الفصل 23
"بعد مرور سنه"
في الليل الساعه١٠م
منسدحه بطلتنا على الكنب وعينها على المسلسل ولو تحلف انها ماتدري وش يقولون
غمضت عيونها بتعب تحس الارض وكانها تلف فيها
قامت من مكانها وهي تعدل جلستها ويدها على بطنها بخوف وهي تهمس:وشو باقي اسبوع ليش يعورني كذا
وقفت بتعب ويدها على بطنها المنتفخه
اخذت نفس واثنين وثلاثه لين همست:اروح لطبيب احسن
اسحبت جوالها بتعب ويدها على ظهرها :الوو ذياب
ذياب:هلا وش بك
الجازي:موجود تحت صح؟
ذياب:ايوا
الجازي:بنزل لك ودني طبيب
ذياب بخوف:وشو بتولدين؟؟
الجازي:مدري بس يعورني بطني اخاف موعد ولادتي قرب
ذياب:الدكتور مو قال باقي اسبوع تقريبا على موعدك
الجازي زفرت بتعب:ذياب انا وش يعرفني شايفني كل يوم اتولد مدريي انا مثلك شغل السياره جايه لك
سكرت الجوال بتعب وهي ترميه على الكنب وتروح للغرفه
سحبت لها لبس خفيف وهي تلبسه بعدها اخذت عبايتها ولبستها
اخذت جوالها وطلعت لذياب
ركبت بجنبه :مشينا
حرك ذياب :انا متاكد انه بنرجع مثل كل مره ويقولون مو ولاده
ناظرت له الجازي بطرف عين ودموعها نزلت:وشو يعني انا كذابه؟؟
ناظر لها بصدمه وقلق:اوو اسف والله امزح وش بك انتي فيك ولاده انا متاكد ماعليك
غطت الجازي وجها وهي تبكي:كله تكذبونيي
مسح على وجهه بملل من هالحاله طول فترة حملها تبكي على اي شي تنهد بعد مابدت موالها اليومي:انتوو كلكم كذا يا الرجال ماتحسون مافي قلبكم رحمه اصلا كلهه منن..
كمل عنها بملل:منن اهمالي
شهقت الجازي ببكي وهي تكمل:ايوا كله من اهمالكك المفروض تكون انسان حريص على مصلحة زوجتك وطفلك الي جاي و..
كمل بملل:واكون اب صالح مراعي لعايلته الجديده
الجازي وهي تمسح بدموعها:ايوا
كبح ابتسامته على شكلها الطفولي وهي تمسح دموعها وتكمل بكلامها اللين وصلو للمستشفى
نزلو ودخلوها لغرفه بعد مافحصتها الدكتوره:بعدك ولادتك باقي لها
الجازي ناظرت لها بقهر:وشوو يعني انا اكذب عليكم اقول بطني تعورني
تنهدت الدكتوره:انتي ذا بكرك؟
الجازي:ايي
ناظر لها ذياب وهو يغمز لها:دكتوره خلوها عندكم يوم وش بك تقول بتولد يعني بتولد
الدكتوره ناظرت للجازي الي عيونها بدت تدمع:طيب ماشي تفضلي مع الممرضه للغرفه وبنخليك يومين ماجاك شي ترجعين
ابتسمت الجازي براحه:تمام
طلعت مع ذياب الي مبتسم على وضعها:امسكي ذي بطاقتي بس تبين تاكلين شي اطلبي لك
اخذتها الجازي ودخلت لغرفه فيها كم وحده واضح عليهم التعب والبعض الملل
جلست بسريرها وهي تطلع ميك اب وترسم لها ايلاينر من بداية حملها كانت كذا بس تكشخ وتحط ايلاينر وتطلع وتتمشى ولازم كل يوم كاشخه لبس غير ميك اب شكل غير واذا احد كلمها بكت
"بعد مرور يوم"
دفعت الجازي الحساب
كانت طالبه غدا لها ولكل الي موجودين معاه بالجناح من حوامل
وجلست تاكل وتسولف
كلمتها وحده:انتي بكريه؟
الجازي:ايي اول طفل
حركة الحرمه راسها بتفهم:اشوفك ماشاءالله مستانسه ولا هامك الي بيجيك بعدين اثاريك ماجربتي شي
ناظرت لها الجازي بهدوء وعدم اهتمام:عادي احس كلها ولاده
ابتسمت الحرمه وهي تكمل اكل:انا هذا حملي الثاني كنت مثلك اول حمل الحين كل ماقالو قربت ولادتك رجولي ماتشيلني
