﻌﺎﺋﻠﺔ ﻣﻦ ﺑﻌﺪ ﻣﺎ
ﻓﻘﺪﺕ ﻋﺎﺋﻠﺘﻴﻦ .. ﻭﻟﻜﻦ ﻛﻞ ﻫﺬﺍ ﻛﺎﻥ ﺑﺮﺿﺎﻫﺎ ..
ﺭﻣﺖ ﺑﺎﻏﺮﺍﺿﻬﺎ ﻭﻫﻲ ﺗﺤﺲ ﺑﺎﻟﺘﻌﺐ ﺍﻟﻜﺒﻴـﺮ .. ﻇﻠﺖ ﻓﻲ ﺍﻟﺠﺎﻣﻌﺔ
ﺍﻛﺜﺮ ﻣﻦ ﺍﻟﻮﻗﺖ ﺍﻟﻤﻄﻠﻮﺏ ﻳﻤﻜﻦ ﺑﺎﺭﺑﻊ ﺳﺎﻋﺎﺕ ﻭﻟﻜﻦ ﻣﺎ ﺗﻤﻠﻠﺖ ..
ﻛﺎﻧﺖ ﻣﺎﻟﻴﺔ ﻭﻗﺘﻬﺎ ﺑﺎﻟﻜﺘﺐ ﻭﺍﻟﻤﻜﺘﺒﺔ ﺍﻟﺜﺮﻳﺔ ﺍﻟﻠﻲ ﺗﻌﺮﻓﺖ ﻋﻠﻴﻬﺎ
ﺑﺎﻟﺠﺎﻣﻌﺔ ﺗﻘﺮﻯ ﻓﻲ ﻣﺨﺘﻠﻒ ﺍﻟﻜﺘﺐ .. ﺍﻻﺟﺘﻤﺎﻋﻴﺔ ﺍﻟﻨﻔﺴﻴﺔ ﺍﻟﻌﻠﻤﻴﺔ
ﻭﺍﻟﻤﻌﻠﻮﻣﺎﺗﻴـﺔ ..
ﺭﺍﺣﺖ ﻋﻨﺪ ﺍﻟﻤﻄﺒﺦ ﻭﻫﻲ ﺗﻄﻠﻊ ﻟﻬﺎ ﺷﻲ ﺗﺎﻛﻠﻪ .. ﻣﻦ ﺯﻭﺩ ﻣﺎ ﺗﻨﺴﻰ
ﺍﻧﻬﺎ ﻳﻮﻋﺎﻧﻪ ﻓﻘﺪﺕ ﺍﻟﻮﺯﻥ ﺍﻟﻠﻲ ﻛﺎﻥ ﻳﻌﻄﻴـﻬﺎ ﺍﻟﺘﻮﺭﺩ ﺑﻮﻳﻬﻬﺎ .. ﺻﺎﺭﺕ
ﻓﻲ ﺣﺎﻟﺔ ﺍﺷﺒﻪ ﺑﺎﻟﺬﺑﻼﻥ ﻭﻫﻲ ﻓﻲ ﺭﺑﻴﻊ ﺍﻟﻌﻤﺮ .. ﻣﺎ ﺗﺪﺭﻱ ﺍﻫﻲ ﻧﻔﺴﻬﺎ
ﺍﻥ ﺟﺎﻥ ﺍﻟﻠﻲ ﺗﺴﻮﻳﻪ ﻧﺎﺑﻊ ﻣﻦ ﻗﻠﺒﻬﺎ ﻭﻻ ﺷﻲ ﻻ ﺍﺭﺍﺩﻱ .. ﻻﻧﻬﺎ ﺗﺒﻲ
ﺗﻨﻬﻲ ﻫﺎﻟﻤﻈﻬﺮ ﺍﻟﻠﻲ ﻳﺤﻤﻞ ﻓﻲ ﻗﻠﺒﻬﺎ ﻭﻃﻴﺎﺕ ﻋﻤﺮﻫﺎ ﺍﻟﻜﺜﻴﺮ ﻣﻦ
ﺍﻟﺠﺮﺍﺡ .. ﻭﺍﻋﻈﻢ ﻫﺎﻟﺠﺮﺍﺣﺎﺕ ﺍﻫﻲ .. ﻣﺴـﺎﻋﺪ ..
ﺷﻠﻮﻥ ﻗﻀﺖ ﻓﺎﺗﻦ ﺣﻴﺎﺗﻬﺎ ﻫﺎﻟﻘﺼﻴـﺮﺓ ﻓﻲ ﺛﻤﺎﻧﻴﺔ ﺷﻬﻮﺭ؟؟ ﻣﺎ ﺗﺪﺭﻱ
ﺷﻠﻮﻥ .. ﻣﻀﺖ ﺍﻭﻝ ﺍﺳﺒﻮﻉ ﻣﻦ ﻭﺟﻮﺩﻫﺎ ﺑﺤﺎﻟﺔ ﻣﺮﺿﻴﺔ ﺷﺪﻳﺪﺓ
ﻭﻟﻜﻦ ﺟﺬﺑﺖ ﻋﻠﻰ ﺭﻭﺣﻬﺎ ﻳﻮﻡ ﻗﺎﻟﺖ ﻋﻨﻬﺎ ﺑﺴﺒﺐ ﺍﻟﺠﻮﻭ ﺍﻟﻤﺘﻐﻴـﺮ ..
ﻛﺎﻧﺖ ﺣﺎﻟﺘﻬﺎ ﺍﻟﻨﻔﺴﻴﺔ ﻭﺍﻟﺮﻋﺸﺔ ﺍﻟﺘﻮﺗﺮﻳﺔ ﺍﻟﻠﻲ ﺭﺍﻓﻘﺘﻬﺎ ﺑﻄﻮﻝ
ﺍﻟﺴـﻔﺮﺓ .. ﻭﺍﻟﻠﻲ ﻣﺎ ﻃﻠﻌﺖ ﻣﻨﻬﺎ ﺍﻻ ﺑﺎﻟﻤﺮﺿﺔ ﺍﻟﻘﻮﻳﺔ .. ﻭﻟﻜﻦ ﻣﻦ
ﺑﻌﺪﻫﺎ .. ﻭﺑﻌﺪ ﻛﻼﻡ ﻃﻮﻳﻞ ﻭﻳﺎ ﻫﻴـﺎﻡ ﻭﺯﻳﺎﺩ ﺍﻟﻠﻲ ﻣﺎ ﺧﻠﻮﻫﺎ ﺩﻗﻴﻘﺔ
ﻭﺣﺪﺓ ﺑﺮﻭﺣﻬﺎ .. ﻗﺪﺭﺕ ﻓﺎﺗﻦ ﺍﻧﻬﺎ ﺗﻔﻀﻲ ﺍﻟﻠﻲ ﻓﻴﻬﺎ ﺑﺪﻣﻮﻉ ﻣﻦ ﺍﺳﻴﺪ
ﺫﻭﺑﺖ ﺍﻟﻠﻲ ﻓﻴﻬﺎ ﻗﺒﻞ ﺍﻱ ﺷﻲ ﺛﺎﻧﻲ .. ﻣﺜﻞ ﻣﻌﺎﻧﺎﺓ ﻣﺴـﺎﻋﺪ
ﺑﺎﻟﻤﺴﺘﺸﻔﻰ ﻭﺍﻫﻮ ﻓﺎﻗﺪ ﺍﻟﻮﻋﻲ ﻟﻤﺪﺓ ﺛﻤﺎﻧﻴﺔ ﺷﻬﻮﺭ .. ﻗﻀﺘﻬﺎ ﻓﺎﺗﻦ
ﺑﻤﻌﺎﻧﺎﺓ ﻣﻀﺎﻋﻔﺔ .. ﻓﻘﺪ ﺍﻻﻫﻞ ﻭﺍﻻﺣﺒﺎﺏ ﻭﺍﻻﺻﺤﺎﺏ ﻭﺍﺻﻮﺍﺗﻬﻢ
ﻭﺍﻻﺟﺎﺯﺍﺕ ﺍﻟﻠﻲ ﻃﺎﻓﺖ ﻋﻠﻴﻬﺎ ﻣﻦ ﻏﻴﺮ ﻣﺎ ﺗﻨﺰﻝ ﻟﻬﻢ ﺍﻟﺒﺤﺮﻳﻦ
ﻭﺗﻼﻗﻴﻬﻢ ﺗﺮﻛﺖ ﻓﻴﻪ ﺍﻻﺛﺮ ﺍﻟﻌﻈﻴﻢ .. ﻳﻤﻜﻦ ﻛﻠﻬﻢ ﻛﺎﻧﻮ ﻓﻲ ﺟﻬﺔ
ﻭﻣﺴﺎﻋﺪ ﺍﻟﻠﻲ ﻣﺎ ﺗﺤﺮﻙ ﺻﻮﺑﻬﺎ ﺛﻤﺎﻧﻴﺔ ﺍﺷﻬﺮ ﻓﻲ ﺟﻬﺔ ﺛﺎﻧﻴﺔ .. ﺣﺴﺖ
ﺍﻥ ﻫﺬﻱ ﻫﻲ ﻧﻬﺎﻳﺔ ﺣﺒﻬﻢ .. ﻭﺍﻥ ﻣﺴـﺎﻋﺪ ﻣﺎ ﺗﺤﻤﻞ ﻋﺼﻴﺎﻧﻬﺎ ﻻﻭﺍﻣﺮﻩ
ﻭﻫﺰﺕ ﻳﻤﻜﻦ ﻋﻨﻔﻮﺍﻥ ﺭﺟﻮﻟﺘﻪ ﺑﺴﻔﺮﻫﺎ ﺍﻟﻤﺒﺎﻏﺖ ﻋﻨﻪ .. ﻭﻋﺎﻗﺒﻬﺎ
ﺑﻬﺎﻟﻄﺮﻳﻘﺔ ..
ﺣﻠﻠﺘﻬﺎ ﻋﻠﻰ ﺍﻛﺜﺮ ﻣﻦ ﺷﻲ .. ﻳﻤﻜﻦ ﻟﻘﻰ ﻟﻪ ﺍﻟﺤﺐ ﺍﻟﺤﻘﻴﻘﻲ ﺍﻟﻲ
ﻳﺪﻭﺭﻩ .. ﺍﻭ ﻳﻤﻜﻦ ﻓﻀﻞ ﻋﺎﻟﻴﺔ ﻋﻠﻴﻬﺎ ﻭﻫﻲ ﺍﻟﻤﻴﺘﺔ . ﻃﺒﻌﺎ ﻣﺤﺪ ﺑﻴﺘﺮﻙ
ﺫﻛﺮﻯ ﺣﺐ ﻣﺜﻞ ﻫﺬﺍﻙ ﺍﻟﻠﻲ ﻣﺎ ﻛﺎﻥ ﻳﺨﻠﻴﻪ ﻳﻄﺎﻟﻊ ﺑﻨﺖ ﺛﺎﻧﻴﺔ ﺑﻤﺠﺮﺩ
ﺍﻟﻨﻈﺮ .. ﺑﻴﺘﺮﻙ ﻫﺎﻟﺤﺐ ﻭﻳﺤﺒﻬﺎ ﺍﻫﻲ؟؟؟ ﺍﻟﺒﻨﺖ ﺍﻟﻠﻲ ﻳﺎﺑﺖ ﻟﻪ
ﻣﺨﺘﻠﻒ ﺍﻻﻧﻮﺍﻉ ﻣﻦ ﺍﻟﺼﺪﺍﻉ ﻭﺍﻻﻟﻢ ﻭﺍﻟﻘﻬﺮ .. ﻭﻓﻮﻕ ﻛﻞ ﻫﺬﺍ ﺍﻟﺘﻌﺐ
ﻭﺿﻴﺎﻉ ﺍﻟﻮﻗﺖ ..
ﺍﻭ ﻳﻤﻜﻦ ﻭﻋﻰ ﺍﻧﻬﺎ ﺑﻨﺖ ﻣﺎ ﺗﺴﺘﺎﻫﻞ ﺍﻟﺘﻌﺐ .. ﻻﻧﻬﺎ ﺍﺗﺨﺬﺕ ﻗﺮﺍﺭ ﻣﻦ
ﻏﻴﺮ ﻣﺸﻮﺭﺗﻪ .. ﻭﻫﻮ ﺭﺟﻮﻟﺘﻪ ﻣﻄﺒﻘﺔ ﻓﻮﻕ ﻛﻞ ﺷﻲ .. ﻭﺗﻤﻠﻜﻪ ﻓﻮﻕ ﺍﻱ
ﺷﻲ ﺛﺎﻧﻲ .. ﻭﺍﻫﻲ ﺍﻟﻌﻨﻴﺪﺓ ﺍﻟﻠﻲ ﻣﺎ ﺗﻘﺒﻞ ﻣﻨﻪ ﻫﺎﻟﺘﻤﻠﻚ .. ﻭﻫﻮ
ﺍﻻﺳﺘﻔﺰﺍﺯﻱ ﺍﻟﻠﻲ ﻳﻨﺎﻫﺾ ﻋﻘﻠﻴﺘﻬﺎ ﺍﻟﺼﻐﻴـﺮﺓ ..
ﻓﻲ ﻃﻠﻌﺔ ﺑﻴﻨﻬﺎ ﻭﺑﻴﻦ ﻫﻴـﺎﻡ ﺩﺍﺭ ﺑﻴﻨﻬﻢ ﻛﻼﻡ .. ﻣﻨﻪ ﺣﺎﻭﻟﺖ ﻫﻴﺎﻡ ﺍﻧﻬﺎ
ﺗﻼﻗﻲ ﺣﻞ ﻟﻤﺸﻜﻠﺔ ﻓﺎﺗﻦ .. ﻭﻣﻨﻪ ﻓﺎﺗﻦ ﺍﻋﺘﺮﻓﺖ ﺍﻧﻬﺎ ﺧﻼﺹ ﻣﺎ ﺗﺒﻲ
ﻣﺴـﺎﻋﺪ ﻭﻛﺎﻥ ﻫﺬﺍ ﺑﻌﺪ ﺳﺘﺔ ﺍﺷﻬﺮ ﻣﻦ ﺗﻮﺍﺟﺪﻫﺎ ﺑﺒﻮﺳﻄﻦ ..
ﻫﻴـﺎﻡ ﻭﻫﻲ ﺗﺤﻤﻞ ﺍﻻﻳﺴﻜﺮﻳﻢ ﻟﻬﺎ ﺑﺎﻟﺒﺎﺭﻙ ﻭﺍﺧﺘﻴﻨﻬﺎ ﺍﻟﺼﻐﻴﺮﺗﻴﻦ
ﻭﻳﺎﻫﺎ ...
ﺗﻨﺎﻭﻝ ﻓﺎﺗﻦ ﺍﻻﻳﺴﻜﺮﻳﻢ : ﻫﺎﺍﺍﺝ ﻳﻮﺩﻳﻪ ﺳﺎﺡ ﻋﻠﻰ ﻳﺪﻱ ..
ﻓﺎﺗﻦ ﺑﺎﺑﺘﺴﺎﻣﺔ ﺑﺎﻫﺘﺔ : ﻋﺒﻠﺘﻲ ﻋﻠﻰ ﺭﻭﺣﺞ ﻭﺍﻟﻠﻪ
ﻫﻴـﺎﻡ ﺑﻨﻈﺮﺓ : ﻭﺍﻟﻠﻪ ﻋﺒﻠﺖ ﻋﻠﻰ ﺭﻭﺣﻲ؟؟ ﺍﻧﺎ ﻣﺎ ﻗﻠﺖ ﻟﺞ ﺗﻌﺎﻟﻲ
ﻭﺍﻧﺘﻲ ﻗﻠﺘﻲ ﻻ ﻣﺎ ﺍﺑﻲ؟
ﻓﺎﺗﻦ : ﻫﻬﻬﻬﻬﻬﻬﻬﻪ ﺗﻌﺐ ﺑﻌﻴﺪ ﻣﺤﻞ ﺍﻻﻳﺴﻜﺮﻳﻢ ..
ﻫﻴﺎﻡ : ﻣﺎﻗﺪﺭ ﻋﻠﻴﺞ .. ﺍﻟﺤﻴﻦ ﻋﻨﺪﺝ ﺩﺭﺏ ﻣﺒﻨﺎﺝ ﻭﺍﻟﻤﻜﺘﺒﺔ ﻫﻴﻦ ﻭﻟﻜﻦ
ﻣﻦ ﻫﻨﻲ ﻟﻤﺤﻞ ﺍﻻﻳﺴﻜﺮﻳﻢ ﻃﻮﻳﻞ؟؟ ﺍﻧﺘﻲ ﻣﺨﻠﻮﻗﺔ ﻣﻦ ﺷﻨﻮ ﻓﺎﺗﻦ؟
ﻓﺎﺗﻦ ﻭﻫﻲ ﺗﺎﻛﻞ ﻣﻦ ﺍﻻﻳﺴﻜﺮﻳﻢ : ﻭﻻ ﺷﻲ .. ﺍﻧﺎ ﻣﺠﺮﺩ ﺿﺒﺎﺏ ..
ﺍﺗﻮﺍﺟﺪ ﺑﺎﻟﻔﺠﺮ ﻭﺍﺗﺒﺨﺮ ﺑﺎﺷﻌﺔ ﺍﻟﺸﻤﺲ ..
ﻫﻴﺎﻡ : ﻫﺎ ﻫﺎ ﻫﺎ .. ﻟﻤﻦ ﺗﻨﻜﺘﻴﻦ ﻓﺎﻧﺘﻲ ﺗﻬﻠﻜﻴﻦ ﺍﻟﺠﻤﻴـﻊ ..
ﺳﻜﺘﺖ ﻓﺎﺗﻦ ﻭﻫﻲ ﺗﺮﺳﻢ ﺍﺑﺘﺴﺎﻣﺔ ﻋﻠﻰ ﻭﻳﻬﻬﺎ .. ﻭﺧﺎﺗﻢ ﺧﻄﻮﺑﺔ ﻫﻴـﺎﻡ
ﻳﻠﻤﻊ ﺑﺼﺒﻌﻬﺎ ﺍﻟﻴﻤﻴﻦ ﻣﺜﻞ ﺍﻻﺷﺎﺭﺓ ﻟﻌﻴﻮﻥ ﺍﻟﻨﺎﺱ .. ﻛﺎﻥ ﻣﺮﺻﻊ
ﺑﻤﺎﺳﺘﻴﻦ ﻋﻠﻰ ﺟﻨﺐ ﻭﻓﻮﻕ ﻭﺗﺤﺖ ﻓﺼﻴـﻦ ﻣﻦ ﺍﻟﺴﺎﻓﻴﺮ ﺍﻻﺯﺭﻕ ..
ﺫﻭﻕ ﺯﻳﺎﺩ ﻛﺎﻥ ﻏﺮﻳﺐ ﻟﻜﻨﻪ ﺍﻋﺠﺐ ﻫﻴـﺎﻡ ﻟﻤﺠﺮﺩ ﻛﻮﻥ ﺯﻳﺎﺩ ﺍﻟﻠﻲ
ﻣﺨﺘﺎﺭﻩ .. ﻭﻣﺎ ﺣﺎﻭﻟﺖ ﻓﺎﺗﻦ ﺍﻧﻬﺎ ﺗﺒﺪﻱ ﺭﺍﻳﻬﺎ ﻋﻠﻴـﻬﺎ ..
ﻫﻴـﺎﻡ ﻣﻦ ﺍﻟﻌﺪﻡ ﻇﻬﺮ ﺻﻮﺗﻬﺎ : ﺧﻼﺹ؟
ﺍﻧﺘﺒﻬﺖ ﻟﻬﺎ ﻓﺎﺗﻦ ﺑﺤﺎﺟﺐ ﻣﻌﻘﻮﺩ : ﺷﺎﻟﺨﻼﺹ؟
ﻫﻴـﺎﻡ : ﺍﻟﺴﺮﺣﺎﻥ ﺧﻠﺺ؟
ﻓﺎﺗﻦ ﺑﺎﺳﺘﻐﺮﺍﺏ : ﺍﻱ ﺳﺮﺣﺎﻥ؟؟
ﻫﻴـﺎﻡ ﺗﻨﺎﻇﺮ ﻳﺪ ﻓﺎﺗﻦ ﺑﻔﻜﺎﻫﻪ : ﻻﻥ ﺍﻻﻳﺴﻜﺮﻳﻢ ﻭﺻﻞ ﻟﺮﻛﺒﺘﺞ ..
ﺍﻧﺘﺒﻬﺖ ﻓﺎﺗﻦ ﻟﻼﻳﺴﻜﺮﻳﻢ ﻭﺩﻟﻴﻞ ﻋﻠﻰ ﺍﻟﺼﺪﻣﺔ ﺭﻣﺘﻪ ﻣﻦ ﻳﺪﻫﺎ ﻭﻫﻲ
ﺗﻨﻔﺾ ﺍﻻﻳـﺴﻜﺮﻳﻢ ﻣﻦ ﻳﺪﻫـﺎ ..
ﺍﺷﺮﺕ ﺑﻌﻴﻮﻧﻬﺎ ﻟﻬﻴـﺎﻡ : ﺍﺑﻲ ﺍﻏﺴـﻞ
ﻫﻴـﺎﻡ ﺍﻟﻠﻲ ﻣﺘﻠﺬﺫﺓ ﺑﺎﻳﺴﻜﺮﻳﻤﻬﺎ : ﻫﻨﺎﻙ ﻓﻲ ﻟﻮﻟﺐ ..
ﺭﺍﺣﺖ ﻓﺎﺗﻦ ﻭﻫﻲ ﺗﺤﻤﻞ ﺗﻨﻮﺭﺗﻬﺎ ﺍﻟﻮﺳﻴﻌﺔ ﺍﻟﺤﻠﻴﺒﻴﺔ ﻭﺗﻤﺸـﻲ ﻋﻨﺪ
ﺍﻟﻠﻮﻟﺐ ﺍﻟﻠﻲ ﺍﺷﺎﺭﺕ ﻋﻠﻴـﻪ ﻫﻴـﺎﻡ .. ﻭﺑﺪﺭﺑﻬﺎ ﻟﻬﻨﺎﻙ ﻟﻘﺖ ﺭﻳـﺎﻝ ﻳﻤﺸﻲ
ﻭﻇﻬﺮﻩ ﺍﻟﻌﺮﻳﺾ ﻳﺘﻤﺎﻳﻞ ﻭﺭﺍﻩ .. ﻭﻓﻮﻕ ﻛﻞ ﻫﺬﺍ ﻳﺪﻩ ﺗﺮﻭﺡ ﻟﺠﺪﺍﻡ
ﻭﻭﺭﻯ .. ﻣﺜﻞ ﻣﺸﻴـﺔ ﻣﺴـﺎﻋﺪ .. ﻭﻗﻔﺖ ﻭﻫﻲ ﺣﺎﻃﺔ ﻳﺪﻫﺎ ﺍﻟﻤﺘﻠﻮﺛﺔ
ﻋﻠﻰ ﺻﺪﺭﻫﺎ ﻣﻦ ﺍﻟﻔﺮﺣـﺔ ﺍﻟﻤﺘﺨﺒﻴﺔ ﺑﺎﻟﻮﻳﻪ ﺍﻟﻤﻨﻬﻠﻊ .. ﻭﺗﻤﺖ ﻭﺍﻗﻔﺔ
ﻣﻜﺎﻧﻬﺎ ﻭﺍﻫﻲ ﺗﻨﺘﻈﺮ ﻫﺎﻟﺮﻳـﺎﻝ ﻳﺴﺘﺪﻳﺮ .. ﻭﺗﻤﻨﺖ ﻋﻠﻴﻪ ﺍﻧﻪ ﻳﺴﺘـﺪﻳﺮ ..
ﻭﻳﻮﻡ ﺍﺳﺘﺪﺍﺭ ﻛﺎﻥ ﻻﻑ ﺭﺍﺳـﻪ ﺍﻟﻰ ﺑﻨﺖ ﺻﻐﻴـﺮﺓ ﺗﺴﺤﺐ ﺑﺎﻧﻄﻠﻮﻧﻪ ..
ﻭﻛﺎﻥ ﺷﻜﻠﻪ ﺍﻫﻮ ﺧﻴﺒﺔ ﺍﻻﻣـﻞ ﺍﻟﻜﺒﻴـﺮﺓﺍﻟﻠﻲ ﺻﻔﻌﺖ ﻓﺎﺗﻦ ﺑﺤﺮﺍﺭﺓ ..
ﻟﺪﺭﺟﺔ ﺍﻧﻬﺎ ﺗﺮﺍﺟﻌﺖ ﺧﻄﻮﺓ ﻟﻠﺨﻠﻒ . .
ﻳﺎﺗﻬﺎ ﻫﻴﺎﻡ ﺍﻟﻠﻲ ﻛﺎﻧﺖ ﺗﺮﺍﻗﺒﻬﺎ ﻋﻦ ﺑﻌﺪ ﻭﻟﻘﺘﻬﺎ ﺑﺤﺎﻟﺔ ﻻ ﺗﺤﺴﺪ
ﻋﻠﻴﻬﺎ .. ﻭﺑﺨﻮﻑ ﻛﺒﻴـﺮ ﻫﺰﺗﻬﺎ ﺑﺨﻔﺔ ..
ﻫﻴـﺎﻡ : ﻓﺎﺗﻦ؟؟ ﻋﻼﻣﺞ ﺣﺒﻴﺒﺘﻲ؟
ﺍﻧﺘﺒﻬﺖ ﻟﻬﺎ ﻓﺎﺗﻦ ﻭﻛﺎﻥ ﺻﺎﺑﻴﻦ ﻋﻠﻴﻬﺎ ﻣﺎﻱ ﺑﺎﺭﺩ :.. ... ﺷﻨﻮ؟؟
ﻫﻴـﺎﻡ ﻭﻫﻲ ﺗﻤﺴﻚ ﻳﺪ ﻓﺎﺗﻦ : ﺷﻔﻴﺞ ﻭﻗﻔﺘﻲ ﻣﻜﺎﻧﺞ ﺟﺬﻱ؟؟ ﺷﻴﺎﺝ؟
ﻓﺎﺗﻦ ﻭﺍﻟﺪﻣﻌﺔ ﺗﻠﻤﻊ ﺑﻌﻴﻮﻧﻪ ﻭﺗﺘﻜﻠﻢ ﻋﻨﻬﺎ ﺑﺎﻓﺼﺢ ﺍﻟﻠﻐﺎﺕ : ﻣﺎ ﻓﻴـﻨﻲ
ﺷﻲ ... ﻣﺎ ﻓﻴﻨﻲ ﺷﻲ ( ﻗﺎﻟﺘﻬﺎ ﻭﻫﻲ ﺗﺸﻴﺢ ﺑﻮﻳﻬﻬﺎ .. )
ﻣﺴﻜﺖ ﻫﻴﺎﻡ ﻭﻳﻬﻬﺎ ﻭﺩﺍﺭﺗﻪ ﺻﻮﺑﻪ ﻭﻫﻲ ﺗﻨﺎﻇﺮﻫﺎ ﺑﺘﻌﺎﻃﻒ : ﻟﻤﺘﻰ
ﻓﺎﺗﻦ
ﻓﺎﺗﻦ ﻭﻫﻲ ﺗﻤﺪ ﻳﺪﻫﺎ ﻓﻲ ﻭﻳﻪ ﻫﻴﺎﻡ : ﺑﺲ ﻫﻴـﺎﻡ .. ﻣﺎ ﺍﺑﻲ ﺍﺗﻜﻠﻢ ﻋﻦ
ﺍﻟﻤﻮﺿﻮﻉ .. ﺑﺲ ﺑﺮﺩ ﺍﻟﺒﻴـﺖ ..
ﻭﻣﻦ ﻏﻴﺮ ﺍﻧﺘﻈﺎﺭ ﻟﺮﺩﺓ ﻓﻌﻞ ﻫﻴـﺎﻡ ﺣﻤﻠﺖ ﺭﻭﺣﻬﺎ ﻓﺎﺗﻦ ﻭﻫﻲ ﺗﺤﻤﻞ
ﺍﻟﺠﻨﻄﺔ ﻣﻦ ﻋﻠﻰ ﺍﻟﻜﺮﺳﻲ ﻭﺗﺘﺤﺮﻙ ﺑﻌﻴﺪ ﻋﻦ ﺍﻟﺒﺎﺭﻙ .. ﺗﻤﺖ ﺗﻤﺸﻲ
ﻭﻫﻲ ﺷﺎﺩﺓ ﺍﻟﺠﻨﻄﺔ ﻋﻨﺪ ﺣﻈﻨﻬﺎ .. ﻭﻫﻲ ﺗﻬﺰ ﺭﺍﺳﻬﺎ ﻋﻦ ﺍﻟﺪﻣﻊ ﺍﻟﺨﺎﺋﻦ
ﺑﻌﻴﻮﻧﻬﺎ .. ﻭﻟﻜﻦ ﻣﺎ ﺍﺟﺒﻦ ﻫﺎﻟﻌﻴﻦ ﺍﻟﻠﻲ ﺫﺭﻓﺖ ﺩﻣﻊ ﺣـﺎﺭ ﻣﺴﺤﺘﻪ
ﺑﻴﺪﻫﺎ ﻟﻤﻦ ﻭﺻﻠﺖ ﺍﻟﻰ ﺍﻟﺒﻴـﺖ .. ﻣﺎﺗﺪﺭﻱ ﺟﻢ ﺍﺧﺬ ﻣﻦ ﺍﻟﻮﻗﺖ
ﻫﺎﻟﻤﺸﻲ ﺍﻟﺴﺮﻳﻊ .. ﺍﻟﻠﻲ ﻣﺎ ﻛﺎﻧﺖ ﺗﺪﺭﻙ ﺑﻨﻔﺴﻬﺎ ..
ﻭﺑﻮﻗﺖ ﻣﺘﺄﺧﺮ ﺑﻬﺬﺍﻙ ﺍﻟﻴﻮﻡ ﺍﺟﺘﻤﻊ ﺑﻬﺎ ﻛﻞ ﻣﻦ ﺯﻳـﺎﺩ ﻭﻫﻴـﺎﻡ ﻭﻛﻠﻤﻮﻫﺎ
ﺑﻬﺎﻟﻤﻮﺿﻮﻉ ..
ﺯﻳـﺎﺩ : ﻓﺎﺗﻦ .. ﺍﺫﺍ ﺍﻧﺘﻲ ﻛﻨﺘﻲ ﻣﺘﻌﺬﺑﺔ ﺑﻬﺎﻟﺴﺒﺐ ﺍﻧﻬﻲ ﻋﺬﺍﺑﺞ ﻭﺍﺭﺟﻌﻲ
ﻣﻦ ﻣﺤﻞ ﻣﺎ ﻳﻴﺘﻲ ..
ﻓﺎﺗﻦ ﺍﻟﻠﻲ ﻣﺎ ﻛﺎﻧﺖ ﻣﻬﺘﻤﺔ ﻻﻱ ﻛﻠﻤﺔ ﻳﻘﻮﻟﻮﻧﻬﺎ ﻭﺍﻗﻔﺔ ﺑﻨﺺ ﺍﻟﻤﻄﺒﺦ
ﺗﻨﺘﻈﺮ ﺍﻻﺑﺮﻳﻖ ﻳﺤﺘﺮ ﻋﺸﺎﻥ ﺍﻟﻜﻮﻓﻲ ﺍﻟﻠﻲ ﺗﺴﻮﻳﻬﺎ ..
ﺯﻳﺎﺩ ﻳﻨﺎﻇﺮ ﻫﻴـﺎﻡ ﻭﻣﻦ ﺑﻌﺪﻫﺎ ﻳﻨﺎﻇﺮ ﻓﺎﺗﻦ : ﺷﻘـﻠﺘﻲ
ﺭﻓﻌﺖ ﻋﻴﻮﻧﻬﺎ ﻓﺎﺗﻦ ﺑﻬﺪﻭﺀ ﻭﺑﻤﻠﻞ : .. ﺑﺸﻨﻮ؟
ﺯﻳﺎﺩ ﻭﻫﻮ ﻳﻔﺘﺮ ﺑﺰﻓﺮﺓ ﻭﻫﻴـﺎﻡ ﺍﻟﻠﻲ ﺗﻜﻠﻤﺖ : ﻓﺎﺗﻦ ﺗﻌﺎﻟﻲ ﻫﻨﻲ ﺷﻮﻱ ..
ﻫﺰﺕ ﺭﺍﺳﻬﺎ ﻓﺎﺗﻦ ﻭﻫﻲ ﻣﺘﻈﺎﻳﻘﺔ .. ﻭﺭﺍﺣﺖ ﺑﻄﻮﺍﻋﻴﺔ ﻭﻳﻠﺴﺖ ﻋﻠﻰ
ﺍﻟﻜﺮﺳﻲ ﺍﻟﻠﻲ ﻳﻢ ﻛﺮﺳﻲ ﻫﻴـﺎﻡ .. ﻭﻫﻲ ﺗﺤﻂ ﺍﻟﺘﻜﻴﺔ ﺑﺤﻈﻨﻬﺎ ﻭﺗﻌﺼﺮ
ﻗﻠﺐ ﻣﺘﺄﻟﻢ :.. ﺧﻴـﺮ؟
ﻫﻴـﺎﻡ ﻭﻫﻲ ﻣﺎﺳﻜﺔ ﻳﺪ ﺯﻳﺎﺩ ..: ﻓﺎﺗﻦ .. ﺍﺣﻨﺎ ﻣﺎ ﻧﺒﻲ ﻟﺞ ﺍﻻ ﺍﻟﺨﻴـﺮ ..
ﻭﺍﺣﻨﺎ ﻣﻮ ﺭﺍﺿﻴـﻴﻦ ﺑﺎﻟﺤﺎﻟﺔ ﺍﻟﻠﻲ ﺍﻧﺘﻲ ﻭﺍﺻﻠـﺔ ﻟﻬﺎ .. ﺍﻧﺘﻲ ﺗﺸﻮﻓﻴﻦ
ﻧﻔﺴﺞ؟
ﻓﺎﺗﻦ ﺑﺴﺨﺮﻳﺔ : ﻛﻞ ﻳﻮﻡ ﺑﺎﻟﻤﻨﻈﺮﺓ .. ﻟﻴﺶ؟؟
ﺯﻳـﺎﺩ : ﻓﺎﺗﻦ ﺍﺣﻨﺎ ﻣﻮ ﻗﺎﻋﺪﻳﻦ ﻧﺘﻐﺸﻤﺮ
ﻓﺎﺗﻦ ﺑﺴﺮﻋﺔ : ﻭﻻ ﺍﻧﺎ ﻗﺎﻋﺪﺓ ﺍﺗﻐﺸﻤـﺮ .. ﺯﻳﺎﺩ ﻫﻴـﺎﻡ .. ﺃﺭﺟﻮﻛﻢ .. ﺍﺫﺍ
ﺍﻧﺎ ﻣﺸﻜﻠﺔ ﻋﺐﺀ ﻋﻠﻴﻜﻢ ﻓﻘﻮﻟﻮﻟﻲ ﻋﺸﺎﻥ ﺍﻃﻠﻊ ﻣﻦ ﺍﻟﻤﻜﺎﻥ ﺍﻟﻠﻲ ﺍﻧﺘﻮ
ﻓﻴـﻪ .. ﻭﺍﻻ ﺍﻧﺎ ﻣﻮ ﻓﺎﺿﻴـﺔ ﻟﻤﺜﻞ ﻫﺎﻟﺤﻮﺍﺭﺍﺕ ﺍﻟﻠﻲ ﻣﺎﻟﻬﺎ ﺍﻱ ﺑﺪﺍﻳﺔ ﺍﻭ
ﻧﻬﺎﻳﺔ .. ﺧﻼﺹ .. ﺍﻧﺎ ﺗﺎﻛﺪﺕ ﻣﻦ ﺍﻟﻠﻲ ﺍﺑﻴﻪ ﻭﻣﻦ ﺍﻟﻠﻲ ﻣﺎ ﺍﺑﻴﻪ
ﻭﻣﺴـﺎﻋﺪ .. ( ﺍﻧﻘﻄﻊ ﻧﻔﺴـﻬﺎ ﻳﻮﻡ ﺫﻛﺮﺕ ﺍﺳﻢ ﻣﺴـﺎﻋﺪ ﻭﺑﺼﻮﺕ ﻫﺎﺩﺉ
ﻛﻤﻠﺖ ) ﻣﺴﺎﻋـﺪ ﺷﻲ ﺍﻧﺎ ﻣﺎ ﺍﺑﻴـﻪ
ﻫﻴـﺎﻡ : ﺑﺲ ﻓﺎﺗﻦ ﺍﻧﺘﻲ ﺣﺎﻟﺘﺞ ﻗﺎﻋﺪﺓ ﺗﺜﺒﺖ ﺍﻟﻌﻜﺲ .. ﺷﺘﻘﻮﻟﻴﻦ ﻋﻦ
ﻫﺎﻟﻤﻮﺿﻮﻉ؟؟
ﻓﺎﺗﻦ ﻭﻫﻲ ﺗﺒﻠﻊ ﺭﻳﺞ ﻣـﺮ ﺗﻤﻨﺖ ﻟﻮ ﺍﻧﻪ ﻛﺎﻥ ﺳـﻢ ﻭﺗﻨﺘﻬﻲ ﺣﻴـﺎﺗﻬﺎ
ﺑﻪ ...:.. ﻣﺎ ﺍﻗﻮﻝ ﺷﻲ ... ﻭﻻ ﺍﺑﻲ ﺍﻗﻮﻝ ﺷﻲ .. ﺗﻜﻔـﻮﻥ .. ( ﺑﺮﺟﺎﺀ
ﺑﻠﻴﻎ ) ﺍﻧﺎ ﻣﺎ ﻳﻴﺖ ﻫﻨﻲ ﺍﻻ ﻋﺸﺎﻥ ﺍﻓﺘﻚ ﻣﻦ ﺍﻟﻠﻲ ﻳﺼﻴﺮ ﻟﻲ ﻫﻨـﺎﻙ ..
ﻻ ﺗﺤﺴﺴﻮﻧﻲ ﺍﻥ ﻣﺎﻟﻲ ﻣﻜﺎﻥ ﻣﻌﺎﻛﻢ .. ﺗﺮﻯ ﺍﻧﺎ ﻣﺎ ﺑﻘﻌﺪ ﻭﻻ ﻟﺤﻈﺔ
ﻓﻲ ﻫﺎﻟﺒﻴﺖ ﻟﻮ ﻣﺎ ﺗﺒﻮﻭﻧﻲ .. ﺍﺭﺽ ﺍﻟﻠﻪ ﻭﺍﺳﻌﺔ ﻭﺍﺫﺍ ﻋﻨﺪﻱ ﺍﻟﺴﻴﻮﻟﺔ
ﺑﻘﺪﺭ ﺍﺿﻢ ﻧﻔﺴﻲ ﻣﺤﻞ ﺍﻟﻠﻲ ﺍﺑﻴـﻪ
ﺯﻳـﺎﺩ ﻳﻨﺎﻇﺮ ﻫﻴﺎﻡ ﺑﺎﺳﻒ ﻭﻳﺮﺩ ﻟﻔﺎﺗﻦ ﺑﺎﺑﺘﺴﺎﻣﺔ : ﻓﺎﺗﻦ .. ﺍﺣﻨﺎ ﻣﺎ ﻧﺒﻲ
ﺍﻻ ﺭﺍﺣﺘﺞ .. ﻭﺻﺪﻗﻴﻨﻲ .. ﻣﻦ ﻫﺎﻟﻨﻘﻄﺔ ﺍﺣﻨﺎ ﻣﺎ ﺭﺍﺡ ﻧﻨﺎﻗﺸﺞ ﺑﺸﻲ
ﻳﺨﺘﺺ ﻓﻴﺞ ﺍﻻ ﺍﺫﺍ ﺍﻧﺘﻲ ﻛﻨﺘﻲ ﺍﻟﻤﺘﻜﻠﻤﺔ ...
ﻓﺎﺗﻦ ﻭﻫﻲ ﺗﺒﺘﺴﻢ ﺑﺒﺮﻭﺩ : ﻭﺻﺪﻗﻨﻲ ﻣﺎ ﺭﺍﺡ ﺍﺗﻜﻠﻢ ﺑﺸﻲ ﻳﺨﺼـﻨﻲ ..
ﻻﻥ ﻣﺎﻛﻮ ﺷﻲ ﻳﺨﺼـﻨﻲ ﻳﻬﻤﻨﻲ .. ﻛﻞ ﺷﻲ ﺗﺮﻛﺘﻪ ﻭﺍﻧﺘﻬﻴﺖ ﻣﻨﻪ ..
ﻫﻴـﺎﻡ ﺑﻨﻈﺮﺓ ﻣﺸﻜﻜﺔ : ﻣﺘـﺎﻛﺪﺓ ...
ﺳﻜﺘﺖ ﻓﺎﺗﻦ ﻻﻧﻬﺎ ﺍﻛﺒﺮ ﺟﺬﺍﺑﺔ .. ﺗﺪﺭﻱ ﺍﻧﻬﺎ ﻣﺎ ﺍﻧﺘﻬﺖ .. ﺑﺎﻟﻌﻜﺲ ..
ﺍﺑﺘﺪﺕ ﺑﻬﺎﻻﻣﻮﺭ ﺍﻟﻠﻲ ﺗﺮﻛﺘﻬﺎ .. ﺍﺑﺘﺪﺕ ﻓﻴﻬﺎ ﺣﻴـﺎﺓ ﻳﺪﻳﺪﺓ ﻭﺷﺨﺼﻴـﺔ
ﻳﺪﻳﺪﺓ .. ﻭﻟﻜﻦ ﻃﺎﺑﻊ ﺍﻟﺠﺮﺡ ﻣﺎ ﺯﺍﻝ ﻗﺪﻳـﻢ .. ﻣﺎ ﺣﺒﺖ ﺍﻧﻬﺎ ﺗﺘﻜﻠﻢ ﻓﻲ
ﻫﺎﻟﻤﻮﺿﻮﻉ ﺍﻛﺜﺮ ﻟﻴﺶ؟؟ ﻻﻧﻬﺎ ﻛﻞ ﻣﺎ ﺗﺘﻜﻠﻢ ﻓﻴﻪ ﺗﺰﻳﺪ ﺣﻤﺎﺳﻴﺘﻬﺎ ﺍﻧﻬﺎ
ﺗﺮﺩ ﻟﻮﻃﻨﻬﺎ ﻭﺗﻠﻢ ﺷﺘﺎﺕ ﻋﻮﺍﻃﻔﻬﺎ ﺍﻟﻠﻲ ﺭﻣﺘﻬﺎ ﻋﻠﻰ ﻋﺘﺒﺔ ﺑﻴﺘﻬﻢ ..
ﻭﺑﺜﻼﺙ ﺻﻔﺤﺎﺕ ﻫﺸﻤﺖ ﻓﻴﻬﺎ ﺍﻟﻠﻲ ﻣﺎ ﻳﺘﻬﺸﻢ .. ﺑﺎﻻﻭﻧﺔ ﺍﻻﺧﻴـﺮﺓ ﻣﻦ
ﺍﻟﺸﻬﻮﺭ ﺍﻟﻠﻲ ﻃﺎﻓﺖ ﺗﻤﺖ ﺗﻔﻜﺮ ﺑﺠﺪﻳﺔ .. ﺑﻌﻼﻗﺔ ﻣﺴـﺎﻋﺪ ﻣﻊ ﻋﺎﻟﻴﺔ
ﻭﺗﺤﺎﻭﻝ ﺍﻧﻬﺎ ﺗﻠﺘﻘﻂ ﺧﻴـﻮﻁ ﻣﻦ ﻫﺎﻟﻌﻼﻗﺔ ﻳﻮﻡ ﻛﺎﻧﺖ ﺍﻫﻲ ﺣﺎﻇﺮﺓ
ﺑﻴﻨﺎﺗﻬﻢ .. ﻛﺎﻧﺖ ﺳﺮﻳﺔ ﻋﻤﺘﻬﺎ ﻋﺎﻟﻴﺔ ﻏﻴﺮ ﻣﻌﻘﻮﻟﺔ .. ﻭﻻ ﺑﻐﺖ ﻓﺎﺗﻦ
ﺗﻌﺮﻑ ﺷﻲ ﻋﻨﻬﺎ .. ﺗﺨﺒﺮﻫﺎ ﺍﻳﺎﻫﺎ ﺑﺎﻟﻐﺎﺯ ﻏﺮﻳﺒﺔ ﻭﻋﺠﻴﺒﺔ .. ﺳﺎﻋﺎﺕ
ﻓﺎﺗﻦ ﺍﻫﻲ ﻧﻔﺴـﻬﺎ ﺗﻤﻞ ﻭﻣﺎ ﺗﺤﻂ ﺑﺎﻟﻬﺎ ﻭﺗﺒﺘﻌﺪ ﻋﺸﺎﻥ ﺗﻠﻌﺐ ﻭﻳﺎ
ﻣﺮﻳﻢ .. ﺑﺲ ﺗﺬﻛﺮ ﻋﻤﺘﻬﺎ ﻋﺎﻟﻴﺔ ﻣﺮﺓ ﻭﺣﺪﺓ .. ﻛﺎﻧﺖ ﻃﺎﻟﻌﺔ ﺑﺎﻟﻠﻴﻞ ..
