الفصل 28
ﻣﺮ ﺃﺳﺒﻮﻉ ﻣﻦ ﺭﺟﻌﺔ ﻓﺎﺗﻦ ﻭﺍﻟﺤﺎﻟﺔ ﺑﻌﺪﻫﺎﻣﺴﺘﻘﺮﺓ .. ﺍﻭ ﺍﻧﻬﺎ ﺑﻴﻦ
ﺍﻟﺘﻮﺗﺮ ﺍﻟﻤﺨﻔﻲ ﺗﺤﺖ ﻃﺒﻘﺎﺕ ﺍﻟﺘﻤﺜﻴﻞ ﻭﺍﻟﻐﻴﺮ ﻣﺒﺎﻻﺓ .. ﻗﺮﺏ ﻓﺎﺗﻦ
ﻟﻤﺸﻌﻞ ﻣﺎ ﻛﺎﻥ
ﻳﻬﻤﻬﺎ ﻛﺜﺮ ﻣﺎ ﻛﺎﻥ ﻳﺨﻮﻓﻬﺎ .. ﻟﻜﻦ ﺑﻮﺟﻮﺩ ﻣﺴﺎﻋﺪ ﺣﻮﺍﻟﻴﻬﺎ ﻭﻣﻌﺎﻣﻠﺘﻪ
ﺍﻟﻄﻴﺒﺔ ﻭﻳﺎﻫﺎ ﺧﻼﻫﺎ ﻓﻲ ﺃﻣﺎﻥ ﻭﻋﺪﻡ ﺍﻫﺘﻤﺎﻡ ﻳﻤﻜﻦ ﻣﺎ ﻛﺎﻥ ﻓﻲ
ﺻﺎﻟﺤﻬﺎ ..
ﺣﺒﻬﺎ ﺍﻟﺠﺪﻳﺪ ﺍﻟﻲ ﻛﺎﻥ ﻳﻌﻤﺮ ﻓﻲ ﺧﻔﻮﻗﻬﺎ ﻣﺜﻞ ﺍﻟﻄﻴﺮ ﺍﻟﺤﺮ ﻣﺎ ﺗﺮﻙ ﻟﻬﺎ
ﻟﺤﻈﺔ ﻣﻦ ﻏﻴﺮ ﻫﻨﺎﺀ ﻭﻓﺮﺣﺔ .. ﻭﺍﻫﻲ ﻇﻠﺖ ﻣﺜﻞ ﺍﻟﻤﺘﻌﻄﺸﺔ ﺗﻨﻬﻞ ﻣﻦ
ﻓﻴﺾ
ﻫﺎﻟﺤﺐ .. ﻣﻊ ﺍﻥ ﻭﻻ ﻛﻠﻤﺔ ﺣﺐ ﻭﻻ ﺍﻋﺘﺮﺍﻑ ﺳﺎﺩ ﺑﻴﻨﺎﺗﻬﻢ ..
ﻣﻌﺎﻣﻠﺘﻬﻢ ﻟﺒﻌﺾ ﺿﻠﺖ ﺗﺎﺧﺬ ﺧﻄﻮﺍﺕ ﺑﻄﻴﺌﺔ ﻧﻮﻋﺎ ﻣﺎ ﻭﻟﻜﻦ
ﻣﻄﻤﺌﻨﺔ ..
ﺃﻛﺜﺮ ﻣﺎ ﻛﺎﻥ ﻳﺨﻮﻓﻬﺎ ﺍﻫﻲ ﺯﻳﺎﺭﺗﻬﺎ ﻟﺒﻴﺖ ﻋﻤﻬﺎ ﺍﻟﻤﺴﺘﻘﺒﻠﻲ .. ﻣﻊ ﺍﻧﻬﺎ
ﺗﻌﺮﻑ ﻟﻄﻴﺒﺔ ﻗﻠﺐ ﺍﻡ ﻣﺴﺎﻋﺪ ﺍﻻ ﺍﻧﻬﺎ ﻣﺎ ﻛﺎﻧﺖ ﻋﺎﺭﻓﺔ ﺷﻠﻮﻥ ﺭﺍﺡ
ﺗﺘﻌﺎﺍﺍﻣﻞ ﻣﻦ ﻗﺒﻠﻬﺎ ﻭﺍﻟﺤﻴﻦ ﺍﻧﻘﻠﺒﺖ ﺍﻟﻤﻮﺍﺯﻳﻦ .. ﻓﻬﻲ ﺗﻐﻴﺮ ﺩﻭﺭﻫﺎ ﻣﻦ
ﺍﺭﻓﻴﺠﺔ ﺑﻨﺘﻬﺎ ﺍﻟﻌﺰﻳﺰﺓ .. ﺍﻟﻰ ﺯﻭﺟﺔ ﻭﻟﺪﻫﺎ ﺍﻟﻌﺰﻳﺰ .. ﻭﻣﺴﺎﻋﺪ ﻣﻮ ﺍﻱ
ﻭﻟﺪ .. ﻋﻠﻰ ﺣﺴﺐ ﺍﻟﻠﻲ ﻋﺮﻓﺘﻪ ﻣﻦ ﻣﺮﻳﻢ ﻗﺒﻞ ﺗﻮﺍﺟﺪﻩ ﺑﺤﻴﺎﺗﻬﺎ
ﻭﺑﻌﺪ ..
ﻣﺴﺎﻋﺪ ﺑﻤﺜﺎﺑﺔ ﺍﻻﺏ ﺍﻟﺜﺎﻧﻲ ﻓﻲ ﺍﻟﺒﻴﺖ ... ﻭﻫﺬﺍ ﺷﻲ ﻣﺎ ﺍﺳﺘﻐﺮﺑﺘﻪ
ﻓﺎﺗﻦ ﻻﻧﻬﺎ ﺗﻌﺮﻑ ﻟﻤﺪﻯ ﺳﻌﺔ ﺻﺪﺭ ﻣﺴﺎﻋﺪ .. ﺃﻟﻠﻲ ﻳﺘﺤﻤﻞ ﺷﻲ ﻣﻦ
ﻭﺣﺪﺓ ﻏﺮﻳﺒﺔ
ﻣﺜﻠﻬﺎ ﻋﻠﻴﻪ ..
ﻟﻜﻦ ﻫﺎﻷﻣﻞ ﻛﺎﻥ ﻏﻴﺮ ﻣﺤﻘﻖ ﻻﻥ ﺍﻡ ﻣﺴﺎﻋﺪ ﻣﺎ ﻛﺎﻧﺖ ﻓﻲ ﺍﻟﺒﻴﺖ ..
ﺑﺲ ﺑﻌﺪ ﻛﺎﻥ ﺍﻟﺸﻲ ﺍﺣﺴﻦ ﺑﺎﻟﻨﺴﺒﺔ ﻟﻬﺎ ... ﻣﺴﺘﻌﺪﺓ ﻟﺸﻮﻓﺘﻬﺎ ﻟﻜﻦ
ﺑﻌﺪ ... ﻭﻇﻠﺖ
ﻃﻮﻝ ﺍﻟﻮﻗﺖ ﻭﻳﺎ ﻧﻮﺭﺓ ﻭﻣﺮﻳﻢ ﻭﺗﻌﺮﻑ ﺍﺧﺒﺎﺭﻫﻢ ﻭﺗﻀﺤﻚ ﻟﺴﻮﺍﻟﻔﻬﻢ ..
ﻣﺜﻞ ﺍﻳﺎﻡ ﻗﺒﻞ .. ﺑﺲ ﺑﻔﺮﻕ ﺍﻥ ﺍﻟﺒﻴﺖ ﺻﺎﺭ ﺑﻴﺘﻬﺎ .. ﻣﻮ ﻣﺜﻞ ﻗﺒﻞ
ﺗﻴﻲ ﻭﻳﺎ ﺍﺑﻮﻫﺎ ﻭﻻ ﻭﻳﺎ ﺍﻣﻬﺎ ..
ﻭﻣﺎ ﻇﻞ ﺍﻻ ﺍﺳﺒﻮﻭﻉ ﻭﺷﻮﻱ ﻟﺰﻭﺍﺝ ﻧﻮﺭﺓ ﻭﺍﻻﺳﺘﻌﺪﺍﺩﺍﺕ ﻋﻠﻰ ﻗﺪﻡ
ﻭﺳﺎﻕ ..
ﻭﺧﺼﻮﺻﺎ ﺑﺎﻟﻨﺴﺒﺔ ﻟﻤﺮﻳﻢ ﻭﻓﺎﺗﻦ ﺍﻟﻠﻲ ﻣﺎ ﻋﻨﺪﻫﻢ ﻓﺴﺘﺎﻥ ﻟﻬﺎﻟﺰﻭﺍﺝ
ﻭﻧﻮﺭﺓ ﺯﻋﻼﻧﺔ ﻋﻠﻰ ﻫﺎﻟﺴﺒﺐ .. ﻭﺳﻤﺎﺀ ﻭﺟﺮﺍﺡ ﻭﻣﻨﺎﻳﺮ ﻛﺎﻧﻮﻭ
ﻣﺸﻐﻮﻟﻴﻦ ﻓﻲ
ﺍﻟﺰﺭﺍﻋﺔ ﺍﻟﻠﻲ ﻳﺼﻤﻤﻮﻧﻬﺎ .. ﻃﻠﺒﻮﻭ ﺍﻟﺰﺭﺍﻉ ﺍﻟﻠﻲ ﺑﺼﻤﻢ ﻟﻬﻢ ﺍﻟﻤﻜﺎﻥ ﻭﻣﺎ
ﻛﺎﻥ ﺍﺣﺪ ﻏﺮﻳﺐ ﻏﻴﺮ ﺍﺑﻮ ﺑﺪﺭ ﺟﺎﺭﻫﻢ .. ﻭﻣﻦ ﺑﻌﺪ ﺍﻟﻤﺪﺭﺳﺔ ﻛﺎﻧﺖ
ﻣﻨﺎﻳﺮ ﻭﺳﻤﺎﺀ ﻳﺮﻭﺣﻮﻥ ﻭﻳﺎ ﺟﺮﺍﺡ .. ﺧﺎﻟﺪ ﻛﺎﻥ ﻣﺨﺘﻔﻲ ﻃﻮﻝ ﻫﺎﻟﻔﺘﺮﺓ
ﻭﻫﻮ ﻳﺸﺘﻐﻞ ﺑﺎﻟﺴﺮ ﻋﻦ ﺍﻟﻌﺎﻳﻠﺔ .. ﺍﺣﺪ ﺍﺻﺪﻗﺎﺋﻪ ﻋﻄﺎﻩ ﻫﺎﻟﺸﻐﻞ ﻭﻛﺎﻥ
ﻣﺘﻌﺐ ﻟﺪﺭﺟﺔ ﺍﻧﻪ ﻣﺎ ﻛﺎﻥ ﻳﻘﺪﺭ ﻳﻘﻌﺪ ﻓﻲ ﺍﻟﺒﻴﺖ .. ﻳﺎ ﻳﻨﺎﻡ ﻳﺎﺍﺍ ﻓﻲ
ﺍﻟﺸﻐﻞ .. ﺣﺘﻰ ﺳﻤﺎﺀ ﻣﺎ ﻛﺎﻥ ﻳﺸﻮﻓﻬﺎ ﺍﻻ ﻓﻲ ﺃﻭﻗﺎﺕ ﻣﻌﻴﻨﺔ ﻭﻣﺎ
ﻳﻜﻠﻤﻬﺎ .. ﻣﻦ ﺑﻌﻴﺪ ﻟﺒﻌﻴﺪ ..
ﻣﺎ ﻳﺒﻲ ﻳﺠﺘﻤﻊ ﻣﻌﺎﻫﺎ ﻣﺮﺓ ﺛﺎﻧﻴﺔ ﺍﻻ ﻭﻫﻮ ﻣﺴﺘﻌﺪ ﺍﻧﻪ ﻳﺎﺧﺬﻫﺎ ﻭﻳﺮﻭﺡ
ﻭﻳﺎﻫﺎ ﺑﻌﻴﺪ .. ﻣﺎ ﻋﺎﺩ ﻓﻲ ﺑﺎﻟﻪ ﺍﻻ ﻓﻜﺮﺓ ﺍﻧﻪ ﻳﺘﺰﻭﺝ ﺳﻤﺎﺀ .. ﻣﺴﺘﺤﻴﻞ
ﻳﺨﻠﻴﻬﺎ .. ﻻﻧﻪ ﻣﺎ ﻳﺒﻲ ﻳﻈﻞ ﻭﻳﺎﻫﺎ ﻋﻠﻰ ﻫﺎﻟﺤﺎﻝ ﻓﻲ ﺍﻃﺎﺭ ﻏﻠﻂ ..
ﺳﻤﺎﺀ ﻣﺎ ﺗﺴﺘﺎﻫﻞ ﺍﻻ ﻛﻞ ﺍﻟﺨﻴﺮ .. ﻭﻻﺯﻡ ﺗﻼﻗﻲ ﺍﻟﺨﻴﺮ .. ﻭﻫﻮ ﺑﻴﺤﺮﺹ
ﻋﻠﻰ ﻫﺎﻟﺸﻲ ..
-----------------
ﻓﻲ ﺑﻴﺖ ﺑﻮ ﺟﺮﺍﺡ ﻓﻲ ﺍﻟﺤﺪﻳﻘﺔ ﺍﻟﺨﻠﻔﻴﺔ
ﻛﻞ ﻣﻦ ﺳﻤﺎﺀ ﻭﺟﺮﺍﺡ ﻭﻣﻨﺎﻳﺮ ﻭﺍﻡ ﺟﺮﺍﺡ ﻳﺮﻛﺒﻮﻭﻥ ﺍﻟﻨﺎﻓﻮﺭﺓ
ﺍﻻﺻﻄﻨﺎﻋﻴﺔ ﻭﺳﻂ ﺍﻻﺭﺽ ﺍﻟﻠﻲ ﺍﻧﻔﺮﺷﺖ ﺑﺎﻟﺘﺮﺑﺔ ﻋﺸﺎﻥ ﺗﻨﺰﺭﻉ ..
ﻭﻛﺎﻥ ﺍﻟﺠﻮ ﻭﻻ ﺍﺭﻭﻉ .. ﺻﺢ ﺍﻧﻪ ﺑﺎﺭﺩ ﻟﻜﻦ ﺍﻻﻧﺘﻌﺎﺵ ﻛﺎﻥ ﺷﻲ ﺣﻠﻮﻭ ..
ﻃﺒﻌﺎ ﻣﻨﺎﻳﺮ ﻛﺎﻧﺖ ﻓﻲ ﺟﻬﺔ ﻭﻫﻲ ﺗﻘﺮﻯ ﻓﻲ ﺍﻟﺮﺳﺎﻳﻞ ﺍﻟﻠﻲ ﻛﺎﻧﺖ
ﻋﻨﺪﻫﺎ .. ﻭﻛﻞ ﻣﺎ ﺗﺨﺘﻔﻲ ﻳﻨﺎﺩﻳﻬﺎ ﺟﺮﺍﺡ ﻭﻳﻘﻄﻊ ﻋﻠﻴﻬﺎ ﺍﻟﺠﻮﻟﺔ
ﺍﻟﺘﺤﻘﻴﻘﻴﺔ ﺍﻟﻠﻲ ﺍﻫﻲ ﻓﻴﻬﺎ ..
ﺍﻟﺮﺳﺎﻳﻞ ﻛﺎﻧﺖ ﻣﺜﻴﺮﺓ ﻟﻠﺸﻚ ﻭﺍﻟﺠﺪﻝ .. ﺭﻭﻣﺎﻧﺴﻴﺔ ﺻﺢ .. ﺗﻌﺒﺮ ﻋﻦ
ﻋﻼﻗﺔ ﺭﻭﺣﻴﺔ ﺍﻛﻴﺪ .. ﻟﻜﻦ ﻣﻦ ﻣﻦ؟؟؟ ﻡ ﺍﻟﺪﺧﻴﻠﻲ؟؟ ﻣﻦ ﻳﺎ ﺗﺮﻯ ..
ﺍﺧﻮﻭﻭ ﻣﺮﻳﻢ؟؟
ﻣﺎﻇﻦ .. ﻻﻧﻪ ﻟﻮ ﻛﺎﻥ ﻳﺤﺐ ﻋﻤﺘﻲ ﻋﺎﻟﻴﺔ ﻣﺎ ﺭﺍﺡ ﻳﺎﺧﺬ ﻓﺎﺗﻦ .. ﻭﻟﻮ
ﻛﺎﻥ ﻫﺎﻟﺸﻲ ﺻﺤﻴﺢ ﻓﻠﻴﺶ ﺍﺧﺬ ﻓﺎﺗﻦ؟؟ ﻋﺸﺎﻥ ﺳﺒﺐ ﻣﻌﻴﻦ ﻳﻌﻨﻲ
ﻭﻻ؟؟؟
ﺟﺮﺍﺡ ﻭﻫﻮ ﻳﺼﻮﺕ ﻋﻠﻴﻬﺎ : ﻣﻨﻮﻭﻭﻭﺭ ﻭﻳﻬﺪ ﺍﻧﺘﻲ ﻭﻳﻨﺞ؟ .
ﻣﻨﺎﻳﺮ : ﻫﺎ؟؟ ﺍﻧﺎ ﻭﻳﻦ؟؟ ﻓﻲ ﺍﻟﻤﺼﺒﺎﺡ ﻟﻴﺶ؟
ﺟﺮﺍﺡ ﻭﻫﻮ ﻣﻨﻘﻬﺮ ﻣﻦ ﻋﺒﻄﻬﺎ ..: ﺑﺘﺘﻜﻔﺨﻴﻦ ﻣﻨﻮﻭﻭﺭ ﺗﻌﺎﻟﻲ ﺳﺎﻋﺪﻱ
ﻳﺎﻟﻠﻪ
ﺗﺮﺑﻌﺖ ﻋﻠﻰ ﺍﻟﻜﺮﺳﻲ ﺍﻟﻠﻲ ﻛﺎﻥ ﻓﻲ ﺍﻟﻤﻜﺎﻥ ..: ﻻ ﻭﺍﻟﻠﻪ ﺳﺎﻣﺤﻨﻲ
ﻳﺎﺧﻮﻱ .. ﺍﻧﺎ ﺍﻧﺴﺎﻧﺔ ﺗﺒﺤﺚ ﺑﻴﻦ ﺍﻻﻭﺭﺍﻕ .. ﻣﻮ ﺑﻴﻦ ﺍﻟﺘﺮﺏ ﻭﺍﻟﻮﺳﺦ ..
ﺳﻮﺭﻱ ﻓﻴﺮﻱ
ﺳﻮﺭﻱ ..
ﺭﻣﻰ ﺍﻟﺮﻓﺶ ﻣﻦ ﻳﺪﻩ ﻭﺭﺍﺡ ﺻﻮﺑﻬﺎ : ﺑﺘﺸﺘﻐﻠﻴﻦ ﻭﻳﺎﻧﺎ ﻏﺼﺒﻦ ﻋﻨﺞ
ﻭﺍﻧﺘﻲ ﺭﺍﺿﻴﺔ ..
ﻣﺴﻜﻬﺎ ﻣﻦ ﺟﺘﻔﻬﺎ ﻭﺟﺮﻫﺎ ..: ﻏﺼﺒﻦ ﻋﻨﻲ ﻭﺍﻧﺎ ﺭﺍﺿﻴﺔ ﺷﻠﻮﻥ ﺫﻱ ﻣﺎ
ﺗﺼﻴﺮ .. ﻋﺪﻝ ﻣﻦ ﺗﺮﻛﻴﺐ ﺍﻟﺠﻤﻠﺔ ..
ﻭﺍﺳﺘﻠﻤﺖ ﺭﻓﺶ ﻭﻳﺎﻫﻢ .. ﻭﺗﻤﺖ ﺗﺤﻔﺮ ﻣﺮﺓ ﻭﻋﺸﺮ ﻣﺮﺍﺕ ﺗﻌﺬﺏ
ﻭﺗﻌﻔﺲ ﻟﻤﻦ ﻃﺮﺩﻫﺎ ﺟﺮﺍﺡ ﻣﻦ ﺍﻟﻤﻜﺎﻥ .. ﻭﻫﺬﺍ ﻛﺎﻥ ﻣﻄﻠﺒﻬﺎ .. ﻳﻌﻨﻲ
ﺍﻧﺎ ﻣﻨﺎﻳﺮ ﺑﻨﺖ
ﻋﺒﺪ ﺍﻟﻠﻪ ﺍﻟﻴﺎﺳﻲ .. ﺍﺷﺘﻐﻞ ﺯﺭﺍﻋﺔ ...؟؟ ﻻ ﺑﺎﺑﺎ .. ﺍﺍﻧﺎ ﺍﻟﻠﻲ ﻭﺭﺍﻱ ﺍﻛﺒﺮ
ﻣﻦ ﺫﻱ ﻛﻠﻪ .. ﺍﻧﺎ ﻭﺭﺍﺍﺍﺍﻱ ﻛﺸﻒ ﺍﻟﺤﻘﺎﺋﻖ ﻭﺍﻟﺴﻮﺍﻟﻒ ﺍﻟﻤﺨﺒﻴﺔ .. ﺍﻟﻠﻲ
ﺍﻟﻠﻪ ﺍﻟﻌﺎﻟﻢ ﺷﺘﻌﻨﻲ !!..
ﻃﻠﻌﺖ ﻣﻦ ﺍﻟﺒﻴﺖ ﻭﻫﻲ ﺑﺎﻟﻤﻮﺍﺟﻬﺔ ﻭﻳﺎ ﻣﺸﻌﻞ .. ﻭﻳﻪ ﺍﻟﻌﻨﺰ ﻣﺎ ﻏﻴﺮﻩ ..
ﻣﻊ ﺍﻥ ﺍﻟﻌﻨﺰ ﺍﺑﻌﺪ ﻣﺎ ﻳﻤﻜﻦ ﻳﻘﺮﺏ ﻟﻪ ﻟﻜﻦ ﻣﺸﺎﻋﺮ ﻣﻨﺎﻳﺮ ﺍﻟﻤﻀﻄﺮﺑﺔ
ﻟﻤﻦ ﺗﻼﻗﻴﻪ ﺧﻠﺖ ﻫﺎﻟﻠﻘﺐ ﻣﺼﺎﺣﺐ ﻟﻪ .. ﻫﻮ ﺑﻌﺪ ﺷﺎﻓﻬﺎ ﺑﺲ ﻣﻦ
ﺗﺤﺖ ﻧﻈﺎﺭﺗﻪ ..
ﺭﻛﺐ ﺍﻟﺴﻴﺎﺭﺓ ﻭﺑﻨﻔﺲ ﺍﻟﺪﺭﺏ ﻛﺎﻧﺖ ﻣﻨﺎﻳﺮ ﻃﺎﻟﻌﺔ ﺗﻤﺸﻲ ﺑﻬﺪﻭﺀ ﻟﺒﻴﺖ
ﺳﻤﺎﻫﺮ .. ﻃﺎﻑ ﻣﻦ ﻳﻤﻬﺎ ﺑﺴﻴﺎﺭﺗﻪ ﺍﻟﻜﺎﺑﺮﻳﺲ ﺍﻟﺴﻮﺩﺍ ﻭﻏﺎﺏ ﻋﻦ
ﺍﻟﻄﺮﻳﺞ ﺑﺎﻟﻤﻔﺘﺮﻕ .. ﻇﻠﺖ ﻭﺍﻗﻔﺔ ﺩﻗﺎﻳﻖ ﻭﻫﻲ ﺗﻨﺎﻇﺮ ﺑﻴﺘﻬﻢ ﻭﺗﻨﺎﻇﺮ
ﺍﻟﺴﻴﺎﺭﺓ ﺍﻟﻠﻲ ﺭﺍﺣﺖ .. ﺗﻤﺖ ﺗﺘﻔﺤﺺ ﺍﻟﺸﺎﺭﻉ ﻟﻘﺘﻪ ﺧﺎﻟﻲ ﻣﻦ ﺍﻟﻨﺎﺱ ..
ﻭﺑﻔﻜﺮﺓ ﺟﻨﻮﻧﻴﺔ ..
ﻗﺮﺭﺕ ﺍﻧﻬﺎ ﺗﻘﺘﺤﻢ ﺑﻴﺖ ﻣﺸﻌﻞ .. ﻭﺑﺎﻻﻗﺘﺤﺎﻡ ﻫﺬﺍ .. ﺑﺘﺪﺧﻞ ﻏﺮﻓﺘﻪ
ﻭﺗﺪﻭﺭ ﻓﻴﻬﺎ ﺍﻟﻠﻲ ﺗﻘﺪﺭ ﻋﻠﻴﻪ ﻋﺸﺎﻥ ﺗﻠﻘﻰ ﺳﺒﺐ ﻟﻌﻼﻗﺘﻪ ﻭﻳﺎ ﺍﻫﻠﻬﺎ ..
ﻭﻋﻠﻰ ﻃﻮﻝ .. ﻣﺸﺖ ﺑﺴﺮﻋﺔ ﻟﺪﺍﺧﻞ ﺍﻟﺒﺎﺏ ﺍﻟﻠﻲ ﻣﺎ ﻛﺎﻥ ﻣﺴﻜﺮ ..
ﻣﻔﺘﻮﺡ ﻋﻠﻰ ﺧﻔﻴﻒ .. ﻭﺑﺪﻝ ﻻ ﺗﺪﺧﻞ ﻣﻦ ﺍﻟﺒﺎﺏ ﺍﻟﺮﺋﻴﺴﻲ ﺭﺍﺣﺖ ﻟﻌﻨﺪ
ﺑﺎﺏ ﺍﻟﻤﻄﺒﺦ ..
ﻭﺗﻤﺖ ﻫﻨﺎﻙ ﻭﺍﻗﻔﺔ ﻭﻫﻲ ﻣﺎﺳﻜﺔ ﺍﻧﻔﺎﺳﻬﺎ .. ﺗﺮﺍﻗﺐ ﺍﻟﺨﺪﺍﻣﺔ ﻣﻦ
ﺍﻟﺪﺭﻳﺸﺔ ﻳﺎﻟﻠﻪ ﺗﻠﻘﻰ ﺷﻲ .. ﻭﺑﺎﻟﻔﻌﻞ .. ﻃﻠﻌﺖ ﺍﻟﺨﺪﺍﻣﺔ ﻣﻦ ﺍﻟﻤﻄﺒﺦ
ﻟﺪﺍﺧﻞ ﺍﻟﺒﻴﺖ ..
ﻭﻋﻠﻰ ﻃﻮﻝ ﺍﻧﺘﻬﺰﺗﻬﺎ ﻣﻨﺎﻳﺮ ﻛﻔﺮﺻﺔ .. ﻟﻜﻦ ﻭﺗﻮﻫﺎ ﺑﺘﺪﺧﻞ ﺍﻟﻤﻄﺒﺦ ..
ﺻﻮﺕ ﻣﻦ ﻭﺭﺍﻫﺎ ﻧﺎﺩﺍﻩ ... ﻭﺗﺠﻤﺪﺕ ﻣﺜﻞ ﻗﻄﻌﺔ ﺍﻟﺨﺸﺐ ..
------------------------
ﻓﻲ ﻏﺮﻓﺘﻬﺎ ﻛﺎﻧﺖ ﻫﻴﺎﻡ ﻗﺎﻋﺪﺓ .. ﺳﺮﺣﺎﻧﺔ ﺑﺤﺎﻟﻤﻴﺔ ﻓﻲ ﺫﻛﺮﻳﺎﺗﻬﺎ ﻣﻊ
ﺯﻳﺎﺩ .. ﺍﻟﺮﺟﻞ ﺍﻟﻮﺣﻴﺪ ﻭﺍﻻﻭﻝ ﻭﺍﻻﺧﻴﺮ ﺍﻟﻠﻲ ﺑﻴﺪﺧﻞ ﺣﻴﺎﺗﻬﺎ .. ﻫﺬﺍ
ﺍﻟﻠﻲ ﺗﺄﻛﺪﺕ ﻣﻨﻪ ﻣﻦ ﺑﻌﺪ ﻣﺎ ﻋﺮﻓﺖ ﺍﻧﻪ ﺍﻫﻮ ﺣﻤﺪ .. ﺻﺞ ﺍﻥ ﻗﻠﺒﻬﺎ
ﻛﺎﻥ ﻣﺎﻛﻠﻬﺎ ﻋﻠﻰ ﻫﺎﻟﻤﻮﺿﻮﻉ .. ﻭﻛﺎﻧﺖ ﺗﺘﺴﺎﺋﻞ ﺑﺎﻟﻴﻮﻡ ﺍﻟﻒ ﻣﺮﺓ ﻗﺒﻞ
ﻻ ﺗﻌﺮﻑ ﺍﻟﺤﻘﻴﻘﺔ ﺍﻥ ﻛﺎﻧﺖ ﺟﺎﺩﺓ ﻣﻊ ﺣﻤﺪ ﻭﺍﻻ ﺍﻫﻮ ﺍﻟﺴﺪ ﺍﻟﻠﻲ
ﺑﺘﻮﺍﺟﻪ ﺍﻟﻔﺮﺍﻍ ﺍﻟﻠﻲ ﻳﺤﺎﻳﻄﻬﺎ ﻭﺑﺮﻭﺩ ﻣﻌﺎﻣﻠﺔ ﺯﻳﺎﺩ ﻣﻌﺎﻫﺎ .. ﻟﻜﻦ ﻳﻮﻡ
ﻋﺮﻓﺖ ﺍﻧﻪ ﺍﻫﻮ ﻧﻔﺴﻪ ﺯﻳﺎﺩ .. ﺍﺭﺗﺎﺣﺖ ﻧﻔﺴﻬﺎ ﺍﻛﺜﺮ .. ﻭﻗﻠﺖ ﺍﻟﺼﺮﺍﻋﺎﺕ
ﻭﺍﻟﺸﻜﻮﻙ .. ﺻﺢ ﺍﻧﻬﺎ ﻋﺼﺒﺖ ﻋﻠﻰ ﻫﺎﻟﻤﻌﺎﻣﻠﺔ ﻟﻜﻦ .. ﺍﻟﺸﻲ ﻓﻲ
ﺍﻟﻨﻬﺎﻳﺔ ﻳﺒﻘﻰ ﺣﻠﻮ .. ﺷﻠﻮﻥ ﺍﻧﻪ ﺍﻗﺒﻞ ﻋﻠﻰ ﺧﻄﻮﺓ ﻳﺎﺋﺴﺔ ﻋﺸﺎﻥ
ﻳﺘﻘﺮﺏ ﻣﻨﻬﺎ ..
ﻗﺎﻣﺖ ﻣﻦ ﻋﻠﻰ ﺍﻟﺴﺮﻳﺮ ﻭﺭﺍﺣﺖ ﻭﻗﻌﺪﺕ ﻋﻨﺪ ﺍﻟﺪﺭﻳﺴﺮ ﺗﻤﻨﻈﺮﺕ ﻓﻲ
ﺷﻜﻠﻬﺎ ..
ﺷﻌﺮﻫﺎ ﺍﻷﺷﻘﺮ ﺍﻟﻤﺎﻳﻞ ﻟﻠﺒﻨﻲ .. ﻋﻴﻮﻧﻬﺎ ﺍﻟﺒﻨﻴﻪ ﺍﻟﻼﻣﻌﺔ .. ﺑﺸﺮﺗﻬﺎ ..
ﻭﻧﻘﺎﻭﺓ ﻣﻼﻣﺤﻬﺎ .. ﻛﺎﻧﺖ ﺗﻨﺎﻇﺮ ﻧﻔﺴﻬﺎ ﻭﻫﻲ ﺗﺘﺤﺎﻭﻝ ﺗﻼﻗﻲ ﻧﻘﺎﻁ
ﺷﺒﻪ ﺑﻴﻨﻬﺎ ﻭﺑﻴﻦ ﺯﻳﺎﺩ .. ﻟﻜﻦ ﺍﻫﻮ ﻏﻴﺮ ﻋﻨﻬﺎ .. ﺗﻤﺎﻡ ﺍﻹﺧﺘﻼﻑ ..
ﺣﻮﺍﺟﺒﻪ ﺍﻟﻌﺮﻳﻀﺔ ﺍﻟﺪﻗﻴﻘﺔ .. ﻭﻋﻴﻮﻧﻪ ﺍﻟﻨﺎﻋﺴﺔ .. ﺍﺑﺘﺴﺎﻣﺘﻪ ﺍﻟﻠﻲ ﺗﻈﻬﺮ
ﻣﻨﻬﺎ ﺧﻔﻘﺔ ﺍﻟﺨﺪ .. ﻭﺟﺒﻴﻨﻪ ﺍﻟﻌﺮﻳﺾ ..
ﺻﺞ ﺍﻧﻪ ﺯﻋﻞ ﻳﻮﻡ ﻗﺎﻟﺖ ﻟﻪ ﺍﻧﻬﺎ ﺗﺤﺐ .. ﻟﻜﻦ ﻟﻮ ﺍﻫﻮ ﺫﻛﻲ ﺷﻮﻱ
ﺑﻴﻌﺮﻑ ﺍﻫﻲ ﺷﻘﺼﺪﺕ ﻣﻦ ﺍﻋﻼﻧﻬﺎ ﺣﺒﻬﺎ ﻟﺤﻤﺪ .. ﺍﻟﺸﺨﺼﻴﺔ
ﺍﻟﻤﺰﻋﻮﻣﺔ .. ﺍﻫﻲ ﺗﺤﺒﻪ ﺍﻫﻮ
ﻟﻜﻦ ﻣﺎﻓﻬﻢ ﻟﻬﺎ ..
ﺑﻌﺪﻫﺎ ﺗﺬﻛﺮ ﺷﻜﻠﻪ ﻣﻦ ﺑﻌﺪ ﺍﻋﺘﺮﺍﻓﻬﺎ ﺑﺤﺒﻬﺎ ﻟﻮﺍﺣﺪ ﻏﻴﺮﻩ .. ﺷﻠﻮﻥ ﺍﻥ
ﺭﺟﻮﻟﺘﻪ ﺍﻧﻄﻌﻨﺖ .. ﻭﺑﺎﻥ ﻏﺒﺎﺋﻪ ﻭﻻﺍﺍﺣﺖ ﺑﻮﺍﺩﺭ ﺍﻟﺨﻮﻑ ﻋﻠﻰ ﺷﻜﻠﻪ ..
ﺍﻫﻮ ﻇﻦ ﺍﻧﻪ ﺑﻬﺎﻟﺸﻲ ﺑﻴﺘﻘﺮﺏ ﻣﻨﻲ .. ﻟﻜﻦ ﻓﻲ ﻗﻠﺒﻪ ﻧﺪﻡ ﻭﺗﺄﻧﻴﺐ
ﺿﻤﻴﺮ ﺍﻧﻪ ﻋﻠﻘﻨﻲ ﻓﻲ ﺍﻧﺴﺎﻥ ﻭﻫﻤﻲ ﻻ ﺻﻠﺔ ﻟﻪ ﻟﻠﻮﺍﻗﻊ ... ﻭﻣﺎ ﺍﺣﻠﻰ
ﺷﻌﻮﻭﻭﺭ ﺍﻟﻨﺪﻡ ﻓﻴﻚ ﻳﺎﺍﺍﺍ ﺯﻳﺎﺩ ..
---------
ﻣﻦ ﻃﺮﻑ ﺛﺎﻧﻲ ﻛﺎﻥ ﺯﻳﺎﺩ ﻓﻲ ﺗﻘﻠﺐ ﻛﺒﻴﺮ ﻓﻲ ﺍﻟﻤﺰﺍﺝ .. ﻃﺎﺡ ﻓﻲ
ﻭﺭﻃﺔ ﻭﻃﻴﺢ ﻣﻌﺎﺍﺍﻩ ﻫﻴﺎﻡ .. ﻭﻣﺎ ﻳﻘﺪﺭ ﻳﺘﺨﻠﺺ ﻣﻨﻬﺎ ﺑﺴﻬﻮﻟﺔ ﻻﻧﻪ
ﺑﻴﺤﺘﺎﺝ ﻟﻘﻮﻭﻭﻝ
ﺍﻟﺤﻘﻴﻘﺔ .. ﻭﻗﻮﻝ ﺍﻟﺤﻘﻴﻘﺔ ﻣﻌﻨﺎﺍﺍﻩ ﻧﻬﺎﻳﺔ ﻛﻞ ﺍﻣﻞ ﺍﻭ ﺣﺘﻰ ﺑﺼﻴﺺ
ﻣﻊ ﻫﻴﺎﻡ .. ﻟﺬﺍ ﻋﺸﺎﻥ ﻳﺨﻔﻒ ﻣﻦ ﺍﻟﻮﺿﻊ .. ﺍﺗﺼﻞ ﻓﻲ ﻋﺒﺪ ﺍﻟﺮﺣﻤﻦ
ﻳﺴﺘﻤﺪ ﻣﻨﻪ ﺃﺭﺍﺀ ..
ﺯﻳﺎﺩ : ﺍﺩﺭﻱ ﻋﺒﺪ ﺍﻟﺮﺣﻤﻦ ﺍﻟﻤﺸﻜﻠﺔ ﻛﺒﻴﺮﺓ .. ﺑﺲ ( ﺗﺨﺘﺮﻕ ﺻﻮﺍﺑﻌﻪ
ﺷﻌﺮﻩ ﺑﻌﺼﺒﻴﺔ ) ﺍﻭﻭﻭﻭﻭﻑ ﻣﺎﺩﺭﻱ ﻣﺎﺩﺭﻱ .. ﻛﻞ ﺷﻲ ﺻﺎﺭ ﻏﻠﻂ ..
ﻭﺍﻟﺴﺒﺐ ﺍﻧﺎ ﻭﻏﺒﺎﺋﻲ ...
ﻋﺒﺪ ﺍﻟﺮﺣﻤﻦ : ﻫﺪﻱ ﺍﻋﺼﺎﺑﻚ ﻳﺎ ﺯﻳﺎﺩ ﻣﺎ ﻳﺴﻮﻯ ﻋﻠﻴﻚ .. ﺍﺳﻤﻌﻨﻲ ..
ﺍﻧﺎ ﺍﻋﻄﻴﻚ ﺭﺍﻳﻲ ﻭﻳﺎﻟﻴﺖ ﺗﺘﻘﺒﻠﻪ ..
ﺯﻳﺎﺩ : ﻻ ﻋﺒﺪ ﺍﻟﺮﺣﻤﻦ .. ﻣﺎﻗﺪﺭ ﺍﻋﺘﺮﻑ ﻟﻬﺎ ..
ﻋﺒﺪ ﺍﻟﺮﺣﻤﻦ : ﻳﺎﻟﻠﻪ ﻋﻠﻴﻚ .. ﺍﻧﺖ ﺧﻠﻴﺘﻨﻲ ﺍﺗﻜﻠﻢ .. ﺍﺳﻤﻌﻨﻲ .. ﻣﺎﻫﻲ
ﻫﺬﻱ ﻓﻜﺮﺗﻲ .. ﺍﺑﻘﻮﻝ ﻟﻚ .. ﻟﻴﻪ ﻣﺎﺍﺍ ﺗﺨﻠﻲ ﺣﻤﺪ .. ﻳﺒﺘﻌﺪ ﻋﻦ ﻫﻴﺎﻡ ..
ﻳﻘﻮﻝ ﻟﻬﺎ ﺍﻧﻪ ﺑﻴﺘﺰﻭﺝ ﻭﻻ ﺑﻴﺨﻄﺐ .. ﻫﺬﻱ ﺳﻮﺍﻟﻒ ﻛﻼﺳﻴﻜﻴﺔ ﺣﻘﺘﻨﺎ
ﺷﺒﺎﺏ ﺍﻟﺨﻠﻴﺞ ﻳﻌﻨﻲ ﻛﻞ ﺑﻨﺖ ﺗﺼﺪﻗﻬﺎ ..
ﺯﻳﺎﺩ : ﺍﻧﺎ ﻭﻟﻠﻪ ﺍﻟﺤﻤﺪ ﻣﻮ ﻧﺬﻝ
ﻋﺒﺪ ﺍﻟﺮﺣﻤﻦ ﺑﻀﺤﻜﺔ : ﻭﺑﻬﺎﻟﺤﺮﻛﺔ ﻋﺎﺩ ﺍﻧﻚ ﺣﻤﺪ ... ﻭﺵ ﺗﻜﻮﻥ
ﻓﻴﻬﺎ؟؟ ﻣﻼﻙ ...
ﺯﻳﺎﺩ ﻭﻫﻮ ﻳﺴﻨﺪ ﺟﺒﻴﻨﻪ ﻟﻠﺠﺎﻣﺔ : I don't need this !! ﻟﻴﺶ ﻣﺎ
ﻣﻨﻌﺘﻲ ﻣﻨﻪ ﻳﺎﺍﺍﺍﺍﺍﺍ ﺍﻟﻨﺬﻝ ﺧﻠﻴﺘﻨﻲ ﺍﻏﺮﻕ ﻭﻻ ﻭﻗﻔﺘﻨﻲ؟
ﻋﺒﺪ ﺍﻟﺮﺣﻤﻦ ﻳﺒﺘﺴﻢ ﺑﺸﺮ : relax dude ﺑﻌﺪﻙ ﻋﻠﻰ ﺑﺮ ﺍﻷﻣﺎﻥ ..
ﺻﺪﻗﻨﻲ .. ﺯﻭﺝ ﺣﻤﺪ .. ﻭﺍﻧﻬﻲ ﻗﺼﺘﻪ ﻣﻦ ﻫﺎﻟﺠﺎﺑﺘﺮ .. ﻭﺑﺘﻌﻴﺶ ﻓﻲ
ﺳﻌﺎﺩﺓ ﻭﺃﻣﺎﻥ ﻣﻊ ﺍﻟﺴﺖ ﻫﻴﺎﻡ ..
ﺯﻳﺎﺩ : ﺁﺁﺁﺁﺁﺁﻩ .. ﺍﻣﺮﻱ ﻟﻠﻪ .. ﺷﺒﺮﻧﺎﻣﺠﻚ ﺍﻧﺖ؟
ﻋﺒﺪ ﺍﻟﺮﺣﻤﻦ ..: ﻣﺪﺭﻱ ﻭﺍﻟﻠﻪ ﺍﻟﻈﺎﻫﺮ ﺍﻧﻲ ﺑﺠﻠﺲ ﺑﺎﻟﺒﻴﺖ؟
ﺯﻳﺎﺩ ﺑﺴﺨﺮﻳﺔ : ﻟﻴﺶ ﻭﻳﻨﻬﺎ ﻟﺰﻗﺔ ﺟﻮﻧﺴﻮﻥ؟
ﻋﺒﺪ ﺍﻟﺮﺣﻤﻦ ﺑﻘﺮﻑ : ﻳﺎﺧﻲ ﻻ ﺗﺠﻴﺐ ﺳﻴﺮﺗﻬﺎ ﻻ ﻋﺎﺩ ﻟﻴﻠﻚ .. ﻭﺍﻟﻠﻪ ﺍﻧﻬﺎ
ﻧﺎﺍﺍﺍﺍﺍﺷﺒﺔ ﺑﺒﻠﻌﻮﻭﻣﻲ .. ﻛﻴﻒ ﻛﺎﻧﺖ ﺗﺘﻐﻠﻰ ﻭﻃﺒﻌﻬﺎ ﻧﺎﺭﻱ .. ﻭﻛﻴﻒ
ﺻﺎﺭﺕ ﺍﻟﺤﻴﻦ .. ﻳﺎﻟﻠﻪ ﺧﻠﻬﺎ ﻋﻠﻰ ﺍﻟﻠﻪ ﻛﻠﻬﻢ ﻛﻢ ﻓﺼﻞ ﻭﺍﺭﺟﻊ ﻣﻦ
ﻣﺤﻞ ﻣﺎ ﺟﻴﺖ ..
ﺯﻳﺎﺩ ﻳﺒﺘﺴﻢ : ﺍﻟﻠﻪ ﻳﻌﻄﻴﻚ ﻋﻠﻰ ﻗﺪ ﻧﻴﺎﺗﻚ .. ﻳﺎﻟﻠﻪ .. ﺍﻧﺎﺍﺧﻠﻴﻚ
ﺍﻟﺤﻴﻦ ..
ﻋﺒﺪ ﺍﻟﺮﺣﻤﻦ : adieus
ﺳﻜﺮ ﺯﻳﺎﺩ ﻋﻦ ﻋﺒﺪ ﺍﻟﺮﺣﻤﻦ ﻭﻫﻮ ﻳﻔﻜﺮ ﻓﻲ ﺧﻄﺔ ﻳﺪﻳﺪﺓ ... ﻻﺯﻡ ﻻﺯﻡ
ﺗﻨﺠﺢ ﻫﺎﻟﺨﻄﺔ .. ﺣﻤﺪ ﺗﻮﺍﺟﺪﻩ ﻣﻦ ﺍﻟﺒﺪﺍﻳﺔ ﻛﺎﻥ ﻏﻠﻂ .. ﻟﻜﻦ ﻛﻞ ﻏﻠﻂ
ﻭﻻﺯﻡ ﻳﺘﺼﻠـــﺢ ..
--------------------------
ﺧﺎﻟﺪ ﺍﻟﻠﻲ ﻛﺎﻥ ﻓﻲ ﺍﻟﻤﻌﻤﻞ ﻳﺸﺘﻐﻞ ﺑﺘﻌﺐ . ﻋﻴﻮﻧﻪ ﻛﻞ ﺷﻮﻱ ﺗﺴﻜﺮ
ﻟﻜﻨﻪ ﻳﺮﺩ ﻭﻳﺼﺤﺼﺢ .. ﺻﺤﺘﻪ ﻣﺘﺄﺯﻣﺔ ﻣﻦ ﻇﻴﻖ ﺍﻟﺘﻨﻔﺲ ﻟﻜﻦ ﺍﻟﻠﻲ
ﻳﺼﺒﺮ ﻳﻨﺎﻝ .. ﻭﻓﺠﺄﺓ
ﺗﻮﻗﻒ ﺍﻟﺸﻐﻞ ﻋﻨﺪﻫﻢ ﺑﺎﻟﺒﺮﻳﻚ ﺍﻟﻘﺼﻴﺮ .. ﻛﺎﻥ ﻣﻌﻤﻞ ﻟﻠﺰﺟﺎﺝ
ﻭﺍﻷﻟﻮﻣﻨﻴﻮﻭﻭﻡ ﻓﻲ ﺍﻷﺛﺎﺙ .. ﻟﻘﻰ ﻋﻨﻮﺍﻧﻪ ﻣﻦ ﻋﻨﺪ ﺍﺣﺪ ﺍﻟﺮﺑﻊ .. ﻭﻓﻲ
ﻫﺎﻟﺒﺮﻳﻚ ﺗﻌﻮﺩ ﻣﻦ ﻓﺎﺿﻞ ﺍﻳﻴﻪ ..
ﺗﻢ ﻗﺎﻋﺪ ﻋﻨﺪ ﺣﺎﻓﺔ ﺍﻟﻤﺼﻨﻊ ﻳﻢ ﺟﻤﺎﻋﺔ ﻣﻦ ﺍﻟﺸﺒﺎﺏ .. ﻭﻛﻠﻬﺎ ﺩﻗﺎﻳﻖ
ﻭﻳﺎﺍﺍﻩ ﻓﺎﺿﻞ ..
ﻓﺎﺿﻞ ﺑﺎﺑﺘﺴﺎﻣﺔ : ﻋﺴﺎﻛﻢ ﻋﺎﻟﻘﻮﺓ
ﺧﺎﻟﺪ ﻳﺒﺘﺴﻢ ﺑﻨﻌﻮﻭﻣﺔ : ﺍﻟﻠﻪ ﻳﻘﻮﻳﻚ ..
ﻗﻌﺪ ﻳﻤﻪ ﻭﻭﻟﻊ ﺯﻗﺎﺭﺓ ... ﻭﺑﻌﺪ ﻣﺪﺓ ..
ﻓﺎﺿﻞ ﻭﻫﻮ ﻳﺄﺷﺮ ﺑﺼﺒﻌﻪ ﺍﻟﻠﻲ ﺿﺎﻡ ﺍﻟﺰﻗﺎﺭﺓ : .. ﺟﻢ ﺍﻟﺮﺍﺗﺐ ﺑﺎﻟﺸﻬﺮ؟؟
ﺧﺎﻟﺪ ﻭﻫﻮ ﻳﺤﻚ ﻋﻴﻨﻪ ﻣﻦ ﺗﺤﺖ ﺍﻟﻨﻈﺎﺭﺓ : ﻋﻠﻰ ﻫﺎﻟﺘﻌﺐ
ﻭﻫﺎﻟﻤﺬﺑﺤﺔ .. 250 ﺩﻳﻨﺎﺭ .. ﺻﺎﻓﻲ .. ﻟﻜﻦ ﻭﻳﺎ ﺍﻻﻭﻓﺮ ﺗﺎﻳﻢ ﻭﺍﻟﻌﻼﻭﺍﺕ
350 ..
ﻓﺎﺿﻞ ﺑﺼﺮﺧﺔ ﺗﻌﻨﺖ : ﻭﺍﺍﺍﺍﺍﺍﺍﺍ ﻣﺎ ﻳﺴﻮﻯ ﻋﻠﻴﻚ؟؟ ﺟﻢ ﺷﻬﺮ ﺑﺘﺸﺘﻐﻞ
ﻫﻨﻲ ﺍﻥ ﺷﺎﺀ ﺍﻟﻠﻪ
ﺧﺎﻟﺪ ﻳﺒﺘﺴﻢ : ﺧﻼﺹ ﻫﺬﺍ ﺷﻐﻠﻲ ﻭﺑﻴﻤﻊ ﻣﻨﻪ ..
ﻓﺎﺿﻞ ﻭﻫﻮ ﻳﻬﺰ ﺭﺍﺳﻪ ﻭﻣﻨﻜﺲ ﻋﻴﻮﻧﻪ ...: ﺑﻌﺪﻙ ﻋﻠﻰ ﻫﺎﻟﻔﻜﺮﺓ؟؟؟
ﺧﺎﻟﺪ ﻭﻫﻮ ﻳﺎﻛﻞ ﻣﻦ ﺍﻟﺴﻨﺪﻭﻳﺠﺔ ..: ﺍﻫﻤﻤﻢ ..
ﻓﺎﺿﻞ : ﺍﻧﺰﻳﻦ ﻣﺎﻛﻮﻭ ﺑﺪﻳﻞ ﺛﺎﻧﻲ؟؟ ﻣﺜﻼ .. ﺗﻌﺎﻝ ﻣﻌﺎﻱ ﺍﺷﺘﻐﻞ ..
ﺧﺎﻟﺪ : ﻻﺍﺍ .. ﻣﺎﺑﻲ .. (ﻳﺤﻂ ﺍﻟﺴﻨﺪﻭﻳﺠﺔ ﻣﻜﺎﻧﻬﺎ ) ﻋﺎﺟﺒﻨﻲ ﺍﻟﻤﻜﺎﻥ ﻭﻳﻦ
ﻣﺎ ﺍﻧﺎ ﻗﺎﻋﺪ ... ﻣﺮﺗﺎﺡ ﻭﻟﻠﻪ ﺍﻟﺤﻤﺪ ..
ﻓﺎﺿﻞ : ﺑﺲ ﻳﺎ ﺧﺎﻟﺪ ﺍﻧﺖ ﺻﺤﺘﻚ ﻣﻮ ﻟﻬﻨﺎﻙ .. ﺍﻧﺖ ﻧﺎﺳﻲ ﻋﻨﺪﻙ
ﺍﻟﻈﻴﺠﺔ ﻭﻧﻈﺮﻙ ﺿﻌﻴﻒ ﻭﻣﺜﻞ ﻫﺎﻟﺸﻐﻼﺕ ﺗﺘﻌﺒﻚ ﺯﻭﺩ
ﺧﺎﻟﺪ : ﺧﻞ ﻋﻨﻚ ﻣﺤﺎﺗﻰ ﺍﻟﺤﺮﻳﻢ ﺍﻧﺎ ﻣﺎﻓﻴﻨﻲ ﺷﻲ .. ﺍﺣﺴﻦ ﻣﻨﻚ ﻭﻣﻦ
ﺷﻜﻠﻚ ..
ﺳﻜﺖ ﻋﻨﻪ ﻓﺎﺿﻞ ﻭﺗﻢ ﻳﻤﺰ ﺑﺎﻟﺰﻗﺎﺭﺓ ﻟﻤﻦ ﺧﻠﺼﺖ .. ﻭﺧﺎﻟﺪ ﻳﺸﺮﺏ
ﺍﻟﻤﺎﻱ .. ﻭﻳﻮﻡ ﺧﻠﺼﺖ ﻣﻦ ﺍﻟﻤﺎﻱ ..
