قبلك الحب خرافه ومحض هراء وسفرا من اساطير الاولين - الفصل 21 - مكتملة | روايتك

مر شهر على ابطالنا اروى **بشهرها السابع وتنتظر مولودها بحماس وبدت تجهز وسعد مسوي لها غرفه تحت احسن من طلعت الدرج ونزلته جازي **كانت الصباح تروح لدوامها وترجع الظهر وتجلس مع ام ذياب وبس يجي ذياب يتغدون ويطلعون او يجلسون يتسلون وتزور اهلها بين فتره وفتره واليوم جازي كانت تتجهز بما انهم مسوين عشا لسلامة ابو ذياب وفهد ولد عمه طبعا ماشافت ابوه الا مرتين بوقت زواجهم وقبلها بحكم انه مسافر للخارج يخلص كم شغله فماكان يجي قليل وفهد كان معه لكن الفرق فهد كان يدرس لبست عبايتها ونزلت بما انه الكل بيجتمع اليوم في بيت الجده طلعت برا مكان ماينتظرها ذياب ركبت السياره وهي تسكر الباب:ذياب عمري مر بيتنا امي بتروح معي ناظر لها ذياب ببتسامه:ابشري ياعمر ذياب اجيب القبيله كلها بس كثري منها ناظرت له بصدمه وخجل:وشوو ذياب:اقول كثري من "عمري" ذي ردت عليه الجازي بأحراج:تصدق مو وجه دلع ذياب:هههههههههه اصدق ياقلبي ليش لا لفت الجازي عنه بخجل وهي تناظر لبرى بيننا ذياب مبتسم ويناظر لها كل دقيقه ويزيد بأحراجها بعد مده وصلو لبيتهم وطلعت ام الجازي نزلت الجازي ومعها ذياب وهم يسلمون عليها وياخذ ذياب منها الحلا الي جايبته الجازي:يمه تعالي قدام انا بروح ورا ام عبدالله(الجازي):طيب صعدت ام عبدالله قدام وحرك ذياب متوجهين لبيت جدته ام عبدالله:وش اخباركم ذياب:الحمدالله نسأل عن اخبارك عساك بخير ام عبدالله:الحمدالله بخير(لفت للجازي ورا)يمه الجازي شوفي بشنطه الي بجنبك فيها قهوه صبي لي ولرجلك الجازي:ابشري طلعت القهوه وهي تصب لذياب وامها طلعت القدوع(التمر)الي جايبته امها وهي تحطه بينهم جلست ام عبدالله تسولف مع ذياب والجازي ماسكه ضحكتها على امها وكيف تقهوي بيذياب وتعطيه من التمر وتسولف معه اللين وصلو لبيت الجده دخلت الجازي مع امها وهي تسلم على الحريم الي داخل ____ بعد مده في مجلس الرجال كان جالس ذياب مع رجال اللين جا له مسج من الجازي تطلبه يجي للمر الفاصل بين مجلس الرجال والحريم طلع رايح لها واستغرب انها لابسه العبايه:وش بك الجازي:خاتمي ضايع فا بطلع معاكك ادوره بسياره ذياب:طيب م...(قاطعهم اتصال جوال ذياب) طلع جواله وهو يرد عليه ذياب:الوو ....:الحق علي ياذيااب بولد ذياب بصدمه:من جدكك؟؟ باقي لك وقت على ولادكك كيفك كذا ناظرت له الجازي بستغراب"وش ولادته" ....