ﺍﻟﺴﺎﻋﺔ ﺛﻨﺘﻴﻦ ﺗﻘﺮﻳﺒﺎ .. ﻭﺭﺩﺕ ﺑﻨﻔﺲ ﺍﻟﻮﻗﺖ ﺑﺮﻭﺣﻬﺎ ﻭﻋﻠﻰ ﺭﺍﺳﻬﺎ
ﺷﺎﻝ ﺍﺳﻮﺩ ﻃﻮﻳﻞ ﻳﻠﻒ ﻗﺪﻫﺎ ﻛﻠﻪ .. ﻭﻳﻮﻡ ﻭﻗﻔﺖ ﻟﻬﺎ ﻓﺎﺗﻦ ﺑﻨﺺ
ﺍﻟﺪﺭﺏ ﻟﻐﺮﻓﺘﻬﺎ ﻗﺎﻟﺖ ﻟﻬﺎ ﺍﻧﻬﺎ ﺭﺍﺣﺖ ﺗﺪﻭﺭ ﻋﻠﻰ ﺍﻟﻨﺎﺱ ﻭﺗﺘﻤﻨﻰ ﻟﻬﻢ
ﻟﻴﻠـﺔ ﻃﻴﺒـﺔ .. ﻓﺎﺗﻦ ﻛﺎﻧﺖ ﺻﻐﻴـﺮﺓ ﺑﻬﺎﻟﻤﻨﺎﺳﺒﺔ .. ﻟﻜﻦ ﺍﻧﺤﻔﺮﺕ ﻓﻲ
ﻗﻠﺒﻬﺎ ﻣﺜﻞ ﺍﻟﺨﺸﺐ ..
ﻳﻌﻘـﻞ؟؟ ﺍﻥ ﻫﺎﻟﺰﻳﺎﺭﺓ ﻛﺎﻧﺖ ﻟﻤﺴـﺎﻋﺪ؟؟ ﻭﺣﺘﻰ ﻟﻮ ﻛﺎﻧﺖ ﺑﻬﺬﺍﻙ
ﺍﻟﻮﻗﺖ .. ﺗﺤﺲ ﻓﺎﺗﻦ ﺍﻧﻬﺎ ﻣﺤﺎﻃﺔ ﺑﻬﺎﻟﺔ ﻣﻦ ﺍﻟﺤﺐ ﻭﺍﻟﻄﻬﺎﺭﺓ ﻭﻓﻮﻕ
ﻛﻞ ﻫﺬﺍ .. ﻧﻘﺎﻭﺓ ﺍﻻﺧﻼﺹ ﺍﻻﺑﺪﻱ ..
ﻧﺎﻇﺮﺕ ﻧﻔﺴﻬﺎ ﻓﻲ ﺍﻟﻤﻨﻈﺮﺓ .. ﻭﻫﻲ ﺗﺮﺍﻗﺐ ﺧﻄﻮﻁ ﻭﻳﻬﻬﺎ ..
ﻭﻣﻼﻣﺤﻬﺎ .. ﺍﻟﺤﻴﻦ ﺑﺪﺕ ﺗﺘﻮﺿﺢ ﻋﻨﺪﻫﺎ ﻛﻞ ﻧﻈﺮﺍﺕ ﺍﺑﻮﻫﺎ ﻣﻦ ﺑﺪﺍﻳﺔ
ﻧﻀﺠﻬﺎ ﻟﺤﺘﻰ ﻣﻤﺎﺗﻪ .. ﺷﻠﻮﻥ ﻛﺎﻥ ﻳﻐﻴﺐ ﻓﻲ ﻣﻼﻣﺤﻬﺎ ﻭﻳﺘﺬﻛﺮ
ﻋﺎﻟﻴـﺔ .. ﻣﺎ ﺻﺪﻗﺖ ﺑﺤﻴﺎﺗﻬﺎ ﺷﻠﻮﻥ ﺍﻧﻬﺎ ﺗﻘﺪﺭ ﺗﻜﻮﻥ ﻧﺴﺨﺔ ﺍﺷﺒﻪ
ﺑﺎﻟﻤﻄﺎﺑﺔ ﻟﻮﻳﻪ ﻋﺎﻟﻴـﺔ .. ﺷﻠﻮﻥ ﻣﺤﺪ ﻻﺣﻆ .. ﻳﻤﻜﻦ ﻟﻬﺎﻟﺴﺒﺐ ﺻﻮﺭﻫﺎ
ﻛﺎﻧﺖ ﻣﻐﺒﻴﺔ ﻋﻦ ﺍﻟﻜﻞ .. ﻭﻣﺎ ﻛﻨﺎ ﻧﺸﻮﻓﻬﺎ ﺍﻻ ﻣﻦ ﺧﻼﻝ ﺍﻟﺼﻮﺭ ﺍﻟﻠﻲ
ﺗﺤﺘﻔﻆ ﺑﻬﺎ ﻓﺎﺗﻦ ﻟﻨﻔﺴﻬﺎ .. ﻭﻻﻧﻬﺎ ﻛﺎﻧﺖ ﺗﻈﻦ ﺍﻧﻬﺎ ﻣﺨﺘﻠﻔﺔ ﺗﻤﺎﻡ
ﺍﻻﺧﺘﻼﻑ ﻋﻦ ﻋﻤﺘﻬﺎ ﻇﻨﺖ ﺍﻧﻬﺎ ﺣﺘﻰ ﺑﺎﻟﺸﻜﻞ .. ﻟﻜﻦ ﻫﺬﺍ ﺍﻟﺸﻜﻞ ﻛﺎﻥ
ﺍﻟﺤﺎﻓﺰ ﻟﻤﺴـﺎﻋﺪ ﺍﻧﻪ ﻳﺘﻘﺮﺏ ﻣﻨﻬﺎ .. ﻳﻤﻜﻦ ﺣﺒﺎﻫﺎ ﻟﻨﻔﺴـﻬﺎ .. ﻟﻜﻦ ﺭﺍﺡ
ﺗﻈﻞ ﺍﻟﺬﻛﺮﻯ ﺑﻴﻨﻪ ﻭﺑﻴﻦ ﻭﺣﺪﺓ ﻣﻴـﺘﺔ ...
ﻣﺎ ﺗﺤﻤﻠﺖ ﻓﺎﺗﻦ ﺍﻛﺜﺮ .. ﻭﺣﻤﻠﺖ ﺍﻟﻤﺰﻫﺮﻳﺔ ﻭﺭﻣﺘﻬﺎ ﻋﻠﻰ ﺍﻟﻤﻨﻈﺮﺓ ..
ﻭﺗﻬﺸﻤﺖ ﺍﻟﻰ ﻗﻄﻊ ﺻﻐﻴـﺮﺓ ﻭﻛﺒﻴـﺮﺓ .. ﻣﺜﻞ ﻣﺎ ﺗﻬﺸﻤﺖ ﺍﻟﻤﺮﺁﺓ ﺍﻟﻠﻲ
ﻓﻲ ﻗﻠﺐ ﻓﺎﺗﻦ ﻭﺗﺤﻄﻤﺖ ﺍﻟﻰ ﻗﻄﻊ ﻋﻠﻰ ﺍﻷﺭﺽ ..
ﻭﻇﻠﺖ ﻃﻮﻝ ﻫﺎﻟﺜﻤﺎﻧﻴﺔ ﺍﺷﻬﺮ ﺗﺮﻫﻖ ﻧﻔﺴﻬﺎ ﺑﺎﻟﺪﺭﺍﺳﺔ ﻭﺗﺒﻌﺪ ﻧﻔﺴﻬﺎ ﻋﻦ
ﺍﻟﻤﺸﺎﻏﻞ ﻓﻲ ﺍﻟﺪﻳﺮﺓ .. ﻭﺍﻟﻜﺘﺐ ﺻﺎﺭﺕ ﻫﻮﺍﻳﺔ ﺟﺪﻳﺪﺓ ﺗﺤﺐ ﻓﺎﺗﻦ
ﺍﻧﻬﺎ ﺗﻐﻤﺲ ﻧﻔﺴﻬﺎ ﺑﻬﺎ .. ﻭﺻﺎﺭ ﻣﻈﻬﺮﻫﺎ ﻣﻌﺘﺎﺩ .. ﺍﻟﺠﻴﻨﺰ ﻭﺍﻟﺘﺮﻳﻨﻨﻎ
ﺍﻟﺮﻳﺎﺿﻲ .. ﺍﻭ ﺳﺎﻋﺖ ﺗﻜﺸﺦ ﻭﺗﻠﺒﺲ ﺷﻲ ﻣﻦ ﺍﻟﻤﻼﺑﺲ ﺍﻻﻧﻴﻘﺔﺍ ﻟﻠﻲ
ﻋﻨﺪﻫﺎ .. ﻭﺍﻟﻠﻲ ﺗﺮﻓﻀﻬﺎ ﻓﻲ ﺑﻌﺾ ﺍﻻﺣﻴـﺎﻥ ﻻﻧﻬﺎ ﺗﻨﺴﻰ ﻧﻔﺴﻬﺎ
ﻭﺗﺤﺲ ﺍﻧﻬﺎ ﻋﺎﺩﺕ ﻟﻠﻮﻗﺖ ﻣﻦ ﻭﺭﻯ ..
ﺍﻧﺘﺒﻬﺖ ﺍﻟﻰ ﺟﺮﺱ ﺍﻟﺴﺎﻋﺔ ﺍﻟﻠﻲ ﺭﻥ ﺑﻘﻮﺓ ﻭﻫﺰ ﺍﻟﺼﻤﺖ ﺑﺎﻟﻤﻜﺎﻥ ..
ﺗﻠﻔﺘﺖ ﺑﺮﺍﺳﻬﺎ ﻳﻤﻴﻦ ﻭﻳﺴـﺎﺭ .. ﻭﻋﺮﻓﺖ ﺍﻥ ﺍﻟﻨﻬﺎﺭ ﺗﺤﻮﻝ ﺍﻟﻰ ﻟﻴـﻞ ..
ﻭﺻﺎﺭ ﻻﺯﻡ ﻣﺜﻞ ﻛﻞ ﻳﻮﻡ ﺛﻼﺛﺎﺀ ﺑﻬﺎﻟﻤﻮﻋﺪ .. ﺍﻧﻬﺎ ﺗﺘﺼﻞ ﻓﻲ ﺑﻴـﺘﻬﻢ ..
ﻭﺗﺴﺘﻌﻠﻢ ﻋﻦ ﺍﺣﻮﺍﻟﻬﻢ ﺍﻟﻘﻠﻴﻞ ﻭﺗﺨﺒﺮﻫﻢ ﻋﻦ ﺍﺣﻮﺍﻟﻬﻢ ﺍﻟﻘﻠﻴﻞ .. ﺟﺮﺍﺡ
ﺯﻋﻼﻥ ﻣﻨﻬﺎ ﻭﻣﺎ ﻳﻜﻠﻤﻬﺎ ﻣﻦ ﻓﺘﺮﺓ .. ﺍﻭ ﻳﺘﺤﺎﺷﻰ ﺍﺗﺼﺎﻻﺗﻬﺎ .. ﻭﺍﻣﻬﺎ
ﺍﻟﻠﻲ ﻗﻠﺒﻬﺎ ﻣﻨﺼﺐ ﻋﻠﻴﻬﺎﻭ ﺗﻌﺮﻑ ﺍﻱ ﺗﻤﺮ ﺑﺎﻱ ﻧﻮﻉ ﻣﻦ ﺍﻟﺰﻋﻞ ﺍﻟﻨﻔﺴﻲ
ﻋﻠﻰ ﻓﺎﺗﻦ ﻟﻜﻨﻬﺎ ﻣﺎ ﺗﻘﺪﺭ ﺗﺘﺮﺍﺟﻊ ﺧﻄﻮﺓ ﻭﺣﺪﺓ .. ﻗﺒﻞ ﻣﺎ ﺍﺣﺪ
ﻳﺘﺠﺪﻡ ﻟﻬﺎ ﺑﺨﻄﻮﺓ . ﺍﻭ ﺍﻧﻬﻢ ﻳﺨﺒﺮﻭﻧﻬﺎ ﺍﻧﻬﺎ ﺧﻼﺹ ﺻﺎﺭﺕ ﻣﻦ ﻃﻲ
ﻣﺎ ﻣﻀﻰ .. ﻭﻫﺬﺍ ﻳﻤﻜﻦ ﺍﻟﻠﻲ ﺗﺒﻴﻪ ﺍﻛﺜـﺮ ﺷﻲ ..
ﺗﻮﻫﺎ ﺑﺘﻤﺪ ﻳﺪﻫﺎ ﻋﺸـﺎﻥ ﺗﺸﻴﻞ ﺍﻟﺴﻤﺎﻋﺔ ﻭﺗﺘﺼﻞ ﺑﺄﻫﻠﻬﺎ ﺍﻻ ﺟﺮﺱ
ﺍﻟﻤﻠﺤﻖ ﺍﻟﻠﻲ ﻫﻲ ﻓﻴـﻪ ﻳﺮﻥ .. ﻭﺍﺑﺘﺴﻤﺖ .. ﻫﺬﻱ ﺍﻛﻴﺪ ﺍﻡ ﻫﻴـﺎﻡ ﺍﻟﻠﻲ
ﺣﺎﻣﻠﺔ ﻭﻳﺎﻫﺎ ﺍﻻﻛﻞ ﻭﻛﺎﻥ ﻓﺎﺗﻦ ﻣﺤﺘﺎﺟﺔ ﻻﻛﺜﺮ ﻣﻦ ﺍﻻﻛﻞ ﺍﻟﻠﻲ ﻣﺎ
ﻳﻐﺮﺩ ﺑﺒﻄﻨﻬﺎ .. ﻭﺗﺤﺎﻣﻠﺖ ﻋﻠﻰ ﻧﻔﺴـﻬﺎ ﻭﻓﺘﺤﺖ ﺍﻟﺒﺎﺏ ﺍﻻ ﺑﺎﻟﻔﺮﺍﺷﺘﻴﻦ
ﻳﻄﻠﻮﻭﻭﻥ ﻣﻦ ﺍﻟﺒﺎﺏ ﻗﺒﻞ ﺍﻣﻬﻢ ﻭﻳﻄﻴﺮﻭﻥ ﺩﺍﺧﻞ ﺍﻟﺼﺎﻟﺔ ﻭﻓﺎﺗﻦ
ﺗﻨﺎﻇﺮﻫﻢ ﺑﻔﺮﺣﺔ ..
ﺍﻡ ﻫﻴـﺎﻡ : good evening faten
ﻓﺎﺗﻦ ﺑﺎﺑﺘﺴﺎﻣﺔ : ﺍﻫﻠﻴــﻦ ﺧﺎﻟﺘﻲ .. ﻛﻞ ﻳﻮﻡ ﻳﻌﻨﻲ ﺧﺎﻟﺔ؟
ﺍﻡ ﻫﻴﺎﻡ ﺑﺎﺳﺘﻐﺮﺍﺏ : ﻛﻞ ﻳﻮﻡ ﺷﻨﻮ؟؟؟
ﻓﺎﺗﻦ ﻭﻫﻲ ﺗﺤﻤﻞ ﺍﻟﺼﻴﻨﻴﺔ ﺑﺎﻻﻃﺒﺎﻕ ﺍﻟﻤﻐﻄﻴﺔ : ﻛﻞ ﻳﻮﻡ ﻫﺎﻟﺤﺎﻟﺔ
ﻭﻳﺎﺝ ... ﻣﺎ ﻗﻠﺖ ﻟﺞ ﻻ ﺍﺗﻴﺒﻴﻦ ﻟﻲ ﺷﻲ . ﺍﻧﺎ ﻋﻨﺪﻱ ﺧﻴـﺮ ﺍﻟﻠﻪ ﻫﻨﻲ
ﺍﻡ ﻫﻴـﺎﻡ : ﻭﺗﻌﺎﻓﻴﻦ ﺍﻛﻠﻲ؟؟؟ ﺗﺪﺭﻳﻦ ﺍﻧﻲ ﺍﻛﺒﺮ ﻃﺒﺎﺧﺔ ﺑﺤﺮﻳﻨﻴﺔ ﻓﻲ
ﻭﻻﻳﺔ ﺑﻮﺳﻄﻦ ﻣﺎﺳﺎﺗﺸﻮﺗﺲ ..؟؟؟
ﻓﺎﺗﻦ ﻭﻫﻲ ﺗﻀﺤﻚ ﺑﺨﻔﺔ : ﻭﻟﺞ ﺍﻟﺮﺍﻳﺔ ﺍﻟﺒﻴﻀﺎ ﺑﻌﺪ ﺑﺲ ﻣﺎ ﺍﺑﻲ ﺍﻋﺒﻞ
ﻋﻠﻴﺞ
ﺍﻡ ﻫﻴـﺎﻡ : ﺍﻧﺎ ﺯﻳﻦ ﻣﻨﻲ ﻟﻘﻴﺖ ﻟﻲ ﺻﺪﻳﻘﺔ ﻓﻲ ﻫﺎﻟﺒﻴﺖ ﺍﻟﻜﺒﻴﺮ ..
ﻫﻴـﺎﻡ ﻣﻦ ﺍﻧﺨﻄﺒﺖ ﻣﻦ ﺯﻳﺎﺩ ﻣﺎ ﺷﻮﻓﻬﺎ .. ﺍﻟﻠﻲ ﻳﺴﻤﻌﻨﻲ ﻳﻘﻮﻝ ﺍﻧﻲ
ﻛﻨﺖ ﺍﺷﻮﻓﻬﺎ ﻗﺒﻞ .. ﻳﺎ ﻓﺎﺗﻦ ﺍﻧﺘﻲ ﺍﻟﺒﻨﺖ ﺍﻟﻠﻲ ﻛﻞ ﺍﻡ ﺗﺘﻤﻨﺎﻫﺎ .. ﻭﺍﻧﺎ
ﺍﺗﻤﻨﺎﺍﺍﺝ ﺑﻨﺖ ﻟﻲ ..
ﻓﺎﺗﻦ ﻭﻗﻠﺒﻬﺎ ﻳﺨﻔﻖ ﺑﺬﻛﺮﻯ ﺍﻣﻬﺎ ﺍﻟﻐﺎﻟﻴﺔ ..: ﻭﺍﻧﺘﻲ ﺑﻌﺪ ﺧﺎﻟﺘﻲ .. ﺍﻻﻡ
ﺍﻟﻠﻲ ﻛﻞ ﺑﻨﺖ ﺗﺘﻤﻨﺎﻫﺎ ..
ﺍﻡ ﻫﻴـﺎﻡ : ﻋﻴﻞ ﻟﻴﺶ ﻣﺎ ﺗﺨﻠﻴﻨﻲ ﺍﻭﻛﻠﺞ ﻣﺜﻞ ﻣﺎ ﺍﺑﻲ .... ﻳﺎﻟﻠﻪ .. ﻻ
ﺗﻌﺎﻧﺪﻳﻦ .. ﻭﺧﻠﺞ ﺑﻨﺖ ﻃﻴﺒﺔ ﻭﺣﻠﻴﻮﺓ ... ﻭﻛﻠﻲ ﻭﺭﺩﻱ ﻟﻮﻧﺞ
ﺍﻟﺤﻠﻮﻭﻭ ..
ﻭﺣﺪﺓ ﻣﻦ ﺍﻟﺘﻮﺍﺋﻢ ﺗﺴﺤﺐ ﺭﻳﻞ ﻓﺎﺗﻦ : ﻣﻌﻠﻴﻪ ﺍﻛﻞ ﻣﻌﺎﺍﺍﺝ ..
ﺍﻡ ﻫﻴـﺎﻡ : ﺷﻮﻑ ﺍﻟﻔﺸﻴﻠﺔ ..
ﻓﺎﺗﻦ ﻭﻫﻲ ﺗﺒﺘﺴﻢ ﻟﻬﺎ ﺑﺤﻨﻴﺔ : ﺑﺸﺮﺭﺭﺭﺭﺭﻁ ..
ﺍﻟﺼﻐﻴـﺮﺓ : ﺳﻨﻮ؟؟؟
ﻓﺎﺗﻦ : ﺗﻘﻮﻟﻴﻠﻲ .. ﺷﻌﻄﻮﻭﻭﻛﻢ ﺍﻟﻴﻮﻡ ﻓﻲ ﺍﻟﺒﺎﻟﻴـﻪ ..
ﻳﺎﺕ ﺍﻟﺘﻮﺃﻡ ﺍﻟﺜﺎﻧﻲ ﺍﻟﻠﻲ ﻓﻴﻬﺎ ﺟﺮﺁﺓ ﺍﻛﺒﺮ ﻣﻦ ﺍﻟﻠﻲ ﻓﻲ ﺍﻻﻭﻟﻰ ..: ﺍﻧﺎ
ﺍﻗﻮﻭﻭﻭﻟﺞ ﺍﻟﻠﻲ ﺍﺗﻮﻭﻭﻧﺎ ﺍﻳﺎﺍﺍﻩ ...
ﻭﺳﺤﺒﻮﻭ ﺍﻟﺜﻨﺘﻴﻦ ﻳﺪﻳﻦ ﻓﺎﺗﻦ ﺍﻟﻰ ﺍﻟﻜﺮﺍﺳﻲ ﻭﺍﻟﺼﻴﻨﻴﺔ ﺣﻤﻠﺘﻬﺎ ﺍﻡ
ﻫﻴـﺎﻡ ﻭﻫﻲ ﺗﻀﺤﻚ ﻋﻠﻰ ﺑﻨﺘﻴﻴﻴﻨﻬﺎ ﺍﻟﺼﻐﻴﺮﺗﻴﻦ ﺍﻟﻲ ﻳﻜﻮﻧﻮﻥ ﺳﺒﺐ
ﺍﻟﻔﺮﺣﺔ ﺍﻟﺤﻘﻴﻘﻴﺔ ﺑﻌﻴﻮﻥ ﻓﺎﺗﻦ ﺍﻟﻼﻣﻌﺔ .. ﺗﻤﺘﻠﻚ ﺍﻟﻜﺜﻴـﺮ ﻣﻦ ﺍﻵﻻﻡ ﻓﻲ
ﻗﻠﺒـﻬﺎ .. ﻗﺎﻟﺖ ﺍﻡ ﻫﻴﺎﻡ ﻓﻲ ﻗﻠﺒﻬﺎ .. ﻫﺎﻟﺒﻨﺖ ﺍﻻﻣﻬﺎ ﻭﺍﺿﺤﺔ ﻟﻠﻌﻴﺎﻥ
ﻣﺜﻞ ﻣﺎ ﻳﻮﺿﺢ ﻫﻼﻝ ﺍﻟﻌﻴـﺪ ﺑﻌﻴﻮﻥ ﺍﻟﻤﻌﻴـﺪﻳﻦ .. ﺳﻴﻤﺎﺋﻬﻢ
ﻋﻠﻯﻮﺟﻮﻫﻬﻢ .. ﻭﻫﺎﻟﺒﻨﺖ ﻣﺎ ﺗﺤﺎﻭﻝ ﺗﺨﻔﻲ ﺍﻱ ﺷﻲ ﻋﻠﻰ ﺍﻟﺮﻏﻢ ﻣﻦ
ﺳﻜﻮﺗﻬﺎ .. ﻟﻜﻦ ﻣﺜﻞ ﻣﺎ ﻳﻘﻮﻝ ﻣﺤﻤﺪ ﻋﺒﺪﻩ .. ﺍﻟﺤﺐ ﻋﻠﻤﻬﺎ ﺍﻟﺴﻜﻮﺕ ..
ﻭﻋﻠﻤﻪ ﺍﻟﻜﻼﺍﺍﻡ .. ﺑﺲ ﻣﺤﺪ ﻳﺪﺭﻱ .. ﺷﻔﺎﺓ ﻣﻦ ﺍﻟﻤﻐﻠﻘﺔ .. ﻭﻋﻴﻦ ﻣﻦ
ﺍﻟﺪﺍﻣﻌﺔ .. ﻭﻓﺎﺗﻦ ﻗﺼﺔ ﺣﺒـﻬﺎ ﻳﻤﻜﻦ ﺗﻜﻮﻥ ﺍﻋﻤﻖ ﻣﻦ ﻣﺎ ﻳﺘﺼﻮﺭﻫﺎ
ﺍﺣﺪ ..
ﻭﻗﺒﻞ ﻻ ﺗﺮﻭﺡ ﺍﻡ ﻫﻴـﺎﻡ ﻋﻦ ﻓﺎﺗﻦ ﺑﻌﺪ ﻗﻌﺪﺓ ﺳﺎﻋﺔ ﻭﺍﻟﺒﻨﺘﻴﻦ ﻓﻲ
ﻧﺺ ﺳﻮﺍﻟﻔﻬﻢ ﻃﺎﺣﻮﻭ ﺑﺤﻜﻢ ﺳﻠﻄﺎﻥ ﺍﻟﻨﻮﻡ . ﻓﻲ ﺣﻈﻦ ﻓﺎﺗﻦ .. ﻭﻗﻔﺖ
ﻟﻬﺎ ﻭﺍﺑﺘﺴﻤﺖ ﻓﻲ ﻭﻳﻬﻬﺎ ..
ﺍﻡ ﻫﻴـﺎﻡ ..: ﻳﺎ ﻓﺎﺗﻦ .. ﺍﻟﻌﻘﻞ .. ﻳﻘﺪﺭ ﻳﺴﻮﻱ ﺍﻱ ﺷﻲ .. ﻭﻳﻘﺪﺭ ﻳﻔﻜﺮ
ﺑﺎﻱ ﺷﻲ .. ﻭﻟﻜﻦ .. (ﺣﻄﺖ ﻳﺪﻫﺎ ﻋﻠﻰ ﻗﻠﺐ ﻓﺎﺗﻦ ) ﻫﺬﺍ ﺭﺍﻋﻲ
ﺍﻻﻓﻌﺎﻝ .. ﻳﺼﺒﺮ ﺍﻟﻰ ﺍﻟﺤﺪ ﺍﻟﻠﻲ ﻳﻘﺪﺭ ﻋﻠﻴﻪ .. ﻭﻟﻜﻦ ﻻ ﺑﻐﻰ ﻳﻨﻔﺠﺮ .
ﻳﺤﺪﺙ ﺍﻛﺒﺮ ﺑﺮﻛﺎﺍﺍﺍﻥ ﻭﺍﻛﺒﺮ ﻓﻮﺿﻰ ..
ﻓﺎﺗﻦ ﻭﻫﻲ ﺗﺒﻌﺪ ﻋﻴﻮﻥ ﺩﺍﻣﻌﺔ ﻣﻦ ﻛﻼﻡ ﺍﻡ ﻫﻴـﺎﻡ :.. ﺧﺎﻟﺘﻲ ... ﻣﺎﺍﺑﻲ
ﺍﺗﻜﻠﻢ ..
ﺍﻡ ﻫﻴﺎﻡ ﻭﻫﻲ ﺗﻤﺴﺢ ﻋﻠﻰ ﻭﻳﻪ ﻓﺎﺗﻦ : ﻭﺍﻧﺎ ﻣﺎ ﺑﻐﻴﺘﺞ ﺗﺘﻜﻠﻤﻴﻦ ..
ﺭﻳﺤﻲ ﺑﺎﻟﺞ ﻳﺎ ﻓﺎﺗﻦ .. ﻭﺧﻠﻲ ﻗﻠﺒﺞ ﻳﻔﻜﺮ .. ﺻﺪﻗﻴﻨﻲ .. ﻓﻲ ﺍﻟﺤﺐ ..
ﻭﺍﻟﺤﺮﺏ .. ﻣﺎ ﻳﻔﻜﺮ ﺍﻻ ﺷﻲ ﻭﺍﺣﺪ .. ﺍﻟﻘﻠﺐ .. ﻻ ﺗﺨﻠﻴﻬﻢ ﻳﻘﺼﻮﻥ
ﻋﻠﻴﺞ .. ﺍﻟﻠﻲ ﻳﻔﻜﺮ ﺑﻌﻘﻠﻪ ﺍﻧﺴﺎﻥ ﻣﺎ ﻳﺤﺐ ﻃﻌﻢ ﺍﻟﺤﺐ ﻭﻻ ﺑﻴﻌﺮﻑ
ﻃﻌﻢ ﺍﻟﺤﺐ . ﺍﻟﺤﺐ ﻣﺎ ﻛﺎﻥ ﺍﻟﻤﻔﺮﻭﺽ ﻋﻠﻴﻪ ﺍﻧﻪ ﻳﻜﻮﻥ ﺳﻌﻴﺪ ﻭﺟﻤﻴﻞ
ﻭﻟﺬﻳﺬ .. ﻭﺍﻻ ﻣﺎ ﻛﺎﻥ ﻓﻲ ﺣﺐ .. ﺍﻟﺤﺐ ﺍﻧﺮﺳﻢ ﻣﻦ ﺍﺛﻨﻴﻦ .. ﺍﻟﺪﻡ ..
ﻭﺍﻟﺪﻣﻊ .. ﺍﻣﺘﺰﺟﻮﺍ ﻭﻛﻮﻧﻮ ﺍﺣﻠﻰ ﺧﻠﻴـﻂ .. ﺗﺒﻠﻌﻴﻨﻪ ﺑﻤﺮﺍﺭﺓ .. ﻟﻜﻦ ﺗﺨﻠﻲ
ﺍﻟﻌﻨﻒ ﻓﻲ ﺻﺪﺭﺝ ﻭﺍﻧﺘﻲ ﺗﺘﻀﺮﺟﻴﻦ ﺑﺪﻣﻪ؟؟؟ ﺍﺣﺴﺎﺱ ﺟﻤﻴﻞ ..
ﺳﻜﺘﺖ ﻭﻫﻲ ﺗﺮﺍﻗﺐ ﺍﻟﺪﻣﻊ ﺍﻟﺨﺎﺋﻦ ﻣﻦ ﻋﻴـﻮﻥ ﻓﺎﺗﻦ ﻭﻣﺎ ﺣﺒﺖ ﺍﻧﻬﺎ
ﺗﻮﺍﺻﻞ ﺑﺎﻟﻜﻼﻡ ﺍﻛﺜـﺮ .. ﻭﻃﻠﻌﺖ ﻣﻦ ﺍﻟﻤﻠﺤﻖ .. ﺗﺎﺭﻛﺔ ﻭﺭﺍﻫﺎ ﻓﺎﺗﻦ
ﺑﻘﻠﺐ ﻣﻠﺘﻬﺐ .. ﻭﻟﺴﺎﻧﻬﺎ ﺍﻟﻠﻲ ﻭﺍﻗﻒ ﻋﻠﻰ ﻃﺮﻓﻪ ﺍﺳﻤﻪ .. ﻭﻣﺎ ﺗﻘﺪﺭ
ﺗﻠﻔﻈﻪ ﻭﻻ ﺗﻘﻮﻟﻪ .. ﺗﺨﺎﻑ ﺍﻧﻬﺎ ﺗﺆﺫﻱ ﻧﻔﺴـﻬﺎ ﺍﻭ ﺗﺮﺩ ﻧﻔﺴـﻬﺎ ﺍﻟﻰ ﻋﺎﻟـﻢ
ﺍﻫﻲ ﺑﻐﻨﻰ ﻋﻨﻪ .. ﻭﻟﻜﻦ ﻫﺎﻟﻌﺎﻟﻢ ﺑﻌﺪ ﻳﻤﺘﻠﻚ ﺍﺳﻤﻰ ﻭﺍﻏﻠﻰ ﻣﻤﺘﻠﻜﺎﺗﻬﺎ ..
ﺍﻫﻠﻬﺎ .. ﻭﺍﺻﺤﺎﺑﻬﺎ .. ﻭﻓﻮﻕ ﻛﻞ ﺷﻲ .. ﺫﻛﺮﻳﺎﺗﻬﺎ ﻣﻌﺎﻫﻢ .. ﻣﺎ ﺗﻘﺪﺭ
ﺗﺘﺨﻠﻰ ﻋﻦ ﻫﺬﺍ ﻭﻋﻦ ﻫﺬﺍﻙ ﺑﺴﺒﺐ ﺷﺨﺺ ﻭﺍﺣﺪ .. ﺍﺻﺢ .. ﺍﻟﺤﺐ ﻣﺎ
ﻛﺎﻥ ﺍﻟﻤﻔﺮﻭﺽ ﻋﻠﻴﻪ ﺍﻧﻪ ﻳﻜﻮﻥ ﺣﻠﻮ .. ﺍﻟﺤﺐ ﻋﺬﺍﺏ .. ﻻ ﻧﻨﺴﻰ
ﺍﻷﻟﻒ .. ﻋﺸﺎﻥ ﺍﻟﻤﻌﻨﻰ ﻻ ﻳﺨﺘﻠﻒ ... ﺍﺍﺍﺍﺍﻩ ﻋﻠﻴﺞ ﻳﺎ ﻣﺮﻳﻢ .. ﻟﻴﺘﻨﻲ
ﺍﻟﻘﺎﺝ ﺍﻟﺤﻴﻦ ﻭﺍﺭﻣﻲ ﻋﻠﻴﺞ ﺑﻬﻤﻮﻣﻲ ..
ﻓﺎﺗﻦ ﺑﺘﻔﻜﻴﺮ ﻣﺴﻤﻮﻉ : ﻟﻜﻦ ﻣﺎﺩﺭﻱ ﺍﻧﺘﻲ ﺷﺘﻔﻜﺮﻳﻦ ﻋﻨﻲ ﺍﻟﺤﻴﻦ ﻳﺎ
ﻣﺮﻳﻢ .. ﻣﺎﺩﺭﻱ .؟
----------------------------------------------
ﻓﻲ ﻓﺠــﺮ ﺍﻟﻴﻮﻡ ﺍﻟﺘـﺎﻟﻲ .. ﻭﻗﻔﺖ ﺳﻴـﺎﺭﺓ ﻋﻦ ﺑﻌـﺪ ﺷـــﺎﺭﻉ ﻣﻦ ﺑﻴـﺖ
ﺍﻟﻨﻬﻴــﺪﻱ .. ﻓﻲ ﺟﻮ ﻣﺘﻼﻳﻢ ﻋﻠﻰ ﺑﻌﻀـﻪ ﻭﻳﻦ ﻣﺎ ﺍﻟﺮﻃﻮﺑﺔ ﺗﺘﺤﻜﻢ
ﺑﺎﻻﺟـﻮﺍﺀ ﻭﻭﻳــﻦ ﻣﺎ ﺍﻟﻬـﺪﻭﺀ ﻳﻌـﻢ ﺍﻻﻃﺮﺍﻑ ﺍﻻ ﻣﻦ ﺣﻨﺤﻨﻪ
ﺍﻟﻤﻜﻴــﻔﺎﺕ ﺍﻟﻬﻮﺍﺋﻴﺔ .. ﺍﻟﻤﻠﻄﻔﺔ ﻟﻼﺟﻮﺍﺀ .. ﺗﺤﺮﻛﺖ ﺍﻟﻘﻠـﻮﺏ ﺑﺼﻤـــﺖ
ﺛﻘﻴــﻞ ﻭﺑﻨﻔـــﺲ ﺣﺰﻳــﻨﺔ ﻭﻟﻜﻦ ﺍﻟﺮﻭﺡ ﺻــﺎﺑﺮﺓ ..
ﻧﺰﻝ ﻣﺸــﻌﻞ ﻣﻦ ﺍﻟﺘﺎﻛﺴﻲ ﻭﻫﻮ ﻳﺤﻤﻞ ﺟﻨﻄﺘﻪ ﺍﻟﺼﻐﻴــﺮﺓ .. ﺗﻢ
ﻳﻤﺸـﻲ ﻋﻠﻰ ﻃﻮﻝ ﺍﻟﺸـﺎﺭﻉ ﺑﻬﺪﻭﺀ ﻭﻫﻮ ﻳﻨﺎﻇﺮ ﺍﻟﺒﻴــﻮﺕ .. ﻣﺮﺕ
ﻓﺘــﺮﺓ .. ﺳــﺘﻪ ﺷﻬﻮﺭ ﻣﻦ ﻃﻠﻊ ﻣﻦ ﺍﻟﺒﺤـﺮﻳﻦ ﺍﻟﻰ ﺍﻟﺴـﻌﻮﺩﻳـﺔ
ﻟﻠﺪﺭﺍﺳــﺔ ﺍﻭ ﻳﻤﻜـﻦ ﺍﻟﻬﺮﻭﺏ .. ﻋﺮﻑ ﺑﺎﻟﻠﻲ ﺻﺎﺭ ﻟﻤﺴـﺎﻋﺪ ﻟﻜﻨﻪ ﻣﺎ ﻗﺪﺭ
ﻳﻌـﺮﻑ ﺍﻟﺘﻔﺎﺻﻴـﻞ ﻻﻧﻪ ﻗﻄﻊ ﻛﻞ ﺍﻟﻌﻼﻗﺎﺕ ﺍﻭ ﺍﻻﻣﻜﺎﻧﻴﺎﺕ ﺍﻧﻪ ﻳﻮﺻـﻞ
ﻟﻬﻢ .. ﻭﻓﻀﻞ ﺍﻟﻬﺮﻭﺏ ﻋﻠﻰ ﺍﻟﻘﻌﺪﺓ ﻣﻜـﺎﻧﻪ .. ﻭﺣﺘﻰ ﻭﺟﻮﺩﻩ ﺍﻟﻴﻮﻡ ﻣﺎ
ﻛﺎﻥ ﺑﻄﻮﺍﻋﻴﺘﻪ .. ﻛﺎﻧﺖ ﻫﻨﺎﻙ ﺍﻏﻼﻁ ﺗﺮﻛﻬﺎ ﻭﺭﺍﺣﺖ .. ﺧﻠﻔﺘﻬﺎ ﺍﻟﻌﻴﻮﺏ
ﺍﻟﺸﺨﺼﻴـﺔ ﻓﻲ ﻫﺎﻟﺤﻲ ﻭﺑﻴﻦ ﻫﺎﻟﻨﺎﺱ ﺍﻟﻄﻴﺒـﺔ .. ﻭﺍﻟﻐﻠﻂ ﻳﺼﻴﺮ ﻟﻜﻦ
ﻻﺯﻡ ﻣﺎﻳﺴﺘـﻤﺮ .. ﺍﻫﻮ ﻻﺯﻡ ﻳﻌﻮﺽ ﻋﻦ ﺍﻟﻠﻲ ﺧﺴـﺮﻩ ﺑﻜﻞ ﻫﺎﻟﻨﺎﺱ ..
ﻭﺍﻭﻟﻬﻢ ﻓﺎﺗـﻦ .. ﻭﺍﻫﻞ ﻓﺎﺗـﻦ .. ﻭﻳﻤﻜﻦ ﻓﺎﺗﻦ ﻣﺎ ﺗﻜﻮﻥ ﻣﻬﻤﺔ ﺑﻘـﺪﺭ ...
ﻣﻨـﺎﻳﺮ ..
ﻣﻨﺎﻳــﺮ .. ﻓﻲ ﻇﺮﻑ ﻫﺎﻟﺜﻤﺎﻧﻴﺔ ﺷﻬﻮﺭ ﻗﺪﺭﺕ ﺍﻧﻬﺎ ﺗﻐﻴـﺮ ﻓﻴﻪ ﻛﻞ ﺷﻲ ..
ﻣﻮ ﺑﻤﻌﻨﻰ ﻋﺎﻃﻔﻲ ﺍﻭ ﺭﻭﻣﺎﻧﺴﻲ ﺑﻤﻌﻨﻰ ﺍﻧﺴـﺎﻧﻲ ﺍﻛﺜـﺮ .. ﻛﻴﻒ ﺍﻥ
ﺑﻨﺖ ﺻﻐﻴـﺮﺓ ﺗﻘﺪﺭ ﺗﻜﻮﻥ ﺍﻧﺴـﺎﻧﺔ ﻓﺎﻫﻤﺔ ﻭﻋﺎﻗﻠﺔ .. ﻭﺍﻫﻮ ﺍﻟﻠﻲ ﻛﺎﻥ
ﻳﻈـﻦ ﺍﻧﻪ ﻛﺒﻴـﺮ ﻣﺎ ﻛﺎﻥ ﻳﻌـﺮﻑ ﺷﻲ ..
ﺍﻟﻌﻤـﺮ ﻣﺎﻟﻪ ﻓﺮﻕ .. ﻭﺍﻻﻧﺘﻘﺎﻡ ﻳﻤﻜﻦ ﻣﺎ ﻛﺎﻥ ﻣﻮﺟـﻮﺩ .. ﻭﻟﻜﻦ ﺍﺳﺘﺮﺩﺍﺩ
ﺍﻟﺬﺍﺕ ﺍﻫﻮ ﺍﻟﻠﻲ ﺣﺪﺩ ﻣﺼﻴـﺮﻩ ﻓﻲ ﺫﻳﺞ ﺍﻟﻔﺘـﺮﺓ .. ﻭﻟﻜﻦ ﻗﻀﺎﺀ ﺍﻟﻠﻪ
ﻭﻗﺪﺭﻩ ﺩﺍﻳﻤﺎ ﻳﻜﻮﻥ ﻋﻠﻰ ﻏﻴـﺮ ﺍﻋﺘﻘﺎﺩ ﺍﻻﻧﺴـﺎﻥ .. ﺍﻟﻮﺍﺣﺪ ﻳﻈﻦ ﺍﻧﻪ
ﺧﻼﺹ .. ﻣﺎ ﺭﺍﺡ ﻳﺘﻨﺎﺯﻝ ﺍﻭ ﻳﺘﻘﺎﻋﺺ ﻟﺤﻈـﺔ ﻟﻜﻦ .. ﻓﻲ ﺧﻀﻢ
ﺍﻟﻠﺤﻈﺎﺕ ﻳﻠﻘﻰ ﺿﻤﻴـﺮﻩ ﻳﺮﺳﻞ ﺭﺳﺎﻟﺔ ﺿﻌﻒ ﺍﻭ ﺗﻮﺳﻞ ﻟﺠﺴـﺪ ﻻﻧﺴﺎﻥ
ﻳﺤﺜﻪ ﻋﻠﻰ ﻟﺘﻮﻗﻒ ..
ﻣﻨــﺎﻳﺮ .. ﻣﻊ ﺍﻧﺞ ﻛﻨﺘﻲ ﻣﻨـﺎﻳﺮ ﺍﻻ ﺍﻥ ﻧﻮﺭ ﻭﺍﺣﺪ ﻣﻨﺞ ﻛــﻔﻰ .. ﻣﺎﻫﻮ
ﺣﺐ ﻭﻻ ﻫﻮ ﺟﻨﻮﻥ .. ﺍﻻ ﺍﻥ ﺍﻟﻌﻔـﺔ ﺍﻟﻠﻲ ﻓﻴﺞ ﻗﺪﺭﺕ ﺍﻧﻬﺎ ﺗﺒﻌﺪﻧﻲ
ﺑﺸﻴﻄﺎﻧﻴﺘﻲ ﻋﻦ ﺍﺧﺘﺞ ..
ﻓﻲ ﻧﻔـﺲ ﺍﻟﻮﻗﺖ ﻛﺎﻧﺖ ﻣﻨﺎﻳﺮ ﻭﻳﺎ ﺳﻤـﺎﻫﺮ ﻗﺎﻋﺪﻳﻦ ﻋﻨﺪ ﺍﻟﺒـﺎﺏ
ﺍﻟﺮﺋﻴﺴﻲ ﻟﻠﺒﻴﺖ ﻳﻨﺎﻗﺸـﻮﻥ ﺍﺧﺮ ﺍﻟﻤﺴﺘـﺠﺪﺍﺕ ﻣﺜﻞ ﻛﻞ ﻣﺮﺓ ﺑﻬﺎﻟﻮﻗﺖ
ﻣﻦ ﺍﻟﻠﻴﻞ .. ﻭﻳﺨﺘﺮﻋﻮﻥ ﺍﺷﻴﺎﺀ ﻣﻦ ﺍﻟﺨﻴـﺎﻝ ﻭﻳﺘﻤﻨﻮﻧﻬﺎ ﻟﻮ ﺍﻧﻬﺎ
ﺗﺼﻴـﺮ .. ﻋﻠﻰ ﺍﻻﻗﻞ ﻗﺼﺔ ﻣﻌﺎﻧﺎﺓ ﺣﻘﻴﻘﻴﺔ ﺭﺍﺡ ﺗﻜﻮﻥ ﻣﺘﻮﺍﺟﺪﺓ
ﺑﺤﻴﺎﺗﻬﻢ ..