ﺧﺎﻟﺪ ..: ﺷﻌﻨﺪﻙ ﺍﻧﺖ؟؟؟ ﻣﺘﻰ ﺑﺘﻤﻠﺞ؟
ﻓﺎﺿﻞ ﻭﻫﻮ ﻳﻀﺤﻚ ﺑﺴﺨﺮﻳﺔ : ﻣﻦ ﺻﺠﻚ؟؟؟ ﺍﻟﺤﻴﻦ ﺑﻨﺖ ﺍﻟﺠﺎﻣﻌﺔ
ﺑﺘﺎﺧﺬ ﻟﻬﺎ ﻭﺍﺣﺪ ﺣﺎﻓﻲ ﻣﻨﺘﻒ؟؟؟ ﺧﻠﻬﺎ ﻋﻠﻰ ﺍﻟﻠﻪ
ﺗﺬﻭﻕ ﺧﺎﻟﺪ ﻃﻌﻢ ﺍﻷﻟﻢ ﻓﻲ ﻧﺒﺮﺓ ﺍﺭﻓﻴﺠﻪ ﻭﻛﻼﻣﻪ ﺑﺎﻟﺤﻴﻞ ﻣﺎ ﻳﻄﻤﻦ ..
ﻓﺎﺿﻞ ﻣﻮ ﻣﻦ ﻋﻮﺍﻳﺪﻩ ﻳﺘﺄﻟﻢ ... ﻭﺍﺫﺍ ﺗﺄﻟﻢ ﺍﻟﻜﻞ ﻳﻌﺎﻧﻲ ﻣﻌﺎﺍﻩ ..
ﺧﺎﻟﺪ ﻳﺤﻂ ﻳﺪﻩ ﻋﻠﻰ ﺟﺘﻒ ﻓﺎﺿﻞ : ﻓﺎﺿﻞ ﺷﺼﺎﻳﺮ ﺑﻴﻨﻚ ﻭﺑﻴﻨﻬﺎ؟
ﻓﺎﺿﻞ ﻳﻮﻟﻊ ﺻﻠﺐ ﺛﺎﻧﻲ .. ﻭﺑﺸﻔﺎﺍﺍﻳﻒ ﻣﺒﻴﻀﺔ ..: ﺍﺗﻘﻮﻝ ﺍﻧﻬﺎ ﻣﺎ ﺗﺒﻲ
ﻭﺍﺣﺪ ﻣﻮ ﻣﻜﻤﻞ ﺩﺭﺍﺳﺘﻪ ... ﻭﻣﺎ ﺗﺒﻲ ﻭﺍﺣﺪ ﻳﺸﺘﻐﻞ ﺍﻟﺸﻐﻼﻧﻪ .. ﻭﺗﺒﻲ
ﻭﺗﺒﻲ .. ﻳﺎﺧﻮﻱ .. ﺯﻣﺎﻥ ﺍﻭﻝ ﺗﺤﻮﻝ .. ﻭﻣﺎ ﻋﺎﺩﻭﺍ ﺍﻟﺒﻨﺎﺕ ﻳﻘﻨﻌﻮﻥ
ﺑﺎﻟﺠﻠﻴﻞ .. ﺍﻟﻠﻪ ﻳﺴﺘﺮﻫﺎ ..
ﺧﺎﻟﺪ ﺑﻨﻈﺮﺓ ﻣﺘﻔﻬﻤﺔ : ﻃﻴﺐ ﺍﻫﻲ ﻣﺎ ﻃﻠﺒﺖ ﺷﻲ ﻣﺴﺘﺤﻴﻞ .. ﺍﻫﻲ ﻛﻞ
ﺍﻟﻠﻲ ﻃﻠﺒﺘﻪ ﻛﺎﻥ ﻣﻦ ﻣﺼﻠﺤﺘﻚ؟
ﻓﺎﺿﻞ : ﺍﻱ ﻣﺼﻠﺤﺔ ﻳﺎ ﺧﺎﻟﺪ ﺍﻧﺖ ﺍﻟﺜﺎﻧﻲ؟؟ ﺭﻭﺣﺘﻲ ﻟﻠﻤﺪﺭﺳﺔ ﻳﻌﻨﻲ
ﺍﻫﺪ ﺍﻟﺸﻐﻞ ﻭﺍﺫﺍ ﻫﺪﻳﺖ ﺍﻟﺸﻐﻞ ﻣﻦ ﻟﻬﻠﻲ ..
ﺧﺎﻟﺪ : ﺍﻟﻠﻪ ﻋﻠﻴﻚ ﺗﺼﻌﺒﻬﺎ ﺍﻟﺤﻴﻦ ... ﻓﻲ ﺷﻲ ﺍﺧﺘﺮﺍﻉ ﺍﺳﻤﻪ ﺍﻟﻤﺪﺭﺳﺔﺍ
ﻟﻠﻴﻠﻴﺔ ..
ﻓﺎﺿﻞ ﻳﺒﺘﺴﻢ ﺑﺄﻟﻢ : ﻧﺎﺳﻲ ﺍﻧﻲ ﻣﻜﻤﻞ ﺛﺎﻧﻮﻳﺔ .. ﻫﺬﻱ ﺗﺒﻲ
ﺟﺎﻣﻌﺔ ...ﻭﺍﻧﺎ ﻣﺎﻟﻴﻴﻲ ﺧﻠﻖ .. ﻭﺍﻟﺰﻡ ﻣﺎ ﻋﻠﻲ ﺍﻫﻢ ﺧﻮﺍﻧﻲ ﺍﺣﻂ
ﻋﻴﻮﻧﻲ ﻋﻠﻴﻬﻢ ..
ﺧﺎﻟﺪ ﻳﻬﺰ ﺭﺍﺳﻪ : ﺍﻧﺰﻳﻦ ﻭﻣﻦ ﻗﺎﻝ ﻟﻚ ﺍﻥ ﻫﻠﻚ ﺑﻴﺘﻀﺮﺭﻭﻥ ..
ﻓﺎﺿﻞ ﻫﻨﻲ ﺗﻨﻬﺪ ﺑﺤﺮﺍﺭﺓ : ﻻﻧﻬﺎ ﻣﺎ ﺗﺒﻲ ﻫﻠﻲ ﻳﺎﺍﺍ ﺧﺎﻟﺪ ...
ﺳﻜﺖ ﺧﺎﻟﺪ .. ﻋﺎﻗﺪ ﺍﻟﻨﻮﻧﺔ ﻭﻫﻮ ﻓﺎﺝ ﺣﻠﺠﻪ ﺷﻮﻱ .. ﻣﺎ ﺗﺒﻲ ﻫﻠﻪ؟؟
ﻋﺸﺎﻥ ﻳﺤﺼﻠﻬﺎ ﻻﺯﻡ ﻳﺘﺨﻠﻰ ﻋﻦ ﻫﻠﻪ .؟؟؟ ﻓﺎﺿﻞ ﻣﺴﺘﺤﻴﻞ ﻳﺘﺮﻙ
ﻫﻠﻪ ﻋﺸﺎﻥ ﺍﺣﺪ .. ﻭﻻ ﺣﺘﻰ ﻋﺸﺎﻥ ﻧﻔﺴﻪ ..
ﺳﻜﺖ ﺧﺎﻟﺪ ﻭﺍﺑﺘﺴﻢ ﻓﺎﺿﻞ ..:.. ﺟﻔﺖ ﺷﻠﻮﻥ؟؟ ﺟﻔﺖ ﺷﻠﻮﻥ ﺍﻥ
ﺑﻨﺎﺕ ﻫﺎﻟﺰﻣﻦ ﺗﻐﻴﺮﻭﺍ .. ﻣﻮ ﻣﺜﻞ ﻗﺒﻞ .. ﺍﻟﻲ ﺗﺘﻤﻨﻰ ﺍﻧﻬﺎ ﺗﻌﻴﺶ ﻭﻳﺎ ﺍﻡ
ﺍﻟﺮﻳﺎﻝ ﻭﺧﻮﺍﺗﻪ
ﻭﺗﻌﺎﺷﺮﻫﻢ ... ﺍﺍﺍﺍﺍﺍﻩ ﺍﻟﻠﻪ ﻛﺮﻳﻢ ..
ﺧﺎﻟﺪ ﻭﻫﻮ ﻳﻬﺰ ﺭﺍﺳﻪ ﺑﺘﺸﺎﺅﻡ ..: ﺍﻟﻠﻪ ﻳﻄﻠﻌﻨﺎ ﻣﻦ ﺻﺮﻋﺎﺕ ﻫﺎﻟﺰﻣﻦ ..
ﺑﻨﺎﺕ ﻣﺎ ﻳﺒﻮﻥ ﺍﻫﻞ ﺍﻟﺼﺒﻲ .. ﻭﺑﻨﺎﺕ ﻣﺎ ﻳﺒﻮﻭﻭﻥ ﻓﻘﺮ ﺍﻟﺼﺒﻲ .. ﻭﺑﻨﺎﺕ
ﻳﺒﻮﻥ ﻭﻣﺎ
ﻳﺒﻮﻥ؟؟ ﺗﺪﺭﻱ ﺷﻠﻮﻥ؟
ﺑﻨﺒﺮﺓ ﺣﺰﻳﻨﺔ : ﺷﻠﻮﻥ؟
ﺧﺎﻟﺪ ﻭﻋﻴﻮﻧﻪ ﻣﺤﺘﺪﺓ : .. ﺍﻟﻠﻲ ﺧﻠﻘﻬﺎ ﺧﻠﻖ ﺍﻟﻒ ﻏﻴﺮﻫﺎ ... ﺍﻟﻠﻲ ﻣﺎ
ﺗﺒﻲ ﻫﻠﻚ ﻣﻌﻨﺎﺗﻪ ﻣﺎ ﺗﺒﻴﻚ .. ﺧﻠﻬﺎ ﻋﻨﻚ ﻣﺎ ﺗﺒﻴﻬﺎ .. ﺍﻫﻲ ﺻﺞ ﺑﻨﺖ ﻭﻻ
ﻛﻞ ﺍﻟﺒﻨﺎﺕ ... ﺑﺲ ﻣﺎ ﺗﺴﺘﺎﻫﻞ ..
ﻓﺎﺿﻞ ﻭﻫﻮ ﻳﺸﻴﺢ ﺑﻌﻴﻮﻧﻪ ..: ﻻ ﺗﻘﻮﻝ ﺟﺬﻱ .. ﻣﻬﻤﺎ ﻛﺎﻧﺖ ﻫﺬﻱ
ﺍﻟﻘﻠﺐ ..
ﺳﻜﺖ ﺧﺎﻟﺪ ﻋﻦ ﻓﺎﺿﻞ .. ﻣﻊ ﺍﻥ ﺗﻔﻜﻴﺮﻩ ﻏﻠﻂ ﻟﻜﻦ ﺻﺢ ﻛﻼﻣﻪ .. ﺍﻫﻲ
ﻣﻬﻤﺎ ﻛﺎﻧﺖ ﺣﺒﻴﺒﺘﻪ ﻭﻣﺼﺪﺭ ﻓﺮﺣﺘﻪ ﺑﻴﻮﻡ ﻣﻦ ﺍﻷﻳﺎﻡ .. ﻭﺩﻋﻰ ﻓﻲ
ﻗﻠﺒﻪ ﺍﻥ ﻣﺎ ﺍﻳﻴﻪ ﻳﻮﻡ ﻳﺨﻠﻴﻪ ﺍﻫﻮ ﻭﺳﻤﺎﺀ ﻳﺘﻌﺮﺿﻮﻥ ﻟﻤﺜﻞ ﻫﺎﻟﺸﻲ ..
ﻣﻊ ﺍﻧﻪ ﻣﺴﺘﺤﻴﻞ ﺑﺲ ﻣﺤﺪ ﺿﺎﻣﻦ ﺍﻻﻳﺎﻡ ..
----------------
ﻭﻗﻒ ﻗﻠﺐ ﻣﻨﺎﻳﺮ ﻟﺪﻗﺎﻳﻖ ﻟﻜﻦ ﺳﺮﻋﺎﻥ ﻣﺎ ﺭﺟﻊ ﻟﺪﻗﺎﺗﻪ ﻳﻮﻡ ﺷﺎﻓﺖ
ﺍﻟﺸﺨﺺ ﺍﻟﻠﻲ ﻛﺎﻥ ﻳﻨﺎﺩﻳﻬﺎ .. ﻣﺤﺪ ﻏﻴﺮ ﺳﻤﺎﻫﺮ ﺍﻟﻠﻲ ﻟﺤﻘﺖ ﺑﻬﺎ ﻭﻫﻲ
ﺗﺸﻮﻓﻬﺎ ﺑﺎﻟﺸﺎﺭﻉ ..
ﻣﻨﺎﻳﺮ ﺗﺮﺍﺟﻌﺖ ﻋﻦ ﺍﻟﻌﺘﺒﺎﺕ ﻭﺭﺍﺣﺖ ﺳﺤﺒﺖ ﻣﻨﺎﻳﺮ ﻟﻌﻨﺪ ﺯﺍﻭﻳﺔ
ﻣﺨﻔﻴﺔ ﻋﻦ ﺍﻟﻌﻴﻮﻥ ..
ﺑﻬﻤﺲ : ﺍﻧﺘﻲ ﺷﺘﺴﻮﻳﻦ ﻫﻨﻲ ﻣﺎ ﺗﻘﻮﻟﻴﻠﻲ؟؟
ﺳﻤﺎﻫﺮ ﺑﻬﻤﺲ : ﺍﻧﺎ ﺍﻟﻠﻲ ﺑﺴﺄﻟﺞ؟؟ ﻟﻴﺶ ﺩﺍﺷﺔ ﻫﻨﻲ ﻭﺳﻤﺎﺀ ﺑﺒﻴﺘﻜﻢ؟؟
ﻣﻨﺎﻳﺮ : ﻣﻮ ﺷﻐﻠﺞ ﻟﻜﻦ ﻟﻴﺶ ﻻﺣﻘﺘﻨﻲ ﻟﻬﻨﻲ؟
ﺳﻤﺎﻫﺮ ﺑﻈﻴﺞ : ﻣﺎ ﺗﺒﻴﻨﻲ ﻳﻌﻨﻲ ﺍﻳﻲ ﻭﻳﺎﺝ؟
ﻣﻨﺎﻳﺮ ﺗﻀﺮﺑﻬﺎ ﻋﻠﻰ ﺟﺘﻔﻬﺎ : ﺧﺒﺎﻟﺞ .. ﻭﺍﻟﻪ ﻣﻮ ﺟﺰﺗﺞ ﺍﻟﺤﻴﻦ ﺭﺩﻱ
ﺍﻟﺒﻴﺖ ﺍﺑﻲ ﺍﺩﺧﻞ ﻭﺍﺟﻮﻭﻭﻑ ﺍﻟﻠﻲ ﺑﻴﻲ ﻣﻦ ﺗﺤﺖ ﺭﺍﺱ ﻣﺸﻌﻠﻮﻭﻩ
ﺳﻤﺎﻫﺮ : ﺍﻭﻭﻭﻭﻩ ﺩﻭﺷﺘﻴﻨﺎ ﺑﻬﺎﻟﻤﺸﻌﻞ . ﺣﺒﻴﺒﺘﻲ ﻣﻨﻮﻭﻭﺭ . . ﺗﻌﻮﺫﻱ ﻣﻦ
ﺑﻠﻴﺲ ﻣﺎﻓﻴﻪ ﺷﻲ ﺍﻟﺼﺒﻲ ﺍﻧﺘﻲ ﺍﻟﻲ ﺗﺘﻮﻫﻤﻴﻴﻦ ﻫﺎﻟﺴﻮﺍﻟﻒ ..
ﻣﻨﺎﻳﺮ ﺑﻐﺒﺎﺀ ﺗﻨﺎﻇﺮ ﺳﻤﺎﻫﺮ : ﺍﻭﻛﻲ ﺍﺗﻮﻫﻢ ﻟﻜﻦ ﻣﺎﺑﻴﺞ ﻭﻳﺎﻱ .. ﺭﻭﺣﻲ
ﺗﻜﻔﻴﻴﻴﻴﻴﻴﻴﻴﻦ ..
ﺑﻨﻈﺮﺓ ﺗﺄﻧﻴﺐ ﺗﺮﺍﺟﻌﺖ ﺳﻤﺎﻫﺮ ﻋﻦ ﻣﻨﺎﻳﺮ .. ﻭﻃﻠﻌﺖ ﻣﻦ ﺍﻟﺒﻴﺖ .. ﺍﻣﺎ
ﻣﻨﺎﻳﺮ ﻓﻤﺴﻜﺖ ﻋﻠﻰ ﻗﻠﺒﻬﺎ ﻭﺗﻤﺖ ﺗﻬﺪﻱ ﺑﻌﻤﺮﻫﺎ .. ﻭﻣﺮﺓ ﺛﺎﻧﻴﺔ ﺗﻤﺖ
ﺗﺮﺍﻗﺐ ﺍﻟﻤﻜﺎﻥ
ﻟﻘﺘﻪ ﺑﻌﺪﻩ ﺧﺎﻟﻲ ﻣﻦ ﺍﻟﺨﺎﺩﻣﺔ .. ﻓﺸﻜﺮﺕ ﺭﺑﻬﺎ ﻋﻠﻰ ﻫﺎﻟﺸﻲ .. ﻭﺩﺧﻠﺖ
ﺍﻟﻤﻄﺒﺦ ﺑﺨﻠﺴﺔ ﻭﻫﺪﻭﺀ ﻭﻫﻲ ﺗﻠﻒ ﺍﻟﺸﻴﻠﺔ ﻋﺪﻝ .. ﺗﻤﺖ ﺗﻤﺸﻲ ﻋﻠﻰ
ﺍﻃﺮﺍﻑ ﺍﺻﺎﺑﻌﻬﺎ ﻟﻤﻦ ﻭﺻﻠﺖ ﻟﺰﺍﻭﻳﺔ ﻛﺎﻥ ﺍﻟﺪﺭﻱ ﻭﺍﺿﺢ ﻣﻨﻬﺎ ﻟﻔﻮﻕ ..
ﻻﻥ ﺍﻟﻤﻄﺒﺦ ﻛﺎﻥ ﻣﻔﺘﻮﺡ ﻣﻦ ﺟﻬﺘﻴﻦ ﺟﻬﺔ ﻋﻠﻰ ﺍﻟﺼﺎﻟﺔ ﻭﺟﻬﺔ
ﺍﻟﺪﺭﻱ .. ﻭﺭﻛﺒﺖ ﻋﻠﻰ ﺍﻟﺪﺭﻱ
ﺑﻬﺪﻭﺀ ﻭﻗﻠﺒﻬﺎ ﻳﺮﺗﻌﺶ ﻣﻦ ﺍﻟﺨﻮﻑ .. ﻛﺎﻥ ﺍﺣﺪ ﻗﺎﻋﺪ ﻓﻲ ﺍﻟﺼﺎﻟﺔ
ﻭﺻﻮﺕ ﺍﻟﺘﻠﻔﺰﻳﻮﻥ ﻋﻠﻰ ﻗﻨﺎﺓ ﺍﺧﺒﺎﺍﺍﺭﻳﺔ ..
ﺭﻛﺒﺖ ﻟﻔﻮﻕ ... ﻭﻭﺻﻠﺖ ﺑﺄﻣﺎﻥ .. ﺗﻤﺖ ﺗﺘﻨﻬﺪ ﺑﻬﺪﻭﻭﻭﺀ ﻭﻫﻲ ﺗﻮﻗﻒ
ﺍﺭﺗﻌﺎﺷﺔ ﺍﻟﺨﻮﻑ ﻣﻨﻬﺎ .. ﻭﻋﻠﻰ ﻃﻮﻝ ﻣﻦ ﻏﻴﺮ ﺍﻱ ﺗﻌﻄﻴﻞ ﺩﺧﻠﺖ ﺩﺍﺍﺭ
ﻣﺸﻌﻞ .. ﻻﻧﻬﺎ
ﺷﺎﻓﺘﻪ ﺍﻛﺜﺮ ﻣﻦ ﻣﺮﺓ ﻭﺍﻗﻒ ﻫﻨﺎﻙ .. ﻳﻢ ﻏﺮﻓﺔ ﺳﻤﺎﺀ .. ﻭﺍﻭﻝ ﻣﺎ
ﺩﺧﻠﺖ ﻛﺎﻥ ﺍﻟﻈﻼﻡ ﻻﻑ ﺍﻟﻐﺮﻓﺔ ... ﻭﻓﺘﺤﺖ ﺍﻟﻠﻴﺘﺎﺕ ..
-------------------------------
ﺍﻟﺤﺪﻳﻘﺔ ﺍﻟﺨﻠﻔﻴﺔ ﻟﺒﻴﺖ ﻫﺸﺎﻡ ﺍﻟﻜﻨﺪﻱ ..
ﺑﺪﺕ ﺍﻟﺘﻨﺠﻴﺪﺍﺕ ﻟﻠﻘﻌﺪﺓ ﺍﻟﻠﻲ ﻣﻦ ﺑﻌﺪ ﻣﺎ ﻧﺎﺟﺮ ﺍﻟﻜﻞ ﻏﺰﻻﻥ ﻋﻠﻴﻬﺎ
ﺑﺪﻭ ﻳﻤﺪﺣﻮﻧﻬﺎ ﻭﻳﻄﺮﻭﻥ ﻋﻠﻰ ﺍﻟﺘﺼﻤﻴﻢ ﺍﻟﺤﻠﻮ .. ﻭﻏﺰﻻﻥ ﺻﺎﺣﺒﺔ
ﺍﻟﻨﻔﺲ ﺍﻟﻤﻐﺮﻭﺭﺓ ﻣﺎ ﻋﻄﺘﻬﻢ ﻭﻳﻪ ﻻﻧﻬﺎ ﺑﻌﺪﻫﺎ ﻣﺎ ﻧﺴﺖ ﻫﻮﺍﺷﻬﻢ ..
ﻭﻟﺤﺪ ﺍﻟﺤﻴﻦ ﻣﺎ ﺗﻜﻠﻢ ﺍﻣﻬﺎ ﻭﻻ ﺍﻣﻬﺎ ﻣﺒﺎﺩﺭﺓ ﺑﺤﺮﻛﺔ ﻣﻌﻴﻨﺔ ﺗﺒﻴﻦ ﺍﻧﻬﺎ
ﻣﺴﺘﻌﺪﺓ ﺗﺴﺎﻣﺢ ﺑﻨﺘﻬﺎ ﻻﻧﻬﺎ ﻗﺎﻋﺪﺓ ﺗﻐﻠﻂ ﻭﺍﻟﺪﻟﻊ ﻟﻌﺐ ﺑﺮﺍﺳﻬﺎ ﻭﺧﺮﺑﻪ ..
ﺑﺘﺨﻠﻴﻬﺎ ﻋﻠﻰ ﺣﺎﻟﻬﺎ ﻟﻤﻦ ﺍﻫﻲ ﺑﻨﻔﺴﻬﺎ ﺑﺘﺪﺭﻙ ﻏﻠﻄﻬﺎ .. ﻳﻤﻜﻦ ﻫﺬﻱ
ﺧﻄﻴﺌﺘﻬﻢ ﺍﻧﻬﻢ ﺩﻟﻠﻮﻫﺎ ﺯﻳﺎﺩﺓ ﻋﻦ ﺍﻟﻠﺰﻭﻡ ﻟﻜﻦ ﺑﻌﺪ ﺍﻟﻠﻲ ﻳﻜﺒﺮ ﻳﻌﻘﻞ ..
ﻛﺎﻥ ﻟﺆﻱ ﺍﻟﻠﻲ ﻣﺴﺘﻠﻢ ﺷﻐﻞ ﺍﻟﻮﺭﺷﺔ ﻟﺠﻢ ﻳﻮﻡ ﻟﻐﻴﺎﺏ ﺟﺮﺍﺡ ﻋﻨﻬﺎ
ﻭﺍﻧﺸﻐﺎﻟﻪ ﻓﻲ ﺣﺪﻳﻘﺔ ﺑﻴﺘﻬﻢ .. ﺑﺎﻟﻨﺴﺒﺔ ﻟﻐﺰﻻﻥ ﻓﻬﻮ ﺭﺳﻢ ﺧﻄﺘﻪ
ﻋﺪﻝ .. ﺍﻭﻝ ﺷﻲ ﺍﻳﻨﻨﻬﺎ . ﺑﻌﺪﻫﺎ ﺍﻋﺮﻑ ﺍﻟﻠﻲ ﻓﻲ ﺭﺍﺳﻬﺎ .. ﻣﻦ ﺑﻌﺪﻫﺎ
ﻳﻌﻘﻠﻬﺎ .. ﻭﺍﺧﺮ ﺷﻲ .. ﻳﺘﺰﻭﺟﻬﺎ .. ﺧﻼﺹ ﺍﻟﺒﻨﺖ ﺩﺷﺖ ﺭﺍﺳﻪ ﻣﻦ ﻭﺭﻯ
ﻭﺟﺪﺍﻡ ﻳﻌﻨﻲ ﻣﺎﺍﺍﻛﻮ ﻣﺠﺎﻝ ﺍﻧﻬﺎ ﺗﺒﺘﻌﺪ ﻋﻨﻪ ﺍﻭ ﺍﻧﻪ ﻳﺘﻨﺎﺯﻝ ﻋﻨﻬﺎ .. ﻟﻮ
ﺷﻨﻮ ﺻﺎﺭ .. ﺣﺘﻰ ﻟﻮ ﺍﻫﻲ ﻣﺎ ﺑﻐﺖ . ﺍﻟﻈﺎﻫﺮ ﻣﻦ ﻣﻌﺎﻣﻠﺘﻬﺎ ﻭﻳﺎ ﺍﻫﻠﻬﺎ
ﺍﻧﻬﻢ ﺑﺎﻳﻌﻴﻨﻬﺎ ﻣﺎ ﻳﺒﻮﻧﻬﺎ .. ﺩﻟﻴﻌﺔ ﻭﻣﺪﻟﻠﺔ ﻭﺍﻧﺎ ﻳﺎ ﺣﺒﻲ ﻟﻠﺪﻻﻝ . ﺍﻛﺒﺮ
ﺩﻟﻴﻊ .. ﺧﻼﺹ ..
ﺍﻫﻲ ﻟﻲ ﻭﺍﻧﺎ ﻟﻬﺎ .. ﺑﺲ ﻳﺎﻭﻳﻠﻬﺎ ﻟﻮ ﻋﺬﺑﺘﻨﻲ ﻻﻧﻲ ﻣﺎ ﺑﺮﺣﻤﻬﺎ ﺑﻌﺬﺑﻬﺎ
ﺑﺎﻟﻤﻘﺎﺑﻞ ..
ﻛﺎﻧﺖ ﻏﺰﻻﻥ ﻗﺎﻋﺪﺓ ﻋﻨﺪ ﻃﺮﻑ ﺍﻟﺒﺮﺟﺔ ﻭﻫﻲ ﺗﻘﺮﻯ ﻓﻲ ﻛﺘﺎﺏ ...
ﺍﻟﻜﺘﺎﺏ ﻛﺎﻥ ﻋﺬﺭ ﻋﺸﺎﻥ ﺗﻘﺪﺭ ﺗﻘﻌﺪ ﻭﺗﺮﺍﻗﺐ ﺭﻭﺣﺎﺕ ﻭﻳﻴﺎﺕ ﺟﺮﺍﺡ
ﺍﻟﻠﻲ ﻗﻠﺖ ﻓﻲ ﺍﻟﻔﺘﺮﺓ
ﺍﻻﺧﻴﺮﺓ .. ﻟﻜﻦ ﺍﻫﻲ ﻣﺎ ﺗﺒﻲ ﺗﺸﻮﻓﻪ ﺑﺎﻟﻌﻜﺲ ﺗﺒﻴﻪ ﻳﺒﺘﻌﺪ ﻋﻦ ﻟﺆﻱ
ﻋﺸﺎﻥ ﺗﻘﺪﺭ ﺗﺴﻴﻄﺮ ﻋﻠﻰ ﻫﺎﻟﻐﺒﻲ .. ﻣﺴﻜﻴﻦ .. ﻗﺎﻟﺖ ﻓﻲ ﻧﻔﺴﻬﺎ ..
ﻣﺎﻳﺪﺭﻱ ﺍﻥ
ﺍﺭﻓﻴﺠﻪ ﻳﻠﻌﺐ ﻣﻦ ﻭﺭﺍﻩ ﻭﻳﺤﺐ ﺍﺧﺘﻪ ﻭﻣﺴﻮﻱ ﻓﻴﻬﺎ ﻗﺼﺔ ﺭﻭﻣﻴﻮ
ﻭﺟﻮﻟﻴﻴﺖ ..
ﻟﻜﻦ ﺍﻧﺎ ﺍﻭﺭﻳﻚ ﻳﺎ ﺟﺮﺍﺡ ﺍﻥ ﻣﺎ ﺧﻠﻴﺘﻚ ﺗﻨﻘﻬﺮ ﻭﺗﻴﻲ ﻟﻌﻨﺪ ﺗﺘﻮﺳﻠﻨﻲ
ﻟﺤﺒﻲ .. ﻣﺎﻛﻮﻭﻥ ﻏﺰﻻﻥ ..
ﺣﺲ ﻏﺼﻮﻥ ﻣﻦ ﻣﺴﺎﻓﺔ ﺑﻌﻴﺪﺓ : ﺗﺸﺮﻓﻴﻦ ﻋﻠﻰ ﺍﺑﺪﺍﻋﺞ؟؟
ﻧﺎﻇﺮﺗﻬﺎ ﻏﺰﻻﻥ ﺑﺎﻟﻨﻈﺎﺭﺓ ﺍﻟﺸﻤﺴﻴﺔ ﺍﻟﺴﻮﺩﺍ ..: ﺑﻌﺪ .. ﺍﺭﻋﻰ ﺣﻼﻟﻲ ..
ﻏﺼﻮﻥ ﻭﻫﻲ ﺗﻘﻌﺪ ﺑﺒﺪﻟﺘﻬﺎ ﺍﻻﻧﻴﻘﺔ ﺍﻟﻜﺤﻠﻴﺔ ﻭﻗﻤﻴﺼﻬﺎ ﺍﻟﺒﺤﺮﻱ .. ﻛﺎﻧﺖ
ﻓﻲ ﻣﻨﺘﻬﻰ ﺍﻻﻧﺎﻗﺔ .: ﺗﺴﺘﺎﻫﻠﻴﻦ ﺻﺮﺍﺣﺔ ﺍﻻﻃﺮﺍﺀ .. ﺍﻟﺸﻐﻞ ﻣﻤﺘﺎﺯ
ﻭﺍﻟﻔﺮﻳﻖ ﻣﺒﺪﻉ .. ﻟﻮ ﻛﺎﻥ ﻋﻨﺪﻱ ﺣﺪﻳﻘﺔ ﺟﺎﻥ ﺳﻮﻳﺖ ﻟﻲ ..
ﻋﺰﻻﻥ ﻭﻫﻲ ﺗﻨﺎﻇﺮ ﺍﻟﻜﺘﺎﺏ : ﺗﻘﺪﺭﻳﻦ ﺗﺴﻮﻳﻦ ﻟﺞ ﺣﺪﻳﻘﺔ ﺑﺲ ﻻ ﺗﻈﻨﻴﻦ
ﺍﻧﻬﺎ ﺑﺘﻄﻠﻊ ﻣﺜﻞ ﻫﺬﻱ .. ( ﺍﺑﺘﺴﺎﻣﺔ ﻏﺮﻭﺭ )
ﺑﺎﺩﻟﺘﻬﺎ ﻧﻈﺮﺓ ﻛﻠﻬﺎ ﻣﻌﻨﻰ ..: ﺍﻛﻴﺪ .. (ﻭﻫﻲ ﺗﻨﺎﻇﺮ ﻟﺆﻱ ) ﺍﺫﺍ ﻛﺎﻥ ﻓﻴﻬﺎ
ﻭﺍﺣﺪ ﻣﺜﻞ ﻫﺬﺍ .. ( ﺗﻨﺎﻇﺮ ﻏﺰﻻﻥ ﺑﻬﺪﻭﺀ ) ﻣﺎﻇﻦ ..
ﻋﻘﺪﺕ ﺣﻮﺍﺟﺒﻬﺎ ﻏﺰﻻﻥ ﻭﺭﻓﻌﺖ ﻋﻴﻮﻧﻬﺎ ﻋﻦ ﺍﻟﻜﺘﺎﺏ .. ﻧﺎﻇﺮﺕ ﻏﺼﻮﻥ
ﺍﻟﻠﻲ ﻛﺎﻥ ﺣﺎﺟﺒﻬﺎ ﻣﺮﻓﻮﻉ ﺑﻄﺮﻳﻘﺔ ﻣﻘﺮﻓﺔ .. ﻭﻧﺎﻇﺮﺕ ﻟﺆﻱ ...
ﺑﻬﺠﻮﻡ ﻣﺎﻟﻪ ﻣﻌﻨﻰ ..: ﻣﺎ ﺗﺴﺘﺤﻴﻦ
ﻏﺼﻮﻥ ﺑﻀﺤﻜﺔ ﻣﺆﻟﻤﺔ : ﺷﻔﻴـــﺞ .. ﺍﻟﺤﺪﻳﻘﺔ ﻣﻦ ﺍﺑﺪﺍﻋﺞ .. ﻣﻮ ﻫﺬﺍ
ﺍﻟﻮﻟﺪ ﺑﻌﺪ ..
ﻏﺰﻻﻥ : ﺍﻧﺘﻲ ﻭﺣﺪﺓ ﻣﺘﺰﻭﺟﺔ ﻏﺼﻮﻭﻭﻥ ..
ﻏﺼﻮﻥ ﻭﻫﻲ ﺗﺘﻬﻜﻢ : .. ﻣﺘـﺰﻭﺟﺔ؟؟؟ ﻟﺤﻘﻴﺒﺔ ﺩﺑﻠﻮﻣﺎﺳﻴﺔ ﻭﺑﺪﻟﺔ
ﺍﺭﻣﺎﻧﻲ ... ﻭﻳﻦ ﺍﻟﺮﻳﺎﻝ ... ﻣﺎﺩﺭﻱ ..
ﺣﺴﺖ ﻏﺰﻻﻥ ﺍﻥ ﻧﺒﺮﺓ ﺍﺧﺘﻬﺎ ﻣﺸﻮﺑﺔ ﺑﺎﻷﻟﻢ .. ﺑﺲ ﺑﻌﺪ .. ﺍﻟﻠﻲ ﻟﻤﺤﺖ
ﻟﻪ ﺑﻤﻨﺘﻬﻰ ﺍﻟﻐﻠﻂ ..
ﻭﺑﻌﺪ ﻓﺘﺮﺓ ﻣﻦ ﺍﻟﺼﻤﺖ ﺳﺄﻟﺖ ﻏﺼﻮﻥ ...: ﺗﺸﻮﻓﻴﻦ ﻣﺴﺎﻋﺪ
ﺍﻟﺪﺧﻴﻠﻲ؟؟
ﻏﺰﻻﻥ ﻭﻫﻲ ﺗﻬﺰ ﺭﺍﺳﻬﺎ ﺑﺘﻔﻜﻴﺮ ..: ﺍﻣﻤﻢ .. ﻓﺘﺮﺓ ﺻﺎﺭﺕ ﻟﻲ .. ﻟﻴﺶ؟؟
ﻏﺼﻮﻥ ﻭﻟﻤﺤﺔ ﻣﻦ ﺍﻟﺬﻛﺮﻳﺎﺕ ﺗﻄﺒﻊ ﻓﻲ ﺷﻜﻠﻬﺎ ..: ﻻ ﺑﺲ .. ﻣﻦ ﺯﻣﺎﻥ
ﻣﺎ ﺳﻤﻌﺖ ﻋﻨﻪ ... ﺭﺟﻞ ﺑﻤﻌﻨﻰ ﺍﻟﻜﻠﻤﺔ ﻫﺬﺍ ﻣﺴﺎﻋﺪ ..
ﻏﺰﻻﻥ ﺍﻟﺠﺎﻫﻠﺔ ﺑﻬﺎﻟﺬﻛﺮﻳﺎﺕ ..: ﺍﻱ ﻭﺍﻟﻠﻪ .. ﺗﺪﺭﻳﻦ ﺍﻧﻪ ﻣﻠﺞ
ﺑﻨﻔﺲ ﻋﻤﻴﻖ ..: ﺍﻳﻪ ﻗﺎﻝ ﻟﻲ ﺍﺑﻮﻭﻭﻱ .. ﻣﺘﻰ ﺑﻴﺘﺰﻭﺝ .. ﻋﺸﺎﻥ ﻧﺮﻭﺡ
ﻋﺮﺳﻪ ...
ﻏﺰﻻﻥ : ﻫﻬﻬﻬﻬﻬﻬﻬﻬﻬﻬﻪ ... ﺷﻠﻠﻲ ﻋﺎﻳﻠﺞ .. ﻣﺎﻇﻦ ﺍﻥ ﻫﺎﻟﻤﺴﺘﻮﻯ ﻣﻦ
ﺍﻟﻌﺎﻳﻼﺕ ﻳﻬﻤﺞ
ﻏﺼﻮﻥ ﻭﻫﻲ ﺗﻮﻗﻒ ..:.. ﺻﺢ ... ﺑﺲ ﻣﺴﺎﻋﺪ ﻏﻴﺮ ..
ﻧﺎﻇﺮﺕ ﻟﺆﻱ ﻣﺮﺓ ﺛﺎﻧﻴﺔ ﻭﻫﻲ ﺗﺤﺮﻙ ﺍﻟﺴﻠﺴﻠﺔ ﺍﻟﻠﻲ ﻋﻠﻰ ﺭﻗﺒﺘﻬﺎ
ﻭﻏﺰﻻﻥ ﻗﻠﺒﻬﺎ ﻳﻬﺒﻂ ﻣﻦ ﺩﻗﺎﺗﻪ .. ﺧﻮﻑ ﻫﻮ .. ﻭﻻ ﺷﻌﻮﺭ ﺛﺎﻧﻲ ..
ﻏﺼﻮﻥ .: ﺗﺪﺭﻳﻦ ... ﻫﺎﻟﻮﻟﺪ ﻓﻴﻪ ﺷﻲ .. ﻣﺎﺩﺭﻱ .. ﺷﻲ ﻋﻤﻴــﻖ .. ﺍﻟﻴﻮﻡ
ﺷﻔﺘﻪ ﻭﺍﻧﺎ ﺩﺍﺧﻠﺔ ﺍﻟﺒﻴﺖ .. ﻭﺍﺑﺘﺴﺎﻣﺘﻪ ﻓﻴﻬﺎ ﺫﻛﺮﻯ ﺣﻠﻮﺓ ..
ﻭﺍﻟﺘﻔﺖ ﻋﻠﻰ ﻋﻘﺒﻬﺎ ﺭﺍﺟﻌﺔ ﻟﻠﺒﻴﺖ .. ﻭﻗﺒﻞ ﻻ ﺗﺮﻭﺡ ﻭﻗﻔﺘﻬﺎ ﻏﺰﻻﻥ ..
ﻏﺰﻻﻥ ...: ﺗﺪﺭﻳﻦ ﺍﻧﻪ ﺍﺧﻮ ﻣﺴﺎﻋﺪ ﺍﻟﺼﻐﻴﺮ ..؟؟
ﺑﺪﻫﺸﺔ ﻧﺎﻇﺮﺗﻪ ﻏﺼﻮﻥ ﻭﻫﻲ ﻣﻮ ﻣﺼﺪﻗﻪ : ﻭﺍﻟﻠﻪ؟ ﻭﺍﻧﺎ ﺍﻗﻮﻝ؟؟ ﻣﻊ
ﺍﻧﻪ ﻣﺨﺘﻠﻒ ﺗﻤﺎﻡ ﺍﻻﺧﺘﻼﻑ .. ﺍﻻ ﺍﻧﻪ ﻓﻴﻪ ﺷﻲ ...
ﻏﺰﻻﻥ ﻭﻫﻲ ﺗﻨﺎﻇﺮ ﻟﺆﻱ ... ﻭﻣﻦ ﻏﻴﺮ ﺍﻱ ﺣﺲ : ﺻﺢ .. ﻓﻴﻪ ﺷﻲ ..
ﺑﺴﺨﺮﻳﺔ ﻧﺎﻇﺮﺕ ﻏﺼﻮﻥ ﺍﺧﺘﻬﺎ .. ﻭﺭﺟﻌﺖ ﻟﻠﺒﻴﺖ .. ﻭﻓﻲ ﻓﻜﺮﻫﺎ
ﺗﺠﻮﻝ ﺫﻛﺮﻳﺎﺗﻬﺎ ... ﻋﻦ ﻣﺴﺎﻋﺪ ﺍﻟﺪﺧﻴﻠﻲ؟؟؟ ﻳﺎ ﺗﺮﻯ ﻫﺎﻟﺬﻛﺮﻳﺎﺕ ..
ﺷﺘﺘﻌﻠﻖ ﻋﻨﻪ؟؟ ﻭﻓﻲ ﺷﻨﻮ؟؟؟ ﻭﻣﺎ ﻫﻮ ﺩﻭﻭﺭ ﻣﺴﺎﻋﺪ ﻓﻲ ﺣﻴﺎﺓ
ﻏﺼﻮﻥ؟؟
------------------------------
ﻓﻲ ﺍﻟﺴﻮﻕ ﻣﺮﻳﻢ ﻭﻓﺎﺗﻦ ﻭﻧﻮﺭﺓ ﻳﺘﺠﻮﻟﻮﻥ ﺑﺤﺮﻳﺔ ﻭﺿﺤﻚ ﻭﺷﻮﺷﺮﺓ ..
ﺍﻟﺴﺎﻳﻖ ﺍﻟﻠﻲ ﻭﺻﺎﺍﻩ ﻓﻴﺼﻞ ﺍﻧﻪ ﻳﺘﺒﻌﻬﻢ ﺑﻜﻞ ﺧﻄﻮﺓ ﻛﺎﻥ ﺍﻫﻮ
ﺍﻟﺤﺮﻳﺔ ... ﻛﺎﻧﻮ ﺳﺎﻋﺔ ﻳﺸﺘﺮﻭﻥ ﻭﻋﺸﺮ ﺳﺎﻋﺎﺕ ﻳﺴﻮﻟﻔﻮﻥ ﻭﻳﻀﺤﻜﻮﻥ
ﻭﻳﺘﺴﺎﻣﺮﻭﻥ ﻣﻊ ﺑﻌﺾ ..
ﻭﻣﺮﻳﻢ ﺍﻫﻲ ﺳﻴﺪﺓ ﺍﻟﻤﺠﺎﻝ ..ﻭﻓﺎﺗﻦ ﺍﻟﻠﻲ ﻣﺎ ﺑﺨﻠﺖ ﻻﻥ ﺣﻴﺎﺗﻬﺎ ﺑﺎﻣﻴﺮﻛﺎ
ﻋﻠﻤﺘﻬﺎ ﻗﻠﻴﻞ ﻣﻦ ﺍﺳﻠﻮﺏ ﺍﻻﻧﻔﺘﺎﺡ .. ﻣﺎ ﻋﺎﺩﺕ ﻣﺜﻞ ﻗﺒﻞ ﻻ ﻣﺸﺖ
ﻋﻴﻮﻧﻬﺎ ﻣﻌﺎﻧﻘﺔ ﺍﻻﺭﺽ .. ﻋﻠﻤﺘﻬﺎ ﺟﻮﻻﺗﺘﻬﺎ ﻭﻳﺎ ﻣﺴﺎﻋﺪ ﺍﻧﻬﺎ ﺗﻄﺎﻟﻊ
ﻭﺗﺸﻬﺪ ﻭﺗﺤﻠﻞ ﻭﺗﻔﻜﺮ ﺑﺎﻻﺷﻴﺎﺀ ..
ﻭﺑﺂﺧﺮ ﺍﻟﺠﻮﻟﺔ ﻗﻌﺪﻭﺍ ﻓﻲ ﻣﻄﻌﻢ ﻋﻠﻰ ﺟﺎﻧﺐ ﻣﻦ ﺍﻟﻤﺠﻤﻊ ﻭﻃﻠﺒﻮ ﺷﻲ
ﻳﺸﺮﺑﻮﻧﻪ ﻋﺸﺎﻥ ﻳﺮﻭﻭﻥ ﻋﻄﺸﻬﻢ
ﻧﻮﺭﺓ ﻭﻫﻲ ﻣﺜﺎﺭﺓ ﻭﻭﻳﻬﻬﺎ ﻣﺤﻤﺮ ..: ﻭﺍﻟﻠﻪ ﺍﻧﻲ ﻣﺎﻗﺪ ﻓﺮﺣﺖ ﺑﺸﻮﺑﻴﻨﻎ
ﻛﺜﺮ ﻫﺬﺍ ..
ﺍﺑﺘﺴﻤﺖ ﻓﺎﺗﻦ ﻭﻣﺮﻳﻢ ﺭﺩﺕ ﺑﺸﺮﺍﺳﻪ : ﻗﻮﻟﻴﻬﺎ ﺑﻌﺪ ﻻﻥ ﻓﺎﺗﻦ ﻣﻌﺎﻧﺎ
ﻧﻮﺭﺓ : ﻭﻟﻴﺶ ﻣﺎﻗﻮﻝ .. ﺍﻻ ﺍﻗﻮﻝ ﻭﻧﺺ .. ( ﺑﺎﺑﺘﺴﺎﻣﺔ ﺭﺿﺎ ) ﺍﻧﺎ ﻣﺎﺩﺭﻱ
ﻟﻴﺶ ﺣﺴﻴﺖ ﺑﺎﻥ ﻓﺎﺗﻦ ﺧﻴﺎﺭ ﻻ ﻳﻌﻠﻰ ﻋﻠﻴﻪ ﻛﺰﻭﺟﺔ ﻻﺣﺪ ﺍﺧﻮﺍﻧﻲ ..
ﻭﺧﺼﻮﺻﺎ ﻣﺴﺎﻋﺪ
ﺍﻧﺤﺮﺟﺖ ﻓﺎﺗﻦ ﻭﺣﻤﺮ ﻭﻳﻬﻬﺎ .. ﺍﻣﺎ ﻣﺮﻳﻢ ﺭﺩﺕ ﺑﺼﺮﺍﻣﺔ : ﻭﺍﻟﻠﻪ ﺍﻧﺎ
ﻛﻠﺶ ﻣﺎ ﺷﻔﺘﻬﺎ ﺣﺮﻣﺔ ﻻﺣﺪ ﺍﺧﻮﺍﻧﻲ ..
ﻓﺎﺗﻦ ﺗﻀﺮﺑﻬﺎ ﻋﻠﻰ ﺟﺘﻔﻬﺎ : ﻭﻟﻴﺶ؟؟ ﻣﻮ ﻗﺪ ﺍﻟﻤﻘﺎﻡ
ﻣﺮﻳﻢ ﺗﺎﺷﺮ ﻋﻠﻰ ﻭﻳﻪ ﻓﺎﺗﻦ ﻣﻦ ﻏﻴﺮ ﻣﺎ ﺗﻨﺎﻇﺮﻫﺎ : ﻃﺎﻟﻊ ﻫﺬﻱ؟؟ ﺍﻟﺤﻴﻦ
ﺍﻧﺘﻲ ﻣﻮ ﻗﺪ ﺍﻟﻤﻘﺎﻡ؟؟ ﻟﻴﺶ ﺑﺎﻟﻠﻪ ﻭﺍﺣﻨﺎ ﻋﻴﺎﻝ ﻣﻨﻮﻭ ﻳﻌﻨﻲ؟؟ ﻻ ﺑﺲ ..
ﺍﻧﺎ ﻣﺎﺷﻔﺘﺞ ﺣﺮﻣﺔ ﻟﻤﺴﺎﻋﺪ ﻻﻧﻪ ﺑﻤﺜﺎﺑﺔ ﺍﺑﻮﻧﺎ ﻭﻣﺎ ﺣﺴﻴﺖ ﺍﺭﻓﻴﺠﺘﻲ
ﺍﻟﺼﻐﻴﺮﻭﻧﺔ ﺍﻣﻲ .. ( ﺍﺑﺘﺴﺎﻣﺔ ﻏﺒﻴﻪ )
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﺍﻧﺞ ﻣﻮ ﺻﺎﺣﻴﺔ ..
ﻣﺮﻳﻢ ﺑﻔﺨﺮ ﺗﺮﻓﻊ ﺣﺎﺟﺒﻴﻨﻬﺎ ..: ﻭﺍﻋــﺘـﺰ ..
ﺑﻮﺳﻂ ﺍﻟﺴﻮﺍﻟﻒ ﻭﺍﻟﻌﺼﻴﺮ ﺍﻟﻠﻲ ﻳﺎﻫﻢ ﻗﺮﺭﻭﺍ ﺍﻧﻬﻢ ﻣﺮﺓ ﻭﺣﺪﺓ ﻳﺎﻛﻠﻮﻥ
ﺷﻲ ﻭﻳﺮﺩﻭﻥ ﺍﻟﺒﻴﺖ .. ﻭﺑﺎﻟﺰﺍﻭﻳﺔ ﺍﻟﺜﺎﻧﻴﺔ ﻣﻦ ﺍﻟﻤﻄﻌﻢ .. ﺑﻌﻴﺪ ﻋﻦ
ﻋﻴﻮﻥ ﻣﺮﻳﻢ ﻛﺎﻥ ﻋﺎﻳﺾ .. ﻗﺎﻋﺪ ﻭﻳﺎ ﺟﻤﺎﻋﺔ ﻣﻦ ﺍﻟﺸﺒﺎﺏ ﻭﻫﻢ
ﻳﺘﺴﺎﻣﺮﻭﻭﻥ ﻭﻣﻮ ﻫﺎﻣﻬﻢ ﺷﻲ .. ﻟﻤﻦ ﻟﻔﺖ ﻧﻈﺮﻩ ﺍﻟﺘﻨﺪﻳﻞ ﻻﻧﻪ ﻛﺎﻥ
ﻳﺒﻲ ﻳﻄﻠﺐ ﺷﻲ .. ﻭﺷﺎﻓﻪ ﻭﺍﻗﻒ ﻋﻨﺪ ﻃﺎﻭﻟﺔ ﻣﺮﻳﻢ ﻭﻣﺮﺓ ﻭﺣﺪﺓ
ﺷﺎﻓﻬﺎ ﻭﻳﺎﻫﻢ .. ﻭﺭﺩﺕ ﺩﻗﺎﺕ ﻗﻠﺒﻪ ﺗﻨﺒﺾ ﻟﻬﺎ ﺍﻟﺒﻨﺖ .. ﺻﺞ ﺍﻧﻬﺎ
ﻏﺮﻳﺒﺔ ﻣﻦ ﻧﻮﻋﻬﺎ ﻭﺍﺛﺮﻫﺎ ﺍﻏﺮﺏ ﻋﻠﻴﻪ ..
ﺷﻠﻮﻥ ﺗﺄﺛﺮ ﺑﻬﺎ ﻭﻫﻮ ﺍﻟﻠﻲ ﻣﺎ ﻗﻂ ﻧﻄﻖ ﻟﺴﺎﻧﻪ ﺑﻠﺴﺎﻧﻬﺎ .. ﻳﻤﻜﻦ ﻻﻧﻬﺎ
ﻏﻴﺮ ﻋﻦ ﺍﻟﺒﻨﺎﺕ ..
ﻭﺣﺎﻭﻝ ﺍﻧﻪ ﻳﺘﺠﺎﻫﻞ ﻭﺟﻮﺩﻫﺎ ﻻﻧﻬﺎ ﺍﺧﺮ ﻣﺎ ﻳﻤﻜﻦ ﺍﻧﻪ ﻳﻐﺰﺭ ﻧﻔﺴﻪ
ﻣﻌﺎﻫﺎ .. ﻭﻛﺄﻧﻪ ﺣﺎﺱ ﺍﻥ ﺍﻟﺒﻨﺖ ﻣﻮ ﻣﻦ ﻃﻴﻨﺘﻪ ﺍﻟﻤﺎﻳﻌﺔ .. ﻟﻜﻦ ﺑﻌﺪ ..
ﺣﺲ ﺍﻟﺘﺤﺪﻱ ﻓﻴﻪ ﻣﺎ ﺧﻼﺍﻩ ﻋﻠﻰ ﺭﺍﺣﺘﻪ .. ﻭﻳﻮﻡ ﻳﺎﺍﺍﻩ ﺍﻟﺘﻨﺪﻳﻞ ..