ببكي:وش يعرفني اناا جا لي الطلق والحين انا بالمستشفى ومايرضون يولدوني الا بتوقيع زوجي تعال وقع ذياب برتباك:طيب طييب الجازي بستغراب:وش ولادته ناظر لها ذياب برتباك الحين كيف يشرح لها:الحقيني انتي اول وبعدين افهمك طلع لسيارته ومعه الجازي المنصدمه والي تحاول تستوعب الي جالس يصير بعد نص ساعه وقفت السياره قدام المستشفى نزل ذياب ومعه الجازي وعينها على ذياب الي كان يناظر بجواله و واضح يدور مكان الغرفه لحد ماوصلو لغرفه دخل لها وكان فيها بنت ناظرت بصدمه كيف مقرب لها ويتكلم معها نزلت نظرها لبطن البنت ضغطت على يدها بقهر"اصبري يا الجازي يمكن انتي غلطانه" ثواني وجا الدكتور:سلام عليكم ذياب:وعليكم السلام دكتور:انت زوجها؟ ذياب:ايوا ناظرت له الجازي بصدمه"اكيد يكذب جازي وش بكك اكيد" دكتور:هي جايه لنا ولاده ونحتاج توقيعك بس لو ماعليك امر بطاقة العايله لفت له الجازي وهي تنتظر رده "اكيد ماعنده مستحيل هو يكذب مابيكون عنده بطاقة عايله" ضغطت على يدها بقهر وهي تشوفه يطلع البطاقه ويمدها لدكتور الي يقرا اسم الزوج والزوجه ورجع البطاقه لذياب:طيب بس تروح توقع على الاوراق وندخلها ولاده حرمتك طبعا ولاده مبكره ذياب:طيب طلع يعبي الاوراق ورجع بعد ماجهزو حرمته للولاده بينما الجازي تناظر الوضع وكانه فلم عضت على شفتها بقهر وهي تشوف البنت تتمسك بثوب ذياب وتصيح تطلبه مايتركها ناظرت على جنب وهي تضحك بستخفاف:هه طلعت وراهم اللين دخلوها لغرفة الولاده جلست بأقرب كرسي تتنظر وتشوف وش بيصير بعد بعد مده دخلت حرمه كبيره بالعمر تبكي وهي تتمسك بذياب وتسأله وهو يطمنها وعينه كانت على الجازي ثم على الحرمه الين استأذن قامت الجازي وهي تمشي معه بهمس:تو تو تو وش بك بتمشي اجلس مع حرمتك شوي تاركها كذا ذياب تنهد وهو يناظر لها:بشرح لك بس امشي للبيت ضحكت الجازي بستخفاف وهي تدخل معه للاصنصير:هه وش تشرح ياحبيبي كل شي واضح ذياب:جازي صدقيني.. قاطعته الجازي بقهر:اششش ولا كلمهه لاتكلمني فتح الاصنصير وطلعت تاركته وهي متوجهه لسياره راح وراها ودخل لسياره ودخلت الجازي وهي تجلس وتناظر على جنب بقهر وغبنه ودموعها تنزل بصمت "كلهم كذا كل الرجال خوانين هه وش كنتي متوقعه يا جازي" ناظرت للمطر الي بدى ينزل عالخفيف وصوت المطر كسر هدوئهم"كل مره كنت اتعذب فيها من الدنيا كنت اقول بصبر بقدر اني ابعد هالحزن لكن كيف الحين" ناظرت له ورجعت تناظر لشباك ودموعها تنزل بصمت"احاول ادور لك عذر لكن مالقيت كل شي واضح" غمضت عيونها وهي تتنهد بتعب حسته ثقيل على قلبها"طيب يمكن صار له شي بحياته اجبره على كذا ياجازي يمكن سبب مايقدر يقوله لك...يمكن" بس وصلو للبيت نزلت الجازي و وراها ذياب صعدت لجناحهم وتوجهة لغرفتهم النوم وهي تشيل الطرحه والعبايه وتحذفهم على اقرب كنبه تاركه شعرها المنسدل نصه على ورا وقدام كانت بتسكر الباب اللين قاطعها ذياب الي مسك يدها:جازيي ناظرت له بقهر صوته الي كانت تحب تسمع دوم كرهتهه :ابعد ذياب سحبها من يدها وهو يحاول يهديها:طيب اسمعيني ناظرت ليده الي ماسكه يدها مسكت يده وهي تبعدها ماتبييه