قبلك الحب خرافه ومحض هراء وسفرا من اساطير الاولين - الفصل 17 - مكتملة | روايتك

بعد مرور اربع شهور "وبكذا نكون رجعنا ل بعد السنه والخمس شهور" اربع شهور بطلنا على سرير المستشفى بينما الجازي كانت تعاني ضغط اهلها شتم جدتها وكلام اللي حولها كلام الناس وين ماتروح وانه اكيد مابيقوم واللي حط فيها السبب وانها كانت حظ نحس عليه غير ابوها اللي بطالعه ونازله يذكرها بانها بتنفصل عنه بعد اربع شهور طبعا بعد ماتأكد لهم انها تقدر تنفصل لانه بغيبوبه والموضوع مو بيدها فا اربع شهور يحق لها وقتها تنفصل وتعيش حياتها تغيرت عن قبل الجازي المرحه ماصارت تاكل وبس سرحانه وكانه هموم العالم كلها فوق راسها كيف كذا بيطلقونها منه بعد ماعلقوها فيه كيف كذا بيزوجونها سطام اللي كان سبب من اسباب اصرارهم على طلاقها فاقدته فاقده سوالفهم وضايعه كيف بتحل مشكلتها تهرب؟؟لكن هي تبيه وش الفايده يوم تهرب كل الحالتين مابيكون معها واهلها بيطلقونها منه اكيد بس متى الله واعلم عذاب نفسي كانت عايشه بلاربع شهور غير الأسأله وين رايحه من وين جايه اما اروى الحامل بشهرها الخامس ماكانت اقل من بنت اخوها لكن الفرق سعد كان معها بينما بطلتنا وحيده فاقده الامل ____ كانت نازله بعبايتها ناويه تروح له بعد ماحست بضيقه كالعاده بين فتره وفتره تزوره بدون احد يدري لا اهله ولا اهلها ولما يسالونها كانت تقول بروح للمكتبه لشغل الجامعه وقفت لثواني وهي تسمع كلامهم جدها وابوها وابو سطام وهم يخططون أنه بكرا يكلمون المحامي الي بيسوي اجرائات طلاقها ضغطت على يدها بقهر كافي لي هنا وبس كانت ساكته طول هلفتره بسبب تعبها من موضوع ذياب والغيبوبه لكن توصل فيهم يخططون يطلقونها ولا همهم رايها دخلت بقهر وهي تجلس قدامهم وتحط رجل على رجل وتضغط على يدها محاوله تهدئة نفسها رفعة راسها وعينها بعينهم تكلمت بكل تأكيد وحده:طلاق ماراح اتطلقق انا ابيه وهو يبيني ومابتطلق منه لو وش مايصيرر القت كلمتها بين اجواء من التشاحن والغضب افكار تتراوح بينهم صرخ الاب بعصبيههه:وشش اللي افهمههه منككك يا الجازييي تعصين كلامم ابوككك؟؟! الجازي وهي تحس الدم فار فيها وتحاول تتكلم بهدوء وتمسك اعصابها:يبهه حرامم علييك والله انا وهو وش ذنبناا بمشكلتكمم ابو الجازي بعصبيهه:الهه ذنبكمم ونصص وبعدين وشش تبين الناس يقولون عناا هااه الجازيي وهي مو قادره تتحمل ابدد ردت بعصبيهه ولاول مرهه:خلاص مو كافي طلقتوو بنتهمم وبعدين مو انتو زوجتوني اياه وقلتو لا من الاهل وعيب نرفض والحين بعد ماحبيته جيتو تفصلوون بينننهه انتو اللي عطيتوني لهه فا تحملووو اللي سويتوو صرخة عمها اسكتتها بعصبيه:جااااااااازييييي ناظرت لعمها والجد اللي يناظرها بنظرات مجهولهه وهي كاتمه عصبيتها طلعتت من الصاله متوجهه لغرفتهاا وهيي كارهه كل شي بحياتهاا وكارهه اهلها وتفكيرهمم الجاهليي تحت صراخ ابوها بأنه بفركشون الملكه وغصب عنهاا سحبت شنطه صغيره وحطت لها كم لبس ونزلت وعينها بعينهم:مخليه لكم البيت ودكم بطلاق لهدرجه تطلقو انتوو طلعت تحت صراخهم وعصبيتهم وركبت مع السواق اللي كان مجهز السياره:روح مستشفى ال... ________ عند الاستقبال معه كوب قهوته ومتراكي على طاولة الاستقبال:اقول ما جت اللي تزور المريض اللي بيغيبوبه اليوم؟ ردت الممرضه اللي تقلب بالملفات:لا دكتور حمد بالعاده تجي الصباح وبنفس اليوم الليل بين فتره وفتره لكن اليوم بس الصباح(رفعت راسها تكمل له)يم.... ناظرت له كيف سحب عليها وتوجهه للجازي اللي كانت تو تجي دكتور حمد ببتسامه:مساء الخير ناظرت له الجازي وهي مالها نفس تقابل احد بعد هواشها:مساء الخير مشت متجاهلته ودخلة لعند غرفة ذياب حطت اغراضها على جنب سحبت لها كرسي وجلست بجنبه ناظرت له لثواني حتى سحبت يده ومسكتها ونزلت راسها متراكيه عليها بهدوء مسكره عيونها تاركه الدموع تاخذ راحتها شهقه بين بكائها الصامت تحس بكتمه قلبها يوجعها ماعاد تقدر تتحمل اكثر اربع شهور كانت جحيم عليها ماهي قادره تكمل اكثر بعد جلست تبكي بصمت ورجفت جسمها فضحتها تحت نظرات الدكتور حمد تبكي بتعب من كل شي هل هو حرام؟ هل حرام انها تبقى مع من احله لها الله مع من اخذ قلبها ولا تقدر تعيش من دونه ليش الحياة كذا معقده ليش مانعيش بسهوله ليش الناس تتدخل بحياة بعضها وتخلي الكل همه كلام الناس بس ليش نحدد حياتنا على حسب رايهم ليش لازم نفترق عن من نحب ليش... همست بين بكيها:ذياب تعبتت خلاص ماقدر اكمل بعد ابي اختفي من هالعالم انا ماقدر اكمل من دونك مستحيل افكر اخذ غيرك ذيااب قول لي وش اسوي احس اني ضايعه محتاجتكك كثيرر شدت على يده ببكي وبرجفه ودموعها غرقت خدها ويده:ياربي وش اسويي وش الحلل راح يبعدوني عنهه بعدت برجفه بس سمعت صوت صفير الاجهزه وقفت برجفه وهي تبعد بس دخلو الدكاتره مسحت دموعها وهي تناظر كيف ينادون بأسمه دكتور حمد بصوت عالي:ذياااب تسمعنيي؟؟؟ ذياااب تسمعناا الممرضه:دكتور حمد حرك اصابعه تقدمة الممرضه من المؤشرات بينما دكتور حمد تقدم منه يفحصه طلعت الجازي بأمر من الممرضه وضلت ورا الشباك تناظر برجفه ثواني حتى طلع دكتور حمد وببتسامه:لا الحمدالله اليوم طلع في استجابه وتحركة اصابع يده مرتين الجازي بفرح وتحس برجفة قلبها:يعني بيصحى؟ دكتور حمد:ان شاءالله لفت الجازي تناظر لجسم ذياب من ورا الشباك براحه ناظر لها حمد ببتسامه هاديه وراح وتركها سرحانه فيه ______ اليوم الثاني رجعت الجازي الصباح بعد مانامت بالمستشفى مع ذياب ودخلت غرفتها اخذت شور وتفطرت وبعدها كملت نوم بعد صلاة الظهر صحت قريب المغرب على ازعاج جوالها رفعت الجوال وردت بهمس:الوو دكتور حمد:وانتي يا معصبه او نايمه قامت بفشله وهي تعدل جلستها:عسى ماشر دكتور ذياب في شي؟ دكتور حمد:خبر بمليون وتنتظرينه من اربع شهور رجفة يد الجازي بصدمه وهمست بصدمه وفرح:قول انك صادق دكتور حمد:تعالي ينادي بأسمك اول ماصحى ترى هههههههه الووو؟؟؟ رمت الجازي الجوال وهي تدخل الحمام بسرعه طلعت وهي تسحب عبايتها لثواني حتى وقفت وركضت للمرايا ناظرت لوجهها فتحت صندوقها وهي تطلع المرطب رطبت بشرتها وحطت شوي من معطر الجسم لبست العبايه وصلت العصر وهي تشكر ربها قامت بستعجال وهي تداهم غرفة عبدالله اخوها:اصحىىىىىىىى فز عبدالله من نومه:بسم الله منو شنو مات احد همست الجازي بفرح:اخلص قوم معي ذياب صحى عبدالله همس بصدمه:احلفي الجازي:وقسم قم بسرعه بنروح له بسرعه بسرعهههه دخل عبدالله الحمام وطلع وهو يسحب ثوبه طلع يركض ورا الجازي وهو يلبس جزمته وثوب وهو مكمل ركض عند امها وابوها اللي جالسين يتقهوون طاح الفنجان من يد امها بصدمه وهي تشوف الجازي اللي طلعت تركض زين ماصدمت بالباب قبل تفتحه وب عبدالله اللي لابس نص الثوب ويكمل لبس وهو يركض ويصدم بالجدار ويكمل ركض طالع ورا اخته وكل هذا بثواني :بسم الله وش بهم _____ كل خليه بجسمها ترجف ويدها على باب غرفته دخلت بعد ماسمت بالله ومعها عبدالله وقفت وهي تناظر له جالس على السرير فاتح عيونه ويتكلم مع الدكتور حمد اللي واقف بجنبه يتكلم ويناظر وجالس كل ذا مره وحده كثير على قلبها حست بقلبها بيوقف بس ناظر لها بعد ما انتبه لوجودها وكان مافي احد غيرهم بالغرفه عينها بعينه وعينه بعينها سألها عن حالها وكيف كانت سألها عن اذا اشتاقت له او لا سألته ليش طول بنومته سألته تدري وش كثر اشتقت لك كانو يتكلمون بعيونهم بس وكان لغة العيون مانخلقت الا لهم انتبهت لدكتور حمد اللي طلع ساحب معه عبدالله تاركهم بروحهم بعد ماسكر الباب ابتسم ذياب بهدوء وهو يرفع يده لصوبها ويهمس:تعالي نزلت دموعها ولحقتها شهقاتها يتكلمم كلمها قال لها تعاليي ماتحس برجلها خطت بهدوء لعنده وهي تحس كل ذا حلم وبيختفي وقفت قريب عنده وعيونها تبكي رفع يده ومسك يدها وهو يجلسها على السرير ترك يدها ومسك خصرها وقربها لحضنه لحتى استقرت فيه همس:شكله ماكان ودك اني اصحى تمسكت بلبس المستشفى اللي عليه وهي تشهق ببكي:طولت كنت انتظركك تصحى همس وهو يمسح على ظهرها بهدوء:ادري قالو لي الممرضات كنتي تبكين؟ عشاني؟ بعدت عنه ببكي:كله منك سرقت قلبي ونمت ابتسم بهدوء وهو ينزل لثامها رفع يده وهو ينزل طرحتها ويخليها على كتفها مسح على شعرها بهدوء:نحفانه..قولي لي وش بك ياقلب ذياب بكت الجازي وهي ترفع يدها وتحوط رقبته وترجع تحضنه ببكي:ذيااب انا تعبت والله اربع شهور انا لحالي ماكان عندي احد ذياب بيطلقوني منك قالو انك اصلا ماتبيني(شهقه)بس انا ماصدقتهم كان يمسح على شعرها وتاركها تبكي وتشكي له حالها في الاربع شهور كيف كانت ماتطلع كثير لان ماكانت تلقى الا ازعاج الناس وكلامهم شكت له كلام جدته وجدتها وهواشهم وموضوع الطلاق شكت له كيف كانت عايشه بدونه وكيف كانت فاقدته شكت له كيف كانت مشتاقه لصوته