حركة الجازي راسها بتفهم:اهاا
خلصت الجازي اكل وطلعت تنام لها شوي
وكلها كم ساعه وطلعوها بعد ماقالو ما معك ولاده
ابتسم ذياب:ها كيف جلست المستشفى
الجازي:هههه عادي متعوده عليها
ذياب:طيب باقي تقريبا ثلاث شهور وتبدين سنه خامسه طب كيف بتدرسين والبزر؟
الجازي:شوف انا الحمدالله قدرت اخلص سنه الرابعه مع الحمل وبعدين الخامسه مابكون بالمستشفى بكون بالجامعه ادرس فا راح اضبط جدولي واخلي مواعيده الصباح وانا تقريبا خلصت مواد كثيره فا بقلل مواد اول كورس
حرك راسه بتفهم وكمل يناظر لطريقه
وبس وصلو للبيت وقبل تنزل:انا بكون بالمجلس تبين شي اتصلي علي
نزلت الجازي بعد ماتممت له
بعد مرور سبع ساعات
كانت عيون ذياب عالطريق بقلق:من جدك انتييي
بينما الجازي الي تتصل على دكتورها:والله مويه نزلت
ثواني ورد:الوو
الجازي:دكتورر انا ترى بجيك بولد
دكتور حسن:على كيفك موعدك لسا باقي له يومين معي
الجازي بألم وعصبيهه:وشوو على كيفيي اقول لك بولدد تصرفف سوو اي شييي
دكتور حسن:خلاص انتي تعالي وانا اشوف
سكرت الجازي بألم ويدها على بطنها:اخخخ بموتت ياايمههه
ناظر ذياب بتوتر لها:يابنت لاتخوفيني
الجازي ببكي:اسمع لاتعلم اهلي ماابي اخوفهمم لين اولد بعدها قول لهم اهىى اهىى بموووووتتت
وقف ذياب قدام المستشفى ونزل وهو ياخذ كرسي متحرك
جلست الجازي بتعب وهي تبكي
بس وصل لغرف الولاده اخذوها الممرضات وطلبو منه ينتظر برا
بينما الجازي حطوها على السرير وهي تبكي بألم
دخل دكتور حسن ومعه قهوته:أي دا تبكي لي مابيحصلش حاقه ماتخافيش(رشف له من القهوه)
بينما الجازي الممرضات ماسكين برجلها الي ترفسهم فيها ببكي:اقول لكك بوولدددد عطووونيييي كمام مخدر خلاص بموت
طلع الدكتور بعد ماكلم الممرضات وقالو باقي لازم تنتظر كم ساعه لحتى يولدونها
وقف يناظر ببرود من ورا الزجاج ويشرب من الكوفي بينما الجازي تصرخ بقهر:تستهبل عطنيي كمااممم يالمصرييييييييي
حرك براسه بأسف وهو يكمل يشرب قهوته مناظر تعود يشوفها ومو شي جديد الحرمه بس تجيها حالة الولاده تفصل وتصير تبكي وكل شي يطلع منها ولا تهتم
طلع بعد مانبهه الممرضات بس تخلص طلوق ويحسون انه هذا وقتها ينادونه
بينما ذياب وقع على اوراق الولاده وجلس ينتظر برا بقلق
نروح للجازي الي هدا معاها العوار
وكان بجنبها حريم الي تصرخ وتولد والي على وشك
الين جابو حاله بجنبها تصرخ وبتبكي وتشكي للممرضه:ماابي اولد طبيعي ابي كمااامم
ناظرت الجازي للمرضه الي تستهبل وتقرص المريضه على جنب:انتي ليش في يلبس قميص نوم حق زوج مال انتا هاه يالله الحين لازم يستحمل
سكرت الجازي عيونها بتعب من الالم
وكلها ساعات و ولدت بطلتنا بنتها
_______
وقف ذياب بس طلعت الممرضه:ماشاءالله ماشاءالله قمر بنت قمررر وين بابا ذياب
قرب ذياب ببتسامه:ها كيف ماما
الممرضه:ماما واجد زين مافي خوف
ناظر للبزر الي طلعوها كانت قمر مثل ماقالت
قرب لها وهو يبوسها واخذها يأذن بأذنها
اخذتها الممرضه
وقبل تروح الممرضه الثانيه:دقيقه ابي اشوف ماما
الممرضه:مافي خوف الحين يودي غرفه رقم٢٠٥ في يقدر يشوف جناح ٣ انت روح في هو يودي
