الفصل 30
ﻣﺮﺕ ﺍﻟﺮﻳـﺎﺡ .. ﺣﻘﺎ .. ﻟﺒﻌﺾ ﺍﻟﺴﻔﻦ ﺑﻤﺎ ﻻ ﺗﺸﺘﻬﻲ ..
ﺗﺤﺘﻢ ﺍﻟﻔﺮﺍﻕ ﻋﻠﻰ ﺑﻌﻀﻬﺎ .. ﻭﺍﻟﻘﺮﺏ ﻣﻦ ﺑﻌﻀﻬﺎ .. ﻭﺍﻟﺴﻜﻮﻥ ﻓﻲ
ﺍﺧﺮﻯ .. ﻭﺍﺧﺮﻯ ﺍﻟﻀﻴـﺎﻉ ﻓﻲ ﻣﺘﺎﻫﺎﺕ ﺍﻟﻐﺪﺭ ﻭﺍﻻﻧﺘﻘﺎﻡ ..
ﻓﺎﺗﻦ ﻭﻣﺴـﺎﻋﺪ ﻇﻠﻮ ﻃﻮﻝ ﻓﺘﺮﺓ ﺍﻟﺨﻤﺴﺔ ﺍﻳﺎﻡ ﻓﻲ ﺟﻮ ﻫﺎﺩﺉ ﻭﻟﻜﻦ
ﻣﻨﺬﺭ ﺑﺎﻟﺸﺆﻡ .. ﻓﺎﺗﻦ ﻇﻠﺖ ﻓﻲ ﺣﺎﻟﺔ ﻣﻦ ﺍﻟﺸﻚ ﻭﺍﻟﺘﺨﻴـﻞ .. ﻟﻤﺎﺿﻲ
ﻣﺴـﺎﻋﺪ .. ﻻﺟﺎﺑﺘﻪ ﺍﻟﻐﻴـﺮ ﻣﻘﻨﻌﺔ .. ﻭﺍﻟﻠﻲ ﻛﺎﻧﺖ ﺭﺩ ﺑﺎﻟﺴﺆﺍﻝ .. ﻭﻧﻈﺮﺓ
ﻋﻴﻮﻧﻪ ﺍﻟﻲ ﺟﺒﻨﺘﻬﺎ ﻭﻻ ﺧﻠﺘﻬﺎ ﺗﻄﺎﻟﺐ ﺑﺎﻻﻛﺜﺮ .. ﻛﺎﻧﺖ ﻣﺼﺪﺭ ﻗﻠﻖ ﻟﻬﺎ ..
ﻭﻣﺴﺎﻋﺪ ﻓﻲ ﺍﻟﺠﻬﺔ ﺍﻟﺜﺎﻧﻴﺔ ﺣﺲ ﺍﻥ ﺍﻟﺴﺮ ﺍﻟﻜﺒﻴﺮ ﺍﻟﺠﺎﺛﻢ ﻋﻠﻰ ﺻﺪﺭﻩ
ﻋﻠﻰ ﻭﺷﻚ ﺍﻧﻪ ﻳﻨﻜﺸﻒ .. ﻭﻋﺎﻟﻴﺔ ﻭﺣﻘﻴﻘﺘﻬﺎ ﺭﺍﺡ ﺗﻜﻮﻥ ﻋﻠﻰ ﺍﻟﻤﻸ ..
ﻭﻓﺎﺗﻦ .. ﻣﺎ ﻳﻌﺮﻑ ﺷﺮﺍﺡ ﺗﻜﻮﻥ ﺭﺩﺓ ﻓﻌﻠﻬﺎ .. ﺍﺫﺍ ﺍﻫﻮ ﻧﻔﺴﻪ ﻧﺎﺩﻡ ﻋﻠﻰ
ﺍﻧﻪ ﺗﻤﻨﻰ ﻓﺎﺗﻦ ﺑﺲ ﻟﻜﻮﻧﻬﺎ ﺷﺒﺢ ﻟﺮﻭﺡ ﻋﺎﻟﻴﺔ .. ﺷﺒﺢ ﻣﻠﻤﻮﻭﺱ ﻇﻦ
ﺍﻧﻪ ﻟﻮ ﻣﻠﻜﻪ ﺭﺍﺡ ﻳﻤﻠﻚ ﻋﺎﻟﻴﺔ ﻣﻦ ﺟﺪﻳﺪ .. ﻟﻜﻦ ﺍﻟﺤﺐ ﺍﻟﻠﻲ ﺍﺗﻮﻟﺪ
ﺑﻘﻠﺒﻪ ﻣﺜﻞ ﺷﻌﻠﺔ ﺑﻠﻴﻠﺔ ﻋﻴـﺪ ﺧﻼﻩ ﻳﺮﺟﻊ ﺑﺘﻔﻜﻴﺮﻩ ﺍﻣﺮﺍﺭ ..
ﻭﻟﻜﻦ .. ﻗﺒﻞ ﻻﻳﺤـﻜﻢ ﺍﻟﻘﺪﺭ ﻋﻠﻴﻪ ﻣﻦ ﻏﻴﺮ ﺍﻱ ﺟﻨﺎﻳﺔ ﺭﺍﺡ ﻳﺘﻘﺪﻡ
ﺑﻬﺎﻟﺸﻲ ﻣﻦ ﻧﻔﺴﻪ ﻭﻳﻜﻠﻢ ﻓﺎﺗﻦ ﻋﻦ ﻋﺎﻟﻴﺔ ﻭﻣﺎﺿﻴﻪ ﻣﻌﺎﻫﺎ .. ﻗﺒﻞ ﻻ
ﺗﻌﺮﻑ ﺍﻟﺸﻲ ﻣﻦ ﺍﺣﺪ .. ﺍﻭ ﻣﻦ ﻧﻔﺴﻬﺎ ..
ﺑﻌﺪ ﻣﺎ ﺍﻭﺩﻉ ﺳﻤـﺎﺀ ﺍﻟﺼﺎﻣـﺘﺔ .. ﺍﻟﺼﺎﺑﺮﺓ ﻭﺍﻟﺴﺎﻛﺘﺔ ﻋﻠﻰ ﺿﻴﻤﻬﺎ ﺭﺍﺡ
ﻋﻨﻬﺎ ﻣﺸـﻌﻞ ﻭﻫﻮ ﻣﻀﻄﺮﺏ ﺍﻟﻘﻠﺐ .. ﻣﻠﻬﻮﺏ ﺍﻟﺤﻮﺍﺱ ﻭﺷﻲ ﺷﺎﻏﻞ
ﺗﻔﻜﻴـﺮﻩ ﺍﻟﺮﺩﻳﺊ .. ﻓﻜـﺮﺓ ﺍﻧﻪ ﺻﺎﺭ ﻗﺮﻳﺐ ﻣﻦ ﺃﺫﻯ ﻓﺎﺗﻦ ﺟﻠﺒﺖ ﻟﻪ
ﺍﻗﺼـﻰ ﺍﻟﻨﺸـﻮﺍﺕ ﺍﻟﻠﻲ ﺑﺪﺍﻳﺎﺗﻬﺎ ﺗﻜﻮﻥ ﻣﺮﺑﻜﺔ .. ﻭﺷﻲ ﺗﺤﺮﻙ ﻓﻲ
ﻧﻔﺴﻪ ﻣﻦ ﻣﺸﻌﻞ ﺍﻟﺴﺎﺑﻖ ﺍﻭ ﺍﻟﻐﺒﻲ ﻋﻠﻰ ﻗﻮﻟﺘﻪ ﺧﻼﻩ ﻳﺘﺮﺩﺩ ﺍﻛﺜﺮ ﻣﻦ
ﻣﺮﺓ .. ﻟﻜﻦ ﺫﻛﺮ ﻣﺴﺎﻋﺪ ﻛﺎﻥ ﺍﻟﻜﻔﻴـﻞ ﺍﻧﻪ ﻳﺴﺘﻤـﺮ ﻭﺑﻀﺮﺍﻭﺓ ﻓﻲ
ﻫﺎﻟﻤﻮﺿﻮﻉ .. ﻛﺎﻥ ﺧﺎﺋﻒ ﺍﻥ ﻭﻻ ﻣﻦ ﻫﺎﻷﺷﻴﺎﺀ ﺭﺍﺡ ﻳﻜـﻮﻥ ﻛﺎﻓﻲ ﻟﻬﺪﻡ
ﻣﺎ ﺑﻴـﻦ ﺍﻷﺛﻨـﻴﻦ ..
ﺍﺫﺍ ﻣﺎ ﻛﺎﻥ ﻗﺎﺩﺭ ﻋﻠﻰ ﻣﺴـﺎﻋﺪ ﻓﻬﻮ ﺃﻛﻴـﺪ ﺑﻴﻘـﺪﺭ ﻋﻠﻰ ﻓﺎﺗﻦ .. ﻓﺎﺗﻦ
ﻣﻬﻤﺎ ﺗﻈﺎﻫﺮﺕ ﺑﺎﻟﻘﻮﺓ ﺗﻈﻞ ﺍﻧﺴﺎﻧﺔ ﺿﻌﻴـﻔﺔ .. ﻣﺸـﺎﻋﺮﻫﺎ ﺭﻫﻴـﻔﺔ
ﻭﺳﻬـﻠﺔ ﺍﻟﻜﺴـﺮ .. ﻻﺯﻡ ﺗﺘﺄﻟﻢ .. ﻋﺸﺎﻥ ﺗﻌﺮﻑ ﻣﻘﺪﺍﺭ ﺣﺒﻲ ﻟﻬﺎ .. ﻭﺍﻟﺤﺐ
ﻫﻮ ﺍﻟﻌﺬﺍﺏ .. ﻻ ﺗﻨﺴﻰ ﺭﺳﻢ ﺍﻷﻟﻒ .. ﻻﻥ ﻫﺎﻟﻤﻌﻨﻰ ﺟﺪﺍ ﺭﺍﺡ
ﻳﺨﺘﻠﻒ ..
ﺍﻣﺎ ﺟـﺮﺍﺡ ﻓﻬﻮ ﻳﻀﻤـﺮ ﻣﻔﺎﺟﺎﺓ ﻛﺒﻴـﺮﺓ ﻣﻦ ﻧﻮﻋﻬﺎ . ﺑﺤﻖ ﻧﻔﺴﻪ ﻭﺑﺤﻖ
ﺍﻟﺤﺒﻴـﺒﺔ ﺍﻷﺯﻟﻴﺔ .. ﻭﻓﻮﻕ ﻛﻞ ﻫﺬﺍ ﻣﻮ ﻋﺎﺭﻑ ﺍﻥ ﻫﺎﻟﻤﻔﺎﺟﺎﺓ ﺭﺍﺡ ﺗﻜﻮﻥ
ﻛﺒﻴـﺮﺓ ﺣﺘﻰ ﻋﻠﻰ ﺃﻫﻠﻪ ..
ﺍﺳﺘﻌﺪﺍﺩﺍﺕ ﺯﻭﺍﺝ ﻧﻮﺭﺓ ﻛﺎﻧﺖ ﻋﻠﻰ ﺃﻫﺒﻬﺎ .. ﻣﺎ ﺑﻘﻰ ﺷﻲ .. ﺍﺭﺑﻌﺔ ﺍﻳﺎﻡ
ﻭﺧﻼﺹ ﺗﺮﻭﺡ ﻣﻦ ﻫﺎﻟﺒﻴﺖ ﻭﺗﻈﻞ ﻣﺮﻳﻢ ﺑﺮﻭﺣﻬﺎ .. ﺣﺎﻟﺘﻬﺎ ﺍﻟﻨﻔﺴﻴﺔ
ﺍﻻﺧﻴـﺮﺓ ﻓﻲ ﻣﻨﺘﻬﻰ ﺍﻟﺘﻮﺗﺮ .. ﻭﻟﻜﻦ ﺑﻌﺪ ﻣﺎ ﻛﺎﻥ ﻫﺬﺍ ﺳﺒﺐ ﻟﺘﻮﺗﺮﻫﺎ ..
ﺷﻲ ﻓﻲ ﺍﻟﺠﻮ .. ﻣﺜﻴﺮ ﻟﻼﺷﺘﻬﺒﺎﺀ ﻭﺍﻟﺤﻤﺎﺱ .. ﺷﻲ ﻣﻦ ﺍﻟﻔﺮﺣـﺔ ﻟﻜﻦ
ﺍﻻﺣﺘﺮﺍﺱ ﻣﻦ ﻛﺜﺮﻫﺎ ﻋﺸﺎﻥ ﻻ ﺗﻄﻴـﺮ ﺑﺎﻟﻬﻮﺍﺀ ﻗﺒﻞ ﻻ ﺗﺴﻘﻂ ﺑﺎﻟﻴـﺪ ..
ﻭﺍﻛﺜﺮ ﻣﻦ ﻣﺮﺓ ﺣﺴﺖ ﻗﺮﺏ ﻣﻦ ﺟﺮﺍﺡ ﻟﺮﻭﺣﻬﺎ ﺑﺪﺭﺟﺔ ﻓﻈﻴﻌﺔ
ﻟﻨﻔﺴﻬﺎ .. ﻟﺪﺭﺟﺔ ﺍﻧﻬﺎ ﺗﻮﻗﻒ ﻣﻊ ﻧﻔﺴﻬﺎ ﻭﺗﺘﻌﻮﺫ ﻣﻦ ﺑﻠﻴﺲ .. ﻣﻦ ﺷﺪﺓ
ﺍﻟﻤﺸـﺎﻋﺮ ﺍﻟﻠﻲ ﻋﻠﻰ ﻗﻠﺒﻬﺎ ..
ﻓﻲ ﺑﻴﺖ ﺑﻮ ﺟﺮﺍﺡ .. ﺍﻟﻌﺼـﺮ ..
ﻛﺎﻥ ﺟﺮﺍﺡ ﻭﺍﻗﻒ ﻭﻫﻮ ﻳﺘﻤﻨﻈﺮ ﻓﻲ ﺍﻟﻤﻄﺮ ﻭﻛﻴﻒ ﻳﻬﺐ ﻋﻠﻴﻬﻢ ﻣﺜﻞ
ﺍﻟﺮﺣﻤﺔ ﻣﻦ ﺭﺏ ﺍﻟﻌﺎﻟﻤﻴـﻦ ... ﺣﺲ ﻭﻟﺴﺒﺐ ﻏﺮﻳﺐ ﺍﻥ ﺍﺑﻮﻩ ﺍﻟﻤﺮﺣﻮﻡ
ﺍﻫﻮ ﺍﻟﻠﻲ ﻳﻨﺰﻝ ﻋﻠﻴﻬﻢ .. ﻛﺎﻥ ﺭﺣﻮﻭﻡ .. ﻭﻭﺟﻮﺩﻩ ﺣﺮﻳﺮﻱ ﺳﻠﺴﺒﻴﻠﻲ
ﻓﻲ ﻗﻠﺐ ﺃﻱ ﻛﺎﻥ .. ﺍﻟﻠﻪ ﻳﺮﺣﻤﻚ ﻳﺎ ﻳﺒﺎ .. ﺗﻤﻨﻴﺘﻚ ﻣﻌﺎﻱ ﺑﻬﺬﺍ ﺍﻟﻴـﻮﻡ ..
ﻭﻳﺎﻟﻴﺘﻚ ﻛﻨﺖ ﻣﻮﺟﻮﺩ .. ﻣﺤﻠﻰ ﺍﻟﻮﻟﺪ ﻻ ﻭﻗﻒ ﻭﻳﺎﻩ ﺍﺑﻮﻩ ﻓﻲ ﻟﻴﻠـﺔ
ﻣﺜﻞ ﻫﺬﻱ .. ﺍﻟﻠﻪ ﻳﺮﺣﻤﻚ .. ﻳﺎ ﺑﻮ ﺟﺮﺍﺡ ..
ﻳﺎﺕ ﻟﻪ ﻓﺎﺗﻦ ﻭﻫﻲ ﺣﺎﻣﻠﺔ ﺍﻟﺘﻠﻔﻮﻥ ﺍﻟﻼﺳﻠﻜﻲ ﺑﻴﺪﻫﺎ ﻭﺗﻮﻫﺎ ﻣﺴﻜـﺮﺗﻪ ..
ﺍﻟﺘﻔﺖ ﻟﻬﺎ ﺟﺮﺍﺡ : ﺧﺒـﺮﺗﻴﻪ؟
ﻓﺎﺗﻦ ﺍﻟﻤﺒﺘﺴﻤﺔ : ﺍﻱ ﺧﺒﺮﺗﻪ .. ﺍﺳﺘﻐﺮﺏ ﺍﻭﻝ ﺷﻲ .. ﻟﻜﻦ ﻗﺎﻝ ﺣﻴﺎﻛﻢ
ﺍﻟﻠﻪ ..
ﺟﺮﺍﺡ ﻭﻫﻮ ﻳﺒﺘﺴﻢ ﺑﺘﻮﺗﺮ ﻭﻳﺤﺮﻙ ﻳﺪﻩ ﻓﻲ ﺷﻌﺮﻩ : ﻣﺎﺩﺭﻱ ﻓﺘﻮﻥ ..
ﺍﺣﺲ ﺍﻥ ﻗﻄﺎﺭ ﺑﻴﺪﻭﺳﻨﻲ ﺍﻟﺤﻴﻦ .. ﻣﺎﺩﺭﻱ ﺷﻬﺎﻟﺘﻮﺗﺮ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻪ .. ﺍﺫﺍ ﺍﻧﺖ ﻗﻄـﺎﺭ .. ﻣﺮﻳﻢ ﺷﺮﺍﺡ ﻳﺼﻴـﺮ ﻓﻴﻬﺎ .
ﻫﺬﻳﺞ ﺑﺘﺪﻋﻤﻬﺎ ﺳﻔﻴـﻨﺔ ﺑﻜﺒﺮﻫﺎ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺳﻜﺖ ﺷﻮﻱ ﺟﺮﺍﺡ ﻭﻫﻮ ﻳﻤﺸﻲ ﻓﻲ ﺍﻟﺼﺎﻟﺔ ﻭﻳﻨﺰﻝ ﻣﻦ ﺍﻟﺪﺭﺟﺎﺕ
ﺑﺨﻔﺔ .. ﻭﻓﺎﺗﻦ ﺍﻟﻠﻲ ﻇﻠﺖ ﻣﻜﺎﻧﻬﺎ ﺗﻨﺎﻇﺮ ﺍﻟﺮﺣﻤﺔ ... ﻭﺗﺬﻛﺮﺕ ﻣﻄـﺮ
ﺑﻮﺳﻄـﻦ .. ﺷﻜﺜـﺮ ﻛﺎﻥ ﻋﺬﺏ ﻭﺣﻠﻮ ﻟﻜﻦ ﻳﻬﻴﺞ ﻓﻴﻬﺎ ﺍﻟﺒﺠﻲ ﻭﺍﻟﺪﻣﻮﻉ ..
ﻭﻋﻠﻰ ﻣﻦ .. ﻋﻠﻰ ﺳﺒﺐ ﺍﻟﻔﻮﺿﻰ ﺍﻟﻨﻔﺴﻴﺔ ﺍﻟﻠﻲ ﺍﻫﻲ ﻓﻴﻬﺎ .. ﺍﻟﻈﺎﻫﺮ
ﺍﻥ ﺣﻴﺎﺗﻬﺎ ﻭﻳﺎ ﻣﺴـﺎﻋﺪ ﺳﻮﺍ ﻛﺎﻧﺖ ﻣﺮﻳﺤﺔ ﻭﻻ ﻻﺀ .. ﺭﺍﺡ ﺗﻜﻮﻥ
ﻣﻠﻴﺌﻪ ﺑﻬﺎﻟﻨﻮﻉ ﻣﻦ ﺍﻟﻔﻮﺿﻰ ..
ﻳﺎﻫﺎ ﺻﻮﺕ ﺟﺮﺍﺡ ﻣﻦ ﻭﺭﺍﻫﺎ ..: ﺗﻬﻘﻴﻦ ﺍﻟﻮﻗﺖ ﻣﻨﺎﺳﺐ ﻓﺎﺗﻦ؟
ﻓﺎﺗﻦ ﺭﺍﺣﺖ ﻟﻌﻨﺪﻩ ..: ﺍﻟﺰﻭﺍﺝ ﻣﺎﻟﻪ ﻭﻗﺖ ﻣﻨﺎﺳﺐ .. ﺩﺍﻣﻨﻚ ﺗﻌﺮﻑ ﺍﻧﻚ
ﻟﻬﺎ .. ﻭﺍﻥ ﺍﻟﺸﻲ ﻓﻲ ﻗﻠﺒﻚ ﺑﻘﻮﺓ ﺍﻻﻳﻤـﺎﻥ .. ( ﺍﺑﺘﺴﺎﻣﺔ ﺭﺍﺣﺔ ﻓﻲ ﻭﻳﻪ
ﺍﺧﻮﻫﺎ ) ﺧﻼﺹ .. ﻻ ﺗﻔﻜﺮ ﺍﻛﺜﺮ ...
ﺟﺮﺍﺡ ﻭﻫﻮ ﻳﻔﺘﺢ ﻋﻴﻮﻧﻪ ﻓﻲ ﻭﻳﻪ ﻓﺎﺗﻦ ..: ﻓﺘﻮﻥ .. ﺍﻧﺘﻲ ﻭﺍﻳﺪ
ﺗﻬﺬﺭﻳﻦ ﺗﺪﺭﻳﻦ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻣﻦ ﺯﻣﺎﻥ .. ﺗﻮﻙ ﺩﺍﺭﻱ ..
ﺟﺮﺍﺡ ﻭﻫﻮ ﻳﻠﻤﻬﺎ : ﺑﺲ ﻫﺬﺭﺗﺞ ﻫﺬﻱ ﻣﺎﺍﺍﺍﺍﺍﺍﻱ ﻋﻠﻰ ﺍﻟﻨﺎﺭ ﺍﻟﻠﻲ ﻓﻲ
ﻳﻮﻑ ﺍﻟﻮﺍﺣﺪ .. ﺍﻟﻠﻪ ﻳﻬﻨﻲ ﻣﺴـﺎﻋﺪ ﻓﻴﺞ .. ﻭﺍﻟﻠﻪ ﺍﻧﺞ ﻗﻤـﺔ ﻣﻦ ﺍﻟﺮﻭﻋﺔ
ﺑﺤﻴﺚ ﺍﻧﻪ ﻣﺎ ﺭﺡ ﻳﺘﺤﻤﻠﺞ ﻛﻠﺞ ﻋﻠﻰ ﺑﻌﻀﺞ ..
ﻓﺎﺗﻦ ﺑﺤﻴﺎ ﺑﺴﻴﻂ ﻣﻦ ﺍﻃﺮﺍﺀ ﺍﺧﻮﻫﺎ ..: ﺍﺷﻜﺮ ﺷﻌﻮﺭﻙ .. ﻋﺸﺎﻥ ﺗﻌﺮﻑ
ﺍﺣﻨﺎ ﺍﻟﻴﺎﺳﻲ .. ﻣﺎﻟﻨﺎ ﺷﺒﻴﻪ ..
ﺑﻌﺪ ﻓﺘـﺮﺓ ﻣﻦ ﺍﻟﺼﻤـﺖ ﻭﻫﻢ ﻳﺴﻤـﻌﻮﻥ ﺯﺥ ﺍﻟﻤﻄـﺮ ﺍﻟﻠﺬﻳﺬ ﻋﻠﻰ
ﺍﻷﺭﺽ ﺍﻟﻌﻄﺸﻰ .. ﺍﻟﺘﻘﺎﺀ ﻏﺮﻳﺒﻴﻦ .. ﺍﻭ ﻗﺮﻳﺒﻴﻦ ﻭﻟﻜﻦ ﺑﻌﻴﺪﻳـﻦ ..
ﻓﺎﺗﻦ ﻭﻫﻲ ﺗﺘﻨﻬﺪ : ﻛﻠﻤﺖ ﺃﻣﻲ؟
ﺟﺮﺍﺡ ﻳﻬﺰ ﺭﺍﺳﻪ ﺑﺎﻻﻳﺠﺎﺏ : ﺍﻱ .. ﻛﻠﻤﺘﻬﺎ .. ( ﺍﻣﺘﻌﺾ ﺷﻜﻠﻬﺎ ) ﻏﻴﺎﺏ
ﺳﻤـﺎﺀ ﻭﺣﺎﻟﺔ ﺧﺎﻟﺪ ﺑﻌﺪﻫﻢ ﻣﺄﺛﺮﻳﻦ ﻓﻴﻬﺎ ﺑﻘﻮﺓ ..
ﻓﺎﺗﻦ ﻭﻫﻲ ﺗﺒﺘﺴﻢ ﺑﺄﻟﻢ ..: ﻟﻜﻦ ﻣﺎ ﺭﺩﻫﺎ ﺑﺘﻄﻮﻑ ﻫﺎﻟﺸﻲ .. ﺍﺫﺍ ﻋﻦ
ﺧﺎﻟﺪ ﻓﻤﺘﻮﻗﻌﺔ ﺍﻧﻪ ﺑﻴﺘﺠﺎﻭﺯ ﻫﺎﻟﺸﻲ ﺑﻨﺠﺎﺡ .. ﻟﻜﻦ ﺳﻤـﺎﺀ ( ﺑﺄﺳﻒ )
ﻫﺬﻱ ﺍﻟﻠﻲ ﻳﻤﻜﻦ ﻣﺎ ﻧﻠﻘﻰ ﻋﻨﻬﺎ ﺧﺒـﺮ ﻭﻻ ﻋﻠـﻢ ..
ﺟﺮﺍﺡ : ﺍﺫﺍ ﺑﻐﺘﻨﺎ ﺑﺘﻼﻗﻴﻨﺎ ﻳﺎ ﻓﺎﺗـﻦ .. ﺍﺣﻨﺎ ﻣﺎ ﺑﻨﺮﻭﺡ ﻣﻜﺎﻥ ﻭﺑﻨﻈﻞ
ﻫﻨﻲ ﻧﻨﺘﻈﺮﻫﺎ ﻃﻮﻝ ﺍﻟﻌﻤـﺮ .. ﺍﻥ ﺟﺎﻥ ﻣﻮ ﺍﻧﺎ ﻭﻻ ﺍﻧﺘﻲ ﻭﻻ ﺣﺘﻰ
ﻳﻤﻜﻦ ﺍﻣﻲ .. ﺧﺎﻟﺪ ..
ﻓﺎﺗﻦ ﻭﻫﻲ ﺗﻬﺰ ﺭﺍﺳﻬﺎ ﺑﺎﻟﻨﻔﻲ : ﻣﺎ ﻋﻤﺮﻱ ﺗﻮﻗﻌﺖ .. ﻫﺎﻻﺛﻨﻴﻦ ﻳﺤﺒﻮﻭﻥ
ﺑﻌﺾ .. ﻭﺑﻬﺎﻟﺸﻜﻞ .. ﻣﻊ ﺍﻧﻬﻢ ﺻﻐـﺎﺭ .
ﺟﺮﺍﺡ ﻳﺒﺘﺴﻢ : ﺍﻟﺤﺐ ﻣﺎ ﻳﻌﺮﻑ ﺻﻐﻴـﺮ ﻭﻻ ﻛﺒﻴـﺮ ﻳﺎ ﻓﺎﺗﻦ .. ﺍﻟﺤﺐ
ﺑﺪﺍﻳﺘﻪ ﺷﻌﻠﻪ ﺍﻫﺘﻤﺎﻡ .. ﺍﻟﻔﺔ .. ﻭﻗﺮﺏ ... ﻫﺬﻱ ﺍﻟﻌﻮﺍﻣﻞ ﻛﺎﻓﻴـﺔ ﺍﻧﻬﺎ
ﺗﺠﺬﺏ ﻓﻲ ﻧﻔﺴـ ﺍﻟﺒﺸﺮ ﺍﻧﻬﻢ ﻳﺤﺒـﻮﻥ ﻭﻳﻨﺤﺒـﻮﻥ ..
ﻓﺎﺗﻦ ﻭﻫﻲ ﺗﺼﺪﻕ ﻛﻼﻡ ﺍﺧﻮﻫﺎ ..: ﺍﻟﻠﻪ ﻋﻠﻴﻚ .. ﺟﺒﺘﻬﺎ ﻳﺎ ﺟﺮﺍﺡ ...
ﺑﺲ .. ﺍﺗﻤﻨﻰ ﺍﻧﻬﻢ ﻳﺮﺳﻮﻥ ﻋﻠﻰ ﺑﺮ ﻓﻴﻮﻡ ..
ﺟﺮﺍﺡ ﻭﻫﻮ ﻳﺤﻚ ﺫﻗﻨﻪ : ﺑﺲ ﺍﻟﻠﻲ ﻣﻮ ﻗﺎﺩﺭ ﺃﺃﻟﻔﻪ .. ﺍﻫﻮﻭ ﻣﺸـﻌﻞ ..
ﻣﺎﺩﺭﻱ ﺷﺼﺎﺭ ﻓﻴﻪ .. ( ﺍﺿﻄﺮﺑﺖ ﻓﺎﺗﻦ ﺩﺍﺧﻠﻴﺎ ) ﻣﻦ ﻓﺘـﺮﺓ ﻭﻫﻮ
ﻣﻌﺘﻔﺲ .. ﺣﺘﻰ ﺍﻧﻪ ﻗﻀﻰ ﺍﻳﺎﻡ ﻣﺎ ﻧﺸﻮﻓﻪ ﻓﻴﻬﺎ .. ﺳﻜﻦ ﺑﺎﻟﺸﺎﻟﻴﻪ
ﻟﻔﺘﺮﺓ .. ﻭﺗﺪﺭﻳﻦ .. ﻛﻞ ﻫﺬﺍ ﺻـﺎﺭ ﻣﻦ ﺑﻌﺪ ﻭﻓﺎﺓ ﺍﺑﻮﻱ .. ﺍﻭ ﻳﻤﻜﻦ
ﺑﺎﻟﺘﺤﺪﻳﺪ ﻣﻦ ﺳـﻔﺮﺝ .. ﻭﻻﻧﻲ ﺍﻧﺸﻐﻠﺖ ﻋﻦ ﻫﺎﻟﺴﻮﺍﻟﻒ ﻭﺍﻟﺮﺑﻊ ..ﻣﺎ
ﺩﺭﻳﺖ ﻋﻨﻪ ﺍﻻ ﺑﻌﺪ ﻓﻮﺍﺕ ﺍﻟﻔﻮﻭﺕ ..
ﻓﺎﺗﻦ ﻭﻫﻲ ﺗﺒﻌﺪ ﻭﻳﻬﻬﺎ ﻋﻦ ﺟﺮﺍﺡ ﻋﻦ ﻻ ﺗﻔﻀﺤﻬﺎ ﻣﻼﻣﺤﻬﺎ ..: ﻣﺎ
ﺗﺪﺭﻱ .. ﺳﺒﺤﺎﻥ ﺭﺑﻚ ﺍﻟﻌﻈﻴﻢ .. ﻳﻐﻴـﺮ ﺍﻟﺤﺎﻝ ﺍﻟﻰ ﺣـﺎﻝ .. ﻻ ﺗﻬﻢ
ﻗﻠﺒﻚ .. ﻛﻔﺎﻳـﺔ ﻫﺎﻟﻠﻴﻠﺔ ( ﺗﻬﻠﻞ ﻭﻳﻬﻬﺎ ) ﺍﻧﺖ ﺍﻟﻴﻮﻡ ﺑﻴﻦ ﻧﺎﺭ ﺍﻭ ﺟﻨﻪ ..
ﺟﺮﺍﺡ ﻭﻫﻮ ﻳﻔﺮﻙ ﻳﺪﻳﻨﻪ : ﺑﺲ ﺗﺪﺭﻳﻦ ﻓﺘﻮﻭﻥ ﺍﻥ ﺻﺎﺭ ﻛﻞ ﺷﻲ
ﺍﻭﻛﻲ .. ﻣﺎ ﺍﻳﻲ ﺍﻟﺮﺑﻴﻊ (ﺍﻟﻤﻮﺳﻢ ) ﺍﻻ ﻣﻦ ﺯﻣـﺎﻥ ﺧﺬﺗﻬﺎ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ . ﺭﻣﻀﺎﻥ ﺟﺮﻳﺐ .. ﺧﻞ ﻧﻴﺘﻚ ﺻﺎﻓﻴﺔ
ﻭﺍﻥ ﺷﺎﺀ ﺍﻟﻠﻪ ﻧﻠﻘﺎﻫﺎ ﻋﻠﻰ ﺍﻟﻔﻄﻮﺭ ﻣﻌﺎﻧﺎ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
=================
ﺭﺩ ﻣﺴـﺎﻋﺪ ﺍﻟﺒﻴـﺖ ﻭﻫﻮ ﻣﺜﻘﻞ ﺍﻟﺼﺪﺭ .. ﻭﺍﻟﻔﻜﺮ ﻭﺍﻟﻌﻘﻞ .. ﺍﻭﻝ ﺷﻲ
ﺑﺴﺒﺐ ﺩﺍﺋﺮﺓ ﺍﻟﺸﻚ ﺍﻟﻠﻲ ﺗﺤﻮﻡ ﻓﻲ ﻓﺎﺗﻦ .. ﻭﺛﺎﻧﻴﺎ ﺑﺴﺒﺐ ﺍﺗﺼﺎﻟﻬﺎ ﺍﻟﻲ
ﻣﻦ ﺷﻮﻱ ﻭﻃﻠﺒﺖ ﻣﻨﻪ ﺍﻧﻪ ﻳﺨﺒﺮ ﺍﻟﺒﻴﺖ ﺑﺰﻳﺎﺭﺗﻬﺎ ﺍﻫﻲ ﻭﺍﻣﻬﺎ
ﻭﺍﺧﻮﻫﺎ .. ﺍﻟﺴﺎﻟﻔﺔ ﺗﻔﻠﻴﺪﻳﺔ ... ﺑﺲ ﻳﻤﻜﻦ ﻳﺎﻳﻴﻦ ﻳﻬﻨﻮﻥ ﻻﻣﻲ ﻋﻠﻰ
ﺯﻭﺍﺝ ﻧﻮﺭﺓ .. ﺑﺲ ﻣﺎ ﻳﻨﺪﺭﻯ ﺷﺎﻟﻤﻮﺿﻮﻉ ..
ﻭﺍﻭﻝ ﻣﺎ ﺩﺧﻞ ﻟﻘﻰ ﻧﻮﺭﺓ ﻧﺎﺷﺮﺓ ﺍﻏﺮﺍﺿﻬﺎ ﺍﻟﻠﻲ ﻛﺎﻧﻮ ﺑﺎﻟﺠﻴﺎﺱ .. ﻭﻳﺎ
ﺍﻣﻬﺎ ﺗﻮﺭﻳﻬﺎ ﺍﻟﺠﻼﺑﻴﺎﺕ ﻭﺍﻟﻤﻄﺮﺯﺍﺕ ﺍﻟﻞ ﺷﺮﺗﻬﻢ ﻟﻬﺎ ﻭﻻﻣﻬﺎ ﺑﻌﺪ ..
ﺍﻡ ﻣﺴـﺎﻋﺪ : ﻭﻱ ﻳﺎ ﻗﻠﺒﻲ ﻣﺎ ﻛﺎﻥ ﺩﺍﻋﻲ ﻟﻜﻞ ﻫﺬﺍ
ﻧﻮﺭﺓ ﻭﻫﻲ ﺗﻔﺞ ﻋﻴﻮﻧﻬﺎ : ﻣﺎ ﻛﺎﻥ ﻋﺎﺩﻱ؟؟؟ ﻟﻴﺶ ﺍﻥ ﺷﺎﺀ ﺍﻟﻠﻪ ﺍﻧﺎ
ﺷﺮﻳﺖ ﻟﻤﻦ ﻏﻴﺮ ﺍﻣﻲ ﺣﺒﻴﺒﺘﻲ .. ﻫﺬﺍ ﻭﻻ ﺷﻲ ﻳﺎ ﻳﻤﺔ ﺍﻧﺘﻲ ﻧﻄﺮﻱ ﺑﺲ
ﺧﻞ ﺍﺭﺩ ﻣﻦ ﺑﺎﻧﻜﻮﻙ .. ﺑﻐﺮﺭﻗﺞ ﻣﻦ ﺍﻟﻤﻄﺮﺯﺍﺕ ..
ﺍﻡ ﻣﺴـﺎﻋﺪ : ﺗﺪﺭﻳﻦ ﺍﻧﻲ ﺍﻣﻮﺕ ﻓﻲ ﻫﺎﻟﺴﻮﺍﻟﻒ ﻫﻬﻬﻬﻬﻬﻬﻬﻬﻬﻬﻬﻬﻪ
ﻣﺴـﺎﻋﺪ ﻭﻫﻮ ﻳﺮﻣﻲ ﺍﻟﺠﺎﻛﻴﺖ ﻋﻠﻰ ﺍﻟﻄﺎﻭﻟﺔ : ﺍﻟﺴﻼﻡ ﻋﻠﻴﻜﻢ ..
ﺍﻧﺘﺒﻬﻦ ﻟﻪ : ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﻪ ﺍﻟﻠﻪ ..
ﺍﻡ ﻣﺴﺎﻋﺪ ﺍﻟﻠﻲ ﺗﻜﺪﺭ ﻣﻼﻣﺤﻬﺎ ﻣﻦ ﺍﻟﺘﻌﺐ ﺍﻟﻮﺍﺿﺢ ﻋﻠﻰ ﻭﻟﺪﻫﺎ ...:
ﺣﻴﺎ ﺍﻟﻠﻪ ﻭﻟﻴﺪﻱ ﻣﺴـﺎﻋﺪ
ﻣﺴﺎﻋﺪ ﻳﺒﺘﺴﻢ ﻭﻫﻮ ﻭﺍﻗﻒ ﻋﻠﻰ ﻓﺘﺤﺔ ﺍﻟﺼﺎﻟﺔ : ﺍﻟﻠﻪ ﻳﺤﻴﺞ
ﻭﻳﺒﻘﻴﺞ ... ﻳﻤـﺔ ﺍﻟﻴﻮﻡ ﺑﻴﺖ ﺍﻟﻴﺎﺳﻲ ﺑﻴﻮﻭﻧﺎ ﺑﺎﻟﻠﻴﻞ ..
ﺍﻡ ﻣﺴـﺎﻋﺪ ﻭﻫﻲ ﺗﻌﻘﺪ ﺣﻮﺍﺟﺒﻬﺎ : ﻭﻟﻴﺶ؟؟؟ ﺍﻟﻌﺮﺱ ﻣﻮ ﺍﻟﻴﻮﻡ ..
ﺍﺳﺘﻐﺮﺏ ﻣﺴﺎﻋﺪ ﻣﻨﻬﺎ : ﺍﻧﺰﻳﻦ ﻫﺬﻭﻻ ﺍﻫﻠﻨﺎ ﻭﻣﺎﻟﻬﻢ ﻣﻨﺎﺳﺒﺔ ﻋﺸﺎﻥ
ﺍﻳﺰﻭﺭﻭﻧﺎ ..
ﺍﻡ ﻣﺴـﺎﻋﺪ ﺍﻟﻠﻲ ﺗﻈﺎﻳﻘﺖ : ﻭﺍﻟﻠﻪ ﺍﻧﺎ ﻣﺸﻐﻮﻟﺔ ﻋﺮﺱ ﺑﻨﺘﻲ ﻣﺎ ﺑﻘﻰ ﻟﻪ
ﺍﻻ ﺟﻢ ﻳـﻮﻡ ﻭﺍﺑﻲ ﺍﺟﻬﺰ ﻟﻬﺎ
ﻧﻮﺭﺓ ﺗﻤﺴﻚ ﻳﺪ ﺍﻣﻬﺎ ﺑﺤﻨﺎﻥ : ﻳﻤـﺔ ﺍﻫﻞ ﻓﺎﺗﻦ ﺗﻮﻫﻢ ﻳﺰﻭﺭﻭﻧﺎ ﻻﻭﻝ
ﻣﺮﺓ .. ﻭﻋﺮﺳﻲ ﺯﺍﻫﺐ ﻭﻣﻜﻤﻞ ﺑﻔﻀﻠﺞ ..
ﺍﻡ ﻣٍﺴـﺎﻋﺪ ﺗﻮﻫﺎ ﺑﺘﺘﻜﻠﻢ ﺍﻻ ﻭﺻﻮﺕ ﺗﻜﺴـﻴﺮ ﻣﻦ ﺍﻟﻤﻄﺒـﺦ .. ﻋﻠﻰ
ﻃﻮﻝ ﺗﺒﻊ ﺍﻟﺼﻮﺕ ﻣﺴـﺎﻋﺪ ﻭﻫﻮ ﻣﺴﺘـﻌﺠﺐ ﻣﻦ ﺍﻟﻠﻲ ﻫﻨـﺎﻙ ..
ﻛﺎﻧﺖ ﻣﺮﻳﻢ ﻗﺎﻋﺪﺓ ﻋﻨﺪ ﺍﻟﺠﺰﺍﺯ ﻭﻫﻲ ﺗﻠﻤﻪ ﻭﺗﺠﻤﻌﻪ ﺑﻴﺪﻫﺎ ﺍﻭ ﺗﺪﻓﺮﻩ
ﺑﻌﻴﺪ ﻋﻦ ﻣﺤﻂ ﺍﻻﻗﺪﺍﻡ .. ﻭﻳﻮﻡ ﺷﺎﻓﻬﺎ ﻣٍﺴـﺎﻋﺪ ﺍﺳﺘﻐﺮﺏ ﻣﻦ
ﺗﻮﺍﺟﺪﻫﺎ ﺑﺎﻟﻤﻄﺒﺦ ﻃﻮﻝ ﻫﺎﻟﻮﻗﺖ ﻣﻦ ﻏﻴـﺮ ﻣﺎ ﺗﻄﻠﻊ ﺍﻭ ﺗﺒﻴﻦ ﺍﻧﻬﺎ
ﻣﻮﺟﻮﺩﺓ
ﺟﺜﻰ ﻋﻠﻰ ﺍﻻﺭﺽ ﻳﻤﻬﺎ : ﺳﻼﻣﺎﺕ ﻣﺮﻳﻢ ..
ﻣﺮﻳﻢ ﺍﻟﻠﻲ ﻛﺎﻧﺖ ﺗﻨﺘﻔﺾ ﻟﺴﺒﺐ ﻏﻴـﺮ ﻣﻌﺮﻭﻑ : ﺍﻟﻠﻪ ﻳﺴﻠﻢ ﺭﺍﺳﻚ ..
ﻣﺴـﺎﻋﺪ : ﻛﻨﺘﻲ ﻫﻨﻲ ﻃﻮﻝ ﺍﻟﻮﻗﺖ؟
ﻣﺮﻳﻢ ﻭﻫﻲ ﺗﺘﺤﺎﺷﻰ ﻋﻴﻮﻥ ﻣﺴـﺎﻋﺪ : ﺍﻱ .. ﺑﺲ ﻣﺎﺩﺭﻱ ﺷﺼﺎﺭ .. ﺍﻋﻮﺫ
ﺑﺎﻟﻠﻪ ﻣﻦ ﺑﻠﻴﺲ ﻃﺎﺡ ﺍﻟﻘﻼﺹ ﻭﺍﻧﻜﺴـﺮ .. ﺍﻛﻴﺪ ﻣﺎ ﻛﺎﻥ ﺣﻮﺍﺳﻲ ..
ﻭﻳﺎﻱ ..
ﻳﺎﺗﻬﻢ ﻧﻮﺭﺓ ﻭﻭﻗﻔﺖ ﻋﻠﻰ ﺍﻟﺒﺎﺏ : ﺍﻭﻭﻩ ﻫﺬﻱ ﻣﺮﻳﻢ ﻧﺴﻴﻨﺎﺝ ﺍﻧﺞ
ﺑﺎﻟﻤﻄﺒﺦ ..
ﻣﺮﻳﻢ ﻭﻫﻲ ﺗﻨﺎﻇﺮ ﻧﻮﺭﺓ ﺑﻐﻀﺐ : ﺣﺸﻰ ﻳﻌﻨﻲ ﺍﻟﻮﺍﺣﺪ ﻣﺎ ﻳﻘﻌﺪ ﺑﺮﻭﺣﻪ
ﻣﺤﺪ ﻳﻘﺪﺭ ﻳﺘﺄﺧﺮ ..
ﻧﻮﺭﺓ ﺗﻌﺠﺒﺖ : ﺷﻮﻱ ﺷﻮﻱ ﻋﺎﺩ ﻛﻠﺘﻴﻨﻲ .. ﻭﺍﻟﻠﻪ ﻣﺎ ﺻﺎﺭﺕ ﻏﺸﻤﺮﺓ
ﻣﺴﺎﻋﺪ ﻻﺣﻆ ﺍﻥ ﻣﺮﻳﻢ ﻣﻮ ﺑﻄﺒﻴﻌﺘﻬﺎ ﻣﺴﻜﻬﺎ ﻣﻦ ﺫﺭﺍﻋﻬﺎ : ﻣﺮﻳﻢ
ﺷﻔﻴﺞ؟
ﻣﺮﻳﻢ ﻭﻫﻲ ﺗﻠﻢ ﺍﻟﺠﺰﺍﺯ : ﻣﺎﻓﻴﻨﻲ ﺷﻲ ﺑﺲ ﺍﻟﻢ ﺍﻟﺠﺰﺍﺯ ..
ﺳﺤﺐ ﻳﺪﻫﺎ ﻭﺭﻓﻌﻬﺎ : ﺧﻠﻲ ﻋﻨﺞ ﺍﻟﺠﺰﺍﺯ .. ﻟﻤﻴﻪ ﺑﻌﺪﻳﻦ
ﺳﺤﺒﺖ ﻣﺮﻳﻢ ﻳﺪﻫﺎ ﻣﻦ ﻳﺪﻩ ﻭﻣﺪﺗﻬﺎ ﻟﻠﺠﺰﺍﺯ : ﻻ ﻻ .. ﺍﻳﻲ ﻟﺆﻱ ﺍﻟﻠﻲ ﻣﺎ
ﻳﻠﺒﺲ ﺷﻲ ﻳﺪﻭﺱ ﻋﻠﻴﻪ ﻭﻳﺘﻌﻮﺭ .. ﺧﻠﻨﻲ ﺑﻴﻤﻌﻪ ﻛﻠﻪ
ﻣﺴـﺎﻋﺪ ﻣﻦ ﺍﻧﺬﻛﺮ ﺍﺳﻢ ﻟﺆﻱ ﺣﺲ ﺑﺎﻟﻮﺣﺸﺔ ﻟﻪ .. ﻓﺘﺮﺓ ﻣﻦ ﺍﺧﺮ ﻣﺮﺓ
ﺷﺎﻓﻪ ﻓﻴﻬﺎ : ﻭﻳﻨﻪ ﻟﺆﻱ؟؟ ﻛﻠﺶ ﻣﺎ ﻳﻨﺠﺎﻑ ﺑﺎﻟﺒﻴﺖ؟؟
ﻧﻮﺭﺓ : ﻛﻠﻪ ﺑﺎﻟﻮﺭﺷﺔ ..
ﺍﻡ ﻣﺴﺎﻋﺪ ﺗﺘﺤﺮﻃﻢ ﺑﺮﻩ : ﻳﺎﻭﻳﻠﻲ ﻣﻦ ﻫﺎﻟﺼﺒﻲ .. ﻻ ﻏﺪﻯ ﻭﻻ ﻋﺸﻰ
ﻭﻻ ﺍﺷﻮﻓﻪ .. ﻃﺎﻳﺢ ﻃﻴﺢ ﺑﻬﺎﻟﻮﺭﺷﺔ .. ﻫﺎﻟﻚ ﺭﻭﺣﻪ .. ﻟﻮ ﻭﺭﺷﺘﻪ ﻗﻠﻨﺎ
ﻣﺎ ﻋﻠﻴﻪ ..
ﻣﺴـﺎﻋﺪ : ﻫﺎﻟﺸﻲ ﻣﻜﺪﺭﺝ ﻳﻌﻨﻲ؟؟
ﺍﻡ ﻣﺴﺎﻋﺪ ﺑﻌﺼﺒﻴﺔ : ﺍﻛﻴﺪ ﻣﻜﺪﺭﻧﻲ .. ﻭﻟﺪﻱ .. ﺣﺸﺎﺷﺔ ﻳﻮﻓﻲ ..
ﻋﺰﻳﺰﻱ ﻭﻣﺎ ﺍﺷﻮﻓﻪ .؟؟ ﻣﺎﻗﺪﺭ ﻋﻠﻰ ﻓﺮﻗﺎﻩ ﻫﺎﻟﺼﺒﻲ .. ﻭﻟﻜﻦ ﻣﺎﺩﺭﻱ
ﻋﻨﻪ ﻻ ﺷﺮﻕ ﻭﻻ ﻏﺮﺏ ..
ﻧﻮﺭﺓ ﺑﺼﻮﺕ ﻭﺍﻃﻲ : ﺍﻣﻲ ﻳﻤﻜﻦ ﺗﺒﺎﻟﻎ ﺑﺲ ﺻﺞ ﻣﺴﺎﻋﺪ ﺻﺎﺭ ﻟﻨﺎ
ﻓﺘﺮﺓ ﻣﺎ ﺷﻔﻨﺎ ﻟﺆﻱ .. ﺍﻧﺎ ﻋﻦ ﻧﻔﺴﻲ ﻣﺎ ﺷﻔﺘﻪ ﺍﻻ ﻣﺮﺓ ﻣﻦ ﻳﻮﻣﻴﻦ ..
ﻛﻠﻪ ﺑﺎﻟﻮﺭﺷﺔ ﺍﻭ ﻃﺎﻟﻊ ﺑﺮﺓ ..
ﻓﻲ ﻫﺬﻳﺞ ﺍﻟﻠﺤﻈﺔ ﻣﺮﻳﻢ ﺍﻟﻠﻲ ﻳﻤﻌﺖ ﺍﻟﺠﺰﺍﺯ ﺗﺴﻠﻠﺖ ﻭﺭﺍﺣﺖ ﻟﺪﺍﺭﻫﺎ
ﻭﻫﻲ ﺗﻤﺴﻚ ﻋﻠﻰ ﻗﻠﺒﻬﺎ .. ﺧﻮﻑ ﻋﻈﻴـﻢ ﻓﻲ ﺭﻭﺣﻬﺎ ﻣﺨﻠﻴﻬﺎ ﺑﻼ
ﺣﻮﺍﺱ .. ﺧﻮﻑ ﺍﻭ ﺗﻮﺗﺮ ﻣﺎﺗﻘﺪﺭ ﺗﺴﺘﻮﻗﻔﻪ ﺍﻭ ﺗﻤﻨﻌﻪ ﻣﻦ ﺍﻻﺯﺩﻳﺎﺩ
ﻓﻴﻬﺎ .. ﺷﻲ ﻛﺒﻴـﺮ ﻭﺣﺰﻳﻦ ﺭﺍﺡ ﻳﺼﻴﺒﻬﻢ ﻫﺬﺍ ﺍﻟﻠﻲ ﺗﻘﺪﺭ ﺗﺘﺮﺟﻤﻪ ﻣﻨﻪ ..
ﻟﻜﻦ ﻭﻳﻦ؟؟ ﻭﺍﻟﻌﺮﺱ ﺟﺪﺍﻣﻬﻢ .. ﺣﻴﺎﺓ ﺍﺧﺘﻬﺎ ﺍﻟﻴﺪﻳﺪﺓ .. ﺍﻟﺨﻮﻑ ﻫﺬﺍ
ﻣﺘﺮﻛﺰ ﻋﻠﻰ ﺃﺣﺪ ﻋﺰﻳﺰ ﻋﻠﻰ ﻗﻠﺒﻬﺎ . ﺍﻋﺰ ﻋﻠﻴﻬﺎ ﺣﺘﻰ ﻣﻦ ﻧﻔﺴـﻬﺎ ..
ﻭﻣﺴـﺎﻋﺪ ﺍﻟﻲ ﺍﻋﻠﻦ ﺍﻟﺰﻭﺍﺭ ﺍﻟﻠﻲ ﺑﻴﻮﻭﻧﻬﻢ ﺍﻟﻴﻮﻡ ﻣﺎ ﺧﻔﻒ ﻣﻦ ﺷﻌﻮﺭﻫﺎ
ﺑﺎﻟﺨـﻮﻑ . ﺍﻻ ﻋﻈﻤﻪ ﺍﻛﺜﺮ . ﻭﺗﻮﺳﻌﺖ ﺩﺍﺋﺮﺓ ﺍﻟﺸﻚ ﺍﻟﻠﻲ ﻓﻲ ﻧﻔﺴﻬﺎ ﺍﻟﻰ
ﺍﻟﻨﻄﺎﻕ ﺍﻻﻭﺳﻊ .. ﻓﺎﺗﻦ ﻭﺟﺮﺍﺡ ... ﻳﺎ ﺭﺏ .. ﻳﺎﺭﺏ ﺷﻬﺎﻟﺸﻌﻮﺭ ﺍﻟﻠﻲ
ﺣﺎﺭﻕ ﻳﻮﻓﻲ .. ﻣﺎﻧﻲ ﻗﺎﺩﺭﺓ ﺍﺣﺲ ﺣﺘﻰ ﺑﺎﻟﺮﺍﺣﺔ ..
ﻗﻌﺪﺕ ﻋﻠﻰ ﺯﺍﻭﻳﺔ ﺍﻟﺴﺮﻳﺮ .. ﻭﻫﻲ ﺗﺘﻨﻔﺲ ﺑﻘﻮﺓ ﻭﻣﺎﺩﺓ ﻳﺪﻳﻨﻬﺎ
ﺑﺎﻟﺪﻋﺎﺀ ..
ﻣﺮﻳﻢ ﻭﻫﻲ ﺗﺮﺗﻌﺶ : ﻳﺎﺭﺏ .. ﻳﺎ ﺣﺒﺒﺒﻲ ﻳﺎﺭﺏ .. ﺍﺭﺣﻤﻨﺎ ﺑﻮﺍﺳﻊ
ﺭﺣﻤﺘﻚ .. ﺍﺑﻌﺪ ﻋﻨﻲ ﺍﻟﺸﻴﻄـﺎﻥ .. ﺍﺑﻌﺪ ﻋﻨﻲ ﺍﻟﺸﻴﻄﺎﻥ ﻳﺎﺭﺑﻲ .. ﺃﻋﻮﺫ
ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴـﻢ .. ﺍﻋﻮﺫ ﺑﺎﻟﻠﻪ ﻣﻨﻪ ..
ﻃﺮﻗﺎﺕ ﻋﻠﻰ ﺍﻟﺒﺎﺏ ﻧﻔﻀﺖ ﻣﺮﻳﻢ .. ﻟﻜﻦ ﺗﻤﺎﻟﻜﺖ ﻧﻔﺴﻬﺎ ﻭﺭﺩﺕ ..
ﻣﺮﻳﻢ : ﻣﻦ؟
ﻣﺴﺎﻋﺪ ﺑﺼﻮﺗﻪ ﺍﻟﺤﻨﻮﻥ : ﻫﺬﺍ ﺍﻧﺎ ﻣﺮﻳﻢ .. ﺗﺴﻤﺤﻴﻦ؟
ﻣﺮﻳﻢ ﻭﻫﻲ ﺗﻤﺴﺢ ﻋﻴﻮﻧﻬﺎ ﺍﻟﻠﻲ ﺍﺑﺖ ﺍﻟﺪﻣﻊ ﻟﻜﻦ ﺗﺤﺲ ﻓﻴﻬﺎ ﺣﺮﻗﺔ :
ﺗﻔﻀﻞ ..
ﺑﻬﺪﻭﺀ ﻓﺞ ﺍﻟﺒﺎﺏ ﻣﺴـﺎﻋﺪ .. ﻟﻤﻦ ﻛﺸﻒ ﻣﺮﻳﻢ ﻭﺷﺎﻓﻬﺎ ﻗﺎﻋﺪﺓ ﻋﻠﻰ
ﺍﻟﺴﺮﻳﺮ ﻭﻫﻲ ﺗﺘﺼﻨﻊ ﺍﻻﺑﺘﺴﺎﻡ ﻟﻜﻦ ﺟﺒﻴﻨﻬﺎ ﺍﻟﻤﻌﺮﻕ ﺑﺎﻟﺘﻮﺗﺮ ﻣﺎ ﻛﺎﺍﻥ
ﺣﻠﻴﻔﻬﺎ .. ﺍﻟﺘﺰﻡ ﻣﺴﺎﻋﺪ ﺍﻟﺼﻤﺖ ﻭﺍﺑﺘﺴﺎﻣﺔ ﺻﺎﺩﻗﺔ ﺗﺸﻊ ﻋﻠﻰ
ﺷﻔﺎﻳﻔﻪ ..
ﻣﺴﺎﻋﺪ : ﻭﺣﺸﺘﻴﻨﻲ .. ﻣﻦ ﺯﻣـﺎﻥ ﻣﺎ ﺷﻔﺘﺞ ..
ﻣﺮﻳﻢ ﻭﻫﻲ ﺗﻀﻴﻊ ﺑﻌﻴﻮﻧﻬﺎ ﺍﻟﻘﻠﻖ : ﻣﺎ ﺗﺸﻮﻑ ﻭﺣﺶ .. ﺍﻧﺎ ﻫﻨﻲ ..