ﻣﺴﻚ ﻣﻨﺪﻳﻞ ﻭﺍﺧﺬ ﺍﻟﻘﻠﻢ ﻭﻛﺘﺐ ﺑﻴﺖ ﺷﻌﺮ ﻋﻠﻴﺔ ﻭﻋﻄﺎﻩ ﺍﻟﺘﻨﺪﻳﻞ
ﻭﺍﺷﺮ ﻟﻪ ﺍﻧﻪ ﻳﻮﺻﻠﻪ ﻟﻤﺮﻳﻢ .. ﻭﺍﻟﺘﻨﺪﻳﻞ ﺍﻟﻐﺒﻲ ﺑﻜﻞ ﺣﺴﻦ ﻧﻴﺔ ﺭﺍﺡ
ﻭﻭﺻﻞ ﺍﻟﻌﺼﻴﺮ ﻣﺮﺓ ﻭﺣﺪﺓ ﻭﺍﻟﻤﻨﺪﻳﻞ ﻟﺠﻬﺔ ﻣﺮﻳﻢ .. ﻭﺣﻂ ﺍﻟﻤﻨﺪﻳﻞ
ﺍﻟﻤﻄﻮﻱ ﻳﻢ ﻋﺼﻴﺮﻫﺎ .. ﻭﺍﻫﻲ ﺑﻌﺪ ﻣﺎ ﺷﺮﺑﺖ ﺍﻟﻌﺼﻴﺮ – ﻭﻋﻴﻮﻥ
ﻋﺎﻳﺾ ﺗﺮﻗﺒﻬﺎ ﻣﻦ ﺗﺤﺖ ﻟﺘﺤﺖ - ﺳﺤﺒﺖ ﺍﻟﻤﻨﺪﻳﻞ ﻋﺸﺎﻥ ﺗﻤﺴﺢ
ﺛﻤﻬﺎ .. ﻭﺑﺎﻟﺼﺪﻓﺔ ﻟﻘﺖ ﺍﻟﻤﻜﺘﻮﺏ ..
ﻟﻴﺘﻚ ﺗﻌﺮﻑ ﺍﻥ ﺍﻟﻬﻮﻯ ﺳﻬﻢ ﺫﺑﺎﺡ .. ﻭﻗﻠﻮﺏ ﻋﺸﺎﻕ ﺍﻟﻤﺤﺒﺔ ﺭﻗﻴﻘﺔ
ﺍﺳﺘﻐﺮﺑﺖ ﻣﺮﻳﻢ ﻣﻦ ﺍﻟﻤﻨﺪﻳﻞ .. ﺑﺲ ﻣﺎ ﻋﻄﺘﻪ ﺍﻧﺘﺒﺎﻩ ﺍﻛﺜﺮ .. ﻳﻤﻜﻦ
ﺍﺣﺪ ﻛﺎﺗﺒﻪ ﺑﺎﻟﻐﻠﻂ .. ﺑﺲ ﺷﻠﻮﻥ ﺍﻳﻴﺐ ﻟﻬﺎ ﻣﻨﺪﻳﻞ ﻭﺳﺦ .. ﺻﺞ ﺍﻧﻪ
ﺣﻤﺎﺭ .. ﻭﻣﺎ ﺗﻜﻠﻤﺖ ﻭﻳﺎ ﺍﺣﺪ ﺯﻳﺎﺩﺓ ﻋﻦ ﺍﻟﻤﻮﺿﻮﻉ ﻻﻧﻬﺎ ﺑﻤﺠﺮﺩ ﻣﺎ
ﺟﻌﻤﺰﺕ ﺍﻟﻤﻨﺪﻳﻞ ﻧﺴﺖ ﻟﻤﻮﺿﻮﻉ .. ﻭﺑﺪﺕ ﻓﻲ ﺳﻮﺍﻟﻴﻔﻬﺎ ﻭﻳﺎ ﻣﺮﻳﻢ
ﻭﻓﺎﺗﻦ ..
ﺍﻟﺘﻨﺪﻳﻞ ﺭﺩ ﻣﺮﺓ ﺛﺎﻧﻴﺔ ﻋﻨﺪ ﻃﺎﻭﻟﺔ ﻏﻴﺮ ﻋﻦ ﺍﻟﻄﺎﻭﻟﺘﻴﻦ ﻭﺍﺷﺮ ﻟﻪ
ﻋﺎﻳﺾ ﺍﻧﻪ ﺍﻳﻴﻪ .. ﻭﺳﺤﺐ ﻣﻨﺪﻳﻞ ﺛﺎﻧﻲ ﻣﻦ ﺑﻌﺪ ﻣﺎﺍﺍ ﺷﺎﻑ ﺭﺩﺓ ﻓﻌﻞ
ﻣﺮﻳﻢ ﻋﺸﺎﻥ ﻳﺄﻛﺪ ﻟﻬﺎ ﻋﻦ ﺍﻟﻤﻮﺿﻮﻉ .. ﻭﻛﺘﺐ ﻋﻠﻰ ﺍﻟﻤﻨﺪﻳﻞ ﺷﻲ ..
ﻭﻋﻄﺎﻩ ﺍﻟﺘﻨﺪﻳﻞ ﺍﻟﻠﻲ ﺑﻜﻞ ﻏﺒﺎﺀ ﻭﺭﺣﺐ ﺻﺪﺭ ﻭﺻﻠﻪ ﻟﻤﺮﻳﻢ .. ﻭﻫﺎﻟﻤﺮﺓ
ﻋﻄﺎﻫﺎ ﺍﻳﺎﺍﻩ ﻓﻲ ﺍﻟﻴﺪ ﻭﺍﻫﻲ ﺍﺳﺘﻠﻤﺘﻪ ﺑﺎﺳﺘﻐﺮﺍﺏ ﻭﺗﻮﺗﺮ .. ﻭﺟﺪﺍﻡ
ﻋﻴﻮﻥ ﻛﻞ ﻣﻦ ﻧﻮﺭﺓ ﻭﻓﺎﺗﻦ ..
ﻓﺘﺤﺖ ﺍﻟﻤﻨﺪﻳﻞ ﻭﻟﻘﺖ ﻣﻜﺘﻮﺏ ﺑﺪﺍﺧﻠﻪ ..
ﻭﻟﻴﺘﻚ ﺗﻌﺮﻑ ﺍﻧﻲ ﻟﻴﺎ ﺷﻔﺘﻚ ﺍﺭﺗﺎﺡ .. ﻭﺍﻟﻘﻠﺐ ﻳﺴﻌﺪ ﻳﻮﻡ ﻳﻠﻘﻰ ﺭﻓﻴﻘﻪ
ﺗﻈﺎﻳﻘﺖ .. ﻳﻌﻨﻲ ﺍﻭﻝ ﻣﺮﺓ ﻏﻠﻄﺖ .. ﺛﺎﻧﻲ ﻣﺮﺓ ﻣﻌﻨﺎﺗﻪ ﺗﻌﻤﺪ ..
ﻭﺍﻟﺘﻨﺪﻳﻞ ﺍﻟﺤﻤﺎﺭ ﺭﺍﺡ ﻭﻻ ﺗﻘﺪﺭ ﺗﺴﺄﻟﻪ .. ﺑﺲ ﻣﺮﺩﻫﺎ ﺑﺘﺴﺄﻟﻪ ﺍﻭﻝ ﻣﺎ
ﻳﻮﺻﻞ ..
ﻓﺎﺗﻦ ﻭﻫﻲ ﺗﺮﺍﻗﺐ ﻣﻼﻣﺢ ﻣﺮﻳﻢ ﺍﻟﻤﻌﺼﺒﺔ ﻭﻫﻲ ﺗﻜﻮﺭ ﺍﻟﻤﻨﺪﻳﻞ ﻭﺗﺮﻣﻴﻪ
ﺑﺎﻟﺰﺑﺎﻟﺔ ﺍﻟﺠﺮﻳﺒﺔ : ﻣﺮﻳﻢ ﻋﻼﻣﺞ؟؟؟
ﻣﺮﻳﻢ ﻭﻫﻲ ﻋﺎﻗﺪﺓ ﺣﻮﺍﺟﺒﻬﺎ ﺑﻈﻴﺞ : ﻣﺎﻓﻴﻨﻲ ﺷﻲ ﺑﺲ ﺍﻟﻌﺼﻴﺮ ﻣﻮ
ﺣﻠﻮﻭ ..
ﻧﻮﺭﺓ : ﻃﻠﺒﻲ ﻟﺞ ﻋﺼﻴﺮ ﺛﺎﻧﻲ ..
ﻣﺮﻳﻢ ﻭﻫﻲ ﺣﺎﺳﺔ ﺑﺤﺮﺍﺭﺓ ﻓﻲ ﺻﺪﺭﻫﺎ ﻣﻦ ﺍﻟﻈﻴﺞ ﻭﺍﻟﺘﻮﺗﺮ ..: ﻻ ﻣﺎﺑﻲ
ﺧﻼﺹ .. ﻫﻮﻧﺖ .. ﻣﻦ ﻳﻮﻡ ﻭﺭﺍﻳﺢ ﺑﺸﺮﺏ ﻣﺎﻱ ..
ﺗﺒﺎﺩﻟﻮ ﻛﻞ ﻣﻦ ﻓﺎﺗﻦ ﻭﻧﻮﺭﺓ ﻧﻈﺮﺓ ﻏﺮﻳﺒﺔ ﻭﻋﻴﻮﻥ ﻣﺮﻳﻢ ﺍﻟﻠﻲ ﻛﺎﻧﺖ
ﺗﺤﺲ ﺑﻈﻴﻴﻴﺞ ﺑﺼﺪﺭﻫﺎ ﻣﻨﻜﺴﺔ ﻋﻠﻰ ﺍﻟﻄﺎﻭﻟﺔ ﻭﻻﺣﻆ ﻋﺎﻳﺾ
ﺗﻮﺗﺮﻫﺎ .. ﺍﻛﻴﺪ ﻭﻣﻦ ﺍﻟﻠﻲ ﻣﺜﻠﻬﺎ ﻣﺎ ﺗﺘﻮﺗﺮ .. ﺑﻨﺖ ﺑﻤﺜﻞ ﻋﻔﺘﻬﺎ ﻭﺍﺧﻼﻗﻬﺎ
ﺍﻛﻴﺪ ﺑﺘﺘﻮﺗﺮ ﻳﻮﻡ ﺍﻧﻬﺎ ﺗﻼﻗﻲ ﻫﺎﻟﻨﻮﻉ ﻣﻦ " ﺍﻟﻤﻈﺎﻳﻘﺎﺕ " .. ﺑﺲ
ﺷﺴﻮﻱ .؟؟ ﺍﻟﺸﻲ ﺍﻛﺒﺮ ﻣﻨﻪ !! ﺗﺴﺒﺐ ﻟﻪ ﻧﻮﻉ ﻣﻦ ﺍﻟﺠﻨﻮﻥ ﻭﻫﻮ
ﺍﻟﺼﺎﺣﻲ .. ﻭﻳﻮﻡ ﻳﺎ ﻋﻨﺪﻩ ﺍﻟﺘﻨﺪﻳﻞ ﻣﺮﺓ ﺛﺎﻧﻴﺔ .. ﺳﺤﺐ ﻣﻨﺪﻳﻞ ﻭﻛﺘﺐ
ﺍﻋﺘﺬﺍﺭ ..
::.. ﺁﺳــــــــﻒ ..::
ﻭﻭﺻﻠﻪ ﺍﻟﺘﻨﺪﻳﻞ ﻟﻤﺮﻳﻢ ﻣﺜﻞ ﺍﻟﺸﻌﻮﺭ ﻭﻫﻮ ﺣﺎﺱ ﺑﺎﻟﻔﺨﺮ ﻣﺎ ﻳﺪﺭﻱ ﺍﻧﻪ
ﺭﺍﺡ ﻳﻨﻜﻔﺦ ﺑﺎﻟﻨﻌﺎﻝ .. ﻭﻭﻡ ﻭﺻﻞ ﺍﻟﻤﻨﺪﻳﻞ ﻟﻤﺮﻳﻢ ﺍﺧﺬﺗﻪ ﺑﻬﺪﻭﺋﺔ
ﻭﻃﻠﺒﺖ ﻣﻦ
ﺍﻟﻬﻨﺪﻱ ﺍﻧﻪ ﻳﻮﻗﻒ .. ﻭﺑﻮﻗﻔﻪ ﺍﻟﻬﻨﺪﻱ ﺍﺿﻄﺮﺏ ﻋﺎﻳﺾ ﻣﻜﺎﻧﻪ ﻭﻫﻮ
ﺣﺎﺱ ﺍﻧﻪ ﺭﺍﺡ ﻳﻨﺴﻄﺮ ﺍﻟﻴﻮﻡ .. ﻭﺗﻢ ﻣﻜﺎﻧﻪ ﻭﻫﻮ ﻳﺤﺲ ﺑﺎﻟﺮﻋﺸﺔ
ﺗﺴﺮﻱ ﻓﻲ ﺻﺪﺭﻩ ..
ﻓﺘﺤﺖ ﻣﺮﻳﻢ ﺍﻟﻤﻨﺪﻳﻞ .. ﻭﻗﺮﺕ ﻛﻠﻤﺔ
::.. ﺁﺳــــــــﻒ ..::
ﻭﺍﺷﺮﺕ ﻟﻠﻬﻨﺪﻱ ﺑﺎﻟﻤﻨﺪﻳﻞ : ﻣﻦ ﺍﻟﻠﻲ ﻣﻄﺮﺵ ﻫﺬﺍ؟؟
ﺍﺷﺮ ﺍﻟﻬﻨﺪﻱ ﺑﻜﻞ ﺑﺴﺎﻃﺔ ﺍﻟﻰ ﻋﺎﻳﺾ ﺍﻟﻠﻲ ﻛﺎﻥ ﻓﺎﺝ ﻋﻴﻮﻧﻪ ﺑﻄﺮﻳﻘﺔ
ﺗﺒﻴﻦ ﺍﻧﻪ ﺍﻧﺠﻚ .. ﺍﻣﺎ ﻣﺮﻳﻢ ﻳﻮﻡ ﺷﺎﻓﺘﻪ ﺩﻕ ﻗﻠﺒﻬﺎ ﺑﻌﻨﻒ ﻭﻓﺎﺗﻦ ﻭﻧﻮﺭﺓ
ﻳﺮﺍﻗﺒﻮﻥ ﺍﻟﻮﺿﻊ ﺑﺎﺳﺘﻐﺮﺍﺏ .. ﻣﻦ ﻫﺬﺍ ﺍﻟﺼﺒﻲ ﻭﺷﻔﻴﻬﺎ ﻣﺮﻳﻢ ﻭﻳﺎﻩ؟؟؟
ﻧﻈﺮﺓ ﻣﺮﻳﻢ ﻟﻌﺎﻳﺾ ﻛﺎﻧﺖ ﻗﺎﺗﻠﺔ .. ﺑﺤﺪﺓ ﻭﺑﺴﻮﺍﺩ ﺧﻼﻫﺎ ﻣﺎ ﺗﺤﺲ ﺍﻻ
ﺑﺎﻟﻘﺴﺎﻭﺓ ﺑﻤﻼﻣﺤﻬﺎ .. ﻭﻫﻮ ﺍﻟﻠﻲ ﻣﻦ ﺍﻟﺤﻴﺎ ﻭﻣﻦ ﻧﻈﺮﺗﻬﺎ ﺍﻟﻠﻲ ﺧﻠﺘﻪ
ﻳﺤﺲ ﺑﺠﻴﻤﺘﻪ ﺍﻟﻠﻲ ﺗﺒﺨﺮﺕ ﻧﻜﺲ ﻋﻴﻮﻧﻪ ﻟﻠﻄﺎﻭﻟﺔ .. ﻭﺗﻢ ﻣﺤﺘﺎﺱ
ﻣﻜﺎﻧﻪ ﻟﻤﻦ ﻗﺎﻡ ﻭﺭﺍﺡ ... ﻭﺭﺑﻌﻪ ﺗﻤﻮ ﻳﺼﻮﺗﻮﻥ ﻋﻠﻴﻪ ﻭﻫﻮ ﺍﺑﺪﺍ ﻣﻮ
ﻣﺎﻋﻄﻲ ﺍﺣﺪ ﻭﻳﻪ ...
ﻛﺎﻧﺖ ﺍﻟﺮﺟﺎﺕ ﻓﻲ ﺻﺪﺭﻩ ﻋﻨﻴﻔﺔ ﻭﻣﻮﻭﻭ ﻣﺼﺪﻕ ﺍﻥ ﻫﺎﻟﺘﺼﺮﻑ ﺑﺪﺭ
ﻣﻨﻪ ﻭﻟﻤﻦ؟؟
ﻟﺒﻨﺖ ﻣﺜﻞ ﻣﺮﻳﻢ ....
ﺍﻣﺎ ﻣﺮﻳﻢ ﺑﻌﺪ ﻧﻈﺮﺗﻬﺎ ﺍﻟﺨﺎﻃﻔﺔ ﻭﺍﻟﻘﺎﺗﻠﺔ ﻟﻌﺎﻳﺾ ﻛﻮﺭﺕ ﺍﻟﻤﻨﺪﻳﻞ
ﻭﻗﻄﺘﻪ
ﻓﺎﺗﻦ ﻣﻄﺎﻟﺒﺔ : ﻣﺮﻳﻢ ﺷﺎﻟﺴﺎﻟﻔﺔ ﺗﻜﻠﻤﻲ؟؟
ﻣﺮﻳﻢ ﻭﻫﻲ ﻣﻨﺰﻟﻪ ﻋﻴﻮﻧﻬﺎ ﻭﻫﻲ ﻋﺎﻗﺪﺓ ﺣﻮﺍﺟﺒﻬﺎ :. ﻻ ﺑﺲ .. ﻭﺍﺣﺪ
ﻭﺍﻃﻲ ﻛﻞ ﺷﻮﻱ ﻳﻄﺮﺵ ﻟﻲ ﻣﻨﺪﻳﻞ ﻛﺎﺗﺐ ﻋﻠﻴﻪ ﺑﻴﺖ ﺷﻌﺮ .. ﺍﻟﻈﺎﻫﺮ
ﺍﻧﻪ ﻣﺸﺒﻪ ﻋﻠﻲ ﺑﺄﺣﺪ
ﻣﺜﻠﻪ ..
ﻧﻮﺭﺓ ﺍﺑﺘﺴﻤﺖ ﻭﻣﺴﻜﺖ ﻳﺪ ﻣﺮﻳﻢ ..: ﻣﺎ ﻋﻠﻴﺞ ﺣﺒﻴﺒﺘﻲ ﻣﺜﻞ
ﻫﺎﻟﻤﻮﺍﻗﻒ ﺻﺎﻳﺮﺓ ﻭﻋﻴﺎﻝ ﺍﻟﺤﺮﺍﻡ ﻛﺜﺎﺭ .. ﻻ ﺗﻌﻮﺭﻳﻦ ﻗﻠﺒﺞ
ﻭﻳﻦ ﻣﺎ ﺗﻌﻮﺭ ﻗﻠﺒﻬﺎ .. ﻣﺮﻳﻢ ﻗﻠﺒﻬﺎ ﻣﻦ ﺯﻣﺎﻥ ﺍﻧﻔﻄﺮ ﻋﻠﻰ ﻫﺎﻟﺤﺮﻛﺔ ﺍﻟﻠﻲ
ﺻﺎﺑﺘﻬﺎ .. ﻟﻜﻦ ﺗﻤﺖ ﺳﺎﻛﺘﺔ ﻭﻫﻲ ﻋﺎﺻﻴﺔ ﺍﻟﺪﻣﻊ ﺑﻌﻴﻨﻬﺎ .. ﺍﻻ ﺍﻥ ﻓﺎﺗﻦ
ﺍﻟﻠﻲ ﺗﻔﻬﻢ ﺷﻌﻮﺭ ﻣﺮﻳﻢ ﺗﺠﺎﻩ ﻫﺎﻟﺤﺮﻛﺎﺕ ﻋﺮﻓﺖ ﺍﻧﻬﺎ ﻛﺎﺗﻤﺔ ﻗﻬﺮ ﻓﻲ
ﻧﻔﺴﻬﺎ .. ﻭﻋﺸﺎﻥ ﺗﻬﺪﻱ ﻣﻦ ﻗﻬﺮ ﺍﺭﻓﻴﺠﺘﻬﺎ ..
ﻓﺎﺗﻦ ﻟﻨﻮﺭﺓ : ﻧﻮﺭﺓ ﺧﻠﻴﻨﺎ ﻧﺮﻭﺡ ﻣﻦ ﻫﻨﻲ ..
ﻧﻮﺭﺓ ﺑﺼﺪﻣﺔ : ﻃﻠﺒﻨﺎ ﺍﻻﻛﻞ؟
ﻓﺎﺗﻦ ﺗﺘﻜﻠﻢ ﻭﻣﺮﻳﻢ ﺗﻨﺎﻇﺮﻫﺎ .: ﻻ ﺑﺲ ﺧﻠﻴﻨﺎ ﻧﺮﻭﺡ .. ﺑﻌﺰﻣﻜﻢ ﻋﻠﻰ
ﺑﻴﺘﻨﺎ ﺷﺮﺍﻳﻜﻢ؟؟ ﺗﺎﻛﻠﻮﻥ ﻣﻦ ﻃﺒﺎﺧﻲ ﻭﻃﺒﺎﺥ ﺍﻣﻲ .. ﻭﺗﺤﻠﻰ ﺍﻟﻘﻌﺪﺓ
ﺍﻛﺜﺮ ..
ﻧﻮﺭﺓ ﻭﻫﻲ ﺗﺮﺍﻗﺐ ﻣﺮﻳﻢ ﺍﻟﻲ ﻛﺎﻧﺖ ﺗﻨﺎﻇﺮ ﻓﺎﺗﻦ ﻭﺣﺴﺖ ﺍﻧﻬﺎ ﻣﺴﺘﻌﺪﺓ
ﻟﻬﺎﻻﻗﺘﺮﺍﺡ : ﺧﻼﺹ ﻋﻴﻞ .. ﺳﺮﻳﻨﺎ ...
ﺍﺷﺮﺕ ﻧﻮﺭﺓ ﻋﻠﻰ ﺍﻟﺘﻨﺪﻳﻞ ﻭﻳﺎ ﻟﺤﺪﻫﺎ ﻭﻗﺎﻟﺖ ﻟﻪ ﻭﻋﻄﺘﻪ ﻓﻠﻮﺱ
ﺍﻟﻌﺼﻴﺮ ﻭﺭﺍﺣﻮ .. ﻣﺮﻳﻢ ﻃﻮﻝ ﺍﻟﺮﺣﻠﺔ ﻟﺒﻴﺖ ﻓﺎﺗﻦ ﻇﻠﺖ ﺳﺎﻛﺘﺔ ﻭﻫﻲ
ﺣﺎﺳﺔ ﺑﻨﻐﺼﺔ ﻓﻲ
ﻗﻠﺒﻬﺎ .. ﺗﺘﻤﻨﻰ ﻟﻮ ﺍﻧﻬﺎ ﻣﺎ ﻛﺎﻧﺖ ﻓﻲ ﺍﻟﻤﺠﻤﻊ ﻭﺟﺪﺍﻡ ﺍﻟﻨﺎﺱ ﻋﺸﺎﻥ
ﺗﻠﻮﻱ ﺭﻗﺒﻪ ﻫﺎﻟﺨﺴﻴﺲ ﺑﺎﻟﻌﻘﺎﻝ ﺍﻟﻠﻲ ﻛﺎﻥ ﻋﻠﻰ ﺭﺍﺳﻪ ..
ﺳﺨﻴﻒ .. ﺭﺩﺩﺕ ﻓﻲ ﻗﻠﺒﻬﺎ .. ﻣﻮ ﻛﻔﺎﻳﺔ ﺷﻌﺮﻩ ﺍﻟﺘﺎﻓﻪ ﺑﺎﻭﻝ ﺍﻳﺎﻡ
ﺍﻟﺠﺎﻣﻌﺔ ﻭﺍﻟﺤﻴﻦ ﺑﺎﺩﻳﻬﺎ ﻭﻳﺎﻱ ﻓﻲ ﺍﻟﻤﺠﻤﻌﺎﺕ .. ﺻﺞ ﺍﻧﻪ ﺟﻠﻴﻞ
ﺍﺻﻞ .. ﻭﺣﻴﺎ ﺑﻌﺪ ..
ﺍﺍﺍﺥ ﻟﻮ ﻓﻴﻨﻲ ﺍﻗﻮﻝ ﻟﺠﺮﺍﺡ ﺟﺎﻥ ﻟﻮﻯ ﻟﻪ ﻫﺎﻟﻴﺪ ﻭﻛﺴﺮﻫﺎ .. ﺧﻼﻫﺎ
ﻳﺤﻤﻠﻬﺎ ﺳﻨﺔ ﻛﺎﻣﻠﺔ ﻋﻠﻰ ﺑﻄﻨﻪ ..
ﻳﻮﻡ ﻭﺻﻠﺖ ﺍﻟﺴﻴﺎﺭﺓ ﺑﻴﺖ ﺑﻮ ﺟﺮﺍﺡ ﻛﺎﻥ ﺟﺮﺍﺡ ﻃﺎﻟﻊ ﻣﻦ ﻓﺘﺮﺓ ﺧﻤﺲ
ﺩﻗﺎﻳﻖ ﻭﻳﺎ ﺍﻣﻬﺎ ﻭﺳﻤﺎﺀ .. ﺭﺍﻳﺤﻴﻦ ﻣﺤﻞ ﺑﻮﺭﺳﻠﻴﻦ ﻳﺨﺘﺎﺭﻭﻥ ﺟﻢ
ﺍﺻﻴﺺ ﻭﺟﺮﺓ ﻋﺸﺎﻥ
ﻳﺤﻄﻮﻧﻬﺎ ﺑﺎﻟﺰﺍﻭﻳﺎﺕ
-------------------------------
ﻏﺰﻻﻥ ﻣﻦ ﻃﺮﻑ ﺛﺎﻧﻲ ﻇﻠﺖ ﺗﺠﻴﻞ ﺑﺒﺼﺮﻫﺎ ﻋﻠﻰ ﺍﻭﻟﻴﺎﺕ ﺍﻟﺘﻨﺠﻴﺪ
ﺍﻟﻠﻲ ﻓﻲ ﺍﻟﻘﻌﺪﺓ .. ﻭﺑﻌﻴﺪ ﻋﻦ ﻣﺸﺎﻋﺮ ﺍﻻﻧﺘﻘﺎﻡ ﻭﺍﻻﺿﻄﺮﺍﺏ ﺍﻟﻌﺎﻃﻔﻲ
ﺍﻟﻠﻲ ﻋﻨﺪﻫﺎ
ﺍﺳﺘﺤﺴﻨﺖ ﺍﻟﺸﻐﻞ .. ﻭﺍﺳﺘﺤﺴﻨﺖ ﺫﻭﻕ ﻟﺆﻱ ﺍﻧﻪ ﻳﺨﻠﻲ ﺍﻟﻤﻜﺎﻥ ﺑﺎﻟﻠﻮﻥ
ﺍﻻﺧﻀﺮ ﺍﻟﻤﺨﻤﻠﻲ .. ﻣﻊ ﺍﻥ ﺍﻟﺸﻤﺲ ﺑﺘﺬﺑﺤﻪ ﺍﻻ ﺍﻧﻬﻢ ﺑﻴﺠﺪﺩﻭﻧﻪ ﻛﻞ
ﻣﺎ ﺳﻨﺤﺖ ﺍﻟﻔﺮﺻﺔ ..
ﺗﺤﺴﺴﺖ ﺍﻟﺨﻠﻖ ﻭﻫﻲ ﺗﺒﺘﺴﻢ ﺑﺨﻔﺔ .. ﻭﻛﺎﻥ ﺍﻻﺑﺘﺴﺎﻣﺔ ﺧﻔﻴﺔ ﻋﻦ
ﻋﻴﻮﻥ ﺍﻟﻨﺎﺱ .. ﺗﺒﺎﺩﻝ ﻧﻔﺴﻬﺎ ﺍﻟﻄﻴﺒﺔ ﺍﻟﻠﻲ ﻏﻠﻔﺘﻬﺎ ﺑﺎﻟﺘﺼﻨﻊ ﻭﺍﻟﻐﺮﻭﺭ
ﺍﻟﻠﻲ ﻣﺎ ﻣﻨﻪ ﻓﺎﻳﺪﺓ .. ﺑﺎﺟﺮ ﺍﺧﺮ ﺍﻳﺎﻡ ﺷﻐﻠﻬﻢ ﻋﻨﺪﻫﺎ .. ﻫﺬﺍ ﺍﻟﻠﻲ ﻣﺮ
ﻓﻲ ﺑﺎﻟﻬﺎ ﺑﺘﻨﻬﻴﺪﺓ .. ﻭﻻﺯﻡ ﺍﻛﻤﻞ ﺷﻐﻠﻲ ﻭﻳﺎ ﻟﺆﻱ .. ﻋﺸﺎﻥ ﺍﻗﺪﺭ ﺍﺳﻴﻄﺮ
ﻋﻠﻰ ﺟﺮﺍﺡ ﻣﻦ ﺃﻭﻝ ﻭﻳﺪﻳﺪ .. ﻣﺎ ﻳﺼﻴﺮ ﺍﺧﻠﻴﻪ ﻳﻠﻌﺐ ﻓﻴﻨﻲ ﻣﺜﻞ ﻣﺎ
ﻳﺒﻲ .. ﺍﻧﺎ ﺑﻌﺪ ﺍﺑﻲ ﺩﻭﺭ ﻓﻲ ﺍﻟﻠﻌﺒﺔ ..
ﺍﺟﻬﺪﺗﻬﺎ ﻫﺎﻟﻔﻜﺮﺓ .. ﻣﻦ ﺯﻣﺎﻥ ﻛﺎﻧﺖ ﺟﺎﻫﺪﺗﻬﺎ ﻟﻜﻨﻬﺎ ﺍﻟﺤﻴﻦ ﺣﺴﺖ ﺍﻧﻬﺎ
ﻋﻠﻰ ﻭﺷﻚ ﺍﻻﺳﺘﺴﻼﻡ .. ﻭﻣﻦ ﺯﻭﺩ ﺍﻻﺣﺴﺎﺱ ﺑﺎﻟﺨﺬﻻﻥ ﻗﻌﺪﺕ ﻋﻠﻰ
ﺍﻟﻜﺮﺳﻲ ﺍﻟﻐﻴﺮ ﻣﻜﺘﻤﻞ ﻭﻫﻲ ﺗﻀﻢ ﺭﺟﻠﻴﻨﻬﺎ ﻟﻌﻨﺪ ﺻﺪﺭﻫﺎ .. ﻛﺎﻧﺖ
ﺍﻟﺠﻠﺴﺔ ﻣﻐﻄﺎﺍﺍﺓ ﺑﺎﻟﻄﺮﺑﺎﻝ ﻣﻦ ﺍﻟﺠﻮﺍﻧﺐ ﻛﻠﻬﺎ ﻋﺸﺎﻥ ﺍﻥ ﺍﻟﺴﻤﺎﺀ ﺗﻬﺪﺩ
ﺑﺎﻻﻣﻄﺎﺭ .. ﻭﻣﺎ ﻳﺒﻮﻥ ﺍﻟﺸﻐﻞ ﻳﺨﺘﺮﺏ ﻗﺒﻞ ﻻﺍﺍ ﻳﻜﻤﻞ .. ﻭﻃﺒﻌﺎ ﻫﺬﻱ
ﻛﺎﻧﺖ ﺑﺎﺩﺭﺓ ﻟﺆﻱ ..
ﻟﺆﻱ ... ﺗﺮﺩﺩ ﺍﺳﻤﻪ ﻓﻲ ﺑﺎﻟﻬﺎ ﻣﻦ ﻏﻴﺮ ﺍﻱ ﺣﺴﺒﺎﻥ .. ﺍﻱ ﺷﻌﻮﺭ ﺗﻮﻗﻆ
ﻓﻴﻬﺎ ﺍﻟﻴﻮﻡ ﻣﻦ ﻧﻈﺮﺍﺕ ﻏﺼﻮﻥ ﺍﻟﻌﺪﻳﻤﺔ ﺍﻟﺤﻴﺎ .. ﺷﻌﻮﺭ ﻏﺮﻳﺐ ﻣﺎ
ﺣﺴﺘﻪ ﺑﺤﻴﺎﺗﻬﺎ .. ﻭﻛﺎﻥ ﺍﺣﺪ ﻳﺘﻌﺪﻯ ﻋﻠﻰ ﺷﻲ ﻣﻦ ﺧﺎﺻﻴﺎﺗﻬﺎ .. ﻭﻟﻜﻦ
ﻫﺬﻱ ﻫﻲ ﻏﺼﻮﻭﻥ .. ﻋﻤﺮﻫﺎ ﻣﺎ ﻛﺎﻧﺖ ﺷﻲ ﻏﻴﺮ ﻫﺎﻟﺸﺨﺺ .. ﻣﻊ ﺍﻧﻬﺎ
ﻛﺎﻧﺖ ﺍﻧﻌﻢ ﻣﻦ ﺟﺬﻱ ....
ﺑﺪﻟﺔ ﺍﺭﻣﺎﻧﻲ ﻭﺟﻨﻄﺔ ﺩﺑﻠﻮﻣﺎﺳﻴﺔ .. ﻫﺬﺍ ﺍﻟﻠﻲ ﻭﺻﻔﺖ ﺯﻭﺟﻬﺎ ﻣﻦ ﺑﻌﺪ
ﻗﺼﺔ ﺍﻟﺤﺐ ﺍﻟﻐﺮﺍﻣﻴﺔ ﺍﻟﻠﻲ ﺟﻤﻌﺘﻬﻢ ... ﻳﺎﺭﺏ .. ﺟﺬﻱ ﺍﻟﺰﻭﺍﺝ ﺑﻌﺪ
ﺍﻟﺤﺐ؟؟ ﺍﻟﺰﻭﺝ ﻳﺼﻴﺮ ﺷﻲﺀ ﻭﺍﻟﺰﻭﺟﺔ ﺗﺼﻴﺮ ﺷﻲ .. ﻭﺗﺨﺘﻠﻒ
ﺍﻟﻤﻌﺎﻳﻴﺮ ﻭﺍﻟﺼﻔﺎﺕ ﻭﺗﺘﺤﻮﻝ ﺍﻟﻰ ﺍﺷﻴﺎﺀ ﻻ ﺣﻴﺎﺓ ﻟﻬﺎ ..
ﻋﻠﻰ ﻫﺎﻟﻔﻜﺮﺓ ﺍﻟﺤﺰﻳﻨﺔ .. ﺗﻠﻮﻧﺖ ﺍﻟﺴﻤﺎﺀ ﺑﺤﺰﻧﻬﺎ .. ﻭﺗﻠﺒﺪﺕ ﺍﻟﻐﻴﻮﻡ ..
ﻭﺍﻧﻄﻠﻘﺖ ﺑﺎﻻﻧﺪﻣﺎﺝ ﻣﻊ ﺑﻌﻀﻬﺎ .. ﺳﺎﻟﺒﻬﺎ ﺑﻤﻮﺟﺒﻬﺎ ... ﺗﻜﺎﺑﺪﺕ ﺍﻛﺜﺮ ..
ﻭﺍﻃﻠﻘﺖ ﺍﻟﺪﻣﻊ .. ﻋﺎﺩﺕ ﺍﻟﻐﻴﻮﻡ ﺑﺎﻟﻠﻮﻥ ﺍﻻﺳﻮﺩ .. ﻭﻣﻊ ﻫﺎﻟﺠﻮ ﺍﺯﺩﺍﺩﺕ
ﻏﺼﺎﺍﺕ ﻏﺰﻻﻥ ﺍﻟﻐﻴﺮ ﻣﻔﻬﻮﻣﺔ ﻓﻴﻬﺎ .. ﻭﻧﺎﻭﻟﺖ ﻧﻔﺴﻬﺎ ﺩﻣﻊ .. ﻳﻤﻜﻦ ﻣﻦ
ﺑﻌﺪﻩ ﺗﺘﺮﻓﻪ ﻧﻔﺴﻴﺘﻬﺎ ..
ﺗﺒﺠﻲ ﺍﻫﻲ ﺻﺢ .. ﻟﻜﻦ ﻋﻠﻰ ﺷﻨﻮ؟؟؟؟ ﻋﻠﻰ ﺟﺮﺍﺡ ﺍﻟﻠﻲ ﻣﻦ ﺃﻭﻝ ﻣﺎ
ﻋﺮﻓﺘﻪ ﻟﻠﺤﻴﻦ ﻣﺎ ﺑﺎﺩﻟﻬﺎ ﺑﺎﺩﻧﻰ ﺷﻌﻮﺭ ﻣﻦ ﻣﺸﺎﻋﺮﻫﺎ ﺍﻟﺠﻴﺎﺷﺔ
ﻧﺎﺣﻴﺘﻪ ..
ﺗﺒﺠﻲ ﻋﻠﻰ ﻟﺆﻱ ﺍﻟﻠﻲ ﺑﻐﺒﺎﺋﻪ ﺑﻴﺤﻄﻢ ﻣﺨﻄﻄﺎﺗﻬﺎ ﺗﺠﺎﻩ ﺟﺮﺍﺡ ..؟؟
ﺗﺒﺠﻲ ﻋﻠﻰ ﻓﺮﺍﻕ ﺍﻣﻬﺎ ﻭﻓﻘﺪﺍﻧﻬﺎ ﻟﺼﻮﺗﻬﺎ ﺍﻟﺤﻨﻮﻭﻭﻥ ﺍﻟﻠﻲ ﺣﺮﻣﺘﻬﺎ ﻣﻨﻪ
ﺑﺴﺒﺐ ﺷﻲ ﺍﻫﻲ ﻣﺎ ﺗﻈﻦ ﺍﻧﻬﺎ ﺍﺭﺗﻜﺒﺖ ﺍﻱ ﻏﻠﻂ ﻓﻲ ﻗﻴﺎﻣﻪ؟؟
ﺗﺒﺠﻲ ﻋﻠﻰ ﺍﺧﺘﻬﺎ ﻏﺼﻮﻥ .. ﺍﻟﻠﻲ ﺑﻄﺒﻴﻌﺘﻬﺎ ﺍﻟﻘﺎﺳﻴﺔ ﻣﺎ ﺳﻤﺤﺖ ﻟﻬﺎ
ﺍﻧﻬﺎ ﺗﺤﺰﻥ ﻭﻳﺎﻫﺎ ﻋﻠﻰ ﺣﻴﺎﺗﻬﺎ ﺍﻟﻠﻲ ﺗﻤﺮ ﻓﻴﻬﺎ .. ﻭﺍﻟﻈﻠﻢ ﺍﻟﻠﻲ ﺍﻧﺤﻄﺖ
ﻓﻴﻪ ..
ﻳﻤﻜﻦ ﻏﺼﻮﻭﻥ ﺣﺒﺖ ﺯﻭﺟﻬﺎ ﻟﻜﻦ .. ﻣﻮ ﻟﺪﺭﺟﺔ ﺍﻧﻬﺎ ﺗﺮﺗﺒﻂ ﻣﻌﺎﻩ .. ﺍﻭ
ﺍﻧﻬﺎ ﺣﻠﻤﺖ ﺑﺎﻻﺭﺗﺒﺎﻁ .. ﻟﻜﻦ ﺍﻫﻮ ﺧﺬﻝ ﺍﺣﻼﻣﻬﺎ ..
ﺗﺒﺠﻲ ﻋﻠﻰ ﻧﻈﺮﺍﺕ ﺍﺧﺘﻬﺎ ﻟﻮﺍﺣﺪ ﺍﺻﻐﺮ ﻣﻨﻬﺎ ﻳﻤﻜﻦ ﺑﺎﺭﺑﻊ ﺳﻨﻮﺍﺕ ..
ﻭﻛﺎﻧﻬﺎ ﺑﻨﺖ ﺍﻟﺴﺎﺩﺳﺔ ﻋﺸﺮ ..
ﻭﺑﺎﻧﻌﺪﺍﻡ ﺍﻻﻓﻜﺎﺭ ﻓﻲ ﺭﺍﺳﻬﺎ ﻟﺤﺰﻧﻬﺎ ﺍﻟﻌﻤﻴﻖ .. ﺷﻬﻘﺖ ﺑﻄﺎﻗﺔ ﻋﻈﻴﻤﺔ
ﺩﺍﻋﻴﺔ ﻟﻠﺤﺰﻥ ﻭﻧﻜﺴﺖ ﺭﺍﺳﻬﺎ ﻋﻠﻰ ﺭﻛﺒﺘﻬﺎ .. ﻭﻛﺎﻥ ﺷﻌﺮﻫﺎ ﺍﻟﺒﻨﻲ
ﻣﻠﻤﻮﻭﻭﻡ ﻓﻲ ﻋﺼﺒﻪ ﺭﻗﻴﻘﺔ ﺧﻠﺖ ﺍﻟﺨﺼﻼﺕ ﻣﺘﺪﻟﻴﺔ ﻣﻨﻬﺎ ﺑﻬﺪﻭﺀ
ﻭﻃﻮﺍﻋﻴﻪ ..
ﻣﺮﺕ ﻋﻠﻴﻬﺎ ﺍﻟﺪﻗﺎﻳﻖ .. ﻭﻣﺴﺤﺖ ﺩﻣﻌﻬﺎ ﺑﺮﻛﺒﺘﻬﺎ ﺍﻟﻲ ﻛﺎﻧﺖ ﻣﺜﺒﺘﺘﻬﺎ
ﺑﻴﺪﻳﻨﻬﺎ .. ﻭﺣﻄﺖ ﺧﺪﻫﺎ ﺍﻟﻴﺴﺎﺭ ﺍﻟﻤﻮﺍﺟﻪ ﻟﺠﺪﺍﻡ ﻋﻠﻰ ﺭﻛﺒﺘﻬﺎ ..
ﻭﺑﻬﺎﻟﻤﻮﺍﺟﻬﺔ ﺷﺎﻓﺘﻪ ﻭﺍﻗﻒ ﺟﺪﺍﻣﻬﺎ ﺗﺤﺖ ﺍﻟﻤﻄﺮ ..
ﻛﺎﻥ ﻻﺑﺲ ﻛﺎﺏ ﺍﺯﺭﻕ ﻣﺒﻠﻞ ﻣﻦ ﺍﻟﻤﻄﺮ ﻭﻫﻮ ﻳﻨﺎﻇﺮﻫﺎ ﺑﻬﺪﻭﺀ .. ﺭﻓﻌﺖ
ﺭﺍﺳﻬﺎ ﻭﻋﻴﻮﻧﻬﺎ ﺍﻟﻤﻈﻴﺠﺔ ﺑﺎﻟﺪﻣﻊ ﺍﻟﻌﻤﻴﻖ ﺗﻨﺎﻇﺮﻩ ﺑﺎﺳﺘﻐﺮﺍﺏ .. ﺗﻄﺎﻟﺒﻪ
ﺑﺎﻳﻀﺎﺡ
ﻋﻦ ﺗﻮﺍﺟﺪﻩ ﺑﻬﺎﻟﻤﻜﺎﻥ ..؟
ﻭﻛﺄﻧﻪ ﺳﻤﻌﻬﺎ ﻭﻓﻬﻤﻬﺎ .. ﻭﺗﺠﺪﻡ ﺑﺨﻄﻮﺓ ﺍﻟﻰ ﺩﺍﺧﻞ ﺍﻟﺠﻠﺴﺔ ﻭﺳﺤﺐ
ﺟﻨﻄﺔ ﺍﻟﻌﺪﺓ ﺍﻟﻠﻲ ﻛﺎﻧﺖ ﺗﺤﺖ ﺍﻟﻄﺎﻭﻟﺔ .. ﻭﺑﺤﺮﻛﺘﻪ ﻫﺬﻱ ﺍﻧﻜﻤﺸﺖ
ﻏﺰﻻﻥ ﻋﻠﻰ
ﻧﻔﺴﻬﺎ ﺍﻛﺜﺮ ﺑﻈﻨﻬﺎ ﺍﻧﻪ ﺭﺍﺡ ﻳﺘﺠﺪﻡ ﺻﻮﺑﻬﺎ ..
ﻟﺆﻱ ﺑﺼﻮﺗﻪ ﺍﻟﻨﺎﻋﻢ ﻭﺍﺑﺘﺴﺎﻣﺔ ﻃﻔﻮﻟﻴﺔ ﻣﻬﺪﺋﺔ ..: ﻧﺴﻴﺘﻬﺎ .. ﺧﻔﺖ ﻻ
ﺗﺒﻮﻗﻴﻨﻬﺎ .. ﻭﺭﺩﻳﺖ ﻟﻬﻢ ..
ﺗﻈﺎﻳﻘﺖ ﻟﺴﺒﺐ ﺍﻭ ﻟﺜﺎﻧﻲ ﻣﻦ ﺳﺨﺮﻳﺘﻪ .. ﻭﻛﺄﻧﻬﺎ ﻛﺎﻧﺖ ﻣﻮﺟﻬﺔ ﻟﻬﺎ
ﺷﺨﺼﻴﺎ .. ﻭﻭﻗﻔﺖ ﻋﻠﻰ ﺭﻳﻠﻬﺎ ﻭﻫﻲ ﺗﻮﺍﺟﻪ ﺍﺑﺘﺴﺎﻣﺘﻪ ﺍﻟﻠﻲ ﺍﺳﺘﻔﺤﻠﺖ
ﻟﺮﻣﺎﺩ ﻣﻦ ﻧﻈﺮﺍﺕ
ﺍﻟﺠﺮﺡ ﺍﻟﻠﻲ ﻛﺎﻥ ﻓﻲ ﻧﻔﺴﻬﺎ .. ﻭﺍﻫﻲ ﺍﻧﻄﻠﻘﺖ ﻋﻠﻰ ﻋﻘﺒﻬﺎ ﻭﻫﻲ ﺗﻤﺸﻲ
ﺑﺎﻟﻤﻄﺮ ﺑﻌﻴﺪ ﻋﻨﻪ ..
ﻣﺎ ﻭﻋﺖ ﺍﻻ ﻟﻠﺆﻱ ﻳﻨﺎﺩﻳﻬﺎ ﻣﻦ ﻭﺭﺍﻫﺎ .. ﻭﻫﻮﻭﻭ ﻣﺒﻠﻠﻞ ﺑﺤﺪﺓ ﻣﻦ
ﺍﻟﻤﻄﺮ :.. ﻏﺰﻻﻥ ..
ﺍﻟﺘﻔﺘﺖ ﻟﻪ ﻭﻫﻲ ﺗﺸﻬﻖ ﻣﻦ ﺍﻟﺒﺠﻲ : ﺷﺘﺒﻲ؟؟ ﻳﺎﻱ ﺗﺘﻄﻨﺰ ﺍﻛﺜﺮ؟؟ﻭﻻ
ﻇﻞ ﻓﻴﻨﻲ ﺷﻲ ﻣﺎ ﺗﻼﻋﺒﺘﻮ ﻓﻴﻪ ﺍﻧﺘﻮ ﺍﻻﺛﻨﻴﻦ ...
ﻇﻞ ﻟﺆﻱ ﻳﻨﺎﻇﺮﻫﺎ ﺑﻌﺬﺍﺏ .. ﻟﺆﻱ ﺍﻟﻠﻲ ﻋﻤﺮﻩ ﻣﺎ ﺑﺪﻯ ﻋﻠﻴﻪ ﺍﻷﻟﻢ
ﻭﺍﻟﻀﻨﺎ .. ﻛﺎﻥ ﻭﺟﻬﻪ ﻳﺘﻀﺮﺝ ﺑﺎﻟﺤﺰﻥ ﻋﻠﻰ ﺷﻜﻠﻬﺎ ﻭﺩﻣﻮﻋﻬﺎ ﺍﻟﻘﻮﻳﺔ ..
ﻏﺰﻻﻥ ﻭﻫﻲ ﺗﺸﻬﻖ ...: ﺧﻼﺹ .. ﻣﺎ ﻋﺪﺕ ﺍﺑﻲ ﺍﺷﻮﻓﻚ .. ﻭﻻ ﺍﺷﻮﻑ
ﺭﻗﻌﺔ ﻭﻳﻬﻚ .. ﻭﺍﺫﺍ ﺑﺼﻔﻲ ﺣﺴﺎﺑﻲ ﻭﻳﺎ ﺍﺣﺪ ... ﺑﺼﻔﻴﻪ ﺑﻄﺮﻳﻘﺘﻲ
ﺍﻟﺨﺎﺻﺔ ..
ﻭﻗﺒﻞ ﻻ ﺗﻠﺘﻒ ﻋﻠﻰ ﻋﻘﺒﻬﺎ ﻳﺎﻫﺎ ﺻﻮﺕ ﻟﺆﻱ ﻭﻫﻮ ﻭﺍﻗﻒ ﺑﺤﺰﻡ
ﻭﺍﺗﺴﺎﻉ ﺑﺴﻴﻂ ﺑﻴﻦ ﺭﻳﻠﻴﻪ ..: ﺗﻜﻮﻧﻴﻦ ﻏﻠﻄﺎﻧﺔ ﻟﻮ ﻓﻜﺮﺗﻲ ﺍﻥ ﺍﻟﻨﺎﺱ
ﺿﺪﺝ .. ﺍﻧﺘﻲ ﺍﻟﻠﻲ
ﺑﻨﻴﺘﻲ ﺍﻻﺳﻴﺎﺝ ﺣﻮﻝ ﻧﻔﺴﺞ .. ﻻﺯﻡ ﺍﻧﺘﻲ – ﺑﺮﻭﺣﺞ - ﺗﺘﺤﺮﻛﻴﻦ
ﻭﺗﻨﺰﻋﻴﻨﻬﺎ .. ﺗﺮﻯ ﺍﻧﺘﻲ ﻣﺘﺴﺎﻭﻳﺔ ﻭﻳﺎﻱ ..
ﺳﻜﺖ ﺷﻮﻱ ﻭﻫﻮ ﻳﻔﻜﺮ ...
ﺭﺩ ﺗﻜﻠﻢ ..: ﻓﻲ ﻟﺤﻈﺘﺞ ﻫﺬﻱ .. ﺑﻌﺬﺍﺑﺞ ﻭﺑﺆﺳﺞ ... ﻣﺤﻨﺎ
ﻣﺘﺴﺎﻭﻳﻴﻦ .. ﺍﻧﺎ ﺻﺮﺕ ﺍﺣﺴﻦ ﻣﻨﺞ ...
ﺍﺭﺗﺪ ﻋﻠﻰ ﻋﻘﺒﻪ ﻭﻫﻮ ﺑﻌﺪﻩ ﻣﻮﺍﺟﻬﻬﺎ .. ﺭﺷﺢ ﺍﻟﻤﻄﺮ ﺯﺍﺩ ﻭﻛﺎﻧﻪ ﺩﻡ
ﻳﺘﺪﻓﻖ ﻣﻦ ﺟﺮﺡ ﻋﻤﻴــﻖ .. ﻇﻠﺖ ﻏﺰﻻﻥ ﻭﺍﻗﻔﺔ ﻭﻫﻲ ﺗﻨﺎﻇﺮ ﺍﺧﺘﻔﺎﺀ
ﻟﺆﻱ ﻋﻨﻬﺎ ﺑﻄﺮﻳﻘﺔ ﻫﺎﺩﺋﺔ ... ﻟﻤﻦ ﻭﺻﻞ ﻟﻌﻨﺪ ﺍﻟﺒﺎﺏ ﻭﺭﻛﺾ ﻭﺍﺧﺘﻔﻰ ..
ﺻﻮﺕ ﺍﻟﺴﻴﺎﺭﺓ ﺍﻟﻠﻲ ﻛﺎﻥ ﻓﻴﻬﺎ ﻣﺎﻛﺎﻥ ﻣﺴﻤﻮﻭﻭﻭﻉ ﺍﻻ ﻋﻨﺪ ﺍﻟﺘﺸﻐﻴﻞ ..
ﺗﻌﺎﺳﺔ ﻏﺰﻻﻥ ﺯﺍﺩﺕ .. ﻭﺃﻟﻤﻬﺎ ﻛﺒﺮ .. ﻭﺟﺮﺣﻬﺎ ﻋﻤﻖ ... ﺩﺧﻠﺖ ﺍﻟﺒﻴﺖ
ﻭﻫﻲ ﺗﻘﻄﺮ ﻣﻦ ﺍﻟﻤﺎﻱ ﻭﺗﺮﻛﺾ ﻣﻦ ﻏﻴﺮ ﺍﻱ ﻭﻋﻲ ﻟﺪﺍﺧﻞ ﺍﻟﺒﻴﺖ .. ﻣﺎ
ﺍﻧﺘﺒﻬﺖ ﺣﺘﻰ ﻻﻣﻬﺎ ﺍﻟﻠﻲ ﻛﺎﻧﺖ ﺗﻨﺎﻇﺮﻫﺎ ﺍﻫﻲ ﻭﻟﺆﻱ ﻳﻮﻡ ﻛﺎﻧﻮ
ﻭﺍﻗﻔﻴﻦ ..