طلع ذياب للجناح رقم٣ ودور على الغرفه لين لقاها دخل بهدوء وكانت الجازي فيها ونايمه بأرهاق
ابتسم وهو يقرب لها باس راسها وهو يهمس:يعطيك العافيه على القمر الي جبتيها
سحب له كرسي وجلس ومسك يدها بشويش ناظر لوجها واضح التعب عليها
مد يده وبعد كم شعره عن وجها
رجع مسك يدها وباسها لمده طويله لحتى بعد وهمس:مشتاق لعيونك عجلي بالقومه
ابتسم لثواني وكمل همس:احسني ماصلح اب ههههههه وش رايك نرجعها لبطنك
ترك يدها لثواني وهو يهمس:اوف نسيت الاهل
طلع جواله وهو يرسل لعمه سعد يخبر اروى وهي بدورها تخبر الكل همس :لاحق على التباريك والسوالف
سكر الجوال ورجع مسك يدها يتأمل حبيبته قبل تكون زوجته ملامح وجها الي حفظها وعيونها الي عاشقها كل مره كان يتأملها يسأل نفسها وش سوا عشان تصير هلانسانه له ملكه هو بس
باس يدها وعيونه مانزلها عنها:احــبــكك اكثر من امس ومو اكثر من بكرا
_______
اليوم الثاني الصباح
عقدت حواجبها بأنزعاج من الاصوات الي حولها
فتحت عيونها ورجعت سكرتها بأنزعاج
وصل لها صوت امها:يمه الجازي تسمعيني..الحمدالله على سلامتك يمه اصحي عشان تشوفين بنتكك
فتحت عيونها بتعب وكان حولها امها وخالاتها وابتسام
همست بتعب:ابي مويه
قربت اروى المويه لها وابتسام رفعت السرير عشان تعدل جلستها قربت لها المويه:بشويش
ام الجازي :يمه بنات ساعدوها تروح للحمام ونادي الممرضه تساعدكم بعد
لفت لها ابتسام:طيب الحين بنادي على الممرضه
ام الجازي:اي يمه قومي بعد مو زينه الجلسه بعد الولاده لازم تتحركين كلنا مرينا يهتجربه قومي عشان بعد تاكلين من الي جابته لك خالتك
طلعت ابتسام تنادي الممرضه
بينما كملو خالاتها سوالف
وقت العصر
جالسه الجازي تسمع لسوالف امها والحريم الي جو يزورونها :ابتساام
قربت لها بخوف:وشو تحسين بشي
الجازي:لا بس بشوف بنتي متى يجيبونها
ابتسام:انتظري شوي بس خل يروحون الحريم وبعدها نجيبها مو من زين عيونهم نجيبها الحين
الجازي همست بتعب:ابي اشوفهاا مايصير كلكم شفتوها
ابتسام ردت وهي تغمز:حبيبتي صح كلنا شفناها بالحضانه لكن حبيب القلب ذياب ماشافها يقول بشوفها مع حرمتي يوم تقوم
ابتسمت الجازي بخجل:جد؟
ابتسام:اوب اوب وش هالابتسامه وش هلاحيا تو اللسانك وش طوله بشوفها وبشوفها
قاطعهم صوت الحريم الي قامو:يالله يام عبدالله حنى ماشين
ام عبدالله(الجازي):وين تو الناس
الحرمه:ابد والله ورانا بعد بنت ام سيف بنزورها ونسلم عليها (ناظرت للجازي)الحمدالله على سلامتك ياحلوه وهالله هالله ببنيتك
ابتسمت الجازي مجامله:الله يسلمك ياقلبي ماقصرتي
قامت ام عبدالله مع الحريم وهم يكملون سوالف لحد الباب كم دقيقه لين طلعو
الجازي:يمه ابي اشوف بنتي
ام عبدالله:اي يمه ترى بتطلعين بكرا الصبح فا قلت لباقي الحريم يجون لك بالبيت فا بتصل على ذياب يجيك هنا وتشوفون بنتكم وانا وابتسام بنمشي وبجيك باليل انام عندك
الجازي ابتسمت بمتنان:طيب
اخذت ام عبدالله عباتها وهي تسحب ابتسام معاها وباذنها الجوال تقول لذياب يصعد للجازي
كلها دقايق ودخل ذياب وسكر الباب ورا:ياحلوه الحمدالله على سلامتكك