ﻣﻨﺎﻳﺮ ﻭﻫﻲ ﻣﺴﻨﺪﺓ ﺭﺍﺳﻬﺎ ﻭﺍﻟﺤﺠﺎﺏ ﻣﻠﺘﻒ ﻋﻠﻴﻬﺎ ﺑﺎﺣﻜﺎﻡ : ﺗﻬﻘﻴﻦ
ﺳﻤﻮﺭ .. ﻓﺎﺗﻦ ﺑﺘﺮﺩ ﺑﻴﻮﻡ ..
ﺳﻤـﺎﻫﺮ ﻭﻫﻲ ﺗﺎﻛﻞ ﻣﻦ ﺍﻟﺼﺒﺎﺭ ﺍﻟﻠﻲ ﺑﻴﺪﻫﺎ : ﻭﺍﻟﻠﻪ ﻣﺎﺩﺭﻱ .. ﺍﻫﻲ ﺍﺩﺭﻯ
ﺑﻤﺼﻠﺤﺘﻬﺎ .. ﺑﺲ ﺗﺪﺭﻳﻦ .. ﺻﺒﺎﺭﻛﻢ ﻭﺍﻳﺪ ﺣﻠﻮ
ﻣﻨﺎﻳﺮ ﺗﺒﺘﺴﻢ : ﻫﺬﻱ ﺍﻣﻲ ﻛﻞ ﻳﻮﻡ ﺗﻘﻄﻒ ﺷﻮﻱ .. ﺗﺼﺪﻗﻴﻦ .. ﺍﺑﻮﻱ
ﻛﺎﻥ ﺧﺎﻃﺮﻩ ﺍﻧﻨﺎ ﻧﺰﺭﻉ ﺻﺒﺎﺭ ﻫﻨﺪﻱ .. ﻟﻜﻦ ﺣﻂ ﻟﻨﺎ ﻧﺨﻠﻪ ﺑﺪﺍﻟﻬﺎ ..
ﺳﻤﺎﻫﺮ ﺑﻨﻈﺮﺓ ﺣﻠﻮﺓ : ﺍﻟﺮﻃﺐ ﺣﻠﻮ ﺍﺣﺒﻪ .. ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻣﻨﺎﻳﺮ ﻭﻫﻲ ﺗﻜﺎﺑﺪ ﺍﺑﺘﺴﺎﻣﺔ ﻭﺗﺘﻨﻬﺪ ﺑﻌﻤﻖ : ﺧﺎﻃﺮﻱ ﺑﺲ ... ﻟﻮ ﺍﺑﻮﻱ
ﻳﺮﺩ ﺍﻟﺪﻧﻴﺎ ... ﺩﻗﻴﻘﺔ ﻭﺣﺪﺓ .. ﺟﺎﻥ ﻛﻞ ﺷﻲ ﻳﺘﻌﺪﻝ ..
ﺳﻤﺎﻫﺮ ﻭﻫﻲ ﺗﺘﻘﺮﺏ ﻣﻦ ﻣﻨﺎﻳﺮ ﺑﺎﺑﺘﺴﺎﻣﺔ ﻭﺗﻤﺴﻚ ﺟﺘﻔﻬﺎ : ﻣﻨﻮﺭ ..
ﺧﻠﻴﻨﻲ ﺍﻗﻮﻝ ﻟﺞ ﻗﺼـﺔ ..
ﻣﻨﺎﻳﺮ ﺑﺎﻧﺪﻫﺎﺵ :.. ﺷﻔﻴــﺞ ﻋﻠﻰ ﺍﻟﻘﺼﺺ .. ﻋﺪﻭﻭﺝ ﺍﻫﻞ ﺍﻟﻘﺼﺺ ..
ﺳﻤـﺎﻫﺮ ﻭﻫﻲ ﺗﺘﺄﻓﺎﻑ : ﺍﻭﻭﻭﻭﻭﻭﻭﻑ ﺧﻠﻴﻨﻲ ﻋﺎﺩ ﺍﻗﻮﻝ ﻟﺞ ﺍﻟﻘﺼﺔ ..
ﻭﺑﻌﺪﻳﻦ .. ﺍﻧﺎ ﺍﻧﺴﺎﻧﺔ ﻣﺤﺪ ﻳﺄﺛﺮ ﻋﻠﻲ .. ﻛﻞ ﺷﻲ ﺍﻳﻲ ﺑﻨﻔﺴـﻪ ..
ﻣﻨﺎﻳﺮ ﻭﻫﻲ ﺗﺼﻤﻬﺎ ﺑﺎﻟﺨﻤﺲ ﻋﻠﻰ ﻭﻳﻬـﻬﺎ : ﻣﺎﻟﺖ ﻋﺎﺩ .. ﻗﻮﻟﻲ ﻗﺼﺘﺞ
ﺧﻠﻴﻨﻲ ﺍﺳﻤﻌﻬﺎ ..
ﺳﻤﺎﻫﺮ ﻭﻫﻲ ﻣﺘﺤﻤﺴﻪ ﺗﻀﻢ ﺭﺟﻠﻴﻨﻬﺎ ﺍﻟﻰ ﺻﺪﺭﻫﺎ ﻭﺗﺒﺪﻯ : ﺑﻘﻮﻝ ﻟﺞ ..
ﻫﺬﺍ ﻭﺍﺣﺪ .. ﺍﻧﺰﻳﻦ
ﻣﻨﺎﻳﺮ ﺗﺴﺘﺒﻖ ﺍﻻﺣﺪﺍﺙ : ﺍﻭﻭﻭﻭﻭﻭﻭﻭﻑ ﻋﺮﻓﺖ ﺍﻟﻘﺼﺔ ..
ﺳﻤﺎﻫﺮ ﺑﺎﻧﺪﻫﺎﺵ : ﺷﺪﺭﺍﺝ ﺑﺎﻟﻘﺼﺔ؟؟ ﺍﺻﻼ ﺍﻧﺘﻲ ﺳﻤﻌﺘﻴﻬﺎ
ﻣﻨﺎﻳﺮ : ﻣﺎ ﻳﺤﺘﺎﺝ ﺍﺳﻤﻌﻬﺎ ﻋﺸﺎﻥ ﺍﻋﺮﻓﻬﺎ .. ﺧﻼﺹ ﻻ ﺗﻌﻴﺪﻳﻦ ﻭﻻ
ﺗﺰﻳﺪﻳﻦ
ﺳﻤﺎﻫﺮ ﺗﻀﺮﺏ ﻣﻨﺎﻳﺮ ﻋﻠﻰ ﺟﺘﻔﻬﺎ : ﻋﻨﺒﻮﻭﻭ ﻫﺎﻟﻮﻳﻪ ﺍﻟﻠﻲ ﻋﻠﻴﺞ .. ﻣﺎ
ﺗﺨﻠﻴﻨﻲ ﺣﺘﻰ ﺍﺑﺚ ﻟﺞ ﺷﻮﻳﺔ ﻣﻦ ﻣﺸـﺎﻋﺮﻱ
ﻣﻨﺎﻳﺮ ﻭﻫﻲ ﻣﻨﺼﺪﻣﺔ ..: ﺗﺒﺜﻴﻦ؟؟ ﺷﻔﻴﺞ ﺍﻧﺘﻲ .. ﻭﺍﻳﺪ ﺗﻄﺎﻟﻌﻴﻦ ﺑﺮﺍﻣﺞ
ﺛﻘﺎﻓﻴﺔ ..
ﺳﻤﺎﻫﺮ ﺍﻟﻲ ﺯﻋﻠﺖ ﻭﻭﻗﻔﺖ : ﻟﻜﻦ ﻣﻮ ﻣﻨﺞ .. ﻣﻨﻲ ﺍﻧﺎ .. ﻳﺎﻟﻠﻪ ﺗﺼﺒﺤﻴﻦ
ﻋﻠﻰ ﺧﻴـﺮ
ﻭﺭﺍﺣﺖ ﺳﻤـﺎﻫﺮ ﻋﻦ ﻣﻨـﺎﻳﺮ ﻭﻫﻲ ﻣﻌﺼﺒﺔ ﻭﺍﻟﺜﺎﻧﻴﺔ ﺗﻠﺤﻘﻬﺎ ﺑﺎﺑﺘﺴﺎﻣﺔ
ﻣﻨﺎﻳﺮ : ﻻ ﺗﺨﻠﻴﻨﻲ ﺍﻟﺤﻘﺞ ﻳﺎﺍﻟﻜﺮﻳﻬﻪ ﻣﺎﺣﺐ ﺍﺭﻛﺾ .
ﺗﻠﺘﻔﺖ ﻟﻬﺎ ﺳﻤﺎﻫﺮ ﺑﺴﺮﻋﺔ : ﺗﺨﺎﻓﻴﻦ ﺗﺨﺘﻔﻲ ﻣﻨﺞ ﻫﺎﻟﻜﺮﺷﺔ ﻭﻻ
ﺗﻼﺣﻘﻴﻨﻲ ﻳﺎﻟﻠﻪ ﺫﻟﻔﻲ ﻋﻨﻲ
ﺗﻄﻠﻊ ﺳﻤﺎﻫﺮ ﻣﻦ ﺍﻟﺒﺎﺏ ﻭﺗﺘﺼﻨﻢ ﻭﻫﻲ ﻭﺍﻗﻔﺔ ﻣﻦ ﺍﻟﺸﺨﺺ ﺍﻟﻠﻲ
ﺟﺪﺍﻣﻬﺎ ﻭﻣﻨﺎﻳﺮ ﻭﺭﺍﻫﺎ ﺗﻀﺤﻚ ﺑﺨﻔﺔ ﺭﻭﺡ ﻭﻻ ﻋﻠﻰ ﺑﺎﻟﻬﺎ ﺍﺩﻧﻰ ﻓﻜﺮﺓ
ﻣﻦ ﺍﻟﻠﻲ ﺟﺪﺍﻣﻬﺎ ..
ﻣﻨﺎﻳﺮ : ﻭﻗﻔﻲ ﺳﻤـﻮﺭ ﻭﺍﻟﻠﻪ ﺍﺣﺒـﺞ ﺍﻧﺎ .....
ﺍﻟﺘﻔﺘﺖ ﻣﻨﺎﻳﺮ ﻟﻠﺸﺨﺺ ﺍﻟﻲ ﻛﺎﻥ ﻭﺍﻗﻒ ﺑﻨﺼـ ﺍﻟﺸﺎﺭﻉ ﻭﻫﻲ ﻣﺴـﺘﻐﺮﺑﺔ
.. ﻣﺼﻌﻮﻗﺔ ﺑﺎﻻﺣﺮﻯ .. ﺛﻤﺎﻧﻴﺔ ﺷﻬﻮﺭ .. ﺛﻤﺎﻧﻴﺔ ﺷﻬﻮﺭ .. ﻭﺍﺳﺒﻮﻋﻴﻦ ..
ﻭﺛﻼﺛﺔ ﺍﻳﺎﻡ ﻃﺎﻓﻮ ﻣﻦ ﺍﺧﺮ ﻣﺮﺓ ﺷﺎﻓﺘﻪ ﻓﻴﻬـﺎ .. ﻣﻦ ﺳﻔﺮ ﻓﺎﺗﻦ
ﻟﻠﺤﻴـﻦ .. ﻭﻳﻦ ﺭﺍﺡ ﺑﻄﻮﻝ ﻫﺎﻻﻳـﺎﻡ .. ﻭﺷﻬﺎﻟﻠﻴﻞ ﺍﻟﺮﻃﺐ ﺍﻟﻲ ﻳﺎﺑﻪ ..
ﻣﺜﻞ ﺍﻟﻤﺮﻫﻢ ﻋﻠﻰ ﺍﻟﺠﺮﻭﺡ ..
ﺑﺮﻭﺡ ﺍﻟﺠﻴـﺮﺓ ﺍﻟﻠﻲ ﻓﻴـﻪ ﺣﺐ ﺍﻧﻪ ﻳﺴـﻠﻢ ﻋﻠﻴـﻬﻢ ﻣﻊ ﺍﻧﻬﻢ ﺑﻨـﺎﺕ ..
ﺑﺲ ﻛﺎﻧﻮ ﺍﺷﺒـﻪ ﺑﺎﻻﻗﺮﺑﺎﺀ ﻋﻠﻰ ﺍﻟﻐﺮﺑـﺎﺀ ..
ﻣﺸـﻌﻞ ﺑﺎﺭﺗﺒﺎﻙ ﻭﻋﻴﻮﻧﻪ ﺑﺎﻻﺭﺽ ..: ﺍﻟﺴﻼﻡ ﻋﻠﻴﻜﻢ
ﻣﻨﺎﻳﺮ ﻣﺎ ﻗﺪﺭﺕ ﺗﺼﻒ ﻛﻠﻤﺘﻴﻦ ﻋﻠﻰ ﺑﻌﺾ ﻭﺳﻤﺎﻫﺮ ﺍﻟﻠﻲ ﺭﺩﺕ :
ﻭﻋﻠﻴﻜﻢ ﺍﻟﺴﻼﻡ ..
ﻣﺸﻌﻞ ﻭﻋﻴﻮﻧﻪ ﺑﻌﺪﻫﺎ ﻋﻠﻰ ﺍﻻﺭﺽ : ﺍﻟﺸﻴﺨﺔ ﺑﺲ ﻟﻮ ﺗﻨﺎﺩﻳﻦ ﺟﺮﺍﺡ ..
ﺳﻤـﺎﻫﺮ ﺍﺿﻄﺮﺑﺖ ﻭﻧﺎﻇﺮﺕ ﻣﻨﺎﻳﺮ ﻋﺸﺎﻥ ﺗﻌﻄﻴﻬﺎ ﺟﻮﺍﺏ .. ﺍﻟﻠﻲ ﺗﻌﺮﻓﻪ
ﺳﻤﺎﻫﺮ ﺍﻥ ﺟﺮﺍﺡ ﺭﺍﻗﺪ .. ﻭﻣﺎ ﻳﻘﺪﺭﻭﻥ ﻳﻮﻋﻮﻧﻪ ﻻﻧﻪ ﻋﻠﻴﻪ ﻗﻌﺪﺓ ﻣﻦ
ﺍﻟﺼﺒــﺢ ..
ﻣﻨـﺎﻳﺮ ﺑﺼﻮﺕ ﻣﻘﺎﺭﺏ ﻟﻠﻬﻤﺲ : ﺟﺮﺍﺡ ﺭﺍﻗﺪ .. ﻭﻣﺎ ﻳﺤﺐ ﺍﺣﺪ ﻳﻮﻗﻈﻪ
... ﻻﻧﻪ ﻳﻘﻌﺪ ﻣﻦ ﺍﻟﺼﺒـﺢ .
ﻣﺸـﻌﻞ ﻭﻫﻮ ﻳﻠﺘﻔﺖ ﺑﺴـﺮﻋﺔ ﻭﻳﻌﻄﻴﻬﻢ ﻇﻬﺮﻩ : ﻣﻊ ﺍﻟﺴـﻼﻣﺔ ..
ﻭﻫﻢ ﻳﻨﺎﻇﺮﻭﻧﻪ ﻳﺨﺘﻔﻲ ﺑﺴﺮﻋﺔ ﻣﺜﻞ ﺍﻟﻀﺒﺎﺏ .. ﺭﺩﻭ ﺍﻟﺘﺤﻴﺔ .. ﻭﺣﺪﺓ
ﺑﺼﺪﻣﺔ .. ﻭﺍﻟﺜﺎﻧﻴﺔ ﺑﺸﻌﻮﺭ ﺍﺷﺒﻪ ﺑﺎﻟﻔﻘﺪ ﻣﻦ ﺟﺪﻳﺪ : ﻣﻊ ﺍﻟﻒ ﺳﻼﻣﺔ ..
ﺍﺧﺘﻔﻰ ﻣﺸﻌﻞ ﻣﻦ ﺯﻣﺎﻥ ﻭﺗﺴﻜﺮﺕ ﺍﻻﺑﻮﺍﺏ ﻣﻦ ﻭﺭﺍﻩ .. ﻭﺑﻌﺪﻫﺎ ﻣﻨﺎﻳﺮ
ﻭﺍﻗﻔﺔ ﻭﻳﺎ ﺳﻤﺎﻫﺮ ﻭﺍﻟﺼﺪﻣﺔ ﻣﺎﻟﻴﺘﻬﻢ .. ﻣﺎ ﺗﻨﻜﺮ ﻣﻨﺎﻳﺮ ﺍﻧﻬﺎ ﺣﺴﺖ
ﺑﺎﻻﻣﺘﻼﺀ ﻣﻦ ﻳﺪﻳﺪ .. ﻟﻜﻦ ﻓﻲ ﺷﻲ ﻏﺮﻳﺐ ﺧﻼﻫﺎ ﺗﺤﺲ ﺑﺎﻟﻨﺪﻡ
ﻭﺍﻻﻛﺮﺍﻩ ﻟﻮﺟﻮﺩ ﻣﺸـﻌﻞ ﻣﻦ ﻳﺪﻳﺪ ﻓﻲ ﺣﻴﺎﺗﻬﺎ ... ﻳﻤﻜﻦ .. ﺑﺴﺒﺐ
ﻣﻌﺮﻓﺘﻬﺎ ﺑﺤﺒﻪ ﺍﻟﻜﺒﻴـﺮ ﻻﺧﺘﻬﺎ .. ؟؟؟
ﺳﻤﺎﻫﺮ ﻭﻫﻲ ﺗﻮﺩﻉ ﻣﻨﺎﻳﺮ : ﻳﺎﻟﻠﻪ ﺍﻧﺎ ﺑﺮﻭﺡ .. ﺍﻟﻮﻗﺖ ﺗﺎﺧﺮ ﻭﺍﺧﺎﻑ ﺑﺪﺭ
ﻳﺪﻭﺭ ﻋﻠﻲ ﺍﻟﺤﻴﻦ .. ﻭﺗﻌﺮﻓﻴﻦ ﻣﻮ ﻣﺜﻞ ﻗﺒﻞ ..
ﻣﻨﺎﻳﺮ ﻭﻫﻲ ﻋﺎﻗﺪﺓ ﺣﻮﺍﺟﺒﻬﺎ ﻭﺗﻨﺎﻇﺮ ﺑﺎﻟﻔﺮﺍﻍ ﻭﻳﺪﻫﺎ ﻣﻌﻘﻮﺩﺓ ﻋﻨﺪ
ﺑﻄﻨﻬﺎ ﻭﺍﻟﺜﺎﻧﻴﺔ ﻋﻨﺪ ﺣﻠﺠﻬﺎ : ﺳﻤﻮﺭ .. ﺷﻜﺎﻧﺖ ﻗﺼﺘﺞ؟؟
ﺳﻤﺎﻫﺮ ﺑﺎﺳﺘﻐﺮﺍﺏ : ﻟﻴﺶ؟
ﻣﻨﺎﻳﺮ : ﻗﻮﻟﻴﻠﻲ ﺍﻳﺎﻫﺎ ...
ﺳﻤـﺎﻫﺮ ﻭﻫﻲ ﺗﺒﺘﺴـﻢ ..: ﻛﺎﻥ ﻓﻲ ﻭﺍﺣﺪ ... (ﺗﺴﺘﻨﺪ ﻋﻠﻰ ﺟﺘﻒ
ﻣﻨﺎﻳﺮ ) ﻃﻴﺐ ﻭﺣﻠﻴﻮ .. ﻟﻜﻦ ﺍﻟﻤﺸﺎﻛﻞ ﺭﺍﻛﺒﻪ ﺭﺍﺳﻪ .. ﻓﻲ ﻳﻮﻡ ﻣﻦ
ﺍﻻﻳﺎﻡ .. ﺍﻟﺘﻘﻰ ﺑﺒﻤﺼﺪﺭ ﻧﻮﺭ ﺑﺤﻴﺎﺗﻪ .. ﻛﺎﻧﺖ ﺑﻨﺖ .. ﻭﻻ ﻛﻞ ﺍﻟﺒﻨﺎﺕ ..
ﻓﻴﻬﺎ ﺍﻟﺰﻳﻦ ﻭﺍﻟﺸﻴﻦ .. ﻭﻓﻮﻕ ﻛﻞ ﻫﺬﺍ ﺍﻟﻠﺴﺎﻥ .. ( ﺗﺒﺘﺴﻢ ﻣﻨﺎﻳﺮ ﺑﺤﺰﻥ
ﻋﻤﻴـﻖ ) ﺑﺲ ﺗﺪﺭﻳﻦ ﺷﻠﻮﻥ؟؟
ﻣﻨﺎﻳﺮ ﻭﻫﻲ ﺗﻨﺎﻇﺮ ﺳﻤﺎﻫﺮ ..: ﺷﻠﻮﻥ
ﺳﻤﺎﻫﺮ ﻭﻫﻲ ﺗﺘﻘﺮﺏ ﻣﻨﻬﺎ : ﻣﺎ ﻋﻠﻴﺞ ﻣﻦ ﻛﻞ ﺍﻟﻠﻲ ﻳﺼﻴﺮ .. ﻣﻨﺎﻳﺮ ..
ﺍﻟﺤﺐ ﻣﺎﻫﻮ ﻣﻦ ﺛﻮﺑﻨﺎ .:. ﻭﻻ ﺍﺣﻨﺎ ﻗﺪﻩ .. ﻛﻔﺎﻳﺔ ﺍﻟﻠﻲ ﻧﺸﻮﻓﻬﻢ ﻛﻞ
ﻳﻮﻡ ﻣﺘﻌﺬﺑﻴﻦ ﻋﻠﻰ ﺷﺎﻥ ﺍﻟﺤﺐ .. ﺧﻠﻴﻨﺎ .. ﻧﻼﻗﻲ ﻣﺼﻴـﺮﻧﺎ ﻣﻦ ﻏﻴﺮ
ﺍﻟﺤﺐ .. ﺟﻮﻓﻲ ﻣﻦ ﺍﻱ ﺩﺍﻋﻮﺱ ﺍﻭ ﺍﻱ ﺯﺭﻧﻮﻕ ﺑﻴﻴﻨﺎ .. ﻻ ﻧﻼﺣﻘﻪ ..
ﻻﻧﻪ ﻳﻜﺴﺮ ﺷﻮﻛﺘﻨﺎ .. ﺧﻠﻴﻪ ﺍﻫﻮ ﺍﻟﻠﻲ ﻳﻼﺣﻘﻨﺎ ... ﺷﺮﺍﻳﺞ؟
ﻣﻨﺎﻳﺮ ﻭﻫﻲ ﺗﺘﻨﻬﺪ : ﺭﺍﻳﻲ ... ﺭﺍﻳﻲ ﺍﻧﺞ ﻣﺤﺘﺎﺟﺔ ﻧﻮﻭﻭﻭﻭﻭﻭﻭﻭﻭ
ﺳﻤﺎﻫﺮ ﻭﻫﻲ ﺗﺘﺼﻨﻊ ﺍﻟﺘﺜﺎﻭﺏ : ﺍﻭﻭﻭﻩ ﺻﺞ ﺍﻧﻲ ﺗﻌﺒﺎﻧﺔ ﻳﺎﻟﻠﻪ ﻗﻮﻭ
ﻧﺎﻳﺖ ..
ﻣﻨﺎﻳﺮ : ﻫﻬﻬﻬﻬﻬﻬﻪ ﻗﻮﺩ ﻧﺎﻳﺖ ..
ﺳﻤﺎﻫﺮ : ﺍﻟﻠﻲ ﻫﻮ ...
ﻛﻞ ﻭﺣﺪﺓ ﻭﺩﻋﺖ ﺍﻟﺜﺎﻧﻴﺔ ﻭﻫﻲ ﻋﺎﺭﻓﺔ ﺍﻥ ﺍﻟﺤﺐ .. ﻣﻼﺣﻖ ﻻ
ﻳﻼﺣﻖ .. ﺍﻫﻢ ﻣﺤﺘﺎﺟﻴﻦ ﻟﻮﺟﻮﺩﻩ ﺑﺤﻴﺎﺗﻬﻢ .. ﻣﺎﻫﻮ ﺣﺎﺟﺔ ﺿﺮﻭﺭﻳﺔ ..
ﺑﺲ ﻟﺴﺒﺐ ﻣﻌﻴـﻦ .. ﺑﺪﻯ ﻓﻲ ﺑﺎﻝ ﻣﻨﺎﻳﺮ ﺍﻥ ﺳﺒﺐ ﺗﻌﺎﺳﺘﻬﺎ ﺍﻫﻮ
ﻏﻴﺎﺏ ﻣﺸـﻌﻞ .. ﻭﻟﻜﻦ .. ﺳﺒﺐ ﺍﻣﺘﻨﺎﻋﻬﺎ ﻋﻦ ﺍﻟﺘﻔﻜﻴﺮ ﺑﻬﺎﻟﺘﻌﺎﺳﺔ ﺍﻫﻮ
ﺍﻟﻤﺪﻯ ﺍﻟﻠﻲ ﻭﺻﻞ ﻟﻪ ﻣﺸﻌﻞ ﻭﻓﺎﺗﻦ ﻭﻣﺴﺎﻋﺪ ﻭﺟﺮﺍﺡ ﻭﻣﺮﻳﻢ .. ﻭﺣﺘﻰ
ﺳﻤـﺎﻫﺮ ﺍﻟﻠﻲ ﺗﻜﺎﺑﺪ ﻓﻲ ﺍﺧﻔﺎﺀ ﻣﺸﺎﻋﺮﻫﺎ ﺍﻟﻄﻔﻮﻟﻴﺔ ﻟﺠﺮﺍﺡ .. ﻛﻞ ﻫﺬﺍ
ﺷﻲ ﻣﻜﺘـﻮﺏ ﻓﻲ ﺍﻟﻘﺪﺭ .. ﻭﻛﻞ ﻫﺬﺍ ﻣﻄﻠﻮﺏ ﻓﻲ ﺍﻟﺤﻴﺎﺓ .. ﺣﻴﺎﺓ
ﺑﻌﺾ ﺍﻟﻨﺎﺱ ﻳﻤﻜﻦ .. ﻟﻜﻦ ﺳﺒﺐ ﺣﺼﻮﻟﻪ ﻛﻠﻪ ﻳﺮﺟﻊ ﺍﻟﻰ ﺍﻟﻠﻪ .. ﻭﻣﺜﻞ
ﻣﺎ ﻫﻮ ﺷﺒﻜﻨﺎ .. ﺑﻘﺪﺭﺗﻪ ﺍﻟﻮﺍﺳﻌﺔ .. ﺭﺍﺡ ﻳﺨﻠﺼﻨﺎ ..
ﺍﻟﺼﺤﻮﺓ ﺍﻟﺒﺴﻴـﻄﺔ ﺍﻟﻠﻲ ﻣﺮ ﻓﻴﻬﺎ ﻣﺴـﺎﻋﺪ ﻛﺎﻧﺖ ﻣﺜﻞ ﺍﺟﺮﺍﺱ ﺍﻟﻌﻴﺪ
ﻭﻣﺼﺎﺑﻴﺢ ﻓﺮﺡ ﻛﺒﻴـﺮ ﻓﻲ ﻗﻠﺐ ﻋﺎﻳﻠﺘﻪ .. ﻟﻜﻦ ﺭﺟﻮﻋﻪ ﻟﻠﻨﻮﻡ ﺗﺮﻙ
ﻋﻼﻣﺔ ﺳﺆﺍﻝ ﻛﺒﻴـﺮﺓ ﻓﻲ ﻧﻔـﻮﺳﻬﻢ .. ﺟﻤﻌﺘﻬﻢ ﻛﻠﻬﻢ ﻓﻲ ﺍﻟﺪﻋﺎﺀ ﻋﺸﺎﻥ
ﻳﻘﻮﻡ ﻣﻦ ﻳﺪﻳﺪ .. ﺑﻌﻀﻬﻢ ﺧﺎﺏ ﺍﻣﻠﻪ ﻭﺑﻌﻀﻬﻢ ﻣﺎ ﺯﺍﻝ ﻗﻠﺒﻪ ﻳﺸﺘﻌﻞ
ﺑﻬﺎﻟﻨﻮﻭﻭﺭ ﻭﻫﺎﻷﻣﻞ .. ﻟﻜﻦ ﻣﺮﻳـﻢ ﻛﺎﻧﺖ ﻣﺘﻮﺗﺮﺓ ﻭﻣﻨﺰﻋﺠﺔ ﻣﻦ ﺍﻟﻠﻲ
ﻳﺼﻴﺮ ﻭﻳﺎ ﺍﺧﻮﻫﺎ .. ﺍﻫﻲ ﺗﺪﺭﻱ ﻣﻔﺘﺎﺡ ﺻـﺤﻮﺗﻪ ﺭﺍﺡ ﻳـﻜﻮﻥ ﻓﻲ
ﻭﺟﻮﺩ ﻓﺎﺗﻦ ﻟﻜﻦ ﻣﺸﻜﻠﺘﻴﻦ ﺗﻮﺍﺟﻬﻬﺎ .. ﺍﻣﻬﺎ ﺍﻟﻠﻲ ﻣﺼـﻤﻤﺔ ﺍﻧﻬﺎ ﺗﻔﺾ
ﻋﻘﺪ ﺍﻟﺰﻭﺍﺝ ﺑﻴﻦ ﻣﺴﺎﻋﺪ ﻭﻓﺎﺗﻦ ﻭﺍﻟﻤﺸﻜﻠﺔ ﺍﻟﺜﺎﻧﻴﺔ ﺍﻫﻮ ﺍﺧﺘﻔﺎﺀ ﻓﺎﺗﻦ ..
ﻭﻟﻜﻦ ﻧﺮﺟﻊ ﻟﻠﻤﺸﻜﻠﺔ ﺍﻻﻭﻟﻰ ﻻﻧﻬﺎ ﺍﻫﻲ ﺍﻟﻤﺴﺒﺐ ﺍﻻﻭﻝ ﻟﻠﻌﺪﻳﺪ ﻣﻦ
ﺍﻟﻨﺰﺍﻋﺎﺕ ﻓﻲ ﺍﻟﺒﻴﺖ ﻭﺍﻧﻘﺴﺎﻣﻪ ﺍﻟﻰ ﺍﺣﺰﺍﺏ .. ﻭﻣﻨﻬﺎ ﺣﺰﺏ ﺍﻻﻡ
ﻭﺣﺰﺏ ﻣﺮﻳﻢ .. ﺍﻟﻌﻼﻗﺔ ﺗﻬﺸﻤﺖ ﻛﻠﻴﺎ ﺑﻴﻦ ﺍﻟﺜﻨﺘﻴﻦ ﻓﻲ ﻇﺮﻑ ﺍﺳﺒﻮﻉ ..
ﻭﺍﻟﻠﻲ ﻳﻮﻗﻒ ﻣﻊ ﻣﺮﻳﻢ ﻣﺮﺩﻩ ﻻﻣﻪ ﺍﻻ ﺑﻮ ﻣﺴﺎﻋﺪ ﺍﻟﻠﻲ ﻣﺼﻤﻢ ﻋﻠﻰ
ﻭﻗﻮﻓﻪ ﻭﻳﺎ ﺑﻨﺘﻪ ﺍﻟﻠﻲ ﻣﺼﻤﻤﺔ ﻋﻠﻰ ﺑﻘﺎﺀ ﻋﻘﺪ ﺍﻟﺰﻭﺍﺝ ﺑﻴﻦ ﺍﻻﺛﻨﻴﻦ
ﻟﻤﻦ ﺍﻫﻢ ﻳﻔﻜﺮﻭﻥ ﺑﻔﻀﻪ
ﺍﻡ ﻣﺴﺎﻋﺪ ﻭﺻﻮﺗﻬﺎ ﻳﺮﻥ ﺑﺎﻟﺒﻴﺖ ﻣﻦ ﻋﻈﻢ ﻗﻬﺮﻫﺎ : ﺷﻮﻓﻲ ﻣﺮﻳﻢ ..
ﺍﻟﺰﻭﺍﺝ ﻫﺬﺍ ﺑﻴﻨﻔﺾ ﻳﻌﻨﻲ ﺑﻴﻨﻔﺾ .. ﺍﻧﺎ ﻭﻟﻴﻪ ﺍﻣﺮ ﺍﺧﻮﻭﺝ ﻭﺍﻧﺎ ﺍﺩﺭﻯ
ﺑﻤﺼﻠﺤﺘﻪ .. ﻣﻦ ﺍﻟﺒﺪﺍﻳﺔ ﻣﺎ ﻛﺎﻧﺖ ﺭﺍﺿﻴﺔ ﻋﻠﻰ ﻫﺎﻟﻴﺎﻫﻞ .. ﻭﺍﻟﺤﻴﻦ ﻭﻻ
ﺍﺣﺪ ﺑﻴﻬﺰ ﺭﺍﻳﻲ ..
ﻣﺮﻳﻢ ﻭﻫﻲ ﺗﻬﺰ ﺭﻳﻠﻬﺎ ﺑﻌﺼﺒﻴﺔ ﻭﻫﻲ ﺗﺤﺎﻭﻝ ﺗﻬﺪﺃ ﻧﻔﺴﻬﺎ : ﻳﻤﺔ .. ﺍﻧﺘﻲ
ﺗﺘﻜﻠﻤﻴﻦ ﻭﻛﺎﻥ ﻣﺴﺎﻋﺪ ﻣﺎ ﺑﻴﻘﻮﻡ ﻓﻲ ﻳﻮﻡ ﻭﺑﻴﻌﺼﻒ ﺍﻟﻤﻜﺎﻥ ﻋﻠﻰ
ﺭﺍﺳﻨﺎ ﻟﻮ ﺩﺭﻯ ﺍﻧﻨﺎ ﻓﻲ ﻳﻮﻡ ﺗﺤﻜﻤﻨﺎ ﻓﻲ ﺷﻲ ﺑﺤﻴﺎﺗﻪ .. ﺧﻠﻴﻪ ﻣﺜﻞ ﻣﺎ
ﺍﻫﻮ
ﺍﻡ ﻣﺴـﺎﻋﺪ : ﻣﺜﻞ ﻣﺎﻫﻮ ؟ ﻻ ﻭﺍﻟﻠﻪ .. ﻫﺎﻟﺸﻲ ﻻ ﺑﻘﻰ ﺟﻤﺮ ﻳﺸﻌﻞ ﻓﻲ
ﻗﻠﺒﻲ .. ﻻ ﺍﻧﺘﻲ ﻭﻻ ﺍﺑﻮﺝ ﺑﺘﻮﻗﻔﻮﻧﻲ .. ﻋﻠﺒﺎﻟﻜﻢ ﻣﺮﺗﺎﺣﺔ ﻟﺸﻮﻓﻪ ﻭﻟﺪﻱ
ﻛﻞ ﻳﻮﻡ ﺑﻬﺎﻟﺤﺎﻟﺔ .. ﻗﺒﻞ ﺍﺳﺒﻮﻉ ﺑﺲ ﺭﻳﺢ ﻓﻮﺍﺩﻱ ﻭﻓﺞ ﻋﻴﻮﻧﻪ ﻭﺭﺩ
ﺳﻜـﺮﻫﺎ . ﻫﺎﻟﺸﻲ ﺧﻼﻧﻲ ﺍﺣﺲ ﺍﻥ ﻻﺯﻡ ﺍﺳﻮﻱ ﺷﻲ ﻋﺸﺎﻥ ﻭﻟﺪﻱ ..
ﻭﻫﺎﻟﺸﻲ ﺍﻫﻮ ﻓﺾ ﺯﻭﺍﺟﻪ ﻣﻦ ﻫﺎﻟﺒﻨﺖ .. ﻣﺎ ﻳﺒﻴﻬﺎ .. ﺍﻧﺎ ﺍﺩﺭﻯ
ﺑﻮﻟﺪﻱ .. ﺑﺘﻌﻠﻤﻴﻨﻲ ﻓﻲ ﻭﻟﺪﻱ
ﻣﺮﻳﻢ ﻭﻫﻲ ﺗﺤﺲ ﺑﺴﺨﻒ ﺍﻣﻬﺎ ﻭﻟﻜﻦ ﺗﺤﺎﻭﻝ ﺍﻧﻬﺎ ﺗﺘﻤﺎﺳﻚ ﺍﻛﺜﺮ ﻣﻦ
ﺟﺬﻱ : ﻳﻤﺔ .. ﺣﺘﻰ ﻟﻮ ﺍﻧﺘﻲ ﻛﻨﺘﻲ ﺗﺒﻴﻦ ﺟﺬﻱ .. ﺍﻧﺘﻲ ﻣﻮ ﻭﻟﻴﺔ ﺍﻣﺮ
ﻣﺴـﺎﻋﺪ . ﻭﻟﻲ ﺍﻻﻣﺮ ﺍﻫﻮ ﺍﺑﻮﻱ ..
ﺍﻡ ﻣﺴﺎﻋﺪ ﻭﻫﻲ ﺗﻤﺴﻚ ﻣﻨﻄﻘﺔ ﻗﻠﺒﻬﺎ ..: ﺗﺘﺤﺪﻳﻨﻲ ﻳﺎ ﻣﺮﻳﻢ .. ﺍﻧﺎ ﺍﻣﺞ
ﻳﺎﻟﻤﻴﻬﻮﺩﺓ ﻭﺗﺘﺤﺪﻳﻨﻲ ﻋﺸﺎﻥ ﻭﺣﺪﺓ ﻻ ﺻﺎﺭﺕ ﻭﻻ ﺍﺳﺘﻮﺕ .. ﻭﻳﻨﻬﺎ
ﺍﺭﻓﻴﺠﺘﺞ ﻫﺬﻱ ﻣﺎ ﺗﻌﻠﻤﻴﻨﻲ .. ﺷﺎﻟﻠﻲ ﻳﺎﻧﺎ ﻣﻨﻬﺎ ﻏﻴﺮ ﺍﻟﻤﺸﺎﻛﻞ ﻭﻋﻮﺍﺭ
ﺍﻟﺮﺍﺱ ..
ﻣﺮﻳﻢ ﻭﻫﻲ ﺗﻤﺴﻚ ﺭﺍﺳﻬﺎ ﻣﻦ ﺷﺪﺓ ﺍﻻﻟﻢ ﻭﻻﻥ ﺍﻟﻤﻮﺿﻮﻉ ﻭﺍﻟﻜﻼﻡ
ﻳﻮﻣﻴﺎ ﻳﺘﻜﺮﺭ ﻋﻠﻰ ﻧﻔﺲ ﺍﻟﻤﺤﻮﺭ ﻭﻫﺬﺍ ﺍﻟﺸﻲ ﺯﻫﻘﻬﺎ : ﻳﻤﻤﺔ ﺑﺴﻨﺎ ..
ﻛﻞ ﻳﻮﻡ ﻧﻌﻴﺪ ﻭﻧﺰﻳﺪ ﻓﻲ ﻫﺎﻟﻤﻮﺿﻮﻉ .. ﺍﻧﺎ ﻣﺎ ﺳﻮﻱ ﺍﻟﻠﻲ ﺍﺳﻮﻳﻪ
ﻋﺸﺎﻥ ﻓﺎﺗﻦ ﻣﻊ ﺍﻧﻬﺎ ﻋﺰﻳﺰﺓ ﻋﻠﻰ ﻗﻠﺒﻲ .. ﻟﻜﻦ ﺍﺧﻮﻱ ﺍﻋﺰ .. ﻳﻤﺔ ﺍﻧﺘﻲ
ﻣﺎ ﺷﻔﺘﻴﻪ ﻟﻜﻦ ﺍﻧﺎ ﺑﻠﻰ .. ﻣﺴﺎﻋﺪ ﻳﺤﺐ ﻓﺎﺗﻦ ﺍﻛﺜﺮ ﻣﻦ ﻫﺎﻟﺪﻧﻴﺎ ﻛﻠﻬﺎ
ﻭﻟﻮ ﺷﻨﻮ ﺳﻮﺕ ﻟﻪ
ﺍﻡ ﻣﺴﺎﻋﺪ ﺑﺼﻮﺕ ﻋﺎﻟﻲ ﻳﻬﺰ ﺍﻟﻤﻜﺎﻥ : ﺩﻭﺷﺘﻮﻭﻭﻧﺎ ﺑﻬﺎﻟﺤﺐ ﻭﺍﻟﻠﻪ ﻣﺎ
ﻳﺴﻮﻯ ﻋﻠﻴﻨﺎ .. ﺣﺐ ﻭﺣﺐ ﻭﺣﺐ؟ . ﻳﺎﺑﻮﺝ ﻣﺎﻓﻲ ﺣﺐ ﺑﻬﺎﻟﺪﻧﻴﺎ ..
ﺳﻤﻌﻲ ﻛﻼﻣﻲ ﻭﺍﻧﺎ ﺍﻣﺞ .. ﻭﻻ ﺣﺐ ﺑﻬﺎﻟﺪﻧﻴﺎ ﻳﺘﺒﺎﺭﻙ ﻟﻮ ﺍﻡ ﺍﻭ ﺍﺑﻮﻭ ﻣﻮ
ﺭﺍﺿﻴﻴﻦ ﻋﻠﻰ ﻫﺎﻟﺤﺐ .. ﺍﻧﺎ ﺍﻣﺞ ﻭﻣﺎﻧﻲ ﺭﺍﺿﻴﺔ ﻋﻠﻰ ﺍﺧﻮﺝ ﻭﻋﻠﻰ
ﺍﻟﻠﻲ ﺳﻮﺍﻩ
ﻣﺮﻳﻢ ﻭﻫﻲ ﻣﻨﺼﺪﻣﺔ : ﻳﻤﺔ ﻣﺴـﺎﻋﺪ ﺏ ﻋﺪﻩ ﻋﻠﻰ ﻫﺎﻟﺪﻧﻴﺎ
ﺍﻡ ﻣﺴﺎﻋﺪ ﻭﺍﻟﺪﻣﻌﺔ ﺗﺴﻜﺐ ﻣﻦ ﻋﻴﻨﻬﺎ : ﺑﻌﺪﻩ ﻋﻠﻰ ﺍﻟﺪﻧﻴﺎ ﻟﻜﻦ
ﺑﺸﻨﻮ؟؟؟؟؟ ﻋﻴﻦ ﻣﺴـﻜﺮﺓ ﻭﻣﺦ ﻣﺎ ﻳﺪﺭﻱ ﺷﺼﻴﺮ ﺣﻮﺍﻟﻴﻪ ... ﺑﻬﺎﻟﺪﻧﻴﺎ
ﺑﺸﻨﻮ ﻳﺎ ﺣﺴﺮﺓ ﻗﻠﺒﻲ .. ﻻ ﺭﻳﻞ ﻳﺸﺪ ﻃﻮﻟﻪ ﻋﻠﻴﻬﺎ ﻭﻻ .. . ﺍﺍﺍﺍﻩ ﻳﺎ
ﻗﻠﺒﻲ ﺍﺍﺍﺍﻩ ﻳﺎ ﺣﺴﺮﺓ ﻋﻤﺮﻱ .. ﺍﺗﺤﺴﺮ ﻋﻠﻰ ﻭﻟﺪﻱ ﻭﻭﻟﺪﻱ ﺑﻌﺪﻩ ﻋﻠﻰ
ﺍﻟﺪﻧﻴﺎ ...