-------------------------------------------
ﻓﻲ ﻣﻄﺒﺦ ﺑﻴﺖ ﺍﻟﻴﺎﺳﻲ
ﻣﻦ ﻭﺻﻠﻮﻭﺍ ﻋﻠﻰ ﻃﻮﻝ ﺗﺤﺮﻛﻮ ﻟﻠﻤﻄﺒﺦ ﻻﻧﻬﻢ ﻛﺎﻧﻮ ﻳﻮﺍﻋﺔ .. ﻭﻣﺮﻳﻢ
ﺍﻟﻠﻲ ﻛﺎﻧﺖ ﺑﺎﺋﺴﺔ ﻓﻲ ﺍﻟﺴﻴﺎﺭﺓ ﺍﻭﻝ ﻣﺎ ﺣﻄﺖ ﺑﺮﻳﻠﻬﺎ ﻋﻠﻰ ﺑﻴﺖ
ﺣﺒﻴﺒﻬﺎ ﺟﺎﻟﺖ ﺍﻟﻔﺮﺣﺔ ﻓﻲ ﺧﺎﻃﺮﻫﺎ .. ﻭﺗﺒﺪﻝ ﻣﺰﺍﺟﻬﺎ ﺗﺪﺭﻳﺠﻴﺎ ﺍﻟﻰ
ﺍﻟﺨﺒﺎﻝ ﺑﻌﻴﻨﻪ .. ﻇﻠﻮ ﺍﻟﺜﻼﺙ ﻓﻲ ﺍﻟﻤﻄﺒﺦ ﻳﺘﻌﺎﻭﻧﻮﻥ ﻓﻲ ﺍﻟﻄﺒﺦ ..
ﻓﺎﺗﻦ ﺗﻘﻄﻊ ﺍﻟﺴﻠﻄﺔ ﻭﻣﺮﻳﻢ ﺗﺴﺨﻦ ﺍﻟﺰﻳﺖ ﻋﺸﺎﻥ ﺍﻟﻤﻘﻠﻴﺎﺕ ﺍﻟﻠﻲ
ﺑﺴﻮﻭﻧﻬﺎ ﻭﻧﻮﺭﺓ ﺗﻘﻄﻊ ﺍﻟﻔﻮﺍﻛﻪ ﻟﻠﻌﺼﺎﻳﺮ .. ﻭﻭﺳﻂ ﺍﻟﺘﺴﺎﻣﺮ ﻭﺍﻟﻀﺤﻚ
ﻭﺍﻟﻨﻜﺖ ﻭﺍﻟﺬﻛﺮﻳﺎﺕ .. ﺭﻥ ﺗﻠﻔﻮﻥ ﺍﻟﺒﻴﺖ ﺍﻟﻠﻲ ﺍﻟﻤﻄﺒﺦ ﻛﺎﻥ ﻓﻴﻪ ﺗﻠﻔﻮﻥ
ﻣﻮﺻﻞ ﺑﺨﻂ ﺍﻟﺒﻴﺖ ..
ﺭﻓﻌﺘﻪ ﻓﺎﺗﻦ ﻭﻫﻲ ﺗﻀﺤﻚ ﻭﺍﻟﺴﺠﻴﻦ ﺑﻴﺪﻫﺎ ..:. ﺃﻟﻮﻭﻭ ..
ﺳﻤﻊ ﻟﻨﺒﺮﺓ ﺻﻮﺗﻬﺎ ﺍﻟﻤﺸﻮﺑﺔ ﺑﺎﻟﻀﺤﻚ ﻭﺍﺑﺘﺴﻢ ...: ﺩﻭﻡ ﻳﺎﺭﺏ ..
ﻋﺮﻓﺖ ﺻﻮﺗﻪ ﻭﻋﻠﻰ ﻃﻮﻭﻝ ﺗﻮﺍﺯﻧﺖ ﺑﻨﻔﺴﻬﺎ ...: ﻣﻌﺎﻛﻢ .. ﻟﻜﻦ ﻋﻠﻰ
ﺷﻨﻮ؟
ﻣﺴﺎﻋﺪ ﻭﻫﻮ ﻳﺤﺮﻙ ﺍﻟﻘﻠﻢ ﺑﻴﺪﻩ ﻭﺍﻟﺴﻤﺎﻋﺔ ﺑﺎﻟﻴﺪ ﺍﻟﺜﺎﻧﻴﺔ : ﺍﻟﻀﺤﻜﺔ
ﺍﻟﻠﻲ ﻛﻨﺘﻲ ﺗﻀﺤﻜﻴﻨﻬﺎ ..
ﻓﺎﺗﻦ ﻭﻫﻲ ﺗﺒﺘﺴﻢ ﻭﺑﺼﻮﺕ ﻫﺎﻣﺲ .: ﺍﻟﻔﻀﻞ ﻣﺎ ﻳﻌﻮﺩ ﻟﻲ ﻛﻠﻪ
ﻟﺨﻮﺍﺗﻚ؟ ..
ﻣﺴﺎﻋﺪ ﺑﺎﻧﺪﻫﺎﺵ : ﻣﻌﺎﺝ ﺭﻳﺎ ﻭﺳﻜﻴﻨﺔ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻱ ﻣﻌﺎﻱ ..
ﻣﺴﺎﻋﺪ ﻳﺘﻨﻬﺪ ﻭﻫﻮ ﻳﺤﻞ ﺍﻟﻘﻤﻴﺺ ﻋﻦ ﺭﻗﺒﺘﻪ : ﺍﻟﻠﻪ ﻳﻌﻴﻨـــﺞ .. ﺑﺲ
ﺷﺎﻟﻤﻨﺎﺳﺒﺔﻅ
ﻓﺎﺗﻦ : ﻭﻻ ﺷﻲ ﺑﺲ .. ﻃﻠﻌﻨﺎ ﻭﻋﺰﻣﺘﻬﻢ ﺑﺎﺧﺮ ﺍﻟﻠﺢ ..
ﻗﻄﻌﻬﺎ ﺑﺼﻮﺗﻪ ﺍﻟﺤﺎﺯﻡ : ﻃﻠﻌﺘﻲ؟؟؟؟ ﻣﺘﻰ ﻃﻠﻌﺘﻲ
ﻓﺎﺗﻦ ﻭﻫﻲ ﺗﺘﺪﺍﺭﻙ ﺟﻤﻠﺘﻬﺎ ﺍﻟﻤﻘﻄﻮﻭﻋﺔ ..: ﺍﻣﻢ ﺍﻟﻴﻮﻡ ﺑﺎﻟﻈﻬﺮ .. ﺍﺗﺼﻠﺖ
ﻓﻴﻨﻲ ﻧﻮﺭﺓ ﻭﻣﺎ ﺟﺎﻝ ﺑﺨﺎﻃﺮﻱ ﺍﻧﻲ ﺍﺭﻓﺾ ﻟﻬﺎ .. ﻭﻭﺍﻓﻘﺖ ..
ﻣﺴﺎﻋﺪ ﺑﺒﺮﻭﺩ ﻗﺎﺳﻲ : ﻭﻣﺎ ﺟﺎﻝ ﺑﺨﺎﻃﺮﺝ ﺍﻧﻲ ﻳﻤﻜﻦ ﺑﻄﻠﺐ ﻣﻨﺞ
ﺗﺨﺒﺮﻳﻨﻲ ﻋﻠﻰ ﺍﻷﻗﻞ ..
ﻓﺎﺗﻦ ﺑﻌﻔﻮﻳﺔ : ﻭﻟﻴﺶ ﺍﺧﺒﺮﻙ؟؟؟
ﺳﻜﺖ ﻣﺴﺎﻋﺪ ... ﻣﺼﺪﻭﻡ ﻣﻦ ﺟﻮﺍﺑﻬﺎ .. ﻟﻴﺶ ﺗﺨﺒﺮﻧﻲ؟؟؟
ﻣﺴﺎﻋﺪ ﻭﻫﻮ ﻣﺎ ﻳﺒﻲ ﻳﻄﻮﻝ ﺑﺎﻟﻤﻮﺿﻮﻉ ﺍﻛﺜﺮ ..: ﺍﺫﺍ ﻋﺮﻓﺘﻲ ﻟﻴﺶ
ﻻﺯﻡ ﺗﺨﺒﺮﻳﻨﻲ .. Give me a call, all right gorgeous ﻳﺎﻟﻠﻪ
ﻣﻊ ﺍﻟﺴﻼﻣﺔ ...
ﻭﻣﻦ ﻏﻴﺮ ﻣﺎ ﻳﻨﺘﻈﺮ ﺭﺩﻫﺎ ﻋﻠﻴﻪ ﺳﻜﺮﻩ ﻣﺴﺎﻋﺪ .. ﻣﻦ ﺷﺪﻩ ﻋﺼﺒﻴﺘﻪ
ﻛﺎﻧﺖ ﻳﺪﻩ ﺿﺎﻏﻄﺔ ﻋﻠﻰ ﺍﻟﻘﻠـــﻢ .. ﺭﻣﺎﺍﻩ ﻭﻫﻮ ﻳﻤﺮﺭ ﻳﺪﻳﻨﻪ ﺑﺸﻌﺮﻩ
ﺑﺘﻔﻜﻴﺮ .. ﺭﺟﻌﺖ
ﺣﻠﻴﻤﺔ ﻟﻌﺎﺩﺗﻬﺎ ﺍﻟﻘﺪﻳﻤﺔ .. ﻭﺍﻧﺖ ﻳﺎ ﻣﺴﺎﻋﺪ ﻻﺯﻡ ﺗﺮﺟﻊ ﺍﻟﻴﺎﻫﻞ ﺍﻟﻠﻲ
ﻛﻨﺖ ﻋﻠﻴﻪ ﻣﻌﺎﻫﺎ ﻓﻲ ﺍﻟﺘﻌﺎﻣﻞ .. ﺗﻌﻘﻞ ﻧﻔﺴﻬﺎ ﻣﻦ ﻧﻔﺴﻬﺎ ﻻ .. ﻣﺎ
ﻳﺼﻴﺮ .. ﺍﻭﻛﻲ ﻳﺎ ﻓﺎﺗﻦ .. ﻋﻴﻞ ﻟﻴﺶ ﺗﺨﺒﺮﻳﻨﻲ؟؟؟ ﺃﺑﺘﺴﻢ ﻓﻲ ﻧﻔﺴﻪ ..
ﺷﺎﻑ ﺍﻥ ﺍﻟﻮﻗﺖ ﺷﺎﺭﻑ ﻋﻠﻰ ﺍﻻﻧﺘﻬﺎﺀ .. ﻭﺣﺰﻡ ﺍﻏﺮﺍﺿﻪ ﻭﺭﺗﺐ
ﺍﻟﻤﻜﺘﺐ ﺑﻬﺪﻭﺀ .. ﺗﺮﻙ ﺍﻟﺮﺑﻄﺔ ﻣﻬﻤﻠﺔ ﻣﺜﻞ ﻗﺒﻞ .. ﺣﻤﻞ ﺍﻟﺠﺎﻛﻴﺖ
ﻭﺍﻟﺠﻨﻄﻪ ﻭﻃﻠﻊ ﻣﻦ ﺍﻟﻤﻜﺘﺐ ..
ﺷﺎﻓﺘﻪ ﻧﺠﺎﺓ ﺍﻟﻠﻲ ﻛﺎﻧﺖ ﺗﻮﻫﺎ ﻃﺎﻟﻌﺔ ﻣﻦ ﻣﻜﺘﺐ ﺑﻮﺯﻳﺎﺩ ﻭﺍﺳﺘﻐﺮﺑﺖ ::
ﺭﺍﻳﺢ ﻣﺴﺎﻋﺪ
ﻣﺴﺎﻋﺪ ﻭﻫﺎﻻﺕ ﺍﻟﺘﻌﺐ ﻣﺤﺎﻳﻄﺔ ﻋﻴﻨﻴﻪ ﺍﻟﺠﻤﻴﻠﺘﻴﻦ ..: ﺍﻱ ﻧﺠﺎﺓ ﻟﻴﺶ
ﻓﻲ ﺷﻲ؟؟
ﻧﺠﺎﺓ : ﻻ ﺑﺲ ﻛﻨﺖ ﺑﻘﻮﻝ ﻟﻚ ﺍﻥ ..
ﺍﻧﻘﻄﻌﺖ ﺟﻤﻠﻪ ﻧﺠﺎﺓ ﺑﺠﻤﻠﺔ ﺛﺎﻧﻴﺔ ..: ﺍﻥ ﻏﺼﻮﻥ ﺍﻟﻜﻨﺪﻱ ﻫﻨﻲ ..
ﻭﺩﺍﻣﻨﻚ ﻗﺎﻃﻊ ﻭﻣﺎ ﺗﺴﺄﻝ ﻋﻦ ﺍﺻﺤﺎﺑﻚ .. ﺍﺻﺤﺎﺑﻚ ﻣﺎ ﻳﻘﻄﻌﻮﻭﻧﻚ ..
ﺍﺑﺘﺴﻢ ﻣﺴﺎﻋﺪ ﻟﻐﺼﻮﻥ .. ﻭﺗﺬﻛﺮ .. ﻏﺼﻮﻥ .؟؟ ﻭﻣﺎ ﺍﺩﺭﺍﻙ ﻣﺎ ﻏﺼﻮﻥ ..
ﻫﺬﻱ ﺍﻟﺒﻨﺖ ﺍﻟﻠﻲ ﻛﺎﻧﺖ ﻓﻲ ﺣﻴﺎﺗﻪ ﻣﺜﻞ ﺍﻟﺴﺤــﺮ .. ﺟﻤﻴﻠﺔ ﻭﺑﺎﺭﻋﺔ
ﻓﻲ
ﺍﻟﺤﻨﻜﺔ .. ﻟﻜﻦ ﺍﻟﻠﻲ ﺍﻓﺘﻘﺮﺗﻪ ﺍﻫﻮ .. ﺫﻭﻕ ﻣﺴﺎﻋﺪ ﺑﺎﻟﺒﻨﺎﺕ .. ﻛﺎﻧﺖ
ﺑﻌﻴﺪﺓ ﻛﻞ ﺍﻟﺒﻌﺪ ﻋﻦ ﺫﻭﻗﻪ ..
ﻣﺴﺎﻋﺪ ﺑﺼﻮﺗﻪ ﺍﻟﺮﺟﻮﻟﻲ ﻭﺍﺑﺘﺴﺎﻣﺔ ﺃﺳﺮﺓ ..: ﺍﻫﻠﻴﻦ ﻏﺼﻮﻥ .. ﺗﻮﻩ ﻣﺎ
ﻧﻮﺭ ﺍﻟﻤﻜﺘﺐ
ﻏﺼﻮﻥ ﺑﻮﻗﻔﺘﻬﺎ ﺍﻟﻤﺤﻨﻜﺔ ..: ﺑﻮﺟﻮﺩﻛﻢ .. ﻋﺎﺩ ﻻ ﺗﻘﻮﻝ ﺟﺬﻱ ﺟﺪﺍﻡ
ﺍﺑﻮﻱ ..
ﺗﻮﻩ ﻣﻨﺼﺪﻡ ﻭﻣﺎ ﺑﻌﺪﻩ ﺻﺤﻰ ﻣﻦ ﺍﻟﺼﺪﻣﺔ .. ﻫﻬﻬﻬﻬﻬﻬﻬﻬﻬﻬﻬﻪ
ﻣﺴﺎﻋﺪ ﻭﻫﻮ ﻳﺘﻜﺄ ﻋﻠﻰ ﺍﻟﻤﻜﺘﺐ ..: ﺣﺘﻰ ﺍﻧﺎ ﺍﻧﺼﺪﻣﺖ .. ﻣﺘﻰ ﺃﺧﺮ
ﻣﺮﺓ ﻣﻦ ﻳﻴﺘﻲ ﻫﻨﻲ؟؟ ﺛﻼﺙ ﺳﻨﻮﺍﺕ؟؟؟
ﻏﺼﻮﻥ ﺑﺎﺑﺘﺴﺎﻣﺔ ..: ﺍﻟﻤﺪﺓ ﺑﺎﻟﻀﺒﻂ .. ﻣﻦ ﺗﺰﻭﺟﺖ .. ﻣﺎ ﻋﺪﺕ ﺍﻳﻲ
ﻣﻜﺘﺐ ﺍﺑﻮﻱ ..
ﻣﺴﺎﻋﺪ : ﺑﺲ ﻃﻴﻔﺞ ﻣﺎﺍﺍﺍ ﻏﺎﺩﺭ ﺍﻟﻤﻜﺎﻥ .. ﻏﺰﻻﻥ ﻣﺘﻮﺍﺟﺪﺓ ﻫﻨﻲ ﻋﻠﻰ
ﺍﻫﺐ ﺍﻻﺳﺘﻌﺪﺍﺩ
ﻏﺼﻮﻥ ﺑﻀﺤﻜﺔ ﺍﻧﺜﻮﻳﺔ ﺭﺍﻗﻴﺔ : ﺍﻱ ﻏﺰﻻﻥ ... ﺍﻣﻤﻤﻤﻢ ﺷﻲ ﻣﻦ ﻧﻮﻋﻬﺎ
ﻫﺎﻟﺒﻨﺖ ..
ﻣﺴﺎﻋﺪ ﻭﻫﻮ ﻳﻮﻗﻒ ﻋﻠﻰ ﺭﻳﻠﻪ ﻣﺮﺓ ﺛﺎﻧﻴﺔ ﻭﻳﺘﻨﻬﺪ ..: ﺍﻛﻴـــﺪ .. ﻛﻠﻜﻢ
ﻋﻴﺎﻝ ﺍﻟﻜﻨﺪﻱ .. ﻛﻞ ﻭﺍﺣﺪ ﻳﺤﻤﻞ ﻃﺎﺑﻌﻪ ﺍﻟﺨﺎﺹ ﻓﻲ ﻧﻔﺴﻪ ... ﻋﻠﻰ
ﻓﻜﺮﻩ ﺷﻔﺖ ﺯﻳﺎﺩ ﻓﻲ ﺍﻣﻴﺮﻛﺎ ..
ﻏﺼﻮﻥ ﻭﻫﻲ ﻋﺎﻗﺪﺓ ﺣﻮﺍﺟﺒﻬﺎ ﺑﺎﺑﺘﺴﺎﻣﺔ : ﻭﺍﻧﺖ ﻣﺘﻰ ﻛﻨﺖ ﻓﻲ
ﺍﻣﻴﺮﻛﺎ؟؟
ﻣﺴﺎﻋﺪ ﻭﻫﻮ ﻳﺒﺘﺴﻢ ﻭﺣﺎﺟﺒﻪ ﺍﻟﻤﻐﺮﻭﺭ ﻣﺮﻓﻮﻭﻉ : ﻣﻊ ﺧﻄﻴﺒﺘﻲ ..
ﻛﺎﻧﺖ ﺗﺴﺠﻞ ﺑﺎﻟﺠﺎﻣﻌﺔ ﻭﺷﻔﺘﻪ ﻫﻨﺎﻙ .. ﺯﻣـــﺎﻟﺔ ﺑﺎﻟﺠﺎﻣﻌﺔ ..
ﻏﺼﻮﻥ ..: ﺍﺍﺍﻩ .. ﺧﻄﻴﺒﺘﻚ .. ﻗﺎﻟﻮﻟﻲ ﻋﻨﻬﺎ ...
ﺳﻜﺖ ﻣﺴﺎﻋﺪ ﻭﻣﺎ ﺗﻜﻠﻢ .. ﻭﻫﺠﻤﺖ ﻋﻠﻰ ﺑﺎﻟﻪ ﺫﻛﺮﻯ ﻏﺼﻮﻭﻥ
ﻣﻌﺎﻩ ...
ﻏﺼﻮﻥ ﻭﻫﻲ ﺗﺤﺮﻙ ﻣﻦ ﻳﺪﻫﺎ ﺍﻟﻤﺰﺩﺍﻧﻪ ﺑﺎﻟﻤﺠﻮﻫﺮﺍﺕ .. ﺗﺮﺍﻗﺐ
ﺍﻟﺴﺎﻋﺔ ..: ﺍﻟﻮﻗﺖ ﺗﺄﺧﺮ .. ﻭﺻﺎﺭ ﻻﺯﻡ ﺍﺭﺟﻊ ﻟﺒﻴﺖ ﺍﻟﺰﻭﺟﻴﺔ .. ﺍﺷﻮﻓﻚ
ﻋﻠﻰ ﺧﻴﺮ ..
ﻣﺴﺎﻋﺪ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ ﻭﺍﻟﻌﺎﻓﻴﺔ .. ﺳﻠﻤﻴﻠﻲ ﻋﻠﻰ
ﺍﻟﺠﻨﺘﻠﻤﺎﻥ ..
ﻏﺼﻮﻥ : ﻭﺍﻧﺖ ﺳﻠﻢ ﻟﻲ ﻋﻠﻰ ﺍﻟﻠﻴﺪﻱ ..
ﻣﺴﺎﻋﺪ ﻭﻫﻮ ﻳﺤﻨﻲ ﺭﺍﺳﻪ ﺑﺎﺣﺘﺮﺍﻡ :.. ﻳﺒﻠﻎ ...
ﺭﺍﺣﺖ ﻏﺼﻮﻥ ﻣﻦ ﺟﺪﺍﻡ ﻣﺴﺎﻋﺪ ﻭﻫﻮ ﻳﻨﺎﻇﺮﻫﺎ .. ﺻﺎﺭﺕ ﻣﺜﻞ ﻟﻌﺒﺔ
ﺍﻟﺒﻮﺭﺳﻠﻴﻦ .. ﻻﻣﻌﺔ ﺑﺎﻟﻤﺠﻮﻫﺮﺍﺕ ﻭﺍﻟﻤﻼﺑﺲ ﺍﻻﻧﻴﻘﺔ .. ﻟﻜﻦ ﻣﺎ ﺯﺍﻟﺖ
ﻣﺜﻞ ﻣﺎ ﺍﻫﻲ .. ﻓﺎﺭﻏﺔ ﺍﻟﻤﺸﺎﻋﺮ .. ﻭﺍﻛﺒﺮ ﺩﻟﻴﻞ .. ﻟﻤﻌﺔ ﻋﻴﻮﻧﻬﺎ ﺍﻟﻠﻲ ﻣﺎ
ﺗﻐﻴــﺮﺕ ..
ﻭﻣﻦ ﺑﻌﺪ ﺗﺤﺮﻛﻬﺎ ﺑﻔﺘﺮﺓ .. ﻳﺎﺗﻪ ﻧﺠﺎﺓ ﻭﻫﻲ ﺗﺴﻠﻤﻪ ﺑﻌﺾ ﺍﻻﻭﺭﺍﻕ ..
ﻭﺑﻌﺪ ﺍﻟﺘﺴﻠﻴﻢ
ﻧﺠﺎﺓ ..: ﺍﻧﺎ ﺷﻲ ﻭﺍﺣﺪ ﻳﺤﻴﺮﻧﻲ ﻓﻲ ﻋﻴﺎﻝ ﺍﻟﻜﻨﺪﻱ
ﻣﺴﺎﻋﺪ ﺑﺎﺳﺘﻐﺮﺍﺏ : ﺷﻨﻮ ﺍﻫﻮ؟؟
ﻧﺠﺎﺓ : ﺍﻥ ﺍﻟﺒﻨﺎﺕ ﻃﺎﻟﻌﻴﻦ ﺑﻄﺨﺔ .. ﻭﺍﻟﻮﻟﺪ ﺍﻫﻮ ﺍﻟﻮﺣﻴﺪ ﺍﻟﻠﻲ ﻳﺤﻤﻞ
ﺟﻴﻨﺎﺕ ﺍﻣﻪ ﻭﺍﺑﻮﻩ .. ( ﺿﺤﻚ ﻣﺴﺎﻋﺪ ﻭﻧﺠﺎﺓ ﺗﺤﺎﻭﻝ ﺍﻧﻬﺎ ﺗﻔﻬﻤﻪ ﺍﻛﺜﺮ )
ﻳﻌﻨﻲ ﺻﺞ .. ﺍﻟﺼﻔﺎﺕ ﺍﻟﻠﻲ ﻻﺯﻡ ﺗﻨﻮﺟﺪ ﺑﺎﻟﻮﻟﺪ . ﻣﻦ ﺍﻟﻐﺮﻭﺭ ﻭﺍﻟﺘﻔﺎﻫﺔ
ﻭﺍﻟﺴﻄﺤﻴﺔ .. ﻣﺘﻮﺍﺟﺪﺓ ﺑﺎﻟﺒﻨﺎﺕ .. ﻻ ﺷﻐﻠﺔ ﻭﻻ ﻣﺸﻐﻠﺔ .. ﺭﻓﺎﻫﻴﺔ
ﻭﻓﺨﻔﺨﺔ ﻭﻋﻘﻞ ﻓﺎﺿﻲ ..
ﻣﺴﺎﻋﺪ ﻭﻫﻮ ﻳﺤﻤﻞ ﺍﻟﺠﻨﻄﺔ ..: ﻻ ﺗﺤﻄﻴﻦ ﻓﻲ ﺫﻣﺘﺞ ﻧﺠﺎﺓ .. ﺗﺮﻯ
ﻛﻤﺎ ﺗﺪﻳﻦ ﺗﺪﺍﻥ
ﻣﺴﻜﺖ ﻧﺠﺎﺓ ﺑﻄﻨﻬﺎ ﺍﻟﻤﻨﺘﻔﺦ ﻭﻫﻲ ﺗﻌﻘﺪ ﺣﻮﺍﺟﺒﻬﺎ ..: ﻗﻞ ﺍﻋﻮﺫ ﺑﺮﺏ
ﺍﻟﻔﻠﻖ
ﺿﺤﻚ ﻣﺴﺎﻋﺪ ﻋﻠﻴﻬﺎ ﺑﻌﻤﻖ ﻭﻃﻠﻊ ﻣﻦ ﺍﻟﻤﻜﺘﺐ ﺑﻌﺪ ﻭﺩﺍﻋﻬﺎ .. ﻭﺍﻭﻝ
ﻣﺎ ﺭﻛﺐ ﺍﻟﺴﻴﺎﺭﺓ ﺍﻟﺘﻔﺖ ﺍﻟﻰ ﺗﻠﻔﻮﻧﻪ ﺍﻟﻲ ﻛﺎﻥ ﻧﺎﺳﻴﻪ ﻣﻦ ﺍﻟﺼﺒﺢ
ﻟﻠﺤﻴﻦ ﻫﻨﺎﻙ ..
ﺷﺎﻑ ﺍﻥ ﻓﻴﻪ ﻣﺴﺪ ﻛﻮﻟﻴﻦ ﻣﻦ ﻓﺎﺗﻦ .. ﻭﺍﺣﺪ ﺍﻟﺴﺎﻋﺔ ﻋﺸﺮ ﺍﻟﺼﺒﺢ ..
ﻭﺍﻟﺜﺎﻧﻲ ﺍﻟﺴﺎﻋﺔ 1 .. ﻭﺭﺳﺎﻟﺔ ﻣﻦ ﺑﻌﺪﻫﺎ ﺑﺘﻮﻗﻴﺖ ﺍﻟﺴﺎﻋﺔ 9 ﺍﻟﺼﺒﺢ ..
>> ﺻﺒـــــﺎﺡ ﻣﻜﻠﻞ ﺑﺮﻳﺎﺣﻴﻦ ﻋﻄﺮﺓ .. ﺗﺤﻤﻠﻬﺎ ﻣﺮﺍﺳﻴﻞ ﺍﻟﻨﺴﻢ
ﺍﻟﺒﺎﺭﺩﺓ ..
ﻋﻠﻬﺎ ﺗﺒﻴﻦ ﻟﻚ ﻭﺗﺤﺘﻔﻆ ﺑﺤﺮﺍﺭﺓ ﺍﻻﺷﻮﺍﻕ ... ﺻﺒــــﺎﺡ ﺍﻟﺨﻴــﺮ<<
ﻧﺴﻤﺔ ﺍﻟﻬﻮﺍ ﺍﻟﺒﺎﺭﺩﺓ .. ﺭﺳﻮﻟﺔ ﻓﺎﺗﻦ ﺍﺛﻠﺠﺖ ﺻﺪﺭﻩ ﺍﻟﻠﻲ ﻛﺎﻥ ﻣﺘﻈﺎﻳﻖ
ﻣﻨﻬﺎ .. ﻭﺣﺲ ﺍﻧﻪ – ﻭﻫﻮ ﻳﺒﺘﺴﻢ ﻭﻳﺤﺮﻙ ﺍﻟﺴﻴﺎﺭﺓ - ﺍﻧﻪ ﺿﺎﻳﻊ ﻓﻲ
ﻣﺘﺎﻫﺎﺗﻬﺎ .. ﻓﻲ ﺍﻟﻮﻗﺖ ﺍﻟﻠﻲ ﺗﺤﺴﺴﻪ ﺍﻧﻪ ﻣﺎﻟﻪ ﻗﻴﻤﺔ ﺍﻭ ﺗﻮﺍﺟﺪ ﺑﺤﻴﺎﺗﻪ
ﻳﻠﻘﻰ ﻣﻨﻬﺎ ﻣﻌﺎﻣﻠﺔ ﻣﺜﻴﻠﺔ .. ﺗﻜﻠﻤﺖ ﻣﻌﺎﻱ ﺑﺎﻟﻄﺮﻳﻘﺔ ﺍﻟﺠﺎﻓﺔ ﻣﻦ ﻏﻴﺮ
ﻣﺎ ﺗﺒﻴﻦ ﺳﺒﺐ ﻇﻴﻘﻬﺎ .. ﻭﻛﺎﻥ ﺍﻟﺠﻔﺎﺍﺍﺍﻑ ﻣﻦ ﻋﻮﺍﻳﺪﻫﺎ .. ﻭﻻ ﺍﺭﺍﺩﻳﺎ
ﻭﻻ ﺣﺴﻴﺎ .. ﺗﻮﺟﻪ ﺍﻟﻰ ﺑﻴﺘﻬﺎ .. ﻳﻜﺤﻞ ﻋﻴﻮﻧﻪ ﺑﺸﻮﻓﺘﻬﺎ ..
----------------------------------
ﻳﻮﻡ ﻓﺘﺤﺖ ﻣﻨﺎﻳﺮ ﺍﻟﻠﻴﺘﺎﺕ ﺑﺎﻟﻐﺮﻓﺔ ﺗﻤﺖ ﻭﺍﻗﻔﺔ ﺗﻨﺎﻇﺮ ﺍﻟﻬﺪﻭﺀ ﺍﻟﻠﻲ
ﻳﻌﻢ ﺍﻟﺪﻳﻜﻮﺭ .. ﺻﻮﺭ ﻓﺎﺗﻦ ﻃﺒﻌﺎ ﻛﻠﻬﺎ ﺭﺍﺣﺖ ﻭﻛﻞ ﺍﺛﺮ ﻣﻦ ﺫﻳﺞ ﺍﻻﺛﺎﺭ
ﺗﻐﻄﻰ ﺑﺼﻮﺭ ﻟﻮﺣﺎﺕ ﻛﻼﺳﻴﻜﻴﺔ ﻭﺑﻮﺭﺗﺮﻳﻬﺎﺕ .. ﻭﺭﺳﻤﺎﺕ ﻳﺪﻭﻳﻪ
ﻟﻤﻼﻣﺢ ﻏﻴﺮ ﻭﺍﺿﺤﺔ .. ﻇﻠﺖ ﻣﻨﺎﻳﺮ ﻭﺍﻗﻔﺔ ﺑﺘﺸﻜﻚ ﻭﻫﻲ ﺗﺴﻜﺮ ﺍﻟﺒﺎﺏ
ﻭﺭﺍﻫﺎ .. ﺗﻤﺖ ﺗﺘﻨﺸﻖ ﻋﻄﺮ ﺍﻟﺮﺟﺎﻟﻲ ﺍﻟﻤﺘﺴﻜﺮ ﺑﺎﻟﻐﺮﻓﺔ ﺯﺍﺋﺪﺍ ﺍﻟﺒﺨﻮﻭﺭ
ﺍﻟﻄﻴﺐ .. ﺗﻤﺸﺖ ﻓﻲ ﺍﻟﻐﺮﻓﺔ ﺑﻬﺪﻭﺀ ﻭﻫﻲ ﺗﻔﺘﺢ ﺍﻟﻤﺠﺎﺭﺍﺕ .. ﺷﺎﻓﺖ
ﻭﺭﻗﺔ ﻭﺩﻓﺘﺮ ﻧﻮﺗﺎﺕ ﻋﻠﻰ ﻃﺮﻑ ﺍﻟﺴﺮﻳﺮ ﻭﺳﺤﺒﺖ ﺻﻔﺤﺔ ﻭﺗﻤﺖ
ﺗﻜﺘﺐ ﻣﻼﺣﻈﺎﺗﻬﺎ ﻋﻦ ﺍﻟﻐﺮﻓﺔ ..
ﺍﻭﻝ ﻣﻨﻄﻘﺔ ﺑﺪﺕ ﻓﻴﻬﺎ ﺍﻫﻮ ﺍﻟﺪﺭﻳﺴﺮﺯ . ﻓﺘﺤﺖ ﻛﻞ ﺍﻟﻤﺠﺎﺭﺍﺕ ﺷﺎﻓﺖ
ﻣﻤﺘﻠﻜﺎﺕ ﻣﺸﻌﻞ ﻓﻴﻬﺎ .. ﻣﺎ ﻟﻘﺖ ﺷﻲ ﻣﻬﻢ .. ﺗﻤﺖ ﺗﺤﺎﻭﺱ ﺑﺎﻟﻌﻄﻮﺭ
ﻭﺷﻤﺘﻬﺎ .. ﻛﺘﺒﺖ ﺍﺭﺍﺋﻬﺎ ﻋﻦ ﻛﻞ ﻋﻄﺮ ..
ﺍﻭﻝ ﻋﻄﺮ ﻛﺘﺒﺖ ﻋﻨﻪ "" ﺭﺍﺋﺤﺔ ﺍﻻﺟﺮﺍﻡ ﺍﻟﻤﻄﻠﻘﺔ""
ﻭﺍﻟﻌﻄﺮ ﺍﻟﺜﺎﻧﻲ "" ﺍﺣﺴﺎﺍﺱ ﺍﻟﺨﻮﻑ ﻣﻦ ﻣﻨﺎﻳﺮ""
ﺍﻣﺎ ﺍﻟﻌﻄﺮ ﺍﻟﺜﺎﻟﺚ ﺍﻟﻠﻲ ﺍﻛﺜﺮ ﺷﻲ ﻋﺠﺒﻬﺎ ﻭﺷﻤﺘﻪ ﺍﻛﺜﺮ ﻣﻦ ﻣﺮﺓ
ﺑﺘﻮﺍﺟﺪﻫﺎ ﻭﻳﺎ ﻣﺸﻌﻞ "".. ﺭﻳﺤﺘﻪ ﻭﻫﻮﻭ ﻳﺘﺼﻨﻊ ﺍﻟﺒﺮﺍﺀﺓ ﻭﻳﺤﺎﻭﻝ
ﻳﻘﻨﻌﻨﻲ ﺍﻧﻪ ﻣﺎﺍﺍ
ﺳﻮﻯ ﺷﻲ ﺑﺤﻴﺎﺗﺔ ﻏﻴﺮ ﺫﺑﺢ ﺯﻫﻴﻮﻱ "".
ﺗﺤﺮﻛﺖ ﻣﻦ ﻫﺎﻟﻤﻨﻄﻘﺔ ﺍﻟﻰ ﺍﻟﻜﻮﻣﻮﺩﻳﻨﻮ ﺍﻟﻘﺮﻳﺐ ﻣﻦ ﺍﻟﺴﺮﻳﺮ
ﺍﻟﻜﻼﺳﻴﻜﻲ ..
ﻛﺎﻧﺖ ﻏﺮﻓﻪ ﻣﺸﻌﻞ ﺭﺍﺋﻌﺔ ﺑﻤﻌﻨﻰ ﺍﻟﻜﻠﻤﺔ .. ﺍﻟﺘﻨﺠﻴﺪ ﺍﻻﻣﻴﺮﻛﻲ ﺍﻟﻔﺎﺧﺮ
ﺑﺎﻟﺨﺸﺐ ﺍﻻﺳﻤﺮ ﻭﺍﻻﺛﺎﺙ ﺑﻴﻦ ﺍﻟﻠﻮﻧﻴﻦ ﺍﻟﻤﺎﺭﻭﻧﻲ ﻭﺍﻟﺒﻴﺠﻲ .. ﺍﻟﺴﺮﻳﺮ
ﻛﺎﻥ ﺭﻓﻴﻊ ﻭﻓﻴﻪ ﻋﻤﻮﻭﺩﻳﻦ ﻋﻨﺪ ﺍﻟﻤﻘﺪﻣﺔ ﺑﺲ .. ﻣﺨﺪﺗﻴﻦ .. ﻭﺣﺪﺓ
ﺣﺮﻳﺮﻳﺔ ﻭﺍﻟﺜﺎﻧﻴﺔ ﻗﻄﻨﻴﺔ .. ﻏﺮﻓﺘﻪ ﺗﺼﺮﺥ ﺑﺎﻟﺒﺬﺥ ﺍﻟﻠﻲ ﻳﻌﺎﻧﻮﻧﻪ ﻓﻲ
ﻫﺎﻟﺒﻴﺖ ..
ﻭﻳﻮﻡ ﻓﺘﺤﺖ ﺍﻻﺟﺮﺍﺭ ﻟﻘﺖ ﺑﺎﻟﺪﺭﺝ ﺍﻻﻭﻝ ﺭﺯﻣﺔ ﻣﻦ ﺍﻻﻭﺭﺍﻕ
ﺍﻟﻤﺪﻋﻮﺳﺔ ﻓﻲ ﻣﻠﻒ ﺷﻔﺎﻑ ... ﻭﻋﻠﻰ ﻃﻮﻝ ﻃﻠﻌﺘﻪ ... ﻟﻘﺘﻪ ﺧﺮﺍﺑﻴﻂ
ﻭﺧﺮﺍﺑﻴﺶ .. ﻭﺍﺷﻌﺎﺭ
ﻣﺘﻨﺎﺍﺍﺛﺮﻩ .. ﻏﻴﺮ ﻣﻮﺯﻭﻧﺔ ﻭﻟﻜﻦ ﺗﻌﺒﺮ ﻋﻦ ﻋﺎﻃﻔﺔ ..
ﻣﻨﻬﺎ ﻫﺎﻟﺸﻌﺮ ..
>> ﻳﺎ ﺣﻠﻮ ﺍﻻﻳﺎﻡ ﻟﻮ ﺗﺮﺟﻊ ﻋﻠﻰ ﻛﻴﻔﻲ .. ﻣﺎ ﻛﺎﻥ ﻗﻠﺒﻲ ﺷﻜﺎ ﻓﺮﻗﻰ
ﻣﻮﺍﻟﻴﻔﻪ <<
>>ﻛﺎﻥ ﻗﺮﻳﺐ ﻭﻻ ﻳﺤﺘﺎﺝ ﺗﻜﻠﻴﻔﻲ .. ﻭﺍﻟﻴﻮﻡ ﺭﺍﺡ ﻭﺩﻣﻌﻲ ﺻﻌﺐ
ﺗﻮﻗﻴﻔﻪ <<
>>ﻣﻦ ﻋﻘﺐ ﺍﻻﺣﺒﺎﺏ ﻣﻜﺴﻮﺭﺓ ﻣﺠﺎﺩﻳﻔﻲ .. ﻏﺮﻗﺎﻥ ﻭﺍﺍﻟﻤﻮﺝ ﻳﻠﻌﺒﻲ
ﻋﻠﻰ ﻛﻴﻔﻪ <<
ﻣﻨﺎﻳﺮ ﺑﺘﻔﻜﻴﺮ ﻣﺴﻤﻮﻉ ...: ﺍﻳﺎﻡ؟؟ ﺗﺮﺟﻊ .. ﻓﺮﻗﻰ .. ﻗﺮﻳﺐ ﺭﺍﺡ ..
ﺩﻣﻊ .. ﺍﺣﺒﺎﺏ .. ﺍﻟﻤﻮﺝ؟؟ ﺷﻴﻘﺼﺪ ﻓﻴﻪ؟؟ ﻓﺮﺍﻕ ﺻﺢ ﻟﻜﻦ ﻣﻊ ﻣﻦ؟؟؟؟
ﻭﺍﻭﻝ ﻣﺎ ﻃﺮﻯ ﻋﻠﻰ ﺑﺎﻟﻬﺎ ﻣﻦ ﻏﻴﺮ ﺍﻱ ﺗﻔﻜﻴﺮ ﻣﻌﻴﻦ ﺍﻫﻮﻭﻭ ﺳﻔﺮ ﺍﺧﺘﻬﺎ
ﻓﺎﺗﻦ .. ﺩﻕ ﻗﻠﺒﻬﺎ ﺑﻌﻨﻒ ﻟﺪﺭﺟﺔ ﺍﻧﻬﺎ ﻣﺴﺪﺗﻪ ﺑﻴﺪﻫﺎ .. ﻭﻳﺎﺕ ﻋﻠﻰ ﺑﺎﻟﻬﺎ
ﺫﻛﺮﺍﻫﺎ ﻫﺬﺍﻙ ﺍﻟﻴﻮﻡ ﺍﻟﺼﺒﺢ ﻭﻫﻲ ﺗﺸﻮﻑ ﻓﺎﺗﻦ ﻭﺍﻗﻔﺔ ﻣﻊ ﻣﺸﻌﻞ ..
ﻭﺍﺯﺩﺍﺩﺕ ﻣﺠﺎﺭﻱ ﺍﻟﺨﻮﻑ ﻓﻲ ﺩﻣﻬﺎ .. ﻭﺗﻤﺖ ﺗﺪﻭﺭ ﻭﺗﻨﺒﺶ ﺍﻛﺜﺮ ...
ﻟﻘﺖ ﺑﻌﺪ ﻗﺼﺎﺻﺔ ﻣﻜﺘﻮﺏ ﻋﻠﻴﻬﺎ ﺷﻲ .. ﻭﺑﻴﻦ ﻫﺎﻻﺷﻴﺎﺀ ﺧﻂ ﻣﺮﺳﻮﻡ
ﺑﺪﻗﺔ ﺑﺎﻟﻠﻮﻥ ﺍﻻﺣﻤﺮ ﻋﻠﻰ ﺳﻄﺮ ﻣﻌﻴﻦ ﻣﻦ ﺍﻟﻜﻼﻡ ..
>> ... ﻧﺤﻦ ﻗﻮﻡ .. ﺍﻥ ﺍﺣﺒﺒﻨﺎ .. ﻣﺘﻨﺎ .. <<
ﺳﻴﻄﺮ ﺍﻟﺨﻮﻑ ﻋﻠﻴﻬﺎ ﺑﻄﺮﻳﻘﺔ ﻏﻴـﺮ ﻣﻌﻘﻮﻟﺔ ﻓﻲ ﺑﺎﻟﻬﺎ .. ﻭﺗﻤﺖ ﺗﺪﻭﺭ
ﻭﻟﻜﻦ ﺑﺘﻮﺗﺮ ﻋﻨﻴﻒ ﺑﻴﻦ ﺍﻻﺷﻴﺎﺀ ﻭﺗﻔﺘﺢ ﺍﻟﺪﺭﻭﻭﺝ .. ﻭﻳﻮﻡ ﻣﺎ ﻟﻘﺖ ﺷﻲ
ﺭﺍﺣﺖ ﻟﻌﻨﺪ ﺍﻟﺪﺭﺝ ﺍﻟﺜﺎﻧﻲ ﻭﻫﻲ ﺗﺪﻭﺭ ﻓﻴﻪ ﻭﻣﺎ ﻟﻘﺖ ﺍﻻ ﺻﻨﺪﻭﻭﻕ ﻓﻴﻪ
ﻛﺒﻜﺎﺕ ﺍﻗﻤﺼﺔ ﻭﺩﺷﺎﺩﻳﺶ .. ﻭﻭﺳﻂ ﻫﺎﻟﺪﺑﺎﺑﻴﺲ ﺷﺎﻓﺖ ﺳﻠﺴﻠﺔ
ﺫﻫﺒﻴﺔ ﻓﻴﻬﺎ ﻗﻠﺐ ﻣﺎ ﻋﺮﻓﺖ ﺷﻜﻠﻪ ﺍﻻ ﻳﻮﻡ ﺳﺤﺒﺘﻪ .. ﻛﺎﻥ ﻋﻠﻰ ﺷﻜﻞ
ﻭﺭﻗﺔ ﻗﺪﻳﻤﺔ ﻓﻴﻬﺎ ﺁﻳﺔ ﺍﻟﻜﺮﺳﻲ .. ﻭﺑﺪﺕ ﻣﺎﻛﻴﻨﺔ ﺍﻟﺬﻛﺮﻳﺎﺕ ﺗﺸﺘﻐﻞ
ﻋﻨﺪﻫﺎ .. ﺍﻫﻲ ﺗﺬﻛﺮ ﻫﺎﻟﺴﻠﺴﻠﺔ ﺑﺲ ﻭﻳﻦ ﻣﺎ ﺗﺪﺭﻱ ...
ﻗﻄﻊ ﻓﻜﺮﻫﺎ ﺻﻮﻭﻭﺕ ﺭﺟﻮﻟﻲ ﻣﺘﺤﺪﺙ ﻣﻦ ﺍﻟﺘﻔﻜﻴﺮ ﺍﻛﺜﺮ .. ﺗﺠﻤﺪﺕ
ﻓﺮﺍﺋﺼﻬﺎ ﻭﺧﻔﺘﺖ ﺣﺮﻛﺘﻬﺎ ﻣﻦ ﺍﻻﺿﻄﺮﺍﺏ .. ﻭﻟﻜﻦ ﺑﺪﻳﻬﻴﺘﻬﺎ ﺍﻟﻜﺒﻴﺮﺓ
ﺧﻠﺘﻬﺎ ﺗﺠﻤﻊ ﺍﻻﻭﺭﺍﻕ ﻭ ﻭﺗﺴﺤﺐ ﺑﻌﻀﻬﻢ ﻭﺗﻄﻮﻳﻬﻢ ﻓﻲ ﺟﻴﺐ
ﺑﺎﻧﻄﻠﻮﻧﻬﺎ .. ﻭﺗﻮﻫﺎ ﺑﺘﻠﺘﻔﺖ ﻟﻠﺒﺎﺏ ﺍﻻ ﺍﻥ ﺷﻲ ﺷﺪ ﻋﻴﻮﻧﻬﺎ ﻟﻠﻨﻈﺮ .. ﺷﻲ
ﻛﺎﻥ ﻣﺪﺳﻮﺱ ﺗﺤﺖ ﻣﺨﺪﺓ ﺍﻟﺴﺮﻳﺮ ﺍﻟﻮﺛﻴــﺮ .. ﺑﻬﺪﻭﺀ ﺭﺍﺣﺖ ﻟﻌﻨﺪﻩ
ﻭﺳﺤﺒﺘﻪ .. ﻭﺍﻫﺘﺰ ﺟﺴﻤﻬﺎ ﻳﻮﻡ ﺷﺎﻓﺘﻪ ..
ﻭﻣﺎ ﻃﻮﻟﺖ ﺍﻛﺜﺮ ﻻﻥ ﺍﻟﺼﻮﺕ ﻗﺮﺏ ﻣﻨﻬﺎ ﺍﻛﺜﺮ ﻭﺍﻛﺜﺮ .. ﺧﻼﻫﺎ ﺳﺮﻳﻌﺔ
ﺍﻟﺤﺮﻛﺔ ﻟﻜﻦ ﻣﻦ ﻏﻴﺮ ﺍﻧﻜﺎﺭ ﺍﺣﺘﻀﺎﺭ ﺍﻟﺮﻭﺡ ﻣﻦ ﺍﻟﺨﻮﻑ ﻋﻠﻰ
ﺍﻟﻤﺴﺘﻘﺒﻞ ﺍﻟﺒﻌﻴﺪ .. ﻓﺘﺤﺖ ﺑﺎﺏ ﺍﻟﺸﺮﻓﺔ ﺍﻟﻠﻲ ﻛﺎﻥ ﻓﻴﻪ ﺩﺭﺝ ﻳﻮﺻﻞ
ﻟﻠﺒﺎﺏ ﺍﻟﺮﺋﻴﺴﻲ ﻭﻃﻠﻌﺖ ﻣﻨﻪ ﻧﺎﺳﻴﺔ ﻓﺘﺤﺔ ﺑﺴﻴﻄﺔ ﻣﻦ ﺍﻟﺒﺎﺏ ...
ﺷﺮﺩﺕ ﺑﻜﻞ ﺍﺳﺘﻄﺎﻋﺘﻬﺎ ﻭﺍﻫﻲ ﺗﺤﺲ ﺑﺎﻟﻨﺎﺭ ﺗﺘﺄﺟﺞ ﻓﻴﻬﺎ ﻣﻦ ﺍﻟﺨﻮﻑ
ﻭﺍﻟﺮﻋﺐ .. ﺩﺧﻠﺖ ﺍﻟﺒﻴﺖ ﻭﻣﻦ ﻏﻴﺮ ﺍﻱ ﻛﻠﻤﺔ ﺗﻮﺟﻬﺖ ﻟﻐﺮﻓﺘﻬﺎ .. ﺳﻜﺮﺕ
ﺍﻟﺒﺎﺏ ﻭﻗﻔﻠﺘﻪ ﻭﺣﻄﺖ ﻳﺪﻫﺎ ﻋﻠﻰ ﺻﺪﺭﻫﺎ ﻭﻫﻲ ﺗﺤﺲ ﺍﻧﻬﺎ ﻣﻴﺘﺔ ﻻ
ﻣﺤﺎﻟﺔ .. ﺑﻌﺪ ﺍﻟﻠﻲ ﻋﺮﻓﺘﻪ ﺍﻫﻲ ﻣﻴﺘﺔ ..
ﺩﺧﻞ ﻣﺸﻌﻞ ﺩﺍﺭﻩ ﻭﻫﻮ ﻣﺴﺮﻉ ﺻﻮﻭﻭﺏ ﺍﻟﺴﺮﻳﺮ .. ﻣﺎ ﻳﺼﺪﻕ ﺍﻧﻪ
ﻧﺴﻰ ﺻﻮﺭﺓ ﻓﺎﺗﻦ ﺗﺤﺖ ﺍﻟﻤﺨﺪﺓ ﻣﻦ ﺑﻌﺪ ﻣﺎ ﻛﺎﻥ ﻳﺘﺄﻛﺪ ﺍﻧﻪ ﻻﺯﻡ
ﻳﺼﻄﺤﺒﻬﺎ ﻭﻳﺎﻩ ﺑﻜﻞ ﻣﺸﻮﺍﺭ ﻣﻦ ﻣﺸﺎﻭﻳﺮﻩ .. ﻗﺮﻳﺒﺔ ﻣﻦ ﻗﻠﺒﻪ
ﻭﺑﺎﻟﻀﺒﻂ ﻣﻊ ﻛﻞ ﺩﻗﺔ ﻣﻦ ﺩﻗﺎﺗﻪ .. ﺻﺎﺣﺒﺔ ﻣﺼﺎﺣﺒﺔ .. ﻣﺪ ﻳﺪﻩ ﻟﺘﺤﺖ
ﺍﻟﻤﺨﺪﺓ ... ﻓﻤﺎ ﻟﻘﻰ ﺷﻲ .. ﻣﺪﺍﻫﺎ ﺍﻛﺜﺮ .. ﻭﺗﻮﺗﺮ ﻗﻠﺒﻪ .. ﻭﺗﻢ ﻳﺪﻭﺭ
ﺍﻛﺜﺮ ﻭﺍﻛﺜﺮ ﻭﺍﻛﺜﺮ .. ﻟﻤﻦ ﻃﺎﺣﺖ ﻋﻴﻮﻧﻪ ﻭﻫﻮ ﺭﺍﻓﻌﻬﺎ ﻋﻠﻰ ﺍﻟﺘﻴﺎﺭ
ﺍﻟﻬﻮﺍﺋﻲ ﺍﻟﻠﻲ ﻛﺎﻥ ﻳﻀﺮﺏ ﺍﻟﺴﺘﺎﺭﺓ ﻭﻳﻠﻮﺣﻬﺎ ﻓﻲ ﺍﻟﻬﻮﺍ .. ﻣﺜﻞ ﺍﻟﻌﺎﺷﻘﺔ
ﺍﻟﻬﺎﺋﻤﺔ .. ﺗﺪﻭﺭ ﻋﻠﻰ ﻣﺴﻜﻦ ﻭﻣﻠﺠﺎ ﻟﻜﻦ ﻫﻴﻬﺎﺕ ﺍﻟﻬﻮﺍ ﻳﺘﻼﻋﺐ ﻓﻴﻬﺎ
ﻣﺜﻞ ﻣﺎ ﻳﺘﻼﻋﺐ ﺍﻟﻘﺮﺻﺎﻥ ﺑﺎﻻﺳﻴﺮﺓ .. ﻣﺄﺭﺟﺤﺔ ﺑﺎﻟﻬﻮﺍ ﻣﻄﺎﻟﺒﺎ ﺍﻳﺎﻫﺎ
ﺍﻧﻬﺎ ﺗﺮﻣﻲ ﻧﻔﺴﻬﺎ ﻣﻦ ﻏﻴﺮ ﺍﻻﺃﻣﻞ ﺑﺎﻟﻨﺠﺎﺍﺓ ..
ﺳﺤﺐ ﻳﺪﻩ ﻣﻦ ﺗﺤﺖ ﺍﻟﻤﺨﺪﺓ ﺑﺒﻄﺄ .. ﺍﺑﻴﺾ ﻭﻳﻬﻪ ﻭﻗﺴﺖ ﻧﻈﺮﺗﻪ ..