ناظرت له الجازي:المفروض انت اول واحد تقولها لي
ناظر لها ذياب بصدمه:اوف لا والله انا موجود من امس ونايم بجنبك بعد لين دخلت امك علينا واضطريت اطلع انتي الي طولتي النومه
الجازي:طيب بقول للممرضه تجيب بنتي
قرب ذياب لها وهو يبوس راسها:قصدك بنتنا والحمدالله على سلامتك مره ثانيه
قرب لخدها وباسه :ويعطيك العافيه على القمر الي جبتيه
ابتسمت الجازي بخجل:ماسوينا الا الواجب
غمز لها ذياب بستهبال:كثري من هالواجب ابي عيال عجزت انا وياك وانا ماعندي الا بزره وحده
ناظرت له الجازي بصدمه:لا والله لو سمحت ماعجز غيرك انا توني بداية عمري ٢٢ سنه
جلس ذياب بضيقه:اسكتي لاتذكريني بعمري
ابتسمت الجازي بخبث:وش بك يا الشايب ههههههههه قريب بتدخل٣٣ فلم رعب مو زوج
غمز لها بخبث:لكنه عاجبك
ناظرت على جنب بخجل:هه لاتصدق نفسك
قاطعهم الباب الي فتح والممرضه الي دخلت ومعها بنتهم
حبست الجازي انفاسها بتوتر:يممه منو قال لهم يجيبونها
ذياب مسك يدها بتوتر:انا
وقفت الممرضه حضانة الطفل:بس خلاص نادي انا ياخذ
بما انه الحضانه كانت مرتفعه فا ماكان الطفل واضح الا اذا وقفو
قبل تطلع الممرضه وقفت وهي تناظر الجازي:ماما
ناظرت لها الجازي بصدمه:هااه منو انا؟
ضربها ذياب بخفه:اجل انا اكيد انتي
عطته الجازي نظره ثم ناظرت للممرضه بتوتر:وشو
كملت الممرضه:سوي رضاعه بيبي
قلب وجه الجازي احمر بحراج:هاه منو انا ليش وين امها
عض ذياب على شفته وهو ماسك ضحكته مشكله لما تفقد التعبير تقول كلام ماله داعي ناظر للممرضه:طيب روحي انتي
طلعت الممرضه تاركتهم يناظرون للحضانه برعب
همست الجازي:روح جيبها خنشوفها
ناطر لها ذياب بصدمه:انا؟ روحي انتي
الجازي بصدمه:تستهبل كيف بتحرك انا
ذياب وقف من مكانه وناظر للبزر ثم للجازي بصدمه:جازي
ناظرت له برعب:وشو
ذياب:مره صغيره تستهبلين كيف بشيلها
الجازي بقهر:بشوف بنتي جيبهاا
ذياب رجع جلس مكانه:اتصلي خلتجي الممرضه تطلعها لك ماعرف لها
سحبت الجازي الجهاز وضغطت علي
وكلها ثواني ودخلت الممرضه نفسها
ابتسمت الجازي:جيبي بيبي عند انا
قربت الممرضه وهي ترفع بنتها وبشويش
ضربات قلب الجازي صارت سريعه بس شافت هيئة بنتها الصغيره
قربت الممرضه الطفله لحضن الجازي
مدت الجازي يدها بتوتر:مره صغيره
الممرضه:خلي راس مني لاينسا سوي رضاعه
الجازي ناظرت لذياب بخجل ثم للممرضه:طيب ماعرف
ابتسمت الممرضه:مافي مشكله انا يعلم
ناظرت الجازي لذياب بخجل :اطلع
ذياب:انا؟
الجازي بخجل:اي بناديك بس اول ختعلم
وقف ذياب بقهر وهو يهمس:وشو بنتي بشوف اول لحظه لها ...عساس ماشفت يعني
ابتسمت الممرضه وهي بدت تعلم الجازي المتوتره
وبس بدت ترضعها غطت جهة الصدر وطلعت الممرضه ودخل الذياب وراها:ها عرفتي
الجازي:ايوا
ناظرت لبنتها وعيونها بدت تنزل دموعها
جلس ذياب بتوتر:وشو لهدرجة تعور الرضاعه
الجازي وهي تناظر لبنتها:وشوو حرام ابكي اول مره امسك بنتي وارضعها اكيد ببكي
ابتسم ذياب وهو يناظر ليد بنته الصغيره:شوفي يدها هههه اصبعي اكبر منها
ابتسمت الجازي:هههه اي مره صغيرونه
ذياب:طيب بروح اسجلها ترى وش تبين تسمينها