ﻗﻌﺪﺕ ﺍﻡ ﻣﺴـﺎﻋﺪ ﻭﻫﻲ ﺗﻨﺰﻑ ﻣﻦ ﺍﻟﺪﻣﻊ ﺍﻟﻐﺎﻟﻲ ﻋﻠﻰ ﻭﻟﺪﻫﺎ ﺍﻟﻌﺰﻳـﺰ
ﻭﻣﺮﻳﻢ ﺍﻧﺘﻬﺰﺗﻬﺎ ﻓﺮﺻﺔ ﺍﻧﻬﺎ ﺗﻔﺮ ﺑﺪﻣﻌﻬﺎ ﻭﻧﻔﻮﺭﻫﺎ ﻭﻛﻞ ﻣﺎ ﻓﻴﻬﺎ ﺑﻌﻴـﺪ
ﻋﻦ ﻫﺎﻟﻤﻜﺎﻥ .. ﺭﻛﺒﺖ ﺍﻟﺴﻴﺎﺭﺓ ﻭﻫﻲ ﺗﺤﻤﻞ ﺍﻻﻏﺮﺍﺽ ﻭﺍﻟﺸﻴﻠﺔ ﺷﻮﻱ
ﻭﺗﻄﻴﺢ ﻣﻦ ﻋﻠﻰ ﺭﺍﺳﻬﺎ .. ﺍﻭﻝ ﻣﺎ ﺩﺧﻠﺖ ﺍﻟﺴﻴﺎﺭﺓ ﻭﺳﻜﺮﺕ ﺍﻟﺒﺎﺏ
ﻭﺭﺍﻫﺎ ﻗﻌﺪﺓ ﻟﺪﻗﺎﻳﻖ ﻣﻊ ﻧﻔﺴﻬﺎ ﻭﻫﻲ ﺗﺴﺘﺮﺟﻊ ﻧﻔﺴـﻬﺎ ﺑﺼﻌﻮﺑﻪ .. ﻟﻜﻦ
ﺳﺮﻋﺎﻥ ﻣﺎ ﺍﻫﺘﺰﺕ ﺍﻭﺩﺍﺟﻬﺎ ﺑﻤﻮﺟﺔ ﺻﻴﺎﺡ ﻳﺪﻳﺪﺓ .. ﻛﻠﻤﺔ ﻣﻦ ﻛﻠﻤﺎﺕ
ﺍﻣﻬﺎ ﻣﺰﻗﺖ ﺣﺸﺎﻫﺎ .. ﺗﺬﻛﺮ ﺍﻣﻬﺎ ﺍﻛﺜﺮ ﺍﻻﺷﻴﺎﺀ ﺣﺴﺎﺳﻴﻪ ﻭﺟﻠﺒﺎ
ﻟﻼﺣﺰﺍﻥ ﻓﻲ ﻗﻠﺐ ﺍﻟﻮﺍﺣﺪ .. ﺗﻮﻟﺪ ﺍﻟﺸﺠﻦ ﻓﻲ ﻗﻠﺐ ﺍﻟﺸﺨﺺ ..
ﻣـﺴﺎﻋﺪ ﻣﺎﻋﻨﺪﻩ ﺭﻳﻞ ﻭﻻ ﻗﺪﻡ .. ﻣﻌﻮﻕ ﻟﻤﺪﻯ ﺍﻟﺤﻴـﺎﺓ .. ﻣﻊ ﺍﻥ ﺍﻟﺮﻳﻞ
ﺍﻻﺻﻄﻨﺎﻋﻴﺔ ﺍﻟﻠﻲ ﺍﺗﻔﻘﻮﺍ ﻋﻠﻴﻬﺎ ﺯﺍﻫﺒﺔ ﻭﻋﻠﻰ ﻗﻴﺎﺱ ﻃﻮﻟﻪ ﺍﻟﺤﻘﻴﻘﻲ ..
ﺍﻻ ﺍﻥ ﻣﺠﺮﺩ ﺍﻟﻔﻜﺮﺓ ﺍﻥ ﺍﻟﻌﻤﻼﻕ ﻣﺴﺎﻋﺪ ﺻﺎﺭ ﺍﻧﺴﺎﻥ ﻣﻌﺎﻕ ..
ﻣﺮﻳﻢ ﻭﻫﻲ ﺗﻤﺴﺢ ﺩﻣﻌﺔ ﺳﺎﺧﻨﺔ ﻣﻦ ﻋﻠﻰ ﻭﻳﻬﺎ : ﺍﺳﺘﻐﻔﺮ ﺍﻟﻠﻪ ﺭﺑﻲ
ﺍﻟﻌﻈﻴﻢ .. ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ .. ﺍﻟﺤﻤﺪ ﻟﻠﻪ ﺍﻧﻪ ﻋﻠﻰ ﻫﺎﻟﺪﻧﻴﺎ ..
ﻧﺘﺤﺴﺮ ﻋﻠﻴﻪ ﻭﻫﻮ ﺑﻌﺪﻩ ﻋﻠﻰ ﻫﺎﻟﺪﻧﻴﺎ؟؟ ﺍﻋﻮﺫ ﺑﺎﻟﻠﻪ ﻣﻦ ﻏﻀﺐ ﺍﻟﻠﻪ ..
ﺳﺎﻗﺖ ﺍﻟﺴﻴﺎﺭﺓ ﻭﻫﻲ ﺗﻤﺴﺢ ﺩﻣﻌﻬﺎ ﺍﻟﻠﻲ ﻛﻞ ﺩﻗﻴﻘﺔ ﻳﻬﻤﻞ ﺑﺼﻤﺖ ..
ﺗﻮﻗﻔﺖ ﻋﻨﺪ ﻣﺤﻞ ﻳﺒﻴﻊ ﻭﺭﺩ ﻭﺯﻫﺮ .. ﻭﺧﺬﺕ ﺑﺎﻗﺔ ﺣﻠﻮﺓ ﺗﺘﺨﺎﻟﻂ ﺑﻴﻦ
ﺍﻟﻠﻮﻧﻴﻦ ﺍﻻﺑﻴﺾ ﻭﺍﻻﺻﻔﺮ .. ﻭﺧﺬﺗﻬﺎ ﻣﻌﺎﻫﺎ ﻻﺧﻮﻫﺎ .. ﻳﻤﻜﻦ ﺍﻟﻮﺭﺩ
ﺍﻟﻴﻮﻡ ﻳﺴﺎﻋﺪ ﻓﻲ ﺣﺼﻮﻝ ﻣﻌﺠﺰﺓ ..
ﺩﺧﻠﺖ ﺍﻟﻤﺴﺘﺸﻔﻰ ﻣﻦ ﻏﻴﺮ ﺍﻱ ﺗﺤﻴﺔ ﻣﺜﻞ ﻗﺒﻞ .. ﻭﺳﺎﺭﻋﺖ ﻟﻐﺮﻓﺔ
ﺍﺧﻮﻫﺎ ﺗﺴﺎﻝ ﻋﻨﻪ .. ﻣﻦ ﺍﻟﺒﺎﺭﺣﺔ ﺍﻟﻤﻐﺮﺏ ﻟﻠﺤﻴﻦ ﻣﺎ ﺗﻌﺮﻑ ﻋﻨﻪ ﺍﻱ
ﺷﻲ .. ﺩﺧﻠﺖ ﺍﻟﻤﺼﻌﺪ ﻭﻃﻠﻌﺖ ﻣﻨﻪ ﻭﻓﻲ ﻗﻠﺒﻪ ﺣﻔﻮﺯ ﻏﺮﻳﺐ ﻣﻦ
ﻧﻮﻋﻪ .. ﻳﻤﻜﻦ ﺭﺍﺟﻊ ﻟﻠﻤﻮﺍﺟﻬﺔ ﻭﻳﺎ ﺍﻣﻬﺎ .. ﻟﻜﻦ ﻳﺎﻟﻠﻪ ﺷﻲ ﻣﺘﻌﻮﺩﺓ
ﺍﻫﻲ ﻋﻠﻴﻪ ﻭﻣﺎ ﺭﺍﺡ ﻳﻀﻴﻖ ﺧﻠﻘﻬﺎ ﻭﺍﻳﺪ .. ﺻﺢ ﺍﻟﻠﻲ ﺗﻘﻮﻟﻪ ﺍﻣﻬﺎ ﻟﻜﻦ
ﻣﺤﺪ ﻟﻪ ﺍﻟﺤﻖ ﺍﻧﻪ ﻳﺘﺪﺧﻞ ﺍﻭ ﻳﺘﺤﻜﻢ ﻓﻲ ﻗﺮﺍﺭﺍﺕ ﺷﺨﺺ ..
ﻭﺧﺼﻮﺻﺎ ﻟﻮ ﻛﺎﻥ ﻏﺎﺋﺐ ﻋﻦ ﺍﻟﺤﻴـﺎﺓ ﻓﻲ ﺍﻟﻔﺘﺮﺓ ﺍﻟﺤﺎﻟﻴﺔ ..
ﺩﺧﻠﺖ ﺍﻟﻐﺮﻓﺔ ﻭﻫﻲ ﺗﺒﺘﺴﻢ ﻓﻲ ﻭﻳﻬﻪ .. ﻭﺗﺨﻴﻠﺖ ﻟﻠﺤﻈﻪ ﺍﻧﻪ ﺭﺍﺡ
ﻳﻜﻮﻥ ﻣﻔﺘﺢ ﻋﻴﻮﻧﻪ ﻭﻳﺒﺘﺴﻢ ﻓﻲ ﻭﻳﻬﻬﺎ ﺑﺎﻟﻤﻘﺎﺑﻞ .. ﻟﻜﻨﻪ ﻛﺎﻥ ﻧﺎﻳﻢ
ﻭﻋﻴﻮﻧﻪ ﻣﺘﻤﺪﺩﺓ ﻋﻠﻰ ﻃﻮﻝ ﺍﻟﻤﻨﻄﻘﺔ .. ﻭﻭﻳﻬﻪ ﺍﺑﻴﺾ .. ﻳﻤﻜﻦ ﺑﺴﺒﺐ
ﺍﻟﻠﺤﻴﺔ ﺍﻟﻠﻲ ﻧﺎﻣﻴﺔ ﻟﻪ ..
ﻋﻄﺘﻪ ﻇﻬﺮﻫﺎ ﻭﻫﻲ ﺗﺎﺧﺬ ﺍﻟﻤﺰﻫﺮﻳﺔ ﻭﺗﺎﺧﺬﻫﺎ ﺍﻟﻰ ﺍﻟﺤﻤﺎﻡ ﻋﺸﺎﻥ
ﺗﻤﻠﻴﻬﺎ ﻣﺎﻱ ﻭﺗﺤﻂ ﺍﻟﻮﺭﺩ .. ﻃﺎﻟﻌﺖ ﺭﻭﺣﻬﺎ ﻟﺪﻗﻴﻘﺔ ﻓﻲ ﻣﻨﻈﺮﺓ ﺍﻟﺤﻤﺎﻡ
ﻭﺍﺑﺘﺴﻤﺖ .. ﺷﻜﻠﻬﺎ ﻳﺮﻋﺐ ﺍﻟﻠﻲ ﻣﺎ ﻳﻨﺮﻋﺐ .. ﻭﻃﻠﻌﺖ ﻣﻦ ﺍﻟﺤﻤﺎﻡ
ﻭﻫﻲ ﺗﺤﻤﻞ ﺍﻟﻤﺰﻫﺮﻳﺔ .. ﻭﺍﻟﺒﺎﺏ ﻳﻨﺪﻕ ..
ﻭﻫﻲ ﻣﺎﺳﻜﺔ ﺍﻟﻤﺰﻫﺮﻳﺔ ﺣﺎﻭﻟﺖ ﺍﻧﻬﺎ ﺗﻔﺘﺢ ﺍﻟﺒﺎﺏ .. ﻭﻳﻮﻡ ﻓﺘﺤﺘﻪ ﻛﺎﻥ
ﻟﺆﻱ ﻋﻨﺪ ﺍﻟﺒﺎﺏ .. ﻭﻣﻌﺎﻩ ﺷﺨﺺ ﺛﺎﻧﻲ ..
ﻟﺆﻱ ﺑﻬﻤﺲ : ﺍﻣﻲ ﻣﻮﺟﻮﺩﺓ؟
ﻣﺮﻳﻢ : ﻻ ﻣﻮ ﻫﻨﻲ .. ﻓﻲ ﺍﻟﺒﻴﺖ ﻣﺎ ﻳﺎﺕ ﺍﻟﻴﻮﻡ .. ﻟﻴﺶ؟؟
ﻟﺆﻱ ﻭﻫﻮ ﻳﺘﻨﻬﺪ ﺑﺮﺍﺣﺔ : ﺯﻳﻦ ﻭﺍﻳﺪ ﺯﻳﻦ .. ﺳﻤﻌﻴﻨﻲ .. ﺣﻄﻲ ﺍﻟﻠﻲ ﻓﻲ
ﻳﺪﺝ ﻭﺭﻭﺣﻲ ﺍﻻﺳﺘﺮﺍﺣﺔ .. ﻭﻳﺎﻱ ﺟﺮﺍﺡ ﻭﻳﺒﻲ ﻳﺸﻮﻑ ﻣﺴـﺎﻋﺪ ..
ﻛﺎﻥ ﻟﺆﻱ ﺩﺍﺧﻞ ﺍﻟﻐﺮﻓﺔ ﻭﻣﺮﻳﻢ ﻭﺍﻗﻔﺔ ﻭﻳﺎﻩ ﻋﻠﻰ ﺍﻟﺒﺎﺏ ﺗﺤﺎﻭﻝ ﺍﻧﻬﺎ
ﺗﺨﻔﻲ ﺍﺭﺗﺒﺎﻛﻬﺎ ﻭﻓﺮﺣﺘﻬﺎ ﺑﻮﺟﻮﺩ ﺟﺮﺍﺡ ..
ﻣﺮﻳﻢ ﻭﻫﻲ ﺗﺤﻂ ﺍﻟﻤﺰﻫﺮﻳﺔ ﻋﻨﺪ ﺍﻟﺴﺮﻳﺮ :ﺩﻗﺎﻳﻖ ﺑﺲ ﺍﺣﻂ ﺍﻟﻮﺭﺩ
ﻭﺍﺭﻭﺡ ..
ﺗﻮﻫﺎ ﺑﺘﻠﺘﻔﺖ ﻣﺮﻳﻢ ﻭﺗﻄﻠﻊ ﻣﻦ ﺍﻟﻐﺮﻓﺔ ﺍﻻ ﺷﻲ ﻳﺘﺤﺮﻙ ﻭﻳﺠﻤﺪ ﻛﻞ
ﺍﻭﺻﺎﻟﻬﺎ .. ﻭﻓﻲ ﻧﻔﺲ ﺍﻟﻠﺤﻈﺔ ﻳﺪﺧﻞ ﺟﺮﺍﺡ ﻭﻣﻌﺎﻩ ﻟﺆﻱ .. ﻟﻜﻨﻬﻢ
ﻭﻗﻔﻮﺍ ﻋﻨﺪ ﺍﻟﺒﺎﺏ ﻳﻮﻡ ﻻﺣﻈﻮﺍ ﺗﺼﻨﻢ ﻣﺮﻳﻢ ..
ﻟﺆﻱ : ﻋﻼﻣﺞ ﻣﺮﻳﻢ ..
ﻟﻜﻦ ﻣﺮﻳﻢ ﻛﺎﻧﺖ ﻋﻴﻮﻧﻬﺎ ﻣﺘﺮﻛﺰﺓ ﻋﻠﻰ ﺟﻔﻮﻥ ﻣﺴـﺎﻋﺪ ﺍﻟﻠﻲ ﺗﺮﺗﺠﻒ ..
ﻭﻛﺎﻧﻬﺎ ﺗﻄﺎﻟﺐ ﺑﺎﻻﻧﻔﺘﺎﺡ .. ﻭﺗﻨﺸﺪ ﺍﻟﻨﻮﺭ ﺍﻧﻪ ﻳﺘﺨﻠﻠﻬﺎ .. ﻭﺗﻤﺖ ﻣﺮﻳﻢ
ﻭﺍﻗﻔﺔ ﻭﻫﻲ ﺗﻤﺎﺳﻚ ﻗﻠﺐ ﻳﺮﺗﺠﻒ ﺑﺎﻟﺪﻋﺎﺀ .. ﻭﺑﻜﻞ ﺛﺎﻧﻴﺔ ﻣﺤﺴﻮﺑﺔ
ﻓﻲ ﻫﺎﻟﻮﻗﺖ ... ﺗﺮﺗﺠﻒ ﺍﻟﺠﻔﻮﻥ ﺍﻛﺜﺮ .. ﻭﻣﻦ ﺍﻟﺠﻔﺖ .. ﺍﻟﻰ ﺗﺤﺮﻙ
ﺑﺎﻟﺮﺍﺱ .. ﻭﻣﻦ ﺗﺤﺮﻙ ﺑﺎﻟﺮﺍﺱ .. ﺍﻟﻰ ﺿﺮﺏ ﺧﻔﻴﻒ ﻣﻦ ﺍﻻﻧﺎﻣﻞ ﻋﻠﻰ
ﺷﺮﺍﺷﻒ ﺍﻟﺴﺮﻳﺮ .. ﺗﻌﻘﺪﺕ ﺣﻮﺍﺟﺒﻪ ﻟﻔﺘﺮﺓ ﺑﺴﻴﻄﺔ ﻭﻟﻜﻨﻪ ﺑﺴﻄﻬﺎ ﻣﻦ
ﺟﺪﻳﺪ .. ﻭﻟﻜﻦ ﻇﻠﺖ ﺟﻔﻮﻧﻪ ﺗﺮﺗﺠﻒ ﻋﺸﺎﻥ ﺍﻧﻬﺎ ﺗﻨﻔﺘﺢ .. ﻭﻟﺆﻱ
ﻭﺟﺮﺍﺡ ﺍﻟﻠﻲ ﻧﺴﻮﻭﻭ ﺍﻟﻤﻜﺎﻥ ﺍﻟﻠﻲ ﻫﻢ ﻓﻴﻪ ﻟﻠﺤﻈﺔ ﻭﺑﻬﺪﻭﺀ ﺭﺍﺣﻮ ﻟﻌﻨﺪ
ﺍﻟﺴﺮﻳﺮ ﻭﻫﻢ ﻣﻮ ﻣﺼﺪﻗﻴﻦ ..
ﻟﺆﻱ ﺑﺼﻮﺕ ﻣﻌﺎﻧﻖ ﺍﻻﺛﺎﺭﺓ : ﻣﺮﻳﻢ ..
ﻣﺮﻳﻢ : ﺍﻭﻭﻭﻭﺵ .. ﻻ ﺗﺘﻜﻠﻢ ... ﺧﻠﻪ ﻋﻠﻰ ﺭﺍﺣﺘﻪ .. ( ﻗﺮﺑﺖ ﺭﻭﺣﻬﺎ ﻣﻦ
ﺍﺫﻧﻪ ﻭﺑﺼﻮﺕ ﻣﺮﺗﺠﻒ ) ... ﻣﺴــــﺎﻋﺪ ... ﺣﺒﻴﺒﻲ ﻳﺎ ﺍﺧﻮﻱ ..
ﻭﻛﺎﻫﻲ ﺍﻟﺤﻘﻴﻘﺔ ﺗﺴﻄﻊ ﻣﻦ ﺳﻮﺍﺩ ﻋﻴﻨﻪ .. ﻭﺍﺧﻴـﺮﺍ .. ﺗﻔﺘﺤﺖ ﺍﻻﺑﻮﺍﺏ
ﻭﺍﺳﺘﻘﺒﻠﺖ ﺍﻟﺴﺎﺣﺎﺕ ﺍﻟﺠﻤﺎﻫﻴـﺮ ﺍﻟﻐﻔﻴـﺮﺓ .. ﻭﻟﻜﻨﻬﺎ ﻣﺮﺩﻫﺎ ﺭﻣﺸﺖ ﻣﻦ
ﺻﺪﻣﺔ ﺍﻟﻨﻮﺭ ﺍﻟﻠﻲ ﻛﺎﻥ ﻣﺨﻔﻲ ﻃﻮﻝ ﻫﺎﻟﻔﺘـﺮﺓ ..
ﻣﺮﻳﻢ ﺳﻜﺮﺕ ﺛﻤﻬﺎ ﻣﻦ ﺷﺪﺓ ﺍﻟﻔﺮﺣﺔ ﻭﻫﻲ ﺗﺬﺭﻑ ﺩﻣﻌﻪ ﺳﺎﺧﻨﺔ ﻭﻟﺆﻱ
ﻳﻠﻤﻬﺎ .. ﻭﺟﺮﺍﺡ ﺍﻟﺜﺎﻧﻲ ﺍﻟﻠﻲ ﻓﺮﺡ ﻣﻦ ﻗﻠﺐ ﻋﻠﻰ ﻫﺎﻟﺸﻲ ﻛﺎﺑﺪ ﺩﻣﻊ
ﻭﺍﻧﺤﻨﻰ ﻟﻤﺴـﺎﻋﺪ ..
ﺟﺮﺍﺡ : ﺣﻴﺎ ﺍﻟﻠﻪ ﺍﻟﻐﺎﻳﺒﻴﻦ .. ﻳﺎ ﻣﻄﻮﻟﻴﻦ ﺍﻟﻐﻴﺒﺔ ﻋﻠﻴﻨﺎ ..
ﻓﺘﺢ ﻣﺴـﺎﻋﺪ ﻋﻴﻮﻧﻪ ﺑﻜﻞ ﻫﺪﻭﺀ ﻣﻦ ﻳﺪﻳﺪ ﻭﻫﻮ ﻳﻨﺎﻇﺮ ﺍﻟﻠﻲ ﺣﻮﺍﻟﻴﻪ ..
ﻛﻞ ﺷﻲ ﻛﺎﻥ ﻇﺒﺎﺑﻲ .. ﻭﻳﻤﻜﻦ ﻏﺮﻳﺐ ﺍﻭ ﻏﻴﺮ ﻣﺄﻟﻮﻑ .. ﻭﻟﻜﻨﻪ ﻳﻮﻡ
ﻟﻘﻰ ﺟﺮﺍﺡ ﻓﻲ ﻭﻳﻬﻪ .. ﺍﺑﺘﺴﻢ ﻓﻲ ﻭﻳﻬﻪ ﻟﺴﺒﺐ ﻏﻴﺮ ﻣﻌﺮﻭﻑ .. ﻳﻤﻜﻦ
ﺍﻧﻪ ﺷﺎﻑ ﻭﻳﻪ ﻓﺎﺗﻦ ﻋﻨﺪﻩ .. ﺍﻟﺘﻔﺖ ﻟﻘﻰ ﻣﺮﻳﻢ ﺍﻟﻠﻲ ﻣﺎ ﻏﺎﺏ ﺣﺴﻬﺎ
ﺍﺑﺪﺍ ﻋﻦ ﺑﺎﻟﻪ ﻃﻮﻝ ﻫﺎﻟﻔﺘـﺮﺓ .. ﻭﺍﻫﺪﺍﻫﺎ ﺷﻲ ﻳﻤﻜﻦ ﻛﺎﻧﺖ ﻣﺎ ﺗﻄﻠﺒﻪ
ﻃﻮﻝ ﻫﺎﻟﺜﻤﺎﻧﻴﺔ ﺷﻬﻮﺭ .. ﺍﺑﺘﺴﺎﻣﺔ ﻧﻘﻴـﺔ ﻭﺻﺎﻓﻴﺔ ﻣﺸﻮﺑﻪ ﺑﺎﻟﺘﻌﺐ
ﻭﺍﻻﺫﻫﺎﻥ ..
ﻣﺮﻳﻢ ﻭﻫﻲ ﺗﺸﺪ ﻋﻠﻰ ﻳﺪ ﻟﺆﻱ : ﺭﻭﺡ ﻧﺎﺩ ﺍﻟﺪﻛﺘﻮﺭ .. ﺧﻠﻪ ﻳﻄﻤﻨﺎ .. ﺧﻠﻪ
ﻳﺸﻮﻑ ..
ﻟﺆﻱ ﻭﻫﻮ ﻣﺮﺗﺒﻚ :.. ﺍﻥ ﺷﺎﺀ ﺍﻟﻠﻪ ..
ﺭﺍﺡ ﻟﺆﻱ ﻭﺗﺒﻌﻪ ﺟﺮﺍﺡ ﻣﻦ ﻣﺤﻞ ﻣﺎ ﻳﺎ .. ﻭﺍﻟﺘﻔﺖ ﺍﺧﻴـﺮﺍ ﺍﻟﻰ ﻣﺮﻳﻢ
ﻟﻘﺎﻫﺎ ﺗﺘﺠﺮﻯ ﻭﺗﻤﺴﻚ ﻳﺪ ﺍﺧﻮﻫﺎ ﻭﺗﻘﻮﻝ ﻟﻪ ﺷﻲ ﻳﻘﻄﻊ ﺍﻟﻘﻠﺐ ..
ﻣﺮﻳﻢ : ﻻ ﺗﻔﺞ ﻋﻴﻨﻚ ﻭﺗﺮﺩ ﺗﺴﻜﺮﻫﺎ ..
ﻣﺴـﺎﻋﺪ ﻭﻫﻮ ﻳﺤﺎﻭﻝ ﻳﻬﻤﺲ ﺑﺸﻲ ..
ﻣﺮﻳﻢ ﻭﻫﻲ ﺗﺤﻚ ﻳﺪﻩ ﻭﻛﺎﻧﻬﺎ ﺑﺎﺭﺩﻩ : ﺷﻔﻴﻚ .. ﺍﻣﺮ ﻳﺎﺧﻮﻱ ..
ﻣﺴـﺎﻋﺪ ﻭﻫﻮ ﻳﻘﺮﺏ ﻣﺮﻳﻢ ﻣﻨﻪ ..: ﻣﺎﻱ .. ﺍﺑﻲ ﻣﺎﻱ ..
ﻣﺮﻳﻢ ﺍﻟﻠﻲ ﺍﺣﺘﺎﺭﺕ ﺗﻌﻄﻴﻪ ﻭﻻ ﻣﺎ ﺗﻌﻄﻴﻪ .. ﻟﻜﻦ ﻻ .. ﺗﺨﻠﻲ ﺍﻟﻤﻤﺮﺿﺔ
ﺗﻌﻄﻴﻪ ﺍﺣﺴﻦ ..: ﺧﻞ ﺍﻟﻤﻤﺮﺿﺔ ﺍﻟﺤﻴﻦ ﺑﺘﻴﻴﻚ ﻭﻫﻲ ﺑﺘﻌﻄﻴﻚ .. ﺍﻧﺎ
ﺍﺧﺎﻑ ﺍﻋﻄﻴﻚ ﻭﺍﺧﻨﻘﻚ .. ﻣﺎﻓﻴﻨﻲ ﺷﺪﺓ ﺗﻮﻙ ﺭﺍﺩ ﻟﻲ ..
ﺍﺑﺘﺴﻢ ﻣﺴﺎﻋﺪ ﻭﻛﺎﻧﻪ ﻳﺒﻲ ﻳﻀﺤـﻚ .. ﻭﺗﻤﺖ ﻣﺮﻳﻢ ﺗﻨﺎﻇﺮ ﻓﻲ ﻭﻳﻬﻪ
ﻭﻫﻲ ﺗﺮﺍﻗﺐ ﺻﺤﻮﺗﻪ ﺗﺸﺘﺪ ﺍﻛﺜﺮ ﻭﺍﻛﺜـﺮ .. ﻭﻣﺎ ﻗﺪﺭﺕ ﺍﻻ ﺍﻧﻬﺎ
ﺗﺴﺘﺒﺮﻕ ﻧﻈﺮﻫﺎ ﺑﺎﻟﺪﻣﻊ ﺍﻟﻠﻲ ﺗﺨﺎﻟﻂ ﺑﺎﻟﺤﻼﻭﺓ ﻣﺎﻫﻲ ﺍﻟﻤﻠﻮﺣﺔ ﻣﻦ
ﺷﺪﺓ ﺍﻟﻔﺮﺡ ﺍﻟﻠﻲ ﻓﻴـﻬﺎ .. ﻭﺭﺍﻗﺒﺖ ﻣﻼﻣﺢ ﻣﺴـﺎﻋﺪ ﺍﻟﻬﺰﻳـﻠﺔ ﺍﻟﻠﻲ ﻛﺎﻧﺖ
ﻓﻲ ﻳﻮﻡ ﺗﺤﻤﻞ ﻋﻈﻤـﺔ ﻭﺷﺪﺓ ﻓﻲ ﺍﻟﺸﺨﺼﻴـﺔ .. ﻣﺴـﺄﻋﺪ ﻛﺎﻥ ﺻﺎﺭﻳﺔ
ﺍﻟﺴﻔﻴـﻨﺔ ﺍﻟﻠﻲ ﺍﻫﻲ ﺗﻈﻦ ﺍﻧﻬﺎ ﻣﺤﻤﻮﻟﺔ ﻋﻠﻴﻬﺎ .. ﺗﻮﺍﺯﻥ ﺑﻴﻦ ﺍﻟﻤﻘﺪﻣﺔ
ﻭﺍﻟﻤﺆﺧﺮﺓ .. ﺳﺒﺤﺎﻥ ﺍﻟﻠﻪ .. ﻭﻛﺎﻧﻪ ﺻﺤﻰ ﻋﺸﺎﻥ ﻳﻮﻗﻒ ﺍﻟﻠﻲ ﻗﺎﻋﺪ
ﻳﻨﺸﻦ ﺿﺪﻩ ﻭﺿﺪ ﻓﺎﺗﻦ .. ﺭﺏ ﺍﻟﻌﺎﻟﻤﻴﻦ ﻛﺮﻳﻢ ﻳﻤﻬﻞ ﻭﻻ ﻳﻬﻤﻞ ..
ﺳﺒﺤﺎﻧﻚ ﻳﺎ ﺭﺏ ..
ﻳﺎﺕ ﺍﻟﻤﻤﺮﺿﺔ ﻭﻳﺎﻫﺎ ﺍﻟﺪﻛـﺘﻮﺭ ﺑﻌﻴﻠﺔ ﻭﻟﺆﻱ ﻭﺭﺍﻫﻢ .. ﺟﺮﺍﺡ ﻇﻞ ﻭﺍﻗﻒ
ﺑﺮﻩ ﻳﻨﺘﻈﺮ ﻣﻨﻬﻢ ﺧﺒﺮ ﺣﻠﻮ ﻭﻫﻮ ﻳﻔﻜﺮ ﺑﻔﺎﺗﻦ .. ﻭﻣﺴﺮﻉ ﻣﺎ ﻳﺎﺕ ﻋﻠﻰ
ﺑﺎﻟﻪ ﺍﺧﺘﻔﺖ ﺍﻻﺑﺘﺴﺎﻣﺔ .. ﻓﺎﺗﻦ ﻣﺜﻠﻬﺎ ﻣﺜﻞ ﻣﺴﺎﻋﺪ .. ﻏﺎﻳﺒﺔ ﻋﻦ
ﺍﻟﺤﻴﺎﺓ .. ﻋﻦ ﺣﻴﺎﺗﻬﻢ ﻋﻠﻰ ﺍﻻﻗﻞ ﻋﻠﻰ ﺍﻟﺮﻏﻢ ﻣﻦ ﺍﻧﻬﺎ ﻋﻠﻰ ﻗﻴﺪ
ﺍﻟﻮﻋﻲ .. ﻟﻜﻦ ﻭﻳﻨﻬﺎ؟؟ ﻭﻻ ﺫﺭﺓ ﻏﺒﺎﺭ ﺍﻭ ﻫﻮﻯ ﺗﺒﻴﻦ ﺧﻄﺎﻫﺎ ﻭﻳﻘﺪﺭ
ﺍﻟﻮﺍﺣﺪ ﻳﺘﺒﻌﻬﺎ ﻭﻳﻼﻗﻴﻬﺎ ﺑﻌﺪ ﻫﺎﻟﻐﻴﺒﺔ ..
ﺍﺗﺼﻠﺖ ﺑﺬﻳﺞ ﺍﻟﻠﺤﻈﺔ ﻏﺰﻻﻥ ﻋﻠﻰ ﺗﻠﻔﻮﻧﻪ .. ﻭﻳﻮﻡ ﻻﺣﻆ ﺍﻟﺮﻗﻢ
ﺟﺎﻭﺏ ﻋﻠﻴﻪ ﻭﻫﻮ ﻳﺘﺒﺎﻋﺪ ﻋﻦ ﺍﻟﻤﻜﺎﻥ ﻟﺤﺪ ﻣﺎ ﻭﺻـﻞ ﺍﻟﻰ ﻏﺮﻓﺔ
ﺍﻻﺳﺘﺮﺍﺣﺔ ﺑﺎﻟﻄﺎﺑﻖ ..
ﺟﺮﺍﺡ ﺑﺼـﻮﺕ ﻣﻜﺘـﻮﻡ : ﻫﻼ ﻏﺰﻻﻥ ..
ﻏﺰﻻﻥ ﺍﻟﻠﻲ ﺑﻌﺪﻫﺎ ﻳﺘﻤﻠﻜﻬﺎ ﺍﻟﺨﺠﻞ ﻣﻦ ﺟﺮﺍﺡ ﻋﻠﻰ ﺍﻟﻠﻲ ﺻﺎﺭ ﺑﻴﻨﺎﺗﻬﻢ
ﻣﺮﺓ ﻓﻲ ﺍﻟﻤـﺎﺿﻲ .. : ﻫﻼ ﺟﺮﺍﺡ .. ﻭﻳﻨﻜﻢ ﻛﺎﻫﻮ ﺍﺣﺪ ﻣﻦ ﻭﺭﺷﺔ
ﺍﻟﻀﺎﺑﻂ ﻋﻨﺪﻧﺎ ﻳﺒﺒﻲ ﻭﺍﺣﺪ ﻣﻨﻜﻢ ﻋﺸﺎﻥ ﺍﻟﻄﻠﺒﻴﺔ ,,
ﺟﺮﺍﺡ ﻳﻨﺎﻇﺮ ﺍﻟﺴﺎﻋﺔ ﻭﻫﻮ ﺧﺎﻳﺐ ﺍﻣﻠﻪ .. ﻻﺯﻡ ﺍﻫﻮ ﺍﻟﻠﻲ ﻳﺮﻭﺡ
ﻭﻳﺨﻠﻲ ﻟﺆﻱ ﻭﻳﺎ ﺍﺧﻮﻩ : ﺍﻧﺎ ﺑﺲ ﺍﻟﻲ ﺑﻴﻲ ﻟﺆﻱ ﻣﺎ ﻳﻘﺪﺭ ﺍﻳﻲ
ﻏﺰﻻﻥ ﺗﻈﺎﻳﻘﺖ ﺷﻮﻱ .. ﻣﺎ ﺑﻴﻲ ﻟﺆﻱ؟؟ ﻟﻴﺶ ﻳﺎ ﺗﺮﻯ .. ﺑﺲ ﻣﺎ ﺣﺒﺖ
ﻛﺎﻟﻌﺎﺩﺓ ﺍﻧﻬﺎ ﺗﺒﻴﻦ ﺍﻫﺘﻤﺎﻣﻬﺎ : ﺍﻭﻛﻲ ﺑﺲ ﺧﻠﻨﻲ ﺍﺿﺒﻂ ﻟﻚ ﻛﻞ ﺷﻲ ..
ﻭﺍﻧﺖ ﺗﻌﺎﻝ ﻭﺑﺎﺷﺮ ..
ﺍﺑﺘﺴﻢ ﺟﺮﺍﺡ : ﺍﻭﻛﻲ ﺩﻗﺎﻳﻖ ﻭﺍﻧﺎ ﺑﺎﻟﺪﺭﺏ ..
ﻏﺰﻻﻥ : ﻣﻊ ﺍﻟﺴﻼﻣﺔ
ﺟﺮﺍﺡ : ﻳﺴﻠﻤﺞ ..
ﺗﻮﻩ ﺑﻴﺮﻭﺡ ﺟﺮﺍﺡ ﺍﻻ ﺗﺬﻛﺮ .. ﻻﺯﻡ ﻋﻠﻰ ﺍﻻﻗﻞ ﻳﺨﺒـﺮ ﻟﺆﻱ ﺍﻧﻪ ﺑﻴﺮﻭﺡ
ﻭﻣﺎ ﻳﺨﻠﻴﻪ ﺟﺬﻱ .. ﻭﻟﻜﻦ ﺍﺫﺍ ﺩﺧﻞ .. ﻳﻤﻜﻦ ﻣﺴـﺎﻋﺪ ﻳﺴﺄﻟﻪ ﻋﻦ
ﻓﺎﺗﻦ .. ﻭﻳﺎ ﻓﺸﻠﺘﻪ ﻟﻮ ﻣﺎ ﻛﺎﻧﺖ ﻋﻨﺪﻩ ﺍﻱ ﺍﺟﻮﺑﺔ ﻋﻠﻰ ﺍﻷﺳـﺄﻟﺔ ..
ﻓﺎﺣﺘﺎﺭ ﺑﺎﻣﺮﻩ .. ﻭﻗﺮﺭ ﺍﻧﻪ ﻳﺮﻭﺡ ﻭﺍﻟﻠﻲ ﻓﻴﻬﺎ ﻓﻴﻬﺎ ..
ﺗﻮﻩ ﺑﻴﻠﺘﻔﺖ ﺍﻻ ﻣﺮﻳﻢ ﻭﺍﻗﻔﺔ ﻭﺭﺍﻩ ﻋﻦ ﻗﺮﺏ ﺑﺴﻴﻂ ﻭﻟﻜﻦ ﻛﺎﻥ ﺍﻗﺮ ﺏ
ﺑﺎﻟﻨﺴﺒﺔ ﻟﻪ ﻟﺪﺭﺟﺔ ﺍﻧﻪ ﺍﻧﺘﻔﺾ ﻣﻦ ﺍﻟﺼﺪﻣـﺔ ..
ﻣﺮﻳﻢ ﻭﻫﻲ ﻓﺎﺗﺤﺔ ﻋﻴـﻮﻧﻬﺎ ﻣﻦ ﻧﻔﻀﺘﻪ : ﺧﻴـﺮ؟
ﺟﺮﺍﺡ ﻭﻫﻮ ﻳﺘﺤﺎﺷﻰ ﻭﻳﻬﻬﺎ ﺣﻴﺎ ﻣﻨﻬﺎ : ﺧﻴﺮ ﺑﻮﻳﻬﺞ ..
ﻣﺮﻳﻢ ﻭﻫﻲ ﺗﺘﻔﺤﺺ ﺍﻷﺭﺽ ﻭﻣﻦ ﺑﻌﺪﻫﺎ ﻋﻘﺪﺓ ﺍﺻﺎﺑﻌﻬﺎ : ﻟﻴﺶ ﻭﺍﻗﻒ
ﺑﺮﻉ .. ﻣﺎ ﺧﺒﺮﻧﺎﻙ ﻏﺮﻳﺐ ﻳﺎ ﺟﺮﺍﺡ
ﺟﺮﺍﺡ ﻭﻫﻮ ﻳﺤﺎﻭﻝ ﻳﺨﻔﻒ ﺍﻷﻟﻢ ﺍﻟﻠﻲ ﺍﺟﺘﺎﺣﻪ ﻣﻦ ﻛﻼﻣﻬﺎ : ﻻ ﺑﺲ
ﻛﺎﻥ ﻋﻨﺪﻱ ﺧﻂ .. ﺧﺒﺮﻱ ﻟﺆﻱ ﺍﻧﻲ ﺑﻤﺸﻲ ﺍﻟﺤﻴﻦ
ﻣﺮﻳﻢ ﻭﻫﻲ ﺗﻨﺎﻇﺮﻩ ﺑﺨﻴﺒﺔ : ﻟﻴﺶ؟؟ ﺗﻮ ﺍﻟﻨﺎﺱ .. ﻣﺴﺮﻉ ﻣﺎ ﺑﺘﺮﻭﺡ
ﺟﺮﺍﺡ ﻭﻫﻮ ﻳﻨﺒﺬ ﺧﻴﺒﺘﻬﺎ ﻣﻦ ﻧﻔﺴـﻪ : ﻻ ﻋﻨﺪﻱ ﺷﻐﻞ ﺑﺎﻟﻮﺭﺷـﺔ ..
ﺧﺒﺮﻱ ﻟﺆﻱ .. ﻳﺎﻟﻠﻪ ﻣﻊ ﺍﻟﺴﻼﻣﺔ
ﻣﺮﻳﻢ ﻭﻫﻲ ﺗﻮﺩﻋﻪ ﺑﺪﻣﻌﻬﺎ ﺍﻟﻲ ﺫﺭﻑ ﺍﻭﻝ ﻣﺎ ﻋﻄﺎﻫﺎ ﻇﻬﺮﻩ ﻭﺭﺍﺡ
ﻋﻨﻬﺎ :.. ﻓﻲ ﺍﻣﺎﻥ ﺍﻟﻠﻪ ....
ﻭﻗﻔﺖ ﻟﺪﻗﻴﻘﺔ ﻣﻜﺎﻧﻬﺎ ﻭﻫﻲ ﺗﺤﺲ ﺑﺎﻟﺬﻧﺐ ﻳﻜﺘﺴﺤﻬﺎ .. ﻟﺸﻲ ﺍﻫﻲ ﻣﺎ
ﺍﺫﻧﺒﺖ ﻓﻴـﻪ .. ﻭﻟﻜﻦ ﻋﻘﺎﺏ ﺟﺮﺍﺡ ﻛﺎﻥ ﻭﺍﺿﺢ ﻣﻦ ﺍﺳﻠﻮﺏ ﻣﻌﺎﻣﻠﺘﻪ ..
ﻳﺎ ﻫﻮ ﻋﻘﺎﺏ .. ﺍﻭ ﻫﺬﺍ ﺟﻔﺎﻩ ﺻﻮﺑﻲ ﻻﻧﻪ ﻳﺒﻲ ﻳﻮﺍﺻﻞ ﺣﻴـﺎﺗﻪ ﺑﻌﻴـﺪ
ﻋﻨﻲ .. ﻣﺴﺤﺖ ﺩﻣﻌﺘﻬﺎ ﺍﻟﺤﺰﻳﻨـﺔ ﻭﺭﺩﺕ ﻣﻜﺎﻧﻬﺎ ﺍﻟﻰ ﺍﻟﻐـﺮﻓﺔ ..
ﺗﻮﻫﺎ ﺑﺘﺪﺧﻞ ﺍﻻ ﻟﺆﻱ ﻓﻲ ﻭﻳﻬﻬﺎ : ﻣﺮﻳﻢ ... ﺻﺒﺮﻱ .. ( ﺑﻬﻤﺴـ )
ﻣﺮﻳﻢ ﻭﻫﻲ ﻣﺴﺘﻐﺮﺑﺔ : ﻟﻴﺶ ﺷﻔﻴـﻚ؟
ﻟﺆﻱ ﻭﻫﻮ ﻳﻄﺎﻟﻊ ﻳﻤﻴﻦ ﻭﻳﺴﺎﺭ ﻭﻛﺎﻧﻪ ﻳﺪﻭﺭ ﺍﺣﺪ :. ﻭﻳﻨﻪ ﺟﺮﺍﺡ؟
ﻣﺮﻳﻢ ﻭﻫﻲ ﺗﺘﺬﻛﺮ ﺍﻟﻠﻲ ﻧﺴﺘﻪ ﻓﻲ ﻟﺤﻈﺔ : ﺭﺍﺡ .. ﻋﻨﺪﻩ ﺷﻐﻞ ﺑﺎﻟﻮﺭﺷﺔ .
ﻃﺎﻟﻌﻬﺎ ﻟﺆﻱ ﺑﻨﻈﺮﺓ ﻏﻴﺮ ﻣﻔﻬﻮﻣﺔ .. ﻭﻛﺎﻧﻪ ﺍﻧﺘﺒﻪ ﻟﺪﻣﻌﻬﺎ ﺍﻟﻤﺨﻔﻲ
ﺑﻌﻨﺎﻳﺔ ..
ﻣﺮﻳﻢ ﻭﻫﻲ ﺗﺤﺎﻭﻝ ﺗﺘﻜﻠﻢ ﺑﺼﻮﺭﺓ ﺍﺧﻒ ﺣﺰﻥ ..: ﺷﻔﺘﻪ ﻭﻗﺎﻝ ﻟﻲ
ﺍﻭﺻﻞ ﻟﻚ ﻫﺎﻟﺨﺒـﺮ ..
ﻟﺆﻱ ﺍﺑﺘﺴﻢ ﻟﻬﺎ ﻭﻣﺮﺓ ﻭﺣﺪﺓ ﺗﺬﻛﺮ ﺷﻲ :. ﺻﺞ .. ﻻ ﺗﺪﺧﻠﻴﻦ ..
ﻣﺮﻳﻢ ﻭﻫﻲ ﺗﻨﺎﻇﺮ ﻟﺆﻱ ﺑﺸﺒﻪ ﺿﺤﻜﺔ : ﻟﻴﺶ ؟؟
ﻟﺆﻱ ﻭﻣﻼﻣﺤﻪ ﺗﻜﺘﺴﺢ ﺑﺎﻟﺠﺪﻳـﺔ : ﻻﻥ ﺍﺧﻮﺝ ﻣﻦ ﺑﻌﺪ ﻛﻠﻤﺔ ﻣﺎﻱ ..