ﻣﺴـﺎﻋﺪ ﺍﻟﺘﻬﺐ ﻗﻠﺒﻪ ﻋﻠﻰ ﻣﻈﻬﺮ ﻣﺮﻳﻢ .. ﺗﻌﺮﻓﻮﻥ ﺷﻠﻮﻥ ﺍﻟﺸﻌﻮﺭ ﻟﻤﻦ
ﺗﻼﻗﻮﻥ ﺷﻌﻠﺔ ﻣﻀﻴﺌﺔ ﻣﺮﺓ ﻭﺣﺪﺓ ﻳﺨﺐ ﺿﻮﺋﻬﺎ ﻭﻳﻈﻠﻢ ﺍﻟﻤﻜﺎﻥ؟؟
ﺟﺬﻱ ﻛﺎﻥ ﻭﻳﻬﻪ ﻣﺮﻳﻢ .. ﻭﻫﺬﺍ ﺍﻟﻠﻲ ﻣﺴﺘﺤﻴﻞ ﻳﻘﺒﻠﻪ ﻣﺴـﺎﻋﺪ ﺑﻬﺪﻭﺀ ..
ﻗﻌﺪ ﻳﻤﻬﺎ ﻭﻋﻴﻮﻧﻪ ﻋﻠﻴﻬﺎ : ﻣﺮﻳﻢ .. ﻋﻼﻣﺞ؟؟
ﻣﺮﻳﻢ ﻭﻫﻲ ﺗﺸﺪ ﻓﻚ ﻣﺮﺗﺠﻒ : ﻣﺎﻓﻴﻨﻲ ﺷﻲ .. ﻟﻴﺶ؟؟؟
ﻣﺴﺎﻋﺪ ﻳﻤﺴﻚ ﺟﺒﻴﻨﻬﺎ ﺑﺮﺍﺣﺘﻪ : ﺣﺮﺍﺭﺗﺞ ﻣﺮﺗﻔﻌﺔ ﻭﻻ ﺷﻲ؟؟
ﻣﺮﻳﻢ ﺗﻬﺰ ﺭﺍﺳﻬﺎ : ﻻ ﻣﺎﻓﻴﻨﻲ ﺷﻲ .. ﺑﺲ .. ﺍﻻﻣﺘﺤﺎﻧﺎﺕ ﺟﺮﺑﺖ .. ﻭﺍﻧﺎ
ﺷﻮﻱ .. ﺧﺎﻳﻔﺔ ..
ﻣﺴـﺎﻋﺪ ﻭﻫﻮ ﻳﺸﻜﻚ ﻓﻴﻬﺎ :.. ﻣﺮﻳﻢ .... ﺗﻜﻠﻤﻲ .. ﻗﻮﻟﻲ ﻟﻲ .. ﺍﻧﺎ ﺍﺑﻮﺝ
ﻣﺴـﺎﻋﺪ ﻣﻮ ﺍﺣﺪ ﻏﺮﻳﺐ .. ﺳﻌﻮﺩﻱ .. ﺧﺒﺮﻳﻨﻲ .. ﻗﻮﻟﻴﻠﻲ .. ﺷﻠﻲ
ﺷﺎﻏﻞ ﻗﻠﺒﺞ ﻭﻋﻘﻠﺞ ..
ﺣﺎﻭﻟﺖ ﺍﻧﻬﺎ ﺗﺼﺪﻩ ﺑﻨﻈﺮﺍﺗﻬﺎ ﺍﻟﻤﺴﺘﻨﻜﺮﺓ ﻭﺍﻟﻤﺘﺼﻨﻌﺔ ﺑﺎﻟﻤﺮﺡ .. ﻟﻜﻦ ﻣﺎ
ﻗﺪﺭﺕ .. ﻭﻣﺎ ﻳﺎﺯ ﻟﻬﺎ ﺍﻻ ﺍﻻﺭﺗﺠﺎﻑ ﻣﺜﻞ ﺍﻟﻮﺭﻗﺔ ﺟﺪﺍﻡ ﻋﻴﻮﻥ
ﻣﺴـﺎﻋﺪ .. ﺑﺪﺍﻳﺎﺕ ﺍﻻﻧﻬﻴﺎﺭ ﺍﻟﻌﺼﺒﻲ ﺍﻟﻠﻲ ﺣﻞ ﻓﻲ ﻣﺮﻳﻢ .. ﻭﻣﻦ ﺑﻌﺪﻫﺎ
ﺑﺼﻮﺕ ﺧﺎﻓﺖ ﻭﺧﺎﺋﻒ : ﻣﺴـﺎﻋﺪ .. ﻣﺎﺩﺭﻱ ﺷﻔﻴﻨﻲ .. ﺍﺣﺲ ﺍﻥ ﺷﻲ
ﺟﺎﻳﺪ ﺑﺼﻴﺮ .. ﻗﻠﺒﻲ (ﻭﻫﻲ ﺗﻤﺴﻚ ﻋﻠﻰ ﻗﻠﺒﻬﺎ ) ﻣﻦ ﻳﻮﻣﻴﻦ ﻣﺎ ﻻﻗﻲ
ﺍﻟﺮﺍﺣﺔ ... ﺍﺣﺲ ﺑﺸﻲ ﺑﺼﻴﺮ .. ﻣﺎﺩﺭﻱ ﻣﺴـﺎﻋﺪ .. ﻗﻠﺒﻲ ﺍﻳﻌﻮﺭﻧﻲ ..
ﻋﻠﻰ ﻃﻮﻝ ﻟﻤﻬﺎ ﻣﺴﺎﻋﺪ ﺑﺤﻈﻨﻪ ﺍﻟﻌﺮﻳﺾ ﻭﺑﻬﺎﻟﺤﺮﻛﺔ ﺍﻧﻬﺎﺭﺕ ﻣﺮﻳﻢ
ﺗﻤﺎﻣﺎ ﻓﻲ ﺍﻟﺒﺠﻲ ﺑﺤﻈﻦ ﺍﺧﻮﻫﺎ : ﺍﺳﻢ ﺍﻟﻠﻪ ﻋﻠﻴﺞ ... ﻣﺎﻓﻴﺞ ﺷﻲ ﻳﺎ
ﻣﺮﻳﻢ .. ﺻﻠﻲ ﻋﻠﻰ ﺍﻟﻨﺒﻲ؟ .. ﺷﻌﺒﺘﻲ ﻗﻠﺒﻲ ﻋﻠﻴﺞ ..
ﻣﺮﻳﻢ ﻭﻫﻲ ﺗﺮﻓﻊ ﻭﻳﻪ ﻣﻀﺮﺝ ﺑﺎﻟﺪﻣﻊ : ﻭﺍﻟﻠﻲ ﺯﻭﺩﻫﺎ ﻓﻴﻨﻲ ﺍﻛﺜﺮ .. ﺧﺒﺮ
ﺍﻥ ﺍﻫﻞ ﻓﺎﺗﻦ ﺑﻴﻮﻥ ﺍﻟﻴﻮﻡ .. ﻣﺴـﺎﻋﺪ .. ﺗﻜﻔﻰ .. ﻟﻤﻨﺎ ﻛﻠﻨﺎ ﻭﻳﺎ ﺑﻌﺾ ..
ﻣﺎ ﺍﺑﻲ ﺍﺣﺪ ﺍﻳﺼﻴﺪﻩ ﺷﻲ .. ﻭﺍﻟﻠﻪ ﻗﻠﺒﻲ ﻣﺎ ﻳﺘﺤﻤﻞ ..
ﻣﺴـﺎﻋﺪ ﻳﻠﻤﻬﺎ ﺑﻘﻮﻯ : ﺍﻭﻭﻭﺵ .. ﺍﻭﻭﻭﺵ .. ﻣﺎ ﻋﻠﻴﺞ ﻳﺎ ﻣﺮﻳﻢ .. ﻫﺪﻱ
ﺃﻋﺼﺎﺑﺞ .. ﺗﻌﻮﺫﻱ ﻣﻦ ﺑﻠﻴﺲ ... ﺍﺫﻛﺮﻱ ﺭﺑﺞ .. ﺍﻧﺘﻲ ﻭﺣﺪﺓ ﻣﺆﻣﻨﺔ ..
ﻭﻫﺐ ﺻﺎﺭ ﺷﻲ ﺗﺮﻯ ﻫﺬﺍ ﻗﻀﺎﺀ ﺭﺑﺞ ﻭﻗﺪﺭﻩ . ﻣﻨﻮ ﺍﻧﺘﻲ ﺍﻟﻠﻲ
ﺗﻮﻗﻔﻴﻨﻪ .. ﻛﻞ ﺷﻲ ﺑﺤﻜﻤﺔ ﺭﺑﺞ .
ﻣﺎ ﺭﺩﺕ ﻣﺮﻳﻢ ﻋﻠﻰ ﻛﻼﻡ ﻣﺴﺎﻋﺪ ﺍﻟﻠﻲ ﻻ ﺭﺩ ﻟﻪ .. ﻭﺗﻤﺖ ﺑﺤﻈﻨﻪ
ﺗﺤﺎﻭﻝ ﺗﺨﻔﻒ ﺃﻧﺘﻬﺎ ﺍﻟﻤﺤﺘﺪﺓ .. ﻭﺍﻟﺨﻮﻑ ﺍﻟﺮﻫﻴﺐ ﺍﻟﻠﻲ ﻓﻲ ﻧﻔﺴﻬﺎ ﻛﻞ
ﻣﺎ ﻟﻪ ﻳﻜﺒـﺮ .. ﻭﻳﺰﺩﺍﺩ ..
---------------------
ﻓﻲ ﻏﺮﺑﺔ ﺍﻟﻨﻔﺲ ﻭﺍﻟﻮﻃﻦ ﻟﻘﺖ ﻧﻔﺴـﻬﺎ ﺳﻤـﺎﺀ ﺗﺘﻄﻠﻊ ﺍﻟﻰ ﺍﻟﺴﻤـﺎﺀ
ﺍﻟﻮﺍﺳﻌﺔ .. ﻣﻨﺘﻈﺮﺓ ﺷﻲ ﻳﺮﺩﻫﺎ ﻣﻦ ﺍﻟﺤﻠﻢ ﺍﻟﻤﺰﻋﺞ ﺍﻟﻠﻲ ﺗﻌﺎﻳﺸﺖ ﻭﻳﺎﻩ
ﻣﻦ ﻣﻮﻟﺪﻫﺎ . ﻭﺍﺯﺩﺍﺩ ﺑﻔﺮﺍﻗﻬﺎ ﺍﻟﻌﺼﻴﺐ ﻋﻦ ﻛﻞ ﺍﻟﻠﻲ ﺣﻮﺍﻟﻴﻬﺎ .. ﻭﻇﻠﺖ
ﺗﺤﺎﻭﻝ ﺍﻧﻬﺎ ﺗﺘﻐﻠﺐ ﻋﻠﻰ ﻫﺎﻟﺸﻲ ﺑﻤﻴﺮﺍﺛﻬﺎ ﺍﻟﺒﺴﻴﻂ ﻣﻦ ﺧﺎﻟﺪ .. ﻣﺪﺕ
ﻳﺪﻫﺎ ﺍﻟﻰ ﺻﺒﻌﻬﺎ ﻭﻧﺎﻇﺮﺕ ﺍﻟﻘﻠﺐ ﺍﻟﺨﺎﻟﻲ .. ﻣﺤﻔﻮﺭ ﻭﻳﺘﺨﻠﻠﻪ ﺍﻟﻬﻮﺍﺀ ..
ﻛﻴﻒ ﺍﻧﻪ ﻳﺴﻤﺢ ﻟﻠﻬﻮﺍ ﺍﻧﻪ ﻳﻤﺮ ﻭﻳﺪﺧﻞ ﺑﺤﺮﻳﺔ .. ﻋﻠﻰ ﻋﻜﺴﻬﻢ .. ﻣﺎ
ﻟﻘﻮ ﻣﻦ ﺍﻟﻠﻲ ﺣﻮﺍﻟﻴﻬﻢ ﻏﻴـﺮ ﺍﻟﺘﻜﺒﻴﻞ ..
ﺍﻟﻤﺴﺘﻘﺒﻞ – ﻋﻠﻰ ﺍﻟﺮﻏﻢ ﻣﻦ ﻛﻞ ﺷﻲ - ﺍﻻ ﺍﻧﻪ ﻳﻮﺣﻲ ﺑﺎﻟﺴـﻌﺎﺩﺓ ..
ﻭﻋﻴﻮﻥ ﺧﺎﻟﺪ ﺍﻟﻠﻲ ﺗﺸﺒﺚ ﺑﻬﺎ ﻋﻘﻠﻬﺎ ﻛﻨﻬﺎﻳﺔ ﺳﻌﻴﺪﺓ ﺑﻴﻨﺖ ﻟﻬﺎ ﻭﻟﻮ ﺷﻲ
ﻣﻦ ﻋﻠﻢ ﺍﻟﻐﻴﺐ ﻋﻦ ﺍﻟﻤﺴﺘﻘﺒﻞ .. ﻭﻳﺎﻟﻴﺖ ﻟﻮ ﻳﺘﺤﻘﻖ ﻟﻬﺎ ﺷﻲ ﻣﻦ ﻫﺬﺍ
ﻛﻠﻪ .. ﻭﺍﻻ .. ﺣﺘﻰ ﻟﻮ ﻣﺎ ﺗﺤﻘﻖ .. ﺭﺍﺡ ﻳﻜﻮﻥ ﻛﺎﻓﻲ ﻋﻠﻰ ﻧﻔﺴﻬﺎ ﺍﻧﻬﺎ
ﺗﻜﻮﻥ ﺣﻠﻤﺖ ﻓﻴﻪ .. ﻭﻧﺎﺱ ﺗﻠﻘﻰ ﺑﺎﻟﺤﻠﻢ ﺍﻟﻜﻤﺎﻝ ﺍﻟﻠﻲ ﻣﺎ ﻳﻠﻘﻮﻧﻪ
ﺑﺎﻟﻮﺍﻗﻊ .. ﻭﻟﻠﺘﻮﺍﺿﻊ ﺍﻟﻠﻲ ﻓﻴﻬﻢ .. ﻫﺬﺍ ﻳـﻜﻮﻥ ﻛﺎﻓﻲ ..
ﻧﺰﻝ ﺍﺧﺮ ﺟﻨﻄﻪ ﻟﻬﺎ ﻣﻦ ﺑﻌﺪ ﺍﻟﺠﻮﻟﺔ ﺍﻻﺳﺘﻜﺸﺎﻓﻴﺔ ﻟﻠﻤﻜﺎﻥ ﺍﻟﺮﺍﻗﻲ ﻣﻦ
ﻧﻮﻋﻪ .. ﻛﻞ ﺍﻻﻭﺭﺍﻕ ﻭﻗﻌﺖ ﻭﻛﻞ ﺍﻟﻤﺴﺘﻨﺪﺍﺕ ﻭﺛﻘﺖ .. ﺳﻤـﺎﺀ ﺻﺎﺭﺕ
ﺟﺰﺀ ﻣﻦ ﻫﺎﻟﻤﺆﺳﺴﺔ ﺍﻟﺘﻌﻠﻴﻤﻴﺔ ﺍﻟﺮﺍﻗﻴﺔ .. ﻭﻣﺎﻛﻮ ﺷﻲ ﺑﻬﺎﻟﺪﻧﻴﺎ ﺍﻻ ﺑﻌﺪ
ﺧﻤﺲ ﺳﻨﻮﺍﺕ ﻳﻄﻠﻌﻬﺎ ﻣﻦ ﻫﻨﺎﻙ .. ﺣﺘﻰ ﺗﺒﻠﻎ ﺍﻟﺴﻦ ﺍﻟﻘﺎﻧﻮﻧﻴﺔ .. ﺗﻌﻠﻴﻢ
ﻣﺘﻜﺎﻣﻞ ﻭﺟﺎﻣﻊ ﻟﻜﻞ ﺍﻟﻤﺆﻫﻼﺕ .. ﺗﻄﻠﻊ ﺑﺒﻜﺎﻟﻮﺭﻳﻮﺱ ﺑﺎﻱ ﺗﺨﺼﺺ
ﺗﺒﻲ ﺗﺪﺭﺳﻪ .. ﻭﻟﻜﻦ ﺿﻤﻦ ﻫﺎﻟﻤﺪﺭﺳﺔ .. ﺍﻭ ﻫﺎﻟﺒﻴﺖ ﺍﻟﻴﺪﻳﺪ ..
ﻣﺸـﻌﻞ ﻭﻫﻮ ﻻﺑﺲ ﻧﻈﺎﺭﺗﻪ ﺍﻟﺸﻤﺴﻴﺔ ﺑﻬﺬﺍﻙ ﺍﻟﺼﺒﺢ ﺍﻟﺒﺎﺍﺍﺍﺭﺩ ﻣﻦ
ﻧﻮﻋﻪ ..: ﺧﻼﺹ .. ﺍﻧﺘﻲ ﺷﺒﻪ ﺍﻟﻤﺴﺘﻘﺮﺓ ﻫﻨﻲ .. ﺑﺎﻗﻲ ﻣﺲ ﺗﻤﺒﻞ ﺍﻟﻠﻲ
ﺑﺘﺎﺧﺬﺝ ﻋﺸﺎﻥ ﺗﻨﻈﻤﻴﻦ ﺍﻣﻮﺭﺝ ﻭﻣﻦ ﺑﻌﺪﻫﺎ ﻛﻞ ﺷﻲ ﺭﺍﺡ ﻳﻜﻮﻥ ﻋﻠﻰ
ﺍﺗﻢ ﻭﺟﻪ ..
ﻣﺎ ﺗﻜﻠﻤﺖ ﺳﻤﺎﺀ .. ﻛﺎﻧﺖ ﻭﺍﻗﻔﺔ ﻭﻫﻲ ﺣﺎﻃﺔ ﺍﻟﺸﺎﻝ ﻋﻠﻰ ﺭﺍﺳﻬﺎ ﻭﻛﺎﻧﻪ
ﺭﺳﻢ ﻣﻦ ﻣﺮﺍﺳﻢ ﺍﻟﺤﻴﺎﺓ ﺍﻟﻠﻲ ﻣﺎﺗﺒﻲ ﺗﻔﻘﺪ ﻣﻌﺎﻟﻤﻬﺎ ..
ﻣﺎ ﺗﻤﻨﻰ ﻣﺸﻌﻞ ﺍﻧﻪ ﻳﻈﻞ ﺍﻛﺜﺮ ﻻﻥ ﺭﺣﻠﺘﻪ ﻣﺎ ﺑﻘﻰ ﻋﻠﻴﻬﺎ ﺍﻻ ﺳﺎﻋﺔ
ﻭﺣﺪﺓ : ﻳﺎﻟﻠﻪ ﺳﻤﺎﺀ .. ﺗﺤﻤﻠﻲ ﺑﺮﻭﺣﺞ .. ﻭﻻ ﺗﺨﺮﻃﻴﻨﻬﺎ ﻫﻨﻲ .. ﻻ
ﺗﻘﻄﻌﻴﻦ ﺍﻟﺒﻴﺖ ﻋﻦ ﺍﺧﺒﺎﺭﺝ ..
ﻭﺍﻟﺘﻒ ﻋﻠﻰ ﻋﻘﺒﻪ ﺭﺍﻳﺢ ﻋﻨﻬﺎ ﺻﺎﺣﺐ ﺍﻟﻘﻠﺐ ﺍﻟﻘﺎﺳﻲ .. ﻟﻜﻦ ﻣﺮﺩﻩ
ﺍﻟﺘﻔﺖ ﻟﻬﺎ ﻟﻠﻤﺮﺓ ﺍﻻﺧﻴـﺮﺓ .. ﻭﻟﻘﺎﻫﺎ ﻭﺍﻗﻔﺔ ﻭﻫﻲ ﺗﻨﺎﻇﺮﻩ ﺑﻌﻴﻮﻧﻬﺎ
ﺍﻟﺸﻔﺎﻓﺔ .. ﻭﻛﺎﻥ ﺍﻟﺤﻴﺎﺓ ﺗﻤﺮ ﻣﻦ ﺧﻼﻟﻬﺎ ﻭﺗﺒﻴﻦ ﻟﻪ ﺫﻛﺮﻳﺎﺕ ﺍﻟﻌﻤـﺮ
ﺍﻟﺤﻠﻮ ﺍﻟﻠﻲ ﻛﺎﻧﻮ ﺿﺎﻳﻌﻴﻦ ﻓﻴﻪ ﻋﻠﻰ ﺍﻟﺮﻏﻢ ﻣﻦ ﻗﻠﻪ ﺍﻟﺤﻨﺎﻥ ... ﻭﺭﻕ
ﻗﻠﺒﻪ ﻣﺜﻞ ﻣﺎ ﻳﻘﻮﻟﻮﻥ .. ﻭﺭﺍﺡ ﻟﻌﻨﺪﻫﺎ ﻟﻜﻠﻤﺘﻪ ﺍﻻﺧﻴـﺮﺓ ..
ﻣﺸـﻌﻞ : ﺳﻤـﺎﺀ .. (ﻳﻘﻠﺐ ﺻﻔﺤﺎﺕ ﻭﻳﻬﻬﺎ ﺑﻌﻴﻮﻧﻪ ) ﻛﻞ ﺍﻟﻠﻲ ﺻﺎﺭ ..
ﻟﺼﺎﻟﻠﺤﺞ .. ﺍﻧﺘﻲ ﺻﻐﻴـﺮﺓ .. ﻭﺍﻟﺼﻐﻴـﺮ ﻣﺎ ﻳﻘﺪﺭ ﻳﺘﺤﻜﻢ ﻓﻲ ﻣﺼﻴـﺮﻩ
ﻣﺜﻞ ﻣﺎ ﺗﻈﻨﻴﻦ .. ﺻﺪﻗﻴﻨﻲ . ﻛﻞ ﺍﻟﻠﻲ ﺟﺮﻯ ﻋﻠﻴﺞ ﺧﻴﺮﻟﺞ .. ( ﻣﺪ ﻳﺪﻩ
ﻳﺒﻲ ﻳﻤﺴﺢ ﻋﻠﻰ ﺧﺪﻫﺎ ﻭﻫﻨﻲ ﺗﺤﺮﻛﺖ ﻭﺗﺮﺍﺟﻌﺖ ﻟﻮﺭﻯ .. ﻭﻫﻮﺕ ﻳﺪ
ﻣﺸﻌﻞ ﺑﺎﻟﻬﻮﺍ ﻓﺘﻈﺎﻳﻖ ) ﻋﻠﻰ ﺍﻟﻌﻤـﻮﻡ .. ﻫﻨﻲ ﺑﻨﻜﻮﻥ ﻣﻄﻤﻨﻴﻦ ﻋﻠﻴﺞ ...
ﺗﺤﻤﻠﻲ ﺑﺮﻭﺣﺞ .. ﺑﺎﻱ ..
ﻗﺒﻞ ﻻ ﻳﻤﺸﻲ ﻣﺎ ﻗﺪﺭﺕ ﺳﻤﺎﺀ ﺍﻻ ﺍﻧﻬﺎ ﺗﻘﻮﻝ ﻟﻪ ﺍﻟﻠﻲ ﻳﺨﺘﻠﺞ
ﺍﻋﻤﺎﻗﻬﺎ ....
ﺑﺼﻮﺕ ﻗﻮﻱ ﻭﺛﺎﺑﺖ ..: ﺍﺫﺍ ﻛﻨﺘﻮ ﺗﻈﻨﻮﻥ ﺍﻥ ﻫﺎﻟﺴﺠﻦ ﺍﻟﻤﺰﻳﻦ ﺭﺍﺡ
ﻳﻜﻮﻥ ﺷﺎﻓﻊ ﻟﻜﻢ ﺑﻴﻮﻡ ﺍﻟﻠﻲ ﺑﻄﺎﻟﺒﻜﻢ ﻓﻴﻪ ﺑﺤﻘﻲ .. ﺑﺘﻜﻮﻥ ﺍﻧﺖ ﻭﺍﻣﻚ
ﻏﻠﻄﺎﻧﻴﻦ .. ﻭﺣﺘﻰ ﺍﺑﻮﻙ .. ﻣﻦ ﻫﺬﻱ ﺍﻟﻠﺤﻈﺔ .. ﺍﻟﻠﻲ ﺍﻧﺎ ﺗﻤﻨﻴﺖ ﻓﻴﻬﺎ
ﻣﻨﻜﻢ ﺍﻥ ﻳﺮﻕ ﻗﻠﺒﻜﻢ ﻋﻠﻲ .. ﻭﻻ ﺍﺣﺪ ﺍﻋﺘﺒﺮ .. ﺍﺗﺒﺮﻯ ﻣﻨﻜﻢ .. ﻭﻻ
ﺍﺗﻤﻨﺎﻛﻢ ﺍﻫﻞ ﻻﺣﺪ ﻻﻥ ﻭﺍﻟﻠﻪ ﺍﻧﺘﻮﻭ ﻣﻨﺘﻮﻭ ﺑﺄﻫﻞ .. ﺍﻧﺘﻮﻭ ﻋﺬﺍﺏ
ﻳﺘﺤﻤﻠﻪ ﺍﻟﺮﺿﻴﻊ ﻣﻦ ﻣﻬﺎﺩﻩ .. ﻭﺍﻟﻠﻪ ﻳﺤﻤﻲ ﻓﺎﺗﻦ ﻣﻦ ﻧﻮﺍﻳﺎﻙ ﻳﺎ
ﻣﺸﻌﻞ .. ( ﻓﺞ ﻋﻴﻮﻧﻪ ﻣﺸﻌﻞ ﻣﻦ ﺍﻟﺼﺪﻣﺔ ) ﻻﻥ ﺍﻟﻠﻲ ﺗﻀﻤﺮﻩ ﻓﻲ
ﻧﻔﺴﻚ ﺍﻟﻠﻲ ﻟﻼﺳﻒ ﺗﻠﻮﺛﺖ .. ﻣﺎ ﺭﺍﺡ ﻳﻜﻮﻥ ﻫﻴﻦ ﻋﻠﻴﻬﺎ . ﺍﻟﻠﻪ ﻳﻌﻴﻨﻬﺎ
ﻣﻨﻚ ... ﻳﻌﻴﻨﻬﺎ ﻭﻳﺨﻠﺼﻬﺎ ..
ﻛﺎﻧﺖ ﻫﺬﻱ ﻛﻠﻤﺎﺗﻬﺎ .. ﻭﻭﺍﺧﺘﻔﺖ ﻣﻦ ﺑﻌﺪﻫﺎ ﻓﻲ ﻣﻬﺐ ﺍﻟﺮﻳﺢ ﺍﻟﻰ
ﺩﺍﺧﻞ ﺍﻟﺴﺠﻦ .. ﺍﻣﺎ ﻣﺸﻌﻞ ﺍﻟﻠﻲ ﻇﻞ ﻣﻌﻤﻮﺭ ﺑﺎﻟﻐﻀﺐ ﺣﺎﻭﻝ ﻳﻬﺪﻱ
ﻧﻔﺴﻪ .. ﻟﻜﻦ ﻋﺒﺚ .. ﻛﻞ ﻛﻠﻤﺔ ﺗﻨﻘﺎﻝ ﻟﻪ ﻋﺒﺎﺭﺓ ﻋﻦ ﺣﻄﺐ ﻟﻠﻨﺎﺭ ﺍﻟﻠﻲ
ﻓﻴﻪ .. ﺍﻟﻜﻞ ﻳﻠﻮﻣﻪ .. ﻭﺍﻟﻜﻞ ﻳﺘﻤﻨﻰ ﻟﻬﺎ ﺍﻟﺨﻴـﺮ .. ﻭﻫﺬﺍ ﺍﻟﺸﻲ ﻛﻔﻴـﻞ
ﺍﻧﻪ ﻳﺒﻌﺪ ﺍﻟﺤﺐ ﻋﻦ ﻗﻠﺐ ﻣﺸﻌﻞ ﻟﻔﺎﺗﻦ ﻭﻳﺠﻠﺐ ﺍﻟﻤﺰﻳﺪ ﻣﻦ ﺍﻟﻜﺮﻩ
ﻭﺍﻟﻨﻔﻮﺭ ﻟﻬﺎ .. ﻭﺻﺎﺭ ﺍﻻﻧﺘﻘﺎﻡ ﻳﺤﻠﻮﻭﻭ ﻃﻌﻤﻪ .. ﻗﺒﻞ ﻛﺎﻥ ﻳﺘﻠﻮﻡ ﻓﻴﻬﺎ
ﻟﻜﻦ ﺍﻟﺤﻴﻦ .. ﻛﻞ ﺷﻲ ﺭﺍﺡ ﻳﻜﻮﻥ ﺑﺎﻟﺼﻮﺭﺓ ﺍﻟﻤﻄﻠﻮﺑﺔ ..
==================
ﺑﻴﺖ ﺍﻟﻴﺎﺳﻲ ﺍﻟﻌﺸﺎﺀ ..
ﺟﺮﺍﺡ ﺍﻟﻠﻲ ﻛﺎﻥ ﻻﺑﺲ ﻭﻣﺘﺰﻗﺮﺕ ﻟﻜﻦ ﺍﻟﺘﻮﺗﺮ ﺍﻟﻠﻲ ﻓﻴﻪ ﻛﻞ ﺷﻮﻱ
ﻳﺨﻠﻲ ﺍﻟﺸﻤﺎﻍ ﺍﻻﺑﻴﺾ ﺍﻟﻠﻲ ﻋﻠﻰ ﺭﺍﺳﻪ ﻳﻄﻴﺢ .. ﻭﻳﻌﺪﻟﻪ ﻣﺮﺓ ﺛﺎﻧﻴﺔ ..
ﻭﺍﻡ ﺟﺮﺍﺡ ﺍﻟﻠﻲ ﺑﻬـﺪﻭﺀ ﺗﻠﺒﺲ ﻭﺗﺘﺠﻬﺰ ﻣﻌﻄﻠﺔ ﺍﻟﻜـﻞ .. ﻓﺎﺗﻦ ﺯﻫﺒﺖ
ﻟﻜﻦ ﻇﻠﺖ ﺗﺸﻐﻞ ﻭﻗﺘﻬﺎ ﺑﺎﻟﻬﺪﺍﻳﺎ ﺍﻟﻠﻲ ﺷﺮﺗﻬﺎ ﻣﻦ ﺍﻣﻴـﺮﻛﺎ ﻟﻨﻮﺭﺓ ﻭﻟﺆﻱ
.. ﺟﻬﺰﺕ ﻛﻞ ﺷﻲ .. ﻟﺒﺴﺖ ﻋﺒﺎﺍﺍﺍﻳﺔ ﺭﺍﺱ ﻣﺜﻞ ﺍﻟﻜﺒـﺎﺭ ﻭﻟﻔﺖ ﺍﻟﺸﻴﻠﺔ
ﻋﻠﻰ ﺭﺍﺳـﻬﺎ .. ﻭﻧﺰﻟﺖ ﺗﺤﺖ ﻻﺧﻮﻫﺎ ﺍﻟﻠﻲ ﻛﺎﻥ ﻭﺍﻗﻒ ﻭﻫﻮ ﻳﺨﺮﺧﺶ
ﻣﺨﺒﺎﺗﻪ ﻭﻣﺘﻮﺗﺮ ﺑﺎﻟﺤﻴـﻞ
ﺍﺑﺘﺴﻤﺖ ﻟﻪ ...:: ﻣﺎﻗﺪﺭ ﻋﻠﻰ ﺍﻟﻤﻌـﺮﺱ .. ﻳﺎﺯﻳﻨﻪ ﻭﻳﺎ ﺷﻴﻦ ﻋﺪﻭﻳﻨﻪ ..
ﺟﺮﺍﺡ ﺍﻟﻠﻲ ﻳﻔﺮﻙ ﻳﺪﻳﻨﻪ ..: ﺍﻱ ﻣﻌـﺮﺱ .. ﺑﺮﻭﺣﻲ ﻣﺘﻮﺗﺮ ﻓﺘﻮﻥ ..
( ﻳﺘﻨﻬﺪ ﺑﺼﻮﺕ ﻋﺎﻟﻲ ) ﻭﺍﻟﻠﻪ ﺍﻥ ﺍﻟﺨﻮﻭﻭﻭﻑ ﻳﻘﻄﻊ ﺍﻟﻴﻮﻭﻭﻑ ..
ﻓﺎﺗﻦ ﻭﻫﻲ ﺗﻤﺴﻚ ﺟﺘﻔﻪ : ﺷﺨﻮﻭﻓﻪ؟؟ ﺍﻧﺖ ﻣﻘﺪﻡ ﻋﻠﻰ ﺍﺣﻠﻰ ﺧﻄﻮﺓ
ﺑﺤﻴﺎﺗﻚ ﻭﺣﻴﺎﺓ ﺍﻟﺒﻨﺖ ﺍﻟﻠﻲ ﺗﺘﻤﻨﺎﻫﺎ .. ﻣﺎﻛﻮ ﺷﻲ ﺍﺣﻠﻰ ﻣﻦ ﺍﻟﺰﻭﺍﺝ
ﻳﺎﺧﻮﻱ ..
ﺟﺮﺍﺡ ﻳﻨﺎﻇﺮ ﻓﺎﺗﻦ ﺑﻨﺺ ﻋﻴﻮﻥ : ﺍﻟﺤﻴﻦ؟؟ ﻣﺎﺩﺭﻱ ﻣﻦ ﺍﻟﻠﻲ ﻗﺒﻞ
ﺍﻟﺰﻭﺍﺝ ﺍﻻ ﻣﺎﺑﻲ ﻭﻻ ﺗﺠﺒﺮﻭﻧﻲ
ﺗﻐﻴﺮ ﺍﻟﻤﻮﺿﻮﻉ ﺑﺎﺣﺮﺍﺝ : ﺍﻟﻠﻲ ﻣﺎ ﻳﻌﺮﻑ ﻟﻠﺼﻘﺮ ﻳﺸﻮﻳﻪ .. ﻭﺑﻌﺪﻳﻦ
ﻭﺿﻌﻲ ﻭﻭﺿﻌﻚ ﻣﺎ ﺑﻴﻨﻬﻢ ﻣﻘﺎﺭﻧﺔ .. ﺍﻧﺖ ﺗﺤﺐ ﻣﺮﻳﻢ ﻭﻋﺎﺭﻑ ﺍﻧﻚ
ﺗﺒﻴﻬﺎ .. ﻟﻜﻦ ﺍﻧﺎ ﻣﺎ ﻛﻨﺖ ﺍﻋﺮﻑ ﻣﺴـﺎﻋﺪ ﻭﻭﺟﻮﺩﻩ ﺍﻟﻐﻴـﺮ ﻣﻘﺒﻮﻝ ﻓﻲ
ﺫﻳﺞ ﺍﻟﻔﺘﺮﺓ ﻓﻲ ﺣﻴﺎﺗﻲ ﺍﺛﺮ ﻋﻠﻰ ﺣﻜﻤـﻲ ..
ﺟﺮﺍﺡ ﻭﻫﻮ ﻳﻨﺎﻇﺮ ﻏﺮﻓﺔ ﺍﻣﻪ : ﺍﻧﺘﻲ ﺍﻟﺤﻴﻦ ﺍﺳﺘﻌﻴﻠﻲ ﺍﻟﻮﺍﻟﺪﺓ ﺍﻟﻠﻪ
ﻳﺨﻠﻴﺞ ﺗﺮﺍﻧﻲ ﺑﻤﻮﺕ ﻣﻜﺎﻧﻲ ﺍﻥ ﺗﻤﻴﻨﺎ ﺍﻛﺜﺮ ..
ﻓﺎﺗﻦ : ﺍﻥ ﺷﺎﺀ ﺍﻟﻠﻪ ﺑﺲ ﺍﺫﻛﺮ ﺍﻟﻠﻪ ﺍﻧﺖ ﻗﺒﻞ ..
ﺟﺮﺍﺡ ﻭﻫﻮ ﻳﻤﺴﺢ ﻋﻠﻰ ﻭﻳﻬﻪ ﻭﺣﺎﻁ ﺧﺎﺗﻢ ﻓﻲ ﺧﻨﺼﺮﻩ ﺍﻟﻴﻤﻴﻦ : ﻻ
ﺍﻟﻪ ﺍﻻ ﺍﻟﻠﻪ ﻣﺤﻤﺪ ﺭﺳﻮﻝ ﺍﻟﻠﻪ ..
ﺍﺑﺘﺴﻤﺖ ﻟﻪ ﻓﺎﺗﻦ ﻭﺗﻮﻫﺎ ﺑﺘﺘﻮﺟﻪ ﻟﺪﺍﺭ ﺍﻣﻬﺎ ﺍﻻ ﻛﺎﻧﺖ ﺍﻻﺧﻴﺮﺓ ﻃﺎﻟﻌﺔ
ﻭﺍﻟﻌﺒﺎﻳﺔ ﻋﻠﻰ ﺟﺘﻔﻬﺎ .. ﻭﻣﻦ ﺍﻟﺼﺪﻓﺔ ﺍﻥ ﺟﻼﺑﻴﺘﻬﺎ ﻛﺎﻧﺖ ﻣﻄﺎﺑﻘﺔ
ﻻﻟﻮﺍﻥ ﺟﻼﺑﻴﺔ ﻓﺎﺗﻦ .. ﻓﺘﻤﻮﺍ ﺍﻟﺜﻨﺘﻴﻦ ﻳﻨﺎﻇﺮﻭﻥ ﺑﻌﺾ ﻭﺿﺤﻜﻮﺍ ..
ﻓﻜﺮﺕ ﺍﻡ ﺟﺮﺍﺡ ﺍﻧﻬﺎ ﺗﺮﻭﺡ ﺗﻐﻴـﺮﻫﺎ ﻟﻜﻦ ﻫﻴﻬﺎﺕ ﻳﺮﺿﻰ ﺟﺮﺍﺡ ﺍﻟﻠﻲ
ﻣﻦ ﺍﻟﺘﻮﺗﺮ .. ﻳﺎﻩ ﻣﻐﺺ ..
ﻭﺗﺤﺮﻛﻮﺍ ﺍﻟﻴﺎﺳﻴﺔ ﻧﺎﺣﻴﺔ ﻣﺴﺘﻘﺒﻞ ﺟﺮﺍﺡ ﻭﻣﺮﻳﻢ .. ﺍﻟﻠﻪ ﺍﻟﻌﺎﻟﻢ ﺷﻠﻲ
ﻣﺨﺒﻰ ﻟﻬﻢ ﻭﻟﺒﻴﺖ ﺑﻮ ﻣﺴـﺎﻋﺪ ..
ﺗﻮﻫﻢ ﻭﺍﺻﻠﻴـﻦ ﻋﻨﺪ ﺍﻟﺒـﺎﺏ .. ﺩﻕ ﻟﺆﻱ ﻋﻠﻰ ﺟﺮﺍﺡ ﺍﻟﻠﻲ ﻛﺎﻥ ﺷﻮﻱ
ﻭﻳﻨﺰﻝ ﻣﻦ ﺍﻟﺴﻴـﺎﺭﺓ ..
ﺭﺩ ﻋﻠﻴﻪ ﺟﺮﺍﺡ ﺑﺼﻮﺕ ﻣﺘﻮﺗﺮ ﺷﻮﻱ ..: ﻫﻼ ﻟﺆﻱ ..
ﻟﺆﻱ ﺍﻟﺤﺰﻳﻦ ﻳﺘﻨﻬﺪ : ﺁﺁﺁﺁﺁﺁﻩ .. ﻫﻼ
ﺟﺮﺍﺡ ﺍﺳﺘﻐﺮﺏ ﻭﺍﻟﺤﺮﻳﻢ ﻧﺰﻟﻮ : .. ﺷﻔﻴـﻚ ﻟﺆﻱ؟
ﻟﺆﻱ ﻭﻫﻢ ﻳﺴﻜﺮ ﻋﻴﻮﻧﻪ ﻭﻳﺤﻨﻲ ﻇﻬﺮﻩ : ﺗﻌﺒـﺎﻥ ﺟﺮﺍﺡ ..
ﻳﺎﺕ ﻓﺎﺗﻦ ﻟﻌﻨﺪ ﺟﺮﺍﺡ ﺗﺄﺷﺮ ﻋﻠﻴﻪ ﻟﻜﻦ ﻫﻮ ﻣﺎ ﺍﻧﺘﺒﻪ ﻟﻬﺎ ..: ﺷﻔﻴﻚ
ﻟﺆﻱ؟؟ ﻭﻳﻨﻚ ﻓﻲ؟؟
ﻟﺆﻱ ﻭﻫﻮ ﻳﺴﻤﻊ ﺻﻮﺕ ﺍﻟﺒﺤـﺮ ﺍﻟﻬﺎﺩﺉ ﻭﻳﻦ ﻣﺎ ﻟﺤﻖ ﻏﺰﻻﻥ ﻗﺒﻞ ﺟﻢ
ﻳﻮﻡ : ﺍﻧﺎ ﻫﻨﻲ ﻋﻨﺪ ﺍﻟﺒﺤـﺮ .. ﻭﺍﻧﺖ ﻭﻳﻦ؟
ﺟﺮﺍﺡ ﻭﻫﻮ ﻳﻨﺎﻇﺮ ﺍﻧﻮﺍﺭ ﺑﻴﺖ ﺑﻮ ﻣﺴـﺎﻋﺪ : ﺍﻧﺎ ﻋﻨﺪ ﺑﻴﺘﻜﻢ ..
ﻟﺆﻱ ﺍﺳﺘﻐﺮﺏ : ﻋﻨﺪ ﺑﻴﺘﻨﺎ؟؟ ﺧﻴـﺮ ﻋﺴﻰ ﻣﺎ ﺷﺮ؟
ﺟﺮﺍﺡ ﺗﻠﻌﺜﻢ ..: ﻟﻴﺶ ﻣﺎ ﺗﺪﺭﻱ ﺍﻧﻲ ﻭﺍﻫﻠﻲ ﺯﺍﻳﺮﻳﻨﻜﻢ ﺍﻟﻴﻮﻡ؟؟
ﻟﺆﻱ ﻭﻫﻮ ﻳﺤﻚ ﺟﺒﻴﻨﻪ : ﻻ ﻭﺍﻟﻠﻪ ﻣﺎ ﺩﺭﻱ .. ﺣﻴﺎﻛﻢ ﺍﻟﻠﻪ
ﺟﺮﺍﺡ ﻭﻫﻮ ﻳﺄﺷﺮ ﻟﻔﺎﺗﻦ ﺍﻟﻠﻲ ﻛﺎﻧﺖ ﻭﺍﻗﻔﺔ ﺍﻧﻬﺎ ﺗﺪﺧﻞ ﺍﻟﺒﻴﺖ : ﻟﺆﻱ ﺍﻧﺎ
ﻣﺤﺘﺎﺟﻚ ﺍﻟﺤﻴﻦ ﺍﻛﺜﺮ ﻣﻦ ﺍﻱ ﻗﺒﻞ ﻭﻳﻨﻚ ﻓﻲ؟؟
ﻟﺆﻱ : ﻟﻴﺶ ﻋﻼﻣﻚ ﺟﺮﺍﺡ؟
ﺟﺮﺍﺡ ﻳﺒﻠﻊ ﺭﻳﺠﻪ ..: ﺍﻧﺎ ﺍﻟﻴﻮﻡ .... ﻳﺎﻱ ﺑﻴﺘﻜﻢ .. ﺍﺧﻄﺐ ﻣﺮﻳﻢ ..
ﻧﺴﻰ ﻟﺆﻱ ﻛﻞ ﻫﻤﻮﻣﻪ ﻭﺗﻬﻠﻞ ﻭﻳﻬﻪ ﻭﻫﻮ ﻳﺒﺘﺴﻢ : ﺍﺣﻠﻠﻠﻠﻠﻠﻠﻠﻠﻒ ..
ﺍﻟﺤﻴﻦ ﻋﻨﺪﻙ .. ﻛﻠﻬﺎ ﺭﺑﻊ ﺳﺎﻋﺔ ﻭﺍﻧﺎ ﻫﻨﺎﻙ ..
ﺟﺮﺍﺡ ﻳﺒﺘﺴﻢ : ﺍﻱ ﺍﻱ ﻻ ﺗﺨﻠﻴﻨﻲ ﺑﺮﻭﺣﻲ .. ﺍﻧﺎ ﻣﺎﻗﺪﺭ ﺍﺣﻂ ﻋﻴﻮﻧﻲ
ﺑﻌﻴﻮﻥ ﺍﺑﻮﻙ ﻭﺍﺧﻮﻙ ﻭﺍﻧﺖ ﻣﻮ ﻭﻳﺎﻱ .. ﻋﻠﻰ ﺍﻻﻗﻞ ﺍﺣﺪ ﺁﺁﻟﻔﻪ
ﻭﺍﻋﺮﻓﻠﻪ ..
ﻟﺆﻱ ﻭﻫﻮ ﻳﺮﻛﺐ ﺍﻟﺴﻴﺎﺭﺓ : ﻻ ﺧﻼﺹ ﻋﻄﻨﻲ ﺭﺑﻊ ﺳﺎﻋﺔ ﻭﺍﻧﺎ ﻋﻨﺪﻙ
ﻭﻻ ﺗﺤﺎﺗﻲ ﻭﻻ ﺗﻌﻮﺭ ﻗﻠﺒﻚ .. ﻳﺎﻭﻳﻞ ﻋﻤﺮﻱ ﺍﺧﺘﻲ ﺍﻟﺜﺎﻧﻴﺔ ﺑﺘﻌﺮﺱ ..
(ﻳﺒﺘﺴﻢ ﺑﺸﻘﺎﻭﺓ ) ﺑﻴﻔﻀﻰ ﻟﻲ ﺍﻟﺒﻴﺖ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻣﺎﺕ ﻋﻠﻴﻚ .. ﺍﻟﺤﻴﻦ ﻣﺎ ﺣﻠﻰ ﻟﻚ ﺍﻻ
ﻫﺎﻟﺸﻲ .. ﺍﻧﺰﻳﻦ ﻣﺎﻗﻠﺖ ﻟﻲ ﺷﻤﻨﻪ ﺍﻧﺖ ﺗﻌﺒﺎﻥ؟
ﻟﺆﻱ ﻭﻫﻮ ﻳﺴﺘﺮﺟﻊ ﺣﺰﻧﻪ ﺍﻟﻠﻲ ﺍﺑﻌﺪﻩ ﺑﺴﺮﻋﺔ ﻋﺸﺎﻥ ﻻ ﻳﺨﺘﺮﺏ
ﻣﺰﺍﺟﻪ : ﻻ ﻣﺎ ﻋﻠﻴﻚ ﺍﻧﺎ ﻭﺍﺣﺪ ﻣﺎ ﻋﻨﺪﻩ ﺳﺎﻟﻔﺔ .. ﺍﻧﻄﺮﻭﻧﻲ ﻻ ﺗﻔﺞ
ﺍﻟﺴﺎﻟﻔﺔ ﻭﻳﺎﻫﻢ ﻗﺒﻞ ﻣﺎ ﺍﻳﻲ ..
ﺟﺮﺍﺡ ﻭﻫﻮ ﻣﺒﺘﻬﺞ ﺑﺒﻬﺠﺔ ﻟﺆﻱ : ﻭﻻ ﻳﻬﻤـــﻚ .. ﺍﻧﺖ ﺑﺲ ﻻ ﺗﺘﺄﺧﺮ ..
ﻟﺆﻱ : ﻭﻻ ﻳﻬﻤﻚ .. ﻳﺎﻟﻠﻪ ﺑﺎﻱ ..
ﺟﺮﺍﺡ : ﺑﺎﻱ ..
ﻃﺎﻟﻊ ﺍﻟﺘﻠﻔﻮﻥ ﺑﻌﺪ ﻣﺎ ﺳﻜـﺮﻩ ﻭﻭﻫﻮ ﻋﻠﻰ ﺍﺑﺘﺴﺎﻣﻪ .. ﻭﻓﺎﺗﻦ ﺗﻠﺘﻔﺖ ﻟﻪ
ﻭﻳﺎ ﺍﻣﻪ ﺍﻟﻠﻲ ﻛﺎﻧﻮ ﻣﺴﺘﻐﺮﺑﻴﻦ ﻣﻦ ﺗﺄﺧﺮﻩ .. ﻃﻠﻊ ﺟﺮﺍﺡ ﻣﻦ ﺍﻟﺴﻴﺎﺭﺓ
ﻭﺳﻜﺮﻫﺎ ﺑﺎﻟﺘﺤﻜﻢ ﻭﺭﺍﺡ ﻟﻌﻨﺪﻫﻢ
ﻓﺎﺗﻦ : ﻛﻞ ﺷﻲ ﺑﺨﻴـﺮ؟
ﺟﺮﺍﺡ : ﺍﻱ ﻫﺬﺍ ﻟﺆﻱ .. ﻣﺎ ﻛﺎﻥ ﻳﺪﺭﻱ ﺍﻧﻨﺎ ﻳﺎﻳﻨﻬﻢ ﺍﻟﻠﻴﻠﺔ ..
ﻓﺎﺗﻦ : ﺍﻫﺎﺍ ..
ﺍﻡ ﺟﺮﺍﺡ : ﻳﺎﻟﻠﻪ ﻳﻤﺔ ﺧﻠﻮﻧﺎ ﻧﺪﺧﻞ ﺗﻜﺴﺮﺕ ﻋﻈﺎﻣﺘﻲ ﻣﻨﺎﻟﺒﺮﺩ ..
ﺭﺍﺣﻮ ﻋﻨﺪ ﺍﻟﺒﺎﺏ ﻭﺩﻗﻮﻭ ﺍﻟﺠﺮﺱ .. ﻭﺍﻟﻠﻲ ﺭﺩ ﻋﻠﻴﻬﻢ ﻛﺎﻥ ﻣﺴـﺎﻋﺪ ..
ﺍﻭﻝ ﻣﻦ ﻟﻘﻰ ﺟﺪﺍﻡ ﻋﻴﻮﻧﻪ ﻛﺎﻧﺖ ﻓﺎﺗﻦ ﻭﺍﻣﻬﺎ .. ﻭﺍﺑﺘﺴﻢ ﻟﻔﺎﺗﻦ
ﺍﺑﺘﺴﺎﻣﺔ ﻧﺎﻋﺴﺔ ﺣﻠﻮﺓ .. ﻭﺍﻫﻲ ﺍﻟﻠﻲ ﺷﺎﻓﺘﻪ ﺑﺤﻼﻭﺓ ﻭﻟﻜﻦ ﺍﻟﺘﻌﺐ ﻛﺎﻥ
ﻣﻌﺘﻠﻲ ﺍﻣﺎﺭﺍﺕ ﻭﻳﻬﻪ .. ﻭﺣﺎﻭﻟﺖ ﺍﻧﻬﺎ ﺗﺒﺘﺴﻢ ﻟﻜﻦ ﺍﻻﺳﺘﻐﺮﺍﺏ ﻛﺎﻥ
ﻋﻨﻮﺍﻥ ﻭﻳﻬﻬﺎ ..
ﻣﺴـﺎﻋﺪ ﻳﺘﻜﻠﻢ ﺑﺴﺎﺣﺮﻳﺔ ﻻﻡ ﺟﺮﺍﺡ : ﺣﻴﺎ ﺍﻟﻠﻪ ﻣﻦ ﻳﺎﻧﺎ .. ﺗﻮﻩ ﻣﺎ ﻧﻮﺭ
ﺑﻴﺖ ﺍﻟﺪﺧﻴﻠﻲ ..
ﺍﻡ ﺟﺮﺍﺡ : ﺑﻨﻮﺭ ﻭﺟﻮﺩﻙ ﻳﺎﻭﻟﻴﺪﻱ ..
ﻣﺴـﺎﻋﺪ ﻳﻜﻠﻢ ﻓﺎﺗﻦ ﺑﺼﻮﺕ ﺭﺯﻳﻦ ﻭﺷﻮﻱ ﻓﺎﺗﻦ ..: ﻣﺴـﺎﺀ ﺍﻟﺨﻴـﺮ
ﺭﺩﺕ ﻋﻠﻴﻪ ﺑﺼﻮﺕ ﺍﺷﺒﻪ ﺑﺎﻟﻬﻤﺲ : ﻣﺴـﺎﺀ ﺍﻟﻨﻮﺭ .. ﺣﻴﺎﻛﻢ ﺗﻔﻀﻠﻮﻭ ..
ﻣﺮﺕ ﺍﻡ ﺟﺮﺍﺡ ﻣﻦ ﻃﺮﻑ ﻣﺴـﺎﻋﺪ ﻭﻳﻮﻡ ﻣﺮﺕ ﻓﺎﺗﻦ ﺳﻤﻌﺖ ﺷﻲ ﻓﻲ
ﺍﺫﻧﻬﺎ ﻣﺜﻞ ﺍﻟﻬﻤﺲ .. ﺣﺘﻰ ﺍﻧﻪ ﻣﺎ ﺍﻧﺤﻨﻰ ﻟﻌﻨﺪﻫﺎ ..
ﻣﺴـﺎﻋﺪ : ﻳﺎ ﺯﻳﻦ ﺍﻟﺒﺪﺭ ﻓﻲ ﻣﻄﻠﻊ ﺍﻟﺸﻬﺮ ..
ﺍﺑﺘﺴﻤﺖ ﺑﺤﻴﺎ ﻭﻣﺎ ﺣﻄﺖ ﻋﻴﻮﻧﻬﺎ ﺑﻌﻴﻮﻧﻪ ﻻﻧﻬﺎ ﺍﻥ ﺳﻮﺕ ﻋﺎﺩﻱ ﺍﻧﻬﺎ
ﺗﺬﻭﺏ ﻓﻲ ﻟﺤﻈﺘﻬﺎ .. ﺑﺲ ﺑﻌﺪ ﻛﻞ ﻫﺎﻟﻐﺰﻝ ﻣﺎ ﻛﺎﻥ ﻣﻠﻬﻲ ﻋﻦ ﺍﻟﺨﻮﻑ
ﺍﻟﻠﻲ ﺍﻋﺘﻠﻼ ﻓﻴﻬﺎ ﻋﻠﻰ ﻣﺴـﺎﻋﺪ .. ﻟﻴﺶ ﺷﻜﻠﻪ ﺗﻌﺒﺎﻥ ﻭﻟﻴﺶ ﻫﺎﻻﺟﻬﺎﺩ
ﻛﻠﻪ .. ؟؟
ﻧﻮﺭﺓ ﺍﻟﻠﻲ ﺣﻴﻴﺘﻬﻢ ﻋﻨﺪ ﺍﻟﺼﺎﻟﺔ ..: ﻫﻼ ﻭﺍﻟﻠﻪ .. ﻳﺎ ﺣﻴﺎ ﺍﻟﻠﻪ ﻣﺮﺕ
ﺍﺧﻮﻭﻭﻭﻱ ﻭﺧﺎﻟﺘﻲ ﺍﻡ ﺟﺮﺍﺡ ..
ﺍﻡ ﺟﺮﺍﺡ : ﺍﻟﻠﻪ ﻳﺤﻴﻴﻴﺞ .. ﺍﻟﻠﻪ ﺍﻟﻠﻪ .. ﻳﺎ ﻣﺤﻼﺍﺍﻩ ﺍﻟﻌﺮﻭﻭﺱ
ﻧﻮﺭﺓ ﺑﺤﻴﺎ : ﺍﻟﺤﻠﻮﺓ ﻋﻴﻮﻧﺞ ﺧﺎﻟﺘﻲ .. ﺍﺻﻼ ﺍﻧﺎ ﻣﻦ ﺯﻣﺎﻥ ﺣﻠﻮﺓ ﻟﻮ
ﺗﺪﺭﻳﻦ
ﺍﻡ ﺟﺮﺍﺡ : ﻫﻬﻬﻬﻬﻪ .. ﻣﻌﻠﻮﻡ ﻳﻤﺔ ﻣﻌﻠـﻮﻡ ..
ﻃﻠﻌﺖ ﺍﻡ ﻣﺴـﺎﻋﺪ ﻣﻦ ﺍﻟﻤﻄﺒﺦ .. ﻭﻣﻦ ﻃﺎﺣﺖ ﻋﻴﻨﻬﺎ ﻋﻠﻰ ﺍﻡ ﺟﺮﺍﺡ
ﻻ ﺍﺭﺍﺩﻳﺎ ﺟﺎﻟﺖ ﻓﻲ ﻧﻔﺴﻬﺎ ﺍﻟﻌﺒـﺮﺓ .. ﺍﻟﺼﺪﺍﻗﺔ ﺍﻟﻘﻮﻳﺔ ﺍﻟﻠﻲ ﻳﻮﻡ
ﺭﺑﻄﺖ ﺍﻡ ﺟﺮﺍﺡ ﺑﺎﻡ ﻣﺴـﺎﻋﺪ ﺿﻌﻔﺖ ﻣﻦ ﺗﺰﻭﺝ ﻣﺴـﺎﻋﺪ ﻓﺎﺗﻦ ..
