قبلك الحب خرافه ومحض هراء وسفرا من اساطير الاولين - الفصل 19 - مكتملة | روايتك

في بيت ابو عبدالله تقلبت بأنزعاج وهي تسحب الجوال الجازي وهي تحاول تصحصح:الوو ذياب:ياهلا والله بعدت الجازي الجوال عنها لثواني ثم رجعته:ذياب انا مو معطيتك بلوكك زواجنا بعد اسبوعين لاتكلمنييي ذياب:تخيلي اسمع لكلامك اقول كافي الشهور الي اختفيت فيها الجازي:طيب ليش متصل ذياب:ابد كرفت اليوم كله وقلت اسولف معك الجازي :ليش وش مسوي ذياب:رحت للقصاب وذبحت الخروف كان عندنا غدا رجال بالمزرعه وطبخنه الخروف(وبتلذذ)اخخ ياحلو طعمه الجازي بلوعه:مدري كيف تاكلونه بعد ماتذبحونه قدامكم ما احب بسم الله عنعمه ذياب:هههه انتو يا البنات غريبات المهم وعقب ادخل الرجال واقهويهم يامرحبا يا ابو فلان ويالله حيهم ياابو فلان و والله ان تجلس يا ابو فلان لابوهمم لابو مرجلتهمم الجازي ماتت ضحك واضح من صوته مكروف:ههههههههههههههه يالله ماعلي والله حتى انا انكرف مع الحريم ذياب:يزينك بس الجازي بحراج:اقول طولتها كلام بسكر ترى ولعاد تتصل علي ورقمك ذا ببلكه بعد ذياب:يالييل وش بلاك انتي مع التبليك الجازي:عشان تمشي الحياة اي احد ماتبيه بلكهه ههههه باايي سكرت وطلعت على الاعدادات تبي تبلكه لثواني حتى ناظرت لرقمه همست:يالله بس هلمره بصير طيبه طلعت وهي تحفظ الرقم بأسم"ح" ________ مر الأسبوعين انشغلت فيهم الجازي الا اخر ثلاث أيام خذتهم راحه واليوم بعد طول أنتظار بعد كل المصاعب الي واجهة ذا اليوم بعد كل التحديات الي تحدت أنه مايتم زواج أبطالنا الـــجـــــازي & ذيــــــــاب جالسه بتوتر تنتظر ابتسام تجي وتناديها لزفه تأملت شكلها بالمرايه بفستانها الابيض الفخم والطرحه والمسكه ابتسمت بخجل:صرت عروسه قاطعها دخول ابتسام :جوجوو يالله وقفت الجازي بتوتر:بوبو وش رايك تنزفين بدالي ابتسام ناظرتها لثواني ثم ابتسمت:بالله اوكي نتبادل الملابس..(صرخت بعصبيه)اقولل تراني موصله حدي تاركين كل الشغل علي فلوس المصوره حقتك وكل شي يخصك على راسي ماني فاضيه لدلعك اخلصيي كله زفه وترى ذياب ماراح يدخل الجازي:جد ؟ ابتسام:ايوا..احسن لك وش تبين بناس تطالع برجلك الجازي:هههه ابتسام تشوفين المزهريه ذيك فوق الدولاب ناظرت ابتسام لمكان ماتقصد الجازي:وش بها؟ الجازي:ههههههه وضعي بعد كم ساعه ابتسام :ههههههههههه جازيي تصدقين نسيت اتخيل شكلكك الجازي الي ماتحب الرجال وتكرهم عشان تفكيرهم هههههه الجازي:شفتي كيف طحت ومحد سمى علي ابتسام رفعت يدها وبرجاء:ياارب عقباليي القى زوج المستقبل والله مسكين بيكون راح اعذبه حقي بروحي الجازي:هههه نشوف قاطعهم دخول اروى وبطنها سابقها:اقول جالسين تسولفون هنا والناس تنتظر اخلصي يالله امسكت ابتسام يد الجازي وهي تساعدها وجات الشغاله تساعدهم ابتسمت اروى وهي تطلع جوالها وتصور لهم كم صوره:والله وكبرتو جات بتلحقهم لكن قاطعها اتصال من سعد اروى:الوو! سعد:اروى وش رايك نمشي اروى:يووه ليش بروح اشوف زفة جازي وباقي مابطلع الا متأخر سعد:اروى مو من جدك تخيلي يصير في ولدي شي ويسحبك ابوك مني مره ثانيه اروى:ههههههههه سعد صاير فيك فوبيا سعد:اي والله من بعد الفلم الهندي الي صار لنا اروى:ههههههه اسمع ماعليك مب صاير شي انا بروح بتبدا الزفه سعد:اخر محاوله مافي امل تجين؟ اروى بدلع:لاا هههه سكرت الجوال وطلعت تلحق على الزفه ________ واقفه بقهر وهي ترفع فستانها الاحمر:هيي خلص بوفيه جاهز؟؟ الشغاله حقت البوفيه:يس كل شي جاهز مشت مناير وهي ترفع بفستانها بتذمر:يقولون وشو خلاص صرتي حرمه وانا يعنني كاشخه لابسه الفستان الاحمر بلاخير يخلوني شغاله عندهم اشوف شغلهمم وهم مرتاحينن وبعدين انا وش دخلني بوفيهه من جهة اهل المعرس يودوني انا ليششش ماعندهم بناات كل شي مناايرر ...:اوب اوبب اوبب بشويش يا منايرشوي وتولعين المكان لفت مناير بصدمه :يمهه من انت .... بغمزه:كيفك منو تبيني اصير زوجك المستقبلي ولا عابر سبيل مناير ناظرت له بصدمه لثواني ثم استوعبت انها مو متغطيه:اقول صد ياقليل الادبب رفعت فستانها وهي تطلع بسرعه وتسب فيه وفي البوفيه وبالي ودوها تشيك ....:خالد اعذرني اشغلتك معي لف خالد بعد ماكان مفهي بطيفها:لا ماعلييكك كلها صحون نشيلها _______ في جناح ابطالنا جالسه بهدوء علكنب وتناظر لقدام بعد زفتها زفوها اهلها لذياب الي كان ينتظرها وصورتهم المصوره مع اهلها وبعدها راحت معه ومع عمه سعد الي ساق فيهم السياره دخلت الجناح وتأملت فيه واول شي سمعته من ذياب كان:حتى جناحك كان ينتظر معي وبعدها اجلست تنتظره والحين وش تسوي..تروح تنام؟؟ وقفت بتوتر بس دخلت امها الي لحقتهم لولشت امها وهي ماسكه دموعها ماتبي تبكي وتبكي بنتها معها:الف مبروك يا يمهه مسكت الجازي يد امها بتوتر:يبارك فيك ام عبدالله:جبت لك شنطتك الي وصيتيني عليها وقلت لشغاله تدخلها داخل الجازي بتوتر:طيب جلست بتوتر وهي تناظر لذياب الي كان واقف عند الباب ويتكلم مع امها ابتسم ذياب وهو يناظر للجازي الي كانت جالسه وماتسمع لهم مسكت ام عبدالله يد ذياب وبرجاء:طلبتكك ذياب بتوتر من الطلب:اذا قدرت ابشري ام عبدالله:بكرا تزورنا ردها مثل ماهي بس هاليوم (ناظرت للجازي وناظر معاها لثواني)بنتي تخاف ابتسم ذياب وهو يطمنها بتسليك:ابشري ولا يهمك بترجع لكم بكرا مثل ماهي سلم عليها قبل تطلع سكر الباب وهو منصدم من طلبها:سنه ونص انتظر وتبينها ترجع لك مثل ماهي (ناظر للجازي وهو ماسك ضحكته)هه يصير خير اخذ الكيس الي كان على جنب وتوجهه لها وجلس وهو يطلع الاكل:كيفك يا الجازي ناظرت الجازي ليده وهو يطلع الاكل والعروق فيها ثم لثوبه وعضلات يده وجسمه ناظرت يدها بتوتر وهي تستوعب وضعها"انغشيتي ياهبله من اول كنتي تسولفين معه على الجوال وتضحكين وسوالفه حلوها كان هذا الشخص الضخم ورا الجوال يويلك ويلا انغشيتي تحسبين واحد كيوت كبرك ابي امي انا ليش تزوجت وش لي بزواج لو جالسه ببيتنا مو احسن (ناظرت له لثواني ثم نزلت راسها ودموعها ملت عينها)ابيي اميي يمه انا بجلس بروحي مع ذا يمه والله ماجلس" صرخت بروعه بس مسك يدها:ااااااااااااااااهه ناظر لها كيف سرحانه رفع يده ومسك يدها وصدمته صرختها لثواني حتى انصدم بس رفعت راسها والدموع ماليه عينها قام من مكانه وجلس بجنبها بصدمه وهو يرفع يده ويحاوط وجها بكفينه ويمرر اصابعه تحت عينها يمسح دموعها وبهمس:وش بكك تبكين ناظرت له بتوتر وهي تبعد يده وترجع على ورا شوي:.... ذياب:جاريي؟؟ الجازي:.... ذياب:بنتت الجازي رفعت راسها وناظرت له وبخوف:عادي اروح الغرفه ابدل ذياب بستغراب:طيب ناظر لها وهي تقوم مع فستانها الي انهبل بس شافها عليه لما دخلوها له سمع صوت القفل ثواني حتى وصل له مسج ناظر للاسم بصدمه واستغراب"الحلوه" دخل للمسج وكانت كاتبه الحلوه:"ذياب" ذياب:"هلا" الحلوه:"ايوا الحمدالله انت ذياب بس الي برا منو وقسم يخوف" ناظر بصدمه وستغراب:"تتعاطين شي انتي؟" الحلوه:"وشوو انت ذياب الي اعرفه الي برا يخوف مو دايما احتك فيه انت دايما اسولف معكك" ذياب:"عز الله ان امك صادقه يا الشرود(الخوافه)" ذياب:"اقول يا هبله افتحي الباب تستهبلينن تخافين مني بعدين قبل شوي ما اسمع لك صوت وهنا لسانك وش طوله" الحلوه:"طيب كيف بتعامل معك يعني كيف كييف؟" ذياب:"لا اله الا الله افتحي الباب وقسمم بالله ماراح اللمسك الا برضاك ولاتخافين لين تتعودين علي ماعليك"همس:بالاحلام طبعا.. الحلوه:"طيب بفتح الباب بس انتظر اول جد ببدل" ذياب:"طيب انتظرك" ناظر للاكل ورجع يدخله شد انتباه صوت قفل الباب الي انفتح قام من مكانه وفتح الباب:بذمتك احلفي انك صاحيه على الحركه الي سوي...احمم ايوا كيفك كانت لافه على جسمها روب مايل للوردي وفاصل لون بشرتها وطالعه ناعمه وتهبل ناظر كيف متوتره كسرت خاطره فا حاول يخفف عليها طلع جواله وهو يرسل لها:"ياحلوه طالعه حلوه" رفعت الجازي الجوال بستغرب وهي تقرا المسج مسكت ضحكتها وهي تكتب له:"شوضعك!" ذياب:"مدري عنك لكن الي ادري عنه انه لسانك بالمحادثات طويل وبالواقع مختفي_فيس غمزه_" ذياب:"ماعلينا ماكنه طولناها وهي قصيره" الجازي:"وشو.!" سكر الجوال وهو يدخله بجيب ثوبه تقدم لجهتها وسحبها من خصرها وحركها لجهة الجدار وصار ظهرها ملاصق للجدار قرب لعندها ونزل لمستواها وقرب شفته لعند اذنها وبهمس:اقصد ذا ثبت يده على خصرها وكمل همس بهدوء:من اول يوم شفتك بسياره تذكرين؟؟ عيونك الي جذبتني قرب وباس طرف اذنها:ولما شفتك مره ثانيه بين العيال تدرين وش كثر غرت عليك؟ كان ودي اخذك واخبيك عن عيونهم لكن ماكنتي وقتها حلالي لما خطبتك وكنت متوتر واحتمال رفضك ممكن يصير وكيف طرت من الوناسه بس سمعت موافقتك باس طرف اذنها وكمل بهمس:لما دخلت لبيتكم ورحت معك للسطح وكيف كنتي تجذبيني وقتها كنت الا شوي واخذك كلك بالكامل لي ولما صرت اتكلم معك مسجات وانتظر مسج واحد منك والابتسامه ماتفارقني ؟؟ وش انتي مخلوقه منه يابنت كلك على بعضك تعجبيني باس طرف رقبتها وكمل:كنت اسمع انه الخمر مذهب للعقل والي يقربه صعب يبعد عنه..ماكنت متوقعه انه بيتمثل على شخصيتك نظراتك كانت رشفات من خمر معتق مايحل الا لي انا... باس رقبتها مره ثانيه لثواني حس بيدها الي شدت على ثوبه لحتى بعد وابتسم على الاثر الي تركه كمل بهمس:تدرين لما فكرو يفصلون بينا كنت الا شعره وبنهبل..ابيك بكل مافيك لي انا فكيف حتى قبل ماذوق خمرك الحلو يبعدونك عني؟ لين استوعبت كيف لو ذقته وفكرو يفصلونك بعد.؟! راح اصير اهوجس ابي ارجع اذوقه... لف يده حول خصرها بأحكام ورفعها بشويش لحتى صارت بمستوى طوله ناظر لعيونها كانت منزلتهم بأحراج ابتسم بشويش ثم قرب شفته لشفتها وبهمس: يقولون الحب حلو بس ماقالو لي انه يذهب العقل..من اي خمر معتق مصنوعه انتي؟.. ......................... ..............................