ﻗﺎﻝ ﻭﻳﻨﻬﺎ ﻓﺎﺗﻦ .. ﻭﺍﻧﺎ ﺑﺼﺮﺍﺣﺔ ﻣﺎ ﻛﺎﻥ ﻋﻨﺪﻱ ﺟﻮﺍﺏ ﻣﻘﻨﻊ .. ﻓﻘﻠﺖ
ﻟﻪ ﺑﺮﻭﺡ ﺍﻟﺤﻤﺎﻡ ..
ﻣﺮﻳﻢ ﻭﻫﻲ ﺷﻮﻱ ﺗﻀﺤﻚ ﻋﻠﻰ ﻟﺆﻱ ﻟﻜﻦ ﺍﻫﻢ ﻗﺎﻋﺪﻳﻦ ﻳﻮﺍﺟﻬﻮﻥ ﺍﻟﻠﻲ
ﻛﺎﻥ ﻻﺯﻡ ﻳﺴﺘﻌﺪﻭﻥ ﻟﻪ .. ﺍﻻﺟﻮﺑــﺔ .. ﺍﻟﻠﻲ ﺑﻌﻀﻬﺎ ﺭﺍﺡ ﻣﺎ ﻳﻌﺠﺐ
ﻣﺴـﺎﻋﺪ .. ﻭﺑﻌﻀﻬﺎ ﺭﺍﺡ ﻳﺜﻮﺭﻩ .. ﻟﻜﻦ ﻓﻮﻕ ﻛﻞ ﻫـﺬﺍ .. ﺣﻘﻴﻘﺔ ﻭﺿﻌﻪ
ﺍﻟﺠﺴﺪﻱ ﺍﻟﺤﻴـﻦ ..
ﻣﺮﻳﻢ ﻭﻫﻲ ﺗﻔﻜﺮ ﻭﻳﺪﻫﺎ ﻋﻨﺪ ﺟﺒﻴﻨﻬﺎ : ﺍﻟﺤﻴﻦ ﺧﻠﻨﺎ ﻣﻦ ﺳﺎﻟﻔﺔ ﻓﺎﺗﻦ ...
ﺧﻠﻨﺎ ﻧﻔﻜﺮ ﺑﺎﻟﻠﻲ ﺻﺎﺏ ﺭﻳﻠﻪ !! ﻻ ﻧﺴﺘﻌﻴﻞ ﺑﺮﺩﺓ ﻓﻌﻠﻪ ﻋﻦ ﺷﻲ ﻳﻤﻜﻦ
ﻳﻜﻮﻥ ﺍﻫﻮﻥ ﻣﻦ ﺷﻲ ﺛﺎﻧﻲ
ﻟﺆﻱ ﻭﻫﻮ ﻳﺘﻜﻠﻢ ﺑﺜﻘﺔ : ﺻﺮﺍﺣﺔ ﻟﻮﺗﺒﻴﻦ ﺭﺍﻳﻲ .. ﺭﺩﺓ ﻓﻌﻞ ﻣﺴـﺎﻋﺪ ﻋﻦ
ﺍﺧﺘﻔﺎﺀ ﻓﺎﺗﻦ ﻋﻦ ﻭﺟﻪ ﺍﻻﺭﺽ ﺭﺍﺡ ﻳﻜﻮﻥ ﺍﻋﻈﻢ ﻣﻦ ﺍﻧﻪ ......
ﺳﻜﺖ ﻟﺆﻱ ﻻﻥ ﺟﺴﻤﻪ ﺍﺭﺗﻌﺶ ﻣﻦ ﺍﻻﺳﺘﻬﺎﻧﺔ ﺍﻟﻠﻲ ﻣﺮﺕ ﻓﻲ ﻗﻠﺒﻪ
ﻋﻠﻰ ﺍﻟﻠﻲ ﺻﺎﺏ ﺍﺧﻮﻩ .. ﻭﻳﺎﺗﻪ ﺻﻮﺭﺓ ﺳﺮﻳﻌﺔ ﻟﻮ ﻛﺎﻥ ﺍﻟﺤﺎﻝ ﻣﻌﻜﻮﺱ
ﻭﻫﻮ ﺍﻟﻠﻲ ﻛﺎﻥ ﻃﺎﻳﺢ ﺑﻼ ﻗﺪﻡ ﻭﺳﺎﻕ .. ﻭﺍﺭﺗﺠﻔﺖ ﺍﻭﺻﺎﻟﻪ ﺑﻤﻌﻨﻰ
ﺍﻟﻜﻠﻤﺔ ..
ﻟﺆﻱ ﻭﻫﻮ ﻳﻀﻢ ﻳﺪﻳﻨﻪ ﻋﻠﻰ ﺻﺪﺭﻩ : ﺍﺗﺮﺍﺟﻊ .. ﺻﺮﺍﺣﺔ .. ﺍﻟﻠﻪ ﻳﻌﻴﻨﻨﺎ
ﻣﻦ ﺭﺩﺓ ﻓﻌﻠﻪ .. ﻣﺎﺩﺭﻱ ﻟﻴﺶ ﺑﺲ ﻳﻤﻜﻦ ﻳﺘﺤﻄﻢ ..
ﻧﺎﻇﺮﺕ ﻣﺮﻳﻢ ﻟﺆﻱ ﻟﺪﻗﺎﻳﻖ ﻭﻫﻲ ﺗﺤﺎﻭﻝ ﺗﻼﻗﻲ ﺣﻞ ﻓﻲ ﻫﺎﻟﺸﻲ ..
ﻭﻟﻜﻦ ﻣﺎ ﻗﺪﺭﺕ .. ﺗﻤﺖ ﻭﺍﻗﻔﺔ ﻣﻜﺎﻧﻬﺎ ﻭﻫﻲ ﺗﻔﻜـﺮ .. ﺷﺎﻟﻤﻤﻜﻦ؟؟ ﺷﻨﻮ
ﺍﻟﻠﻠﻲ ﺭﺍﺡ ﻳﺨﻔﻒ ﻣﻦ ﻭﻃﺄﺓ ﺍﻟﺼﺪﻣﺔ ﻋﻠﻰ ﻣﺴـﺎﻋﺪ ﻓﻲ
ﻫﺎﻟﻤﻮﺿﻮﻉ ..؟؟ ﻏﻴﺮ ﺍﻧﻬﻢ ﻛﻠﻬﻢ ...
ﻣﺮﻳﻢ ﺑﺴﺮﻋﺔ ﻓﻲ ﻭﻳﻪ ﻟﺆﻱ : ﺑﺴﺮﻋﺔ ﺭﻭﺡ ﺍﻟﺒﻴﺖ ﻭﻳﻴﺐ ﻭﻳﺎﻙ ﺍﻟﻠﻲ
ﻫﻨﺎﻙ ﻛﻠﻬﻢ ..
ﻟﺆﻱ ﺑﺎﺳﺘﻐﺮﺍﺏ : ﻟﻴﺶ ﺣﻔﻠﺔ ﻭﻻ ﺍﺩﺭﻱ ..
ﻣﺮﻳﻢ : ﻟﺆﻱ ﺍﺳﻤﻌـﻨﻲ ﻭﻻ ﺗﺮﺍﺩﺩ .. ﺭﻭﺡ ﻭﻫﺎﺕ ﺍﻟﻠﻲ ﻓﻲ ﺍﻟﺒﻴﺖ ﻛﻠﻬﻢ
ﻭﺧﻠﻨﺎ ﻛﻠﻨﺎ ﻧﺒﻴﻦ ﻟﻤﺴـﺎﻋﺪ ﺍﻧﻨﺎ ﻭﺍﻗﻔﻴﻦ ﻭﻳﺎﻩ ﺑﻬﺎﻟﻤﻮﻗﻒ .. ﻣﺎ ﻧﺒﻴﻪ
ﻳﺤﺲ ﺍﻧﻪ ﺑﺮﻭﺣﻪ .. (ﻭﻫﻲ ﺗﻔﻜﺮ ﻭﻋﻴﻮﻧﻬﺎ ﻫﺎﻳﻤﺔ ﻓﻲ
ﻣﻜﺎﻥ ﻭﺣﺎﺟﺒﻬﺎ ﻣﻌﻘﻮﺩ ) ﺍﺻﻼ ﺍﻧﺎ ﻣﺎﺩﺭﻱ ﺷﻠﻮﻭﻥ ﻓﺘﺢ ﻋﻴﻮﻧﻪ ﻭﻻ
ﺧﺒﺮﻧﻪ ﺍﺣﺪ ﻟﺤﺪ ﻫﺎﻟﻠﺤﻈﺔ ,, (ﺗﺮﺩ ﻟﻠﺆﻱ ) ﺳﻮ ﺍﻟﻲ ﻗﻠﺖ ﻟﻚ ﻋﻠﻴﻪ ﻭﺍﻧﺎ
ﺍﺧﺘﻚ ..
ﻟﺆﻱ ﻭﻫﻮ ﻣﺎ ﻳﺒﻲ ﻳﺮﻭﺡ ﻳﺨﺘﻠـﻖ ﺍﻻﻋﺬﺍﺭ : ﺍﺻﻼ ﺣﺘﻰ ﻟﻮ ﺍﺑﻲ ﻣﺎ
ﻋﻨﺪﻱ ﺳﻴﺎﺭﺓ
ﻣﺮﻳﻢ : ﺑﻼ ﻋﻴﺎﺭﺓ ﺳﻴﺎﺭﺗﻲ ﻫﻨﻲ .. ﺧﺬﻫﺎ ﻭﺭﻭﺡ ..
ﻟﺆﻱ ﻭﻫﻮ ﻳﺘﺄﻓﺎﻑ : ﺍﻧﺎ ﻣﻮ ﺍﺧﻮﺝ ﺍﻟﻌﻮﺩ .. ﺳﻤﻌﻲ ﺭﻏﺒﺘﻲ ﻭﻻ
ﺗﺠﺒﺮﻳﻨﻲ ..
ﻣﺮﻳﻢ ﻭﻫﻲ ﺗﺪﻓﻌﻪ ﺍﻟﻰ ﺑﺎﺏ ﺍﻟﻐﺮﻓﺔ : ﺟﺪﺍﻣﻲ ﻳﺎﻟﻠﻪ ﺍﺧﻮﺝ ﺍﻟﻌﻮﺩ .. ﻭﻳﺎ
ﺭﺍﺳﻚ ﻫﺬﺍ ﺍﻧﺎ ﺍﺧﺘﻚ ﺍﻟﺼﻐﻴﺮﺓ ﺳﻮ ﺍﻟﻠﻲ ﺍﺑﻴﻪ ..
ﻳﻠﺘﻔﺖ ﻟﻬﺎ ﻟﺆﻱ : ﺑﺲ ﺍﺧﺘﻲ ﺍﻟﺼﻐﻴﺮﺓ ﺍﻋﻄﻒ ﻋﻠﻴﺞ ﻭﺍﻧﺎ ﺍﺧﻮﺝ ﺍﻟﻌﻮﺩ
ﻭﺗﺘﺎﻣﺮﻳﻨﻲ .. ﺍﻧﺰﻳﻦ ﻻ ﺗﺪﺯﻳﻦ ..
ﻳﻮﻡ ﺩﺧﻠﺖ ﻣﺮﻳﻢ ﻭﻟﺆﻱ ﻛﺎﻥ ﻣﺴـﺎﻋﺪ ﺗﺤﺖ ﺍﺧﺘﺒﺎﺭﺍﺕ ﺑﺴﻴﻄﺔ ﻭﻳﺎ
ﺍﻟﺪﻛﺘـﻮﺭ .. ﻣﺜﻞ ﺍﻟﻨﻈﺮ .. ﻭﺍﻟﻌﺪ .. ﻭﺍﻷﺳـﺎﻟﺔ ﺍﻟﺸﺨﺼﻴـﺔ .. ﻭﺧﻼﻝ
ﻫﺎﻻﺳـﺄﻟﺔ ﺍﻟﺘﻔﺖ ﻣﺴﺎﻋﺪ ﺍﻟﻰ ﻣﺮﻳﻢ ﻭﻟﺆﻱ ﻭﻛﺎﻧﻪ ﻳﺒﻴﻬﻢ ﻓﻲ ﺳﺎﻟﻔﺔ ﺍﻭ
ﻣﻮﺿﻮﻉ ﻭﻟﻜﻨﻬﻢ ﺗﺠﺎﻫﻠﻮﻩ ﻭﺳﺤﺒﺖ ﻣﺮﻳﻢ ﺟﻨﻄﺘﻬﺎ ﻭﻃﻠﻌﺖ ﻭﻳﺎ ﻟﺆﻱ
ﻣﻦ ﺍﻟﻐﺮﻓﺔ ﺗﺤﺖ ﻋﻴـﻮﻥ ﻣﺴـﺎﻋﺪ ﺍﻟﻠﻲ ﺗﻼﺣﻘﻬﻢ ﺑﺘﺸﻮﺵ ﻭﻋﺪﻡ
ﺍﺳﺘﻘﺮﺍﺭ ..
ﻣﺮﻳﻢ ﺑﺮﻉ ﺍﻟﻐﺮﻓﺔ ﺗﺴﻠﻢ ﻟﺆﻱ ﺍﻟﻤﻔﺘﺎﺡ : ﺭﻭﺡ ﻫﺎﺕ ﺍﻟﺒﻴﺖ ﻛﻠﻬﻢ .. ﻧﻮﺭﺓ
ﻭﺭﻳﻠﻬﺎ ﺑﻌﺪ ﺧﻠﻬﻢ ﺍﻳﻮﻭﻥ .. ﻭﺣﺘﻰ ﺍﺑﻮﻱ ﺩﻭﺭﻩ ﻣﺤﻞ ﻣﺎ ﺗﻼﻗﻴـﻪ .. ﻻ
ﺗﺨﻠﻲ ﺍﺣﺪ ﻣﺎ ﺗﻴﻴﺒﻪ ..
ﻟﺆﻱ : ﺍﻟﻪ ﻳﻬﺪﺍﺝ ﻗﺒﻴﻠﺔ ﺳﺒﺎﺭﻃﻪ ﻛﻠﻬﻢ ﻭﺍﺣﺪ ﻣﺎﺩﺭﻱ ﺍﺛﻨﻴﻦ .. ﺍﻧﺘﻲ ﺑﺲ
ﻻ ﺗﺘﺪﺍﻗﻠﻴﻦ ﻭﻳﺎﻩ ﻭﺧﻠﻴﻪ ﻋﻠﻰ ﺭﺍﺣﺘﻪ ﻻ ﺗﺠﺎﻭﺑﻴﻨﻪ ﻭﻻ ﺗﺠﺬﺑﻴﻦ ﻋﻠﻴﻪ
ﻣﺮﻳﻢ ﻭﻫﻲ ﻣﺘﻮﺟﺴﺔ ﺷﺮ : ﻣﺎﺩﺭﻱ ﻳﺎ ﻟﺆﻱ .. ﺍﻧﺎ ﺧﺎﻳﻔﺔ .. ﻣﺴﺎﻋﺪ
ﻳﺤﺼﻞ ﺍﻟﻠﻲ ﻳﺒﻴﻪ .. ﻟﻜﻦ ﺍﻟﻠﻲ ﺍﻫﻮ ﻳﺒﻴﻪ ﻳﻤﻜﻦ ﻣﻦ ﺍﺧﺮ ﺍﻻﻫﺘﻤﺎﻣﺎﺕ
ﺍﻟﻠﻲ ﻋﻠﻴﻪ ﻳﻔﻜﺮ ﺑﻬﺎ .. ﻓﺎﺗﻦ ﺑﺘﻨﺤﻞ ﻣﺸـﻜﻠﺘﻬﺎ .. ﺍﻫﻢ ﺷﻲ ﺍﻟﺤﻴﻦ ﺍﻧﻚ
ﺍﺗﻴﻴﺐ ﺍﻟﺒﻴﺖ ﻋﺸﺎﻥ ﻧﻘﻮﻝ ﻟﻪ ﺍﻟﺨﺒـﺮ ﺑﻜﻞ ﻫﺪﻭﺀ ..
ﺭﺍﺡ ﻟﺆﻱ ﻭﻇﻠﺖ ﻣﺮﻳﻢ ﻭﺍﻗﻔﺔ ﻭﻫﻲ ﺗﺴﺤﺐ ﻧﻔﺲ ﻋﻤﻴﻖ ﻭﺗﺪﺧﻞ
ﺍﻟﻐﺮﻓﺔ .. ﻭﻳﺸﺮﺩ ﺍﻟﻰ ﺳﻤﻌﻬﺎ ﺷﻲ ﻣﻦ ﺍﻟﻠﻲ ﻳﻘﻮﻟﻪ ﻣﺴـﺎﻋﺪ ..
ﻣﺴﺎﻋﺪ ﺑﺼﻮﺕ ﻭﺍﻫﻦ ﻭﺗﻌﺒﺎﻥ ﻭﻟﻜﻦ ﻣﺴﻤﻮﻉ : ﻣﺎﺩﺭﻱ .. ﺍﺣﺲ ﺑﺨﺪﺭ
ﻓﻲ ﺍﻟﺠﺰﺀ ﺍﻟﺘﺤﺘﻲ ﻣﻦ ﺟﺴﻤﻲ ..
ﺍﻟﺪﻛﺘﻮﺭ ﻳﻨﺎﻇﺮ ﻣﺮﻳﻢ ﻭﻫﻮ ﻋﺎﻗﺪ ﺣﺎﺟﺒﻴﻨﻪ .. ﻭﻻﺣﻆ ﻋﻠﻰ ﻭﻳﻬﻬﺎ
ﺍﺷﺎﺭﺓ ﻧﻔﻲ .. ﻳﻌﻨﻲ ﻻ ﻳﺨﺒـﺮﻩ ﺑﺸﻲ ﺑﻌﺪ ..
ﺍﻟﺪﻛﺘﻮﺭ ﻭﻫﻮ ﻳﺒﺘﺴﻢ ﻭﻳﺮﺑﺖ ﻋﻠﻰ ﺟﺘﻒ ﻣﺴـﺎﻋﺪ : ﻣﻌﻠﻴﻪ ﻳﺎ ﻣﺴﺎﻋﺪ
ﺍﻧﺖ ﺗﻮﻙ ﺻﺎﺣﻲ ﻣﻦ ﺍﻟﻐﻴﺒﻮﺑﺔ .. ﻭﺑﻌﺾ ﺍﺟﺰﺍﺀ ﺟﺴﻤﻚ ﻳﻤﻜﻦ ﻣﺎ
ﺗﺴﺘﻌﻴﺪ ﺣﺴﻴﺘﻬﺎ ﺍﻻ ﺑﻌﺪ ﻓﺘﺮﺓ ﻻﻧﻚ ﺭﺍﻗﺪ ﺍﻛﺜﺮ ﻣﻦ ﺛﻤﺎﻥ ﺷﻬﻮﺭ ..
ﻳﻌﻨﻲ ﻣﺎﻛﻮ ﺍﻱ ﺣﺮﻛﺔ ﺍﻭ ﺗﻔﺎﻋﻞ ﻓﻴﻬﺎ .. (ﻳﺒﺘﺴﻢ ﺑﺤﺮﺍﺭﺓ ) ﻻ ﺗﻌﻄﻲ
ﺍﻟﻬﻢ .. ﺧﻞ ﺍﺗﻜﺎﻟﻚ ﻋﻠﻰ ﺭﺏ ﺍﻟﻌﺎﻟﻤﻴﻦ ﻭﺍﻥ ﺷﺎﺀ ﺍﻟﻠﻪ ﺗﻼﻗﻲ ﺧﻴـﺮ ..
( ﻳﻠﺘﻔﺖ ﻟﻤﺮﻳﻢ ) ﻟﻜﻦ ﺻﺮﺍﺣﺔ ﺍﻧﺎ ﺍﻏﺒﻄﻚ ﻋﻠﻰ ﻫﺎﻻﺧﺖ ..
ﺍﻟﺘﻔﺖ ﻟﻬﺎ ﻣﺴـﺎﻋﺪ ﺑﻨﻈﺮﺓ ﺗﻌﺒﺎﻧﺔ ﻭﺟﻔﻦ ﻣﺴﻮﺩ ﻣﻦ ﺍﻟﻮﻫﻦ .. ﻭﻣﺮﻳﻢ
ﺗﺒﺘﺴﻢ ﻓﻲ ﻭﻳـﻬﻪ ﺑﻬﺪﻭﺀ ﻭﻧﻘﺎﺀ ..
ﻳﻜﻤﻞ ﺍﻟﺪﻛﺘـﻮﺭ : ﺍﺧﺘﻚ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ ﻛﺎﻧﺖ ﻣﻦ ﺍﻛﺜﺮ ﺍﻟﻨﺎﺱ ﺍﻟﻠﻲ
ﻳﻤﻜﻦ ﺗﻘﺪﺭ ﺗﺸﻜـﺮﻫﻢ .. ﺍﺣﻨﺎ ﺳﻮﻳﻨﺎ ﺷﻐﻠﻨﺎ ﺍﻟﻄﺒﻲ .. ﻭﺍﻫﻲ ﺷﻐﻠﻬﺎ
ﺍﻟﻌﺎﺋﻠﻲ .. ﺍﻛﺜﺮ ﺍﻧﺴﺎﻥ ﻳﻤﻜﻦ ﺗﻮﺍﺟﺪ ﻣﻌﺎﻙ ﻛﺎﻧﺖ ﺍﻫﻲ .. ﻭﺑﺎﻟﻠﻴﻞ ﺣﺘﻰ
ﻟﻮ ﺗﺮﻭﺡ ﻳﻈـﻞ ﺧﻴﺎﻟﻬﺎ ﻳﺮﻋﺎﺍﺍﻙ ..
ﺍﺑﺘﺴﻢ ﻟﻬﺎ ﻣﺴـﺎﻋﺪ ﻭﺑﺼﻮﺕ ﻫﺎﺩﺉ ﻭﻣﺠﻬﺪ : ﺍﻫﻲ ﻣﻼﻛﻲ ﺍﻟﺤﺎﻓﻆ !!.
ﺍﻟﺪﻛﺘﻮﺭ : ﺑﺎﻟﻀﺒﻂ .. guardian angel . ﻳﺎﻟﻠﻪ ﺑﻮ ﺍﻟﺸﺒﺎﺏ .. ﺍﺧﻠﻴﻚ
ﺍﻟﺤﻴﻦ .. ﻭﺑﺮﺩ ﻟﻚ ﺑﻌﺪ ﺷﻮﻱ .. _ ﻳﻜﻠﻢ ﻣﺮﻳﻢ_ ﻟﻮ ﺳﻤﺤﺘﻲ ﺍﻟﺸﻴﺨﺔ
ﺗﻌﺎﻟﻲ ﻣﻌﺎﻱ ﺷﻮﻱ ..
ﻣﺮﻳﻢ ﻭﻫﻲ ﺗﻤﺴﺢ ﺩﻣﻌﺘﻬﺎ ﺍﻟﺨﻔﻴﻔﺔ : ﺍﻥ ﺷﺎﺀ ﺍﻟﻠﻪ ...
ﺭﺍﺣﺖ ﻋﻨﺪ ﻣﺴـﺎﻋﺪ ﻭﻣﺴﻜﺖ ﻳﺪﻩ ﻭﻫﻲ ﺗﺪﻓﻴﻬﺎ ﻻﻧﻬﺎ ﻛﺎﻧﺖ ﺑﺎﺭﺩﺓ
ﺷﻮﻱ .. ﻏﻄﺖ ﺟﺴﻤﻪ ﻋﺪﻝ ﻭﺣﻜﻤﺖ ﺍﻟﻐﻄﺎﺀ ﻭﻫﻲ ﻋﺎﺭﻓﻪ ﺍﻥ ﻋﻴﻮﻧﻪ
ﻋﻠﻴﻬﺎ ...
ﻃﺎﻟﻌﺘﻪ ﺑﺤﻨﺎﻥ : ﻧﻮﺭ ﺍﻟﻤﻜﺎﻥ .. ﺑﻨﻮﺭ ﻋﻴﻮﻧﻚ ﻳﺎﺧﻮﻱ
ﻣﺴـﺎﻋﺪ ﺑﺎﺑﺘﺴﺎﻣﺔ : ﺑﻨﻮﺭﺝ ﻳﺎﻟﻤﻼﻙ ...
ﺣﺎﻭﻟﺖ ﺍﻧﻬﺎ ﺗﺘﻤﺎﺳﻚ ﻋﺸﺎﻥ ﺗﻄﻠﻊ ﺑﻬﺪﻭﺀ .. ﻭﻗﺪﺭﺕ .. ﻟﻤﻦ ﻭﺻﻠﺖ
ﻟﻌﻨﺪ ﺍﻟﺒﺎﺏ ﻭﻟﻘﺖ ﺍﻟﺪﻛﺘﻮﺭ ﻣﺘﺠﻬﻢ ﻭﺷﻜﻠﻪ ﻣﺨﺘﻠﻒ ﻋﻦ ﻳﻮﻡ ﺩﺍﺧﻞ ...
ﺍﻟﺪﻛﺘـﻮﺭ : ﻣﺎ ﺣﺒﻴﺖ ﺍﺧﺒﺮ ﺍﺧﻮﺝ ﻋﻦ ﺳﺎﻟﻔﺘﻪ .. ﻋﺸــﺎﻥ ﻣﺎ ﺍﺧﻠﻴـﻪ
ﻳﻨﺼﺪﻡ .. ﺗﻮﻫﺎ ﺍﻟﻨﺎﺱ ﺑﺲ .. ﺍﻫﻮ ﻣﺮﺩﻩ ﺑﻴﻌﺮﻑ ..
ﻣﺮﻳﻢ ﻭﻫﻲ ﺗﻨﺎﻇﺮ ﺍﻟﻐﺮﻓﺔ ﺑﺨﻮﻑ : ﺍﺩﺭﻱ ﺩﻛﺘﻮﺭ .. ﻭﺍﻧﺎ ﺧﻠﻴﺖ ﺍﺧﻮﻱ
ﻳﺮﻭﺡ ﻭﺍﻳﻴﺐ ﺑﺎﺟﻲ ﻫﻠﻲ .. ﺩﻛﺘـﻮﺭ .. (ﻭﻫﻲ ﺗﺼﻔﻲ ﺣﻠﺠﻬﺎ ) ﺷﺨﺒﺎﺭﻩ
ﺍﻫﻮ ﺍﻟﺤﻴﻦ؟
ﺍﻟﺪﻛﺘﻮﺭ ﻭﻫﻮ ﻳﺮﻓﻊ ﺍﻟﻨﻈﺎﺭﺓ ﻋﻦ ﻭﻳﻬﻪ ..: ﻭﺍﻟﻠﻪ ﺍﻫﻮ ﺟﺴﺪﻳﺎ ﻭﺍﻫﻦ
ﻭﺗﻌﺒﺎﻥ .. ﻭﻓﺎﻗﺪ ﺍﺷﻴﺎﺀ ﻭﺍﻳﺪ ﻳﻌﻨﻲ .. ﺑﺲ ﻣﻊ ﺍﻟﻌﻨﺎﻳﺔ ﺍﻟﻠﻲ ﺑﺘﻌﻄﻮﻧﻪ
ﺍﻳﺎﻩ ﺭﺍﺡ ﻳﻜﻮﻥ ﻗﺎﺩﺭ ﻋﻠﻰ ﺍﻟﺮﺟﻮﻉ ﻣﻦ ﻳﺪﻳﺪ ﻣﺜﻞ ﻣﺎ ﻛﺎﻥ .. ﻛﺎﻥ
ﺭﻳﺎﺿﻲ ﺍﻫﻮ؟
ﻣﺮﻳﻢ ﻭﻫﻲ ﺗﺘﺬﻛﺮ : ﺑﺲ ﺳﺒﺎﺣﺔ .. ﻛﺎﻧﺖ ﺍﻛﺜﺮ ﺷﻲ ﺍﻫﻮ ﻳﻮﺍﺻﻞ
ﻋﻠﻴـﻬﺎ ..
ﺍﻟﺪﻛﺘـﻮﺭ ..: ﺑﺴﺒﺐ ﻫﺎﻟﺮﻳﺎﺿﺔ ﻭﺍﻻﻧﻘﻄﺎﻉ ﻋﻨﻪ ﺳﺒﺐ ﻟﻪ ﺿﻤﻮﺭ
ﺑﺎﻟﻌﻀﻼﺕ .. ﻭﻓﻮﻕ ﻫﺬﺍ ﺍﻫﻮ ﻓﻘﺪ ﺟﺰﺋﻴﻦ ﻣﻦ ﺟﺴـﻤﻪ .. ﻓﻠﺬﺍ ﺍﻟﻌﻤﻠﻴﺔ
ﺭﺍﺡ ﺗﻜﻮﻥ ﺻﻌﺒﺔ ..
ﺑﻠﻌﺖ ﻣﺮﻳﻢ ﺭﻳﺠﻬﺎ ﺑﺼﻌﻮﺑﺔ ..: ﺍﻧﺰﻳﻦ ﺩﻛﺘﻮﺭ .. ﻭﺍﻝ ... ﺍﻝ ... ﺍﺟﺰﺍﺀ
ﺍﻟﺼﻨﺎﻋﻴــﺔ .... ﻣﻮﺟﻮﺩﺓ ..
ﺍﻟﺪﻛﺘﻮﺭ ﻭﻫﻮ ﻳﺒﺘﺴﻢ ﺑﺘﺨﻔﻴﻒ ..: ﺍﺫﺍ ﺍﻧﺘﻲ ﻣﺎ ﻛﻨﺘﻲ ﻗﻮﻳﺔ ﻋﻠﻰ
ﻫﺎﻟﺴﺒﺐ .. ﺗﻈﻨﻴﻦ ﺍﺧﻮﺝ ﺻﺎﺣﺐ ﺍﻟﻤﺸﻜﻠﺔ ﺑﻴﻜﻮﻥ؟؟؟ ﺣﺎﻭﻟﻲ ﺍﻧﺞ ﻣﺎ
ﺗﻌﺘﺒﺮﻳﻨﻬﺎ ﺍﺟﺰﺍﺀ ﺻﻨﺎﻋﻴﺔ .. ﻫﺬﻱ ﺍﻻﺷﻴﺎﺀ ﺍﻫﻲ ﺍﻟﻠﻲ ﺭﺍﺡ ﺗﺨﻠﻲ ﺍﺧﻮﺝ
ﻳﻮﻗﻒ ﻋﻠﻰ ﻃﻮﻝ ﻣﺮﺓ ﺛﺎﻧﻴـﺔ ..
ﻣﺮﻳﻢ ﻭﻫﻲ ﺗﺘﻤﻨﻰ ﺍﻟﻤﺴﺘﺤﻴﻞ ﺑﻬﺬﻱ ﺍﻟﻠﺤﻈﺔ ﺑﻤﺎ ﻳﺘﻌﻠﻖ ﺑﺄﺧﻮﻫﺎ ..:..
ﺍﻧﺰﻳﻦ ﺩﻛــﺘﻮﺭ .. ﺍﻧﺎ ﺍﺗﻤﻨﻰ ﻭﺟﻮﺩﻙ ﻣﻌﺎﻧﺎ ﻭﻗﺖ ﺍﻟﻠﻲ ﺑﻨﺨﺒﺮﻩ ..
ﺍﻟﺪﻛـﺘﻮﺭ ..: ﺍﻧﺘﻲ ﻻ ﺗﺤﻄﻴﻦ ﻫﻢ .. ﺍﺣﻨﺎ ﺑﻨﻌﻄﻴﻪ ﻣﻬﺪﺋﺎﺕ ﺍﻟﻴﻮﻡ ..
ﻭﺑﻨﺨﻠﻴﻪ ﻋﻠﻯﺮﺍﺣﺘﻪ .. ﻳﻤﻜﻦ ﻳﺮﻗﺪ ﻣﻦ ﺗﻠﻘﺎﺀ ﻧﻔﺴﻪ ﻭﻻ ﻳﺤﺘﺎﺝ ﺍﻟﻰ
ﻣﻨﻮﻣﺎﺕ .. ﻻﻥ ﻧﻮﻣﻪ ﺍﻟﻠﻲ ﻛﺎﻥ ﻗﺒﻞ ﻣﺐ ﻃﺒﻴﻌﻲ ..
ﺭﺍﺡ ﺍﻟﺪﻛﺘـﻮﺭ ﻋﻦ ﻣﺮﻳﻢ ﺍﻟﻠﻲ ﺧﺎﻧﺘﻬﺎ ﺍﻟﺸﺠﺎﻋﺔ ﺑﻬﺬﻳﺞ ﺍﻟﻠﺤﻈﺔ ﺍﻧﻬﺎ
ﺗﺪﺧﻞ ﻋﻠﻰ ﺍﺧﻮﻫﺎ ﻣﺮﺓ ﺛﺎﻧﻴﺔ .. ﻭﺗﻤﺖ ﺗﺮﻭﺡ ﻭﺗﻴﻲ ﺟﺪﺍﻡ ﺍﻟﻐﺮﻓﺔ
ﻭﺍﻻﻓﻜﺎﺭ ﻻﻋﺒﺔ ﺑﺮﺍﺳﻬﺎ ﻳﻤﻴﻦ ﻭﻳﺴﺎﺭ . ﺗﻤﻨﺖ ﻭﺟﻮﺩ ﻓﺎﺗﻦ ﺑﺸﻜﻞ
ﻓﻈﻴﻊ .. ﻋﻠﻰ ﺍﻻﻗﻞ ﺍﻟﺸﻲ ﺭﺍﺡ ﻳﺨﻒ ﺍﻛﺜﺮ ﻋﻠﻴـﻪ .. ﺍﻭ ﻳﻤﻜﻦ ﺣﺘﻰ
ﺍﻟﻌﻜﺲ ﺑﺲ ﻭﺟﻮﺩ ﻓﺎﺗﻦ ﻣﻬﻢ ﺑﻬﺬﻱ ﺍﻟﻠﺤﻈﺔ ..
ﺑﻌﺪ ﻟﺤﻈﺎﺕ .. ﻗﺮﺭﺕ ﺍﻧﻬﺎ ﺗﺪﺧﻞ ﻭﺍﻟﻠﻲ ﻓﻴﻬﺎ ﻓﻴـﻬﺎ .. ﺑﺘﺤﺎﻭﻝ ﺍﻧﻬﺎ ﻣﺎ
ﺗﻌﻄﻴـﻪ ﺍﻟﻲ ﻳﺒﻴﻪ ﻭﺗﺨﻠﻴﻪ ﻳﺮﺗﺎﺡ .. ﻣﻊ ﺍﻧﻪ ﻛﺎﻥ ﺑﺮﺍﺣﺔ ﻃﻮﻝ ﻫﺎﻟﻔﺘﺮﺓ ..
ﻟﻜﻦ ﺭﺍﺣﺔ ﺍﻟﻮﺍﻋﻲ ﺗﺨﺘﻠﻒ ﻋﻦ ﺭﺍﺣﺔ ﺍﻟﻠﻲ ﻓﻲ ﺍﻟﻐﻴﺒﻮﺑﺔ .. ﻳﻮﻡ ﻓﺠﺖ
ﺍﻟﺒﺎﺏ .. ﻟﻘﺖ ﻣﺴـﺎﻋﺪ ﻣﺴﻜﺮ ﻋﻴـﻮﻧﻪ ﻭﻳﺪﻩ ﻣﺴﺘﺮﻳﺤﺔ ﻋﻠﻰ ﺑﻄﻨﻪ ..
ﻭﻻﻭﻝ ﻣﺮﺓ .. ﺟﻔﻨﻴﻪ ﻣﻬﺪﻟﻴﻦ ﺑﺮﺍﺣﺔ ..
ﻗﻌﺪﺕ ﻳﻤﻪ ﻭﻫﻲ ﺗﻨﺎﻇﺮ ﻭﻳﻬﻪ ﺍﻟﻨﺎﻋﻢ .. ﻭﺗﺬﻛﺮﺕ ﺍﻻﻳﺎﻡ ﺍﻟﻄﻮﻳﻠﺔ ﺍﻟﻠﻲ
ﻏﺪﺭﺕ ﺑﻴﻨﻬﻢ ﺑﺨﺪﻋﻬﺎ .. ﻭﺷﻠﻮﻥ ﺍﻧﻬﻢ ﻃﺎﺣﻮ ﻓﻲ ﻭﺳﻂ ﻟﻌﺒﻬﺎ .. ﺍﻟﺤﻤﺪ
ﻟﻠﻪ ﺭﺏ ﺍﻟﻌﺎﻟﻤﻴﻦ .. ﻟﻜﻦ ﺑﻌﺪﻫﺎ ﺍﻟﺼﻮﺭﺓ ﻓﺎﻇﻴﺔ .. ﻭﺍﻻﻳﺎﻡ ﺑﻌﺪﻫﺎ ﺗﺨﻮﻥ
ﻭﺗﻐﺪﺭ ﻓﻴـﻬﻢ .. ﺑﻐﻴﺎﺏ ﻓﺎﺗﻦ .. ﺍﻟﺴﻠﺴﻠﺔ ﺗﺘﻢ ﻏﻴﺮ ﻣﻜﺘﻤﻠﺔ .. ﺍﻟﺤﻠﻘﺔ
ﺍﻟﻠﻲ ﺗﺘﺸﺎﺑﻚ ﻣﻊ ﺍﻟﻘﻔﻠﺔ .. ﻣﺨﺘﻔﻴﺔ ﻭﻻﺯﻡ ﻳﻠﻘﻮﻧﻬﺎ ﻋﺸﺎﻥ ﺗﺘﺴﻜﺮ
ﺍﻟﺴﻠﺴﻠﺔ ..
----------------------------------------
ﻛﺎﻥ ﺍﻟﺼﺒـــﺢ ﻣﻦ ﺍﺟﻤﻞ ﺣﻼﺗﻪ ﺑﻬﺬﺍﻙ ﺍﻟﺼﻴـﻒ ﺍﻟﺒﺎﺭﺩ ﻣﻦ ﻧﻮﻋﻪ
ﻟﻔﺎﺗﻦ .. ﻣﻊ ﺍﻥ ﺍﻟﻨﺎﺱ ﻛﻠﻬﺎ ﺗﺘﺤﺮﻙ ﺑﺘﻤﻠﻤﻞ ﺑﺴﺒﺐ ﺍﻟﺤﺮﺍﺭﺓ ﺍﻟﻤﺰﻋﻮﻣﺔ ..
ﺍﻻ ﺍﻧﻬﺎ ﺍﻋﺘﺒﺮﺕ ﺍﻟﺼﻴﻒ ﻓﻲ ﺑﻮﺳﻄﻦ ﻣﻦ ﺍﺟﻤﻞ ﺍﻟﻔﺼﻮﻝ .. ﺣﺘﻰ ﺍﻧﻪ
ﻳﻤﻜﻦ ﻓﺼـﻞ ﻳﺪﻳﺪ ﻣﺨﺘﻠﻒ ﻋﻦ ﺍﻟﻔﺼﻮﻝ ﺍﻻﺭﺑﻌﺔ .. ﻭﺑﻤﺎ ﺍﻧﻪ ﺍﻟﻴﻮﻡ
ﺍﻻﺣﺪ .. ﻗﺮﺭﺕ ﺍﻧﻬﺎ ﺗﺤﻤﻞ ﻟﻬﺎ ﺳﻠﺔ ﺧﻔﻴﻔﺔ ﻣﻦ ﺍﻻﻛﻞ ﻭﺗﻤﻀﻲ ﻓﻲ
ﺩﺭﺑﻬﺎ ﻃﻮﻝ ﺍﻟﺴﺎﺣﻞ ﻭﻫﻲ ﺗﺘﺠﻮﻝ ﻓﻲ ﺍﺭﺟﺎﺀ ﺍﻟﻤﻜﺎﻥ .. ﻋﻠﻰ ﻭﻋﺴـﻰ
ﺗﻨﺴﻰ ﺍﻭ ﺗﺘﻨﺎﺳﻰ ﻣﻦ ﺍﻻﺷﻴﺎﺀ ﺍﻟﻠﻲ ﺗﺠﺮﻱ ﻓﻲ ﺣﻴﺎﺗﻬﺎ ..
ﻛﺎﻧﺖ ﺍﻟﺴﺎﻋﺔ ﺳﺒﻊ ﺍﻟﺼﺒـﺢ .. ﺗﻤﺎﻣﺎ ﻣﺜﻞ ﺍﻟﻮﻗﺖ ﺍﻟﻠﻲ ﻳﻤﻜﻦ ﺍﻫﻲ
ﻭﻣﺴـﺎﻋﺪ ﻛﺎﻧﻮ ﺑﻴﻄﻠﻌﻮﻥ ﻓﻴﻪ .. ﺍﻭ ﻳﻤﻜﻦ ﻗﺒﻠﻪ ﺑﺪﻗﺎﻳﻖ .. ﻟﻠﺤﻴﻦ ﺗﺘﺬﻛﺮ
ﺍﻻﻭﻗﺎﺕ ﺍﻟﻠﻲ ﻛﺎﻥ ﻳﻄﻠﻊ ﻓﻴﻬﺎ ﻭﻳﺮﺩ ﻣﻦ ﺑﻌﺪﻫﺎ ﻋﻠﻰ ﻃﻮﻝ ﻟﻠﺤﻤﺎﻡ ..
ﺍﻭﻗﺎﺕ ﺍﻟﺮﻳﺎﺿﺔ ﺍﻟﻠﻲ ﻛﺎﻥ ﻳﻘﻀﻴﻬﺎ .. ﻳﻤﻜﻦ ﻳﺤـﺮﻕ ﻓﻴـﻬﺎ ﺷﻲ ﻣﻦ
ﺍﻟﺘﻮﺗﺮ ﺍﻟﻠﻲ ﻛﺎﻥ ﻳﺴﺤﻘﻬﻢ .. ﺍﺑﺘﺴﻤﺖ ﻟﻨﻔﺴﻬﺎ .. ﻳﻤﻜﻦ ﺍﺣﺴﻦ ﺷﻲ
ﺳﻮﺗﻪ ﺍﻫﻲ ﺍﻧﻬﺎ ﺗﻘﻄﻊ ﻋﻼﻗﺘﻬﻢ .. ﻳﻤﻜﻦ ﻻ ﺭﺩﺕ ﺍﻟﺪﻳﺮﺓ ﺗﻨﻔﺼﻞ ﻋﻨﻪ
ﻧﻬﺎﺋﻴﺎ .. ﻭﺗﺘﺮﻙ ﻓﻲ ﻧﻔﺴﻬﺎ ﺑﻘﺎﻳﺎ ﺍﻻﺣﺘﺮﺍﻡ ﻟﺬﺍﺗﻬﺎ .. ﻭﺗﻜﻮﻥ ﻣﺴﺘﻘﻠﺔ
ﺑﻨﻔﺴﻬﺎ .. ﻭﺗﻼﻗﻲ ﺍﻫﻲ ﻭﻣﺴـﺎﻋﺪ ﺍﻟﺤﻴﺎﺓ ﺍﻟﻠﻲ ﻛﻞ ﻭﺍﺣﺪ ﻣﻨﻬﻢ
ﻳﺘﻤﻨﺎﻫﺎ .. ﻭﻟﻮ ﻛﺎﻧﻮ ﺍﻻﺛﻨﻴﻦ ﺍﻫﻢ ﻣﻨﻴﺔ ﺑﻌﺾ .. ﻟﻜﻦ ﻓﻲ ﺑﻌﺾ ﺍﻻﺷﻴﺎﺀ
ﻣﻬﻤﺎ ﻛﺎﻧﺖ ﻣﻮﺍﻓﻘﺔ ﺍﻻ ﺍﻧﻬﺎ ﻣﺎ ﺗﺘﻨﺎﺳﺐ .. ﻻ ﺍﻟﻮﻗﺖ ﻭﻻ ﺍﻟﻤﻜﺎﻥ
ﻳﻘﺒﻠﻬﻢ ..
ﻓﻲ ﻧﻔﺴﻬﺎ ﻗﺎﻟﺘﻬﺎ ﻭﻫﻲ ﺗﺤﺲ ﺑﺤﺮﻗﺎﻥ ﺑﻌﻴﻨﻬﺎ ..: ﻳﻤﻜﻦ ﻓﻲ ﺣﻴـﺎﺓ
ﺛﺎﻧﻴﺔ ..