ﻏﻴـﺮﺓ ﺍﻷﻡ ﻋﻠﻰ ﻭﻟﺪﻫﺎ .. ﻭﺍﻟﺤﺮﻣﺔ ﺍﻟﻠﻲ ﺍﻫﻮ ﺍﻳﻴﺒﻬﺎ ﻟﻌﻨﺪﻫﺎ ﺍﻫﻮ ﺩﺍﻓﻊ
ﻗﻮﻱ ﺍﻥ ﻳﺨﻠﻲ ﺍﻻﻡ ﺗﻘﻄﻊ ﻛﻞ ﺷﻲ ﻳﺘﻌﻠﻖ ﺑﻬﺎﻟﺒﻨﺖ ﺣﺘﻰ ﻟﻮ ﻛﺎﻧﺖ
ﺍﻗﺮﺏ ﻣﺎﻟﻬﺎ .. ﻭﻫﺬﺍ ﺣﻖ ﻣﻦ ﺣﻘﻮﻕ ﺍﻻﻡ ﻓﻲ ﺑﻌﺾ ﺍﻻﺣﻴﺎﻥ ﺍﻧﻬﺎ
ﺗﻜﻮﻥ ﻣﻦ ﺗﺨﺘﺎﺭ ﺍﻟﺒﻨﺖ ﻟﻮﻟﺪﻫﺎ .. ﺍﻭ ﺷﻲ ﺗﺤﺒﺒﻪ ﻓﻲ ﻧﻔﺴﻬﺎ ..
ﺍﻡ ﺟﺮﺍﺡ ﺍﻟﻠﻲ ﻣﻦ ﺷﺎﻓﺖ ﺍﻡ ﻣﺴﺎﻋﺪ ﺭﺍﺣﺖ ﻟﻬﺎ : ﻳﺎ ﺣﻴﺎ ﺍﻟﻠﻪ
ﻫﺎﻟﺸﻮﻭﻭﻭﻭﻑ ..
ﺍﻡ ﻣﺴـﺎﻋﺪ : ﻳﺎ ﺑﻌﺪ ﻗﻠﺒﻲ ﺳﻌﺎﺩ ...
ﺗﻼﻳﻤﻮ ﺍﻟﺜﻨﺘﻴﻦ ﻋﻠﻰ ﺑﻌﺾ ﻭﻫﻢ ﻣﺸﺘﺎﻗﺘﻴﻦ ﻟﺒﻌﺾ .. ﺍﺑﺘﺴﻤﺖ ﻓﺎﺗﻦ
ﻟﻬﺎﻟﺸﻲ ﻭﻓﺮﺡ ﻗﻠﺒﻬﺎ .. ﻭﻣﺴـﺎﻋﺪ ﺍﻟﻠﻲ ﺍﻧﺼﺪﻡ ﻭﺍﻧﺪﻫﺶ ﻣﻦ ﻓﺮﺣﺔ ﺍﻣﻪ
ﺑﺸﻮﻓﻪ ﺍﻡ ﺟﺮﺍﺡ ﻻﻧﻪ ﺍﻛﺜﺮ ﻭﺍﺣﺪ ﻳﻌﺮﻑ ﺷﻜﺜﺮ ﺍﻣﻪ ﺗﻐﺎﺭ ﻣﻨﻬﻢ
ﻭﻣﺤﺎﺭﺑﺘﻪ ﻋﻠﻰ ﻫﺎﻟﺸﻲ .. ﺑﺲ ﺑﻌﺪ ﻫﺬﺍ ﻛﺎﻥ ﺩﺍﻓﻊ ﺍﻧﻪ ﻳﺒﺘﺴﻢ ﻻﻣﻪ
ﺑﺤﻨﺎﻥ ﻭﻫﻮ ﻳﻬﺰ ﺭﺍﺳﻪ .. ﻳﺎ ﻛﺜﺮ ﻣﺎ ﺗﻘﻮﻟﻴﻦ ﻳﺎﻳﻤﺔ ﻟﻜﻦ ﻗﻠﺒﺞ ﻫﺬﺍ ﻫﻮ ..
ﺧﺼﻠﺔ ﺍﻟﺤﺮﻳﺮ ﺍﻟﻠﻲ ﺗﺒﺮﺩ ﻋﻠﻰ ﻗﻠﺐ ﺍﻱ ﺍﺣﺪ .. ﺍﻟﺘﻔﺖ ﺍﻟﻰ ﻓﺎﺗﻦ ﻟﻘﺎﺍﻫﺎ
ﺗﻨﺎﻇﺮﻩ ﺑﺎﺑﺘﺴﺎﻣﺔ ﺗﻜﺸﻒ ﺻﻒ ﺍﺳﻨﺎﻥ ﻟﺆﻟﺆﻳﺔ .. ﻭﻧﻈﺮﺓ ﻋﻴﻮﻧﻬﺎ ﺍﻟﻠﻲ
ﻣﻦ ﺷﺄﻧﻬﺎ ﺍﻧﻬﺎ ﺗﻘﻠﺐ ﻛﻞ ﺍﻟﻌﻮﺍﺻﻒ ﺍﻟﻠﻲ ﻓﻴﻪ ﺍﻟﻰ ﻫﺪﻭﺀ ﻣﺴﺘﺘﺐ ..
ﻭﻣﻦ ﺑﻌﺪﻫﺎ ﺍﻧﺴﺤﺐ ﻋﺸﺎﻥ ﻳﺸﻮﻑ ﺟﺮﺍﺡ ﺍﻟﻠﻲ ﺗﺮﻛﻪ ﺑﺮﻭﺣﻪ ﺑﺮﻉ ..
ﻣﺴـﺎﻋﺪ ﻭﻫﻮ ﻳﻀﺤﻚ ﻟﺠﺮﺍﺡ : ﺍﻟﺴﻤﻮﺣﺔ ﻧﺴﻴﻨﺎﻙ
ﺟﺮﺍﺡ ﺍﻟﺤﺰﻳﻦ : ﻭﺍﻟﻠﻪ ﺑﻐﻴﺖ ﺍﺭﺩ ﺍﻟﺒﻴﺖ .. ﻟﻘﻴﺖ ﻓﺎﺗﻦ ﺧﻼﺹ ﺍﻧﺎ
ﻗﻄﻴﺘﻮﻭﻧﻲ؟؟
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻻ ﻭﺍﻟﻠﻪ ﺍﻓﺎ ﻋﻠﻴﻚ .. ﺗﻔﻀﻞ ﺣﻴـﺎﻙ .
. ﺑﺮﻳﻠﻚ ﺍﻟﻴﻤﻴﻦ ..
ﺟﺮﺍﺡ : ﺍﻟﻠﻪ ﻳﺨﻠﻴﻚ .. ﺯﺍﺩ ﻓﻀﻠﻚ ..
ﻣﻦ ﺍﻡ ﺟﺮﺍﺡ ﺍﻧﺘﻘﻠﺖ ﺍﻡ ﻣﺴﺎﻋﺪ ﺍﻟﻰ ﺣﺮﻣﺔ ﻭﻟﺪﻫﺎ .. ﻭﻳﻮﻡ ﻃﺎﺣﺖ
ﻋﻴﻮﻧﻬﺎ ﻋﻠﻰ ﺷﻜﻞ ﻓﺎﺗﻦ ﺍﻟﺒﺮﻳﺊ ﺑﻌﻴﻮﻧﻬﺎ ﺍﻟﻼﻣﻌﺔ ﺍﻟﻜﺒﻴـﺮﺓ ﺍﻧﺘﺸﺮ
ﺍﻟﺤﺐ ﻓﻲ ﻗﻠﺒﻬـﺎ ﺍﺳﺮﻉ ﻣﻦ ﺍﺍﻟﻀﻮﺀ ﻓﻲ ﺍﻟﻈﻼﻡ .. ﻭﺭﺍﺣﺖ ﻟﻬﺎ ﻭﻫﻲ
ﺗﻀﻤﻬﺎ . ﻭﻓﺎﺗﻦ ﺍﻟﻠﻲ ﻛﺎﻧﺖ ﺍﺳﺮﻉ ﻣﻨﻬﺎ ﺭﺍﺣﺖ ﻟﻬﺎ ﻭﺑﺎﺳﺘﻬﺎ ﻋﻠﻰ ﺭﺍﺳﻬﺎ
ﻭﻫﻲ ﺗﺮﺗﻌﺶ ﻣﻦ ﺍﻭﻝ ﻟﻘﺎﺀ ﻣﻊ ﺍﻡ ﺭﻳﻠﻬﺎ ..
ﺍﻡ ﻣﺴـﺎﻋﺪ : ﻓﺪﻳﺖ ﻫﺎﻟﻮﻳﻪ .. ﺗﻌﺎﻟﻲ ﻋﻨﺪﻱ ﺧﻠﻴﻨﻲ ﺍﺑﻮﻭﺳﺞ ﻳﺎ ﺣﺮﻣﺔ
ﺍﻟﻐﺎﻟﻲ ..
ﻭﺑﺎﻟﻔﻌﻞ .. ﺍﻧﺼﺎﻋﺖ ﻓﺎﺗﻦ ﻟﺤﻈﻦ ﺍﻡ ﻣﺴﺎﻋﺪ ﺍﻟﻠﻲ ﻛﺎﻥ ﻓﻴﻬﺎ ﻣﻦ ﺭﻳﺤﺔ
ﺍﻟﻐﺎﻟﻲ ﺣﺒﻴﺐ ﻗﻠﺒﻬﺎ ﻭﺍﺳﺘﻤﺘﻌﺖ ﺑﺪﻓﺎﻫﺎ ﻟﺪﺭﺟﺔ ﺍﻥ ﺍﻟﺪﻣﻊ ﺷﻮﻱ
ﻭﻳﻨﻬﻤﺮ ﻣﻦ ﺣﻠﻮﻭ ﺍﻟﻠﺤﻈﺔ ..
ﺑﻌﺪ ﻓﺘـﺮﺓ .. ﺍﺷﺮﺕ ﻟﻬﻢ ﺍﻡ ﻣﺴﺎﻋﺪ ﺍﻧﻬﻢ ﻳﺪﺧﻠﻮﻥ ﻋﻦ ﺍﻟﻮﻗﻔﺔ ﻓﻲ
ﻫﺎﻟﻤﻜﺎﻥ .. ﻭﻟﻜﻦ ﻓﺎﺗﻦ ﺳﺄﻟﺖ ﻧﻮﺭﺓ ﻋﻦ ﻣﺮﻳﻢ ..
ﻧﻮﺭﺓ ﻭﻫﻲ ﺗﻀﺤﻚ : ﻣﺎﺩﺭﻱ ﺷﻔﻴﻬﺎ ﻣﺘﺨﺰﺑﻘﺔ ﺍﻟﺒﻨﺖ ﻣﻦ ﻳﻮﻣﻴﻦ .. ﻭﻣﺎ
ﻧﺰﻟﺖ ﻟﻠﺤﻴﻦ .. ﺍﻟﻈﺎﻫﺮ ﺑﺪﺍﺭﻫﺎ .. ﺍﺭﻭﺡ ﺍﺷﻮﻓﻬﺎ ﻟﺞ ﻟﻮ ﺗﺒﻴﻦ
ﻓﺎﺗﻦ ﺗﻤﺴﻚ ﻳﺪ ﻧﻮﺭﺓ : ﻻ ﺍﻓﺎ ﻋﻠﻴﺞ ﻭﺍﻧﺎ ﻭﻳﻦ ﺭﺣﺖ .. ﺍﻧﺎ ﺑﺮﻭﺡ ﻟﻬﺎ
ﻭﺑﺠﻮﻓﻬﺎ ..
ﻧﻮﺭﺓ ﺑﺎﺑﺘﺴﺎﻣﺔ : ﺯﻳﻦ ﻋﺸﺎﻥ ﺍﻳﻴﺐ ﺍﻟﻌﺼﻴـﺮ ..
ﺭﺍﺣﺖ ﻧﻮﺭﺓ ﻓﻲ ﺩﺭﺏ ﻭﻓﺎﺗﻦ ﻓﻮﻕ ﺍﻟﻐﺮﻓﺔ .. ﻭﻃﻠﺖ ﻋﻠﻰ ﺩﺍﺭ ﻣﺮﻳﻢ ..
ﻭﻗﺒﻞ ﻻ ﺗﺪﺧﻞ ﻃﺎﻟﻌﺖ ﺩﺍﺭ ﻣﺴـﺎﻋﺪ ﺍﻟﻠﻲ ﺣﻔﻈﺖ ﻣﻮﻗﻌﻬﺎ .. ﻣﺠﺎﺑﻞ
ﻏﺮﻓﺔ ﻣﺮﻳﻢ ..
ﻃﺮﻗﺖ ﺍﻟﺒﺎﺏ ﺑﻬﺪﻭﺀ .. ﻭﻓﺠﺘﻪ ﻣﻦ ﺑﻌﺪ ﻣﺎ ﺳﻤﻌﺖ ﺻﻮﺕ ﻣﺮﻳﻢ
ﺍﻟﻤﺘﻐﻴـﺮ ﻳﺤﻴﻲ ﺍﻟﻄﺎﺭﻕ ..
ﻛﺎﻥ ﺭﺍﺱ ﻣﺮﻳﻢ ﻣﻤﺘﺪ ﻟﻠﺒﺎﺏ ﻭﻫﻲ ﻣﺎﺳﻜﺔ ﺑﺮﻭﺵ ﺍﻟﺸﻌﺮ ﻭﺷﻌﺮﻫﺎ
ﻣﻔﺘﻮﺡ .. ﻭﻳﻮﻡ ﻟﻘﺖ ﺍﻥ ﺍﻟﻄﺎﺭﻕ ﺍﻫﻲ ﻓﺎﺗﻦ ﻗﺎﻣﺖ ﻋﻠﻰ ﻃﻮﻟﻬﺎ ﻭﺭﻣﺖ
ﺍﻟﺒﺮﻭﺵ ﻭﺑﺴﺮﻋﺔ ﺳﺤﺒﺖ ﻓﺎﺗﻦ ﻭﻟﻤﺘﻬﺎ ﻭﻫﻲ ﺗﺮﺗﻌﺶ ..
ﻓﺎﺗﻦ ﻣﻨﺼﺪﻣﺔ : ﺑﺴﻢ ﺍﻟﻠﻪ ﻋﻠﻴﺞ ﻣﺮﻳـﻢ . ﻋﻼﻣﺞ ﺣﺒﻴﺒﺘﻲ ﺗﺘﻨﺎﻓﻈﻴﻦ
ﺟﺬﻱ؟؟
ﻣﺮﻳﻢ ﻭﻫﻲ ﺗﺒﺘﻌﺪ ﻋﻦ ﻓﺎﺗﻦ ﻭﺗﺴﺤﺐ ﻳﺪﻫﺎ : ﺣﻄﻲ ﻳﺪﺝ ﻋﻠﻰ ﻗﻠﺒﻲ ..
ﺷﻮﻓﻴﻪ ﺷﻠﻮﻥ ﻳﻄﻖ .. ﻭﺍﻟﻠﻪ ﺑﻤﻮﺕ ﻓﺘﻮﻥ .. ﺍﻟﻈﺎﻫﺮ ﺍﻥ ﻓﻴﻨﻲ ﺍﻧﻬﻴﺎﺭ
ﻋﺼﺒﻲ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﺑﺴﻢ ﺍﻟﻠﻪ ﻋﻠﻴﺞ .. ﻣﻦ ﺷﻨﻮ
ﺍﻻﻧﻬﻴﺎﺭ ﺍﻟﻌﺼﺒﻲ .. ﺍﻟﺪﻧﻴﺎ ﺑﻌﺪﻫﺎ ﺑﺨﻴﺮ ﻳﺎ ﻭﻳﻪ ﺍﻟﺨﻴـﺮ
ﻣﺮﻳﻢ : ﻻ ﻳﺎﺑﻮﺝ ﺍﻟﺪﻧﻴﺎ ﻣﻮ ﺑﺨﻴـﺮ .. ﻓﺎﺗﻦ .. ﺗﻌﺮﻓﻴﻦ ﺷﻜﺜﺮ ﺍﺣﺴﺎﺳﻲ
ﺑﺎﻟﺨﻄﺮ ﺻﺎﺍﺍﺝ ﻭﻓﻲ ﻣﺤﻠﻪ؟
ﻓﺎﺗﻦ ﺍﻟﻠﻲ ﺗﻈﺎﻳﻘﺖ ﺷﻮﻱ ﻣﻦ ﻛﻼﻡ ﻣﺮﻳﻢ : ﻳﺎ ﻣﺮﻳﻢ ﺍﻱ ﺧﻄﺮ ﺍﻟﻠﻪ
ﻳﻬﺪﺍﺝ .. ﺫﻛﺮﻱ ﺭﺑﺞ ﻭﺻﻠﻲ ﻋﻠﻰ ﺍﻟﻨﺒﻲ ..
ﻣﺮﻳﻢ : ﻻ ﺍﻟﻪ ﺍﻻ ﺍﻟﻠﻪ ﻭﺍﻟﻠﻬﻢ ﺻﻠﻲ ﻭﺳﻠﻢ ﻋﻠﻴﻪ .. ﺑﺲ ﻓﺎﺗﻦ .. ﺍﻟﺠﻮ
ﻓﻴﻪ ﺷﻲ ﻣﺘﻜﻬﺮﺏ ..
ﻓﺎﺗﻦ : ﺍﻟﺪﻧﻴﺎ ﻛﻠﻬﺎ ﻣﻄـﺮ ﻭﺍﻟﻜﻬﺮﺑﺎ ﻋﺎﺩﻱ ﻳﺼﻴﺮ ﻓﻴﻬﺎ ﺗﻤﺎﺍﺱ ..
ﻣﺮﻳﻢ ﻭﻫﻲ ﺗﻀﺮﺏ ﻓﺎﺗﻦ : ﻣﺎﻟﺖ ﻋﻠﻴﺞ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﺍﻟﺤﻴﻦ ﺍﻧﺘﻲ ﻗﻮﻟﻴﻠﻲ .. ﻫﺎﻟﺤﻼﺍﺍﺍﺓ
ﻭﻫﺎﻟﺠﻤﺎﻝ ﻛﻠﻪ ﻟﻤﻦ؟؟ ﻫﺎﺍ .. ( ﺗﻐﻤﺰ ﻟﻬﺎ ) ﻻﻳﻜﻮﻥ ﺗﺤﺴﻴﻦ؟؟
ﻣﺮﻳﻢ ﻭﻫﻲ ﻣﺴﺘﻐﺮﺑﺔ : ﺍﺣﺲ ﺑﺸﻨﻮ؟؟ ( ﺗﻔﻜﺮ ﺷﻮﻱ ) ﺗﻌﺎﻟﻲ ﺻﺞ
.. ِﺷﺴﺒﺐ ﺯﻳﺎﺭﺗﻜﻢ ﺍﻟﺠﻠﻴﻠﺔ ﻟﻨﺎ ﺍﻟﻴﻮﻡ؟
ﻓﺎﺗﻦ ﻭﻫﻲ ﺗﻨﺎﻇﺮ ﻣﺮﻳﻢ ﺑﻐﺒﺎﺀ : ﻣﺎﻟﺖ ﻋﻠﻴﺞ ﺍﻟﺤﻴﻦ .. ﺑﺪﻝ ﻻ ﺍﻧﺘﻲ
ﺍﻟﻠﻲ ﺗﻌﺰﻣﻴﻨﺎ .. ﺑﺲ ﺗﺪﺭﻳﻦ ﻣﺎﻧﻲ ﻣﺨﺒﺮﺗﺞ ﻟﻴﺶ ﺍﺣﻨﺎ ﻫﻨﻲ ﺍﻟﻴﻮﻡ؟؟
ﺗﻤﺖ ﻣﺮﻳﻢ ﺗﻨﺎﻇﺮ ﺑﺸﻚ ﻋﻴﻮﻥ ﻓﺎﺗﻦ ﺍﻟﻠﻲ ﻛﺎﻧﺖ ﻣﺒﺘﺴﻤﺔ ﺑﺨﺒﺚ ..
ﻟﻤﻦ ﻓﻬﻤﺖ ﺍﻻﻭﻟﻰ ﺍﻟﺴﺎﻟﻔﺔ ﻭﻓﺠﺖ ﺛﻤﻬﺎ ﻭﻫﻲ ﺗﺘﻨﻔﺲ ﺑﻘﻮﺓ .. ﻭﺗﻤﺴﻚ
ﻓﺎﺗﻦ ﻣﻦ ﺫﺭﺍﻋﺎﺗﻬﺎ ..
ﻣﺮﻳﻢ : ﻭﺍﻟﻠﻲ ﻳﺴﻠﻢ ﻣﺴـﺎﻋﺪ ﻟﺞ .. ﻗﻮﻟﻴﻠﻲ .... (ﻭﻫﻲ ﺗﺮﺗﻌﺶ )
ﺟﺮﺍﺡ ..
ﻓﺎﺗﻦ ﻭﻫﻲ ﺗﺒﺘﺴﻢ ﻟﻬﺎ ﻭﺍﻟﺪﻣﻌﺔ ﺗﻠﻤﻊ ﺑﻌﻴﻮﻧﻬﺎ ..: ﺗﻘﺪﺭﻳﻦ ﺗﻘﻮﻟﻴﻦ .. ﺍﻥ
ﺭﺑﺞ ﺭﺍﺩ ﻟﻠﻴﻠﺔ .. ﺣﻠﻤﺞ ﻭﺣﻠﻤﻲ ﻣﻦ ﻭﻋﻴﻨﺎ ﻟﻠﺪﻧﻴﺎ .. ﻳﻤﻜﻦ ﻳﺘﺤﻘﻖ
ﺍﻟﻠﻴـﻠﺔ ..
ﺗﺮﻛﺖ ﻣﺮﻳﻢ ﻓﺎﺗﻦ ﻭﻫﻲ ﺣﺎﻃﺔ ﻳﺪﻫﺎ ﻋﻠﻰ ﺛﻤﻬﺎ .. ﻭﻣﺎ ﻗﺪﺭﺕ ﺗﺤﺒﺲ
ﺍﻟﺪﻣﻌﺔ ﺍﻟﻠﻲ ﺳﺎﻟﺖ ﻣﻦ ﺷﺪﺓ ﺍﻟﻔﺮﺡ ﺍﻟﻠﻲ ﻓﻴﻬﺎ .. ﻭﺗﻤﺖ ﻭﺍﻗﻔﺔ ﺑﻌﻴﺪ
ﻋﻦ ﻓﺎﺗﻦ ﺷﻮﻱ ﻭﻫﻲ ﻣﺒﺘﺴﻤﺔ ﺑﺒﺠﻲ .. ﻭﺍﻟﺜﺎﻧﻴﺔ ﺑﻌﺪ ﻣﺎ ﻗﺪﺭﺕ ﺗﻀﺒﻂ
ﻧﻔﺴﻬﺎ ﻭﺍﺑﺘﺴﻤﺖ ﺑﺤﺒﻮﺭ ﻓﻲ ﻭﻳﻪ ﻣﺮﻳﻢ ..
ﻣﺮﻳﻢ ﺑﻬﻤﺲ ..: ﻳﻌﻨﻲ ..... ﺧﻼﺹ .. ﺍﻻﻧﺘﻈﺎﺭ ﺧﻠﺺ؟؟؟
ﻓﺎﺗﻦ ﻭﻫﻲ ﺗﻬﺰ ﺭﺍﺳﻬﺎ ﻭﺗﺘﻘﺮﺏ ﻣﻨﻬﺎ :: ﺍﻥ ﺭﺑﺞ ﺭﺍﺍﺍﺩ ﻳﺎ ﻣﺮﻳﻢ .. ﺍﻥ
ﺭﺑﺞ ﺭﺍﺩ .. ﻣﺤﺪ ﻳﻘﺪﺭ ﻳﺤﺪﺩ ﺍﺭﺍﺩﺓ ﺭﺑﺞ ﺍﻻ ﻫﻮ ﻭﻧﻌﻢ ﺑﻪ ..
ﻣﺮﻳﻢ ﻭﻫﻲ ﺗﻠﻢ ﻓﺎﺗﻦ ﺑﻘﻮﺓ : ﻳﺎ ﺑﻌﺪ ﻋﻤﺮﻱ ﻋﻠﻰ ﻫﺎﻟﺨﺒـﺮ .. ﻳﻌﻠﻨﻲ
ﻣﺎﺍﺍﺑﺠﻴﺞ ﻳﻮﻡ ﺗﺒﺠﻲ ﻓﻴﻪ ﺍﻟﻌﻴﻮﻭﻥ .. ﺍﻓﺮﺡ ﻟﺞ ﻃﻮﻝ ﺍﻟﻌﻤﺮ ﻳﺎ ﻓﺎﺗﻦ ..
ﻓﺎﺗﻦ ﺍﻟﻠﻲ ﺗﺒﺘﺴﻢ : ﺍﻟﻠﻪ ﻳﺴﻤﻊ ﻣﻨﺞ ﻳﺎ ﻣﺮﻳﻢ .. ﺍﻟﻠﻬﻴﺴﻤﻊ ﻣﻨﺞ ﻳﺎ
ﺣﺒﻴﺒﺘﻲ ..
ﺍﺑﺘﻌﺪﺕ ﻣﺮﻳﻢ ﻋﻦ ﻓﺎﺗﻦ ﻭﻫﻲ ﺗﻤﺴﺢ ﺍﻟﺪﻣﻊ ... ﺗﻀﺤﻚ ﺑﻬﺴﺘﻴﺮﻳﺎ ﻓﻲ
ﻓﺎﺗﻦ .. ﻭﻟﻜﻦ .. ﻋﻠﻰ ﺭﻏﻢ ﺍﻥ ﻫﺎﻟﺨﺒـﺮ ﻣﻦ ﺍﺣﻠﻰ ﺍﻻﺧﺒﺎﺭ ﺍﻟﻲ ﻳﻤﻜﻦ
ﺗﺴﻤﻌﻬﺎ ﺑﺤﻴـﺎﺗﻬﺎ .. ﺍﻻ ﺍﻥ ﺍﻟﺨﻮﻑ ﺍﻟﻠﻲ ﻓﻴﻬﺎ ﻣﺎ ﺍﺑﺘﻌﺪ .. ﻳﻤﻜﻦ ﺧﻒ
ﻟﻜﻦ ﻣﺎ ﺍﺑﺘﻌﺪ ﻭﻣﺎ ﺯﺍﻝ ﻳﺤﻮﻡ ﻓﻲ ﻗﻠﺒﻬﺎ ﻣﺜﻞ ﺍﻟﻄﻴـﺮ ﺍﻟﺠﺮﻳﺢ ..
ﻣﺮﻳﻢ ﻭﻫﻲ ﺗﻐﻀﻦ ﺣﻮﺍﺟﺒﻬﺎ ..: ﺑﺲ ﻓﺎﺗﻦ .. ﻣﺎﺩﺭﻱ ﺷﻔﻴﻪ ﻗﻠﺒﻲ ..
ﻣﺎﻗﺪﺭ ﺍﺿﺒﻂ ﺷﻌﻮﺭ
ﺗﻘﻄﻌﻬﺎ ﻓﺎﺗﻦ : ﻳﺎ ﻣﺮﻳﻢ ﻗﻞ ﻟﻦ ﻳﺼﻴﺒﻜﻢ ﺍﻻ ﻣﺎ ﻛﺘﺒﻪ ﺍﻟﻠﻪ ﻋﻠﻴﻜﻢ ..
ﻭﻣﻬﻤﺎ ﻛﺎﻥ ﻗﻀﺎﺀ ﺭﺑﺞ ﻓﻲ ﺍﻱ ﻭﺍﺣﺪ ﻣﻨﺎ .. ﻭﺍﺟﺐ ﻋﻠﻴﻨﺎ ﺍﻧﻨﺎ ﻧﺘﻘﺒﻠﻪ ..
ﺍﻟﻠﻲ ﺻﺎﺑﻨﺎ ﻗﺒﻞ ﻛﺎﻓﻲ ﺍﻧﻪ ﻳﺨﻠﻴﻨﺎ ﻧﺤﺲ ﺍﻥ ﺍﻟﻠﻲ ﺑﻴﻴﻲ ﺑﺴﻴﻂ ...
ﻳﺎﻟﻠﻪ .. ﺯﻫﺒﻲ ﺣﺎﻟﺞ ﻭﻣﺸﻲ ﺍﻟﻜﺤﻞ ﺍﻟﻠﻲ ﺳﺎﺍﺡ .. ﻋﺸﺎﻥ ﺗﻨﺰﻟﻴﻦ
ﺗﺤﺖ .. ﺍﻣﻲ ﻫﻨﺎﻙ ﻭﺍﻣﺞ ..
ﻣﺮﻳﻢ ﺑﺎﺳﺘﻐﺮﺍﺏ : ﻭﺍﻣﻲ ﺑﻌﺪ؟؟؟
ﻓﺎﺗﻦ : ﺍﻱ ﺍﻣﺞ .. ﻟﻴﺶ؟؟؟ ﻓﻴﺎ ﺷﻲ؟؟
ﻣﺮﻳﻢ ﺗﻐﻴﺮ ﺍﻟﻤﻮﺿﻮﻉ .: ﻻ ﻭﺍﻟﻠﻪ ﻣﺎﻓﻴﻬﺎ ﺷﻲ .. ﺑﺲ ﺗﻮﻗﻌﺖ ﺍﻥ ﺣﺘﻰ
ﻳﺪﺗﻲ ﻫﻨﻲ ﻋﺎﺩﻱ ﻳﻌﻨﻲ ﻫﺎﻟﺴﻮﺍﻟﻒ .. ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﺳﺨﻴﻔﺔ ﺗﺪﺭﻳﻦ .. ﻳﺎﻟﻠﻪ ﻧﺰﻟﻲ ..
ﻣﺮﻳﻢ ﻭﻫﻲ ﺗﺘﻮﺟﻪ ﻋﻨﺪ ﺍﻟﻤﻨﻈﺮﺓ : ﻭﺍﻥ ﻣﻴﻨﻴﺖ ﻣﺪﻣﻮﺯﻳﻞ ..
ﺳﻮﺕ ﺍﻟﻠﻲ ﻋﻠﻴﻬﺎ .. ﻭﺭﻓﻌﺖ ﺷﻌﺮﻫﺎ ﺑﻜﻠﻴﺒﺎﺕ ﺑﻨﻔﺴﺠﻴﺔ ﻋﻠﻰ ﻟﻮﻥ
ﺟﻼﺑﻴﺘﻬﺎ ﺍﻟﻔﺨﻤﺔ ﻣﻦ ﻧﻮﻋﻬﺎ .. ﻭﺍﻟﻤﻜﻴﺎﺝ ﺍﻟﻨﺎﻋﻢ ﺍﻟﻠﻲ ﻛﺎﻥ ﻣﺘﺄﻟﻒ ﻋﻠﻰ
ﻋﻴﻨﻬﺎ ﻣﻦ ﺍﻟﻜﺤﻞ ﺍﻻﺳﻮﺩ ﺍﻟﺪﻗﻴﻖ ﺍﻟﺴﺎﺋﻞ .. ﺧﻂ ﻋﻴﻨﻬﺎ ﺑﻄﺮﻳﻘﺔ ﺣﻠﻮﺓ
ﻭﻛﺒﺮﻫﺎ .. ﻭﺍﻟﺸﺎﺩﻭ ﺍﻟﺒﻨﻔﺴﺠﻲ ﺍﻟﻼﻣﻊ ﺍﻟﺨﻔﻴﻒ ﻭﺍﻟﺒﻼﺷﺮ ﺍﻟﻠﻲ ﺍﻛﺴﺒﻬﺎ
ﺗﻮﻫﺞ ﺣﻠﻮﻭ ﻭﺣﻴﻮﻳﺔ ﺑﺒﺸﺮﺗﻬﺎ ﺍﻟﺨﻔﻴﻔﺔ ﺍﻟﺴﻤﺎﺭﺓ .. ﻭﻳﻮﻡ ﻛﻤﻠﺖ
ﺭﺍﺣﺖ ﻋﻨﺪ ﻓﺎﺗﻦ ﻭﺗﻮﻫﺎ ﺑﺘﻄﻠﻊ ﺍﻻ ﺗﻤﺴﻜﻬﺎ ..
ﻓﺎﺗﻦ : ﺷﻨﻮ ﺑﻌﺪ؟
ﻣﺮﻳﻢ : ﺍﻧﺘﻲ ﻣﺎ ﺗﻘﻮﻟﻴﻠﻲ ﻣﺘﻰ ﺑﺘﺘﺘﻌﻠﻤﻴﻦ ﺗﺨﻄﻴﻦ ﻟﺞ ﺍﻟﻜﺤﻞ .. ﻭﺍﻟﻠﻪ
ﻓﺘﻮﻥ ﺑﺲ ﺗﺨﻄﻴﻨﻪ ﻣﻦ ﻓﻮﻕ ﺧﻼﺹ ﺍﺗﺼﻴﺮ ﻋﻴﻮﻧﺞ ﺑﻴﺮﻓﻜﺖ ..
ﻓﺎﺗﻦ : ﺍﻭﻭﻭﻭﻭﻭﻩ ﻣﺎﺑﻲ .. ﻣﺎﺣﺐ ﺍﻟﻜﺤﻞ ﻳﺴﻴﺢ ﻭﻣﺎﺩﺭﻱ ﺷﻨﻮ ﻳﻠﻐﻠﻎ
ﺍﻟﻌﻴﻦ ﺧﻠﻴﻨﻲ ﺟﺬﻱ ﺍﺣﻠﻰ .. ﺍﺣﺐ ﺍﻟﻄﺒﻴﻌﻴﺔ .. (ﺑﺤﻴﺎ ) ﻭﺭﻳﻠﻲ ﺑﻌﺪ
ﻣﺮﻳﻢ ﺗﻨﺎﻇﺮﻫﺎ ﺑﻐﺸﻤﺮﺓ : ﺭﻳﻠﺞ؟ ﺍﻗﻮﻭﻭﻝ ﺟﺠﺪﺍﻣﻲ ﺍﻧﺎ ﺑﺤﻂ ﻟﺞ ﻛﺤﻞ
ﺳﺎﺋﻞ .. ﻣﺎ ﺗﻌﺮﻓﻴﻦ ﻟﻤﺘﻰ ﺑﻌﻠﻤﺞ ﺍﻧﺎ ﻭﺍﻟﻠﻪ ..
ﻗﻌﺪﺕ ﻓﺎﺗﻦ ﻭﺧﻄﺖ ﻟﻬﺎ ﻣﺮﻳﻢ ﺍﻟﻜﺤﻞ ﺑﻄﺮﻳﻘﺔ ﻣﺤﺘﺮﻓﺔ .. ﻭﺣﻄﺖ
ﺷﻮﻱ ﻣﻦ ﺍﻟﺴﺤﺮ ﺍﻻﺧﻀﺮ ﻋﻠﻰ ﻋﻴﻮﻥ ﻓﺎﺗﻦ ﺍﻟﻌﺴﻠﻴﺔ .. ﻭﺍﻻﺣﻠﻰ ﺍﻥ
ﺟﻼﺑﻴﻪ ﻓﺎﺗﻦ ﻛﺎﻧﺖ ﻣﺰﻳﺞ ﻣﻦ ﺍﻻﺧﻀﺮ ﻭﺍﻻﺻﻔﺮ .. ﻭﺻﺎﺭﺕ ﻋﻴﻮﻧﻬﺎ
ﻣﻦ ﺍﻛﺜﺮ ﺍﻟﻌﻴﻮﻥ ﺳﺤﺮﺍ ﻭﺟﺎﺫﺑﻴﺔ .. ﻭﻳﻮﻡ ﻛﻤﻠﻮﻭ ﻃﻠﻌﻮ ﻣﻦ ﺍﻟﻐﺮﻓﺔ
ﻭﻓﺎﺗﻦ ﺗﺤﻤﻞ ﺍﻟﻌﺒﺎﻳﺔ ﻋﻠﻰ ﺟﺘﻔﻬﺎ ﻭﺍﻟﺸﻴﻠﺔ ﻃﺎﻳﺤﺔ ﻋﻠﻰ ﺷﻌﺮﻫﺎ ﺑﺨﻔﺔ
ﻭﻣﺮﻳﻢ ﻭﻳﺎﻫﺎ .. ﺍﻭﻝ ﻣﺎ ﺑﻴﻨﺰﻟﻮﻭﻥ ﻣﻦ ﺍﻟﻄﺎﺑﻖ ﺍﻻ ﻣﺴـﺎﻋﺪ ﺭﺍﻛﺐ ﺍﻟﺪﺍﺭ
ﻭﻫﻮ ﻣﺴـﺮﻉ ﺷﻮﻱ .. ﻭﻟﻘﻰ ﻣﺮﻳﻢ ﻭﻓﺎﺗﻦ ﻭﺍﻗﻔﻴﻦ ﻭﻫﻢ ﺑﺤﻠﺔ ﺗﺴﺮ
ﺍﻟﻌﻴﻦ .. ﻓﺎﺑﺘﺴﻢ ﻟﻬﻢ ﻣﻦ ﺍﺍﻻﺏ ﺍﻟﺤﺎﻧﻲ .. ﻭﻃﻮﻝ ﻣﻦ ﺍﻟﻤﻄﺎﻟﻊ ﻓﻲ
ﻓﺎﺗﻦ ﻟﻤﻦ ﺍﻧﺤﺮﺟﺖ .. ﻭﻣﺎ ﻳﺪﺭﻱ ﻟﻴﺶ ﺣﺲ ﺍﻥ ﻫﺎﻟﻮﻗﺖ ﺍﻟﻤﻨﺎﺳﺐ ﺍﻧﻪ
ﻳﺨﺒـﺮﻫﺎ ..
ﻣﺴـﺎﻋﺪ : ﻣﺮﻳﻢ ﻧﺰﻟﻲ ﺗﺤﺖ ﻧﻮﺭﺓ ﺗﺒﻴﺞ .. ( ﻳﻮﺟﻪ ﻛﻼﻣﻪ ﻟﻔﺎﺗﻦ ) ﻓﺎﺗﻦ
ﺗﻌﺎﻟﻲ ﻭﻳﺎﻱ ﺷﻮﻱ ﺍﺑﻴﺞ ﻓﻲ ﻣﻮﺿﻮﻉ ..
ﻣﺮﻳﻢ ﺗﻮﻗﻒ ﻓﻲ ﻭﻳﻬﻪ : ﻻ ﻳﺎﺑﻮﻱ .. ﺍﻭﻝ ﺷﻲ ﺯﻭﺍﺝ ﺑﻌﺪﻳﻦ ﺧﻠﻮﺓ ..
ﻳﻨﺎﻇﺮﻫﺎ ﻣﺴـﺎﻋﺪ ﺑﺘﻜﺒﺮ :ﺯﻭﺍﺝ؟؟ ﻭﻟﻴﺶ ﺍﻧﺎ ﺷﻨﻮ ﻳﺮﺑﻄﻨﻲ ﺑﻬﺎﻟﺒﻨﺖ ﻏﻴﺮ
ﺍﻟﺰﻭﺍﺝ؟؟ ﻳﺎﻟﻠﻪ ﺟﻠﺒﻲ ﻭﻳﻬﺞ .. ﻓﺎﺗﻦ ﺗﻌﺎﻟﻲ ﻭﻳﺎﻱ ..
ﻣﺮﻳﻢ ﺍﻟﻠﻲ ﺑﺎﻋﺪﻫﺎ ﻣﺴﺎﻋﺪ ﺑﺨﻔﺔ : ﺗﺮﻯ ﺑﻌﻠﻢ ﺍﻣﻲ ﻋﻠﻴﻚ ..
ﻣﺴـﺎﻋﺪ ﻭﻫﻮ ﻳﻤﺴﻚ ﻳﺪ ﻓﺎﺗﻦ : ﻳﺎﻟﻠﻪ ﻋﻄﻴﻨﻲ ﻣﻘﻔﺎﺝ ..
ﺍﻣﺎ ﻓﺎﺗﻦ ﻓﻜﺎﻧﺖ ﺳﺎﻛﺘﺔ ﻭﻣﻨﺼﺎﻋﺔ ﻻﻗﺼﻰ ﺍﻟﺪﺭﺟﺎﺕ .. ﻭﻳﻮﻡ ﺩﺧﻞ
ﻣﺴﺎﻋﺪ ﺩﺍﺭﻩ ﺳﺤﺒﻬﺎ ﻭﻳﺎﻩ ﻟﺪﺍﺧﻞ .. ﻭﺗﺮﻙ ﺍﻟﺒﺎﺏ - ﻛﻌﺎﺩﺗﻪ ﺍﻟﻠﻲ
ﺗﻌﺮﻓﻮﻧﻬﺎ - ﻣﻔﺘﻮﺡ ..
ﻗﻌﺪﺕ ﻓﺎﺗﻦ ﺑﻌﻴﻮﻥ ﻣﺘﺠﻮﻟﻪ ﻋﻠﻰ ﺍﻟﻤﻜﺎﻥ ﺑﺎﻫﺘﻤﺎﻡ .. ﻭﻟﻜﻦ ﻓﻲ ﻗﻠﺒﻬﺎ
ﻛﺎﻧﺖ ﺍﻟﺪﻗﺎﺕ ﻣﺘـﺴﺎﺭﻋﺔ ﻭﻣﺘﻬﺎﻓﺘﺔ ﻋﻠﻰ ﺑﻌﻀﻬﺎ .. ﻣﺎ ﺗﺪﺭﻱ ..
ﺷﻬﺎﻟﻤﻮﺿﻮﻉ ﺍﻟﻠﻲ ﻳﺒﻲ ﻣﺴـﺎﻋﺪ ﻳﻔﺘﺤﻪ ﻭﻳﺎﻫﺎ ﺑﻬﺎﻟﻠﺤﻈﺔ ..
ﻣﺴـﺎﻋﺪ ﺍﻟﻠﻲ ﻛﺎﻥ ﻗﺎﻋﺪ ﻋﻠﻰ ﻃﺮﻑ ﻣﻦ ﺍﻟﻐﺮﻓﺔ ﻭﻓﺎﺗﻦ ﻗﺎﻋﺪﺓ ﻋﻠﻰ
ﺍﻟﺴﺮﻳﺮ .. : ﻓﺎﺗﻦ .. ﺍﻧﺎ ﺍﻟﻴﻮﻡ .. ﻋﻨﺪﻱ ﺟﻮﺍﺏ .. ﻳﻤﻜﻦ ﻃﻮﻳـﻞ ﻣﻦ
ﻧﻮﻋﻪ ﻟﺴﺆﺍﻟﺞ ﻟﻲ ﺑﻬﺬﺍﻙ ﺍﻟﻴﻮﻡ ..
ﺣﺎﻭﻟﺖ ﻓﺎﺗﻦ ﺍﻧﻬﺎ ﺗﺬﻛﺮ . ﻟﻜﻦ ﻫﻴﻬﺎﺕ ﺗﻨﺴﻰ ﻫﺎﻟﻤﻮﻗﻒ ﺍﻟﻠﻲ ﻇﻞ ﻳﺪﻭﺭ
ﻓﻲ ﺑﺎﻟﻬﺎ ﻛﻞ ﺩﻗﻴﻘﺔ ﺗﺨﺘﻠﻲ ﻓﻴﻬﺎ ﺑﻨﻔﺴﻬﺎ .. ﺗﺮﺩﺩﻩ .. ﻭﺳﺆﺍﻟﻪ ﺍﻟﻠﻲ
ﺟﺎﻭﺏ ﺳﺆﺍﻟﻬﺎ .. ﻭﺧﻼﻫﺎ ﺗﺠﺒﻦ ﺍﻧﻬﺎ ﺗﻄﺎﻟﺐ ﺑﺎﻻﻛﺜﺮ .. ﺍﻟﻠﻲ ﻳﻤﻜﻦ
ﻳﻜﻮﻥ ﻣﺆﻟﻢ ﻭﺟﺎﺭﺡ ..
ﻓﺎﺗﻦ ﺑﺼﻮﺕ ﻣﺮﺗﻌﺐ ﺷﻮﻱ .: ﻣﺎ ﻳﺤﺘﺎﺝ ﻣﺴـﺎﻋﺪ .. ﻛﻞ ﺍﻧﺴﺎﻥ ﻟﻪ
ﺧﺼﻮﺻﻲ ..
ﻗﻄﻌﻬﺎ : ﻓﺎﺗﻦ .. ﺍﻧﺎ ﻣﺎ ﺑﻴﻨﻲ ﻭﺑﻴﻨﺞ ﺍﻱ ﺧﺼﻮﺻﻴﺔ .. ﺍﺫﺍ ﻛﺎﻥ ﺑﻴﻜﻮﻥ
ﺍﻱ ﺧﺼﻮﺻﻴﻪ ﻓﻬﺬﺍ ﺗﺠﺎﻩ ﺷﺨﺺ ﺛﺎﻧﻲ .. ﻣﻮ ﺷﺮﻳﺠﺘﻲ ﺑﺤﻴﺎﺗﻲ
ﺍﻟﻤﺴﺘﻘﺒﻠﻴﺔ .. ﻭﺍﻻﻧﺴﺎﻧﺔ ﺍﻟﻠﻲ ﻣﺴﺘﻌﺪﺓ ﺍﻧﻬﺎ ﺗﻮﻫﺐ ﻧﻔﺴﻬﺎ ﺑﻄﻮﺍﻋﻴﺔ
ﻟﻲ ..
ﺍﺭﺗﻌﺒﺖ ﻣﻦ ﻛﻼﻣﻪ ﻭﺭﻓﻌﺖ ﻋﻴﻮﻧﻪ ..: ﺑﺲ .. ﻳﻤﻜﻦ ﻫﺎﻟﺸﻲ ﻳﻜﻮﻥ
ﻛﻤﻞ ﻋﻠﻴﻬﺎ ..: ﻗﺎﺳﻲ؟؟ ﻣﺆﻟﻢ؟؟؟ ﻏﻴﺮ ﻣﻘﺒﻮﻝ؟؟ (ﺍﺑﺘﺴﻢ ) ﻳﻤﻜﻦ .. ﻟﻜﻦ
ﻻﺯﻡ ﺗﻌﺮﻓﻴﻦ ﺍﻥ ﻫﺬﺍ ﻣﺎﺿﻲ .. ﻭﺍﻧﺘﻲ ﺣﺎﺿﺮ .. ﻭﻣﺴﺘﻘﺒﻞ .. ﺍﻱ ﺍﺛﻨﻴﻦ
ﻣﻘﺎﺑﻞ ﺛﻼﺛﺔ .. ﻭﻫﺬﻱ ﻧﺘﻴﺠﺔ ﻋﺎﺩﻟﺔ ﺗﺨﻮﻟﺞ ﺑﺎﻟﻔﻮﺯ ﻳﺎ ﻓﺎﺗﻦ ..
ﻇﻠﺖ ﻋﻴﻮﻧﻬﺎ ﻣﻌﻠﻘﺔ ﺑﻌﻴﻮﻧﻪ .. ﻭﺩﻗﺎﺗﻬﺎ ﺧﻔﺖ ﺷﻮﻱ ﻣﻦ ﺍﻟﺘﺴﺮﻉ ..
ﻟﻜﻼﻣﻪ ﺍﻟﻤﻄﻤﺌﻦ ﻟﻬﺎ ..
ﻭﻳﻮﻡ ﻻﺣﻆ ﺍﻧﻬﺎ ﻫﺪﺃﺕ ﺷﻮﻱ .. ﺑﺪﻯ ﻳﺴﻬﺐ ﻗﺼﺔ .. ﻣﻦ ﺍﻛﺜﺮ
ﺍﻟﻘﺼﺺ ﺗﻜﺘﻼ ﻋﻠﻰ ﻗﻠﺒﻪ .. ﺍﻟﺼﺮﺍﺣﺔ ﺣﻤﻞ ﺍﺧﻒ ﻣﻦ ﺍﻟﺬﻛﺮﻳﺎﺕ
ﺍﻟﺤﺰﻳﻨﺔ ﺍﻟﻤﺤﺒﻮﺳﺔ ﻓﻲ ﻗﻠﺐ ﺍﻻﻧﺴﺎﻥ .. ﻭﻛﺎﻧﺖ ﺍﻟﺼﺮﺍﺣﺔ ﻓﻲ ﻫﺬﻳﺞ
ﺍﻟﻠﺤﻈﺔ .. ﻣﻦ ﺍﻓﻀﻞ ﺍﻟﻤﻌﺎﻟﺠﺎﺕ ﺍﻟﻠﻲ ﻳﻤﻜﻦ ﻳﻤﺮ ﻓﻴﻬﺎ ﻗﻠﺐ ﻣﺴـﺎﻋﺪ
ﺍﻟﻠﻲ ﻳﺎﻣﺎ ﺗﺤﻤﻞ ﻭﺻﺒـﺮ .. ﻭﻣﻦ ﻣﻦ؟؟ ﺳﻴﺪﺗﻪ ﺍﻟﺼﻐﻴـﺮﺓ ﻻ ﺍﺣﺪ
ﻏﺮﻳﺐ ..
----------------------
ﻟﺆﻱ ﺍﻟﻠﻲ ﻛﺎﻥ ﺗﻮﻩ ﺑﻴﻄﻠﻊ ﻣﻦ ﺍﻟﻤﻨﻄﻘﺔ .. ﺍﻭﻝ ﻣﺎ ﻭﺻﻞ ﻟﻌﻨﺪ ﺍﻟﺸﺎﺭﻉ
ﻋﺸﺎﻥ ﻳﺪﺧﻞ ﻓﻲ ﺍﻟﺴﻴﺪ ﻭﻳﻨﻄﻠﻖ .. ﻟﻘﻰ ﺳﻴـﺎﺭﺓ ﻏﺰﻻﻥ ﺍﻟﻤﺮﺳﻴﺪﺱ
ﺩﺍﺧﻠﺔ ﻣﻦ
ﺟﻬﺔ ﺛﺎﻧﻴﺔ ﻟﻌﻨﺪ ﺍﻟﺒـﺤﺮ .. ﺗﺠﻤﺪﺕ ﻛﻞ ﺍﻃﺮﺍﻓﻪ ﻭﻫﻮ ﻳﺮﺍﻗﺒﻬﺎ ..
ﻛﺎﻥ ﻓﻲ ﻗﻠﺒﻪ ﺍﻟﺮﻏﺒﺔ ﺍﻧﻪ ﻳﺘﺒﻌﻬﺎ ﻟﻜﻦ .. ﻛﺒﺮﻳﺎﺋﻪ ﻭﺍﺣﺘﺮﺍﻣﻪ ﻭﺧﻮﻓﻪ
ﻣﻦ ﺭﺑﻪ ﻛﺎﻥ ﺍﻗﻮﻯ ﻣﻦ ﻫﺎﻻﻣﻮﺭ ﻛﻠﻬﺎ .. ﺑﺲ ﻇﻞ ﻭﺍﻗﻒ ﻣﻜﺎﻧﻪ ﻋﻠﻰ
ﺍﻟﺮﺻﻴﻒ ﻭﻫﻮ ﻳﻨﺎﻇﺮﻫﺎ .. ﺍﻭﻝ ﺷﻲ ﻛﺎﻧﺖ ﻗﺎﻋﺪﺓ ﻓﻲ ﺍﻟﺴﻴﺎﺭﺓ ..
ﻭﺑﻌﺪﻫﺎ ﻃﻠﻌﺖ .. ﻭﺷﺎﻑ ﺍﻧﻬﺎ ﻣﻐﻄﻴﺔ ﺭﺍﺳﻬﺎ ﺑﺸﺎﻝ ﺍﺳﻮﻭﺩ .. ﻭﻣﺎ ﻳﺒﻴﻦ
ﻣﻨﻬﺎ ﺍﻻ ﺑﻴﺎﺽ ﻭﻳﻬﻬﺎ ﺍﻟﻤﻨﻮﺭ ﻣﺜﻞ ﻗﻄﻌﺔ ﺍﻟﺒﺪﺭ ﻓﻲ ﺗﻤﺎﻡ ﺍﻛﺘﻤﺎﻟﻪ ..
ﺗﻜﺘﻒ ﺩﺍﺧﻞ ﺍﻟﺴﻴﺎﺭﺓ ﻭﻫﻮ ﻳﺮﺍﻗﺒﻬﺎ .. ﻣﺎ ﺍﺣﻠﻰ ﺍﻟﻘﻤﺮ ﻭﻫﻮ ﻫﺎﺑﻂ ﻋﻠﻰ
ﺍﻻﺭﺽ .. ﻳﺤﺴﺲ ﺍﻟﻨﺎﺱ ﺑﻤﺪﻯ ﺗﻮﺍﺿﻌﻪ .. ﻛﺎﻧﺖ ﻫﺎﺩﻳﺔ ﻭﺳﺎﻛﺘﻪ ..
ﻭﺍﻗﻔﺔ
ﻗﺒﺎﻝ ﺍﻟﺒﺤـﺮ .. ﻭﻻ ﻣﻼﺣﻈﺔ ﺍﺣﺪ ﻭﻻ ﻣﻬﺘﻤﺔ ﻳﻤﻜﻦ ﻻﺣﺪ .. ﻣﻦ ﺯﻣﺎﻥ
ﻣﺎﺷﺎﻓﻬﺎ .. ﺣﻮﺍﻟﻲ ﺍﻻﺳﺒﻮﻉ .. ﻣﻦ ﺍﻟﻴﻮﻡ ﺍﻟﻠﻲ ﺧﻠﺺ ﻓﻴﻪ ﺷﻐﻞ ﻓﻲ
ﺑﻴﺘﻬﻢ ..
ﺍﻣﺘﻠﻰ ﻗﻠﺒﻪ ﻣﻦ ﺍﻻﺣﺰﺍﻥ ﻭﺍﻻﺷﺠﺎﻥ .. ﻭﻗﺮﺭ ﺍﻧﻪ ﻳﺘﺤﺮﻙ ﻣﻦ ﻣﻜﺎﻧﻪ ..
ﻭﺍﻭﻝ ﻣﺎ ﺷﻐﻞ ﺍﻟﺴﻴﺎﺭﺓ ﺗﺸﻐﻠﺖ ﺍﻟﻤﺼﺎﺑﻴﺢ ﺍﻟﻲ ﻛﺎﻧﺖ ﻣﺘﻮﺟﻬﺔ ﻋﻠﻰ
ﻏﺰﻻﻥ ﻣﺒﺎﺷﺮ .. ﻭﻫﻲ ﺍﻟﻠﻲ ﺣﺴﺖ ﺑﺎﻟﻀﻮﺀ ﺍﻟﺘﻔﺘﺖ ﻭﻫﻲ ﻣﻨﺰﻋﺠﺔ
ﻭﻋﻴﻮﻧﻬﺎ ﺷﺒﻪ
ﺍﻟﻤﺴﻜﺮﺓ ﻟﻘﻮﺓ ﺍﻟﻤﺼﺎﺑﻴﺢ .. ﻭﻫﻨﻲ ﺳﻜﺮ ﻟﺆﻱ ﺍﻟﻤﺼﺎﺑﻴﺢ ﺑﻬﺪﻭﺀ .. ﻭﺷﻐﻞ
ﺍﻟﻠﻲ ﺩﺍﺧﻞ ﺍﻟﺴﻴﺎﺭﺓ ﻋﺸﺎﻥ ﻳﺒﻴﻦ .. ﻭﻫﻨﻲ .. ﺍﺗﻀﺤﺖ ﺍﻟﺮﺅﻳﺎ ﻟﻐﺰﻻﻥ
ﺍﻟﻠﻲ
ﺍﺭﺗﺨﺖ ﻣﻼﻣﺤﻬﺎ ﻳﻮﻡ ﺷﺎﻓﺖ ﻟﺆﻱ .. ﻣﻮﺟﻮﺩ ﻣﻌﺎﻫﺎ ﺑﻨﻔﺲ ﺍﻟﻤﻜﺎﻥ ..
ﻳﺎ ﺗﺮﻯ .. ﻛﺎﻥ ﻫﻨﻲ ﻗﺒﻠﻬﺎ ﻭﻻ ﺑﻌﺪﻫﺎ ...
ﻭﻋﻴﻮﻧﻪ ﺑﻌﻴﻮﻧﻬﺎ .. ﺣﺮﻙ ﺍﻟﺴﻴﺎﺭﺓ .. ﻭﺍﺑﺘﻌﺪ ﻋﻦ ﺍﻟﻤﻜﺎﻥ ﻭﻫﻮ ﻳﺴﻜﺮ
ﺍﻟﻠﻴﺖ ﺍﻟﻠﻲ ﺩﺍﺧﻞ .. ﻭﻛﻠﻬﺎ ﺩﻗﺎﻳﻖ .. ﻭﺍﺧﺘﻔﻰ ﻋﻦ ﺍﻟﺸﺎﺭﻉ ﺑﻌﺪ ..
ﺍﻟﺘﻔﺘﺖ ﻏﺰﻻﻥ ﺍﻟﻰ ﺍﻟﺒﺤﺮ ﺑﻘﻠﺐ ﺷﺠﻲ .. ﻭﺣﺰﻳﻦ .. ﺷﻜﺜﺮ ﺧﺴﺮﺕ ﻓﻲ
ﻫﺎﻟﻔﺘﺮﺓ ﺍﻟﻤﺄﺳﺎﻭﻳﺔ ﻣﻦ ﺣﻴﺎﺗﻬﺎ .. ﺍﺣﺘﺮﺍﻣﻬﺎ ﻟﻨﻔﺴﻬﺎ .. ﻭﻏﺮﻭﺭﻫﺎ
ﻭﻛﺒﺮﻳﺎﺋﻬﺎ ..