ﺭﺍﺡ ﻋﻨﺪ ﺍﻟﺴﺘﺎﺭﺓ ﺑﻬﺪﻭﺀ ﻭﻫﻮ ﻳﺴﺤﺐ ﺍﻟﺒﺎﺏ ﻭﻳﺴﻜﺮﻩ .. ﻭﺭﻓﻊ ﻋﻴﻮﻧﻪ
ﻣﺒﺎﺷﺮﺓ ﻟﺒﻴﺖ
ﺑﻮ ﺟﺮﺍﺡ .. ﻧﻈﺮﺍﺗﻪ ﺍﺧﺘﺮﻗﺖ ﺍﻟﺠﺪﺭﺍﻥ ﺑﻌﻨﻒ .. ﺟﺎﻟﺖ ﻭﺟﺎﻟﺖ ﺑﻴﻦ
ﺍﻟﺮﺩﻫﺎﺕ ﻭﺍﻟﺼﺎﻻﺕ ﻟﻤﻦ ﻭﺻﻠﺖ ﺍﻟﻰ ﻫﺬﺍﻙ ﺍﻟﻘﻠﺐ ﺍﻟﻠﻲ ﺍﻫﺘﺰ ﻣﻦ
ﺍﻟﺪﻕ ﺍﻟﻌﻨﻴﻒ ..
ﻭﻛﺄﻥ ﻣﻨﺎﻳﺮ ﺑﻨﻔﺲ ﺍﻟﻮﻗﺖ ﺣﺴﺖ ﻟﻨﻈﺮﺍﺗﻪ ﻭﺳﺤﺒﺖ ﺭﻭﺣﻬﺎ ﻣﻦ ﺍﻟﻐﺮﻓﺔ
ﻫﺮﺑﺎ ﻣﻨﻪ .. ﻭﻣﺎ ﺷﺎﻓﺖ ﻧﻔﺴﻬﺎ ﺍﻻ ﺑﻐﺮﻓﺔ ﺧﺎﻟﺪ ﻓﺠﺖ ﺍﻟﺒﺎﺏ ﻭﺭﺍﺣﺖ
ﻋﻨﺪ
ﺍﻟﺴﺘﺎﺭﺓ ﻭﻛﺸﻔﺘﻬﺎ ﺑﺠﺮﺃﺓ ﻭﻋﺪﻡ ﺧﻮﻑ .. ﻟﺒﺆﺓ ﺗﺤﻤﻲ ﻋﺮﻳﻨﻬﺎ ﻣﻦ
ﺍﻟﻤﺨﺎﻃﺮ ..
ﻭﺷﺎﻓﻬﺎ ﺑﻬﺬﻳﺞ ﺍﻟﻠﺤﻈﺔ ﻣﺸﻌﻞ ﻭﻭﺳﻊ ﻓﺘﺤﺔ ﺍﻟﺴﺘﺎﺭﺓ .. ﻭﺻﺎﺭ ﻋﻠﻰ
ﻣﺮﺃﻯ ﻣﻨﻬﺎ ..
ﺭﻣﺖ ﻋﻠﻴﻪ ﻣﻦ ﺍﻟﻨﻈﺮﺍﺕ ﺍﻟﻠﻲ ﺗﻘﺪﺭ ﺗﺮﻣﻴﻪ .. ﺳﻬﺎﻡ ﺗﺨﺘﺮﻕ ﻛﺒﺪ ﺍﻟﺴﻤﺎﺀ
ﻭﻟﻜﻦ ﺗﻈﻴﻊ ﺑﻐﺮﺑﺔ ﺍﻟﻔﻀﺎﺀ ﻭﺗﻀﻞ ﺩﺭﺑﻬﺎ ﻟﻘﻠﺐ ﻣﺸﻌﻞ ﻣﻤﻴﺘﺔ ﺍﻳﺎﺍﻩ ..
ﻭﻇﻞ ﻫﻮ ﺑﻨﻈﺮﺗﻪ ﺍﻟﺒﺎﺭﺩﺓ .. ﻧﻈﺮﺓ ﺍﻟﻘﺮﺵ ﻭﻫﻮ ﻳﻨﻘﺾ ﻋﻠﻰ
ﻓﺮﻳﺴﺴﺘﻪ .. ﺍﻻ ﺍﻧﻬﺎ ﺑﻌﻴﺪﺓ ﺍﻟﻤﻨﺎﻝ .. ﻭﺑﺤﺮﻛﺔ ﺗﻘﺪﻣﻴﺔ .. ﺳﻜﺮ ﺍﻟﺴﺘﺎﺍﺭﺓ
ﻭﺍﺧﺘﻔﻰ ﻋﻦ ﻋﻴﻮﻥ ﻣﻨﺎﻳﺮ ..
ﺑﻬﺬﻳــــﺢ ﺍﻟﻠﺤﻈﺔ . ﺑﻨﻔﺲ ﺍﻟﻮﻗﺖ ﺗﻼﻗﺖ ﺳﻴﺎﺭﺓ ﺟﺮﺍﺡ ﻭﻳﺎ ﺍﻣﻪ
ﻭﺳﻤﺎﺀ ﺑﺴﻴﺎﺭﺓ ﻣﺴﺎﻋﺪ ... ﻭﺍﻧﻄﻠﻘﻮﻭﻭ ﺍﻟﺠﻤﺎﻋﺔ ﺍﻟﻰ ﺩﺍﺧﻞ ﺍﻟﺒﻴﺖ ..
ﺍﻟﺠﻤﺎﻋﺔ ﺍﻧﻘﺴﻤﺖ ﺍﻟﻰ ﻧﺼﻔﻴﻦ .. ﻧﻮﺭﺓ ﻭﻣﺮﻳﻢ ﺍﻟﻠﻲ ﻇﻨﻮ ﺍﻧﻬﺎ ﺑﺘﻜﻮﻥ
ﻗﻌﺪﺓ ﺑﺴﻴﻄﺔ ﻓﺮﺣﻮﺍ ﻳﻮﻡ ﻋﺮﻓﻮﺍ ﺍﻥ ﺳﻴﺪﺓ ﺍﻟﻤﻄﺒﺦ ﺍﻡ ﺟﺮﺍﺡ ﻧﻔﺴﻬﺎ
ﺭﺍﺡ ﺗﻄﺒﺦ ﻟﻬﻢ ﺷﻲ ﻳﺎﻛﻠﻮﻧﻪ ﻋﻠﻰ ﺍﻟﺴﺮﻳﻊ .. ﻻﻥ ﺍﻟﺪﺧﻴﻠﻴﻪ ﻣﻌﻈﻤﻬﻢ
ﻛﺎﻧﻮ ﻓﻲ ﺍﻟﺒﻴﺖ .. ﻭﻓﻮﻕ ﻛﻞ ﻫﺬﺍ ﺷﻴﺨﻬﻢ ﻣﺴﺎﻋﺪ ﺍﻟﺪﺧﻴﻠﻲ .. ﺍﻟﻠﻲ
ﻓﺎﺗﻦ ﻣﻦ ﺷﺎﻓﺘﻪ ﺗﻄﺎﻳﺮ ﺍﻟﺸﺮﺭ ﻣﻦ ﻋﻴﻮﻧﻬﺎ ﻟﻜﻨﻬﺎ ﺣﺎﻓﻈﺖ ﻋﻠﻰ
ﻫﺪﻭﺋﻬﺎ .. ﻭﺍﻟﺠﻤﺎﻋﺔ ﺍﻟﺜﺎﻧﻴﺔ ﻛﺎﻧﺖ ﻓﻲ ﺍﻟﺼﺎﻟﺔ ( ﺍﻻ ﻭﻫﻤﺎ ﺍﻟﺮﻳﺎﻳﻴﻞ )
ﻭﻣﺴﺎﻋﺪ ﻛﺎﻥ ﻣﺎﺧﺬ ﺭﺍﺣﺘﻪ ﻋﻠﻰ ﻋﻜﺲ ﻣﺎ ﻫﻲ ﻓﺎﺗﻦ ﺍﻟﻠﻲ ﺗﺘﻘﻠﺐ
ﻣﻜﺎﻧﻬﺎ ﻣﺜﻞ ﺍﻟﻬﺎﻳﻤﺔ ﻋﻠﻰ ﻭﻳﻬﻬﺎ .. ﻻﻫﻮ ﺷﻮﻕ ﻭﻻ ﻫﻮ ﻣﻦ
ﻫﺎﻟﺴﻮﺍﻟﻒ .. ﺍﻻ ﻋﺼﺒﻴﺔ ﻭﻗﻬﺮ .. ﺍﻧﻬﺎ ﺗﺘﺼﻞ ﻓﻴﻪ ﻃﻮﻝ ﺍﻟﻴﻮﻡ ﻭﺗﺮﺳﻞ
ﻟﻪ ﻣﺴﺞ ﻭﻫﻮ ﺍﺑﺪ ﻻ ﻣﻌﺒﺮ .. ﻟﻜﻦ ﺍﻳﻴﻬﺎ ﺑﺎﻟﻈﻬﺮ ﻭﻳﻘﻮﻝ ﻟﻬﺎ ﻭﻳﺨﺮﻁ
ﺍﻟﻲ ﻳﺒﻴﻪ ﻭﻳﺴﻜﺮ ﺍﻟﺘﻠﻔﻮﻥ .. ﻫﺬﻱ ﻫﻲ ﺍﻟﺤﺮﺏ ..
ﻟﻜﻦ .. ﻣﺎ ﺭﺍﺡ ﺗﻌﺼﺐ ﻭﻻ ﺷﻲ .. ﺑﺘﺨﻠﻴﻬﺎ ﺣﺮﺏ ﺑﺎﺭﺩﺓ .. ﻭﻫﻮ ﺍﻟﻠﻲ
ﺑﻴﻨﺪﻡ ﻋﻠﻴﻬﺎ ..
ﺟﺮﺍﺡ .. ﺍﻭﻝ ﻣﺎ ﺷﺎﻑ ﻣﺮﻳﻢ ﻭﻧﻮﺭﺓ ﻗﺎﻋﺪﻳﻦ ﻓﻲ ﺍﻟﺒﻴﺖ ﺣﺲ
ﺑﺎﻻﻧﺸﺮﺍﺡ ﺑﺼﺪﺭﻩ .. ﻟﻜﻦ ﻣﺎ ﻋﺎﻕ ﺍﻧﻘﻠﺐ ﻫﺎﻻﻧﺸﺮﺍﺡ ﺍﻟﻰ ﺣﺎﺟﺔ ﻣﻠﺤﺔ
ﺍﻧﻪ ﻳﻜﻮﻥ ﻣﺎﻟﻚ ﻫﺎﻟﻌﺎﻳﻠﺔ ﺑﻴﻨﻪ ﻭﺑﻴﻦ ﻧﻔﺴﻪ . ﻭﺭﻏﺒﺘﻪ ﻫﺬﻱ ﺍﻟﻠﻲ ﻣﺎ
ﺯﺍﻝ ﻳﺆﺟﻠﻬﺎ ﺑﺪﺕ ﻣﺴﺘﺤﻴﻠﺔ ﺍﻟـﺘﺄﺟﻴﻞ .. ﻭﻗﺮﺭ .. ﻻ ﺑﻞ ﺻﻤﻢ ﺍﻧﻪ ﻣﺎ
ﻳﻨﻬﻲ ﻫﺎﻟﻠﻴﻠﺔ ﺍﻻ ﺑﺤﺪﻳﺚ ﺧﺎﺹ ﻣﻊ ﺃﻣﻪ ﻭﻓﺎﺗﻦ ..
ﻛﻴﻒ ﻛﺎﻥ ﻟﻲ ﻗﻠﺐ – ﺍﻓﺼﺢ ﻟﻨﻔﺴﻪ - ﺍﻧﻲ ﺍﺷﻮﻓﻬﺎ ﻗﺎﻋﺪﺓ ﻓﻲ
ﺍﻟﺒﻴﺖ .. ﻭﺍﻧﺎ ﻋﺎﺭﻑ ﺍﻥ ﺭﻏﺒﺘﻬﺎ ﻫﺬﻱ ﺃﻟﺢ ﻓﻲ ﻧﻔﺴﻲ .. ﻛﻴﻒ ﺍﻧﻲ
ﻣﺎﻧﻲ ﻋﺎﺭﻑ ﻛﻴﻒ ﺍﺧﻠﻴﻬﺎ ﻓﺮﺣﺎﻧﺔ ﻭﻣﻜﻤﻞ ﺍﻟﺪﻧﻴﺎ ﺑﻌﻴﻮﻧﻬﺎ ﻭﺍﻧﺎ ﺍﺩﺭﻱ ..
ﻭﻛﻞ ﻭﺍﺣﺪ ﻳﺪﺭﻱ ﺍﻧﻪ ﺑﻴﺪﻩ ﻓﺮﺣﺔ ﺍﻟﺒﻨﺖ ﺍﻟﻠﻲ ﺣﺎﻃﻬﺎ ﺑﻘﻠﺒﻪ .. ﺍﻟﺼﺒﺮ
ﻭﺍﻻﺑﺘﻌﺎﺩ ﻫﻮ ﺍﻟﻠﻲ ﻳﻜﺪﺭ ﺍﻟﺨﻮﺍﻃﺮ ﻭﻳﺒﻌﺪ ﺍﻟﻤﺸﺎﻋﺮ ﻋﻦ ﺍﻟﻄﺮﻳﺞ
ﺍﻟﺼﺤﻴﺢ .. ﻟﻜﻦ .. ﻫﺬﺍ ﺍﻟﺸﻲ ﻣﺎ ﻋﺎﺩ ﻣﺴﺘﻤﺮ .. ﻣﺮﻳﻢ ﻣﺎ ﺑﺘﻄﻠﻊ
ﻫﺎﻟﺸﻬﺮ ﻭﻣﺎ ﺑﺘﺮﺩ ﺍﻟﺠﺎﻣﻌﺔ .. ﺍﻻ ﻭﺍﺳﻤﻲ ﻳﻠﺘﻒ ﺣﻮﺍﻟﻲ ﺍﺻﺒﻌﻬﺎ ..
ﻭﻭﻳﻬﻬﺎ ﻳﺸﻌﺸﻊ ﺑﺠﻤﺎﻝ ﺍﻣﺘﻼﻛﻲ ﻟﻬﺎ .. ﺗﺤﺖ ﺇﺷﺮﺍﻑ ﺃﻋﺰ ﻗﺪﺭﺓ
ﻭﺃﻗﻮﺍﻫﺎ .. ﻳﺎﺭﺑﻲ .. ﻳﺎ ﺣﺒﻴﺒﻲ ﻳﺎ ﺭﺑﻲ .. ﻭﻓﻘﻨﻲ ﺑﻜﻞ ﺧﻄﻮﺓ ..
ﻣﺤـﺘﺎﺝ ﻟﻠﺘﻮﻓﻴﺞ ﻭﻣﻦ ﻏﻴﺮﻙ ﻧﻄﻠﺐ ﻣﻨﻪ ﻫﺎﻟﺘﻮﻓﻴﺞ ..
ﺯﻫﺐ ﻋﺸﻰ ﺍﻟﺮﻳــﺎﻳﻴﻞ ﻭﻣﺎ ﺭﺿﺖ ﻓﺎﺗﻦ ﺍﻧﻬﺎ ﺗﻮﺩﻳﻪ ﺑﺼﻤﺖ ﻭﺗﺠﺎﻫﻞ
ﻟﻜﻼﻡ ﺍﻣﻬﺎ ..
ﺍﻡ ﺟﺮﺍﺡ : ﻳﻤﺔ ﻓﺎﺗﻦ ﺳﺤﺒﻲ ﻋﺸﻰ ﺭﻳﻠﺞ ﻭﺭﻭﺣﻲ ﻟﻪ ..
ﻓﺎﺗﻦ ﻭﻫﻲ ﻣﻐﺘﺎﺿﺔ ﻣﻦ ﻛﻠﻤﻪ ﺭﻳﻠﺞ .. ﻫﺬﺍ ﺭﻳﻞ .. ﻫﺬﺍ ﻟﻮﺡ : ﻳﻤﺔ
ﻗﻮﻟﻲ ﻟﺠﺮﺍﺡ ﻭﺍﻟﻠﻪ ﻣﺎﻟﻲ ﺧﻠﻖ ﺷﻮﻓﻲ ﻣﻼﺑﺴﻲ ..
ﺍﻡ ﺟﺮﺍﺡ ﺗﺒﺘﺴﻢ ﻟﺒﻨﺘﻬﺎ ﻭﺗﻀﺮﺑﻬﺎ ﺑﺪﻻﻝ ﻋﻠﻰ ﺟﺘﻔﻬﺎ : ﻭﻳﻴﻲ ﺍﻧﺘﻲ ﻭﻳﺎ
ﻛﺸﺨﺘﺞ .. ﺷﺤﻠﻴﻠﺞ .. ﻭﻻ ﻋﺎﺩ ﻫﺎﻟﻔﺎﺭ ﺍﻟﻠﻲ ﺣﺎﻃﺘﻪ ﻋﻠﻰ ﺍﻟﺘﻲ ﺷﺮﺕ
(ﻣﻴﻜﻲ
ﻣﺎﻭﺱ ) ﻳﺎﻟﻠﻪ ﻳﻤﺔ ﺭﻭﺣﻲ ﻟﺮﻳﻠﺞ ﻣﻦ ﺯﻣﺎﻥ ﻣﺎﻗﻌﺪﺗﻲ ﻭﻳﺎﻩ ﻳﺎﻟﻠﻪ ﻋﻔﻴﺔ
ﻋﻠﻰ ﺍﻟﺸﺎﻃﺮﻳﻦ ..
ﻧﺎﻇﺮﺕ ﻓﺎﺗﻦ ﺍﻣﻬﺎ ﺑﻄﺮﻳﻘﺔ ﺗﻜﺴﺮ ﺍﻟﺨﺎﻃﺮ .. ﻳﻌﻨﻲ ﺍﻧﺎ ﻟﻴﺶ ﺍﺭﻭﺡ ﻟﻪ ..
ﺣﺮﻣﺘﻪ ﻭﺧﻼﺹ ﻳﻌﻨﻲ ﻻﺯﻡ ﺍﻃﻴﻌﻪ ﻭﻻﺯﻡ ﺍﺳﻮﻱ ﻟﻪ ﺍﻟﻠﻲ ﻳﺒﻴﻪ ..
ﻣﺎﺩﺭﻱ ﻣﻦ
ﺍﻟﺮﺍﻗﺪ ﻋﻨﻲ ﺻﺒﺢ ﻭﻟﻴﻞ .. ﻭﻟﻤﻦ ﺍﻗﻮﻝ ﺭﺍﻗﺪ ﻣﺎ ﺍﻋﻨﻲ ﺑﺎﻟﻨﻮﻡ ﺍﻋﻨﻲ
ﺑﺎﻟﺘﺠﺎﻫﻞ .. ﺧﻠﻪ ﻋﻠﻰ ﻛﻴﻔﻪ .. ﻣﺘﻰ ﻣﺎ ﺑﻐﻰ ﻳﺼﺤﻪ ﻣﻦ ﻫﺎﻟﺘﺠﺎﻫﻞ ..
ﻳﻤﻜﻦ ﺭﺍﺡ ﻳﻠﻘﺎﻧﻲ ﺟﺪﺍﻣﻪ ﻭﻟﻬﺎﻧﺔ ﻋﻠﻴﻪ .. ﻟﻜﻦ ﺍﻧﻲ ﺍﻟﺤﻖ ﻭﺭﺍﻩ ﻣﻦ
ﻣﻜﺎﻥ ﻟﻤﻜﺎﻥ .. ﻣﺴﺘــﺤﻴﻞ ..
ﻣﻘﺪﻣﺔ ﻃﻮﻳﻠﺔ ﻭﻋﺮﻳﻀﺔ .. ﻫﺬﺍ ﻛﺎﻥ ﻛﻼﻡ ﻓﺎﺗﻦ .. ﻳﻤﻜﻦ ﻣﺎ ﻛﺎﻧﺖ
ﺗﺴﻤﻊ ﺍﻟﻨﺪﺍﺀ ﺍﻟﺼﺎﺭﺥ ﻓﻲ ﻧﻔﺴﻬﺎ ﺍﻧﻬﺎ ﺗﺮﻭﺡ ﻭﻭﺗﺠﺎﺑﻠﻪ ﻭﺗﻘﻌﺪ ﻭﻳﺎﻩ ..
ﺗﺪﻗﻖ ﻓﻲ ﺯﻭﺟﻬﺎ .. ﻭﺗﻨﺎﻇﺮﻩ .. ﻭﺗﺸﻮﻓﻪ .. ﻭﺗﺮﺳﻤﻪ ﻓﻲ ﺻﻔﺤﺎﺕ
ﺃﻳﺎﻡ ﻣﺴﺘﻘﺒﻠﻬﺎ ﺍﻟﺠﻤﻴــﻞ .. ﺻﺞ ﺍﻧﻪ ﻳﺴﻮﻱ ﻓﻴﻬﺎ ﻛﻞ ﻫﺬﺍ .. ﻟﻜﻦ ﺑﻌﺪ ..
ﻳﻈﻞ ﺟﻤﻴﻞ ﻣﺴﺘـﻘﺒﻠﻬﺎ ﻭﻳﺎﻩ .. ﺯﻭﺝ ﻣﺜﻞ ﻣﺴﺎﻋﺪ .. ﻣﺎ ﺭﺍﺡ ﺗﻼﻗﻲ ..
ﺩﺧﻞ ﺟﺮﺍﺡ ﻣﻦ ﺑﺎﺏ ﺍﻟﺪﻳﻮﺍﻧﻴﺔ ﺍﻟﻠﻲ ﻣﻄﻞ ﻋﻠﻰ ﺍﻟﻤﻄﺒﺦ ﻭﻫﻮ ﻳﺴﺮﻉ
ﻓﻴﻬﻢ ..
ﺟﺮﺍﺡ : ﻳﻤﺔ ﻭﻳﻨﻪ ﺃﻛﻠﻜﻢ ﺍﻟﺮﻳﺎﻝ ﻣﻦ ﻣﺘﻰ ﻗﺎﻋﺪ؟
ﺍﻡ ﺟﺮﺍﺡ : ﻭﺍﻧﺎ ﻛﺎﻧﻲ ﺍﻗﻮﻝ ﻻﺧﺘﻚ ﻣﺎﺩﺭﻱ ﺷﻔﻴﻬﺎ ﺷﺘﺘﺤﺮﻃﻢ ﻋﻠﻴﻪ؟
ﺟﺮﺍﺡ ﻭﻫﻮ ﻳﺘﺤﺮﻙ ﺑﺴﺮﻋﺔ ﻟﻔﺎﺗﻦ : ﻓﺘﻮﻥ ﺣﻤﻠﻲ ﺍﻻﻛﻞ ﻭﻳﻼ ﺭﻭﺣﻲ ﻟﻪ
ﺍﻧﺎ ﺑﺮﻭﺡ ﺍﻏﻴﺮ ﻫﺪﻭﻣﻲ ﻛﻠﻪ ﺗﺮﺍﺏ ﻭﻭﺳﺦ ..
ﻓﺎﺗﻦ ﻭﻫﻲ ﺗﻘﻀﻢ ﻗﻄﻌﺔ ﻳﺰﺭ :. .. ﺍﻧﺰﻳﻦ ﻏﻴﺮ ﻫﺪﻭﻣﻚ ﻭﺍﻧﺰﻝ ﺍﺧﺬ
ﺍﻟﻌﺸﺎ
ﻭﻗﻒ ﻓﻲ ﻭﻳﻬﻬﺎ ﻭﻫﻮ ﻳﺮﻣﻴﻬﺎ ﺑﻨﻈﺮﺓ .. ﻭﺍﺧﺮ ﺷﻲ ﻫﻤﺲ ﻟﻬﺎ ..:
ﺭﻭﺣﻲ ﻟﻪ ﻻ ﺗﻨﻀﺮﺑﻴﻦ ﺍﻟﻴﻮﻡ ..
ﻓﺎﺗﻦ ﺑﻨﻈﺮﺓ ﺗﺤﺪﻱ : ﺍﻧﺘﻈﺮﻙ .. ﻳﺎﻟﻠﻪ ﻳﺎﻟﻠﻪ ... ﺳﻮ ﺍﻟﻠﻲ ﻗﻠﺖ ﻋﻠﻴﻪ ..
ﺟﺮﺍﺡ ﻳﻄﺎﻟﻌﻬﺎ ﺑﺮﺟﺎ : ﻓﺘﻮﻭﻥ ﺧﻠﻴﻨﺎ ﻧﻌﺸﻴﻬﻢ ﻭﻳﺮﻭﺣﻮﻥ ﺍﺑﻴﻜﻢ ﻓﻲ
ﻣﻮﺿﻮﻉ ﻫﺎﻡ ﺍﻟﻴﻮﻡ ..
ﻋﻘﺪﺕ ﺣﻮﺍﺟﺒﻬﺎ ﻭﻋﺮﻓﺖ ﺍﻫﻮ ﺷﻴﺒﻲ ﻳﻘﻮﻝ .. ﺑﺲ ﻣﺎﻛﻮ ﻣﺎﻧﻊ ﻓﻲ
ﺍﻟﺘﺠﻨﻦ ..: ﺍﻣﻤﻢ ﻳﺎ ﺗﺮﻯ ﻣﺎﻫﻮ ﻫﺬﺍ ﺍﻟﻤﻮﺿﻮﻉ ﺍﻟﻤﻬﻢ ﺟﺪﺍ ..
ﺟﺮﺍﺡ ﻭﻫﻮ ﺷﻮﻱ ﻳﻘﻄﻊ ﻫﺪﻭﻣﻪ : ﻓﺘﻮﻭﻭﻭﻭﻥ .. ﻣﻮ ﻭﻗﺘﺞ ﻭﺍﻟﻠﻪ .. ﻳﻼ
ﺭﻭﺣﻲ ﺍﻟﺤﻴﻦ ﺍﻧﺘﻲ ..
ﻓﺎﺗﻦ ﻭﻫﻲ ﺗﻨﺰﻝ ﻋﻴﻮﻧﻬﺎ .. ﻓﺮﺣﺎﻧﺔ ﻭﻟﻜﻦ ﺑﺘﻤﺜﻴﻞ ﺍﻧﻬﺎ ﻣﺘﻈﺎﻳﻘﺔ ..:
ﺍﻧﺰﻳــــﻦ .. ﺣﺸﻰ .. ﺍﻟﻤﻠﻚ ﻋﻨﺪﻧﺎ ﻭﻻ ﺃﺩﺭﻱ .. ﻣﺴﺎﻋﺪ ﻗﺎﻝ ﻣﺴﺎﻋﺪ ..
ﻳﺎﻟﻠﻪ ﺑﻨﺮﻭﺡ ﻟﻪ ... ( ﺗﺄﻓﺄﻑ .. ) ﻳﻤﺔ .. ﻭﻳﻨﻪ ﺍﻻﻛﻞ ..
ﺍﻡ ﺟﺮﺍﺡ ﺗﻨﺎﻇﺮ ﻭﻟﺪﻫﺎ : ﻋﻘﻠﺘﻬﺎ؟؟ ﻗﻮﻝ ﺍﻟﻠﻪ ﻳﺮﺯﻗﻚ ﺑﺒﻨﺖ ﺍﻟﺤﻼﻝ
ﺍﻟﻠﻲ ﺗﻄﻴﺐ ﺧﺎﻃﺮﻙ ﻭﺧﺎﻃﺮﻱ ..
ﺑﻌﺪ ﻫﺎﻟﺪﻋﻮﺓ . ﺭﻓﻊ ﺟﺮﺍﺡ ﻳﺪﻩ ﻟﻠﺴﻤﺎﺀ ﻭﻛﺄﻧﻪ ﻳﻄﻠﺐ ﺍﻟﻤﻄﺮ :
ﺃﻣﻴـــــــﻦ .. ﻳﻤﺔ ﻣﺮﺓ ﺛﺎﻧﻴﺔ ﺍﺩﻋﻲ ..
ﺍﻡ ﺟﺮﺍﺡ ﺗﺒﺘﺴﻢ ..: ﻗﻮﻝ ﺍﻟﻠﻪ ﻳﺮﺯﻗﻚ ﺑﺒﻨﺖ ﺍﻟﺤﻼﻝ ﺍﻟﻠﻲ ﺗﻄﻴﺐ
ﺧﺎﻃﺮﻙ ﻭﺧﺎﻃﺮﻱ ..
ﺟﺮﺍﺡ ﺑﺼﻮﺕ ﺭﻓﻴﻊ ﺷﻮﻱ : ﺁﻣﻴـــــــــــــﻦ .. ﺭﺑﻲ ﺍﻟﺪﻋﻮﺓ ﻣﻦ ﺑﻴﺘﻨﺎ ﻣﻮ
ﺑﻴﺖ ﺍﻡ ﺑﺪﺭ ...
ﺿﺤﻜﺖ ﻓﺎﺗﻦ ﻋﻠﻰ ﺃﺧﻮﻫﺎ .. ﻭﺣﻤﻠﺖ ﺍﻻﻛﻞ .. ﺍﻟﻠﻲ ﻛﺎﻥ ﺑﺴﻴﻂ ﻋﻠﻰ
ﻛﺜـﺮﺗﻪ ..
ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﻫﻲ ﻋﺎﺭﻓﺔ ﺍﻧﻬﺎ ﺑﺄﺑﻬﻰ ﺣﻼﺗﻬﺎ .. ﻭﺍﺑﻬﻰ ﺣﻼﺗﻬﺎ
ﻣﻌﻨﺎﺗﻪ ﺣﻠﺔ ﺃﻣﻴــﺮﻛﺎ .. ﻣﻼﺑﺲ ﻋﺎﺩﻳﺔ ﻭﻛﻠﺶ ﻣﺎﻓﻴﻬﺎ ﻣﻦ ﺑﺒﻬﺮﺟﺔ
ﺍﻟﻌﺮﻭﻭﺱ ﻟﻤﻌﺮﺳﻬﺎ .. ﻭﻫﺬﺍ ﺍﻟﻠﻲ ﺍﻫﻲ ﺗﻔﻀﻠﻪ .. ﻻﻧﻪ ﻟﻮ ﺗﺰﻭﺟﻬﺎ ﻣﺎ
ﺑﻴﺘﺰﻭﺟﻬﺎ ﻋﺸﺎﻥ ﻛﺸﺨﺘﻬﺎ .. ﺑﻴﺘﺰﻭﺟﻬﺎ ﻋﺸﺎﻥ ﺍﻟﺠﻤﺎﻝ ﺍﻟﺮﻭﺣﻲ ﺍﻟﻲ
ﻓﻴﻬﺎ ..
ﻭﻣﺎ ﻛﺎﻧﺖ ﺗﺪﺭﻱ ﺍﻥ ﺟﻤﺎﻟﻬﺎ ﺍﻟﻈﺎﻫﺮﻱ ﻛﺎﻥ ﻣﺴﻴــﻄﺮ ﻋﻠﻰ ﺍﻻﺟﻮﺍﺀ ..
ﺩﺧﻠﺖ ﺍﻟﺪﻳﻮﺍﻧﻴﺔ ..
ﻭﻟﻘﺖ ﺃﺧﻮﻫﺎ ﻋﺒﺪ ﺍﻟﻌﺰﻳــﺰ ﻗﺎﻋﺪ ﻭﻳﺎ ﻣﺴــﺎﻋﺪ .. ﻳﺴﻮﻟﻒ ﻟﻪ ﻋﻦ
ﺍﻟﻜــﻮﺭﺓ ﻭﺩﺍﺵ ﻓﻴﻬﺎ ﺣﻤــﺎﺱ ﺍﻷﺥ ﻭﻣﺴـﺎﻋﺪ , ﺍﻟﻠﻲ ﻛﺎﻥ ﻣﺠﺎﺑﻞ ﺍﻟﺒﺎﺏ
ﻭﻛﺄﻧﻪ ﻳﻨﺘﻈﺮ ﺩﺧﻮﻟﻬﺎ , ﻳﺸﺎﺭﻛﻪ ﺍﻟﺤﻤﺎﺱ ﺑﺤﻨﺎﻥ ﺃﺑﻮﻱ .. ﻣﺴﻜﺖ ﻓﺎﺗﻦ
ﻋﻠﻰ ﻗﻠﺒﻬﺎ ﺃﻭﻝ ﻣﺎ ﺷﺎﻓﺘﻪ .. ﻭﺣﺴــﺖ ﻟﻠﺤﻈﺎﺕ ﺍﻥ ﺃﺑﻮﻫﺎ ﻣﻮﺟﻮﺩ
ﻣﻌﺎﻫﻢ ﻓﻲ ﺷﺨﺺ ﻣﺴــﺎﻋﺪ .. ﻳﺎﻟﻠﻪ .. ﻟﻠﺤﻴﻦ ﻣﺎ ﻋﺎﺩﺕ ﺗﻔﻬــﻢ ..
ﺷﻠﻮﻥ ﺍﻥ ﻫﺎﻷﻣﺎﻥ ﺍﻟﻠﻲ ﺗﺤﺴﻪ ﺳﺒﺒـﻪ ﻣﺴﺎﻋﺪ ﻭﻛﺄﻧﻪ ﺃﺑﻮﻫﺎ ﺍﻟﻤﺮﺣﻮﻡ ..
ﻛﻞ ﻫﺬﺍ ﻻﻧﻪ ﺃﺭﻓﻴﺞ ﺍﺑﻮﻱ ﻋﻠﻰ ﺻﻐﺮ ﺳــﻨﻪ؟
ﺃﻭﻝ ﻣﺎ ﺩﺧﻠﺖ ﻋﺮﻓﺖ ﻣﺴـﺎﻋﺪ ﻣﻊ ﺍﻧﻪ ﻣﺎ ﺷﺎﻓﻬﺎ .. ﺑﺲ ﺩﻗﺎﺕ ﻗﻠﺒﻪ
ﺍﻟﻠﻲ ﻛﺎﻧﺖ ﺍﻛﺒﺮ ﺟﻠﺠﻠﺔ ﻭﻓﺮﺣﺔ ﺑﺸﻮﻓﺘﻬﺎ ﺧﺒﺮﺗﻪ ﻋﻨﻬﺎ .. ﻛﺎﻧﺖ ﺑﻌﻴﺪ
ﻭﻫﻲ ﺗﺮﺗﺐ ﺍﻷﻛﻞ ﻋﻠﻰ ﺍﻟﻄــﺎﻭﻟﺔ .. ﻭﻋﺰﻳــﺰ ﺍﻟﻠﻲ ﺳﻮﺍﻟﻔﻪ ﻣﺎ ﺧﻠﺼﺖ
ﻛﺎﻥ ﺍﻟﺸﺨﺺ ﺍﻟﻮﺣﻴﺪ ﺍﻟﻠﻲ ﺗﻤﻨﻰ ﻭﺟﻮﺩﻩ ﻣﺴﺎﻋﺪ ﻻﻧﻪ ﺑﺴﻮﺍﻟﻔﻪ ﺭﺍﺡ
ﻳﺨﻠﻴﻪ ﻣﺸﻐﻮﻝ ﺍﻟﻌﻴﻦ ﻻ ﺍﻟﻔﻜﺮ ﻋﻦ ﻓﺎﺗﻦ ..
ﻋﺒﺪ ﺍﻟﻌﺰﻳﺰ ﺑﺤﻤﺎﺱ ...: ﻭﺑﻌﺪﻳﻦ ... ﻳﺎﺑﻬﺎ ﻟﻚ ﺣﺴﻴﻦ ﻋﻠﻲ ﺑﻴﻠﻴﻪ ..
ﻭﻗﻮﻟﻴﻦ ﻭﺭﻯ ﺑﻌﺾ ﻟﻮ ﺗﺼﺪﻕ .. (ﻭﻗﻒ ﻭﻫﻮ ﻳﻤﺜﻞ ﺣﺮﻛﺔ ﺍﻟﻘﻮﻝ ) ﻣﺎ
ﻳﺎﺑﻬﺎ ﻣﻦ ﺟﺪﺍﻡ ﻣﺜﻞ ﻃﻼﻝ ﻳﻮﺳﻒ .. ﻻﺍﺍﺍﺍ .. . ﻳﺎﺑﻬﺎ ﻟﻚ ﻋﻠﻰ
ﻃﺮﻓﻔﻔﻔﻒ .. ﻳﺎ ﺳﻼﻡ ﻋﻠﻴﻪ .. ( ﻳﺸﺪ ﻋﻠﻰ ﻋﻴﻮﻧﻪ ) ﻛﺴﺮ ﺍﻟﺸﺒﻚ ..
ﻣﺴﺎﻋﺪ ﻳﺒﺘﺴﻢ ﻟﻪ ...: ﺷﻘﺎﺍﺍﻩ ﻣﺎ ﻛﺴــﺮﻩ ..
ﻋﺒﺪ ﺍﻟﻌﺰﻳﺰ ﻭﻫﻮ ﻣﺘﺠﺎﻫﻞ ﺍﻟﻲ ﻗﺎﻟﻪ ﻣﺴﺎﻋﺪ : ﺍﻗﻮﻝ ﻟﻚ .. ﺍﻟﻤﺒﺎﺭﺍﺓ
ﻓﻈﻴﻌﺔ ..
ﺍﺑﺘﺴﻤﺖ ﻓﺎﺗﻦ ﻟﻌﺒﺪ ﺍﻟﻌـﺰﻳﺰ ﻭﻫﻮ ﻳﺘﻜﻠﻢ ﻭﺗﻮﻫﺎ ﺑﺘﻄﻠﻊ . ﺍﻻ ﻳﻄﻠﻊ ﻋﺒﺪ
ﺍﻟﻌﺰﻳﺰ ﻣﻦ ﻃﺮﻓﻬﺎ ﻭﻳﺪﻓﻌﻬﺎ ﻟﻌﻨﺪ ﺍﻟﺒﺎﺏ .. ﺿﺤﻜﺖ ﻋﻠﻴﻪ ﺷﻮﻱ ..
ﻭﺗﻮﻫﺎ ﺑﺘﻄﻠﻊ ..
ﻣﺴﺎﻋﺪ ﻭﺍﻗﻒ ﻭﺭﺍﻫﺎ :.. ﺣﻴــﺎﺝ .. ﺗﻌﺸــﻲ ﻭﻳﺎﻱ ..
ﻭﻗﻔﺖ ﺷﻮﻱ ﻭﺍﻫﻲ ﺗﺴﺘﺮﺩ ﻧﻔﺴــﻬﺎ .. ﻣﻦ ﺻﺠﻪ ﺍﻟﺤﻴﻦ ﻳﺘﻜﻠﻢ .. ﻳﺒﻴﻬﺎ
ﺗﺼﻔﻌﻪ ﺑﺎﻷﻛﻞ ..
ﺍﻟﺘﻔﺘﺖ ﻟﻪ ﻭﻫﻲ ﻣﺒﺘﺴﻤﺔ ....: ﻋﺎﻓﻴــﺔ ﻋﻠﻴﻚ .. ﺍﻧﺎ ﻣﻦ ﺯﻣﺎﻥ ﺃﻛﻠﺖ
ﻭﺷﺒﻌﺖ ... ﺗﻔﻀﻞ ﺍﻧﺖ .. ﻭﺳﺪ ﻳﻮﻋﻚ ... ﻭﺟﺮﺍﺡ ﺑﻴﻴﻠﻚ ﺑﻌﺪ ﺷﻮﻱ ..
ﻣﺴﺎﻋﺪ ﻳﻤﺸﻲ ﺟﻢ ﺧﻄﻮﺓ ﺻﻮﺑﻬﺎ .. : ﺍﻧــﺰﻳﻦ ﻗﻌﺪﻱ ﻭﻳﺎﻱ ﺷﻮﻱ ..
(ﻳﻌﺮﻑ ﺍﻧﻬﺎ ﺯﻋﻼﻧﺔ ) ﻣﻮ ﻛﻔﺎﻳﺔ ﺣﺎﻗﺮﺗﻨﻲ ﻃﻮﻝ ﺍﻟﻴﻮﻡ ... ﻗﻌﺪﻱ
ﺷﻮﻱ .. ﺧﻠﻴﻨﻲ ﻋﻠﻰ ﺍﻻﻗﻞ ﺍﺭﺿﻰ ﻋﻠﻴﺞ ..
ﻧﻈﺮﺗﻬﺎ ﻛﺎﻧﺖ ﻧﺎﺭﻳﺔ .. ﻭﻣﻦ ﺷﺪﺓ ﻧﺎﺭﻳﺘﻬﺎ ﺍﺯﺩﺍﺩﺕ ﺍﺿﺎﺀﺓ ﺍﻟﻤﻜﺎﻥ
ﺑﺎﻟﻠﻮﻥ ﺍﻷﺻﻔﺮ ﺑﻌﻴﻮﻥ ﻣﺴﺎﻋﺪ .. ﻭﺣـﺲ ﺍﻧﻬﺎ ﺭﺍﺡ ﺗﻨﻔﺠﺮ ﻋﻠﻴــﻪ
ﺍﻟﻴﻮﻡ .. ﻣﺜﻠﻬﺎ ﻣﺜﻞ ﺃﻳﺎﻡ ﺍﻣﻴﺮﻛﺎ ﻭﻟﻜﻦ ﺑﺤﻼ ﺛﺎﻧﻲ .. ﻳﺎ ﺭﺑﻲ .. ﻟﻴﺶ
ﻭﻳﻬﻬﺎ ﻳﺘﻸﻷ ﻣﺜﻞ ﻟﻴﻠﺔ ﻋﻴﺪ ﻛﻞ ﻣﺎ ﺍﺷﻮﻓﻬﺎ ﺑﻬﺎﻷﻳﺎﻡ .. ﻣﺴﺘﻐﺮﺏ ﺣﺎﻟﻬﺎ
ﻭﻻ ﻧﻲ ﻋﺎﺭﻑ ..
ﻓﺎﺗﻦ ﻭﻫﻲ ﺗﺘﻜﺘﻒ ﻭﺑﻐﺮﻭﺭ ﺗﻀﻴﻒ ﺷﻲ :.. ﻭﺍﻟﻠﻪ ﺍﻟﺮﺿﺎ .. ﻣﺎﻫﻮ
ﻣﺤﺴﻮﺏ ﻋﻠﻲ ﺍﻧﺎ ﺑﺲ .. ﺍﻟﺮﺿﺎ ﻣﺤﺴﻮﺏ ﻋﻠﻰ ﺍﻟﺠﻤﻴــﻊ .. ﺑﺲ ﻣﻦ
ﺍﻟﻠﻲ ﻳﺆﺩﻱ ﻭﻳﺸﺠﻊ
ﺍﻟﻨﺎﺱ ﺍﻧﻬﺎ ﺗﺆﺩﻱ ﻭﻳﺎﻫﺎ ..
ﺗﻮﻫﺎ ﺑﺘﻄﻠﻊ ﺍﻻ ﺑﺼﻮﺗﻪ ﻳﻮﻗﻔﻪ : ﺷﻘﺼﺪﺝ؟؟؟
ﺍﻟﺘﻔﺘﺖ ﻟﻪ ﻭﺷﺎﻓﺖ ﺍﻥ ﻭﻳﻬﻪ ﻣﺘﺴﺎﺋﻞ .. ﻟﻜﻦ ﺑﻠﻤﻌﺔ ﻣﺎﻛﺮﺓ ﻭﺷﻘﻴﺔ ..
ﻣﺜﻞ ﺍﻟﻴـﻬﺎﻝ .. ﻣﺎﻛﺮ ﻭﺧﺒﻴﺚ ﺗﻌﺮﻑ ﻟﻬﺎﻟﻤﺰﺍﺝ ... ﻓﺒﺎﺩﻟﺘﻪ ﺍﻟﻤﺰﺍﺝ
ﺑﺎﻟﻤﺰﺍﺝ ..
ﻓﺎﺗﻦ ﻭﻫﻲ ﺗﻤﺴﻚ ﺑﺎﺏ ﺍﻟﺪﻳﻮﺍﻧﻴﺔ : ﻭﻻ ﺷﻲ .. ﺍﻧﺎ ﺑﺨﻠﻴﻚ ﺍﻟﺤﻴﻦ ﺑﻴﻴﺐ
ﻟﻚ ﻋﺼﻴـﺮ .. ﺍﻧﺖ ﺳﻢ ﺑﺴﻢ ﺍﻟﻠﻪ ﻭﺗﻬﻨﻰ ﺑﻠﻘﻤﺘﻚ ..
ﻣﺴﺎﻋﺪ ﻳﺒﺘﺴﻢ : ﻻ ﺗﺤﺎﺗﻴﻦ .. ﺟﺬﻱ ﻭﻻ ﺟﺬﺍﻙ .. ﺑﻮﺟﻮﺩﺝ ﻭﻻ ﻋﺪﻣﻪ
ﺑﺘﻬﻨﻰ ﺗﺪﺭﻳﻦ ﻟﻴﺶ؟؟؟
ﻓﺎﺗﻦ ﺍﻟﻠﻲ ﻇﺎﻗﺖ ﺭﻭﺣﻬﺎ ﻣﻦ ﻛﻼﻣﻬﺎ ﻭﺗﺠﻬﻢ ﺷﻜﻠﻬﺎ ..: ﻟﻴـﺶ؟
ﻣﺴﺎﻋﺪ ﻭﻫﻮ ﻳﺮﻭﺡ ﻟﻌﻨﺪﻫﺎ ﻭﻋﻴﻮﻧﻪ ﻇﻴﻘﺔ ﻭﻛﺄﻧﻪ ﻳﺒﻲ ﻳﺴﺘﺄﺻﻞ ﺷﻲ
ﻣﻨﻬﺎ ..
ﻭﻛﺎﻥ ﺑﺎﻟﻔﻌﻞ .. ﻭﺭﻗﺔ ﺧﺲ ﺻﻐﻴﺮﺓ ﻣﺘﻌﻠﻘﺔ ﺑﺸﻌﺮﻫﺎ .. ﺳﺤﺒﻬﺎ ﺑﻜﻞ
ﻫﺪﻭﺀ ﻣﻦ ﺍﻟﺨﺼﻠﺔ ﻭﻫﻮﻭﻭ ﻳﺤﺎﺳﺐ ﻋﻠﻰ ﺃﻧﻪ ﻣﺎ ﻳﺄﻟﻤﻬﺎ ..
ﻭﺑﻌﺪ ﻣﺎ ﺧﻠﺺ ﺗﻢ ﻳﻨﺎﻇﺮ ﺍﻟﺨﺴﺔ ﺑﻴﺪﻩ ﻭﻳﻨﺎﻇﺮﻫﺎ ﺑﺄﻫﺘﻤﺎﻡ .. ﻭﻛﺄﻧﻪ
ﺩﻛﺘﻮﺭ .. ﻭﻫﻲ ﻋﻴﻮﻧﻬﺎ ﺗﺤﻮﻟﺖ ﻣﻦ ﺍﻟﺘﺠﻬﻢ ﺍﻟﻰ ﺍﻟﺘﺴﺎﺋﻞ ..: ﻻﻧﻪ
ﻳﻜــﻔﻴﻨﻲ . ﺍﻧﻲ ﺍﺳﻤﻊ .. ﺩﻗﺎﺕ ﻗﻠﺒﺞ ... ﺗﻨﺎﺩﻳﻨﻲ ﺑﻜﻞ ﺩﻗﻴﻘﺔ ﺑﻌﺪ
ﺑﻴﻨﻲ ﻭﺑﻴﻨﺞ !!
ﻭﻳﻨﻬﺎ ﻓﺎﺗﻦ ﺑﻌﺪ ﻫﺎﻟﺠﻤﻠـﺔ .. ﻭﺍﻗﻔﺔ ﺟﺪﺍﻣﻬﺎ ﺻﺢ . ﻟﻜﻨﻬﺎ ﻫﺎﻳﻤﺔ .. ﻭﻣﻦ
ﺯﻭﺩ ﺍﻷﺣﺴﺎﺱ ﺍﻟﻌﻤﻴــﻖ ﺍﻟﻲ ﺣﺴﺘﻪ .. ﺗﻤﺖ ﺭﻣﻮﺷﻬﺎ ﺗﺮﻑ ﺑﻐﻴـﺮ
ﺗﺼﺪﻳﻖ ...
ﻭﻣﺎ ﺣﺴﺖ ﺍﻧﻬﺎ ﻗﺎﺩﺭﺓ ﻋﻠﻰ ﺍﻻﺑﺘﻌﺎﺩ ﻗﻴﺪ ﺍﻧﻤﻠﺔ ﻣﻦ ﺍﻟﻤﻜﺎﻥ .. ﺍﻻ ﺍﻥ
ﻣﺴﺎﻋﺪ ﻫﻮ ﻣﻦ ﺑﺎﺩﺭ ﺑﻬﺎﻟﺤﺮﻛﺔ .. ﻭﺭﺍﺡ ﻟﻌﻨﺪ ﺍﻷﻛﻞ .. ﻭﺷﻤﺮ
ﺳﺎﻋﺪﻳﻴﻴﻴﻪ ..
ﻭﺍﺭﺗﻌﺶ ﻣﻦ ﺍﻟﺒﺮﺩ ﺷﻮﻱ ..
ﻭﺑﻨﻈﺮﺓ ﻏﺮﻭﺭ ﻟﻔﺎﺗﻦ : ﻟﻮ ﺳﻤﺤﺘﻲ ﺍﺫﺍ ﺑﺘﺪﺧﻠﻴﻦ ﺩﺧﻠﻲ ﺍﺫﺍ ﻣﺎ ﺑﺘﺪﺧﻠﻴﻦ
ﺳﻜﺮﻱ ﺍﻟﺒﺎﺏ .. ﻣﺘﻨﺎ ﺑﺮﺩ ...
ﻭﻫﺎﻫﻲ ﺍﻟﻠﺤﻈﺔ ﺍﻟﺠﻤﻴﻠﺔ ﺗﻄﻴـﺮ ﻣﻦ ﻓﺎﺗﻦ .. ﻭﻣﺴﺎﻋﺪ ﺍﻟﻠﻲ ﻋﺎﺭﻑ
ﻭﻗﻒ ﻫﺎﻟﻜﻠﻤﺔ ﻋﻠﻴﻬﺎ ﺗﻢ ﻣﺨﻔﺾ ﻋﻴﻮﻧﻪ ﻣﺸﻐﻮﻝ ﻋﺎﺩ ﺍﻧﻪ ﺑﺎﻷﻛﻞ ..
ﻭﻟﻜﻦ ﻓﻲ ﻧﻔﺴﻪ ﺿﺤﻜﺔ ﻛﺒﻴﺮﺓ ﻣﺠﻠﺠﻠﺔ .. ﻣﺎ ﺭﺩﻫﺎ ﺑﺘﻌﺎﺍﺍﻧﻖ ﺍﻟﻤﻜﺎﻥ
ﺑﻌﺪ ﺭﻭﺣﺘﻬﺎ ..
ﻭﺑﺎﻟﻔﻌﻞ .. ﺳﻜﺮﺕ ﻓﺎﺗﻦ ﺍﻟﺒﺎﺏ .. ﻭﻇﻠﺖ ﻭﺍﻗﻔﺔ ﻋﻨﺪ ﺍﻟﺒﺎﺏ ﻭﻫﻲ
ﺗﻔﻜﺮ ..
ﻫﺬﺍ ﻟﻴﺶ ﺟﺬﻱ؟؟؟ ﻳﺒﻴﻨﻲ ﺍﺿﺮﺑﻪ ﻳﻌﻨﻲ؟؟ ﻭﻻ ﻣﺘﺤﻤﺲ ﻟﻠﻬﻮﺍﺵ ..
ﺗﺮﺍﻧﻲ ﺟﺎﻫﺰﺓ ﻭﺍﻟﻠﻪ .. ﻭﻣﺴﻜﺖ ﻣﻜﻨﺴﺔ ﺗﺮﺍﺏ ﺍﻟﺰﺭﺍﻋﺔ ﺍﻟﻠﻲ ﻛﺎﻥ ﻳﻢ
ﺑﺎﺏ
ﺍﻟﺪﻳﻮﺍﻧﻴﺔ ﺍﻟﺪﺍﺧﻞ .. ﻣﺎﺩﺭﻱ ﺍﺩﺧﻞ ﻟﻪ ﺍﻟﺤﻴﻦ ﻭﺍﻋﻄﻴﻪ ﺟﻢ ﺿﺮﺑﻪ ...؟؟
ﻟﻜﻦ ﻻﺍﺍﺀ .. ﻟﻴﺶ .. ﺍﻧﺎ ﻣﺎ ﺑﺴﻮﻱ ﻓﻴﻪ ﻛﻞ ﻫﺬﺍ ..