ﻃﻠﻌﺖ ﻣﻦ ﺍﻟﻤﻨﻄﻘﺔ ﺍﻟﻲ ﻫﻲ ﻓﻴﻬﺎ .. ﻭﻭﻗﻔﺖ ﺑﺎﻟﺸﺎﺭﻉ ﺗﻨﺘﻈﺮ ﺗﺎﻛﺴﻲ
ﻳﻤـﺮ ﻋﻠﻴﻬﺎ ﻭﺗﺮﻭﺡ ﺍﻟﻰ ﺍﻟﻤﻜﺎﻥ ﺍﻟﻠﻲ ﺍﻫﻲ ﺗﺒﻴﻪ .. ﻟﻜﻦ ﻭﻫﻲ ﻭﺍﻗﻔﺔ
ﺳﺮﻋﺎﻥ ﻣﺎ ﺗﺎﺑﻌﺖ ﻣﺸﻴﻬﺎﺍ .. ﻟﻤﻦ ﻭﺻﻠﺖ ﺍﻟﻰ ﺑـﺎﺭﻙ ﻭﺳﻂ ﻣﻨﻄﻘﺔ
ﺗﺴﻮﻗﻴﻪ .. ﺷﺒﻪ ﺍﻟﺨﺎﻟﻴﺔ ﻣﻦ ﺍﻟﻨﺎﺱ .. ﺍﻻ ﺍﻫﻲ .. ﻭﻛﺎﻧﺖ ﺍﻟﺸﻤﺲ
ﺑﻌﺪﻫﺎ ﺗﻮﺗﻌﻲ ﺑﻜﺴـﻞ .. ﻓﺮﺷﺖ ﻟﻬﺎ ﺑﺴـﺎﻁ .. .. ﻭﻗﻔﺖ ﺷﻮﻱ ﻭﻫﻲ
ﺗﺘﻤﺘﻊ ﺑﺎﻟﻤﻜـﺎﻥ .. ﺍﺑﺘﺴﻤﺖ .. ﻭﻗﻌﺪﺕ ﻋﻠﻰ ﺍﻷﺭﺽ .. ﻭﻫﻲ ﺗﺤﻜﻢ
ﺷﺎﻟﻬﺎ ﺍﻟﻠﻲ ﻋﻠﻰ ﺭﺍﺳﻬﺎ ﺑﺤﻴﺚ ﺍﻥ ﻭﻻ ﺷﻌﺮﺓ ﺗﻄﻠﻊ .. ﻗﻌﺪﺕ .. ﻭﻫﻲ
ﺗﻄﻠﻊ ﻣﻦ ﺍﻟﺠﻨﻄﻪ ﺍﻟﻠﻲ ﺣﺎﻣﻠﺘﻬﺎ ﺍﻟﺮﻭﺍﻳﺔ ﺍﻟﺨﻔﻴﻔﺔ ﺍﻟﻠﻲ ﻛﺎﻧﺖ ﺗﻘﺮﺍﻫﺎ ..
ﺍﻟﻌﻈﻴﻢ ﻗﺎﺗﺴــﺒﻲ ﻛﺎﻥ ﺍﺳﻤﻬﺎ .. ﻣﻊ ﺍﻥ ﺍﻟﻘﺼﺔ ﺗﺤﻤﻞ ﺍﻟﺨﺮﺍﺏ
ﺍﻟﺜﻘﺎﻓﻲ ﻭﺍﻻﺧﻼﻗﻴﺎﺕ ﺍﻟﻤﻨﺤﻠﺔ ﻣﺤﺎﻳﻄﺔ ﻗﺼﺔ ﺣﺐ ﻧﺎﺑﻌﺔ ﻣﻦ ﻗﻠﺐ
ﺭﺟﻞ ﻋﻈﻴﻢ ﺍﻟﻰ ﺍﻣﺮﺍﻩ ﻣﺎ ﺗﺴﺘﺤﻖ ﺟﺰﺀ ﻣﻦ ﻫﺬﻱ ﺍﻟﻤﺸﺎﻋﺮ ﻻﻥ
ﺍﻟﻤﺎﺩﻳﺎﺕ ﻃﻐﺖ ﻋﻠﻴﻬﺎ .. ﻓﺎﺳﺘﻐﺮﺑﺖ ﻓﺎﺗﻦ .. ﻫﻞ ﻳﻤﻜﻦ ﻟﺮﺟﻞ ﺑﻬﺎﻟﺰﻣﺎﻥ
ﺍﻧﻪ ﻳﻜﻮﻥ ﻋﺎﺷﻖ ﻭﻣﺘﻔﺎﻧﻲ ﺑﺤﺒﻪ؟؟
ﺗﺮﻛﺖ ﺍﻟﻘﺼﺔ ﺑﺒﺮﻭﺩ ﻭﻫﻲ ﺗﺮﺟﻊ ﺍﻟﻰ ﻧﻘﻄﺔ ﺑﺪﺍﻳﺘﻬﺎ ﻭﻧﻬﺎﻳﺘﻬﺎ ..
ﻣﺴـﺎﻋﺪ .. ﻛﺎﻫﻮ ﻣﺴـﺄﻋﺪ ﻋﺎﺵ ﺍﻛﺜﺮ ﻣﻦ 12 ﺳﻨﺔ ﻭﻫﻮ ﻳﺤﺐ ﻋﻤﺘﻲ
ﻋﺎﻟﻴﺔ ﺑﺤﻴﺎﺗﻬﺎ ﻭﺑﻤﻮﺗﻬﺎ .. ﺍﺫﺍ ﻛﺎﻥ ﻫﻨﺎﻙ ﺟﺎﻱ ﻗﺎﺗﺴﺒﻲ .. ﻓﻬﻨﻲ ..
.ﺑﺤﻴﺎﺗﻲ .. ﻣﺴﺎﻋﺪ ﺍﻟﺪﺧﻴـﻠﻲ ..
ﻛﺎﻧﺖ ﺗﻄﺎﺭﺩ ﺍﺣﻼﻡ ﻭﺗﺨﻴﻼﺕ ﻣﻊ ﻣﺸـﻌﻞ ﻳﻮﻡ ﻛﺎﻧﺖ ﺑﻌﺪﻫﺎ ﺗﻈﻦ ﺍﻥ
ﺍﻟﺤﺐ ﺑﺎﻟﻨﻈﺮﺍﺕ ﻭﺍﻟﻬﻤﺲ ﻭﺍﻻﺣﻼﻡ ﻭﺍﻟﻜﻠﻤﺎﺕ ﺍﻟﻌﺬﺑﺔ ﺍﻟﻠﻲ ﻣﺎ ﻳﺘﻜﺮﺭ
ﺻﺪﺍﻫﺎ ﺍﻻ ﺑﺪﺍﺧﻞ ﺍﻟﻘﻠﺐ .. ﻟﻜﻦ ﻭﻳﺎ ﻣﺴـﺎﻋﺪ ﻋﺮﻓﺖ ﺍﻥ ﻟﻠﺤﺐ ﺗﺎﺭﻳﺦ
ﻭﻣﻌﺎﻧﻲ ﻭﺗﺠﺴﻴﺪ ..
ﻓﺎﺗﻦ ﻭﻫﻲ ﺗﺒﺘﺴﻢ ﺑﺤﺮﻗﺔ ﻣﺎ ﺗﺪﺭﻱ ﻟﻤﺘﻰ ﺑﺘﻈﻞ ﻓﻴﻬﺎ ..:ﻛﻨﺖ ﺍﻧﺎ ﺍﻟﻠﻲ
ﺍﺭﻓﺾ ﻭﺟﻮﺩﻙ ﺑﺤﻴـﺎﺗﻲ .. ﻭﺍﻟﺤﻴﻦ ﺍﺗﻤﻨﻰ ﻟﻮ ﺍﻧﻲ ﺑﺲ ﻛﻨﺖ ﻋﺎﻟﻴﺔ ..
ﻋﺸﺎﻥ ﺍﻛﻮﻥ ﻫﺎﻟﺠﺰﺀ ﺍﻟﻠﻲ ﻻ ﻳﺘﺠﺰﺃ ﻣﻨﻚ ..
---------------------------------------------------
ﻏﺼــﺔ ﺍﻟﻢ ﻋﻤﻴـﻘﺔ ﻟﻠﻘﻠﺐ .. ﺷﻔﺘﻴﻦ ﻣﺮﺗﺼﺘﻴﻦ ﺑﻌﻨﻒ ﻣﻦ ﺷﺪﺓ ﺍﻟﺨﺒﺮ
ﺍﻟﻠﻲ ﻭﻗﻊ .. ﻳﺎ ﺍﻟﻠﻪ .. ﻣﺎ ﻛﻮ ﺷﻲ ﺍﻋﻈﻢ ﻣﻦ ﻫﺎﻟﺸﻲ .. ﺍﻥ ﻣﺎ ﻛﺎﻥ
ﻋﻠﻰ ﺣﺪ .. ﻓﻬﻮ ﻋﻠﻴﻪ .. ﺳﻜﺮ ﻋﻴﻮﻧﻪ ﺑﺸﺪﻩ ﻭﻫﻮ ﻳﻘﺒﺾ ﻋﻠﻰ ﺷﺮﺍﺷﻒ
ﺍﻟﺴﺮﻳﺮ ﺑﻘﻬﺮ ﻭﻏﻀﺐ ﻋﻨﻴﻒ .. ﺩﻓﻊ ﺍﻟﺪﻣﻊ ﺍﻟﺤﺎﺭ ﻣﻦ ﺩﻓﻖ ﻋﻴﻮﻧﻪ ﺍﻟﻰ
ﺯﺍﻭﻳﺔ ﻋﻴﻨﻪ ﻓﺎﻟﻰ ﻋﺎﺭﺿﻪ .. ﻭﻣﺮﻳﻢ ﺗﺮﺍﻗﺐ ﻛﻞ ﻫﺬﺍ ﺑﺤﺴﺮﺓ ﻭﻫﻲ
ﻻﺻﻘﺔ ﻓﻲ ﻟﺆﻱ ﺍﻟﻠﻲ ﻛﺎﻥ ﺷﻜﻠﻪ ﻋﻼﻣﺔ ﻣﻦ ﻋﻼﻣﺎﺕ ﺣﺰﻥ ﺍﻟﺪﻧﻴﺎ ..
ﺍﻡ ﻣﺴـﺎﻋﺪ ﻛﺎﻧﺖ ﻻﻣﺔ ﺭﻭﺣﻬﺎ ﻭﻫﻲ ﺗﺤﺎﻭﻝ ﺍﻧﻬﺎ ﺗﻬﺪﻱ ﻧﻔﺴﻬﺎ ﻭﺗﺸﺠﻊ
ﻭﻟﺪﻫﺎ ..
ﻭﺑﻌﺪ ﻟﺤﻈﺎﺕ ﺍﺷﺒﻪ ﺑﺎﻟﺮﺣﺎ ﻭﻫﻲ ﺗﺪﻭﺭ ﻭﺗﺤﻚ ﻛﻞ ﺍﻟﻤﺸﺎﻋﺮ ﻣﻌﺎﻫﺎ
ﻧﻄﻘﺖ ﺷﻔﺎﻩ ﻣﺴـﺎﻋﺪ ﺑﻬﻤﺲ ﺣﺎﺭﻕ ﻟﻠﺤﻨﺠﺮﺓ ....: ﻣﺒﺘــﻮﺭﺓ؟؟؟؟؟؟؟
ﻣﺒــــﺘﻮﺭﺓ .... ﻳﺎ ﺍﻟﻠﻪ ... ﻋﻔﻮﻙ ....
ﺍﻟﺪﻛﺘﻮﺭ ﻭﻫﻮ ﻳﻬﺰ ﺭﺍﺳﻪ ﺍﺳﻒ ﺑﺨﻔﺔ ﻭﻳﺤﺎﻭﻝ ﺍﻧﻪ ﻳﺸﺮﺡ ﻟﻤﺴـﺎﻋﺪ
ﺍﻟﻠﻲ ﻣﺎ ﻛﺎﻥ ﻓﻲ ﻫﺎﻟﺪﻧﻴﺎ .. : ﻳﺎ ﻣﺴـﺎﻋﺪ .. ﻻﺯﻡ ﺗﻜﻮﻥ ﺷﺎﻛﺮ ﻟﻠﻪ ﻋﺰ
ﻭﺟﻞ ﺍﻥ ﺍﻟﻀﺮﺭ ﻣﺎ ﺍﺧﺬ ﺣﻴﺎﺗﻚ .. ﺍﺧﺬ ﺍﻋﻀﺎﺀ ﻣﻬﻤﺔ ﻣﻦ ﺣﻴﺎﺗﻚ ﻟﻜﻦ
ﺍﻧﺖ ﺑﺘﺘﻌﻮﺽ ﻭﺍﻟﻌﻮﺽ ﻋﻨﺪ ﺍﻟﻠﻪ .. ﺃﺫﻛﺮ ﺭﺑﻚ ﻭﺍﺫﻛﺮ ﻣﺼﺎﻳﺐ ﻏﻴﺮﻙ
ﺗﻬﻮﻥ ﻋﻠﻴﻚ ﻣﺼﻴﺒﺘﻚ ..
ﻣﺴـﺄﻋﺪ ﻭﻫﻮ ﻳﻔﺞ ﻋﻴﻮﻧﻪ ﺑﻌﺠﺰ ﻋﻤﻴـﻖ ﻳﻈﻬﺮ ﻻﻭﻝ ﻣﺮﺓ ﺑﻌﻴﻮﻧﻪ
ﺍﻟﺠﻤﻴﻠﺔ ﺍﻟﻠﻲ ﺍﻛﺘﺴﺤﺖ ﺑﺤﻤﺮﺓ ﺍﻻﺣﺘﺮﺍﻕ ﺍﻟﻠﻲ ﻓﻴﻪ ...:
ﻣِﺸــــﻠﻮﻝ؟؟؟؟ ﻣﻌــــﺄﻕ؟؟؟
ﺍﻟﺪﻛﺘــﻮﺭ ﻭﻫﻮ ﻳﺨﻔﻒ : ﻣﺒﺘﻮﺭﺓ ﺍﻋﻀﺎﺀﻙ ﻟﻜﻦ ﻣﻔﺎﺻﻠﻚ ﺳﻠﻴﻤﺔ ﻭﻟﻠﻪ
ﺍﻟﺤﻤﺪ .. ﺍﻧﺖ ﻣﺎ ﺗﻌﻄﻞ ﻓﻴﻚ ﻭﺗﻠﻒ ﺍﻫﻲ ﺍﻟﻌﻀﻼﺕ ﻭﺍﻻﻭﺭﺩﺓ ..
ﻭﻋﺸﺎﻥ ﺍﻧﻨﺎ ﻧﻮﻗﻒ ﺍﻟﻨﺰﻳﻒ ﺍﺿﻄﺮﻳﻨﺎ ﺍﻟﻰ ﺑﺘﺮ ﺍﻟﺴﺎﻕ ﻓﻲ ﺍﻟﻴﺴﺎﺭ ..
ﻭﺍﻟﻘﺪﻡ ﻓﻲ ﺍﻟﻴﻤﻴﻦ ...
ﻣﺴــﺎﻋﺪ ﺗﺎﻭﻩ ﻭﻳﺎﻟﻴﺘﻪ ﻣﺎ ﺗﺎﻭﻩ ﻻﻥ ﻣﻦ ﺑﻌﺪﻫﺎ ﻧﺎﺣﺖ ﺍﻣﻪ ..
ﻣﺮﻳﻢ ﻭﻫﻲ ﺑﺪﻣﻌﻬﺎ ﻋﻨﺪ ﺍﻟﺪﻛﺘﻮﺭ : ﺑﺲ ﻳﺎ ﺩﻛﺘﻮﺭ .. ﻳﻜﻔﻴﻪ ﺍﻟﻠﻲ ﻓﻴﻪ ..
ﻻ ﺗﺰﻳﺪ ﻋﻠﻴﻪ ..
ﺍﻟﺪﻛﺘﻮﺭ ﺑﻌﻘﻼﻧﻴﻪ : ﻳﺎ ﻣﺮﻳﻢ ﺑﺪﻝ ﻻ ﺗﺒﺠﻴﻦ ﻋﻠﻰ ﺍﺧﻮﺝ ﻻﺯﻡ ﺗﻴﺒﺒﻴﻦ ..
ﺻﺮﺍﺣﺔ ﺍﻧﺎ ﻣﺎﺩﺭﻱ ﺷﻘﻮﻝ ﻟﻜﻢ .. ﺑﺲ ﻳﺎ ﻣﺴـﺎﻋﺪ .. ﻫﺬﺍ ﺷﻲ ﺍﺷﺒﻪ
ﺑﺎﻟﺼﻔﺮ ﺑﺎﻟﻨﺴﺒﺔ ﻟﺤﺎﺩﺛﻚ ﺍﻟﺨﺸﻦ .. ﺻﺞ ﺍﻧﻬﺎ ﻧﺘﻴﺠﺔ ﻣﺄﺳﺎﻭﻳﺔ ﻟﻜﻦ
ﺍﻧﺖ ﺑﻌﺪﻙ ﺗﺘﻨﻔﺲ ..
ﻣﺴـــﺎﻋﺪ ﻭﻫﻮ ﻳﺴﻜﺮ ﻋﻴﻮﻧﻪ ﺑﺲ ﺑﺸﻜﻞ ﺍﺧﻒ ﻟﻜﻦ ﺍﻟﺪﻣﻊ ﻣﺎ ﺟﻒ ﻣﻦ
ﻋﻴﻨﻪ ..: ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﺍﻟﺪﻛﺘﻮﺭ ﻭﻫﻮ ﻳﻤﺴﻚ ﻳﺪﻩ ﺍﻟﻤﺸﺪﻭﺩﺓ : ﺍﻱ .. ﺍﻱ ﺍﺫﻛﺮ ﺭﺑﻚ ﻳﺎ ﺧﻮﻱ ..
ﺍﻟﺪﻧﻴﺎ ﺑﻌﺪﻫﺎ ﺑﺨﻴــﺮ .. ﻭﺑﻌﺪﻙ ﻋﻠﻰ ﻫﺎﻟﺪﻧﻴﺎ .. ﻭﻫﺬﻱ ﻧﻌﻤﺔ ﻣﻦ ﺭﺑﻚ ..
ﻗﻮﻝ ﺍﻟﺤﻤﺪ ﻟﻠﻪ
ﻣﺴــﺎﻋﺪ ﻭﻫﻮ ﻳﺤﺎﻭﻝ ﻳﺘﺨﻴﻞ ﻧﻔﺴﻪ ﺑﻼ ﺭﻳﻞ .. ﻭﻛﻞ ﻣﺎ ﺗﺨﻴﻞ ﺗﺬﻭﺏ
ﻣﻬﺠﺔ ﻣﻦ ﻣﻬﺠﺎﺗﻪ ...: ﺍﻟﺤﻢ .... ﺍﻟﺤﻤـــﺪ ﻟﻠـــ ﻟﻠﻪ .. ﺍﻟﺤﻤﺪ ﻟﻠﻪ ...
ﺍﻟﺤﻤﺪ ﻟﻠﻪ
ﺍﺧﺬ ﻧﻔﺲ ﻋﻤﻴﻖ ﻭﻏﻄﻰ ﻭﻳﻬﻪ ﺑﻴﺪﻳﻨﻪ ﻭﻫﻮ ﻳﻤﺴﺢ ﺍﻟﺒﻠﻞ ﺍﻟﻠﻲ ﻏﻄﻰ
ﻭﻳﻬﻪ ﺑﺸﻜﻞ ﺑﺴﻴﻂ .. ﻣﺴﺢ ﺧﺸﻤﻪ ﻭﻫﻮ ﻳﺤﺎﻭﻝ ﻳﺘﻨﺎﺳﻰ ﺍﻟﺤﺮﺍﺭﺓ
ﺍﻟﻌﻈﻴﻤﺔ ﺍﻟﻠﻲ ﺍﻛﺘﺴﺤﺖ ﻭﻳﻬﻪ ﻣﻦ ﺍﻟﺼﺪﻣﺔ .. ﺣﺎﻭﻝ ﺍﻧﻪ ﻳﺘﻤﺎﺳﻚ ﺑﺲ
ﻣﺎﻗﺪﺭ ﺍﻻ ﺍﻧﻪ ﻳﻼﻗﻲ ﻓﺎﺗﻦ ﺑﻌﻴﻮﻧﻪ .. ﻣﺮﺭ ﻧﻈﺮﻩ ﻋﻠﻰ ﺍﻟﻤﻮﺟﻮﺩﻳﻦ ..
ﺣﺘﻰ ﻣﺮﻳﻢ ﻣﺎ ﻛﺎﻧﺖ ﺗﻘﺪﺭ ﺍﻧﻬﺎ ﺗﺮﺿﻴﻪ ﺑﻮﺟﻮﺩﻫﺎ .. ﺍﻫﻲ ﺍﻟﻤﻬﻤﺔ ﻓﻠﻴﺶ
ﺍﻫﻲ ﺍﻟﻮﺣﻴﺪﺓ ﺍﻟﺒﻌﻴﺪﺓ .. ؟؟؟ ﻟﻴﺶ؟؟؟
ﻣﺴـﺎﻋﺪ ﺑﺼﻮﺕ ﻫﺎﻣﺲ ..: ﺍﺑﻲ ﺍﻛﻮﻥ ﺑﺮﻭﺣﻲ ....
ﺍﻟﺪﻛﺘﻮﺭ ﻭﻫﻮ ﻳﻘﺘﺮﺏ ﻣﻨﻪ : ﻧﻌﻢ؟؟
ﻣﺴــﺎﻋﺪ ﻭﻫﻮ ﻳﺴﻮﻱ ﻣﻼﻣﺤﻪ ﻭﻳﺘﻜﻠﻢ ﺑﺼﻮﺕ ﻣﺮﺗﺠﻒ ﻭﻟﻜﻦ
ﻣﺴﻤﻮﻉ : ﺍﺑﻲ ﺍﻛﻮﻥ ﺑﺮﻭﺣﻲ .. ﺧﻠﻮﻧﻲ ﻟﺤﺎﻟﻲ .. ﺍﺑﻲ ﺍﻛﻮﻥ ﺑﺮﻭﺣﻲ ...
ﺍﻡ ﻣﺴـﺎﻋﺪ : ﻳﻤﺔ ﻻ ﺗﺴﻜﺮ ﺍﻟﺪﻧﻴﺎ ﺑﻮﻳﻬﻚ .. ﺍﻧﺖ ﺑﻌﺪﻙ ﺷﺒﺎﺏ ..
ﻣﺮﻳﻢ ﻋﻠﻰ ﻃﻮﻝ ﺍﺳﺘﺠﺎﺑﺖ ﻻﺧﻮﻫﺎ ﻭﺣﻤﻠﺖ ﻟﺆﻱ ﻋﻠﻰ ﺍﻧﻪ ﻳﻄﻠﻊ
ﻭﻳﺎﻫﺎ ﻣﻦ ﺍﻟﻐﺮﻓﺔ : ﻳﺎﻟﻠﻪ ﻟﺆﻱ .. ﺧﻠﻨﺎ ﻧﻄﻠﻊ .. ﻳﻤﺔ .. ﺧﻠﻴﻨﺎ ﻧﻄﻠﻊ ..
ﺍﻡ ﻣﺴـﺎﻋﺪ ﺗﻜﻠﻢ ﻭﻟﺪﻫﺎ ﻭﻗﻠﺒﻬﺎ ﺫﺍﻳﺐ : ﻳﻤﺔ ﺍﻧﺖ ﺛﻤﻦ ﻋﻤﺮﻱ ﺍﻟﻠﻲ
ﻣﺎﺑﻴﻪ ﻳﺮﻭﺡ .. ﻻ ﺗﺒﻌﺪﻧﻲ ﻋﻨﻚ ﻳﺎ ﻭﻟﻴﺪﻱ ..
ﻭﻣﺴﺎﻋﺪ ﻣﻨﻬﺪ ﺣﻴﻠﻪ ﻣﻦ ﺍﻟﻠﻲ ﺗﻮﻩ ﺳﻤﻌﻪ ﻣﺎ ﻗﺪﺭ ﺍﻧﻪ ﻳﺴﻤﻊ ﻛﻼﻡ
ﺍﻣﻪ ﺍﻛﺜﺮ ﻓﺤﺎﻭﻝ ﺍﻧﻪ ﻳﺒﺘﺴﻢ ﺑﻘﺘﻞ ﺍﻟﺮﻭﺡ : ﻳﻤﺔ .. ﻣﺎﻓﻴﻨﻲ ﺷﻲ ﺑﺲ ..
ﺧﻠﻴﻨﻲ ﺑﺮﻭﺣﻲ ﻭﺍﻟﻠﻲ ﻳﺴﻠﻤﺞ .. ﻭﺑﻨﺎﺩﻳﺞ ﺑﻌﺪ ﺷﻮﻱ .. ﺧﻠﻴﻨﻲ ﺑﺲ ....
ﺍﻡ ﻣﺴﺎﻋﺪ : ﻳﻤﺔ ﺍﺧﻠﻴﻚ ﻭﻳﻦ ﺍﺭﻭﺡ؟؟ ﻭﻳﻦ ﺍﻗﻂ ﺑﺮﺍﺳﻲ ..؟؟ ﻳﻤﺔ
ﺗﺪﺭﻳﺒﻲ ﺭﻭﺣﻲ ﻭﻭﻟﻌﻲ ﺑﻚ .. ﻻ ﺗﺒﻌﺪﻧﻲ ﻋﻨﻚ .. ﺣﻤﻠﺘﻚ ﺗﺴﻊ ﺷﻬﻮﺭ ﻣﺎ
ﺗﻈﻦ ﺍﻧﻲ ﺍﻗﺪﺭ ﺍﺣﻤﻞ ﻫﻤﻚ ﻳﺎ ﻳﻤﺔ ﺍﻟﻌﻤﺮ ﻛﻠﻪ ..
ﺳﻜﺖ ﻣﺴـﺎﻋﺪ ﻭﺧﺎﺭﺕ ﻗﻮﺍﻩ ﻭﺳﻜﺮ ﻋﻴﻮﻧﻪ ﻭﻫﻮ ﻳﺮﻳﺢ ﺭﺍﺳﻪ ﻭﻫﺪ
ﻟﻨﻔﺴﻪ ﺍﻟﻌﻨﺎﻥ ﺑﺎﻧﻪ ﻳﺒﺠﻲ ... ﻣﺎﻳﺪﺭﻱ ﻟﻴﺶ ﻗﺎﻋﺪ ﻳﺒﺠﻲ .. ﻭﻻﻭﻝ ﻣﺮﺓ
ﻳﺒﺠﻲ ﻋﻠﻰ ﺧﻴﺒﺔ ﺍﻣﻞ ﺑﺤﻴـﺎﺗﻪ .. ﻣﻊ ﺍﻧﻬﺎ ﻣﻠﻴﺎﻧﺔ ﺑﺎﻟﺨﻴﺒﺎﺕ .. ﻟﻜﻦ
ﻛﻼﻡ ﺍﻣﻪ ﻛﺎﻥ ﻣﻦ ﺍﻻﻟﻢ ﺍﻟﻲ ﺧﻼﻩ ﻳﻬﺪ ﻧﺼﻒ ﺍﻟﻠﻲ ﺣﺎﻭﻝ ﻳﺒﻨﻴﻪ ﻓﻲ
ﻫﺎﻟﻠﺤﻈﺎﺕ ﻣﻦ ﺍﻟﺼﺒﺮ ﻭﺍﻟﻬﺪﻭﺀ .. ﻭﻣﺮﻳﻢ ﺍﻟﻠﻲ ﻣﺎ ﻃﺎﻗﺖ ﺣﺎﻝ ﺍﺧﻮﻫﺎ
ﺭﺍﺣﺖ ﻻﻣﻬﺎ ﺗﻮﻧﺴﻬﺎ ﺑﺎﻟﻬﺪﺍﻱ ..
ﻣﺮﻳﻢ : ﻳﻤﺔ .. ﻭﻻﻟﻲ ﻳﺴﻠﻢ ﻋﻤﺮﺝ .. ﺧﻠﻴﻪ ﺑﺮﻭﺣﻪ .. ﻟﺒﻲ ﻟﻪ ﻫﺎﻟﺸﻲ ..
ﺧﻠﻴﻪ ﻭﺍﻧﺎ ﺑﻘﻌﺪ ﻭﻳﺎﺝ ﺑﺮﻉ .. ﺑﻨﻨﺘﻈﺮﻩ ﻟﻤﻦ ﺍﻫﻮ ﻳﻨﺎﺩﻳﻨﺎ ..
ﺍﻡ ﻣﺴـﺎﻋﺪ ﺗﻨﺎﻇﺮ ﺑﻨﺘﻬﺎ ﻭﺗﻬﻤﺲ ﻟﻬﺎ ﺑﻜﺮﻩ : ﻛﻠﻪ ﻣﻦ ﺗﺤﺖ ﺭﺍﺳﻬﺎ .. ﺍﻟﻠﻪ
ﻻ ﻳﻮﻓﺠﻬﺎ ﻣﺤﻞ ﻣﺎ ﺣﻄﺖ ﺑﺮﻳﻠﻬﺎ .. ﺍﻟﻠﻪ ﻻ ﻳﻮﻓﺠﻬﺎ ﺍﻟﻠﻲ ﻳﺎﺑﺖ ﻟﻮﻟﺪﻱ
ﺍﻟﺴﻘﻢ .. ﺍﻟﻠﻪ ﻻ ﻳﻮﻓﺠﻬﺎ ... ﻭﻳﺤﺮ ﻗﻠﺐ ﺍﻣﻬﺎ ﻋﻠﻴﻬﺎ ﻣﺜﻞ ﻣﺎ ﺣﺮﺕ
ﻗﻠﺒﻲ ﻋﻠﻰ ﻭﻟﺪﻱ ..
ﻣﻦ ﻓﻈﺎﻋﺔ ﻛﻠﻤﺎﺕ ﺍﻡ ﻣﺴﺎﻋﺪ ﻣﺮﻳﻢ ﺍﺑﺘﻌﺪﺕ ﻋﻨﻬﺎ ﻭﻛﺎﻧﻬﺎ ﻭﺍﻗﻔﺔ ﻳﻢ
ﻛﺘﻠﺔ ﻣﻦ ﺍﻟﻤﺸﺎﻋﺮ ﺍﻟﺴﻠﺒﻴﺔ ﻭﻣﺎ ﺗﻤﻨﺖ ﺑﺬﻳﺞ ﺍﻟﻠﺤﻈﺔ ﺍﻥ ﻫﺎﻟﻜﺘﻠﺔ ﺍﻟﻠﻲ
ﻛﺎﻧﺖ ﻓﻲ ﻳﻮﻡ ﻛﻠﻬﺎ ﺣﻨﺎﻥ ﻭﺑﻬﺎﻟﻠﺤﻈﺔ ﻛﺘﻠﺔ ﻣﻦ ﺍﻟﻘﺴﺎﻭﺓ ﺍﻧﻬﺎ ﺗﻜﻮﻥ
ﺍﻣﻬﺎ .. ﻟﻤﺖ ﻳﺪﻳﻨﻬﺎ ﻣﺮﻳﻢ ﻭﺿﺮﺑﺖ ﻓﻲ ﺍﺧﻮﻫﺎ ﺍﻟﻠﻲ ﻛﺎﻥ ﻭﺍﻗﻒ
ﻭﺭﺍﻫﺎ .. ﺍﻟﻠﻲ ﻫﻮ ﺍﻟﺜﺎﻧﻲ ﺣﺲ ﺍﻥ ﺍﻣﻪ ﻧﻄﻘﺖ ﺑﺸﻲ ﺳﺎﻡ .. ﻣﻦ ﺟﺬﻱ
ﻣﺮﻳﻢ ﺗﺼﻠﺒﺖ .. ﻣﺴﻚ ﻣﺮﻳﻢ ﻭﺣﺎﻭﻝ ﺍﻧﻪ ﻳﻄﻠﻌﻬﺎ ﻭﻳﺎﻩ .. ﻭﻟﻜﻦ ﻋﻴﻮﻥ
ﻣﺮﻳﻢ ﻛﺎﻧﺖ ﺑﺎﺳﻒ ﻣﻮﺟﻬﻪ ﻋﻠﻰ ﺍﻣﻬﺎ ﺍﻟﻠﻲ ﻛﺎﻧﺖ ﻻﻣﻪ ﺍﺧﺘﻬﺎ ﺍﻟﺜﺎﻧﻴﺔ
ﻭﻳﺎ ﺯﻭﺟﻬﺎ .. ﻭﻛﻠﻬﺎ ﺩﻗﻴﻘﺘﻴﻦ .. ﻭﻳﻄﻠﻊ ﺍﻟﻜﻞ ﻣﻦ ﺍﻟﻐﺮﻓﺔ ...
ﻭﺳﺎﻭﺱ ..؟؟ ﺷﻴﺎﻃﻴﻦ؟؟ ﻋﺠﺰ؟؟ ﻗﻠﺔ ﺣﻴــﻠﺔ ... ﻳﻤﻜﻦ ﻳﻜﻮﻥ ﻛﻞ
ﺷﻲ .. ﻭﻳﻤﻜﻦ ﻳﻜﻮﻥ ﻭﻻ ﺷﻲ .. ﻟﺮﺟﻞ ﻗﺒﻞ ﻟﺤﻈﺎﺕ ﻣﻦ ﺍﻟﻠﻲ ﻳﻘﺪﺭ
ﻳﺘﺬﻛﺮﻫﻢ ﻛﺎﻥ ﻗﺎﺩﺭ ﻋﻠﻰ ﻛﻞ ﺷﻲ ﻭﻣﻨﻬﺎ ﺍﻟﻮﻗﻮﻑ .. ﻭﻟﻜﻦ ﺍﻟﺤﻴــﻦ ..
ﻋﺎﺟﺰ ﻭﻣﻌﺎﻕ ﻭﻣﺸﻮﻩ .. ﻳﺎﻟﻠﻪ .. ﻓﻲ ﻋﻘﺎﺏ ﺍﻛﺒﺮ ﻣﻦ ﻫﺬﺍ ...؟؟
ﻳﻤﻜﻦ ﺣﺘﻰ ﺍﺧﺘﻔﺎﺀ ﻓﺎﺗﻦ ﻟﺤﺪ ﻫﺬﻱ ﺍﻟﻠﺤﻈﺔ ﻭﻏﻴﺎﺏ ﺍﺧﺒﺎﺭﻫﺎ ﻭﺍﺳﺎﻟﺘﻪ
ﺍﻟﻠﻲ ﺗﺮﻛﻮﻫﺎ ﺑﻼ ﺍﺟﺎﺑﺎﺕ ﻳﻌﺎﺩﻝ ﻧﺼﻒ ﻫﺎﻟﻤﻌﺎﻧﺎﺓ .... ﻓﺘﺢ ﻋﻴﻮﻧﻪ ﻭﻫﻮ
ﻳﺤﺎﻭﻝ ﺍﻧﻪ ﻳﺮﺟﻊ ﻧﻔﺴﻪ ﻣﻦ ﺍﻟﻜﺎﺑﻮﺱ ﻟﻠﻲ ﻋﺎﺷﻪ ﻟﻠﺘﻮ؟؟ ﻣﻮ ﻣﻌﻘﻮﻝ ..
ﺍﻧﺎ .. ﺍﻟﻠﻲ ﻛﻨﺖ ﻓﻲ ﻳﻮﻡ ... ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ .. ﻻ ﺣﻮﻝ ﻭﻻ
ﻗﻮﺓ ﺍﻻ ﺑﺎﻟﻠﻪ .. ﻇﻦ ﺍﻧﻪ ﻣﺮﺗﺎﺡ ﻋﻠﻰ ﺍﻟﺴﺮﻳﺮ .. ﻟﻜﻦ ﻟﻴﺶ ﻳﺤﺲ
ﺑﺎﻟﺘﻜﺒﻴﻞ ..؟؟ ﻛﻞ ﻃﺮﻑ ﻭﻛﻞ ﺟﻬﺔ ﻣﻜﺒﻠﺔ ﺷﻲ ﻣﻦ ﻣﺸﺎﻋﺮﻩ ..
ﺍﻟﻐﻀﺐ .. ﻭﺍﻟﻘﻬﺮ .. ﻭﺍﻟﺤﺰﻥ .. ﻭﺍﻻﺳﻰ ﻋﻠﻰ ﺣﺎﻟﻪ .. ﻣﺎﻛﻮ ﻭﺍﺣﺪ ﻣﺜﻠﻲ
ﺑﻬﺎﻟﺪﻧﻴﺎ؟ ﻭﺍﻥ ﺟﺎﻥ ﻓﻲ .. ﻣﺎﻇﻦ ﻧﻔﺴﻲ .. ﻣﻌﺎﻕ .. ﻣﻌﺎﻕ ..
ﻇﻠﺖ ﺍﻟﻜﻠﻤﺔ ﺗﺪﻭﺭ ﻓﻲ ﺑﺎﻟﻪ ﻣﺜﻞ ﺍﻟﻄﺎﺣﻮﻧﺔ .. ﻭﺑﻨﻔﺲ ﺍﻟﻄﺮﻳﻘﺔ ﻣﺮﺕ
ﺍﻷﻻﻡ ﺍﻻ ﺍﻧﻬﺎ ﻛﺎﻧﺖ ﺗﻄﺤﻦ ﺷﻲ ﺑﺪﺍﺧﻠﻬﺎ .. ﻭﻓﺎﺗﻦ؟؟ ﻛﻞ ﺍﻻﺣﻘﺎﺩ
ﻭﺍﻟﻐﻀﺐ ﻭﺍﻟﻌﻨﻒ ﺗﻮﺟﻪ ﺻﻮﺑﻬﺎ .. ﻭﻳﻨﺞ ﻳﺎ ﻓﺎﺗﻦ؟؟ ﻟﻜﻦ ﺍﻧﺘﻲ ﺷﻨﻮ
ﺑﺤﻴﺎﺗﻲ ﻟﻮ ﻳﻴﺖ ﺃﺳﺎﻝ ﻧﻔﺴﻲ ﺻﺢ .. ﺍﻧﺘﻲ ﺷﻨﻮ ﺑﺤﻴﺎﺗﻲ .. ﻏﻴﺮ ﺑﺎﺏ
ﻟﻸﻻﻡ ﻭﺍﻻﺣﺰﺍﻥ ﻭﺍﻟﺠﺮﺍﺡ .. ﻭﺟﺮﺡ ﻣﻔﺘﻮﺡ ﻣﺎ ﻳﻨﺪﻣﻞ .. ﻣﺜﻠﺞ ﻣﺜﻞ
ﻋﻤﺘﺞ .. ﺭﺍﺣﺖ ﻭﺧﻠﺘﻨﻲ ﺑﻌﺪ ﻣﺎ ﻛﻨﺖ ﻣﺘﻴﻢ ﻟﺤﺪ ﺍﻟﺠﻨﻮﻥ ﺑﻬﺎ .. ﻛﻞ
ﺷﻲ ﺍﻧﺎ ﺻﺮﺕ ﻋﻠﻴﻪ ﺍﻟﻴﻮﻡ .. ﻳﺮﺟﻊ ﻟﻬﺎ .. ﻭﻳﻴﺘﻲ ﺍﻧﺘﻲ .. ﻭﺑﻜﺒﺮ ﺳﻨﻲ
ﺧﻠﻴﺘﻴﻨﻲ ﻣﺜﻞ ﺍﻟﻄﺎﻳﺶ ﺍﻟﻠﻲ ﻋﻤﺮﻩ 16 ﺳﻨﺔ .. ﻗﺪ ﻣﺎ ﺣﺒﻴﺘﺞ .. ﻭﺩﻱ
ﺍﻟﺤﻴﻦ ﻟﻮ ﺍﻧﻲ ﺍﻣﻮﺗﺞ ﻋﻠﻰ ﻳﺪﻳﻨﻲ ...
ﺑﻬﻤﺲ ﻗﺎﺗﻞ ﻭﺑﻌﻴﻦ ﺩﺍﻣﻌﺔ ﻧﻄﻖ ﺍﺳﻤﻬﺎ ﻣﻦ ﺑﻴﻦ ﻗﻀﺒﺎﻥ ﻋﺎﺟﻴﺔ ..:
ﻓﺎﺗﻦ ... ﻓﺎﺗﻨـ ... ﻓﺎﺗـــﻦ ..
------------------------------
ﻣﺮﺕ ﺍﻻﻳﺎﻡ .. ﻭﺍﻟﺤﺎﻝ ﻣﺎ ﺗﻐﻴــﺮ .. ﺍﻻ ﺑﺮﺟﻮﻉ ﻣﺴـﺎﻋﺪ ﺍﻟﻰ ﺍﻟﺪﻧﻴﺎ
ﻭﺗﻘﻬﻘﺮ ﺍﻟﻘﻮﻯ ﺍﻟﻜﺒﻴـﺮﺓ .. ﻛﺎﻥ ﻋﺎﻛﻒ ﻋﻦ ﻛﻞ ﺍﻻﻧﺸﻄﺔ .. ﻭﻛﺎﻥ ﻭﺟﻮﺩﻩ
ﺑﺎﻟﻤﺴﺘﺸﻔﻰ ﺗﺤﺖ ﺍﻻﺧﺘﺒﺎﺭ ﻓﻘﻂ ﻻ ﻏﻴﺮ .. ﻭﻫﺎﻻﺧﺘﺒﺎﺭ ﺑﻌﺪﻩ ﻣﺎ ﺻﺎﺭ
ﻻﻧﻪ ﻳﺮﻓﺾ ﺭﻓﺾ ﻗﺎﻃﻊ ﺍﻧﻪ ﻳﻠﺒﺲ ﺍﻻﻋﻀﺎﺍﺀ ﺍﻻﺻﻄﻨﺎﻋﻴﺔ ﻭﻣﺮﻳﻢ ﻣﺎ
ﻗﺪﺭﺕ ﺍﻧﻬﺎ ﺗﻘﻌﺪ ﻣﻌﺎﻩ ﺧﻤﺲ ﺩﻗﺎﻳﻖ ﻋﻠﻰ ﺑﻌﺾ ... ﺣﺘﻰ ﻟﻮﻗﻌﺪﺕ ..
ﻣﺎ ﺭﺍﺡ ﺗﻼﻗﻲ ﺍﻻ ﺍﻟﺼﻤﺖ ﻭﺍﻟﻬﺪﻭﺀ ﻭﺍﻟﻔﺮﺍﻍ .. ﻣﻦ ﺑﻌﺪ ﻣﺎ ﻛﺎﻥ ﻗﻤﺔ
ﻓﻲ ﺍﻟﺤﻴﻮﻳﺔ ﻭﺍﻻﻧﺸﻐﺎﻝ .. ﺻﺎﺭ ﻣﺴﺎﻋﺪ ﺗﻤﺜﺎﻝ ﻣﻦ ﺍﻟﻌﺼﻮﺭ ﺍﻟﺤﺪﻳﺜﺔ ..
ﻣﺎﻗﺪﺭﺕ ﺍﻧﻬﺎ ﺗﻔﺘﺢ ﻣﻌﺎﻩ ﻣﻮﺿﻮﻉ .. ﻛﻞ ﺍﻟﻠﻲ ﺗﻘﺪﺭ ﺗﺴﻮﻳﻪ ﻟﻤﻦ
ﻳﻼﻗﻴﻬﺎ ﺑﻌﻴﻨﻪ ﺍﻻﺑﺘﺴﺎﻡ ﺍﻟﻠﻲ ﻛﺎﻥ ﻳﺠﺎﺑﻠﻬﺎ ﺑﻨﻈﺮﺍﺕ ﻣﺘﺴﺎﺋﻠﺔ .. ﻟﻜﻦ
ﻳﺮﺩ ﻳﻤﺴﺢ ﻭﻳﻬﻪ ﺑﻴﺪﻳﻨﻪ ﺍﻟﻌﺮﻳﻀﺘﻴﻦ ﻭﻳﺬﻛﺮ ﺍﺳﻢ ﺍﻟﻠﻪ ﻓﻲ ﻧﻌﻴﻢ ﻭﻛﺎﻧﻪ
ﺩﻭﻯ ﻗﺎﺗﻞ ﻟﻼﻻﻡ .. ﻭﻫﻮ ﻣﺪﻣﻦ ﻋﻠﻴﻪ .. ﻭﻛﺎﻥ ﺍﺳﻢ ﺍﻟﻠﻪ ﺍﻫﻮ ﺍﻟﻠﺠﺎﻡ
ﺍﻟﻮﺣﻴﺪ ﻟﻠﻘﻬﺮ ﺍﻟﻠﻲ ﻳﺤﺎﻭﻝ ﻳﺘﻐﻠﻐﻞ ﻓﻴﻪ ..