ﻇﻨﺖ ﺍﻧﻬﺎ ﺗﻘﺪﺭ ﺗﻤﻠﻚ ﺍﻟﻌﺎﻟﻢ .. ﻟﻜﻦ ﻣﺎ ﻋﺮﻓﺖ .. ﺍﻥ ﺍﻟﻔﻠﻮﺱ ﻣﺎ ﺗﺸﺘﺮﻱ
ﺍﻟﻨﺎﺱ .. ﻭﺍﻟﺤﺐ ﻣﺎ ﺍﻳﻲ ﺑﺎﻟﻐﺼﺐ .. ﻳﺪﺧﻞ ﺑﻬﺪﻭﺀ ﻭﺗﺴﻠﻞ .. ﻟﻤﻦ ﻳﻌﻠﻦ
ﻏﺰﻭﻩ
ﻓﻲ ﺣﺎﻻﺕ ﺍﻟﻀﻌﻒ ﺍﻟﺸﺪﻳﺪﺓ .. ﻭﻫﺬﺍ ﺍﻟﻠﻲ ﻳﺼﻴﺒﻬﺎ .. ﻣﻊ ﻫﺎﻟﻠﻲ ﻇﻨﺖ
ﺍﻧﻪ ﻓﻲ ﻳﻮﻡ ﻏﺒﻲ .. ﻟﻜﻦ ﻑ ﺍﻟﻮﻗﺖ ﺍﻟﺤﺎﻟﻲ .. ﻛﺎﻥ ﺍﻫﻮ ﺳﺒﺐ ﺗﻌﺎﺳﺘﻬﺎ
ﻋﻠﻰ
ﻫﺎﻟﻜﺮﺓ ﺍﻻﺭﺿﻴﺔ .. ﺣﻴﺎﻫﺎ ﺍﻟﻠﻲ ﺑﻴﻤﻨﻌﻬﺎ ﻓﻴﻮﻡ ﺍﻧﻬﺎ ﺗﺘﻘﺎﺑﻞ ﻣﻌﺎﻩ ..
ﻭﺍﻟﺬﻛﺮﻳﺎﺕ ﺍﻟﺘﻌﻴﺴﺔ ﺍﻟﻠﻲ ﺭﺍﺡ ﺗﻜﻮﻥ ﺍﻟﺤﺎﺟﺰ ﺍﻧﻬﺎ ﺗﻘﺘﺮﺏ ﻣﻨﻪ ..
ﻣﺎ ﻃﻮﻟﺖ ﺑﺎﻟﻤﻜﺎﻥ ﻟﻠﺬﻛﺮﻯ ﺍﻟﻘﻮﻳﺔ ﺍﻟﻤﺤﻤﻮﻟﺔ ﺑﻴﻦ ﺭﻣﻼﺗﻪ .. ﺩﺧﻠﺖ
ﺍﻟﺴﻴﺎﺭﺓ ﻭﻫﻲ ﺗﺴﺤﺐ ﺍﻟﺸﺎﻝ ﻋﻦ ﺭﺍﺳﻬﺎ .. ﻧﺰﻟﺖ ﺳﻘﻒ ﺍﻟﺴﻴﺎﺭﺓ ﻭﺗﻤﺖ
ﺑﺪﺍﺧﻠﻬﺎ ﺗﺘﻨﻌﻢ ﺑﺎﻟﻬﻮﺍ ﺍﻟﺒﺎﺭﺩ ﺍﻟﻠﻲ ﻛﺎﻥ ﻳﻬﺐ ﻋﻠﻴﻬﺎ ﺑﺠﻨﻮﻥ ..
ﺍﺭﺗﺎﺣﺖ .. ﺑﻌﺪ ﻣﺎ ﺫﺭﻓﺖ ﺩﻣﻌﺔ ﺳﺎﺧﻨﺔ .. ﺗﺤﺮﻛﺖ ﻣﻦ ﻣﻜﺎﻧﻬﺎ .. ﺍﻟﻰ
ﺟﺤﺮﻫﺎ ﺍﻟﻘﺪﻳﻢ ..
ﺍﻭﻝ ﻣﺎ ﺭﺍﺣﺖ ﺍﻟﺒﻴﺖ ﻟﻘﺖ ﻏﺼﻮﻥ ﻣﺴﺘﻌﺪﺓ ﻟﺮﻛﻮﺏ ﺳﻴﺎﺭﺗﻬﺎ .. ﻭﻣﺎ
ﻛﺎﻥ ﻓﻲ ﻧﻴﺘﻬﺎ ﺍﻱ ﺗﺤﺎﻳﺎ ﻻﺧﺘﻬﺎ ﺍﻟﻠﻲ ﻛﺎﻧﺖ ﺍﺧﺮ ﻣﻦ ﻳﻤﻜﻦ ﺗﻔﺘﺢ ﻭﻳﺎﻩ
ﻣﻮﺿﻮﻉ ..
ﺧﺼﻮﺻﺎ ﻣﻊ ﺗﺼﺮﻓﺎﺗﻬﺎ ﺍﻟﺸﺎﺋﻨﺔ ﻭﻫﻮﺳﻬﺎ ﺍﻟﻴﺪﻳﺪ ﺑﻤﺴﺎﻋﺪ ﺍﻟﺪﺧﻴﻠﻲ ..
ﻣﺮﺕ ﻋﺰﻻﻥ ﻣﻦ ﻃﺮﻓﻬﺎ ﻭﺍﺑﺘﺴﻤﺖ ﺍﻟﺜﺎﻧﻴﺔ ﻭﻣﺎ ﻗﺪﺭﺕ ﺍﻻ ﺍﻧﻬﺎ ﺗﺒﺚ
ﺳﻢ ﻣﻦ ﺳﻤﻮﻣﻬﺎ .. : ﻓﻜﺮﺕ ﺍﻻﻣﻴﺮﺓ ﺍﻟﻤﺪﻟﻠﺔ ﺍﻧﻬﺎ ﺗﻄﻠﻊ ﺍﻟﻴﻮﻡ؟؟؟
ﺍﻣﻤﻤﻤﻤﻤﻤﻢ
ﻳﺎ ﺗﺮﻯ .. ﻭﻳﻦ ﺭﺣﺘﻲ؟؟
ﺍﻟﺘﻔﺘﺖ ﻟﻬﺎ ﻏﺰﻻﻥ ﺑﻨﻈﺮﺓ ﻛﻠﻬﺎ ﺍﺣﺘﻘﺎﺭ : ﻭﻳﻦ ﺍﺭﻭﺡ ﺍﻭ ﻣﺎ ﺍﺭﻭﺡ ﺍﺧﺮ
ﺍﻫﺘﻤﺎﻣﺎﺗﺞ ..
ﻏﺼﻮﻥ : ﺍﻭﻭﻭﻭﻭﻭﻭﻭﻩ .. ﺍﻻﺧﺖ ﻣﻌﺼﺒﺔ .. ﻣﻤﻜﻦ ﺗﻘﻮﻟﻴﻠﻲ ﺷﻠﻲ
ﻣﻌﺼﺒﺞ ..
ﺍﻟﻘﺸﺔ ﺍﻟﻠﻲ ﻗﺼﻤﺖ ﻇﻬﺮ ﻏﺰﻻﻥ .. ﺭﺍﺣﺖ ﻟﻌﻨﺪﻫﺎ ﺑﻬﺪﻭﺀ ﻭﻫﻲ ﺗﺸﺪ
ﻋﻠﻰ ﻳﺪﻳﻨﻬﺎ : ﻻ ﺗﻈﻨﻴﻦ ﺍﻧﻲ ﺑﻌﻴﺪ ﻋﻦ ﻋﻴﻮﻥ ﺍﻟﻨﺎﺱ ﻣﻌﻨﺎﺗﻪ ﻣﺎﺩﺭﻱ
ﻋﻦ ﺍﻟﻠﻲ
ﺗﺴﻮﻳﻨﻪ ... ﻭﺷﻠﻲ ﺑﻴﻨﺞ ﻭﺑﻴﻦ ﻣﺸﻌﻞ ﻭﻟﺪ ﺧﺎﻟﺘﻲ ﺍﻟﻠﻲ ﻛﻞ ﻳﻮﻡ ﺗﺪﻗﻴﻦ
ﻟﻪ ﻭﺗﺴﻮﻟﻔﻴﻦ ﻣﻌﺎﻩ
ﻏﺼـﻮﻥ ﺑﻨﻈﺮﺓ ﻓﺨﻮﺭﺓ : well done ﻏﺰﻻﻥ .. ﻭﺍﻟﻠﻪ ﻣﺎ ﻛﻨﺖ ﻣﺘﻮﻗﻌﺔ
ﺍﻧﺞ ﺗﺘﺒﻌﻴﻦ ﻛﻞ ﺍﻟﻠﻲ ﺍﺳﻮﻳﻪ .. ﺑﺲ ﺍﻟﺤﻖ ﻳﻨﻘﺎﻝ ﺍﻧﺘﻲ ﻣﺪﻫﺸﺔ ﻏﺰﻻﻥ
ﻏﺰﻻﻥ ﻭﻫﻲ ﺗﺤﺬﺭ ﻏﺼﻮﻥ : ﺻﺪﻗﻴﻨﻲ .. ﺍﻥ ﻣﺎ ﻳﺰﺗﻲ ﻋﻦ ﺍﻟﻠﻲ ﺗﺒﻴﻦ
ﺗﺴﻮﻳﻨﻪ ﻻ ﻋﻠﻢ ﺭﻳﻠﺞ ﻋﻠﻴﺞ
ﻏﺼﻮﻥ ﺑﻀﺤﻜﺔ ﺭﻧﺎﻧﺔ ..: ﺍﺭﺟﻮﺝ .. be my guest ﺍﺗﻤﻨﻰ ﻣﻨﺞ
ﺗﺴﻮﻳﻦ ﻫﺎﻟﺸﻲ .. ﻳﻤﻜﻦ ﻳﺤﺲ ﺍﻭ ﻳﻌﺮﻑ ﺍﻧﻲ ﻣﻮﺟﻮﺩﺓ ..
ﻏﺰﻻﻥ ﻭﻫﻲ ﺗﻜﻠﻢ ﻏﺼﻮﻥ ﺍﻟﻠﻲ ﺗﺪﺧﻞ ﺍﻟﺴﻴﺎﺭﺓ ﻭﺗﺸﻐﻠﻬﺎ : ﻋﻴﺐ ﻋﻠﻴﺞ
ﺗﻼﺣﻘﻴﻦ ﺭﻳﺎﻝ ﻣﺘﺰﻭﺝ .. ﺍﻧﺘﻲ ﺷﻠﻲ ﺑﻴﻨﺞ ﻭﺑﻴﻨﻪ ﺑﺎﻟﻀﺒﻂ ..
ﻏﺼﻮﻥ ﻭﻫﻲ ﺗﺮﻓﻊ ﻋﻴﻮﻥ ﻧﺎﻋﺴﺔ ﻭﻫﺎﺩﺋﺔ ﻻﺧﺘﻬﺎ :.. ﻣﻮ ﺍﻟﻴﻮﻡ .. ﺍﻟﺠﻮ
ﻣﺎ ﻳﺴﺎﻋﺪ ﻋﻠﻰ ﺳﺮﺩ ﺍﻟﺬﻛﺮﻳﺎﺕ .. ﻭﺻﺪﻗﻴﻨﻲ؟ .. ﺍﻱ ﺷﻲ ﺑﺼﻴﺮ
ﻟﻤﺼﻠﺤﺔ ﺍﻟﺠﻤﻴﻊ ..
ﺍﻟﻌﺎﻳﻠﺔ ﺍﻫﻲ ﺍﻻﻫﻢ ﻣﺜﻞ ﻣﺎ ﻗﺎﻝ ﺩﻭﻥ ﻛﻮﺭﻟﻴﻮﻧﻲ ﻓﻲ ﺍﻟﻔﻠﻢ the
good father ﻳﺎﻟﻠﻪ .. ﺗﺤﻤﻠﻲ ﺑﺮﻭﺣﺞ ..
ﻃﻠﻌﺖ ﻏﺼﻮﻥ ﻣﻦ ﺍﻟﺒﻴﺖ ﺗﺎﺭﻛﺔ ﺍﻟﻐﻀﺐ ﻭﺍﻟﺤﻴـﺮﺓ ﻛﻠﻬﺎ ﻓﻲ ﻧﻔﺲ
ﻏﺰﻻﻥ ﺍﻟﻠﻲ ﻣﺴﺘﻐﺮﺑﺔ ﻣﻦ ﺍﺧﺘﻬﺎ ﻫﺎﻟﺘﺼﺮﻓﺎﺕ ﺍﻟﻄﺎﺋﺸﺔ .. ﺍﻫﻲ ﻣﺮﺓ
ﺍﻟﻠﻲ ﺑﺎﻟﻐﻠﻂ ﺭﻓﻌﺖ
ﺳﻤﺎﻋﺔ ﻏﺮﻓﺘﻬﺎ ﻭﻟﻘﺖ ﺍﺧﺘﻬﺎ ﺗﺘﻜﻠﻢ ﻓﻲ ﺍﻟﺘﻠﻔﻮﻥ ﻭﻳﺎ ﻭﺍﺣﺪ .. ﻛﺎﻧﺖ
ﻫﺬﻱ ﺻﺪﻣﺔ ﻟﻬﺎ ﻟﻜﻦ ﺧﻔﺖ ﻳﻮﻡ ﻋﺮﻓﺖ ﺍﻟﻄﺮﻑ ﺍﻟﺜﺎﻧﻲ .. ﻛﺎﻥ ﻣﺸﻌﻞ
ﻭﻟﺪ
ﺧﺎﻟﺘﻬﺎ .. ﻭﺟﺎﻟﺖ ﺍﻻﺳﺄﻟﺔ ﻓﻲ ﺑﺎﻟﻬﺎ .. ﻳﺎ ﺗﺮﻯ ﺷﻠﻲ ﺑﻴﻦ ﻣﺸﻌﻞ
ﻭﻏﺼـﻮﻥ ﺍﻟﻠﻲ ﻗﺎﻋﺪﻳﻦ ﻳﺘﻜﻠﻤﻮﻥ ﻋﻨﻪ .. ؟؟
ﺍﺷﻴﺎﺀ ﻛﺜﻴـﺮﺓ ﺗﺪﺍﺧﻠﺖ ﻓﻲ ﺣﻴﺎﺗﻬﺎ ﻓﻲ ﺍﻟﻔﺘـﺮﺓ ﺍﻻﺧﻴـﺮﺓ .. ﺍﻫﺘﻤﺎﻡ
ﺍﺧﺘﻬﺎ ﺍﻟﻤﻠﺤﻮﻅ ﻭﻭﺯﻳﺎﺭﺗﻬﺎ ﺍﻟﻤﺘﻜﺮﺭﺓ ﻟﻤﻜﺘﺐ ﺍﺑﻮﻫﺎ .. ﻭﺣﺘﻰ ﺍﻧﻬﺎ ﻣﺮﺓ
ﻛﺎﻧﺖ ﺗﻜﻠﻢ ﺍﺑﻮﻫﺎ ﻋﻦ ﻣﺴـﺎﻋﺪ ﺍﻟﺪﺧﻴﻠﻲ ﻭﻛﺎﻥ ﺍﻟﻜﻼﻡ ﻣﺮﺿﻲ ﻣﻦ ﻛﻼ
ﺍﻟﻄﺮﻓﻴﻦ .. ﻟﻜﻦ ﺑﻌﺪ .. ﻏﺼـﻮﻥ ﺷﻠﻲ ﻫﺎﻣﻬﺎ ﻓﻲ ﻣﺴـﺎﻋﺪ ﺍﻟﺪﺧﻴﻠﻲ ..
ﺍﻫﻲ ﻏﺰﻻﻥ ﺗﻌﺮﻑ ﺍﻥ ﺍﺧﺘﻬﺎ ﻟﻬﺎ ﻣﺎﺿﻲ ﺳﺎﺑﻖ ﻭﻳﺎ ﻣﺴﺎﻋﺪ ﺍﻟﺪﺧﻴﻠﻲ
ﻻﻧﻪ ﻛﺎﻥ ﺍﻟﻤﺸﺮﻑ ﻋﻠﻴﻬﺎ ﻓﻲ ﺗﺪﺭﻳﺒﻬﺎ ﺍﻟﻤﺤﺎﺳﺒﻲ ﻓﻲ ﺍﻟﺸﺮﻛﺔ ..
ﻭﺻﺎﺭﺕ ﺍﺷﻴﺎﺀ ﻛﺎﻧﻮ ﺍﻻﻫﻞ ﻣﺘﻜﺘﻤﻴﻦ ﻋﻠﻴﻬﺎ ﺑﺸﺪﺓ .. ﻭﻣﻦ ﺑﻌﺪﻫﺎ
ﻣﺒﺎﺷﺮﺓ ﺗﺰﻭﺟﺖ ﻏﺼـﻮﻥ ﻣﻦ ﻓﻬﺪ .. ﻭﺭﺍﺣﺖ ﻭﻳﺎﻩ ﻭﻻ ﺗﻜﻠﻢ ﺍﺣﺪ
ﺑﺎﻟﻤﻮﺿﻮﻉ ﻣﺮﺓ ﺛﺎﻧﻴﺔ .. ﻟﻜﻦ .. ﺍﻟﻈﺎﻫﺮ ﺍﻥ ﺻﺎﺭ ﻻﺯﻡ ﺍﻧﻬﻢ ﻳﺘﻜﻠﻤﻮﻥ
ﻓﻴﻪ .. ﻻﻥ ﺣﺘﻰ ﻟﺆﻱ ﻛﺎﻥ ﻳﻌﺮﻑ ﺑﺎﻟﻤﻮﺿﻮﻉ .. ﻭﻗﺎﻝ ﻟﻬﺎ ﺍﻧﻪ ﻳﻌﺮﻑ
ﺍﺧﺘﻬﺎ ﻣﻦ ﻗﺒﻞ .. ﻳﺎﺗﺮﻯ .. ﺷﻠﻲ ﺍﻟﻜﻞ ﻳﻌﺮﻓﻪ ﻭﺍﻧﺎ ﻣﺎ ﻋﻨﺪﻱ ﺍﻱ ﻓﻜﺮﺓ
ﻋﻨﻪ .. ﻭﻳﻮﻡ ﺍﻧﻪ ﺻﺎﺭ .. ﺍﻧﺎ ﻭﻳﻦ ﻛﻨﺖ؟؟
------------------------
ﻣﺴـﺎﻋﺪ ﺍﻟﻠﻲ ﻛﺎﻥ ﻳﺘﻜﻠﻢ ﻭﻳﺴﺮﺩ ﺣﻘﺎﺋﻖ ﻣﻦ ﺣﻴﺎﺗﻪ ﻓﺎﺗﻦ ﻻﻭﻝ ﻣﺮﺓ
ﺗﺴﻤﻌﻬﺎ .. ﻭﺗﺴﻤﻊ ﻣﻨﻪ ﻋﻦ ﻗﺼﺔ ﺣﺐ ﺍﺷﺒﻪ ﺑﺎﻟﺨﻴـﺎﻝ .. ﺣﺐ ﻣﻦ
ﺍﻟﻄﻔﻮﻟﺔ ..
ﻳﺼﺎﺣﺐ ﺍﻟﻤﺮﺍﻫﻘﺔ .. ﻭﻣﺮﺣﻠﺔ ﺍﻟﺸﺒﺎﺏ .. ﻭﺭﻭﺍﻳﺎﺕ ﻋﻦ ﺍﻟﺸﻮﻕ
ﻭﺍﻟﻮﻟﻪ .. ﻭﺍﻟﻠﻬﻮ ﻭﺍﻟﻠﻌﺐ ﺍﻟﺒﺮﻳﺊ ﺑﻴﻦ ﻗﻠﺒﻴﻦ ﻋﺎﺷﻘﻴﻦ ﻭﻟﻜﻦ ﻣﺮﺣﻴﻦ ..
ﻟﻜﻦ ﻛﻞ ﻫﺬﺍ
ﻛﺎﻥ ﻓﻲ ﺟﻬﺔ .. ﻭﺍﻻﻧﻔﻌﺎﻻﺕ ﺍﻟﻠﻲ ﻛﺎﻧﺖ ﺗﺮﺩ ﻣﺴـﺎﻋﺪ ﻟﺼﺒﺎﺍﻩ
ﺑﺤﻠﻮﻫﺎ .. ﺍﻭ ﺗﻜﻬﻠﻪ ﻭﺗﻜﺒﺮ ﻣﻨﻪ ﺳﻨﻪ ﺍﺫﺍ ﻛﺎﻧﺖ ﻣﺘﻠﻤﺴﺔ ﺑﺎﻟﺤﺰﻥ ..
ﻳﻤﻜﻦ ﻣﺎ ﺻﺎﺭ
ﻟﻬﺎ ﻭﺍﻫﻲ ﻗﺎﻋﺪﺓ ﻣﻌﺎﻩ ﺍﻟﺨﻤﺲ ﺩﻗﺎﻳﻖ ﻭﻛﺎﻫﻲ ﻭﺻﻠﺖ ﻟﻤﺮﺣﻠﺔ
ﻣﺘﻘﺪﻣﺔ ﻣﻦ ﺍﻟﻌﻼﻗﺔ ﺍﻟﻠﻲ ﺍﻫﻮ ﻳﺘﻜﻠﻢ ﻋﻨﻬﺎ ..
ﺍﻟﻤﺸﻜﻠﺔ .. ﺍﻫﻲ ﻣﺎ ﻗﺎﻋﺪﺓ ﺗﺤﺲ ﺍﻥ ﺍﻟﻠﻲ ﺗﺴﻤﻌﻪ ﻏﺮﻳﺐ ﻋﻠﻴﻬﺎ ..
ﻭﻛﺎﻧﻬﺎ ﺳﻤﻌﺘﻪ .. ﻳﻤﻜﻦ ﻓﻲ ﺣﻠﻢ ﻣﻦ ﺍﺣﻼﻣﻬﺎ .. ﻭﻻ ﺻﻔﺤﺔ ﻣﻦ
ﺻﻔﺤﺎﺕ ﺍﻟﻤﺎﺿﻲ ﺍﻟﻠﻲ
ﺗﻔﺠﻬﺎ ﻛﻞ ﻣﺎ ﺣﺴﺖ ﺑﺎﻟﺤﻨﻴﻦ ﻻﻫﻞ ﺍﻟﻤﺎﺿﻲ ﻭﺍﻟﺬﻛﺮﻳﺎﺕ .. ﻭﺣﺴﺖ
ﺑﻘﺮﺏ ﻋﻨﻴﻒ ﻟﻤﺴـﺎﻋﺪ ﻭﻣﻌﺮﻓﺔ ﺳﺎﺑﻘﺔ .. ﺍﺷﺒﻪ ﺑﺸﻌﻮﺭﻫﺎ ﺍﻭﻝ ﻣﺎ
ﺷﺎﻓﺘﻪ .. ﻭﺍﺷﺒﻪ ﺑﺸﻌﻮﺭﻫﺎ ﻳﻮﻡ ﻛﺎﻧﺖ ﻭﻳﺎﻩ ﺑﺎﻣﻴـﺮﻛﺎ .. ﺍﻟﻌﺎﻃﻔﺔ
ﻭﺍﻟﻤﺸﺎﻋﺮ ﺍﻟﻠﻲ ﺗﻌﺎﻧﻖ ﺍﻫﺪﺍﺑﻪ ﻭﻋﻴﻮﻧﻪ ﺍﻟﺠﻤﻴـﻠﺔ .. ﻭﻛﺒﺮ ﺳﻨـﻪ ﺍﻟﻤﻌﺬﻭﺭ
ﺑﺄﻫﻮﺍﻝ ﻣﺎﺿﻴﻪ ﻭﻣﻮ ﻋﻤﺮﻩ ... ﻭﺍﺻﻐﺖ ﺑﺸﻮﻕ ﻟﺒﻘﻴﺔ ﺍﻟﻘﺼﺔ ﻣﻊ
ﺍﻟﻘﻠﻴﻞ ﻣﻦ ﺍﻟﻐﻴـﺮﺓ .. ﻭﻟﻜﻦ ﺍﻫﻲ ﻣﺘﺸﻮﻗﺔ ﺍﻧﻬﺎ ﺗﺴﻤﻊ ﻫﺎﻟﻨﻬﺎﻳﺔ .. ﻻﻥ
ﻣﺜﻞ ﻣﺎ ﻗﺎﻝ ﻟﻬﺎ ﻣﺴﺎﻋﺪ .. ﻫﺬﺍ ﻣﺎﺿﻲ .. ﺍﻣﺎ ﺍﻫﻲ .. ﻓﻬﻲ ﺣﺎﺿﺮ
ﻭﻣﺴﺘﻘﺒﻞ .. ﻭﺍﻟﻜﻔﺔ ﺗﺮﺟﺢ ﻟﻼﻏﻠﺒﻴﺔ ..
ﻭﻭﺻﻞ ﻟﻬﺎ ﻟﻌﻨﺪ ﺣﻔﻞ ﺗﺨﺮﺟﻪ ﻣﻦ ﺍﻟﺠﺎﻣﻌﺔ .. ﻭﻛﺎﻧﺖ ﻋﻨﺪ ﺫﻛﺮ
ﻫﺎﻟﻨﻘﻄﺔ ﺻﻤـﺖ ﻣﻦ ﻣﺴﺎﻋﺪ ﻭﻟﻤﻌﺔ ﺩﻣﻊ ﺑﻌﻴـﻮﻧﻪ
ﺍﺑﺘﺴﻢ ﺑﻤﺮﺍﺭﻩ ﻭﻫﻮ ﻳﺘﻨﻬﺪ : ﻓﻲ ﻧﻔﺲ ﺍﻟﻠﺤﻈﺔ ﺍﻟﻠﻲ ﻛﻨﺖ ﺍﺳﺘﻌﺪ ﻓﻴﻬﺎ
ﻭﻣﻨﺘﻈﺮﻫﺎ ﻣﻦ ﻓﺘﺮﺓ .. ﻋﺸﺎﻥ ﺍﺭﺩ ﺍﻟﺪﻳﺮﺓ ﻭﺍﻛﻤﻞ ﺍﻟﺤﻠﻢ ﺍﻟﻠﻲ ﻛﻨﺖ
ﺍﺭﺳﻤﻪ ﺩﻭﻡ ﻋﻠﻰ ﺭﻣﺎﻝ ﺍﻟﺒﺤﺮ ... ﻳﺎﻧﻲ ﺍﻟﺨﺒـﺮ ﺍﻟﻠﻲ ﻣﺜﻞ ﺍﻟﺼﺪﻣﺔ
ﻋﻠﻲ . (ﻳﺼﺤﺢ ﻛﻼﻣﻪ ﻭﻫﻮ ﻳﻬﺰ ﺭﺍﺳﻪ ) ﺍﻟﺼﺪﻣﺔ ﺧﻔﻴﻔﺔ ﻋﻠﻰ ﻫﺎﻟﺸﻲ ..
ﻛﺎﻥ ﺍﺷﺒﻪ ﺑﺎﻟﺼﺎﻋﻘﺔ ﺍﻟﻠﻲ ﻧﺰﻟﺖ ﻋﻠﻲ ﺭﺍﺳﻲ .. ﻓﻠﻘﺖ ﻫﺎﻣﺘﻲ ﺑﺎﻟﻨﺺ ..
ﻭﺗﺮﻛﺘﻨﻲ ﻓﻲ ﺣﺎﻟﺔ ﻣﻦ ﺍﻟﺨﺪﺭ ﻟﻤﺪﺓ .. ﻣﺎ ﻛﻤﻠﺖ ﺣﻔﻞ ﺍﻟﺘﺨﺮﺝ ..
ﻭﺭﺩﻳﺖ ﺍﻟﺪﻳﺮﺓ ﺑﺎﺳﺮﻉ ﻣﺎ ﻳﻤﻜﻦ ... ﺍﻧﻘﻀﺖ ﻓﺮﺣﺔ ﻣﻦ ﺍﻻﻓﺮﺍﺡ ﺍﻟﻠﻲ
ﻛﺎﻥ ﺭﺍﺳﻤﻬﺎ ﻋﻠﻰ ﺧﻂ ﺍﻣﺘﺪﺍﺩ ﺣﻴﺎﺗﻲ .. ﻭﺍﻧﻘﻀﺖ ﻣﻌﺎﻫﺎ ﻓﺮﺣﺔ
ﺛﺎﻧﻴﺔ .. ﻓﺮﺣﺔ ﺍﻟﺘﺨﺮﺝ ﻭﺍﻛﻤﺎﻝ ﺍﻟﺤﻠﻢ ..
ﺗﻨﻬـﺪ ﻣﺴـﺎﻋﺪ ﻭﻫﻮ ﻳﻤﺴﺢ ﻋﻠﻰ ﻭﻳﻬﻪ ﻭﻳﻄﺎﻟﻊ ﺑﺎﻟﺴﺎﻋﺔ ..
ﻓﺎﺗﻦ ﺣﺜﺘﻪ : .. ﺵ .. ﺷﺎﻟﺨﺒـﺮ .؟؟؟
ﺍﻧﺘﺒﻪ ﻟﻬﺎ ﻭﻛﺎﻧﻬﺎ ﻣﺎ ﻛﺎﻧﺖ ﻣﻮﺟﻮﺩﺓ ﻣﻦ ﺑﺪﺍﻳﺔ ﺍﻟﻜﻼﻡ ﻟﻠﺤﻴـﻦ .. :
ﺍﻟﺨﺒﺮ ﻛﺎﻥ ...
ﻗﻄﻌﺘﻬﻢ ﻣﺮﻳﻢ ﻭﻫﻲ ﺗﻄﻞ ﻣﻦ ﺍﻟﺒﺎﺏ ﺑﻘﻮﺓ ..
ﻣﺮﻳﻢ : ﺻﺞ ﻣﺎ ﺗﺴﺘﺤﻮﻥ .. ﻣﺴـﺎﻋﺪ ﻫﺬﻱ ﺍﻟﺴﺎﻟﻔﺔ ﺍﻟﻠﻲ ﺗﺒﻲ ﺗﻘﻮﻟﻬﺎ ..
ﻣﺴـﺎﻋﺪ ﺍﻟﻠﻲ ﺍﺳﺘﻴﻘﻆ ﻣﻦ ﺣﻠﻢ ﺍﻟﺬﻛﺮﻳﺎﺕ ..: ﻫﺎ ﺷﻔﻴﺞ؟؟
ﻣﺮﻳﻢ : ﺍﺑﻮﻱ ﻳﺒﻴﻚ .. ﻭﻟﺆﻱ ﺗﻮﻩ ﻭﺍﺻﻞ ﻳﻐﻴﺮ ﻫﺪﻭﻣﻪ ﻭﻋﻠﻰ ﻃﻮﻝ
ﺑﻴﻨﺰﻝ .. ﻳﺎﻟﻠﻪ ﺍﻧﺖ ﺑﻌﺪ ﺍﻧﺰﻝ .. ﻭﺍﻧﺘﻲ ﺑﻌﺪ ﺗﺮﻯ ﺍﻣﺞ ﺗﺴﺄﻝ ﻋﻨﺞ ..
ﻓﺎﺗﻦ ﺍﻟﻠﻲ ﻛﺎﻧﺖ ﺗﺮﺍﻗﺐ ﻣﺴﺎﻋﺪ .. ﺍﺧﺮ ﻣﺎ ﺗﺘﻤﻨﺎﻩ ﺍﻧﻬﺎ ﺗﺘﺮﻙ ﻫﺎﻟﻠﺤﻈﺔ
ﻣﻦ ﺍﻟﻘﺼﺔ ﺍﻟﻠﻲ ﻳﺎﻟﺴﺔ ﺗﺴﻤﻌﻬﺎ ﻭﺗﺮﻭﺡ ﺗﻘﻌﺪ ﻭﻳﺎ ﺍﻟﺤﺮﻳﻢ .. ﺍﻣﺎ
ﻣﺴﺎﻋﺪ ﺍﻟﻠﻲ ﻛﺎﻥ ﺷﺒﻪ ﺍﻟﻔﺮﺣﺎﻥ ﻋﻠﻰ ﻫﺎﻟﺸﻲ ﻻﻧﻪ ﻳﺴﺘﺮﺟﻊ ﻟﻮﻧﻪ ﺷﻮﻱ
ﺷﻮﻱ .. ﻭﻛﺎﻧﻪ ﻣﻨﻘﺬ ﻣﻦ ﻏﺮﻕ .. ﻭﺳﻜﺘﺖ ﻓﺎﺗﻦ ﻭﻧﺰﻟﺖ ﻋﻴﻮﻧﻬﺎ ﻟﻼﺭﺽ
ﻭﺷﺎﻟﺖ ﻋﻤﺮﻫﺎ ﻋﺸﺎﻥ ﺗﻄﻠﻊ ﻭﻳﺎ ﻣﺮﻳﻢ ..
ﻗﺒﻠﻬﺎ ﻃﻠﻊ ﻣﺴـﺎﻋﺪ ﺍﻟﻠﻲ ﻣﺎ ﻛﺎﻥ ﻳﺤﺲ ﻟﻮﺟﻮﺩﻫﺎ ﻓﻲ ﺍﻟﻤﻜﺎﻥ ..
ﻭﺟﺎﻟﺖ ﺍﻟﺸﻜﻮﻙ ﻓﻲ ﻧﻔﺲ ﻓﺎﺗﻦ ﺑﻘﻮﺓ .. ﻳﺎ ﺭﺏ .. ﻫﺎﻟﺒﻨﺖ ﻣﻦ
ﺗﻜﻮﻥ؟؟؟ ﻣﻦ ﺗﻜﻮﻥ؟؟
ﻭﺷﺼﺎﺭ ﻟﻬﺎ .. ﻭﺷﻬﺎﻟﻔﺮﺣﺔ ﻟﻠﻲ ﺍﺧﺘﻔﺖ ﻣﻦ ﻗﺎﻣﻮﺱ ﺍﻓﺮﺍﺡ ﻣﺴـﺎﻋﺪ ..
ﻭﻟﻴﺶ ﻟﻮﻥ ﻭﻳﻬﻪ ﺍﻧﻜﺸﻒ ﺟﺬﻱ ﻣﺮﺓ ﻭﺣﺪﺓ ..
ﻣﺮﻳﻢ ﺍﻟﻠﻲ ﻋﻨﺪ ﺍﺧﺮ ﻋﺘﺒﺔ ﻣﺴﻜﺖ ﻓﺎﺗﻦ ﻣﻦ ﻳﺪﻫﺎ ﻭﻻﺣﻈﺖ ﺍﻧﻬﺎ
ﻛﺎﻧﺖ ﺳﺮﺣﺎﻧﻪ
ﻓﺎﺗﻦ : ﻋﻼﻣﺞ
ﻣﺮﻳﻢ ﻭﻫﻲ ﺗﺪﻗﻖ ﻓﻲ ﻣﻼﻣﺤﻬﺎ ..: ﺷﺼﺎﺭ ﺑﻴﻨﺞ ﻭﺑﻴﻦ ﻣﺴـﺎﻋﺪ؟؟
ﻓﺎﺗﻦ ﻭﻫﻲ ﺗﻬﺰﻭ ﺭﺍﺳﻬﺎ : ﻣﺎ ﺻﺎﺭ ﺷﻲ .. ﻟﻴﺶ؟؟
ﻣﺮﻳﻢ : ﻣﺎﺣﺴﺞ ﻃﺒﻴﻌﻴﺔ ..
ﻓﺎﺗﻦ ﺗﺘﺼﻨﻊ ﺍﻻﺑﺘﺴﺎﻣﺔ : ﻻ ﻣﺎ ﻋﻠﻴﺞ .. ﺍﻧﺎ ﻃﺒﻴﻌﻴﺔ . ﻳﺎﻟﻠﻪ ﺧﻠﻴﻨﺎ
ﻧﺮﻭﺡ ..
ﺩﺧﻠﺖ ﻓﺎﺗﻦ ﻋﻠﻰ ﺑﺎﺟﻲ ﺍﻟﺤﺮﻳﻢ ﻭﻳﺎ ﻣﺮﻳﻢ ﺍﻟﻠﻲ ﺗﻮﺟﻬﺖ ﻭﺭﺍﺣﺖ
ﻗﻌﺪﺕ ﻋﻨﺪ ﺍﻣﻬﺎ .. ﻭﺑﺪﻯ ﺍﻟﻜﻼﻡ ﺍﻟﺤﺮﻳﻤﻲ .. ﺳﻮﺍﻟﻒ ﻣﺘﻌﺪﺩﺓ
ﻭﻣﺘﻨﻮﻋﺔ .. ﻭﻭﺳﻂ ﻫﺎﻟﺴﻮﺍﻟﻒ ﻛﺎﻧﺖ ﺩﻗﺎﺕ ﻗﻠﺐ ﻣﺮﻳﻢ ﻣﺘﺼﻠﺔ ﺗﻤﺎﻡ
ﺍﻻﺗﺼﺎﻝ ﺑﺠﺮﺍﺡ .. ﻣﻦ ﻋﺠﺎﺋﺐ ﺍﻟﺪﻧﻴﺎ ﺍﻥ ﺍﻟﻘﻠﺐ ﺍﻟﻤﺤﺐ ﺑﺼﺪﻕ ﻳﻘﺪﺭ
ﻳﺘﺼﻞ ﺑﻘﻠﺐ ﺣﺒﻴﺒﻪ ﺍﺫﺍ ﻛﺎﻥ ﻳﺘﺸﺎﺭﻙ ﻧﻔﺲ ﺍﻻﺣﺎﺳﻴﺲ ..
ﻭﻛﺎﻧﻬﺎ ﺗﻜﻠﻤﻪ ﻓﻲ ﻗﻠﺒﻪ ﻭﺗﻘﻮﻝ ﻟﻪ ::.. ﻟﻴﺶ ﺍﻟﻴﻮﻡ؟؟ ﻟﻴﺶ ﻳﺎ ﺟﺮﺍﺡ؟؟
ﺷﻠﻲ ﺻﺎﺭ ﻭﺧﻼﻙ ﺗﺘﺸﺠﻊ؟؟
ﻭﻗﻠﺐ ﺟﺮﺍﺡ ﺭﺩ ﻋﻠﻴﻬﺎ ﻭﻗﺎﻝ ﻟﻬﺎ ::.. ﺍﻟﺸﻮﻕ ﻻ ﺿﻮﻯ ﻓﻲ ﻗﻠﺐ
ﺍﻟﻌﺎﺷﻖ .. ﺷﺐ ﺍﻟﺤﺮﻳﻖ ﺑﻜﻞ ﻏﺼﻦ ﻣﻦ ﺍﻏﺼﺎﻥ ﻫﺎﻟﺸﺠﺮﺓ .. ﻭﻣﻮ ﻣﺜﻞ
ﺍﻟﻄﺒﻴﻌﺔ ﻳﺎ ﻗﻠﺐ ﻻ
ﺍﺣﺘﺮﻗﺖ ﺍﻟﺸﺠﺮﺓ ﻏﺎﺏ ﻇﻠﻬﺎ .. ﻫﺎﻟﻨﺎﺭ ﺗﺄﺟﺞ ﻫﺎﻟﺸﺠﺮﺓ ﻭﺗﻌﻤﻖ
ﺟﺬﻭﺭﻫﺎ ﺑﺎﻻﺭﺽ ..
ﺍﻡ ﺟﺮﺍﺡ ﺑﻌﺪ ﻓﺘﺮﺓ ﻣﻦ ﺍﻟﻜﻼﻡ ﻭﺍﻟﺴﻮﺍﻟﻒ .. ﻣﺴﻜﺖ ﻳﺪ ﺍﻡ ﻣﺴـﺎﻋﺪ
ﺑﺘﻮﺗﺮ ﺑﺴﻴﻂ ﻭﻟﻜﻦ ﻓﺮﺣﺔ ﺑﺎﻟﻌﻴﻦ
ﺍﻡ ﺟﺮﺍﺡ : ﻳﺎﻟﻐﺎﻟﻴﺔ .. ﺍﺣﻨﺎ ﺍﻟﻴﻮﻡ ﻣﺜﻞ ﻣﺎ ﺗﻌﺮﻓﻴﻦ .. ﻳﺎﻳﻴﻨﺞ ﻧﻬﻨﻴﺞ ﻓﻲ
ﻧـﻮﺭﺓ .. ﻭﻧﺒﺎﺭﺝ ﻟﺞ ﻗﺒﻞ ﻛﻞ ﺍﻟﻨﺎﺱ ﻻﻧﻨﺎ ﻣﻦ ﺍﻷﻫﻞ .. ﻭﻟﻜﻦ ﺑﻌﺪ ..
ﻳﺎﻳﺘﺞ ﺍﻧﺎ ﺍﻟﻠﻴﻠﺔ ﻭﻓﻲ ﻗﻠﺒﻲ ﺍﻣﻨﻴﺔ .. ﻳﺎ ﺭﻳﺘﺞ ﻭﺍﻟﻠﻪ ﺗﺤﻘﻘﻴﻨﻬﺎ ﻟﻲ ..
ﺗﻔﺮﺣﻴﻨﻲ ﻓﻴﻬﺎ ﻭﺗﻔﺮﺣﻴﻦ ﻧﻮﺭ ﻋﻴﻮﻧﻲ ..
ﺍﻡ ﻣﺴـﺎﻋﺪ ﻭﻫﻲ ﺗﺒﺘﺴﻢ ﻭﻣﺮﻳﻢ ﺗﻨﺎﻇﺮ ﻓﺎﺗﻦ ﺑﻨﻔﻀﺔ .. ﻭﺍﻻﺧﻴﺮﺓ
ﻛﺎﻧﺖ ﺳﺮﺣﺎﻧﺔ ﻓﻲ ﺷﻲ ﺛﺎﻧﻲ ..: ﺍﻃﻠﺒﻲ ﻳﺎ ﺳﻌﺎﺩ .. ﻭﺍﻧﺎ ﻣﺎﻟﺒﻴﺖ ﻟﺞ
ﻣﺎ ﺗﻄﻴﺐ
ﺍﻟﻨﻔﺲ ﻟﻴﻮﻡ ﺍﻻﺧﺮﻯ ..
ﺍﻡ ﺟﺮﺍﺡ ﺗﺸﺪ ﻋﻠﻰ ﻳﺪ ﺍﻡ ﻣﺴـﺎﻋﺪ : ﻳﻄﻮﻝ ﺑﻌﻤﺮﺝ ﻳﺎﻟﻐﺎﻟﻴﺔ .. ﺍﻧﺎ
ﺍﻟﻴﻮﻡ .. ﻳﺎﻳﺘﺞ .. ﺑﺮﻭﻳﺤﺔ ﻓﻮﺍﺩﻱ ﺟﺮﺍﺡ .. ﻳﻄﻠﺐ ﻣﻨﺞ ﺍﻫﻮ ﻗﺒﻠﻲ ..
ﻗﻄﻌﺔ ﻣﻦ ﻗﻠﺒﺞ .. ( ﺗﻨﺎﻇﺮ ﻣﺮﻳﻢ ﺑﺤﺮﺍﺭﺓ ﺍﻟﺤﺐ ﺍﻟﻜﻴﻴﺮ ) ﻣﺮﻳـﻢ .. ﻋﻠﻰ
ﺳﻨـﺔ ﺍﻟﻠﻪ ﻭﺭﺳﻮﻟﻪ .. ﻭﺟﺮﺏ ﺍﻟﻘﺮﻳﺐ ﻭﻭﻻﻩ ﻋﻠﻰ ﺍﻟﻐﺮﻳﺐ .. ﻭﺍﻧﺘﻮﻭ
ﻣﻦ ﺍﻫﻠﻨﺎ .. ﺑﻨﺘﻲ ﺻﺎﺭﺕ ﻗﻄﻌﺔ ﻣﻦ ﻓﻮﺍﺩ ﻭﻟﺪﺝ .. ﻭﺍﻟﺤﻤﺪ ﻟﻠﻪ ﻣﻌﺮﻓﺔ
ﻣﻦ ﺯﻣـﻦ .. ﻭﻣﺎ ﻧﻘﺪﺭ ﻧﻼﻗﻲ ﺍﺣﺴﻦ ﻣﻨﻜﻢ ﻭﺍﺻﻼ ﻣﺎ ﻧﺒﻲ .. ﻣﻊ ﺍﻥ
ﻣﺎﻛﻮﻭ ﺍﻟﻠﻲ ﺍﺣﺴﻦ ﻣﻨﻜﻢ ..
ﺍﻡ ﻣﺴـﺎﻋﺪ ﻇﻠﺖ ﺳﺎﻛﺘﺔ ﻣﻜﺎﻧﻬﺎ .. ﻭﻫﻲ ﺗﻨﺎﻇﺮ ﻣﺮﻳﻢ ﺑﻨﻈﺮﺓ ﻏﻴﺮ
ﻣﻔﻬﻮﻣﺔ ..
ﻭﻟﻘﺖ ﺑﻨﺘﻬﺎ ﻣﻨﻘﻠﺒﺔ ﺍﻟﻮﺍﻥ ﻣﻦ ﻓﻮﻕ ﻟﺘﺤﺖ .. ﻭﻧﻮﺭﺓ ﺗﻜﺘﻢ ﺍﺑﺘﺴﺎﻣﺔ
ﻧﺎﺻﻌﺔ ﺑﻘﻠﺐ ﻣﺘﺤﻔﺰ .. ﺻﺞ ﺍﻥ ﺍﺳﺘﻘﺒﺎﻝ ﺍﻣﻬﻢ ﻻﻡ ﺟﺮﺍﺡ ﻛﺎﻥ ﻣﻦ
ﺍﺧﺮ ﺗﻮﻗﻌﺎﺗﻬﻢ ﻭﺗﺨﻴﻼﺗﻬﻢ .. ﺍﻻ ﺍﻥ ﺍﻟﻠﻪ ﺍﻟﻌﺎﻟﻢ ﺑﺎﻟﻠﻲ ﻳﺪﻭﺭ ﻓﻲ ﻗﻠﺐ
ﺍﻡ ﻣﺴﺎﻋﺪ ﻟﻤﺮﻳﻢ .. ﻭﻣﺎ ﻳﻨﺪﺭﻯ ﺍﻫﻲ ﺭﺍﺳﻤﺔ ﻣﻦ ﻟﻤﺮﻳﻢ ..
ﺗﻨﻬﺪﺕ ﺍﻡ ﻣﺴـﺎﻋﺪ ﺑﻬﺪﻭﺀ .. ﻭﺗﻮﻫﺎ ﺑﺘﻨﺎﻇﺮ ﻓﻲ ﻋﻴﻮﻥ ﺍﻡ ﺟﺮﺍﺡ ﻭﺗﺮﺩ
ﻋﻠﻴﻬﺎ ﺑﺮﺩﻫﺎ .. ﻟﻘﺖ ﻋﻴـﻮﻥ ﻓﺎﺗﻦ ﻣﻠﺰﻭﻗﺔ ﺑﻌﻴﻮﻧـﻬﺎ ﺑﻨﻈـﺮﺓ ﻏﻴﺮ
ﻣﻔﻬـﻮﻣﺔ .. ﻟﻜﻦ ﺍﻟﻠﻲ ﻋﺮﻓﺖ ﻣﻨﻪ ﺍﻡ ﻣﺴـﺎﻋﺪ ﺍﻧﻬﺎ ﺍﺭﺗﺎﺣﺖ ﻣﻦ ﻟﻤﻌﺔ
ﻋﻴﻮﻥ ﻓﺎﺗﻦ ﺍﻟﻐﺮﻳﺒـﺔ ﻭﺍﻟﺤﻠﻮﺓ ﺑﻨﻔﺲ ﺍﻟﻮﻗﺖ .. ﻭﺳﺮﻯ ﺍﻟﺤﺐ ﻓﻴﻬﺎ ﻣﺮﺓ
ﺛﺎﻧﻴﺔ ﻭﻣﻦ ﻳﺪﻳﺪ ﻟﻬﺎﺑﻨﺖ .. ﻭﻣﺎ ﺗﺪﺭﻱ ﻟﻴﺶ ﺍﺷﻘﺖ ﺭﻭﺣﻬﺎ ﺑﺤﻼﺓ ﻭﻳﻬﻬﺎ
ﻭﻃﻴﺒﺔ ﻣﻼﻣﺤﻬﺎ ..
ﺍﻡ ﻣﺴـﺎﻋﺪ ﻻﻡ ﺟﺮﺍﺡ : ﻳﺎ ﺳـﻌﺎﺩ .. ﺍﻧﺎ ﻣﺜﻠﻲ ﻣﺜﻞ ﺍﻱ ﺍﻡ .. ﺍﺗﻤﻨﻰ
ﻟﺒﻨﺘﻲ ﺍﻟﺰﻳﻦ ﻗﺒﻞ ﺍﻟﺸﻴﻦ .. ﻭﻣﺜﻞ ﻣﺎ ﻟﻘﻴﻨﺎ ﻓﻴﺼﻞ ﺍﻟﻠﻲ ﺻﺎﺭ ﺑﺤﺴﺒﻪ
ﻭﺍﺣﺪ ﻣﻦ ﻋﻴـﺎﻟﻲ .. ( ﺗﻨﺎﻇﺮ ﻓﺎﺗﻦ ) ﻭﺣﺘﻰ ﺑﻨﺘﺞ .. ﺍﻟﻠﻲ ﺗﻮﻧﻲ ﺍﻟﻴﻮﻡ
ﺍﻻﻗﻴﻬﺎ ﻣﻦ ﺗﺰﻭﺟﻬﺎ ﻣﺴـﺎﻋﺪ .. ﻣﻠﻜﺖ ﻓﻲ ﻗﻠﺒﻲ ﻗﻄﻌﺔ .. ﻣﺎﻇﻨﺘﻲ
ﺑﻴﻮﻡ ﺣﺪ ﻳﻤﻜﻦ ﻳﺸﺎﺭﻛﻬﺎ ﻓﻴﻬﺎ .. ﻏﻼﻫﺎ ﺻﺎﺭ ﻣﻦ ﻏﻼ ﻭﻟﺪﻱ .. ﻭﻣﺮﻳﻢ
.. ﻣﺎﻇﻨﺘﻲ ﺑﻴﻮﻡ ﺗﻼﻗﻲ ﻭﺍﺣﺪ ﺑﺰﻳﻦ ﻭﻟﺪﺝ ﻭﻃﻴﺒﺔ ﺍﺧﻼﻗﻪ ﻭﺳﺎﺳﻪ ..
ﻭﺍﺣﻨﺎ ﻣﺜﻠﻜﻢ ﺗﺮﻯ .. ﺍﻟﻘﺮﻳﺐ ﺍﻭﻟﻰ ﻋﻠﻴﻨﺎ ﻣﻦ ﺍﻟﻐﺮﻳﺐ .. ﻭﺣﺘﻰ ﻟﻮ ﺍﻛﻮ
ﺍﺣﺪ ﺍﺣﺴﻦ ﻣﻨﻜﻢ ﻫﻢ ﺍﺣﻨﺎ ﻣﺎ ﻧﺒﻴﻪ .. ﺑﺲ .. ﺍﻟﺸﻮﺭ ﻣﺎﻫﻮ ﺑﻴﺪﻱ ..
ﺍﻟﺒﻨﺖ ﻛﺎﻫﻲ ﺟﺪﺍﻣﺞ .. ﺣﻄﻲ ﻋﻴﻨﺞ ﺑﻌﻴﻨﻬﺎ ﻭﻗﻮﻟﻴﻠﻬﺎ ﻓﻲ ﻭﻳﻬﻬﺎ
ﻛﺎﺍﺵ ..
ﺍﻡ ﺟﺮﺍﺡ ﺍﻟﺨﺠﻮﻟﺔ : ﻳﺎﻡ ﻣﺴـﺎﻋﺪ ﻣﺎ ﻳﺼـﻴﺮ ﻧﺤﺮﺝ ﺍﻟﺒﻨﺖ
ﺍﻡ ﻣﺴﺎﻋﺪ : ﻫﺎﻭ؟؟ ﻣﻮ ﺍﻧﺘﻲ ﺍﻟﻠﻲ ﺗﺒﻴﻨﺎ ﻟﻮﻟﺪﺝ؟؟ ﺍﻧﺘﻲ ﻃﺎﻟﺒﺘﻬﺎ ﺍﻫﻲ
ﻣﻮ ﻃﺎﻟﺒﻨﺘﻲ ﺍﻧﺎ .. ﻣﻊ ﺍﻥ ﺟﺮﺍﺡ ﻣﺎ ﻳﻨﺮﻓﺾ ﻟﻜﻦ ﻣﺎ ﺑﻘﻰ ﺑﺎﻟﻌﻤـﺮ
ﻭﺍﻟﺤﺴﻦ ﻗﺪ ﺍﻟﻠﻲ ﻣﻀﻰ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻭﺍﻟﻜﻞ ﺿﺤﻚ ﻭﻳﺎﻫﺎ ..
ﻭﺗﺸﺠﻌﺖ ﺍﻡ ﺟﺮﺍﺡ ﻭﻧﺎﻇﺮﺕ ﻣﺮﻳﻢ ﺍﻟﻠﻲ ﻛﺎﻧﺖ ﺗﻨﺘﻔﺾ ﻭﺍﻟﺪﻟﻴﻞ ﻋﻠﻰ
ﻧﻔﻀﺘﻬﺎ .. ﻳﺪﻫﺎ .. : ﻳﻤﺔ ﻣﺮﻳﻢ . ﺳﻤﻌﺘﻴﻨﻲ ﺷﻘﻠﺖ ﻻﻣﺞ .. ﻭﺍﻧﺘﻲ ﺍﺩﺭﻯ
ﺑﻤﻌﺰﺓ ﻭﻟﺪﻱ ﺟﺮﺍﺡ ﻋﻠﻰ ﻗﻠﺒﻲ .. ﻭﺷﻠﻮﻥ ﺍﻧﻲ ﻻ ﺗﻤﻨﻴﺖ ﻟﻪ ﺍﻟﺤﺮﻣﺔ ..
ﻣﺎ ﺷﻔﺘﺞ ﺍﻻ ﺍﻧﺘﻲ ﺑﻌﻴﻮﻧﻲ .. ﺷﺮﺍﻳﺞ؟؟
ﺭﻓﻌﺖ ﻣﺮﻳﻢ ﻋﻴﻮﻧﻬﺎ ﺑﺜﻘﺔ .. ﻣﺴـﺘﻌﺪﺓ ﺍﻧﻬﺎ ﺗﻨﻄﻖ ﺑﺎﻟﺠﻮﺍﺏ ﺍﻟﻠﻲ ﻛﺎﻧﺖ
ﻣﻌﺪﺗﻪ ﻣﻦ ﻧﻌﻮﻣﺔ ﺍﻇﺎﻓﺮﻫﺎ .. ﻣﻦ ﺍﻭﻝ ﻣﺎ ﺍﻭﺗﻌﺖ ﻋﻠﻰ ﺟﺮﺍﺡ ..
ﻛﻮﺍﺣﺪ ﻏﺮﻳﺐ .. ﻣﻮ ﺍﻻﺧﻮ ﺍﻟﻠﻲ ﻣﺎ ﻳﺎﺑﺘﻪ ﺍﻣﻬﺎ .. : ﺍﻟﻠﻲ ﺗﺸـﻮﻓﻮﻧﻪ
ﺧﺎﻟﺘﻲ ..
ﺍﻡ ﺟﺮﺍﺡ ﻭﻫﻲ ﺗﻨﺎﻇﺮ ﺍﻡ ﻣﺴﺎﻋﺪ ﺑﻔﺮﺣﺔ .. : ﻳﺎ ﺑﻨﺘﻲ ﻫﺎﻟﺤﺠﻲ ﻣﺎ
ﻳﻨﻔﻊ ﺑﻬﺎﻟﺰﻣﻦ ﻋﻄﻴﻨﺎ ﺟﻮﺍﺏ ﺻﺮﻳﺢ ..
ﻣﺮﻳﻢ ﺍﻟﻠﻲ ﺣﺴﺖ ﺍﻧﻬﺎ ﺑﺘﻔﺼﺦ ﺍﻟﺤﻴـﺎ ﺧﻼﺹ ..: ﻳﻌﻨﻲ ﻋﺎﺩﻱ ﺍﻗﻮﻝ
ﻣﻮﺍﻓﻘﺔ؟
ﺍﻡ ﻣﺴـﺎﻋﺪ ﺗﻀﺤﻚ ﻭﺍﻡ ﺟﺮﺍﺡ ﺗﻜﻤﻞ ﻋﻠﻴﻬﺎ : ﺍﻱ ﻳﻤﺔ .. ﻣﺎ ﺑﺼﻴﺮ ﻓﻴﺞ
ﺷﻲ ﺗﺮﻯ ..
ﻣﺮﻳﻢ ﺗﺒﺘﺴﻢ ﺑﻔﺮﺡ ﻛﺒﻴﺮ : ﻣﻮﺍﻓﻘﺔ ﻋﻴﻞ ..
ﺿﺤﻚ ﺍﻟﻜﻞ ﻋﻠﻴﻬﺎ .. ﻭﻣﻦ ﺍﻟﻀﺤﻚ ﺑﺪﺕ ﺍﻟﺘﺒﺎﺭﻳﻚ ﻭﺍﻟﺘﻬﻨﺌﺔ ﻣﻦ ﺍﻟﻜﻞ
ﻟﺒﻌﻀﻬﻢ ﺍﻟﺒﻌﺾ .. ﺍﻻ ﻓﺎﺗﻦ ﺍﻟﻠﻲ ﻇﻠﺖ ﺗﺮﺍﻗﺐ ﻣﺮﻳﻢ ﻣﻦ ﺗﺤﺖ ﻭﻫﻲ
ﻓﺮﺣﺎﻧﺔ .. ﺗﺬﻛﺮﺕ ﻣﺎﺿﻴﻬﻢ ﺍﻟﻠﻲ ﻛﺎﻧﻮ ﻳﺨﻄﻄﻮﻥ ﻟﻪ ﺑﺤﺬﺍﻓﻴﺮﻩ ..