ناظرت الجازي لبنتها بتوتر:تدري من اول ماحملت كله متوتره من موضوع الاسم
ذياب:وش رايك ب قمر
الجازي ناظرت له لثواني ثم رجعت تناظر لبنتها:ليش
ذياب:اول ماطلعت الممرضه كانت تقول منو بنته هالقمر وصراحه مالومها اذا انتي امها وش بتطلع هي
ابتسمت الجازي بخجل:انت بكل زمان ومكان تتغزل
ابتسم ذياب:اخخ بس كل هالجمال كيف ماتبيني اتغزل كان عندي قمر واحد والحين ثنتين احس جناحنا كله بيصير وردي وريحة بنات
ابتسمت الجازي بخبث:ليش مو عاجبينك انا وبنتي
غمز لها ذياب:على راسي اثنينكم
ابتسمت الجازي بغرور :احمم عبالي بعد
قام ذياب من مكانه:اخليك تكملين اجواء الامومه بروح اسجل اسمها (بغمزه)يأم قمر
ابتسمت الجازي:هههههه مايصلح عليك ابو روح بس سجلها
طلع ذياب واشر للممرضه تدخل تساعد الجازي يدري لو بيخليها بنته بتشرق وتمتلي حليب والاخت مكمله رضاعه
______
بعد مرور اسبوعين ونص
الجازي:عبووود اترك بنتي خلاصص
عبدالله وهو يقلد نبرت صوتها:عبود اترك بنتي خلاص...اقول تراني خالها وعليها حق انها تحترمني وتخليني ابوسها
ناظرت له الجازي بقهر:عبوودد لاتحسس خدودها خلاص مناعتها مو قويه توها بزر لاتستهبل
بعد عبدالله عن قمر بقهر وهو يناظر امه:يمه ليش بنتك كانها عجوز تعرف كل شي المفروض ماخليتيها تربي حمود اخوي كان يمديني وقتها اكذب عليها واخطف بنتها
ام عبدالله ضربته على جنب:اجل تبي بنتي رفله ماتعرف خلها الحين تصدم ام رجلها كل شي تعرفه بسم الله على بنيتي وبعدين كم عمرك هاه ولين الحين حركات بزران
عبدالله:توني داش١٩ يعني توني بزر لو سمحتي
الجازي:يامسرع الايام تو اول ماملكت كان عمرك١٧
عبدالله:اي والله صادقه كنتي بزر انتي بعد والحين ام وعندك بزر مايصلح
طلعت الجازي لسانها له:علاقل تغيرت حياتي شوي مو انت انننن
قام عبدالله وهو ياخذ من الحلاويات الي جايبينها الحريم ويدخل بجيب ثوبه:يمه باخذ كم صحن حلا لاخوياي حرام كلنا مساكين ماعندنا حلا باخذ هذا (سحبه)وهذا بعد شكله حلو(سحبه)
ناظر للجازي:اختي
ناظرت له الجازي:نعممم
عبدالله:اختي عادي يا اختي انا اخوك يااختي اخذهم كلهم اختي الكبيره انا واخوياي مساكين اخوك الصغير المسكين يقول عادي اخذهم كلهم
ضيقت الجازي عيونها بقهر:انت اكثر انسان استغلالي يحب الفلوس وكل مايفيده بالحياة
رفع عبدالله كتفه ورجع نزله بعدم مبالات:بنظريتي هذا هو اهم شي بالحياة واحد الفلوس اثنين الاكل(ناظر لها)الحين اقدر اخذهم ولا بتكملين تذلين فيني
الجازي:اخذهم اساسا مااحتاجهم
ابتسم عبدالله وهو يشيل فيهم ويطلع لاخوياه
ناظرت الجازي لامها:تدرين يمه اريح شي اني سويت استقبال وخلصت من الحريم وتعبهم
ام عبدالله:اي خليك جيده بعد ماباقي على طلعتك الا اسبوع وشوي لاتنسين تجهزين لرجلك بعد
الجازي:لا ماعليك مجهزه لكل شي الا شلون عمتي اروى وبزرانها
ابتسمت ام عبدالله:ابد زينين قبل امس يوم يجتمعون كنتي بالغرفه شفتهم يمشون يحليلهم
ابتسمت الجازي:اي محد كان متوقع انها بتجيب توأم عيال هههههه ام ذياب واوو الاسم حلو والثاني سمته فهد صح
ام عبدالله:اي، الا تعالي امس اسمعك تسولفين مع ابتسام عن دزتها