ماتبي حتى اي تلامس بينها وبينه صرخت بقهر وبكي:ابعدد مااراح اسمعع شيي اتركنيييييي كان القهر معميها بس فكرت انه كانت في زوجه من قبل بحياته قبل تكون هي زوجته فكرت انه يده ذي بيوم كانت ماسكه يد البنت مثل ماهو ماسكها غزله لها،حبه،لحظاتهم كل شيي كان من قبل لغيرها كان زوج لغيرها قبل يصير لها سحبها ذياب وهو يجلسها على طرف السرير ويجلس قدامها ويده على خصرها:هدي يابنتت ناظرت له ببكي:اكيد كنت تهديها كذا بعد يوم تزعل منكك ناظرت له وبصراخ:كل شي عيشتني فيهه كانن كذببب كنت احسب اني الوحيده بحياتكك كنت معتبرتك اغلى ناسيي ناظرت لجهة قلبه وببكي :كنتت متوقعه اني الوحيده الي مستوطنه قلبكك لكن (ضحكت بستهزاء)هه طلعت مجرد دخيله على حياة غيري قلبك الي كنت متوقعه اني الوحيده فيه طلع كان لغيري حتى حضنك الي كان لي طلعت سارقته من غيري (بكت وبصرااخ)كنتت معيشنيي بكذبهه ناظر لها ذياب بعتب وهو يمد يده ويمسح دموعها:مو قلت لك لاتبكينهم شوفي كيف دموعك مو راضيه توقف عضت على شفتها ببكي كلامه الحلو يعور قلبها همست بقهر: مالكك عذر مالك عذرر كل شي اقدر اني اصلحه كل شي الا قلبي اذا انكسر كسرته وبقوه ياذياب سحبها من على السرير وهو ينزلها لعنده ويحضنها وبهمس:مو كذب صدقيني ماعمري عيشتك بكذب شدت على حضنه وهي تصيح بقهر اول مره ماتصدقه اول مره قلبها يكذبه همست:كذااب شد على خصرها وبهمس:قلبي ماعمره صار لاحد غيرك، كلامي ماعمره انقال لغيرك، حضني ماعمره كان لغيرك... ضغطت على صدره بقهرر كيف يكذب عليها كذا ماتقدر تصدق ماتقدر صرخت وهي تبعده عنها:كذابب كل شي كان واضح هي زوجتكك حوط وجها بيده وجبهته على جبهتها:اسمعيني اول مرر اصبعه ومسح دموعها وعينه بعينها:كنت مجبور ضحكت بخفه وهي تسكر عيونها محاوله تبعده عنها لكنه شد عليها وعينه على عينها:كل شي كذب همست بستهزاء:ادري ذياب وهو ماسك ابتسامته وبهمس:اقصد زواجي منها كذب ماكان لي زوجه قبلك فتحت عيونها وهي تناظره ابتسم بهدوء لكن اوجعه قلبه من منظر الدموع بعينها قرب وهو يبوس عينها اليمين ثم اليسار ويرجع يراكي جبهته على جبهتها وحرارة انفاسه كانت تهديها كمل بهمس:البنت ذي كانت حالة اغتصاب بملف عندي وقتها كانت حامل وترجتني استر عليها واساعدها حملها كان بشهر الثالث يعني مايمدي حتى تسقطه لانه بيسألونها عن السبب وبتحتاج توقيع الزوج ولانه حالة اغتصاب وهروب الجاني ماكانت تقدر وبنفس الوقت منعن للفضايح همست الجازي:مو عذر انك تتزوجها ابتسم ذياب بهدوء وهو يقرب ويبوسها ويرد لوضعيتهم:ومن قال اني تزوجتها انا مجرد اني حجزت لها شقه تجلس فيها هي وامها لين موعد ولادتها وزورت اوراق اني زوجها عشان تولد الطفل وطول فترة حملها كنت انا وفريقي نسوي بحث عن الي اغتصبها وطبعا عشان