ﻭﺍﻻﺣﻼﻡ ﺍﻟﻠﻲ ﺗﻨﺮﺳﻢ ﻓﻲ ﺻﻔﺤﺎﺕ ﺍﻟﻬﻮﺍ .. ﺷﻠﻮﻥ ﺍﻧﻬﺎ ﺗﺮﺳﺒﺖ ..
ﻭﺗﻜﻮﻥ ﺍﺳﺎﺳﻬﺎ ﺍﻟﻴﻮﻡ .. ﺑﺤﺠﺮ ﺍﻟﺼﺒﺮ ﻭﺍﻻﻧﺘﻈﺎﺭ ﺍﻟﺤﻠﻮ ﻭﺍﻟﻤﻌﺬﺏ .
ﺗﻼﻗﺖ ﻋﻴﻮﻥ ﻣﺮﻳﻢ ﺑﻌﻴﻮﻥ ﻓﺎﺗﻦ .. ﺍﻟﻠﻲ ﻗﺎﻣﺖ ﻟﻬﺎ ﺑﻬﺪﻭﺀ .. ﻭﺿﻤﺘﻬﺎ
ﺑﻔﺮﺡ ﻛﺒﻴـﺮ .. ﺑﺎﺭﻛﺖ ﻟﻬﺎ ﺑﻬﺲ ﻓﻲ ﺍﺫﻧﻬﺎ .. ﻭﺭﺩﺕ ﻋﻠﻴﻬﺎ ﻣﺮﻳﻢ ﺍﻟﻤﺒﺎﺭﻙ
ﺑﻬﺪﻭﺀ .. ﻟﻜﻦ .. ﺍﻭﻝ ﻣﺎ ﺣﻄﺖ ﻣﺮﻳﻢ ﻋﻴﻮﻧﻬﺎ ﺑﻌﻴﻮﻥ ﻓﺎﺗﻦ .. ﺗﺼﺎﻋﺪﺕ
ﻓﻲ ﻧﻔﺴـﻬﺎ ﺍﻟﻤﺸﺎﻋﺮ ﺍﻟﺨﺎﻳﻔﺔ .. ﺷﻲ ﻓﻲ ﻋﻴﻮﻥ ﻓﺎﺗﻦ .. ﻗﻌﺮ ﻧﻈﺮﺗﻬﺎ
ﺍﻟﻌﻤﻴـﻘﺔ
ﺍﻟﻠﻲ ﺗﺘﻤﺘﻊ ﺑﻬﺎ ﺑﻌﻴﻮﻧﻬﺎ ﺍﻟﺸﻔﺎﻓﺔ .. ﺧﻼﻫﺎ ﺗﺤﺲ ﺑﺎﻟﺨﻮﻑ ﻋﻠﻴﻬﺎ ..
ﻓﺎﺷﺘﺪﺕ ﻳﺪ ﻣﺮﻳﻢ ﻋﻠﻰ ﻓﺎﺗﻦ ﺍﻟﻠﻲ ﻓﻬﻤﺘﻬﺎ ﺍﻻﺧﻴـﺮﺓ ﻋﻠﻰ ﺍﻧﻬﺎ ﺗﻨﺒﻴﻪ
ﺍﻭ ﻳﻤﻜﻦ ﺍﺳﺘﻐﺮﺍﺏ ﻟﺤﺎﻟﺔ ﺍﻟﺴﺮﺣﺎﻥ ﺍﻟﻠﻲ ﺗﻤﺮ ﻓﻴﻬﺎ .. ﻓﺒﺎﺩﻟﺘﻬﺎ
ﺍﺑﺘﺴﺎﻣﺔ ..
ﻭﻣﻦ ﻫﺎﻻﺑﺘﺴﺎﻣﺔ ﺭﺟﻌﻮﺍ ﻟﻠﺴﻮﺍﻟﻒ ﻭﻳﺎ ﺍﻟﺤﺮﻣـﺎﺕ ..
ﺍﻡ ﻣﺴـﺎﻋﺪ : ﺍﻟﺤﻴﻦ ﻣﻦ ﺻﻮﺑﻨﺎ ﺍﺣﻨﺎ ﻋﻄﻴﻨﺎﻛﻢ ﻣﻮﺍﻓﻘﺘﻨﺎ .. ﺍﻟﻠﺤﻴﻦ ﻣﺎ
ﺑﻘﺖ ﺍﻻ ﻛﻠﻤﺔ ﺍﺑﻮﻫﺎ ﻓﻲ ﻫﺎﻟﻤﻮﺿﻮﻉ ﻭﻳﺎ ﺍﺧﻮﺍﻧﻬﺎ ...
ﺍﻡ ﺟﺮﺍﺡ .. ﺍﻟﻠﻪ ﻳﺘﻤﻢ ﻋﻠﻰ ﺧﻴـﺮ ﻳﺎ ﺧﻮﻳﺘﻲ .. ﻭﺍﻟﻠﻲ ﻓﻴﻪ ﺍﻟﺨﻴـﺮ ﺭﺑﺞ
ﻳﺠﺪﻣﻪ ..
-----------
ﻋﻨﺪ ﺍﻟﺮﻳﺎﻳﻴﻞ ..
ﺍﺑﻮ ﻣﺴـﺎﻋﺪ ﻇﻞ ﺳﺎﻛﺖ ﻣﻦ ﺑﻌﺪ ﻣﺎ ﺧﻠـﺺ ﻟﺆﻱ . ﺍﻟﻠﻲ ﻛﺎﻥ ﺍﻟﻤﺘﺤﺪﺙ
ﺍﻟﺮﺳﻤﻲ ﻋﻦ ﺟﺮﺍﺡ .. ﻭﺟﺮﺍﺡ ﺑﻌﺪ ﺑﻴﻦ ﻟﻬﻢ ﺷﺨﺼﻪ ﺍﻟﻜﺒﻴﺮ ﻋﻠﻰ ﺍﻟﺮﻏﻢ
ﻣﻦ ﺻﻐﺮ ﺳﻨﻪ ..
ﺗﻢ ﺑﻮ ﻣﺴـﺎﻋﺪ ﻳﻨﺎﻇﺮ ﻭﻳﻬﻪ ﻭﻫﻮ ﻳﺪﻗﻖ ﻓﻴﻪ .. ﻭﻳﺘﺬﻛﺮ ﺍﺑﻮﻩ ﺍﻟﻠﻪ
ﻳﺮﺣﻤﻪ ﺑﺸﺒﺎﺏ .. ﻳﺘﻤﺘﻊ ﺟﺮﺍﺡ ﺑﺎﻟﺜﺒﺎﺕ ﻭﺍﻟﻬﺪﻭﺀ ﻓﻲ ﺍﻟﻜﻼﻡ ﻣﺜﻞ
ﺍﺑﻮﻩ .. ﻭﺍﻟﻠﻪ ﺯﻳﻦ ﺍﻧﻪ ﻟﻘﻰ ﻫﺎﻟﺸﻲ ﻓﻲ ﻭﻟﺪ ﺭﻳﺎﻝ ﻳﻌﺘﺰﻭﻥ ﺑﻤﻌﺮﻓﺘﻪ ..
ﺑﻮ ﻣـﺴـﺎﻋﺪ ﺍﻟﻠﻲ ﺗﻜﻠﻢ ﺑﻌﺪ ﻓﺘﺮﺓ ﻣﻦ ﺍﻟﺼﻤﺖ ﺍﻟﺜﻘﻴﻞ ﺷﻮﻱ ..: ﻭﺍﻟﻠﻪ
ﻳﺎﺑﻮﻙ .. ﺍﻟﻜﻠﻤﺔ ﺍﻻﺧﻴـﺮﺓ ﻣﺎﻫﻲ ﻟﻨﺎ .. ﺍﻟﺒﻨﺖ ﺍﻫﻲ ﺍﺩﺭﻯ ﺑﻤﺼﻠﺤﺘﻬﺎ ..
ﻭﺍﻧﺖ ﻣﻨﺖ ﺑﻮﺍﺣﺪ ﻏﺮﻳﺐ .. ﻳﻌﻨﻲ ﻧﻘﺪﺭ ﻧﺤﺼﻞ ﺍﺟﺎﺑﺘﻬﺎ ﺑﺴـﺮﻋﺔ ..
ﺑﺲ .. ﺍﻧﺎ ﻳﺎﺑﻮﻙ ﻋﻨﺪﻱ ﺷﻲ ﻭﺍﺣﺪ ﺍﺑﻲ ﺍﻗﻮﻟﻪ ﻟﻚ ... ﺍﻧﺖ ﻣﺴﺘﻌﻴﻞ
ﻋﻠﻰ ﻋﻤﺮﻙ ﺟﺬﻱ ﻟﻴﺶ؟؟ ﻳﺎﺑﻮﻙ ﺍﻟﺰﻭﺍﺝ ﻣﺎﻫﻮ ﻭﻧﺎﺳﺔ ﻣﺜﻞ ﻣﺎ ﺗﻈﻦ
ﻣﺴـﺎﻋﺪ ﻳﺘﺪﺍﺭﻙ ﺍﺑﻮﻭﻩ : ﻳﺒﺎ ...
ﺑﻮ ﻣﺴـﺎﻋﺪ ﻳﻨﺎﻇﺮ ﻭﻟﺪﻩ : ﻫﺎ؟؟ ﺷﻨﻮ ﻳﻮﺑﺎ .. ( ﻳﻄﺎﻟﻊ ﺟﺮﺍﺡ ﺍﻟﻤﻨﺪﻫﺶ
ﻭﻟﺆﻱ ﺍﻟﻠﻲ ﺣﺎﺑﺲ ﺍﻟﻀﺤﻜﺔ ) ﺍﻥ ﺟﺎﻥ ﻋﻠﺒﺎﻟﻚ ﺍﻟﺰﻭﺍﺝ ﻭﻧﺎﺳﺔ ..
ﻭﺍﻟﺤﺮﻣﺔ ﺑﺘﺘﻨﻈﺮﻙ
ﻣﺜﻞ ﺍﻣﻚ ﻭﺗﺤﻦ ﻋﻠﻴﻚ ﻣﺜﻠﻬﺎ ﻏﻠﻄﺎﻥ ﻳﺎﺑﻮﻙ .. ﻭﺍﻧﺘﺒﻌﺪﻙ ﺻﻐﻴـﺮ ..
ﺷﻠﻚ ﺑﻌﻮﺍﺭ ﺍﻟﺮﺍﺱ ..
ﻣﺴـﺎﻋﺪ ﻳﻬﺰ ﺭﺍﺳﻪ ﻣﻦ ﺍﺑﻮﻩ ﻭﻳﻜﻠﻢ ﺟﺮﺍﺡ ﺍﻟﻲ ﻛﺎﻥ ﺷﺒﻪ ﺍﻟﻀﺎﻳﻊ :.. ﻳﺎ
ﺟﺮﺍﺡ .. ﺍﻟﻠﻲ ﻗﺼﺪﻩ ﺍﺑﻮﻱ .. ﻭﻳﻤﻜﻦ ﺍﻫﻮ ﺍﻟﺸﻲ ﺍﻟﻠﻲ ﻣﺮ ﻓﻲ ﺑﺎﻟﻲ ﻳﻮﻡ
ﻗﺎﻝ ﻟﺆﻱ ﺍﻧﻚ ﺗﺒﻲ ﺗﺘﻘﺪﻡ ﻟﻤﺮﻳﻢ .. ﺍﻧﻚ ﺻﻐﻴـﺮ .. ﻭﻣﺮﻳﻢ ﺑﻌﺪ ﺻﻐﻴـﺮﺓ ..
ﺟﺮﺍﺡ ﻫﺰ ﺭﺍﺳﻪ ﺑﺘﻔﻬﻢ .. ﻭﺣﺲ ﻣﺴـﺎﻋﺪ ﺍﻧﻬﺎ ﺑﺪﺍﻳﺔ ﻟﺒﺎﺟﻲ ﻛﻼﻣﻪ :..
ﺟﺮﺍﺡ .. ﺍﻧﺖ ﺍﻭﻟﻰ ﻣﻦ ﺍﻱ ﻭﺍﺣﺪ ﺑﺎﺧﺘﻨﺎ .. ﺑﺲ ﺑﻌﺪ .. ﻣﺜﻞ ﻣﺎ ﻫﻲ
ﻏﺎﻟﻴﺔ ﺍﻧﺖ ﺑﻌﺪ ﻏﺎﻟﻲ .. ﻭﻣﺎ ﺍﺗﻤﻨﻰ ﻟﻚ ﺍﻧﻚ ﺗﺘﺴﺮﻉ ﺑﻬﺎﻟﺨﻄﻮﺓ .. ﺍﻧﺖ
ﺑﻌﺪ 22 ﺳﻨﺔ .. ﻭﺭﺍﻙ ﺣﻴـﺎﺓ ﻛﺎﻣﻠﺔ ﻭﻣﺴﺌﻮﻟﻴﺔ ﻛﺒﻴﺮﺓ .. ﺗﻈﻦ ﺍﻧﻚ ﻗﺎﺩﺭ
ﻋﻠﻰ ﻣﺴﺌﻮﻟﻴﺔ ﻳﺪﻳﺪﺓ ﺍﻟﺰﻭﺍﺝ ﻣﺎﻫﻮ ﺷﻲ ﺳﻬﻞ ..
ﻟﺆﻱ ﺗﻢ ﻳﻨﺎﻇﺮ ﻣﺴـﺎﻋﺪ ﺑﺎﻋﺠﺎﺏ . ﻭﻟﻜﻦ ﺑﻨﻔﺲ ﺍﻟﻮﻗﺖ .. ﺍﻫﻮ ﻳﻌﺮﻑ
ﺍﻥ ﺟﺮﺍﺡ ﻗﺪﻫﺎ ﻭﻗﺪﻭﺩ . ﻭﺗﺮﻙ ﺍﻟﻜﻼﻡ ﻟﺠﺮﺍﺡ ﺍﻟﻠﻲ ﻛﺎﻥ ﻣﺴﺘﻌﺪ
ﻟﻠﻜﻼﻡ ..
ﺟﺮﺍﺡ : ﺍﺗﻔﻬﻢ ﺧﻮﻓﻚ .. ﺍﻭ ﻳﻤﻜﻦ ﺗﺮﺩﺩﻙ ﻣﺴـﺎﻋﺪ .. ﻭﺍﻧﺖ ﺗﻌﺮﻑ ..
ﻭﺍﻛﺜﺮ ﻭﺍﺣﺪ ﻳﻤﻜﻦ ﺍﻧﺎ ﺷﻜﺜﺮ ﻧﻀﺠﺖ .. ﻭﻟﻮ ﻣﺎ ﺻﺎﺑﺘﻨﻲ ﻛﻞ ﺍﻟﻈﺮﻭﻑ
ﺍﻟﻠﻲ ﻣﻦ ﺳﻨﺔ ﺟﺎﻥ ﻣﺎ ﻋﻤﺮﻱ ﺍﻗﺪﻣﺖ ﻋﻠﻰ ﻫﺎﻟﺨﻄﻮﺓ .. ﺑﺲ .. ﺍﻧﺎ
ﻣﺜﻞ ﻣﺎ ﻗﻠﺖ .. ﻛﺒـﺮﺕ .. ﻭﻣﺤﺘـﺎﺝ ﻭﺍﻇﻦ ﺍﻧﻲ ﻗﺎﺩﺭ ﺍﻧﻲ ﺍﻛﻤﻞ
ﺣﻴـﺎﺗﻲ .. ﻭﺍﻛﻠﻠﻬﺎ ﺑﺒﻨﺖ ﻣﺜﻞ ﺍﺧﺘﻚ .. ﻭﺷﺎﻣﻠﻰ ﻋﻠﻰ ﺍﻟﺮﻳﺎﻝ ﺑﺤﻴﺎﺗﻪ
ﻏﻴﺮ ﺍﻟﺤﺮﻣﺔ ﺍﻟﺴﻨﻌﺔ ﺍﻟﻠﻲ ﺗﻜﻮﻥ ﻟﻪ ﻭﻗﺖ ﻣﺎ ﺑﻐﺎﻫﺎ .. ﻋﻤﻲ ﺑﻮ
ﻣﺴـﺎﻋﺪ ﺻﺢ ﻛﻼﻣﻪ ﺍﻥ ﺍﻟﺤﺮﻣﺔ ﻳﻤﻜﻦ ﻣﺎ ﺗﻜﻮﻥ ﺑﺤﻨﻴﺔ ﺍﻻﻡ ﻋﻠﻰ
ﻭﻟﺪﻫﺎ .. ﻟﻜﻦ ﺑﻌﺪ .. ﺍﻟﺤﺮﻣﺔ ﻣﻮﺟﻮﺩﺓ ﻟﺮﻳﻠﻬﺎ ﻓﻲ ﺍﻭﻗﺎﺕ ﺍﻻﻡ ﻣﺎ ﺗﻘﺪﺭ
ﺗﻜﻮﻥ ﻣﻮﺟﻮﺩﺓ ﻓﻴﻬﺎ .. ﻭﺍﻟﺤﺮﻣﺔ ﻟﻬﺎ ﻣﺸﺎﻋﺮ ﻭﺣﻨﻴﺔ ﺧﺎﺻﺔ ﻋﻠﻰ
ﺯﻭﺟﻬﺎ ﺍﺣﺴﻦ ﻣﻦ ﺍﻣﻪ .. ﻣﻊ ﺍﻥ ﻣﺎﻛﻮ ﻣﺜﻞ ﺍﻻﻡ .. ﺑﺲ ﻳﻮﻡ ﺍﻟﻠﻪ
ﺳﺒﺤﺎﻧﻪ ﻭﺗﻌﺎﻟﻰ ﺧﻠﻖ ﺍﻟﺤﺮﻣﺔ ﻭﺍﻻﻡ .. ﺧﻠﻖ ﻛﻞ ﻭﺣﺪﺓ ﻭﻟﻤﻬﻤﺘﻬﺎ ﻓﻲ
ﺣﻴﺎﺓ ﺍﻟﺮﻳﺎﻝ ...
ﺳﻜﺖ ﺟﺮﺍﺡ ﺷﻮﻱ ﻭﻫﻮ ﻳﺒﻠﻊ ﺭﻳﺠﻪ ﻭﻳﻼﺣﻆ ﻋﻴﻮﻥ ﻣﺴـﺎﻋﺪ
ﺍﻟﺠﺎﻣﺪﺓ .. ﻭﻟﻜﻦ ﺍﻟﺤﻴﺎﺓ ﺗﺪﺏ ﻓﻴﻬﺎ ﻣﻦ ﺟﻬﺔ ﺑﻌﻴـﺪﺓ .. ﻭﻛﺎﻥ ﺍﻟﻜﻼﻡ
ﺍﻟﻠﻲ ﻗﺎﻟﻪ ﻣﻘﻨﻊ .. ﻭﻛﻤﻞ ..
ﺟﺮﺍﺡ : ﻣﺴﺌﻮﻟﻴﺔ ﻳﺪﻳﺪﺓ .. ﺻﺢ .. ﻟﻜﻦ ﺭﺍﺡ ﺗـﻜﻮﻥ ﻣﺜﻞ ﺍﻱ ﻣﻬﻤﺔ ﺛﺎﻧﻴﺔ
ﺗﺘﺪﺍﺧﻞ ﻓﻲ ﺣﻴﺎﺗﻲ .. ﺍﻧﺎ ﻋﻄﻴﺖ ﺍﺧﺘﻲ ﻟﻜﻢ .. ﻭﻟﻜﻦ .. ﺣﺴﺖ ﺍﻥ
ﺍﻟﺒﻴﺖ ﻧﻘﺺ .. ﻭﻣﻦ ﻳﻤﻠﻲ ﻫﺎﻟﺒﻴﺖ ﻏﻴﺮ ﺣﺮﻣﺘﻲ ﺍﻟﻠﻲ ﺗﻨﺘﻈﺮﻫﺎ ﺍﻣﻲ
ﻣﻦ ﻳﻮﻡ ﻭﻟﺪﺗﻨﻲ ﻳﻤﻜﻦ ﻫﻬﻬﻬﻬﻬﻬﻬﻬﻬﻬﻬﻪ ..
ﺿﺤﻚ ﻟﺆﻱ ﻭﻣﺴـﺎﻋﺪ ﺍﺑﺘﺴﻢ ﺛﻐﺮﻩ ﺑﺜﻘﺔ .. ﻭﺷﻜﺜﺮ ﺗﻄﻤﻦ ﻗﻠﺒﻪ .. ﺍﻫﻮ
ﻛﺎﻥ ﻣﺴﺘﻌﺪ ﻟﻠﻤﻮﺍﻓﻘﺔ .. ﺑﺲ ﺣﺐ ﻳﺘﺄﻛﺪ ﻣﻦ ﻓﻜﺮ ﻭﻓﻬﻢ ﺟﺮﺍﺡ ﻟﻠﻲ
ﻳﺒﻲ ﻳﻘﺪﻡ ﻋﻠﻴﻪ .. ﻭﻣﺎ ﻛﺎﻥ ﻓﻲ ﻗﻠﺒﻪ ﺍﻱ ﺷﻚ ﺑﻬﺬﻳﺞ ﺍﻟﻠﺤﻈﺔ ﺍﻥ
ﺟﺮﺍﺡ ﻟﻤﺮﻳﻢ ﻭﻣﺮﻳﻢ ﻟﻪ ..
ﻟﺆﻱ : ﻳﺎﻟﻠﻪ ﻋﺎﺍﺍﺩ ﻳﺒﺴﺘﻮﺍ ﻗﻠﺐ ﺍﻟﺮﻳﻴﺎﻝ . ﺍﻧﺎ ﻋﻨﻲ ﻣﻮﺍﻓﻖ .. ﻭﺟﺮﺍﺡ
ﺍﻭﻟﻰ ﻣﻦ ﺍﻱ ﺍﺣﺪ ﺛﺎﻧﻲ ..
ﻣﺴـﺎﻋﺪ ﻳﺒﺘﺴﻢ ﻓﻲ ﻭﻳﻪ ﺟﺮﺍﺡ ﺍﻟﻮﺍﺛﻖ ..: ﻭﺍﻧﺎ ﺑﻌﺪ .. ﻣﺤﺪ ﺑﻴﻌﻘﻠﻬﺎ
ﻏﻴﺮ ﻫﺎﻟﻤﻨﻄﻖ ﺍﻟﺼﺮﻳﺢ ..
ﺑﻮ ﻣﺴـﺎﻋﺪ : ﺍﻧﺎ ﺑﻌﺪﻧﻲ ﻋﻠﻰ ﺭﺍﻳﻲ .. ﻳﺎﻭﻟﺪﻱ ﺷﻞ ﻗﺸﻚ ﻭﺷﻴﻞ ﺑﻌﻤﺮﻙ
ﺷﻠﻚ ﺑﺎﻟﺤﺮﻳﻢ .. ﺑﺲ ﺍﺫﺍ ﺗﺒﻲ ﺍﻟﺮﻳﻢ .. ﺗﺤﻤﻞ ﻳﻨﻮﻧﻬﺎ ..
ﺿﺤﻚ ﺍﻟﻜﻞ .. ﻭﺍﻋﺘﺒﺮﻭ ﻫﺬﺍ ﺍﻟﻘﺮﻳﻦ ﻻﻳﺖ .. ﻭﺗﻮﺟﻪ ﻟﺆﻱ ﺍﻟﻠﻲ ﻛﺎﻥ
ﻳﻄﺎﻟﺐ ﻣﺴـﺎﻋﺪ ﺑﻬﺎﻟﻤﻬﻤﺔ ﺍﻧﻪ ﻳﺮﻭﺡ ﻭﻳﺴﺄﻝ ﻣﺮﻳﻢ ﺭﺍﻳﻬﻬﺎ
ﺑﻬﺎﻟﻤﻮﺿﻮﻉ .. ﻭﻳﻮﻡ ﺗﻼﻗﻰ ﺑﻤﺮﻳﻢ ..
ﻣﺴﻜﻬﺎ ﻟﺆﻱ ﻣﻦ ﺫﺭﺍﻋﻬﺎ : ﻣﺮﻳﻮﻭﻭﻡ؟ .. ﺷﻮﻓﻲ ﻣﺎﻟﺞ ﺍﻻ ﺟﺮﺍﺣﻮﻭ ﻳﺎﻟﻠﻪ
ﻗﻮﻟﻲ ﺷﻘﻠﺘﻲ؟
ﻣﻴﻢ : ﺍﺍﺍﺍﺥ ﻻ ﺗﻌﻮﺭ ﻟﻲ ﻳﺪﻱ .. ﻭﺑﻌﺪﻳﻦ ﻫﺬﻱ ﺣﻴﺎﺗﻲ ﻣﻮ ﺣﻴﺎﺗﻚ ﺍﻧﺖ
ﻟﺆﻱ : ﺍﻧﺘﻲ ﺍﺻﻼ ﺗﺤﻠﻤﻴﻦ ﺑﻮﺍﺣﺪ ﻣﺜﻞ ﺟﺮﺍﺡ .. ﻳﺎﻟﻠﻪ ﺑﺴﺮﻋﺔ ﻗﻮﻟﻲ
ﺍﻱ ..
ﻣﺮﻳﻢ ﻭﻫﻲ ﺗﺘﻐﺸﻤﺮ : ﻻ ﺍﻧﺰﻳﻦ !!
ﻓﺞ ﻋﻴﻮﻧﻪ ﻟﺆﻱ : ﻳﺎﻟﺤﻤﺎﺭﺓ
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﻣﺎﻟﺖ ﻋﻠﻴﻚ .. ( ﺳﻜﺘﺖ .. ﻭﺑﺤﻴﺎ ..
ﻛﻤﻠﺖ ) ﻣﻮﺍﻓﻘﺔ .. ﻳﺎﻟﻠﻪ ﻭﺻﻞ ﻟﻬﻢ ﻫﺎﻟﺨﺒـﺮ ..
ﺍﺑﺘﺴﻢ ﻟﺆﻱ ﺑﻔﺮﺣﺔ ﻭﻃﻠﻊ ﻣﻦ ﻋﻨﺪﻫﺎ .. ﻭﺭﺩ ﻟﻬﺎ ﻣﺮﺓ ﺛﺎﻧﻴﺔ ﻭﺑﺎﺳﻬﺎ ﻋﻠﻰ
ﺟﺒﻴﻨﻬﺎ ﻭﻃﻠﻊ .. ﺭﺍﺡ ﻟﻠﺮﻳﺎﻳﻞ ﻭﺧﺒﺮﻫﻢ ﺑﺎﻟﺸﻲ ..
ﺍﻭﻝ ﺷﻲ .. ﻇﻞ ﺟﺮﺍﺡ ﺳﺎﻛﺖ ﻭﻳﺘﻈﺎﻫﺮ ﺑﺎﻟﺜﻘﻞ ﻟﻜﻦ ﻣﺎ ﻗﺪﺭ ﺍﻧﻪ
ﻳﺘﺤﺎﺷﻰ ﺍﻻﺑﺘﺴﺎﻣﺔ ﺍﻟﻌﻤﻴﻘﺔ ﺍﻟﻠﻲ ﻇﻬﺮﺕ ﻣﻦ ﻗﻠﺒﻪ ﺍﻟﻔﺮﺣﺎﻥ .. ﻭﻛﻞ
ﻣﺎ ﻇﻞ ﺍﻛﺜﺮ ﻭﻳﺎ ﻫﺎﻟﻨﺎﺱ ﺍﻟﻄﻴﺒﺔ ﺗﺰﻳﺪ ﻓﺮﺣﺘﻪ ﻭﺗﺰﻳﺪ ﺍﺑﺘﺴﺎﻣﺘﻪ
ﺍﺗﺴﺎﺍﺍﻉ ..
ﺑﻮ ﻣﺴـﺎﻋﺪ ..: ﻋﺎﺩ ﺍﻟﺤﻴﻦ ﻛﻞ ﺷﻲ ﻋﻠﻴﻜﻢ ﺍﻧﺘﻮ .. ﻣﺘﻰ ﺑﺘﻴﻮﻭﻭﻧﺎ ﻣﺮﺓ
ﺛﺎﻧﻴﺔ ﻋﺸﺎﻥ ﺗﺘﻔﻘﻮﻥ .. ﻭﺗﺰﻫﺒﻮﻥ ﻭﺗﺠﻬﺰﻭﻥ .. ﻭﺍﺣﻨﺎ ﻧﻘﻮﻝ ﻻﻫﻠﻨﺎ
ﻋﺸﺎﻥ ﻳﻨﺸﺮﻭﻥ ﺍﻟﺨﺒﺮ ﺑﻴﻨﻬﻢ .. ﻣﻊ ﺍﻥ ﻫﺬﻱ ﺍﺳﺮﻉ ﺧﻄﺒﺔ ﻣﺮﺕ
ﺑﺤﻴﺎﺗﻲ ﺑﺲ .. ﺧﻴﺮ ﺍﻟﺒﺮ ﻋﺎﺟﻠﻪ ﻳﺎﺑﻮﻙ ..
ﺟﺮﺍﺡ : ﺍﻟﺨﻴﺮ ﺑﻮﻳﻬﻚ ﻳﺎ ﻋﻤﻲ .. ﺑﺲ .. ﺍﻟﻠﻴﻠﺔ ﺑﻨﺨﻠﻲ ﺍﻻﺷﻴﺎﺀ ﻟﻬﻨﻲ ..
ﻭﻣﺮﺓ ﺛﺎﻧﻴﺔ ﺍﻥ ﺷﺎﺀ ﺍﻟﻠﻪ ﻧﺘﻔﻖ ﻭﻳﺎﻛﻢ ﻋﻠﻰ ﺯﻳﺎﺭﺓ ﺛﺎﻧﻴﺔ ﻭﻧﺘﻔﺎﻫﻢ ﻓﻲ
ﺍﻻﻣﻮﺭ ﺍﻟﺒﺎﺟﻴﺔ ..
ﻣﺴـﺎﻋﺪ : ﻣﺜﻞ ﻣﺎ ﺗﺸﻮﻑ .. ﻭﺍﻟﻲ ﻳﺮﻳﺤﻴﻜﻢ ﺳﻮﻭﻩ ..
ﺟﺮﺍﺡ : ﺍﻓﺎ ﻋﻠﻴﻚ . ﺍﻧﺘﻮ ﺍﻟﻠﻲ ﻳﺮﻳﺤﻴﻜﻢ .. ﺍﺣﻨﺎ ﺍﻟﺸﺮﺍﻳﺔ ..
ﻗﺎﻣﻮ ﺍﻟﺮﻳﺎﻳﻴﻞ ﻣﻦ ﺑﻌﺪ ﻫﺎﻟﻘﻌﺪﺓ .. ﻭﻫﻢ ﻳﻬﻨﻮﻥ ﺟﺮﺍﺡ .. ﻭﻳﺘﻤﻨﻮﻥ ﻟﻪ
ﻛﻞ ﺍﻟﺨﻴـﺮ .. ﻭﺑﻬﺎﻟﻠﺤﻈﺔ ﻣﺮ ﻃﻴﻒ ﺷﺨﺼﻴﻦ .. ﺍﻻﻭﻝ ﻣﻮ ﻣﻘﺪﺭ ﻋﻠﻴﻪ
ﺍﻧﻪ ﻳﻜﻮﻥ ﻣﻮﺟﻮﺩ .. ﻻﻧﻪ ﻣﺎﻫﻮ ﺑﻬﺎﻟﺪﻧﻴﺎ .. ﺍﺑﻮﻩ ﺍﻟﻠﻲ ﻛﺎﻥ ﻻﺯﻡ ﻳﻤﺴﻚ
ﺯﻣﺎﻡ ﺍﻣﻮﺭﻩ ﺑﻤﺜﻞ ﻫﺎﻟﻠﻴﻠﺔ .. ﻭﺷﻜﺜﺮ ﺗﻤﻨﻰ ﻭﺟﻮﺩﻩ ﻟﻜﻦ ﺑﻌﺪ . ﻛﺎﻥ ﺍﻫﻮ
ﻣﻮﺟﻮﺩ ..
ﻓﻲ ﺷﺨﺺ ﺟﺮﺍﺡ ﻣﻦ ﻏﻴﺮ ﻣﺎ ﻳﺪﺭﻱ .. ﻭﺍﻟﺜﺎﻧﻲ ﻛﺎﻥ ﺧﺎﻟﺪ .. ﺍﻟﻠﻲ ﻣﺎ
ﻛﺎﻥ ﻓﻲ ﺍﻟﺒﻴﺖ .. ﻭﺍﻟﻠﻪ ﺍﻟﻌﺎﻟﻢ ﺑﺎﻱ ﺑﻘﻌﺔ ﻗﺎﻋﺪ .. ﻭﻭﻳﻦ ﻻﻭﻱ ﺑﻌﻤﺮﻩ ..
ﺣﺲ ﻟﻔﺮﺍﻍ ﻭﺟﻮﺩﻩ .. ﻭﺗﻨﻬﺪ .. ﺍﻟﻠﻪ ﻳﺮﺩﻙ ﻟﻬﺎﻟﺪﻧﻴﺎ ﻳﺎ ﺧﺎﻟﺪ ﺑﺨﻴـﺮ
ﻭﺳﻼﻣﺔ .. ﻻﻧﻚ ﺑﺼﺮﺍﺣﺔ .. ﻭﺣﺸﺘﻨﻲ .
------------------
ﻣﻨـﺎﻳﺮ ﻛﺎﻧﺖ ﺗﻮﻫﺎ ﺭﺍﺩﺓ ﺍﻟﺒﻴﺖ ﻣﻦ ﺑﻴﺖ ﺳﻤـﺎﻫﺮ .. ﺗﻤﺸﻲ ﺑﻬﺪﻭﺀ ﻓﻲ
ﺍﻟﺸﺎﺭﻉ ﻭﻫﻲ ﺗﻔﻜﺮ ﺑﺂﻻﻑ ﺍﻻﺷﻴﺎﺀ ﻓﻲ ﺑﺎﻟﻬﺎ .. ﻣﻦ ﻫﺎﻻﺷﻴـﺎﺀ .. ﺳﻤﺎﺀ
ﻭﺍﺧﻮﻫﺎ .. ﻭﺍﻟﺴـﺮ ﺍﻟﻜﺒﻴـﺮ ﺍﻟﻠﻲ ﻗﺪﺭﺕ ﺗﻜﺸﻒ ﻣﻨﻪ ﺑﻌﺾ ﺍﻻﺷﻴـﺎﺀ ..
ﺑﻮﺍﺳﻄﻪ ﻓﻜﺮﻫﺎ ﻭﺍﻟﺴﺎﻟﻔﺔ ﺍﻟﻲ ﻣﺎ ﻳﺒﻴﻠﻬﺎ ﺍﻡ ﻭﺍﺑﻮ ﻗﺪﺭﺕ ﻣﻨﺎﻳﺮ ﺗﻔﻬﻢ
ﺍﻥ ﻣﺸﻌﻞ ﻳﻜﻦ ﻣﺸﺎﻋﺮ ﺧﺎﺻﺔ ﻟﻔﺎﺗﻦ ﺍﺧﺘﻬﺎ . ﻭﺍﺣﺘﻔﺎﻇﻪ ﻟﺼﻮﺭﺓ ﻓﺎﺗﻦ
ﻓﻲ ﻏﺮﻓﺘﻪ ﺩﻟﻴﻞ ﻋﻠﻰ ﻫﺎﻟﺸﻲ ... ﻭﻟﻜﻦ ﻓﻲ ﻋﻴﻮﻥ ﻣﺸﻌﻞ ﺑﺎﻟﻔﺘﺮﺓ
ﺍﻻﺧﻴـﺮﺓ ﺟﻨﻮﻥ ﻣﺎ ﺗﻈﻦ ﺍﻧﻬﻢ ﻳﻘﺪﺭﻭﻥ ﻳﺘﺤﺎﺷﻮﻭﻧﻪ .. ﻭﺑﺴﺒﺐ
ﻫﺎﻟﺠﻨﻮﻥ ﺭﺍﺡ ﻳﻜﻮﻧﻮﻥ ﻣﺘﺄﻟﻤﻴﻦ ﺟﻤﻴـﻊ .. ﻟﻜﻦ ﺷﻠﻲ ﻳﻤﻜﻦ ﻳﺴﻮﻳﻪ
ﻟﻔﺎﺗﻦ ﻭﻳﺴﺒﺐ ﻟﻬﺎ ﻛﻞ ﻫـﺬﺍ ..
ﺍﻭﻝ ﻟﻔﺔ ﻋﻠﻰ ﺍﻟﺒﻴﺖ .. ﻟﻘﺖ ﺗﺎﻛﺴﻲ ﻭﺍﻗﻒ ﻋﻨﺪ ﺑﻴﺖ ﺍﻟﻨﻬﻴﺪﻱ ﻳﻨﺰﻝ
ﺍﻏﺮﺍﺽ ﻣﺸـﻌﻞ .. ﺍﻟﻠﻲ ﻛﺎﻥ ﻭﺍﻗﻒ ﻭﻫﻮ ﻻﺑﺲ ﻗﺤﻔﻴﺔ ﺳﻮﺩﺍ ﻋﻠﻰ
ﺭﺍﺳﻪ ... ﺭﻓﻌﺖ
ﻣﻨﺎﻳﺮ ﺣﺎﺟﺒﻴﻨﻬﺎ ﺑﻌﺠﺐ .. ﻣﺴﺮﻉ ﻣﺎ ﺭﺍﺡ ﻭﺭﺩ .. ﺍﻛﻴﺪ ﺧﻠﺺ ﺍﻣﻮﺭ
ﺳﻤﺎﺀ .. ﻭﺭﻣﺎﻫﺎ ﺑﺎﻟﺴﺠﻦ ﺍﻟﻠﻲ ﺧﻄﻂ ﻟﻪ ﺍﻫﻮ ﻭﺍﻣﻪ ﻟﻬﺎ .. ﻭﺍﻫﻲ
ﺗﺘﺤﺎﺷﺎﻩ ﻣﺸﺖ ﻋﻠﻰ ﺍﻟﺮﺻﻴﻒ ﺍﻟﻠﻲ ﻳﺆﺩﻱ ﻟﺒﻴﺘﻬﺎ ..
ﻟﻜﻦ ﻭﻳﻦ ﻋﻌﻦ ﻋﻴﻮﻥ ﻣﺸﻌﻞ ﺍﻟﻠﻲ ﻣﻦ ﺷﺎﻓﻬﺎ ﺳﻜﻨﺖ ﺣﺮﻛﺘﻪ .. ﺗﺤﺮﻙ
ﺍﻟﺘﻜﺴﻲ ﻣﻦ ﻋﻨﺪﻩ ﻭﺭﺍﺡ ﻭﻫﻮ ﻇﻞ ﻭﺍﻗﻒ ﻣﻜﺎﻧﻪ ﻳﺮﺍﻗﺐ ﻣﻨﺎﻳﺮ
ﺍﻟﻤﺘﺠﺎﻫﻠﺔ ﻟﻪ .. ﻋﻄﺘﻪ ﻇﻬﺮﻩ ﻭﻓﺘﺤﺖ ﻗﻔﻞ ﺑﺎﺏ ﺍﻟﺒﻴﺖ ﻭﺗﻮﻫﺎ
ﺑﺘﺴﻜﺮﻩ ﻧﺎﺩﺍﻫﺎ ..
ﺗﺠﺎﻫﻠﺘﻪ ﻣﻨﺎﻳﺮ ﻭﺑﺴﺮﻋﺔ ﻭﺧﻮﻑ ﻣﺪﺕ ﻳﺪﻫﺎ ﻟﻠﻘﻔﻞ ﻋﺸﺎﻥ ﺗﺴﻜـﺮﻩ ..
ﻭﻫﻮ ﻳﺘﺠﺪﻡ ﺻﻮﺑﻬﺎ ﺧﻄﻮﺓ ﻭﺭﻯ ﺍﻟﺜﺎﻧﻴﺔ .. ﻭﻫﻲ ﺗﺤﺎﻭﻝ ﺗﺴﻜﺮ ﺍﻟﺒﺎﺏ
ﻭﻣﺎ ﺗﻘﺪﺭ
ﺑﺴﺒﺐ ﺍﻟﺘﻮﺗﺮ ﺍﻟﻲ ﺷﻞ ﺍﺻﺎﺑﻌﻬﺎ ﻛﻠﻬﺎ .. ﻟﻤﻦ ﺍﺧﻴـﺮﺍ ﻗﺪﺭﺕ ﺗﺴﻜﺮ ﺍﻟﻘﻔﻞ
ﻭﺗﺒﻌﺪ ﻳﺪﻳﻨﻬﺎ ﺑﻌﻴﺪ ﻋﻨﻪ ﺑﻘﺮﺑﻪ ﻣﻨﻬﺎ ..
ﺗﺮﺍﺟﻌﺖ ﺟﻢ ﺧﻄﻮﺓ ﻭﻫﻲ ﺗﺮﻣﻴﻪ ﺑﻨﻈﺮﺍﺕ ﺧﺎﺋﻔﺔ ﻭﻟﻜﻦ ﻣﺘﺤﺪﻳﺔ ..
ﻭﻫﻮ ﻳﺒﺎﺩﻟﻬﺎ ﺍﺑﺘﺴﺎﻣﺔ ﺷﺮﻳﺮﺓ ﻭﻟﻤﻌﺔ ﺑﺎﻟﻌﻴﻦ ..
ﻣﺸـﻌﻞ : ﻋﻼﻣﺞ؟؟؟ ﺍﻟﻠﻲ ﻳﺸﻮﻓﺞ ﻳﻘﻮﻝ ﺧﺎﻳﻔﺔ ﻣﻨﻲ؟؟
ﻣﻨـﺎﻳﺮ ﻭﻫﻲ ﺗﺮﻓﻊ ﺧﺸﻤﻬﺎ ﺑﻮﻳﻬﻬﺎ ..: ﺍﻧﺎ ﻣﺎ ﺧﺎﻑ ﺍﻻ ﻣﻦ ﺭﺑﻲ .. ﻭﻣﻮ
ﺍﻧﺖ ﺍﻟﻠﻲ ﺑﺨﺎﻑ ﻣﻨﻪ .. ﻟﻮ ﻓﻜﺮﺕ ﺍﺧﺎﻑ ﻣﻦ ﺍﻟﺒﺸﺮ ..
ﻣﺸﻌﻞ ﻳﺒﺘﺴﻢ : ﻓﻜﺮﻱ ﺯﻳﻦ .. ﻳﻤﻜﻦ ﺍﻧﺎ ﺍﻟﺸﺨﺺ ﺍﻟﻤﻨﺎﺳﺐ ﺗﻤﺎﻣﺎ
ﻟﻬﺎﻟﺨﻮﻑ ..
ﻣﻨﺎﻳﺮ : ﺷﺘﺒﻲ؟؟
ﻣﺸﻌﻞ : ﻭﻻ ﺷﻲ .. ﺑﺲ ﻛﻨﺖ ﺍﺑﻲ ﺍﺷﻮﻑ ﻭﻳﻬﺞ ... ﻛﻨﺘﻲ ﻫﺬﺍﻙ
ﺍﻟﻴﻮﻡ ﻣﻠﻴﺎﻧﺔ ﻏﻤﻮﺽ ﻳﻮﻡ ﺷﻔﺘﺞ ﺑﺎﻟﺪﺭﻳﺸﺔ .. ﺣﺘﻰ ﺍﻧﻲ ﺍﺳﺘﻌﺠﺒﺖ ..
ﺳﻜﺘﺖ ﻣﻨﺎﻳﺮ .. ﻭﺍﺣﺘﺎﺭﺕ .. ﻳﻌﻨﻲ ﺍﻫﻮ ﻣﺎ ﻋﺮﻑ ﺍﻧﻬﺎ ﻛﺎﻧﺖ ﺑﺪﺍﺭﻩ ..
ﻭﻻ ﻳﺴﺘﻌﺒﻂ ﻋﻠﻴﻬﺎ ﻋﺸﺎﻥ ﻳﺨﻠﻴﻬﺎ ﺍﻫﻲ ﺍﻟﻠﻲ ﺗﻌﺘﺮﻑ .. ﺑﻌﺪﻙ ..
ﻣﺸـﻌﻞ ..: ﺗﺮﻯ ﺍﻟﺼﻮﺭﺓ ﺍﻟﻠﻲ ﺧﺬﺗﻴﻬﺎ ﻋﻨﺪﻱ ﻧﺴﺦ ﻭﺍﻳﺪ ﻣﻨﻬﺎ .. ﻓﺎﺗﺞ
ﻗﺒﻞ ﺍﻟﻴﻮﻡ ﺍﻟﻠﻲ ﺩﺧﻠﺘﻲ ﻓﻴﻪ ﺍﻟﺪﺍﺭ .. ﻛﺎﻧﺖ ﻣﻨﺘﺸﺮﺓ ﻋﻠﻰ ﻃﻮﻝ
ﺍﻟﺠﺪﺍﺭ .. ﻳﺎﺭﻳﺘﺞ ﻟﻮ ﺷﻔﺘﻴﻬﺎ ( ﺍﺑﺘﺴﺎﻣﺔ ﻣﺠﻨﻮﻧﺔ ﺗﻌﻠﻮﻭ ﺛﻤﻪ ) ﺳﻤﺎﺀ
ﻳﻮﻡ ﺷﺎﻓﺘﻬﺎ ﻛﺎﻧﺖ ﻋﻠﻰ ﻭﺷﻚ ﺍﻧﻬﺎ ﺗﻤﻮﺕ .. ﻟﻮ ﺍﻧﺘﻲ ﺷﻔﺘﻴﻬﺎ ﺷﺼﺎﺭ
ﻓﻴﺞ؟
ﻓﺠﺖ ﻋﻴﻮﻧﻬﺎ ﻣﻨﺎﻳﺮ ﺑﺨﻮﻑ :. ﺍﻧﺖ ﻣﻴﻨﻮﻥ ... ﺍﻧﺖ ﺷﺘﺒﻲ ﻣﻦ
ﺍﺧﺘﻲ؟؟؟
ﻣﺸـﻌﻞ ﻳﺘﺜﺎﻭﺏ : ﺗﺪﺭﻳﻦ .. ﻭﻻ ﺷﻲ .. ﻣﺎﺑﻲ ﻣﻨﻬﺎ .. ﻛﻨﺖ ﻗﺒﻞ ﺍﺑﻲ
ﻭﺍﺑﻲ ﻭﺍﺑﻲ .. ﺍﻛﺘﺸﻔﺖ ﺍﻧﻬﺎ ﻣﻮ ﺃﻫﻞ ﻟﻤﺘﻄﻠﺒﺎﺗﻲ .. (ﻳﻄﺎﻟﻌﻬﺎ ﺑﻨﻈﺮﺓ
ﺧﺒﻴﺜﺔ ) ﺧﺼﻮﺻﺎ ﻳﻮﻡ ﺻﺎﺭ ﻟﻬﺎ ﻗﺮﻳﻨﺔ .. ﻣﺜﻠﺞ ﺍﻧﺘﻲ ..
ﻣﻨـﺎﻳﺮ ﺗﻬﺰ ﺭﺍﺳﻬﺎ ﻓﻲ ﻭﻳﻬﻪ ﻭﺑﺎﺳﻒ : ﺍﺫﻛﺮ ﺭﺑﻚ ﻭﺗﻌﻮﺫ ﻣﻦ ﺑﻠﻴﺲ ..
ﻣﺎ ﺑﻴﻔﻴﺪﻙ ﺷﻲ ﻣﻦ ﺍﻟﻠﻲ ﺗﺴﻮﻳﻪ .. ﺍﻧﺖ ﺷﺒﺘﺴﺘﻔﻴﺪ ﻳﻮﻡ ﺍﻧﻚ ﺗﺸﻮﻩ
ﺣﻴﺎﺓ ﺍﺧﺘﻲ ...؟؟؟ ﺍﻧﺎ ﻣﺎﺩﺭﻱ ﺷﺼﺎﺭ ﺑﻴﻨﻚ ﻭﺑﻴﻨﻬﺎ ﺑﺎﻟﻀﺒﻂ .. ﺑﺲ ﺍﻟﻠﻲ
ﺍﺑﻴﻚ ﺗﻌﺮﻓﻪ ﺍﻧﻬﺎ ﻋﺎﻧﺖ ﻭﺍﻳﺪ ... ﻭﻳﻜﻔﻴﻬﺎ ﺍﻟﻠﻲ ﺷﺎﻓﺘﻪ
ﻣﺸـﻌﻞ : ﻣﻮ ﻗﺪ ﻣﺎ ﻋﺎﻧﻴﺖ ﺍﻧﺎ ... ﻣﻮ ﻗﺪ ﻣﺎ ﺍﺣﺘﺮﻗﺖ ﻣﻜﺎﻧﻲ ﻭﻣﺎ
ﻛﺎﻥ ﻟﻲ ﺍﻟﻤﺎﻱ ﺍﻟﻠﻲ ﺗﻄﻔﻲ ﺍﻟﻠﻲ ﻓﻴﻨﻲ .. ﻋﻠﻰ ﺍﻟﻌﻤﻮﻭﻭﻭﻭﻭﻭﻭﻡ
ﻫﺎﻟﺤﺠﻲ ﻛﻠﻪ ﻣﺎﻟﻪ ﺩﺍﻋﻲ .. ﻻﻥ ﺍﻟﻔﺎﺱ ﻭﻗﻊ ﺑﺎﻟﺮﺍﺱ . ﻭﻣﺎ ﺑﺎﻗﻲ ﺍﻻ
ﻛﺸﻒ ﺍﻟﺠﺮﻭﻭﺡ .. ﻋﺸﺎﻥ ﺗﺴﻴﻞ ﺍﻟﺪﻣﺎﺀ .. ﻳﺎﻟﻠﻪ ﻳﺎ ﺍﻛﺒﺮ ﻣﺘﻠﺼﺼﺔ
ﺑﻬﺎﻟﺪﻧﻴﺎ .. ﻗﺪﺭﺗﻲ ﺗﻮﺻﻠﻲ ﻟﻲ ﻓﻲ ﺍﻛﺜﺮ ﺍﻻﻣﺎﻛﻦ ﺧﺼﻮﺻﻴﺔ .. ﺣﻠﻲ ﻟﻲ
ﻫﺎﻟﻠﻐﺰ ... ﻭﺍﺣﺪ ﻳﺤﺐ ﻭﺣﺪﺓ ﻣﻦ ﺯﻣﻦ .. ﻭﺗﻤﻮﺕ ﻫﺎﻟﻮﺣﺪﺓ .. ﻭﻓﻲ
ﻣﻮﺗﻬﺎ ﺗﻨﻮﻟﺪ ﺷﺒﻴﻬﻪ ﻟﻬﺎ .. ﻭﻳﻘﺮﺭ ﻫﺎﻟﻮﺍﺣﺪ ﺍﻧﻪ ﻳﻤﺘﻠﻚ ﻫﺎﻟﺸﺒﻴﻬﺔ ﻻﻧﻪ
ﻳﺸﻮﻑ ﺍﻟﻠﻲ ﻣﺎﺗﺖ ﻓﻴﻬﺎ .. ﺷﺮﺍﻳﺞ ﺍﻧﺘﻲ ﻓﻴﻪ ﺍﻟﺸﺨﺺ؟؟ ﻭﺷﺮﺩﺓ ﻓﻌﻞ
ﺍﻟﺸﺒﻴﻬﺔ ﻣﻦ ﻫﺎﻻﻣﺘﻼﻙ ﻟﻬﺎ .. ؟؟ ﺗﻈﻨﻴﻦ ﺍﻧﻬﺎ ﺭﺍﺡ ﺗﺴﺎﻣﺢ؟؟ ﻭﻻ ﺭﺍﺡ
ﺗﺮﻓﺾ ﻭﺗﺒﺘﻌﺪ ... ﺍﺗﺼﺒﺤﻴﻦ ﻋﻠﻰ ﺧﻴـــﺮ ..
ﻣﺎ ﻟﻒ ﻋﻦ ﻭﻳﻬﻬﺎ .. ﻭﻇﻞ ﻳﺮﺍﻗﺐ ﻣﻼﻣﺤﻬﺎ ﺍﻟﻤﺮﺗﻌﺒﺔ ﺑﺤﺬﺭ .. ﻳﺤﻔﻆ
ﻛﻞ ﺗﻘﺎﺳﻴﻢ ﻭﻳﻬﻬﺎ ﻋﺸﺎﻥ ﻳﺘﺎﻛﺪ ﻣﻦ ﺍﺛﺮﻩ ﻋﻠﻴﻬﺎ .. ﺍﻣﺎ ﻣﻨﺎﻳﺮ ﺍﻟﻠﻲ ﻣﻦ
ﺍﺑﺘﻌﺪ ﻋﻨﻬﺎ ﻣﺸﻌﻞ ﺗﺤﺮﻛﺖ ﺩﺍﺧﻞ ﺍﻟﺒﻴﺖ ﺑﺴـﺮﻋﺔ .. ﻭﻫﻲ ﻣﻮ
ﻣﺴﺘﻮﻋﺒﺔ ﺍﻟﻠﻲ ﻗﺎﻟﻪ ﻟﻬﺎ .. ﺍﻭﻝ ﻣﺎ ﻗﻌﺪﺕ ﺑﺎﻟﺼﺎﻟﺔ ﻭﻫﻲ ﺗﺴﺘﺮﺟﻊ
ﻧﻔﺴﻬﺎ ﺗﻤﺖ ﺗﺘﺬﻛﺮ ﺍﻟﻜﻼﻡ ﺍﻟﻠﻲ ﻗﺎﻟﻪ ... ﻭﺍﺣﺪ ﻭﻭﺣﺪﺓ ﻣﻴﺘﺔ .. ﺷﺒﻴﻬﺔ
ﻟﻠﻤﻴﺘﺔ ﻳﻤﺘﻠﻜﻬﺎ ﺍﻟﻮﺍﺣﺪ ﺑﺪﺍﻓﻊ ﺍﻟﺸﺒﻪ ﺑﺲ ... ﻳﺎﺭﺏ .. ﺷﻘﺼﺪﻩ
ﺑﻬﺎﻟﻜﻼﻡ .. ﻭﻣﻦ ﻫﺎﻟﺸﺒﻴﻬﻪ ﻭﻣﻦ ﻫﺎﻟﻠﻲ ﻳﺘﻜﻠﻢ ﻋﻨﻬﻢ ..
ﻣﺮﺕ ﻋﺎﻟﻴﺔ ﻋﻠﻰ ﺑﺎﻝ ﻣﻨﺎﻳﺮ ﺑﺴـﺮﻋﺔ ﺧﺎﻃﻔﺔ ﻭﺍﺧﺘﻔﺖ ﻣﺮﺓ ﺛﺎﻧﻴﺔ .. ﻣﺎ
ﺗﺬﻛﺮ ﺷﻜﻠﻬﺎ ﻟﻮ ﺷﻨﻮ ﺳﻮﻭﺕ .. ﻓﺎﻧﺘﻈﺮﺕ .. ﺍﻧﺘﻈﺮﺕ ﺍﻣﻬﺎ ﺍﻟﻠﻲ ﺑﺘﺮﺩ
ﺍﻟﺒﻴﺖ ﻋﺸﺎﻥ ﺗﻄﺎﻟﺒﻬﺎ ﺑﺼﻮﺭﺓ ﻟﻌﺎﻟﻴﺔ .. ﻛﻞ ﺷﻲ ﺭﺍﺡ ﻳﻨﻜﺸﻒ ﺍﻟﻴﻮﻡ ..
ﻣﺎ ﺭﺍﺡ ﺗﺘﺤﻤﻞ ﺍﻛﺜﺮ ﺍﻧﻬﺎ ﺗﻨﺘﻈﺮ .. ﻭﺗﻨﺘﻈﺮ ﻟﻤﻦ ﻳﻐﻴﺐ ﻋﻨﻬﺎ ﺍﻟﻜﻼﻡ ﺍﻟﻲ
ﻗﺎﻟﻪ ﻣﺸـﻌﻞ ﺍﻝ ..****
ﺍﻟﻔﺼﻞ ﺍﻟﺜﺎﻧﻲ
ﺍﻧﺘـﺸﺮ ﺍﻟﻨﻮﺭ ﻓﻲ ﻫﺬﻳﺞ ﺍﻟﺒﻘﻌﺔ ﺍﻟﻤﻈﻠﻤﺔ ﻷﻳـﺎﻡ .. ﺑﺼﺒﻌﻪ ﺍﻟﻠﻲ ﺳﺮﻋﺎﻥ
ﻣﺎ ﺍﻧﺴﻞ ﻣﻦ ﻣﻔﺘﺎﺡ ﺍﻟﻤﺼﺒﺎﺡ ﺍﻟﻰ ﺟﻴﺒﻪ .. ﻭﻗﻒ ﻭﻫﻮ ﻳﻨـﺎﻇﺮ ﺍﻟﻤﻜﺎﻥ
ﺍﻟﺨﺎﻟﻲ ﻣﻦ ﺍﻱ ﻣﻌﺎﻟﻢ ﺗﺨﺺ ﺳﻤـﺎﺀ .. ﻻ ﺻـﻮﺭ ﻭﻻ ﺍﻟﺤﺮﻛﺎﺕ ﺍﻟﻠﻲ
ﺩﺍﻳﻤﺎ ﺗﻌﻠﻘﻬﺎ .. ﻭﻳﻪ ﺑﺎﺳﻢ ﻭﻻ ﺗﻌﻠﻴﻘﺎﺕ ﻋﻠﻰ ﺍﻟﺠﺪﺍﺭ .. ﺍﻭ ﺣﺘﻰ ﻃﺎﻭﻟﺔ
ﺍﻟﺪﺭﺍﺳﺔ ﺍﻟﻠﻲ ﻛﺎﻧﺖ ﻣﻠﻴﺎﻧﺔ ﺑﺎﻏﺮﺍﺽ ﺑﻨﻮﺗﻴـﺔ .. ﻛﻠﻬﺎ ﺍﺧﺘﻔﺖ .. ﻛﻠﻬﺎ ..