ﻣﺪﺕ ﻳﺪﻫﺎ ﺑﺨﻔﺔ ﻟﻠﺒﺎﺏ .. ﻭﻓﺠﺘﻪ .. ﻭﺷﺮﺕ ﻋﻠﻰ ﻃﻮﻝ .. ﺳﺎﻣﺤﺔ
ﻟﻠﻬﻮﺍ ﺍﻟﺒﺎﺭﺩ ﺍﻟﻠﻲ ﻣﻴﺖ ﻣﻨﻪ ﻣﺴﺎﻋﺪ ﺍﻧﻪ ﻳﺘﺨﻠﻞ ﻟﻪ .. ﻭﻫﻮ ﺍﻟﻠﻲ ﻛﺎﻥ
ﻳﻀﺤﻚ ﻭﻳﻬﺘﺰ ﺑﺨﻔﺔ ﻋﻠﻴﻬﺎ ... ﺿﺤﻚ ﻣﻦ ﺃﻋﻤﺎﻗﻪ ﻳﻮﻡ ﺷﺎﻑ
ﻫﺎﻟﺤﺮﻛﺔ ﻣﻨﻬﺎ .. ﻭﻓﻮﻕ ﻛﻞ ﻫﺬﺍ ﻛﺎﻧﺖ ﺗﻤﺸﻲ ﺑﺨﻔﺔ ﻭﻫﻲ ﺗﻀﺮﺏ
ﺍﻟﻜﻒ ﺑﺎﻟﻜﻒ ﻭﻛﺄﻧﻬﺎ ﻣﺴﺘﻤﺘﻌﺔ ﺑﻬﺎﻟﺸﻲ .. ﺍﻟﺘﻔﺘﺖ ﻟﻪ ﻗﺒﻞ ﻻ ﺗﺮﻭﺡ
ﻋﻨﻪ ﻭﺍﺑﺘﺴﻤﺖ ﻟﻪ .. ﻭﻫﻮ ﻛﻞ ﺍﻟﻠﻲ ﺳﻮﺍﻩ ﺍﻧﻪ ﺣﻨﻰ ﺭﺍﺳﻪ ﺑﺤﺮﻛﺔ
ﺑﺴﻴـــﻄﺔ ﻣﺜﻞ ﺟﻨﺘﻠﻤﺎﻧﻴﺔ ﺍﻻﻧﺠﻠﻴﺰ ﻗﺒﻞ .. ﻭﻫﺬﺍ ﺍﻟﻠﻲ ﻗﻬﺮﻫﺎ ﻭﺧﻼﻫﺎ
ﺗﺪﺧﻞ ..
ﻣﺮﻳﻢ ﺍﻟﻲ ﻛﺎﻧﺖ ﻣﺘﺤﻘﺮﺻﺔ ﻣﻜﺎﻧﻬﺎ ﻭﻧﻮﺭﺓ ﺍﻟﻠﻲ ﻣﻦ ﺻﺎﺭﺕ ﺻﻼﺓ
ﺍﻟﻤﻐﺮﺏ ﻭﻫﻲ ﻣﻮ ﻓﺎﺟﺔ ﺍﻟﺘﻠﻔﻮﻥ ﻋﻦ ﺍﺫﻧﻬﺎ .. ﻗﺎﻋﺪﺓ ﻓﻲ ﺯﺍﻭﻳﺔ
ﻭﺗﻀﺤﻚ ﺑﺨﻔﺔ
ﻭﻧﻌﻮﻣﺔ ﻋﻠﻰ ﻛﻼﻡ ﺭﻳﻠﻬﺎ ﺍﻟﻠﻲ ﻳﺴﻤﻌﻬﺎ ﺃﻳﺎﻩ .. ﻭﻛﻞ ﻣﺎ ﺗﺮﻭﺡ ﻟﻬﺎ ﻣﺮﻳﻢ
ﺗﺴﺘﻌﺠﻠﻬﺎ ﺗﺴﻜﺘﻬﺎ ﺍﻟﺜﺎﻧﻴﺔ ﺑﺰﻡ ﺍﺻﺎﺑﻌﻬﺎ ﻭﻫﻤﺴﺔ : ﺑﻌﺪ ﺷﻮﻱ ...
ﻣﺎ ﺗﻘﺪﺭ ﺗﻘﻌﺪ ﻓﻲ ﻧﻔﺲ ﺍﻟﻤﻜﺎﻥ ﺍﻟﻠﻲ ﻓﻴﻪ ﺟﺮﺍﺡ .. ﻣﺎ ﺗﺪﺭﻱ ﻟﻴﺶ .؟؟
ﻇﻴﻘﺔ ﻓﻲ ﻧﻔﺴﻬﺎ ﺻﺎﺑﺘﻬﺎ .. ﻻﻧﻬﺎ ﻣﺎ ﺗﺒﻲ ﺗﺮﻭﺡ ﻟﻌﻨﺪﻩ ﻭﺗﺴﻮﻟﻒ ﻟﻪ ..
ﻣﺸﺘﺎﻗﺔ
ﻟﺴﻮﺍﻟﻴﻔﻪ ﻟﻜﻦ ﻻ .. ﺑﺘﺨﻠﻴﻪ ﻳﺤﺲ ﻋﻠﻰ ﺩﻣﻪ ﻭﺍﻳﻲ ﻟﻌﻨﺪﻫﺎ .. ﻣﻮ ﺍﻳﻲ
ﻭﻳﺴﻮﻟﻒ .. ﻣﺎ ﺳﻮﻳﻨﺎ ﺷﻲ ... ﺍﻳﻲ ﻟﻌﻨﺪﻫﺎ ﻭﻳﻨﻬﻲ ﻫﺎﻟﻌﺬﺍﺏ ﺍﻟﻠﻲ ﺍﻫﻲ
ﺗﻤﺮ
ﻓﻴﻪ .. ﻳﺎﺭﺏ .. ﻳﺎﺭﺏ (ﻭﻫﻲ ﺗﻨﺎﻇﺮ ﺍﻟﺴﻤﺎ ) .. ﺧﻠﻲ ﻫﺎﻟﻠﻴﻠﺔ ﺗﻌﺪﻱ ﻋﻠﻰ
ﺧﻴﺮ ﻭﺍﺭﺩ ﺑﻴﺘﻨﺎ ﺑﺴﻼﻣﺔ ﻭﺻﺤﺔ .. ﻻﻧﻲ ﺍﻥ ﻇﻠﻴﺖ ﻫﻨﻲ ﺍﻛﺜﺮ ﻣﺎ
ﺑﻄﻠﻊ ..
ﻧﺰﻝ ﺟﺮﺍﺡ ﻣﻦ ﻏﺮﻓﺘﻪ ﻭﻫﻮ ﻭﺍﻗﻒ ﺑﺎﻟﺼﺎﻟﺔ .. ﻃﺒﻌﺎ ﺻﺎﻟﺔ ﺍﻟﺤﺮﻳﻢ ﻣﺎ
ﻛﺎﻧﺖ ﻗﺮﻳﺒﻪ ﻣﻨﻬﺎ ﻭﻣﺎ ﻳﺒﻴﻦ ﺍﻟﻠﻲ ﻗﺎﻋﺪ ﻓﻴﻬﺎ ﻟﻴﺶ ﺍﻥ ﺍﻟﺴﺘﺎﺭﺓ ﻛﺎﻧﺖ
ﻣﺴﻜﺮﺓ .. ﺍﻟﺴﺘﺎﺭﺓ ﺍﻟﻠﻲ ﻛﺎﻧﺖ ﻣﻦ ﺃﻓﻜﺎﺭ ﺧﺎﻟﺪ ﻟﻠﻤﻜﺎﻥ .. ﻋﺒﺎﺭﺓ ﻋﻦ
ﺳﺘﺎﺭﺓ ﻣﺨﻤﻠﻴﺔ ﻋﺎﺟﻴﺔ ﻣﺰﻳﻨﺔ ﺑﺎﻟﻮﺭﺩ ﺍﻟﺒﻨﻔﺴﺠﻲ ﻋﻠﻰ ﺍﻷﻃﺮﺍﻑ ..
ﺗﺘﺪﻟﻬﺎ ﻣﻨﻬﺎ ﺧﻴﻮﻭﻭﻁ ﺻﻮﻓﻴﻪ ﻣﺨﻠﻴﺔ ﻃﺎﺑﻊ ﻣﻠﻜﻲ ﻋﻠﻰ ﺍﻟﻤﻜﺎﻥ ..
ﻭﻗﻒ ﺟﺮﺍﺡ ﻭﻫﻮ ﻳﺤﺲ ﺑﻮﺟﻮﺩ ﻣﺮﻳﻢ .. ﺍﺑﺘﺴﻢ ﻟﻮﺟﻮﺩﻫﺎ ﻭﺗﻢ ﻭﺍﻗﻒ
ﻳـﺘﺄﻣﻞ ﻫﺎﻟﺒﻴﺖ ﺑﻬﺎ ﻋﻠﻰ ﻃــﻮﻝ ..
ﻭﻛﺄﻥ ﺍﻟﻘﻠﺐ ﻳﻨﺎﺩﻱ ﺟﺰﺋﻪ .. ﺣﺴﺖ ﻣﺮﻳﻢ ﻟﻮﺟﻮﺩ ﺟﺮﺍﺡ ﺍﻟﻌﺰﻳﺰ ﻋﻠﻰ
ﻗﻠﺒﻬﺎ ﻭﻫﺪﺃ ﺗﻮﺗﺮﻫﺎ .. ﻭﺗﻤﺖ ﻗﺎﻋﺪﺓ ﻣﻜﺎﻧﻬﺎ ﻭﻳﺪﻳﻨﻬﺎ ﺑﺤﺠﺮﻫﺎ ﻭﻫﻲ
ﺗﻠﻮﻡ ﻓﻲ
ﻗﻠﺒﻬﺎ .. ﻟﻮﻡ ﻭﻋﺘﺎﺏ ﺟﻤﻴﻞ ﻣﻦ ﻗﻠﺐ ﺣﺒﻴﺐ ﺍﻟﻰ ﺣﺒﻴﺒﻪ .. ﻭﻟﻜﻦ ﻓﻲ
ﻧﻔﺲ ﺍﻟﻮﻗﺖ ﺗﺼﺒﺮ ﻧﻔﺴﻪ ﺑﺎﺍﻟﺼﺒﺮ ﺍﻟﺠﻤﻴﻞ ..
ﺗﻢ ﺟﺮﺍﺡ ﻓﻲ ﻧﻔﺴﻪ .. ﻳﻠﻘﻲ ﺍﺣﻠﻰ ﺍﻟﻜﻼﻡ ﻳﻨﺠﺮﻑ ﻣﻌﺎﻩ ﺍﺣﺴﺎﺳﻪ ..
ﻟﻜﻦ ﺍﺑﻌﺪ ﻧﻔﺴﻪ ﻣﻦ ﻫﺎﻟﺪﺍﺋﺮﺓ ﻭﻃﻠﻊ ﻣﻦ ﺍﻟﺼﺎﻟﺔ ﻟﺒﺎﺏ ﺍﻟﺒﻴﺖ .. ﻣﺘﻮﺟﻪ
ﻟﻠﺪﻳﻮﺍﻧﻴﺔ ..
ﺭﺟﻌﺖ ﻓﺎﺗﻦ ﺍﻟﻤﻄﺒﺦ ﻭﻫﻲ ﺗﻄﺎﻟﺐ ﺍﻣﻬﺎ ﺑﺎﻟﻌﺼــﻴﺮ ﺍﻟﻠﻲ ﻛﺎﻥ ﺟﺎﻫﺰ ..
ﻓﺤﻤﻠﺘﻪ ﻭﻫﻲ ﺗﻌﺪ ﻧﻔﺴﻬﺎ ﻟﺤﺮﺏ ﺛﺎﻧﻴﺔ ﻣﻊ ﻣﺴﺎﻋﺪ .. ﻟﻜﻦ ﺑﻼ ﺧﺲ
ﺑﺸﻌﺮﻫﺎ ..
ﺭﺍﻗﺒﺘﻪ ﻓﻲ ﺍﻟﻤﻨﻈﺮﺓ ﺍﻟﻲ ﻛﺎﻧﺖ ﻋﻠﻰ ﺍﻟﺒﺎﺏ ﻟﻘﺘﻪ ﺧﺎﻟﻲ ﻣﻦ ﺍﻟﺸﻮﺍﺋﺐ ..
ﻭﺭﺍﺣﺖ ﺍﻟﺪﻳﻮﺍﻧﻴﺔ .. ﻭﻣﻼﻣﺤﻬﺎ ﺍﻟﻠﻲ ﻛﺎﻧﺖ ﻣﻜﺘﺴﺔ ﺑﺎﻟﺒﺮﻭﺩ ﺍﻟﻠﻲ ﺗﺒﻲ
ﺗﻮﺍﺟﻪ ﻣﺴﺎﻋﺪ ﻓﻴﻪ ﺳﺮﻋﺎﻥ ﻣﺎ ﺍﻧﻘﻠﺐ ﺍﻟﻰ ﺻﺪﻣﺔ ﻭﺟﻮﺩ ﺟﺮﺍﺡ
ﺑﺎﻟﻤﻜﺎﻥ ..
ﻭﻣﺎ ﺁﺛﺮﺕ ﺍﻻﺑﺘﻌﺎﺩ ﻭﺗﻘﺪﻣﺖ .. ﺣﻄﺖ ﺍﻟﻌﺼﻴﺮ ﻭﻫﻲ ﺗﺮﺍﻗﺐ ﻋﻴﻮﻥ
ﻣﺴﺎﻋﺪ ﺍﻟﻠﻲ ﻛﺎﻧﺖ ﻣﺜﻞ ﺷﻜﻠﻬﺎ ﺍﻟﻤﺼﺪﻭﻡ ﻟﻜﻦ ﻋﻠﻰ ﺷﻮﻱ ﻣﻦ
ﺍﻟﻔﻜﺎﻫﺔ .. ﺑﻌﺪ ﻣﺎ
ﺣﻄﺖ ﺻﻴﻨﻴﺔ ﺍﻟﻌﺼﻴﺮ ﻣﺒﺎﺷﺮﺓ ﺣﻄﺖ ﻋﻴﻮﻧﻬﺎ ﺑﻌﻴﻮﻧﻪ .. ﻟﻘﺘﻪ ﺷﻮﻱ
ﻭﻳﻨﻔﺠﺮ ﻣﻦ ﺍﻟﻀﺤﻚ ﻋﻠﻴﻬﺎ ..
ﻓﺎﺗﻦ ﺑﻘﻬﺮ ..: ﺍﺫﺍ ﺑﻐﻴﺘﻮﻭ ﺷﻲ ﺗﻌﺎﻝ ﺍﻧﺖ ﺟﺮﺍﺡ ﺧﺬﻩ ..
ﻭﻃﻠﻌﺖ ﻣﻦ ﺍﻟﻤﻜﺎﻥ ﻣﻘﻬﻮﺭﺓ ﻭﻣﺴﺎﻋﺪ ﻳﻀﺒﻂ ﻧﻔﺴﻪ ﻣﻦ ﺍﻟﻀﺤﻚ
ﻭﺟﺮﺍﺡ ﻣﺴﺘﻐﺮﺏ ﻣﻨﻬﺎ ..
ﺟﺮﺍﺡ : ﺷﻔﻴﻬﺎ ﺫﻱ؟
ﻣﺴﺎﻋﺪ ﻭﻫﻮ ﻳﺮﺑﺖ ﻋﻠﻰ ﺟﺘﻒ ﺟﺮﺍﺡ : ﺳﻮﺍﻟﻒ ﺣﺮﻳﻢ .. ﺑﻌﺪﻙ ﺻﻐﻴــﺮ
ﻋﻠﻴﻬﺎ ..
ﻭﻣﻦ ﻗﺎﻝ ﻣﺴﺎﻋﺪ ﻫﺎﻟﺠﻤﻠﺔ ﻟﺠﺮﺍﺡ .. ﺣﺲ ﺍﻟﺜﺎﻧﻲ ﺍﻧﻬﺎ ﺍﻟﻔﺘﻴﻠﺔ ﺍﻟﻠﻲ
ﺑﺘﻔﺠﺮ ﺍﻟﻘﻨﺒﻠﺔ ﺍﻟﻠﻲ ﻓﻴﻪ .. ﻟﻜﻦ ﻣﻮ ﺍﻟﺤﻴــﻦ .. ﺑﻴﻘﻌﺪ ﻳﺎﺧﺬ ﻭﻳﻌﻄﻲ
ﻭﻳﺎﻩ ﺑﺎﻟﻜﻼﻡ ﻟﻤﻦ ﻳﻜﻤــﻞ .. ﻭﻫﻨﻲ ﺑﻴﻌﺮﻑ ﺃﺣﺴﺎﺱ ﻣﺴﺎﻋﺪ ﺗﺠﺎﻩ
ﻭﺍﺣﺪ ﻣﺜﻠﻪ ﺍﺫﺍ ﺭﺍﺡ ﻭﺗﻘﺪﻡ ﺑﻤﺜﻞ ﻫﺎﻟﻌﻤﺮ ﻭﻣﺜﻞ ﻫﺎﻟﺸﻐﻼﻧﺔ ..
---------------------------
ﻛﺎﻧﺖ ﺍﻟﺴﺎﻋﺔ ﺳﺒﻊ ﻭﺧﺎﻟﺪ ﺗﻮﻩ ﺭﺍﺟﻊ ﺍﻟﺒﻴﺖ .. ﻣﺘﻬﺎﻟﻚ ﻣﻦ ﺍﻟﺘﻌﺐ ..
ﻭﻋﻴﻮﻧﻪ ﻣﺎﻳﺸﻮﻑ ﻣﻨﻬﺎ ﺯﻳﻦ ﻭﺍﻟﺤﻤﺪ ﻟﻠﻪ ﺍﻧﻪ ﻭﺻﻞ ﺍﻟﺒﻴﺖ ﻋﻠﻰ ﺧﻴﺮ
ﻭﺳﻼﻣﺔ .. ﻭﻗﻒ ﺍﻟﺴﻴﺎﺭﺓ ﻋﻠﻰ ﺍﻟﺒﺎﺏ ﻭﻇﻞ ﻓﻴﻬﺎ ﺷﻮﻱ .. ﺳﻨﺪ ﺭﺍﺳﻪ
ﻟﻠﻜﺮﺳﻲ
ﻭﻫﻮﻭ ﻳﺘﻨﻬﺪ ﺑﻌﻤﻖ .. ﻳﺤﺲ ﺑﺎﻟﻴﻮﻉ ﻟﻜﻨﻪ ﺍﺗﻌﺐ ﻣﻦ ﺍﻧﻪ ﻳﺮﻭﺡ ﻭﻳﺎﻛﻞ
ﻟﻪ ﺷﻲ .. ﺑﻴﻈﻞ ﻓﻲ ﺍﻟﺴﻴﺎﺭﺓ ﺷﻮﻱ ﻭﺑﻌﺪﻳﻦ ﺑﻴﺪﺧﻞ ...
ﺑﺎﻟﺼﺪﻓﺔ ﺳﻤﺎﺀ ﻛﺎﻧﺖ ﻃﺎﻟﻌﺔ ﻣﻦ ﺍﻟﺒﻴﺖ ﺣﺎﻣﻠﺔ ﻃﺒﻌﺎ ﺣﻼﺍﺍﻭﻩ ﺗﺴﻮﻳﻪ
ﺍﻟﺨﺪﺍﻣﺔ ﻭﻳﻌﺠﺒﻬﺎ ﻭﺍﻳﺪ .. ﻭﻓﻜﺮﺕ ﺍﻥ ﺭﺍﺡ ﻳﻜﻮﻥ ﺑﺎﺩﺭﺓ ﻃﻴﺒﺔ ﻣﻨﻬﺎ
ﺍﻧﻬﺎ ﺍﺗﻴﻴﺐ ﺷﻲ ﻭﻳﺎﻫﺎ ﻟﺒﻴﺖ ﺧﺎﻟﺘﻬﺎ .. ﻭﻣﺜﻞ ﻟﻴﻠﺔ ﺍﻟﺤﺘﻔﺎﻻﺕ ﺍﻟﻤﺰﺩﺍﻧﺔ
ﺑﺎﻻﻟﻌﺎﺏ ﺍﻟﻨﺎﺭﻳﺔ ﻛﺎﻥ ﻭﻳﻬﻬﺎ ﻳﻮﻡ ﺷﺎﻓﺖ ﺧﺎﻟﺪ .. ﻣﻊ ﺍﻧﻪ ﻣﺎ ﻳﺒﻴﻦ ﻣﻦ
ﺩﺍﺧﻞ ﺍﻟﺴﻴﺎﺭﺓ .. ﻭﺭﺍﺣﺖ ﻟﻌﻨﺪﻫﺎ ﻳﻤﻜﻦ ﺗﺸﻮﻓﻪ ﺑﺼﻮﺭﺓ ﺍﻭﺿﺢ ..
ﻭﺍﻭﻝ ﻣﺎ ﺗﻘﺮﺑﺖ ﻣﺎ ﺷﺎﻓﺘﻪ ﻣﻦ ﺩﺍﺧﻞ ﺍﻟﺴﻴﺎﺭﺓ ﻻﻧﻪ ﻃﻠﻊ ..
ﻭﻗﻒ ﺟﺪﺍﻣﻬﺎ ﻭﻫﻮ ﻣﺒﺘﺴﻢ ﺑﺘﻌﺐ ﻭﻳﻨﺎﻇﺮﻫﺎ ﺑﺮﺍﺣﺔ .. ﻭﺍﻫﻲ ﺑﺎﻟﻤﺜﻞ ..
ﺳﻤﺎﺀ : ﻋﺎﺵ ﻣﻦ ﺷﺎﻓﻚ ..
ﺧﺎﻟﺪ : ﻋﺎﺷﺖ ﺍﻳﺎﻣﺞ ..
ﺳﻤﺎﺀ ﻭﻫﻲ ﺗﺘﺪﻟﻞ ﻋﻠﻴﻪ ..: ﻣﻊ ﺍﻧﻲ ﻻﺯﻡ ﺍﻛﻮﻥ ﻣﻌﺼﺒﺔ .. ﻭﺍﻟﻌﺠﺮﺓ
ﺑﻴﺪﻱ ﻭﺍﺿﺮﺏ ﺭﺍﺳﻚ ﺑﻬﺎ ﻋﻠﻰ ﻗﻠﺔ ﺍﻟﺸﻮﻓﺎﺕ ﻣﻨﻚ .. ﻟﻜﻦ ﺑﻌﺪ ..
(ﺍﺑﺘﺴﻤﺖ ) ﺍﻗﻮﻝ ﻋﺎﺵ ﻣﻦ ﺷﺎﻓﻚ ...
ﺧﺎﻟﺪ : ﻫﻬﻬﻬﻬﻪ .. ﺍﻟﻌﺠﺮﺓ ﻣﺮﺓ ﻭﺣﺪﺓ .. ﺷﻌﻨﺪﻫﺎ ﻣﺮﺕ ﺍﻟﻜﻬﻒ ..
ﻭﺷﺤﺎﻣﻠﻪ ﺑﻴﺪﺝ؟؟ ( ﺑﻤﻜﺮ ) ﻋﺸﺎﻱ؟
ﺳﻤﺎﺀ ﻭﻫﻲ ﻣﺤﺮﺟﺔ ﻭﻟﻜﻦ ﻣﺘﺪﺍﺭﻛﺔ ﻧﻔﺴﻬﺎ : ﻭﻳﻴﻲ ﻻ ﺗﻄﺮﻱ ﻧﻔﺴﻚ ..
ﻫﺬﺍ ﺣﻼﻭﻭﻭ ﻟﺨﺎﻟﺘﻲ .. ﻟﻴﺶ ﻣﻄﺒﺦ ﺍﻻﺑﺮﺍﺝ ﺍﻟﻠﻲ ﺍﺳﻮﻱ ﻟﻚ ﻋﺸﺎﺍﻙ
ﻭﺍﻳﻴﺒﻪ
ﻟﻚ .. ﺍﻟﻠﻠﻲ ﻳﻴﺖ ﻣﻦ ﻋﻨﺪﻫﻢ ﺍﻛﻴﺪ ﻭﻛﻠﻮﻭﻭﻙ .. ﻭﺍﻟﻈﺎﻫﺮ ﺍﻥ ﺍﻛﻠﻬﻢ
ﺍﻃﻴﺐ ﻣﻨﺎ ﻣﻦ ﺟﺬﻱ ﻻﺯﻕ ﻓﻴﻬﻢ
ﺧﺎﻟﺪ : ﺑﻞ ﺑﻞ ﺑﻞ ﻋﻠﻴﻴﻴﻴﻴﻴﺞ ... ﻟﺴﺎﻥ ﻭﺣﺪﺓ ﻫﺬﺍ ﺍﻟﻠﻲ ﻋﻨﺪﺝ ﻭﻻ
ﻋﺸﺮ ..
ﺳﻤﺎﺀ ﻭﻫﻲ ﺗﺤﺲ ﺑﺎﻟﻈﻴﻴﻴﺞ ﻓﺠﺄﺓ .. ﻭﻛﺎﻧﻪ ﺗﻮﻭﻫﺎ ﻭﺍﻋﻴﺔ ﻋﻠﻰ ﻓﺮﺍﻕ
ﺧﺎﻟﺪ ﺍﻟﻄﻮﻳﻞ ..: ﻫﺬﺍ ﻣﻮ ﻟﺴﺎﻧﻲ ﺍﻟﻠﻲ ﻳﺘﻜﻠﻢ .. ﻫﺬﺍ ﺍﻟﻌﻘﻞ ﻭﺷﻜﺜﺮ ﻣﺎ
ﺗﺤﻤﻞ ﻣﻦ ﺍﻟﻔﺮﺍﻕ .. ﻭﺍﻟﻘﻠﺐ .. ﻻ ﺗﺴﺄﻝ ﻋﻨﻪ ﺗﺮﺍﻩ ﻓﻲ ﺍﻟﻌﻦ ﺍﺣﻮﺍﻟﻪ
ﺧﺎﻟﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﻭﺗﻌﺮﻓﻴﻦ ﺗﺘﻜﻠﻤﻴﻦ .. ﻫﺎﺗﻲ ﻫﺎﺗﻲ
ﺍﻟﻠﻲ ﻓﻲ ﻳﺪﺝ ﺧﻠﻴﻨﺎ ﻧﺬﻭﻭﻭﻗﻪ ..
ﻭﺑﻄﻮﺍﻋﻴﺔ ﺭﺍﺣﺖ ﻟﻌﻨﺪﻩ ﻭﻫﻲ ﺗﺤﻤﻞ ﺍﻟﺼﺤﻦ ﺑﺤﻔﺎﻭﺓ ... ﺗﻜﻔﻞ ﺍﻫﻮ
ﺑﻤﻬﻤﺔ ﻓﺞ ﺍﻟﻐﻄﺎ ﻋﻦ ﺍﻟﺼﺤﻦ ﻭﺗﻢ ﻳﻨﺎﻇﺮ ﺍﻷﻛﻞ ﺑﺸﻬﻴﺔ ..
ﺧﺎﻟﺪ : ﻣﻦ ﻣﺴﻮﻳﻪ؟
ﺳﻤﺎﺀ ﺑﺠﺬﺏ ﺳﺮﻳﻊ : ﺁﻧﺎ ..
ﻳﻨﺎﻇﺮﻫﺎ ﺑﻌﻴﻦ ﻭﺣﺪﺓ : ﻋﻴﻨﻲ ﺑﻌﻴﻨﺞ ..
ﺳﻤﺎﺀ : ﻫﻬﻬﻬﻬﻬﻬﻬﻬﻬﻬﻬﻬﻪ ﺍﻧﺎ ﺍﻟﻠﻲ ﺳﻮﻳﺘﻪ .. ﺣﻄﺘﻪ ﺑﺎﻟﺼﺤﻦ ﻭﻏﻠﻔﺘﻪ ..
ﺧﺎﻟﺪ : ﺁﻫﺎﺍﺍﺍ .. ﻭﺟﺬﻱ ﺻﺎﺭ؟؟؟
ﺳﻤﺎﺀ ﺑﻤﺮﺡ ﻃﻔﻮﻟﻲ ..: ﺍﻫﻤﻤﻤﻢ ..
ﺧﺎﻟﺪ : ﻫﻬﻬﻬﻬﻬﻬﻬﻬﻬﻬﻬﻬﻪ ﻭﻳﺎ ﻫﺎﻟﻮﻳﻪ .. ﺗﺪﺭﻳﻦ ﺍﻥ ﺭﺍﺳﺞ ﺟﻨﻪ ﺭﺍﺱ
ﺑﺼﻞ؟؟
ﺿﺤﻜﺖ : ﻭﺍﻧﺖ ﺭﺍﺳﻚ ﺟﻨﻪ ﻣﺴﻤﺎﺍﺍﺭ ..
ﺧﺎﻟﺪ : ﻳﺤﺼﻞ ﻟﺞ ﻫﺎﻟﺮﺍﺱ ﺍﻧﺘﻲ ﺍﻭﻝ؟؟
ﺳﻤﺎﺀ ﺑﻜﺪﺭ : ﺍﻧﺰﻳﻦ ﺍﻧﺖ ﺗﻄﻨﺰﺕ ﻋﻠﻲ ﺧﻠﻨﻲ ﺍﺗﻄﻨﺰ ﻋﻠﻴﻚ
ﺧﺎﻟﺪ ﻭﻫﻮ ﻣﺸﻐﻮﻝ ﺑﺎﻷﻛﻞ :ﺍﻧﺘﻲ ﻭﻳﻪ ﺍﻟﺘﻄﻨﺰ ﺍﻭﻝ؟؟؟
ﺗﺼﺎﻋﺪﺕ ﺍﻧﻔﺎﺱ ﺳﻤﺎﺀ ﺑﻜﺪﺭ ﻭﻏﻴــﺾ .. ..: ﻳﻌﻨﻲ ﺍﻧﺖ ﺍﻟﻠﻲ ﻭﻳﻬﻪ ..
ﻋﺮﻑ ﺍﻧﻬﺎ ﺑﺪﺕ ﺗﻌﺼــﺐ ﻭﻣﻦ ﺯﻣﺎﻥ ﻣﺎ ﺧﻼﻫﺎ ﺗﻌﺎﻧﻲ ﻭﻳﺎﻩ ..:. ﻳﺎﻟﻪ
ﺟﺐ ﺟﺐ .. ﻣﺎ ﻓﻴﺞ ﺧﻴﺮ ﺍﻻ ﻫﺎﻟﻠﺴﺎﻥ ﺟﺎﻫﺰ ﻟﻠﺘﺼﺪﻳﺮ .. ﻳﻼ .. ﺑﻨﺎﺕ
ﺁﺧﺮ ﺯﻣﻦ ..
ﺗﺮﻛﺖ ﺍﻟﺼﺤﻦ ﺑﻴﺪﻩ .. ﻭﻫﻲ ﻣﻐﺘــﺎﺿﺔ ﻋﻠﻴﻪ .. ﻫﺬﻱ ﻫﻲ ﺳﻤﺎﺀ ﻓﻲ
ﺑﺎﻝ ﺧﺎﻟﺪ .. ﻣﺎ ﺗﺘﻐﻴــﺮ . ﻭﻳﺎ ﺣﻠﻮﻫﺎ ﻟﻮ ﺗﻈﻞ ﻣﺜﻞ ﻣﺎ ﺍﻫﻲ ﻣﺎ ﺗﺘﻐﻴــﺮ ..
ﻭﺭﺟﻌﺖ ﻟﻠﺒﻴﺖ ﻭﻫﻮ ﻣﺎ ﺣﺎﻭﻝ ﻳﻮﻗﻔﻬﺎ ﻻﻧﻪ ﻳﻌﺮﻑ ﺑﻌﺪ ﻇﺮﻑ ﺧﻤﺲ
ﺩﻗﺎﻳﻖ ﺑﺘﺮﺩ ﺍﻟﺒﻴﺖ ..
ﺍﻭﻝ ﻣﺎ ﺩﺧﻠﺖ ﺳﻤﺎﺀ ﺍﻟﺒﻴﺖ ﻛﺎﻧﺖ ﺭﺍﻳﺤﺔ ﻟﺪﺍﺭﻫﺎ ﻛﻜﻞ ﻣﺮﺓ ﻣﻦ ﻏﻴﺮ
ﺍﻱ ﺗﻜﻠﻴﻒ ﺑﻨﻔﺴﻬﺎ .. ﺍﻻ ﺑﺰﻣﺠﺮﺓ ﺻﻮﺕ ﺍﺑﻮﻫﺎ ﻓﻲ ﺍﻟﺒﻴﺖ ﻣﻨﺎﺩﻳﺔ ..
ﺍﻟﺘﻔﺘﺖ ﻟﻘﺘﻬﻢ ﺍﻟﺜﻼﺛﺔ ﻗﺎﻋﺪﻳﻦ ﻣﻜﺎﻧﻬﻢ .. ﻣﺸﻌﻞ ﻭﻫﻮ ﻣﻨﺰﻝ ﻋﻴﻮﻧﻪ
ﻭﻋﺎﻗﺪ ﻳﺪﻳﻨﻪ ﻋﻠﻰ ﺭﻛﺒﺘﻴﻪ .. ﺳﻠﻮﻯ ﻭﻫﻲ ﺣﺎﻃﺔ ﺭﻳﻞ ﻋﻠﻰ ﻳﻞ
ﻭﻧﻈﺮﺍﺕ ﺍﻻﻧﺘﺼﺎﺭ ﺗﺒﺮﻕ ﺑﻌﻴﻮﻧﻬﺎ .. ﻭﺍﺑﻮﻫﺎ ﺍﻟﻠﻲ ﻛﺎﻥ ﻣﺘﻮﻛﻞ ﻋﻠﻰ
ﺍﻟﻜﺮﺳﻲ ﻭﺷﻮﻱ ﺷﻮﻱ ﻳﺮﺟﻊ ﻟﻈﻬﺮ ﺍﻟﻜﺮﺳﻲ ﻭﻳﺮﻳﺢ ﻧﻔﺴﻪ ..
ﺳﻤﺎﺀ ﻭﻫﻲ ﺗﺘﺠﺪﻡ ﻟﻬﻢ : ﻧﻌﻢ ﻳﺒﺎ .. ﺑﻐﻴﺖ ﺷﻲ؟
ﺍﺑﻮ ﻣﺸﻌﻞ : ﺍﻧﺘﻲ ﻭﻳﻨﺞ ﻳﺒﺎ ﻣﻦ ﺯﻣــــــﺎﻥ ﻋﻬﺪﻱ ﻋﻨﺞ ﺗﻘﻌﺪﻳﻦ
ﻭﻳﺎﻧﺎ؟؟ ﺧﻼﺹ ﻣﺎ ﺗﺒﻴﻨﺎ؟؟
ﺳﻤﺎﺀ ﻭﻫﻲ ﺗﻤﺸﻲ ﺻﻮﺏ ﺍﺑﻮﻫﺎ ﻃﻮﺍﻋﻴﺎ ﻣﻊ ﺍﻧﻬﺎ ﻣﺘﻈﺎﻳﻘﺔ ﻣﻦ ﺧﺎﻟﺪ
.. ﻭﻟﻜﻦ ﻫﺎﻟﻈﻴﻖ ﺍﺣﻠﻰ ﻣﺎ ﻋﻨﺪﻫﺎ :.. ﺣﺎﺷﺎ ﻭﺍﻟﻠﻪ .. ﺷﻮﻓﺘﻚ ﻳﺎﻭﻳﻪ
ﺍﻟﺨﻴـﺮ ﺍﺣﺴﻦ ﺷﻲ ﺑﺤﻴﺎﺗﻲ ..
ﺭﻓﻊ ﻋﻴﻮﻧﻪ ﻣﺸﻌﻞ ﺑﻌﺬﺍﺏ ﻭﺍﺿﺢ .. ﻭﺳﻤﺎﺀ ﻣﻦ ﺷﺎﻓﺘﻪ ﺣﺴﺖ ﺍﻥ
ﻭﺭﻯ ﻫﺪﻭﺀ ﺣﺮﻣﺔ ﺍﺑﻮﻫﺎ ﻭﻧﺪﺍﺀ ﺍﺑﻮﻫﺎ ﺷﻲ .. ﻭﺷﻲ ﺟﺎﻳﺪ ﺑﻌﺪ ..
ﺳﻤﺎﺀ : ﺷﻔﻴﻜﻢ ﻣﺘﺠﻤﻌﻴﻦ ﺍﻟﻴﻮﻡ؟؟ ﺷﻲ ﺻﺎﻳﺮ ﻭﺍﻧﺎ ﻣﺎﺩﺭﻱ ..
ﺳﻠﻮﻯ ..: ﺷﻲ ﺻﺎﻳﺮ .. ﻟﻜﻦ ﻟﻤﺼﻠﺤﺘﺞ
ﺳﻤﺎﺀ ﻭﻫﻲ ﺗﻨﺎﻇﺮ ﺳﻠﻮﻯ ﻣﻦ ﻓﻮﻕ ﻟﺘﺤﺖ .. ﺍﺫﺍ ﺍﻟﺸﻲ ﻃﺎﻟﻊ ﻣﻨﻬﺎ
ﻓﻤﻌﻨﺎﺗﻪ ﺍﻧﻪ ﻣﻮ ﻟﺼﺎﻟﺤﻲ : ﺷﻬﺎﻟﺸﻲ ﻳﺒﺎﺍ ..
ﺑﻮ ﻣﺸﻌﻞ ﻭﻫﻮ ﻳﺘﻘﺮﺏ ﻣﻦ ﺑﻨﺘﻪ ﺷﻮﻱ ..:. ﻳﺎ ﺑﻨﺘﻲ .. ﻫﺎﻟﻤﻮﺿﻮﻉ ..
ﺍﻧﺎ ﺷﺨﺼﻴﺎ ﻓﻜﺮﺕ ﻓﻴﻪ ﻭﺍﻳﺪ .. ﻭﻣﺎ ﻳﻴﺖ ﺑﻌﻠﻤﺞ ﻋﻨﻪ ﺍﻻ ﺑﻌﺪ ﻣﺎ
ﺗﺄﻛﺪﺕ ﻣﻠﻴﻮﻥ ﺑﺎﻻﻣﻴﺔ ﺑﺼﺤﺘﻪ ..
ﺳﻤﺎﺀ ﻭﻫﻲ ﻣﻨﻜﻤﺸﺔ ﻋﻠﻰ ﻧﻔﺴﻬﺎ ﻭﻳﺪﻳﻨﻬﺎ ﻻﺯﻗﺎﺕ ﺑﺤﺠﺮﻫﺎ ..ﻋﺎﻧﻘﺖ
ﻋﻴﻮﻥ ﻣﺸﻌﻞ ﻟﺪﻗﻴﻘﺔ ﻭﻣﺎ ﻋﺠﺒﻬﺎ ﺍﻟﻠﻲ ﺷﺎﻓﺘﻪ ﻓﻴﻬﺎ .. ﻭﺭﺩﺕ
ﻻﺑﻮﻫﺎ ..:.. ﺷﺼﺎﻳﺮ؟
ﺑﻮ ﻣﺸﻌﻞ ..: ﻳﺒﺎ ﺳﻤﺎﺀ .. ﺍﻧﺎ ﻗﺮﺭﺕ .. ﺍﻧﻲ ﺍﺩﺯﺝ ﻣﺪﺭﺳﺔ ﺧﺎﺻﺔ
ﺩﺍﺧﻠﻴﺔ ﻓﻲ ﺍﻣﻴــﺮﻛﺎ .. ﺗﺮﺩﻳﻦ ﻣﻨﻬﺎ ﺣﺮﻣــﺔ ﺳﻨﻌﺔ ﻓﺎﻫﻤﺔ ﻟﻠﺪﻧﻴﺎ ﻣﻘﻮﻳﺔ
ﺩﺭﺍﺳﺘﺞ ... ﺍﻟﺴﺎﻟﻔﺔ ﻣﺎ ﺑﺘﺎﺧﺬ ﻣﻨﺞ ..
ﻗﻄﻌﺘﻪ ﺳﻤﺎﺀ ﻭﻫﻲ ﻭﺍﻗﻔﺔ ﺑﻮﻳﻬﻪ ﻣﻐﺒــﺮ ..: ﺍﻧﺖ ﺍﻛﻴﺪ ﻳﻨﻴﺖ ...
ﻧﺎﻇﺮﻫﺎ ﺑﻐﻴﺮ ﺗﺼﺪﻳﻖ ...: ﺳﻤﺎﺀ ﺣﺸﻤﻲ ....
ﺳﻤﺎﺀ ﻭﻫﻲ ﺗﺮﺗﻌﺶ ﻣﻦ ﺍﻟﺸﻲ ..: ﻣﺴﺘﺤﻴﻞ ﺍﻧﺖ ﺍﻟﻠﻲ _ ﻫﺬﻱ ﺍﻫﻲ ﻣﺎ
ﻏﻴﺮﻫﺎ .... ﺣﺮﻣﺘﻚ ﺍﻟﻠﻲ ﻓﻜﺮﺕ ﺑﻬﺎﻟﻤﻮﺿﻮﻉ ..
ﺗﻢ ﻳﻄﺎﻟﻌﻬﺎ ﺑﻌﻴﻮﻥ ﻣﻌﺼﺒﺔ ﻭﻟﻜﻦ ﺑﻬﺪﻭﺀ ﻳﻨﻄﻖ : ﻫﺬﻱ ﺃﻣﺞ ..
ﺳﻤﺎﺀ ﻭﻫﻲ ﺗﺮﻓﻊ ﺻﻮﺗﻬﺎ ﻋﻨﺪ ﻧﻘﺎﻁ ﺑﺎﻟﻜﻼﻡ : ﺣﺸﻰ ﻋﻠﻴــــﻬﺎ ﻫﺬﻱ
ﺃﻣﻲ .. ﻻ ﺗﺸﺒﻬﻬﺎ ﻭﻻ ﻟﻠﺤﻈﺔ ﺑﺄﻣﻲ ..
ﻣﺸﻌﻞ : ﺳﻤﺎﺀ ﻋﻴﺐ ..
ﺳﻤﺎﺀ ﻭﻫﻲ ﺗﺼﺮﺥ ﻭﺗﺄﺷﺮ ﻋﻠﻰ ﻣﺸﻌﻞ : ﺍﻧﺖ ﺍﺳﻜﺖ ... ( ﺑﻐﻴﺮ ﺗﺼﺪﻳﻖ
ﺗﻨﺎﻇﺮﻩ ﻭﻫﻲ ﻋﺎﻗﺪﺓ ﺣﻮﺍﺟﺒﻬﺎ ) ﺍﻧﺖ ﺍﻟﻠﻲ ﻇﻨﻴﺘﻚ ﺍﺧﻮﻱ ... ﻭﺣﺴﺒﺘﻚ
ﺑﺘﺤﻤﻴﻨﻲ .. ﺍﺧﺮﺗﻬﺎ ﺭﺣﺖ ﻻﻣﻚ .. ﻭﺧﻠﻴﺘﻨﻲ ﺑﺮﻭﺣﻲ
ﻣﺸﻌﻞ : ﺷﻬﺎﻟﺤﺠﻲ ﺳﻤﺎﺀ ﺍﻧﺎ ﺑﻌﺪﻧﻲ ﺃﺧﻮﺝ ﻭﻻ ﺍﻧﺘﻲ ﻧﺎﺳﻴﺔ ..
ﻭﻻ ﻛﺎﻧﻬﺎ ﺗﺴﻤﻊ ﻟﻜﻼﻣﻬﻢ : ﻻ ﺗﻈﻨﻮﻥ ﺍﻥ ﻣﺎ ﻭﺭﺍﻱ ﺃﻫﻞ ... ﻭﺍﻧﺘﻮﻭﻭ ﻣﻮ
ﺍﻟﺴﻠﻄﺔ ﻋﻠﻲ ... ﺍﻧﺎ ﻭﺭﺍﻱ ﻧﺎﺱ ﻳﺤﺎﻣﻮﻥ ﻋﻨﻲ ﻭﻣﺎ ﻳﺮﺿﻮﻥ ﻋﻠﻲ ...
ﺳﻠﻮﻯ ﺑﺎﺣﺘﻘﺎﺭ : ﻭﻣﻦ ﻫﺎﻷﻫﻞ ..؟؟؟ ﺍﻡ ﺟﺮﺍﺡ ﻭﻣﻌﺎﻭﻳﻨﻬﺎ ..
ﺳﻤﺎﺀ ﻭﻫﻲ ﺗﻤﺴﻚ ﺻﺪﺭﻫﺎ ﻣﻦ ﺍﻷﻟﻢ ﺍﻟﻤﺘﺼﺎﻋﺪ .. ﻏﺮﺑﺔ .. ﻭﺣﺸﺔ ..
ﻋﺬﺍﺏ ..
ﻭﺣﺪﺓ ﺍﺑﺪﻳﺔ ﺗﻌﺎﻧﻲ ﻣﻨﻬﺎ .. ﻣﺎ ﺗﺪﺭﻱ .. ﻟﻜﻨﻪ ﺷﻲ ﻳﻤﺮ ﻓﻲ ﺣﻠﻘﻬﺎ ﺍﻣﺮﺭﺭ
ﻣﻦ ﺍﻱ ﻋﺬﺍﺏ ﻋﺎﺷﺘﻪ :.. ﻏﺴﻠﻲ ﺣﻠﺠﺞ ﻻ ﻳﺒﺘﻲ ﻃﺎﺭﻳﻬﺎ ﻣﺮﺓ ﺛﺎﻧﻴﺔ ..
ﺍﻡ ﺟﺮﺍﺡ ﻫﺬﻱ ﻋﻄﺘﻨﻲ ﺑﻈﺮﻑ ﻗﺼﻴﺮ ﺍﻟﻠﻲ ﺍﻧﺘﻲ ﻭﻻ ﺍﺑﻮﻱ ﻋﻄﻴﺘﻮﻧﻲ
ﺍﻳﺎﻩ ﺑﻄﻮﻝ ﻋﻤﺮﻛﻢ
ﺑﻮ ﻣﺸﻌﻞ ﺍﻟﻠﻲ ﺧﻼﺹ ﻋﺼﺐ : ﺷﻠﻲ ﻣﺎ ﻋﻄﻴﻨﺎﺝ ﺍﻳﺎﻩ ﺑﺎﻟﻀﺒﻂ؟؟
ﺍﺣﻨﺎ ﺍﻟﻠﻲ ﻣﺎ ﻋﻄﻴﻨﺎﺝ ﻭﺍﻻ ﺍﻧﺘﻲ ﺍﻟﻠﻲ ﻣﺎ ﻗﺒﻠﺘﻲ ﺷﻲ ﻣﻨﺎ ﻭﻻ ﻓﺮﺻﺔ
ﺣﺘﻰ ﺍﻧﺞ ﺗﻘﺒﻠﻴﻨﺎ ..؟؟
ﺳﻤﺎﺀ ﻭﻫﻲ ﺗﺬﺭﻑ ﺍﻭﻝ ﺩﻣﻌﺔ ﻣﻦ ﺳﻴﻞ ﺩﻣﻌﺎﺕ ﻣﺘﻼﺣﻘﺔ ..: ﺍﻧﺖ ﻟﻮ
ﺗﺤﺒﻨﻲ ... ﻣﺎ ﻗﻠﺖ ﻟﻲ ﺍﻟﻠﻲ ﻗﻠﺘﻪ
ﺑﻮ ﻣﺸﻌﻞ ﻭﻫﻮ ﻳﻬﺪﻱ ﻓﻲ ﻗﻠﺒﻬﺎ ﺍﻟﻤﺮﻭﻉ : ﻳﺎ ﻳﺒﺎ ﺍﻟﻤﻜﺎﻥ ﻳﺼﻠﺢ ﻟﺞ ..
ﻭﺍﻧﺘﻲ ﺩﻭﻣﺞ ﺗﺘﺸﻜﻴﻦ ﻣﻦ ﺍﻟﻤﻠﻞ .. ﻫﺎﻟﻤﻜﺎﻥ ﻣﺎ ﺑﻴﻤﻠﻠﺞ
ﺳﻤﺎﺀ ﻭﻫﻲ ﺗﺘﻘﺮﺏ ﻣﻦ ﺍﺑﻮﻫﺎ ﻭﺗﻤﺴﻚ ﺫﺭﺍﻋﻴﻨﻬﺎ : ﻳﺒﺎ ﺧﻼﺹ ﺍﻧﺎ ﻣﻮ
ﻣﻼﻧﺔ ﻣﻦ ﺷﻲ ﺻﺪﻗﻨﻲ .. ﻣﺎﺑﻲ ﺍﺭﻭﺡ ﻫﻨﺎﻙ .. ﺗﻜﻔﻰ ﻳﺒﺎ ... ( ﺗﺤﻈﻦ
ﺍﺑﻮﻫﺎ ﻭﻫﻲ
ﺗﻨﺸﺪ ﺍﻻﻣﺎﻥ ) ﺗﻜﻔﻰ ﻳﺒﺎ .. ﺍﺑﻮﺱ ﻳﺪﻙ ﻻ ﺗﺒﻌﺪﻧﻲ ﻋﻨﻜﻢ ..
ﺳﻠﻮﻯ ﻭﻫﻲ ﺗﺤﺲ ﺍﻥ ﻣﻮﻗﻔﻬﺎ ﺑﺨﻄﺮ ..:.. ﺍﺣﻨﺎ ﻣﺎ ﻧﺒﻌﺪﺝ ﻳﺎ ﻳﻤﺔ
ﺍﺣﻨﺎ ﻧﺒﻲ ﻣﺼﻠﺤﺘﺞ
ﺍﻧﺘﻔﻀﺖ ﺳﻤﺎﺀ ﻣﻦ ﺣﻈﻦ ﺍﺑﻮﻫﺎ ﻭﻛﺎﻥ ﻫﺎﻟﺤﻴﺔ ﺍﻟﺴﺎﻣﺔ ﻋﻠﻰ ﻭﺷﻚ
ﺍﻧﻬﺎ ﺗﺄﺫﻳﻬﺎ :.. ﺑﻌﺪﻱ ﻋﻨﻲ .. ﺍﻧﺘﻲ ﻭﺍﻓﻜﺎﺭﺝ ﺑﻤﺼﻠﺤﺘﻲ .. ﺍﻧﺎ ﻋﺮﻓﺘﻠﻬﺎ
ﻗﺒﻞ ﻻ ﺗﻴﻴﻦ ﺍﻧﺘﻲ ﺗﻘﻮﻟﻴﻨﻬﺎ ﻟﻲ ..
ﺳﻠﻮﻯ ﺍﻟﻠﻲ ﺧﻼﺹ ﺣﺴﺖ ﺍﻧﻬﺎ ﻭﺻﻠﺖ ﻟﻠﻲ ﺗﺒﻴﻪ ..: ﻭﻭﻳﻦ ﻣﺼﻠﺤﺘﺞ
ﻫﺬﻱ ﻳﺎ ﺳﻤﺎﺀ؟؟ ﻃﻠﻌﺎﺕ ﻧﺺ ﺍﻟﻠﻴﻞ ﻟﺒﻴﺖ ﺍﻡ ﺟﺮﺍﺡ ﺍﻟﻠﻲ ﺍﻟﻠﻪ
ﻳﻌﻠـــــﻢ ﺍﺳﺒﺎﺑﻬﺎ؟؟ ﻭﻻ ﻫﺬﺍﻙ ﺍﻟﺼﺒﻲ ﺍﻟﻠﻲ ﻣﻦ ﺷﻮﻱ ﻛﻨﺘﻲ ﻭﺍﻗﻔﺔ
ﻭﻳﺎﻩ ..
ﻧﻈﺮﺍﺕ ﺑﻮ ﻣﺸﻌﻞ ﻭﻣﺸﻌﻞ ﻛﺎﻧﺖ ﺗﺠﺮﻱ ﺑﻴﻦ ﻋﻴﻮﻥ ﺳﻤﺎﺀ ﺍﻟﻤﺘﻌﺬﺑﺔ
ﻭﺍﻧﻔﺎﺳﻬﺎ ﺍﻟﻠﻲ ﻣﻦ ﺷﺪﺓ ﺻﻌﻮﺑﺘﻬﺎ ﺑﺪﺕ ﺗﺼﺪﺭ ﺍﻧﻴﻦ ﻣﺮﻳــﺮ .. ﻭﺑﻴﻦ
ﻋﻴﻮﻥ ﺳﻠﻮﻯ ﺍﻟﻠﻲ
ﺗﺤﻘﻖ ﺍﻧﺘﺼﺎﺭ ﺗﻠﻮ ﺍﻻﻧﺘﺼﺎﺭ ﻓﻲ ﺳﻤﺎﺀ .. ﻳﻮﻡ ﺭﺩ ﺍﻻﻋﺘﺒﺎﺭ ﻳﺎﺍﺍﺍ ﻳﺎ
ﺳﻤﺎﺀ .. ﺍﻳﺎﻣﺞ ﺍﻟﻲ ﺗﺼﺮﺧﻴﻦ ﻓﻴﻬﺎ ﻋﻠﻲ ﺍﻧﺘﻬﺖ ..