^_* __________ صباح اليوم الثاني صحت قبله ناظرت للجنب ابتسمت بحراج وهي تتذكر الي صار امس غطت وجها وعطته ظهرها "الحين صرت له بالكامل يعني هههه" قامت بهدوء وهي تسحب روب حقها وتلبسه ناويه تاخذ شور وتتعدل قبل يصحى مشت بشويش وهي تفكر بهمس: صرت حرمه خلاص.. دخلت للحمام واخذت لها شور دافي بعد ليلة امس بس طلعت جففت شعرها وصلت الظهر ثم جهزت الحمام لذياب بس يقوم ياخذ شور لبست فستان احمر ناعم وسوت شعرها ستريت وكيرلي من تحت حطت لها ميك اب خفيف وناعم جهزت البخور وبخرت فستانها وثوب ذياب وبهمس:وينك يا يمه تشوفين بنتك صرت سنعه توجهة لصوب الذياب وقفت وهي تناظر له بتوتر وبهمس:كيف اصحيه الحين؟ اقول ذياب اصحى..لا لاا احط منبه وهو يزعجه ويقوم!؟ صرخت بصدمه بس حست بيده الي سحبتها من خصرها وصارت شبه طايحه عليه ويدها على صدره:يمههه همس ذياب:وش رايك تصيرين مثل العرايس وتصحيني ببوسه؟!! بعدت عنه بأحراج:انا قايله انك ماتستحي على وجهكك قوم جهزت لك الحمام وملابس موجوده انتظرك عشان ننزل لأهلك ابتسم ذياب وهو يناظر لها بنعاس:مولع يا الاحمر ناظرت له باحراج وطلعت تاركته يضحك مع نفسه _______ قامت ام ذياب تهلي وترحب بالجازي جلست الجازي بعد ماردت عليها صبت لها ام ذياب القهوه وهي تسالها عن حالها والجازي ترد بجمل مختصره قاطعهم دخول ذياب سلم على امه وجلس يتقهوه شوي:جازي قومي البسي عبايتك ام ذياب: على وين ذياب بمزح:خلاص ماعجبتني بوديها بيت اهلها ناظرت له الجازي بقهر ام ذياب:يويلي انت صادق ذياب:امزح معك يمه بنطلع نتغدا بمطعم ونتمشى شوي نزلت الجازي فنجالها :اجل بطلع اللبس نزل ذياب فنجان:يالله اترخص انا يمه ام ذياب:حافظك الله طلع ذياب وشغل السياره ثواني وجات الجازي ركبت بجنبه ابتسم ذياب :يالله حيهم تو مانورت شيخة المكان مابغيتي تجين الجازي بستغراب:وشو ذياب راكه يده بين الكرسيين وهو يناظرها:ابد كل مره اركب اناظر للكرسي الي جالسه عليه واقول منو بتكون الانسانه الي بتجلس عليه مابغيتي تجين هههه الجازي:هههه تصدق اذكر دايما افكر بزوج المستقبل واقول ياربي وش يسوي الحين مايصير اعرف منو هو لين مانتزوج ههههههه ذياب حرك السياره ببتسامه:زين طلعنا نفس التفكير الجازي بحماس:اكثر شي متحمسه له وين بتوديني هههه واخيرا اطلع على كيفي ذياب:اول مكان ياطويلة العمر محل العبي الجازي بستغراب:ليش ذياب:تنزلين تجيبين لكك غطوه ماحب احد يشوف عيونك غيري الجازي بصدمه:لا والله احلف وقسمم مالبس وعيوني انا ماحط فيها ميك اب ولا شي وطرحتي انزلها خفيف عليها محد بشايفها ذياب وقف على جنب وبجديه:طيب انا ماابي احد يشوف عيونك غيري كيف يعني الجازي بقهر:اذا بتسوي من بدايتها هواش ترى وقسم بالله ذيابب ماتدري وش كثر اكره هنوعيه المتحكمه دام انا لبسي ساتر ولا احط ميك اب فا مابجذب احد وبعدين اخر مره لما شفتني كان عندنا عشا فا كنت حاطه ميك اب على اساس من سياره للمزرعه لو سمحتت احترم قراري واحترم قرارك اني مالفت احد ناظر لها ذياب بصدمه:طيب هدي هدي انا مابغصبك على شي وبحترم قرارك وبوثق فيك عيونك وزينها مايشوفها من الرجال غيري وتحرم على غيري وعد؟ الجازي:وعد حرك السياره ذياب وببتسامه:اجل مشينا لمطعمنا الجازي بدلع:ايوا ميته جوع ذياب ناظر لدلعها ببتسامه:يخسي الجوع ________________