يتزوجها بما انه البنت ماقد اعرست كان لازم ننتظر تولد ويكون الولد هو الي يحكم وضعهم نجيبه ونجيب ابوه ونجبره يتزوجها ولانفضحه انه الولد ولده وانه مغتصبها وبكذا بنجبره يزوجها وتصون شرفها همست الجازي بهدوء:طيب ليش مازوجتوها وهي حامل وهو الي وقع لها ابتسم وهو يمسح كم دمعه نزلت على خدها رد بهمس وعينه بعينها:احتياط ماندري وش ممكن يسوي لها وهي حامل والولد هو الي نقدر نهدده فيه ونجبره ناظرت له الجازي لثواني تنهدت وهي تناظر ليدها وبهمس:طيب صدقتك ابتسم وهو يرجع يبوسها:فديت الغيورين انا ابتسمت الجازي بخجل وهي تحضنه وتغطي وجها بحضنه ذياب:ههههههههه مستحيه مني وتتخبين بحضني؟؟ ابتسمت بينما ذياب شد بحضنه عليها حست براحه بس عرفت الموضوع ابتسمت بهدوء دايما كذا...بكل مره كانت تحس الدنيا مسكره بوجها بكل مره تحس كل شي غلط يرجع ذياب ويعدله لها شدت على حضنه وهي تهمس:أحــبــكك ذياب:شكله امك بترجع مع السواق اليوم ضحكت الجازي بهدوء:وش ناوي عليه رفعها ذياب وهو يهمس:همم وانتي الصادقه وش ناوي عليه .........*_^ _____ اليوم الثاني كانت الجازي تقهوي ابو ذياب وتعطيه من الحلا الي طالبته لسلامته جلست تسولف معهم لحتى اتصل عليها ذياب:يالله انا استأذن ام ذياب:تو الناس يبنتي اجلسي شوي الجازي ببتسامه:بعد عمري خالتي جلستكم ماينمل منها بس رايحه لأمي ام ذياب:سلمي لي عليها الجازي:يوصل طلعت الجازي وام ذياب تمدحها هي وابو ذياب وصلها ذياب لبيت اهلها واصرت عليه ينزل يتقهوى طبعا بطلب من امها ________ اليوم الثاني في المستشفى ملاحظه"دكتور احمد(قبل كنت كاتبه حمد وبالغلط كملته بأسم احمد فا مشوها معي)" طلعت الجازي مع الطلاب الي معاها للحاله الجايه وقفو عند باب غرفتها لف لهم دكتور احمد وهو يشرح الحاله:البنت الي داخل دانه بعمر ١٩ سنه فيها مرض بالقلب تحتاج عمليه لكن بوضعها الحالي الافضل تنتظر لين الطب يتطور خاصه انه لو تسويها نسبة نجاحها مو قويه فا مانبي نخاطر اما سبب وجودها سرعه بضربات القلب بنسوي لها فحص نتأكد من سلامتها بدت الجازي تكتب الحاله والمرض مع كل كلمه يقولها دخلو لعندها و وقفو على جنب دكتور احمد:سلام عليكم دانه:وعليكم السلام دكتور احمد:كيف صحتك دانه:احسن من امس...لكن دكتور دكتور احمد بعد ماكان يسجل بالملف حقها:تفضلي ناظرت له دانه وبجديه:دكتور انا سمعت انه حالتي يمكن اتشافا منها اذا سويت عمليه بامريكا او المانيا صحيح؟ ناظر لها دكتور احمد بستغراب:صحيح دانه ناظرته وبجديه:دكتور ابي اسوي العمليه كيف الاجرائات ناظر لها احمد بأستغراب ثم سحب له كرسي وهو يجلس:ليش وش السبب دانه ببرود:مايخصكك اتوقع جسمي وبكيفي انا ابي اسوي العمليه ابي ابعد هالمرض عني ناظر احمد لملفها لثواني ثم ناظر لها:انا المسوؤل عن حالتك دانه ولازم يكون عندك سبب عشان اوافق حالتك زينه وماتحتاجين عمليه انتي لو بتسوينها تعرضين نفسك للخطر كثير ناس فيهم مثل مرضك وعايشين والحمدالله ناظرت له دانه وبقهر:مو لأني ابي اعيششش فا بسوي العمليه احمد:انتي عايشه الحين تكلمت دانه بقهر:انت وش عرفكك هاهه لا مو عايشهه انا مستقبلي كله موقف بسبب هشيي محد راضي يتزوجني كل من شافني وقال بس ذي الي بتصير حرمة ولدي اول مايسمعون بالمرض ينحاشون ويرفضون وكاني بضر ولدهم كلهم يخافون على عيالهم منييي انا ابي ابعد هالمرض ابي اتزوج واشوف حياتيي لي حق اني اتزوج واصير مثل باقي البناتت دام في امل اتعالج من هالمرض ناظر لها احمد وبجديه:انتي طيب تعرفين انه نسبة نجاح العمليه قليل وممكن ماتنجح؟ دانه بجديه:اي وبسويها اتوقع اني كبيره كفايه عشان اقرر وش مصيري ولا عندك كلام ثاني احمد تحمحم:لا اكيد مانختلف لكن اختلف بنظرتك لنفسك وبعدين الزواج قسمه ونصيب ممكن نصيبك موجود بهدنيا لكن يبي لك صبر و.. قاطعته دانه وبقهر:ليش اصبر هاه ليش مو الناس تصبر علي ليش اتحمل مسوؤلية شي انا انولدت في مو بيديي وبعدين كيفي انا بسوي العمليه مالك اي دخل فيني غطت نفسها وهي ترد تتكلم بصوت مخنوق:لوسمحتو تطلعون ابي انامم وقف الدكتور احمد وهو يتنهد و يطلع معه باقي الطلاب:هلحاله راح تكون علي اتوقع عرفتو وش اقصد بنفسية المرضه تكلم الكل بهدوء بعد الي شافو:ايوا دكتور احمد:كملو على باقي المرضه الي قد مرينا عليهم من قبل وجيبو لي حالتهم لليوم على المكتب طلع تاركهم وتفكيره مع الحاله المعقده الي جته لو وافق ممكن يكون سبب بموتها او نجاتها ولو رفض بتسويها عند غيره بكلا الحالتين قراره راح يكون مصيرها اما عند بطلتنا جلست بهدوء وهي تناظر دفترها"كيف كذا الناس توصل غيرها بدون لاتحس لهشي بسبب الناس وقرارتهم الغريبه هشي يأثر على غيرهم كثييير..وش ذنبها يعني اذا هشي فيها بنهايه مابتضر احد الضرر بيكون لها المرض مايعدي المرض لو بيضر بيضرها هي بس.." ______ في اليوم الثاني والي كانت تنتظره الجازي بحماس اليوم بيروحون للبر مع اهلها وسحبت ذياب معها كانت جالسه الجازي بسياره وبيدها الجوال وبحماس:بذمتك بوبو لاتركبين اللين نوصل...ههههههه والله شوي بنوصل امانهه.....اوكي سكرت الجوال:ذياب متى نوصل ناظر لها ذياب ثم رد يناظر لطريق:قريب ماعليك ناظرت الجازي لقدام بحماس:من زمان عن البر ودبابات راح افحط لين اقول بس ذياب:هههههههه شكلك حريفه فيها الجازي ناظرت له وبضحك:اخر مره ركبتها يوم كنت ابتدائي هههههههههههههههههههههههه ذياب بصدمه:وكل هالحماس وبلاخير طلع ماعندك ماعند جديي الجازي:هيي لوو سمحت الا مهاراتي صح انه من زمان لكن راح تشوف باللعب عدل ابتسم ذياب لها ولحماسها:نشوف ___________