ﺍﻻ ﺷﻲ ﻭﺍﺣﺪ .. ﺍﻟﺘﻔﺖ ﻟﻪ ﻭﺭﺍﺡ ﻟﻌﻨﺪﻩ ﺑﺴـﺮﻋﻪ .. ﻳﺒﻲ ﻳﻌـﺮﻑ
ﺷﻬﺎﻟﺸﻲ .. ﻭﻟﻘﺎﻩ ﺑﺮﻭﺍﺯ .. ﺭﻓﻌﻪ ﺑﻴﺪﻩ ﻭﻫﻮ ﻳﻨﺎﻇﺮ ﺑﺤﺎﺟﺐ ﻣﻌﻘﻮﺩ ..
ﻭﺷﺎﻓﻬﺎ ﺻـﻮﺭﺓ ﻟﺴﻤـﺎﺀ ﻭﻳﺎ ﺍﻟﻌﺎﺋﻠـﺔ ..
ﺍﻟﺼـﻮﺭﺓ ﻣﺎ ﻓﻴـﻬﺎ ﺷﻲ .. ﺃﻻ ﺍﻥ ﺍﻟﺼﺪﻉ ﺍﻭ ﺍﻟﺸﺮﺥ ﺍﻟﻠﻲ ﻛﺎﻥ ﻓﻲ ﻧﺺ
ﺍﻟﺠﺎﻣﺔ ﻫﻮ ﺍﻟﻠﻲ ﻇﻴﻖ ﺻﺪﺭ ﻣﺸـﻌﻞ .. ﺭﺩ ﺍﻟﺒﺮﻭﺍﺯ ﻣﻜـﺎﻧﻪ ﻭﻫﻮ ﻳﺘﻨﻬﺪ
ﻭﺭﻳﺤـﺔ ﺍﻟﻤﻜﺎﻥ ﺗﻌﺒﻖ ﺑﺎﻟﻌﻄـﺮ ﺍﻟﻴﺎﺳﻤﻴﻨﻲ ﺍﻟﻠﻲ ﺗﺴﺘﻌﻤﻠﻪ ﺳﻤـﺎﺀ
ﻛﻤﻠﻄﻒ ﻟﺸﻌﺮﻫﺎ ﺍﻟﻠﻲ ﺩﺍﻳﻤﺎ ﺗﻔﻮﺡ ﻣﻨﻪ ﻫﺎﻟﺮﻳﺤـﺔ ..
ﻗﻌﺪ ﻋﻠﻰ ﺍﻟﺴـﺮﻳﺮ ﻭﻫﻮ ﻣﺸـﻐﻮﻝ ﺍﻟﺒـﺎﻝ .. ﺍﻟﺘﺤﺪﻱ ﺻﺎﺭ ﻋﻠﻨﻲ ﻭﺭﺳﻤﻴـ
ﺑﻴﻨﻪ ﻭﺑﻴﻦ ﻣﻨـﺎﻳﺮ .. ﻣﺎ ﻳﺪﺭﻱ ﻟﻴﺶ ﻳﺘﻠﺬﺫ ﺑﺸﻮﻓﺘﻬﺎ ﺧﺎﻳـﻔﺔ ﻭﻻ
ﺣﺎﻳـﺮﺓ .. ﻳﻨﺘـﻈﺮ ﺣﻠـﻮﻟﻬﺎ ﺍﻭ ﺍﻛﺜﺮ ﺷﻲ ﻃﺮﻳﻘﺘﻬﺎ ﻓﻲ ﺣﻞ ﺍﻻﺷـﻴﺎﺀ ..
ﺍﻟﺠﺮﺃﺓ ﺍﻟﻠﻲ ﺗﺤﻤﻠﻬﺎ ﻓﻲ ﻧﻔﺴـﻬﺎ ﻭﺍﻟﻠﻲ ﺑﺘﻄﻴـﺤﻬﺎ ﻓﻲ ﻣﺸـﺎﻛﻞ ﺍﻫﻲ
ﺑﻐﻨﻰ ﻋﻨﻬﺎ ﺍﻫﻲ ﺟﻮﻫﺮ ﺍﻟﺠﻤـﺎﻝ ﻓﻲ ﻫﺎﻟﺘﻠﺬﺫ ..
ﺗﺬﻛﺮ ﺍﻟﺤﻮﺍﺭ ﺍﻟﻠﻲ ﺩﺍﺭ ﺑﻴﻨﺎﺗﻬﻢ ﻗﺒﻞ ﺷﻮﻱ ﻭﺗﺴﺎﺋﻞ ﻓﻲ ﺑﺎﻟﻪ ﺍﻥ ﺟﺎﻥ
ﺗﺴﺮﻉ ﺑﻬﺎﻟﺸﻲ .. ﻻ . ﻣﺎ ﺗﺴـﺮﻉ .. ﺍﻥ ﻳﻨﺸﺮ ﺍﻟﺸﻚ ﺑﻴﻦ ﺍﻟﻨﺎﺱ ﺍﻟﻠﻲ
ﺣﻮﺍﻟﻲ ﻓﺎﺗﻦ ﺍﻫﻲ ﺍﺣﻜﻢ ﺧﻄﻮﺓ ﻓﻲ ﻫﺎﻟﺨﻄـﺔ .. ﺍﻫﻮ ﺍﻭﻝ ﺷﻲ
ﺑﻴﺘﻌﺎﻣﻞ ﻭﻳﺎ ﺍﻟﻠﻲ ﺣﻮﺍﻟﻴﻬﺎ .. ﻋﺸﺎﻥ ﻻ ﻳﺎﺕ ﺗﻄﻠﺐ ﻣﻨﻬﻢ ﺍﻟﻨﻜﺮﺍﻥ ...
ﻣﺎ ﻳﻘﺪﺭﻭﻥ ﺍﻻ ﺍﻧﻬﻢ ﻳﻨﻜﺴﻮﻥ ﺍﻟﺮﺍﺱ ﻋﺎﺟﺰﻳﻦ ﻋﻦ ﺍﻧﻬﻢ ﻳﻨﻜﺮﻭﻭﻥ ..
ﻭﻳﻄﻴﺢ ﻛﻞ ﺷﻲ ﻋﻠﻰ ﺭﺍﺱ ﻣﺴـﺎﻋﺪ
ﺍﻫﻮ ﻧﻔﺴﻪ ﻳﻮﻡ ﻗﺎﻟﺖ ﻟﻪ ﻏﺼـﻮﻥ ﺍﻟﻠﻲ ﻗﻮﺕ ﻋﻼﻗﺘﻬﺎ ﺑﻪ ﻓﻲ ﺍﺧﺮ
ﻓﺘـﺮﺓ ﺷﻲ ﺧﻼﻩ ﻳﺴﺘﻮﻗﻒ ﻭﻳﻔﻜﺮ .. ﻗﺎﻟﺖ ﻟﻪ ﺍﻥ ﻣﺴـﺎﻋﺪ ﺍﻟﺪﺧﻴﻠﻲ
ﻛﺎﻥ ﻳﺤﺐ ﺑﻨﺖ ﺛﺎﻧﻴﺔ .. ﺑﻨﺖ ﺍﺳﻤﻬﺎ ﻋﺎﻟﻴﺔ ﻭﺣﻤﻞ ﺣﺒﻬﺎ ﻓﻲ ﻗﻠﺒﻪ
ﺣﺘﻰ ﺑﻌﺪ ﻭﻓﺎﺗﻬﺎ .. ﻭﻫﻮ ﺭﺑﻂ ﻓﻲ ﺑـﺎﻟﻪ ﺍﺷﻴﺎﺀ ﻣﺘﻌﺪﺩﺓ ﻣﻦ ﺗﻮﺍﺟﺪﻩ
ﻭﻳﺎ ﺟﺮﺍﺡ ﺍﻭ ﺣﺘـﻰ ﻓﺎﺗﻦ ﻧﻔﺴﻬﺎ ﺍﻥ ﻛﺎﻥ ﻓﻲ ﺑﻴﺘﻬﻢ ﺷﺨﺼﻴﺔ ﻣﺎ
ﻋﺎﺩﺕ ﻣﻮﺟﻮﺩﺓ ﺍﺳﻤﻬﺎ ﻋﺎﻟﻴــﺔ ..
ﺗﻮﻓﺖ ﻭﻫﻲ ﺻﻐﻴـﺮﺓ ﻣﻦ ﺍﻟﺴـﻞ .. ﻭﻳﺬﻛﺮ ﻣﺮﺓ ﺣﻮﺍﺭ ﺩﺍﺭ ﺑﻴﻨﻪ ﻭﺑﻴﻦ
ﺟﺮﺍﺡ ﺑـﺄﻭﻝ ﺍﻳﺎﻡ ﺭﺩﺗﻪ ﻟﻠﺒﺤﺮﻳﻦ ..
ﻛﺎﻧﻮ ﻗﺎﻋﺪﻳﻦ ﻭﻳﺎ ﺑﻌﺾ ﻓﻲ ﺍﻟﺪﻳﻮﺍﻧﻴﺔ ﺍﻟﻠﻲ ﻓﻲ ﺍﻟﺒﻴﺖ .. ﻭﺻﻮﺭﻫﻢ
ﺍﻟﻠﻲ ﻳﺸﺘﻬﺮﻭﻥ ﺑﻬﺎ ﻭﻫﻢ ﺻﻐـﺎﺭ ﻣﻨﺘﺸﺮﺓ ﻓﻲ ﺯﺍﻭﻳﺔ .. ﻭﺷﻠﻮﻥ ﺍﻧﻪ ﺭﻓﻊ
ﺑﺮﻭﺍﺯ ﻟﻮﺣﺪﺓ ﻭﺍﻗﻔﺔ ﻭﺟﻨﺒﻬﺎ ﺗﻘﺮﻳﺒﺎ ﻻﺯﻗﺔ ﻓﻴﻬﺎ ﺑﻨﺖ ﺻﻐﻴـﺮﺓ .. ﻭﻫﻲ
ﺑﻌﺪ ﻛﺎﻧﺖ ﻣﻼﻣﺤﻬﺎ ﻃﻔﻮﻟﻴﺔ ﻭﻟﻜﻦ ﻟﺒﻨﺖ ﻋﻤﺮﻫﺎ 15 ﺍﻭ 16 ﺳﻨـﺔ ..
ﻭﻛﺎﻥ ﻳﺪﻗﻖ ﻓﻲ ﻣﻼﻣﺤﻬﺎ ﻭﺗﺎﻛﺪ ﺍﻧﻪ ﻳﻌﺮﻓﻬﺎ ﺍﻟﻒ ﺑﺎﻻﻣﻴﺔ .. ﻭﻟﻜﻦ
ﻳﻤﻜﻦ ﺍﻧﻮﺧﺬﺕ ﻟﻬﺎ ﻭﻫﻲ ﺻﻐﻴـﺮﺓ .. ﺑﺲ ﺑﻌﺪ ﺷﻲ ﻏﺮﻳﺐ ﻓﻲ
ﺍﻟﺼـﻮﺭﺓ .. ﺍﻥ ﺍﻟﺒﻨﺖ ﺍﻟﺼﻐﻴـﺮﺓ ﺍﻟﺜﺎﻧﻴﺔ ﺑﻌﺪ ﺗﻤﺘﻠﻚ ﺍﻟﻤﻼﻣﺢ ﺍﻟﻤﺄﻟﻮﻓﺔ
ﻋﻦ ﺍﻟﺒﻨﺖ ﺍﻟﻜﺒﻴـﺮﺓ .. ﻭﻛﺄﻥ ﺍﻟﺜﻨﺘﻴﻦ ﻛﺎﻧﻮ ﻧﻔﺲ ﺍﻟﺸﺨﺺ ﻭﻟﻜﻦ
ﺑﺎﺧﺘﻼﻑ ﺍﻟﻌﻤـﺮ ﻭﺍﻟﺤﺠﻢ ..
ﺩﺧﻞ ﻋﻠﻴﻪ ﺟﺮﺍﺡ ﻭﻫﻮ ﺣﺎﻣﻞ ﺻﻴﻨﻴﺔ .. ﻭﻟﻘﺎﻩ ﻭﺍﻗﻒ ﻭﻫﻮ ﻳﻨﺎﻇﺮ
ﻓﻲ ﺍﻟﺒﺮﻭﺍﺯ ﻭﺭﺍﺡ ﻟﻌﻨﺪﻩ ﺑﻌﺪ ﻣﺎ ﺣﻂ ﺍﻟﻌﺼﻴﺮ ..
ﺟﺮﺍﺡ ﺑﺎﺳﺘﻐﺮﺍﺏ ..: ﺷﺘﻄﺎﻟﻊ؟؟
ﻣﺸـﻌﻞ ﻭﻫﻮ ﺗﻮﻩ ﺣﺎﺱ ﻟﺪﺧﻮﻝ ﺟﺮﺍﺡ : ﻫﺎ .. ﻻ ﻭﻻ . ﺷﻲ .. ﺑﺲ
ﻫﺎﻟﺼـﻮﺭﺓ ..
ﻭﺭﺩ ﺍﻟﺒﺮﻭﺍﺯ ﻣﻜﺎﻧﻪ
ﻣﺸـﻌﻞ : ﺍﺳﻒ ﻣﺎ ﻛﺎﻥ ﻗﺼﺪﻱ
ﺟﺮﺍﺡ : ﻻﺍﺍ ﺷﺪﻋﻮﺓ ﻳﺎ ﻣﻌﻮﻭﺩ .. ﺍﻻ ﺻﻮﺭﺓ ﻫﺬﻱ ( ﻭﻫﻮ ﺣﻤﻠﻬﺎ ﺑﺪﻭﺭﻫﺎ
ﻭﺗﻢ ﻳﻨﺎﻇﺮﻫﺎ ﺑﺎﺑﺘﺴﺎﻣﺔ ) ﻫﺬﻱ ﻋﻤﺘﻲ ﻋﺎﻟﻴـﺔ .. ﺗﻮﻓﻴﺖ ﻗﺒﻞ ﺟﻢ
ﺳﻨـﺔ .. ﻭﺗﺼﺪﻕ .. ﻣﺎ ﻧﺤﺴﻬﺎ ﻣﺘﻮﻓﻴﺔ ..
ﻣﺸﻌﻞ ﻭﻫﻮ ﻳﺘﺼﻨﻊ ﻋﺪﻡ ﺍﻻﻫﺘﻤﺎﻡ : ﻟﻴﺶ؟؟
ﺟﺮﺍﺡ : ﻻﻥ ﺭﺏ ﺍﻟﻌﺎﻟﻤﻴﻦ ﻋﻮﺿﻨﺎ ﻋﻨﻬﺎ ﺑﺎﺧﺘﻲ ﻓﺎﺗﻦ .. ﺳﺒﺤﺎﻥ ﺍﻟﻠﻪ
ﻳﺨﻠﻖ ﻣﻦ ﺍﻟﺸﺒﻪ ﺍﺭﺑﻌﻴﻦ .. ﺳﺎﻋﺎﺕ ﺍﺑﻮﻱ ﻣﺎ ﻳﻔﺮﻕ ﺑﻴﻨﻬﺎ ﻭﺑﻴﻦ ﻋﻤﺘﻲ
ﻭﻳﻨﺸﺪﻫﺎ
ﺑﺎﺳﻢ ﻋﺎﻟﻴﺔ ..
ﺑﻌﺪﻩ ﻣﺎ ﺍﻧﺘﻬﻰ ﻫﺎﻟﻜﻼﻡ ﻓﻲ ﺑﺎﻝ ﻣﺸﻌﻞ .. ﻇﻞ ﻳﻨﻌﺎﺩ ﻭﻳﺘﺮﺩﺩ .. ﻭﻟﻜﻦ
ﻫﺬﻳﺞ ﺍﻟﻔﺘﺮﺓ ﻛﺎﻥ ﻳﺘﻤﺤﻮﺭ ﻋﻠﻰ ﻓﺎﺗﻦ ﺑﺲ . ﻟﻜﻦ ﺍﻟﺤﻴﻦ ﺍﻟﻜﻼﻡ ﻫﺬﺍ ﻟﻪ
ﻓﺎﻳﺪﺓ ﺍﻛﺒﺮ .. ﻓﺎﻳﺪﺓ ﺍﻧﻪ ﻳﻜﻮﻥ ﺍﻭﻝ ﺍﻟﺰﻳﺖ ﺍﻟﻠﻲ ﺑﻴﻔﺞ ﺍﻟﻠﺤﺎﻡ ﺑﻴﻦ
ﻓﺎﺗﻦ ﻭﻣﺴـﺎﻋﺪ .. ﻭﻳﺤﻄﻜﻢ ﻏﺮﻭﺭ ﻣﺴـﺎﻋﺪ ﻣﺮﺓ ﻭﻟﻼﺑﺪ .. ﻭﻳﺮﻣﻲ ﻓﺎﺗﻦ
ﻓﻲ ﻣﺘﺎﻫﺎﺕ ﺍﻻﺣﺰﺍﻥ ﺍﻟﻠﻲ ﻣﺎ ﺭﺍﺡ ﺗﻨﻘﻀﻲ ﻣﻦ ﺣﻴﺎﺗﻬﺎ ﻟﻮ ﺗﻤﻨﺖ ﺣﺘﻰ
ﺍﻟﻤﻮﺕ ..
ﻳﻼﺣﻘﻬﺎ ﻓﻲ ﺍﺳﻮﺃ ﺍﺣﻼﻣﻬﺎ ﻭﺍﺣﻼﻫﺎ .. ﻣﺜﻞ ﻣﺎﺍﺍ ﻫﻮ ﺍﺿﻄﺮ ﺍﻧﻪ
ﻳﻌﻴﺶ ﻋﻠﻰ ﺳﺮﺍﺑﻬﺎ .. ﺍﻫﻲ ﺑﺘﻌﻴﺶ ﻋﻠﻰ ﺳﺮﺍﺏ ﺍﺣﻼﻣﻬﺎ ﺍﻟﻠﻲ ﻣﺎ ﻭﻻ
ﺭﺍﺡ ﺗﺘﺤﻘﻖ ..
ﻳﻘﻮﻟﻮﻥ .. ﻭﻣﺎ ﺍﻟﺤﺐ ﺍﻻ ﺍﻟﺤﺒﻴﺐ ﺍﻷﻭﻝ .. ﻟﻜﻦ ﻓﺎﺗﻦ ﺧﺎﻧﺖ ﺍﻟﻌﻬﺪ ..
ﻭﺧﺎﻧﺘﻨﻲ ﻭﺧﺎﻧﺖ ﺍﻟﻜﻞ ﺑﺘﻼﺣﻤﻬﺎ ﺍﻟﻌﺎﻃﻔﻲ ﻭﻳﺎ ﻣﺴـﺎﻋﺪ .. ﻭﺍﻧﺎ ﺍﻟﻠﻲ
ﻭﻓﻴﺖ ﻧﻔﺴﻲ ﻭﻭﻛﻠﺘﻬﺎ ﻟﻬﺎ ﺑﺲ .. ﻃﻌﻨﺘﻨﻲ ﻓﻲ ﻧﺒﺖ ﺣﺒﻲ ﻭﺗﺠﺎﻫﻠﺖ
ﻣﺸﺎﻋﺮﻱ ﻭﻣﻮﺩﺗﻲ .. ﻛﻞ ﺍﻟﻠﻲ ﻃﻠﺒﺘﻪ ﻓﻲ ﺣﻴﺎﺗﻲ ﺍﻧﻬﺎ ﺗﻜﻮﻥ ﻟﻲ ..
ﺣﺮﺍﻡ ﻫﺎﻟﺸﻲ؟ ﻭﻻ ﻣﻨﻜﺮ؟ ﺍﻫﻲ ﺍﻟﻠﻲ ﺟﺒﻨﺖ ﻭﻭﺍﻓﻘﺖ ﻋﻠﻰ ﺍﻟﺰﻭﺍﺝ
ﻭﺗﺨﻠﺖ ﻋﻨﻲ .. ﺍﻟﻠﻲ ﻳﺤﺐ ﻳﺼﺒﺮ ﻋﻠﻰ ﺿﻴﻢ ﺍﻟﻬﻮﺍ .. ﻭﻳﺘﻠﻘﻰ ﻣﻦ
ﺍﻟﺪﻧﻴﺎ ﻗﺪ ﻣﺎ ﻳﻘﺪﺭ ﻭﺍﻛﺜﺮ ﻻﻥ ﺍﻟﺤﺐ ﻋﺬﺍﺏ .. ﻋﻤﺮﻩ ﻣﺎ ﻛﺎﻥ ﺣﻠﻮ ﺍﻭ
ﺍﻣﺘﺎﻉ .. ﺍﻣﺘﺎﻉ ﻗﻠﻴﻞ ﻭﻋﺬﺍﺏ ﻛﺜﻴﺮ ..
ﻟﻜﻦ ﺍﻫﻲ ﺧﺬﺕ ﺍﻻﻣﺘﺎﻉ ﻛﻠﻪ ﻭﺍﻧﺎ ﻣﺎﻟﻘﻴﺖ ﺍﻻ ﺍﻟﻌﺬﺍﺏ ..
ﺣﺲ ﺑﺎﻟﻐﺮﺑـﺔ ﻋﻠﻰ ﺍﻟﺮﻏﻢ ﻣﻦ ﺍﻧﻪ ﻣﺮﺗﺎﺡ ﻟﻠﻲ ﻗﺎﻋﺪ ﻳﺼﻴﺮ .. ﺗﻘﺮﻳﺒﺎ ﻛﻞ
ﺷﻲ ﻳﻤﺸﻲ ﻓﻲ ﺩﻓﺘﻪ .. ﻟﻜﻦ ﻟﻴﺶ ﻫﺎﻟﻈﻴﺠﺔ ﺍﻟﻠﻲ ﻓﻲ ﺍﻟﺼﺪﺭ .. ﻭﻟﻴﺶ
ﻫﺎﻟﻤﺮﺍﺭﺓ ﺍﻟﻠﻲ ﻓﻲ ﺣﻠﻘﻪ ﺗﺴﺮﻱ ﻣﺜﻞ ﺍﻟﻌﻠﻘﻢ .. ﻛﻞ ﻫﺬﺍ ﻳﺎ ﻧﻔﺲ ﻻﻧﺞ
ﺗﺄﺑﻴﻦ ﺗﻌﺬﺑﻴﻦ ﻓﺎﺗﻦ .. ﻋﺬﺑﻴﻬﺎ ﻳﺎ ﻧﻔﺴﻲ ﻣﺜﻞ ﻣﺎ ﺗﻌﺬﺑﺘﻲ ﺑﺴﺒﺒﻬﺎ ..
ﻭﺍﺧﺮﺗﻬﺎ ﺻﻔﻴﺘﻲ ﻣﻜﺮﻭﻫﻪ ﻭﻓﻮﻕ ﻛﻞ ﻫﺬﺍ ﺟﺒﺎﻧﺔ .. ﻭﺭﺟﻌﺖ ﻓﻲ ﺑﺎﻟﻪ
ﺫﻛﺮﺍﻩ ﻭﻳﺎ ﻓﺎﺗﻦ ﻋﻨﺪ ﺍﻟﺒﺎﺏ .. ﺷﻠﻮﻥ ﺍﻧﻬﺎ ﻗﺎﻟﺖ ﻟﻪ ﺍﻟﻠﻲ ﻗﺎﻟﺖ ﻭﺩﺧﻠﺖ
ﺍﻟﺒﻴﺖ
ﺍﻻ ﺍﻧﻬﺎ ﻣﺎ ﻋﺮﻓﺖ ﺍﻱ ﻧﻮﻉ ﻣﻦ ﺍﻟﺠﺮﻭﺡ ﺳﺒﺒﺘﻬﺎ ﻟﻪ .. ﻭﻟﻜﻦ ﻫﺬﺍ ﺷﻲ
ﻣﻌﺘﺎﺩ ﻣﻦ ﻓﺎﺗﻦ .. ﺍﻧﻬﺎ ﺗﺠﺮﺡ .. ﻭﺗﺮﻭﺡ .. ﻣﺎ ﻋﻠﻰ ﻫﺎﻟﺸﻲ ﺍﻱ ﻣﻼﻣﺔ
ﺍﻭ ﻋﺘﺐ .. ﻻﻥ ﻛﻤﺎ ﺗﺪﻳﻦ ﺗﺪﺍﻥ .. ﻭﻛﻞ ﺍﻧﺴﺎﻥ ﻻﺯﻡ ﻭﻳﺘﺤﻤﻞ ﻋﻮﺍﻗﺐ
ﺍﻓﻌﺎﻟﻪ ..
ﺍﻫﻮ ﻳﺘﺤﻤﻞ ﻋﺎﻗﺒﻪ ﺟﺮ ﺳﻤـﺎﺀ ﺟﺪﺍﻣﻬﻢ .. ﻭﻫﻲ ﺑﺘﺘﺤﻤﻞ ﻋﺎﻗﺒﺔ ﺍﻟﻐﺮﻭﺭ
ﻭﺍﻟﺸﺨﺼﻴﺔ ﺍﻟﻠﻲ ﻧﺴﺒﺘﻬﺎ ﺇﻟﻰ ﻧﻔﺴﻬﺎ ﻭﺍﻫﻲ ﺑﻌﻴﺪﺓ ﻋﻨﻬﺎ ﻛﻞ ﺍﻟﺒﻌﺪ ..
ﺿﺎﻗﺖ ﺭﻭﺣﻪ ﻭﻋﻘﻠﻪ ﻣﻦ ﺍﻟﺮﻳﺤﺔ ﺍﻟﻠﻲ ﻓﻲ ﺍﻟﻐﺮﻓﺔ .. ﻛﻞ ﻫﺎﻟﺮﻭﺍﻳﺢ
ﺍﻟﻤﺘﻴﻤﻌﺔ ﺗﺜﻴﺮ ﻓﻲ ﻧﻔﺴﻪ ﺍﻟﻌﻨﻒ ﻭﺍﻟﻀﺮﺍﻭﺓ .. ﻗﺎﻡ ﻭﻃﻠﻊ ﻭﻗﺒﻞ ﻻ
ﻳﺴﻜﺮ ﺍﻟﺒﺎﺏ .. ﻃﻔﻰ ﺍﻟﻠﻴﺖ ..
ﺧﺎﻟﺪ ﺍﻟﻠﻲ ﻛﺎﻥ ﺗﻮﻩ ﺭﺍﺩ ﺍﻟﺒﻴﺖ ﻳﺤﻤﻞ ﻋﻠﻰ ﺟﺘﻔﻴﻪ ﺭﺍﺱ ﻣﺜﻘﻞ
ﺑﺎﻻﻓﻜﺎﺭ ..
ﺍﻧﺘﺒﻬﺖ ﻋﻴﻮﻧﻪ ﻟﻠﻨﻮﺭ ﺍﻟﻠﻲ ﺍﻧﻄﻔﻰ ﻓﻲ ﺩﺍﺭ ﺳﻤـﺎﺀ ﻭﺍﻟﺘﻔﺖ ﻣﻦ ﻏﻴﺮ
ﺗﺼﺪﻳﻖ ﻟﻬﻨﺎﻙ .. ﻭﺍﻧﺘﻈﺮ .. ﻳﻤﻜﻦ ﺍﻫﻲ ﻟﻠﺤﻴﻦ ﻫﻨﺎﻙ .. ﻭﻛﺎﻫﻲ ﺑﺘﻄﻞ
ﻋﻠﻴﻪ ﻣﺜﻞ ﻛﻞ ﻟﻴﻠﺔ ﺑﺮﺟﻌﺘﻪ ﺍﻟﻠﻲ ﺗﻨﺘﻈﺮﻫﺎ ﺑﻔﺎﺭﻍ ﺍﻟﺼﺒﺮ .. ﻟﻜﻦ ﺍﻟﻨﻮﺭ
ﺍﻟﺜﺎﻧﻲ ﺍﻟﻠﻲ ﺍﻧﺘﺸﺮ ﻛﺎﻥ ﻓﻲ ﺍﻟﺪﺍﺭ ﺍﻟﻤﺠﺎﻭﺭﺓ ﻟﺪﺍﺭﻫﺎ .. ﻭﺍﺍﻩ ﻣﻦ ﺧﻴﺒﺔ
ﺍﻷﻣﻞ ﺍﻟﻌﻈﻴﻤﺔ .. ﻭﻟﻜﻦ ﺍﻟﻤﺼﺒﻮﺭ ﻋﻠﻴﻬﺎ ..
ﺑﺪﻝ ﻻ ﻳﺪﺧﻞ ﺍﻟﺒﻴﺖ .. ﺗﻢ ﻳﻤﺸﻲ ﺍﻛﺜﺮ ﻓﻲ ﺍﻟﺒﺮﺩ ﻭﻫﻮ ﻳﺘﺤﺴﺴﻪ
ﻳﺨﺘﺮﻕ ﻣﺴﺎﻣﺎﺕ ﻭﻳﻬﻪ ﻭﻳﺪﺧﻞ ﻟﻠﻠﺤﻢ ﻟﻜﻦ ﻣﺮﺩﻩ ﻳﺘﺒﺨﺮ ﻣﻦ ﺣﺮﺍﺭﺓ
ﺍﻟﺸﻮﻕ ﺍﻟﻌﻈﻴﻢ ﺍﻟﻠﻲ ﻓﻲ ﻧﻔﺴـﻪ .. ﺿﺤﻜﺎﺗﻬﺎ .. ﻋﻴﻮﻧﻬﺎ ﺍﻟﻠﻲ ﺗﺴﺘﺪﻳﺮ
ﻭﻗﺖ ﻣﺎ ﺗﺸﻮﻑ ﺷﻲ ﻣﺴﺘﻨﻜﺮ ﺍﻭ ﺍﻧﻬﺎ ﺗﻨﺼﺪﻡ ﻣﻨﻪ . ﺍﺑﺘﺴﺎﻣﺘﻬﺎ ﺍﻟﻨﺎﻋﻤﺔ
ﺍﺫﺍ ﺍﻧﺤﺮﺟﺖ ..
ﺩﻣﻮﻋﻬﺎ ﺍﻟﻌﺪﺍﺋﻴﺔ .. ﻭﻓﻮﻕ ﻛﻞ ﻫﺬﺍ ... ﻭﻗﻔﺘﻬﺎ .. ﺣﺎﻃﻪ ﻳﺪﻳﻨﻬﺎ ﻋﻠﻰ
ﺧﺼﺮﻫﺎ ﻭﺍﻟﺠﺰﺀ ﺍﻟﻌﻠﻮﻱ ﻣﻦ ﺟﺴﻤﻬﺎ ﻣﺎﻳﻞ ﻭﺭﻳﻮﻟﻬﺎ ﻭﺣﺪﺓ ﻣﺴﺘﻘﻴﻤﺔ
ﻣﺜﻞ ﺍﻟﻌﻤﻮﺩ ﻭﺍﻟﺜﺎﻧﻴﺔ ﻣﺘﺮﺍﺧﻴﻪ .. ﻭﺭﺍﺳﻬﺎ ﻣﺎﻳﻞ ﻋﻠﻰ ﻃﺮﻑ ﺑﻌﻘﺪﺓ
ﻋﻠﻰ ﺷﻔﺎﻳﻔﻬﺎ ﺑﺎﺳﺘﻨﻜﺎﺭ ..
ﺍﺑﺘﺴﻢ ﻟﻬﺎﻟﻤﻮﺍﺻﻔﺎﺕ ﺍﻟﻠﻲ ﻗﺪﺭ ﺍﻧﻪ ﻳﻌﺒﺮ ﻋﻨﻬﺎ ﺑﻄﺮﻳﻘﺔ ﺻﺤﻴﺤﻪ .. ﻟﻜﻦ
ﻫﻲ ﺍﻟﻠﻲ ﺗﺮﻛﺖ ﺣﺮﺍﺭﺓ ﺍﻟﺪﻣﻊ ﺍﻟﺤﺰﻳﻦ ﺗﺠﺘﺎﺡ ﻭﺟﻨﺎﺗﻪ ﻭﺗﻘﺎﺳﻴﻢ ﻭﻳﻬﻪ
ﺍﻟﻨﺤﻴﻞ .. ﺗﻢ ﻳﻤﺸﻲ ﻭﻫﻮ ﻣﺎ ﻳﻨﺎﻇﺮ ﺟﺪﺍﻣﻪ ﺍﻻ ﻭﻳﻬﻬﺎ ﺍﻟﺠﻤﻴﻞ ..
ﻭﻳﺘﻤﻨﻰ ﻟﻮ ﺍﻧﻪ ﻳﺪﻓﻊ ﻧﺺ ﻋﻤﺮﻩ ﻋﺸﺎﻥ ﻳﻼﻗﻴﻬﺎ ﺟﺪﺍﻣﻪ ﻣﺜﻞ ﻣﺎ ﻗﺎﻋﺪ
ﻳﺸﻮﻓﻬﺎ .. ﻣﺎ ﺗﻌﺠﺒﻪ ﺍﻟﻠﻲ ﻳﺸﻮﻓﻬﺎ .. ﻣﺎ ﻳﻘﺪﺭ ﻳﺤﺲ ﻟﺪﻗﺎﺕ ﻗﻠﺒﻬﺎ ﻋﻦ
ﺑﻌﺾ .. ﻣﺎ ﻳﻘﺪﺭ ﻳﺤﺲ ﻻﺭﺗﺒﺎﻛﻬﺎ ﺍﻟﻤﺮﺍﻫﻖ ﻭﻻ ﻟﻌﺎﻃﻔﺘﻬﺎ ﺍﻟﺠﻴﺎﺷﺔ ..
ﺧـــﺎﻟــﺪ ..
ﺗﻮﻗﻒ ﻳﻮﻡ ﻣﺮ ﺍﺳﻤﻪ ﻋﻠﻰ ﺍﺫﻧﻪ .. ﺭﻓﻊ ﺭﺍﺳﻪ ﻭﻫﻮ ﻣﻮ ﻣﺼﺪﻕ ..
ﺍﻟﺘﻔﺖ ﻭﺭﺍﻩ ﻣﺎ ﻟﻘﻰ ﺍﺣﺪ .. ﺿﺎﻋﺖ ﻋﻴﻮﻧﻪ ﻳﻤﻴﻦ ﻳﺴﺎﺭ ﻳﺤﺎﻭﻝ ﻳﻼﻗﻲ
ﺍﻟﺸﺨﺺ ﺍﻟﻠﻲ ﻳﻨﺎﺩﻳﻪ .. ﻟﻜﻦ .. ﻣﺤﺪ ﻛﺎﻥ ﻣﻮﺟﻮﺩ ... ﻣﻌﻘﻮﻟﺔ ﻳﻌﻨﻲ؟؟
ﺳﻤـﺎﺀ ﺍﻫﻲ ﺍﻟﻠﻲ ﻧﺎﺩﺕ ﻋﻠﻴﻪ؟؟ ﻳﻜﺎﺩ ﻳﺤﻠﻒ ﺍﻧﻪ ﺣﺲ ﻟﺼﻮﺗﻬﺎ ﺍﻟﻨﺎﺑﻊ
ﻣﻦ ﻋﻤﻖ ﺍﺣﺴﺎﺳﻬﺎ ﺍﻟﻤﺮﻫﻒ ..
ﻭﻗﻒ ﻣﻜﺎﻧﻪ ﻭﻫﻮ ﻣﺎ ﻳﻘﺪﺭ ﻳﺴﻴﻄﺮ ﻋﻠﻰ ﻧﻔﺴﻪ .. ﺿﻢ ﻭﺟﻨﺎﺗﻪ ﻟﻜﻔﻴﻨﻪ
ﻭﻫﻮ ﻳﻐﺮﻕ ﻧﻔﺴﻪ ﻓﻲ ﺩﻣﻊ ﻏﺰﻳـﺮ .. ﻭﻏﻀﺐ ﻋﺎﺭﻡ ﻣﺎ ﺳﻤﺢ ﻷﻱ
ﻋﻀﻠﺔ ﺑﺎﻟﻬﺪﻭﺀ ..
ﺛﺎﺭﺕ ﻛﻞ ﺍﺣﺰﺍﻧﻪ ﻓﻲ ﻭﻗﻒ ﻭﺍﺣﺪ .. ﻭﺗﻤﻨﻰ ﻟﻮ ﺍﻧﻪ ﻳﺼﺮﺥ ﻭﻳﻘﻮﻝ
ﺣﺮﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻡ ... ﻟﻴﺶ ﺃﻧﺎ؟؟ ﻟﻴﺶ ﺍﻫﻲ؟؟ ﻭﻟﻴﺶ ﺍﺣﻨﺎ؟؟؟
ﻟﻴﺶ؟؟؟
ﻭﻟﻜﻦ .. ﻻ ﻋﺘﺐ ﻋﻠﻰ ﻗﻀﺎﺀ ﺍﻟﻠﻪ .. ﻭﺧﻴﺮ ﺍﻟﺒﺸﺮ ﻣﻦ ﺍﺻﺒﺢ ﻭﺍﻣﺴﻰ
ﺑﻘﻮﻝ ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ .. ﻟﻜﻦ ﻣﻦ ﻋﻠﻰ ﺍﻟﻘﻠﺐ ﺍﻟﺤﺰﻳﻦ
ﺍﻟﻤﺸﻮﻭﺏ
ﺑﺎﻻﺣﺰﺍﻥ .. ﻭﻛﻤﻞ ﺍﻟﻤﺸﻲ . ﺍﻟﻰ ﺣﻴﺚ ﻣﺎ ﺗﺴﺘﻮﻗﻔﻪ ﻣﺘﺎﻋﺐ ﺟﺴﻤﻪ
ﻭﺗﺤﺜﻪ ﻋﻠﻰ ﺍﻟﺮﺟﻌﺔ ..
ﻗﺒﻞ ﻻ ﺗﺘﺤﺮﻙ ﺳﻴـﺎﺭﺓ ﺟﺮﺍﺡ ﻭﻗﻔﺖ ﻓﺎﺗﻦ ﻟﻠﺤﻈﺔ ﻭﻳﺎ ﻣﺴـﺎﻋﺪ ﺍﻟﻠﻲ
ﻛﺎﻥ ﻳﻜﻠﻢ ﺍﻣﻬﺎ ﻋﻦ ﺷﻲﺀ ﻣﺎ ﺗﻘﺪﺭ ﺗﺴﺘﻮﻋﺒﻪ ﻓﺎﺗﻦ ﻓﺘﺮﻛﺖ ﻧﻔﺴﻬﺎ
ﻟﻠﻀﻴﺎﻉ ﻓﻲ
ﺍﻓﻜﺎﺭﻫﺎ ﺍﻟﻠﻲ ﻣﺎ ﻓﺎﺭﺟﺘﻬﺎ .. ﺗﺤﻴﻚ ﻓﻴﻬﺎ ﻭﺗﺤﻴﻚ ﻭﺗﺨﻴﻂ ﻭﻻ ﻫﻲ
ﻗﺎﺩﺭﺓ ﺗﻮﺻﻞ ﺍﻟﻰ ﺍﻟﻨﻬﺎﻳﺔ .. ﻳﻤﻜﻦ ﻻﻧﻬﺎ ﻣﺎ ﺗﻌﺮﻑ ﺷﻬﺎﻟﻨﻬـﺎﻳﺔ .. ﻣﺎ
ﺗﺪﺭﻱ ﻣﺘﻰ
ﻣﺴـﺎﻋﺪ ﺑﻴﻜﻤﻞ ﻟﻬﺎ ﺍﻟﻤﻮﺿﻮﻉ ﺍﻟﻠﻲ ﺍﻫﻲ ﺻﺮﺍﺣﺔ ﺗﺤﺘﺮﻕ ﻋﺸﺎﻥ ﺗﻌﺮﻑ
ﻧﻬﺎﻳﺘﻪ ﻭﺗﻜﻤﻠﺘﻪ .. ﻭﻣﺎ ﺍﻧﺘﻬﺒﺖ ﺍﻻ ﻟﻴﺪ ﺍﻣﻬﺎ ﺍﻟﻠﻲ ﻛﺎﻧﺖ ﻋﻠﻰ ﺫﺭﺍﻋﻬﺎ
ﺗﺤﺜﻬﺎ
ﻋﻠﻰ ﺍﻟﻤﺴﻴﺮ ﻟﻠﺮﺟﻮﻉ ﻟﻠﺒﻴﺖ .. ﻟﻜﻦ ﻣﺴـﺎﻋﺪ – ﻳﻮﻡ ﻋﻄﺘﻪ ﻇﻬﺮﻫﺎ
ﻋﺸﺎﻥ ﺗﺮﻭﺡ ﻟﻠﺴﻴﺎﺭﺓ - ﻭﻗﻔﻬﺎ ..
ﻣﺴـﺎﻋﺪ ﺑﻮﻳﻪ ﻣﺒﻴﺾ : ﻓﺎﺗﻦ؟؟؟
ﺍﻟﺘﻔﺘﺖ ﻟﻪ : ﻟﺒﻴـﻪ
ﻣﺴـﺎﻋﺪ ﻭﻫﻮ ﻳﺒﺘﺴﻢ ﻭﻳﻜﺒﺖ ﺍﺭﺗﺠﺎﻑ ﻓﻲ ﻳﺪﻩ ..: ﺍﻧﺎ ﻟﻠﺤﻴﻦ ﻣﺎ
ﻛﻤﻠﺖ ﻟﺞ .. ﻭﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﻟﻘﺎﺝ ﻋﺸﺎﻥ ﺍﻗﻮﻝ ﻟﺞ ..
ﺗﻤﻨﺖ ﻟﻮ ﺍﻧﻪ ﻳﻄﻠﺐ ﻣﻨﻬﺎ ﺍﻧﻬﺎ ﺗﻈﻞ ﻭﻳﺎﻩ ﺍﻟﺤﻴﻦ ﻋﺸﺎﻥ ﺗﺨﺒﺮﻩ ﻟﻜﻦ ...
ﺧﺎﺑﺖ ﺍﻣﺎﻟﻬﺎ .. ﻓﺎﺑﺘﺴﻤﺖ ﻟﻪ ﺑﺒﺮﻭﺩ ﻭﺍﺭﺗﺠﺎﻑ ﺃﻟﻢ ﻋﻤﻴﻖ ﻓﻲ ﻗﻠﺒﻬﺎ ﻣﺎ
ﺗﻌﺮﻑ ﺷﻨﻮ ﺳﺒﺒﻪ .. ﺣﺴﺖ ﺑﺎﻟﻤﺮﺽ ﻳﺴﺮﻱ ﻓﻴﻬﺎ ﻣﻦ ﺍﻟﻠﺤﻈﺔ ﺍﻟﻠﻲ
ﺗﻤﻨﺖ ﻟﻪ ﻓﻴﻬﺎ ﻟﻴﻠﺔ ﺳﻌﻴﺪﺓ ﻭﺭﺍﺣﺖ ﻟﻌﻨﺪ ﺍﻟﺴﻴﺎﺭﺓ .. ﻭﺍﻭﻝ ﻣﺎ ﺍﺑﺘﻌﺪﺕ
ﻣﻼﻣﺤﻪ ﻋﻦ ﻋﻴﻮﻧﻬﺎ ﺷﻬﻘﺖ ﺑﺨﻔﺔ ﺗﺤﺎﻭﻝ ﺍﻧﻬﺎ ﺗﻮﺳﻊ ﺭﺋـﺘﻬﺎ ﺍﻟﻤﻜﺒﻮﺗﺔ
ﺑﺎﻟﻬﻮﺍ ﺍﻟﺒﺎﺭﺩ ﺍﻟﻤﻨﻌﺶ .. ﺩﺧﻠﺖ ﺍﻟﺴﻴﺎﺭﺓ ﻭﻫﻲ ﺗﻨﺘﻈﺮ ﺍﻟﻠﺤﻈﺔ ﺍﻟﻠﻲ
ﺑﺘﺮﻓﻊ ﻋﻴﻮﻧﻬﺎ ﻋﻦ ﺣﻈﻨﻬﺎ ﻟﻮﻳﻪ ﻣﺴـﺎﻋﺪ .. ﻟﻜﻨﻬﺎ ﺍﻧﺼﺪﻣﺖ ﻻﺧﺘﻔﺎﺋﻪ
ﻋﻦ ﺑﻘﻌﺘﻪ ﺍﻟﺴﺎﺑﻘﺔ ..
ﻭﻏﺎﺻﺖ ﻓﻲ ﺍﻟﺒﺮﻭﺩ ﺍﻟﻠﻲ ﺍﺟﺘﺎﺣﻬﺎ ﻭﺗﺼﺎﻋﺪﺕ ﻓﻴﻬﺎ ﺍﻧﻪ ﺧﻴﺒﺔ ﺍﻷﻣﻞ ..
ﻟﻜﻦ .. ﺟﺒﻞ ﺍﻟﺼﺒﺮ ﻭﺍﻻﺣﺘﻤﺎﻝ ﺍﺑﻰ ﺍﻟﺜﻮﺭﺍﻥ .. ﻓﻬﺪﺃﺕ ﻧﻔﺴﻬﺎ ﺑﺎﻟﺼﺒﺮ
ﺍﻟﺠﻤﻴﻞ ﺍﻟﻠﻲ ﺭﺍﺡ ﻳﻌﻮﺩ ﻋﻠﻴﻬﺎ ﺑﻜﻞ ﻣﺎ ﻫﻮ ﺭﺍﺋﻊ ﻭﻣﺮﻳـﺢ ..
ﺃﻭﻝ ﻣﺎ ﺩﺧﻠﻮ ﺍﻟﺒﻴﺖ ﻃﻠﻌﺖ ﻓﺎﺗﻦ ﻟﺪﺍﺭﻫﺎ ﺍﻟﻠﻲ ﻛﺎﻧﺖ ﻓﻲ ﻣﻤﺮ ﺍﻟﺒﺎﺏ
ﺍﻟﺮﺋﻴﺴﻲ .. ﺗﻤﻨﺖ ﻟﻬﻢ ﻟﻴﻠﺔ ﺳﻌﻴﺪﺓ ﻭﺍﺧﺘﻔﺖ .. ﺍﻣﺎ ﺟﺮﺍﺡ ﻓﻜﺎﻥ ﻋﺎﻗﺪ
ﺣﺎﺟﺒﻴﻪ ﻭﻫﻮ ﻣﻔﻜـﺮ .. ﺻﺞ ﺍﻧﻪ ﺧﻄﺐ ﻣﺮﻳﻢ ﻭﺳﻮﻯ ﺍﻟﻲ ﻋﻠﻴﻪ ﺑﺲ
ﺑﻌﺪ ﻳﺤﺲ ﺍﻥ ﻣﺤﺪ ﻣﻘﺘﻨﻊ ﺑﺤﺮﻛﺘﻪ ﻫﺬﻱ؟ ﻟﻴﺶ؟؟ ﻫﺎﻟﻜﺜﺮ ﻫﻮ
ﺻﻐﻴﺮ .. 22 ﺳـﻨﺔ ﺳﻦ ﻣﻨﺎﺳﺒﺔ ﻟﻠﺰﻭﺍﺝ ﻭﺍﻻﺳﺘﻘﺮﺍﺭ .. ﻳﻤﻜﻦ ﻻﻧﻪ ﻣﻮ
ﻣﻜﻤﻞ ﺩﺭﺍﺳﺘﻪ .. ﻭﺷﻐﻠﺘﻪ ﺑﺴﻴﻄـﺔ؟؟
ﺑﺲ ﺍﻫﻲ ﺻﻐﻴﺮﺓ ﻟﻜﻦ ﻓﻲ ﻧﺸﺎﻁ ﻣﺘﺰﺍﻳﺪ ﻭﻣﺴﺘﻤﺮ .. ﺣﺘﻰ ﺍﻥ
ﺟﺪﻭﻟﻬﻢ ﻣﻦ ﻛﺜﺮ ﻣﺎﻫﻮ ﻓﺎﺿﻲ ﻣﺎ ﻳﻘﺪﺭﻭﻥ ﻳﺴﺘﻘﺒﻠﻮﻥ ﻃﻠﺒﺎﺕ ﺣﺘﻰ
ﺍﻟﺼﻴـﻒ .. ﺑﺲ ﺑﻌﺪ .. ﺍﻫﻮ
ﻻﺯﻡ ﻳﻔﻜﺮ ﺑﺎﻟﺘﻮﺳﻊ ﻭﺍﻻﻧﺘﺸﺎﺭ .. ﻭﺍﻣﺘﻼﻙ ﺳﻮﻕ ﺍﻟﺤﺮﻓﺔ ﺑﺎﺳﻤﻬﻢ
ﻭﺟﻮﺩﺓ ﻋﻤﻠﻬﻢ .. ﻭﻋﻠﻰ ﻫﺎﻷﻓﻜﺎﺭ .. ﺭﺍﺡ ﻟﺪﺍﺭﻩ ﺑﻌﺪ ﻣﺎ ﺳﻠﻢ ﻋﻠﻰ ﺍﻣﻪ
ﻳﻨﺎﻡ ﺑﺮﺍﺳﻪ ﻋﻠﻰ ﻫﺎﻻﻓﻜﺎﺭ .. ﺻﺞ ﺍﻧﻬﺎ ﻣﻦ ﺍﺗﻌﺐ ﺍﻟﻤﺨﺪﺍﺕ ﺑﺎﻟﻌﺎﻟـﻢ
ﺑﺲ ﻣﻦ ﻳﺪﺭﻱ .. ﻣﻦ ﺑﻌﺪ ﺍﻟﺘﻔﻜﻴﺮ ﺗﻄﻠﻊ ﻧﺘﻴﺠﺔ ﺍﻭ ﺍﻓﻜﺎﺭ ﻳﺪﻳﺪﺓ !!
ﻛﺎﻧﺖ ﻣﻨﺎﻳﺮ ﺍﻟﻠﻲ ﺗﻨﺘﻈﺮﻫﻢ ﻧﺎﻳﻤﺔ ﻋﻠﻰ ﺍﻟﻜﺮﺳﻲ ﺑﺎﻟﺼﺎﻟﺔ ﻭﻣﺤﺪ ﺍﻧﺘﺒﻪ
ﻟﻬﺎ ﺍﻻ ﺍﻡ ﺟﺮﺍﺡ ﺍﻟﻠﻲ ﻛﺎﻥ ﺗﺪﻭﺭ ﻓﻲ ﺍﻟﺒﻴﺖ ﻭﺗﺴﻜﺮ ﺍﻟﻤﺼﺎﺑﻴﺢ .. ﺍﻻ
ﺍﻟﺜﺮﻳﺔ ﺍﻟﻠﻲ ﻋﻨﺪ ﺍﻟﺒﺎﺏ ﻻﻥ ﺧﺎﻟﺪ ﺑﻌﺪﻩ ﻣﺎ ﺭﺩ ﺍﻟﺒﻴﺖ .. ﺷﻠﻮﻥ
ﻋﺮﻓﺖ؟؟
ﻣﺎ ﺣﺴﺖ ﺑﺎﻻﻛﺘﻤﺎﻝ ﻣﺜﻞ ﻟﻴﻠﺔ ﺍﻥ ﻛﻞ ﻋﻴﺎﻟﻬﺎ ﺗﺤﺖ ﺳﻘﻒ ﻭﺍﺣﺪ ..
ﻭﻫﺎﻟﺸﻌﻮﺭ ﻛﺎﻥ ﻣﺴﺘﻤﺮ ﻣﻦ ﺣﻮﺍﻟﻠﻲ ﺍﺭﺑﻊ ﻟﻴﺎﻟﻲ .. ﻣﻦ ﺳﺎﻓﺮﺕ ﺳﻤـﺎﺀ ..
ﻟﻜﻦ ﻭﻻ ﻋﻠﻰ
ﻗﻀﺎﺀ ﺍﻟﻠﻪ ﻋﺘﺐ ﺍﻭ ﻟﻮﻭﻡ .. ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ..
ﺭﺍﺣﺖ ﻟﻌﻨﺪ ﻣﻨﺎﻳﺮ : ﻳﻤـﺔ .. ﻳﻤﺔ ﻣﻨﺎﻳـﺮ .. ﻗﻮﻣﻲ ﺣﺒﻴﺒﺘﻲ ..
ﻣﻨﺎﻳﺮ ﺍﻟﻠﻲ ﺗﻨﺒﻬﺖ ﻭﻫﻲ ﻣﺜﻘﻠﺔ ﺍﻟﺠﻔﻨﻴﻦ ..:. ﻳﻤﺔ؟؟؟ ﺻﻴﻔﺘﻮﻭﻭﻭ ﻭﻳﻦ
ﺭﺣﺘﻮ؟
ﺍﻡ ﺟﺮﺍﺡ ﺑﺎﺑﺘﺴﺎﻣﺔ ﻃﺎﻫﺮﺓ : ﺭﺣﻨﺎ ﻣﺸﻮﺍﺭ ﻭﺭﺩﻳﻨﺎ .. ﻗﻮﻣﻲ ﺍﻧﺘﻲ
ﺍﻟﺤﻴﻦ ﻧﺎﻣﻲ ﺑﺪﺍﺭﺝ ﻻ ﻳﻌﻮﺭ ﺭﻗﺒﺘﺞ ﻫﺎﻟﻜﺮﺳﻲ ..
ﻣﻨﺎﻳﺮ ﻭﻫﻲ ﺗﺤﻚ ﺭﺍﺳﻬﺎ ﻭﺯﻳﻦ ﻣﻨﻬﺎ ﺗﺤﻤﻞ ﺭﻭﺣﻬﺎ .. ﺭﺍﺣﺖ ﻓﻮﻕ ..
ﻭﻫﻲ ﻧﺎﺳﻴﺔ ﺳﺒﺐ ﻗﻌﺪﺗﻬﺎ ﻓﻲ ﺍﻟﺼﺎﻟﺔ ﻣﻦ ﺍﻟﻤﺮﺗﺒﺔ ﺍﻻﻭﻟﻰ .. ﻛﺎﺍﻧﺖ
ﺗﺒﻲ ﺻﻮﺭﺓ
ﻟﻌﻤﺘﻬﺎ ﻋﺎﻟﻴﺔ ﺍﻟﻲ ﻣﺎ ﺷﺎﻓﺘﻬﺎ ﻣﻦ ﺯﻣﺎﻥ .. ﻟﻜﻦ ﺍﻟﺤﻴﻦ ﺍﻟﻨﻮﻭﻭﻡ ﻛﺎﻥ
ﺳﻠﻄﺎﻥ ﻋﻠﻰ ﻋﻴﻮﻧﻬﺎ ﺍﻟﻠﻲ ﻣﻦ ﺩﺧﻞ ﺍﻟﺪﺍﺭ ﺗﺴﻜﺮﺕ ﻭﺍﻟﻠﻪ ﺍﻟﻌﺎﻟﻢ ﻣﺘﻰ
ﺭﺍﺡ ﺗﻔﺘﺢ؟؟
--------------------
ﻣﺎ ﺯﺍﻟﺖ ﺍﻻﻣﻄﺎﺭ ﺗﺰﺧﺮ ﻋﻠﻰ ﺍﻟﻔﺠﺮ ﺍﻟﺤﻠﻮ ﺑﺤﺰﻥ ﺍﻟﻘﻠﻮﺏ ﺍﻟﻤﺤﺒﺔ ,
ﻣﻨﻬﻢ ﻳﺴﻬﺮ ﺗﺤﺘﻬﺎ ﻭﻣﻨﻬﻢ ﻳﻨﺎﻇﺮﻫﺎ ﺧﻼﻝ ﺍﻟﻨﺎﻓﺬﻩ ﻳﺤﺎﻭﻝ ﺍﻧﻪ ﻳﺮﺍﻗﺐ
ﻛﻞ ﺷﻲ ﻭﻟﻜﻦ ﻣﻦ ﺑﻌﺪ .. ﻋﺸﺎﻥ ﻻ ﺗﻨﺼﺪﻡ ﺭﻭﺣﻪ ﻣﻦ ﻭﻗﻌﻬﺎ .. ﻭﻣﻨﻬﻢ
ﻣﻜﺘﻔﻲ ﺑﺼﻮﺗﻪ ﻭﻫﻮ ﻳﺮﺗﻄﻢ ﻋﻠﻰ ﺍﻷﺭﺽ ..