وكيف كانت تفكر وش بيصير لها لو ماصحى كانت بين كل كلمه والثانيه تشهق ببكي اللين هدت بعدها عنه ورفع يده وهو يمسح دموعها:اولا انا ماقلت لك لاتبكين حلواتي شوفي كيف كذا تعبانين وبعدين(بجديه)ومن قال اني بطلقك انا ابيك وانتي تبيني وتاكدي دام راسي يشم الهوا مابيفرقنا بشر ابتسمت بين دموعها وهي ترجع تحضنه لكن هالمره ببتسامه تحس وكان جبل وانزاح عنها كيف كانت امس فاقده الامل والحين مرتاحه ومتاكده مهما يصير ذياب ماراح يخلي احد يبعدها عنه ابتسم ذياب وبمزح:والله لو الغيبوبه كذا تغير كان طحت فيها من زمان ههههه اجل تحضنيني وماتتركيني وحركات بعدت عنه بحراج لثواني وهي تستوعب وضعهم:احمم حاصل لك اصلا ابتسم وهو يرجع يمسح دموعها ويعدل شعرها:اعترفي وش سويتي معي وانا نايم ناظرت له بصدمه وخدها قلب احمر:وش ماسويت شي ذياب:متاكده؟ الممرضه تقول تجين الصباح وتجين باليل يوم محد موجود (وبخبث)اعترفي قلبت حمره من قوة الاحراج تكلم ذياب بتأكيد:هاه شوفي كيف وجهك قلب احمر اكيد مسويه شي وانا اقول البنت تحضني وحركات ومابها حيا اثاريك اربع شهور مستمت....اخخ يابنتت انا مريض قامت وهي معصبه:تستاهل ياقليل الادب ارجع لبيتنا احسن لي ابتسم ذياب:ههههههههههه روحي وانا بجيك بعد يومين اتفق مع اهلك وبعدها انفرد فيك واعرف وش سويتي الجازي بحراج:وشو والله ماسويت شي بس كنت اجي الصباح عشان ماعندي محاضرات ومحد من اهلك يجي وباليل.. ذياب بخبث:كملي وباليل؟ جازي بقهر:تدري مكتومه اجي اغير جو وارجع ذياب:متاكده؟ الجازي:انت وش بك كذا تحقيق حط ذياب يده على جسمه:اتاكد انك مو متحرشه فيني وش مايحق لي بعد اتاكد طلعت عيونها بصدمه وحراج:لا لا صدق صدقق ماتستحي على وجهكك طلعتت معصبه ساحبه معها عبدالله اللي معصب ويبي يسلم عليه تركته يروح يسلم بعد ماقالت له انها تنتظره بسياره دخلت لسياره وهي تزفر بقهر لثواني حتى هدت همست:صحى يا الجازي ابتسمت بهدوء شعور حلوو لما تحس الدنيا كلها مسكره بوجهك وتحس ان مافي امل انه يتحقق اللي تبيه تحس بظلام حولك لكن فجئه يجي الشخص اللي ينتشلك منه ويطلعك على النور وكانه ماكان في مشكله شخص تسند عليه وانت واثق ان اللي تبيه بيصير.... ________ مر يومين ماراحت فيهم الجازي لذياب لانه اكيد اهله عنده في مجلس بيتهم كان جالس ابو الجازي وابو حسام الجد والعم ابو سطام وقدامهم ذياب اللي تكلم بقهر:اتوقع ذي سوالف حريم وهواش حريم من متى الحريم يمشونه على رايهم اجل انا اطلق حرمتي عشان تهاوشو ولا رمو كم كلمه على بعض؟؟ ابو الجازي لثواني فكر ان كلامه صح قاطعه الجد:والله وش بنقول لناس هاه تطلقون بنتنا وحنى طلقنا بنتكم وبعدين تجي جدتك تهدد تطلق بنتنا الناس وش بتقول هاه ذياب بقهر:والناس وشدخلها؟ انا رجال ابي حرمتيي والناس قولو طاح بغيبوبه وتأجل الزواج اذا خايفين مره على مشاعرهم وطلاق ولدكم لبنتنا والله لنقل انها رد اعتبار لعمته لكن انا وش دخلي فيهمم انا واحد ابي حرمتي ماني بمفرط فيها عشان كلام حريم الا اذا انتو الحريم يمشونكم على رايهم ابو الجازي بقهر:معصيي كلامنا يمشي واذا انت شاريها فا هي لك ابتسم بهدوء"كذا اغلب رجال كلمه توديهم وكلمه تجيبهم عظمهم ومجدهم وحسسهم ان كلمتهم الصح وهم القوامون على النساء ويوافقون على كل ماتطلب" تكلم وهو يمثل الجديه:اجل اسمح لي ياعم انا رجال ابي اشوف حرمتي بكلمها دقايق وبطلع وان شاءالله شهر ياعمم ويتم زواجنا باذن الله قام ابو الجازي وهو يدخله لغرفه جلس لثواني حتى دخلت الجازي ابتسم كانت لابسه بدله ناعمه ورافعه شعرها سحبها وهو يجلسها بجنب همس بستهبال:والله ودي احضنك لكن اخليها ببعد الزواج احسن ماانجلد من ابوك ابتسمت الجازي وبهمس:وش مسوي انت جدي طلع وهو يمدح فيك ورجال ونعم ومغير يسب بالحريم ذياب ببتسامه:ابد مشيتهم على جوهم الجازي:ههههه كاني عارفه وش تقصد ذياب:اقول الجازي:وشو ذياب وهو متراكي ويناظرها بهيام:يزينك من زمان ماشفتك غطت وجها وهي تضحك بحراج:هههه بعد يدها ببتسامه وهو مكمل يناظر فيها: بعدي بشوف ردت تضحك بحراج :ههههه وشوو اما ذياب اللي ولا عليه كان يناظر لها لدرجة المسافه بينهم معدومه وبهمس:الا صدق ها ناجحه ولا لا الجازي بضحك:هههه خلصت سنه ثالثه و دخلت سنه رابعه وانت نايم ذياب بقهر:اي والله تدرين دخلت٣١ تو قبل شهر الجازي ببتسام:ادري ههههه حتى انا قبل كم شهر دخلت٢١ ذياب بحسره:شكلي بعجز قبلك الجازي:ههههههههههههههههههههه لبى بعلي الشايب انا ذياب:ههههههه لا شكلي بطيح دايم بغيبوبه لبى وياء الملكيه الجازي:احمم وشو ترى اربع شهور تغير العالم دخلنا سنه جديده وانت بعدك نايم تبي الناس ماتتغير ذياب بصدمه:اوف اوف اوف ترى اربع شهور شلون لو اربع سنين الجازي:ههههههههههه وييه تصير شايب جد ذياب:هههههههههه متكسر بعد دخل يده بجيبه وطلع الفلوس:يالله نعطيك هدية النجاح الجازي غطت وجها وهي ميته ضحك واحراج:هههههههههههههههههههه لاا ماابيي مسك يدها وهو يحط فيها:هذي هدية نجاحك روحي اشتري لكك لعبه فيها يا البزر الجازي اخذت الفلوس وبضحك:الله واكبر بزر مره وحده ذياب وهو يقوم :ايوا بزر يالله اخليك قبل لا جد يجلدني ابوك ويقول جالس لي ضحك وسوالف مع بنتي قبل الزواج وقفت الجازي معه :طيب انتبه لنفسك ابتسم لها:ابشري مشت معه لعند الباب وقبل يطلع:كلميني الليله الجازي وهي متراكيه على الباب:طيب باي ذياب:ادخلي طيب الجازي:لا لا روح انت اول ذياب: يابنت ادخلي بعدها اروح الجازي:لا انا بشوفك يوم تروح اول بعدين ادخل ذياب:اجل بقعد لين تدخلين الجازي:سبحان الله مثلي ابتسم ذياب:هههه يابنت جد ادخلي الجازي بدلع :لا لا انت اول بعدين انا قاطعهم الشغاله اللي دخلت وقفت بينهم بعصبيه:شنو في انا لا انت انا لا انت كلو روح وخلاصص الجازي فطست ضحك وهي تدخل بعد مادفتها سيتا لداخل ________