ﻭﻟﻜﻦ ﻓﻲ ﻳﻮﻡ .. ﻣﺮﺕ ﺍﻻﺣﺪﺍﺙ ﻓﻴﻪ ﺑﺴـﺮﻋﺔ ﺍﻟﻐﻴﻮﻡ ﻓﻲ ﻧﻬﺎﺭ
ﺧﺮﻳﻔﻲ .. ﺗﻌﻠﻦ ﻋﻦ ﻗﺪﻭﻡ ﺭﻳﺎﺡ ﻭﺍﻣﻄﺎﺭ .. ﻣﻦ ﺍﻟﺪﻣﻊ ﺍﻭ ﻣﻦ
ﺍﻟﻌﻮﺍﺻﻒ .. ﻣﻦ ﺍﻟﺮﺍﺣﺔ ﺍﻭ ﺍﻟﻌﺬﺍﺏ .. ﻭﻟﻜﻦ ﺍﻟﻠﻲ ﻓﻴﻬﺎ ﺭﺍﺡ ﻳﻜﻮﻥ
ﺍﻟﻔﻴﺼـﻞ ﻟﻤﻌﻈﻢ ﺍﻻﻣﻮﺭ ..
ﺑﺪﻯ ﻫﺎﻟﻴﻮﻡ ﻓﻲ ﺍﻟﻮﺭﺷﺔ .. ﺍﻭ ﺑﺎﻻﺣﺮﻯ ﺍﻟﻤﻜﺘﺐ ﺍﻟﺮﺋﻴﺴﻲ ﻟﺘﺠﺎﺭﺓ
ﺟﺮﺍﺡ ﻭﻳﺎ ﺍﻟﺸﺒﺎﺏ .. ﻛﺎﻥ ﻟﺆﻱ ﻗﺎﻋﺪ ﻓﻲ ﺍﻟﻤﻜﺘﺐ ﻭﻫﻮ ﺣﺎﻣﻞ ﻗﻄﻌﺔ
ﺧﺸﺐ ﻣﺤﻔﻮﺭﺓ ﺑﻌﻨﺎﻳﺔ .. ﺗﻌﺘﺒﺮ ﻛﺴﺎﻣﺒﻞ ﻳﻘﺪﻣﻮﻧﻪ ﻟﻨﻮﻉ ﻣﻦ ﺍﻧﻮﺍﻉ
ﺍﻟﻨﺠﺎﺭﺓ ﺍﻟﻠﻲ ﻳﺘﺨﺼﺼﻮﻥ ﻓﻴﻬﺎ .. ﻛﺎﻥ ﻳﻨﺎﻇﺮ ﺍﻟﻀﻮﺀ ﺍﻟﻠﻲ ﻳﺘﺨﻠﻞ
ﻫﺬﻱ ﺍﻟﺤﻔﺮ ﺍﻟﺼﻐﻴﺮﺓ .. ﻛﻴﻒ ﺍﻥ ﻫﺎﻟﺤﻔﺮ ﻋﻠﻰ ﺍﻟﺮﻏﻢ ﻣﻦ ﺻﻐﺮﻫﺎ ﺍﻻ
ﺍﻥ ﻳﺘﺨﻠﻠﻬﺎ ﻧﻮﻭﻭﺭ ﻭﺷﻌﺎﻉ ﻃﻮﻳﻞ ﻳﻤﺘﺪ ﺍﻟﻰ ﺍﻻﺭﺽ ﻭﻳﻜﺴﺮ ﺍﻻﺭﺽ
ﻭﻳﺘﺨﻠﻠﻬﺎ .. ﺍﺑﺘﺴﻢ ﻟﺆﻱ ﺑﺤﺰﻥ .. ﻭﻫﻮ ﻳﺤﺲ ﻛﻴﻒ ﺍﻥ ﻫﺎﻟﻨﻮﺭ ﻗﺎﻋﺪ
ﻳﻀﻴﻊ ﻣﻦ ﺣﻴﺎﺗﻬﻢ .. ﻣﺎ ﻋﺎﺩﺕ ﺳﺎﻛﻨﺔ .. ﻻ ﻗﺒﻞ ﻣﺎ ﻳﺼﺤﻰ ﻣﺴﺎﻋﺪ
ﻭﻻ ﺍﻟﺤﻴﻦ .. ﻇﻦ ﺍﻧﻪ ﺭﺍﺡ ﻳﺮﺟﻊ ﻟﻪ ﺍﺧﻮﻩ ﻣﻦ ﺑﻌﺪ ﻭﻋﻴﻪ ﻟﻜﻦ .. ﺧﺴﺮﻩ
ﺍﻛﺜﺮ ﻭﺍﻛﺜﺮ .. ﻻﻥ ﻭﺟﻮﺩ ﻣﺴﺎﻋﺪ ﺑﻬﺎﻟﻠﺤﻈﺔ ﻳﺜﻴﺮ ﺍﻻﺣﺰﺍﻥ ﺍﻛﺜﺮ ﻣﻦ
ﻗﺒﻞ .. ﻓﻬﻮ ﻭﺍﻋﻲ .. ﻭﻳﺴﻤﻊ ﻭﻳﺘﻨﻔﺲ ﻭﻣﻔﺘﺢ ﻋﻴﻮﻧﻪ .. ﻟﻜﻦ ﻓﻜﺮﻩ ﻣﻮ
ﻓﻲ ﻫﺎﻟﺪﻧﻴﺎ .. ﻓﻜﺮﻩ ﻓﻲ ﻣﻜﺎﻥ ﺛﺎﻧﻲ .. ﻓﻲ ﻋﺠﺰﻩ ﺍﻟﻠﻲ ﻟﻼﺳﻒ
ﺍﻟﺸﺪﻳﺪ ﺧﻴﺐ ﺍﻣﺎﻝ ﺍﻟﻜﻞ .. ﻛﻠﻬﻢ ﻇﻨﻮﺍ ﺍﻥ ﻣﺴﺎﻋﺪ ﺭﺍﺡ ﻳﻘﻮﻡ ﻣﻦ
ﻫﺎﻟﻤﺸﻜﻠﺔ ﺑﻘﻮﺓ .. ﺍﻻ ﺍﻥ ﻣﺴﺎﻋﺪ ﺍﻻﺷﺒﻪ ﺑﺎﻟﺼﺨﺮﺓ ﺍﻟﻠﻲ ﻳﺮﻛﺰﻭﻥ
ﻋﻠﻴﻬﺎ .. ﺑﻴﻦ ﻟﻬﻢ ﺍﻧﻪ ﻣﺠﺮﺩ ﺍﻧﺴﺎﻥ .. ﻋﺎﻃﻔﻲ ﻭﺣﺴﺎﺱ ﻭﻟﻪ ﻣﻦ
ﻋﻈﻴﻢ ﺍﻟﻤﺸﺎﻋﺮ ﺍﻟﻠﻲ ﻳﻤﻜﻦ ﺗﺠﻤﺪ ﺍﻟﺪﻡ .. ﻻﻧﻪ ﺑﺲ ﻋﻈﻴـﻢ .. ﻭﻻﻧﻪ ..
ﻗﻠﻴﻞ ﺍﻟﺤﻆ ..
ﺩﺧﻞ ﺟﺮﺍﺡ ﺍﻟﻠﻲ ﻛﺎﻥ ﻣﺸﻐﻮﻝ ﻭﻣﺰﺣﻮﻡ ﻻﻥ ﺍﻻﺷﻐﺎﻝ ﺑﺪﺕ ﺗﻜﺜﺮ
ﻭﺍﻟﻈﺎﻫﺮ ﺍﻧﻬﻢ ﻻﺯﻡ ﻳﻮﻇﻔﻮﻥ ﻧﺎﺱ ﺍﻛﺜﺮ .. ﻻﻥ ﻏﺼﻮﻥ ﺣﺎﻣﻞ ﻭﻣﺎ
ﺗﻘﺪﺭ ﺗﺤﻈﺮ ﻣﻌﻈﻢ ﺍﻻﻳﺎﻡ .. ﺩﺧﻞ ﻭﺍﻟﻘﻠﻢ ﻋﻨﺪ ﺍﺫﻧﻪ ﻳﺴﺤﺒﻪ ﻭﻳﺮﻭﺡ
ﻋﻨﺪ ﻣﻜﺘﺒﻪ ﺍﻻ ﻳﺘﻔﺎﺟﺂ ﺑﻠﻮﻱ ﺍﻟﻠﻲ ﻛﺎﻥ ﻳﻈﻨﻪ ﻣﺎ ﺣﻈﺮ ﺍﻟﺸﻐﻞ ..
ﺟﺮﺍﺡ ﺑﺼﺪﻣﺔ : ﻟﺆﻱ؟؟ ﻫﺬﺍ ﻭﺍﻧﺖ ﻫﻨﻲ؟؟ ﻭﻳﻨﻚ ﻭﺍﻟﻠﻪ ﺫﺑﺖ ﺍﻧﺎ ﺍﻟﻴﻮﻡ
ﺍﻟﺠﻮﻭ ﺣﺎﺭ ﻭﻣﺎﻗﺪﺭﺕ ﺍﻇﻞ ﺍﻛﺜﺮ ﻫﻨﺎﻙ ﺑﺎﻟﻮﺭﺷﺔ ...
ﻟﺆﻱ ﻭﻫﻮ ﻳﻠﻮﺡ ﺑﺎﻟﺨﺸﺒﻪ ﺑﺎﻟﻀﻮﺀ ﻭﻛﺎﻧﻬﺎ ﻣﻀﺮﺏ ﺑﻴﺴﺒﻮﻝ ..: ﻣﺎﻟﻲ
ﺧﻠﻖ ..
ﺟﺮﺍﺡ ﻭﻫﻮ ﻳﻜﺴﺮ ﺣﺎﺟﺒﻴﻨﻪ ﻣﻦ ﺍﻟﺘﻌﺐ : ﻱ .. ﻭﻳﻦ ﻟﻚ ﺧﻠﻖ .. ﺧﻼﺹ
ﺗﻌﻮﺩﺕ ﻋﻠﻰ ﺍﻟﺮﻛﺎﺩﺓ .. ﻭﻳﻨﻬﺎ ﻟﺆﻳﺔ ﺍﻟﻠﻲ ﻛﺎﻧﺖ ﺗﺸﻴﻞ ﺍﻟﻤﻜﺎﻥ ﻋﻠﻰ
ﺭﺍﺳﻬﺎ .. ﺭﺍﺣﺖ ﺧﻼﺹ .. ﺑﺤﺤﺤﺤﺤﺢ .. ﻳﺎ ﺑﻌﺪ ﺟﺒﺪﻱ ﻳﺎ ﻟﺆﻳﻪ
ﻟﺆﻱ ﻟﻠﻲ ﻛﺎﻧﻪ ﺍﺳﺘﺮﺩ ﺭﻭﺡ ﺍﻟﻤﺮﺡ ﺍﻟﻠﻲ ﻓﻴﻪ :.. ﺍﻧﺖ ﺗﻌﺮﻑ ﺷﻠﻮﻥ
ﺗﺮﺩﻫﺎ .. ﺷﻮﻳﺔ ﺩﻟﻊ .. ﻭﺷﻮﻳﺔ ﺩﻻﻝ ..
ﺟﺮﺍﺡ ﻭﻫﻮ ﻓﺎﺝ ﻋﻴﻨﻪ : ﺍﺳﺘﺢ ﻋﻠﻰ ﻭﻳﻬﻚ ﺷﺰﻭﺩ ﺩﻟﻊ ﻭﺩﻻﻝ ﺑﻌﺪ
ﻭﺍﻧﺖ ﻣﻦ ﺛﻤﺎﻥ ﺷﻬﻮﺭ ﺑﺲ ﻭﺟﻪ ﺿﺎﺣﻚ ﻓﻲ ﺍﻟﻤﻜﺎﻥ
ﻟﺆﻱ ﻳﺒﺘﺴﻢ ﺑﺤﻼﻭﺓ : ﺑﻌﺪ ﺷﺘﺒﻲ .. ﺍﻧﺎ ﺍﻟﺼﻮﺭﺓ ﺍﻟﺤﺴﻨﺔ ﺍﻟﻠﻲ ﺗﺤﻤﻠﻬﺎ
ﺍﻧﺖ ﻓﻲ ﺍﻟﻤﺤﻞ
ﺟﺮﺍﺡ ﻭﻫﻮ ﻳﺮﺳﻢ ﻋﻠﻰ ﺍﻟﻮﺭﻗﺔ : ﺍﻟﻈﺎﻫﺮ ﺍﻧﻲ ﻻﺯﻡ ﺍﺣﻄﻚ ﺍﻋﻼﻥ
ﻟﺆﻱ ﻭﻫﻮ ﻳﺘﺨﺬ ﻭﺿﻌﻴﺔ ﺗﻤﺜﻴﻠﻴﻪ ..: ﻭﺭﺷﺘﻨﺎ .. ﻻﺟﻤﻞ ﺍﻻﺛﺎﺙ ..
ﻭﺍﻛﺜﺮﻩ ﺍﻧﺎﻗﺔ ... ﺻﺎﺩﻗﻮﻧﺎ .. ﻓﺼﺪﺍﻗﺘﻨﺎ .. ﺍﺑﺪﻳﺔ .. ﻫﺎﻫﺎﻫﺎﻫﺎﻱ .
ﻭﻃﺮﻗﺎﺕ ﻋﻠﻰ ﺍﻟﺒﺎﺏ ﻭﻟﺆﻱ ﺑﻌﺪﻩ ﻓﻲ ﺭﻭﺡ ﺍﻟﺘﻤﺜﻴﻞ :.. ﺗﻔﻀـــﻞ .. ﻳﺎ
ﺻﺪﻳﻘﻨﺎ ﺍﻻﺑﺪﻱ ..
ﺩﺧﻠﺖ ﻏﺰﻻﻥ ﻭﻫﻲ ﻋﺎﻗﺪﺓ ﺣﺎﺟﺒﻴﻨﻬﺎ ﻣﻦ ﺍﻟﺼﻮﺕ ﺍﻟﺮﺧﻴﻢ ﺍﻟﻲ
ﺗﺴﻤﻌﻪ .. ﻭﻻﺣﻈﺖ ﻟﺆﻱ ﻗﺎﻋﺪ ﻋﻠﻰ ﺍﻟﻤﻜﺘﺐ ﺑﻮﺿﻌﻴﺔ ﻏﺮﻳﺒﺔ ﺑﻌﺾ
ﺍﻟﺸﻲ .. ﻭﻫﻮ ﻳﻨﺎﻇﺮﻫﺎ ﺍﻭﻝ ﺑﻨﻈﺮﺓ ﺍﻟﻮﺿﻌﻴﺔ ﻟﻜﻦ ﺳﺮﻋﺎﻥ ﻣﺎ ﺗﺤﻮﻟﺖ
ﺍﻟﻰ ﻧﻈﺮﺓ ﻟﺆﻱ ﻟﻠﻲ ﻣﻦ ﻳﺸﻮﻑ ﻏﺰﻻﻥ .. ﺗﺘﻌﻘﺪ ﺣﻮﺍﺟﺒﻪ ﻭﺗﻌﺎﻧﻖ
ﻧﻈﺮﺍﺗﻪ ﻣﺮﺍﺍﺍﺍﺭ ﺍﻟﻰ ﺍﻻﺭﺽ ..
ﺑﺼﻮﺕ ﻫﺎﺩﺉ : ﺻﺒﺎﺡ ﺍﻟﺨﻴﺮ ..
ﻟﺆﻱ : ﻣﺴﺎﺀ ﺍﻟﻨﻮﺭ ..
ﺍﺳﺘﻐﺮﺑﺖ ﻏﺰﻻﻥ : ﻟﻜﻨﻪ ﺻﺒﺎﺡ ..
ﻟﺆﻱ ﻭﻫﻮ ﻳﻨﺎﻇﺮ ﺍﻟﺠﻬﺔ ﺍﻟﺜﺎﻧﻴﺔ : ﻭﺍﻧﺎ ﺍﺑﻴﻪ ﻣﺴـﺎﺀ ..
ﻏﺰﻻﻥ ﺑﺼﻮﺕ ﺧﺎﻓﺖ : ﻛﻴﻔﻚ .. ﺟﺮﺍﺡ .. ﻳﺒﻴﻚ ﻭﺍﺣﺪ ﺑﺮﻉ ﻣﻦ ﻭﻛﺎﻟﻪ
ﺍﻟﺸﻤﺎﺱ ..
ﺟﺮﺍﺡ ﻭﻫﻮ ﻳﺘﻨﻬﺪ ﺑﻌﺠﺰ : ﺑﻌﺪ .. ﻭﻟﻠﻪ ﺭﺣﻤﻮﻧﻲ ﻣﺎﻗﺪﺭ ﺍﻃﻠﻊ ﺍﻛﺜﺮ
ﺧﺴﺖ ﺑﺎﻟﺸﻤﺲ ..
ﻏﺰﻻﻥ ﺑﺼﺪﻣﺔ : ﻋﻴﻞ ﺗﺒﻮﻧﻲ ﺍﻧﺎ ﺍﻃﻠﻊ ﻟﻠﺮﻳﺎﻝ ..
ﻫﺐ ﻋﻠﻰ ﺭﻳﻠﻪ ﻟﺆﻱ : ﻻ ﺗﺮﻭﺣﻴﻦ ﻟﻠﺮﻳﺎﻳﻴﻞ ﻭﻻ ﺍﻟﺪﺭﺍﻫﻢ .. ﺧﻠﻴﻨﻲ ﺍﻧﺎ
ﺑﺮﻭﺡ ﻟﻪ .. ( ﻳﻄﺎﻟﻊ ﺟﺮﺍﺡ ﺍﻟﻠﻲ ﻣﺒﺘﺴﻢ ﺷﻮﻱ ) ﺍﻱ ﺍﻱ .. ﺍﻓﺮﺡ ..
ﺧﻼﺹ .. ﻳﻌﻨﻲ ﺍﻧﺎ ﻣﺎﻗﺪﺭ ﺍﺧﺬ ﺍﺟﺎﺯﺓ ﻣﻦ ﻫﺎﻟﺸﻐﻞ .. ﻳﺨﺘﺮﺏ ﻛﻞ
ﺷﻲ ﻋﻠﻰ ﺭﺍﺳﻜﻢ .. ﻭﺍﻟﻠﻪ ﻳﺎﻳﺒﻜﻢ ﻭﻧﺎﺳﻴﻜﻢ ﻭﻻ ﺍﺩﺭﻱ ... ﺍﻣﻤﻤﻤﻒ
ﻋﻠﻴﻬﺎ ﻣﻦ ﻋﻴﺸﻪ .. ﻭﻳﻠﻲ ﻋﻠﻴﺞ ﻳﺎ ﺭﻭﻭﺣﻲ ..
ﻃﻠﻊ ﻟﺆﻱ ﻭﺟﺮﺍﺡ ﻳﻀﺤﻚ ﻋﻠﻴﻪ ﻭﺣﺘﻰ ﻏﺰﻻﻥ ﺍﻟﻠﻲ ﻛﺎﻧﺖ ﻫﺎﻳﻤﺔ ﻓﻲ
ﺧﻔﺔ ﻇﻠﻪ .. ﻭﺟﺮﺍﺡ ﺍﻟﻲ ﻛﺎﻥ ﻳﻀﺤﻚ ﺍﻧﺘﺒﻪ ﻣﺮﺓ ﺛﺎﻧﻴﺔ ﻻﻭﺭﺍﻗﻪ ﻭﻣﺎ
ﺣﺘﻰ ﺣﺲ ﻟﻮﺟﻮﺩ ﻏﺰﻻﻥ ﺍﻟﻠﻲ ﻭﺍﻗﻔﺔ ﺍﻻ ﺑﻌﺪ ﻣﺎ ﻃﺎﻟﺖ ﻭﻗﻔﺘﻬﺎ ﻓﻲ
ﺍﻟﻐﺮﻓﺔ .. ﻓﺮﻓﻊ ﺭﺍﺳﻪ ﻭﻫﻮ ﻳﻨﺎﻇﺮﻫﺎ .. ﻛﺎﻧﺖ ﻭﺍﻗﻔﺔ ﻭﻫﻲ ﺗﻄﺎﻟﻊ
ﺍﻟﻤﻜﺎﻥ ﺍﻟﻠﻲ ﻃﻠﻊ ﻣﻨﻪ ﻟﺆﻱ . ﻭﺍﺳﺘﻐﺮﺏ ﻣﻨﻬﺎ ﺟﺮﺍﺡ .. ﻓﻬﺬﻱ ﻃﺒﻌﺎ ﻣﻮ
ﺍﻭﻝ ﻣﺮﺓ ﻳﺸﻮﻑ ﻓﻴﻬﺎ ﺑﻮﺍﺩﺭ ﺍﻻﻫﺘﻤﺎﻡ ﻣﻦ ﻏﺰﻻﻥ ﻟﻠﺆﻱ .. ﺑﺲ ﻫﺬﻱ
ﺍﻟﻤﺮﺓ ﻛﺎﻧﺖ ﺟﺪﺍﻣﻪ .. ﻭﻳﻤﻜﻦ ﺍﺳﺘﻐﺮﺍﺑﻪ ﻛﺎﻥ ﺍﻥ ﻏﺰﻻﻥ ﻣﺎ ﻫﺮﺑﺖ ﻣﻦ
ﺍﻟﻤﻜﺎﻥ ﺍﻟﻠﻲ ﺍﻫﻮ ﻓﻴﻪ .. ﻓﻈﻞ ﻳﻄﺎﻟﻌﻬﺎ ﻭﻫﻮ ﻋﻠﻰ ﻭﺷﻚ ﺍﻻﺑﺘﺴﺎﻡ ..
ﺍﻧﺘﺒﻬﺖ ﻟﻪ ﻏﺰﻻﻥ ﻭﻫﻲ ﺗﺤﻤﻞ ﻋﻼﻣﺎﺕ ﺍﺑﺘﺴﺎﻡ ﺧﻔﻴﻔﺔ ﻋﻠﻰ ﻭﻳﻬﻬﺎ ...
: ﺭﺩﺕ ﺍﻟﺮﻭﺡ ﻟﻠﻤﻜﺎﻥ ..
ﺟﺮﺍﺡ ﻭﻫﻮ ﻳﻄﺎﻟﻊ ﺍﻻﻭﺭﺍﻕ ﻭﻫﻮ ﻳﺒﺘﺴﻢ : ﺍﻟﻈﺎﻫﺮ ﺟﺬﻱ .. ( ﻳﻨﺎﻇﺮﻫﺎ
ﺑﻤﻜﺮ ) ﻟﻠﻤﻜﺎﻥ ﻭﻝ .. ﻟﻨﺎ ﻛﻠﻨﺎ ..
ﺗﻨﺎﻇﺮﻩ ﻏﺰﻻﻥ ﺑﻜﻞ ﻋﻔﻮﻳﺔ ﻭﺗﻼﺣﻆ ﻧﻈﺮﺍﺗﻪ ﺍﻟﻤﺎﻛﺮﺓ .. ﻓﺮﻣﺖ ﺑﻨﻈﺮﺍﺗﻬﺎ
ﺍﻟﻤﻠﻴﺎﻧﺔ ﺣﻴﺎ ﻋﻠﻰ ﺍﻻﺭﺽ : ﻳﻌﻨﻲ ﺍﻫﻮ ﺷﺮﻳﺞ .. ﻭﻟﻪ ﻣﻜﺎﻧﻪ ﺍﻟﺨﺎﺹ
ﻭﺍﺑﺪﺍﻋﻪ .. ﻭ ... ﻛﻠﻨﺎ ... ﻧﺘﻤﻨﻰ ﻭﺟﻮﺩﻩ ... ﻭ .... (ﻭﻛﺎﻥ ﺟﺒﻴﻨﻬﺎ ﻋﺮﻕ )
ﺍﻟﺠﻮ ﺣﺎﺭ ﺍﻟﻴﻮﻡ ..
ﺟﺮﺍﺡ ﻭﻫﻮ ﻳﺒﺘﺴﻢ ﺑﻤﻞﺀ ﺛﻤﻪ ﻭﻋﻴﻮﻧﻪ ﻋﻠﻰ ﺍﻻﻭﺭﺍﻕ : ﺍﻱ .. ﺍﻟﻈﺎﻫﺮ ﺍﻥ
ﺍﻟﻴﻮﻡ ﺣﺮﺍﺭﺗﻪ ﻏﻴﺮ ﻃﺒﻴﻌﻴﻪ
ﻏﺰﻻﻥ ﺍﻟﻠﻲ ﻣﻴﺘﺔ ﻣﻦ ﺍﻻﻧﺤﺮﺍﺝ : ﺻﺢ .. ﻋﻠﻰ ﺍﻟﻌﻤﻮﻡ .. ﺍﻧﺎ ﺑﻄﻠﻊ
ﺍﻟﺤﻴﻦ .. ﺑﺮﻭﺡ ﻣﻜﺘﺒﻲ .. ﻋﻨﺪﻱ ﻭﺍﻳﺪ ﺍﺷﻐﺎﻝ ﺍﺳﻮﻳﻬﺎ ..
ﺟﺮﺍﺡ ﻭﻫﻮ ﻳﻨﺎﻇﺮﻫﺎ ﺑﺤﻨﺎﻥ ﺍﺧﻮﻱ : ﺍﻧﺎ ﻣـﺘﺄﻛﺪ ﻣﻦ ﻫﺎﻟﺸﻲ ..
ﻏﺰﻻﻥ ﺑﺤﻴﺎﻫﺎ ﺗﻨﺴﺤﺐ ..: ﺍﺷﻮﻓﻚ ﻋﻠﻰ ﺧﻴﺮ ..
ﻃﻠﻌﺖ ﻣﻦ ﺍﻟﻤﻜﺘﺐ ﻭﻫﻲ ﺗﺤﺲ ﺑﺎﻟﺤﺮﺍﺭﺓ ﻓﻲ ﻭﻳﻬﻬﺎ ﻣﻦ ﺍﻻﺣﺮﺍﺝ
ﺍﻟﻠﻲ ﺗﺼﺎﻋﺪ ﻓﻴﻬﺎ .. ﺟﺮﺍﺡ ﻭﻳﺎ ﻫﺎﻟﻮﻳﻪ ﺍﻟﻐﺒﻲ .. ﻳﺒﺘﺴﻢ .. ﻭﻛﺎﻧﻪ ﺍﻟﻠﻲ
ﻳﻔﻜﺮ ﻓﻴﻪ ﺻﺢ .. ﺍﻧﺎ ﺍﺑﺪﺍ ﻣﻮ ﻣﻌﺠﺒﺔ ﺑﻠﺆﻱ .. ﺑﺲ ﺍﺣﻴﻲ ﺭﻭﺣﻪ
ﺍﻟﻤﺮﺣﺔ ﻓﻲ ﺍﻟﻤﻜﺎﻥ .. ﻟﻪ ﻃﺎﺑﻊ ﺧﺎﺹ .. ﺍﻭﻭﻭﻭﻑ ﺍﻟﺤﻴﻦ ﺍﻧﺎ ﻭﻳﻦ
ﺍﻭﺩﻱ ﻭﻳﻬﻬﻲ ﻋﻦ ﺟﺮﺍﺡ .. ﺍﻟﻠﻪ ﻳﻠﻌﻦ ﺑﻠﻴﺴﻪ ﺑﺴٍﺴﺴﺲ ..
------------------------------------------
ﺧﺎﻟﺪ ﺍﻟﻠﻲ ﺭﺩ ﺍﻟﺒﻴﺖ ﻳﻌﺎﻟﺞ ﺟﺮﺡ ﺻﺎﺑﻪ ﻣﻦ ﺍﻟﻮﺭﺷﺔ ﻗﺎﻋﺪ ﻭﺍﻟﻤﻜﻴﻒ
ﻳﻀﺮﺏ ﻋﻠﻰ ﻭﻳﻬﻪ ﻭﻟﻜﻦ ﺍﺑﺪ .. ﻛﻞ ﻫﺎﻟﻬﻮﻯ ﺍﻟﻠﻄﻴﻒ ﻣﺎ ﻳﺄﺛﺮ ﻋﻠﻰ
ﻫﺎﻟﺠﻮ ﺍﻟﺨﺎﻧﻖ ﻭﺍﻟﻤﻘﻄﺮ ﻟﻠﻌﺮﻕ .. ﻟﻒ ﺍﻟﺠﺮﺡ ﺍﻟﺒﺴﻴﻂ ﺍﻟﻠﻲ ﻓﻲ ﻳﺪﻩ
ﺑﺎﺣﻜﺎﻡ .. ﻭﺗﻮﺟﻪ ﻟﻠﺜﻼﺟﺔ ﺍﻭ ﻟﻠﻤﻄﺒﺦ .. ﻳﻤﻜﻦ ﻳﻼﻗﻲ ﺧﺎﻟﺘﻪ ﻟﻤﺨﺘﻔﻴﺔ
ﻟﻜﻦ ﻻﺀ .. ﻣﺎ ﻟﻘﻰ ﺍﺣﺪ ﻫﻨﺎﻙ ﺍﻻ ﺍﻟﻤﺎﻱ ﺍﻟﻠﻲ ﻳﻘﻄﺮ ﻣﻦ ﺍﻟﺤﻨﻔﻴﺔ ..
ﻃﻠﻊ ﻟﻪ ﻋﺼﻴـﺮ ﺑﺎﺭﺩ ﻳﺸﺮﺑﻪ ﻭﺣﻤﻠﻪ ﻭﻳﺎﻩ ﻟﻌﻨﺪ ﺍﻟﺒﺎﺏ ﺍﻟﻮﺭﺍﻧﻲ ﻋﺸﺎﻥ
ﻳﻄﻠﻊ ﻣﻦ ﺍﻟﺒﻴﺖ ﻭﻳﺮﺟﻊ ﻟﻠﻮﺭﺷﺔ .. ﺗﻮﻩ ﺑﻴﺮﻛﺐ ﺍﻟﺴﻴﺎﺭﺓ ﺍﻻ ﻭﺣﺮﻛﻪ
ﻓﻲ ﺑﻴﺖ ﺍﻟﻨﻬﻴـﺪﻱ .. ﻫﺬﺍ ﺍﻟﺒﻴﺖ ﺍﻟﻠﻲ ﺍﺗﺴﻢ ﺑﺎﻟﺴﻜﻮﻥ ﻃﻮﻝ ﻓﺘﺮﺓ
ﺟﺎﻟﺖ ﻓﻴﻪ ﺣﺮﻛﺔ .. ﺑﺎﻧﺖ ﻓﻲ ﺑﺎﻝ ﺧﺎﻟﺪ ﺍﻧﻬﺎ ﻳﻤﻜﻦ ﺍﻳﻤﺎﺀﺓ ﻣﻦ ﺧﻴﺎﻟﻪ
.. ﺗﺮﺟﻊ ﻟﻪ ﺷﻲ ﻣﻦ ﺍﻟﺤﻨﻴﻦ ﺍﻟﻲ ﻓﻴﻪ ... ﻟﻜﻦ ﻻﺀ .. ﻇﻞ ﻭﺍﻗﻒ ﺩﻗﺎﻳﻖ
ﻭﻫﻮ ﻳﺤﺎﻭﻝ ﺍﻧﻪ ﻳﺘﻠﻘﻰ ﺷﻲ ﻟﻜﻦ ﺍﺑﺪ ... ﻭﺗﻮﻩ ﻳﺪﺧﻞ ﺍﻟﺴﻴﺎﺭﺓ ﻣﺮﺓ
ﺛﺎﻧﻴﺔ .. ﻇﻞ ﻗﺎﻋﺪ ﻓﻴﻬﺎ ﻭﻫﻮ ﻳﺘﻨﻔﺲ ﺍﻟﺼﻌﺪﺍﺀ ﻣﻦ ﺍﻟﺬﻛﺮﻳﺎﺕ ﺍﻟﻠﻲ
ﺧﺎﺽ ﻓﻴﻬﺎ .. ﻭﻧﺎﻇﺮ ﺍﻟﺪﺑﻠﺔ ﺍﻟﻠﻲ ﻛﺎﻥ ﺭﺍﺑﻄﻬﺎ ﻋﻨﺪ ﻣﻨﻈﺮﺓ ﺍﻟﺴﻴﺎﺭﺓ ﻣﻦ
ﺟﺪﺍﻡ .. ﻧﻔﺲ ﺍﻟﺨﺎﺗﻢ ﺍﻟﻠﻲ ﻋﻄﺎﺍﺍﻩ ﻟﺴﻤﺎﺀ ﻳﻮﻡ ﺍﻟﻠﻲ ﺭﺍﺣﺖ .. ﺭﺍﺑﻄﻪ
ﻓﻲ ﺍﻟﺴﻴﺎﺭﺓ .. ﻭﻛﻞ ﻣﺎ ﻳﺸﻮﻓﻪ ﻳﺬﻛﺮ ﺳﻤﺎﺀ .. ﻭﻳﺬﻛﺮ ﻗﻠﺐ ﺳﻤﺎﺀ
ﺍﻟﻜﺒﻴﺮ ﺍﻟﻤﻌﻄﺎﺀ .. ﻭﻓﻮﻕ ﻛﻞ ﻫﺬﺍ .. ﻳﺬﻛﺮ ﺷﻮﻗﻪ ﻟﻠﺴﻤﺎﺀ ﺍﻟﻠﻲ ﻣﻦ
ﺭﺍﺣﺖ .. ﺭﺍﺣﺖ ﻣﻌﺎﻫﺎ ﻛﻞ ﺍﻟﺤﻤﺎﻳﺔ ﻭﻛﻞ ﺍﻟﺤﻨﺎﻥ ..
ﻃﺮﻗﺎﺕ ﺧﻔﻴﻔﺔ ﻋﻠﻰ ﺍﻟﺴﻴﺎﺭﺓ ﻭﻟﻜﻦ ﺗﺠﻔﻞ ﺧﺎﻟﺪ ﺑﻘﻮﺓ .. ﻛﺎﻥ ﻋﺰﻳﺰ ..
ﺍﻟﻠﻲ ﻛﻞ ﻣﺎ ﺍﻳﻲ ﻟﻪ .. ﻳﺰﻳﺪ ﺑﺎﻻﻧﻔﺠﺎﺭ ﺍﻟﻠﺤﻤﻲ .. ﻻ ﺑﻞ ﺍﻟﺸﺤﻤﻲ ..
ﻧﺰﻝ ﻟﻪ ﺍﻟﺠﺎﻣﺔ : ﺑﺴﻢ ﺍﻟﻠﻪ .. ﻛﻞ ﻫﺬﺍ ﻭﻳﻪ .. ﻋﻨﺒﻮ ﺩﺍﺭﻙ ﺧﺮﻋﺘﻨﻲ ..
ﻋﺰﻳﺰ ﺍﻟﻠﻲ ﺻﻮﺗﻪ ﺑﺪﻯ ﻳﺨﺸﻦ ..: ﻫﺎﻫﺎﻫﺎﻱ .. ﻣﻮ ﻧﺎﻗﺺ ﺍﻻ ﺻﻮﺕ
ﺍﻻﻧﺬﺍﺭ
ﺧﺎﻟﺪ ﻳﺸﻐﻞ ﺍﻟﺴﻴﺎﺭﺓ : ﺍﻧﺬﺍﺭ .. ﻳﺎﺑﻮﻙ ﺻﻔﺎﺭﺓ ﺗﻜﻔﻲ .. ﻭﻗﻊ ﻻﻗﺪﺍﻡ ﺍﻟﻠﻲ
ﻳﻬﺰ ﺍﻻﻭﻝ ﻭﺍﻟﺘﺎﻟﻲ
ﻳﺪﻓﻊ ﻋﺒﺪ ﺍﻟﻌﺰﻳﺰ ﺧﺎﻟﺪ ﺍﻟﻲ ﻓﻲ ﺍﻟﺴﻴﺎﺭﺓ : ﻫﻲ ﺍﻧﺖ ﻗﺎﻋﺪ ﺗﺘﻐﺸﻤﺮ
ﻋﻠﻰ ﻣﻦ؟؟ ﻋﺰ ﻭﺩﻻﻝ ﻫﺬﺍ
ﺧﺎﻟﺪ ﻳﻘﻠﺪ ﻋﻠﻰ ﻭﻳﻪ ﻋﺒﺪ ﺍﻟﻌﺰﻳﺰ : ﻋﺰ ﻭﺩﻻﻝ؟؟ ﻋﺰ ﻭﺩﻻﻝ ﻳﺎ ﺟﺒﻞ
ﺍﻟﺸﺤﻮﻭﻡ .. ﺍﺭﺣﻢ ﺭﻭﺣﻚ .. ﺍﺭﺣﻢ ﺷﺒﺎﺏ ﻳﺎ ﻣﻴﻮﻭﻉ ﺍﻻﻓﺮﻳﻜﺎﻥ ..
ﻭﺍﻟﻠﻪ ﻟﻮ ﻳﻘﻄﻮﻧﻚ ﻟﻼﺳﻮﺩ ﻳﺴﻮﻥ ﻋﻠﻴﻚ ﻋﺰﻳﻤﺔ ﻟﺸﻬﻮﻭﻭﺭ
ﻋﺒﺪ ﺍﻟﻌﺰﻳﺰ ﻳﻀﺮﺏ ﺧﺎﻟﺪ ﻣﺮﺓ ﺛﺎﻧﻴﺔ : ﻳﻮﻭﻭﻭﺯ ﻻﺍﺍ ..
ﺧﺎﻟﺪ ﻳﻨﺎﻇﺮﻩ ﺑﺤﻤﻖ : ﻻ ﺗﻄﻖ .. ﺧﺎﻑ ﻋﻠﻲ ﻣﻦ ﻳﺪﻙ ..
ﻋﺒﺪ ﻟﻌﺰﻳﺰ ﻳﺒﺘﺴﻢ ﻭﻭﻳﻬﻪ ﻣﺤﻤﺮ ﻣﻦ ﺍﻟﺤﺮ ..: ﺍﻗﻮﻝ .. ﻗﻄﻨﻲ ﻋﻨﺪ
ﺭﺍﻋﻲ ﺍﻟﺒﺮﻳﺪ ..
ﺧﺎﻟﺪ : ﺑﻌﺪ ﺑﺮﻳﺪ .. ﺍﺭﺣﻢ ﺭﻭﺣﻚ ﻳﺎ ﻋﺰﻳﺰ ﺍﻟﺒﻴﺖ ﺑﺪﻯ ﻳﻈﻴﻴﻴﺞ ﻋﻠﻴﻨﺎ
ﺑﺴﺒﺘﻚ ..
ﻋﺰﻳﺰ : ﺍﻧﺖ ﺍﺳﻜﺖ ﻭﺧﺬﻧﻲ ﻟﺮﺍﻋﻲ ﺍﻟﺒﺮﻳﺪ .. ﻗﺒﻞ ﻻ ﺍﻳﻮﻭﻥ ﺍﻳﻤﻨﻮﻩ
ﻭﺍﻟﺴﺒﺎﻝ ﺍﻟﺜﺎﻧﻲ
ﺧﺎﻟﺪ : ﺍﺭﻛﺐ .. ﻟﻜﻦ ﻫﺎ .. ﺷﻮﻱ ﺷﻮﻱ ﻋﻠﻰ ﺍﻟﺴﻴﺖ .. ﺍﻟﺴﻴﺎﺭﺓ ﺑﻌﺪﻫﺎ
ﺑﻘﺮﺍﻃﻴﺴﻬﺎ ..
ﻳﺪﺧﻞ ﻋﺒﺪ ﺍﻟﻌﺰﻳﺰ ﺑﻘﻮﺓ ﺍﻟﻰ ﺍﻟﺴﻴﺎﺭﺓ ﻭﻳﻬﺰﻫﺎ ﺷﻮﻱ ﺑﻮﺯﻧﻪ ﺍﻟﺰﺍﺋﺪ ..
ﻭﺧﺎﻟﺪ ﻳﻤﺴﻚ ﻋﻠﻰ ﻗﻠﺒﻪ
ﺧﺎﻟﺪ : ﻫﺬﺍ ﺷﻮﻱ ﺷﻮﻱ؟؟ ﻗﻠﺒﺖ ﺍﻟﺴﻴﺎﺭﺓ ﺑﻴﺖ ﺍﻟﻬﺰﺍﺯ؟؟
ﻋﺒﺪ ﺍﻟﻌﺰﻳﺰ ﻳﻀﺤﻚ : ﺍﻗﻮﻭﻭﻭﻝ ﺟﻢ ﺍﻟﺪﺧﻠﺔ ؟؟
ﺧﺎﻟﺪ : ﺟﺐ ﻻ ﺍﺷﻮﺗﻚ ﺍﻟﺤﻴﻦ ...
ﻗﺎﻟﻬﺎ ﺧﺎﻟﺪ ﻭﻋﻴﻮﻧﻪ ﻋﻠﻰ ﻋﺒﺪ ﺍﻟﻌﺰﻳﺰ .. ﻭﻗﺒﻞ ﻻ ﻳﻮﺟﻬﻬﺎ ﺟﺪﺍﻣﻪ ..
ﺭﺩﺕ ﺍﻟﺤﺮﻛﺔ ﻓﻲ ﺑﻴﺖ ﺍﻟﻨﻬﻴﺪﻱ ﻭﻟﻜﻦ ﻫﺎﻟﻤﺮﺓ ﺍﻟﺒﺎﺏ ﻛﺎﻥ ﻳﻨﻔﺘﺢ ..
ﻭﺻﺎﺭ ﺍﻟﻠﻲ ﻣﺎ ﺗﻮﻗﻌﻪ ﺧﺎﻟﺪ ﺍﻧﻪ ﻳﺼﻴﺮ ﺍﻟﻴﻮﻡ ... ﻣﺸﻌﻞ ﻃﻠﻊ ﻣﻦ
ﺍﻟﺒﻴﺖ ﻭﻫﻮ ﻻﺑﺲ ﺛﻴﺎﺏ ﺻﻴﻔﻴﺔ ﺧﻔﻴﻔﺔ .. ﻭﻗﺒﻞ ﻻ ﻳﺘﻮﺟﻪ ﺍﻟﻰ
ﺍﻟﻜﺎﺭﺍﺝ ﻻﺣﻆ ﺍﻟﺴﻴﺎﺭﺓ ﺍﻟﻮﺍﻗﻔﺔ ﻋﻨﺪ ﺑﻴﺖ ﺑﻮ ﺟﺮﺍﺡ .. ﻛﺎﻧﺖ ﺳﻴﺎﺭﺓ
ﺧﺎﻟﺪ ﻋﻠﻰ ﻣﺎ ﻳﺬﻛﺮ ﺍﻟﻮﺍﻗﻔﺔ .. ﻭﺍﻟﻠﻲ ﺃﻛﺪ ﻟﻪ ﻫﺎﻟﺸﻚ .. ﻛﺎﻥ ﺧﺎﻟﺪ ﺍﻟﻲ
ﻃﻠﻊ ﻣﻦ ﺍﻟﺴﻴﺎﺭﺓ ﻭﻫﻮ ﻭﺍﻗﻒ ﻳﻄﺎﻟﻌﻪ ..
ﺣﺎﻣﺖ ﻓﻲ ﺍﺭﺟﺎﺀ ﻗﻠﺐ ﺧﺎﻟﺪ ﺍﻻﻣﻨﻴﺎﺕ .. ﻏﻴﺎﺏ ﻣﺸﻌﻞ ﻭﺗﻮﺍﺟﺪﻩ
ﻳﻤﻜﻦ ﺍﺧﻴﺮﺍ ﺭﺍﺡ ﻳﺮﺩ ﺍﻟﻠﻮﻥ ﻟﻠﺴﻤﺎﺀ ﺑﺤﻴﺎﺓ ﺧﺎﻟﺪ .. ﻭﻳﻤﻜﻦ ﻭﺭﺍﻩ ﻭﻫﻮ
ﻃﺎﻟﻊ ﺑﺘﻄﻠﻊ ﺑﻌﺪ ﺳﻤﺎﺀ .. ﻟﻜﻦ ﻻ .. ﻣﺴﺘﺤﻴﻞ .. ﺳﻤﺎﺀ ﻣﺎ ﺗﺮﺩ ﻣﻦ
ﻏﺮﺑﺘﻬﺎ ﻭﻣﺎ ﺗﻴﻴﻨﺎ .. ﺍﺣﻨﺎ ﺍﻭﻟﻰ ﺑﻬﺎ ﻣﻦ ﻛﻞ ﻣﻦ .. ﻳﺎ ﺭﺑﻲ .. ﻻ ﺗﺨﻠﻴﻬﺎ
ﺗﻜﻮﻥ ﻣﻮﺟﻮﺩﺓ ... ﻣﻮﺟﻮﺩﺓ ﻭﻣﺄﺟﻠﻪ ﻳﻴﺘﻬﺎ ﻟﻨﺎ ..