الجازي:ايوا امس جابو دزتها والمهر بما انه زواجها قرب
ام عبدالله:ماشاءالله عليها خذت دكتور
الجازي:ههههههههههههههههه ولا كان مسوؤلي بعد ماتخيلتهم مع بعض
ام عبدالله:وانتي وش دخلك ربي يوفقهم
الجازي:بس والله كل شي يهون عند مناير وخالد ولد خالتي فلم هندي
ابتسمت ام عبدالله وهي ماسكه ضحكتها:حسبيى الله على بليسك وراك تذكريني فيهم هههههههههه ياحليل خالد بسس
الجازي:مهبول والله يمه مانسا يوم فضح نفسه اول ماكنتي تسولفين عند خالتي عن خطبة مناير بنت جيرانه وهو انهبل يحسبها مناير بنت عمي
ام عبدالله بضحك:هههههههه شفتي كيف النصيب يابنتي هذا سبحان الله من كان يتوقع انه يملك عليها
الجازي:بس بعده قدامه سنين دراسه على ماياخذها رسمي
ام عبدالله:منوره بعد بعدها صغيره لاحقه على العرس يخلص دراسته وان شاءالله لاحقين على الزواج
كملت الجازي سوالف مع امها وهي تاكل من الاكلات الي تسويها لها بينما بنتها قمر بيد امها الي تنيمها
______
بعد مرور اسبوع ونص
جالسه بطلتنا
تكشخ بنتها الي ملبستها فستان على حجمها ببتسامه:اليوم وين بنروح ياحلوه
قرصت خد بنتها:صحح عند بابا الي يحبنا ويدلعنا
وقفت الجازي وهي تعدل فستانها الي ماسك على الخصر بعدها نافش على خفيف لي نص الساق لونه وردي مطفي وشعرها مسويته كيرلي وحاطه ربطه على شعرها حبت تسوي ستايل وتطقم مع بنتها بلبس
ناظرت بنتها تقريبا نفس فستانها وربطه على شعرها
جلست بجنب بنتها ورفعتها لحضنها وهي ترفع الجوال وتاخذ صوره لها مع قمر :عمري انا الحلوه الجميله
ارسلت الصوره لذياب وهي تكتب عليها:"الاميرات ينتظرون اميرهم مع حصانه الابيض يجي ياخذهم*_^"
وصل لها مسج من ذياب:"الجازي تراني مصر بنتك تجلس عند امك ماناخذها والحين بعد ماشفت الصوره الاصرار زاد (:"
ابتسمت الجازي بخبث وهي تكتب له:"لهدرجة مشتاق لي؟"
ذياب:"مشتاق بس"
ذياب:"انتي بس تعالي عندي ياقلبي وبتعرفين الجواب"
ابتسمت الجازي بخجل وهي تهمس لبنتها:بابا اليوم بيعذبني ههههه
ارسلت له:"يمامي خلاص مابرجع معاك ياوحش"
ذياب:"جازي"
ذياب:"وقسم بالله ماقدر استحمل لاتتدلعين تزيدينها "
ابتسمت بخبث:"وش بك عمري عادي ترى مابطير بنهايه فا خلني شوي اللعب بمشاعرك ولا ياقلبي انت وعمري وحياتي لك راي ثاني"
ذياب:"ههههههههههههههههههههههههههههههههههه انتي شكله ناويه على روحك اليوم"
الجازي:"يمكن*_^"
ذياب:"اجل اطلعي برا لاني وصلت وبنتك ماابيها خليها عندك امك"
الجازي:"ههههههه ذياب لاتستهبل طالبه مصوره انزل بنصور مع بعض وبعدها كلي لك"
ذياب:"يالبيه بس متى تجي هالحظه الي "كلي لك""
الجازي:"ههههههههههههه صدق انك ماتستحي "
الجازي:"انزل يالله نتصور مع بنتنا وبعدها عاد هههههههههههههههه كلي لك"
ذياب:"طيب انتظرك انا واستعجلي احسن لك نصيحه "
ابتسمت وهي ترفع بنتها وتبوسها بهمس:بابا وحش صح ههههههههه
طلعت من المحادثه
دخلت للحاله حقتها كانت بس حاطه حرفها ومزخرف
امسحته وهي تكتب حالتها الجديده
"قبلكِ كان الحبُ خرافةً ومحضَ هُراءٍ وسِفْراً من أساطيرِ الأولين"
_
النهايه