ﻣﺴـﺎﻋﺪ ﻛﺎﻥ ﻗﺎﻋﺪ ﻓﻲ ﺍﻟﺴﻴـﺎﺭﺓ ﻣﻦ ﺣﻮﺍﻟﻲ ﺭﺑﻊ ﺳﺎﻋﺔ ﻭﻫﻮ ﻣﺘﺮﺩﺩ
..
ﻳﻄﻠﻊ ﻭﻳﺮﻭﺡ ﻟﻔﺎﺗﻦ ﻋﺸﺎﻥ ﻳﻜﻠﻤﻬﺎ .. ﻭﻻ ﻳﺮﺩ ﻣﻦ ﻣﺤﻞ ﻣﺎ ﻳﺎ؟؟ ﻻﻥ
ﺍﻟﻮﻗﺖ ﺗﻘﺮﻳﺒﺎ ﻏﺮﻳﺐ ﻭﻟﻜﻦ .. ﻻﺯﻡ ﻳﻜﻤﻞ ﻟﻬﺎ ﺍﻟﻘﺼﺔ ﻋﺸﺎﻥ ﺗﺬﻭﻕ ﺷﻲ
ﻣﻦ ﺣﺰﻧﻪ ﻭﺗﺨﻔﻒ ﻋﻠﻴﻪ ﻭﻃﺄﺓ ﺍﻟﺤﺰﻥ ﻭﻋﻠﻰ ﻧﻔﺴﻬﺎ ﺍﻟﺼﺪﻣﺔ ﺍﻥ
ﺍﻟﺒﻨﺖ ﻫﺬﻱ ﻣﺎ ﻛﺎﻧﺖ ﻭﺣﺪﺓ ﻏﻴـﺮ ﻋﻤﺘﻬﺎ !! ﻟﻜﻦ ﺍﻻﺭﺗﺒﺎﻙ ﻛﺎﻥ ﺍﻗﻮﻯ
ﻣﻨﻪ .. ﺍﻫﻮ ﺍﺫﺍ ﺳﻮﻯ ﻫﺎﻟﺸﻲ ﻻﺯﻡ ﻣﺎ ﻳﺘﻮﻗﻊ ﺍﻻ ﺷﻴﺌﻴﻦ .. ﻋﻤﺮ ﻣﻦ
ﺍﺣﻠﻰ ﺍﻻﻋﻤﺎﺭ ﻳﻨﻘﻀﻲ ﻓﻲ ﻟﻤﺤﺔ ﺑﺼﺮ .. ﻭﻻ ﻳﺴﺘﻤﺮ ﻻﺑﺪ ﺍﻻﺑﺪﻳﻦ ﻣﻦ
ﺩﻭﻥ ﺍﻱ ﻣﻌﻮﻗﺎﺕ ..
ﺍﺗﺼﻞ ﻓﻲ ﻓﺎﺗﻦ ﻗﺒﻞ ﻋﺸﺎﻥ ﺍﻧﻬﺎ ﺗﻔﺞ ﻟﻪ ﺍﻟﺒﺎﺏ .. ﻭﺍﻟﺜﺎﻧﻴﺔ ﻛﺎﻧﺖ
ﺳﺮﺣﺎﻧﺔ ﻣﻦ ﺑﻌﺪ ﻣﺎ ﺻﻠﺖ ﺍﻟﻔﺠﺮ ﻋﻨﺪ ﺍﻟﺪﺭﻳﺸﺔ ﻭﻫﻲ ﺗﻨﺎﻇﺮ ﺍﻟﻤﻄﺮ
ﺑﻨﻌﻮﻣﺘﻪ ﻋﻠﻰ ﺍﻻﺻﻴﺺ ﺍﻟﻠﻲ ﻋﻨﺪ ﺩﺭﻳﺸﺘﻬﺎ .. ﻭﺭﻥ ﺗﻠﻔﻮﻧﻬﺎ .. ﻭﺭﺍﺣﺖ
ﻟﻌﻨﺪﻩ ﻭﻟﻘﺖ ﺍﻥ ﺍﻟﻤﺘﺼﻞ ﺍﻫﻮ ﻣﺴـﺎﻋﺪ ﻓﺎﺳﺘﻌﺠﺒﺖ ..
ﻓﺎﺗﻦ ﺑﺼﻮﺕ ﻣﺼﺪﻭﻡ : ﺍﻟﻮ؟؟
ﻣﺴﺎﻋﺪ ﺍﻟﻠﻲ ﺍﻧﺘﻔﻀﺖ ﺭﻭﺣﻪ ﻣﻦ ﺻﻮﺕ ﻓﺎﺗﻦ ﻭﺣﺲ ﺍﻧﻪ ﺗﺴﺮﻉ
ﺑﺎﻟﺨﻄـﻮﺓ : ﻫﻼ ﻓﺎﺗﻦ ..
ﻓﺎﺗﻦ : ﻫﻼ ﻓﻴﻚ ... ( ﻣﺴﺘﻐﺮﺑﺔ ) ﻣﺴﺎﻋﺪ ﺷﻔﻴﻚ؟
ﻣﺴـﺎﻋﺪ ﻭﻫﻮﻳﺘﻨﻔﺲ ﺍﻟﺼﻌﺪﺍﺀ : ﺍﻧﺎ ﻋﻨﺪ ﺍﻟﺒﺎﺏ ﻓﺎﺗﻦ .. ﻓﺠﻲ ﻟﻲ ﺍﻳﺎﻩ
ﺍﻟﻠﻪ ﻳﺨﻠﻴﺞ ...
ﺣﺎﻭﻟﺖ ﺍﻧﻬﺎ ﺗﺴﺘﻌﻠﻢ ﻣﻨﻪ ﺍﻛﺜﺮ ﻟﻜﻦ ﻧﺒﺮﺓ ﺻﻮﺗﻪ ﻛﺎﻧﺖ ﻛﺎﻓﻴﺔ ﻋﺸﺎﻥ
ﺗﺒﻴﻦ ﻟﻬﺎ ﺍﻧﻪ ﻓﻲ ﺣﺎﻟﺔ ﻣﺎ ﺗﺴﻤﺢ ﻟﻪ ﺍﻧﻪ ﻳﺘﻜﻠﻢ ﺍﻭ ﻳﺒﺮﺭ .. ﻓﺴﻜﺮﺕ
ﺍﻟﺘﻠﻔﻮﻥ ﻣﻦ ﻋﻨﺪﻩ ﻭﺳﺤﺒﺖ ﺍﻟﺸﺎﻝ ﺍﻻﺑﻴﺾ ﻭﻃﻠﻌﺖ ﻣﻦ ﺩﺍﺭﻫﺎ
ﺑﻬﺪﻭﺀ .. ﺍﻟﻈﻼﻡ ﻛﺎﻥ ﺑﻌﺪﻩ ﻻﻑ ﺍﻟﻤﻜﺎﻥ ﻭﺍﻟﻬﺪﻭﺀ ﺑﺎﻻﻃﺮﺍﻑ .. ﺭﺍﺣﺖ
ﻋﻨﺪ ﺍﻟﺒﺎﺏ ﻭﻓﺠﺘﻪ ﻭﻭﻗﻔﺖ ﻋﻨﺪﻩ ﻭﻫﻲ ﺗﺮﺍﻗﺒﻪ .. ﻟﻘﺘﻪ ﻭﺍﻗﻒ ﻋﻨﺪ
ﺍﻟﺴﻴﺎﺭﺓ ﻭﻫﻮ ﻳﻨﺎﻇﺮ ﺍﻟﺒﺎﺏ .. ﺭﺍﺣﺖ ﻟﻌﻨﺪﻩ ﺑﺨﻄﻮﺍﺕ ﺳﺮﻳﻌﺔ ﻋﻦ
ﺍﻟﻤﻄـﺮ ﺍﻟﺨﻔﻴﻒ ..
ﻓﺎﺗﻦ ﻭﻫﻲ ﻣﺴﻜﺮﺓ ﻋﻴﻮﻧﻬﺎ ﻋﻦ ﺍﻟﻤﺎﻱ ﺷﻮﻱ : ﺍﺩﺧﻞ ﺩﺍﺧﻞ ﻻ ..
ﻣﺴـﺎﻋﺪ ﺑﻌﻴـﻮﻥ ﺿﺎﻳﻌﺔ : ﺍﻥ ﺷﺎﺀ ﺍﻟﻠﻪ ..
ﻗﺎﺩﺗﻪ ﺍﻟﻰ ﺩﺍﺧﻞ ﺍﻟﺒﻴﺖ ﻭﻫﻲ ﻣﺘﺠﺪﻣﺘﻪ .. ﻓﺠﺖ ﻟﻪ ﺍﻟﺒﺎﺏ ﺍﻟﻠﻲ ﺩﺧﻞ
ﻣﻨﻪ ﻭﻫﻮ ﻫﺎﺩﺉ ﻭﻟﻜﻦ ﺍﻧﻔﺎﺳﻪ ﻣﻀﻄﺮﺑﺔ ﻳﻤﻜﻦ ﻣﻦ ﺍﻟﺘﻮﺗﺮ ﺍﻟﻠﻲ ﻓﻴﻪ ..
ﺭﺍﺡ ﻋﻠﻰ
ﻃﻮﻝ ﻭﺩﺧﻞ ﻓﻲ ﺍﻟﺼﺎﻟﺔ ﺍﻟﺜﺎﻧﻴﺔ ﺍﻟﻠﻲ ﻛﺎﻧﺖ ﻣﺨﺼﺼﺔ ﻟﻠﻀﻴﻮﻑ
ﺩﺍﺧﻞ ﺍﻟﻤﻨﺰﻝ .. ﻗﻌﺪ ﻋﻠﻰ ﺍﻟﻜﺮﺳﻲ ﻭﻓﺎﺗﻦ ﻛﺎﻧﺖ ﻓﻲ ﺍﻟﺤﻤﺎﻡ ﺍﻟﺘﺤﺘﻲ
.. ﺳﺤﺒﺖ ﻓﻮﻃﺔ ﺻﻐﻴـﺮﺓ ﻋﺸﺎﻥ ﻳﻨﺸﻒ ﻓﻴﻬﺎ ﺷﻌﺮﻩ ﺍﻟﻤﺒﻠﻞ ..
ﺭﺍﺣﺖ ﻟﻌﻨﺪﻩ ﻭﻟﻘﺘﻪ ﻗﺎﻋﺪ ﻋﻠﻰ ﻃﺮﻑ ﺍﻟﻜﺮﺳﻲ ﻭﻫﻮ ﺳﺎﻧﺪ ﺭﺍﺳﻪ
ﺑﺬﺭﺍﻋﻴﻨﻪ ﺍﻟﻤﺴﺘﻨﺪﻳﻦ ﻋﻠﻰ ﺍﻟﺮﻛﺒﺘﻴﻦ .. ﻭﻛﺎﻥ ﻣﻨﻈﺮﻩ ﻳﻌﻜﺲ ﺣﺎﻟﺘﻪ
ﺍﻟﻨﻔﺴﻴﺔ ..
ﻓﺘﻘﺮﺑﺖ ﻣﻨﻪ ﻓﺎﺗﻦ ﻭﻫﻲ ﺗﻤﺪ ﻟﻪ ﺍﻟﻔﻮﻃﺔ ﻭﺗﻘﻌﺪ ﻳﻤﻪ .
ﺍﺧﺬ ﻣﻨﻬﺎ ﺍﻟﻔﻮﻃﺔ ﻭﻫﻮ ﻳﺒﺘﺴﻢ .. ﺩﻗﻖ ﻓﻲ ﻣﻼﻣﺤﻬﺎ ﻟﻬﻨﻴﻬﺔ ﻭﺭﺩ
ﻳﻨﺸﻒ ﺭﺍﺳﻪ ..
ﺑﻌﺪ ﻣﺎﺧﻠﺺ ﺗﻨﺸﻴﻒ ﺷﻌﺮﻩ ﻣﺪ ﺍﻟﻔﻮﻃﺔ ﻟﻬﺎ ﻣﺮﺓ ﺛﺎﻧﻴﺔ ﺑﺎﺑﺘﺴﺎﻣﺔ ﻣﺎ
ﻟﻘﻰ ﻟﻬﺎ ﺍﻱ ﺭﺩ ﺑﺎﻟﻌﻜﺲ .. ﻛﺎﻧﺖ ﻣﻼﻣﺤﻬﺎ ﻗﻠﻘﺔ ﻭﺣﻮﺍﺟﺒﻬﺎ ﻣﺜﻘﻠﻪ
ﺑﻌﻘﺪﺗﻬﻢ ..
ﺍﺑﺘﺴﻢ ﺑﺼـﻮﺭﺓ ﺍﺭﻳﺢ ﻟﻮﻳﻬﻬﺎ ﻋﺸﺎﻥ ﺗﺨﻔﻒ ﺍﻟﺘﻮﺗﺮ ﻣﻦ ﻋﻠﻰ ﻣﺤﻴﺎﻫﺎ ..
ﻣﺎ ﺗﺪﺭﻱ ﺍﻥ ﻋﺬﺍﺑﻬﺎ ﻳﻌﻨﻲ ﻋﺬﺍﺑﻪ ..
ﻓﺎﺗﻦ ﺑﺼﻮﺕ ﻫﺎﺩﺉ : ﺗﺒﻲ ﺷﻲ ﺗﺸﺮﺑﻪ ..
ﻫﺰ ﺭﺍﺳﻪ ﺑﺎﻟﻨﻔﻲ ﻭﻫﻮ ﻳﺤﺲ ﺑﺎﻟﻌﺒﺮﺓ ﻣﺘﺼﺎﻋﺪﺓ ﻓﻴﻪ ..
ﻓﺎﺗﻦ ﻭﻫﻲ ﺗﻤﺴﻚ ﺟﺘﻔﻪ : ﻣﺴـﺎﻋﺪ .. ﻋﻼﻣﻚ؟؟ ﺷﻔﻴﻚ ﻳﺎﻱ ﻫﺎﻟﺤﺰﺓ؟؟
ﻭﻫﻮ ﻳﺮﺍﻗﺐ ﻃﻔﻮﻟﻪ ﻣﻼﻣﺤﻬﺎ : ﻭﻟﻴﺶ ﺍﻧﺘﻲ ﺻﺎﺣﻴﺔ ﻟﻠﺤﻴﻦ؟؟ ﻣﺎ
ﻧﻤﺘﻲ؟؟
ﺟﺎﻭﺏ ﻋﻠﻰ ﺳﺆﺍﻟﻬﺎ ﺑﺴﺆﺍﻝ ﻣﻘﺎﺭﺏ .. ﻭﻛﺎﻧﻪ ﻳﺒﻲ ﻳﻘﻮﻝ ﻟﻬﺎ ﺍﻥ ﺍﻟﻠﻲ
ﻣﺼﺤﻴﺞ ﻣﺼﺤﻴﻨﻲ ..: ﻛﻨﺖ ﺍﺻﻠﻲ .. ﻭﻣﺎ ﻳﺎﻧﻲ ﻧﻮﻡ ... (ﺍﺻﺪﻕ ﻓﺎﻥ
ﺍﻟﺼﺪﻕ ﻳﻨﺠﻴﻚ ) ﻣﺎ
ﻳﺎﻧـﻲ ﻧﻮﻡ ﺍﺻﻼ ﻃﻮﻝ ﺍﻟﻠﻴﻠﺔ .. (ﺗﻨﺎﻇﺮﻩ ) ﻭﺍﻇﻨﻚ ﺗﻌﺮﻑ ﺍﻟﺴﺒﺐ ..
ﻣﺴﻚ ﻳﺪﻫﺎ ﻭﺧﺬﺍﻫﺎ ﻟﻌﻨﺪﻩ ﻭﻫﻮ ﻳﺮﺍﻗﺐ ﺻﻮﺍﺑﻌﻬﺎ ﺍﻟﺒﺴﻴﻄﺔ ﻭﺍﻇﺎﻓﺮﻫﺎ
ﺍﻟﻤﻘﺼﺼﺔ ﻣﺜﻞ ﺍﻟﻴﻬـﺎﻝ .. ﻭﺗﻜﻠﻢ ..: ﺗﻌﺮﻓﻴﻦ .. ﻋﻤﺮﻱ ﻣﺎ ﺗﻮﻗﻌﺖ ﺍﻧﻲ
ﺍﻣﺘﻠﻚ ﺑﻨﺖ ﻣﺜﻠﺞ .. ﻛﺎﻧﺖ ﺩﺍﻳﻤﺎ ﺍﻟﺒﻨﺖ ﺍﻟﻠﻲ ﻣﺜﻠﺞ ﺍﻋﺘﺒﺮﻫﺎ ﻣﺜﻞ ﺑﻨﺘﻲ
ﺍﻟﻠﻲ ﻳﻤﻜﻦ ﻟﻮ ﺗﺰﻭﺟﺖ ﻓﻲ ﺳﻦ ﻣﻌﻴﻦ ﺭﺍﺡ ﺍﻣﺘﻠﻜﻬﺎ ..
ﻓﺎﺗﻦ ﻭﻫﻲ ﺗﺤﺎﻭﻝ ﺍﻧﻬﺎ ﻣﺎ ﺗﺒﺘﺴﻢ : ﺟﻢ ﻳﻌﻨﻲ :؟ ﻭﺍﻧﺖ ﻋﻤﺮﻙ ﺳﺒﻊ
ﺳﻨﻮﺍﺕ؟
ﻣﺴـﺎﻋﺪ : ﻫﻬﻬﻬﻬﻬﻬﻬﻪ .. ﻳﻤﻜـﻦ .. ﻳﺼﻴﺮ ﺗﺮﻯ ﺍﺣﻨﺎ ﺍﻟﺨﻠﻴﻴﺞ ﻧﺎﺱ ﺟﺪﺍ
ﻣﺎﺷﻴﻴﻦ ﺻﺢ ﻗﺒﻞ .. ( ﺑﺘﻨﻬﻴﺪﺓ ) ﻣﺎﺩﺭﻱ ﻟﻴﺶ ﺍﻟﺤﻴﻦ ﺍﻟﺰﻣﻦ ﺍﺧﺘﻠﻒ ..
ﻭﺍﻟﻨﺎﺱ ﺍﺧﺘﻠﻔﺖ .. ﻭﺍﻟﻘﻠﻮﺏ ﺍﺧﺘﻠﻔﺖ
ﻓﺎﺗﻦ ﻭﻫﻲ ﺗﺒﺘﺴﻢ ﺑﻄﻤﺌﻨﺔ : ﺍﻧﺖ ﺑﺮﻭﺣﻚ ﻗﻠﺘﻬﺎ .. ﺍﻟﺰﻣﻦ ﺗﻐﻴﺮ .. ﻭﻛﻞ
ﻣﺎ ﺗﻐﻴﺮ ﺍﻟﺰﻣﻦ ﻳﺘﻄﻠﺐ ﺷﻲ ﺛﺎﻧﻲ .. ﻻ ﺗﻈﻦ ﺍﻥ ﺍﻻﻣﻮﺭ ﺗﻈﻞ ﻣﺜﻞ ﻣﺎ
ﻫﻲ .. ﺩﻭﺍﻡ ﺍﻟﺤﺎﻝ ﻣﻦ ﺍﻟﻤﺤﺎﻝ ..
ﺳﻜﺖ ﻣﺴـﺎﻋﺪ ﻟﻔﺘﺮﺓ ﻭﻫﻮ ﻳﺤﺎﻭﻝ ﻳﻨﻈﻢ ﺍﻓﻜﺎﺭﻩ ﻭﻓﺎﺗﻦ ﺑﺎﻟﻤﺜـﻞ ..
ﺗﺤﺎﻭﻝ ﺍﻧﻬﺎ ﺗﺴﺘﺮﺟﻊ ﻟﻮﻳﻦ ﺗﻮﻗﻒ ﻣﺴـﺎﻋﺪ ﻋﺸﺎﻥ ﺗﺬﻛﺮﻩ ﺑﺎﻟﻨﻘﻄﺔ ..
ﻭﻟﻜﻦ ﻣﺴـﺎﻋﺪ ﺻﺪﻣﻬﺎ ﻭﻫﻮ ﻳﺘﻜﻠﻢ ﻭﻛﺎﻧﻬﺎ ﻏﻴﺮ ﻣﻮﺟﻮﺩﺓ ﻭﻛﺎﻧﻪ ﺳﺮﺩﻩ
ﻧﺎﺑﻊ ﻣﻦ ﺍﻟﺬﻛﺮﻳﺎﺕ ﺍﻟﻠﻲ ﻛﺎﻧﺖ ﻣﺠﺘﺎﺣﺘﻪ ..
ﻣﺴـﺎﻋﺪ ﺑﺼﻮﺕ ﺣﺰﻳﻦ : ﻣﺎﺗﺖ .. ﺑﻜﻞ ﺑﺴـﺎﻃﺔ .. ﻫﺬﺍ ﺍﻟﻠﻲ ﻛﺎﻧﺖ
ﺗﺤﻤﻠﻪ ﺍﻟﺒﺮﻗﻴﺔ ﻓﻲ ﻃﻴﺎﺗﻬﺎ .. ﻣﺎﺗﺖ .. ﺍﻟﺒﻨﺖ ﺍﻟﻠﻲ ﻛﻨﺖ ﻓﻲ ﺣﻴﺎﺗﻬﺎ
ﻛﻠﻬﺎ ﻣﺎ ﺍﻓﻜﺮ ﺍﻻ ﻓﻲ ﺷﻲ ﻏﻴﺮﻫﺎ .. ﻣﺎﺗﺖ .. ﻣﺎﺗﺖ ﻭﺍﻧﺘﻬﺖ ﻣﻦ
ﻫﺎﻟﺪﻧﻴﺎ ﻭﺍﻧﺎ ﺑﻌﺪﻧﻲ ﺍﺭﺳﻢ ﺍﻭﻝ ﺍﻟﺨﻄﻮﺍﺕ ﻧﺤﻮ ﻣﺴﺘﻘﺒﻠﻲ ﻭﻣﺴﺘﻘﺒﻠﻬﺎ
ﻟﻜﻦ ﻛﻞ ﻫﺬﺍ ﻛﺎﻥ ﺑﻤﺜﺎﺑﺔ ﺍﻟﻈﻼﻡ ﺍﻟﻠﻲ ﻳﻨﻬﻲ ﺍﻟﻈﻞ ﺍﻟﻠﻲ ﻳﺘﺒﻌﺞ .. ﻭﻣﺎ
ﻋﺎﺩﺕ ﻣﻮﺟﻮﺩﺓ .. ﻭﺍﻟﻈﻼﻡ ﺍﻟﻠﻲ ﻟﻔﻨﻲ ﻛﺎﻥ ﺍﻗﻮﻯ ﻣﻦ ﺗﺤﻤﻠﻲ ..
ﺍﻧﺼﺪﻣﺖ ﻓﺎﺗﻦ .. ﻭﺣﻄﺖ ﻳﺪﻫﺎ ﻋﻠﻰ ﺭﻗﺒﺘﻬﺎ ﻭﻛﺎﻧﻬﺎ ﺗﻤﻨﻊ ﻏﺼﺔ ﻣﻦ
ﺍﻟﻈﻬﻮﺭ ..
ﺍﻭ ﺍﻧﻪ ﺣﺰﻥ ﻣﻮﺍﺳﺎﺓ ﻋﻠﻰ ﺣﺎﻝ ﻣﺴﺎﻋﺪ ﺍﻟﻠﻲ ﻛﺎﻥ ﺍﻷﻟﻢ ﻳﺘﻀﺮﺝ
ﺑﻤﻼﻣﺤﻪ ﻭﻳﺪﻩ ﻣﺸﺪﻭﺩﻩ ﻋﻠﻰ ﻳﺪﻩ ﺑﻌﺪ ﻣﺎ ﺗﺮﻙ ﻳﺪﻫﺎ .. ﻟﻜﻦ ﻓﻲ ﻗﻠﺐ
ﻓﺎﺗﻦ ﺧﻮﻑ ﺍﻋﻈﻢ .. ﻟﺤﺪ ﺍﻟﺤﻴﻦ ﻣﺎ ﻋﺮﻓﺖ ﻣﻦ ﻫﺬﻱ ﻫﻲ ﺍﻟﺒﻨﺖ ..
ﻭﺍﻫﻲ ﻣﻄﻠﺒﻬﺎ ﺍﻟﺤﻘﻴﻘﻲ ﻣﻦ ﻛﻞ ﻫﺎﻟﻤﻮﺿﻮﻉ ﺍﻫﻮ ﻫﻮﻳﺔ ﺍﻟﺒﻨﺖ .. ﺻﺞ
ﺍﻥ ﻧﻬﺎﻳﺘﻬﺎ ﻣﺄﺳﺎﻭﻳﺔ .. ﺗﻤﻮﺕ ..
ﻭﻫﻲ ﺷﺒﺎﺏ .. ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ .. ﻟﻜﻦ .. ﻣﺜﻞ ﺍﻟﻤﺼﺒﺎﺡ ﺍﻟﻠﻲ
ﻭﻟﻊ ﻓﻲ ﺑﺎﻟﻬﺎ ﻭﻣﻦ ﻧﻮﺭﻩ ﺣﺴﺖ ﺑﺤﺮﺍﺭﺓ ﺍﻟﻜﻬﺮﺑﺎ ﻭﻫﻲ ﺗﺴﺮﻱ ..
ﺍﻧﺼﻌﻘﺖ
ﻓﺎﺗﻦ ﻭﻫﻲ ﺗﻄﺎﺑﻖ ﻣﺠﺮﻳﺎﺕ ﻫﺎﻟﻘﺼﺔ ﺑﺤﻴﺎﺓ ﺷﺨﺺ ﺗﻌﺮﻓﻪ ... ﻣﺠﺮﺩ
ﺍﻟﺘﻔﻜﻴﺮ ﺑﻬﺎﻟﺸﻲ ﻣﻦ ﻏﻴﺮ ﺍﻟﻨﻄﻖ ﺑﺎﻷﺳﻢ ﻛﺎﻥ ﻛﻔﺎﻳﺔ ﺍﻧﻪ ﻳﻀﻄﺮﺑﻬﺎ
ﺑﻌﻨﻒ ﻭﺧﻮﻭﻑ ..
ﺍﻻ ﺍﻥ ﻣﺴـﺎﻋﺪ ﻗﺎﻝ ﺍﻟﻠﻲ ﻳﻤﻜﻦ ﻳﻬﺰﻫﺎ ﻟﺒﻘﻴﺔ ﺣﻴﺎﺗﻬﺎ ..
ﻛﺎﻥ ﻭﺍﻗﻒ ﺟﺪﺍﻣﻬﺎ ﻭﻫﻮ ﻣﻨﺰﻝ ﻳﺪﻳﻨﻪ ﻭﺑﻮﻳﻪ ﻣﻌﺬﺏ ﺍﻋﺘﺮﻑ ﻟﻬﺎ ...:
ﺗﺒﻴﻦ ﺗﻌﺮﻓﻴﻦ ﻫﺎﻟﺒﻨﺖ ﻣﻦ ﻛﺎﻧﺖ؟؟
ﺻﺮﺧﺖ ﻓﻲ ﺑﺎﻟﻬﺎ ﻓﺎﺗﻦ ﻻﺍﺍﺍ .. ﻣﺎ ﺍﺑﻲ ﺍﻋﺮﻓﻬﺎ ... ﻻ ﻣﺎ ﺍﺑﻲ ﺍﻋﺮﻓﻬﺎ ..
ﺧﻠﻬﺎ ﻓﻲ ﻃﻴﺎﺕ ﻗﻠﺒﻚ ﻣﺜﻞ ﻣﺎ ﻛﺎﻧﺖ ﻣﺎ ﺍﺑﻲ ﺍﻋﺮﻑ ﻋﻨﻬﺎ ﺷﻲ ..
ﻣﺎﺍﺑﻲ ﺍﻋﺮﻑ ... ﻟﻜﻦ ﺍﻟﻠﻲ ﺳﻜﺘﻬﺎ ﻭﻣﺎ ﺗﺮﻛﻬﺎ ﺗﻨﻄﻖ ﺑﻬﺎﻟﻜﻠﻤﺎﺕ ﺍﻫﻮ
ﻛﻼﻡ ﻣﺴﺎﻋﺪ
ﺍﻣﺲ .. ﻳﻮﻡ ﻗﺎﻝ ﻟﻬﺎ ﺍﻧﺘﻲ ﺍﻟﺤﺎﺿﺮ ﻭﺍﻟﻤﺴﺘﻘﺒﻞ .. ﻭﻣﺎ ﻛﻮ ﺑﻨﺖ ﻏﻴﺮﻫﺎ
ﻳﻤﻜﻦ ﺗﺤﺘﻠﻪ ...
ﻣﺴـﺎﻋﺪ ﻳﻮﻡ ﺣﺲ ﺍﻥ ﻋﻴﻮﻧﻬﺎ ﺗﻌﻄﻴﻪ ﺍﻟﻤﻮﺍﻓﻘﺔ ﺍﻧﻪ ﻳﻜﻤﻞ ... ﻓﺾ
ﺍﻟﺴﺮ ﺍﻟﻌﻈﻴﻢ .. ﻭﻳﺎ ﻟﺪﻗﺎﺕ ﻗﻠﺒﻪ ﺍﻟﻤﻀﻄﺮﺑﻪ ...: ﻛﺎﻧﺖ .... ﻋﻤﺘﺞ ...
ﻉ .. ﻋﺎﻟﻴــﺔ ...
ﻣﺎﻗﺪﺭﺕ ﺗﺤﺮﻙ ﺫﺭﺓ ﻣﻦ ﺟﺴﻤـﻬﺎ ﺗﺠﺎﻩ ﻫﺎﻟﺤﻘﻴﻘﺔ .. ﺍﻗﺼﻰ ﻣﺎ ﺗﻘﺪﺭ
ﻓﻲ ﻳﻮﻡ ﻣﻦ ﺍﻻﻳﺎﻡ ﺗﺴﺘﺤﻤﻠﻪ .. ﺍﻟﻤﺎﺿﻲ ﻭﻛﻴﻒ ﺭﺟﻊ ﻟﻬﺎ ﻓﻲ ﺍﻟﺤﺎﺿﺮ
ﻭﺍﻟﻤﺴﺘﻘﺒﻞ ﺍﻟﻠﻲ ﺗﻨﺘﻈﺮﻩ ﺑﺸﻮﻭﻕ ﻛﺒﻴﺮ .. ﻋﻤﺘﻬﺎ ﻋﺎﻟﻴﺔ !! ﻭﺍﻫﻲ ﻭﻳﻦ
ﻛﺎﻧﺖ ﻣﻦ ﻫﺎﻟﺸﻲ .. ﻛﺎﻧﺖ ﺻﻐﻴـﺮﺓ ﺻﺢ ..
ﻟﻜﻨﻬﺎ ﻛﺎﻧﺖ ﺗﻌﺮﻑ ﻛﻞ ﺻﻐﻴـﺮﺓ ﻭﻛﺒﻴـﺮﺓ .. ﻛﺎﻧﺖ ﻋﻴﻮﻧﻬﺎ ﻣﻌﺎﻧﻘﺔ
ﺣﺠﺮﻫﺎ ﻭﻫﻲ ﻣﺎ ﺗﺸﻮﻑ ﺷﻲ ﻏﻴﺮ ﺍﻟﺴـﻮﺍﺩ .. ﻣﺴـﺎﻋﺪ ﻛﺎﻥ ﻳﺘﻨﻔﺲ
ﺑﺼﻌﻮﺑﺔ ﻭﻫﻮ ﻳﺤﺴـ ﺍﻧﻪ ﻓﻲ ﻟﺤـﻈﺎﺕ ﺍﻧﻬﻰ ﻛﻞ ﺷﻲ ﺟﻤﻴـﻞ ﺑﺤﻴﺎﺗﻪ
ﻣﻦ ﻋﺮﻑ ﻓﺎﺗﻦ .. ﻣﺎ ﻗﺪﺭ ﻳﺼﺪﻕ ﺍﻥ ﻓﻲ ﻳﻮﻡ ﻣﻦ ﺍﻳﺎﻣﻪ ﺫﻛﺮﻯ ﻋﺎﻟﻴﺔ
ﺭﺍﺡ ﻳﻜﻮﻥ ﺍﺛﺮﻫﺎ ﺟﺬﻱ ﻋﻠﻴﻪ ...
ﺑﺼﻮﺕ ﻣﺨﻨﻮﻕ ....: ﻓﺎﺗﻦ .... ﻗﻮﻟﻲ ﺷﻲ ..
ﻓﺎﺗﻦ ﻭﻫﻲ ﻣﻮﺳﻌﺔ ﻋﻴﻮﻧﻬﺎ ﺍﻟﻐﻴﺮ ﻣﺼﺪﻗﺔ ﻭﺑﺼﻮﺕ ﻣﺨﻨﻮﻕ
ﺑﺎﻟﻌﺒـﺮﺓ ..: ﺷﻘـﻮﻝ؟؟؟
ﺗﻘﺮﺏ ﻣﻨﻬﺎ ﻭﻟﻜﻦ ﺭﺩ ﻟﻮﺭﻯ ﻭﻫﻮ ﻳﻤﺮﺭ ﺻﻮﺍﺑﻌﻪ ﺑﺸﻌـﺮﻩ ﺑﺘﻮﺗﺮ : ﺍﻱ
ﺷﻲ .. ﻗﻮﻟﻲ ﺍﻱ ﺷﻲ .. ﺑﺲ ﻻ ﺗﺴﻜـﺘﻴﻦ ..
ﻭﻟﻜﻦ ﻫﺬﺍ ﺍﻟﻠﻲ ﻣﺎﻗﺪﺭﺕ ﻓﺎﺗﻦ ﺗﻤﻨﺤﻪ ﺇﻳـﺎﻩ .. ﻇﻠﺖ ﺳـﺎﻛﺘﺔ ﻭﻫﻲ ﻣﻮ
ﻗﺎﺩﺭﺓ ﺍﻻ ﺍﻧﻬﺎ ﺗﺬﺭﻑ ﺩﻣﻌﺔ ﺳﺎﺣﻘﺔ ﻟﻜﻞ ﺫﺭﺓ ﺻﺒﺮ ﻓﻴﻬـﺎ .. ﻭﺗﻮﺍﻟﺖ
ﺍﻟﺪﻣﻌﺎﺕ ﻟﺤﺘﻰ ﻭﺻﻞ ﺻﺪﻯ ﺟﺮﻳﺎﻧﻬﺎ ﻋﻠﻰ ﺧﺪ ﻓﺎﺗﻦ ﻟﻤﺴﺎﻣﻊ
ﻣﺴـﺎﻋﺪ .. ﻭﺍﻟﺘﻔﺖ ﻟﻬﺎ ﻳﺮﺍﻗﺒﻬﺎ ﺑﺤﺴـﺮﺓ ..
ﻭﻻﻭﻝ ﻣﺮﺓ ﻣﺎ ﻗﺪﺭ ﺍﻧﻪ ﻳﻐﻴﺮ ﻋﻨﻬﺎ ﺷﻲ .. ﻭﻟﻬﺎﻟﺸﻲ ﻛﺎﻥ ﺍﻻﺛﺮ ﺍﻟﺴﺎﺣﻖ
ﻋﻠﻰ ﻧﻔﺴﻴـﺘﻪ ..
ﻭﻗﻔﺖ ﻓﺎﺗﻦ ﺍﺧﻴـﺮﺍ ﻛﺤﺮﻛﺔ ﻟﻠﺤﻴﺎﺓ ﻏﻴﺮ ﺩﻣﻮﻋﻬﺎ ﺍﻟﻌﻤﻴـﻘﺔ ﻭﺍﻟﻤﺮﺓ ..
ﺭﻓﻌﺖ ﻋﻴﻮﻧﻬﺎ ﻓﻲ ﻭﻳﻪ ﻣﺴـﺎﻋﺪ ...
ﻓﺎﺗﻦ ﺑﻌﺠﺰ : ﻟﻴﺶ ﺍﻧﺎ؟؟؟؟؟ ﻟﻴﺶ؟؟؟ ﺗﻘﺪﺭ ﺗﻘﻮﻝ ﻟﻲ ﻟﻴﺶ
ﺗﻘﺮﺏ ﻣﻨﻬﺎ ﻣﺴﺎﻋﺪ ﻭﻣﺴﻚ ﻭﻳﻬﻬﺎ ﻣﻦ ﻏﻴﺮ ﺍﻱ ﺗﺮﺩﺩ : ﻻﻧﺞ ﻛﻨﺘﻲ
ﺗﻤﺜﻠﻴﻦ ﻛﻞ ﺷﻲ ﻓﺎﺗﻦ .... ﻛﻨﺘﻲ ﺍﻷﻣﻞ ﺍﻟﻠﻲ ﺑﺚ ﺍﻟﺤﻴﺎﺓ ﻓﻴﻨﻲ .. ﺍﻧﺎ
ﻭﺍﻟﻠﻪ ﺷﺎﻫﺪ ﻋﻠﻲ ﻣﺎ ﻛﻨﺖ
ﺍﻓﻜﺮ ﺍﻧﻲ ﺍﺗﺰﻭﺝ ﻣﻦ ﺑﻨﺖ ﺛﺎﻧﻴﺔ .. ﻭﺍﻥ ﺳﻮﻳﺖ ﻣﺎ ﺭﺍﺡ ﺗﻜﻮﻥ ﻭﺣﺪﺓ
ﺍﻻ ﻛﻔﻮﺅﺓﻩ .. ﻭﻳﻤﻜﻦ ﺑﻌﺪ ﻣﺎ ﺭﺍﺡ ﺍﺣﺒﻬﺎ .. ﻟﻜﻦ ﺍﻧﺘﻲ ﻗﻠﺒﺘﻲ ﻓﻨﻲ ﻛﻞ
ﺍﻟﻤﻮﺍﺯﻳﻦ ..
ﺑﻌﺪﺕ ﺭﻭﺣﻬﺎ ﻓﺎﺗﻦ ﻋﻨﻪ ﻭﻫﻲ ﺗﺤﺲ ﺍﻥ ﻳﺪﻳﻨﻪ ﻣﺜﻞ ﺍﻟﺠﻤﺮ ﺍﻟﻠﻲ
ﻳﺤﺮﻗﻬﺎ ... ﻟﻤﺖ ﻧﻔﺴﻬﺎ ﻋﻠﻰ ﺑﻌﻀﻬﺎ ﻭﻃﺎﻟﻌﺘﻪ ﺑﻌﻴﻮﻧﻪ : ﺭﻭﺡ ﻣﺴـﺎﻋﺪ ..
ﺗﺴﺎﺭﻋﺖ ﺍﻧﻔﺎﺳﻪ ﺑﺤﺰﻥ ..: ﻓﺎﺗﻦ ..
ﻗﻄﻌﺘﻪ ﺑﺼﻮﺕ ﻛﻠﻪ ﺍﻧﻴﻦ ..: ﺭﻭﻭﻭﺡ ﻣﺴــﺎﻋﺪ .. ﻣﺎﻗﺪﺭ ﺍﻓﻜﺮ ... ﻻ
ﺗﺨﻠﻨﻲ ﺍﻗﻮﻝ ﺷﻲ ﺍﻧﺪﻡ ﻋﻠﻴﻪ ﺑﻌﺪﻳـﻦ ... ﺭﻭﺡ .. ﻭﻧﺘﻜﻠﻢ ﻣﺮﺓ ﺛﺎﻧـﻴﺔ ..
ﻣﺎﻗﺪﺭ ﻳﺮﺩ ﻋﻠﻴﻬﺎ .. ﻧﻔﺴﻪ ﻛﺎﻧﺖ ﻋﺰﻳﺰﺓ ﻭﺍﺑﻰ ﻋﻠﻰ ﺭﻭﺣﻪ ﺍﻧﻪ ﻳﻘﻌﺪ ﻟﻬﺎ
ﻭﻳﺘﻮﺳﻠﻬﺎ ﺍﻧﻬﺎ ﺗﺨﻠﻴﻪ ﻳﻘﻌﺪ ﻭﻳﺎﻫﺎ .. ﻭﻣﺸﻰ ﺑﺨﻄﻮﺍﺕ ﻣﺎ ﺗﻼﻣﺲ
ﺍﻻﺭﺽ ﻣﻦ ﺯﻭﺩ ﻣﺎ ﻛﺎﻥ ﻣﺘﺄﻟﻢ .. ﻭﻗﺒﻞ ﻻ ﻳﻄﻠﻊ ﻣﻦ ﺍﻟﺒﺎﺏ ﻃﻞ ﻋﻠﻰ
ﻓﺎﺗﻦ ﻗﺒﻞ ﻻ ﻳﻄﻠﻊ .. ﻟﻘﺎﻫﺎ ﻭﺍﻗﻔﺔ ﻭﻫﻲ ﺿﺎﻳﻌﺔ ﺑﻌﻴﻮﻧﻬﺎ ﻓﻲ ﺍﺣﺪ
ﺍﻟﺰﻭﺍﻳﺎ ... ﻣﺎ ﺍﺳﺘﺤﻤﻞ ﻫﺎﻟﻤﺸﻬﺪ ﻭﻃﻠﻊ ﻣﻦ ﺍﻟﺒﻴﺖ ﺑﺴـﺮﻋﻪ .. ﻭﺭﻛﺐ
ﺍﻟﺴﻴﺎﺭﺓ ﻭﻫﻮ ﻳﻤﺴﻚ ﺍﻟﻤﻘﻮﺩ ﺑﻐﻀﺐ ﻛﺒﻴـﺮ .. ﺷﻠﻮﻥ ﺻﺎﺭ ﻏﺒﻲ
ﺑﻬﺎﻟﺼـﻮﺭﺓ .. ﺷﻚ ﻓﻲ ﻇﺮﻑ ﺍﺳﺒﻮﻉ ﺧﻼﻩ ﻳﻨﻬﻲ ﻛﻞ ﺍﻻﺣﻼﻡ ﺍﻟﺤﻠﻮﺓ
ﺍﻟﻠﻲ ﻛﺎﻥ ﻳﻤﺮ ﻓﻴﻬﺎ ﻭﺍﻟﻤﺴﺘﻘﺒﻞ ﺍﻟﻠﻲ ﺑﺪﻯ ﻳﺴﺮﻉ ﺍﻻﻳﺎﻡ ﻋﺸﺎﻥ
ﻳﻮﺻﻞ ..
ﺣﺮﻙ ﺍﻟﺴﻴـﺎﺭﺓ ﺑﺴـﺮﻋﺔ .. ﻟﻮﺟﻬـﺔ ﻣﺎ ﻳﻌﺮﻓـﻬﺎ .. ﻳﻤﻜﻦ ﻳﻨﺘﻬﻲ ﺍﻟﻴﻮﻡ ﺍﻭ
ﻣﺎ ﻳﻨﺘﻬﻲ .. ﺍﺩﻯ ﻛﻞ ﺍﻟﻠﻲ ﻋﻠﻴﻪ ﻓﻲ ﺣﻴﺎﺗﻪ .. ﻭﻛﺎﻫﻲ ﺍﺧﺮ ﺗﺄﺩﻳﺔ ..
ﺍﺩﺕ ﺑﻤﺴﺘﻘﺒﻠﻪ
ﻟﻠﻬﺎﻭﻳﺔ ..
ﺍﻣﺎ ﻓﺎﺗﻦ ﻓﻜﺎﻧﺖ ﻣﻮ ﻣﺼﺪﻗﺔ ﻫﺎﻟﺸﻲ .. ﻭﺍﻭﻝ ﻣﺎ ﺣﺴﺖ ﻻﺧﺘﻔﺎﺀ
ﻣﺴﺎﻋﺪ ﻋﻨﻬﺎ ﻟﺤﻘﺖ ﻭﺭﺍﻩ ﺑﺮﻉ ﻭﻫﻲ ﺗﺪﻭﺭﻩ .. ﻣﺎ ﻟﻘﺖ ﺍﻱ ﺍﺛﺮ ﻟﻪ ..
ﺗﻤﺖ ﻭﺍﻗﻔﺔ ﻋﻨﺪ ﺍﻟﺒﺎﺏ ﻭﻫﻲ ﻣﺒﻠﻠﺔ ﺑﺎﻟﻤﺎﻱ ﺍﻟﻠﻲ ﺑﺪﻯ ﻳﻬﻄﻞ ﺑﻐﺰﺍﺍﺭﺓ
ﺗﻤﻨﻊ ﺍﻟﻌﻴﻦ ﻣﻦ ﺍﻧﻬﺎ ﺗﻔﺘﺢ .. ﺗﺒﻠﻞ ﺭﺍﺳﻬﺎ ﻛﻠﻪ ﻭﻟﺼﻖ ﺍﻟﺸﺎﻝ ﻋﻠﻰ
ﻃﺮﻓﻲ ﻭﻳﻬﻬﺎ .. ﻭﺗﻤﺖ ﺗﻨﺎﻇﺮ ﺍﻟﻤﻜﺎﻥ ﺑﻌﺠﺰ .. ﺗﺘﻤﻨﻰ ﻣﻦ ﻣﺴـﺎﻋﺪ ﺍﻧﻪ
ﻳﺮﺟﻊ ﻟﻬﺎ .. ﻣﺎ ﻛﺎﻧﺖ ﻗﺎﺻﺪﺓ ﺍﻧﻬﺎ ﺗﺨﻠﻴﻪ ﻳﺮﻭﺡ ﺟﺬﻱ ﻟﻜﻦ .. ﻓﻲ ﺫﻳﺞ
ﺍﻟﻠﺤﻈﺔ ﻟﻮ ﺗﻜﻠﻤﺖ ﻟﻪ ﺍﻭ ﻗﺎﻟﺖ ﺷﻲ .. ﻛﺎﻥ ﻣﻦ ﺍﻟﻤﻤﻜﻦ ﺍﻧﻬﺎ ﺗﺠﺮﺣﻪ
ﻭﺗﺠﺮﺡ ﻧﻔﺴـﻬﺎ ..
ﺩﺧﻠﺖ ﺍﻟﺒﻴﺖ ﻭﻫﻲ ﻓﻲ ﺷﺪﺓ ﺍﻟﺼﺪﻣﺔ .. ﺩﺧﻠﺖ ﺩﺍﺭﻫﺎ .. ﻭﺑﺘﻬﺎﻟﻚ
ﻃﺎﺣﺖ ﻋﻠﻰ ﺍﻟﺴﺮﻳﺮ ﻭﻫﻲ ﻣﻮ ﻣﺼﺪﻗﻪ .. ﺍﻧﻔﺎﺳﻬﺎ ﻣﺘﻼﺣﻘﺔ
ﻭﻣﺘﺰﺍﻳﺪﺓ .. ﻟﻤﻦ ﺍﻧﻬﺎﺭﺕ ﻭﺍﻧﺨﺮﻃﺖ ﻓﻲ ﺑﻜﺎﺀ ﻗﻮﻱ ﻳﻬﺘﺰ ﻟﻪ
ﺍﻟﻮﺟﺪﺍﻥ ..
ﻣﺴﺎﻋﺪ ﻭﻋﻤﺘﻲ ﻋﺎﻟﻴﺔ؟؟ ﺣﺒﻴﺒﻴﻦ؟؟؟ ﺍﻫﻮ ﻋﻴﻞ ﺍﻻﻣﻴﺮ ﺍﻟﻠﻲ ﻳﺤﺮﺭ
ﺍﻻﻣﻴﺮﺓ ﻣﻦ ﺍﻟﻤﻠﻚ ﺍﻟﺸﺮﻳﺮ .. ﺍﻫﻮ ﺍﻟﻠﻲ ﻛﺎﻧﺖ ﻋﻤﺘﻬﺎ ﻋﺎﻟﻴﺔ ﺗﻜﺘﺐ ﻋﻨﻪ
ﻓﻲ ﻗﺼﺎﺻﺎﺕ
ﺍﻻﻭﺭﺍﻕ .. ﺍﻫﻮ ﻡ0 ﺍﻟﺪﺧﻴﻠﻲ .. ﻛﻞ ﻫﺬﺍ ﻭﻻ ﻗﺪﺭﺕ ﺍﻫﻲ ﺗﻌﺮﻑ
ﻫﺎﻟﺸﻲ .. ﺷﻠﻮﻥ ﺯﻭﺟﻮﻫﺎ ﻟﻪ ﻣﻦ ﻏﻴﺮ ﻣﺎ ﻳﻘﻮﻟﻮﻥ ﻟﻬﺎ؟؟؟ ﺷﻠﻮﻥ
ﺳﻤﺤﻮﻭﺍ ﻟﻬﺎﻟﺸﻲ ﻳﺼﻴﺮ ﻗﺒﻞ ﻻ
ﺗﻌﺮﻑ .. ﺍﻛﻴﺪ ﻳﻌﺮﻓﻮﻥ ... ﻣﺴﺘﺤﻴﻞ ﻣﺎ ﻳﻌﺮﻓﻮﻥ ﺑﻬﺎﻟﺸﻲ .. ﻭﺧﺼـﻮﺻﺎ
ﺍﺑﻮﻱ؟؟؟ ﻣﻦ ﺟﺬﻱ ﻃﻠﺐ ﺍﻧﻲ ﺍﺗﺰﻭﺝ ﻣﺴـﺎﻋﺪ .. ﺗﻌﻮﻳﺾ ﻋﻦ ﺍﻟﻠﻲ
ﻓﻘﺪﻩ ...
ﺭﻣﺖ ﺑﺮﺍﺳﻬﺎ ﻋﻠﻰ ﺍﻟﻮﺳﺎﺩﺓ ﺑﻘﻮﺓ .. ﻭﻫﻲ ﺗﻨﺘﺤﺐ ﺑﻘﻮﻭﻭﺓ ﻭﺗﻜﺘﻢ
ﺍﺻﻮﺍﺕ ﺍﻻﻧﻴﻦ ﻭﺍﻟﻘﻬﺮ ﻓﻲ ﺍﻟﻤﺨـﺪﺓ ﺍﻟﻠﻲ ﺩﻓﻨﺖ ﻭﻳﻬﻬﺎ ﺑﻬﺎ ..
ﻣﺎ ﺍﻧﺘﻬﻰ ﻛﻞ ﺷﻲ .. ﻟﻜﻦ ﺷﻲ ﻣﻦ ﺍﺣﺘﻘﺎﺭ ﺍﻟﻨﻔﺲ ﻇﻬﺮ ﻣﻦ ﺍﻟﻼ
ﻭﺟﻮﻭﻭﺩ ﻭﺧﻼﻫﺎ ﺗﻜﺮﻩ ﻛﻞ ﺷﻲ ﻳﻤﺮ ﻓﻲ ﺣﻴﺎﺗﻬﺎ ﺑﻜﻞ ﺑﺴـﺎﻃﺔ .. ﻣﺎ
ﻛﺎﻧﺖ ﺍﻻ ﻫﺪﻳﺔ ﺗﻌﻮﻳﺾ
ﻟﻤﺴـﺎﻋﺪ .. ﻓﻲ ﺑﺪﺍﻳﺔ ﺍﻟﺸﻲ .. ﻭﺑﻌﺪﻳﻦ ﺣﺒﻬﺎ .. ﺣﺒﻬﺎ .. ﻟﻜﻦ
ﺷﺎﻟﻔﺎﻳﺪﺓ .. ﻛﻞ ﻫﺎﻻﺻﺮﺍﺭ ﺍﻥ ﻭﺻﻴـﺔ ﺍﺑﻮﻱ ﻻﺯﻡ ﺗﺘﻨﻔﺬ ... ﻛﻞ
ﻫﺎﻟﺘﺮﺗﻴﺒﺎﺕ ﺍﻟﺴﺮﻳﻌﺔ .. ﺍﻟﻜﻞ
ﺗﻌﺎﻗﺪ ﻭﻳﺎ ﺑﻌﻀﻪ ﺍﻟﺒﻌﺾ ﻋﻠﻲ ... ﻟﻴﺶ؟؟ ﻟﻴﺶ ﻭﺍﻧﺎ ﺍﻟﻠﻲ ﻋﻤﺮﻱ ﻣﺎ
ﺁﺫﻳﺖ ﺍﺣﺪ ..
ﺗﺮﻛﺖ ﻧﻔﺴﻬﺎ ﻓﺎﺗﻦ ﻓﻲ ﻫﺎﻟﺤﺮﺏ ﺍﻟﻨﻔﺴﻴﺔ ﻟﻤﻦ ﻗﻀﺖ ﻋﻠﻴﻬﺎ ﺍﻟﺪﻣﻌﺎﺕ
ﻭﺭﻣﺘﻬﺎ ﻓﻲ ﻧﻮﻡ ﺣﺰﻳﻦ ﻭﺛﻘﻴﻞ ... ﻣﺘﻰ ﻣﺎ ﺗﺼﺤﻰ ﻣﻨﻪ ﺭﺍﺡ ﺗﺸﻮﻑ
ﺍﻟﺤﻘﻴـﻘﺔ ﺍﻟﺜﺎﻧﻴﺔ ﺍﻟﻠﻲ
ﺑﺈﻧﺘﻈﺎﺭﻫﺎ ..
---------------------
ﻣﺮ ﺍﻟﺼﺒﺢ ﻓﻲ ﺑﻴﺖ ﺑﻮ ﺟﺮﺍﺡ ﺑﻬﺪﻭﺀ .. ﻃﻠﻌﻮﺍ ﻓﻴﻪ ﺍﻟﻌﻴﺎﻝ ﺍﻟﻰ
ﺍﺷﻐﺎﻟﻬﻢ .. ﺧﺎﻟﺪ ﺑﺤﺰﻧﻪ ﻭﺷﻮﻗﻪ .. ﺟﺮﺍﺡ ﻭﻳﺎ ﺍﻓﻜﺎﺭﻩ ﺍﻟﻠﻲ ﻳﺒﻲ ﻳﺮﺳﻤﻬﺎ
ﻋﻠﻰ ﺍﻟﺨﺸﺐ ﻋﺸﺎﻥ ﻻ ﻳﻨﺴﺎﻫﺎ ﻭﺳﺮﻉ ﺻﻮﺏ ﺍﻟﻮﺭﺷﺔ ﻭﻳﻦ ﻣﺎ ﻳﻼﻗﻲ
ﻟﺆﻱ ﻋﺸﺎﻥ ﻳﺨﺒﺮﻩ ﺑﻜﻞ ﺷﻲ ..
ﺍﻭﻝ ﻣﺎ ﻭﺻﻞ ﺍﻟﻰ ﺍﻟﻮﺭﺷﺔ ﺑﺎﻟﻔﻌﻞ ﻟﻘﻰ ﺳﻴﺎﺭﺓ ﻟﺆﻱ ﻣﻮﺟﻮﺩﺓ ﺑﺮﻉ
ﺍﻟﻮﺭﺷﺔ ﻭﺩﺧﻞ ﻟﻪ ﺑﺮﻭﺡ ﺍﻻﺛﺎﺭﺓ ﺍﻟﻠﻲ ﻓﻲ ﻧﻔﺴﻪ .. ﻭﻳﻮﻡ ﻟﻘﺎﻩ ﻓﻲ
ﺍﻟﻤﻜﺘﺐ ﻣﺎ ﺷﺎﻑ ﺍﻟﺤﺎﻟﺔ ﺍﻟﻨﻔﺴﻴﺔ ﺍﻟﻠﻲ ﻟﺆﻱ ﺁﻳﻞ ﻟﻬﺎ .. ﻭﺑﺪﻯ ﻳﺼﺒﺢ
ﻋﻠﻴﻪ ﻭﻳﺴﺘﻌﻠﻢ ﻋﻨﻪ ﺑﻄﺮﻳﻘﺔ ﺭﺳﻤﻴﺔ .. ﻭﻣﻦ ﺑﻌﺪﻫﺎ
ﻟﺆﻱ ﻭﻫﻮ ﻳﺒﺘﺴﻢ : ﺷﺨﺒﺎﺭ ﺍﻟﻨﻔﺴﻴﺔ .. ﺍﻛﻴﺪ ﻋﺎﻝ ﺍﻟﻌﺎﻝ
ﺟﺮﺍﺡ ﺑﺤﺮﺍﺝ ﺑﺴﻴﻂ : ﻭﺍﻟﻠﻪ ﺷﻘﻮﻝ ﻟﻚ .. ﺍﻟﻘﻠﺐ ﻣﺮﺗﺎﺡ .. ﻟﻜﻦ ﺑﻌﺪ ﺷﻲ
ﻓﻲ ﺑﺎﻟﻲ ..
ﻟﺆﻱ ﺑﺎﺳﺘﻐﺮﺍﺏ : ﺷﻨﻮ ﺍﻟﻠﻲ ﻓﻲ ﺑﺎﻟﻚ ﺑﻌﺪ؟
ﺟﺮﺍﺡ : ﻟﺆﻱ .. ﺍﻧﺎ ﻗﺮﺭﺕ ﺍﻧﻲ ﺍﺧﺬ ﺑﺎﻗﺘﺮﺍﺣﺎﺗﻚ ﺍﻟﻠﻲ ﻗﻠﺘﻬﺎ ﻗﺒﻞ
ﻟﺆﻱ ﻭﻫﻮ ﻳﺰﻓﺮ ﺑﻬﺪﻭﺀ : ﺍﻱ ﺍﻗﺘﺮﺍﺣﺎﺕ؟؟ ﻳﺎﻣﺎ ﺍﻗﺘﺮﺡ ﻭﻻ ﺍﺣﺪ ﻳﻨﻔﺬ
ﺷﻲ؟؟
ﺟﺮﺍﺡ : ﻫﻬﻬﻬﻪ .. ﻻ ﺍﻗﺘﺮﺍﺣﺎﺗﻚ ﻫﺬﻱ ﺭﺍﺡ ﺗﺘﻨﻔﺬ ﻻﻧﻬﺎ ﻟﺼﺎﻟﺢ ﺍﻟﺸﺮﻛﺔ ..