ﻭﻗﻒ ﻣﺸـﻌﻞ ﻭﻛﺎﻧﻪ ﻳﻨﺘﻈﺮ ﺷﻲ .. ﻣﺮ ﻓﻲ ﺧﺎﻃﺮﻩ ﻭﻣﺮﺕ ﻣﻌﺎﻩ
ﺧﻴﻮﻁ ﻣﻦ ﺍﻟﺬﻛﺮﻳﺎﺕ .. ﻭﺍﺗﺴﻤﺖ ﺍﻭﻟﻰ ﻣﻬﺎﺍﻡ ﻣﺸﻌﻞ ﺍﻟﻠﻲ ﻳﺎ
ﻋﺸﺎﻧﻬﺎ .. ﻃﻠﺐ ﺍﻟﻤﻐﻔﺮﺓ .. ﻭﺍﻟﺼﻔﺢ .. ﻣﻦ ﺍﻛﺜﺮ ﺍﻟﻨﺎﺱ ﺍﻟﻠﻲ ﺗﺴﺒﺐ
ﺑﺄﻟﻤﻬﻢ .. ﻳﻤﻜﻦ ﺧﺎﻟﺪ ﻛﺎﻥ ﻟﺴﺒﺐ ﻓﻲ ﺍﻟﻢ ﻣﻦ ﺁﻻﻡ ﻣﺸﻌﻞ .. ﺍﻻ ﻭﻫﻮ
ﺍﻟﻌﻼﻗﺔ ﺍﻟﻠﻲ ﺍﻧﻔﺴﺨﺖ ﺑﻴﻨﻪ ﻭﺑﻴﻦ ﺍﺧﺘﻪ ﻓﻲ ﻭﻗﺖ ﻣﻦ ﺍﻻﻭﻗﺎﺕ .. ﻟﻜﻦ
ﻳﺘﻢ ﺟﺮﺡ ﺧﺎﻟﺪ ﺍﻛﺒﺮ .. ﻟﻴﺶ؟؟ ﻟﻴﺶ ﻭﺳﻤﺎﺀ ﺍﻫﻲ ﺍﺧﺖ ﻣﺸﻌﻞ
ﻭﺷﺮﻓﻪ ﻓﻲ ﻫﺎﻟﺪﻧﻴﺎ؟؟؟ ﻫﻞ ﻟﻠﺸﺮﻑ ﺍﻱ ﻋﻼﻗﺔ؟؟ ﺍﻟﺸﺮﻑ ﺷﻲ
ﻋﻈﻴﻢ .. ﻟﻜﻦ ﺟﺮﺡ ﺍﻟﺤﺐ .. ﻭﺍﻻﺑﺘﻌﺎﺩ ﻏﺼﺐ .. ﺷﻲ ﻣﺆﻟﻢ .. ﺟﺮﺑﻪ
ﻣﺸﻌﻞ ﻓﻲ ﺳﻦ ﺻﻐﻴﺮﺓ . ﻭﺟﺮﺑﻪ ﻳﻮﻡ ﺭﺍﺣﺖ ﻋﻨﻪ ﻓﺎﺗﻦ .. ﻣﻊ ﺍﻧﻬﺎ
ﻛﺎﻧﺖ ﺑﻄﻮﺍﻋﻴﺘﻬﺎ .. ﻟﻜﻦ ﻛﺎﻥ ﻳﺨﺜﻦ ﺍﻟﻘﻠﺐ ﺟﺮﺍﺣﺎ ﻭﺍﻻﻡ .. ﻓﻤﺎ ﺑﺎﻝ
ﺧﺎﻟﺪ ﺍﻟﻠﻲ ﺍﻛﺮﻫﻮﻭﺍ ﺳﻤﺎﺀ ﻋﻠﻰ ﻓﺮﺍﻗﻪ .. ﻣﻦ ﺍﻫﻮ ﻣﺸـﻌﻞ ﺍﻟﻲ ﻳﻘﺪﺭ
ﻳﺠﻤﻊ ﻭﻻ ﻳﻔﺮﻕ ﺑﻴﻦ ﺍﻟﻨﺎﺱ .. ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺍﻫﻮ ﺍﻟﻤﻔﺮﻕ
ﻭﺍﻟﻤﻮﺣﺪ ﻓﻲ ﻫﺎﻟﺪﻧﻴﺎ .. ﻣﻮ ﺑﻨﻲ ﺍﺩﻡ ﺍﻟﻠﻲ ﻳﺘﺤﻜﻢ ﺑﻤﺼﺎﺋﺮ ﺍﺩﻣﻴﻴﻦ
ﺛﺎﻧﻴﻴﻦ ..
ﺗﺤﺮﻙ – ﻟﺬﺍ - ﻣﺸﻌﻞ ﺑﻜﻞ ﻫﺪﻭﺀ ﺻـﻮﺏ ﺧﺎﻟﺪ .. ﻭﻓﻲ ﻧﺼﻒ ﺍﻟﺪﺭﺏ
ﻭﻗﻒ .. ﻻﻥ ﻣﻨﺎﻳﺮ ﻭﻣﺴﺎﻫﺮ ﺍﻟﻠﻲ ﻣﺎ ﻓﺎﺗﻬﻢ ﻭﺟﻮﺩ ﻣﺸﻌﻞ ﻓﻲ
ﺍﻟﻤﻜﺎﻥ .. ﻭﻋﻠﻰ ﻭﺟﻮﺩ ﻣﻨﺎﻳﺮ ﺍﻟﻤﺮﺑﻚ ﻓﻲ ﺍﻟﺴﺎﺣﺔ ﺗﺮﺍﺟﻊ ﻣﺸﻌﻞ ﻭﻫﻮ
ﻳﺴﺮﻉ ﺻﻮﺏ ﺍﻟﺴﻴﺎﺭﺓ ﻭﻳﺮﻛﺐ ﻓﻴﻬﺎ .. ﻭﻳﻤﺸﻲ ﻣﻦ ﻏﻴﺮ ﻣﺎ ﺍﻧﻪ ﻳﻠﻘﻲ
ﺑﺎﻝ ﻋﻠﻰ ﺍﺣﺪ .. ﻭﻻ ﺣﺘﻰ ﻣﻨﺎﻳﺮ ﺍﻟﻠﻲ ﻫﻲ ﺍﻟﺜﺎﻧﻴﺔ ﺍﻟﻠﻲ ﺗﺠﺎﻫﻠﺖ
ﻭﺟﻮﺩ ﻣﺸﻌﻞ ﻓﻲ ﺍﻟﻤﻜﺎﻥ ﺑﺎﻣﺘﻴﺎﺯ ﻭﺗﻮﺟﻬﺖ ﺻﻮﺏ ﺍﻟﺒﻴﺖ ﺑﻌﺪ ﻣﺎ
ﻓﺎﺭﻗﺖ ﻣﻨﺎﻳﺮ ﻋﻨﺪ ﺑﻴﺘﻬﻢ ...
ﻭﺻﻠﺖ ﻟﺨﺎﻟﺪ ﺍﻟﻠﻲ ﻛﺎﻥ ﻭﺍﻗﻒ ﻋﻨﺪ ﺑﺎﺏ ﺍﻟﺴﻴﺎﺭﺓ :.. ﺷﻔﻴﻚ ﻭﺍﻗﻒ ﻓﻲ
ﻫﺎﻟﺸﻤﺲ ..
ﻋﺒﺪ ﺍﻟﻌﺰﻳﺰ ﻣﻦ ﺍﻟﺴﻴﺎﺭﺓ : ﺣﺮﻳﺘﻨﺎ ﻳﺎﺧﻲ ﻻﺑﻮﻩ ﺑﺮﻳﺪ ﻫﺬﺍ ﻟﻠﻲ ﻧﺒﻴﻪ
ﻣﻨﻚ ..
ﺍﻧﺘﺒﻪ ﺧﺎﻟﺪ : ﺍﺳﻒ .. ﺍﺳﻒ ﻋﺰﻭﺯ .. ﺑﺲ ﻣﺎﻗﺪﺭ ﺍﻗﻄﻚ
ﻋﺰﻳﺰ : ﺷﻨﻮ ﻣﺎ ﺗﻘﺪﺭ .. ﺍﻻ ﺣﺬﻓﻪ ﺣﺼﺎ .. ﻗﻮﻝ ﻣﺎ ﺗﺒﻲ ﺗﺨﻠﺺ ﺍﻟﺒﺘﺮﻭﻝ
ﻳﺎﻟﺒﺨﻴﻞ .. ﻭﺍﻟﻠﻪ ﺍﻧﻚ ﺑﻴﻨﺖ ﻋﻠﻰ ﺣﻘﻴﻘﺘﻚ ..
ﻣﻨﺎﻳﺮ ﺍﻟﻠﻲ ﺗﺴﺎﺋﻠﺖ ﻋﻦ ﺍﻟﻠﻲ ﻳﻨﺘﺎﺏ ﺧﺎﻟﺪ : ﺧﺎﻟﺪ ﺷﻔﻴﻚ؟؟ ﻟﻴﺶ
ﻭﺍﻗﻒ ﺟﺬﻱ ﺑﻬﺎﻟﺸﻤﺲ؟
ﺧﺎﻟﺪ ﻳﻜﻠﻢ ﻣﻨﺎﻳﺮ ﺑﺎﺭﺗﺠﺎﻑ : ﺳﻤﺎﺀ ﺭﺩﺕ ﺻﺢ؟؟ ﺭﺩﺕ ﻭﻻ ﻳﺎﺗﻨﺎ ﺻﺢ؟؟
ﻗﻠﺒﻲ ﺣﺎﺱ .. ﺣﺎﺱ ﺍﻥ ﻓﻲ ﺷﻲ ﻗﺎﻋﺪ ﻳﺼﻴﺮ ﻟﻜﻦ ....
ﻣﻨﺎﻳﺮ : ﺍﺷﻔﻴﻚ ﻳﺎ ﺧﺎﻟﺪ .. ﺳﻤﺎﺀ ﻻ ﺭﺩﺕ ﻭﻻ ﺷﻲ .. ﻭﻟﻮ ﺭﺩﺕ
ﻣﺴﺘﺤﻴﻞ ﻣﺎ ﺍﺗﻴﻴﻨﺎ ﻟﻬﺎﻟﺤﺰﺓ ..
ﺧﺎﻟﺪ ﻭﻫﻮ ﻳﺮﻛﺐ ﺍﻟﺴﻴﺎﺭﺓ : ﺍﻟﻨﺎﺱ ﺗﺘﻐﻴﺮ ﻋﻠﻰ ﺍﻫﻠﻬﺎ .. ﺷﻠﻮﻥ ﻋﻠﻰ
ﺍﻻﻏﺮﺍﺏ .. ﻛﻞ ﺷﻲ ﻳﺘﻐﻴﺮ .. ﻛﻞ ﺷﻲ ..
ﺭﻛﺐ ﺍﻟﻤﻮﺗﻮﺭ ﺧﺎﻟﺪ ﻭﺗﺤﺮﻙ ﻣﻦ ﺍﻟﻤﻜﺎﻥ ﻭﻫﻮ ﻳﺤﺲ ﺑﺎﻧﻬﻴﺎﺭ ﻓﻴﻪ ..
ﺧﻮﻓﻪ ﻭﻗﻠﻘﻪ ﻻ ﻣﺒﺮﺭ ﻟﻪ . ﻳﻌﻨﻲ ﺷﻠﻮﻥ ﻃﺮﻯ ﻋﻠﻰ ﺑﺎﻟﻪ ﺍﻥ ﺳﻤﺎﺀ ﺗﺮﺩ
ﻭﻣﺎ ﺗﻤﺮ ﻋﻠﻴﻬﻢ ﻗﺒﻞ .. ﺻﺪﻕ ﺍﻥ ﺍﻟﻈﻨﻮﻥ ﺗﺨﻴﺐ ﺑﺎﻟﻨﺎﺱ .. ﻭﻇﻨﻮﻥ
ﺧﺎﻟﺪ ﻣﺨﻴﺒﺔ ﻟﺴﻤﺎﺀ .. ﻟﻠﻲ ﻳﻤﻜﻦ ﻟﻮ ﺩﺭﺕ .. ﻋﺎﺩﻱ ﺍﻧﻬﺎ ﺗﻄﻴﺮ ﻧﺺ
ﻋﻘﻠﻪ ﺑﺎﻟﺼﺮﺍﺥ .. ﻓﺎﺑﺘﺴﻢ ﺧﺎﻟﺪ .. ﻭﻗﺎﻝ ﻓﻲ ﺑﺎﻟﻪ .. ﻳﺎ ﺗﺮﻯ ﻳﺎ ﺳﻤﺎﺀ .
ﺍﻧﺘﻲ ﺑﻌﺪﺝ ﻣﺎ ﺍﻧﺘﻲ؟؟ ﺗﻐﻴﺮﺗﻲ ﻭﻻ ﻻﺀ؟؟ ﻏﻴﺮﺗﺞ ﺍﻻﻳﺎﻡ ﻋﻠﻰ ﺍﻟﻘﻠﺐ
ﺍﻟﻠﻲ ﻋﻤﺮﻩ ﻣﺎ ﺗﻐﻴﺮ ﻋﻠﻴﺞ ﺍﻻ ﺯﺍﺩ ﻓﻴﺞ؟؟؟
------------------------------------------
ﻣﺮﻳﻢ ﺍﻟﻠﻲ ﻛﺎﻧﺖ ﻛﺎﻟﻌﺎﺩﺓ ﻣﻦ ﻫﺬﺍ ﺍﻟﻮﻗﺖ ﻗﺎﻋﺪﺓ ﻓﻲ ﺩﺍﺭ ﺍﺧﻮﻫﺎ
ﻭﻫﻲ ﺳﺎﻛﺘﺔ .. ﺗﻨﺎﻇﺮ ﺍﻟﻔﺮﺍﻍ ﺍﻟﻠﻲ ﻳﺤﺎﻳﻂ ﺍﻟﺠﺪﺍﺭ ﻭﻫﻲ ﺗﻨﺘﻈﺮ ﺣﺮﻛﺔ
ﻣﻦ ﺍﺧﻮﻫﺎ .. ﻭﻻ ﺷﻲ ﻳﺒﻴﻦ ﺍﻧﻪ ﻣﺴﺘﻌﺪ ﻟﺨﻄﻮﺓ ﻳﺪﻳﺪﺓ .. ﻟﻜﻦ ﻻﺀ ..
ﻓﻬﻮ ﻣﺸﻐﻮﻝ ﻣﻦ ﺟﻢ ﻳﻮﻡ ﻋﻠﻰ ﺗﺄﺩﻳﺔ ﻣﺎ ﻓﺎﺗﻪ ﻣﻦ ﺍﻟﺼﻼﺓ .. ﻭﻛﺎﻥ
ﺩﺅﻭﺏ ﻋﻠﻰ ﻫﺎﻟﺸﻲ .. ﻳﺼﻠﻲ ﺻﻠﻮﺍﺗﻪ ﺍﻟﻘﻀﺎﺀ ﺍﻟﻠﻲ ﻣﺮ ﺑﻬﻢ ﻓﻲ
ﺍﻟﻐﻴﺒﻮﺑﺔ .. ﻭﻣﻦ ﺷﺪﺓ ﺣﺮﺻﻪ ﻋﻠﻰ ﻫﺎﻟﺸﻲ .. ﺍﻫﻮ ﺟﺮﻳﺐ ﻋﻠﻰ ﺍﻧﻬﺎﺀ
ﻫﺎﻟﺸﻲ .. ﻟﻜﻦ ﺷﻲ ﻓﻲ ﻗﺴﻤﺎﺕ ﻭﻳﻬﻪ ﺑﺠﺎﻧﺐ ﺍﻟﺘﺠﻠﺪ ﺍﻟﻠﻲ ﻳﺤﺎﻭﻝ
ﺍﻧﻪ ﻳﻤﺴﻚ ﻣﻼﻣﺤﻪ ﺑﻪ .. ﺷﻲ ﻣﻦ ﺍﻟﻘﺴﺎﻭﺓ .. ﻭﺷﻲ ﻣﻦ ﺍﻟﺘﻔﻜﻴﺮ .. ﺍﻭ
ﺍﻟﺘﻬﺪﻳﺪ ﻳﻤﻜﻦ .. ﻣﺮﻳﻢ ﺗﻌﺮﻑ ﻟﻤﺴـﺎﻋﺪ ﻭﺧﺒﺮﺕ ﻣﻼﻣﺤﻪ ﻛﻠﻬﺎ ﻭﻫﻲ
ﺗﺮﺍﻗﺒﻬﺎ ﻃﻮﻝ ﺣﻴﺎﺗﻬﺎ .. ﺍﻫﻮ ﻣﺎ ﻳﻤﺮ ﺑﻬﺎﻟﺤﺎﻟﺔ ﺍﻻ ﻟﻤﻦ ﺷﻲ ﻳﺪﻭﺭ ﻓﻲ
ﺑﺎﻟﻪ ﻭﻫﻮ ﻳﺤﺎﻭﻝ ﺍﻧﻪ ﻳﻼﻗﻲ ﺣﻞ ﻟﻪ ..
ﻟﻜﻦ ﻭﻳﻦ ﺍﻟﺴﺒﻴﻞ ﺍﻧﻬﺎ ﺗﻤﺘﻠﻚ ﺷﻲ ﻣﻦ ﻛﻼﻣﻪ؟؟ ﻭﻫﻮ ﻣﺎ ﻳﻔﺘﺢ ﺛﻤﻪ ﺍﻻ
ﺑﺬﻛﺮ ﺍﻟﻠﻪ ﻭﻻ ﻟﻴﻦ ﺷﺮﺏ ﺷﻲ ﺍﻭ ﺍﻛﻞ .. ﺍﻟﺤﺎﻟﺔ ﺻﻌﺒﺔ ﻭﻳﺎﻙ ﻳﺎ
ﻣﺴﺎﻋﺪ ﻭﺍﻧﺖ ﺍﺑﺪ ﻣﺎ ﺗﻤﺪ ﺍﻟﻌﻮﻥ ﻟﻨﺎ .. ﻫﻞ ﻛﻮﻧﻚ ﻣﻌﺎﻕ ﺷﻲ ﻳﻌﻴﻖ
ﻣﺨﻚ ﺑﻌﺪ؟؟ ﻣﺎ ﻫﻘﻴﺘﻚ ﺟﺬﻱ ﻳﺎ ﺧﻮﻱ .. ﻭﺍﻟﻠﻪ ﻣﺎ ﻫﻘﻴﺘﻚ ﺟﺬﻱ ...
ﻛﺎﻥ ﻣﺴﺎﻋﺪ ﻣﻨﻬﻲ ﺍﺣﺪ ﺍﻟﻔﺮﻭﺽ ﻟﻠﻲ ﻓﺎﺗﺘﻪ ﻳﻮﻡ ﺍﻧﺘﺒﻪ ﻟﻤﺮﻳﻢ ﺍﻟﻠﻲ
ﺳﺮﺣﺎﻧﻪ ﻓﻲ ﺍﻟﺪﺭﻳﺸﺔ ... ﻛﺎﻥ ﻧﻮﺭ ﺍﻟﺸﻤﺲ ﻳﻌﺎﻳﻦ ﻣﻼﻣﺤﻬﺎ ﺑﻌﻨﺎﻳﺔ
ﻓﺒﺎﻧﺖ ﺳﻤﺮﺗﻬﺎ ﻭﻋﻴﻮﻧﻬﺎ ﺍﻟﻠﻲ ﺻﺎﺭﺕ ﺷﺒﻪ ﺍﻟﺸﻔﺎﻓﻪ ﻭﻫﻲ ﺗﺮﺍﻗﺐ ﺿﻮﺀ
ﺍﻟﺸﻤﺲ ﺍﻟﻠﻲ ﻳﺨﺒﻮ ... ﻓﺤﺲ ﺑﺎﻟﻔﻘﺪﺍﻥ ﺍﻟﻠﻲ ﺗﻤﺮ ﻓﻴﻪ ﻣﺮﻳﻢ .. ﻭﺣﺲ
ﻟﻮﺣﺪﺗﻬﺎ ﻣﻦ ﺍﻟﻜﺒﺮ ﺍﻟﻠﻲ ﻣﻐﻄﻲ ﻛﻞ ﺍﻧﺤﺎﺋﻬﺎ .. ﻓﻼﻧﺖ ﻗﺴﻤﺎﺕ ﻣﺴﺎﻋﺪ
ﻭﻧﺰﻝ ﻋﻴـﻮﻧﻪ .. ﻭﻫﻮ ﻳﻔﻜﺮ ﺑﺬﻳﺞ ﺍﻟﺒﻨﺖ .. ﺻﺎﺣﺒﻪ ﺍﻟﻌﻴﻮﻥ ﺍﻟﺸﻔﺎﻓﺔ
ﻭﺍﻟﻨﻈﺮﺍﺕ ﺍﻟﻤﺘﺴﺎﺋﻠﺔ .. ﻓﺎﺗﻦ ... ﻃﻴﻒ ﻣﻦ ﺍﺟﻤﻞ ﺍﻻﻃﻴﺎﻑ ﺍﻟﻠﻲ ﻳﻤﻜﻦ
ﺗﻤﺮ ﻓﻲ ﺑﺎﻝ ﺍﺣﺪ .. ﻭﻻ ﻣﺨﻴﻠﺔ ﺍﻟﺸﺎﻋﺮ ﺗﻘﺪﺭ ﺍﻧﻬﺎ ﺗﺴﺘﻮﻋﺐ ﻣﺜﻞ
ﻫﺬﺍﻙ ﺍﻟﻄﻴﻒ .. ﺍﻟﻠﻲ ﺍﻟﻈﺎﻫﺮ ﺍﻧﻪ ﺿﺎﻳﻊ .. ﻭﻻ ﺍﺣﺪ ﻳﺪﺭﻱ ﻋﻨﻪ ..
ﺭﻓﻊ ﻋﻴﻮﻧﻪ ﺑﺼﻤﺖ ﻟﻮﻳﻪ ﻣﺮﻳﻢ .. ﻭﻧﻄﻖ ﺍﻟﺼﻮﺕ ...: ﻋﻴﻞ ﻣﺤﺪ ﻳﺪﺭﻱ
ﺍﻫﻲ ﻭﻳﻦ ..؟؟
ﺍﻧﺘﺒﻬﺖ ﻟﻪ ﻣﺮﻳﻢ ﺑﻬﺪﻭﺀ ﻭﻟﻜﻦ ﺍﻟﻌﺠﺐ ﻛﺎﻥ ﻓﻲ ﻧﻈﺮﺍﺗﻬﺎ ..: ﻣﻦ؟؟؟؟
ﻣﻦ ﻫﺪﻭﺀ ﻭﻳﻬﻪ ﻭﻭﺿﺢ ﺍﻻﺳﻢ ﺑﻌﻴﻮﻧﻪ ﻋﺮﻓﺖ .. ﻭﻧﺰﻟﺖ ﻋﻴﻮﻧﻬﺎ
ﺑﺎﻟﺨﻴﺒﺔ ..
ﻣﺮﻳﻢ : ﻻ .. ﻣﺤﺪ ﻓﻴﻨﺎ ﻳﺪﺭﻱ ﺍﻫﻲ ﻭﻳﻦ .. ﺣﺘﻰ ﺍﻫﻠﻬﺎ ... ﺍﻧﺘﻘﻠﺖ ..
ﻣﻦ ﺍﻟﺸﻘﺔ ﺍﻟﻠﻲ ﻛﺎﻧﺖ ﻓﻴﻬﺎ ﻟﻤﻜﺎﻥ ﺛﺎﻧﻲ .. ﻭﻛﻞ ﺍﻟﻠﻲ ﻳﻼﻗﻮﻧﻪ ﻣﻨﻬﺎ
ﺍﻫﻲ ﻣﻜﺎﻟﻤﺎﺕ ...
ﺗﻜﻮﺭ ﺛﻢ ﻣﺴﺎﻋﺪ ﺑﺼﻤﺖ .. ﻭﻟﻜﻦ ﻗﺒﻀﻪ ﻳﺪﻩ ﻛﻞ ﻣﺎ ﻳﺎ ﻟﻬﺎ ﺗﺸﺘﺪ ﻓﻲ
ﺛﺒﺎﻧﻪ .. ﻭﻫﻮ ﻳﻔﻜﺮ ﺑﺎﺳﺘﻘﻼﻟﻴﺔ ﻓﺎﺗﻦ ﺍﻟﻠﻲ ﺗﺠﻠﺐ ﺍﻟﺸﻴﺎﻃﻴﻦ ﻓﻲ ﺑﺎﻟﻪ !!
ﻣﺴـﺎﻋﺪ : ﻳﻌﻨﻲ ﻣﺤﺪ ﻳﺪﺭﻱ ﺍﻫﻲ ﻭﻳﻦ؟؟ ﻭﻻ ﺣﺘﻰ ﺍﻫﻠﻬﺎ؟؟؟ (ﻳﻨﺎﻇﺮ
ﻣﺮﻳﻢ ) ﻣﺘﺎﻛﺪﺓ ﺍﻥ .... ﺍﻡ ﺟﺮﺍﺡ ﻣﺎ ﺗﺪﺭﻱ؟؟؟
ﻣﺮﻳﻢ : ﻻ ﻭﻟﻠﻪ ﻣﺎ ﺗﺪﺭﻱ .. ﻛﻞ ﻣﺮﺓ ﻳﺘﺴﻨﻰ ﻟﻲ ﺍﺭﻭﺡ ﺍﺯﻭﺭﻫﺎ .. ﻭﺍﻫﻲ
ﻋﻠﻰ ﻧﻔﺲ ﺍﻟﺤﺎﻝ .. ﻣﺮﻳﻀﺔ ﻋﻠﻰ ﻏﻴﺎﺏ ﻓﺎﺗﻦ ... ﻭﺍﻟﻜﻞ ﺯﻋﻼﻥ
ﻋﻠﻴﻬﺎ ... ﺣﺘﻰ ﺍﻥ ﺟﺮﺍﺡ ﺭﺍﺡ ﻭﺭﺍﻫﺎ ﻟﻜﻦ .. ﻣﺎ ﻟﻘﻰ ﻟﻬﺎ ﺍﺛﺮ ...
ﻣﺴـﺎﻋﺪ ﻭﻫﻮ ﻳﻨﺎﻇﺮ ﺟﺪﺍﻡ : ﻣﺎ ﺩﺭﻯ ﻭﻳﻦ ﻳﺪﻭﺭﻫﺎ .. ﻓﺎﺗﻦ ﻣﻮ ﺑﻬﺬﺍﻙ
ﺍﻟﻐﻤﻮﺽ ﺍﻟﻠﻲ ﻣﺎ ﺗﻨﻌﺮﻑ ﺍﻣﻜﻨﺘﻬﺎ ..
ﻣﺮﻳﻢ : ﺑﺲ ... ﺍﻫﻲ ﺗﻐﻴﺮﺕ ﻣﺴﺎﻋﺪ !!
ﻣﺴﺎﻋﺪ ﻭﻫﻮ ﻳﻜﺒﺖ ﺻﺮﺧﺔ ﻓﻲ ﻧﻔﺴﻪ : ﺗﻐﻴﺮﺕ؟؟ ﻳﻤﻜﻦ ... ﺍﻭ ﻳﻤﻜﻦ
ﺯﺍﺩﺕ .. ﻓﻲ ﻏﺒﺎﺋﻬﺎ ..
ﻣﺮﻳﻢ ﻭﻫﻲ ﺗﺒﻠﻊ ﺭﻳﺠﻬﺎ ﻣﻦ ﻛﻼﻡ ﻣﺴﺎﻋﺪ :... ﺑﺲ ﻣﺎﻇﻨﻬﺎ ..
ﺗﻌﺮﻑ .....
ﻣﺴـﺎﻋﺪ ﻳﻨﺘﺒﻪ ﻟﻬﺎ : ﺗﻌﺮﻑ ﻋﻦ ﺷﻨﻮ؟؟؟؟ ( ﻧﺎﻇﺮ ﺭﻭﺣﻪ ﺑﺴﺨﺮﻳﺔ ) ﻋﻨﻲ
ﺍﻧﺎ؟؟ ﺻﺪﻗﻴﻨﻲ .. ﻟﻮ ﺍﺑﻲ ﺍﺧﻠﻴﻬﺎ ﺗﻌﺮﻑ .. ﻟﻜﻦ ﺍﻟﻈﺎﻫﺮ ﺍﻥ ﺣﺘﻰ ﺍﻫﻠﻬﺎ
ﻛﺎﻧﻮ ﺍﺫﻛﻴﺎﺀ .. (ﺑﻨﺒﺮﺓ ﺃﻟﻢ ) ﺍﻭ ﻳﻤﻜﻦ ﺍﻫﻲ ﻣﺎ ﺣﺎﻭﻟﺖ ﺍﻧﻬﺎ ﺗﻌﺮﻑ ....
ﺍﻝ ... ﺟﺎﺣﺪﺓ ..
ﺳﻜﺮﺕ ﻣﺮﻳﻢ ﺛﻤﻬﺎ ﺑﻘﺴـﻮﺓ ﻭﻫﻲ ﺗﻜﺒﺖ ﺩﻓﺎﻉ ﻓﻲ ﻗﻠﺒﻬﺎ ﻋﻠﻰ ﻓﺎﺗﻦ ...
ﺣﺒﻴﺒﺔ ﻗﻠﺒﻬﺎ ﻭﺻﺪﻳﻘﺔ ﻋﻤﺮﻫﺎ ﺍﻟﻠﻲ ﻣﺎ ﻳﻀﺎﻫﻲ ﻏﻼﻫﺎ ﺣﺘﻰ ﺍﺧﻮﻫﺎ
ﺍﻟﻜﺒﻴـﺮ .. ﻟﻜﻦ ﺍﺣﺘﺮﺍﻣﺎ ﻟﻤﺸﺎﻋﺮ ﻣﺴﺎﻋﺪ ﺗﻤﺖ ﻣﺮﻳﻢ ﺳﺎﻛﺘﺔ .. ﻭﻫﻲ
ﺗﺘﺮﺟﻰ ﺭﺏ ﺍﻟﻌﺎﻟﻤﻴﻦ ﻣﻦ ﺧﻔﺔ ﺍﻟﻤﻮﻗﻒ ..
ﻣﺴﺎﻋﺪ ﻭﻫﻮ ﻳﻨﺎﻇﺮ ﻣﺮﻳﻢ ﺑﺤﺬﺭ : ﺍﻗﺪﺭ ﺍﻻﻗﻴﻬﺎ ﻣﺮﻳﻢ ... ﻟﻮ ﺍﺑﻲ ..
ﻭﺍﻗﻮﻡ ... ﺍﺭﻭﺡ ﻟﻤﺤﻞ ﻣﺎ ﺍﻫﻲ ﻓﻴﻪ .. ﻭﺍﻻﻗﻴﻬﺎ ﻭﺍﻃﻠﻌﻬﺎ ﻣﻦ ﺟﺤﺮﻫﺎ
ﺍﻟﻠﻲ ﻣﺘﺨﺒﻴﺔ ﻓﻴﻪ ... ( ﻳﻨﺎﻇﺮ ﻟﻠﻔﺮﺍﻍ ﺍﻟﻠﻲ ﺟﺪﺍﻣﻪ ) ﻟﻮ ﺑﺲ ﺍﻟﻈﺮﻭﻑ
ﻛﺎﻧﺖ ﺛﺎﻧﻴﺔ .. ﻟﻮ ﺑﺲ ﻛﺎﻧﺖ ﻟﻲ ...... (ﺍﻻﺳﻒ ﻛﺴﻰ ﻋﻴﻮﻧﻪ ) ﻟﻮ
ﺑﺲ ... ﺍﺭﺩ ﻣﺴـــﺎﻋﺪ .... ﻟﻮ ...
ﺍﻟﻄﺎﻭﻟﺔ ﺍﻟﻠﻲ ﺟﺪﺍﻣﻪ ﻧﺎﻟﺖ ﺍﻟﻌﻘﺎﺏ ... ﻣﻦ ﻋﺼﻴﺒﺘﻪ ﻭﺍﻟﻬﻴﺠﺎﻥ ﺍﻟﻠﻲ
ﻣﺮ ﻓﻴﻪ ﺭﻣﻰ ﺑﺎﻟﻠﻲ ﻋﻠﻴﻬﻬﺎ ﻋﻠﻰ ﺍﻻﺭﺽ .. ﻭﺗﻢ ﻳﺮﺗﺠﻒ ﻣﻜﺎﻧﻪ ﻭﺍﻟﺪﻡ
ﻣﺘﺠﻤﻊ ﻓﻲ ﻭﻳﻬﻪ ﻣﺜﻞ ﻛﺘﻠﺔ ﺍﻟﻠﻬﺐ ﻭﺍﻟﻼﻓﺎ .. ﻭﻣﺮﻳﻢ ﺍﻟﻠﻲ ﻣﻦ ﻃﺎﺣﺖ
ﺍﻻﻏﺮﺍﺽ ﺍﻧﺘﻔﻀﺖ ﻣﻦ ﻣﻜﺎﻧﻬﺎ .. ﻭﻛﺎﻥ ﻏﻀﺐ ﻣﺴﺎﻋﺪ ﺑﻴﺮﺗﺪ ﻋﻠﻴﻬﺎ
ﺍﻫﻲ ﺑﻌﺪ ...
ﻣﺴـﺎﻋﺪ : ﻟﻜﻦ .... ﺍﻧﺎ ﺍﻟﻠﻲ ﺭﺍﺡ ﺍﺭﺩﺝ ﻳﺎ ﻓﺎﺗﻦ ... ﺍﻧﺎ ﺍﻟﻠﻲ ﺭﺍﺡ .. ﺍﺭﺩ
ﻣﺨﺞ ﻟﺞ .. ﻭﺍﻥ ﻛﺎﻥ ﻫﺎﻟﺸﻲ ﻳﻌﻨﻲ ... ﺧﺴﺎﺭﺗﻲ ﻻﺣﺘﺮﺍﻣﻲ ﻟﻨﻔﺴﻲ ..
ﺑﺮﺩﺝ ﻟﻠﻤﺮﺓ ﺍﻻﺧﻴــﺮﺓ .. ﻋﺸﺎﻥ ﺗﻜﻮﻭﻭﻧﻴﻦ ﺍﻧﺘﻲ ﺍﻟﻠﻲ ﺗﻈﻠﻴﻦ ... ﻭﺍﻧﺎ
ﺍﻟﻠﻲ ﺍﺭﻭﺡ .... ﺍﺭﻭﺡ ﻳﺎ ﻓﺎﺗﻦ ... ﺍﺭﻭﺡ .. ﻭﻟﻼﺑﺪ ...
ﻭﻗﻔﺖ ﻣﺮﻳﻢ ﻭﻫﻲ ﻣﺎﺳﻜﺔ ﺛﻤﻬﺎ ﻣﻦ ﺍﻟﺼﺪﻣﺔ .. ﻣﺴﺎﻋﺪ ﻣﺎ ﻋﺎﺩ ﺍﻫﻮ
ﻧﻔﺴﻪ .. ﺣﻨﻘﻪ ﻋﻠﻰ ﺍﻟﻠﻲ ﺻﺎﺑﻪ ﻭﻛﻞ ﺍﻟﻠﻲ ﻳﻤﺮ ﻓﻴﻪ ﺍﻧﺼﺐ ﻋﻠﻰ ﻓﺎﺗﻦ
ﻣﺜﻞ ﻣﺎ ﺗﻮﻗﻌﺖ .. ﻣﻮ ﻻﻧﻪ ﻳﻠﻮﻣﻬﺎ ﻋﻠﻰ ﺍﻟﻠﻲ ﺻﺎﺑﻪ .. ﻟﻜﻦ ﻋﻠﻰ ﻋﺪﻡ
ﺗﻮﺍﺟﺪﻫﺎ .. ﻭﻗﻠﻪ ﺍﻫﺘﻤﺎﻣﻬﺎ .. ﻭﺍﻧﺎﻧﻴﺘﻬﺎ .. ﻭﺍﻟﻠﻪ ﺍﻟﻌﺎﻟﻢ ﺑﺎﻟﻠﻲ ﺭﺍﺡ
ﺗﻮﺍﺟﻬﻪ ﻓﺎﺗﻦ .. ﻻﻥ ﺍﻥ ﺻﻤﻢ ﻣﺴﺎﻋﺪ ﻋﻠﻰ ﻫﺎﻟﺸﻲ .. ﺍﻧﻪ ﻳﻘﻮﻡ ﻣﺮﺓ
ﺛﺎﻧﻴﺔﺯ . ﺭﺍﺡ ﺗﻜﻮﻥ ﻣﺠﺒﺮﺓ ﻋﻠﻰ ﺍﻟﻤﻮﺍﺟﻬﺔ ﻣﻌﺎﻩ .. ﻭﻣﺎ ﺭﺍﺡ ﻳﻜﻮﻥ
ﺍﻟﺸﻲ ﻫﺎﺩﺉ ...
ﻃﻠﻌﺖ ﻣﺮﻳﻢ ﻣﻦ ﺍﻟﺪﺍﺭ ﻣﻦ ﺑﻌﺪ ﻣﺎ ﺳﻜﺮ ﻣﺴﺎﻋﺪ ﻋﻴﻮﻧﻪ ﻭﻫﺪﺃﺕ
ﺃﻋﺼﺎﺑﻪ .. ﻟﻤﺖ ﺟﻨﻄﺘﻬﺎ ﺍﻟﻰ ﺣﻈﻨﻬﺎ ﻭﺍﻫﻲ ﺗﻤﺸﻲ .. ﻭﺗﺤﺲ ﺑﻘﺮﺏ
ﻧﻬﺎﻳﺔ ﺍﻻﺷﻴﺎﺀ .. ﺻﺤﻮﺓ ﻣﺴﺎﻋﺪ ﺍﺷﺒﻪ ﺑﺎﻟﺒﺮﻛﺎﻥ ﺍﻟﺜﺎﺋﺮ .. ﺍﻟﻲ ﺑﻠﻬﻴﺒﻪ
ﺭﺍﺡ ﻳﺤﺮﻕ ﻛﻞ ﺷﻲ ﻭﺍﻗﻊ ﺗﺤﺖ ﺧﻂ ﺍﻻﻧﺘﺒﺎﻩ ... ﻛﻞ ﺷﻲ ﺭﺍﺡ ﻳﻜﻮﻥ
ﻣﻜﺸﻮﻑ .. ﻛﻞ ﺍﻻﻭﺭﺍﻕ ﻣﻠﻌﻮﺑﺔ .. ﻭﻣﺎ ﺑﻘﺖ ﺍﻻ ﺍﻭﺭﺍﻕ ﻓﺎﺗﻦ .. ﺍﻟﻠﻲ
ﻣﺤﺪ ﺑﻴﻜﺸﻔﻬﺎ .. ﻏﻴﺮﻣﺴــﺎﻋﺪ ﻧﻔﺴﻪ ...
ﺣﺴﺖ ﻣﺮﻳﻢ ﺑﺎﻻﺧﺘﻨﺎﻕ .. ﻻﻥ ﻋﻴﻮﻥ ﻣﺴـﺎﻋﺪ ﻛﺎﻧﺖ ﻻﻭﻝ ﻣﺮﺓ ﺧﺎﻟﻴﺔ
ﻣﻦ ﺍﻟﻨﻈﺮﺍﺕ ﺍﻟﻠﻲ ﺗﺠﻠﺐ ﺍﻟﻠﻤﻌﺔ ﻻ ﺫﻛﺮ ﻓﺎﺗﻦ .. ﻛﺎﻥ ﻓﻴﻬﺎ ﺷﻲ .. ﺷﻲ
ﻣﻦ ﺍﻟﻮﺣﺸﻴﺔ ﻭﺍﻟﺠﻤﺎﺡ .. ﺍﻟﻠﻲ ﻳﻤﺜﻠﻪ ﺣﻴﻮﺍﻥ ﺑﺮﻱ .. ﻣﺴﺎﻋﺪ ﻣﺎ ﻋﺎﺩ
ﻳﺘﻤﺘﻊ ﺑﺎﻟﺤﺐ ﺍﻟﻠﻲ ﻛﺎﻥ ﻳﻜﻨﻪ ﻟﻔﺎﺗﻦ .. ﻛﻞ ﺷﻲ ﺿﺎﻉ ﻓﻲ ﻏﻴﺒﻮﺑﺘﻪ
ﻭﺻﺤﻮﺗﻪ ﺍﻷﻟﻴﻤﺔ .. ﻭﻣﺎ ﻳﻨﻼﻡ .. ﻣﺎ ﻳﻨﻼﻡ ﻣﺴﺎﻋﺪ ...
ﺷﻠﻲ ﻳﻨﺘﻈﺮﺝ ﻳﺎ ﻓﺎﺗﻦ – ﻗﺎﻟﺖ ﻣﺮﻳﻢ ﻓﻲ ﻗﻠﺒﻬﺎ - ﺷﻠﻲ ﻳﻨﺘﻈﺮﺝ ﻣﻦ
ﺭﻳﺎﻝ ﺗﻤﻨﻰ ﻭﺟﻮﺩﺝ ﻓﻲ ﻟﺤﻈﻪ ﺿﻌﻔﻪ .. ﻭﻣﺎ ﻛﻨﺘﻲ ﻣﻮﺟﻮﺩﺓ ﻋﺸﺎﻧﻪ ..
ﺭﺟﻞ ﺿﺤﻰ ﺑﺎﺷﻴﺎﺀ ﻋﺸﺎﻧﺞ .. ﻭﺍﻧﺘﻲ ﻣﺎ ﻛﻨﺘﻲ ﻗﺎﺩﺭﺓ ﺍﻧﺞ ﺗﺘﻨﺎﺳﻴﻦ
ﻣﺸﺎﻋﺮﺝ ﻭﻻ ﺍﺣﺎﺳﻴﺴﺞ ﻭﺍﻟﺘﻔﻜﻴﺮ ﻓﻴﻪ ﻟﺪﻗﺎﻳﻖ ﻭﺍﻫﻮ ﺍﻟﻠﻲ ﻣﻀﻰ
ﻋﻠﻴﺞ ﻭﺍﻫﻮ ﻋﺎﺭﻑ ﺑﺎﻟﻠﻲ ﻳﺘﻤﻠﻜﺞ .. ﻳﻤﻜﻦ ﻫﺬﺍ ﺍﻧﺘﻘﺎﻣﺞ ﺍﻟﻠﻼ ﺣﺴﻲ ﻳﺎ
ﺻﺪﻳﻘﺘﻲ ﺍﻟﻐﺎﻟﻴﺔ .. ﻳﻤﻜﻦ ﻫﺬﻱ ﻧﻬﺎﻳﺔ ﺍﻟﺒﺮﺍﺀﺓ ﺍﻟﻠﻲ ﻛﻨﺘﻲ ﺗﺘﻤﺘﻌﻴﻦ ﺑﻬﺎ
ﺍﻧﺘﻲ ﻭﻣﺴـﺎﻋﺪ ﻋﻠﻰ ﺍﻟﺮﻏﻢ ﻣﻦ ﻛﻞ ﺷﻲ ... ﻳﻤﻜﻦ ﻫﺬﺍ ﻫﻮ ﻧﻬﺎﻳﺔ
ﺍﻳﻤﺎﻧﻲ ﺑﺎﻟﺤﺐ .. ﻭﺍﻥ ﺍﻟﻤﺤﺒﻴﻦ ﻟﻬﻢ ﻧﻬﺎﻳﺔ ﺳﻌﻴﺪﺓ ... ﻣﻮ ﻛﻞ ﺷﻲ ﻟﻪ
ﺍﻟﻨﻬﺎﻳﺔ ﺍﻟﺴﻌﻴﺪﺓ .. ﻣﺜﻞ ﻣﺎ ﺍﻥ ﺍﻻﺣﻼﻡ ﻣﻮ ﻻﺯﻡ ﺗﺘﺤﻘﻖ ﺑﻬﺎﻟﺰﻣﻦ .. ﻭﺍﻻ
ﺍﻻﺣﻼﻡ ﺍﻟﻠﻲ ﺗﻜﻮﻥ ﻣﺠﺎﻧﻴﺔ .. ﻻ ﺗﺤﻘﻘﺖ .. ﻳﻨﺪﻓﻊ ﻫﺎﻟﺜﻤﻦ ﺍﻟﻐﺎﻟﻲ ..
ﻭﺍﻟﻤﻠﻴﺊ ﺑﺎﻻﺣﺰﺍﻥ ﻭﺍﻵﻫﺎﺕ .. ﺍﺫﺍ ﺍﻟﺤﺐ ﺟﺬﻱ .. ﻓﻠﻴﺶ ﺍﻟﻨﺎﺱ
ﻳﺤﺒﻮﻥ؟؟؟ ﻟﻴﺶ ؟؟ !!!!