ﻣﺸﻌﻞ ﺑﺤﻤﻴﺘﻪ : ﻣﻦ ﻫﺬﺍ ﺍﻟﺼﺒﻲ ﺍﻟﻠﻲ ﺗﻮﻗﻔﻴﻦ ﻭﻳﺎﻩ؟؟؟
ﺳﻤﺎﺀ ﻭﻫﻲ ﻋﺎﺟﺰﺓ ﻋﻦ ﺍﻟﻜﻼﻡ .. ﻣﻮ ﻻﻧﻬﺎ ﺍﻧﺠﻜﺖ ﻭﻟﻜﻦ .. ﺍﻥ ﻛﻞ ﺷﻲ
ﻃﻠﻊ ﻓﻲ ﻭﻳﻬﻬﺎ ﻣﺮﺓ ﻭﺣﺪﺓ ..
ﺻﺮﺥ ﻣﺸﻌﻞ : ﻣﻦ ﺃﻫﻮﻭ؟؟
ﺑﻮ ﻣﺸﻌﻞ : ﻫﺪﻱ ﺭﻭﺣﻚ .. ( ﻳﻜﻠﻢ ﺳﻤﺎﺀ ) ﻫﺬﻱ ﻣﺼﻠﺤﺘﺞ ﺍﻟﻠﻲ
ﺗﺘﻜﻠﻤﻴﻦ ﻋﻨﻬﺎ؟؟؟ ( ﻋﻴﻮﻥ ﻣﻠﻴﺎﻧﺔ ﺕ**** ﻟﻬﺎ ﻭﻟﺬﺍﺗﻬﺎ ﺍﻟﻤﺮﺗﻌﺸﺔ ) ﻫﺬﻱ
ﺍﻟﻤﺼﻠﺤﺔ ﺍﻟﻠﻲ ﻳﺎﻳﺔ ﺍﻟﻴﻮﻡ ﺗﻔﻜﺮﻳﻦ ﺑﻬﺎ ﺑﺎﻟﻨﻴﺎﺑﺔ ﻋﻨﺎ؟؟؟ ﻭﻣﻦ ﻫﺬﺍ
ﺍﻟﻮﻟﺪ ...
ﺳﻤﺎﺀ ﺍﻟﻤﺠﺮﻭﺣﺔ ﻣﻦ ﻋﻤﻖ ... ﻣﺎ ﻗﺪﺭﺕ ﺗﺘﻜﻠﻢ ﻻﻧﻬﺎ ﺑﺎﻛﺒﺮ ﻣﺤﻨﺔ
ﻣﺮﺕ ﻓﻴﻬﺎ ﻣﻦ ﻣﺤﻨﺎﺕ ﻋﻤﺮﻫﺎ ﺍﻟﺼﻐﻴﺮ ..
ﻣﺸﻌﻞ ﻳﻤﺴﻜﻬﺎ ﻣﻦ ﻳﺪﻳﻨﻬﺎ : ﺗﻜﻠﻤﻲ ﺳﻤﺎﺀ ﻻ ﻭﺍﻟﻠﻪ ﺍﻧﺴﻔﺞ ﻣﻦ ﺍﻟﺪﻧﻴﺎ
ﻧﻔﻀﺖ ﻧﻔﺴﻬﺎ ﻣﻦ ﻳﺪﻳﻨﻬﺎ : ﺍﻧﺖ ﺍﺧﺮ ﻣﻦ ﻳﺘﻜﻠﻢ ﻭﻳﺎﻱ ... ﺳﺎﻣﻊ .. ﻻ
ﻭﺍﻟﻠﻪ ﻭﺭﺏ ﺍﻟﻌﺮﺵ ﺍﻭﺩﻳﻚ ﺑﺄﻟﻒ ﺩﺍﻫﻴﺔ ﺍﻟﻴﻮﻡ .. ﻳﺎﻱ ﺗﺴﻮﻱ ﺭﻭﺣﻚ
ﺭﻳﺎﻝ ﻋﻠﻲ .؟؟؟ ﺍﻧﺖ ﺷﻮﻑ ﻧﻔﺴﻚ ﻗﺒﻞ ﺑﻌﺪﻳﻦ ﻛﻠﻤﻨﻲ ..
ﺻﻔﻌﺔ ﻣﺪﻭﻳﺔ ﻟﻠﻜﻴﺎﻥ ﺍﻟﻤﺘﺰﺗﺰﻉ .. ﺭﻣﺖ ﺑﺴﻤﺎﺀ ﻋﻠﻰ ﺍﻷﺭﺽ ﻣﻦ
ﺷﺪﺗﻬﺎ .. ﻣﺎ ﻛﺎﻧﺖ ﻣﻦ ﻣﺸﻌﻞ .. ﻛﺎﻧﺖ ﻣﻦ ﺑﻮ ﻣﺸﻌﻞ ﺍﻟﻠﻲ ﻣﺎ ﻓﻜﺮ
ﺑﻴﻮﻡ ﺍﻧﻪ ﻳﻤﺪ ﻳﺪﻩ ﻋﻠﻰ ﺑﻨﺘﻪ ..
ﺻﻔﻌﺔ .. ﺗﺮﺩﺩ ﺻﺪﺍﻫﺎ ﻓﻲ ﻗﻠﺐ ﺧﺎﻟﺪ .. ﻣﺜﻞ ﺍﻟﻀﺮﺑﺎﺕ ﺍﻟﻌﻨﻴﻔﺔ ﻭﺧﻠﺘﻪ
ﻳﺮﺝ ﻣﺜﻞ ﺍﻟﻄﺒﻞ ﺑﺎﺫﻥ ﺍﻟﻤﻀﻄﺮﺏ ..
ﺻﻔﻌﺔ .. ﻗﻠﺒﺖ ﻣﻮﺍﺯﻳﻦ ﻟﻴﻠﺔ ﻫﺎﺩﻳﺔ ﻋﻠﻰ ﺍﻟﻨﺎﺱ ... ﻭﺧﺼﻮﺻﺎ ﺑﻴﺖ ﺑﻮ
ﺟﺮﺍﺡ .. ﺍﻟﻠﻲ ﻣﻦ ﻏﻴﺮ ﺣﺴﻴﺔ ﺍﻭ ﻣﻌﻨﻰ .. ﺗﻘﻠﺒﺖ ﺍﻻﺣﻮﺍﻝ ﺍﻟﻨﻔﺴﻴﺔ
ﻓﻴﻬﻢ ..
ﻭﺍﻭﻟﻬﻢ ﺍﻡ ﺟﺮﺍﺡ ﺍﻟﻘﻠﺐ ﺍﻟﺤﻨﻮﻥ ..
ﺻﻔﻌﺔ .. ﺍﺩﺕ ﺩﻭﺭ ﻋﻈﻴﻢ ﻓﻲ ﺍﻧﻬﺎ ﺗﺬﺑﺢ ﺁﺧﺮ ﻋﺰﺓ ﻧﻔﺲ ﺣﻤﻠﺘﻬﺎ ﻓﻲ
ﻧﻔﺴـﻬﺎ ﺑﻨﺖ ﺻﻐﻴـﺮﺓ ﺑﺎﻟﻌﻤﺮ ﻭﻟﻜﻦ ﻛﺒﻴﺮﺓ ﻓﻲ ﺍﻟﻌﻘﻞ .. ﺗﻌﺎﻧﻲ ﻇﺮﻭﻑ
ﻣﺮﻳﺮﺓ ﻓﻔﻲ ﺍﻣﻮﺭ ﺣﻴﺎﺗﻬﺎ ﻭﺍﺣﻮﺍﻟﻬﺎ ..
ﻗﺎﻣﺖ ﺳﻤﺎﺀ ﻣﻦ ﻋﻠﻰ ﺍﻻﺭﺽ ﻭﻫﻲ ﻣﺎﺳﻜﺔ ﺧﺪﻫﺎ ﺑﻴﺪ ﻣﺮﺗﻌﺸﺔ ..
ﺩﻣﻌﺘﻬﺎ ﺍﻟﻠﻲ ﺍﻧﺬﻟﺖ ﺑﺎﻟﺠﻔﻦ .. ﻭﻋﻴﻮﻧﻬﺎ ﺍﻟﻠﻲ ﻛﺎﻧﺖ ﻣﺒﺘﺴﻤﺔ ﺑﻤﺮﺍﺭﺓ
ﻭﻳﺄﺱ .. ﻣﺘﺄﻛﺪﺓ ﺍﻧﻬﺎ ﺧﻼﺹ ﻓﻘﺪﺕ ﻛﻞ ﺳﻨﺪ ﻟﻬﺎ ﺑﻬﺎﻟﺪﻧﻴﺎ .. ﺍﺫﺍ ﻧﻔﺴﻪ
ﺍﺑﻮﻫﺎ – ﺳﺒﺐ ﺗﻌﺎﺳﺘﻬﺎ ﺍﻟﺤﻘﻴﻘﻲ - ﺍﻫﻮ ﺍﻟﻠﻲ ﺗﻌﺪﻯ ﻋﻠﻴﻬﺎ ﺑﻬﺎﻟﻀﺮﺑﺔ ..
ﺳﻤﺎﺀ ﻭﻫﻲ ﺗﻬﺘﺰ ﻭﻟﻜﻦ ﺑﺼﻮﺕ ﺛﺎﺑﺖ ...: ﺍﺿﺮﺑﻨﻲ ....ﻗﺪ ﻣﺎ ﺗﺒﻲ
ﺍﺿﺮﺑﻨﻲ ... ﻟﻮ ﺗﺒﻲ ﺑﻌﺪ .. ﺍﺫﺑﺤﻨﻲ .. ﻟﻜﻦ ﺗﺪﺭﻱ .... ﺍﻧﺎ ﺭﻭﺣﺔ ﻣﻦ
ﻫﺎﻟﺒﻴﺖ ﻣﺎﻧﻲ ﺭﺍﻳﺤﺔ ..
ﺑﻮ ﻣﺸﻌﻞ ﺑﺘﺤﺪﻱ : ﻣﻦ ﻗﺎﻝ ... ﺍﻧﺘﻲ ﺑﺎﺟﺮ ﺑﺘﻄﻠﻌﻴﻦ ﻣﻦ ﺍﻟﻤﺪﺭﺳﺔ
ﻭﺑﺘﺰﻫﻴﻦ ﺣﺎﻟﺞ ﻳﺎ ﺟﻠﻴﻠﺔ ﺍﻟﺤﻴﺎ ﻭﺭﺍﻳﺤﺔ ﻋﻠﻰ ﻫﺎﻟﻤﺪﺭﺳﺔ ..
ﺳﻤﺎﺀ ﺑﺘﺤﺪﻱ ﻭﺻﻮﺕ ﻫﺎﺩﺉ ...: ﻣﺎ ﺑﺮﻭﺡ ..... ﺑﺘﻀﺮﺑﻨﻲ؟؟؟
ﺍﺿﺮﺑﻨﻲ ... ﻣﺎﺑﺮﻭﺡ .... ﻻﺗﻈﻦ ﺍﻧﻲ ﻭﺣﻴﺪﺓ ﺑﻬﺎﻟﺪﻧﻴﺎ .. ( ﻋﻠﻰ ﺻﻮﺗﻬﺎ )
ﺍﻧﺎ ﻋﻨﺪﻱ ﺍﺭﻳﻞ ﺍﻻﺧﻮﺍﺍﺍﺍﺍﻥ .. ﻭﻋﻨﺪﻱ ﺯﻭﻭﻭﺝ ﺍﻗﻮﻯ ﻣﻨﻚ ﻭﺍﺣﺴﻦ
ﻣﻨﻚ .. ﻭﻋﻨﺪﻱ ﺍﻡ ... ( ﺗﻨﺎﻇﺮ ﺳﻠﻮﻯ ) ﻟﻮ ﺗﻠﻮﺕ ﻫﺎﻟﺤﻴﺔ ﺑﻨﺎﺭ ﺟﻬﻨﻢ
ﻋﺸﺎﻥ ﺗﺼﻴﺮ ﻣﺜﻠﻬﺎ ﻣﺎ ﻗﺪﺭﺕ ... ﻭﺧﻮﺍﺕ ﻭﺍﺻﺪﻗﺎﺀ ... ﻣﺎ ﺍﺣﺘﺎﺍﺍﺍﺟﻜﻢ
ﺍﻧﺎ ..
ﻣﺸﻌﻞ ﻭﻫﻮ ﺛﺎﺋﺮ ﻣﻜﺎﻧﻪ : ﺳﻤﺎﺍﺍﺀ .. ﺳﻜﺘﻲ .. ﻻ ﻭﺍﻟﻠﻪ ﺍﻧﺘﻲ ﻣﻴﺘﺔ
ﺍﻟﻠﻴﻠﺔ ..
ﺳﻤﺎﺀ ﻭﻫﻲ ﺗﺒﺠﻲ ﺑﻌﻤﻖ ﻭﺻﻮﺕ ﺭﻓﻴﻊ ﻳﺰﻟﺰﻝ ﺯﻭﺍﻳﺎ ﺍﻟﺒﻴﺖ : ﺍﻱ ﻣﻮﺕ
ﺍﻟﻠﻲ ﺑﺘﻤﻮﺗﻮﻧﻲ ﺃﻳﺎﻩ ﺍﻟﻴﻮﻡ ﺍﻋﻈﻢ ﻣﻦ ﺍﻟﻤﻮﺕ ﺍﻟﻠﻲ ﺳﻘﻴﺘﻮﻭﻧﻲ ﺍﻳﺎﻩ
ﻣﻦ ﻳﻮﻡ ﺍﻧﺎ ﺻﻐﻴــﺮﺓ ﻟﻠﺤﻴﻦ؟؟؟ ﻣﺎ ﺗﻘﻮﻝ ﻟﻲ؟؟؟ ﺍﻱ ﻣﻮﺕ ﺍﻋﻈﻢ ﻳﺎ
ﻣﺸﻌﻞ ﻣﻦ ﺍﻟﻤﻮﺕ ﺍﻟﻠﻲ ﺧﻠﻴﺘﻨﻲ ﺍﻻﻗﻴﻪ ﺑﺪﺍﺭﻙ ( ﺑﻮﻣﺸﻌﻞ ﻭﺍﻡ ﻣﺸﻌﻞ
ﻳﻨﺎﻇﺮﻭﻥ ﺑﻌﺾ ﺑﻐﺮﺍﺑﺔ ﻋﻦ ﺍﻟﻠﻲ ﺗﻘﺼﺪﻩ ﺳﻤﺎﺀ ) .. ﺍﻱ ﻣﻮﺕ ﺍﻋﻈﻢ
ﻣﻦ ﻫﺎﻷﻡ ﺍﻟﻠﻲ ﺍﺟﺒﺮﺗﻮﻫﺎ ﻋﻠﻲ ﻭﺍﺟﺒﺮﺗﻮﻧﻲ ﻋﻠﻴﻬﺎ ﻭﺍﻧﺘﻮ ﺗﺪﺭﻭﻥ ..
ﻭﺑﺎﻻﺧﺺ ﺍﻧﺖ .. ﻳﺎ ﻳﺒﺎ ﺗﻌﺮﻑ ﺍﻧﻬﺎ ﻣﺎ ﺗﺒﻴﻨﻲ ﻭﻻ ﺑﺘﺮﺣﻤﻨﻲ ﻣﻦ
ﺷﺨﺼﻬﺎ ﺍﻟﺴﻴﺊ ..
ﺑﻮ ﻣﺸﻌﻞ ﺑﺼﺮﺧﺔ : ﺫﻟﻔﻲ ﺩﺍﺭﺝ ﻭﺑﻼ ﻫﺬﺭﺓ ﺯﺍﻳﺪﺓ ﻳﺎﻟﻠﺔ ..
ﺗﺮﺍﺟﻌﺖ ﺳﻤﺎﺀ ﻟﻌﻘﺒﻬﺎ ﻭﻫﻲ ﻧﺎﻭﻳﺔ ﺍﻟﻄﻠﻌﺔ ﻣﻦ ﺍﻟﺒﺎﺏ ..: ﻣﺎ ﻇﻨﻴﺖ
ﺑﻴﻲ ﻫﺎﻟﻴﻮﻡ .. ﻳﺎ ﻳﺒﺎ ﺍﻟﻠﻲ ﺑﺸﻮﻑ ﻧﻔﺴﻲ ﻓﻴﻪ ﻛﺎﺭﻫﺘﻚ .. ﻟﻜﻦ ﺍﻋﺮﻑ ..
ﺍﻧﺎ ﻣﺎﻛﺮﻫﻚ .. ﻟﻜﻦ ﻣﺴﺘﺤﻴﻞ .. ﺍﻗﺒﻞ ﻓﻴﻚ ﻛﺄﺑﻮ ﻟﻲ ﻣﺮﺓ ﺛﺎﻧﻴﺔ
ﻣﺸﻌﻞ : ﻭﻳﻦ ﺭﺍﻳﺤﺔ؟؟
ﻣﺎ ﻗﺪﺭ ﻳﺴﻤﻊ ﻣﻨﻬﺎ ﺟﻮﺍﺏ ﻻﻧﻬﺎ ﻛﺎﻧﺖ ﺍﺳﺮﻉ ﻣﻨﻬﺎ ﻭﻃﻠﻌﺖ ﻣﻦ
ﺍﻟﺒﺎﺏ ..
ﻭﺑﺮﻭﻭﻭﺡ ﻫﺎﺑﻄﺔ ﺭﺍﺣﺖ ﺑﻴﺖ ﺑﻮ ﺟﺮﺍﺡ ﺍﻟﻠﻲ ﻛﺎﻧﻮ ﺍﻟﺪﺧﻴﻠﻴﺔ
ﻳﺴﺘﻌﺪﻭﻥ ﻟﻠﺮﻭﺣﺔ ﻣﻨﻪ .. ﻭﺑﺠﺮﻳﻬﺎ ﺍﻟﺴﺮﻳﻊ ﺍﻟﺨﺎﺋﻒ ﻭﺍﺧﻮﻫﺎ ﻭﺍﺑﻮﻫﺎ
ﺍﻟﻠﻲ ﻻﺣﻘﻴﻨﻬﺎ ﺍﺳﺘﺮﻋﻰ ﺍﻧﺘﺒﺎﻫﻬﻢ .. ﻭﺍﻭﻟﻬﻢ ﻣﺴﺎﻋﺪ ﺍﻟﻠﻲ ﻃﻠﻊ ﻣﻦ
ﺍﻟﺴﻴﺎﺭﺓ ﻭﻭﻗﻒ ﻋﻨﺪ ﺍﻟﺒﺎﺏ .
ﻃﺎﺭﺕ ﺳﻤﺎﺀ ﺑﺪﻣﻊ ﺳﺎﺧﻦ ﻭﺍﺛﺎﺭ ﺻﻔﻌﺔ ﺍﺑﻮﻫﺎ ﻋﻠﻰ ﺧﺪﻫﺎ ﻟﺤﻈﻦ ﺍﻡ
ﺟﺮﺍﺡ ..
ﻟﻜﻦ ﻣﺸﻌﻞ ﻛﺎﻥ ﺍﺳﺮﻉ ﻣﻨﻬﺎ ﻭﻣﺴﻜﻬﺎ ﺑﻨﺺ ﺍﻟﺪﺭﺏ ﺍﻟﻲ ﻫﻲ ﺗﺒﻲ
ﺗﻤﺸﻴﻪ ..
ﻭﺍﻧﻘﻄﻌﺖ ﺳﺒﻞ ﺍﻟﺤﻴﺎﺍﺍﺓ ﻣﻨﻬﺎ .. ﻭﺳﺤﺒﻬﺎ ﻣﺸﻌﻞ ﻟﺪﺍﺧﻞ ﺍﻟﺒﻴﺖ ﻭﻫﻲ
ﺗﺘﻠﻮﻯ ﻣﺜﻞ ﺍﻟﺤﻴﺔ ﺑﻴﺪﻩ .. ﻟﻤﻦ ﻃﻠﻊ ﺟﺮﺍﺡ ﺍﺧﻴﺮﺍ ﻣﻦ ﺍﻟﺒﻴﺖ ﻭﺍﻡ
ﺟﺮﺍﺡ ﻭﺭﺍﺍﻩ ﻭﺭﺍﺣﻮﻭ ﻟﻌﻨﺪ ﺍﻟﻠﻲ ﻗﺎﻋﺪ ﻳﺼﻴﺮ ... ﻭﺟﺮﺍﺡ ﺍﻟﻠﻲ ﻧﻔﺴﻪ
ﺍﺑﺖ ﻳﺸﻮﻑ ﺍﺧﺘﻪ ﺗﻤﺮ ﺑﻬﺎﻟﺤﺎﻟﺔ ﺭﺍﺡ ﻟﻌﻨﺪ ﻣﺸﻌﻞ ..
ﺟﺮﺍﺡ : ﺧﻠﻬﺎ ﻳﺎ ﻣﺸﻌﻞ ﺷﻘﺎﻋﺪ ﺗﺴﻮﻱ ﻓﻴﻬﺎ ..
ﻣﺸﻌﻞ ﺍﻟﻠﻲ ﻛﺎﻧﺖ ﺟﻤﻠﺔ ﺍﻣﻪ ﻋﻦ ﺳﻤﺎﺀ ﻣﺘﻌﻠﻖ ﻗﻠﺒﻬﺎ ﻓﻲ ﻭﺍﺣﺪ ﻣﻦ
ﺑﻴﺖ ﺍﻟﻴﺎﺳﻲ ﻣﺤﻤﻴﺔ ﻗﻠﺒﻪ ﺗﺮﻙ ﺳﻤﺎﺀ ﺑﺮﻣﻴﺔ ﻋﻠﻰ ﺍﻷﺭﺽ ﻭﻣﺴﻚ
ﺟﺮﺍﺡ ﻣﻦ ﺭﻗﺒﺘﻪ : ﻭﻟﻚ ﻭﻳﻪ ﺗﺘﻜﻠﻢ ﺍﻧﺖ ﻭﺍﻫﻠﻚ .. ﺍﻧﺘﻮﻭﻭ ﺍﻟﻠﻲ ﻣﺎ ﻳﺎ
ﺧﻴﺮ ﻣﻨﻜﻢ ﻻﺣﺪ ﻣﻦ ﺍﻟﻨﺎﺱ .. ﻛﻔﺎﺍﺍﺍﺍﻳﺔ ﺑﺴﻜﻢ ﺫﺑﺤﺘﻮﻭ ﺍﻟﻨﺎﺱ ..
ﺟﺮﺍﺡ ﺍﻧﺼﺪﻡ ﻣﻦ ﻛﻼﻡ ﻣﺸﻌﻞ ﻭﻫﻮ ﻣﻮ ﻋﺎﺭﻑ ﺷﺄﺳﺒﺎﺑﻪ .. ﻭﻟﻜﻨﻪ
ﻣﺴﻚ ﻳﺪ ﻣﺸﻌﻞ ﺍﻟﻠﻲ ﻋﻠﻰ ﻗﻤﻴﺼﻪ ..: ﻭﺳﻊ ﺍﻟﺼﺪﺭ ﻭﺍﺫﻛﺮ ﺍﻟﻠﻪ ﻳﺎ
ﻣﺸﻌﻞ ...
ﻣﺸﻌﻞ ﺍﻟﻠﻲ ﻏﻀﺒﻪ ﺑﺪﻯ ﻳﻔﻜﺮ .. ﻭﻋﻠﻰ ﻃﻮﻝ ﺿﺮﺏ ﺟﺮﺍﺡ ﻋﻠﻰ ﻭﻳﻬﻪ
ﻣﺒﺎﻏﺘﺔ ﻣﺎ ﺧﻠﺖ ﺟﺮﺍﺡ ﺣﺘﻰ ﺍﻧﻪ ﻳﺴﺘﻌﺪ ﻟﺸﻲ .. ﻭﺑﻬﺎﻟﻤﻮﻗﻒ ﻃﻠﻌﻮﻭ
ﻛﻞ ﺍﻟﻠﻲ ﻓﻲ ﺑﻴﺖ ﺑﻮ ﺟﺮﺍﺡ ﻟﻠﺸﺎﺭﻉ ﻭﻫﻢ ﻳﺮﺍﻗﺒﻮﻥ ﺍﻟﻠﻲ ﻳﺼﻴﺮ .. ﻭﺍﻡ
ﺟﺮﺍﺡ ﻣﺴﻜﺖ ﻋﻠﻰ ﻗﻠﺒﻬﺎ ﻭﻣﺴﺎﻋﺪ ﺗﺤﺮﻙ ﺻﻮﺑﻬﻢ ﻭﻣﺸﻌﻞ ﺍﻟﺠﺒﺎﻥ
ﻳﻀﺮﺏ ﺟﺮﺍﺡ ﺍﻟﻠﻲ ﻛﺎﻥ ﻋﻠﻰ ﺍﻻﺭﺽ
ﻳﺘﻠﻮﻭﻯ ﻣﻦ ﺍﻟﻀﺮﺏ ﻭﻻ ﻫﻮ ﻗﺎﺩﺭ ﻳﺮﻓﻊ ﻧﻔﺴﻪ .. ﺗﻘﺪﻡ ﺻﻮﺑﻬﻢ ﺑﻄﻮﻟﻪ
ﺍﻟﻤﻬﻴﺐ ﻭﺑﻌﺪ ﺑﻴﻦ ﻣﺸﻌﻞ ﻭﺟﺮﺍﺡ ﻭﻫﻮ ﻳﻘﻲ ﺟﺮﺍﺡ ﻣﻦ ﺿﺮﺏ
ﻣﺸﻌﻞ ..
ﺍﻣﺎ ﺍﻟﺜﺎﻧﻲ ﻳﻮﻡ ﺷﺎﻑ ﻣﺴﺎﻋﺪ ﻭﺍﻗﻒ ﺑﻴﻨﻬﻢ ﻳﻦ ﻳﻨﻮﻭﻭﻧﻪ ﻭﺳﻴﻄﺮﺕ
ﻋﻠﻴﻪ ﺷﻴﺎﺍﻃﻴﻦ ﺍﻟﻐﻀﺐ ﻭﺑﺪﻯ ﻳﻬﺠﻢ ﻋﻠﻰ ﺍﻟﺜﺎﻧﻲ .. ﻟﻜﻦ ﻣﺴﺎﻋﺪ ﺍﻟﻠﻲ
ﻗﺎﻡ ﻟﻪ ﻋﻠﻰ
ﻃﻮﻟﻪ ﻭﻣﺴﻜﻪ ﻣﻦ ﺭﻗﺒﺘﻪ ﺑﺸﺮﺍﺳﺔ ﺣﻤﻴﺔ ﺍﻟﺮﻳﺎﻝ .. ﻣﺎ ﺿﺮﺑﻪ ﻭﻻ ﺷﻲ
ﻟﻜﻦ ﺛﺒﺘﻪ ﺑﻴﺪﻩ ..
ﻣﺴﺎﻋﺪ ﺑﻬﻤﺲ ﻭﺑﺼﻮﺕ ﻃﺎﻟﻊ ﻣﻦ ﺑﻴﺖ ﺍﺳﻨﺎﻧﻪ : ﺍﺫﺍ ﺗﺒﻲ ﻋﻤﺮﻙ ﺍﻧﻘﻠﻊ
ﻣﻦ ﻫﻨﻲ ﻻ ﻭﺍﻟﻠﻪ ﻣﺎ ﺭﺍﺡ ﺍﻛﻮﻥ ﻣﺴﺌﻮﻝ ﻋﻦ ﻧﻔﺴﻲ ..
ﺩﻓﻊ ﻣﺸﻌﻞ ﺑﻴﺪﻩ ﻭﻫﻮ ﻣﺸﻤﺌﺰ ﻣﻨﻪ .. ﻭﺭﺍﺡ ﻟﻌﻨﺪ ﺟﺮﺍﺡ ﻋﺸﺎﻥ ﻳﻮﻗﻔﻪ
ﻋﻠﻰ ﺭﻳﻠﻪ ﻭﻳﺎﺗﻪ ﺿﺮﺑﻪ ﻣﻦ ﻭﺭﺍﻩ ﻣﻦ ﻣﺸﻌﻞ .. ﻭﻣﺎ ﺃﻟﻤﺘﻪ ﺑﻜﺜﺮ ﻣﺎ
ﺃﺍﺟﺠﺖ ﻓﻴﻪ ﺍﻟﻠﻲ ﺑﻐﻰ ﻳﻜﺘﻤﻪ .. ﻭﺑﺎﻟﺼﺪﻓﺔ ﻛﺎﻧﺖ ﻃﻠﻌﺔ ﻓﺎﺗﻦ ﻣﻦ
ﺍﻟﺒﻴﺖ ﻭﺷﺎﻓﺘﻪ .. ﻫﻮﻯ ﻣﺸﻌﻞ ﻋﻠﻰ ﺍﻻﺭﺽ ﺑﻀﺮﺑﻪ ﻗﺎﺗﻠﺔ ﻣﻦ ﻣﺴﺎﻋﺪ
ﻟﻪ ﻓﻲ ﺑﻄﻨﻪ .. ﻭﺗﻘﺪﻡ ﺑﻮ ﻣﺸﻌﻞ ﻭﻫﻮﻭ ﻣﺴﺘﺸﻴﻂ ﻣﻦ ﺍﻟﻐﻀﺐ ...
ﺑﻮ ﻣﺸﻌﻞ : ﺧﻞ ﻳﺪﻙ ﻋﻦ ﻭﻟﺪﻱ ..
ﻣﺴﺎﻋﺪ : ﺧﻞ ﻭﻟﺪﻙ ﺑﻌﻴﺪ ﻋﻦ ﺍﻟﻨﺎﺱ ...
ﺑﻮ ﻣﺸﻌﻞ : ﻣﺎ ﻳﺎ ﺍﻟﺨﺮﺍﺏ ﺍﻻ ﻣﻦ ﻭﺭﻯ ﺭﺍﺳﻜﻢ ..
ﻣﺴﺎﻋﺪ : ﺍﻟﺨﺮﺍﺏ ﻣﺎ ﻳﻲ ﺍﻻ ﻣﻦ ﻗﻠﺔ ﺍﻻﻫﺘﻤﺎﺍﺍﻡ ...
ﻭﺍﻟﺘﻔﺖ ﻋﻨﻪ ﻣﻨﺘﻬﻲ ﻣﻦ ﺍﻟﻜﻼﻡ .. ﻭﺍﻟﺘﻔﺖ ﻋﻦ ﻣﺸﻌﻞ ﺍﻟﻠﻲ ﻗﺎﻡ ﻣﺮﺓ
ﺛﺎﻧﻴﺔ ﻋﻠﻰ ﺭﻳﻠﻪ ﺑﻨﻴﺔ ﺍﻟﻬﺠﻮﻡ ﻣﺮﺓ ﺛﺎﻧﻴﺔ ﻋﻠﻰ ﻣﺴﺎﻋﺪ ﻭﺻﻮﺕ ﻓﺎﺗﻦ
ﺍﻟﻠﻲ ﻳﺮﺍﻗﺐ
ﺍﻟﻮﺿﻊ ﻻ ﺍﺭﺍﺩﻳﺎ ﺑﺪﺭ ﻣﻨﻬﺎ ..
ﺑﺨﻮﻑ : ﻣﺴﺎﺍﺍﺍﻋﺪ ..
ﺣﺲ ﻣﺴﺎﻋﺪ ﺑﻨﺪﺍﻫﺎ ﺷﻲ .. ﻭﺗﻠﻘﻒ ﻣﺸﻌﻞ ﺑﺪﻝ ﻻ ﻳﻨﻀﺮﺏ ﻣﻨﻪ .. ﻛﺒﻞ
ﻳﺪﻳﻨﻪ ﻭﺭﻯ ﻇﻬﺮﻩ ﻭﺭﻣﺎﻩ ﻋﻠﻰ ﺍﻷﺭﺽ ..
ﺗﺠﺪﻡ ﻟﻪ ﺑﻮ ﻣﺸﻌﻞ : ﻛﻒ ﻳﺪﻳﻨﻚ ..
ﻣﺴﺎﻋﺪ : ﻛﻒ ﻭﻟﺪﻙ ﻋﻦ ﺍﻟﻨﺎﺱ .. ﺗﺮﻯ ﻭﺍﻟﻠﻪ ﺑﻌﺪﻧﻲ ﻣﺎ ﺣﻄﻴﺖ ﺑﺎﻟﻲ
ﻋﻠﻴﻪ .. ﺍﻥ ﺣﻄﻴﺘﻪ ﻣﺎ ﺗﻠﻘﺎﻩ ﺍﻻ ﻣﻜﺴﺮ ﻓﻲ ﺑﻴﺘﻚ ..
ﺍﻟﺘﻒ ﻣﺴﺎﻋﺪ ﻭﻫﻮ ﻳﺮﻓﻊ ﺟﺮﺍﺡ ﻋﻦ ﺍﻷﺭﺽ .. ﻭﻟﻜﻦ ﻣﺎ ﺃﺭﺗﻔﻊ ﺟﺮﺍﺡ ..
ﻧﺎﻳﻢ ﻭﻫﻮ ﻣﺒﺴﺪ ﻳﺪﻳﻨﻪ ﻋﻠﻰ ﺍﻻﺭﺽ ﻭﻭﻳﻬﻪ ﻣﺰﺭﻕ .. ﺟﺜﻰ ﻣﺴﺎﻋﺪ
ﺻﻮﺑﻪ ﻭﻫﻮ ﻣﺮﺗﻌﺐ ﻣﻦ ﺍﻟﻤﻨﻈﺮ .. ﺗﺤﺴﺲ ﻟﻨﻔﺲ ﺟﺮﺍﺡ ﻟﻘﺎﻩ ﻏﺎﻳﺐ
ﻋﻦ ﺍﻟﺤﻴﺎﺓ .. ﻭﻟﻜﻦ ﻧﺒﻀﻪ ﺧﺎﻓﺖ ﻭﺑﺴﻴﻂ .. ﺗﻢ ﻳﻬﺰﻩ ﻭﻫﻮ ﻣﻮ ﻋﺎﺭﻑ
ﺷﻠﻮﻥ ﻳﺼﺤﻴﻪ ..
ﺗﺤﺮﻙ ﺑﺴﺮﻋﺔ ﻭﺳﺮﻋﺘﻪ ﻛﺎﻧﺖ ﺍﻟﺸﻲ ﺍﻟﻠﻲ ﻟﻔﺖ ﺍﻧﺘﺒﺎﻩ ﺍﻟﺤﺮﻳﻢ ﻟﻠﻲ
ﻗﺎﻋﺪ ﻳﺼﻴﺮ .. ﻭﺗﺤﺮﻛﺖ ﺍﻡ ﺟﺮﺍﺡ ﺑﻐﻴﺮ ﻫﺪﻭﺀ ﻣﻜﺎﻧﻬﺎ ..
ﺍﻡ ﺟﺮﺍﺡ : ﺷﻔﻴﻪ ﻭﻟﺪﻱ .. ﻟﻴﺶ ﺑﻌﺪﻩ ﻃﺎﻳﺢ ..
ﻓﺎﺗﻦ ﻭﻫﻲ ﻣﺎﺳﻜﺔ ﻗﻠﺒﻬﺎ ﻭﺗﺮﻭﺡ ﻋﻨﺪ ﻣﺴﺎﻋﺪ ﺍﻟﻠﻲ ﺣﻤﻞ ﺍﻟﺘﻠﻔﻮﻥ
ﻭﻳﺘﺼﻞ .. ﻣﺎ ﺗﻜﻠﻤﺖ ﻟﻜﻦ ﺳﻤﻌﺘﻪ ﻳﻄﻠﺐ ﺍﺳﻌﺎﻑ ﻋﻨﺪﻫﻢ .. ﻭﻳﻄﻠﺐ
ﻃﺮﻳﻘﺔ ﺍﺳﻌﺎﻑ
ﻋﺸﺎﻥ ﻳﺒﻠﻎ ﺍﻟﺤﻴﺎﺓ ﻟﺠﺮﺍﺡ ﻗﺒﻞ ﻻ ﻳﻔﻮﺕ ﺍﻻﻭﺍﻥ ..
ﻓﺎﺗﻦ ﻭﻫﻲ ﺗﻤﺴﻚ ﻳﺪﻩ : ﻣﺴﺎﻋﺪ ﺷﻔﻴﻪ ﺍﺧﻮﻱ ..
ﻣﺎ ﺗﻜﻠﻢ ﻭﻳﺎﻫﺎ ﻭﺳﺮﻉ ﺻﻮﺏ ﺟﺮﺍﺡ .. ﻭﺭﻓﻊ ﺭﺍﺳﻪ ﺑﻌﺪ ﻣﺎ ﻗﻌﺪ ﻳﻤﻪ ..
ﻭﺳﺪ ﺧﺸﻤﻪ ﻭﺗﻢ ﻳﻌﻄﻴﻪ ﻣﻦ ﺍﻟﺘﻨﻔﺲ ﺍﻻﺻﻄﻨﺎﻋﻲ ﺍﻟﻠﻲ ﻗﺎﻟﻮﻟﻪ ﻋﻨﻪ ..
ﺣﺴﺐ ﺍﻻﻧﺸﺎﺕ ﺍﻟﻠﻲ ﻋﻄﻮﻩ ﺍﻳﺎﻩ ﻓﻲ ﻃﺮﻳﻘﺔ ﺍﻻﺳﻌﺎﻑ ﻭﺗﻢ ﻳﻬﻮﺱ
ﻋﻠﻰ ﺻﺪﺭ ﺟﺮﺍﺡ ﻋﺸﺎﻥ ﻳﺨﻠﻴﻪ ﻳﺘﻨﻔﺲ .. ﻭﺍﻟﻜﻞ ﻓﻲ ﺣﺎﻟﺔ ﻣﻦ
ﺍﻟﺘﺄﻫﺐ ﻭﺍﻻﺣﺴﺎﺱ ﺑﺎﻟﺨﻄﺮ .. ﺍﻻ ﻣﺸﻌﻞ ﺍﻟﻠﻲ ﻛﺎﻥ ﻳﺪﺍﺭﻱ ﻧﺰﻑ
ﺧﺸﻤﻪ ..
ﻣﺮﻳﻢ ﻇﻠﺖ ﻭﺍﻗﻔﺔ ﻭﻫﻲ ﻣﺎﺳﻜﺔ ﺍﺣﺪ ﻋﻮﺍﻣﺪ ﺍﻟﺒﺎﺏ ﻭﺭﻭﺣﻬﺎ ﻃﻠﻌﺖ
ﻣﻦ ﺟﺴﺪﻫﺎ ﻭﻫﻲ ﺗﺸﻮﻑ ﺟﺮﺍﺡ ﻧﺎﻳﻢ ﻋﻠﻰ ﺍﻻﺭﺽ ﻭﺍﺧﻮﻫﺎ ﻳﻌﺎﻳﻦ
ﻓﻴﻪ ...
ﻭﺗﻢ ﻟﻠﻤﺮﺓ ﺍﻟﺜﺎﻟﺜﺔ ﻳﻜﺮﺭ ﻣﺴﺎﻋﺪ ﻧﻔﺲ ﺍﻟﻠﻲ ﺳﻮﺍﻩ ﻭﻫﻮ ﻳﻤﺴﻚ ﻋﻠﻰ
ﻗﻠﺐ ﺟﺮﺍﺡ ﺍﻟﻠﻲ ﻣﺎ ﺻﺪﺭﺕ ﻣﻨﻪ ﺣﺮﻛﻪ ﻟﻠﺤﻴﻦ .. ﻭﻫﺎﻟﻤﺮﺓ ﺗﻢ ﻳﻬﻒ
ﻓﻴﻪ ﺛﻤﻪ ﻟﻤﻦ
ﺃﺧﻴــﺮﺍ .. ﺭﺟﻊ ﺟﺮﺍﺡ ﻟﻠﺪﻧﻴﺎ .. ﻣﻦ ﺑﻌﺪ ﺍﺧﺘﻨﺎﻕ ﺑﺴﻴﻂ ﻓﻲ ﺍﻟﻘﺼﺒﺔ
ﺍﻟﻬﻮﺍﻳﺔ ﻣﻦ ﺿﺮﺏ ﺍﻟﻐﺒﻲ ﻣﺸﻌــﻞ ..
----------------------------
ﺧﺎﻟﺪ ﺍﻟﻠﻲ ﻛﺎﻥ ﺗﻮﻩ ﻃﺎﻟﻊ ﻣﻦ ﺍﻟﺤﻤﺎﻡ ﻟﺒﺲ ﻫﺪﻭﻣﻪ ﻭﻧﺸﻒ ﺷﻌﺮﻩ ﻋﻦ
ﺍﻟﻤﺎﻱ .. ﻭﻫﻮ ﻳﺤﺲ ﺑﺄﻻﻑ ﺍﻟﻤﺘﺎﻋﺐ ﻓﻲ ﺟﺴﻤﻪ .. ﻣﺎ ﻭﻋﻰ ﺍﻻ ﻋﻠﻰ
ﻃﺮﻕ
ﻋﻨﻴﻒ ﻟﻠﺒﺎﺏ .. ﻓﺠﺎﻩ ﻭﻟﻘﺎﻫﺎ ﻣﻨﺎﻳﺮ ﺍﻟﻠﻲ ﺗﺮﺗﺠﻒ ﻣﻦ ﺍﻟﺨﻮﻑ ..
ﺧﺎﻟﺪ ﺑﺨﻮﻑ ..: ﻣﻨﻮﺭ ﺷﻔﻴﺞ؟
ﻣﻨﺎﻳﺮ : ﺍﻟﺤﻖ ﺧﺎﻟﺪ ﻣﺸﻌﻞ ﻓﻲ ﺍﻟﺸﺎﺭﻉ ﻳﻄﻖ ﻓﻲ ﺟﺮﺍﺡ ﻭﺳﻤﺎﺀ ﺑﺪﺍﺭﻱ
ﺧﺎﻳﻔﺔ ﻭﺗﺒﺠﻲ ﻭﺣﻠﺠﻬﺎ ﻳﻄﻠﻊ ﻣﻨﻪ ﺩﻡ ..
ﺧﺎﻟﺪ ﻭﻗﻠﺒﻪ ﻃﻔﺮ ﻣﻨﻪ : ﻟﻴﺶ ﺷﺼﺎﻳﺮ؟؟
ﻣﺎ ﺍﻧﺘﻈﺮ ﺟﻮﺍﺏ ﻣﻦ ﻣﻨﺎﻳﺮ ﻭﺭﺍﺡ ﻟﻌﻨﺪ ﻏﺮﻓﺘﻬﺎ ﻭﻟﻘﻰ ﺳﻤﺎﺀ ﻣﺘﻜﻮﺭﺓ
ﻋﻠﻰ ﻧﻔﺴﻬﺎ .. ﺩﺧﻞ ﻭﻣﻨﺎﻳﺮ ﻛﺎﻧﺖ ﻭﺭﺍﻩ .. ﺭﺍﺡ ﻟﻌﻨﺪﻫﺎ ﻭﻗﻠﺒﻪ ﻣﻔﺠﻮﻉ
ﻋﻠﻴﻬﺎ ..
ﻟﻘﺎﻫﺎ ﺗﻬﺰ ﺟﺴﻤﻬﺎ ﻭﻫﻲ ﺗﺄﻥ ﻣﺜﻞ ﺍﻟﻘﻄﺎﻭ .. ﻳﻠﺲ ﻋﻨﺪ ﺭﻳﻠﻬﺎ ﻣﻦ ﻏﻴﺮ
ﻣﺎ ﻳﻠﻤﺴﻬﺎ ..
ﺧﺎﻟﺪ : ﺳﻤﺎﺀ ﻋﻼﻣﺞ؟؟ ﻓﻴﺞ ﺷﻲ؟؟؟
ﻣﺎﺭﺩﺕ ﻋﻠﻴﻪ ﺳﻤﺎﺀ ﻭﻇﻠﺖ ﺑﺤﺎﻟﺘﻬﺎ ﺍﻟﻨﻔﺴﻴﺔ ﺍﻟﻌﺼﺒﻴﺔ ..
ﺧﺎﻟﺪ ..: ﺳﻤﺎﺀ ﺗﻜﻔﻴﻦ ﻭﺍﻟﻠﻲ ﻳﺮﺣﻢ ﻭﺍﻟﺪﻳﻨﺞ ..
ﺳﻤﺎﺀ ﺗﻘﻄﻌﻪ ﺑﺼﻮﺕ ﺧﺎﻓﺖ ....: ﺍﻧﺎ ﻣﺎ ﻋﻨﺪﻱ ﻭﺍﻟﺪﻳـــــﻦ .. ﺍﻟﻴﻮﻡ ﺍﻧﺎ
ﻣﺎ ﻋﻨﺪﻱ ﺃﺣﺪ ... ﻣﺎ ﻋﻨﺪﻱ ﺍﺣﺪ ....
ﺳﻜﺖ ﻋﻨﻬﺎ ﻭﻫﻮ ﻳﻨﺰﻝ ﻋﻴﻮﻧﻪ ﻭﻭﻗﻒ ﻟﻤﻨﺎﻳﺮ :.. ﺷﺼﺎﺭ ﺗﺤﺖ؟؟؟
ﻣﻨﺎﻳﺮ ﻭﻫﻲ ﺗﻤﺴﺢ ﺩﻣﻊ ..: ﻣﺎﺩﺭﻱ .. ﺍﻧﺎ ﻣﺎ ﻟﺤﻘﺖ ﺍﻻ ﻳﻮﻡ ﻣﺴﺎﻋﺪ
ﺿﺮﺏ ﻣﺸﻌﻞ .. ﻭﺟﺮﺍﺡ ﻛﺎﻥ ﻧﺎﻳﻢ ﻋﻠﻰ ﺍﻷﺭﺽ .. ( ﻗﻄﻊ ﻋﻠﻴﻬﻢ ﺻﻮﺕ
ﺍﻻﺳﻌﺎﻑ ﺍﻟﻠﻲ ﻭﺻﻞ ﻟﻬﻢ .. )
ﺧﺎﻟﺪ : ﺷﻬﺎﺻﻮﺕ؟؟؟
ﻣﻨﺎﻳﺮ : ﻣﺎﺩﺭﻱ ﻛﺄﻧﻪ ﺍﺳﻌﺎﻑ؟ .
ﻃﺎﺭ ﺧﺎﻟﺪ ﻣﻦ ﻣﻜﺎﻧﻪ ﻭﻫﻮﻭ ﻳﺘﻮﺟﻪ ﻟﻠﺨﺎﺭﺝ ﻳﺸﻮﻑ ﺷﻘﺎﻋﺪ ﻳﺼﻴﺮ
ﻫﻨﺎﻙ ..ﻟﻜﻦ ﺻﻮﺕ ﺳﻤﺎﺀ ﻭﻗﻔﻪ
ﺳﻤﺎﺀ : ﻻ ﺗﺮﻭﺡ ﻋﻨﻲ ﺧﺎﻟﺪ ..
ﺗﻘﺮﺏ ﻣﻨﻬﺎ ﻣﺮﺓ ﺛﺎﻧﻴﺔ ﻭﻟﻜﻦ ﺗﻮﻗﻒ ... ﻭﻧﻈﺮﺓ ﺍﻟﺼﺪﻣﺔ ﻛﺎﺳﺤﺔ ﻭﻳﻬﻪ ..
ﺍﺻﺎﺑﻊ ﻋﺮﻳﻀﺔ ﻣﺮﺳﻮﻣﺔ ﻋﻠﻰ ﺧﺪ ﺳﻤﺎﺀ ﺍﻟﻠﻲ ﺩﻭﻣﻪ ﻣﺘﺴﻢ
ﺑﺎﻟﺤﻴﻮﻳﺔ .. ﻣﺤﻤﺮ ﻣﺜﻞ ﻗﻄﻌﺔ ﺍﻟﺠﻤﺮ ﺍﻟﻤﻀﻮﻳﺔ ..
ﺧﺎﻟﺪ ﺑﺮﻋﺐ : ﻣﻦ ﺿﺮﺑﺞ؟؟
ﺳﻤﺎﺀ ﻭﻫﻲ ﺗﺘﺠﺎﻫﻞ ﺳﺆﺍﻟﻪ : ﻻ ﺗﺮﻭﺡ ﻋﻨﻲ .... ﺗﻜﻔﻰ .. ﺗﻢ ﻭﻳﺎﻱ ..
ﻧﺰﻟﺖ ﻟﻬﺎ ﻣﻨﺎﻳﺮ ﻭﺿﻤﺘﻬﺎ ﻟﻌﻨﺪﻫﺎ ﻭﻫﻲ ﺗﺄﺷﺮ ﻟﺨﺎﻟﺪ ﺍﻧﻪ ﻳﺮﻭﺡ ﻭﻳﺴﺘﻌﻠﻢ
ﻋﻦ ﺍﻟﻠﻲ ﺻﺎﻳﺮ ..
ﻟﻘﻰ ﺍﻟﺤﺮﻳﻢ ﻣﺘﻴﻤﻌﻴﻦ ﻋﻠﻰ ﺍﻟﺒﺎﺏ ﻭﻣﺮ ﻣﻦ ﺻﻮﺑﻬﻢ ﺭﺍﻳﺢ ﻟﻌﻨﺪ ﺟﺮﺍﺡ
ﺍﻟﻠﻲ ﻛﺎﻥ ﺍﻟﻤﺴﻌﻒ ﻳﺎﻟﺲ ﻳﻤﻪ ﻭﻫﻮ ﻳﺮﺍﻗﺐ ﻛﻞ ﻣﺆﺷﺮﺍﺗﻪ ﺍﻟﻄﺒﻴﻌﻴﺔ ..
ﻃﺒﻌﺎ ﻛﺎﻥ ﻳﻌﺎﻧﻲ ﻣﻦ ﺍﺭﺗﺠﺎﺝ ﺧﻔﻴﻒ ﺑﺎﻟﺮﺃﺱ .. ﺑﺴﺒﺐ ﺭﻓﺴﺎﺕ ﻣﺸﻌﻞ
ﻟﻪ .. ﺑﺲ ﺧﺎﻟﻲ ﻣﻦ ﺍﻟﺮﺿﻮﺽ ﻭﺍﻟﻜﺴﻮﺭ ﻭﺗﻨﻔﺴﻪ ﻛﺎﻥ ﻃﺒﻴﻌﻲ ﻭﻟﻜﻦ
ﺍﻻﺟﻬﺎﺩ ﻭﺍﺣﺘﺒﺎﺱ ﺍﻟﺪﻡ ﻓﻴﻪ ﺧﻼﻩ ﻳﺤﺲ ﺑﺎﻟﺪﻭﺧﺔ ﻭﺍﻟﺘﻌﺐ .. ﻭﻇﻞ
ﻧﺎﻳﻢ ﻋﻠﻰ ﺍﻷﺭﺽ ﻳﻢ ﺍﻡ ﺟﺮﺍﺡ ﺍﻟﻠﻲ ﻣﻦ ﺷﺎﻓﺖ ﻭﻟﺪﻫﺎ ﺭﺍﺣﺖ ﻟﻌﻨﺪﻩ
ﻭﻗﻠﺒﻬﺎ ﻳﺼﺐ ﺧﻮﻑ .. ﺣﻤﻠﻮﻩ ﻟﻠﻤﺴﺘﺸﻔﻰ ﻟﻠﻤﻌﺎﻳﻨﺔ ﺍﻟﺰﺍﺋﺪﺓ ﺑﺎﺷﺮﺍﻑ
ﻣﺴﺎﻋﺪ . ﻭﺑﻌﺪ ﻣﺎ ﺭﺍﺡ ﺍﻻﺳﻌﺎﻑ ...
ﺧﺎﻟﺪ ﻳﻜﻠﻢ ﻓﺎﺗﻦ ﺍﻟﻲ ﻭﺍﻗﻔﺔ ﻳﻢ ﻣﺴﺎﻋﺪ : ﺷﺼﺎﺭ ﻓﺎﺗﻦ؟؟
ﻓﺎﺗﻦ ﻭﻫﻲ ﻣﺴﻨﺪﺓ ﺟﺴﻤﻬﺎ ﻟﺬﺭﺍﻉ ﺯﻭﺟﻬﺎ : ﻣﺸﻌﻞ ﺿﺮﺏ .. ﺟﺮﺍﺡ ..
ﺛﺎﺭﺕ ﻓﻲ ﺧﺎﻟﺪ ﺍﻟﻌﻮﺍﺻﻒ .. ﻣﺸﻌﻠﻮﻩ ﻣﺎ ﻏﻴﺮﻩ ﻳﻀﺮﺏ ﺍﺧﻮﻩ؟؟
ﻭﺣﺎﻣﺖ ﻓﻴﻪ ﻧﻔﺴﻪ ﻣﻦ ﺍﻟﻘﻬﺮ .. ﺧﺪ ﺳﻤﺎﺀ ﻻﺡ ﻓﻲ ﻋﻴﻮﻧﻪ ﻣﺜﻞ
ﺍﻟﺮﺅﻳﺎ ﺍﻟﻠﻲ ﺗﻌﺎﺍﺍﻧﺪ ﺍﻟﺸﺨﺺ ﻭﺗﺄﺑﻰ ﺍﻟﺮﺣﻴﻞ ..
ﺩﺧﻞ ﺩﺍﺧﻞ ﺑﻴﺘﻬﻢ ﻭﻟﻘﻰ ﻣﺸﻌﻞ ﻭﺍﻗﻒ ﻋﻨﺪ ﺑﺎﺏ ﺍﻟﺼﺎﻟﺔ ﻭﺍﺑﻮﻭﻩ
ﻳﻌﺎﻳﻨﻪ ..