( ﺍﺑﺘﺴﺎﻣﺔ ﻋﺮﻳﻀﺔ ) ﻗﺮﺭﺕ ﺍﻧﻲ ﺍﻭﺳﻊ ﺍﻟﻮﺭﺷﺔ ﺍﻟﻰ ﻣﻔﺮﻭﺷﺎﺕ ..
ﻟﺆﻱ ﺑﺎﺑﺘﺴﺎﻣﺔ ﻣﺘﻔﺎﺟﺌﺔ : ﻭﺍﻟﻠﻪ؟؟ ﺯﻳـﻦ ﺯﻳﻦ .. ﻭﺷﻠﻲ ﺧﻼﻙ ﺗﻔﻜﺮ
ﺑﻬﺎﻟﺸﻲ .. ﻣﺮﻳﻢ؟
ﺟﺮﺍﺡ ﻭﻫﻮ ﻳﺘﺬﻛﺮ ﻭﻳﻪ ﻣﺮﻳﻢ ﺍﻟﻠﻲ ﺍﻧﻄﺒﻊ ﺑﻤﻼﻣﺤﻪ : ﻣﺮﻳﻢ ..؟؟ ﻣﺮﻳﻢ
ﺻﺪﻗﻨﻲ ﻟﻮ ﺻﺞ ﺑﺘﺪﺧﻞ ﺣﻴﺎﺗﻲ ﻳﻌﻨﻲ ﺭﺑﻚ ﻗﺪﺭ ﻫﺎﻟﺸﻲ .. ﺭﺍﺡ ﺗﻜﻮﻥ
ﺣﻴﺎﺗﻲ ﻣﻦ ﺍﺭﻭﻉ ﺍﻟﺤﻴﺎﺓ ﺍﻟﻠﻲ ﻋﺎﺷﻬﺎ ﺍﺣﺪ .. ﻟﻜﻦ ﺑﻌﺪ .. ﻫﺎﻟﺸﻲ ﻟﺪﺍﻓﻊ
ﻧﻔﺴﻲ ﻭﺍﻫﻠﻲ ﺑﻌﺪ .. ﻭﻟﻚ ﺍﻧﺖ ..
ﻟﺆﻱ ﻭﻫﻮ ﻳﺴﺨﺮ : ﺍﻧﺎ؟؟ ﻟﻴﺶ ... ﺍﻧﺎ ﻣﻨﻮ ﺑﻬﺎﻟﺪﻧﻴﺎ؟
ﺣﺲ ﺟﺮﺍﺡ ﻟﺮﻭﺡ ﻟﺆﻱ ﺍﻟﻤﺘﺄﻟﻤﺔ ..: ﺍﻧﺖ ﻣﻨﻮ؟ ( ﺍﺑﺘﺴﺎﻣﺔ ) ﺷﺮﻳﻜﻲ
ﻣﻦ ﻳﻮﻡ ﻭﺭﺍﻳﺢ ... ﺍﻟﻮﺭﺷﺔ ﻣﻦ ﺍﻟﻴﺎﺳﻲ ﺭﺍﺡ ﺗﻜﻮﻥ .. ﻧﺠﺎﺭﺓ
ﻭﻣﻔﺮﻭﺷـﺎﺕ .. ﺍﻟﺨﺸـﺐ ..
ﻟﺆﻱ ﻭﻫﻮ ﻳﻔﻜﺮ ﺑﺎﻟﻠﻘﻠﺐ ﺍﻟﻴﺪﻳﺪ ..: ﺍﻟﺨﺸﺐ؟؟؟؟ ﻭﺍﻧﺎ ﺷﺮﻳﻚ؟؟
ﺟﺮﺍﺡ : ﺍﺫﺍ ﺗﺒﻲ ﻳﻌﻨﻲ .. ﺍﺫﺍ ﻣﺎ ﺗﺒﻲ ﻣﺎﻟﻲ ﺍﻻ ﺍﺭﻭﺡ ﻭﺍﺩﻭﺭ ﺍﺣﺪ
ﻏﻴـﺮﻙ ..
ﻟﺆﻱ ﻭﻫﻮ ﻳﻮﻗﻒ ﻋﻠﻰ ﺭﻳﻠﻪ : ﺗﻌﺎﻝ .. ﺍﺫﺍ ﺷﺮﻳﺞ ﻳﻌﻨﻲ ﻟﻲ ﻧﺴﺒﺔ ﻓﻲ
ﺍﻻﺭﺑﺎﺡ
ﺟﺮﺍﺡ ﻭﻫﻮ ﻳﺰﻳﺪ ﻟﻪ : ﻭﻧﺴﺒﺔ ﻓﻲ ﺍﻟﻤﺼﺎﺭﻳﻒ ﻋﻠﻰ ﺍﻟﻤﻜﺎﻥ ..
ﻟﺆﻱ ﻭﻫﻮ ﺭﺍﻓﻊ ﺣﺎﺟﺐ : ﺧﻠﻨﺎ ﻋﻠﻰ ﺍﻟﻠﻲ ﻗﻠﺘﻪ .. ﻧﺴﺒﺔ ﻓﻲ ﺍﻻﺭﺑﺎﺡ
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻧﺴﺒﺔ ﻓﻲ ﺍﻻﺭﺑﺎﺡ ﻭﺍﻟﻤﺼﺎﺭﻳﻒ ..
ﻟﺆﻱ ﺍﻟﻠﻲ ﺳﺮﻋﺎﻥ ﻣﺎ ﺗﺒﺪﻟﺖ ﺣﺎﻟﺘﻪ ﺍﻟﻨﻔﺴﻴـﺔ ﻣﻦ ﺍﻟﺤﺰﻥ ﺍﻟﻰ ﺍﻟﻔﺮﺡ
ﺍﻟﻜﺒﻴﺮ .: ﺍﻧﺎ ﺷﺮﻳﺞ؟؟ ﺍﻣﺘﻠﻚ ﺷﻲ؟؟ ﻟﻲ ﻧﺴﺒﻪ ﺍﺭﺑﺎﺡ .. ﻭﺭﺍﺗﺐ ..
ﻭﻫﺎﻟﺴﻮﺍﻟﻒ؟؟
ﺟﺮﺍﺡ ﻭﻫﻮ ﻣﺒﺘﺴﻢ : ﻟﻴﺶ؟؟؟ ﺍﻧﺖ ﻗﻠﻴﻞ ﻋﻦ ﻫﺎﻟﺴﻮﺍﻟﻒ ﻛﻠﻬﺎ
ﻟﺆﻱ : ﺣﺸﻰ ﻋﻠﻰ ﺍﻟﻠﻲ ﻳﻘﻮﻭﻭﻭﻭﻭﻝ .. ﺧﻼﺹ ﻭﺭﺷﺔ ﻭﻧﺠﺎﺭﺓ
ﻭﻣﻔﺮﻭﺷﺎﺕ ﺍﻟﺨﺸﺐ .. ﻣﻦ ﻳﻮﻡ ﻭﺭﺍﻳﺢ .. ( ﻳﻔﻜﺮ ) ﺑﺲ ﺗﻌﺎﻝ ﺍﻻﺳﻢ ﻣﻮ
ﻋﺎﺟﺒﻨﻲ ...
ﺟﺮﺍﺡ ﺑﺤﻴﺮﺓ : ﻟﻴﺶ؟
ﻟﺆﻱ : ﻻﻧﻪ ﻳﺒﻴﻦ ﻋﻠﻰ ﻣﺤﺪﻭﺩﻳﺔ .. ﺭﺍﺡ ﻧﻜﻮﻥ ﻣﺤﺪﻭﺩﻳﻦ ﺑﺲ
ﺑﺎﻟﺨﺸﺐ .. ﻭﺍﺣﻨﺎ ﻻﺯﻡ ﻣﺎ ﻧﻜﻮ ﻥ ﺟﺪﺫﻱ؟
ﺟﺮﺍﺡ ﻭﻫﻮ ﻳﺤﻚ ﺫﻗﻨﻪ : ﻛﻤﻞ ..؟؟
ﻟﺆﻱ ﻭﻫﻮ ﻳﺄﺷﺮ ﺑﻴﺪﻳﻨﻪ : ﺧﻠﻨﺎ ﺑﻌﺪ ﻧﺘﻮﺳﻊ ﺍﻟﻰ ﺍﻟﺤﺪﻳﺪ ﺍﻟﻤﻄﺎﻭﻉ ..
ﻭﺍﻟﺠﺰﺍﺯ ﺍﻟﻤﻠﻮﻥ .. ﻭﺍﻟﺒﻮﺭﺳﻠﻴﻦ ﻭﺍﻟﺴﺮﺍﻣﻴﻚ .. ﻫﺎﻟﺴﻮﺍﻟﻒ ﺍﻟﻠﻲ ﺗﻌﺠﺐ
ﺍﻟﻨﺎﺱ ﻫﺎﻻﻳﺎﻡ .. ﻭﺍﺫﺍ ﺍﻟﻠﻪ ﻗﺪﺭﻧﺎﺑﻌﺪ .. ﻧﻮﺻﻞ ﺍﻟﻰ ﺍﻟﺪﻳﻜﻮﺭﺍﺕ
ﻭﺍﻻﻛﺴﺴﻮﺍﺭﺍﺕ ..
ﺟﺮﺍﺡ ﻭﻫﻮ ﻳﻮﻗﻒ ﻭﻋﻠﻰ ﻣﻼﻣﺤﻪ ﻋﻼﻣﺎﺕ ﻋﺪﻡ ﺍﻟﻤﻮﺍﻓﻘﺔ : ﻣﺎﺩﺭﻱ
ﻟﺆﻱ ﻣﺎﻇﻦ ﻫﺎﻟﻔﻜﺮﺓ ﺯﻳﻨﺔ
ﻟﺆﻱ : ﻻ ﺟﺮﺍﺡ ﻻ ﺗﻔﻜﺮ ﻓﻲ ﺍﻟﺸﻲ ﺍﻟﺤﻴﻦ .. ﻓﻜﺮ ﻓﻴﻪ ﻋﻠﻰ ﺍﻟﻤﺪﻯ
ﺍﻟﻄﻮﻳﻞ .. ﺍﻭ ﻣﻮ ﺍﻟﻄﻮﻳﻞ ﺍﻟﻤﺘﻮﺳﻂ . ﻣﺎ ﻧﺒﻲ ﻧﻜﻮﻭﻥ ﻣﺘﺄﺧﺮﻳﻦ
ﺟﺮﺍﺡ : ﺑﺲ ﻻﺯﻡ ﻧﺤﺎﻓﻆ ﻋﻠﻰ ﻃﺮﺍﺯ ﻣﻌﻴﻦ ﻓﻲ ﺍﻧﺘﺎﺟﻨﺎ !!
ﻟﺆﻱ : ﺷﻠﻮﻥ؟
ﺟﺮﺍﺡ : ﻳﻌﻨﻲ ﻧﻜﻮﻥ ﻛﻼﺳﻴﻜﻴﻴﻦ .. ﺑﺲ ﺑﻄﺮﻳﻘﺔ ﺣﺪﻳﺜﺔ .. ﻳﻌﻨﻲ
ﺍﻻﺻﻞ ﺑﺲ ﺑﻌﺪ ﺍﺿﺎﻓﺎﺕ ﺍﻟﺤﺪﺍﺛﺔ ﻓﻲ ﺍﻻﺛﺎﺙ
ﻟﺆﻱ ﻭﻫﻮ ﻳﻀﻢ ﺟﺮﺍﺡ : ﻭﺍﻟﻠﻪ ﺍﺣﻨﺎ ﺍﻻﺛﻨﻴﻦ ﻻ ﺗﻼﻳﻤﻨﺎ ﻧﻔﻜﺮﺭﺭﺭﺭﺭﺭ
ﺟﺮﺍﺡ : ﻫﻬﻬﻬﻬﻬﻬﻬﻬﻬﻪ ﻣﺜﻞ ﺍﻟﻤﺪﺭﺳﺔ ﻗﺒﻞ ..
ﺑﻌﺪ ﻓﺘﺮﺓ ﻣﻦ ﺍﻟﺼﻤﺖ ﻭﻛﺎﻥ ﺍﻻﺛﻨﻴﻦ ﻳﻔﻜﺮﻭﻭﻥ ..
ﺟﺮﺍﺡ : ﺑﺲ ﺗﻌـﺎﻝ ... ﻫﺎﻻﺷﻴﺎﺀ ﻛﻠﻬﺎ ﺗﻌﻨﻲ ﺯﻳﺎﺩﺓ ﻓﻲ ﺭﺃﺱ ﺍﻟﻤﺎﻝ ..
ﻭﺯﻳﺎﺩﺓ ﻓﻲ ﺍﻟﻌﻤﺎﻝ .. ﻭﺍﻟﻔﻨﻴﻴﻦ .. ﻭﺍﻻﺧﺘﺼﺎﺻﻴﻴﻴﻦ .. ﻭﻧﺎﺱ ﺫﻭﻳﻘﺔ ..
ﻟﺆﻱ : ﻣﺎﻓﻴﻬﺎ ﺷﻲ ﺍﻧﺎ ﻭﺍﻧﺖ ﺫﻭﻳﻘﺔ ﻭﺭﺍﺡ ﻧﺴﺘﻌﻴﻦ ﺑﺄﻫﻠﻨﺎ ..
ﺟﺮﺍﺡ ﻭﻫﻮ ﻳﻮﺍﻓﻖ : ﺍﻱ ﺍﻱ .. ﻭﺗﺪﺭﻱ .. ﺑﻄﻠﻊ ﺧﺎﻟﺪ ﻣﻦ ﺷﻐﻠﻪ ﺍﻟﻠﻲ ﻫﻮ
ﻓﻴﻪ ﺍﻟﺤﻴﻦ ﻭﺑﺪﺧﻠﻪ ﻫﻨﻲ ﻭﻳﺎﻧﺎ ﻛﺸﺮﻳﻚ .. ﻭﻫﻮ ﻣﺎ ﺷﺎﺀ ﺍﻟﻠﻪ ﻋﻠﻴﻪ
ﺣﺴﻪ ﻓﻲ ﺍﻟﺬﻭﻕ ﻭﺍﻟﺘﺼﻤﻴﻢ ﻓﻈﻴﻊ .. ﻭﻳﻘﺪﺭ ﻳﺼﻤﻢ ﻭﻳﺨﻄﻂ ﻭﻳﺮﺳﻢ
ﺍﺣﻠﻰ ﺍﻻﺷﻴﺎﺀ ..
ﻟﺆﻱ : ﺣﻠﻮﻭﻭ .. ﺑﺲ ﺑﻌﺪ ﻧﺎﻗﺼﻨﺎ ﺷﻲ ... ﺣﺲ ﺭﻗﻴﻖ ﻭﺩﺍﻓﺊ ﻭﻳﺘﺮﻙ
ﺍﻻﻧﻄﺒـﺎﻉ ﺍﻟﺤﺴﻦ ﻟﺠﻤﻬﻮﺭﻧﺎ ﻭﺯﺑﺎﺋﻨﺎ .. ﺣﺲ ﺍﻟﺤﺮﻣﺔ ..
ﺟﺮﺍﺡ : ﺑﺲ ﻭﻳﻦ ﺑﻨﻠﻘﻰ ﻫﺎﻟﺤﺮﻣـﺔ ..؟؟
ﻟﺆﻱ ﻭﻫﻮ ﻳﻔﻜـﺮ ﻓﻲ ﺍﻟﺸﺨﺺ ﺍﻟﻠﻲ ﻳﻤﻜﻦ ﺍﻧﺘﻮ ﺗﻔﻜﺮﻭﻥ ﻓﻴﻪ ﺑﻌﺪ :
ﻭﺣﺪﺓ .. ﺗﻘﺪﺭ ﺗﺒﺚ ﻣﺸﺎﻋﺮﻫﺎ ﻣﻦ ﻛﺮﻩ ﺍﻭ ﺣﺐ ﺍﻭ ﺻﺪﺍﻗﺔ ﺍﻭ ﺃﻟﻢ ﻓﻲ
ﺍﻟﻠﻲ ﺗﺴﻮﻳﻪ ...
ﺟﺮﺍﺡ ﻭﻫﻮ ﻣﺴﺘﻐﺮﺏ : ﻣﻦ ﻫﺬﻱ ﺍﻟﻠﻲ ﺗﺘﻜﻠﻢ ﻋﻨﻬﺎ ..
ﺍﻟﺘﻔﺖ ﻟﺆﻱ ﻟﺠﺮﺍﺡ ﺑﻌﻴﻮﻥ ﻫﺎﺩﺋﺔ ﻭﻣﺴﺘﻘﺮﺓ : ﻳﻤﻜﻦ ﻣﺎ ﻳﻌﺠﺒﻚ ﺍﻧﻲ
ﺍﺭﺷﺤﻬﺎ ﻟﻜﻦ .. ﺍﻫﻲ ﻣﻄﻠﺒﻨﺎ ... ﻏﺰﻻﻥ ..
ﺟﺮﺍﺡ ﺑﺼﺪﻣﺔ : ﺷﻨﻮ؟؟؟ ﺍﻧﺖ ﻳﻨﻴﺖ؟؟؟ ﺍﻱ ﻏﺰﻻﻥ ﺍﻟﻠﻪ ﻳﻬﺪﺍﻙ ..
ﻟﺆﻱ ﺑﺴﺨﺮﻳﺔ : ﻏﺰﻻﻥ ﺍﻟﻜﻨﺪﻱ ..
ﺟﺮﺍﺡ : ﻻ ﺗﺴﺘﻌﺒﻂ .. ﺍﻋﺮﻑ ﻣﻦ ﺗﻘﺼﺪ ﻟﻜﻦ .. ﻣﺎ ﻧﺒﻴﻬﺎ .. ﻫﺬﻱ ﻣﺎ
ﻭﺭﺍﻫﺎ ﺍﻻ ﺍﻟﻤﺸﺎﻛﻞ؟
ﻟﺆﻱ ﺑﺨﺒﺚ : ﻣﺸﺎﻛﻞ؟؟ ﻟﻴﺶ ﺍﻧﺖ ﺑﻴﻨﻚ ﻭﺑﻴﻨﻬﺎ ﻣﺸﻜﻠﺔ؟
ﺟﺮﺍﺡ ﺍﻟﻠﻲ ﺍﻧﺼﺎﺩ : ﻫﺎ؟؟؟ ﺷﻨﻮ ﻣﺸﺎﻛﻞ .. ﻻ ﺑﺲ ﺍﻧﺎ ﻣﺎ ﺍﺗﻄﻤﻦ
ﻟﻬﺎﻟﺒﻨﺖ ..ﺗﻘﺪﺭ ﺗﻘﻮﻝ ﺍﻧﻬﺎ ﻣﺎ ﺗﻌﺠﺒﻨﻲ ..
ﻟﺆﻱ ﻭﻫﻮ ﻳﺒﺘﺴﻢ ﺑﺴﺨﺮﻳﺔ : ﻳﺎ ﺭﺑﻲ .. ﺍﻥ ﺟﺎﻥ ﺍﻧﺖ ﻣﺎ ﺗﻌﺮﻑ ﺗﺴﻮﻳﻪ
ﻳﺎ ﺟﺮﺍﺡ ﻓﻬﻮ ﺍﻟﺠﺬﺏ ﻭﺍﻟﻀﻼﻝ ... ﺍﻧﺎ ﻋﺮﻓﺖ ﺍﻥ ﺑﻴﻨﻚ ﻭﺑﻴﻨﻬﺎ ﺷﻲ
ﻣﻦ ﻳﻮﻡ ﺣﻄﻴﺖ ﻳﺪﻙ ﺑﻴﺪﻱ ﻋﺸـﺎﻥ ﺗﻄﻴﺢ ﻓﻲ ﺣﺒﻲ ﻣﺜﻞ ﻣﺎ
ﻋﻠﻤﺘﻨﻲ ... ﻟﻜﻦ ﺍﻧﺎ ﻣﻮ ﻏﺒﻲ .. ﺍﻧﺎ ﻟﺆﻱ .. ﺍﻟﻠﻲ ﺍﻓﻬﻢ ﻭﺍﺳﻜﺖ ..
ﻭﺍﻧﺘﻈﺮ ﻣﻦ ﺍﻟﻨﺎﺱ ﺍﻧﻬﺎ ﺗﻴﻲ ﻭﺗﻘﻮﻝ .. ﻟﻜﻦ ﺍﻟﻈﺎﻫﺮ ﺍﻥ ﻫﺎﻻﻣﻨﻴﺔ ﺻﻌﺒﺔ
ﺍﻟﺘﺤﻘﻖ ﻭﻳﺎ ﻫﺎﻟﻨﺎﺱ ﺍﻟﻠﻲ ﺍﺗﻌﺎﻣﻞ ﻣﻌﺎﻫﺎ ..
ﺍﺑﺘﺴﻢ ﺟﺮﺍﺡ ﻓﻲ ﻭﻳﻪ ﻟﺆﻱ .. ﻳﺎ ﻛﺜﺮ ﻣﺎ ﻫﺎﻟﺮﻳﺎﻝ ﻃﻴﺐ ﻭﻗﻠﺒﻪ ﻳﺴﻊ
ﺍﻟﺪﻧﻴﺎ ﻭﺍﻟﻨﺎﺱ ﻣﺎ ﺗﺤﺘﺮﻣﻪ ﻭﻻ ﺗﻘﺪﺭﻩ ﻟﺸﺨﺼﻪ ﺍﻟﻨﺒﻴﻞ .. ﻳﻤﺜﻞ ﺩﻭﺭ
ﺍﻻﻧﺴﺎﻥ ﺍﻟﻐﻴﺮ ﻣﺒﺎﻟﻲ ﻭﺍﻟﻐﻴﺮ ﻣﻬﺘﻢ ﺍﻭ ﺍﻟﻐﻴﺮ ﻣﺘﻮﺍﺯﻥ ﻟﻜﻦ ﻳﺨﺒﻲ ﻓﻲ
ﺯﻭﺍﻳﺎ ﻧﻔﺴﻪ ﺍﻟﺘﻨﺎﻗﺺ ﻛﻠﻪ ﻟﻜﻞ ﻫﺎﻟﻠﻲ ﻳﻘﺪﻣﻪ .. ﻭﻳﺎﻟﻴﺘﻪ ﺑﺲ ﻟﻮ
ﻳﺴﺘﻤﺮ ﺟﺬﻱ ﻋﺸﺎﻥ ﺍﻟﺪﻧﻴﺎ ﺗﻜﻮﻥ ﺑﺨﻴـﺮ ..
ﺟﺮﺍﺡ ﻭﻫﻮ ﻳﺤﻂ ﻳﺪﻩ ﻋﻠﻰ ﺟﺘﻒ ﻟﺆﻱ : ﺷﻮﻑ .. ﺍﺫﺍ ﺍﻧﺖ ﺗﺸﻮﻓﻬﺎ
ﺯﻳﻨﺔ .. ﺣﺎﺟﻬﺎ .. ﺍﻧﺎ ﺑﺤﺎﻭﻝ ﺍﻧﻲ ﺍﻛﻮﻥ ﻣﺘﻌﺎﻭﻥ ﻭﺭﺳﻤﻲ ﻗﺪ ﻣﺎ ﺍﻗﺪﺭ ..
ﻭﺍﻧﺖ ﺣﺎﻭﻝ ﺍﻧﻚ ﺗﻘﻨﻌﻬﺎ ﺑﺲ ﻻ ﺗﻀﻐﻂ ﻋﻠﻴﻬﺎ .. ﺧﻠﻬﺎ ﺑﻬﺪﻭﺀ ﻭﻟﻮﺣﺪﻫﺎ
ﺗﻘﺮﺭ ﺍﻥ ﺟﺎﻥ ﺑﺘﺪﺧﻞ ﻓﻲ ﺷﺮﺍﻛﺔ ﻣﻌﺎﻧﺎ .. ﻭﻻ ﻻﺀ؟؟ ﺍﻭﻛﻴـﻪ !
ﻟﺆﻱ ﻭﻫﻮ ﻳﻤﺴﻚ ﻳﺪ ﺟﺮﺍﺡ ﺑﻄﺮﻳﻘﻪ ﺷﺒﺎﺑﻴﺔ : ﺍﻭﻛﻲ ﺍﻭﻛﻲ ﻣﺎﺍﺍﻥ I
get the message
ﻭﺗﺤﺮﻙ ﻣﻦ ﻣﻜﺎﻧﻪ ﻣﺜﻞ ﺍﻟﻴﺮﺍﺩﺓ
ﺟﺮﺍﺡ ﻳﻜﻠﻤﻪ : ﻭﻳﻦ ﺭﺍﻳﺢ؟
ﻟﺆﻱ : ﺑﺮﻭﺡ ﻟﻬﺎ .. ﻣﺎ ﺑﻐﻴﺖ ﻣﻦ ﺍﻟﻠﻪ ﺍﻳﻴﻨﻲ ﺷﻲ ﻋﺸﺎﻥ ﺍﺭﻭﺡ ﻟﻬﺎ
ﻭﺍﺷﻮﻓﻬﺎ ...
ﻭﻏﺎﺏ ﻋﻦ ﻋﻴﻮﻥ ﺟﺮﺍﺡ ﺍﻟﻠﻲ ﺿﺤﻚ ﻋﻠﻴﻪ ﺑﺨﻔﺔ .. ﻟﺆﻱ . ﻭﻣﺎ ﺍﺩﺭﺍﻙ
ﻣﺎ ﻟﺆﻱ .. ﻻﺣﻂ ﺍﻟﺸﻲ ﻓﻲ ﺑﺎﻟﻪ ﺧﻼﺹ ﻣﺤﺪ ﻳﻘﺪﺭ ﻳﻐﻴﺮ ﻟﻪ ﻫﺎﻟﺸﻲ ..
ﻭﺍﻥ ﻛﺎﻥ ﻋﻠﻰ ﺭﻗﺒﺘﻪ ﻣﺜﻞ ﺍﻟﺴﺠﻴﻦ .. ﻟﻜﻦ ﻳﺎ ﻟﺆﻱ ﻛﻞ ﺍﻟﻲ ﻧﺘﻤﻨﺎﻩ ﻟﻚ
ﺍﻧﻚ ﻣﺎ ﺗﺘﺄﻟﻢ ﺑﺤﻴﺎﺗﻚ ﻭﻻ ﺗﻌﺎﻧﻲ ﻻﻥ ﻣﻌﺎﻧﺎﺗﻚ ﻗﻮﻳﺔ ﻋﻠﻰ ﻗﻠﻮﺏ
ﻣﻌﻈﻢ ﺍﻟﻠﻲ ﺣﻮﺍﻟﻴﻚ .. ﻛﻮﻧﻚ ﺍﻟﺴﺒﺐ ﺍﻟﻠﻲ ﻳﺪﻓﻌﻬﻢ ﻟﻠﻔﺮﺡ ﻓﻲ ﺍﻭﻗﺎﺕ
ﺍﻟﻤﻌﺎﻧﺎﺓ ..
--------------------
ﻣﻨﺎﻳﺮ ﻓﻲ ﺍﻟﻤﺪﺭﺳﺔ ﻭﺣﺎﻟﺔ ﺍﻟﺴﺮﺣﺎﻥ ﻓﻴﻬﺎ ﻣﺰﺩﺍﺩﺓ ﻋﻦ ﻛﻞ ﻣﺮﺓ .. ﺑﺪﻝ
ﻣﺎ ﺗﺤﻘﺮ ﺑﺲ ﺳﻤﺎﻫﺮ ﺻﺎﺭﺕ ﺗﺤﻘﺮ ﺣﺘﻰ ﺍﻷﺑﻠﺔ ﻓﻲ ﺍﻟﺤﺼﺔ ﺍﻟﻠﻲ ﻛﻞ
ﻣﺎ ﺗﻼﻗﻴﻬﺎ ﺳﺮﺣﺎﻧﻪ ﺗﻨﺎﺩﻳﻬﺎ ﻭﺗﻔﺸﻠﻬﺎ ﺑﻴﻦ ﺍﻟﺒﻨﺎﺕ .. ﻟﻤﻦ ﻭﺻﻞ ﻭﻗﺖ
ﺍﻟﻔﺮﺍﻍ ﺍﻟﻠﻲ ﻣﺎﻗﺪﺭﺕ ﺍﻧﻬﺎ ﺗﺴﻜﺖ ﺍﻛﺜﺮ ﻋﻦ ﺍﻟﻤﻮﺿﻮﻉ ﻟﺴﻤﺎﻫﺮ ..
ﻣﻨﺎﻳﺮ : ﺳﻤﻮﻭﻭﺭ ﻟﺤﻘﻲ ﻋﻠﻲ ..
ﺳﻤﺎﻫﺮ ﻭﻫﻲ ﺗﺒﻌﺪ ﺍﻟﺸﻌﺮ ﻋﻦ ﻋﻴﻮﻧﻬﺎ : ﻟﻴﺶ ﺷﻔﻴﺞ؟؟؟
ﻣﻨﺎﻳﺮ ﻭﻫﻲ ﺧﺎﻳﻔﺔ : ﺳﻤﻮﻭﻭﺭ ﻃﻠﻊ ﺭﻭﻣﻴﻮ ﻣﻮ ﻫﻴـﻦ .. ﺧﻄﻴـﺮ
ﻭﻳﻨﺤﺴﺐ ﺃﻟﻒ ﺣﺴـﺎﺏ ..
ﺳﻤﺎﻫﺮ ﻣﺴﺘﻐﺮﺑﺔ : ﺍﻱ ﺭﻭﻣﻴﻮ ( ﺑﺪﻫﺸﺔ ) ﻣﻨﻮﺭ ﺍﻧﺘﻲ ﺗﺤﺒﻴﻦ ﻭﺍﺣﺪ؟
ﻣﻨﺎﻳـﺮ ﺗﻨﺎﻇﺮ ﺳﻤﺎﻫﺮ ﺑﻐﺒﺎﺀ : ﺳﻤﻮﻭﻭﺭ ﺍﺷﻔﻴﺞ .. ﻟﻤﺮﺓ ﻭﺣﺪﺓ ﻓﻲ
ﺣﻴﺎﺗﺞ ﺣﻄﻲ ﻋﻘﻠﺞ ﺑﺮﺍﺳﺞ .. ﻋﺮﻓﻲ ﺍﻥ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺧﻠﻖ
ﺍﻟﺮﺍﺱ ﻟﻪ ..
ﺳﻤـﺎﻫﺮ : ﺍﻭﻫﻮﻭﻭﻭﻭﻭﻭ ﻳﺎﻟﻠﻪ ﻋﺎﺩ ﺑﺪﻳﻨﺎ ﻫﺎﻟﻐﺸﻤﺮﺓ ﺍﻟﺒﺎﻳﺨﺔ ﺍﻟﺜﺠﻴﻠﺔ ..
ﻣﻦ ﻫﺬﺍ ﺭﻭﻣﻴﻮ ﺍﻟﻠﻲ ﺗﺘﻜﻠﻤﻴﻦ ﻋﻨﻪ ..
ﻣﻨﻨــــﺎﻳﺮ : ﻭﻣﻦ ﻏﻴـﺮﻩ ﻟﺰﻗﺔ ﺍﻟﺸـﺮ ﻣﺸﻌـﻠﻮﻩ؟
ﺳﻤـﺎﻫﺮ ﻭﻫﻲ ﺗﻔﻬـــﻢ : ﺁﺁﺁﺁﺁﺁﺁﺁﺁﺁﺁﺁﺁﻩ .. ﻭﺷﻠﻮﻥ ﻣﺎ ﻋﺮﻓﺖ .. ﺍﻛﻴﺪ ..
ﻭﺍﻧﺘﻲ ﻋﻨﺪﺝ ﺳﺎﻟﻔﺔ ﻏﻴـﺮ ﻫﺎﻝ " ﻟﺰﻗﺔ ﺍﻟﺸﺮ" ﻣﺎﻟﺞ ..
ﻣﻨﺎﻳﺮ ﺑﺎﺳﺘﻐﺮﺍﺏ : ﻟﻴﺶ؟؟؟ ﺷﻘﺼﺪﺝ
ﺳﻤــﺎﻫﺮ : ﻣﺎ ﻋﻠﻴﺞ ﻣﻨﻲ ﻭﻗﻮﻟﻴـﻲ ﺷﻠﻮﻥ ﺧﻄﻴﺮ ﻭﻳﻨﺤﺲ ﻟﻪ ﺍﻟﻒ
ﺣﺴﺎﺏ؟؟ ﻭﺍﻳﺪ ﻣﺘﺴﻠﻒ؟؟
ﻣﻨﺎﻳﺮ : ﻫﺎﻫﺎﻫﻬﺎ .. ﺑﺎﻳﺨﺔ ﺗﺪﺭﻳﻦ .. ﺍﻗﻮﻝ ﻟﺞ ﻃﻠﻊ ﻭﺍﺣﺪ ﻣﻮ ﻫﻴﻦ ﻟﻴﺶ
ﺍﻧﻪ ﺻﺞ ﻳﺤﺐ ﻓﺎﺗﻦ ﺍﺧﺘﻲ ﺍﻟﺤﻘﻴﻴــﺮ
ﺳﻤﺎﻫﺮ ﻭﻫﻲ ﺗﻤﺴﻚ ﺻﺪﺭﻫﺎ : ﺣﻠﻠﻠﻠﻠﻠﻠﻠﻔﻲ .. ﻳﺎ ﺫﺍ ﺍﻟﻜﺮﺍﺍﺍﺍﻫﺔ ﻓﺘﻮﻥ
ﻭﻣﺸﻌﻠﻮﻩ .. ﻛﻠﺶ ﻳﻠﻮﻗﻮﻥ ﺗﺪﺭﻳﻦ (ﺑﻌﺪ ﺗﻔﻜﻴﺮ )
ﻣﻨﺎﻳﺮ ﺗﻀﺮﺑﻬﺎ : ﻣﺎﻟﺖ ﻋﻠﻴﺞ ﻓﺎﻝ ﺍﻟﻠﻪ ﻭﻻ ﻓﺎﻟﺞ ﺍﺧﺘﻲ ﻋﻨﺪﻫﺎ ﺭﻳﺎﻝ
ﻳﺴﻮﻯ ﺍﻟﺪﻧﻴﺎ ﻭﻣﺎﻓﻴﻬﺎ .. ﺍﻧﺎ ﺍﻟﻠﻲ ﺍﺑﻲ ﺍﻋﺮﻓﻪ ﻫﺬﺍ ﺍﻟﺤﻤﺎﺭ ﻣﺸـﻌﻠﻮﻩ
ﺷﻴﺒﻲ ﻣﻦ ﺍﺧﺘﻲ ﻓﺎﺗﻦ .. ﺍﻥ ﺳﻮﻯ ﻓﻴﻬﺎ ﺷﻲ ﻳﺎ ﺳﻤﺎﻫﺮ ﻣﻦ ﻏﻴﺮ ﻣﺎ
ﺍﻛﺘﺸﻔﻪ ﻗﺒﻞ ﻭﺍﺣﺒﻄﻪ .. ﺻﺪﻗﻴﻨﻲ .. ﺑﻤﻮﻭﺕ ..
ﺳﻤـﺎﻫﺮ : ﺍﻧﺘﻲ ﺍﺻﻼ ﺣﻤﺎﺭﺓ ﺍﻧﺘﻲ ﺍﻟﻠﻲ ﺑﺪﻳﺘﻲ ﻛﻞ ﻫﺬﺍ .. ﻣﻦ ﻗﺎﻟﺞ
ﺗﺼﻌﺪﻳﻦ ﻟﻐﺮﻓﺘﻪ ﻭﺗﻨﺒﺸﻴﻦ ﺑﺎﻏﺮﺍﺿﻪ ﻭﻓﻮﻕ ﻛﻞ ﻫﺬﺍ ﺗﺴﺮﻗﻴﻦ ﺍﻟﺴﻠﺴﻠﺔ
ﻭﺍﻟﺼﻮﺭﺓ؟؟
ﻣﻨـﺎﻳﺮ ﻭﻫﻲ ﻣﻮ ﻗﺎﺩﺭﺓ ﺗﻔﻜﺮ ﺑﺎﻟﻠﻲ ﺗﻘﻮﻟﻪ ﺳﻤﺎﻫﺮ : ﺍﻧﺘﻲ ﻗﺼﺪﺝ ﺍﻥ ﻣﺎ
ﻛﺎﻥ ﻟﻲ ﺣﻖ .. ﺍﻧﻲ ﺍﺧﺬ ﺻﻮﺭﺓ ﺍﺧﺘﻲ ﺍﻟﻠﻲ ﻋﻨﺪﻩ ﻭﺳﻠﺴﻠﺔ ﻋﻤﺘﻲ
ﺍﻟﻤﺘﻮﻓﻴﺔ؟؟؟
ﺳﻤـــﺎﺭ ﻭﻫﻲ ﺗﻔﻜﺮ : ﻻ ﻻ .. ﺍﺗﺮﺍﺟﻊ .. ﻟﺞ ﺍﻟﺤﻖ .. ﺑﺲ ﻣﺎﻟﺞ ﺍﻟﺤﻖ ﺍﻧﺞ
ﺗﺼﻌﺪﻳﻦ ﻏﺮﻓﺘﻪ .. ﺗﺪﺭﻳﻦ ﻟﻮ ﻳﺸﺘﻜﻲ ﻋﻠﻴﺞ ﻋﺎﺩﻱ ﻳﻘﻄﻮﻧﺞ ﺑﺎﻟﻤﺨﻔﺮ
ﻣﻨـﺎﻳﺮ : ﻳﺤﻠﻔﻮﻭﻥ ﺑﺲ .. ﺍﻧﺎ ﻣﻨﺎﻳﺮ ﺑﻨﺖ ﻋﺒﺪﺍﻟﻠﻪ ﺍﻟﻴﺎﺳﻲ ﻳﻘﻄﻮﻧﻲ
ﺑﺎﻟﻤﺨﻔﺮ .. ﻷﻳﺶ ﺍﻟﺪﻧﻴﺎ ﺳﺎﻳﺒﺔ .. ﺑﺪﻝ ﻻ ﻳﻘﻄﻮﻧﻪ ﺍﻫﻮ ﺍﻟﻤﺠﺮﻡ ﻳﻌﻠﻪ
ﺩﻭﺩﻩ ﻓﻲ ﺑﻄﻨﻪ ..
ﺳﻤـــﺎﻫﺮ : ﻻ ﺗﺪﻋﻴﻦ .. ﻣﺎ ﺳﻤﻌﺘﻲ ﺍﺑﻠﺔ ﺍﻻﺳﻼﻣﻴﺎﺕ ﺷﻘﺎﻟﺖ ﺍﻟﻴﻮﻡ ..
ﺍﻟﻠﻲ ﻳﺪﻋﻲ ﺗﺮﺟﻊ ﻟﻪ ﺍﻟﺪﻋﻮﺓ ﻳﺎﻟﻠﻪ ﺳﻜﺘﻲ ..
ﻣﻨـﺎﻳﺮ : ﺑﺲ ﺗﺪﺭﻳﻦ .. ﺍﻧﺎ ﻻﺯﻡ ﺍﻋﺮﻑ ﺍﻫﻮ ﺷﻘﺼﺪ ﺑﺎﻟﻠﻐﺰ
ﺳﻤــﺎﻫﺮ ﻭﻫﻲ ﺗﻘﺮﻡ ﺍﻟﺠﺰﺭﺓ ﺍﻟﻠﻲ ﻋﻨﺪﻫﺎ : ﺍﻱ ﻟﻐﺰ ﻣﺎ ﻗﻠﺘﻴﻠﻲ ﻋﻨﻪ
ﻣﻨﺎﻳﺮ ﻭﻫﻲ ﺗﺘﺮﺑﻊ ﺟﺪﺍﻡ ﺳﻤﺎﻫﺮ ..: ﺍﻫﻮ ﻗﺎﻝ ﻟﻲ ﺳﺮ .. ﺍﻥ ﻭﺍﺣﺪ ﻳﺤﺐ
ﻭﺣﺪﺓ ﻭﻫﺎﻟﻮﺣﺪﺓ ﻣﺎﺍﺗﺖ .. ﻭﺑﻌﺪﻳﻦ ﻳﺘﺰﻭﺝ ﻭﺣﺪﺓ ﺛﺎﻧﻴﺔ
ﺳﻤﺎﻫﺮ ﺗﻘﺎﻃﻌﻬﺎ : ﻭﺣﺪﺓ ﻏﻴﺮ ﺍﻟﻠﻲ ﻣﺎﺗﺖ
ﻣﻨﺎﻳﺮ : ﺍﻱ ﺍﻱ .. ﺍﻧﺰﻳﻦ .. ﻳﺘﺰﻭﺝ ﻭﺣﺪﺓ ﺛﺎﻧﻴﺔ ﺗﺸﺎﺑﻪ ﺍﻟﻮﺣﺪﺓ ﺍﻻﻭﻟﻰ ..
ﺳﻤـﺄﻫﺮ : ﺍﻟﻠﻲ ﻣﺎﺍﺗﺖ
ﻣﻨﺎﻳﺮ : ﺍﻱ ﺍﻱ .. ﻭﺗﺸﺎﺑﻬﻬﺎ ﻋﺎﺩ .. ﻭﺑﺲ ﻫﺬﺍ ﻫﻮ ﺍﻟﺴﺒﺐ ﺍﻟﻠﻲ ﺧﻼﻩ
ﻳﺘﺰﻭﺟﻬﺎ ..
ﺳﻤـﺎﻫﺮ : ﻳﺘﺸﺎﺑﻬﻮﻥ؟؟ ﻳﻌﻨﻲ ﺧﻮﺍﺕ؟؟
ﻣﻨﺎﻳـﺮ : ﺍﻭﻭﻭﻑ .. ﻻﺍﺍﺍﺍﺍ ﺳﻤﻮﻭﺭ .. ﺷﻔﺘﻲ ﺍﻟﻤﺜﻞ ﺍﻟﻠﻲ ﻳﻘﻮﻝ ﻳﺨﻠﻖ ﻣﻦ
ﺍﻟﺸﺒﻪ ﺍﺭﺑﻌﻴﻦ
ﺳﻤـﺎﻫﺮ : ﺍﻱ ﺍﻱ ﺍﻋﺮﻓﻪ ﺑﺲ ﺍﻛﻴﺪ ﻣﺎ ﺑﺘﺸﺎﺑﻬﺎ ﻣﻨﻲ ﻭﺍﻟﺪﺭﺏ .. ﺍﻛﻴﺪ ﻟﻬﺎ
ﺻﻠﺔ ﺍﻭ ﻋﻼﻗﺔ .. ﺑﺲ ﺗﻌﺎﻟﻲ ﺍﻫﻮ ﻗﺼﺪ ﻣﻦ ﺑﻬﺎﻟﺸﻲ ..؟؟ ﻭﺍﻟﻠﻐﺰ ﻋﻦ
ﻣﻨﻮ؟؟ ﻟﻮ ﺣﻠﻴﺘﻴﻪ ﺑﺘﻠﻘﻴﻦ ﻫﺪﻳﺔ؟ _ ( ﺗﺒﺘﺴﻢ ﺑﺒﻼﻫﺔ ) _
ﻣﺎ ﺭﺩﺕ ﻣﻨﺎﻳﺮ ﻻﻧﻬﺎ ﻛﺎﻧﺖ ﻣﺤﺘـﺎﺭﺓ ﻣﻊ ﻧﻔﺴـﻬﺎ ﻓﻲ ﺍﻟﻠﻲ ﻗﺎﻟﺘﻪ
ﺳﻤﺎﻫﺮ .. ﻣﻮ ﻭﺣﺪﺓ ﺛﺎﻧﻴﺔ ﺑﺲ ﻟﻬﺎ ﺻﻠﺔ ﺍﻭ ﻋﻼﻗﺔ .. ﻳﻌﻨﻲ ﺍﻟﺸﺒﻪ
ﺭﺍﺟﻊ ﻟﻠﻘﺮﺑﻰ .. ﻭﺭﺟﻌﺖ ﺍﻓﻜﺎﺭﻫﺎ ﻻ ﺍﺭﺍﺩﻳﺎ ﺍﻟﻰ ﺍﻻﻭﺭﺍﻕ ﺍﻟﻠﻲ ﻛﺎﻧﻮ
ﻋﻨﺪﻫﺎ ﻟﻌﻤﺘﻬﺎ ﻋﺎﻟﻴـﺔ .. ﻭ ﻡ 0 ﺍﻟﺪﺧﻴﻠﻲ .. ﻭﻓﺎﺗﻦ ﺍﺧﺘﻬﺎ ... ﺑﺲ ﺑﻌﺪ ﻣﺎ
ﺗﻘﺪﺭ ﺗﺠﺰﻡ ﺑﻬﺎﻟﺸﻲ ﻻﻧﻬﺎ ﻣﺎ ﺷﺎﻓﺖ ﺻﻮﺭﺓ ﻋﻤﺘﻬﺎ ﻋﺎﻟﻴـﺔ .. ﺑﺲ ﻟﻮ ﻣﺎ
ﻛﺎﻥ ﺍﻟﻤﻮﺿﻮﻉ ﻳﺨﺺ ﻓﺘﻮﻥ ﻓﻠﻴﺶ ﻣﺸﻌﻞ ﻗﺎﻟﻪ ﻟﻬﺎ ﻣﻦ ﺍﻻﺳﺎﺱ ..
ﻣﻨﺎﻳﺮ : ﻭﺍﻟﻠﻪ ﻳﺎ ﺳﻤﻮﻭﻭﺭ .. ﻫﺬﺍ ﻣﺸﻌﻠﻮﻩ ﻣﺤﺪ ﺑﻴﻜﺸﻒ ﺳﺮﻩ
ﻏﻴـﻴﺮﻱ .. ﺻﺒﺮﻱ ﻋﻠﻲ ﻭﺍﻟﻠﻪ ﻻ ﻓﺸﻠﻪ ﺑﻴﻦ ﺍﻟﻔﺮﻳﺞ ﻫﺎﻟﺤﺮﺍﻣﻲ ﺍﻟﻠﻮﺗﻲ
ﺍﻟﺠﺬﺍﺏ .. ﻳﻌﻠﻪ ﺍﻟﺤﺎﻣﻴﺔ ﻟﻤﻦ ﻳﻌﺠﺰ ﻋﻦ ﺫﻭﻗﻬﺎ ..
ﺳﻤـﺎﻫﺮ : ﺍﻭﻭﻭﻭﻭﻭﻭﻭﻭﻭﻭﻭﻭﻩ ﻣﻨﻮﺭ ﻛﺎﻓﻲ ﺩﻋﺎﻭﻱ ﻭﺍﻟﻠﻪ ﺣﺮﺍﻡ ..
ﺳﻜﺘﺖ ﻣﻨﺎﻳـﺮ ﻭﻫﻲ ﺗﺮﺟﻊ ﻻﻓﻜﺎﺭﻫﺎ ﻭﻟﺘﺬﻛﻴﺮ ﻧﻔﺴﻬﺎ ﺍﻧﻬﺎ ﺍﻭﻝ ﻣﺎ ﺗﺮﺟﻊ
ﺍﻟﺒﻴﺖ ﺑﺘﻨﺒﺶ ﺻﻮﺭﺓ ﻟﻌﻤﺘﻬﺎ ﻋﺎﻟﻴﺔ .. ﺍﻣﺎ ﺳﻤﺎﻫﺮ ﻓﻈﻠﺖ ﺗﺒﺤﻠﻖ ﻓﻲ
ﻭﻳﻬﻪ ﺍﺭﻓﻴﺠﺘﻬﺎ .. ﻻﻭﻝ ﻣﺮﺓ ﺣﺴﺖ ﺍﻥ ﻣﻨﺎﻳﺮ ﻣﻬﺘﻤﺔ ﻟﺼﺒﻲ .. ﺣﺘﻰ ﻟﻮ
ﺍﻧﻬﺎ ﺍﻫﺘﻤﺖ ﻓﻴﻪ ﺑﻜﺮﻩ ﺍﻻ ﺍﻧﻬﺎ ﺑﻌﺪ ﺗﺘﻢ ﻣﻬﺘﻤﺔ .. ﻳﺎ ﺗﺮﻯ .. ﻫﻞ ﻣﻨﺎﻳﺮ
ﺑﺘﺤﺐ ﻣﺸـﻌﻞ ﻓﻲ ﺧﻀﻢ ﻫﺎﻻﻣﻮﺭ ﻛﻠﻬﺎ .؟؟ ﻫﺬﺍ ﺷﻲ ﻛﺎﻧﺖ ﻣﺎ ﺗﻘﺪﺭ
ﺗﺤﺪﺩﻩ ﺳﻤـﺎﻫﺮ ﻓﻲ ﺑﺎﻟﻬﺎ ﻟﻜﻨﻬﺎ ﺗﺤﺲ ﺍﻥ ﻣﻨﺎﻳـﺮ .. ﻟﺴﺒﺐ ﺍﻭ ﻻﺧﺮ ..
ﻣﻌﺠﺒــﺔ ﺑﻤﺸﻌﻞ ﻋﻠﻰ ﺍﻟﺮﻏﻢ ﻣﻦ ﻛﻞ ﺍﻟﻠﻲ ﺗﻌﺮﻓـﻪ ﻋﻨﻪ ..
-------------------------------------------
ﻭﺻـﻞ ﻟﺆﻱ ﻟﺒﻴﺖ ﻏﺰﻻﻥ ﻭﻫﻮ ﻳﺤﺎﻭﻝ ﺍﻧﻪ ﻳﻀﺒﻂ ﻧﻔﺴـﻪ .. ﻣﺎﻗﺪﺭ ﺍﻻ
ﺍﻧﻪ ﻳﺮﻓﻊ ﺟﺘﻔﻪ ﻣﺜﻞ ﺍﻟﻠﻲ ﻳﻤﺎﺭﺱ ﺭﻳﺎﺿﺔ ﻭﻳﻨﺰﻟﻪ .. ﻋﺸﺎﻥ ﻳﻄﻠﻊ ﻣﻦ
ﺍﻟﺴﻴﺎﺭﺓ ﻭﻳﺪﺧﻞ ﺍﻟﺒﻴﺖ .. ﻭﻳﻮﻡ ﺍﻧﺘﺒﻪ ﻟﻨﻔﺴﻪ ﻣﺎ ﻟﻘﻰ ﺭﻭﺣﻪ ﺍﻻ ﺩﺍﺧﻞ
ﺣﺪﻳﻘﺔ ﺑﻴﺖ ﺍﻟﻜﻨﺪﻱ ﺍﻟﻜﺒﻴـﺮﺓ ﻭﺍﻟﺘﻔﺖ ﺍﻟﻰ ﺟﻠﺴﺔ ﺍﻟﺨﺸﺐ ﺍﻟﻠﻲ
ﺳﻮﻭﻫﺎ ﻗﺒﻞ ﻓﺘﺮﺓ ﻓﻲ ﺍﺑﻬﻰ ﺣﻠﺔ .. ﻭﺍﺍﻟﺰﺭﺍﻉ ﻛﺎﻥ ﻳﻬﺘﻢ ﻓﻴﻬﺎ ﻋﻠﻰ
ﺍﻻﻃﺮﺍﻑ ﻭﻳﺤﺎﻭﻝ ﻳﺰﺭﻉ ﺷﻲ ﺗﺤﺘﻬﺎ .. ﻳﻤﻜﻦ ﺷﺠﺮﺓ ﻳﺎﺳﻤﻴﻦ ﻋﺸﺎﻥ
ﺗﻘﺪﺭ ﺗﺘﺴﻠﻖ ﻋﻠﻴﻬﺎ ﻭﺗﺨﻠﻒ ﻋﻠﻴﻬﺎ ﻃﺎﺑﻊ ﺟﻤﻴﻞ ..
ﺿﺮﺏ ﺍﻟﺠﺮﺱ ﻭﻳﺎﺗﻪ ﺍﻟﺨﺎﺩﻣﺔ ﺍﻟﻠﻲ ﺷﺎﻓﻬﺎ ﻣﻦ ﻗﺒﻞ ﻭﺧﺒﺮﻫﺎ ﺍﻧﻬﺎ
ﺗﻨﺎﺩﻱ ﻏﺰﻻﻥ ﻭﻣﺎ ﺗﻘﻮﻝ ﻟﻬﺎ ﺍﻥ ﺍﻟﻠﻲ ﻳﺎﻱ ﺍﻫﻮ .. ﺧﻼﻫﺎ ﺗﻮﺻﻞ ﻟﻬﺎ ﺍﻥ
ﻭﺍﺣﺪ ﻣﻦ ﺍﻟﺤﻜﻮﻣﻮ ﻳﺒﻴﻬﺎ ..
ﺭﺍﺣﺖ ﺍﻟﺨﺎﺩﻣﺔ ﻭﻫﻲ ﺣﺎﻣﻠﺔ ﻫﺎﻟﻮﺍﺟﺐ ﻓﻲ ﺻﺪﺭﻫﺎ .. ﻭﻟﺆﻱ ﺍﻟﻠﻲ
ﺯﺍﺩﺕ ﺿﺮﺑﺎﺕ ﻗﻠﺒﻪ ﻳﻮﻡ ﺣﺲ ﺍﻥ ﻏﺰﻻﻥ ﻋﻠﻰ ﻭﺷـﻚ ﺍﻧﻬﺎ ﺗﻘﺎﺑﻠﻪ
ﺑﻬﺎﻟﻠﺤﻈﺔ .. ﺗﻢ ﻳﻤﺴﺢ ﻋﻠﻰ ﺷﻌﺮﻩ ﺍﻟﻨﺎﻋﻢ ﻭﻫﻮ ﻳﺤﺮﻙ ﻳﺪﻳﻨﻪ ﻳﻤﻴﻦ
ﻭﻳﺴـﺎﺭ .. ﻳﺤـﺲ ﺑﺎﻟﺘﻮﺗﺮ ﻭﻟﻜﻦ ﺑﻌﺪ ﻳﺤﺎﻭﻝ ﺍﻧﻪ ﻳﻬﺪﻱ ﻧﻔﺴﻪ ﻻﻥ ﺍﻟﻠﻲ
ﺍﻫﻮ ﻳﺎﻱ ﻟﻪ ﻣﻬﻢ ﺑﺎﻟﻨﺴﺒﺔ ﻟﻜﻞ ﻣﻦ ﺟﺮﺍﺡ ﻭﺍﻫﻮ ﻭﺣﺘﻰ ﻏﺰﻻﻥ ..
ﻭﺍﻟﺘﻔﺖ ﻟﺒﺎﺏ ﺍﻟﺒﻴﺖ ﺍﻟﺮﺋﻴﺴﻲ ﻭﻟﻘﺎﻫﺎ ﻃﺎﻟﻌﺔ ﻣﻨﻪ .. ﻭﻫﻲ ﻻﻓﺔ ﺷﺎﻝ
ﻋﻠﻰ ﺭﺍﺳﻬﺎ ﺑﻄﺮﻳﻘﺔ ﻣﺘﺮﺍﺧﻴﺔ .. ﻭﻛﺎﻧﺖ ﻣﺴﺘﻌﺪﺓ ﺍﻧﻬﺎ ﺗﻄﻠﻊ ﻣﻦ
ﺍﻟﻌﺘﺒﺎﺕ .. ﻭﺗﺼﻨﻤﺖ ﻳﻮﻡ ﺍﻧﻬﺎ ﻟﻘﺖ ﺍﻟﻠﻲ ﺟﺪﺍﻣﻬﺎ ﻟﺆﻱ ﻣﺤﺪ ﻏﻴـﺮﻩ ..
ﻣﺮﺕ ﻋﻠﻰ ﺑﺎﻟﻬﺎ ﻭﺑﺎﻟﻪ ﻛﻞ ﺍﻟﺬﻛﺮﻳﺎﺕ ﺍﻟﻠﻲ ﺍﻣﺘﻠﻜﻮﻫﺎ ﻓﻲ ﻛﻞ ﻟﻘﺎﺀ
ﻟﻬﻢ .. ﻭﻟﺸﻌﻮﺭ ﻏﻴﺮ ﻣﻔﻬﻮﻡ ﺣﺴﻮ ﺑﺎﻷﻟﻔﺔ ﺗﺠﺎﻩ ﺑﻌﺾ .. ﻭﺑﻌﺾ ﻣﻦ
ﺍﻟﺮﺍﺣﺔ ﺑﻌﺪ ..
ﺧﺒﺎﻳﺎ ﻫﺎﻟﻠﻘﺎﺀ ... ﻭﺍﻛﺘﺸﺎﻓﺎﺕ ﻣﻨـﺎﻳﺮ ﺍﻟﻠﻲ ﻣﺎ ﺭﺍﺡ ﺗﺴﺎﺍﺍﺍﻧﺪ ﻓﺎﺗﻦ ﻓﻲ
ﻗﻀﻴﺘﻬﺎ ﻭﻳﺎ ﻣﺴـﺎﻋﺪ ﻛﻠﻬﺎ ﺭﺍﺡ ﺗﻜﻮﻭﻥ ﻣﻜﺸﻮﻓﺔ ﻓﻲ ﺍﻟﺠﺰﺀ ﺍﻟﻴﺎﻱ ...