ﺭﺍﺡ ﻟﻌﻨﺪ ﺭﻗﺒﻪ ﻣﺸﻌﻞ ﻭﺳﺤﺒﻪ ﺳﺤﺐ ..
ﺧﺎﻟﺪ : ﻣﺎ ﺑﻘﻰ ﺍﻻ ﺍﻧﺖ ﺗﻀﺮﺏ ﺟﺮﺍﺡ ﻳﺎﻟﻨﺬﻝ ..
ﻭﻫﻮﻯ ﻋﻠﻴﻪ ﻓﻲ ﺣﺮﻡ ﺑﻴﺖ ﺍﻟﻨﻬﻴﺪﻱ ﺿﺮﺏ ﻓﻴﻪ ﻭﻫﻮ ﻣﺘﺼﻮﺭ ﺍﻥ ﺍﻟﻠﻲ
ﺿﺮﺏ ﺳﻤﺎﺀ ﺍﻫﻮ ﻣﺎ ﻏﻴﺮﻩ .. ﻭﻣﺴﺎﻋﺪ ﺍﻟﻠﻲ ﻟﺤﻖ ﺧﺎﻟﺪ ﻟﺪﺍﺧﻞ ﺍﻟﺒﻴﺖ
ﺣﺎﻭﻝ ﻳﻮﻗﻔﻪ
ﻟﻜﻨﻪ ﻛﺎﻥ ﺍﺳﺮﻉ ﻣﻨﻪ ﻭﻟﺨﻔﺔ ﺣﺠﻤﻪ ﻛﺎﻥ ﻳﻀﺮﺏ ﻣﺸﻌﻞ ﺑﻘﻮﺓ ﺗﺨﻠﻲ
ﺍﻟﺜﺎﻧﻲ ﻳﻬﻮﻯ ﻣﻦ ﻏﻴﺮ ﺍﻱ ﺣﺴﻴﺔ ..
ﻧﺰﻟﺖ ﺳﻠﻮﻯ ﻭﻫﻲ ﺗﻤﺴﻚ ﻋﻠﻰ ﻗﻠﺒﻬﺎ :.. ﻭﻟﺪﻱ ...
ﻭﺍﺑﻮ ﻣﺸﻌﻞ ﻳﻤﺴﻚ ﻓﻲ ﻣﺴﺎﻋﺪ ﻭﻣﺴﺎﻋﺪ ﻳﺤﺎﻭﻝ ﺍﻧﻪ ﻳﻔﺞ ﺧﺎﻟﺪ ﻋﻦ
ﻣﺸﻌﻞ ..
ﻟﻤﻦ ﻗﺪﺭ ﺍﺧﻴـــﺮﺍ ﺍﻧﻪ ﻳﺨﻠﺼﻪ .. ﻭﻳﺴﺤﺒﻪ ﺑﻌﻴﺪ ..
ﺧﺎﻟﺪ ﻭﻫﻮ ﻳﺤﺲ ﺑﺎﻷﻟﻢ ﻳﻌﺘﺼﺮﻩ : ﻣﺎ ﺑﻘﻰ ﺍﻻ ﺍﻧﺘﻮﻭﻭ ﺗﻤﺪﻭﻥ ﻳﺪﻛﻢ
ﻋﻠﻰ ﺳﻤﺎﺀ .. ﺍﺣﻤﺪﻭﺍ ﺭﺑﻜﻢ ﺍﻧﻬﺎ ﻋﺎﻳﺸﺔ ﺑﻴﻨﻜﻢ ﻳﺎ ﺍﻟﻤﺠﺮﻣﻴــﻦ
ﺳﻠﻮﻯ ﺑﺼﺮﺍﺧﻬﺎ ﻋﻤﺖ ﺍﻟﻤﻜﺎﻥ ..: ﻭﻟﺪﻱ .. ﺣﺮﺍﻡ ﻋﻠﻴﻜﻢ ﺷﺴﻮﻳﺘﻮ ﻓﻴﻪ
ﻭﻟﺪﻱ ..
ﺑﻮ ﻣﺸﻌﻞ : ﻭﺍﻟﻠﻪ ﻻﻭﺩﻳﻚ ﺑﺴﺘﻴﻦ ﺍﻟﻒ ﺩﺍﻫﻴﺔ
ﺧﺎﻟﺪ : ﺳﺘﻴﻦ ﺍﻟﻒ ﺩﺍﻫﻴﺔ ﺗﺮﻣﻲ ﻭﻳﻬﻚ ﻓﻴﻬﺎ
ﻣﺴﺎﻋﺪ : ﺑﺲ ﻳﺎ ﺧﺎﻟﺪ ﺧﻼﺹ ..
ﺳﻠﻮﻯ ﻗﺎﻣﺖ ﻣﺜﻞ ﺍﻟﺤﻴﺔ ﺍﻟﺮﻗﻄﺔ ﻭﻫﻲ ﺗﺴﺘﻌﺪﻟﻠﻬﺠﻮﻡ : ﻗﻮﻝ ﺍﻟﻠﻪ ﻻ
ﻳﺒﺎﺭﺝ ﻓﻴﻚ .. ﻳﺎﻱ ﺗﺤﺎﻣﻲ ﻋﻦ ﻣﻨﻮ؟؟ ﻋﻦ ﻫﺎﻟﺨﺎﻳﺴﺔ
ﺧﺎﻟﺪ ﻳﺼﺮﺥ ﻋﻠﻴﻬﺎ : ﺧﺎﺳﺖ ﻋﻈﺎﻣﺞ ﺑﺒﺪﻧﺞ ﻭﻏﺴﻠﻲ ﺛﻤﺞ ﻻ ﺗﻜﻠﻤﺘﻲ
ﻋﻨﻬﺎ ﻣﺮﺓ ﺛﺎﻧﻴﺔ .
ﺳﻠﻮﻯ : ﻣﺎﻓﻴﻚ ﺧﻴﺮ ﻻ ﺍﻧﺖ ﻭﻻ ﻫﻠﻚ ..
ﺧﺎﻟﺪ : ﺍﻟﺨﻴﺮ ﻳﻄﻮﻓﺞ ﻭﻳﻄﻮﻑ ﻃﻮﺍﻳﻔﺞ ﻛﻠﻬﺎ ﻻ ﺗﻜﻠﻤﺘﻲ ﻋﻦ ﺑﻴﺖ
ﺍﻟﻴﺎﺳﻲ .. ﺍﺑﻲ ﺍﻋﺮﻑ ﺷﻲ ﻭﺍﺣﺪ ﻣﻦ ﺍﻟﻠﻲ ﺿﺮﺑﻬﺎ .. ﻣﻦ ﺍﻟﻌﺪﻳﻢ
ﺍﻟﺮﺟﻮﻟﺔ ﻓﻴﻜﻢ ﺍﻟﻠﻲ
ﺿﺮﺑﻬﺎ ..
ﻣﺴﺎﻋﺪ : ﺑﺲ ﻳﺎ ﺧﺎﻟﺪ ..
ﺑﻮ ﻣﺸﻌﻞ ﺍﻟﻠﻲ ﻣﺸﺘﻌﻞ ﻣﺜﻞ ﺍﻟﺠﻤﺮﺓ ﻣﻦ ﺍﻟﺤﻤﻖ : ﻭﻟﻚ ﻋﻴﻦ ﺑﻌﺪ
ﺗﺘﻜﻠﻢ ...؟؟
ﺧﺎﻟﺪ : ﻭﻟﻲ ﻋﻴﻦ ﻭﻟﻲ ﺷﺮﻑ ﺍﻧﻲ ﻣﺎﺧﻠﻴﻜﻢ ﻳﺎ ﺍﻟﺤﻴﻮﺍﻧﺎﺕ
ﺗﻠﻤﺴﻮﻭﻧﻬﺎ؟؟؟
ﻣﺸﻌﻞ ﻭﻫﻮ ﻳﻠﻬﺚ ﻣﻦ ﺍﻟﻀﺮﺏ ﺍﻟﻠﻲ ﻛﻠﻪ ﻣﻦ ﺷﻮﻱ ..: ﻳﻌﻨﻲ ﺍﻧﺖ ﺍﻟﻠﻲ
ﻻﻋﺐ ﺑﺮﺍﺳﻬﺎ؟
ﺧﺎﻟﺪ ﻭﻫﻮ ﻳﺒﻲ ﻳﻬﺠﻢ ﻋﻠﻰ ﻣﺸﻌﻞ : ﻻﻋﺐ ﺑﺮﺍﺍﺍﺍﺳﻬﺎ ؟؟؟ ﺍﻧﺎ ﻻﻋﺐ
ﺑﺮﺍﺳﻬﺎ؟؟ ﺍﻧﺎ ﺷﺎﻳﻠﻪ ﺑﻮﺳﻂ ﻋﻴﻮﻧﻲ ... ﻳﺎﻟﻠﻲ ﻣﺎ ﻋﻨﺪﻛﻢ ﻗﻠﺐ ﻭﻻ
ﺭﺣﻤﺔ
ﺳﻠﻮﻯ ..: ﺍﻥ ﻣﺎ ﺧﻠﻴﻨﺎﻙ ﺗﺮﻭﺡ ﺑﺴﺘﻴﻦ ﺍﻟﻒ ﺩﺍﻫﻴﺔ .. ﺍﻧﺖ ﺍﻟﻘﺎﻫﺎ
ﻣﺸﻌﻞ ﺍﻟﻠﻲ ﺑﻌﺪﻩ ﻋﻠﻰ ﻓﻜﺮﻩ ﻭﻫﺠﻢ ﻋﻠﻰ ﺧﺎﻟﺪ ﻳﺒﻲ ﻳﻀﺮﺑﻪ ﻭﻗﺎﻣﺖ
ﺍﻟﻬﻮﺷﺔ ﻣﺮﺓ ﺛﺎﻧﻴﺔ ﻭﻓﺠﺠﻬﻢ ﻣﺴﺎﻋﺪ ﻭﺑﻮ ﻣﺸﻌﻞ ﻋﻦ ﺑﻌﺾ ..
ﻣﺴﺎﻋﺪ ﻳﺰﻣﺠﺮ ﺑﺒﻴﺖ ﺍﻟﻨﻬﻴﺪﻱ : ﻭﺍﻟﻠﻪ ﺍﻥ ﻣﺪﻳﺖ ﻳﺪﻙ ﻳﺎﻟﺴﺎﻃﻲ ﻻ
ﺧﻠﻴﻚ ﺗﻨﺪﻡ ﻋﻠﻰ ﻳﻮﻡ ﺍﻟﻠﻲ ﻳﺎﺑﻮﻙ ﻓﻴﻪ ..
ﻣﺸﻌﻞ : ﺑﺬﺑﺤﻚ ﺧﺎﻟﺪ ... ﻭﻣﻮ ﺑﺲ ﺑﺬﺑﺤﻚ .. ﺑﺬﺑﺤﻬﺎ ﺍﻫﻲ ﻓﻮﻗﻚ؟؟
ﺧﺎﻟﺪ ﻭﻫﻮ ﻣﻴﻮﺩ ﻣﻦ ﻣﺴﺎﻋﺪ : ﺍﺑﻴﻚ ﺑﺲ ﺗﺠﺮﺏ ﻣﻨﻬﺎ .. ﺍﻥ ﻣﺎ ﻭﺩﻳﺘﻚ
ﺑﺴﺘﻴﻦ ﺍﻟﻒ ﺩﺍﻫﻴﺔ ..
ﺳﻠﻮﻯ : ﺍﻧﺘﻲ ﺍﻟﻠﻲ ﺑﺘﺬﻭﻕ ﺍﻟﺪﻭﺍﻫﻲ ..
ﺳﺤﺐ ﻣﺴﺎﻋﺪ ﺧﺎﻟﺪ ﻟﺒﺮﻯ ﺍﻟﺒﻴﺖ .. ﻭﻟﺤﻘﻬﻢ ﻣﺸﻌﻞ ﻭﻫﻮ ﻳﺤﺲ ﺑﺎﻟﻘﻬﺮ
ﻳﻌﻤﻪ ..
ﻭﺍﻛﺜﺮ ﺷﻲ ﺁﻟﻤﻪ ﺍﻥ ﻓﺎﺗﻦ ﻛﺎﻧﺖ ﺗﺸﻮﻓﻪ ﻭﻫﻮ ﻳﺘﺼﺎﺭﻉ ﻭﻳﺎ ﺭﻳﻠﻬﺎ ..
ﻗﺪﺭ ﻣﺴﺎﻋﺪ ﺍﻥ ﻳﻬﺪﻱ ﺍﻻﻃﺮﺍﻑ ﻭﻣﺸﻌﻞ ﺭﺍﺡ ﻟﻌﻨﺪ ﺑﻴﺖ ﺑﻮ ﺟﺮﺍﺡ
ﺑﻬﺪﻑ ﺍﻧﻪ ﻳﺎﺧﺬ ﺳﻤﺎﺀ ﻣﻦ ﻫﻨﺎﻙ ..
ﻭﻗﻔﺖ ﻟﻪ ﺍﻡ ﺟﺮﺍﺡ : ﻭﻳﻦ ﺭﺍﻳﺢ؟؟
ﻣﺸﻌﻞ : ﺑﻌﺪﻱ ﻋﻨﻲ .. ﺑﺮﻭﺡ ﺍﺧﺬﻫﺎ ﻭﺧﻼﺹ ..
ﺍﻡ ﺟﺮﺍﺡ : ﻭﺍﻟﻠﻪ ﻣﺎ ﺗﺪﺧﻞ ﺑﻴﺘﻲ ﻭﻻ ﺗﺎﺧﺬﻫﺎ
ﻣﻦ ﻃﺮﻑ ﺛﺎﻧﻲ ﻣﺴﻚ ﻣﺴﺎﻋﺪ ﺧﺎﻟﺪ ﺍﻟﻠﻲ ﻳﺒﻲ ﻳﺮﻭﻭﺡ ﻟﻤﺸﻌﻞ ﺟﻠﻴﻞ
ﺍﻻﺻﻞ ﻭﺍﻟﺤﻴﺎﺍﺍ .. ﻭﺍﻟﺠﺪﺍﻝ ﺑﻴﻦ ﺍﻡ ﺟﺮﺍﺡ ﻭﻣﺸﻌﻞ ﺑﺪﻩ ﻓﻲ ﺧﻔﺔ ﻭﺍﻡ
ﺟﺮﺍﺡ ﺍﻟﻠﻲ
ﻋﻤﺮﻫﺎ ﻣﺎ ﺣﺼﻠﺖ ﻣﻮﻗﻒ ﻣﺜﻞ ﻫﺬﺍ . ﻟﻘﺖ ﺍﻥ ﺍﻟﻨﺎﺱ ﻣﺘﻴﻤﻌﺔ ﺣﻮﺍﻟﻲ
ﺑﻴﺘﻬﺎ ﻳﻄﺎﻟﻌﻮﻥ ﺍﻟﻠﻲ ﻗﺎﻋﺪ ﻳﺼﻴﺮ ..
ﻣﺸﻌﻞ : ﻛﻞ ﺍﻟﻠﻲ ﻧﺒﻴﻪ ﻳﺎ ﻧﺎﺱ ﺍﻫﻲ ﺑﻨﺘﻨﺎ .. ﻃﻠﻌﻮﻫﺎ ﻣﻦ ﺑﻴﺘﻜﻢ
ﺧﻼﺍﺹ ..
ﺍﻡ ﺟﺮﺍﺡ : ﻭﺍﻟﻠﻪ ﻣﺎ ﺗﺪﺧﻞ ﺑﻴﺘﻲ ﻭﺗﻄﻠﻌﻬﺎ ﻋﻨﻮﺓ ﻭﻏﺼﺐ ﻋﻨﻬﺎ .. ﺩﺍﻣﻨﻬﺎ
ﻻﻗﻴﺔ ﺍﻷﻣﺎﻥ ﻻ ﺍﻧﺖ ﻭﻻ ﻏﻴﺮﻙ ﻛﻔﻮﻭ ﻳﻄﻠﻌﻬﺎ ﻭﺭﺍﺳﻲ ﻳﺸﻢ ﺍﻟﻬﻮﺍ ..
ﺭﺍﺡ ﻣﺴﺎﻋﺪ ﻭﺧﺎﻟﺪ ﻳﺘﺒﻌﻪ ﻟﻌﻨﺪ ﺑﺎﺏ ﺍﻟﺒﻴﺖ .. ﻭﻓﺎﺗﻦ ﻇﻠﺖ ﻭﺍﻗﻔﺔ
ﻣﻜﺎﻧﻬﺎ ﺑﻨﺺ ﺍﻟﺸﺎﺭﻉ ..
ﺍﻡ ﺟﺮﺍﺡ : ﻣﺎ ﺗﻄﻠﻊ ﺍﻟﺒﻨﺖ
ﻣﺸﻌﻞ ﻭﻫﻮ ﻳﺘﺼﺮﻑ ﺑﺤﻘﺎﺭﺓ ﺗﺠﺎﻩ ﺍﻟﻜﻞ : ﻃﻠﻌﻮﻫﺎ ﻗﻠﻨﺎﻟﻜﻢ ..
ﺍﻡ ﺟﺮﺍﺡ : ﻣﺎ ﺗﻄﻠﻊ ﺍﻟﺒﻨﺖ .. ﻣﻮ ﻛﻔﺎﻳﺔ ﻣﻬﻴﻤﻨﻴﻬﺎ ﻋﻠﻰ ﻭﻳﻬﻬﺎ ﻃﻮﻝ
ﻋﻤﺮﻫﺎ .. ﺧﻠﻮﻫﺎ ﻋﻨﺪﻱ .. ﺍﻧﺎ ﺍﺑﻴﻬﺎ ﻣﺴﺘﻌﺪﺓ ﺍﺧﺬﻫﺎ ﺑﺤﻈﻨﻲ ﻭﺍﻟﻤﻬﺎ
ﻭﺍﺭﻋﺎﺍﻫﺎ ..
ﻣﺸﻌﻞ : ﻟﻴﺶ ﺍﻧﺘﻲ ﻋﺒﺎﻟﺞ ﺍﻫﻲ ﻣﺎ ﻋﻨﺪﻫﺎ ﺍﻡ؟؟ ﻃﻠﻌﻮﻫﺎ ﻗﻠﻨﺎﻟﻜﻢ ..
ﻭﻣﺎ ﻧﺒﻲ ﺷﻲ ﺛﺎﻧﻲ ..
ﻣﺴﺎﻋﺪ ﻳﻤﺴﻚ ﺍﻡ ﺟﺮﺍﺡ ﻣﻦ ﻃﺮﻑ : ﻋﻤﺘﻲ .. ﻭﺍﻟﻠﻲ ﻳﺴﻠﻢ ﻗﻠﺒﺞ ...
ﻃﻠﻌﻮ ﺍﻟﺒﻨﺖ .. ﻣﺎﻟﻜﻢ ﺣﻖ ﻋﻠﻴﻬﺎ ﻭﻻ ﺷﻜﻮﻛﻢ ﺑﺎﻟﻤﺨﺎﻓﺮ ﺍﻧﺘﻮﻭ ﺍﻟﻠﻲ
ﺑﺘﺘﻀﺮﺭﻭﻥ ..
ﺍﻡ ﺟﺮﺍﺡ ﺗﻤﺴﻚ ﻳﺪﻳﻦ ﻭﻟﺪﻫﺎ ﺍﻟﻴﺪﻳﺪ : ﻣﺎ ﺑﻲ ﺍﻃﻠﻌﻬﺎ . ﺑﻴﺬﺑﺤﻮﻧﻬﺎ ..
ﺧﺎﻟﺪ : ﻭﺍﻟﻠﻪ ﻣﺎﻗﺪﺭﻭﻭﻭ ﻳﺬﺑﺤﻮﻧﻬﺎ ﺟﻠﻴﻠﻴﻦ ﺍﻟﺤﻴﺎ ﻭﺍﻷﺻﻞ ..
ﻭﺛﺎﺭ ﻋﻠﻴﻪ ﻣﺸﻌﻞ ﻣﺮﺓ ﺛﺎﻧﻴﺔ ﻭﻟﻜﻦ ﻫﺎﻟﻤﺮﺓ ﻟﻠﻲ ﻭﻗﻔﺖ ﺑﻴﻨﻬﻢ ﻛﺎﻧﺖ
ﻓﺎﺗﻦ ... ﻭﺑﻨﻈﺮﺓ ﻣﻦ ﻋﻴﻮﻧﻬﺎ ﻗﺪﺭﺕ ﺍﻧﻬﺎ ﺗﻠﺠﻤﻪ .. ﻭﺑﺄﻱ ﻧﻈﺮﺓ . ﻧﻈﺮﺓ
ﺑﻌﻴﺪﺓ ﻋﻦ ﻛﻞ ﺍﻟﺤﺐ ﺍﻟﻠﻲ ﻳﻤﻜﻦ ﻓﻲ ﻳﻮﻡ ﻋﻄﺘﻪ ﺍﻳﺎﻩ .. ﻣﺎ ﺣﺴﺖ
ﺍﻧﻬﺎ ﺗﻮﻗﻒ ﺍﻧﺴﺎﻥ .. ﻛﺎﻥ ﺍﺷﺒﻪ ﺑﺎﻟﺤﻴﻮﺍﻥ ﺑﻨﻈﺮﻫﺎ ..
ﻓﺎﺗﻦ ﺑﺼﻮﺕ ﻫﺎﻣﺲ ..: ﺧﻠﻮﻫﺎ .. ﺍﻧﺎ ﺑﻄﻠﻌﻬﺎ ..
ﻭﻗﺒﻞ ﻻ ﺗﻤﺸﻲ .. ﺭﺩﺕ ﻋﻠﻰ ﻋﻘﺒﻬﺎ ﻓﻲ ﻭﻳﻪ ﻣﺸﻌﻞ ..
ﻓﺎﺗﻦ : ﻫﺬﻱ ﺁﺧﺮﻯ ﺍﻟﺮﺟﻮﻟﺔ ﺍﻟﻠﻲ ﻓﻴﻜﻢ؟؟؟
ﻧﻈﺮﺍﺗﻬﺎ ﺟﺎﻟﺖ ﺑﻴﻦ ﺍﻟﺜﻼﺛﺔ ﺍﻟﻠﻲ ﻛﺎﻧﻮ ﻭﺍﻗﻔﻴﻦ .. ﻭﺩﺧﻠﺖ ﺍﻟﺒﻴﺖ
ﻭﺗﺒﻌﻮﻫﺎ ﺍﻟﺤﺮﻳﻢ ﻛﻠﻬﻢ .. ﺍﻻ ﻣﺮﻳﻢ ﺍﻟﻠﻲ ﺗﻤﺖ ﻭﺍﻗﻔﺔ ﻋﻠﻰ ﺍﻟﺒﺎﺏ ﻭﻫﻲ
ﺧﺎﻳﻔﺔ ﻣﺮﺗﻌﺒﺔ .. ﻣﻨﻈﺮ ﺟﺮﺍﺡ ﺑﻌﺪﻩ ﻓﻲ ﻋﻴﻮﻧﻪ .. ﻭﻳﻮﻡ ﺭﺍﺣﺖ ﻓﺎﺗﻦ
ﺗﻘﺮﺑﺖ ﻣﻦ ﺍﺧﻮﻫﺎ ﻭﻫﻲ ﺗﻬﻤﺲ ..
ﻣﺮﻳﻢ : ﻣﺴﺎﻋﺪ .. ﺟﺮﺍﺡ ﻣﺎﻟﻪ ﺍﺣﺪ .. ﺭﻭﺣﻮﻭ ﻟﻪ .. ﻣﺎ ﻳﺼﻴﺮ ﺗﺨﻠﻮﻧﻪ
ﺑﺮﻭﺣﻪ .. ﺭﻭﺣﻮ ﻟﻪ ..
ﻣﺴﺎﻋﺪ ﻳﻠﺘﻔﺖ ﻟﺨﺎﻟﺪ ﺑﻌﺪ ﻣﺎ ﻧﺒﻬﺘﻪ ﺍﺧﺘﻪ ..: ﺧﺎﻟﺪ .. ﺗﻌﻮﺫ ﻣﻦ ﺑﻠﻴﺲ
ﻭﺭﻭﺡ ﻟﺠﺮﺍﺡ ﻭﻻ ﺗﻈﻞ ﻫﻨﻲ ﺍﻛﺜﺮ .. ﻻ ﻳﺴﻮﻭﻧﻪ ﻭﻳﺸﻜﻮﻭﻭﻧﻚ ﻓﻲ
ﺍﻟﻤﺨﻔﺮ ..
ﺧﺎﻟﺪ : ﺍﻧﺎ ﻣﺎ ﻫﻤﻨﻲ ﺷﻲ ( ﺗﻬﺪﺝ ﺻﻮﺗﻪ ) ﻟﻮ ﻳﺒﻮﻥ .. ﻳﺎﺧﺬﻭﻧﻲ ﺍﻟﻤﺨﻔﺮ ..
ﻣﺎ ﻳﻬﻤﻨﻲ ﺷﻲ ..
ﻣﺴﺎﻋﺪ ﻳﻠﺘﻔﺖ ﻟﻪ ﻭﻫﻮ ﻳﻠﻤﺢ ﺑﺮﻳﻖ ﺍﻟﻌﺬﺍﺏ ﺑﻌﻴﻮﻧﻪ : ﺍﺳﻤﻌﻬﺎ ﻣﻨﻲ
ﻭﺍﻧﺎ ﺍﺧﻮﻙ .. ﺍﺫﺍ ﺍﻧﺖ ﺗﺒﻴﻬﺎ ﺑﺘﻨﺎﻟﻬﺎ .. ﻭﺍﺫﺍ ﻫﻲ ﻣﻦ ﻧﺼﻴﺒﻚ ﻫﻲ
ﻟﻚ ..
ﺧﺎﻟﺪ ﻭﻫﻮ ﻳﻀﺒﻂ ﺷﻔﺘﻴﻦ ﻣﺮﺗﻌﺸﺘﻴﻦ :.. ﻣﺎﺑﻴﻬﺎ ﺗﺮﻭﺡ ﺍﻥ ﺧﺬﻭﻫﺎ
ﻭﺍﻟﻠﻪ ﺑﻴﺄﺫﻭﻧﻬﺎ ..
ﻣﺴﺎﻋﺪ : ﻭﻳﻦ ﻳﺄﺫﻭﻧﻬﺎ ﻣﺎ ﻳﻘﺪﺭﻭﻥ ﺍﻟﺪﻧﻴﺎ ﻣﻮ ﺳﺎﻳﺒﺔ ..
ﻇﻞ ﺍﻟﺸﻚ ﺑﻌﻴﻮﻥ ﺧﺎﻟﺪ ﻭﻫﻮ ﻭﺍﻗﻒ .. ﻟﻜﻨﻪ ﻣﺎﻗﺪﺭ .. ﻭﺣﻤﻞ ﺭﻭﺣﻪ
ﻭﺩﺧﻞ ﺍﻟﺒﻴﺖ .. ﻳﺸﻮﻑ ﺷﻠﻲ ﺑﺘﻘﺪﺭ ﻋﻠﻴﻪ ﻓﺎﺗﻦ ..
ﻓﺎﺗﻦ ﺍﻟﻠﻲ ﺩﺧﻠﺖ ﺩﺍﺭ ﻣﻨﺎﻳﺮ ﺍﻟﻠﻲ ﻛﺎﻧﺖ ﻻﻣﺔ ﺳﻤﺎﺀ ﻭﻫﻲ ﺗﺒﺠﻲ ..
ﻭﺍﻟﺜﺎﻧﻴﺔ ﻣﻮ ﻓﻲ ﺣﺎﻟﻬﺎ ﺍﻟﻄﺒﻴﻌﻲ .. ﺗﻬﺘﺰ ﻣﺜﻞ ﻭﺭﻗﺔ ﺑﻤﻬﺐ ﺍﻟﺮﻳﺢ ..
ﺭﺍﺣﺖ ﻟﻌﻨﺪﻫﺎ ﻭﺍﻫﻲ ﺗﻤﺴﺢ ﻋﻠﻰ ﺭﺍﺱ ﺍﺧﺘﻬﺎ ﺍﻟﻠﻲ ﺣﺎﻟﻬﺎ ﺍﺻﻌﺐ ﻣﻦ
ﺍﻱ ﺣﺎﻝ ..
ﻣﺴﻜﺖ ﺳﻤﺎﺀ ﻋﻦ ﻣﻨﺎﻳﺮ ﻭﺣﻄﺘﻬﺎ ﻋﻠﻰ ﺻﺪﺭﻫﺎ ﻭﺳﻤﺎﺀ ﻣﻦ ﺣﺴﺖ
ﻟﻔﺎﺗﻦ ﺑﺪﺕ ﺗﺒﺠﻲ ﺑﺼﻮﺕ ﺭﻓﻴﻊ ﻭﻋﺎﻟﻲ ﻳﻘﻄﻊ ﺍﻟﻘﻠﺐ ... ﺻﻮﺕ ﻣﺎ
ﻳﺼﺪﺭ ﻋﻦ ﺑﻨﺖ ﻓﻲ ﻣﻘﺘﺒﻞ ﺍﻟﻌﻤﺮ .. ﺍﻧﺎﺕ ﻣﻜﺒﻮﺗﺔ ﻓﻲ ﻧﻔﺲ ﺟﺒﻞ
ﺗﻌﺐ ﻣﻦ ﺍﻟﺼﻤﻮﻭﺩ ..
ﺳﻤﺎﺀ : .. ﻓﺘﻮﻭﻭﻥ ... ﻻ ﺗﺨﻠﻴﻨﻬﻢ ﻳﺎﺧﺬﻭﻧﻲ .. ﺗﻜﻔــــــﻴﻦ ..
ﺑﺠﺖ ﻓﺎﺗﻦ ﻭﻫﻲ ﺗﻤﺴﺢ ﻋﻠﻰ ﺭﺍﺱ ﺳﻤﺎﺀ ﻟﻜﻦ ﻣﺴﺤﺖ ﺩﻣﻌﻬﺎ ﻋﺸﺎﻥ
ﻣﺎ ﺗﺒﻴﻦ ﺿﻌﻴﻔﺔ ﺟﺪﺍﻣﻬﺎ :.. ﻣﺎ ﺑﺨﻠﻴﻬﻢ .. ﺍﻧﺘﻲ ﺑﺲ ﺳﻜﺘﻲ .. ﻭﻫﺪﻱ
ﺭﻭﺣﺞ ..
ﺗﺮﺗﻌﺶ ﺑﻴﻦ ﻳﺪﻳﻨﻬﺎ ...: ﻓــﺎﺗﻦ .. ﻻ ﺗﺨﻠﻴﻨﻬﻢ ﻳﺎﺧﺬﻭﻧﻲ .. ﻣﺎﺑﻲ
ﺍﺧﻠﻴﻜﻢ ... ﺍﺑﻴﻜﻢ ﺍﻧﺎ .. ﺍﻧﺘﻮ ﺗﺒﻮﻧﻲ؟؟
ﺍﻡ ﺟﺮﺍﺡ ﺍﻟﻠﻲ ﺩﺧﻠﺖ ﻋﻠﻰ ﻫﺎﻟﺠﻤﻠﺔ ﺭﺍﺣﺖ ﻭﻗﻌﺪﺕ ﻋﻨﺪﻫﻢ ﻭﻫﻲ
ﺗﻀﻢ ﺳﻤﺎﺀ ﻋﻦ ﻓﺎﺗﻦ ﻭﺗﺒﺠﻲ ﺍﻟﻜﻞ ﻭﻳﺎﻫﺎ .. ﺣﺘﻰ ﻓﺎﺗﻦ ﻧﻔﺴﻬﺎ ...
ﺳﻤﺎﺀ : ﻳﻤﺔ ﻻ ﺗﺨﻠﻴﻨﻲ ﺍﺭﻭﻭﺡ ﻋﻨﺞ ..ﻳﻤﺔ ﺗﻜﻔﻴﻦ .. ﺑﻤﻮﺕ ﺑﻠﻴﺎﺍﺍﺍﺝ ﺍﻧﺎ
ﻣﺎﻗﺪﺭ ﺍﻋﻴﺶ ﺑﺪﻭﻧﺞ ..
ﺍﻡ ﺟﺮﺍﺡ ﻭﻫﻲ ﺗﺒﺠﻲ : ﻳﻤﺔ ﺷﺒﻴﺪﻱ ﻋﻠﻴﺞ؟؟ ﺍﻧﺎ ﻟﻮ ﺑﻴﺪﻱ ﺷﻲ ﺟﺎﻥ
ﻣﺎ ﺧﻠﻴﺘﻬﻢ ﻳﺎﺧﺬﻭﻧﺞ ﻣﻨﻲ .. ﻟﻜﻦ ﺍﻧﺎ ﻣﺎﺑﻴﺪﻱ ﺷﻲ ..
ﺳﻤﺎﺀ ﺗﺮﻓﻊ ﺭﺍﺳﻬﺎ ﺍﻟﻤﺘﻌﺐ ﻭﺍﻟﻤﻌﺬﺏ : ﻳﻤﺔ .. ﺍﻧﺘﻲ ﺍﻣﻲ ... ﺷﻠﻮﻥ
ﺗﻘﻮﻟﻴﻦ ﺟﺬﻱ .. ﺣﺎﻣﻲ ﻋﻨﻲ ... (ﻣﺎﻛﺎﻧﺖ ﺑﺼﻮﺍﺑﻬﺎ ) ﺷﻠﻮﻥ ﺑﺘﻬﺪﻳﻨﻲ ..
ﻫﺪﻳﺘﻴﻨﻲ ﻣﺮﺓ ﺑﺘﻬﺪﻳﻨﻲ ﻣﺮﺓ ﺛﺎﻧﻴﺔ؟؟
ﺍﻡ ﺟﺮﺍﺡ ﻭﻫﻲ ﺗﻨﺎﻇﺮ ﻓﺎﺗﻦ ﻋﺎﺟﺰﺓ ﻋﻦ ﻓﻬﻤﻬﺎ .. ﻟﻜﻦ ﻓﺎﺗﻦ ﻋﺮﻓﺖ ﺍﻥ
ﺳﻤﺎﺀ ﺑﺴﺒﺐ ﺍﻟﺼﻴﺎﺡ ﻭﺍﻟﻬﺴﺘﻴﺮﻳﺎ ﻣﺎ ﻗﺎﻣﺖ ﺗﺴﺘﻮﻋﺐ ﺍﻟﻠﻲ ﺗﻘﻮﻟﻪ ..
ﻣﺴﻜﺖ ﻣﻨﺎﻳﺮ : .. ﺭﻭﺣﻲ ﻳﻴﺒﻲ ﻟﻬﺎ ﻣﺎﻱ ..
ﺭﺍﺣﺖ ﻣﻨﺎﻳﺮ ﻭﻇﻠﺖ ﺳﻤﺎﺀ ﺑﺤﻈﻦ ﺍﻡ ﺟﺮﺍﺡ ﻭﻫﻲ ﺗﺒﺠﻲ .. ﻭﻭﺻﻞ
ﻟﻌﻨﺪﻫﻢ ﺧﺎﻟﺪ .. ﻭﻗﻒ ﻋﻠﻰ ﺍﻟﺒﺎﺏ ﻭﻫﻮ ﻳﻨﺎﻇﺮﻫﻢ . ﻭﻳﺘﻤﻨﻰ ﻣﻦ ﺍﺣﺪ
ﺍﻧﻪ ﻳﻨﺘﺒﻪ ﻟﻪ
ﻋﺸﺎﻥ ﻳﺨﻠﻴﻪ ﻳﺪﺧﻞ .. ﺷﺎﻓﺘﻪ ﻓﺎﺗﻦ ﻭﻋﺬﺏ ﻗﻠﺒﻬﺎ ﺍﻟﺤﺎﻝ ﺍﻟﻠﻲ ﻭﺻﻞ
ﻋﻠﻴﻪ ﺧﺎﻟﺪ .. ﺍﻫﻲ ﺭﻭﺣﻬﺎ ﺗﺮﻭﺡ ﻭﻻ ﻋﺰﻳﺰﻫﺎ ﺧﺎﻟﺪ ﻳﺼﻴﺒﻪ ﺷﻲ ..
ﻭﺍﺷﺮﺕ ﻟﻪ ﺑﺮﺍﺳﻪ ﻋﺸﺎﻥ ﻳﺪﺧﻞ .. ﻭﻣﺎ ﺍﺳﺮﻉ ﺗﺠﺪﻣﻪ ﺑﺎﻟﻐﺮﻓﺔ ﻟﻌﻨﺪ ﺍﻡ
ﺟﺮﺍﺡ ..
ﺧﺎﻟﺪ ﺑﺼﻮﺕ ﺣﺎﻧﻲ ﻳﻨﺎﺩﻱ ﻟﻰ ﺳﻤﺎﺀ ..: ﺳﻤــﺎﺀ .. ﺳﻤــﺄﺀ ﺑﺴﺞ ﻋﺎﺩ
ﺍﺷﻘﻴﺘﻲ ﺍﻟﺮﻭﺡ ﺑﺒﺠﺎﺍﺝ .. ﻫﺪﻱ ﺭﻭﺣﺞ ﺧﻼﺹ ..
ﺳﻤﺎﺀ ﻭﻫﻲ ﺗﻨﺎﻇﺮﻩ .. ﻭﺑﺪﺕ ﺍﻟﺸﻜﻮﻯ ﻣﻦ ﻗﻠﺒﻬﺎ ﻟﻘﻠﺒﻪ ...: ﻳﺒﻮﻥ
ﻳﺒﻌﺪﻭﻧﻲ ﻋﻨﻚ ... ﻳﺒﻮﻥ ﻳﻘﻄﻮﻧﻲ ﺑﻤﺪﺭﺳﺔ .. ﻃﻮﻝ ﻋﻤﺮﻱ .. ﻣﺎ ﻳﺒﻮﻧﻲ
ﻭﻳﺎﻙ ﺧﺎﻟﺪ ..
ﻭﺍﻧﺎ ﻣﺎ ﻃﻴﻖ ﺍﻟﺪﻧﻴﺎ ﺑﺪﻭﻧﻜﻢ ﻳﻤﺔ .. ﻣﺎﺑﻲ ﺍﻟﺪﻧﻴﺎ ﺑﻠﻴﺎﺍﺍﻛﻢ ..
ﺧﺎﻟﺪ ﻭﻫﻮ ﻳﻨﺎﻇﺮ ﺧﺎﻟﺘﻪ ﺍﻟﻠﻲ ﺻﻌﺐ ﺣﺎﻟﻬﺎ ﻳﻮﻡ ﺷﺎﻓﺘﻪ ﻣﻜﺴﻮﺭ
ﺍﻟﺨﺎﻃﺮ ... : ﻳﻤﺔ ﺍﻧﺎ ﺷﺒﻴﺪﻱ ﻋﻠﻴﻜﻢ .. ﺍﻧﺎ ﻣﺎ ﻗﻠﺖ ﻟﻚ ﻳﺎ ﺧﺎﻟﺪ .. ﻣﺎ
ﻗﻠﺖ ﻟﻚ ﻫﺬﻭﻝ
ﻧﺎﺱ ﻛﺒﺎﺍﺍﺭ ﻟﻴﺶ ﺗﺤﻂ ﺭﺍﺳﻚ ﺑﺮﺍﺳﻬﻢ ... ﺍﻟﺒﻨﺖ ﻣﺎﻟﻬﺎ ﺫﻧﺐ .. ﺍﻧﺎ ﻣﺎ
ﺧﻔﺖ ﻋﻠﻴﻚ ﺍﻧﺖ ﺭﻳﺎﻝ ﻭﻣﺎ ﻳﻨﺨﺎﻑ ﻋﻠﻴﻚ .. ﺍﻧﺎ ﻗﻠﺒﻲ ﺍﻧﺸﻌﺐ ﻋﻠﻰ
ﻫﺎﻟﻤﺴﻴﺠﻴﻨﺔ ﺍﻟﻠﻲ ﺗﻌﺎﻧﻲ ﻣﻦ ﻛﻞ ﺻﻮﺏ ..
ﺧﺎﻟﺪ ﻭﻫﻮ ﻳﻜﻠﻢ ﺳﻤﺎﺀ ..: ﺳﻤﺎﺀ .. ﻃﺎﻟﻌﻴﻨﻲ .. ﺳﻤﺎﺀ ﺳﻤﻌﻴﻨﻲ ..
ﻃﺎﻟﻌﻴﻨﻲ ..
ﺭﻓﻌﺖ ﻋﻴﻮﻧﻬﺎ ﻟﻪ .. ﻭﺍﺑﺘﺴﻢ ﻓﻲ ﻭﻳﻬﻬﺎ ..
ﺧﺎﻟﺪ ﺑﺼﻮﺕ ﻫﺎﺩﺉ ..: ﺳﻤﻌﻴﻨﻲ ... ﺍﻧﺘﻲ ﺗﺒﻴﻨﺎ ﺻﺢ؟؟؟ ﺗﺒﻴﻨﺎ؟؟
ﻫﺰﺕ ﺭﺍﺳﻬﺎ ﺑﻬﺪﻭﺀ ..
ﺧﺎﻟﺪ : ﺑﺲ ﻋﻴﻞ .. ﺍﺫﺍ ﺗﺒﻴﻨﺎ ... ﻣﺎﻛﻮ ﺍﺣﺪ ﺑﻴﻔﺮﻗﺞ ﻋﻨﺎ .. ﻻ ﺍﻫﻠﺞ ..
ﻭﻻ ﺍﻟﻤﺪﺭﺳﺔ ﺍﻟﻠﻲ ﻳﻘﻮﻟﻮﻥ ﻋﻨﻬﺎ .. ﺑﺘﻤﻴﻦ ﻭﻳﺎﻧﺎ .... ﻓﻲ ﻗﻠﺒﻨﺎ
ﻭﺭﻭﺣﻨﺎ ... ﻭﻣﺎ ﺑﺘﻐﻴﺒﻴﻦ ﻭﻻ ﻟﺤﻈﺔ .. ﺍﺫﺍ ﻣﻮ ﻋﻦ ﺍﻟﻨﺎﺱ .. ﻋﻨﻲ ﺍﻧﺎ ..
ﻣﺎ ﺑﺘﺮﻭﺣﻴﻦ ..
ﻏﺎﺑﺖ ﻭﺳﻂ ﺍﻧﻴﻦ ﻓﻲ ﺣﻈﻦ ﺍﻡ ﺟﺮﺍﺡ ﺍﻟﻠﻲ ﺍﻫﻲ ﺑﻌﺪ ﺗﺒﺠﻲ ﻭﺗﺄﻥ ..
ﺧﺎﻟﺪ ﻭﻫﻮ ﻳﺬﺭﻑ ﺍﻭﻝ ﺩﻣﻌﺔ ﻣﻦ ﺍﻟﻮﻗﺖ ﻛﻠﻪ ..: ﺳﻤﺎﺀ .. ﻋﻠﻴﺞ ﺍﻟﻠﻪ
ﺍﻻ ﺗﺴﻤﻌﻴﻨﻲ ...
ﺭﻓﻌﺖ ﻋﻴﻮﻧﻬﺎ ﻟﻪ ﻭﻫﻲ ﻣﺘﻌﺬﺑﺔ : ﻻ ﺗﻄﻠﺐ ﻣﻨﻲ ﻫﺎﻟﺸﻲ .. ﺗﺪﺭﻱ ﺷﻨﻮ
ﻳﻌﻨﻲ ﻋﻠﻲ ﻫﺎﻟﺸﻲ .. ﺍﻧﺎ ﺑﺮﻭﺡ ﻭﻻ ﺑﺮﺩ ..
ﺧﺎﻟﺪ : ﺍﻟﻠﻲ ﻳﺎﺑﺞ ﻣﺮﺓ ﻫﻨﻲ .. ﺑﻴﻴﺒﺞ ﻣﺮﺓ ﺛﺎﻧﻴﺔ ﻟﻨﺎ .. ﻭﻛﻞ ﻣﺎ
ﺍﺑﺘﻌﺪﻱ .. ﻭﻣﻬﻤﺎ ﺍﺑﺘﻌﺪﻱ .. ﺗﻈﻠﻴﻦ ﺑﻴﻨﺎﺗﻨﺎ .. ﻋﺰﻳﺰﺓ ﻭﻗﺮﻳﺒﺔ .. ﺍﻧﺘﻲ
ﻭﺣﺪﺓ ﻣﻨﺎ ﻭﻓﻴﻨﺎ ﻳﺎ ﺳﻤﺎﺀ .. ﻣﻨﺘﻲ ﻏﺮﻳﺒﺔ ﺣﺎﺷﺎﺝ ..
ﺳﻤﺎﺀ : ﻻ ﺗﺒﻴﻌﻨﻲ ﺧﺎﻟﺪ ..
ﻭﺁﺁﺁﻩ ﻣﻦ ﻫﺎﻟﻜﻠﻤﺔ : ﺍﺷﺘﺮﻳـــﺞ ﺑﺎﻟﻐﺎﻟــﻲ .. ﺍﻟﻠﻲ ﻋﻤﺮﻱ ﺍﺭﺧﺺ ﻣﻨﻪ ..
ﺍﺷﺘﺮﻳﺞ ﺑﻬﻠﻲ ﻛﻠﻬﻢ .. ﻳﺎﻟﻐﺎﻟﻴﺔ ﻭﺍﺻﻔﺞ ﺑﻴﻦ ﺍﻟﻤﻨﻰ .. ﻻ ﺗﻘﻮﻟﻴﻦ ﺟﺬﻱ ..
ﺍﻧﺎ ﻣﺎ ﺑﻴﻌﺞ .. ﺍﻧﺎ ﺍﺑﻴﺞ ﺗﻔﻬﻤﻴﻦ .. ﻫﺬﻭﻝ ﻫﻠﺞ .. ﻭﺍﻟﺰﻡ ﻣﺎ ﻋﻠﻴﻬﻢ
ﺍﻫﻲ ﻣﺼﻠﺤﺘﺞ .. ﻭﺍﻥ ﻣﺎ ﻛﻨﺘﻲ ﺗﺪﺭﻳﻦ ..
ﺳﻤﺎﺀ : ﻣﺎﺑﻴﻬﻢ .. ﺍﺑﻴﻜﻢ ﻣﺎﺑﻴﻬﻢ ... ﻣﺎﺑﻴﻬﻢ ..
ﺗﻘﺮﺏ ﻣﻨﻬﺎ ﺧﺎﻟﺪ ﺍﻛﺜﺮ ..: ﺳﻤﺎﺀ .. ﺍﻧﺘﻲ ﺗﺎﻣﻨﻴﻦ ﺑﺎﻟﻠﻪ؟؟
ﺳﻤﺎﺀ : ﺍﻟﻠﻪ ﻣﺎ ﻳﺮﺿﻰ ﻳﺎ ﺧﺎﻟﺪ ..
ﺧﺎﻟﺪ ﻳﻜﺮﺭ ﺳﺆﺍﻟﻪ ﺑﻘﻠﺐ ﻣﺬﺑﻮﺡ ﻛﺎﻟﻄﻴﺮ ..: ﺍﻧﺘﻲ ﺗﺎﻣﻨﻴﻦ ﺑﺎﻟﻠﻪ ﻳﺎ
ﺳﻤﺎﺀ ..
ﻫﺰﺕ ﺭﺍﺳﻬﺎ ..
ﺧﺎﻟﺪ : ﺑﺲ ﻋﻴﻞ .. ﺭﺑﺞ ﻫﺬﺍ ﺍﺣﺴﻦ ﻣﻦ ﺍﻱ ﺣﺪ ﻓﻴﻨﺎ .. ﻭﻫﻮ ﺍﻟﻠﻲ
ﺑﻴﻄﻤﻨﺞ ﻭﻳﻬﺪﻳﺞ ﻭﻳﻨﻮﺭ ﺩﺭﺑﺞ ﻭﻗﻠﺒﺞ .. ﺭﺑﺞ ﻳﺎ ﺳﻤﺎﺀ ﻫﻮ ﻭﺻﻠﺞ
ﺑﻴﻨﻨﺎ ﻭﺑﻴﻨﺞ ..
ﺭﺑﺞ ﻫﺬﺍ ﻫﻮ ﺍﻟﻠﻲ ﺑﻴﺮﺣﻤﺞ ﻭﺑﻴﺎﺧﺬ ﺣﻘﺞ .. ﻻ ﺍﻧﺎ .. ﻭﻻ ﺧﺎﻟﺘﻲ .. ﻭﻻ
ﻭﺍﺣﺪ ﻓﻴﻨﺎ ﻗﺪ ﺍﻟﻤﺴﺌﻮﻟﻴﺔ .. ﻗﺪ ﺭﺑﺞ ..
ﻛﻔﺎﻳﺔ .. ﺩﺧﻮﻝ ﻛﻠﻤﺔ ﺍﻟﻠﻪ ﻋﺰ ﻭﺟﻞ ﻛﺎﻧﺖ ﻛﺎﻓﻴﺔ ﻓﻲ ﻗﻠﺐ ﺳﻤــﺎﺀ ﺍﻧﻬﺎ
ﺗﻨﻬﻲ ﺍﻟﻨﺤﻴــﺐ .. ﺍﻋﻈﻢ ﻭﺳﻴﻠﺔ ﻭﻭﺍﺳﻄﺔ ﺑﻴﻨﻬﺎ ﻭﺑﻴﻦ ﺍﺣﺒﺎﺑﻬﺎ .. ﺭﺍﺡ
ﺗﻜﻮﻥ ﺍﻟﻠﻪ ﻋﺰ ﻭﺟﻞ ﻭﻫﺬﺍ ﺍﻟﻠﻲ ﻻﺯﻡ ﻳﻜﻮﻭﻥ .. ﺭﺏ ﺍﻟﻌﺎﻟﻤﻴﻦ ﺍﻟﻠﻲ
ﺍﻻﻧﺴﺎﻥ ﻻﺯﻡ ﻣﺎ ﻳﺬﻛﺮﻩ ﺑﺎﻟﻤﺼﺎﺋﺐ .. ﻭﺍﻧﻤﺎ ﺑﺎﻟﺨﻴﺮ ﻭﺍﻻﻓﺮﺍﺡ ..
ﺫﻛﺮ ﺭﺏ ﺍﻟﻌﺎﻟﻤﻴﻦ .. ﻭﺍﺳﺘﺴﻠﻤﺖ ﺳﻤﺎﺀ ﺍﺧﻴــﺮﺍ .. ﻟﻜﻦ ﺩﻣﻊ ﺍﻟﻔﺮﺍﻕ ﺍﻣﺮ
ﻋﻠﻰ ﺭﻭﺣﻬﺎ ﻣﻦ ﺍﻟﻤﺮ .. ﻭﺧﺎﻟﺪ ﻣﺎ ﺍﺳﺘﺤﻤﻞ .. ﻭﻣﺎ ﻗﺪﺭ ﻳﻈﻞ ﺍﻛﺜﺮ ..
ﻓﺸﺎﻝ
ﺭﻭﺣﻪ ﻭﻃﻠﻊ .. ﻋﻠﻰ ﺍﻟﻮﺟﻬﺔ ﺍﻟﻠﻲ ﺩﻟﻬﺎ ﻋﻠﻴﻪ ﻣﺴﺎﻋﺪ .. ﻳﻢ ﺟﺮﺍﺡ ..
ﻳﺒﺘﻌﺪ ﻗﺪ ﻣﺎ ﻳﻘﺪﺭ .. ﻳﻮﺍﺻﻞ ﻭﻟﺪ ﺧﺎﻟﺘﻪ ﺍﻟﻠﻲ ﻣﺎ ﻗﺼﺮ ﻋﻠﻴﻪ ﺑﻴﻮﻡ ..
ﻟﻜﻦ ﺷﻌﻦ ﻗﻠﺒﻪ ﻳﺎﻧﺎﺱ؟؟ .. ﺣﺎﻟﻪ ﺍﻟﻠﻲ ﻣﺸﻴﺐ ﺭﺍﺳﻪ ..
ﺍﻭﻝ ﻣﺎ ﺍﺑﺘﻌﺪ ﻋﻦ ﺍﻟﺒﻴﺖ ﺻﺮﺥ : .ﻷﺍﺍﺍ ... ﺣﺮﺍﻡ .. ﻟﻴﺶ ﺳﻤﺎﺀ ..
ﺍﺳﺘﻐﻔﺮﻙ ﻳﺎﺭﺑﻲ ... ﻟﻴﺶ ﺳﻤﺎﺀ ﻟﻴﺶ؟؟؟ ﺍﻧﺎ ﻣﺎ ﺻﺪﻗﺖ ﺍﻧﻲ ﻟﻘﻴﺘﻬﺎ ..
ﺧﻼﺹ ﺿﺎﻋﺖ ﻣﻦ ﻳﺪﻱ .. ﺿﺎﻋﺖ ﺳﻤﺎﺀ؟؟ ﺭﺍﺣﺖ ﺧﻼﺹ؟؟؟